Laufey Hallgrímsdóttir (Þingeyri)

From Heimaslóð
Jump to: navigation, search
Jóna Laufey Hallgrímsdóttir.

Jóna Laufey Hallgrímsdóttir (Eyja) frá Þingeyri, húsfreyja, verslunarmaður í Reykjavík fæddist 6. mars 1920 í Sætúni og lést 24. febrúar 2011 á Dvalar- og hjúkrunarheimilinu Grund.
Foreldrar hennar voru Hallgrímur Guðjónsson frá Sandfelli, skipstjóri, f. 8. maí 1894 á Moldnúpi u. Eyjafjöllum, drukknaði 24. ágúst 1925, og kona hans Ástríður Jónasdóttir frá Hóli á Akranesi, húsfreyja, f. 15. febrúar 1897 á Hóli, d. 3. júní 1923.
Stjúpmóðir Jónu Laufeyjar og fóstra var Vilhelmína Jónasdóttir húsfreyja, móðursystir hennar og síðari kona Hallgríms.

Börn Ástríðar og Hallgríms voru:
1. Jóna Laufey Hallgrímsdóttir húsfreyja, verslunarmaður í Reykjavík, f. 6. mars 1920 í Sætúni, d. 24. febrúar 2011.
2. Júlíus Vilhelm Hallgrímsson sjómaður, netagerðarmaður í Eyjum, f. 20. ágúst 1921 í Sætúni, d. 20. mars 2011.
Barn Hallgríms og Vilhelmínu var
3. Ástríður Halldóra Hallgrímsdóttir húsfreyja í Reykjavík, f. 25. september 1924 á Grímsstöðum, d. 21. september 2010.
Barn Vilhelmínu og Einars Reynis var
4. Ragnheiður Einarsdóttir Reynis húsfreyja, hjúkrunarfræðingur í Reykjavík, f. 30. júní 1929 á Þingeyri, d. 16. júlí 2002.

Laufey var með foreldrum sínum í Sætúni, stutta stund á Grímsstöðum. Faðir hennar og Vilhelmína fluttust að Þingeyri með börnin og faðir þeirra drukknaði 1925.
Vilhelmína gekk þeim í móðurstað og auk þess var Marsibil amma þeirra á heimilinu, en lést 1935.
Laufey var starfsstúlka á Sjúkrahúsinu 1940, fluttist til Reykjavíkur og vann þar ýmis verslunar- og þjónustustörf, lengst af í vefnaðarvöruversluninni Vík á Laugavegi og síðar hjá Tryggingastofnun ríkisins.
Þau Guðmundur giftu sig 1951, eignuðust þrjú börn. Þau bjuggu fyrstu árin á Bergþórugötu 16a, en byggðu sér síðan hús í Heiðargerði 27. Þar bjuggu þau þangað til þau fluttu á Dvalar- og hjúkrunarheimilið Grund við Hringbraut.
Guðmundur lést 2010 og Jóna Laufey 2011.

I. Barnsfaðir Jónu Laufeyjar var Þórhallur Friðriksson frá Pétursey í Mýrdal, sjómaður, síðar ökukennari á Selfossi, f. 3. nóvember 1913 á Rauðhálsi í Mýrdal, d. 29. janúar 1999.
Barn þeirra:
1. Harpa Þorvaldsdóttir húsfreyja í Reykjanesbæ, f. 8. febrúar 1938. Maður hennar er Birgir Guðnason.
Harpa var ættleidd af Þórhöllu Friðriksdóttur föðursystur sinni og Þorvaldi Guðjónssyni afabróður sínum; með konungsleyfi dags. 27. júní 1938.

II. Maður Jónu Laufeyjar, (31. desember 1951), var Guðmundur Jónatan Kristjánsson frá Merkisteini á Eyrarbakka, málari, f. 2. ágúst 1929, d. 17. desember 2010. Foreldrar hans voru Kristján Guðmundsson verkamaður, verkalýðsforingi, f. 31. maí 1885 á Iðu í Biskupstungum, d. 26. október 1961, og kona hans Margrét Þóra Þórðardóttir húsfreyja, f. 15. desember 1887 í Hólshúsum í Gaulverjabæjarhreppi, d. 10. apríl 1951.
Börn þeirra:
1. Margrét Þóra Guðmundsdóttir húsfreyja, f. 25. febrúar 1952. Maður hennar er Ólafur Þór Sigurvinsson.
2. Kristján Guðmundsson kennari, f. 6. ágúst 1953. Kona hans er Margrét Jóhannsdóttir.
3. Ásta Vilhelmína Guðmundsdóttir húsfreyja, f. 6. júní 1963. Maður hennar er Ásgeir Sigurvinsson.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Morgunblaðið 2. mars 2011. Minning.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.