Sigríður Jónsdóttir (Háagarði)

From Heimaslóð
Jump to: navigation, search

Sigríður Jónsdóttir frá Eystra-Hrauni í Landbroti, V-Skaft., húsfreyja, síðar í dvöl í Eyjum fæddist 24. júní 1836 í Eystra-Hrauni og lést 4. ágúst 1929 í Dölum.
Foreldrar hennar voru Jón Arason frá Svalbarðssókn við Þistilfjörð, bóndi í Eystra-Hrauni, f. 1764, d. 5. október 1846 í Ytri-Tungu í Landbroti, og síðari kona hans Ingveldur Gísladóttir frá Hörgsdal á Síðu, V-Skaft., húsfreyja, f. 3. júlí 1791.

Sigríður var með foreldrum sínum í Eystra-Hrauni og Ytra-Hrauni, en 1844 með móður sinni í Holti og í Eystri-Ásum, síðan vinnukona uns hún varð bústýra á Teigingalæk á Brunasandi og síðan húsfreyja þar 1860-1864, í Eystri-Dalbæ 1864-1865, í Nýjabæ í Meðallandi 1865-1874, í Klauf 1874-1882, í Efri-Ey (á Hóli) 1882-1883, í Klauf 1883-1884, í Efri-Ey 1884-1887, á Grímsstöðum 1887-1899, í Skálmabæjarhraunum 1899-1904, á Snæbýli 1904-1906.
Hún var hjá Jóni syni sínum í Holti í Álftaveri 1906-1909, húskona í Reykjavík 1909-1916, hjá syni sínum í Vík í Mýrdal 1916-1919.
Hún fluttist með Jóni syni sínum til Eyja 1919, að Háagarði og síðan að Dölum og lést þar 1929.
Þau Sverrir giftu sig 1861, eignuðust ellefu börn, en misstu tvö þeirra nýfædd og þrjú í æsku.

I. Maður Sigríðar, (28. júlí 1861), var Sverrir Magnússon bóndi víða í V-Skaft., f. 7. febrúar 1823 í Skurðbæ í Meðallandi, d. 17. september 1908 í Skálmarbæ í Álftaveri. Foreldrar hans voru Magnús Jónsson bóndi víða í V-Skaft., en lengst á Kársstöðum í Landbroti, f. 1770, d. 23. júlí 1845 í Sandaseli, og kona hans, (1802), Rannveig Sigurðardóttir frá Skaftárdal í Skaftártungu, húsfreyja, f. þar 1780, d. 31. ágúst 1865 á Sléttabóli á Brunasandi.
Barn þeirra í Eyjum:
1. Jón Sverrisson bóndi, oddviti, yfirfiskimatsmaður, f. 23. janúar 1871 í Nýjabæ í Meðallandi, d. 5. mars 1968 í Reykjavík.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.