Sigurður Jónsson (Bergstöðum)

From Heimaslóð
Jump to: navigation, search

Sigurður Jónsson frá Vanangri, skósmiður fæddist 20. maí 1888 í Sigluvíkursókn og lést 16. nóvember 1916.
Foreldrar hans voru Jón Erlendsson vinnumaður, síðar trésmiður á Seyðisfirði, f. 8. október 1864, d. 28. janúar 1941 og barnsmóðir hans Margrét Sigurðardóttir vinnukona á Hemlu í V-Landeyjum, f. 9. september 1860, d. 21. desember 1952.

Hálfsystkini Sigurðar samfeðra voru:
1. Erlendur Jónsson frá Vanangri, síðar skósmiður á Ísafirði f. 1. apríl 1894, d. 7. september 1958.
Börn föður Sigurðar í hjónabandi hans á Seyðisfirði með Ragnhildi Marteinsdóttur húsfreyju, f. 20. apríl 1872, d. 20. júlí 1909.
2. Ragnheiður Jónsdóttir húsfreyja á Seyðisfirði, f. 22. ágúst 1897, d. 6. júlí 1981.
3. Þorgeir Guðjón Jónsson bátsformaður á Seyðisfirði, f. 3. október 1899, d. 5. nóvember 1977.
4. Hjálmar Gísli Ingólfur Jónsson, (Ingi), bátsformaður, bifreiðastjóri á Seyðisfirði, síðar í Reykjavík, f. 15. september 1902, d. 13. febrúar 1985.
5. Unnur Jónsdóttir húsfreyja á Siglufirði, síðar á Seyðisfirði, f. 12. ágúst 1905, d. 4. ágúst 1996.
6. Vilhelmína Sólgerður Jónsdóttir húsfreyja á Seyðisfirði, f. 15. nóvember 1906, d. 22. apríl 2003.
7. Ragna Jónsdóttir verslunarmaður á Ísafirði, f. 2. júlí 1909, d. 5. október 1989.

Sigurður var tökubarn hjá Önnu Benediktsdóttur ljósmóður í Vanangri 1891 og hjá henni í sama húsi 1901, en húsnafnið annað, Péturshús, heitið eftir nafni húsbóndans. Hann fór að Hemlu, en kom að Bergstöðum 1910.
Sigurður var skósmíðalærlingur á Bergstöðum 1910, vinnumaður hjá Þorsteini Hafliðasyni skósmið í Steinholti 1911 og 1912, skósmiður þar 1913, bjó á Eyjarhólum 1914. Hann fluttist til Seyðisfjarðar 1915 og lést 1916.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.