Guðmundur Magnússon (Goðalandi)

From Heimaslóð
Jump to: navigation, search
Guðmundur Magnússon


Guðmundur Magnússon fæddist 5. september 1877 í Landeyjum og lést 21. september 1959, 82 ára að aldri. Hann var sonur Magnúsar Guðmundssonar (1852 - 1892), bónda í Hrauk í Vestur-Landeyjum. Bróðir hans var Páll Guðmundsson og báðir voru synir Guðmundar Pálssonar, bónda og smiðs á Strönd og Elínu Magnúsdóttur. Móðir Guðmundar var Bjarghildur Guðnadóttir (1855 - 1941). Guðmundur missti föður sinn er hann var á fimmtánda ári og stóð þá Bjarghildur uppi án fyrirvinnu með þrjú börn, öll ung að árum. Guðmundur elstur, fimmtán ára gamall, Guðbjörg (Litlalandi) systir hans ellefu ára og Guðni tveggja ára. Í þá daga var ekki leikur fyrir fátæka móður að komast af, enda varð hún að láta tvö eldri börnin frá sér tveimur árum síðar.

Guðmundur tók sveinspróf í trésmíði á Eyrarbakka árið 1899 og stundaði um hríð trésmíðanám í Kaupmannahöfn þar sem hann kynntist verkalýðshreyfingunni og jafnaðarstefnunni, sem hann aðhylltist ávallt síðan. Hann stundaði líka siglingar á gufuskipinu Vestu á meðan hann var þar. Árið 1902 kemur Guðmundur heim til Íslands og sest að í Reykjavík og reisti þar hús fyrir fjölskyldu sína á Grettisgötu 55. Hann var til dæmis einn af smiðum Bjarnaborgar árið 1902 (Vitastíg 83), sem var fyrsta eiginlega fjölbýlishúsið á landinu. Guðmundur flutti með konu sinni og þremur börnum ásamt Bjarghildi móður sinni til Vestmannaeyja árið 1908 og réðist þar sem smiður og byggingarmeistari við Edinborgarverzlun G.J.J. Þau settust fyrst að í Garðhúsum en keyptu síðar Dvergastein og bjuggu þau þar í þrjú ár. Árið 1908 sá hann til dæmis um byggingu Skjaldbreiðar og sumarið 1910 hóf G.J.J. uppbyggingu nýrra bryggju og var Guðmundur aðalsmiður í því verki. Hann var einnig verkstjóri við byggingu hafnargarðana 1914 í Vestmannaeyjum og var því verki lokið 1922.

Guðmundur Magnússon giftist Helgu Jónsdóttur árið 1902 og átti með henni fjögur börn. Þau eru:
1. Magnús Karl Guðmundsson f. 04.05.1903, d. 10.05.1993.
2. Jón Guðmundsson f. 15.07.1905, d. 04.03.1972.
3. Guðmunda Margrét Guðmundsdóttir f. 19.03.1908, d. 04.09.1996.
4. Dagmar Aðalbjörg Guðmundsdóttir, f. 21.06.1914, d. 30.01.1999.

Árið 1920 (hugsanlega fyrir það ártal) settist fjölskyldan að í Skjaldbreið og er Bjarghildur farin aftur til meginlandsins. Hann reisti svo Goðaland sem stendur við Flatir 16 árið 1922 og flutti þar með fjölskyldu sinni þar sem þau bjuggu ávallt síðan og rak hann þar trésmíðaverkstæði til dauðadags.

Guðmundur var kosinn í bæjarstjórn 1934 - 1938 fyrir Alþýðuflokkinn.

Myndir


Heimildir

  • Blik 1962
  • Íslendingabók.is.
  • Manntöl.
  • Útgerðarsaga, annar áratugurinn.
  • Munnlegar heimildir frá barnabörnum.
  • Bæjarskrá Reykjavíkur 1905.