Snorri Óskarsson

From Heimaslóð
Jump to: navigation, search
Snorri
Snorri og Hrefna Brynja.

Snorri Óskarsson er fæddur í Vestmannaeyjum 26. febrúar 1952. Hann er sonur hjónanna Óskars M. Gíslasonar og Jónínu Þorsteinsdóttur. Eiginkona Snorra er Hrefna Brynja Gísladóttir. Þau eiga fjögur börn saman, Hrund, Stefni, Brynjólf og Önnu Sigríði. Auk þess á Hrefna Brynja eina dóttur, Írisi Guðmundsdóttur. Snorri ólst upp á trúuðu heimili og fór með foreldrum sínum á samkomur í Betel, Hvítasunnukirkjunni. Hann tók trú þegar hann var 9 ára gamall.

Snorri var forstöðumaður Hvítasunnukirkjunnar í 25 ár, frá 1975 til 2000. Hann var kennari í mörg ár í Hamarsskóla. Hann fluttist búferlum til Akureyrar árið 2001.

Orð Snorra hafa alla tíð verið umdeild og er Snorri landsfrægur maður fyrir að standa upp fyrir trú sína og fordæma það sem hann telur synd. Þegar hann flutti til Akureyrar risu upp háværar raddir gegn honum, og vildu skólastjórar fyrst ekki ráða hann til vinnu. En þrátt fyrir það sýndi Snorri sig og sannaði, og hefur sett sinn svip á Akureyrarbæ.