Guðný Oddsdóttir (Vanangri)

From Heimaslóð
Revision as of 12:02, 16 August 2015 by Viglundur (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Guðný Oddsdóttir ekkja, bústýra í Vanangri fæddist 2. nóvember 1829 í Mörtungu á Síðu og lést 1. september 1861 í Vanangri.
Foreldrar hennar voru Oddur Sverrisson bóndi, síðast á Suður-Fossi í Mýrdal, f. 15. janúar 1805 á Seglbúðum í Landbroti, d. 18. desember 1863 á Suður-Fossi, og kona hans Guðrún Björnsdóttir húsfreyja, f. 1. febrúar 1799 á Fossi á Síðu, d. 26. september 1882 á Grímsstöðum í Meðallandi.

Guðný var með foreldrum sínum til 1853. Þá fór hún að Holti u. Eyjafjöllum. Hún var vinnukona á Moldnúpi 1857. Hún giftist og bjó á Moldnúpi. Þau eignuðust Guðrúnu 1857. Eiríkur maður hennar fórst í sjóróðri 30. mars 1859.
Guðný fluttist til Eyja með Guðrúnu 1860 og þá fluttist Jón Þórðarson úr Mýrdal til Eyja. Guðný var bústýra hans í Vanangri 1860 og lést þar 1861 „af sóttveiki“.
Guðrún dóttir hennar var send 1861 „til Eyjafjallahrepps“.

I. Maður Guðnýjar, (28. október 1858), var Eiríkur Sighvatsson vinnumaður, sjómaður á Moldnúpi, f. 1832, drukknaði í fiskiróðri 30. mars 1859.
Foreldrar hans voru Sighvatur Magnússon, f. 27. október 1809 í Efra-Holti u. Eyjafjöllum, d. 12. júlí 1877 í Skálakoti u. Eyjafjöllum, og kona hans Kristín Eiríksdóttir húsfreyja, f. 1810 í Dyrhólasókn í Mýrdal, d. 20. júní 1874 í Skálakoti.

Barn þeirra Eiríks var
1. Guðrún Eiríksdóttir, f. 6. ágúst 1857.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.