Ísleikur Ólafsson (Kornhól)

From Heimaslóð
Jump to: navigation, search

Ísleikur Ólafsson sjávarbóndi fæddist á Voðmúlastöðum í A-Landeyjum 15. júlí 1850 og lést 17. desember 1923 í Utah.
Foreldrar hans voru Ólafur Ísleiksson bóndi, f. 23. janúar 1820, d. 4. febrúar 1884, og kona hans Katrín Jónsdóttir húsfreyja, f. 19. júlí 1823 á Miðeyjarhólmi í A-Landeyjum, d. 3. nóvember 1897 á Kotvelli í Hvolhreppi.

Ísleikur var föðurbróðir Guðmundar Ingvarssonar verslunarmanns og Steins Ingvarssonar á Múla.

Ísleikur var með foreldrum sínum á Voðmúlastöðum í A-Landeyjum 1870, var vinnumaður í Mið-Mörk u. V-Eyjafjöllum 1879-1880 og þar var Elísabet vinnukona um hríð, ól þar Jón. Þau fóru að Núpakoti u. Eyjafjöllum 1880.
Þau Ísleikur og Elísabet fóru í Sólheimasókn í Mýrdal 1881, voru vinnufólk í Mýrdal við fæðingu Karels 1881, hann á Felli, hún á Sólheimum.
Þau fluttust úr Mýrdal að Kornhól 1882 með börnin Jón og Karel.
Jón dó úr barnaveiki 1882, Karel og Kjartan 1886.
Þau bjuggu í Kornhól 1883-1889, en fluttust til Utah 1890 með börnin Sigurjón og Karólínu Ingibjörgu.
Þau bjuggu í fyrstu hjá Eiríki bróður Elísabetar.
Ísleikur vann við Rio Grande Railroad at Colton.
Eftir 4 ára erfiði byggðu þau sér múrsteinshús í Spanish Fork.
Ísleikur lést 1923, en Elísabet 1937.

Kona Ísleiks, (15. janúar 1888), var Elísabet Eiríksdóttir húsfreyja frá Gjábakka, f. 17. júní 1849, d. 27. ágúst 1937.
Börn þeirra hér:
1. Jón Ísleiksson, f. 1880, d. 13. júní 1882 úr barnaveiki.
2. Karel Ísleiksson, (einnig ritað Karl), f. 26. júlí 1882 á Sólheimum í Mýrdal, d. 20. júní 1886 úr barnaveiki.
3. Sigurjón Ísleiksson, f. 18. september 1884, d. 23. júní 1916.
4. Kjartan Ísleiksson, f. 7. júlí 1886, d. 15. júlí 1886.
5. Karólína Ingibjörg Ísleiksdóttir, f. 15. september 1887, d. 16. febrúar 1981.


Heimildir

  • Samantekt: Víglundur Þór Þorsteinsson.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Our Pioneer Heritage Vol. 7. Kate B. Carter. Daughters of Utah Pioneers. Salt Lake City 1964.
  • Prestþjónustubækur.
  • Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.


Þessi grein tilheyrir Æviskrám Eyjafólks eftir Víglund Þór Þorsteinsson.