Ólafur Vilhjálmsson, Múla, fæddist að Botnum í Meðallandi árið 1900.

Ólafur byrjaði sem formaður á Esther árið 1924.

Þann 16. desember 1924 lenti Ólafur í sjávarháska þegar 9 menn fóru frá Eiðinu í Vestmannaeyjum út í Gullfoss á opnum báti. Er þeir höfðu ýtt frá sökk báturinn og 8 drukknuðu en Ólafi var bjargað af Soffí sem lá við Gullfoss. Formaður á Soffí var Andrés Einarsson.

Árið 1926 tekur Ólafur við formennsku á Garðari III og var með hann tvær vertíðir. Eftir að Ólafur hætti formennsku á Garðari fluttist hann til Reykjavíkur og vann sem togarasjómaður í fjöldamörg ár.

Heimildir