Páll Eydal Jónsson

From Heimaslóð
Jump to: navigation, search
Páll Eydal Jónsson.

Páll Eydal Jónsson vélstjóri fæddist 8. desember 1919 og lést 27. október 1996. Kona hans var Ragnheiður Valdórsdóttir. Þau áttu heimili að Boðaslóð 4 og síðast að Áshamri 59.

Hann var ísláttarmaður, slippstjóri og vélstjóri.

Frekari umfjöllun

Páll Eydal Jónsson frá Garðstöðum vélstjóri, slippstjóri, ísláttarmaður fæddist þar 6. desember 1919 og lést 27. október 1996.
Foreldrar hans voru Jón Pálsson útvegsbóndi, ísláttarmaður, f. 24. apríl 1874 í Berjanesi u. Eyjafjöllum, d. 10. janúar 1954, og kona hans Guðrún Eyjólfsdóttir húsfreyja, f. 9. október 1887 í Keflavík, d. 9. júlí 1923.
Stjúpmóðir Páls Eydals var Margrét Sigurþórsdóttir, f. 2. janúar 1892 í Holtahreppi, Rang., d. 16. júlí 1962.

Börn Guðrúnar og Jóns:
1. Halldór Jónsson sjómaður, vélstjóri, f. 28. september 1908 á Löndum, d. 4. júlí 1976.
2. Ólafur Sigurður Jónsson bakarameistari í Reykjavík, f. 25. febrúar 1912 á Garðstöðum, d. 16. apríl 1988.
3. Björgvin Þorsteinn Jónsson sjómaður, f. 17. mars 1914 á Garðstöðum, d. 16. júlí 1989.
4. Lilja Jónsdóttir húsfreyja í Keflavík, f. 14. apríl 1916 á Garðstöðum, d. 22. október 1999.
5. Ágústa Helga Jónsdóttir húsfreyja í Keflavík, f. 20. ágúst 1917 á Garðstöðum, d. 29. febrúar 2008.
6. Páll Eydal Jónsson slippstjóri, f. 6. desember 1919 á Garðstöðum, d. 27. október 1996.
7. Eyjólfur Jónsson sjómaður, vélstjóri, f. 26. mars 1922, d. 6. október 1959.
Börn Margrétar stjúpmóður Páls Eydals:
8. Sigurþór Hersir Guðmundsson sjómaður, bryti, síðast í Reykjavík, f. 28. júlí 1914, d. 5. júní 1988.
9. Kristján Thorberg Tómasson sjómaður, matreiðslumaður, f. 10. apríl 1916 á Seyðisfirði, d. 10. apríl 2001.
Fósturbarn Margrétar og Jóns Pálssonar:
10. Sigurður Grétar Karlsson frændi Margrétar, f. 5. ágúst 1932, d. 1. maí 1951.

Guðrún móðir Páls lést, er hann var á fjórða árinu.
Hann var með föður sínum og Margréti stjúpu sinni í æsku.
Hann hóf snemma sjómennsku, en vann einnig með föður sínum í slippnum. Hann hætti sjómennsku 1957 og vann hjá Skipasmíðastöð Vestmannaeyja, síðar Skipaviðgerðum. Hann var slippstjóri og ísláttarmaður til starfsloka 1993.
Páll lék knattspyrnu á yngri árum, var gerður að heiðursfélaga Þórs 1988.
Þau Ragnheiður giftu sig 1941, eignuðust þrjú börn. Þau bjuggu á Hofi 1945 og 1949, síðar á Boðaslóð 14 og síðast á Áshamri 69.
Páll Eydal lést 1996 og Ragnheiður 2001.

I. Kona Páls Eydals, (18. nóvember 1941 á Eskifirði), var Ragnheiður Valdórsdóttir frá Eskifirði, húsfreyja, f. 19. desember 1918, d. 8. nóvember 2001.
Börn þeirra:
1. Borgþór Eydal Pálsson vélstjóri, verkstjóri, f. 27. september 1941 á Þrándarstöðum í Eiðahreppi, N-Múlas. Kona hans er Guðbjörg Októvía Andersen.
2. Guðrún Pálsdóttir húsfreyja á Vopnafirði, fiskvinnslukona, f. 15. mars 1949 á Hofi. Maður hennar er Reynir Árnason.
3. Bjarney Pálsdóttir húsfreyja, sjúkraliði, f. 5. september 1961. Maður hennar er Ívar Gunnarsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.




Myndir