Óskar byggingarfulltrúi Kárason hefur að undanförnu unnið stórvægilegt menningarstarf fyrir Byggðarsafn Vestmannaeyja. Hann hefur teiknað gömul hús, sem einu sinni voru kunn hér í Eyjum, og stuðzt við lýsingar af þeim, t.d. í Sögu Vestmannaeyja eftir S.M.J. Hér kemur mynd af einu þessara húsa, þ.e. gamla bæjarhúsinu í Gerði. Enn sjást leifar þess. Það var byggt 1901 og þar bjó Jón bóndi og formaður Jónsson um árabil. — Stefán V. Þorsteinsson, sonur minn, hefnr dregið upp frummynd byggingarfulltrúans með tússi, svo að hún komi skýrar fram í bókinni. Kann ég þeim báðum alúðarþakkir fyrir starfið. Sjá mynd af bænum í Bliki 1959, bls. 110.