Þorsteinn Kr. Þórðarson (kennari)

From Heimaslóð
Jump to: navigation, search
Þorsteinn Kristján Þórðarson.

Þorsteinn Kristján Þórðarson frá Reykjavík, kennari, stýrimaður, skipstjóri fæddist 18. mars 1917 og lést 30. maí 1960.
Foreldrar hans voru Þórður Aðalsteinn Þorsteinsson skipstjóri í Reykjavík, f. 12. júní 1892, d. 19. október 1932, og kona hans Gestheiður Árnadóttir húsfreyja, f. 27. júlí 1887, d. 13. nóvember 1918.

Móðir Þorsteins lést, er hann var á öðru ári sínu.
Hann var með ekklinum föður sínum á Bergstaðastræti 31 1920.
Þorsteinn var gagnfræðingur á Laugarvatni, tók hið minna fiskimannapróf í Eyjum 1943 og hið meira fiskimannapróf í Stýrimannaskólanum í Reykjavík 1945 og farmannapróf 1946. Hann lauk prófi í siglingafræði við Köbenhavns Navigationsskole 1947.
Þorsteinn var ráðinn kennari við Stýrimannaskólann í Reykjavík 1948 og starfaði þar síðan. Í frítímum var hann stýrimaður og skipstjóri.
Þau Guðfinna giftu sig 1941, eignuðust fjögur börn. Þau bjuggu í fyrstu í Valhöll, en fluttu til Reykjavíkur eftir námsdvöl Þorsteins í Danmörku 1947 og bjuggu þar síðan.
Þorsteinn lést 1960.
Guðfinna Sigurlilja giftist síðar Karli Jónssyni frá Háagarði.

I. Kona Þorsteins Kristjáns, (31. maí 1941), var Guðfinna Sigurlilja Eyvindsdóttir húsfreyja, f. 3. desember 1921 á Strandbergi, d. 21. maí 2013 á Sjúkrahúsinu.
Börn þeirra:
1. Lilja Þorsteinsdóttir húsfreyja í Eyjum, f. 7. júlí 1940 í Valhöll. Maður hennar Gylfi Sigurjónsson.
2. Aðalheiður Laufey Þorsteinsdóttir húsfreyja í Reykjavík, bankastarfsmaður, f. 6. desember 1941 í Valhöll. Maður hennar Gunnar Björnsson.
3. Elísa Þorsteinsdóttir húsfreyja í Reykjavík, flugfreyja, f. 28. ágúst 1946 í Valhöll, d. 1. janúar 2020. Fyrsti maður hennar var Jóhann Vilbergsson, látinn. Fyrrum menn hennar Jón Hjartarson og Grétar Þorsteinsson.
4. Eygló Þorsteinsdóttir húsfreyja í Keflavík, viðskiptafræðingur, kaupmaður, umboðsmaður, f. 30. mars 1951 í Reykjavík, d. 25. desember 2006. Maður hennar Geir Reynisson.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Lilja.
  • Manntöl.
  • Prestþjónustubækur.
  • Skipstjóra- og stýrimannatal. Guðmundur Jakobsson. Ægisútgáfan 1979.


Þessi grein tilheyrir Æviskrám Eyjafólks eftir Víglund Þór Þorsteinsson.