Stefán Jónsson (Miðhúsum)

From Heimaslóð
Jump to: navigation, search

Stefán Jónsson vinnumaður á Miðhúsum og í Kornhól fæddist 20. ágúst 1829 á Reyni í Mýrdal og drukknaði 1. október 1850.
Foreldrar hans voru Jón Eyjólfsson bóndi, f. 1803, d. 13. september 1875, og kona hans Ingveldur Ingimundardóttir, f. 1789.

Stefán var tvíburabróðir Ingimundar Jónssonar bónda, formanns og hreppstjóra á Gjábakka, f. 20. ágúst 1829, d. 25. apríl 1912.

Stefán var með foreldrum sínum á Reyni til ársins 1830, með þeim á Rauðhálsi þar 1830-1844, matvinnungur á Ketilsstöðum 1844-1846, en var hjá foreldrum sínum á Rauðhálsi 1846-1849.
Stefán fluttist til Eyja 1849, ráðinn vinnumaður að Kornhól. Hann var skráður vinnumaður á Miðhúsum við manntal 1850, en skráður í Kornhól við andlát.
Hann var meðal 7 annarra, sem drukknuðu við Landeyjasand 1. október 1850.
Hann var ókvæntur og barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.