Kristinn Jónsson klæðskerameistari

From Heimaslóð
Jump to: navigation, search

Jón Kristinn Jónsson klæðskerameistari fæddist 7. júní 1886 og lést 2. apríl 1964.
Foreldrar hans voru Jón Ólafsson húsmaður í Berjanesi u. Eyjafjöllum, síðar í Eyjum, f. 1841, d. 29. október í Vesturheimi, og kona hans Geirdís Ólafsdóttir húsfreyja, síðar í Eyjum, f. 17. maí 1843, d. 30. maí 1917 í Vesturheimi.

Meðal systkina Kristins voru:
1. Kristín Jónsdóttir húsfreyja á Gjábakka, f. 2. júní 1864, fór til Vesturheims 1902.
2. Gísli Jónsson bóndi í Nýjabæ, f. 8. október 1873. Hann fór til Vesturheims 1902.
3. Ólína Jónsdóttir, f. 10. febrúar 1877, d. 2. febrúar 1956, fór til Vesturheims frá Gjábakka 1902.
4. Ólöf Jónsdóttir vinnukona í Vallnatúni u. Eyjafjöllum, f. 1. maí 1879, d. 4. mars 1963.
5. Skúli Jónsson vinnumaður á Gjábakka, f. 29. nóvember 1881. Hann fór til Vesturheims frá Gjábakka 1902.

Kristinn var sendur í fóstur að Neðri-Dal u. V-Eyjafjöllum eins árs, var þar 4 ára niðursetningur 1890, vikadrengur í Dalsseli þar 1901.
Hann fluttist til Eyja 1903, bjó í Görðum 1910 og var þá iðnnemi á saumastofu, lærlingur hjá Steini Sigurðssyni klæðskera á Ingólfshvoli 1911-1913.
Kristinn var klæðskerameistari í Reykjavík, rak saumastofu á Laugavegi 10, bjó síðast á Grettisgötu 39a.
Hann lést 1964.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.