Þorsteinn Gíslason (sjómaður)

From Heimaslóð
Jump to: navigation, search

Þorsteinn Gíslason frá Akranesi, járnsmiður, síðar sjómaður, verkamaður fæddist 8. apríl 1914 í Akurprýði þar og lést 24. mars 1975.
Foreldrar hans voru Gísli Einarsson sjómaður í Akurprýði og Hvammi á Akranesi, síðar pípulagningamaður í Reykjavík og Keflavík, f. 24. september 1893, d. 3. apríl 1978, og Halldóra Þorsteinsdóttir húsfreyja, f. 12. febrúar 1896 á Hreðavatni í Norðurárdal, d. 8. maí 1947.

Þau Marta Sonja eignuðust Oddgeir Magnús á Bjarmalandi 1936. Þau bjuggu í Langa-Hvammi við fæðingu Gísla Einarssonar 1938 og í Götu við fæðingu Erlings Þórs 1940. Þau misstu nýfætt barn 1942.
Þau Marta fluttu til Reykjavíkur 1943, settust þar að í Bragga 7 við Sundlaugaveg og bjuggu þar 1943-1948. Þaðan fluttu þau í Kópavog og bjuggu í Keflavík 1956 og síðan í Kotvogi í Höfnum. Þau skildu þar.
Þorsteinn bjó áfram í Kotvogi og lést 1975.

I. Sambýliskona Þorsteins var Marta Sonja Magnúsdóttir frá Bjarmalandi, húsfreyja, verkakona, f. 19. nóvember 1914 í Dvergasteini, d. 13. október 2010 á Hrafnistu í Reykjavík.
Börn þeirra:
1. Oddgeir Magnús Þorsteinsson sjómaður, síðar verktaki í Reykjavík, f. 16. október 1936, d. 29. ágúst 2001. Hann var ókv. og barnlaus.
2. Gísli Einarsson Þorsteinsson bóndi á Vindási í Hvolhreppi 1968-85, múrari í Reykjavík og Kópavogi, f. 20. nóvember 1938. Fyrrum kona hans Ingibjörg Sæmundsdóttir. Sambýliskona Malee Suwannatha.
3. Erling Þór Þorsteinsson múrari, f. 2. nóvember 1940, d. 4. nóvember 2018. Fyrrum kona Jóhanna Þorbjörg Sigurðardóttir. Síðari kona var Ragnheiður K. Tómasdóttir, látin.
4. Stúlka, f. 1942, d. sama ár.
5. Þorsteinn Þorsteinsson vélvirki, verkamaður í Svíþjóð, f. 24. júní 1944, ókv.
6. Halldór Þorsteinsson sjómaður í Höfnum, verkamaður, múrari og verktaki í Reykjavík, rekur fyrirtækið Lóðaþjónustan og vinnur við lóðafrágang, f. 5. mars 1946 í Reykjavík. Fyrrum sambýliskona Sigrún Dúna Karlsdóttir. Kona hans Anna Lillían Björgvinsdóttir.
7. Sonja Þorsteinsdóttir húsfreyja, bankastarfsmaður, verkakona, sjálfstæður atvinnurekandi á Höfn í Hornafirði og í Reykjavík, f. 22. maí 1947. Maki Sigurvin Ármannsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.