Hólmfríður Benediktsdóttir

From Heimaslóð
Jump to: navigation, search

Hólmfríður Benediktsdóttir húsfreyja á Gjábakka fæddist 1746 og lést 24. júlí 1784.
Foreldrar hennar voru sr. Benedikt Jónsson prestur á Ofanleiti, f. 1704, d. 1781, og síðari kona hans Þuríður Magnúsdóttir húsfreyja, f. 1723, d. 10. febrúar 1804.

Systkini Hólmfríðar í Eyjum voru:
1. Theodór Benediktsson bóndi, beykir á Gjábakka, f. 1752 og lést 9. mars 1790.
Hálfsystkini hennar í Eyjum voru
2. Sr. Vigfús Benediktsson prestur á Kálfafellsstað í Suðursveit. Hann var fyrrikonubarn sr. Benedikts.
3. Þormóður Benediktsson fyrrikonubarn sr. Benedikts. Hann fór utan.
4. Sigríðar Einarsdóttir húsfreyja, f. 1743, d. 7. október 1785. Hún var fyrrimannsbarn Þuríðar húsfreyju.

Hólmfríður var húsfreyja á Gjábakka, varð ekkja í desember 1781. Hún fluttist að Voðmúlastöðum í A-Landeyjum og bjó ekkja þar 1782-dd. 1784.

Maður Hólmfríðar, (um 1771 eða 2), var Jón Eyjólfsson, f. 1750, d. 1781. Hann var verslunarstjóri hjá Hans Jensen Klog kaupmanni.
Börn þeirra:
1. Þuríður Jónsdóttir húsfreyja á Voðmúlastöðum í A-Landeyjum, f. 4. janúar 1772, d. 11. maí 1833. Maður hennar var Páll Guðmundsson bóndi, verslunarfulltrúi í Bakkahjáleigu.
2. Anna María Jónsdóttir húsfreyja í Fljótsdal í Fljótshlíð, f. 1776, d. 11. september 1836. Maður hennar var Erlingur Guðmundsson bóndi.
3. Páll Jónsson („skáldi”), prestur að Kirkjubæ, f. 9. júlí 1780 á Gjábakka, drukknaði í Eystri-Rangá 12. eða 15. september 1846. Kona hans var Guðrún Jónsdóttir ljósmóðir.
4. Jón Jónsson, f. 1781. Hann fluttist utan.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Prestþjónustubækur.
  • Skrudda II ─ Páll skáldi – Kveðskapur, sagnir og munnmæli. Ragnar Ásgeirsson Búnaðarfélag Íslands 1958.


Þessi grein tilheyrir Æviskrám Eyjafólks eftir Víglund Þór Þorsteinsson.