Difference between revisions of "Ólafur Gunnarsson (verkfræðingur)"

From Heimaslóð
Jump to: navigation, search
(Ný síða: thumb|200px|''Ólafur Gunnarsson. '''Ólafur Gunnarsson''' byggingaverkfræðingur fæddist 22. mars 1930 á Reyni, Bárustíg 5 og lést 7....)
 
m (Verndaði „Ólafur Gunnarsson (verkfræðingur)“ ([Breyta=Leyfa aðeins stjórnendur] (ótiltekinn) [Færa=Leyfa aðeins stjórnendur] (ótiltekinn)))
 
(No difference)

Latest revision as of 16:15, 4 December 2019

Ólafur Gunnarsson.

Ólafur Gunnarsson byggingaverkfræðingur fæddist 22. mars 1930 á Reyni, Bárustíg 5 og lést 7. ágúst 2012 á Landspítalanum.
Foreldrar hans voru Jóhann Gunnar Ólafsson bæjarstjóri, sýslumaður, bæjarfógeti, f. 19. nóvember 1902 í Vík í Mýrdal, d. 1. september 1979, og kona hans Ragna Haraldsdóttir húsfreyja, f. 24. september 1905 í Reykjavík, d. 11. maí 1966.

Börn Rögnu og Jóhanns Gunnars:
1. Ólafur Gunnarsson framkvæmdastjóri, bæjarverkfræðingur, f. 22. mars 1930, d. 7. ágúst 2012. Kona hans Ágústa Guðmundsdóttir.
2. Gunnar Örn Gunnarsson tæknifræðingur, framkvæmdastjóri á Ísafirði, síðast í Grindavík, f. 23. apríl 1932, d. 20. maí 2001. Kona Ásta Guðbrandsdóttir.
3. Hilmar Gunnarsson símvirki, loftskeytamaður, stöðvarstjóri, verkstjóri, f. 5. mars 1935. Kona hans Guðrún Þóra Jónsdóttir.
4. Reynir Gunnarsson, f. 12. febrúar 1938, drukknaði 8. júní 1944.
5. Kristinn Reynir Gunnarsson lyfjafræðingur, lyfsali á Siglufirði, f. 8. júní 1944. Kona hans Ólöf Baldvinsdóttir.

Ólafur var með foreldrum sínum í æsku, á Reyni til 1940, fluttist með þeim til Hafnarfjarðar 1940 og til Ísafjarðar 1943.
Hann lauk stúdentsprófi í Menntaskólanum í Reykjavík 1951, fyrrihlutaprófi í verkfræði í Háskóla Íslands 1954. Hann tók próf í byggingaverkfræði í DTH í Kaupmannahöfn 1957, sótti námskeið í Auto-Cad, Arc-Info og Point vegagerð á árunum 1990-1995.
Ólafur var verkfræðingur hjá Sölumiðstöð Hraðfrystihúsanna 1957-1959, var framkvæmdastjóri Hraðfrystistöðvarinnar 1959-1967, var bæjarverkfræðingur í Eyjum 1967-1972, bæjarverkfræðingur í Kópavogi 1972-1978, deildarstjóri útgerðardeildar Tækniskóla Íslands 1978-1983.
Hann var í verktakastarfssemi við vegagerð sumrin 1978-1983, sjálfstæður ráðgjafaverkfræðingur 1985-1989 og verkfræðingur hjá Kópavogsbæ frá 1989.
Ólafur gegndi ýmsum trúnaðarstörfum: Hann sat í varastjórn SH 1962-1967, var formaður Fasteignamatsnefndar Vestmannaeyja 1966-1971, í bygginganefnd sjúkrahúss Vestmannaeyja 1968-1972, í gerðardómi Verkfræðingafélagsins 1976.
Þau Ágústa giftu sig 1959, eignuðust þrjú börn. Þau bjuggu að Hásteinsvegi 49.
Ólafur lést 2012.

I. Kona Ólafs, (14. nóvember 1959), er Ágústa Guðmundsdóttir húsfreyja, f. 3. september 1938.
Börn þeirra:
1. Ásta Ólafsdóttir húsfreyja í Kópavogi, f. 16. janúar 1960 í Reykjavík.
2. Ragna Ólafsdóttir, f. 6. mars 1964 í Eyjum, d. 31. október 1982.
3. Sigríður Ólafsdóttir, f. 20. maí 1975 í Reykjavík. Maður hennar Guðni Einarsson.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubækur.
  • Verkfræðingatal. Ritstjóri: Þorsteinn Jónsson. Þjóðsaga ehf. 1996.


Þessi grein tilheyrir Æviskrám Eyjafólks eftir Víglund Þór Þorsteinsson.