Oddlaug Valdimarsdóttir

From Heimaslóð
Jump to: navigation, search
Oddlaug Valdimarsdóttir.

Oddlaug Valdimarsdóttir frá Vallanesi, húsfreyja í Kópavogi, sjúkrahússtarfsmaður fæddist 5. maí 1917 í Vallanesi og lést 6. janúar 2003 í Sunnuhlíð í Kópavogi.
Foreldrar hennar voru Valdimar Árnason frá Borgum í Norðfirði, sjómaður, skipstjóri, vélstjóri, verkamaður, f. 13. júlí 1885, d. 4. ágúst 1965, og kona hans Halldóra Ólafsdóttir húsfreyja frá Flatey á Breiðafirði, f. 17. september 1888, síðast í Kópavogi, d. 26. desember 1983.

I. Barn Valdimars og Axelínu Steinunnar Eyjólfsdóttur og hálfbróðir Oddlaugar var
1. Sölvi Valdimarsson vélstjóri í Kópavogi, f. 5. nóvember 1906 á Nesi í Norðfirði, d. 30. nóvember 1990. Kona Sölva var Pálína Sigrún Jóhannsdóttir frá Grafarósi á Höfðaströnd.

II. Barn Valdimars og fyrri konu hans Jónínu Bjarnadóttur frá Gvendarhúsi og hálfbróðir Oddlaugar var
2. Guðjón Kristinn Óskar Valdimarsson vélstjóri, f. 30. október 1909, d. 5. apríl 1946.

III. Börn Valdimars og Halldóru voru:
3. Jón Bjarni Valdimarsson vélstjóri, f. 25. september 1915 á Norðfirði, d. 7. janúar 1950.
4. Oddlaug Valdimarsdóttir húsfreyja í Kópavogi, f. 5. maí 1917 í Vallanesi, d. 6. janúar 2003.
5. Arnrós Bertha Valdimarsdóttir húsfreyja, síðast í Reykjavík, f. 25. ágúst 1921, d. 7. júlí 1972.
Fósturdóttir Valdimars og Halldóru var
6. Svala Guðmunda Sölvadóttir húsfreyja, f. 4. apríl 1933 á Bakka í Siglufirði, d. 23. október 2008. Hún var sonarbarn Valdimars og var komin til þeirra 1940.

Oddlaug var með foreldrum sínum í æsku.
Hún fluttist til Reykjavíkur 1933.
Þau Ólafur giftu sig 1947 og fluttust í Kópavog, byggðu húsið að Vallargerði 36, eignuðust þrjú börn.
Oddlaug vann utan heimilis, aðallega við aðhlynningu sjúkra á sjúkrahúsum og á heimilum, en lengst vann hún á slysadeild Borgarspítalans.
Ólafur lést 1964 og Oddlaug 2003.

I. Maður Oddlaugar, (15. nóvember 1947), var Ólafur Jóhannsson frá Bakka í Bjarnarfirði, sjómaður, bóksali, síðar bifreiðastjóri, f. 15. október 1908 á Halldórsstöðum í Árnessókn, Strand., d. 10. október 1964. Foreldrar hans voru Jóhann Karl Hjálmarsson vinnumaður, póstmaður, f. 27. júlí 1887, d. 6. september 1949, og kona hans Ragnheiður Benjamínsdóttir húsfreyja, f. 4. mars 1882, d. 18. mars 1971.
Börn þeirra:
1. Halldóra Ólafsdóttir húsfreyja, f. 28. apríl 1948. Maður hennar, (skildu), var Eyjólfur Þór Georgsson.
2. Alda Jóna Ósk Ólafsdóttir húsfreyja, f. 29. ágúst 1952. Maður hennar, (skildu), var John Harris Crawford.
3. Ragnheiður Ólafsdóttir húsfreyja, f. 15. febrúar 1955. Maður hennar, (skildu), var Árni Friðjón Vikarsson.

II. Sambýlismaður Oddlaugar var
Aðalsteinn Þorbjörn Þórðarson sjómaður, f. 13. desember 1920 á Fáskrúðsfirði, d. 11. mars 2010. Foreldrar hans voru Þórður Vilhjálmsson, f. 16. mars 1882, d. 1. september 1944 og Þorbjörg Þórarinsdóttir, f. 17. október 1892, d. 1. apríl 1921.
Fósturforeldrar Aðalsteins voru Sighvatur Bessason, f. 5. apríl 1893, d. 26. október 1966 og kona hans Þórstína Þórunn Stefánsdóttir húsfreyja, f. 16. september 1896, d. 20. september 1931.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Morgunblaðið 15. janúar 2003 og 19. mars 2010. Minningargeinar.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.