Efnisyfirlit 1974

Frá þeirri stundu, er við urðum að flýja heimkynni okkar nóttina eftirminnilegu, hefi ég dáð fórnarlund útvegsmanna okkar, sem létu báta sína stunda látlausa flutninga á búslóðum Eyjafólks vikunum saman á kostnað þeirra sjálfra.
Bliki hefur borizt skýrsla frá fulltrúa útvegsmanna í Vestmannaeyjum, Ingólfi Arnarsyni, um ferðir bátanna, hversu margar þær voru hjá hverjum einum. Þá greinir skýrsla þessi stærð bátanna og skipshafnar. Útaf fyrir sig er markverður fróðleikur fólginn að vita stærð Vestmannaeyjabátanna á því herrans ári 1973, nöfn þeirra og einkennistölu. Fulltrúi Útvegsbændafélags Vestmannaeyja, eins og samtök þeirra heita, lætur þessa skýringu fylgja skýrslunni yfir bátaflotann:

1. Ferðafjöldinn, sem hér er talinn, er einungis í sambandi við búslóðaflutninga og er samkvæmt upplýsingum Tilkynningarskyldu fiskiskipa. Segja má að bæta megi einni ferð við hvern bát, þ.e.a.s. fyrstu ferð vegna mannflutninga.
2. Mannfjöldi er í samræmi við þann fjölda sjómanna, sem vitað var að ráðnir voru til starfa á vertíðinni.
3. Bátar sem taldir voru bilaðir voru flestir dregnir til hafna við Faxaflóa. Nokkrir þeirra komust með eigin vélarafli, en gátu ekki staðið í flutningum.