Oddur Árnason (Oddsstöðum)

From Heimaslóð
Jump to: navigation, search

Oddur Árnason útvegsbóndi frá Oddsstöðum fæddist 30. júní 1865 í Öræfum og lést 3. maí 1896.
Foreldrar hans voru Árni Þórarinsson, síðar bóndi á Kirkjubæ og Oddsstöðum, f. 14. ágúst 1825, d. 17. apríl 1917, og kona hans Steinunn Oddsdóttir húsfreyja, f. 22. janúar 1824, d. 12. febrúar 1906.

Systkini Odds í Eyjum voru:
1. Anna Sigríður Árnadóttir Johnsen húsfreyja í Frydendal, f. 4. júní 1855, d. 30. ágúst 1930.
2. Sveinn Árnason Skaftfell, f. 6. október 1859. Hann fluttist til Vesturheims 1900.
3. María Árnadóttir, f. 8. maí 1861, d. 24. janúar 1878.
4. Þorgerður Árnadóttir, síðar í Vesturheimi, - tvíburi við Odd, f. 30. júní 1865.
Hálfbróðir Odds, (sammæddur), var
5. Stefán Jóhannes Þorláksson, f. 30. október 1844.

Oddur fluttist frá Hofi í Öræfum til Eyja með foreldrum sínum 1870, var með þeim á Kirkjubæ á því ári, 5 ára, og á Oddsstöðum 1880.
Hann var kvæntur þar 1890 og bjó með Þuríði í heimili hjá foreldrum sínum. Þar var einnig Árni sonur Odds, en hann var fóstraður hjá föðurforeldrum sínum þar.
Oddur stundaði sjávarútveg, en lést 1896, 31 árs að aldri.

I. Barnsmóðir Odds var Jóhanna Lárusdóttir, f. 23. september 1868, d. 8. desember 1953.
Barn þeirra var
1. Árni Oddsson umboðsmaður á Burstafelli, f. 6. maí 1888, d. 16. júní 1938.

II. Kona Odds, (17. október 1890), var Þuríður Hannesdóttir húsfreyja, f. 10. júní 1867, d. 4. apríl 1953. Oddur var fyrri maður hennar.
Börn þeirra voru:
2. Steinunn Oddsdóttir, f. 20. júlí 1891, d. 14. apríl 1897 í Frydendal.
3. Ásdís Oddsdóttir, f. 19. febrúar 1893, var 8 ára tökubarn hjá Guðrúnu móðursystur sinni í Skógum í Mjóafirði eystri 1901, d. 10. ágúst 1907.
4. Jóhanna Þuríður Oddsdóttir, f. 21. júlí 1895, d. 2. maí 1972. Hún var alin upp hjá Guðlaugi og Margréti í Gerði (1901), fluttist til Gunnólfsvíkur á Langanesi 1908 og var þar með móður sinni og stjúpföður 1910, bjó síðar í Reykjavík.
5. Oddrós Anna Sigríður Oddsdóttir, f. 25. október 1896 að föður sínum látnum. Hún var fóstruð hjá Guðmundi Þórarinssyni og Guðrúnu Erlendsdóttur á Vesturhúsum (1901 og 1910), bjó síðar í Danmörku, d. 1980.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.