Steinunn Jónsdóttir (Hálsi)

From Heimaslóð
Jump to: navigation, search
Björn Jakobsson og Steinunn Jónsdóttir.

Steinunn Jónsdóttir frá Syðri-Rotum u. V-Eyjafjöllum, húsfreyja á Hálsi, fæddist þar 28. júní 1884 og lést 22. mars 1968.
Foreldrar hennar voru Jón Guðmundsson bóndi í Vorsabæ í A-Landeyjum og Syðri-Rotum u. V-Eyjafjöllum og víðar, f. 30. september 1832 í Litla-Bakkakoti á Rangárvöllum, d. 28. maí 1910 í Miðeyjarhólmi í A-Landeyjum, og bústýra hans Guðrún Jónsdóttir húsfreyja frá Hvammi u. Eyjafjöllum, f. 13. mars 1844, d. 17. febrúar 1910 í Voðmúlastaða-Suðurhjáleigu í A-Landeyjum.

Börn Jóns og Guðrúnar í Eyjum:
1. Steinunn Jónsdóttir húsfreyja á Hálsi, f. 28. júní 1884, d. 22. mars 1968.
2. Kristmundur Jónsson (kennari), f. 2. júlí 1873, d. 20. febrúar 1929.
Sonur Jóns og Önnu Jónsdóttur bústýru í Hallgeirsey í A-Laneyjum:
3. Einar Jónsson vinnumaður á Vesturhúsum, f. 30. mars 1855, hrapaði til bana í Flugum 31. júlí 1878.

Steinunn var með húskonunni móður sinni á Fornusöndum u. V-Eyjafjöllum 1890, með foreldrum sínum á Fornu og Helgusöndum þar 1901.
Hún kom að Miðeyjarhólmi í A-Landeyjum 1903 og var bústýra og húsfreyja hjá Alexander bróður sínum þar 1910.
Þau Björn giftu sig 1915, bjuggu á Miðeyjarhólmi 1916-1919, en héldu þá til Eyja.
Þau leigðu í Hlíð með tvö börn í lok árs 1919, voru komin á Minni-Núp við Brekastíg 1920 og voru þar enn 1923, en farin þaðan 1924, leigðu í Skálholti við Landagötu 22 1927, á Kirkjuhól 1930 og enn 1940. Þau voru komin að Hálsi 1945 og bjuggu þar síðan meðan báðum entist líf.
Steinunn lést 1968.
Björn bjó á Hálsi fram að Gosi, fluttist á Selfoss og bjó þar síðast, lést 1974.

I. Maður Steinunnar, (13. nóvember 1915), var Björn Jakobsson verkamaður, bóndi, sjómaður, netagerðarmaður, húsasmiður, póstur, f. 29. ágúst 1893 á Vatnsskarðshólum í Mýrdal, d. 2. febrúar 1974.
Börn þeirra:
1. Sveinn Alexander Björnsson sjómaður, f. 14. júlí 1916, drukknaði af v.b. Gottu fyrir Norðurlandi 16. september 1936.
2. Jakobína Björnsdóttir húsfreyja, f. 5. febrúar 1918, d. 21. september 1946.
3. Andvana barn, f. 7. mars 1919.
4. Sveinbarn f. 7. mars 1919, d. sama dag.
5. Guðrún Sigríður Björnsdóttir húsfreyja á Hálsi, f. 7. febrúar 1920 á Minni-Núpi, d. 8. október 2011.
6. Sæmundur Kári Björnsson, f. 6. janúar 1921 á Minni-Núpi, d. 21. júlí 1923.
7. Guðríður Sigurbjörg Björnsdóttir, f. 12. desember 1921 á Minni-Núpi, d. 25. desember 1922.
8. Sigurleif Ólafía Björnsdóttir húsfreyja, f. 7. september 1923 á Minni-Núpi, d. 26. nóvember 1956.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
  • Manntöl.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.