Georg Þorkelsson (Sandprýði)

From Heimaslóð
Jump to: navigation, search

Georg Þorkelsson frá Sandprýði, útgerðarmaður, skipstjóri, vélstjóri fæddist 4. ágúst 1906 á Gjábakka og lést 28. desember 1983.
Foreldrar hans voru Þorkell Þórðarson frá Ormskoti í Fljótshlíð, sjómaður, verkamaður, f. 7. desember 1872, d. 14. júlí 1945, og kona hans Guðbjörg Jónsdóttir frá Tungu í Fljótshlíð, húsfreyja, f. 3. júlí 1884, d. 10. desember 1951. Börn Guðbjargar og Þorkels:
1. Georg Þorkelsson skipstjóri, f. 4. ágúst 1906 á Gjábakka, d. 28. desember 1983.
2. Guðjón Þorkelsson skipstjóri, f. 12. september 1907 í Sandprýði, d. 8. desember 1982.
3. Þuríður Þorkelsdóttir húsfreyja, f. 14. nóvember 1910 í Sandprýði, d. 3. ágúst 1981.
4. Helga Þorkelsdóttir húsfreyja, f. 11. nóvember 1913 í Sandprýði, síðast í Grindavík, d. 22. september 1980.
5. Húnbogi Þorkelsson vévirkjameistari, f. 7. janúar 1916 í Sandprýði, d. 9. apríl 2002.
6. Bernódus Þorkelsson skipstjóri, f. 3. júní 1920 í Sandprýði, d. 11. febrúar 1957.
7. Aðalbjörg Þorkelsdóttir húsfreyja, starfsmaður Íþróttamiðstöðvarinnar, f. 5. mars 1924 í Sandprýði, d. 16. september 2010.
Fósturbarn Guðbjargar og Þorkels var
8. Helga Árnadóttir Bachmann húsfreyja, f. 26. júlí 1931, d. 16. nóvember 1999, en hún var dóttir Þuríðar dóttur þeirra.

Georg var með foreldrum sínum í æsku. Hann fór ungur til sjós, varð vélstjóri, loftskeytamaður, útgerðarmaður og skipstjóri.
Þau María giftu sig 1931, fluttust snemma til Ólafsfjarðar, eignuðust eitt kjörbarn, og Georg varð stjúpfaðir Sverris, barns Maríu, meðan hann lifði, en hann lést 1932.
Þau María bjuggu á Ólafsfirði, þar sem Georg gerði út eigin bát, fluttust til Reykjavíkur um 1950, keyptu og ráku þvottahús í mörg ár, en þá lá leiðin til Grindavíkur, þar sem Georg var húsvörður við frystihúsið og síðar húsvörður í íbúðablokk í Reykjavík. Að síðust var hann byggingaverkamaður þar.
Þau María fluttust til Eyja á efri árum og dvöldu í Hraunbúðum, en að síðustu dvöldu þau á Hrafnistu í Reykjavík.
Georg lést 1983 og María 1996.

I. Kona Georgs, (22. maí 1931), var María Jónsdóttir frá Hóli í Fjörðum, húsfreyja, þá ekkja, f. 7. október 1904 á Brekku í Hvalvatnsfirði, d. 12. mars 1996.
Barn þeirra, kjörbarn:
1. Sverrir Ólafur Georgsson læknir, sérfræðingur í þvagfæraskurðlækningum í Bandaríkjunum, f. 20. janúar 1934 á Ólafsfirði. Sverrir er þríkvæntur: I. kona var Sigurlína Helgadóttir. II. kona: Anna Þóra Guðmundsdóttir. III. kona hans: Unnur Erla Atladóttir.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Læknar á Íslandi. Gunnlaugur Haraldsson. Þjóðsaga 2000.
  • Morgunblaðið 1983, 1996. Minningargreinar.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.