Heimaslóð - Breytingar notanda [is]

Snið:Pdf

2022-11-05T16:08:10Z

Gisli: Bjó til tóma síðu

Notandi:Gisli

2022-11-05T16:04:55Z

Gisli:

GiVa3310

ÍBV

2019-09-29T14:26:59Z

Gisli: Tæmdi síðuna

Annáll ÍBV íþróttafélags í 20 ár/2013 -

2019-07-25T23:06:29Z

Gisli: /* Elísa íþróttamaður ársins og Þorvarður heiðraður fyrir störf fyrir hreyfinguna */

== '''2013 -''' ==

=== '''Flugeldabingó''' ===
Handknattleiksdeild ÍBV hélt sitt árlega flugeldabingó í Höllinni í byrun árs. Líklega eru fá bingókvöldin jafn vel sótt á landinu en þetta kvöld, því undanfarin ár hefur Höllin verið svo gott sem fullsetin. Í ár varð engin undantekning á því og var setið alls staðar í salnum, þar sem hægt var að koma fyrir sætum. Stjórn bingósins hefur ávallt verið í höndum Daða Páls sonar og Magnúsar Bragasonar, en sá síðarnefndi var fjarverandi í þetta sinn. Þurfti ekki minna en tvo til að leysa hann af, Jóhannes Grettisson og Sindra Ólafsson og tókst þeim ágætlega upp.

=== '''Þrettándinn''' ===
Þrettándagleði ÍBV-íþróttafélags var með hefðbundnu sniði á fyrstu helgina í janúar.

Veðrið hefur oft verið betra, en eins og svo oft áður, rætt ist úr veðri þegar hátíðahöldin hófust. Byrjað var við Há og gengið þaðan fylktu liði, með jólasveinum og óvættum úr fjöllum upp á malarvöll, þar sem álfar og púkar bættust í hópinn. Kveikt var á bálkest inum og var ekki að sjá annað en að fólk á öllum aldri hafi skemmt sér konunglega. Flugelda sýningin á malarvellinum hefur sjaldan verið jafn glæsileg og í ár og í það heila heppnuðust hátíðarhöldin mjög vel.

=== '''Sigur í fyrsta leik ársins''' ===
Keppni í N1 deild kvenna hófst að nýju eftir tæplega tveggja mánaða hlé sem gert var á mótinu vegna þátttöku íslenska kvennalands liðsins á EM í Serbíu í síðasta mánuði. ÍBV mætti þá Gróttu á Seltjarnanesi og hafði sigur, 17:20 eftir að staðan í hálfleik hafði verið 8:12. ÍBV er sem fyrr í þriðja sæti deildarinnar, þremur stigum á eftir topp liðunum tveimur, Fram og Val sem bæði eiga leik til góða, og þremur stigum á undan HK, sem er í fjórða sæti.

=== '''Futsal''' ===
Kvennalið ÍBV í knattspyrnu var grátlega nærri því að verja Íslandsmeistaratitilinn í Futsal en úrslitakeppni í Íslandsmóti karla og kvenna fór fram fyrstu helgina í janúar. Bæði karla- og kvennalið ÍBV komust í undanúrslit þar sem karlaliðið tapaði fyrir Val en stelpurnar komust í úrslit þar sem þær mættu Hlíðarendaliðinu.

ÍBV komst í 5:2 í leiknum og allt virtist stefna í að ÍBV myndi verja Íslandsmeistaratitilinn í Futsal, sem þær unnu fyrir ári síðan. En undir lok leiksins fór allt í baklás. Valur náði að jafna metin og Hlíðarendastelpur skoruðu svo sigurmarkið þremur sekúndum fyrir leikslok. ''„Við unnum Snæfellsnes 7:2 í undanúrslitum. Það var ekki fyrr en að líða tók á leikinn sem við kláruðum þann leik. Valur lenti í sama veseni með Álftanes. Það er nefnilega þannig að þessi smærri félög stunda Futsal mun meira en stærri félögin. Þau hafa kannski ekki sama aðgang og við að æfingaaðstöðu yfir vetrartímann og fara því inn í íþróttahúsin í'' ''Futsal,“'' sagði Jón Ólafur Daníelsson, þjálfari ÍBV.

=== '''Kostar 127 milljónar að verða Íslandsmeistari''' ===
Í upphafi árs fjalla Eyjafréttir um stöðu meistaraflokks karla í knattspyrnu. 8 leikmenn munu hverfa frá liðinu fyrir næsta sumar, en aðeins tveir ungir strákar enn sem komið er hafa komið í staðinn. Hannes Gústafsson, knattspyrnuráðsmaður sagði í viðtali við blaðið að knattspyrnudeildin byggi starf sitt að einhverju leyti á framlagi fyrirtækja í sjávar útvegi, sem voru að fá þriggja milljarða rukkun frá ríkinu. „''Það hefur vissulega áhrif á fyrirtæki hér og um leið áhrif á okkur. En ég ítreka það, að við skiluðum rekstri deildarinnar á núlli á síðasta ári. Bara svo það sé á hreinu. Við sjáum hins vegar fram á að hafa ekki úr eins miklu að moða í ár og þess vegna erum við að bregðast við. Það er dýrt að reka knattspyrnulið á Íslandi og þótt við séum að sýna ábyrgð, þá er ég h ræddur um að fjárhagsstaða annarra félaga sé svipuð og því miður virðast fáir ætla að taka á sínum málum. En ég er búinn að reikna út að það kostar 127 milljónir að gera lið að Íslandsmeisturum. Þannig að ef einhver á 127 milljónir og er til í að láta mig fá þær, þá geri ég ÍBV að Íslandsmeisturum, ekkert mál.“''

=== '''Nýr framkvæmdastjóri''' ===
Um miðjan janúar lét Tryggvi Már Sæmundsson af störfum sem framkvæmdastjóri ÍBV íþróttafélags. Nýr framkvæmdastjóri er Dóra Björk Gunnarsdóttir. Hún er kennaramenntuð og hefur starfað við Grunnskóla Vestmannaeyja.

=== '''Vestmannaeyjabæ og ÍBV íþróttafélag gera með sér samkomulag''' ===
Í bæjarráði á fimmtudaginn, 17. janúar var skrifað undir sam komulag um gæðaeflingu íþróttastarfs ÍBV-íþróttafélags og Vestmannaeyjabæjar. Er samkomulagið afrakstur samninga viðræðna sem staðið hafa undanfarna mánuði. Nær það til starfsemi félagsins eins og Íþróttaakademíu og ÍBV fyrirmyndarfélag ÍSÍ og rekstur á knatt spyrnu völlum og Týs heimilinu. Líka var ákveðið að skipa þriggja manna starfshóp til að vinna að fjárhagslegri endur skipulagningu ÍBV-íþrótta félags.

Í fundargerð bæjarrráðs segir að fyrir hafi legið samkomulag við ÍBV íþróttafélag um gæðaeflingu íþrótta starfs ÍBV-íþróttafélags og Vest manna eyjabæjar. Að því komu forráða menn ÍBV-íþróttafélags og Vestmannaeyjabæjar sem hafa á seinustu mánuðum átt í miklum samskiptum um sameiginleg hags muna mál er tengjast rekstri ÍBVíþrótta félags. Viðræðurnar leiddu Tryggvi Már Sæmundsson, fráfarandi fram kvæmdastjóri ÍBV, Jóhann Pétursson, formaður ÍBVíþróttafélags, Arnsteinn Jóhannesson, íþróttafulltrúi Vestmannaeyja bæjar, Elliði Vignissn, bæjarstjóri, Jón Pétursson, framkvæmdastjóri og Þór Vilhjálmsson, formaður ÍBV-héraðssambands. Breytingar á rekstri íþróttavallar og Týsheimils voru einnig ræddar en talsvert bar á milli í upphafi við ræðna. „Viðræður þessar hafa fyrst og fremst farið fram undir formerkjumþess mikila árangurs sem ÍBVíþrótta félag hefur náð í eflingu gæðastarfs í íþrótta-, uppeldis- og forvarnarstarfi í Vestmannaeyjum og einlægum vilja til að vernda og hlúa að því starfi. Sérstaklega hefur verið horft til aukinnar þjónustu við börn og ungmenni á skólaaldri,“ segir í fundargerð og eru m.a. til nefnd Íþróttaakademía ÍBVíþróttafélags og Framhaldsskólans, Íþróttaaka demía ÍBV íþróttafélags og Grunn skóla Vestmannaeyja, ÍBV gegn einelti og ÍBV fyrirmyndarfélag ÍSÍ. „Auk þessara stóru verkefna hefur ÍBV aukið kröfur sínar til þjálfara og annarra sem vinna með börnum og unglingum. Lögð er höfuð áhersla á menntun og reynslu þjálfara auk þess sem haft er stíft gæðaeftirlit með starfi allra sem koma að vinnu með börnum og ungmennum,“ segir í fund argerð og á þessum grundvelli hafa ÍBVíþróttafélag og Vestmannaeyja bær ákveðið að gera með sér sam komulag sem gerir ráð fyrir að ÍBV haldi áfram rekstri valla í eigu Vestmannaeyjabæjar sem tekur yfir rekst ur Týsheimilis. Þá mun bærinn veita ÍBV sérstakan styrk til viðhalds og eflingar gæða verkefna í barna- og unglingastarfi. Loks segir að Vestmannaeyjabær og ÍBV íþróttafélag muni í sameiningu skipa þriggja manna starfshóp til að vinna að fjárhagslegri endurskipulagningu.

=== '''Elísa íþróttamaður ársins og Þorvarður heiðraður fyrir störf fyrir hreyfinguna''' ===
Elísa Viðarsdóttir er Íþróttamaður ársins 2012. Þetta var tilkynnt á árlegri viðurkenningahátíð ÍBV og Vestmannaeyjabæjar en hátíðin fór fram í salarkynnum Íþróttamiðstöðvarinnar. Elísa fór fyrir liði ÍBV í knattspyrnu sem náði mjög góðum árangri og var auk þess í leikmanna hópi íslenska kvennalandsliðsins.

''„Það hefur verið styrkur íþrótta hreyfingarinnar í Vestmanna eyjum að eiga öfluga liðsmenn sem ávallt eru tilbúnir að svara kallinu hvort sem er á vellinum eða í starfi fyrir hreyfinguna. Einn þeirra er Þorvarður Þorvaldsson,“'' sagði Þór Vilhjálmsson, formaður Íþróttabandalags Vestmannaeyja, þegar hann greindi frá vali á þeim einstaklingi sem verðlaunaður var fyrir framlag sitt til íþróttamála.

=== '''Stóðu í Safamýrarliðinu''' ===
Kvennlið ÍBV stóð vel í Fram þegar liðin áttust við í Safamýrinni seinnipart janúarmánaðar. Til þessa hafa Framarar ekki verið í vandræðum með ÍBV, unnu 21:27 þegar liðin áttust við í Eyjum í upphafi tímabilsins og völtuðu svo yfir ÍBV 41:18 í Deildarbikarnum. En Eyjaliðið lék mun betur í þessum leik og var m.a. yfir í hálfleik. En í þeim síðari seig heimaliðið fram úr og að lokum skildu fjögur mörk liðin að. Lokatölur 29:25.

=== '''Tælenskir strákar í ÍBV búningum''' ===
Sigríður Lára Garðarsdóttir, leikmaður meistaraflokks kvenna hjá ÍBV, fór með fjölskyldu sinni til Tælands um jólin. Móðir Sigríðar Láru, Rinda Rissakorn er frá Tælandi en auk þess voru með þeim faðir hennar, Garðar Rúnar Garðarsson og bróðir, Sæþór Örn. Sigríður Lára tók með sér gamalt búningasett frá ÍBV og gaf liði drengjaskóla þar úti.

=== '''Páll Scheving ætlar að hætta stjórn ÍBV og Þjóðhátíðarnefnd''' ===
Páll hefur setið í þjóðhátíðarnefnd í tólf ár, þar af tíu ár í röð og formaður í fjögur ár. Þjóðhátíðin hefur tekið miklum breytingum á þessum árum og margt gert í framfaraátt. Hátíðin verið aðlöguð breyttum tímum og brugðist hefur við auknum kröfum.

Það hefur blásið hressilega um þjóðhátíðina þar sem Páll hefur staðið í stafni. Gagnrýnin hefur á stundum verið bæði óvægin og óréttlát en stundum átt rétt á sér. Páll viðurkennir það en bendir líka á að besta leiðin til að gera ekki mistök sé að gera ekki neitt. Í viðtali sem Eyjafréttir áttu við Pál segir hann: ''„Frá því 2008 hefur gestum á hátíðinni fjölgað verulega, við höfum verið að taka á móti allt að 16 þúsund gestum og allt gengið að óskum. Það hefðum við ekki gert fyrir nokkrum árum en með sameiginlegu átaki bæjarins og ÍBV hefur aðstaða í Dalnum verið bætt. Allt hefur þetta miðast við að gera það eftirsóknarvert að koma á þjóð hátíð í Vestmannaeyjum. Það hefur tekist og þó þeir séu til sem gagnrýna byggingu á stóra sviðinu í Dalnum er það ein af forsendunum fyrir því að gera þjóðhátíð eina af topphátíð unum, ekki bara hér á landi heldur erum við í fremstu röð í heiminum''.“ Páll segir að með tilkomu sviðsins sé hægt að nýta fullkomnustu tæki og búnað til að koma dagskránni til skila. ''„Sviðið kostar sitt, en ég vil benda á að kominn var tími á gamla sviðið og það kostaði sitt að endur nýja það og koma því upp á hverju ári. Þannig að þegar upp er staðið mun sviðið borga sig og það býður upp á möguleika á stórum við burðum á öðrum tíma en eingöngu þjóðhátíð''.“ Páll segir of langt mál að rekja allt það sem hefur mætt á honum og þjóðhátíðarnefnd á undanförnum árum. Mest hafi honum sárnað ásakanir um að styðja nauðgunarmenningu, þjóðhátíð væri eitthvert skjól fyrir kynferðisafbrotamenn og það væri á hans ábyrgð. ''„Kynferðisafbrot eru mikið mein í samfélaginu. Það á að gera allt til að koma í veg fyrir þau, koma lögum yfir brota mennina og ekki síst að hlúa að fórnarlömbunum. Þetta höfum við haft að leiðarljósi en af hverju n auðgun á þjóðhátíð er alvarlegri og meiri fréttamatur en sambærilegt brot í miðbæ Reykjavíkur skil ég ekki. Við höfum þó gert allt til að bæði koma í veg fyrir að kynferðisbrot eigi sér stað og í aðstoð við þolendur þegar harmleikur hefur átt sér stað''.“

Páll segir að því miður hafi komið upp þrjú mál síðasta sumar en þau hafi öll verið upplýst sem m.a. megi þakka eftirlitsmyndavélum sem kom ið var upp á hátíðarsvæðinu.

''„Ég vildi hætta í þjóðhátíðarnefnd á síðasta ári og var bara sáttur við það sem við höfðum náð fram. Ég var beðinn um að halda áfram og féllst á það. Þar er ég með öflugu fólki sem tekur svo við keflinu í fyllingu tím ans. Það gerist með hækkandi sól, um leið og vorið vekur óskablómin mín “''

Páll situr í aðalstjórn ÍBV-íþróttafélags sem ekki stendur allt of vel fjárhagslega. „''Þó þrengi að í augnablikinu hjá félaginu, veit ég að úr því rætist. Fyrir áratug skuldaði félagið ríflega hundrað milljónir og átti litlar sem engar eignir. Í dag á félagið eignir umfram skuldir. Það er mikill viðsnúningur í rekstri. Ég tek ekki sæti í næstu stjórn félagsins og óska nýju fólki gæfu og gengis. Það verður aldrei einfalt að reka íþróttafélag.“ „Það sem mér er þó efst í huga er allt það góða fólk sem ég hef unnið með hjá bænum og ÍBV. Við eigum mikið af góðu fólki sem er tilbúið að leggja á sig mikla vinnu samfélaginu til heilla. Ég tel mig heppinn að hafa fengið að leggja mitt lóð á vogar skálarnar. Hvort framlag mitt er mikið eða lítið er annara að dæma um, en ég er bærilega sáttur.“'' sagði Páll.

=== '''Afturelding engin fyrirstaða í deild og bikar''' ===
Kvennalið ÍBV átti greiða leið í undanúrslit Símabikarsins eftir auðveldan sigur á Aftureldingu 30-15. Liðin mættust svo aftur daginn eftir í Íslandsmótinu og var sá leikur ekkert erfiðari fyrir ÍBV, sem sigraði 33-15.

=== '''A-liðið áfram en B-liðið úr leik''' ===
Það fór ekki svo að ÍBV ætti tvö lið í undanúrslitum Símabikars kvenna enda áttu líklega fæstir von á því eftir að B-liðið dróst gegn ógnarsterku liði Framara. Enda vann Safamýrarliðið auðveldan sigur á B-liðinu, sem lét þó gestina hafa fyrir því að vinna. A-lið ÍBV er hins vegar komið í undanúrslit eftir laglegan sigur á FH í Hafnarfirði.

Þá skaust karlalið ÍBV á toppinn með stórsigri á Fylki, 35-19.

=== '''Fengu háttvísisverðlaun KSÍ''' ===
Á ársþingi KSÍ sem haldið var í byrjun febrúar voru veittar ýmsar viðurkenningar fyrir sumarið 2012. ÍBV fékk eina viðurkenningu en kvennalið félagsins fékk svokölluð Háttvísisverðlaun í Pepsídeild kvenna. Geir Þorsteinsson, formaður KSÍ, afhenti Guðnýju Óskarsdóttur í knattspyrnuráði kvenna bikar af því tilefni. Háttvísisverðlaun fær það lið sem fær fæstu spjöldin hvert sumar og ekki algengt að lið sem er í toppbaráttu, hljóti þessi verðlaun.

=== '''Ekki í vandræðum með Selfoss''' ===
Kvennalið ÍBV var ekki í vand ræðum með Selfoss, þegar liðin mættust í Eyjum í febrúarbyrjun. Lokatölur urðu 31-17 en staðan í hálfleik var 15:9. ÍBV er sem fyrr í þriðja sæti deildarinnar en Stjarna n er aðeins stigi á eftir ÍBV en hefur leikið einum leik meira.

Í raun má segja að leikurinn gegn Selfossi hafi verið skylduverkefni ÍBV enda talsverður getumunur á liðunum tveimur, eins og taflan gefur til kynna. Líklega má segja að leikurinn hafi verið kærkomið tæki færi fyrir varamenn ÍBV að spreyta sig enda fengu þær tækifæri þegar leið á leikinn.

=== '''Ævintýralegt sigurmark Guðna''' ===
Guðni Ingvarsson, línumaðurinn sterki hjá ÍBV, tryggði ÍBV mikilvægan sigur á Gróttu á laugar daginn með ævintýralegu marki á lokasekúndunum. Eftir að hafa verið undir allan leikinn, náðu Eyjamenn að jafna metin og staðan var 24:24. ÍBV fékk síðustu sóknina en þegar leiktíminn var að renna út, skaut Guðni að marki, beint úr aukakasti og í netið. Lokatölur urðu því 24:25 og fyrir vikið heldur ÍBV efsta sætinu í 1. deildinni.

=== '''Íþróttaiðkun ungmenna''' ===
Í fyrra var gerð könnun meðal nem enda í 8.-10. bekk í öllum grunnskólum landsins fyrir Íþrótta- og Ólympíusamband Íslands (ÍSÍ) og Ungmennafélag Íslands (UMFÍ). Framkvæmd og úrvinnsla rannsóknarinnar var í höndum Rannsókna og greiningar en í könnuninni voru þátttakendur spurðir út í íþróttaiðkun sína og allt sem henni viðkemur. Nú liggja niðurstöður fyrir og hægt er að bera einstaka svæði saman við landið allt. Alls voru þátttakendur 11.222 talsins og svarhlutfallið á landsvísu var 86% og mjög svipað á milli bekkjarárganga. 168 tóku þátt í könnuninni í Vestmannaeyjum en samkvæmt upplýsingum sem fengust hjá Grunnskóla Vestmannaeyja, eru 218 nemendur í þessum aldurshópi og er svar hlutfallið því 77% í Eyjum. Í skýrslu, sem gefin var út í kjölfarið var unnið með flokkun íþróttahéraða en óhætt er að segja að Vestmannaeyjar komi nokkuð vel út í könnuninni

=== '''''Fleiri æfingar í Eyjum''''' ===
Fyrst var tekinn fyrir fjöldi og hlutfall nemenda sem stunda æfingar með íþróttafélagi. Í Vestmanna eyjum stunda 62,9% drengja í 8.-10. bekk íþróttir hjá íþróttafélögum en 37,1% stelpna. Drengirnir eru nokkru yfir landsmeðaltali, sem er 50,3% en stelpurnar nokkuð undir landsmeðaltali, 48,6%. Af þeim 168 sem tóku þátt í könnuninni í Eyjum, eru 105 sem stunda æfingar hjá íþróttafélagi. Þeir sem æfa íþróttir í Eyjum, æfa mikið. 34,5% af aldurshópnum sögðust æfa sex sinnum eða oftar í viku, 16,1% æfðu fjórum sinnum í viku en 37,5% stunduðu ekki æf ingar hjá íþróttafélagi. Yfir landið allt er meira jafnvægi, 34% stunda engar æfingar en síðan skiptist æfingafjöldi nokkuð jafnt niður, nema fæstir stunda eina æfingu í viku. 91% iðkenda í Eyjum segja vana lega gaman á æfingum en 86% yfir landið allt. 89% voru ánægð með félagið sitt á meðan 85% voru ánægð með sitt félag á landsvísu. Þá var 91% iðkenda ánægð með þjálfara sinn á meðan 85% voru það yfir landið allt. Auk þess eru 92% iðkenda ánægð með æfingaaðstöðuna, á meðan 78% eru það á landsvísu. Þessi svör voru svo greind eftir fjölda æfinga, og eðli málsins samkvæmt eru þeir sem stunda fleiri æfingar á viku, ánægðari með æfingarnar, íþróttafélagið, þjálfara og æfinga aðstöðuna. Nemendur voru spurðir út í áherslur þjálfara á sigur í íþróttakeppni. 88% iðkenda í Vestmannaeyjum sögðu þjálfara leggja mjög mikla og frekar mikla áherslu á sigur á meðan 75% svöruðu á sama hátt yfir landið allt. Á sama hátt segja 89% iðkenda að þjálfari leggi mjög mikla eða frekar mikla áherslu á drengilega fram komu í leik á meðan landsmeðaltalið er 85%. 89% iðkenda í Eyjum segja þjálfara sína leggja mjög mikla eða frekar mikla áherslu á heilbrigt líferni eða sama hlutfall og lands meðaltalið.

=== '''''Vímuefnaneysla''''' ===
Þá voru nemendur spurðir út í vímu efnaneyslu og ástundun íþrótta. 3% af þeim sem svöruðu í Eyjum, sögðust reykja daglega en enginn sem stundar æfingar, reykir daglega. 8% sögðust hafa orðið ölvaður einu sinni eða oftar síðustu 30 daga og 2% þeirra sem stunda íþróttir í Eyjum. Þá segjast 2% iðkenda hafa notað munntóbak einu sinni eða oftar síðustu 30 daga og sama hlutfall er meðal þeirra sem stunda ekki íþróttir. 3% þeirra sem ekki stunda íþróttir með íþróttafélagi höfðu notað nef tóbak einu sinni eða oftar síðustu 30 daga en enginn sem stundar íþróttir. 2% nemenda í 8.-10. bekk í Eyjum höfðu notað hass einu sinni eða oftar um ævina en enginn þeirra sem s tundar íþróttir. 6% þeirra sem svöruðu könnuninni hafa neytt maríjúana einu sinni eða oftar um ævina. Vímuefnaneysla í Eyjum var nokkru minni en yfir landið allt, nema þegar áfengisneysla er annars vegar, þar eru börn í Eyjum lítillega yfir landsmeðaltali.

'''''Brottfall'''''

Í könnuninni voru þátttakendur, sem ekki stunda íþróttir, einnig skoðaðir sérstaklega og þeir spurðir af hverju þeir geri það ekki. 90% af þeim sem svöruðu sögðust hafa misst áhugann, 42% vegna kostnaðar, 64% vegna þess að vinir þeirra hættu en 24% vegna tímaleysis. Svipaðar tölur eru yfir landsmeðaltalið, nema öllu fleiri hætta vegna þess að vinir hætta í Vestmannaeyjum en mun færri hætta í Eyjum vegna tímaleysis. Þá sögðust 32% hafa hætt vegna of mikillar samkeppni, 23% þar sem æfingar voru of erfiðar, 27% vegna heimanáms og 21% vegna samgangna. Athygli vekur að talsvert færri hætta vegna samgangna í Eyjum heldur en á landinu öllu, en 41% hætta vegna samgangna á landsvísu.

=== '''Æfingagjöld hækka''' ===
Æfingagjöld ÍBV-íþróttafélags fyrir árið 2013 eru 51.000 krónur. Fyrir tveimur árum voru þau 36.000 kr. og hafa því hækkað um 30% á tímabilinu. Þrátt fyrir það stendur ÍBV vel að vígi í samanburði við önnur íþróttafélög þegar æfinga gjöld eru annars vegar. Eyjafréttir tóku stikkprufur á æfinga gjöldum hjá nokkrum félögum og er þá miðað við æfingar í tveimur íþróttagreinum. Athygli er vakin á því að hér er eingöngu um að ræða bein æfingagjöld, ekki er tekið tillit til niðurgreiðslu sveitarfélaga, gæða æfinga, ferða kostnaðar sem fél ögin greiða eða annars sem gæti falist í æfingagjaldinu.

Hjá Fram kostar 28-55 þúsund krónur að æfa fótbolta, hærri gjöld eftir því sem börnin eru eldri. Fyrir að æfa handbolta þarf að greiða 4055 þúsund krónur. Það kostar því á bilinu 68-110 þúsund krónur fyrir barn að stunda þessar tvær greinar hjá Fram. Hjá Val er kostnaðurinn í fótboltanum á bilinu 37-67 þúsund krónur en 28-46 þúsund í handboltanum. Alls kostar því 65-113 þúsund krónur að stunda báðar greinarnar hjá Val. Hjá Stjörnunni er kostnaðurinn í fótboltanum frá 30 til 56 þúsund krónur og sama í handboltanum. Samanlagt er kostnaðurinn því 50112 þúsund krónur fyrir þessar tvær greinar. Rétt er að geta þess að hjá flestum félögum er hægt að velja eina grein og greiða einungis fyrir hana, en hjá ÍBV er greitt eitt æfingagjald fyrir handbolta og fótbolta. Þá taka mörg sveitarfélög þátt í kostnaði við tómstundir barna en slíkt er ekki í boði í Vestmannaeyjum.

=== '''Jafntefli í 6 marka leik''' ===
Karlalið ÍBV í knattspyrnu lék um miðjan febrúar fyrsta leik sinn í Lengjubikarnum þegar liðið mætti Grindavík í Reykjaneshöll. Grindvíkingar byrjuðu betur og komust tvívegis yfir en Eyjamenn jöfnuðu jafnharðan. Þegar fjórar mínútur voru eftir, skoraði Kjartan Guð jónsson og kom ÍBV í 2:3 en Grindvíkingar náðu að jafna metin áður en leikurinn var úti. Lokatölur því 3:3.

=== '''Suðurlandsliðin skildu jöfn''' ===
Suðurlandsslagur fékk nýja merkingu í karlahandboltanum því ÍBV og Selfoss áttust þrívegis við á tæpri viku. Fyrsti leikur liðanna var í bikarkeppn inni en svo mættust liðin tvívegis í Íslandsmótinu. Óhætt er að segja að jafnræði hafi verið í viðureign unum, því Selfoss vann einn leik, ÍBV einn og í síðasta leiknum gerðu liðin jafntefli.

Fyrsti leikurinn, fór fram á Selfossi og var í 8-liða úrslit um bikarkeppninnar. Eyjamenn léku ekki vel í leiknum, byrjuðu reyndar ágætlega en svo tóku Selfyssingar völdin og unnu að lokum 27-23 eftir að staðan í hálfleik hafði verið 12:11. Á laugardaginn mættust liðin svo í síðasta leik 2. umferðar 1. deildar og þá voru það Eyjamenn sem höfðu betur í jöfnum og spennandi leik. Lokatölur urðu 26:25 en þar bar helst til tíðinda að Nemanja Malovic skor aði hvorki meira né minna en 17 af 26 mörkum ÍBV eða um 65% markanna, sem er full mikið enda vantaði sárlega framlag í sókninni frá fleiri leikmönnum. 3. umferð 1. deildar hófst svo í gær, þriðjudag en í 3. umferðinni er leikjum liðanna raðað eftir stöðu þeirra að lokinni 2. umferð. Örlögin höguðu því þannig að ÍBV og Sel foss mættust í fyrsta leik og þar með í þriðja sinn á tæpri viku. Aftur byrjuðu Eyjamenn betur á Selfossi og komust í 0:5 og svo í 4:9 en Sel fyssingar gáfust ekki upp og jöfnuðu fyrir leikhlé 12:12. Í seinni hálfleik voru það heimamenn sem voru sterk ari og leiddu með þremur mörkum, 24:21 þegar fimm mínútur voru eftir af leiknum. En góður endasprettur Eyjamanna varð til þess að þeir skor uðu fjögur mörk gegn aðeins einu marki Selfyssinga og tryggðu sér jafntefli, 25:25. Mörk ÍBV í bikarnum: Nemanja Malovic 8, Andri Heimir Friðriksson 7, Theodór Sigurbjörnsson 5, Magnús Stefánsson 2, Grétar Eyþórsson 1. Mörk ÍBV í heimaleiknum: Nemanja Malovic 17, Magnús Stef ánsson 2, Andri Heimir Friðriksson 2, Theodór Sigurbjörnsson 2, Sigurður Bragason 1, Guðni Ingvarsson 1, Sigurður Bragason 1.

Varin skot: Kolbeinn Arnarson 8, Haukur Jónsson 5. Mörk ÍBV í gær: Nemanja Malovic 8, Theodór Sigurbjörnsson 4, Andri Heimir Friðriksson 4, Guðni Ingvarsson 3, Sigurður Bragason 2, Grét ar Eyþórsson 2, Magnús Stefánsson 1, Dagur Arnarsson 1.

=== '''Eru að tryggja sér 3ja sætið''' ===
Kvennalið ÍBV er á góðri leið með að tryggja sér þriðja sætið í deild inni. Liðið vann tvo leiki síðustu vikuna í febrúar, fyrst á útivelli gegn FH 19:26 en svo á heimavelli í gær gegn HK, 27:22. Staðan er núna þannig að þegar þrjár umferðir eru eftir í deildinni, þá er ÍBV með þriggja stiga forystu á Stjörnuna, sem á aðeins tvo leiki eftir, og fjögurra stiga forystu á HK, sem á þrjá leiki eftir eins og ÍBV.

=== '''Væri búin að hlaup út fimm sinnum ef hún hefði ekki strákana''' ===
Dóra Björk Gunnarsdóttir, nýráðin framkvæmdastjóri ÍBV íþróttafélags er í viðtali við Eyjafréttir í febrúar. Hún sagði að engin ládeyða sé í rekstrinum þótt minna fari fyrir starfinu yfir há veturinn en á sumrin þegar fótboltinn er á fullu. „Nú er það handboltinn þar sem bæði karlar og konur eru í toppbaráttu. „Starfsemi félagsins er ótrúlega fjölbreytt en er eins og hvert annað fyrirtæki að mörgu leyti. Sem dæmi um umfang félagsins má nefna að í byrjun mánaðar sendi félagið út 56 launaseðla. Þetta er margþættur rekstur, margt sem kemur á óvart en þetta er skemmtilegt starf,“ segir Dóra Björk sem hafði kennt við Grunnskóla Vestmannaeyja í tólf ár áður en hún tók við starfi framkvæmda stjóra ÍBV þannig að viðbrigðin eru þó nokkur.

Dóra Björk segir að vissulega sé reksturinn erfiður en hún er bjartsýn á framhaldið. „Ég hef fundið að fyrirtækin hér í Eyjum eru ekki að gefast upp á að styðja okkur. Þau hafa sýnt okkur skilning sem er alveg frábært.“ Þó líta megi á ÍBV-íþróttafélag sem hvert annað fyrirtæki er margt sem skilur að og yfirbyggingin er ekki mikil. „Við erum þrjú á skrifstofu aðalstjórnar, ég, Sigfús Gunnar Guðmundsson og Jón Ólafur Daníelsson. Við erum hvert með okkar svið, Jón Óli sér um yngri flokkana og Sigfús Gunnar um bókhald. Sjálf væri ég örugglega búin að hlaupa út fimm sinnum ef ég hefði þá ekki. Þeir þekkja starfið út og inn en sjálf er ég að læra eitthvað nýtt á hverjum degi.“ Þótt enn sé langt í þjóðhátíð, sem er stærsta einstaka verkefni félagsins, er undirbúningur löngu hafinn. Eitt af verkefnum framkvæmdastjóra er að taka sæti í þjóðhátíðarnefnd þar sem í mörg horn er að líta.

Sá þáttur í starfsemi ÍBV sem Dóra Björk þekkir best sem foreldri barna í íþróttum. „Rekstur þeirra er félaginu mjög dýr en þetta er góð fjárfesting til framtíðar. Kemur þar margt til. Krakkar í í þróttum virðast vera betur undirbúin til að takast á við mótlæti lífsins og neyta minna fíkniefna en aðrir,“ segir Dóra Björk og bendir á að mikill metnaður sé í unglingastarfi félagsins.

„Núna eru nær allir þjálfararnir okkar menntaðir, hver á sínu sviði og einnig hafa kröfur bæjarins aukist þar sem áhersla er lögð á samfelldan skóladag hjá yngstu börnunum. Hjá krökkum í fyrsta til fjórða bekk eru skólinn og íþróttaæfingar nær alltaf samhangandi þannig að þegar þau fara frá okkur er starfsdegi þeirra að mestu lokið. Þessi stefna bæjarins er af hinu góða en hún er kostnaðarsöm fyrir félagið því núna erum við með fáa þjálfara sem sinna þessu starfi sem aukavinnu því margir þjálfarar þurfa að byrja sína þjálfun strax eftir hádegi.“

'''''Auknar kröfur kosta sitt'''''

Það er ekki lítil ábyrgð sem fylgir því að sjá um íþróttaþjálfun meirihluta barna sem alast upp í Vestmannaeyjum. ÍBV hefur reynt að mæta auknum kröfum en það kostar sitt. „Yngri flokkarnir kosta okkur í dag hátt í 60 milljónir króna og tekjur af æfingagjöldum eru um 12 milljónir en sem betur fer á félagið velgjörðarmenn, sem styrkja barna- og u ng- linga starfið hjá okkur, sem og Ferðajöfnunarsjóður ÍSÍ. Það verður að viðurkennast að æfingagjöldin hafa hækkað töluvert undanfarið en rétt að benda á að æfingag jöldin hjá ÍBV-íþróttafélagi voru þau lægstu á landinu. Við erum að auka þjónust una en þrátt fyrir það erum við ennþá í lægri kantinum. Sum bæjarfélög eru með svokölluð frístundakort sem ná yfir allt tómstundastarf og íþróttir til að létta undir með foreldrum.“

'''Þíða í samskiptum við bæinn'''

Um tíma á síðasta ári virtist anda köldu milli ÍBV og bæjaryfirvalda. Voru það nokkur atriði sem bar á milli, meðal annars var samningur bæjarins um rekstur íþróttavallanna og Týsheimilisins í uppnámi. Nú er það mál leyst og er Dóra Björk þokkalega sátt við niðurstöðuna. „Við erum búin að skrifa undir samning við bæinn um reksturinn á völl unum og Týsheimilinu. ÍBV sér um fótboltavellina og girðingarnar í kringum þá. Þar þarf víða að taka til hendinni varðandi girðingarnar og teljum við nauðsynlegt að girða norðurendann á Týsvellinum til að koma í veg fyrir slys. Bærinn hefur tekið vel í það en á eftir að skoða það mál betur.“ Dóra Björk segir litla breytingu á rekstri vallanna, hún sé aðallega á rekstri Týsheimilisins þar sem ÍBV er með skrifstofur sínar og félags aðstöðu með eldhúsi. „Bærinn rekur um 80 prósent af húsinu en við höfum aðgang að nær öllu. Íþrótta salurinn heyrir undir bæinn og Framhaldsskólinn, sem var með sína leikfimi í salnum, er fluttur upp í Íþróttamiðstöð. Við höfum takmarkaðan aðgang að íþróttasalnum en til þessa hafa óskir okkar um aðgang verið uppfylltar. Þessi tími, sem er liðinn frá því samningurinn var gerður, hefur gengið mjög vel enda allir samtaka í því að láta þetta ganga.“ Á sumrin hefur félagið allt húsið til umráða nema íþróttasalinn og þegar allt er tekið segir hún að samning urinn sé hagstæður fyrir félagið. „Félagið var að borga með húsinu en nú verðum við réttum megin. Bærinn hefur ekki ákveðið svo ég best viti, hver framtíð salarins verði en ég tel engar líkur á að honum verði breytt í skjalasafn,“ segir Dóra Björk en félagið getur fengið salinn þegar kemur að stóru mótunum sem haldin eru á hverju sumri, Shellmótinu og TM pæjumótinu sem og til að halda stóru handboltamótin. Aðstaða fyrir fólk á öllum aldri Dóra Björk er mjög sátt við samstarfið við Vestmannaeyjabæ. „Bærinn kom með auka fjármagn í barna- og unglingastarfið hjá okkur nú í byrjun árs og er að vinna að því að skipa þriggja manna nefnd til að fara yfir fjármál félagsins. Einnig hefur sú hugmynd verið rædd innan félagsins að bærinn eigi fulltrúa í aðalstjórn ÍBV-íþróttafélags.“ Það eru fleiri en íþróttafólk í keppnisíþróttum sem nýta sér í þróttaaðstöðuna sem boðið er upp á í Vestmannaeyjum. „Eimskipshöllin er til að mynda mikið nýtt, fyrir hádegi eru eldri borgarar að nýta sér aðstöðuna, eftir hádegi koma fótbolta- og frjálsíþróttakrakkarnir og um helgar eru það golfararnir sem nýta sér aðstöðuna. Þetta er því fjárfesting sem er að nýtast breiðum hópi bæjarbúa.“

'''''Þurfum að breyta viðhorfi til félagsins'''''

Þegar spjallið berst að ímynd félagsins, segir Dóra Björk að hún mætti vissulega vera betri en nú sé verkefnið að snúa þessu við. „Fyrst þurfum við að fá bæjarbúa í lið með okkur til að breyta viðhorfi fólks til félagsins. Ef fólk hefur skoðanir á starfi félagsins þá væri vel þegið að fá þær því allar hugmyndir eru vel þegnar.“

=== '''3ja sætið í höfn''' ===
Kvennalið ÍBV tryggði sér þriðja sætið í deildarkeppni N1 deild arinnar með nokkuð sannfærandi sigri á Haukum í Íþróttah úsinu við Strandgötu í Hafnar firði á laug ardaginn. Lokatölur urðu 23:28 eftir að staðan í hálfleik var 12:18.

=== '''Harður toppslagur''' ===
Eyjamenn voru ekki í vandræðum með Fjölni þegar liðin áttust við í Eyjum. ÍBV hafði mikla yfirburði í leiknum og lokatölur urðu 40:20. Baráttan á toppnum er allsráðandi en segja má að þrjú lið berjist um toppsætið, ÍBV, Víkingur og S tjarnan en Eyjamenn eru á toppi deildarinnar með tveggja stiga forskot á Víking. Liðin eiga hins vegar öll eftir að leika innbyrðis en fimm umferðir eru eftir af deildarkeppninni.

=== '''Þessir menn eiga hrós skilið''' ===
Þórarinn Ingi Valdimarsson hefur leikið með ÍBV allan sinn feril, er nú er hann kominn í atvinnumensku í Noregi. Í viðtali við Eyjafréttir segir Þórarinn að hann sé kominn í atvinnumennskuna til að vera þar og þótt hann eigi enn tvö ár eftir af samningi sínum, þá stefni hann að því að vera áfram úti. „Ég vona auðvitað að þeir kaupi mig og það er bara undir mér sjálfum komið hvort af því verður eða ekki. Þá er ég að tala um að standa mig innan vallar og leggja mitt af mörkum til liðsins. Ég tel að ég muni ekki koma aftur heim til ÍBV eftir þennan lánssamning. Maður tekur ekki skref fram á við og fer síðan til baka. En maður gæti vel séð sig koma aftur til Eyja eftir einhver ár til þess að spila.“ Ertu ánægður með stjórn knattspyrnudeildar ÍBV og hvernig þeir stóðu að málum gagnvart þér? „Ég hef alltaf verið erfiður en það hefur alltaf verið mitt markmið að komast í atvinnumennsku og sýndu þeir í stjórninni mér skilning sem ég er þeim mjög þakklátur fyrir. Þeir hafa alltaf reynt að gera það besta fyrir mig og láta mér líða sem best. Það er ekki hægt að biðja um meira frá mönnum sem eru í þessu af því að þeir hafa áhuga á því. Þeir eru í sjálfboðavinnu, í endalausu harki og ef félagið væri ekki svo heppið að eiga þessa menn að, þá ætti þá ÍBV ekki topplið í íslenskri knattspyrnu. Þú fokkar ekkert í Hanna harða og félögum. Þessir menn eiga hrós skilið.“

=== '''Stefna hraðbyri í úrvalsdeild''' ===
Karlalið ÍBV í handbolta stefnir hraðbyri í úrvalsdeild en Eyjamenn lögðu Gróttu að velli í febrúarlok, í Eyjum. Eyjamenn spiluðu mjög vel á köflum, sérstaklega í fyrri hálfleik og í lok leiksins. ÍBV skoraði síðustu sex mörk leiksins og vann með níu mörkum, 32:23 eftir að staðan í hálfleik hafði verið 17:12.

Nokkrum dögum áður höfðu þeir unnið auðveldan sigur á Fylki á útivelli. Lokatölur urðu 16:38 en staðan í hálfleik var 6:16. Allir útileikmenn ÍBV, sem voru á leikskýrslu, skoruðu utan eins. Mörk ÍBV: Magnús Stefánsson 7, Theodór Sigurbjörnsson 7, Dagur Arnarsson 6, Grétar Eyþórsson 5, Nemanja Manolovic 4, Hreiðar Örn Zoega Óskarsson 3, Sindri Haraldsson 2, Sigurður Bragason 1, Guðni Ingvarsson 1, Einar Gauti Ólafsson 1, Bergvin Haraldsson.

=== '''Grétar með 200 leiki''' ===
Grétar Þór Eyþórsson lék sinn 200. leik fyrir ÍBV þegar liðið lagði Gróttu að velli. Sex hafa náð því að spila meira en 200 leiki fyrir ÍBV en það eru þeir Sigmar Þröst ur Óskarsson, Guðfinnur Kristmannsson, Erlingur Richardsson, Svavar Vignisson og Sigurður Bragason. Grétar hefur alla tíð leikið með ÍBV.

=== '''FH hafði betur í Lengjubikarnum''' ===
ÍBV mætti FH í Lengjubikarnum en leikurinn fór fram í Reykjaneshöllinni. Óhætt er að segja að leikurinn hafi verið fjörugur því sjö mörk voru skoruð og tvö rauð spjöld fóru á loft. FHingar komust í 1:0 en Eyjamenn svöruðu með tveimur mörkum. FH-ingar jöfnuðu en aftur komust Eyjamenn yfir 3:2. Eyjamenn léku hins vegar einum færri á loka mínútunum eftir að Davíð Þor leifsson fékk að líta rauða spjaldið. Stuttu áður hafði Hermann Hreiðarsson, þjálfari ÍBV, fengið sína aðra áminningu. FH-ingar nýttu sér liðsmuninn, skoruðu tvö mörk og unnu 3:4. Mörk ÍBV gerðu þeir Gunnar Már Guðmundsson (2) og Brynjar Gauti Guðjónsson.

=== '''Duttu úr í undanúrslitum''' ===
Eyjastúlkur kepptu við Val í undanúrslitum Símabikarsins í byrjun mars en þessi lið mættust einmitt í úrslitaleiknum í bikarnum á síðasta ári þar sem Valur hafði betur og áttu Eyjastúlkur því harma að hefna. Nánast frá upphafi í leiknum var lítið hugmyndaflug í sóknarleik ÍBV sem gerði Valskonum frekar auðvelt fyrir í leiknum. ÍBV komst í 3:2 strax í upphafi leiks en svo ekki söguna meir. Í fyrri hálfleik komst Valur mest í átta marka forystu undir lok hálfleiksins og sást að það var talsverð uppgjöf í leikmönnum ÍBV þegar Valur keyrði yfir þær. Staðan í hálfleik var 9-16 og lokatölur 19-27 fyrir Val.

Mörk ÍBV: Guðbjörg Guðmannsdóttir 5, Drífa Þorvaldsdóttir 4, Simone Vintale 3/1, Grigore Gorgata 1, Ester Óskarsdóttir 1. Varin skot: Florentina Stanciu 15/2.

=== '''Úrvalsdeildarsætið í höfn''' ===
Karlalið ÍBV tryggði sér sæti í úrvalsdeild næsta vetur með glæsilegum sigri á Stjörnunni í Garðabæ. Mest náðu Eyjamenn átta marka forystu í leiknum en óvænt spenna hljóp í leikinn á lokakaflanum þegar Garðbæingar náðu að minnka muninn niður í tvö mörk. En lengra komust þeir ekki og lokatölur urðu 24:27.

Eyjamenn báru í raun höfuð og herðar yfir önnur lið í deildinni, enda hefur ÍBV aðeins tapað einum leik í vetur. Þá hefur liðið leikið 18 leiki í röð í Íslandsmótinu án þess að tapa og tapaði aðeins gegn Víkingi á útivelli í annarri umferð deildarinnar.

'''''Alltaf í okkar höndum'''''

„Við komumst í 8:2 og svo var 12:7 í hálfleik. Stjarnan var í raun og veru ekki með neina lausn gegn vörninni hjá okkur enda voru menn að berjast vel,“ sagði Erlingur Richardsson, annar tveggja þjálfara liðsins, í samtali við Eyjafréttir. „Fyrri hálfleikur kom okkur í mjög vænlega stöðu og þótt Stjarnan hafi minnkað muninn niður í tvö mörk, þá var þetta allan tímann í okkar höndum. Strákarnir geisluðu af sjálfstrausti og kláruðu þennan leik með sóma.“ Óhætt er að segja að síðustu tvö ár hafi verið viðburðarík hjá Erlingi en hann stýrði HK til sigurs í Íslandsmótinu í fyrra og nú stýrir hann ÍBV til sigurs í 1. deildinni. „Það er frábært að sjá hlutina ganga upp. Ég hef verið svo heppinn að vera með frábæra leikmannahópa á báðum þessum stöðum, metnaðarfulla leikmenn og þetta helst allt saman í hendur. Svo hef ég líka verið heppinn að vinna með Kristni Guðmundssyni hjá HK og svo núna Arnari Péturssyni hjá ÍBV. Báðir eru þeir toppmenn og góðir þjálfarar og góð samvinna okkar á milli.“

'''''Á að fara upp?'''''

Eins og áður sagði vann ÍBV sér sæti í úrvalsdeild næsta vetur, varð efst í 1. deild með 37 stig, en haft var eftir Arnari eftir sigurinn gegn Stjörnunni að hugsanlega yrði sætinu hafnað. „Umræðan hefur verið þannig að ef við færum upp, þá þyrfti að kaupa tvo leikmenn. Þá sögðum við að kannski væri þá bara betra að vera í 1. deild. Það gæti verið skynsamlegt fyrir samfélagið ef það á að kosta miklu til að fara upp. Deildin hefur verið rekin með hagnaði undanfarin ár og ungir leikmenn hafa fengið tækifæri í 1. deildinni. Er það ekki þannig sem við viljum hafa það. Auðvitað er metnaður hjá okkur fyrir því að spila meðal þeirra bestu en þetta er eitt hvað sem þarf að ræða.“ Treystir þú þér til að fara upp í úrvalsdeild með þennan leikmannahóp? „Já, ef við höldum okkar leikmönnum, þá finnst mér ekki þurfa að bæta miklu við til að við séum með gott úrvalsdeildarlið, og spurning hvort það þurfi nokkuð að bæta við. En ef þú ert með lið, þar sem þarf að kaupa fjóra leikmenn til að eiga möguleika, þá er betra að vera bara áfram í 1. deild. En eins og ég segi, þá tel ég okkur hafa unnið 1. deildina sannfærandi af því að við erum með góðan hóp. Hann þarf hins vegar að fylgjast að, bæta sig saman og taka næstu skref.“

Mörk ÍBV: Theodór Sigurbjörnsson 7, Nemanja Malovic 6, Grétar Ey- þórs son 5, Andri Heimir Friðriksson 4, Guðni Ingvarsson 3, Magnús Stefánsson 1, Sindri Haraldsson 1. Varin skot: Haukur Jónsson 7/1, Kolbeinn Arnarson 7.

=== '''Meistararnir niðurlægðir''' ===
Ríkjandi Íslands-, bikar- og deildarmeistarar Vals fóru heldur framlágar frá Vestmannaeyjum eftir að Eyjastúlkur höfðu niðurlægt þær í síðustu umferðinni. ÍBV hafði ótrúlega mikla yfirburði í leik sem í raun skipti litlu máli, nema kannski fyrir leikmenn ÍBV sem vildu endurheimta stoltið eftir niðurlægjandi frammistöðu í bikarleiknum gegn Val. Það tókst svo um munaði og lokatölur urðu 33:22 eða 11 marka sigur gegn gríðarsterku Valsliði.

=== '''Lengjubikarinn''' ===
Karlalið ÍBV vann sinn fyrsta sigur í Lengjubikarnum þegar liðið lagði BÍ/Bolungarvík 1:0. Það var enski framherjinn Aaron Spear sem skoraði eina mark leiksins. ÍBV er í 5. sæti eftir fimm leiki með sex stig, þrjú jafntefli, einn sigur og eitt tap. Kvennalið ÍBV tapaði 6:0 fyrir Val í Lengjubikarnum á laugardaginn. Staðan í hálfleik var 3:0. ÍBV er í neðsta sæti A-deildar Lengjubikarsins með ekkert stig eftir þrjá leiki en aðeins eru tvær umferðir eftir.

=== '''David James semur við ÍBV''' ===
Enski landsliðsmarkvörðurinn fyrrverandi, David James, skrifaði í gær undir samning hjá ÍBV. James er án efa þekktasti knattspyrnumaðurinn sem hefur verið á mála hjá íslensku liði og sannkallaður hvalreki fyrir ÍBV og í raun íslenska knattspyrnu. James mun bæði leika með ÍBV í sumar og starfa sem aðstoðarþjálfari við hlið Hermanns Hreiðarssonar. Eins og gefur að skilja vakti koma James til ÍBV verðskuldaða athygli. Enskir fjölmiðlar sýndu málinu mikinn áhuga og var m.a. sagt frá vistaskiptum markvarðarins á vef The Guardian, Sky Sports og BBC. James á að baki 53 landsleiki með enska landsliðinu og lék síðast með liðinu á HM í S-Afríku 2010. Hann hefur verið atvinnumaður síðan 1988 þegar hann skrifaði undir samning hjá Watford. Þar var hann til 1992, þegar hann skipti yfir í Liverpool, þar sem hann lék 214 leiki. Hann hefur einnig leikið með Aston Villa, West Ham, Manchester City, Portsmouth, Bristol City og Bournemouth. James er jafnframt næstleikjahæsti leikmaður ensku úrvalsd eilda rinnar, aðeins Ryan Giggs hefur spil að fleiri leiki.

=== '''Havarí og herlegheit á herrakvöldi''' ===
Hið árlega Herrakvöld handknattleiksdeildar var haldið í Akóges í lok mars. Eins og alltaf var mikið fjör enda um 140 gestir, allt herrar að sjálfsögðu. Jóhannes Kristjánsson eftirherma og uppistandari sló í gegn með sitt atriði og grenjuðu viðstaddir hreinlega úr hlátri. Þá var frumsýnt nýtt myndband í anda Hraðfrétta á RÚV þar sem gert var góðlátlegt grín að mönnum og málefnum í bæjarfélaginu. Eyþór Harðarson stjórnaði bingói af sinni alkunnu snilld en eftirvæntingin var svo mikil að öll bingóspjöldin seldust upp. Einsi kaldi sá um að elda matinn, ásamt Kára Vigfússyni en þeim innan handar voru þeir Bragi Magnússon, Haraldur Sverrisson og Pálmi Harðarson. Fimmmenningunum tókst að kæta bragðlaukana svo um munaði.

=== '''Allt uppí loft hjá ÍBV íþróttafélagi''' ===
Komin er upp skrýtin staða í stjórn ÍBV-íþróttafélags þar sem fimm af sjö stjórnarmönnum takast opinberlega á. Formaður og gjaldkeri ásaka aðra í stjórninni um að ganga erinda annað hvort fótbolta eða handbolta á kostnað heildarhagsmuna félagsins. Varaformaður og meðstjórnandi vísa þessu á bug og segja ágreining í stjórninni um framkvæmd þjóðhátíðar.

Í yfirlýsingu frá formanni og gjaldkera í gær segir að við þessar aðstæður treysti þau sér ekki til að halda áfram í stjórninni. Varaformaður og meðstjórnandi vísa þessu til föðurhúsanna og í yfirlýsingu segja þeir ágreininginn vera um framkvæmd þjóðhátíðar. Því svarar formaður þjóðhátíðarnefndar fullum hálsi og segir gífuryrði og sleggjudóma sjaldan hjálpa og skella oft á endanum í andliti eigenda. Línur hljóta að skýrast á aðalfundi félagsins í næstu viku þar sem reikningar verða lagðir fram. Þetta upphlaup í stjórninni er félaginu ekki til framdráttar en það má eflaust að einhverju leyti rekja til erfiðrar fjárhagsstöðu félagsins sem hefur átt í erfiðleikum með að standa við fjárhagslegar skuldbindingar frá síðasta hausti. Þar koma líka fram tölur um afkomu þjóðhátíðar og upplýst verður hvort hún er að skila viðunandi afkomu fyrir félagið.

'''''Heildarhagsmunir að leiðar ljósi'''''

Aðalfundur félagsins verður 18. apríl nk. og var ekki annað að sjá en að hann kæmi til með að fara fram í ró og spekt, þar til nú. Búið að skipa í þjóðhátíðarnefnd og nýr og öflugur framkvæmdastjóri kominn til starfa. En eindrægni og friður var ekki til staðar í aðalstjórn og sauð upp úr í gær þegar Jóhann Pétursson, formaður ÍBV-íþróttafélags undanfarin ár, og Guðný Hrefna Einarsdóttir, sem hefur lengst af starfað sem gjaldkeri í stjórninni, gáfu út að þau hefðu ákveðið að gefa ekki kost á sér til áframhaldandi starfa. Þau segja ástæðuna vera að ekki ríki fullur vilji innan stjórnar að gæta fyrst og síðast að heildarhagsmunum félagsins umfram sérhagsmuni deilda. Í yfirlýsingu Jóhanns og Guðnýjar Hrefnu til félaga í ÍBV-íþróttafélagi segjast þau lengi hafa starfað fyrir félagið og komið að margs konar verkefnum fyrir það í gegnum tíðina. Guðný frá 2003 og Jóhann sem formaður frá 2005. „Leiðarljós okkar í því starfi hefur verið að gæta að heildarhagsmunum félagsins, hlúa að starfinu og öllum deildum jafnt, án þess að gengið sé á hlut annarra,“ segja þau og bæta við: „Við höfum, í gegnum tíðina, starfað með mörgu góðu fólki í aðalstjórn sem hefur deilt þessum markmiðum með okkur. Margar ákvarðanir hafa verið teknar og fordæmi sett í góðri samvinnu allra aðalstjórnarmanna með málefnalegri umræðu og aðalstjórn því notið trausts og viðurkenningar alls félagsins.“

Þau segja stjórnarmenn verða að bera heildarhagsmuni félagsins fyrir brjósti þó áhugi fólks sé annaðhvort á fótbolta eða handbolta. „Aðalstjórn getur aldrei orðið sameiningartákn félagsins að öðrum kosti,“ segja þau. Sérhagsmunir látnir ráða Þau segja síðasta starfsár hafi ekki verið með þeim hætti, aðalstjórn félagsins hafi ekki verið það sam einingartákn og vettvangur samv innu og samstarfs sem stjórnin á að vera. „Að mati okkar ríkir ekki fullur vilji meðal allra aðalstjórnarmanna að gæta fyrst og síðast að heildar hagsmunum félagsins umfram sér hags muni deilda.“ Bæði segjast þau hafa haft áhuga á að sitja lengur í stjórninni en ástand- ið sé óviðunandi, jafnt fyrir aðalstjórn sem og félagið í heild sinni. „Eðlilegt er, ef gæta á að sérhags munum deilda í aðalstjórn umfram heildarhagsmuni félagsins, þá sé aðalstjórn skipuð mönnum og konum úr viðkomandi deildum sem koma þá að starfinu á þeim forsendum. Við undirrituð erum ekki reiðubúin til að gefa kost á okkur til endurkjörs í aðalstjórn á þessum grundvelli,“ segja Jóhann og Guðný sem eru mjög sátt við hvernig til hefur tekist í stjórnartíð þeirra. Margt hafi áunnist, mikil uppbygging hafi átt sér stað, t.a.m. risið knattspyrnuhús og stúka við aðalvöll félagsins. Þá hefur verið lagður sterkur grunnur að góðri þjóðhátíð með markvissri uppbyggingu í Herjólfsdal. „Einna stoltust erum við þó af því sterka barna- og unglingastarfi sem félagið hefur lagt áherslu á undanfarin ár. Er ÍBV þar í fararbroddi á landsvísu og varð á síðasta ári fyrirmyndarfélag ÍSÍ. Til framtíðar teljum við mikil vægast að vinna að skuldalækkun félagsins en sú vinna er hafin, m.a. með aðkomu Vestmannaeyjabæjar. Við teljum hins vegar að það verkefni verði mjög erfitt ef heildar hagsmunir félagsins eru ekki leiðarljósið innan aðalstjórnar. Við vitum að uppbygging félags eins og ÍBV-íþróttafélags gerist ekki nema vegna mikillar og fórnfúsar vinnu margra sem leggja mikið á sig og viljum að lokum þakka öllu því frábæra fólki sem við höfum unnið með hjá ÍBV-íþróttafélagi í gegnum tíðina. Við erum að sjálfsögðu ekki hætt að leggja þar hönd á plóg þó á öðrum vettvangi verði,“ segja Guðný Hrefna og Jóhann í niðurlagi yfirlýsingar sinnar.

=== '''Hermann skrifar undir samningum þjálfun karlaliðs ÍBV í knattspyrnu''' ===
Hermann tók við ÍBV eftir síðasta tímabil en gengið var frá ráðningu hans áður en síðasta tímabil var úti. Hermann sagði í samtali við Eyjafréttir að það hafi aldrei annað komið til greina en að koma til ÍBV til að ljúka ferlinum. „Ég er Eyjamaður í húð og hár og hafði bara búið í Eyjum áður en ég flutti út í ágúst 1997. Ég hafði bara spilað með ÍBV, upp alla yngri flokkana og þetta er sá klúbbur sem skiptir mig máli. Það var því ekkert annað sem kom til greina en að koma heim

==== '''Æfingaferð til Valencia á Spáni''' ====
Kvennalið ÍBV í knattpspyrnu fór á dögunum til Spánar í æfingaferð, nánar tiltekið til Valencia. Þar æfði liðið tvisvar á dag en tók svo þátt í Valencia Cup, sem er knattspyrnumót kvennaliða og er haldið í borginni. 2. flokkur ÍBV lék þrjá leiki í mótinu, fyrst gegn Segorbe frá Spáni sem endaði 4:0 fyrir ÍBV. Næst var leikið gegn Val encia, þar sem heimaliðið hafði betur 1:3 en að lokum töpuðu stelpurnar fyrir Aurrera 0:4. Meistaraflokkur byrjaði á því að vinna Benageber 2:0 og Maritim 3:2. Í síðasta leik riðilsins völtuðu stelp- urnar svo yfir Chimena 11:2 og voru þar með komnar í undanúrslit. Þar lögðu Eyjastelpur Aurrera 4:0. Í úrslitaleik mætti ÍBV svo Valencia en staðan í hálfleik var 0:0. Sigríður Lára Garðarsdóttir tryggði ÍBV svo sigurinn með marki á lokamínútu leiksins. Í mótslok var Bryndís Jóhannesdóttir valin leikmaður mótsins.

=== '''Komnar í undanúrslit''' ===
Kvennalið ÍBV er komið í undan úrslit Íslandsmótsins eftir að hafa lagt FH að velli í tveimur leikjum. FH gerði Eyjaliðinu þó erfitt fyrir, því fyrri leikur liðanna endaði í framlengingu þar sem ÍBV hafði að lokum betur, 29:26. Eyjaliðið hafði betri tök á síðari leiknum og vann hann 19-25. Þar með er ÍBV komið í undanúrslit þar sem liðið mætir Fram, öðru af tveimur bestu liðum í kvennaboltanum undanfarin ár. Liðin mætast fyrst í Reykjavík en svo aftur í Eyjum. Vinna þarf þrjá leiki til að komast í úrslita rimmuna.

=== '''Yngri flokkarnir''' ===
Þriðji flokkur karla í handbolta tryggði sér sæti í undanúrslitum Íslandsmótsins með heldur óvæntum en glæsilegum sigri á Fram í 8-liða úrslitunum. Leikurinn fór fram á heimavelli Framara en Eyjapeyjar unnu með þremur mörkum, 26:29. ÍBV lék í 2. deild í vetur en endaði í efsta sæti og komst því í úrslit. Fram aftur móti lék í 1. deild, end aði í efsta sæti og því eru úrslitin nokkuð óvænt. Í undanúrslitum mætir ÍBV FH, sem endaði í þriðja sæti 1. deildar í vetur. Mörk ÍBV: Dagur Arnarsson 10, Arnar Gauti Arnarson 5, Nökkvi Dan Elliðason 5, Hákon Styrmisson 4, Svavar Grétarsson 4, Magnús Karl Magnússon 4. Fjórði flokkur karla komst einnig í 8-liða úrslit Íslandsmótsins, bæði yngra og eldra árið. Eldra liðið sótti Hauka heim en tapaði í hörkuleik 28:26. Yngra liðið er hins vegar komið áfram eftir sann færandi sigur á Herði frá Ísafirði. Liðin áttust við í Eyjum á laug ardag og var aldrei spurning hvort liðið væri betra enda lokatölur 24:12 fyrir ÍBV. Í undanúrslitum sækir ÍBV FH heim í Kaplakrika. Þjálfari beggja flokka er Jakob Lárusson. Mörk yngra liðsins: Breki Ómarsson 6, Friðrik Holm Jónsson 3, Hákon Jónsson, Elliði Snær Viðarsson 3, Sveinn Andri Pálsson 2, Ágúst Emil Grétarsson 2, Darri Viktor Gylfason 2, Ásgeir Elíasson 1, Ingvar Ingólfsson 1, Daníel Sigurjónsson 1.

=== '''Þung undiralda á aðalfundi''' ===
Salurinn í Týsheimilinu var þétt setinn á aðalfundi ÍBV-íþróttafélags 17. apríl. Stórkarlalegar yfirlýsingar stjórnarmanna dagana á undan hafa örugglega átt sinn þátt í áhuga á fundinum. Það var áfram þungi í mönnum en umræðan var þó vel innan velsæmismarka. Það sem stendur upp úr er glæsilegur árangur félagsins á síðasta ári og öflugt starf en dökka hliðin er að félagið skuldar of mikið. Um þetta var tekist á fundinum og féllu þung orð, m.a. sagt að þjóðhátíð skilaði ekki því sem gera mætti ráð fyrir miðað við umfang og veltu. Því var mótmælt og sýnt fram á að tekjur af þjóðhátíð skipta máli fyrir rekstur félagsins þó alltaf megi deila um hvað sé ásættanlegt og hvað ekki.

'''''Frábær árangur á íþróttasviðinu'''''

Í skýrslu stjórnar var farið yfir starfið sem Jóhann Pétursson, formaður, sagði að hefði verið óvenju gjöfult á síðasta ári. ÍBV hefði átt fólk í nánast öllum landsliðum á árinu í handbolta og fótbolta, árangur í yngri flokku m hefði verið viðunandi og meistaraflokkar karla og kvenna í fótbolta væru í fremstu röð. Karlarnir höfnuðu í þriðja sæti efstu deildar og stelpurnar í öðru sæti. Í handboltanum var árangur karlaliðsins ekki nógu góður í fyrra en liðinu tókst að komast upp í úrvalsdeild í ár. Kvennaliðið var í þriðja sæti í efstu deild og spilaði til úrslita í bikarnum. Auk þess var bent á að ÍBV á þrjá í hópi landsliðsþjálfara, Erling Richardss on og Unni Sigmarsdóttur í handbolta og Heimi Hallgrímsson í fótbolta. Jóhann sagði að unglingastarfið væri líka öflugt og reynslan af Íþróttaa kademíunni sem rekin er í samstarfi við skólana, Grunnskólann og Framhaldsskólann, væri góð og ætti eftir að skila sér í enn öflugra íþróttastarfi í framtíðinni. Það var líka á honum að skilja að hann er ánægður með nýjan samning við bæinn um vellina og rekstur Týsheimilisins.

'''''Miklar skuldir'''''

Til að standa undir rekstrinum þarf mikla peninga og þegar byggingaframkvæmdir bætast við, eykst þörfin. Samkvæmt reikningum, sem lagðir voru fram á fundinum, eru skuldir ÍBV-íþróttafélags nálægt 140 milljónum króna og fór mikill tími í að velta fyrir sér ástæðunum. Þær eru helstar að unglingastarfið kostar mikið, hallarekstur á karlafótboltanum og bygging stúkunnar og sviðsins í Herjólfsdal. Þetta er staða sem er óviðunandi og því gerðu sér allir grein fyrir sem sátu fundinn. Er hún örugglega ástæðan fyrir óeiningu stjórnarinnar og það var þungt í mönnum þegar þeir skiptust á skotum.

'''''Efaðist um heilindi'''''

Jóhann, formaður, sagði að rekstur knattspyrnudeildar karla hefði verið óviðunandi í nokkur undanfarin ár og er deildin í hárri skuld við aðalstjórn. Sagði hann það heppni að staða deildarinnar væri ekki enn verri, nefndi hann í því sambandi Evrópusæti og sölu á leikmönnum sem hefði hjálpað til. Sagði hann réttlátt að deildin greiddi dráttarvexti af skuldinni.

Á aðalfundi 2012 komu Páll Magnússon, varaformaður og Stefán Jónsson, meðstjórnandi, inn í stjórnina. Jóhann sagði að þeir hefðu komið inn með því hugarfari að standa vörð um hagsmuni karlafótboltans. Nefndi hann nokkur dæmi máli sínu til stuðnings þar sem hann sagði að Páll og Stefán hefðu viljað taka karlafótboltann fram yfir hagsmuni félagsins.

Jóhanni mislíkaði það mjög að skrifað var undir samning við David James, nýjan markmann ÍBV, í höfuðstöðvum Coca Cola þar sem sonur Stefáns, Jón Viðar, stjórnar markaðsmálum. Sagði hann að fulltrúar Ölgerðarinnar, sem er einn aðalstyrktaraðili félagsins, hefðu verið mjög ósáttir.

'''''Þjóðhátíð gefur of lítið'''''

Páll Magnússon var þessu ekki sammála, sagðist hafa komið inn í stjórnina til að vinna félaginu gagn og staðfesti fyrri yfirlýsingar um að deilan snerist um þjóðhátíðina, sem að mati hans og Stefáns væri ekki að skila því til félagsins sem hún ætti að gera. Umfangið væri of mikið og það að ráða erlenda skemmtikrafta væri út í hött. Þeir hefðu kostað jafn mikið og allir aðrir skemmtikraftar til samans.

Páll bar af sér að þeir Stefán hefðu nokkuð haft með það að gera þegar knattspyrnuráð karla skrifaði undir samninginn við David James. Páll deildi ekki við Jóhann um að skuldir félagsins væru of miklar en benti á að hér eru rekin tvö af öflugustu fyrirtækjum landsins, Ísfélag og Vinnslustöð og þyrfti að fá þau til að koma meira að rekstrinum.

'''''Afkoman sú þriðja besta'''''

Páll Scheving, fráfarandi formaður þjóðhátíðarnefndar og varamaður í stjórn félagsins, var ekki hress með orð nafna síns um afkomu þjóðhátíð ar, sagði þau byggð á vanþekkingu og væru meiðandi fyrir alla þá sem koma að starfi við þjóðhátíð. Hann sagði fjármál þjóðhátíðar vera í föstum skorðum, innheimtu vera í höndum traustra manna og gerði myndrænt grein fyrir kostnaði, varpaði upp skilagrein fjárhirða Þjóðhátíðar 2013 máli sínu til stuðnings. Afkoman af þjóðhátíðinni 2010, sem var fyrsta þjóðhátíðin eftir að Landeyjahöfn var opnuð, var mjög góð. Árið eftir var skellur þegar aðeins um helmingur þeirra sem sem átti pantað í Herjólf skilaði sér. Við þessu var brugðist og keypti ÍBV alla farmiða í Herjólfi á síðasta ári þannig að tryggt væri að þeir sem keyptu miða í Dalinn ættu víst far til Eyja. Í fyrra var ákveðið að leggja sérstaka áherslu á sunnudaginn og var það m.a. ástæðan fyrir því að írski söngvarinn Ronan Keating var fenginn til að koma fram á sunnudagskvöldinu. Var það gagnrýnt en samkvæmt því sem kom fram hjá Páli varð salan á sunnudeginum margfalt meiri en nokkurn tímann áður og gerði útslagið um góða afkomu þjóðhátíðar. Sagði Páll að hagnaður væri um 30 prósent af veltu sem þætti gott í almennum rekstri. Fullyrti hann að afkoman væri sú þriðja besta frá upphafi og því mótmælti enginn.

Dóra Björk Gunnarsdóttir, framkvæmdastjóri ÍBV, kynnti fjárhagsáætlun þjóðhátíðarnefndar í ár og þar er gert ráð fyrir sömu tekjum og fyrra sem styður það sem Páll Scheving sagði. '''''Boðað til framhaldsaðalfundar'''''

Þó að þungi hafi verið í stjórnarmönnum var ekkert sagt sem ekki gleymist á nokkrum dögum og í máli þeirra og annarra sem tóku til máls á fundinum kom í ljós að allir vilja hag ÍBV sem mestan. Gera sér grein fyrir því að félagið er ein af stoðum bæjarfélagsins. Breytingar á lögum félagsins voru lagðar fyrir fundinn en ákveðið var að fresta afgreiðslu þeirra til framhaldsaðalfundar. Þá verður kosin ný stjórn en ekki hefur verið ákveðið hvenær fundurinn verður. Ljóst er að nýrrar stjórnar bíður ærið verkefni að rétta af hag félagsins. Grunnurinn er traustur og á móti skuldum eru eignir í mannvirkjum og miklum mannauði sem er hryggjarstykkið í starfseminni.

=== '''Féllu úr leik''' ===
Kvennalið ÍBV féll úr leik í undanúrslitum gegn Fram annað árið í röð þegar liðið tapaði síðasta leik sínum, 17:21. Þegar upp var staðið reyndist heimavöllurinn ekki eins sterkt vígi og flestir áttu von á því ÍBV tapaði báðum heimaleikjum sínum en veitti Fram mun meiri mótspyrnu á útivelli og vann eina leik sinn í rimmunni í Reykjavík.

=== '''Forvarnarhópur ÍBV í átaki''' ===
Forvarnahópur ÍBV-íþróttafélags var stofnaður í júní á síðasta ári en eins og nafnið gefur til kynna, hefur hópurinn það að markmiði að starfa að ýmsum forvörnum. Fyrsta verk efni hópsins var að standa fyrir átakinu „Bleiki fíll inn“ fyrir síðustu þjóðhátíð en verkefnið tókst afar vel, vakti athygli á landsvísu og bæjar búar tóku því fagnandi. Nú ætlar Forvarnahópurinn, í samvinnu við Íslandsbanka og Íþróttaakademíu ÍBV-íþróttafélags, að fara af stað með aðra herferð sem beinir sjónum sínum að vímuefna neyslu unglinga.

„Ætlunin er að efna til hugmynda samkeppni þar sem meðlimir Íþrótta akademíunnar eru hvattir til að taka þátt, þó öllum ungmennum á aldr inum 14-18 ára sé meira en velkomið að spreyta sig,“ sagði Jóhanna Ýr Jónsdóttir, einn forsvarsmanna Forvarnahópsins. „Þessi hugmyndasamkeppni er h ugsuð sem vettvangur fyrir ungmenni til að hanna slagorð, „lógó“, plaköt, jafnvel leikna auglýsingu ef einhver vill fara alla leið, og eru veitt verðlaun fyrir alla þessa þætti. Hverjir ná betur til ungmenna en önnur ungmenni? Hvernig slagorð

myndi ná til þín ef þú ert á þessum aldri? Eða „lógó“?“ spyr Jóhanna og kallar eftir hugmyndum ungmenna. Meðlimir Íþróttaakademíunnar munu svo taka þátt í herferð í sumar, vera áberandi meðal ungs fólks, t.d. í Herjólfsdal á þjóðhátíð og hvetja ungmenni til að skemmta sér vel, án vímuefna.

„Skilaboð til unglinga virðast vera að það sé eðlilegasti hlutur í heimi að byrja að neyta áfengis sem leiðir oftar en ekki til neyslu á sterkari efnum. Eru þessi skilaboð eðlileg? Er hægt að skemmta sér án vímu efna? Já! Því viljum við fá ungmenni til liðs við okkur til að semja auglýsingaherferð með það að mark miði að ná til annarra ungmenna,“ segir í tilkynningu frá Forvarnahópi ÍBV.

=== '''Tveir Íslandsmeistaratitlar til ÍBV''' ===
Tveir tveir flokkar ÍBV í handbolta urðu Íslandsmeistarar, yngra ár 4. flokks karla og eldra ár 5. flokks kvenna. Þjálfarar drengjaliðsins eru þeir Grétar Þór Eyþórsson og Jakob Lárusson en þjálfari stúlknaliðsins er Unnur Sigmarsdóttir.

Unnur sagði í samtali við Eyjafréttir að stelpurnar væru vel að því komnar að fagna titlinum í ár. „Þessi sami árgangur varð í öðru sæti Íslands mótsins í fyrra og við settum stefnuna á titilinn nú. Við vissum að þær gætu náð alla leið og stelpurnar stóðu sig mjög vel. Þetta er stór hópur, 27 leikmenn í bæði eldri og yngri árgangi og gaman að hafa svona stóran hóp. Yngra árið endaði í 8. sæti þannig að þessi flokkur er mjög efnilegur. En þetta er ekki fyrsti Íslandsmeistaratitillinn sem þú vinnur fyrir ÍBV? „Nei ég var einmitt að telja þetta saman um daginn og ég held að þetta sé sjötti Íslandsmeistaratitillinn sem ég vinn með félaginu. En svo á ég nokkra bikar- og deildarmeistaratitla líka,“ sagði meistaraþjálfarinn að lokum. Grétar Þór sagði að veturinn hafi verið langur. „Við komum inn með breytingar sem gengu illa til að byrja með og strákarnir höfðu ekki mikla trú á því sem verið var að gera. En smám saman lagaðist leikur liðsins og þær áherslur sem við unnum út frá fóru að virka. Ég held að við

höfum svo toppað á hárréttum tíma. Við vorum ekki með það í huga fyrir úrslitaleikinn að við gætum orðið fyrsta karlalið ÍBV í handbolta til að hljóta Íslandsmeistaratitil, enda held ég að strákarnir hefðu þá verið mjög stressaðir. En eftir að við fengum að vita það, þá var það mjög skemmtilegt.“

=== '''Vetrarlok ÍBV íþróttafélags''' ===
Vetrarlokahóf ÍBV-íþróttafélags fór fram 4. maí en eins og undan farin ár, heldur félagið tvö lokahóf, að vori og hausti og er öllum félagsmönnum boðið til veislunnar. Á vorin er árangri handboltans fagnað en á haustin er árangrinum í fótboltanum fagnað. Oft hafa fleiri sótt loka hóf félagsins en nú, en það helgast sjálfsagt af því að kvöldið áður voru bæði Herra- og konukvöld á vegum knattspyrnudeildar ÍBV og hefur það sjálfsagt dregið úr aðsókn á lokahófið.

Engu að síður var lokahófið glæsilegt í alla staði og viðstaddir mættu í sínu fínasta pússi. Jóhann Pétursson, formaður ÍBV-íþróttafélags fór yfir glæsilegan árangur handboltans í vetur en karlalið ÍBV vann sér sæti í úrvalsdeild með því að enda í efsta sæti í 1. deild og kvennalið ÍBV komst í undanúrslit, bæði í bikar og í Íslandsmóti. Þá voru landsliðsmenn ÍBV í handbolta kallaðir upp en þeir voru fjölmargir í vetur. Ólöf Aðalheiður Elíasdóttir, einn öflugasti sjálfboðaliði félagsins undanfarin ár var dregin úr Pepsípottinum og boðið var upp á tónlistaratriði. En hápunktur lokahófanna ár hvert er verðlaunahendingin. Florentina Stanciu og Sindri Haraldsson voru valin bestu leikmenn meistaraflokkanna að þessu sinni en þau Drífa Þorvaldsdóttir og Haukur Jónsson fengu Fréttabikarana. Að þessu sinni var afhending Fréttabikaranna breytt á þann veg að bestu leikmenn 2. flokks karla og 3. flokks kvenna fá Fréttabikarinn. Mestu framfarir í meistaraflokki sýndu þau Sandra Dís Sigurðardóttir og Andri Heimir Friðriksson og þau Drífa og Theodór Sigurbjörnsson voru valin efnilegust.

Í 2. flokki karla var Hreiðar Örn Óskarsson val inn efnilegastur og Bergvin Haralds son sýndi mestu framfarir.

Í 3. flokki kvenna var Erla Rós Sigmarsdóttir efnilegust en Guðdís Jónatansdóttir sýndi mestu framfarir.

=== '''Sönkuðu að sér verðlaunum''' ===
Lokahóf HSÍ fór fram 11. maí í Reykjavík. Fjölmörg verðlaun voru veitt á hófinu en ÍBV fékk nokkur verðlaun. T.d. fékk ÍBV svokallaðan unglingabikar HSÍ, sem er veittur því félagi sem þykir standa sig vel í þjálfun ungmenna en mikil áhersla hefur verið lögð á unglingastarf félagsins undanfarið og ÍBV því vel að því komið að hljóta þessa merku viðurkenningu. Þá fékk Guðbjörg Guðmannsdóttir háttvísisverðlaun og Florentina var valin besti markvörðurinn. Það vekur hins vegar athygli að ekki var laust pláss fyrir besta markmanninn í úrvalsliði N1 deildar kvenna.

Viðurkenningar sem ÍBV fékk: Háttvísisverðlaun HDSÍ: Guðbjörg Guðmannsdóttir. Unglingabikar: ÍBV. Markahæsti leikmaður 1. deildar: Nemanja Malovic. Besti varnarmaður 1. deildar: Magnús Stefánsson. Besti sóknarmaður 1. deildar: Nemanja Malovic. Besti markmaður N1 deildar: Florentina Stanciu. Bestu þjálfarar 1. deildar: Arnar Pétursson og Erlingur Birgir Richardsson. Efnilegasti leikmaður 1. deildar: Theodór Sigurbjörnsson. Leikmaður ársins í 1. deild: Nemanja Malovic.

=== '''Lokahóf yngri flokkanna''' ===
ÍBV-íþróttafélag hélt lokahóf fyrir handboltaiðkendur í yngri flokkunum sunnudaginn 4. maí í Týsheimilinu. Fjölmargir sóttu hófið en byrjað var með leikjum, svo var verðlauna afhending, þá pulsupartí og svo sigurveisla á Hásteinsvelli þar sem ÍBV lagði Breiðablik að velli. Allir iðkendur í handbolta skólanum og 7. flokki fengu viðurkenningaskjal en í 6. til 3. flokki voru afhent einstaklings verðlaun. Þau sem hlutu verðlaun voru þessi:

''3. flokkur karla''

ÍBV-ari Svavar Kári Grétarsson

Framfarir Magnús Karl Magnússon.

Bestur Dagur Arnarson

4. flokkur kvenna

Efnilegust Sandra Erlingsdóttir

Framfarir Díana Dögg Magnúsdóttir

BestArna Þyrí Ólafsdóttir

''4. flokkur karla Eldri:''

ÍBV-ari Nökkvi Dan Elliðason

Framfarir Friðrik Magnússon

Bestur Hákon Daði Styrmisson

''Yngri:''

ÍBV-ari Elliði Snær Viðarsson

Framfarir Andri Ísak Sigfússon

Bestir Logi Snædal Jónsson og Breki Ómarsson

''5. flokkur kvenna Eldri:''

Ástundun Þóra Guðný Arnarsdóttir

Framfarir Hafdís Magnúsdóttir

ÍBV-ari Ásta Björt Hallgrímsdóttir

''Yngri:''

Ástundun Dagbjört Sigurðardóttir

Framfarir Þorbjörg Júlía Ingólfsdóttir

ÍBV-ari Birta Birgisdóttir

''5. flokkur karla Eldri:''

Ástundun Nökkvi Óðinsson

Framfarir Róbert Eysteinsson

ÍBV-ari Sigurður Magnússon

''Yngri:''

Ástundun Daníel Már Sigmarsson

Framfarir Eyþór Kjartansson

ÍBV-ari Ívar Logi Styrmisson

''6. flokkur kvenna Eldri:''

Ástundun Urður Eir Egilsdóttir

Framfarir Bjartey Bríet Elliða dóttir

ÍBV-ari Elísa Björk Björnsdóttir

''Yngri:''

Ástundun Harpa Valey Gylfadóttir

Framfarir Andrea Gunnlaugsdóttir

ÍBV-ari Birta Lóa Styrmisdóttir

''6. flokkur karla Eldri:''

Ástundun Sæþór Páll Jónsson

FramfarirArnar Þór Lúðvíksson

ÍBV-ari Jón Kristinn Elíasson

''Yngri:''

Ástundun Tómas Bent Magnússon

Framfarir Rúnar Gauti Gunn arsson

ÍBV-ari Gauti Gunnarsson

=== '''Skemmtilegur opnunarleikur''' ===
Það var augljóst að mikil eftir vænting ríkti í Vestmannaeyjum þegar blásið var til leiks í opnun arleik Íslandsmótsins, sem að þessu sinni fór fram á Hásteinsvelli. Þar áttust við heimamenn í ÍBV og ÍA en í liði ÍBV var stórstjarnan David James. Það fór líka ekki á milli mála að stuðningsmenn liðsins vildu berja stór stjörn una augum, enda voru ríflega eitt þúsund manns á vellinum og fjölmargir voru mættir mjög tímanlega. ÍBV hafði betur í leiknum 1:0 með marki Gunnars Más Guðmundssonar.

Þúsund manns á leik á Hásteinsvelli þykir mikið enda yfirleitt hægt að telja stuðningsmenn aðkomuliðanna á fingrum annarrar handar. Og til samanburðar, þá voru áhorfendur á Hásteinsvelli í fyrra aðeins 660 talsins að meðaltali. En til að toppa upplifunina þá lék Eyjaliðið afskaplega vel í leiknum. Eyjamenn héldu boltanum vel innan liðsins í fyrri hálfleik og spiluðu oft á tíðum fantavel sín á milli. Í síðari hálfleik var meira um baráttu á vellinum og þar gáfu Eyjamenn ekkert eftir. Það er því jákvætt að í þessum tveimur þáttum, spili og baráttu, þá standa Eyjamenn betur að vígi en Skagamenn.

Það reyndi ekki mikið á David James í leiknum. Hann greip þó vel inn í en það sem munar hvað mest um, er það öryggi sem hann veitir liðinu. James var stöðugt talandi við strákana fyrir framan sig, segja þeim til enda ekki nokkur leikmaður í íslensku deildinni sem hefur álíka reynslu og hann. En það verður ekki tekið af vörn ÍBV-liðsins að hún stóð sig mjög vel í leiknum, sem varð til þess að James þurfti aldrei að taka á honum stóra sínum. „Já, ég er alveg himinlifandi með að halda hreinu í fyrsta leiknum. Liðið í heild varðist mjög vel í leiknum og strákarnir í vörninni stóðu sig mjög vel. ''Það reyndi ekki mjög mikið á mig í leiknum, þannig að fyrsti leikurinn minn á Íslandi var að mörgu leyti mjög þægilegur,“'' sagði David James, hinn viðkunnanlegi markvörður ÍBV, eftir leikinn. Þá var gaman að sjá Hermann Hreiðarsson í ÍBV búningi á Hásteinsvelli að nýju en Hermann lék síðast með ÍBV á þessum sama velli 30. júlí 1997. Reyndar kom upp spaugilegt atvik þegar Hermann hugðist ganga til leiks því aðstoðardómari fór fram á að hann tæki af sér giftingarhringinn. Áhorfendur á Hásteinsvelli höfðu sýnt hrifningu sína með að rísa úr sætum og klappa fyrir Hermanni. En það tók rúma mínútu að ná hringnum af og þessi uppákoma var kannski svolítið lýsandi fyrir þennan hressa Eyjamann.

Byrjunarlið ÍBV: David James. Arnór Eyvar Ólafsson, Eiður Aron Sigurbjörnsson, Brynjar Gauti Guð- jónsson, Matt Garner. Tonny Maw ejje, Ian Jeffs, Gunnar Þorsteinsson, Bradley Simmons. Gunnar Már Guðmundsson, Víðir Þorvarðarson. Mark ÍBV: Gunnar Már.

==== '''Stelpurnar töpuðu fyrsta leiknum.''' ====
Kvennalið ÍBV tapaði fyrsta leik sínum í Íslandsmótinu er þær Stjörnuna heim í Garðabæinn. Stjarnan hafði talsverða yfirburði í leiknum og vann sanngjarnan sigur, 3:0. Leikur ÍBV olli nokkrum vonbrigðum en þó ber að hafa það í huga að leikmenn hafa komið seint til liðsins og miklar breytingar sem orðið hafa á ÍBV liðinu. Það var augljóst í leiknum að leikmenn hafa ekki náð að æfa nógu mikið saman.

Jón Ólafur Daníelsson prófaði að hafa Sigríði Láru í stöðu miðvarðar í leiknum og nýi spænski leikmaðurinn, Ana Maria Escibano, lék á miðjunni. En þegar þær skiptu um stöðu, gekk Eyjakonum betur. Jón Óli var á því að Stjarnan hefði getað unnið mun stærri sigur. „''Við vorum flengd í dag. Þær hefðu getað unnið okkur 7:0 í dag. Dagsform Stjörnunnar var flott í dag og Stjarn an er bara með frábært lið. Getumunurinn er ekki svona mikill en þeirra dagsform var betra í dag. Stjarnan er hins vegar með annað af tveimur bestu liðum deildarinnar,“'' sagði Jón Ólafur Daníelsson í viðtali eftir leikinn. „Við fengum leikmann í gær sem hefur bara tekið þátt í einni æfingu og við höfum bara ekki verið nógu mikið saman. Við verðum að nota þessa viku eins vel og við getum og koma eins vel undirbúin í næsta leik og hægt er,“ bætti hann við.

Byrjunarlið ÍBV: Bryndís Lára Hrafnkelsdóttir, Sóley Guðmundsdóttir, Sara Rós Einarsdóttir, Sabrína Lind Adolfsdóttir, Ana Maria Escribano Lobez, Elísa Viðarsdóttir, Sigríður Lára Garðarsdóttir, Bryndís Jóhannesdóttir, Rosie Sutton, Shaneka Gordon, Vesna Smiljkovic.

=== '''Taplausir eftir tvo leiki''' ===
Eyjamenn eru með fullt hús stiga eftir fyrstu tvær umferðirnar í Pepsídeild karla. ÍBV lagði ÍA í fyrstu umferðinni 1:0 og bætti svo um betur gegn Breiðabliki þegar Eyjamenn unnu 4:1. ÍBV er í efsta sæti, ásamt Íslandsmeisturum FH en þessi tvö lið mætast einmitt í Hafnarfirði í næsta leik.

Það er mikil stemmning fyrir karlaliðinu í Eyjum um þessar mundir. Rúmlega eitt þúsund manns sóttu leikina tvo og var stemmningin á pöllunum sérstaklega góð í seinni leiknum, þegar nokkrir stuðningsmenn liðsins mættu með trommur og sáu til þess að áhorfendur slökuðu ekki á í stuðningi við liðið. Mörk ÍBV gerðu þeir Bradley Simmonds (2), Tonny Mawejje og Ragnar Pétursson, en þeir Simmonds og Ragnar voru að skora sín fyrstu mörk fyrir félagið. Ekki er stemmningin minni inni á vellinum. Hermann Hreiðarsson er þekktur fyrir gleði og baráttu í leik sínum og hann hefur svo sannarlega smitað leikmenn sína af sömu einkennum. Þannig tók Hermann svokallað „powerslide“ þegar hann renndi sér eftir hliðarlínunni á hnjánum eftir eitt marka ÍBV og svo hljóp hann eftir endilangri línunni þegar Tonny Mawejje skoraði þriðja markið gegn Blikum, fagnaði með leikmönnum sínum og fékk fyrir vikið áminningu frá dómaranum.

=== '''Stórsigur á HK/Víkingi''' ===
Kvennalið ÍBV sýndi nýliðum HK/Víkings enga miskunn þegar liðin áttust við á Hásteinsvelli í gær, þriðjudag. Lokatölur urðu 7:2 fyrir ÍBV og skoraði Shaneka Gordon þrennu.

Það var augljóst að leikmenn ÍBV ætluðu að bæta fyrir slakan leik gegn Stjörnunni í fyrstu umferðinni því eftir aðeins 11 mínútna leik gegn HK/Víkingi, var staðan orðin 3:0. ÍBV réði algjörlega gangi leiksins og hefði í raun átt að skora fleiri mörk, því færin voru fjölmörg. Staðan í hálfleik var 4:0 en Eyjaliðið slakaði fullmikið á í síðari hálfleik. ÍBV komst reyndar í 6:0 en gestirnir skoruðu tvö mörk á lokakaflanum, mörk sem stelpurnar hefðu auðveldlega átt að koma í veg fyrir.

Markaskorarar ÍBV í leiknum voru þær Shaneka Gordon (3), Rosie Sutton, Bryndís Jóhannesdóttir, Bryndís Hrönn Kristinsdóttir og Ana Maria Lopez.

=== '''Framhaldsaðalfundur''' ===
Ný stjórn var kjörin á framhalds aðalfundi ÍBV-íþróttafélags í Týs heimilinu Nýr formaður er Sigursveinn Þórðarson, viðskiptalögfræðingur og tekur hann við af Jóhanni Péturssyni lögfræðingi sem veitt hefur stjórn félagsins forystu undanfarin átta ár. Á fundinum kom fram tillaga um að fresta framhaldsaðalfundi og skipa nýja nefnd undir forystu unglingaráðs ÍBV og með að komu Vestmannaeyja bæjar til að gera tillögu að nýrri stjórn. Var tillagan felld með litlum at kvæða mun. Tillögur um breytingar á lögum félagsins voru samþykktar. Þar er m.a. gert ráð fyrir fjölgun í stjórn og fulltrúaráði sem starfar við hlið stjórnar.

Uppstillinganefnd lagði fram tillögu um nýja stjórn og í henni eru auk Sigursveins Íris Róbertsdóttir, kennari sem er varaformaður, Guðmundur Ásgeirsson, endurskoðandi hjá Deloitte í Vestmannaeyjum gjaldkeri og Arnar Richardsson ritari. Aðrir í stjórn eru Páll Magnússon útvarpsstjóri, Stefán Jónsson yfirverkstjóri í Skipalyftunni, Ingibjörg Jónsdóttir kennari, Styrmir Sigurðarson, starfsmaður Eyjablikks og sjúkraflutningam aður og Hannes Sigurðsson umboðsmaður Ernis í Eyjum.

Í yfirlýsingu rétt fyrir aðalfundinn fyrr í vor vönduðu Jóhann og Guðný Einarsdóttir, gjaldkeri, þeim Stefáni og Páli ekki kveðjurnar. Þeir svöruðu fyrir sig og áður en yfir lauk hafði Páll Scheving, varamaður í stjórninni og formaður þjóðhátíðarnefndar blandað sér í málið. Skotin héldu áfram á aðalfundinum og var skoðun margra að skipta ætti út allri stjórninni sem er ástæðan fyrir því að Daði Pálsson lagði fram tillögu um að fundinum yrði frestað og leitað yrði að fólki sem ekki var í fráfarandi stjórn.

'''''Bað ekki um að verða formaður'''''

Aðspurður um þetta sagði Sigursveinn að Eyjólfur Guðjónsson, sem sæti átti í uppstillingarnefnd, hafi farið þess á leit við sig að hann tæki að sér formennsku í félaginu. „Ég bað ekki um að verða formaður og satt að segja voru fyrstu viðbrögð þau að þetta væri nú ekki spennandi vettvangur, miðað við þær deilur sem voru innan félagsins. En ÍBV er öflugt félag og eitt stærsta íþróttafélag á Íslandi og verður vonandi spennandi vettvangur að vinna á. Og mikil áhrif á mína ákvörðun hafði sá öflugi hópur sem uppstillinganefnd lagði upp með að myndi setjast í stjórn,“ sagði Sigursveinn. „Hvað varðar Pál og Stefán, þá sagði ég við Eyjólf að ég teldi nauðsynlegt að hafa í stjórninni fólk sem þekkti til og hefði komið að stjórnun félagsins. Þeir uppfylla þessi skilyrði og ég á ekki von á öðru en að saman munum við öll vinna að hagsmunum félagsins í heild. Þar er af mörgu að taka, ekki síst í fjármálum sem mættu vissulega vera í betra horfi.“

'''''Misjöfn staða handbolta og fótbolta'''''

Sigursveinn sagðist ekki vilja á þessu stigi úttala sig um fjárhagsstöðuna en ekki væri ætlunin að leita uppi sökudólga. „Félagið hefur verið að fjárfesta undanfarin ár, bæði inni í Herjólfsdal og svo í áhorfendastúku við Hásteinsvöll. Báðar þessar fram kvæmdir hafa verið kostnaðarsamar en nýtast auðvitað félaginu til framtíðar. En fjárhagsstaðan er erfið og það er helsta verkefni stjórnar innar að taka á þeim málum.“ Aðspurður um stöðu handknatt leiks- og knattspyrnuráðs sagði Sigursveinn að hún væri misjöfn. „Stjórnin hefur ekki enn hitt forráðamenn deildanna en við vitum að handboltinn hefur verið rekinn með hagnaði undanfarin ár á meðan staða fótboltans hefur verið erfiðari. En þar hefur verið skorið niður í ár og vonandi skilar það sér í rekstri réttu megin við núllið, það er gríðarlega mikilvægt.“ '''''Gustar oft um menn'''''

Um tillögu á framhaldsaðalfundi um frestun fundar og að ný stjórn verði sett saman af öðrum en þeim sem sæti áttu í uppstillinganefnd, sagði Sigursveinn mikilvægt að dvelja ekki lengi við það mál. „Þetta var sjónarmið hluta þeirra sem sátu fundinn, og hún var borin fram eins og í öðrum lýðræðislegum félögum en var felld. Það gustar oft um menn og málefni á fundum ÍBV en það segir manni líka að það er fullt af fólki sem þykir vænt um þetta félag okkar og slíkt hlýtur að vera af hinu góða. En ég tel þó að eitt af mikilvægum verkefnum nýrrar stjórnar sé að ná sátt innan félagsins og vonandi mun okkur takast það.“

'''''Fulltrúaráð'''''

Samþykkt var á fundinum að skipa fulltrúaráð sem starfi innan félagsins og allar meiri háttar ákvarðanir stjórnar skuli bornar undir það ráð. „Við munum auglýsa eftir fulltrúum í ráðið en aðalstjórn mun skipa í það. Ég bind miklar vonir við að með fulltrúaráðinu verði breiðari samstaða um þau verkefni sem ráðist verður í á komandi misserum.“ Stefán og Páll voru í fráfarandi stjórn en auk þeirra og Jóhanns voru í stjórninni Guðný Einarsdóttir gjaldkeri, Þórunn Ingvarsdóttir ritari og Páll Scheving Ingvarsson og Sigurbergur Ármannsson varamenn.

''(Eyjafréttir)''

=== '''KR alltaf erfiður mótherji''' ===
Eyjamenn töpuðu fyrsta leik sínum þegar ÍBV tók á móti KR. Það var ekki bara það að ÍBV tapaði leiknum, 0:2 heldur var það ekki síður spilamennska liðsins sem olli vonbrigðum.

Eyjamenn höfðu fyrir leikinn spilað mjög vel í fyrstu þremur leikjunum og uppskorið sjö stig af níu mögulegum. KR-ingar voru hins vegar búnir að lesa leik liðsins, pressuðu varnarmenn ÍBV stíft og voru tilbúnir fyrir langar sendingar upp völlinn. Í raun náði ÍBV sér aldrei á strik og úrslitin því sam kvæmt gangi leiksins.

=== '''Sá rautt''' ===
Kvennalið ÍBV hefur byrjað tímabilið mjög vel. Stelpurnar hafa unnið tvo leiki af fjórum og gert eitt jafntefli sem má teljast ágætur árangur. Stelpurnar voru kjöldregnar í fyrsta leik gegn Stjörnunni en það lið er talið líklegt til að hampa Íslandsmeistaratitlinum. Eftir leikinn gegn Stjörnunni hefur leiðin legið upp á við og hafa stelpurnar skorað 14 mörk í þremur leikjum.

ÍBV fór á Hlíðarenda 18. Maí þar sem þær gerðu jafn tefli við Val 3:3. ÍBV lenti þó 3:1 undir en kom til baka og var líklegra til að stela sigrinum. Jón Óli, þjálfari ÍBV, fékk að líta rauða spjaldið þegar lítið var eftir af leiknum og sat því í stúkunni þegar stelpurnar tóku á móti Þrótti. ÍBV var ekki í miklum vandræðum með lið Þróttara en leikurinn endaði 4:0. Sigurinn hefði getað orðið stærri en sláin bjargaði Þrótturum þrisvar í fyrri hálfleik. Eyjastelpur stjórnuðu leiknum í fyrri hálfleik, slökuðu heldur á í þeim seinni en það kom ekki að sök.

=== '''Stórveldi á íþróttasviðinu''' ===
ÍBV fékk afhentan Unglingabikar HSÍ á lokahófi sambandsins á dögunum þar sem ÍBV sópaði að sér verðlaunum. Unglingabikarinn er eftir sóknarverður bikar en hann fær það félag sem að mati HSÍ hefur sinnt unglingastarfi hvað best á tímabilinu. Undir unglingastarfið falla 3. flokkur og yngri iðkendur í karla- og kvennaflokki. ÍBV bætti því enn einni rósinni í hnappagatið og er vel að þessum titli komið.

Það er fimm manna nefnd sem sér um að meta hvaða félag hlýtur Unglingabikarinn. Hvert félag þarf að senda inn skýrslu þar sem farið er vel og vandlega yfir unglinga starfið. Samkvæmt heimasíðu Handknattleikssambandsins eru margir þættir sem spila inn í. Þar á meðal keppnisbúningar, framkoma leikmanna og þjálfara, félagsleg starfsemi, keppnis- og æfingaferðir, árangur í keppnum, fjöldi keppnisflokka, menntun þjálfara og umsjón með mótahaldi. Einnig er tekið tillit til þess ef félag hefur sýnt umtals verðar framfarir í uppbyggingu yngri flokka félagsins. Erlingur B. Richardsson tók saman skýrsluna fyrir hönd ÍBV og fengu ''Eyjafréttir'' leyfi til að glugga í skýrslu hans.

=== '''''Mikil uppbygging''''' ===
ÍBV hefur á síðastliðnum árum farið mikið fram hvað varðar starf í yngri flokkum og þá sérstaklega eftir að Íþróttaakademían var stofnuð. Þar hafa Framhalds- og Grunnskólinn í Vestmannaeyjum, ásamt ÍBV tekið höndum saman en síðastliðinn vetur voru 250 krakkar að iðka handbolta hjá ÍBV eða 8,3% íbúa Vestmannaeyja. Krakkarnir sem falla undir þessa tölu eru frá 8. og upp í 3. flokk.

=== '''Íþróttaakademían''' ===
Síðastliðin þrjú ár hefur ÍBV, í samstarfi við Framhaldsskólann, staðið að sérstakri íþróttaakademíu. Grunnskóli Vestmannaeyja bættist svo við fyrir tveimur árum. Iðkendur í 2.-4. flokki eiga kost á að sækja hana, það eru nemendur í 9. og 10. bekk ásamt nemendum í Framhaldsskól anum. Mikið starf er unnið í íþróttaakademíunni þar sem meðal annars er boðið upp á styrktar- og tækni æfingar. Styrktaræfing arnar hafa gefist mjög vel og hafa framfarirnar verið miklar. Krakkarnir fá einnig reglu lega fyrirlestra, þar er m.a. fjallað um mataræði, hugarfar og annað sem mun nýtast krökkunum til þess að ná sem lengst í íþróttum. Nemendur þurfa við skráningu að undir rita samning sem felur meðal annars í sér að þau neyti engra vímu efna, leggi sig fram í skólanum, séu með viðunandi mætingu og séu góðar fyrir myndir. Í skýrslu Erlings segir meðal ann ars að þessi ströngu skilyrði, sem sett eru fyrir krakkana, séu að skila sér til baka. „Þeir iðkendur sem sækja akademíuna eru nánast allir þeir sem stunda handknattleik í 2, 3. og 4. flokki karla og kvenna. Árangur inn hefur ekki látið á sér standa sem við viljum meina að tengist auka æfing um sem bæst hafa við með tilkomu akademíunnar. Þess má geta að nú eignuðumst við í fyrsta skiptið, í sögu Vestmannaeyja, Íslandsmeistara titil í karla liði.“

=== '''''Mikil árangur''''' ===
ÍBV sendi 18 lið í heildina á mót á vegum HSÍ í 3.-6. flokki. 85 iðkendur stunda handknattleik í 7. og 8. flokki. Árangurinn hefur ekki látið standa á sér og skilaði meðal annars Íslandsmeistaratitlum í hús hjá 4. flokki karla á yngra ári og 5. flokki kvenna á eldra ári. Einnig sigraði 3. flokkur karla í 2. deild. ÍBV hefur einnig verið að sækja í sig veðrið hvað varðar mótahald og hélt tvö stór mót á síðastliðnu tímabili.

=== '''Þjálfarar''' ===
Hjá ÍBV eru átta þjálfarar starfandi sem sjá um þjálfun í handbolta. Þeir eru Erlingur Richardsson yfirþjálf ari, þjálfari meistaraflokks og 2. flokks karla. Arnar Pétursson er þjálfari meistaraflokks og 2. flokks karla. Svavar Vignisson er þjálfari 3. flokks kvenna og meistaraflokks. Jakob Lárusson er þjálfari 3., 4. og 5. flokks karla. Unnur Sigmars dótt ir þjálfari 4. og 5. flokks kvenna. Elísa Sigurðardóttir þjálfari 6. flokks kvenna. Ingólfur Jóhannes son þjálfari 6. flokks karla. Grétar Þór Eyþórsson þjálfar 7. flokk karla og Björn Elíasson hefur umsjón með þjálfun hjá 7. flokki kvenna og 8. flokki karla og kvenna. Floren tina Stanciu sá um markvarða þjálfun í vetur.

''(Eyjafréttir)''

=== '''Aðeins fyrir alvöru karlmenn''' ===
Karlalið ÍBV mætti Víkingum á Ólafsvík í 5. umferð Pepsídeildar innar. Uppskera ferðarinnar var reyndar ekki nema eitt stig en líklega hafa fleiri reiknað með þremur stigum í leikslok hjá ÍBV. En þrátt fyrir það var ferðin ævintýraleg hjá leikmönnum ÍBV.

Leikur Víkings Ólafsvík og ÍBV í Pepsídeildinni á Ólafsvík fór fram við aðstæður sem ekki eru öðrum bjóðandi en alvöru karlmönnum. Mönnum sem aldir eru upp í sjávarplássum við Íslandsstrendur, drengjum frá Englandi sem íslenskar konur hafa trú á og strákum frá Afríku sem höfðu kjark til að kanna nýjar lendur og takast á við það óþekkta í norðrinu. Fleiri þjóðir áttu fulltrúa á vellinum og þeir fá sömu einkunn, bitu á jaxlinn þegar á móti blés, ákveðnir í að gera sitt besta til að sýna áhorfendum hvað í þeim býr.

Og hverjar voru aðstæðurnar? Norðan og norðaustan rok af Breiðafirðinum sem stóð skáhallt á völlinn og hiti rétt yfir frostmarki. Veður sem strákar frá Ólafsvík og Vestmannaeyjum þekkja en verður aldrei ofarlega á óskalistanum þegar spila á fótbolta í efstu deild þar sem hvert stig skiptir máli. Aðstæður voru að öðru leyti góðar, völlurinn og um gjörð hans Ólafsvíkingum til mikils sóma.

Í stúkunni hímdu rúmlega sex hundruð áhorfendur, skítkaldir og hvöttu sína menn. Góð aðsókn í plássi sem telur um 1200 íbúa en flestir hafa áhorfendur verið rúmlega sjö hundruð í sumar. Það sem fram fór á vellinum var hetjuleg barátta heimamanna við mun sterkari andstæðinga en mestu réð Kári sem læsti klónum í knött og leikmenn sem reyndu hvað þeir gátu til að spila fótbolta. David James var fjarri góðu gamni í marki ÍBV og kom það í hlut Guðjóns Orra Sigurjónssonar að standa á milli stanga nna. Það er erfitt að dæma frammi stöðu hans við þessar aðstæður en hann gerði engin mistök, varði einu sinni meistaralega og fékk ekki á sig mark. Aðrir leikmenn ÍBV börðust allan tímann og það gerðu Ólsarar líka og þeir uppskáru. Því miður náðu Eyjamenn ekki heldur að koma boltanum inn fyrir marklínu heimamanna og niðurstaðan var markalaust jafntefli. Víkingar fögnuðu sínu fyrsta stigi en líta verður svo á að þarna hafi Eyjamenn tapað tveimur.

Milli 30 og 40 stuðningsmenn ÍBV mættu á leikinn og það ber að virða því það tekur tvo og hálfan tíma að keyra vestur. Þeir létu sig ekki vanta, Gylfi Jóns í Húsavík, Einar Gylfi Jónsson, sálfræðingur og Palli á Stöðinni, Páll Magnússon, útvarpsstjóri. Þeir eru sjaldan fjarri góðu gamni þegar ÍBV er að spila. Eins og áður hefur komið fram var David ekki með og kannski eins gott því trúlega hefði hann stungið af með fyrstu vél til London morguninn eftir. Hefði trúlega fengið nóg af Íslandi.

Eftir leikinn var komið við á bænum Syðri-Knarrartungu en miðvörðurinn sterki, Brynjar Gauti Guðjónsson, er alinn upp á bænum og búa foreldrar hans og systkini þar. Foreldrar Brynjars, þau Guðjón og Guðný, buðu hópnum í grillveislu og eins og sjá má á mynd unum, fengu peyjarnir úr sjávarþorp inu að kíkja á sveitalífið. Að lokinni góðri veislu var svo haldið heim á leið en þar sem leikurinn fór svo seint fram, þá var ekki möguleiki að ná síðustu ferð Herjólfs. Því var gist í Reykjavík en ferðin þangað gekk ekki þrautalaust fyrir sig. ÍBV-rútan bilaði og þegar hægt var að komast af stað aftur, þá var ekið löturhægt. Því komst hópur inn ekki aftur í borgina fyrr en um miðja nótt, talsvert á eftir áætlun.

=== '''Rok og rigning''' ===
Kvennalið ÍBV lagði 1. deildarlið Hött frá Egilsstöðum að velli þegar liðin áttust við í Borgunarbikarnum á Hásteinsvelli. Lokatölur urðu 4:1 en aðstæður í Eyjum voru erfiðar, rok sem stóð beint á annað markið, rigning og völlurinn rennandi blautur. Þrátt fyrir það náðu leikmenn beggja liða að sýna ágætis tilþrif og stóð 1. deildarliðið lengi vel í úrvalsdeildarliðinu.

=== '''Pæjumótið''' ===
Pæjumót TM og ÍBV fór fram dagana 12. til 15. Júní. Mótið í ár var stærra en oft áður en liðin í ár voru 75 frá 23 félögum.

Liðin byrjuðu að streyma til Eyja á miðvikudag en mótið hófst á fimmtudegi. Stelpurnar gerðu margt annað í Eyjum en að spila fótbolta, þær fóru í rútuferðir og siglingar um Eyjuna og prufuðu margar hverjar að spranga. Á kvöld vöku sem haldin var fimmtu dagskvöldið var hæfi leikakeppni milli liða. ÍBV fór með sigur úr být um en þær dönsuðu fyrir áhorf end ur. ÍBV bar einnig sigur úr býtum í myndakeppni TM en það er nýjung á Pæjumóti. Í henni sendu liðin inn mynd af sér á Facebook síðu TM þar sem dómarar dæmdu ásamt því að taka mið af því hversu mörg „like“ myndin fékk. Leikur landsliðs gegn pressuliði er hefðbundinn þáttur á dagskrá Pæju mótsins og bar pressuliðið sigur úr býtum 3-1. Mótinu var svo slitið síðastliðinn laugardag að loknum úrslitaleikjum. Í keppni A-liða var það Víkingur Reykjavík sem stóð uppi sem sigurvegari en stelpurnar mættu liði Breiðabliks í úrslitum. Víkingar voru sterkari aðilinn í leiknum, en stelpurnar urðu fyrir áfalli í upphafi leiks þegar Karólína, leikmaður þeirra klessti á mark sem var við hliðarlínuna. Betur fór en á horfðist en Karólína spilaði ekki meira. Leikurinn var nokkuð jafn eftir brotthvarf hennar en Víkingar fóru aftur að sækja í sig veðrið og Elísabet Friðriksson skoraði glæsilegt mark með skoti utan úr teignum. Víkingar voru mun sterkari í seinni hálfleik og bjargaði Karen, varnarmaður Blika í tvígang á línu. Blikar reyndu hvað þeir gátu að jafna en Tara, markmaður Víkings varði meistaralega í markinu og lokatölur 1-0 fyrir Víking. Í flokki B-liða var það einnig Víkingur frá Reykjavík sem sigraði, en þær unnu FH 3-0 í úrslita leiknum. Í flokki C-liða var það FH sem sigraði Víkinga. Leikurinn fór 1-1 en FH vann á marki sem var fyrr skorað. Í flokki D-liða var það Fylkir 2 sem sigraði FH 3-0. Því má segja að Víkingur frá Reykjavík hafi verið sigurvegari mótsins. ÍBV hefur oft gengið betur en í ár en í flokki A-liða lenti ÍBV í 8. sæti og lið ÍBV 4. flokks í 9. sæti. Í flokki B-liða varð ÍBV í 15. sæti og í flokki C-liða í 8. sæti.

Einar Friðþjófsson, mótsstjóri sagði í samtali við Eyjafréttir að mótið hafi tekist frábærlega. „Það tókst vel í alla staði og allir eru sáttir. Það reyndist vel að nota Eimskipshöllina en það hefur ekki verið gert áður. Við höf um alltaf verið á Helgafellsvelli en nú varð breyting á og það reyndist mjög vel og eng inn kvartaði.“ Hafði veðrið mikil áhrif á mótið? „Nei alls ekki, fólk er svo vel búið að útivistarfatnaði og öðru sem því tilheyrir, það undirbýr sig vel og er við öllu búið.“ Einar vildi koma á framfæri miklu þakklæti til þeirra sem komu að mótinu með einum eða öðrum hætti. „Ég þakka öllum fyrir sem lögðu sitt að mörkum við framkvæmd mótsins og sérstaklega vil ég þakka Tryggingamiðstöðinni fyrir samstarfið, það er frábært að vinna með þeim,“ sagði Einar.

=== '''Kaflaskipt byrjun hjá 2. flokki''' ===
Byrjun Íslandsmótsins hjá 2. flokki karla í knattspyrnu hefur nokkuð kaflaskipt. Liðið byrjaði á tveimur tapleikjum, gegn Keflavík/Njarðvík 1:2 og Val 1:4 á heimavelli. Síðan þá hafa strákarnir unnið þrjá leiki í deild og bikar, gert eitt jafntefli en tapað einum leik. Strákarnir unnu laglegan sigur á ÍR/Létti á útivelli 1:4, unnu svo Aftureldingu á heimavelli í bikarnum 3:1, lögðu HK/Ými á úti velli og mættu svo Þór Akureyri í tveimur leikjum á Tungubakkavelli í Mosfellsbæ um helgina. Fyrri leik liðanna lauk með jafntefli 1:1 en síðari leiknum lauk með sigri Þórs 2:1.

Mörk ÍBV í leikjunum tveimur gerðu þeir Óskar Elías Zoega Óskarsson og Björn Axel Guðjónsson. Þjálfari flokksins er Gregg Ryder, sem er að hefja sitt þriðja ár með flokkinn en mikil ánægja hefur verið með hans störf hjá félaginu og er hann nú í þjálfarateymi meistara flokks.

=== '''Tap gegn Breiðabliki''' ===
Kvennalið ÍBV tapaði fyrir Breiðabliki á Kópavogsvelli í 7. umferð Pepsídeildarinnar, 3:1. ÍBV komst yfir í leiknum en Breiðablik jafnaði metin skömmu fyrir leikhlé þegar Rosie Sutton skoraði í eigið mark. Breiðablik komst svo yfir í síðari hálfleik en í stöðunni 2:1 björguðu varnarmenn Blika á línu eftir skot Shaneku Gordon. Blikar brunuðu svo í sókn og stuttu síðar skoruðu þær þriðja markið og gerðu út um leikinn.

=== '''Jafntefli gegn Val''' ===
Karlalið ÍBV gerði jafntefli gegn Val í 7. umferð Pepsídeildarinnar þegar liðin áttust við á Vodafonevellinum. Jafnteflið gerði í raun ekki mikið fyrir liðin, þau sitja bæði í þeim sætum sem þau voru í fyrir leikinn en Eyjamenn hafa verið að færast niður töfluna undanfarið og eru nú í sjötta sæti. Lokatölur urðu 1:1 en mark ÍBV gerði Tonny Mawejje.

=== '''3 stig en engin fegurð''' ===
Það var ekki mikið sem gladdi augað þegar ÍBV lagði Fram að velli í 8 umferð Pepsídeildarinnar. Leikur liðanna á Hásteinsvelli var klárlega leiðinlegasti leikur sumarsins þar sem lítið var um spil og færin fá. Eyjamenn voru þó sterkari á h eildina litið, sérstaklega í síðari hálfleik og uppskáru sanngjarnan sigur, 1:0 og mikilvæg þrjú stig. Markið gerði Gunnar Már Guðmundsson, eftir glæsilegan undir búning þeirra Ian Jeffs og Matt Garner.

=== '''Shellmótið''' ===
Shellmótið fór fram daganna 26. til 29. júní. Þetta var þrítugasta Shellmótið og voru um 1200 peyjar sem tóku þátt í því. Veðrið lék ekki við mótsgesti,

Mótið hófst á fimmtudegi en liðin komu hingað á miðvikudegi. 104 lið frá 31 félagi kepptu í fótbolta en spilaðir voru 528 leikir á mótinu. Strákarnir voru hingað komnir til að spila fótbolta fyrst og fremst, en ýmsilegt annað var í boði á meðan þeir dvöldust í Eyjum m.a. rútuferð, sigling og sprang. Fastir liðir eru ávallt á Shellmótinu, skrúðgangan, boðhlaup, kvöldvaka, grillveisla og leikur landsliðs gegn pressuliðinu Mótinu var slitið síðastliðinn laugardag eftir úrslitaleikina. Breiðablik-1 og Þór-2 mættust í úrslitaleik Shellmótsins, Blikar höfðu betur 3-0 en þeir voru mun öflugri en Þórsarar. Mörk Blika voru stórglæsileg og þarna voru á ferðinni efnilegir knattspyrnumenn sem eiga eftir að láta til sín taka í framtíðinni. Mörk Blika skoruðu þeir Kristján, Daniel og Tómas.

Umgjörðin á úrslitaleiknum var frábær og hefur það verið mikil upplifun fyrir leikmenn að ganga út á völlinn og spila á Hásteinsvelli, en setið var í hverju sæti og gott betur en það. ÍBV átti glæsilega fulltrúa á mótinu. ÍBV tefldi fram fimm liðum, en tvö af þeim léku til úrslita, ÍBV-3 tapaði fyrir Þór-4 um Eldfellsbikarinn og ÍBV-4 tapaði gegn Fjölni-4 um Helliseyjarbikarinn.

=== '''Bikardraumurinn úti''' ===
Kvennalið ÍBV tók á móti Blikum í 8-liða úrslitum annað árið í röð. Mjög hvasst var í Eyjum og bitnaði það á leik liðanna. ÍBV komust tvívegis yfir og í stöðunni 2-1 var ÍBV líklegra til að bæta við marki en Blikar að jafna. Stelpurnar skoruðu mark en dóm arinn taldi að boltinn hefði ekki farið inn, en flest aðrir á vellinum sáu boltann inni. Þetta var mikill vendipunktur í leiknum, en Blikar fengu svo aukaspyrnu langt úti á velli og Eyjakonan Berglind Björg Þorvaldsdóttir skoraði beint úr henni, en markmaður ÍBV, Bryndís Lára hefði átt að gera betur. Bikardraumurinn er því úti þetta árið.

=== '''Kærkominn sigur''' ===
Annar flokkur karla vann góðan útisigur á Selfossi 1:4 um miðjan júlí. Eyjamönnum hefur oft gengið betur í deildinni en þeir eru aðeins búnir að vinna þrjá leiki af átta og eru í 7. sæti. Sigurinn var því kærkominn en fyrir leikinn voru Selfyssingar með fjögurra stiga forskot á ÍBV í 6. sæti. Mörk ÍBV skoruðu þeir Sigurður Grétar Benónýsson, Kristinn Skæringur Sigurjónsson og Björn Axel Guðjónsson 2.

=== '''Dómarinn settur á svarta listann''' ===
Magnús Þórisson dómari er kominn á svarta listann hjá stuðningsmönn um ÍBV eftir leik liðsins gegn KR í 8-liða úrslitum Borgunarbikarsins. Magnús vísaði Aaron Spear af velli fyrir frekar litlar sakir á 34. mínútu og beit svo höfuðið af skömminni fyrir að gefa markverði KR-inga aðeins gult spjald fyrir svipað brot. KR hafði betur, 3:0 en öll mörkin komu í seinni hálfleik. Fram að rauða spjaldi Spears, var leikurinn í jafnvægi og bæði lið fengu sín færi. Atvikið þegar Spear fékk rauða spjaldið var spaugilegt, þótt fæstir hafi séð broslegu hliðina á því á sunnudaginn. Spear fór harkalega aftan í varnarmann KRinga sem skýldi boltanum og var réttilega dæmdur brotlegur. KR-ing urinn, Gunnar Þór Gunnarsson gekk þá ógnandi að Spear, sem ýtti honum frá sér. Fyrir það fékk Spear að líta rauða spjaldið.

Ritstjórn Eyjafrétta fékk þessar línur sendar í pósti frá dyggum stuðningsmanni ÍBV. ''„Leikmenn sem ýkja. Dómurum ber að veita þeim leikmönnum sérstaka athygli sem ýkja afleiðingar líkam legrar snertingar í þeim tilgangi að móth erjum þeirra sé sýnt gula eða rauða spjaldið.“'' Þetta er tekið úr áhersluatriðum dómara en KR-ingurinn Gunnar Þór, sem féll með hlægilegum tilburðum þegar Spear ýtti við honum, fékk ekki gult, hvað þá rautt spjald. Og eins og áður sagði, fékk Hannes þór Halldórsson, markvörður KR og landsliðsins, aðeins gult spjald fyrir svipað brot og Spear, jafnvel verra ef eitthvað er. Hannes hafði þá hlaupið yfir hálfan völlinn, ógnaði Ragnari Péturssyni, leikmanni ÍBV sem var réttilega vísað af velli fyrir háskalega tækl ingu skömmu áður. Einum færri átti ÍBV ekki mögu leika gegn firnasterku liði KR-inga sem hafa unnið bikarkeppnina síðustu tvö ár. Þeir fá tækifæri til að vinna keppnina í þriðja sinn og fengu til þess óþarfa aðstoð að mati stuðningsmanna ÍBV.

=== '''Yngri flokkarnir''' ===
Nú þegar nálgast þjóðhátið virðist 2. flokkur karla vera rétta úr kútnum eftir nokkuð kaflaskipta byrjun á Íslandsmótinu. Eyjapeyjar hafa nú unnið tvo góða útisigra í röð, síðast gegn Keflavík/Njarðvík en lokatölur urðu 2:3 eftir að ÍBV var yfir 1:3 í hálfleik. Mörkin gerðu þeir Guðmundur Tómas Sigfússon, Björn Axel Guðjónsson og Kristinn Skær ingur Sigurjónsson. Annar flokkur kvenna gerði 1:1 jafntefli gegn Val/ÍR en leikur liðanna fór fram í Reykjavík. Ásta María Harðardóttir kom ÍBV yfir í lok fyrri hálfleiks en Valur/ÍR jafnaði metin í uppbótar tíma. Stelpurnar eru búnar að spila fjóra leiki, vinna einn, gera eitt jafntefli og tapa tveimur. A-lið þriðja flokks karla lagði Hauka að velli 2:0. B-liðið gerði hins vegar 1:1 jafntefli en leikirnir fóru fram í Eyjum. Þriðji flokkur kvenna tryggði sér sæti í undanúrslitum bikarkeppninnar með laglegum 1:4 sigri á HK/Víkingi.

Fjórði flokkur karla tók á móti Víkingi R í síðustu viku. A-liðið vann 5:2, B-liðið tapaði 1:7 og Cliðið tapaði 1:9.

Fjórði flokkur kvenna vann Aftur eldingu 7:0 á mánudaginn en mörkin gerðu þær Sóldís Eva Gylfad óttir (3), Margrét Íris Einarsdóttir (2), Ásta Sól Helgadóttir Hlíðdal og Unnur Ástrós Magnúsdóttir. Fimmti flokkur karla sótti Stjörnuna 2 heim. A-liðið tapaði 3:0, B-liðið 4:1 en C-liðið vann 1:8 og D-liðið 1:3. Fimmti flokkur kvenna gerði jafntefli gegn KR í Eyjum í miklum markaleik en lokatölur urðu 5:5.

=== '''Mikilvægur sigur á Akureyri''' ===
Eyjamenn sóttu þrjú afar dýrmæt stig norður til Akureyrar. Þar mættu þeir Þór og höfðu betur í ansi skrautlegum leik 1:3. Sigurinn þýðir að Eyjamenn halda sig í efri hluta deildarinnar og eru í harðri baráttu um Evrópusæti, eins og síðustu þrjú ár.

Eins og áður sagði var leikurinn mjög skrautlegur. Eyjamenn komust yfir með tveimur sjálfsmörkum Þórsara með tveggja mínútna millibili í fyrri hálfleik en Eyjamenn geta þakkað markverði Þórsara fyrir bæði mörkin. Mistök hans voru herfileg en þess má geta að Eyjamenn héldu fagnaðarlátunum í algjöru lágmarki í mörkunum tveimur og fengu hrós fyrir það frá heimamönnum, stuðningsmönnum Þórs. Víðir Þorvarðarson kom ÍBV svo þremur mörkum yfir með laglegri bakfallsspyrnu en Þórsarar minnku ðu muninn áður en fyrri hálfleikur var úti. Ekkert mark var svo skorað í síðari hálfleik. Þórs- arar fengu ágætis færi en David James sýndi nokkrum sinnum af hverju hann var landsliðsmarkvörður

Englands, með stórkostlegri mark vörslu. Fyrir leikinn munaði aðeins tveimur stigum á liðunum tveimur, ÍBV var í sjötta sæti með 15 stig en Þór í sjöunda með 13. Sigurinn var því afar mikilvægur.

=== '''Ekki góð úrslit''' ===
Karlalið ÍBV tók þátt í Evrópudeildinni í knattspyrnu. Í 1. umferð dróst liðið á móti HB Torshavn og var fyrri leikurinn á Hásteinsvelli. Og það voru Færeyingar sem fóru sáttir af velli eftir 1-1 jafntefli. Eyjamenn voru mun betri í fyrri hálfleik og voru yfir 1-0 í hálfleik. Eyjamenn héldu áfram að sækja í þeim síðari en náðu ekki að koma boltanum inn. HB náðu svo að jafna metin nokkuð gegn gangi leiksins. Gæði leiksins fóru mikið niður eftir mark HB og endaði með markalausu jafntefli.

=== '''Hrikalega stoltir''' ===
„Þetta gerist ekki mikið sætara. Liðið sýndi þvílíkan karakter, eftir mikið leikjaálag, og við sönnuðum að við gefumst aldrei upp. Við erum hrikalega stoltir Eyjamenn og eigum eftir að muna þetta í langan tíma,“ sagði Hermann Hreiðarsson þjálfari ÍBV eftir að liðið sló út HB í Þórshöfn í Færeyjum 11. júlí, og kom sér í 2. umferð forkeppni Evrópudeildarinnar. ÍBV vann 1:0 í gær með marki Arnars Braga Bergssonar úr vítaspyrnu í uppbótartíma, eftir 1:1 jafntefli í fyrri leiknum í Eyjum. Brotið var á Jeffs og Arnar Bragi tók vítið í sínum öðrum leik fyrir ÍBV eftir að hafa komið frá IFK Gautaborg þar sem hann lék með ungmennaliði sænska félagsins. „Hann var ískaldur og vildi taka vítið. Maður stoppar ekki menn sem hafa trú á því að þeir séu að fara að skora. Hann sýndi það líka með mjög öruggu víti, sendi markmanninn í öfugt horn,“ sagði Hermann en Arnar Bragi hafði svo sem ekki tryggt sér vítaskyttunafnbótina á æfingum fyrir leikinn.

=== '''Ferðasaga Evrópukeppninnar''' ===
''Óskar Örn Ólafsson og Valur Smári Heimisson rituðu í Eyjafréttir, ferðasögu knattspyrnuliðs ÍBV í útileikina við HB Torhavn í 1. umferð og Red Star í Serbíu í 2. umferð:''

Haldið var af stað til Reykjavíkur með fyrstu ferð Herjólfs miðvikudaginn 10. júlí, en við áttum flug til Færeyja kl 14:35. Hópurinn borðaði saman á veitingastaðnum Gló en það er okkar staður í Reykjavík, við borðum þar fyrir alla útileiki. Við flugum frá Reykjavík og vorum mættir tímanlega út á flugvöll þar sem við hittum við tólf stuðningsmenn sem ætluðu að fylgja okkur í leikinn. Þrjátíu mínútum frá því að tapa 3-0 Þegar stutt var eftir af fluginu tilkynnti flugstjórinn að mikil þoka væri kominn í Færeyjum og ef við næðum ekki að lenda yrði farið til Bergen eða Egilsstaða. Stuðningsmennirnir voru nú ekkert ósáttir við að millilenda í Bergen en fararstjórar liðsins fóru að hugsa um hvað myndi gerast ef ekki yrði lent. Flugvélin byrjaði að lækka flugið og mikil spenna fór að gera vart við sig hjá formanninum þar sem hann starði út um gluggann en sá ekkert. Enn lækkaði vélin sig og skyggnið var ekkert, allt í einu sást glitta í gras og um leið lenti vélin og þeir fáu Færeyingar sem um borð voru klöppuðu fyrir flugstjóranum, ef ég hefði vitað þá að við hefðum tapað leiknum ef þessi færi maður hefði ekki lent hefði ég klappað líka en flugvöllurinn lokaði aðeins þrjátíu mínútum eftir að við lentum. Ef svo hefði farið hefðum við sjálfkrafa tapað leiknum 3-0.

Eftir að hafa komið sér fyrir á hótelinu héldum við á völlinn á æfingu. Það var mikið búið að spá hvernig gras væri á vellinum, leikmenn höfðu „googlað“ völlinn og sögðu hann vera með ekta gras. Þegar á völlinn var komið blasti við gervigras eins og flestir bjuggust við en það var víst skipt yfir í gervigras fyrir ári síðan.

Færeyingar eru höfðingjar heim að sækja og buðu þeir stjórnarmönnum ÍBV ásamt eftirlitsmanni UEFA og færeyskum eftirlitsmanni í þjálfun í fjögurra tíma matarveislu um kvöldið. Þar var boðið upp á sjávarfang og lambakjöt að hætti Færeyinga og lögðu þeir mikið upp úr því að toppa Einsa kalda frá því vikunni áður. Voru þeir afar stoltir af því að staðurinn sem við borðuðum á var nýlega kosinn fimmti besti staðurinn innan dönsku krúnunnar. (Ef Ísland væri ennþá stjórnað af Dönum, þá væri Einsi Kaldi númer eitt). Veislan tókst vel og maturinn fínn en furðulegast þótti mér að heyra hvað Færeyingarnir voru sigurvissir, gátu þeir ekki hamið sig og ansi oft voru þeir lagðir af stað til Serbíu.

'''''Leikdagur með öllu tilheyrandi'''''

Leikdagar í Evrópudeildinni byrja á fundi kl 10:30 þar sem m.a er farið yfir búninga liðanna, auglýsingar mældar sem og númerin á búningunum. Eins er farið yfir tímasetningar, klukkan hvað ÍBV fer frá hótelinu, klukkan hvað dómarar fara af stað og eins hvenær heimalið mætir á völlinn. Eftir að búið var að negla allt niður fórum við í að gera allt klárt í klefanum og snúast í kringum peyjanna okkar svo öllum liði sem best og yrðu klárir í slaginn. Það er ekki laust við að pumpan hafi verið byrjuð að slá ansi ört eftir því sem nær dró. Leikurinn byrjaði með stórsókn hjá HB sem hreinlega stóð í 20 mínútur en þá náðum við tökum á leiknum sem við héldum allt til loka. Flestir á bekknum voru orðnir ansi pirraðir þegar Jeffsy fékk vítaspyrnu þá fyrstu í sumar og þá fór nú pumpan á fullt. Klukkan sýndi 89 mínútur og Arnar Bragi, sem fyrir nokkrum dögum hafði tapað í vítakeppni á æfingu, var sá eini sem vildi taka spyrnuna. Alveg ískaldur stillir hann boltanum upp og býr sig undir að taka þessa 20 milljóna spyrnu og farseðil til Serbíu. Arnar var öryggið uppmálað þegar hann kom okkur áfram og vissi ég ekki hvernig maður átti að haga sér loksins í þriðju tilraun komnir áfram í Evrópudeildinni. Ég bara varð að heyra í Hanna Harða en við erum búnir að berjast saman í þessu ásamt fleirum síðan 2010. Það hefði nú verið gaman að eiga upptöku af þessu samtali en þar fór allur tilfinningapakkinn á flug. Ekki má gleyma þeim frábæra stuðningi sem við fengum frá 12 Eyjamönnum og einum Færeying, þeir hreinlega möluðu 1200 stuðningsmenn HB.

'''''Ófært heim'''''

Föstudagurinn heilsaði með sama hætti og allur tíminn okkar í Færeyjum við sáum ekki út höfðum ekki en séð fegurð Færeyja Þarna varð okkur ljóst að heimferð væri ekki á döfinni. En heimamenn kunna sitt fag og fengum við afnot af herbergjunum fram að flugi og eins fengum við hádegis og kvöldmat frá frændum okkar. Hermann nýtti tímann til þess að undirbúa liðið fyrir leikinn gegn Þór næsta sunnudag og Smári undirbjó ferðalagið norður. Um kvöldmatarleytið fengum við þær fréttir að rúta kæmi að ná í okkur kl 21:30 og við ættum að fara í loftið á miðnætti. Viti menn við sáum orðið yfir Þorshöfn en hótelið okkar stóð upp í fjalli og höfðum við allt í einu frábært útsýni yfir allt svæðið. Það var ansi ljúft að lenda í Keflavík um hálf eitt aðfaranótt laugardags. Þaðan fórum við á Örkina sem var sofið fram eftir morgni en við tókum Herjólf heim kl 1300 eða um sólahring seinna en til stóð. '''''Sunnudagur 14. júlí'''''

Aðeins sólarhring eftir að við komum til Eyja var liðið mætt upp á flugvöll en nú skyldi haldið norður í land og keppa við Þórsara. Vélin fór í loftið kl 13:30 og er skemmst frá því að segja að okkar menn unnu góðan sigur fyrir norðan með smá hjálp en sigur samt. Ákveðið var að fara beint til Reykjavíkur eftir leik til þess að stytta ferðalagið aðeins.

Mánudagurinn fór í undirbúning fyrir Serbíuferðina og fór liðið í laugar til þess að slappa af, í ísbaði og fleiri nauðsynlegum aðferðum til að létta mönnum lífið þegar álagið er mikið. Haldið af stað til Serbíu klukkan 7:25 á þriðjudagsmorgun var svo flogið til Frankfurt og ferðalagið til Serbíu formlega hafið. Við flugum svo áfram til Serbíu um tvö og lentum þar um fjögur. Farið var í lögreglufylgd beint upp á hótel og þaðan á æfingu. Skemmst frá því að segja að við vorum í lögreglufylgd allt sem við fórum í Serbíu og stóðu lágmark tveir vopnaðir lögregluþjónar vakt í anddyri hótelsins sem við gistum á.

Miðvikudagurinn var tekinn í algjörri afslöppun. Liðið fór úr ÍBV gallanum og í göngutúr um miðbæinn. Um kvöldið fórum við svo á æfingu á leikvangi Red Star Belgrade. Grasið og völlurinn til fyrirmyndar á svæðinu og það var vel hugsað um okkur. Strákarnir kvörtuðu nú ekki en það var mikill hiti eða um 25° þegar við vorum að æfa og okkur var sagt að það yrði 7° heitara inn á leikvanginum þegar völlurinn er fullur af fólki.

'''''Leikið í „Helvíti'''''

“ Þá var komið að leikdegi. Dagurinn hjá forráðamönnum liðsins byrjaði á fundum á leikvanginum þar sem var farið yfir öll öryggismál og fleira. Það stóð til að 631 lögreglumaður og 350 gæslumenn myndu standa vaktina, eða fleiri en leyfilegur fjöldi áhorfenda í seinni leik liðanna á Hásteinsvelli. Sjö læknateymi væru á svæðinu og tveir slökkviliðsbílar. Liðið ferðaðist svo á völlinn rétt rúmum tveim tímum fyrir leik. Það var í fylgd þriggja bíla sem mannaðir voru sérsveitarmönnum, tveimur venjulegum lögreglubílum og tveimur lögreglumótorhjólum. Þetta er algjörlega nýtt fyrir leikmennina en gaman og á sama tíma ógnvekjandi að upplifa.

Þegar á völlinn var komið þá skildum við svo sem þessa öryggisgæslu en stemmningin var þvílík. Leikurinn byrjaði svo 20:30 að staðartíma en í stuttu máli þá endaði leikurinn 2 – 0 fyrir Red Star en virkilega flott frammistaða hjá okkar strákum.

Við komum svo upp á hótel um miðnætti í mat en það var ræs 5:00 morguninn eftir því við áttum flug til Amsterdam klukkan 8:25. Við lentum klukkan 11:00 í Amsterdam en flugum ekki fyrr en 23:00 um kvöldið. Við vorum því með pöntuð hótelherbergi fyrir mannskapinn þar sem menn hvíldu sig vel. Flogið var svo um kvöldið til Íslands.

Þegar komið var til Íslands þá fórum við ekki til Eyja heldur vorum við eftir í bænum því það var leikur á móti Skaganum á sunnudagskvöldið. Þetta var því gríðarlega mikið ferðalag á okkar strákum og höfum við verið að spila tvo leiki í viku nú nokkrar vikur í röð. Næsti leikur er heldur betur stór en það er síðari leikurinn á móti Rauðu Stjörnunni og þurfum við á okkar 12. manni að halda sem aldrei fyrr. Því hvetjum við þig til að mæta á völlinn og sýna strákunum okkar stuðning!

25. júlí fór seinni leikur ÍBV í Evrópukeppninni fram og var leikið á Hásteinsvelli. Leikurinn endaði í markalausu jafntefli. ÍBV voru manni fleiri síðasta korterið og klúðruðu vítaspyrnu. Stemmninginn á leiknum var mjög góð og eiga áhorfendur hrós skilið fyrir að gera góðan leik enn betri. Leikmenn ÍBV geta líka borið höfuðið hátt enda stóðu þeir vel í sterku atvinnumannaliði.

=== '''Tap á Skipaskaga''' ===
Eyjamenn fóru enga frægðarför upp á Skipaskaga, töpuðu gegn botnliði ÍA, 2:1 en bæði mörk Skagamanna komu eftir klaufaleg varnarmistök ÍBV. Eflaust hefur þreyta setið í leikmönnum eftir erfiðan útleik gegn Rauðu Stjörn unni í Evrópukeppninni aðeins þremur dögum fyrr, ásamt löngu ferðalagi heim frá Serbíu. En þarna fóru þrjú dýrmæt stig í súginn og er ÍBV nú um miðja deild og toppliðin fjarlægjast. Mark ÍBV gerði Gunnar Már Guðmundsson í seinni hálfleik en Eyjamenn voru mun sterkari í seinni hálfleiknum.

=== '''Pepsídeild kvenna, ÍBV-Stjarnan''' ===
Stjarnan gerði út um þær litlu vonir sem ÍBV átti um Íslands meistaratitilinn með þriggja marka sigri á Eyjaliðinu á Hásteinsvelli. Lokatölur urðu 0:3 en Stjarnan hefur nú leikið tíu leiki í deildinni og unnið þá alla. Garðabæjarliðið hefur afgerandi forystu í deildinni og í raun svo gott sem búið að tryggja sér titilinn.

Þrátt fyrir tapið, þá er í raun ótrúlegt hvað ÍBV hefur gengið vel í sumar. Liðið hefur orðið fyrir hverju áfallinu á fætur öðru varðandi meiðsli lykilmanna en var, þrátt fyrir það í öðru sæti fyrir leikinn í gær. Það hafa margir skoðanir á liði ÍBV, eins og vera ber, en það verður ekki tekið af Jóni Ólafi Daníelssyni, þjálfara liðsins að hann hefur spilað vel úr þeim spilum sem hann hefur á hendi hverju sinni. Meðal þeirra sem eru á meiðslalistanum eru Kristín Erna Sigurlásdóttir, Svava Tara Ólafsdóttir, Sigríður Lára Garðarsdóttir og Ana Maria Lopez. Auk þess hafa glímt við meiðsli þær Vesna Smiljkovic, Nadia Lawrence og Guðrún Bára Magnúsdóttir. Og ef þetta er ekki nóg, þá var Bryndís Jóhannesdóttir í banni gegn Stjörnunni og Þórhildur Ólafsdóttir erlendis. Smiljkovic og Lawrence spiluðu báðar en sú síðarnefnda halt raði nánast allan leikinn og var skipt útaf í seinni hálfleik og Smiljkovic gat ekki beitt sér á fullu. Með þetta allt í huga er í raun ótrúlegt hvað ÍBV náði að stríða Íslandsmeistara efnunum. Leikmenn ÍBV fengu nokkur úrvalsfæri til að skora en komu boltanum einfaldlega ekki í netið.

=== '''Vel heppnuð Þjóðhátíð''' ===
Þjóðhátíð Vestmannaeyja 2013 verður væntanlega í minningu flestra sem ein af betri hátíðum sem haldnar hafa verið. Það var ekki bara að veðrið hafi leikið við Eyjamenn og gesti þeirra um helgina heldur fóru hátíðahöldin að mestu leyti vel fram, fjölmenni var í Dalnum og dagskráin var að langmestu leyti vel heppnuð.

Eins og áður sagði var veðrið mjög gott alla þrjá dagana, og auk þess dagana sitthvoru megin við þjóð hátíð. Þannig að engin vandamál komu upp þegar flytja átti fólk, bæði til og svo frá Eyjum. Það var helst á laugardeginum sem lognið fór heldur hratt yfir en á meðan gustaði vel í bænum, þá var dúna logn í Herjólfsdal þannig að það kom ekki að sök. Flestir virðast sammála um að gömlu brýnin í Sálinni, Helgi Björns, Páll Óskar og Stuðmenn

hafi staðið fyrir sínu og gott betur. Þá voru margir hrifnir af Gus Gus, Retro Stefson og Skálmöld, þótt tónlist þessara þriggja sveita sé ekki allra. Brimnes og Dans á rósum stóðu svo fyrir sínu á Tjarnar sviðinu eins og alltaf en þar má finna hina einu sönnu sveitaballa stemmningu. Börnin fengu líka sitt, Brúðubílinn, Latabæ og fleira auk þess sem Páll Óskar söng fyrir börnin og áritaði svo plakat fyrir þau. En eins og alltaf eru hápunktarnir í

hugum flestra brennan, flugelda sýningin, brekkusöngurinn eða blysin. Ingólfur Þórarinsson, Ingó veðurguð sýndi að hann er fullfær um að stýra brekkusöng á þjóð hátíð. Ingó kom með ný lög sem yngri kynslóðin virtist kunna vel við en hinir eldri söknuðu Eyjalaganna. Það er þó skoðun margra að Sæþór og Jarl eigi að stýra brekkusöngnum eftir Árna, ungir menn og í betri tengslum við samfélagið hér og tónlistararf Eyjamanna.

Hörður Orri Grettisson í Þjóðhátíðarnefnd, sagði í viðtali við Eyjafréttir, að hann hafi bara upplifað jákvætt viðhorf frá Eyjamönnum gagnvart hátíðinni í ár en bætti við að hann væri líklega síðasti maðurinn til heyra það neikvæða. „Það lýsir því kannski best að hvítu tjöldunum fjölgaði um þrjátíu milli hátíða, í ár voru þau 293. Það gefur manni þau skilaboð að Eyjamenn hafi staðið á bak við okkur og verið ánægðir með þær ákvarðanir sem við tókum, það er okkur mikilvægt að finna þennan stuðning enda unnum við markvisst í því að fá Eyjamenn á bak við okkur því án þeirra verður engin Þjóðhátíð,“ sagði Hörður.

=== '''Nauðganir í kyrrþey vegna markaðssjónarmiða''' ===
'''Umræða um Þjóðhátíðina í ýmsum fjölmiðlum á landsvísu, hefur um nokkurt árabil verið afar neikvæð og ósanngjörn að mati flestra Vestmannaeyinga. Sem dæmi um þessar umræður er hér grein eftir Kristínu Pálsdóttur sem birtist í vefmiðlinum Smugan.'''

„Í vikunni opinberuðust mjög fornaldarleg viðhorf til kynferðisofbeldis, og mikilvægi réttra viðbragða við því, hjá aðstandanda stærstu útihátíðar sem haldin er á landinu um verslunarmannahelgina, Páli Scheving formanni þjóðhátíðarnefndar Vestmannaeyja. Eins og heyra má á hljóðskrá frá opnum borgarafundi í Vestmannaeyjum 28. apríl 2011 tjáði Páll sig nokkuð vafningalaust um afstöðu sína til forvarnaraðgerða gegn kynferðisofbeldi á hátíðinni og þeirrar gagnrýni sem fjölmargir, bæði fagfólk og leikmenn, hafa komið með vegna fjölda kynferðisafbrota sem tengdust hátíðinni, einkum hvað varðar aðkomu Stígamóta. Hljóðskrána er að finna hér og þar má m.a. heyra eftirfarandi orðaskipti Páls við einn fundargesta þar sem Páll setur fram, sem frægt varð að endemum, kenningu sína um að viðvera Stígamóta á hátíðinni beinlínis auki hættuna á kynferðisbrotum. Orðaskiptin hefjast á 21. mínútu.

''Páll Scheving Ingvarsson:'' „Það myndu allir vilja eiga Þjóðhátíð. Einhverja hátíð sem er, eins og í fyrra, 750-800 milljóna innspýting í samfélagið, einhverja fimm daga. Gengur undir stórum hluta kostnaðar við íþróttahreyfinguna og það eru allir að reyna að búa þetta til. Bæjarhátíðir hér og þar, það getur enginn einu sinni rukkað. Það er frítt inn á allar bæjarhátíðir og ég veit ekki hvað og hvað. Vestmannaeyjar eru fyrsta frétt á ljósvakamiðlunum í þrjá til fjóra daga. Í öllum miðlum göngum við þessa daga, gríðarleg umfjöllun um samfélagið og vekur gríðarlega athygli á því. Ómetanlegt, algjörlega ómetanlegt.“

''Gestur í sal:'' „Það er líka ekkert skemmtilegt að vera með frétt nr. eitt oft. Það er alltaf þetta sama og ég ætla að biðja ykkur um að reyna að koma því til skila núna. Það er útaf þessum blessuðum Stígamótum. Þær eru alltaf vælandi þessar kerlingar að það sé ekki pláss inní Dal fyrir þær, þær hafa ekki kompu og þær hafa ekki ljós og þær hafa ekkert. Að klára þetta bara í upphafi Þjóðhátíðar, sko, að þið bara leysið þessi mál.“

''Páll Scheving Ingvarsson:'' „Stígamót voru hér lengi vel bankandi á dyrnar hjá okkur og vildu fá aðstöðu í Dalnum og við áttum að kosta allt. Það var þeirra hugmynd í þessu við að þær ætluðu að koma og hjálpa okkur en þetta er þannig þar sem þær hafa birst á hátíðum er eins og vandamálið hafi stækkað. Það er ljótt að segja það en ég segi það samt. Það er eins og samtökin nærist á því að vandamálið sé til staðar og þær reyni frekar að ýta undir það heldur en hitt. Vandamálin verða alltaf miklu fleiri og stærri þegar Stígamót eru á staðnum þannig að við höfum sagt: Þið eruð velkomnar, þið bara borgið ykkur inn á svæðið eins og allir aðrir, komið ykkur fyrir og verðið með ykkar aðstöðu og það hefur haldið þeim frá. Við erum hins vegar með okkar sálgæslu í Herjólfsdal, með fullkomið viðbragð við kynferðisbroti í Herjólfsdal. Það er fullkomið viðbragð alla leið inn á Landspítala í Reykjavík, ef með þarf. Unnið með lögreglu og fagfólki alla leið.“

Það hlýtur að vera lágmarkskrafa að Páll segi af sér. [Innsk. ritstjórnar: Þegar greinin birtist á Smugunni var Páll Scheving formaður þjóðhátíðarnefndar. Hann situr ekki í nefndinni nú.] Hann er hins vegar ekki einn í þessum hugarheimi og varla rót vandans heldur birtingarmynd rosalegrar kynjaslagsíðu og andvaraleysis gagnvart jafnréttissjónarmiðjum sem víða má sjá innan íþróttahreyfingarinnar. Það er nefnilega Íþróttabandalag Vestmannaeyja sem heldur Þjóðhátíð og þess vegna er upplagt að nota þetta tækifæri til að ræða og skoða jafnréttis- og siðferðismál íþróttafélaga sem þiggja hundruð milljóna af afmannafé árlega á þeim forsendum að þar fari fram mikilvægt uppeldis-, fyrirmynda- og forvarnastarf. (Þórdís L. Gísladóttir áætlar styrki til æskulýðs- og íþróttafélaga frá sveitarfélögum 2.2 milljarða á ári, í meistararitgerð sinni um hagræn áhrif íþrótta, 2007. Þá er ótalið framlag ríkisins, Lottópeningar og fleira.)

Það gerir ábyrgð Páls síst minni að hann situr í bæjarstjórn Vestmannaeyja, og fræðslu- og menningarnefnd, ásamt því að vera fyrrverandi formaður ÍBV og handhafi Silfurmerkis þess.

Í lauslegri höfðatöluúttekt hjá ÍBV kemur í ljós að í rúmlega 80% tilfella eru karlar handhafar valds og heiðursmerkja. Ánægjuleg undantekning er Íþróttamaður æskunnar þar sem 5 stúlkur hafa verið valdar en 3 strákar. Silfurmerki bandalagsins hefur 101 karl fengið og 26 konur. Af 10 skráðum gullkrosshöfum er 1 kona og af 42 gullmerkishöfum eru 6 konur. Í stjórn ÍBV eru 4 karlar og 1 kona og af nítján aðilum sem hafa verið formenn ÍBV eru 18 karlar og 1 kona. (<nowiki>http://ibv.is/</nowiki>). Af 33 Íþróttamönnum Vestmannaeyja eru 8 konur og til að ljúka þessum hausatalningum þá eru í stjórn Þjóðhátíðar 4 karlar en engin kona (<nowiki>http://dalurinn.is/</nowiki>).

Hvernig er ástand jafnréttismála í íþróttafélögum í þínu bæjarfélagi? Þá á ég ekki bara við hvað varðar iðkendur heldur stjórnskipulag félaganna.

Þjóðhátíðarnefnd hefur lengi verið uppsigað við umtal um nauðganir eins og sjá má í grein í Morgunblaðinu 3. ágúst 1995. Páll birti sjálfur grein árið 2004 þar sem hann er ósáttur við neikvæða umræðu um Þjóðhátíð og bendir á hversu slæm sú umræða geti verið fyrir viðskiptahagsmuni hátíðarinnar.

Ummæli hans um Stígamót nú virðast heldur ekki vera sögð í neinni andstöðu við álit þjóðhátíðarnefndar né forsvarsmenn ÍBV, að minnsta kosti hef ég hvergi séð þau borin til baka eða hörmuð af þeim aðilum.

Þó að svona hausatalningar séu enginn algildur mælikvarði á stöðu jafnréttismála segja ofangreindar tölur okkur að það sé kominn tími til að skoða jafnréttismál og siðferðismál innan íþróttahreyfinga af meiri alvöru en hingað til. Þau sjónarmið sem opinberast hafa í þessu máli eiga ekki að þrífast innan hreyfingar sem að miklu leyti er fjármögnuð af almannafé í skjóli þess að þar fari fram uppbyggilegt starf fyrir ungmenni. Það er líka ömurlegt að fjárþörf (eða græðgi?) íþróttafélaga sé notuð til að þagga niður lífsnauðsynlega umræðu. Fólk sem stuðlar að því að nauðganir fari fram í kyrrþey vegna markaðssjónarmiða á ekki að stjórna íþróttastarfi eða útihátíðum og það er svo sannarlega ekki til fyrirmyndar fyrir neinn

=== '''Metaðsókn á Hásteinsvöll''' ===
ÍBV tók á móti FH á laugardegi í Þjóðhátíð að viðstöddu miklu fjölmenni. 3.024 áhorfendur lögðu leið sína á völlinn, en metið var 2.275. Það var sett árið 2007 þegar ÍBV tók á móti KA í 1. deildinni.

Eyjafréttir höfðu samband við Óskar Örn Ólafsson, formann knattspyrnu ráðs en hann var mjög sáttur með hvernig til tókst. „Allt gekk mjög vel, við efldum gæsluna mikið og engin vandræði komu upp. Allir áhorf endur voru til fyrirmyndar, stuðningsmenn okkar tóku til eftir sig og einnig stuðningsmenn FH, sem er mjög sjaldgæft. Auðvitað voru einhverjir sem voru að reyna að svindla sér inn, en við reyndum að leysa það eftir bestu getu. Við vissum alltaf að við næðum ekki að rukka alla inn þar sem gönguleiðin inn í Dal varð að vera opin,“ sagði Óskar. Ætlið þið að reyna á næsta ári að fá leik á þjóðhátíð? „Við munum biðja um það. Við sýndum það nú að það er vel hægt, en það verður bara að koma í ljós.“

FH-ingar voru ekki lengi að skora í leiknum, Brynjar Ásgeir Guðmundsson kom boltanum í netið eftur klafs í teignum strax á tíundu mínútu. Ingimundur Níels Óskarsson bætti öðru marki við úr skyndis ókn eftir að hann slapp einn í gegnum vörn ÍBV í síðari hálfleik. Eyjamenn fengu svo vítaspyrnu þegar skammt var til leiksloka en Aaron Spear náði ekki að skora, Róbert Örn, markamaður FH varði í horn. Upp úr hornspyrnunni skoraði svo Brynjar Gauti Guðjónsson með skalla og minnkaði muninn í eitt mark. Mikil spenna var á lokamínútunum en ÍBV náðu ekki að skora þrátt fyrir stífan sóknarleik og lokatölur 1:2.

=== '''Þokast niður töfluna''' ===
Eyjamenn töpuðu fjórða leik sínum í röð í Pepsídeildinni þegar þeir sóttu KR heim til Reykja víkur. Lokatölur urðu 3:1 en Eyjamenn léku einum fleiri í tæpan hálftíma, án þess að ná að nýta sér það. Einum færri skoruðu KR-ingar sigurmarkið undir lok leiksins þegar Eyjamenn lögðu allt undir til að jafna metin.

Rétt er að benda á að í þessum fjórum tapleikjum Eyjamanna, hafa þeir verið að spila gegn þremur af fjórum efstu liðunum, þar af gegn KR og Breiðabliki á útivelli og auk þess voru þrír af þessum fjórum leikjum á útivelli. En engu að síður eru fjögur töp í röð staðreynd og hafa Eyjamenn þokast hægt og sígandi niður töfluna. ÍBV er nú í sjötta sæti með jafn mörg stig og Fram og tveimur stigum meira en Fylkir. Falldraugurinn er enn í hæfilegri fjarlægð en þó má ekki mikið út af bregða ef liðið á að forðast draugaganginn í neðri hlutanum.

=== '''Andlaust gegn Víkingum''' ===
Það má segja að Eyjamenn hafi verið klaufar að ná ekki í þrjú stig gegn nýliðum Víkings frá Ólafsvík þegar liðin áttust við á Hásteinsvelli. Lokatölur urðu 1:1 en það er annað jafntefli liðanna í sumar og flestir sammála um að þar hafi ÍBV misst af fjórum mikilvægum stigum. Einu sinni sem oftar voru Eyjamenn að spila ágætlega í fyrri hálfleik, sköpuðu sér nokkur úrvalsfæri en mörkin létu á sér standa. Það má kannski segja að gengi ÍBV liðsins hafi endurspeglast í þessum fyrri hálfleik, ágætt spil og færi sköpuð en uppskeran ansi rýr. Staðan í hálfleik var 0:0. Síðari hálfleikur var svo sá allra d aufasti sem sést hefur á Hásteins velli í sumar. Nákvæmlega ekkert gerðist í leiknum þar til ÍBV komst yfir á 68. mínútu og héldu flestir að þrjú stig væru innan seilingar, enda höfðu Víkingar varla ógnað marki Eyjamanna í leiknum. En í stað þess að halda áfram sínum leik, bökkuðu Eyjamenn, Víkingar gengu á lagið og jöfnuðu metin á 80. mínútu. Flestir reiknuðu með því að þá myndu heimamenn spýta í lófana en annað kom á daginn því það voru Víkingar sem voru nærri því að stela sigrinum og virkuðu leikmenn ÍBV hálf andlausir á lokakaflanum, sem er ekki góðs viti.

=== '''Lönduðu þremur stigum''' ===
Kvennalið ÍBV ÍBV lagði botnlið Þróttar að velli í Laugardalnum 1:2 í 13. umferð Pepsídeildarinnar. Um algjöran skyldusigur var að ræða hjá ÍBV en Eyjakonur höfðu meiri yfirburði í leiknum en lokatölur gefa til kynna.

Þórhildur Ólafsdóttir kom ÍBV yfir á 40. mínútu og Sóley Guðmundsdóttir bætti öðru markinu við snemma í síðari hálfleik. „Við vorum að spila ágætlega og hefðum í raun átt að vera komin fimm eða sex mörkum yfir þegar Þróttur jafnaði,“ sagði Jón Ólafur Daníelsson, þjálfari ÍBV. „Við náðum hins vegar að landa þremur stigum og það er rétt, þetta var algjör skyldusigur hjá okkur,“ bætti hann við.

=== '''Þungu fargi af mönnum létt''' ===
Eftir sex deildarleiki í röð án sigurs, kom loks sigurleikurinn. Eyjamenn höfðu betur gegn Fylki í Árbænum en lokatölur urðu 0:1. Leikmenn ÍBV þurftu svo sannarlega að hafa fyrir sigrinum en sigurmarkið kom strax í upphafi leiks og undir lokin sóttu heimamenn stíft að marki ÍBV. En þegar þeir sluppu í gegn, mættu þeir David James, sem var að leika sinn 1000. leik á ferlinum og hann ætlaði sér svo sannarlega að halda hreinu við það tækifæri. Það gerði hann líka og var besti maður vallarins.

Víðir Þorvarðarson skoraði eina mark leiksins á 14. mínútu leiksins .

=== '''Spurning um að klára leikinn''' ===
ÍBV lagði Aftureldingu að velli á útivelli en lokatölur urðu 0:3. Með sigrinum komst ÍBV upp í annað sæti deildarinnar.

Jón Ólafur Daníelsson, þjálfari ÍBV sagði í samtali við Eyjafréttir að leikurinn gegn Aftureldingu hefði verið góður. „Við höfðum ágæt tök á leiknum og Afturelding ógnaði í raun aldrei okkar marki. Þær reyndu að verjast vel og voru þéttar fyrir og því var mikill léttir fyrir okkur að skora strax í byrjun leiks. Við fengum reyndar víti á fimmtu mínútu sem við misnotuðum. Annað markið kom svo stuttu fyrir hálfleik og mikill léttir að ná því. Svo var þetta bara spurning um að klára leikinn með þriðja markinu sem við gerðum.“

=== '''Eitthvað sérstakt við Heimaey''' ===
David James, markvörður ÍBV skrifaði reglulega pistla sem birtast á vefsvæði The Guardian. Í þetta sinn skrifar hann um áfanga sinn að ná 1000 leikjum en áður en ÍBV kom til sögunnar, þá leit allt út fyrir að hann næði ekki þessum merkilega áfanga. „Mig grunaði aldrei að ég myndi spila 1000. leikinn fyrir lið frá lítilli eyju, fyrir framan 1200 áhorfendur, með skært ennisband, eins og tískan er hérna,“ skrifar James sem kemur einnig inn á lífið í Vestmannaeyjum í greininni. „Ég átti aldrei von á því að þetta yrði staðreynd en hjá ÍBV er ég jafn spenntur fyrir fótbolta og ég hef alltaf verið,“ skrifar James sem kemur einnig inn á þá skemmtilegu tilviljun að í 1000. leik hans á ferl inum, hafi ÍBV einnig komist yfir 1000 stiga múrinn í Íslandsmótinu. „Það er eitthvað mjög sérstakt við Heimaey, stærstu eyju Vestmanna eyja - þú getur ekki farið. Bókstaflega. Keflavík spilaði við okkur um daginn og þeir komust ekki í burtu í þrjá daga - ferjan fór ekki út af veðri. Það er furðulegt að vera í gíslingu vegna veðurs. En mér líkar vel við hin óútreiknanlegu náttúru öfl staðarins,“ skrifar James meðal annars.

=== '''Hásteinsvöllur einn af 10 flottustu''' ===
Vefútgáfa The Daily Mail, var með úttekt á tíu flottustu knattspyrnuvöllum heims í síðustu viku. Einn íslenskur völlur kemst á listann, Hásteinsvöllur, hvað annað? Miðillinn velur vellina ekki eftir fjölda áhorfenda sem komast á völlinn eða glæsileika í aðstöðu áhorfenda, heldur miðar við náttúru legt umhverfi vallanna. Smá misskilnings gætir með heimal iðið á Hásteinsvelli en í út- tekt bresku blaðamannanna hefur nafn ÍBV eitthvað skolast til því í greininni kemur fram að IVB spili heimaleiki sína á vellinum. „Despite hosting home games for IVB, a top divisision club in Iceland, Hasteinsvollur is situated just around the corner from a volcano. This provides an eye-catching backdrop for games, with huge rock formations found just a goalkick away,“ segir á vefsíðunni. Meðal annarra valla sem komast á listann eru tveir vellir í Fær- eyjum, gervigrasvöllurinn á Eiði og þjóðarleikvangurinn í Þórshöfn, og svo glæsilegur heimavöllur portúgalska liðsins Braga.

=== '''Samhentir styðja ÍBV''' ===
Handknattleiksdeild ÍBV kynnti á haustdögum nýjan styrktaraðila á treyjum félagsins fyrir næstkomandi tímabil. Nýr styrktaraðili er fyrir tækið Samhentir. Samhentir er leiðandi fyrirtæki í sölu og framleiðslu á umbúðum, rekstrarvörum og pökkunarvélum fyrir sjávarútveg, matvæla- og iðnaðarframleiðeindur og endursöluaðila hvers konar. Samn ingurinn er til tveggja ára.

=== '''Bryggjudagur ÍBV''' ===
Til margra ára hefur handknattleiksdeild ÍBV staðið fyrir svokölluðum Bryggjudegi, ár hvert.

Þar sem fólk gat keypt, þorskhnakka, þorsk- og ýsuflök, kola og rauðsprettu, steinbít og skötusel og humar. Sannkölluð veisla fyrir fiskþyrsta Eyjamenn sem sjaldan sjá nýjan fiski í þessari stærstu verstöð landsins. Handknattleiksdeild ÍBV hefur staðið fyrir deginum í samstarfi við Böddabita. Þarna var líka sölubás með ÍBV varning, boli, fána, kaffimál og fleira. Líka var hægt að fá heitt og með því, kleinur og pönnukökur.

=== '''Verða í góðum höndum áfram''' ===
2. flokkur karla tók á móti Haukum í sannkölluðum úrslitaleik um það hvort liðið færi upp um deild. Þetta var hörkuleikur, staðan í hálf leik var 3-0 Haukum í vil og á brattann að sækja fyrir Eyjamenn. Þeir neituðu að gefast upp, skoruðu fjögur mörk í síðari hálfleik en Haukar eitt og jafntefli því staðreynd. Þessi úrslit þýddu að Haukar enda í öðru sæti B-deildar og fara upp ásamt Val en Eyjamenn sitja eftir. Þrátt fyrir að komast ekki upp, hefur 2. flokkur karla tekið stórstígum framförum undir stjórn enska þjálfarans Gregg Ryder. Sá mun næsta sumar einbeita sér alfarið að þjálfun meistaraflokks en við hans starfi taka Eysteinn Hauksson og Heimir Hallgrímsson, þannig að flokkurinn ætti að vera í góðum höndum áfram.

=== '''Enduðu í þriðja sæti í Pepsídeild kvenna''' ===
Mikil spenna var fyrir leik ÍBV gegn Þór/KA. ÍBV var í lykilstöðu fyrir leikinn í öðru sæti deildar inar með eins stigs forskot á Val sem var í þriðja sæti. Norðankonur höfðu hins vegar betur og ÍBV missti þar með af silfursætinu. Stjarnan hafði þegar tryggt sér titilinn og Þróttur og HK/Víkingur féllu.

ÍBV byrjaði leikinn vel og skapaði sér tvö dauðafæri í stöðunni 0:0. Eftir það tóku norðankonur öll völd á vellinum og komust yfir. Í seinni hálfleik var Þór/KA mun sterkari framan af og komst í 2:0 en Shaneka Gordon minkaði muninn skömmu síðar með glæsilegu marki. Eftir það sótti ÍBV af krafti og skapa ði tvö ágæt færi en Þór/KA jók forystuna eftir vel útfærða skyndisókn í 3:1 sem urðu lokatölur leiksins. Bryndís Lára í markinu og Shaneka voru einu Eyjakonurnar sem sýndu sitt rétta andlit í leiknum. Valur vann sinn leik 4:0 og náði því öðru sætinu og silfrinu. Stelpurnar mega þó vera sáttar með tímabilið en ÍBV var spurningarmerki fyrir tímabilið þar sem lykilleikmenn voru meiddir.

=== '''Dáist að hvernig ungu leikmennirnir stigu upp''' ===
Jón Ólafur Danélsson er viðtali við Eyjafréttir þegar leiktímabili meistaraflokks kvenna var lokið, þar sem hann fór yfir sumarið. Þar segir hann m.a.:

„Já ég get ekki verið annað en sátt ur með það. Okkur gekk ótrúlega vel, byrjuðum reyndar seinni um ferðina á að tapa tveimur af fyrstu þremur leikjunum en eftir það komu fimm sigurleikir í röð og allt í einu vorum við komin í annað sætið. En tapið á Akureyri í síðustu umferðinni varð til þess að við end uðum í þriðja sæti, sem er mjög góður árangur þegar allt er tekið saman. Það er gaman eftir mótið að líta yfir sumarið og ég dáist að því hvernig ungu leikmennirnir stigu upp og börðust eins og alvöru Eyjamenn gera. Það var svo mikið af ungum og efnilegum leikmönnum sem fengu sína eldskírn í sumar, Sabrína Lind, Sigríður Lára, Guðrún Bára, Bjartey Helgadóttir, Bryndís Hrönn Kristinsdóttir, María Davis og Tanja Rut Jónsdóttir. Þá fengu tvær stúlkur úr 3. flokki sín tækifæri, þær Sandra og Díana Dögg Magnúsdóttir og þær stóðu sig frábærlega.“

=== '''Í lygnum sjó''' ===
Karlalið ÍBV siglir lygnan sjó í efstu deild í fótboltanum, er um miðja deild þegar þrjár um ferðir eru eftir, á ekki möguleika á Evrópusæti en er með tryggt sæti í deildinni. Það var þó engin lognmolla á illa förnum Hásteinsvelli þegar strákarnir mættu Stjörnunni í stjörnuvitlausu veðri.

Bæði lið gerðu heiðarlega tilraun til að spila fótbolta og hiti í mönnum eins og svo oft þegar Garðbæingar og Eyjamenn mætast á knattspyrnuvellinum. Það bætti aðeins upp jökulkuldann í norðanrokinu sem steyptist yfir völlinn úr öllum áttum. Baráttan við Kára réði miklu um það sem gerðist á vellinum en það var líka kostulegt að sjá leikmenn forðast miðju vallarins sem er ein forarvilpa. Við þessar aðstæður tókst að ljúka leiknum og ÍBV hirti stigin þrjú, sem í boði voru, með marki sem Ian Jeffs skoraði í lokin og Garðbæingar allt annað en sáttir enda Evrópusæti í húfi hjá þeim.

ÍBV íþróttafélag hefur undanfarið verið að byggja áhorfendastúku við Hásteinsvöll, en það hefur verið krafa KSÍ til liða í efstu deild. Stúkan er þegar uppsteypt og með sætum, en ennþá er eftir að setja þak á hana. Stefnt er að því verki verði lokið fyrir næsta sumar.

=== '''Sjötta sætið''' ===
Karlalið ÍBV endaði í sjötta sæti Pepsídeildarinnar eftir tap gegn Þór frá Akureyri. Leikurinn fór fram í Eyjum og líklega hefur ekki verið jafn gott veður í allt sumar en í síðasta leiknum. Segja má að leikur ÍBV í sumar hafi endurspeglast í þessum eina leik, fullt af tæki færum en lítið skorað. Yngvi Borgþórsson lék kveðjuleik sinn fyrir félagið en hann var í byrjunarliðinu í fyrsta og eina leik sínum í sumar og var fyrirliði.

ÍBV endaði tímabilið á þremur töpum, á útivelli gegn Keflavík á útivelli og á heimavelli gegn Val og Þór. Það má leiða líkum að því að úrslit leikjanna hefðu orðið önnur ef eitthvað hefði verið undir hjá ÍBV en liðið var búið að tryggja sér sæti í deildinni fyrir þó nokkru en gat ekki náð Evrópusæti. Þar af leiðandi gerði Hermann Hreiðarsson nokkrar breytingar á liðinu á milli leikja, m.a. sex breytingar fyrir leikinn gegn Þór og er það vel, að fleiri fái að spila en vanalega í sumar. Sjálfur spilaði Hermann síðustu mínúturnar í leiknum en hann sagði í samtali við blaðamann Eyjafrétta eftir leikinn að hann væri ekkert á þeim buxunum að hætta. „Ég hætti náttúrulega aldrei og myndi aldrei segja að ég væri hættur. Maður veit aldrei og þetta er þá kveðjuleikur ef hlutirnir þróast þannig. En ég er ekki hættur,“ sagði Hermann.

=== '''Hemmi hættur''' ===
Hermann Hreiðarsson er hættur sem þjálfari knattspyrnuliðs ÍBV. Hermann tók við liðinu síðastliðið vor en í tilkynningu sem birt er á heimasíðu ÍBV-íþróttafélags kemur fram að ástæður uppsagnar Hermanns séu persónulegar.

=== '''Lokahóf yngri flokkanna''' ===
Lokahóf yngri flokka ÍBV-íþrótta félags var haldið í Íþróttamiðstöðinni 28. September. Þar eru veitt verðlaun fyrir afrek sumarsins en auk þess boðið upp á nokkur skemmtiatriði og pylsur og með því. Barna- og unglingaráð ÍBVíþróttafélags stendur fyrir hófinu og á hrós skilið fyrir að gera það jafn myndarlega og gert er.

Hápunktur sumarlokahófsins er auðvitað verðlaunaafhendingin en hér má sjá nöfn þeirra sem fengu viðurkenningar.

''6. flokkur stúlkna yngri''

Framfarir: Sigurbjörg Ósk Sigurðardóttir.

ÍBV-ari: Thelma Sól Óðinsdóttir.

Ástundun: Helena Jónsdóttir.

6. flokkur drengja yngri

Framfarir: Birkir Haraldsson.

ÍBV-ari: Adam Sigfússon.

Ástundun: Dagur Einarsson.

''6. flokkur stúlkna eldri''

Framfarir: Selma Björt Sigursveinsdóttir.

ÍBV-ari: Ragna Sara Magnúsdóttir.

Ástundun: Birta Líf Agnarsdóttir.

''6. flokkur drengja eldri''

Framfarir: Ólafur Már Gunnlaugsson.

ÍBV-ari: Alexander Júlíusson.

Ástundun: Arnar Gauti Egilsson.

''5. flokkur stúlkna yngri''

Framfarir: Mía Rán Guðmundsd óttir.

ÍBV-ari: Bríet Ómarsdóttir.

Ástundun: Clara Sigurðardóttir.

''5. flokkur drengja yngri''

Framfarir: Kristófer Heimisson.

ÍBV-ari: Gauti Gunnarsson

Ástundun: Arnar Breki Gunnarsson.

''5. flokkur stúlkna eldri''

Framfarir: Erica Ýr Ómarsdóttir.

ÍBV-ari: Urður Eir Egilsdóttir.

Ástundun: Elísa Björk Björnsdóttir.

''5. flokkur drengja eldri''

Framfarir: Bjarki Kristinsson.

ÍBV-ari: Þórhallur Orri Steinsson.

Ástundun: Andri Kristinsson.

''4. flokkur stúlkna yngri''

Efnilegust: Eva Lind Ingadóttir.

Framfarir Eva Aðalsteinsdóttir.

ÍBV-ari Elsa Rún Ólafsdóttir.

''4. flokkur drengja yngri''

Efnilegastur: Daníel Már Sigmarsson.

Framfarir: Gísli Snær Guðmundsson.

ÍBV-ari: Birkir Snær Alfreðsson.

''4. flokkur stúlkna eldri''

Efnilegust: Unnur Ástrós Magnúsdóttir

Framfarir: Margrét Íris Einarsdóttir.

ÍBV-ari: Inga Hanna Bergsdóttir .

''4. flokkur drengja eldri''

Efnilegastur: Frans Sigurðsson.

Framfarir: Óliver Magnússon.

ÍBV-ari: Felix Örn Friðriksson

=== '''Sumarlok 3. flokks''' ===
Nokkru síðar var haldið lokahóf 3. flokks í fótbolta í Týsheimilinu. Á hófinu voru veittar eftirtaldar viðurkenningar:

Bestu leikmenn: Díana Dögg Magnúsdóttir og Devon Már Griffin.

Efnilegustu leikmenn: Sandra Erl ingsdóttir og Hallgrímur Þórðarson.

Mestu framfarir: Elísabet Bára Baldursdóttir og Andri Ísak Sigfússon.

ÍBV-ari: Júlíana Sveinsdóttir og Friðrik Magnússon

=== '''Sumarflokk knattspyrnunnar''' ===
Sumarlokahóf ÍBV fór fram 28. september en í þetta sinn var hófið haldið í Golfskálanum, þar sem lundaballið var haldið á sama tíma í Höllinni. Fjölmargir mættu á hófið, sem að þessu sinni var ekki auglýst vegna takmarkaðs sæta fram boðs og ekki að sjá annað en að viðstaddir hafi notið kvöld stundarinnar.

Páll Magnússon, útvarpsstjóri var veislustjóri en hann kynnti fyrstan til leiks Sigursvein Þórðarson, formann ÍBV-íþróttafélags, sem fór yfir árang ur sumarsins. Eftir það voru sýnd þrjú myndbönd í boði Sighvats Jónssonar, auk þess sem strákarnir í 2. flokki sýndu grínmyndband sitt sem var bráðskemmtilegt. Elías Fannar Stefnisson, fyrrum markvörður karlaliðs ÍBV í fótbolta, tók nokkur lög og kallaði m.a. upp Arnar Braga Bergsson, miðjumann ÍBV sem söng eitt lag með kappanum. Hápunktur kvöldsins var verðlauna afhending. Byrjað var á því að veita þeim Elísu Viðarsdóttur og Tonny Mawejje verðlaun fyrir að hafa spilað 100 leiki fyrir félagið. Þá fengu þau Jón Ingason og Sabrína Lind Adolfsdóttir Fréttabikarana í ár. En verðlaun fengu þessi:

2. flokkur Markahæst: Bryndís Hrönn Kristinsdóttir og Björn Axel Guðjónsson. ÍBV-arar: Tanja Rut Jónsdóttir og Óskar Zöega Óskarsson. Mestar framfarir: Guðrún Bára Magnúsdóttir og Hallgrímur Heimisson. Bestu leikmennirnir: Bryndís Hrönn Kristinsdóttir og Hafsteinn Valdimarsson.

Meistaraflokkur Markahæst: Shaneka Gordon og Gunnar Már Guðmundsson. Efnilegust: Sigríður Lára Garðarsdóttir og Guðjón Orri Sigurjónsson. Best: Shaneka Gordon og Matt Garner.

=== '''Stórsigur í fyrsta leik''' ===
Eyjamenn byrjuðu með látum í úrvalsdeild karla í handbolta, eða Olísdeildinni eins og hún er kölluð í dag. Í fyrstu umferð, sem fram fór í síðustu viku, sóttu Eyjamenn sjálfa bikarmeistara ÍR heim í Breiðholtið. Eftir að hafa verið fjórum mörkum undir í hálfleik, 15:11, náðu Eyjamenn að snúa leiknum sér í hag svo um munaði. Lokatölur urðu 22:30 og sitja Eyjam enn því á toppi deildarinnar í byrjun Íslandsmóts.

Fyrir tímabilið var mikið rætt um liðsstyrkinn sem ÍBV barst, sérstaklega um komu Róberts Arons Host erts og línum annsi ns Matjaz Mlakar. Sá síðarn efndi hafði hægt um sig í marka skorun, skoraði tvö mörk en Róbert Aron var næstmarkahæstur ásamt Grétari Þór Eyþórssyni með sex mörk. Eyjapeyinn ungi, Theodór Sigurbjörnsson, sýndi að hann er einn af efnilegustu handbolta mönnum landsins um þessar mundir en Teddi skoraði sjö mörk í leiknum og var markahæstur hjá ÍBV. Annar ungur og efnilegur leikmaður, markvörðurinn Haukur Jónsson, sýndi líka góð tilþrif eftir að hafa komið inn á í fyrri hálfleik. Haukur átti mjög góðan leik og þegar upp var staðið, hafði hann varið 17 skot í leiknum. Það voru því ekki síst Eyja peyjarnir í liði ÍBV sem skópu þennan góða sigur.

=== '''Haukar fóru illa með Eyjamenn''' ===
Ekki náðu Eyjamenn að fylgja eftir góðum útisigri á ÍR þegar liðið tók á móti Haukum í Eyjum á laugardag. Haukar voru með yfirhöndina í fyrri hálfleik en leikmenn ÍBV náðu með mikilli baráttu að jafna fyrir leikhlé og var staðan 10:10 þegar liðin gengu til búningsherbergja. En Eyjamenn vilja sjálfsagt gleyma síðari hálfleik sem fyrst enda unnu Haukar hann 8:20 og samtal 18:30. Seinni hluta hálfleiksins stóð ekki steinn yfir steini hjá Eyjamönnum, leikur liðsins brotnaði algjörlega niður, vörn, sókn og markvarsla. „Við fórum í mjög erfiða kennslu- stund í seinni hálfleik og vorum rasskelltir af mjög góðu Hauka liði,“ sagði Arnar Pétursson, annar tveggja þjálfari ÍBV. „Þetta gerist bara, við leggjum þetta inn í reynslubankann og lærum vonandi af þessu.

=== '''Valur of stór biti''' ===
Kvennalið ÍBV tapa ði fyrir Val á útivelli í fyrstu umferð Olísdeildar kvenna. Lokatölur urðu 27:20 en staðan í hálfleik var 11:7 Val í vil.

Byrjunin í Olísdeildinni gæti hins vegar reynst ÍBV erfið. Liðið mætir nefnilega Val, Fram og Stjörnunni í þremur af fyrstu fjórum leikjunum en fjórði leikurinn er útileikur gegn Selfossi. Það verður spennandi að sjá hvernig hinu unga liði ÍBV reiðir af í byrjun móts.

Mörk ÍBV: Vera Lopez 8, Ester Óskarsdóttir 4, Telma Amado 3, Díana Dögg Magnúsdóttir 2, Guðbjörg Guðmannsdóttir 2, Drífa Þorvaldsdóttir 1.

=== '''Sigur á Íslandsmeisturunum''' ===
Kvennalið ÍBV lagði Íslandsmeistara Fram að velli með nokkuð sannfærandi sigri í Eyjum. Lokatölur urðu 25:20 en ÍBV var yfir allan tímann, ef undan eru skildar fyrstu mínúturnar. Þessi sigur sýnir að Eyjaliðið hefur sjaldan komið jafn vel undirbúið til leiks og ekki síður að bilið milli liðsins og Fram er horfið.

=== '''Flott handboltamót''' ===
Fyrstu helgina í október fór fram fjölmennt handboltamót í Vestmanna eyjum. Mótið var fyrir krakka í 5. flokki eldri, bæði stráka og stelpur en þetta var fyrsta mót vetrarins í þessum aldursflokki. ÍBV tefldi fram fimm liðum, þremur liðum í stelpuflokki og tveimur í strákaflokki. Alls voru liðin 52 talsins, frá 16 félögum en þátttakendur í mótinu voru alls um 550 talsins og þá eru ekki taldir fjölmargir sjálfboða liðar sem störfuðu við mótið.

Stelpurnar í ÍBV 1 komust upp um deild um helgina. Liðið lék í 2. deild B en stelpurnar unnu alla leikina sína. Fyrst lögðu þær KR 1 að velli 11:6, svo Fram GH 2 14:1 og að lokum Val 2 14:5. ÍBV 2 lék í 2. deild A en stelpurnar töpuðu fyrir Aftureldingu 5:15, gegn Fram GH 4:14, gegn HK 2:10 en unnu svo KR 2 í hörkuleik 4:3. ÍBV 3 var svo skipað leikmönnum á yngra ári en stelpurnar töpuðu öllum leikjunum en stóðu sig vel gegn stærri stelpum og fengu dýrmæta reynslu. Í drengjaflokki lék ÍBV 1 í 2. deild B en liðið lagði KR 14:12, tapaði fyrir Þór 12:17, vann Aftureldingu 16:9 og Val 2 16:11. ÍBV2 lék svo í 3. deild B en liðið var skipað leikmönnum á yngra ári í flokknum. Strákarnir stóðu sig vel þrátt fyrir að hafa tapað öllum leikjunum sínum.

Mótið kláraðist á laugardagskvöldi og endaði með glæsilegri kvöldvöku þar sem m.a. pressu- og lands lið mótsins mættust. Sæþór Vídó hélt uppi stuðinu með brekkusöng. Krakkarnir dönsuðu svo fram eftir kvöldi á diskóteki, undir stjórn DJ Gauja Sidda, sem haldið var í lok kvöldvökunnar.

=== '''Sveiflukennt''' ===
Það verður ekki annað sagt en að byrjun ÍBV í Íslandsmótinu sé sveiflukennt. Liðið byrjaði með stórsigri gegn ÍR á útivelli 22:30, töpuðu svo gegn Haukum á heimavelli 18:30 en unnu svo Akureyri um helgina nyrðra 22:35. Alls var 25 marka sveifla á milli leiksins gegn Haukum og gegn Akureyri sem er kannski full mikið af því góða.

=== '''Áttu aldrei möguleika''' ===
ÍBV tapaði með tólf marka mun, 23:35 gegn Stjörnunni í 4. umferð Olísdeildar kvenna en liðin áttust við í Eyjum. Flestir reiknuðu með jöfnum leik og áhorfe ndur fjölmenntu en urðu fyrir vonbrigðum með sitt lið. Það var helst að ungu stelpurnar sem komu inn á undir lokin glöddu þá sem enn voru á leiknum með nokkrum glæsilegum mörkum.

=== '''Nýr þjálfari í knattspyrnunni''' ===
Sigurður Ragnar Eyjólfsson verður næsti þjálfari karlaliðs ÍBV í knattspyrnu. Sigurður

Ragnar skrifaði undir þriggja ára samning seinnipart október en hann tekur við af Eyjamanninum Hermanni Hreiðarssyni. Allt bendir til þess að þjálfarateymi liðsins hverfi allt á braut en í því voru, auk Hermanns, David James og Gregg Ryder. Ólíklegt þykir að James snúi aftur og Ryder hefur verið ráðinn aðalþjálfari 1. deildarliðs Þróttar.

=== '''Þjóðhátíðarslútt''' ===
Sjálfboðaliðar Þjóðhátíðar komu saman í Týsheimilinu í lok október og gerðu sér glaðan dag en ÍBV-íþróttafélag bauð þeim þá til matarveislu. ''„Ekki er hægt að halda Þjóðhátíð án sjálfboðaliðanna okkar og langaði aðalstjórn ÍBV íþróttafélags að þakka þeim fyrir vel unnin störf fyrir félagið. Þjóðhátíð er stór tekjuöflun í rekstri félagsins sem nýtist öllum deildum. Ekki má samt gleyma því að það eru mun fleiri sjálfboðaliðar sem vinna fyrir félagið og eru þeir félaginu einnig mjög mikilvægir“,'' sagði Dóra Björk Gunnarsdóttir, framkvæmdastjóri félagsins.

=== '''Sannfærandi sigur''' ===
Kvennalið ÍBV var ekki í teljandi vandræðum með HK þegar liðin áttust við í Eyjum á 19. október. Lokatölur urðu 30:22 en staðan í hálfleik var 15:11. Nú tekur við landsleikjahlé í Olísdeild kvenna en næsti leikur ÍBV er ekki fyrr en laugardaginn 2. nóvember.

Mörk ÍBV: Vera Lopes 10, Telma Amado 5, Ester Óskarsdóttir 4, Drífa Þorvaldsdóttir 4, Guðbjörg Guðmannsdóttir 3, Díana Dögg Magnúsdóttir 1, Kristrún Hlynsdóttir 1, Sandra Gísladóttir 1, Arna Þyrí Ólafs dóttir 1. Varin skot: Dröfn Haraldsdóttir 16, Erla Rós Sigmarsdóttir 7/3.

=== '''Vill frekar spila í gamla salnum''' ===
Karlalið ÍBV valtaði yfir HK 19. október í Kópavogi. Þrátt fyrir að hafa unnið leikinn með níu mörkin, 28:37, þá gefa lokatölur engan veginn rétta mynd af gangi mála því Eyjamenn voru nokkrum klössum fyrir ofan HK enda var staðan í hálfleik 12:24. Það eitt að skora 24 mörk á 30 mínútum sýnir vel þá miklu yfirburði sem Eyjamenn höfðu í leiknum.

Mörk ÍBV: Andri Heimir Friðriksson 9, Theodór Sigurbjörnsson 9/4, Róbert Aron Hostert 7, Grétar Eyþórs son 5, Agnar Smári Jónsson 4/1, Matjaz Mlakar 1, Sindri Haralds son 1 Dagur Arnarsson 1. Varin skot: Haukur Jónsson 21/1.

Að þessu sinni fór leikurinn fram í nýja sal Íþróttamiðstöðvarinnar. Arnar Pétursson, þjálfari ÍBV sagði í viðtali við Eyjafréttir ekki fara leynt með það að vilja helst spila í gamla salnum. „''Þar er meiri nánd við áhorfendur, meiri stemmning og svo fer parketið mun betur með skrokkinn en dúkurinn. En að sama skapi er aðstaðan fyrir áhorfendur ekki boðleg þar og við vitum af fólki sem treystir sér ekki á leiki í gamla salnum. Við erum að svara kalli áhorf enda og ætlum því að prófa þetta, að færa okkur yfir í nýja salinn. Markmiðið númer eitt er hins vegar að vinna fyrsta heimaleikinn, sama í hvorum salnum við verðum.“''

=== '''Margir leikir gegn HK''' ===
ÍBV og HK áttust við í átta leikjum síðustu laugardag í október, í handboltanum en líklega hafa tvö félög aldrei mæst í jafn mörgum leikjum á einum degi. Eins og fram kemur hér að ofan höfðu meistaraflokkar ÍBV betur í leikjum sínum gegn HK. Í yngri flokkunum vann ÍBV sex leiki, einn endaði með jafntefli og einn tapaðist. ÍBV hafði því talsverða yfirburði þennan laugardag. 2. flokkur karla lagði HK að velli með stórsigri 24:41 í Kópavogi.

Á sunnudeginum léku Eyjapeyjar svo gegn Fjölni og unnu þann leik 28:30. ÍBV leikur í 2. deild og er í efsta sæti, með fullt hús stiga eftir þrjá leiki.

3. flokkur kvenna lagði HK 1 að velli í Eyjum, 28:25 en staðan í hálfleik var 16:12 fyrir ÍBV. 3. flokkur karla lagði HK að velli í Kópavogi 28:39 en staðan í hálfleik var 13:16.

Daginn áður tapaði ÍBV gegn Haukum, 39:24. Yngra lið 4. flokks karla gerði jafntefli á útivelli gegn HK 1 24:24 en eldra liðið tapaði með einu marki, 22:21.

Daginn áður hafði yngra liðið tapað gegn Fjölni 22:21.

Eldra liðið tapaði naumlega gegn HK, 22:21.

Yngra lið 4. flokks kvenna hafði betur gegn HK 1 í Eyjum á laugar daginn 23:21 en daginn eftir lagði liðið svo Hauka að velli 28:23.

=== '''Umgjörðin var fyrsta flokks''' ===
Ívar Ingimarsson, sem lék með meistaraliði ÍBV 1998 og 1999 var í viðtali við Eyjafréttir á haustdögum. Hann minnst þessa tíma í viðtalinu: ''„Umgjörðin hjá ÍBV var fyrsta flokks og í kringum liðið var öflugur og vel sjóaður hópur. Sjálft liðið var samstillt, góð blanda af yngri leikmönnum og eldri og reyndari. Allir með sama markmiðið, að ná betri árangri. Þetta var flottur tími og svona árangur næst ekki nema allir séu á sömu línunni. Það var þannig í Vestmannaeyjum þetta sumar. Auðvitað var engin lognmolla í hópnum en menn leystu það bara eins og fullorðnir menn. Og það virkaði,“'' segir Ívar sem þarna var kominn verulega á flug á ferðalagi okkar 15 ár aftur í tímann. „''Við unnum deild, bikar og urðum Meistarar meistaranna og hámarkið var að vinna Íslandsmeistaratitilinn á KR-vellinum. Það hafa heldur ekki fleiri mætt á úrslitaleik hjá liðum utan af landi en þegar Eyja- menn flykktust á völlinn í Reykjavík þetta sumar. Umgjörðin í kringum bikarleikinn gegn Leiftri Ólafsvík var stórkostleg og að koma til Eyja með bikarinn var einstakt. Það var tekið á móti okkur með flugeldasýningu og veisluhöldum.“''

=== '''Leikir sem aldrei gleymast''' ===
Ingi Sigurðsson er einnig í viðtali við Eyjafréttir í þessu sama blaði. Hann rifjar líka upp minningar frá gullaldarárunum.

Ingi segir að toppurinn á sumrinu 1998 hafi verið leikurinn á KR- vellinum í lokaumferðinni. ''„Að fá hreinan úrslitaleik um Íslandsmeistaratitilinn fyrir framan 5400 áhorfendur, gleymist aldrei, hvað þá að hampa Íslandsmeistaratitlinum þar og sigla með hann heim til Eyja. Það hefur alltaf verið góðlátlegur rígur á milli þessara félaga og það var því ekki leiðinlegt að fara heim með bikarinn.“'' Úrslitaleikurinn á Laugardalsvelli í bikarnum þetta sumar er ekki síður minnisverður þar sem flestir leikmenn náðu þeim áfanga að hampa bikarnum í fyrsta sinn. ''„Ég held að ekkert lið hafi átt þvílíka stuðningsmenn eins og ÍBV, þegar heilli götu var lokað og flugskýli tekið á leigu til að hita upp fyrir bikarleikina 1997 þegar við töpuðum fyrir Keflavík, og 1998 þegar við stóðum uppi sem Bikarmeistarar eftir sigur á Leiftri. Í bikarleiknum 1998 stendur upp úr að það voru bræðurnir Steingrímur og Hjalti Jóhannessynir sem sko uðu mörkin. Þarna náði Hjalti líka að skora sitt fyrsta mark í mikil- vægum leik og það með hægri, örvfætti maðurinn.“''

=== '''Nýr þjálfari yngri flokkanna''' ===
Austfirðingurinn Eysteinn Húni Hauksson var á dögunum ráðinn til starfa hjá ÍBVíþróttafélagi. Eysteinn er fæddur og uppalinn á Egilsstöðum en gerði garðinn frægan með Keflavík og síðar Grindavík sem leikmaður. Eysteinn hefur alltaf verið viðloðandi þjálfun en var síðast í brúnni hjá uppeldisfélagi sínu, Hetti, en hætti þar í sumar. Eysteinn er með svokalla UEFA A gráðu í þjálfaramenntun en hann lagði sjálfur skóna á hilluna sem leikmaður 2009.

=== '''Fyrsti sigurinn á nýjum heimavelli''' ===
Eyjamenn unnu sinn fyrsta heimasigur 26. október þegar Íslandsmeistarar Fram komu í heimsókn. Fram að því hafði ÍBV tapað fyrstu tveimur heimaleikjunum en unnið alla þrjá útileikina. Eyjamenn færðu sig yfir í stóra sal Íþróttamiðstöðvarinnar og verða þar væntanlega áfram því ÍBV lagði Fram að velli 30:25 eftir að staðan í hálfleik hafði verið 15:13.

Leikurinn var nokkuð kaflaskiptur því Framarar voru betri framan af í fyrri hálfleik og ekki bætti úr skák að varnarmaðurinn sterki, Sindri Haraldsson, fékk að líta rauða spjaldið strax á 12. mínútu fyrir frekar litlar sakir. Það verður að segjast eins og er að dómarapar leiksins hefur átt betri daga og hallaði verulega á ÍBV í upphafi leiks. Mótlætið kveikti hins vegar neista, bæði hjá leikmönnum og áhorfendum sem varð að myndarlegu báli um miðbik leiksins. Þannig lokuðu Eyjamenn leiðinni að markinu undir lok hálfleiksins og breyttu stöðunni úr 9:12 í 15:13. Eyjamenn héldu svo áfram á sömu braut í seinni hálfleik, náðu þægilegu forskoti sem mest varð níu mörk. Leikmenn ÍBV slökuðu svo á klónni undir lokin þannig að Framarar gátu lagað stöðuna aðeins. Það kom í raun á óvart hversu góð stemmning var í stóra salnum. Yfirleitt hefur verið talað um meiri stemmningu í litla salnum, sem er mun minni og um leið er aðstaða áhorfenda mun verri. En vel fór um alla og stemmningin var síst minni en hinum megin við þilið. Síðast lék ÍBV heimaleiki sína þarna þegar liðið var í úrvalsdeild, veturinn 2005 til 2006 en þá var einu deild Íslandsmótsins skipt í tvær og ÍBV fór niður í 1. deild. Í kjölfarið var ákveðið að spila í gamla salnum og hefur það verið gert síðan. En það sannaðist að stóri salurinn er síst lakari heimavöllur.

=== '''Drífa lykilmaður''' ===
Kvennalið ÍBV tapaði fyrir Gróttu á Seltjarnarnesi laugardaginn 2. nóvember en lokatölur leiksins urðu 26:24. Staðan í hálfleik var hins vegar 11:13 ÍBV í vil, ÍBV var yfir lengst af í leiknum en á lokametrunum náðu heimakonur að snúa leiknum sér í vil og innbyrða mikilvæg þrjú stig.

Drífa er orðin lykilmaður í liði ÍBV og hún er ánægð með að fá stærra hlutverk. „Ég hef fengið að spila talsvert undanfarið en fæ stærra hlutverk í ár og ég er bara ánægð með það. Ég er sátt með spilamennskuna í vetur, þetta er búið að vera gaman og flottir leikir hjá okkur,“ sagði Drífa sem hvatti stuðningsmenn liðsins til að halda áfram þeim flotta stuðningi sem verið hefur á leikjum liðsins í vetur. Mörk ÍBV: Vera Lopes 6, Drífa Þorvaldsdóttir 6, Guðbjörg Guðmannsdóttir 6, Ester Óskarsdóttir 5, Telma Amado 1.

=== '''Fóru létt með Fylki''' ===
Kvennalið ÍBV átti ekki í miklum vandræðum með Fylki þegar liðin áttust við í Eyjum um miðjan nóvember. Fylkir náði þó aðeins að stríða heimaliðinu í byrjun leiks en Fylkir var tveimur mörkum yfir í upphafi leiks, 0:2, 1:3 og 2:4 en ÍBV jafnaði 4:4 og eftir það var jafnræði með liðunum. En undir lok hálfleiksins tóku Eyjastelpur við sér, náðu tveggja marka forystu og staðan í leikhléi var 16:14.

Mörk ÍBV: Vera Lopes 13, Guðbjörg Guðmannsdóttir 9, Thelma Amado 5, Díana Dögg Magnúsdóttir 4, Ester Óskarsdóttir 3, Drífa Þorvaldsdóttir 1. Varin skot: Erla Rós Sigmarsdóttir 6, Dröfn Haraldsdóttir 6.

=== '''Strákanir töpuðu fyrir Val''' ===
Eyjamenn töpuðu fyrir Val þegar liðin áttust við í Reykjavík í Olísdeild karla. Lokatölur urðu 32:26 en Eyjamenn byrjuðu betur og komust fjórum mörkum yfir strax í byrjun, 1:5 en Valsmenn voru hins vegar yfir í hálfleik 16:13. Valsmenn héldu Eyjamönnum svo í hæfilegri fjarlægð í síðari hálfleik og undir lokin juku þeir muninn enn frekar.

Mörk ÍBV: Agnar Smári Jónsson 6, Andri Heimir Friðriksson 5, Theodór Sigurbjörnsson 4, Róbert Aron Hostert 3, Magnús Stefánsson 2, Guðni Ingvarsson 2, Dagur Arnarsson 1, Filip Scepanovic 1, Matjaz Mlakar 1, Sindri Haraldsson 1. Varin skot: Kolbeinn Arnarson 7, Haukur Jónsson 1.

=== '''B-liðið lenti á vegg''' ===
Ekkert bikarævintýri verður hjá B-liði ÍBV í ár eins og stundum áður. Liðið mætti B-liði Vals í 32liða úrslitum keppninnar í Eyjum. Undirbúningur Eyjamanna var greinilega ekki góður fyrir leikinn og æfingin í ár hefur ekki verið jafn góð og undanfarin ár. Lokatölur urðu 25:30 en staðan í hálfleik var 9:17.

Hreiðar Óskarsson, ungur og efnilegur handboltamaður, var markahæstur og í raun eini sem gat eitthvað. Sindri Ólafsson, formaður handknattleiksráðs, sýndi reyndar lipra takta og Karl Haraldsson skoraði heil fjögur mörk, hver hefði trúað því? Mark leiksins átti reyndar Davíð Þór Óskarsson sem þræddi sig í gegnum vörn Vals eins og knattspyrnukappinn argentínski, Lionel Messi, gerir reglulega með Barcelona, og lagði boltann svo snyrtilega í netið, taktar sem Davíð hefur ekki einu sinni leikið eftir á æfingu. Samkvæmt vallarþul, Kolbeini Arnarssyni, var það hinsvegar markvörðurinn Hjörvar Gunnarsson sem var bestur en Kolbeinn taldi 20 skot varin hjá honum og verður ekki efast um þá talningu hér.

Mörk ÍBV: Hreiðar Óskarsson 6, Sindri Ólafsson 4, Karl Haraldsson 4, Sigurður Bragason 3, Davíð Þór Óskarsson 3, Óttar Steingrímsson 2, Daði Magnússon 2, Daði Ólafsson. Varin skot: Hjörvar Gunnarsson 20.

=== '''Tonny verðmætastur''' ===
Tonny Mawejje er verðmætasti leikmaður Pepsídeildar karla í fótbolta, samkvæmt afreksstuðli Knattspyrnusambands Íslands, KSÍ. Sambandið gefur út afreksstuðla fyrir alla leikmenn en Tonny er eini leikmaðurinn sem er með hæsta stuðul eða 10. Þegar leikmenn eru metnir, er farið eftir reglugerðum sambandsins um félagsskipti, samninga og stöðu leikmanna og félaga þeirra. Stuðullinn 10 þýðir að Tonny er metinn á eina milljón króna en ætli það megi ekki margfalda þá upphæð ef af sölu yrði.

=== '''Heimir''' ===
Heimir Hallgrímsson er án efa sá þjálfari sem hefur náð lengst af þeim íþróttaþjálfurum sem Eyjarnar hafa alið af sér. Heimir náði frábærum árangri með karlalið ÍBV og var í kjölfarið ráðinn aðstoðarlandsliðsþjálfari. Undir stjórn Lars Lagerbäck og Heimis náði íslenska karlalandsliðið sögulegum árangri, þótt sætið á HM hafi runnið úr greipum á lokasprettinum. Í vikunni var Heimir svo ráðinn landsliðsþjálfari og munu hann og Lars vinna hlið við hlið til ársins 2016, þegar Heimir tekur einn við liðinu.

=== '''Tveir sigrar á KA/Þór''' ===
Kvennalið ÍBV í handbolta tryggði sér sæti í Deildarbikarnum í desember með sigri á KA/ Þór. Liðin léku reyndar tvívegis um helgina, fyrst í bikarkeppninni og síðan í deildinni daginn eftir. ÍBV vann báða leikina, fyrst 21:29 í bikarnum og svo 30:23.

=== '''Vængbrotið lið tapaði''' ===
ÍBV tapaði fyrir Haukum í Olísdeild karla en liðin áttust við í Hafnarfirði. Leikurinn var lengst af jafn og spennandi en Haukar leiddu í hálfleik með einu marki, 16:15. Lokatölur urðu hins vegar 30:24 en lokatölurnar gefa ekki rétta mynd af gangi leiksins.

Eyjamenn léku án tveggja lykilmanna, þeirra Róberts Arons Hostert og Theodórs Sigurbjörnssonar en þeir voru markahæstu leikmenn liðsins áður en þeir meiddust og munar því um minna. Auk þess er Magnús Stefánsson meiddur í öxl en hann harkaði af sér, spilaði gegn Haukum og skoraði eitt mark.

=== '''90 nemendur í Íþróttaakademíunni''' ===
Íþróttaakademía Framhaldsskólans í Vestmannaeyjum er nú starfrækt þriðja árið og íþróttaakademía Grunnskóla Vestmannaeyja annað árið. Góður rómur hefur verið gerður að starfinu en auk þess að fá góða kennslu í viðkomandi íþróttagrein, þá er gerð krafa á nemendur beggja akademía um hollt líferni, góða framkomu og námsárangur. Í dag eru samtals 90 nemendur í íþróttaakademíu, 39 í FÍV og 51 í GRV.

Ian David Jeffs er skólastjóri í ár en hann er þriðji til að sinna starfinu. Árni Stefánsson byrjaði, Erlingur Richardsson tók við af honum og nú Jeffsy, eins og hann er kallaður.

=== '''45 milljónir á ári''' ===
Starfsmenn ÍBV-íþróttafélags hafa undanfarnar vikur tekið saman ferðakostnað félagsins við að senda lið í hinum ýmsu flokkum á Íslandsmót í handbolta og fótbolta. Niðurstaðan liggur nú fyrir en ferðakostnaður er 45.300.000 kr á ári. Rétt er að taka það fram að hér er eingöngu átt við ferðakostnað fyrir lið í Íslandsmót, ekki í bikarkeppni, deildarbikar eða æfingaleiki. ÍBVíþróttafélag hefur auk þess eingöngu handbolta og fótbolta á sínum snærum og ljóst að ferðakostnaður íþróttahreyfingarinnar í Eyjum í heild sinni er nokkuð meiri.

=== '''Deildarbikarinn''' ===
Karla- og kvennalið ÍBV riðu ekki feitum hesti frá viðureignum sínum í Deildarbikarnum, sem fram fór í íþróttahúsinu í Strandgötu. Deildarbikarinn fer þannig fram að fjögur efstu lið Íslandsmótsins taka þátt í keppninni, liðið í fyrsta sæti mætir liðinu í fjórða sæti og liðin í öðru og þriðja sæti mætast í undanúrslitum. Kvennalið ÍBV er í fjórða sæti og mætti Stjörnunni en átti ekki möguleika og tapaði 27:18. Strákarnir voru einnig nokkuð frá sínu besta en Eyjamenn töpuðu fyrir FH 24:18.

=== '''Öflugt barna- og unglingastarf''' ===
ÍBV rekur öflugt barna- og unglingastarf, um það verður vart deilt. Það kostar peninga að reka öflugt barna- og unglingastarf. Nánar tiltekið kostaði það ÍBV íþróttafélag 51,4 milljónir að reka þetta starf á árinu 2013. Tekjur félagsins vegna þessa reksturs námu 30,9 milljónum króna. Þannig rak félagið barna- og unglingastarf félagsins á árinu 2013 með 20,4 milljón króna tapi. Með öðrum orðum styrkti ÍBV íþróttafélag heimilin í Vestmannaeyjum um rúmar 20 milljónir króna á árinu 2013.

Það voru 285 börn og unglingar sem iðkuðu ýmist handbolta eða fótbolta eða báðar íþróttirnar á árinu 2013. Það kostaði 59 þúsund krónur að æfa báðar íþróttagreinarnar, en með systkinaafslætti og öðrum afföllum innheimtust rúmar 12 milljónir í æfingagjöld eða 42 þúsund kr. rúmar á hvern iðkanda. Vestmannaeyjabær styrkti barna- og unglingastarfið með þrennum hætti og fékk félagið 580 þúsund krónur vegna góðs árangurs, 1 milljón vegna eineltisáætlunar og rekstrarstyrk upp á 1,5 milljónir. Samtals rúmar 3 milljónir eða tæpar 11 þúsund krónur á hvern iðkanda.

Það skal tekið fram að hér er einungis um að ræða beina peningastyrki en ekki afnot af íþróttamannvirkjum. KSÍ og ÍSÍ styrkja starfið um 9,7 milljónir króna eða 34 þúsund krónur á hvern iðkanda og fyrirtækin um 6,2 milljónir eða 22 þús. kr. á hvern iðkanda. Æfingagjöld á hvern iðkanda hefðu þurft að vera 113.926 krónur svo starfið stæði undir sér á árinu 2013. Rauninnheimtan nam hinsvegar 42.236 krónum á hvern iðkanda.

<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/1999 -

2019-07-21T15:27:35Z

Gisli: /* Jafntefli gegn Breiðabliki */

== '''1999 -''' ==

== '''JANÚAR:''' ==

=== '''Hlynur fær Fréttapýramídann''' ===
Hlynur Stefánsson hlaut Fréttapýramídann fyrir árið 1998. Hlynur var fyrirliði meistaraflokks ÍBV sem náði glæsilegum árangri á knattspyrnuvellinum með því að vinna bæði Íslands- og bikarmeistaratitilinn 1998. „Fyrir meistaraflokki fór Hlynur Stefánsson fyrirliði sem er einn glæsilegasti íþróttamaður sem Vestmannaeyjar hafa alið,“ segir í umfjöllun blaðsins Frétta. Auk þess að leika með ÍBV lék Hlynur með Nydelfalken í Noregi, Víkingi Reykjavík og Örebro í Svíþjóð áður en hann sneri aftur til ÍBV 1996. Hlynur lauk knattspyrnuferlinum svo í herbúðum KFS. Þá lék Hlynur 25 landsleiki með A-landsliði Íslands.

=== '''Jólasteikin misvel í handboltafólkið''' ===
Karlalið ÍBV í handbolta byrjaði árið 1999 með sannfærandi sigri á KA 27:23 eftir að staðan í hálfleik hafði verið 13:12. Að vanda var Sigmar Þröstur Óskarsson markvörður vandanum vaxinn og varði 19 skot.

Kvennaliðinu gekk hins vegar ekki eins vel í sínum fyrsta leik en stelpurnar töpuðu fyrir Val 17:19. Augljóst var að liðið saknaði Ingibjargar Jónsdóttur, fyrirliða sem var erlendis þegar leikurinn fór fram.

=== '''Vallógengið ósigrandi''' ===
Á árum áður hélt knattspyrnudeild ÍBV firmakeppni milli jóla og nýárs og var mótið liður í fjáröflun deildarinnar. Mótið var vinsælt enda lögðu fjölmargir áhorfendur leið sína í íþróttamiðstöðina. Vallógengið svokallaða vann mótið fjórða árið í röð, Ófeigur VE endaði í öðru sæti og Glófaxi VE í því þriðja. „Vallógengið vildi að lokum koma á framfæri kæru þakklæti til Helga Bragasonar, sem spilaði fyrir Ófeig Ve og sérstaklega til Hlyns Stefánssonar, sem spilaði fyrir Glófaxa Ve. Án þeirra hefði þetta ekki verið eins skemmtilegt,“ segir í umfjöllun Frétta.

=== '''Stelpurnar áfram en strákarnir úr leik''' ===
Kvennalið ÍBV komst áfram í undanúrslit bikarkeppninnar með því að leggja KA að velli í Eyjum 20:15. Leikurinn var í járnum og staðan 9:8 en í seinni hálfleik tóku Eyjakonur leikinn í sínar hendur og unnu með fimm mörkum. Markahæstar voru Amela Hegic með sex mörk, Elísa Sigurðardóttir með fimm og Guðbjörg Guðmannsdóttir með fjögur.

Karlaliðið mætti hins vegar Aftureldingu á útivelli og úr varð hörkurimma. Enda fóru þrjú rauð spjöld á loft strax á fyrstu 23 mínútunum en Eyjamenn voru einu marki yfir hálfleik 11:12. En í síðari hálfleik bitu heimamenn í skjaldarrendur í síðari hálfleik og náðu undirtökunum. Mikil spenna var í lokin, heimamenn voru yfir 27:26 en Eyjamaðurinn Daði Pálsson jafnaði metin. Dómarar dæmdu hins vegar markið ólöglegt og því fögnuðu Mosfellingar sigri. Sigmar Þröstur Óskarsson varði 17 skot en Guðfinnur Kristmannsson skoraði sjö mörk og þeir Svavar Vignisson og Valgarð Thoroddsen sex hvor.

=== '''Komust ekki í úrslit''' ===
Fjórði og fimmti flokkur karla lék í Íslandsmótinu í innanhússknattspyrnu. Fjórði flokkur lék í B-riðli en enduðu í þriðja sæti og komust því ekki í úrslit. Fimmti flokkur lék í A-riðli, enduðu í öðru til þriðja sæti en aðeins efsta liðið komst í úrslit.

=== '''Laufey og Þóra B. ekki í ÍBV''' ===
Það var greinilega hugur í forráðamönnum kvennaliðs ÍBV því samningaviðræður við tvær sterkar knattspyrnukonur voru langt komnar í janúar. Um var að ræða miðjumanninn Laufeyju Ólafsdóttur og markvörðinn Þóru B. Helgadóttur en á endanum varð ekkert úr vistaskiptum leikmannanna. Laufey átti reyndar eftir að leika með ÍBV síðar.

=== '''Fjórði flokkur 8-liða úrslit''' ===
Fjórði flokkur karla lagði eitt besta lið í sínum aldursflokki í handbolta að velli í 16-liða úrslitum bikarkeppninnar, og það á útivelli. Strákarnir spiluðu mjög vel, Bjarni Einarsson skoraði átta mörk og Kristinn Jónatansson átti góðan leik í markinu. Í liðinu mátti einnig finna þá Kára Kristján Kristjánsson, Davíð Þór Óskarsson, Sigþór Friðriksson og Sindra Haraldsson, sem allir léku síðan með meistaraflokki félagsins.

=== '''ÍBV liðin ekki í úrslit í innanhússboltanum''' ===
Meistaraflokkar ÍBV léku í Íslandsmótinu í innanhússknattspyrnu. Stelpurnar unnu tvo leiki en töpuðu fyrir Stjörnunni og Breiðabliki. Þjálfari liðsins Heimir Hallgrímsson sagðist nokkuð sáttur með spilamennsku liðsins. Karlarnir léku í 1. deild og voru í riðli með Keflavík, Selfossi og Val. Strákarnir enduðu í þriðja sæti riðilsins og komust ekki í úrslit.

=== '''Eyjapeyjar kljást á enskri grundu''' ===
Eyjapeyjarnir Bjarnólfur Lárusson og Hermann Hreiðarsson mættust í bikarkeppni neðrideilda í Englandi. Bjarnólfur lék með Walsall en Hermann með Brentford og á endanum var það Bjarnólfur sem hafði betur en saman léku þeir með ÍBV nokkrum misserum áður.

=== '''Eyjamenn óstöðvandi á heimavelli''' ===
Karlalið ÍBV lagði Val að velli 22:19 í Nissandeildinni í handbolta. Eyjamenn höfðu fyrir leikinn ekki tapað á heimavelli og voru Valsmenn lítil hindrun.

=== '''Góður sigur í hörkuleik''' ===
Kvennalið ÍBV lagði Gróttu/KR í leik liða sem bæði voru í neðri hluta deildarinnar. ÍBV var sex mörkum yfir í hálfleik 13:7 en aðeins dró saman með liðunum í síðari hálfleik og lokatölur 23:21.

== '''FEBRÚAR:''' ==

=== '''Áfram gott gengi á heimavelli''' ===
Karlalið ÍBV í handboltanum hélt áfram á sigurbraut á heimavelli en Eyjamenn lögðu nágranna sína í Selfossi 28:21. Staðan í hálfleik var 18:10 og sigur Eyjamanna því nokkuð sannfærandi en Sigmar Þröstur varði hvorki meira né minna en 25 skot í leiknum.

=== '''Ekkert bikarævintýri hjá stelpunum''' ===
Kvennalið ÍBV í handbolta mætti Fram í undanúrslitum í Eyjum. Leikurinn var jafn og spennandi en Fram reyndist sterkari á lokakaflanum og hafði betur 17:21. Leikmenn ÍBV fóru oft illa að ráði sínu og klúðruðu t.d. fimm vítaskotum í leiknum.

=== '''Hvers á Haraldur að gjalda?''' ===
Stundum verður mönnum heitt í hamsi á og við leikvelli landsins, líka í Vestmannaeyjum. Í Fréttum er sagt frá því að í leik ÍBV og Selfoss hafi „hinum dagfarsprúða, Haraldi Óskarssyni,“ sem var á sínum vanalega stað í einu horni hússins, verið hent út úr húsi af dómurum leiksins. Haraldur mun hafa verið með vinsamlegar athugasemdir við dómgæsluna, sem féll í grýttan jarðveg. „Gæti þetta atvik haft það í för með sér að Haraldur yrði settur í heimaleikjabann út þetta tímabil,“ segir í fréttinni.

=== '''Sex efnilegar á landsliðsæfingu''' ===
Fjórði flokkur kvenna náði þokkalegum árangri þegar liðið lék í 2. deild en ÍBV vann tvo leiki en tapaði einum. Þá tapaði liðið fyrir Stjörnunni í bikarkeppninni 12:15. Sex leikmenn liðsins tóku þátt í landsliðsæfingu, þær Edda Svavarsdóttir, Hildur Ólafsdóttir, Kristjana Ingibergsdóttir, Aníta Eyþórsdóttir, Elfa Ólafsdóttir og Bjarný Þorvarðardóttir.

=== '''ÍBV býður hagstæða mánaðarsamninga''' ===
ÍBV-íþróttafélag býður forráðamönnum barna upp á hagstæða mánaðarsamninga. Með samningnum gerist viðkomandi félagsmaður í ÍBV-íþróttafélagi og hefur rétt til að stunda æfingar. Mánaðargjald er 1.500 kr. á mánuði eða 18.000 kr á ári. Þeir sem ekki gera samning verða að borga 2.000 kr. á mánuði eða 24.000 kr. á ári.

=== '''Eyjamaðurinn sá um Eyjamenn''' ===
Karlalið ÍBV tapaði sínum fyrsta heimaleik í handboltanum þegar Stjarnan kom í heimsókn. Í liði Stjörnunnar voru einmitt tveir Eyjapeyjar, þeir Arnar Pétursson og Birkir Ívar Guðmundsson en Birkir Ívar reyndist sínum gömlu félögum erfiður ljár í þúfu. Í hálfleik var staðan 10:11 en lokatölur urðu 21:22. Birkir Ívar varði 25 skot í leiknum en hans lærimeistari, Sigmar Þröstur aðeins 11.

Þetta var ekki góð vika fyrir Eyjamenn því þeir töpuðu einnig fyrir FH á útivelli 25:19 en útivallagrýlan var að leika Eyjamenn grátt þennan veturinn.

=== '''10 milljónir''' ===
Í mars 2009 afhentu Krókódílarnir handknattleiksráði ÍBV styrk að upphæð 10 milljónir króna. Styrkurinn sem Krókódílarnir afhentu með formlegum hætti var það

sem safnast hafði með félagsgjöldunum undanfarin fjögur ár.

Krókódílar er óformlegur félagasskapur sem hefur það að markmiði að styðja við handboltann í Vestmannaeyjum. Mánaðarlega greiða þeir félagsgjald og innifalið í félagsgjaldinu er aðgangur að öllum deildarleikjum ÍBV í handboltanum.

En einnig hefur félagsskapurinn að markmiði að hjálpa til með öðrum fjáröflunum.

=== '''Tveir tapleikir og draumurinn úti''' ===
Kvennalið ÍBV tapaði einnig tveimur leikjum í þessari sömu viku, fyrst heima gegn stórliði Stjörnunnar og síðan á útivelli gegn FH. Þar með var útséð með að ÍBV myndi blanda sér í toppbaráttuna í deildinni.

=== '''Íslandsmeistarar innanhúss''' ===
Stelpurnar í fjórða flokki eru sannarlega efnilegar en þær hafa unnið nokkra titla og nú síðast urðu þær Íslandsmeistarar í innanhússknattspyrnu. Stelpurnar unnu alla sína leiki, enduðu á að leggja Val að velli 3:2 í úrslitaleik en meðal markaskorara var Margrét Lára Viðarsdóttir. „Stelpurnar eru sannkallaðir gullmolar og voru bæði sjálfum sér og ÍBV til mikils sóma jafnt innan vallar sem utan,“ sagði Íris Sæmundsdóttir, þjálfari flokksins.

=== '''Miklar breytingar á kvennaliðinu''' ===
Unnið er hörðum höndum að því að styrkja kvennalið ÍBV í knattspyrnu fyrir átökin í sumar en Heimir Hallgrímsson, þjálfari liðsins segir í viðtali í Fréttum að m.a. verði fengnir leikmenn frá Bítlaborginni Liverpool í Englandi. Alls munu sjö leikmenn, sem voru með liðinu í fyrra, ekki leika í ár en Heimir er bjartsýnn á að hægt verði að tefla fram sterku liði í sumar.

=== '''Strákarnir æfðu í USA''' ===
Íslands- og bikarmeistarar ÍBV í karlaknattspyrnunni héldu í æfingaferð til Florída í Bandaríkjunum. Leiknir voru æfingaleikir, m.a. gegn bandarísku atvinnumannaliðinu Miami Fusions þar sem hinn hárfagri Mexíkói Carlos Valderrama leikur en ÍBV hafði betur í leiknum, 2:0. Einnig var leikið gegn Washington Wizards en sá leikur tapaðist 0:2. Margt var brallað í ferðinni, farið á NBA leik, Universal Studios og hluti hópsins fylgdist með geimskoti frá Kennedy Space Center. Sannkölluð ævintýraferð.

== '''MARS:''' ==

=== '''Hlynur íþróttamaður ársins 1998''' ===
Í marsbyrjun var Hlynur Stefánsson útnefndur íþróttamaður Vestmannaeyja ársins 1998 en afhendingin fór fram í Þórsheimilinu. Sigurlás Þorleifsson, fyrrum knattspyrnumaður og -þjálfari var jafnframt heiðraður fyrir vel unnin störf. Báðir eiga þeir Hlynur og Sigurlás glæsta ferla að baki í knattspyrnunni, bæði hérlendis og erlendis en Hlynur var fyrirliði ÍBV sem hampaði Íslands- og bikarmeistaratitli 1998.

=== '''Útivallagrýlan erfið''' ===
Karlalið ÍBV tapaði fyrir Gróttu/KR 27:26 á útivelli en með sigri hefði ÍBV tryggt sér sæti í úrslitakeppninni. Kvennalið ÍBV tapaði einnig á útivelli, gegn Víkingi 19:17 en ÍBV er í þriðja neðsta sæti deildarinnar þegar tveir leikir eru eftir.

=== '''Hemmi auglýsir Eyjarnar''' ===
Knattspyrnukappinn Hermann Hreiðarsson, sem leikur með Brentford tók að sér að prófa legghlífar í enska tímaritinu Match of the Day. Karatemaður var fenginn til að sparka í leggi Eyjamannsins og átti Hemmi að leggja mat á hvaða legghlífar væru bestar. Hermann mætti til leiks í búningi Vallógengisins svokallaða, sem gerði góða hluti í innanhúsmóti sem haldið var ár hvert um árabil í Eyjum. Á búningnum voru merki ýmissa fyrirtækja í Eyjum, sem líklega hafa aldrei fengið aðra eins auglýsingu.

=== '''ÍBV í úrslit''' ===
Handboltalið ÍBV tryggði sér sæti í úrslitum með góðum sigri á deildarmeisturum Aftureldingar í Eyjum. Lokatölur urðu 28:25. Kvennalið ÍBV komst einnig í úrslit eftir tvo góða sigra á lokaspretti deildarinnar. Fyrst lagði ÍBV bikarmeistara Fram að velli 26:21 og svo Hauka 24:20. Liðið leikur svo gegn Fram í úrslitakeppninni.

=== '''Deiliskipulag Herjólfsdals''' ===
Á árinu réðist bæjarstjórn í deiliskipulag fyrir Herjólfsdal. Eðlilega miðaðist vinnan að nokkru leyti við hátíðahöldin í byrjun ágúst ár hvert en í 11. tölublaði Frétta er farið yfir tillögurnar. Þar segir m.a. að byggja eigi varanlegt svið úr timbri og yrði hæð á danspalli um 1,8 metrar og heildarhæð hámark 8 metrar. Þá er lagt til að varanleg brú sé byggð yfir tjörnina.

=== '''Ekki samstarf við Ölgerðina''' ===
Á stjórnarfundi aðalstjórnar 13. mars mætti Einar Friðþjófsson, starfsmaður Shell- og Pepsímótsins. Gerði hann grein fyrir vinnu sinni við undirbúning mótanna. Kom fram hjá honum, að ekki verður um áframhaldandi samstarf að ræða við Ölgerð Egils Skallagrímssonar. – Áður hafði aðalstjórn óskað eftir hærri styrk vegna Pæjumótsins. Í svari Ölgerðarinnr við þessari ósk, segir að ekki sé vilji til að hækka styrkinn, en Ölgerðin muni ekki standa í vegi fyrir samningi ÍBV við önnur fyrirtæki.

=== '''Sviptingar í úrslitakeppninni''' ===
Kvennalið ÍBV mætti Fram í úrslitakeppni Íslandsmótsins í handbolta. Fram var með heimaleikjaréttinn og vann fyrsta leikinn örugglega 30:23 en ÍBV svaraði með sannfærandi sigri 32:22. Liðin þurfa því að mætast í oddaleik.

=== '''Loksins útisigur''' ===
Karlalið ÍBV hefur ekki riðið feitum hesti frá útileikjum liðsins í Íslandsmótinu í handbolta. En leikmenn ÍBV sýndu góðan leik gegn Fram í síðustu umferð deildarkeppninnar og unnu á útivelli 20:21. Um leið tryggði liðið sér heimaleikjarétt í úrslitarimmu gegn Haukum.

=== '''Birkir Kristins til ÍBV''' ===
Landsliðsmarkvörðurinn Birkir Kristinsson skrifaði undir samning um að leika með knattspyrnuliði ÍBV um sumarið.

=== '''Malarvöllurinn ónýtur?''' ===
Knattspyrnumenn ÍBV sendu bæjarráði Vestmannaeyja bréf þar sem þeir benda á slæmt ástand malarvallarins við Löngulág. Endurbætur á vellinum þóttu ekki vel heppnaðar og völlurinn í raun hættulegur. Benda þeir jafnframt á aðstöðumun milli ÍBV og liða á höfuðborgarsvæðinu og hversu dapurlegt það sé að Íslands- og bikarmeistarar skuli búa við slíka æfingaaðstöðu.

=== '''Draumurinn um undanúrslit að engu''' ===
Eyjamenn gerðu sér vonir um að komast í undanúrslit Íslandsmótsins en leikið var gegn Haukum í 8-liða úrslitum og var ÍBV með heimaleikjaréttinn. Eyjamenn höfðu betur í fyrsta leiknum, 30:25 en Haukar svöruðu með stórsigri í Hafnarfirði 33:24. Liðin mættust því í oddaleik í Eyjum. Leikurinn stóð hins vegar ekki undir væntingum, Haukar voru einfaldlega betri, voru 10:15 yfir í hálfleik og unnu að lokum 29:34. Þar með féll ÍBV úr keppni en þetta var jafnframt eina tap ÍBV á heimavelli í Íslandsmótinu.

=== '''Slæm byrjun varð ÍBV að falli''' ===
Eyjakonur mættu Fram á útivelli í oddaleik í úrslitum Íslandsmótsins. ÍBV byrjaði mjög illa og staðan í hálfleik var 12:3. En seinni hálfleikur var mun betri, þótt sigur Fram hefði aldrei verið í hættu.

=== '''Ellefu Eyjapeyjar með öðrum liðum''' ===
ÍBV stóð sig vel í Íslandsmótinu í handbolta og tefldi fram vel samkeppnishæfu liði veturinn 1998-1999 en liðið tapaði ekki leik í deildarkeppninni á heimavelli. Það er ekki síst merkilegt fyrir þá staðreynd að 11 leikmenn annarra liða í Íslandsmótinu, fengu sitt handboltauppeldi í Eyjum. Samkvæmt Fréttum voru þetta þeir Magnús Arnar Arngrímsson, Gunnar Berg Viktorsson og Sebastían Alexandersson sem léku allir með Fram, Arnar Pétursson og Birkir Ívar Guðmundsson léku með Stjörnunni, Hlynur Jóhannesson varði mark HK, Lárus Long lék með FH, Erlingur Richardsson með Val, Björgvin Þór Rúnarsson með Selfossi og þeir Zoltán Bragi Belanyi og Gylfi Bragason með Gróttu/KR.

== '''APRÍL:''' ==

=== '''Þorbergur hættir hjá ÍBV''' ===
Þorbergur Aðalsteinsson, sem þjálfað hefur karlalið ÍBV í handbolta síðustu fjögur ár, mun ekki halda áfram með liðið. „Þorbergur hefur skilað góðu starfi og menn skilja sáttir,“ sagði Magnús Bragason, formaður handknattleiksráðs ÍBV í Fréttum en ekki var búið að ráða nýjan þjálfara.

=== '''Simmi hættir''' ===
Sigmar Þröstur Óskarsson, einn besti markvörður landsins, hefur ákveðið að leggja skóna á hilluna eftir 23 ár í meistaraflokki. Simmi hefur marga fjöruna sopið á þessum tíma en um vorið lauk hann námi við skipstjórnardeild FÍV og því á leið á sjóinn. Simmi hóf ferilinn 15 ára gamall, árið 1976 með Þór og eftir að meistaraflokkarnir voru sameinaðir í ÍBV, stóð Simmi áfram í markinu. Auk þess að spila með þessum tveimur félögum, lék hann með Stjörnunni og KA. „Þetta er búið að vera mjög gaman en það sem mér þykir verst er að hafa ekki náð meistaratitli með ÍBV,“ sagði Simmi í viðtali í Fréttum.

=== '''Gunnar ósáttur og farinn''' ===
Gunnar Sigurðsson, sem varði mark knattspyrnuliðs ÍBV, hefur ákveðið að róa á önnur mið eftir að Birkir Kristinsson gekk í raðir liðsins. Gunnar segir viðskilnaðinn ekki hafa verið í góðu en ber þó engan kala til félagsins, eins og fram kemur í viðtali í 15. tölublaði Frétta. Gunnar var ekki lengi að finna sér nýtt lið en hann samdi við sænska 1. deildarliðið IK Brage.

=== '''Venni líka ósáttur''' ===
Sigurvin Ólafsson, ákvað einnig að róa á önnur mið en í aðsendri grein segir hann að viðskilnaðurinn hafi endað með leiðindum. Sigurvin, eða Venni gekk í raðir Fram en hann hafði glímt við erfið meiðsli tímabilið á undan.

=== '''Guðfinnur og Guðbjörg best''' ===
Lokahóf handboltans fór fram í Kiwanis. Hápunktur kvöldsins var þegar handknattleiksfólk ársins var tilkynnt en heiðurinn kom í hlut þeirra Guðfinns Kristmannssonar og Guðbjargar Guðmannsdóttur. Sigurður Ari Stefánsson og Hind Hannesdóttir fengu Fréttabikarana og þá voru þeir Sigmar Þröstur Óskarsson, Þorbergur Aðalsteinsson og Þorvarður Þorvaldsson allir heiðraðir fyrir vel unnin störf í þágu handboltans.

=== '''ÍBV Norður-Atlantshafsmeistari 1999''' ===
Íslandsmeistarar ÍBV í knattspyrnu og Færeyjameistarar í HB, mættust í meistarakeppni landanna tveggja á gervigrasvellinum í Færeyjum. Um 1500 manns mættu á leikinn, sem var hinn fjörugasti. Leiknum lauk með sigri ÍBV eftir vítaspyrnukeppni en lokatölur eftir venjulegan leiktíma var 2:2.

== '''MAÍ:''' ==

=== '''Fjórði flokkur bikarmeistari''' ===
Strákarnir í fjórða flokki í handboltanum stóðu sig vel. Liðið tapaði naumlega í úrslitum Íslandsmótsins gegn KA en unnu bikarmeistaratitilinn eftir framlengdan leik gegn FH 21:17.

=== '''Simmi í liði ársins''' ===
Sigmar Þröstur Óskarsson, markvörður ÍBV í handbolta var valinn í lið ársins á lokahófi HSÍ. Þá var kvennaliði ÍBV valið prúðasta lið Íslandsmótsins.

=== '''Misstu af úrslitaleiknum''' ===
Karlalið ÍBV tapaði fyrir ÍA í undanúrslitum deildarbikarsins en lokatölur urðu 1:2. Leikurinn fór fram á Helgafellsvelli.

=== '''Gunnari Berg margt til lista lagt''' ===
Handknattleiksmanninum Gunnari Berg Viktorssyni er margt til lista lagt en á dögunum fór hann holu í höggi á golfvellinum í Eyjum, á 17. braut. „Ég hélt nú alveg rónni en það sama er ekki hægt að segja um meðspilarann, Sigurð Bragason, hann trompaðist alveg, faðmaði mig og kyssti, slíkur var fögnuðurinn,“ sagði Gunnar Berg í viðtali í Fréttum.

=== '''Steingrímur með fernu''' ===
Kvennalið ÍBV tapaði fyrsta leik sínum í Íslandsmótinu í fótbolta þegar liðið sótti geysisterkt lið KR heim. Lokatölur urðu 3:1 fyrir KR. Karlalið ÍBV byrjaði á stórsigri á heimavelli gegn Leiftri, 5:0 þar sem Steingrímur Jóhannesson gerði fjögur mörk. Liðið gerði svo markalaust jafntefli gegn Val á útivelli í næsta leik.

=== '''Úr leik í deildarbikarnum''' ===
Íslands- og bikarmeistarar ÍBV urðu að sætta sig við tap gegn ákveðnum Skagamönnum í deildarbikar karla. Ljósi punkturinn við leikinn er að ÍBV var án nokkurra lykilmanna og var skarð þeirra fyllt með ungum og efnilegum leikmönnum. Bjarni Jóhannsson þjálfari notaði líka alla varamennina þannig að unglingamir í hópnum fengu tækifæri til að sýna hvað í þeim býr og fá um leið innistæðu í reynslubankann.

=== '''Heppnir að ná stigi''' ===
Leikur Vals og ÍBV á Hlíðarenda í Landssímadeildinni fór fram við ágætar aðstæður. Byrjunin var ansi fjörleg, ÍBV fékk kjörið tækifæri strax á annarri mínútu leiksins, þegar Ívar Ingimarsson átti skalla inn í vítateig Vals og Hlynur náði að pota í boltann en markmaður Vals varði. Fleiri urðu marktækifærin en mörkin létu ekki sjá sig og mátti ÍBV þakka fyrir að halda heim með annað stigið.

== '''JÚNÍ:''' ==

=== '''Gámakaup og styrkir''' ===
Birgir Guðjónsson, formaður Þjóðhátíðarnefndar mætti á stjórnarfund aðalstjórnar 10. júní. Gerði hann grein fyrir störfum nefndarinnar. Þá sagði hann að þjóðhátíðarnefnd hefði ákveðið að kaupa vörugáma til að byggja nýtt svið. Eldri gámarnir væru orðnir lélegir.

Á sama fundi samþykkti aðalstjórn að veita 100 þúsund króna styrk til utanferða yngri flokka félagsins. Skuli sú upphæð skiptast jafnt milli karla og kvenna. Þá var samþykkt á næsta fundi að kostnaður við ferðir á önnur mót en Íslandsmót verði ekki greiddur af ÍBV íþróttafélagi.

=== '''Sorglegt''' ===
Liðsmenn ÍBV vilja sennilega gleyma leik sínum gegn Blikum í Kópavogi í Landssímadeildinni. Ástæðan einföld, leikurinn var afspyrnuslakur af hálfu Eyjamanna. Leikurinn fór 1 - 0 fyrir heimamenn og var sigurinn síst of stór.

Sorglegt var að horfa upp á jafn gott lið og ÍBV spila jafn ömurlega og í þessum leik. Leikmenn virtust mjög þungir og spiluðu engan veginn sem eitt lið. Voru mjög óöruggir á boltann og þar af leiðandi náðu þeir aldrei að skapa sér góð marktækifæri með hröðum og góðum sóknarleik. Vonandi verður þessi leikur Eyjamönnum lokaaðvörun fyrir framhaldið. Því annars hlýtur spurningin að vera: Hvað er að strákar?

=== '''2. flokkur karla''' ===
Annar flokkur karla hóf Íslandsmótið í a-riðli með því að gera jafntefli gegn KR-ingum á heimavelli á mánudagskvöld. Strákarnir sýndu ágætis tilþrif en þegar á heildina er litið var jafntefli nokkuð sanngjörn úrslit. Mark ÍBV skoraði Gunnar Heiðar Þorvaldsson. Þess má geta að þrír leikmenn fengu að líta rauða spjaldið í leiknum, þar af tveir KR-ingar.

=== '''Stelpurnar öflugar''' ===
Annar flokkur kvenna lék sinn fyrsta leik í Íslandsmótinu nú í vikunni. Eyjastúlkur mættu liði Stjörnunnar í hörkuleik og sigruðu sannfærandi, 3-2. Mörk ÍBV skoruðu; Kelly Shimmen tvö og Bryndís Jóhannesdóttir eitt.

=== '''Grátlegt hjá þriðja flokki''' ===
Þriðji flokkur karla lék gegn Keflvíkingum í Eyjum í júníbyrjun og voru miklar sviptingar í leiknum. Eyjapeyjar rúlluðu gestunum upp í fyrri hálfleik og var staðan í leikhléi, 3-0. Í síðari hálfleik gekk allt á afturfótunum og máttu heimamenn þola tap í leiknum, 3-4. Mörk IBV skoruðu þeir; Bjarni Rúnar tvö og Haraldur eitt.

=== '''Hásteinsvöllur ólöglegur''' ===
Knattspyrnuvöllurinn við Hástein fullnægir ekki þeim skilyrðum sem sett eru um slík mannvirki að kröfum KSÍ. - Talsverðar endurbætur þarf að gera á áhorfendasvæði, aðgengi fyrir leikmenn og aðstöðu fyrir miðasölu. Sótt hefur verið um undanþágu til KSÍ vegna þessa. KSÍ hefur ítrekað krafist endurbóta og segir að einungis sé heimilt að veita undanþágu ef staðfest framkvæmdaáætlun liggi fyrir um endurbætur. ÍBV fær frest fram til 15. júlí til að leggja fram staðfesta framkvæmdaáætlun um endurbætur. Ef sú áætlun liggur þá ekki fyrir má eins búast við að ÍBV verði ekki leyft að leika sína heimaleiki á Hásteinsvelli.

=== '''Fjöldi viðurkenninga á lokahófi''' ===
Lokahóf yngri flokkanna í handbolta var haldið um mánaðarmótin maí/júní. Þau hlutu viðurkenningar að þessu sinni:

'''3. flokkur karla''': Sigurður Ari Stefánsson hlaut FRÉTTABIKAR karla en önnur verðlaun voru ekki veitt í þessum flokki.

'''3. flokkur kvenna''': Hind Hannesdóttir hlaut FRÉTTABIKAR kvenna. Besti leikmaður: Hind Hannesdóttir. Mestu framfarir: Aníta Ársælsdóttir. Efnilegust: Anna Rós Hallgrímsd.

'''4. flokkur kvenna:''' Besta ástundun: Aníta Eyþórsdóttir. Mestu framfarir: Hildur Ólafsdóttir. Efnilegust: Bjarný Þorvarðardóttir.

'''4. flokkur karla:''' Mestu framfarir: Sigþór Friðriksson. Efnilegasti: Kristinn Jónatansson. Besti leikmaður: Einar Hlöðver Sigurðsson.

'''5.flokkur kvenna''': Mestu framfarir: Erna Sævarsdóttir. Besta ástundun: Kristín I Grímsdóttir. Prúðasti leikmaður: Karítas Þórarinsdóttir.

'''5. flokkur karla:''' Mestu framfarir: Jens Kristinn Elíasson. Besta ástundun: Benedikt Ó. Steingrímsson. Prúðasti leikmaður: Hilmar Á. Björnsson.

'''6. flokkur kvenna - eldri:''' Prúðasti leikmaður: Anna M. Kristinsdóttir. Mestu framfarir: Karen Birgisdóttir. Besta ástundun: Hildur B. Bjarkadóttir, Sæunn Magnúsdóttir og Svala Jónsdóttir.

'''6. flokkur kvenna - yngri''': Prúðasti leikmaður: Þórunn Sigurðardóttir. Mestu framfarir: Hekla Hannesdóttir. Besta ástundun: Ester Óskarsdóttir og Helena S. Magnúsdóttir.

'''6. flokkur karla - eldri:''' Prúðasti leikmaður: Gísli Stefánsson. Mestu framfarir: Daði Ólafsson. Besta ástundun: Daði Ólafsson, Eyþór Björgvinsson, Pálmi Harðarson og Grétar Stefánsson.

'''6. flokkur karla - yngri:''' Prúðasti leikmaður: Óttar Steingrímsson. Mestu framfarir: Daði Magnússon og Egill Jóhannsson. Besta ástundun: Sæþór Garðarsson.

=== '''Tap í frábærum leik''' ===
Það var ljóst strax á fyrstu mínútu leiks ÍBV og Stjörnunnar á Hásteinsvelli í meistaradeild kvenna að bæði liðin ætluðu sér ekkert nema sigur og að fyrir höndum var stórskemmtilegur leikur. Fyrri hálfleikur stóð fyllilega undir þeim væntingum en enginn átti von á eins stórkostlegum seinni hálfleik og raun varð á. I fyrri hálfleik var staðan 1- 0 heimakonum í vil en í seinni hálfleik urðu mörkin 8 og höfðu gestirnir betur en lokatölur urðu 4-5 . Er seinni hálfleikur einn sá skemmtilegasti sem sést hefur í kvennaknattspyrnu í Vestmannaeyjum og ekki hafa karlarnir gert betur það sem af er tímabilinu.

=== '''ESSO og IBV undirrita nýjan samstarfssaming til 2ja ára''' ===
Olíufélagið hf. ESSO og knattspyrnudeild ÍBV undirrituðu nýjan samstarfssamning sinn til tveggja ára. ESSO er stærsti styrktaraðili knattspyrnudeildar ÍBV eins og undanfarin 11 ár. Samningurinn var undirritaður við nýja bensínstöð ESSO í Ártúnshöfða í Reykjavík með pompi og pragt. Samstarf Olíufélagsins hf. ESSO og knattspyrnudeildar ÍBV hefur nú staðið yfir í 11 ár. í upphafi samstarfsins var ÍBV að berjast í bökkum í næstefstu deild en þrátt fyrir misjafnt gengi liðsins í gegnum tíðina hefur ESSO ávallt haldið tryggð við ÍBV enda Eyjamenn einstaklega atorkusamir við að koma sér í kastljós fjölmiðla. Á síðustu tveimur árum hefur samvinnan svo skilað sér í íslandsmeistaratitlum og bikarmeistaratitli ÍBV. Samvinna ESSO og IBV í gegnum tíðina hefur verið einstök. Eins og góðu hjónabandi sæmir styrkjast stoðirnar og samheldnin eftir því sem árunum fjölgar. Áfram skal haldið á sömu braut. Enn á ný hafa ESSO og ÍBV ákveðið að halda áfram farsælu samstarfi sínu. Olíufélagið hf. ESSO verður áfram stærsti styrktaraðili ÍBV og bera allir karlaflokkar, frá meistaraflokki og niður í 7. flokk, merki Olíufélagsins hf. ESSO á brjósti IBV búninga deildarinnar auk þess að vera áberandi á einn og annan hátt í starfi deildarinnar.

=== '''Ánægja með Pæjumótið''' ===
Forsvarsmenn KA-Pæjumótsins eru mjög ánægðir með hvernig mótið gekk fyrir sig. Þrátt fyrir þriggja daga rigningu og stífan vind tókst að ljúka mótinu á tilsettum tíma. Björn Elíasson, sem var í stjórn mótsins, segir mótið hafa gengið mjög vel fyrir sig, miðað við hvernig veðrið var. „Vegna bleytu á laugardeginum gripum við til varaáætlunar, færðum leikina aftar á daginn, styttum leiktímann og tókst að Ijúka Ieikjum dagsins um hálfníuleytið um kvöldið. Þetta tókst því eins vel og hægt var að búast við og á allt okkar starfsfólk mikið hrós skilið, ekki síður en þátttakendurnir sem sýndu bæði skilning og þolinmæði. Sérstaklega ber að þakka húsvörðum skólanna og svo fólki úti í bæ sem tók að sér að þurrka fatnað af liðunum. Auðvitað koma alltaf upp einhver mál þar sem ekki eru allir ánægðir en í móti með 850 þátttakendum væri nú bara óeðlilegt ef ekki kæmi slíkt upp á. Mér fannst aftur á móti ótrúlegt hve lítið fór úrskeiðis, miðað við hvernig veðrið var. Og núna erum við að fá inn á póstinn okkar á netinu hrós og þakkir, bæði frá þátttakendum og fararstjórum. Við getum því ekki verið annað en ánægð með hvernig til tókst," sagði Björn Elíasson.

Í Pæjumótinu lenti 3. flokkur A: ÍBV í 3. sæti og þar varð Elva Dögg Grímsdóttir í öðru sæti yfir markahæstu menn með 7 mörk.

3. flokkur B: ÍBV lenti þar í 4.sæti og Ásta Hrönn Guðmannsdóttir varð markahæst með 7 mörk.

4. flokkur A: ÍBV-liðið lék hreint út sagt frábærlega og sigraði mjög sannfærandi lið KR í úrslitaleik, 4-0. Margrét Lára Viðarsdóttir varð langmarkahæst með 22 mörk og Thelma Sigurðardóttir varð í öðru sæti með 15 mörk.

5. flokkur A: ÍBV sigraði Val í úrslitaleik, 4-3, eftir vítaspyrnukeppni.

5.flokkur B: ÍBV lenti í 5. sæti

6. flokkur A: ÍBV sigraði þar með glæsibrag

6. flokkur B: Þar voru Eyjastúlkur með tvö lið, ÍBV og ÍBV-2. ÍBV-2 sigraði og ÍBV varð í 3. sæti. Elísabet Þorvaldsdóttir varð markahæst með 12 mörk og þær Berglind Þorvaldsdóttir og Bylgja Haraldsdóttir voru jafnar í þriðja sætinu með 8 mörk skoruð.

=== '''Sigur í grófum leik''' ===
Eyjamenn mættu grimmir til leiks gegn Fram á Hásteinsvelli í Landssímadeildinni. Þessi grimmd entist þó aðeins fyrri hálfleikinn en sá tími hefði átt að nægja Eyjamönnum til að gera út um leikinn. En færin nýttust illa og var staðan í leikhléi 1 - 0 Eyjamönnum í vil. Seinni hálfleikur var jafnari en um leið var hann einn grófasti leikur ÍBV í langan tíma og var uppskeran 4 gul spjöld og eitt mark sem á einhvern óskiljanlegan hátt var dæmt af.

Bjarni Jóhannsson, þjálfari, gerði umtalsverðar breytingar á liði sínu fyrir leikinn gegn Fram. Hlynur Stefánsson fór úr vörn á miðjuna og Guðni Rúnar tók sæti hans í vörninni. Bjarni Geir Viðarsson kom nýr inn í byrjunarlið í stöðu hægri bakvarðar og Ívar Bjarklind var færður fram í stöðu framliggjandi miðjumanns.

=== '''Heppnin ekki með Eyjastúlkum''' ===
ÍBV-stelpurnar urðu að sætta sig við tap þegar þær mættu Val. Lokatölur urðu 2- 1 en í hálfleik var staðan 1 - 1 . Fljótlega í upphafi fyrri hálfleiks fékk ÍBV á sig hálf klaufalegt mark og tók það liðið nokkum tíma að ná vindi í seglin á ný. Það tókst þó og með mikilli baráttu tókst Eyjastúlkum að jafna með marki Karenar Burke. Strax á fyrstu mínútum seinni hálfleiks tókst Valsstúlkum að skora mark sem tryggði þeim þrjú stig úr leiknum. Þrátt fyrir mótlætið gáfust ÍB V-stelpumar ekki upp. Þær náðu að skapa sér nokkur góð færi en því miður höfðu þær ekki heppnina með sér að þessu sinni.

=== '''Í kröppum dansi''' ===
Bikarmeistarar ÍB V komust í hann krappan þegar þeir mættu 3. deildarliði Leiknis á útivelli í fyrrakvöld í 32 liða úrslitum bikarkeppninnar. Jafnt var undir lok leiksins, 2 - 2, en á lokamínútunum tókst Eyjamönnum að skora tvö mörk og gera þannig út um leikinn.

=== '''Gullkorn''' ===
Gullkorn frá Jóa Pé. Þeir félagar í handknattleiksráði voru að ræða um verðandi andstæðinga Íslands í Evrópukeppninni í handknattleik og Jóhann Pétursson hræddist aðeins eitt lið og sagði: „Ég vona aðeins að Íslendingar dragist ekki á móti Kúbu í Evrópukeppninni!!"

=== '''Alltaf stórleikur þegar spilað er við KR''' ===
Sannkallaður stórslagur í Landssímadeildinni og þarf ekki að taka fram hvað leikurinn var mikilvægur fyrir bæði lið. Með sigri KR hefðu þeir stungið af í deildinni og skilið IBV eftir. Eyjamenn voru ekki á þeim buxunum að láta KR-ingum þetta eftir og höfðu sigur, 2 - 1, en staðan var jöfn í hálfleik, 1-1. Eyjamenn komu virkilega vel stemmdir til leiks og var ekki liðin nema um mínúta af leiknum þegar þeir fengu sitt fyrsta tækifæri. Vantaði Inga Sigurðsson ekki nema eina tommu upp á að pota boltanum í netið. Boltinn kom þvert fyrir mark KR-inga rétt utan marklínu en því miður náði Ingi ekki til boltans sem kominn var framhjá Kristjáni markmanni.

KR-liðið er mjög léttleikandi enda eru þeir með marga snjalla leikmenn innanborðs. Það var því strax ljóst að framundan var spennandi leikur. Eftir hrapalleg mistök í vörn Eyjamanna náðu strákarnir hans Atla að sýna klærnar og skora mark. Þá voru aðeins sex mínútur liðnar af leiknum. Markið sló heimamenn út af laginu en þeir náðu þó að berja frá sér og fengu fljótlega tvö mjög góð færi.

Jöfnunarmark ÍBV kom eftir hornspyrnu frá Baldri Bragasyni sem loksins er á ná sér á strik í nýju liði. Hlynur fyrirliði náði boltanum og stýrði honum í netið og jöfnunarmarkið var staðreynd. Staðan varl-1 í leikhléi.

ÍBV var ekki á sama máli og þegar níu mínútur voru eftir af leiknum, skoraði Ívar Ingimarsson, sigurmark ÍBV með glæsilegum skalla eftir hornspyrnu frá Baldri Bragasyni. Sigurinn á KR kostaði sitt, Ingi fékk rautt í lokin fyrir klaufalegt og óþarft brot og Hlynur fór meiddur af velli og verður frá í einhvern tíma.

=== '''Ójafn leikur''' ===
í Landssímadeild kvenna áttust við Fjölnir og ÍBV um miðjan júní. Leikurinn var mjög ójafn frá upphafi til enda og hefði sigur ÍBV getað orðið miklu stærri. Kelly Schimmen skoraði tvö mörk fyrir ÍBV strax í upphafi leiks og var staðan, 0 - 2, í hálfleik. ÍBV-stelpur sóttu án afláts í síðari hálfleik, en náðu aðeins að bæta einu marki við og var þar að verki Fanný Yngvadóttir.

=== '''Mikilvægur sigur''' ===
Þriðji flokkur karla lék hér heima gegn Val seinnipart júní. Var leikurinn bráðskemmtilegur á að horfa. Lið Vals er talið eitt það sterkasta á landinu í dag, en Eyjapeyjar sýndu góða takta í leiknum og sigruðu að lokum, 4-3. Bjarni Einarsson átti stórleik í liði ÍBV og skoraði öll fjögur mörk ÍBV í leiknum.

=== '''Skellur hjá fjórða flokki''' ===
Fjórði flokkur karla fékk Breiðablik í heimsókn og fengu strákarnir stóran skell. A-liðið mátti sætta sig við sjö marka tap, 4-11 og b-liðið tapaði, 2-4.

=== '''Upprúllun''' ===
Fjórði flokkur kvenna lék tvo leiki í síðustu helgina í júní. A-liðið lék gegn Fram og sigraði, 21-2 og síðan léku stelpumar gegn Grindavík og vann a-liðið, 9-2 og b-liðið vann, 6-1.

=== '''Sigur gegn Víkingi''' ===
Í lok júní fékk meistaraflokkur ÍBV karla nýliða Víkings í Landssímadeildinni í heimsók á Hásteinsvöll. ráðnir að breyta því í þessum leik. ÍBV byrjaði betur, þeir héldu boltanum nokkuð vel og voru grimmari í návígum. Það var svo þvert gegn gangi leiksins að heimamenn skoruðu og var það fyrir klaufagang í vörn ÍB V. Ekki í fyrsta skipti og var þetta á 13. mínútu. Markið kom eins og köld vatnsgusa í andlit Eyjamanna, en þeir náðu þó að koma sér fljótlega inn í leikinn aftur með marki Guðna Rúnars Helgasonar, sem skoraði með innanfótarskoti eftir misskilning milli markmanns og varnarmanns Víkings.

Seint í síðari hálfleik bætti Guðni Rúnar svo við öðru marki og sigur ÍBV 2-1 í höfn.

=== '''Stórsigur í bikarkeppninni og fjör á eftir''' ===
Eyjastúlkur mættu Fjölni í Coca Cola bikar kvenna um í lok mánaðar. ÍBV-liðið fór á kostum og sigraði stórt, 0 - 7. Kelly Schimmen gerði þrennu í leiknum, Karen Burke, Lára D. Konráðsdóttir og Lisa gerðu eitt mark hver og eitt mark var sjálfsmark. Staðan í leikhléi var, 0-3. Heimir Hallgrímsson, þjálfari IB V, var ánægður með sínar stelpur í leiknum. „Þetta var góður leikur af okkar hálfu og stelpumar gerðu bara það sem þær áttu að gera. Yfirburðir okkar voru miklir og Fjölnisstúlkur áttu aldrei neinn möguleika," sagði Heimir. Líf og fjör hjá stelpunum Eftir leikinn urðu stelpurnar eftir í höfuðborginni og var margt á döfinni. Á föstudagskvöldinu fóm þær út að borða saman á Pasta Basta og í framhaldi af því var kíkt á skemmtistaði borgarinnar. A laugardeginum var farið í LaserTag og keilu og síðan sigldu stelpurnar niður Hvítá. Á sunnudeginum var brunað til Grindavíkur og farið á hestaleigu og svo endað í Bláa lóninu. Já, þær kunna sko að skemmta sér þessar stelpur!

== '''JÚLÍ:''' ==

=== '''Jafntefli gegn Breiðabliki''' ===
Eyjastúlkur fengu frískt lið Breiðabliks í heimsókn í Landssímadeildinni í byrjun júlí. Leikurinn var skemmtilegur á að horfa enda mjög léttleikandi lið þarna á ferðinni. Leikurinn endaði í jafntefli, 1-1.

=== '''Að éta það sem úti frýs!''' ===
Um miðjan júlí birtist lesendabréf í Eyjafréttum frá einum stuðningsmanni ÍBV:

„Ég rak upp stór augu þegar ég fletti á forsíðu íþróttablaðsins í Morgunblaðinu laugardaginn 17. júlí 1999, það gat ekki verið að ég væri vöknuð. „Geta bara étið það sem úti frýs" var fyrirsögnin á viðtali sem Björn Ingi Hrafnsson tók við Bjarna Jóhannsson þjálfara ÍBV, þar er Bjarni að tala til þeirra sem gagnrýna leikskipulag liðsins^ Ég varð hálf ill að sjá hvemig þjálfari liðsins míns talaði til okkar stuðningsmanna sinna. Ég hreinlega veit ekki hvað þessir menn halda að þeir séu orðnir. Ef ég, sem stuðningsmaður, má ekki orðið gagnrýna leik eða leikskipulag minna manna og hafa mína skoðun, þá held ég að það sé best fyrir alla unnendur þessa leiks að finna sér annað áhugamál, þetta er jú hluti af „programmet". ÍBV er það lið sem hefur nú síðustu ár getað státað sig af frábærum stuðningsmönnum, sem hafa getað gert nánast hvaða knattspyrnuvöll sem er að sínum heimavelli. Einhvern tíma hefði verið talið að sá árangur sem ÍBV hefur náð væri ekki hægt að ná nema með hjálp stuðningsmanna, en nú er greinilega komið annað hljóð í strokkinn. Þessir menn sem stjórna liðinu verða að gera sér

að hafa fyrir því að halda stuðningsmönnunum en ég er ekki viss um að þeir líði svona framkomu. Ég hef alltaf haft stórt ÍBV hjarta en nú eru tilfinningarnar í garð liðsins orðnar blendnar. Þetta hefur alltaf verið gaman en nú er gamanið búið. Er ekki nokkur maður að þessu lengur af því að hann hefur gaman að þessu, er þetta allt gert einungis fyrir aurana. Mér finnst mjög mikilvægt að stjórnarmenn og þjálfari ÍBV liðsins fari núna að hugsa sinn gang áður en þeir mála sig algjörlega út í horn. Ef þjálfarinn getur ekki tekið gagnrýni þá held ég að hann sé ekki á réttri hillu í lífinu, hann ætti að leita sér að nýrri vinnu.

Með íþróttakveðju, Þórunn Ragnarsdóttír Sörlaskjóli 5 107 Reykjavík“

=== '''Góður sigur hjá 2. flokki''' ===
Annar flokkur karla lék gegn ÍA á heimavelli. Eyjapeyjar voru sprækir í þessum leik og sigruðu gestina með tveimur mörkum gegn einu. Mörk ÍBV skoruðu þeir Gunnar Heiðar Þorvaldsson og Elías Ingi Björgvinsson.

=== '''5. flokkur''' ===
Fimmti flokkur karla fékk lið Grindavíkur í heimsókn. Úrslit urðu sem hér segir: A-lið: ÍBV-Grindavík 2-1. Mörk ÍBV Einar Kr. og Viðar. alt A-lið: ÍBV-Grindavík 3-4 Mörk ÍBV Egill 2, Hjálmar l. C-lið: ÍBV-Grindavík 1-2. Mark ÍBV skoraði Daði.

== Annáll síðari hluta þessa árs er í vinnslu ==
 
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2003 -

2019-07-21T15:19:03Z

Gisli: /* 2003 - */

== '''2003 -''' ==

== '''JANÚAR''' ==

=== '''Þrettándinn tókst vel''' ===
Að venju var mikið um að vera á þrettándanum í Vestmannaeyjum á árlegu grímuballi Eyverja fyrir unga fólkið og um kvöldið var þrettándagleði ÍBV sem sjaldan eða aldrei hefur verið íburðarmeiri. Þrettándagleðin hófst klukkan sjö þegar jólasveinarnir þrettán örkuðu af Hánni niður á jafnsléttu þar sem Grýla og Leppalúði og allt þeirra pakk beið ásamt fjölda fólks á öllum aldri. Hersingin hélt upp á malarvöll þar sem dansað var af krafti í kringum varðeld. Mikil fjöldi fólks fylgdist með sýningunni sem sjaldan eða aldrei hefur verið tilkomumeiri.

=== Stelpurnar styrkja stöðu sína ===
ÍBV tók á móti Val í Essodeild kvenna en sex vikur eru frá því að ÍBV liðið lék síðasta leik í deildinni en leikur liðsins bar þess ekki merki. Liðið átti ekki í teljandi vandræðum með gestina og sigraði örugglega með fjórtán marka mun, 27 -13. Eftir að hafa komist í 5 - 0 jafnaðist leikurinn aðeins og staðan í hálfleik var 13-6. Seinni hálfleikur var á svipuðum nótum og sá fyrri, ÍBV gaf í þegar á þurfti og endaði leikinn með því að auka forystu sína um helming. Mörk ÍBV: Ingibjörg Jónsdóttir 5/1, Alla Gorkorian 4/1, Ana Perez 4, Sylvia Strass 3/2, Birgit Engl 3, Elísa Sigurðardóttir 2, Edda Eggertsdóttir 2, Þórsteina Sigurbjörnsdóttir 2, Anna Yakova 2. Varið: Vigdís Sigurðardóttir 24/4.

=== '''Annar flokkur úr leik í bikarnum''' ===
Annar flokkur karla lék í sextán liða úrslitum í bikarkeppninni en í fyrra komst liðið alla leið í undanúrslit. Það ríkti því nokkur eftirvænting hvernig strákunum gengi í ár en nú leikur liðið mun fleiri leiki enda tekur það þátt í Íslandsmótinu. Andstæðingarnir voru úr Mosfellsbænum en Afturelding er í efri hluta deildarinnar. Leikurinn var hins vegar jafn og spennandi og gat sigurinn endaði hvoru megin sem var. Staðan í hálfleik var 12 -12 en heppnin var á bandi gestanna í lokin sem sigruðu með tveimur mörkum, 24 - 26 og er ÍBV því fallið úr leik í bikarnum. Mörk ÍBV: Kári Kristjánsson 3, Davíð Þór Óskarsson 8, Sindri Haraldsson 3, Sigurður Ari Stefánsson 6, Sindri Ólafsson 2, Sigþór Friðriksson 2 auk þess varði Eyjólfur Hannesson mjög vel í markinu.

=== '''Karlaliðið í æfingaferð''' ===
Karlalið ÍBV í handknattleik mun leggja land undir fót og ferðast alla leið suður til Kanaríeyja þar sem liðið mun dveljast í æfingabúðum. Forsaga málsins er að upphaflega var ákveðið að liðið myndi fara saman til Portúgals í janúarmánuði til þess að fylgjast með Heimsmeistaramótinu sem fer fram þar. En ferðin reyndist hins vegar vera mjög dýr og því var ákveðið að fara til Kanaríeyja í staðinn. Þar mun liðið leika gegn liðum sem eru staðsett þar og eru það nokkuð sterk lið. ÍBV mun dvelja ytra í viku.

=== '''Slæmt jafntefli hjá stelpunum''' ===
Unglingaflokkur kvenna lék gegn Val en flokkurinn er sem stendur í harðri toppbaráttu í B-riðli íslandsmótsins. Leikurinn gegn Val fór fram hér í Eyjum og þrátt fyrir að Valur sé við botn riðilsins þá gerðu þær sér lítið fyrir og stálu stigi af ÍBV en lokatölur urðu 21-21 eftir að staðan hafði verið 5-9 gestunum í hag í hálfleik. Mestur varð munurinn sex mörk en stelpurnar gerðu vel í að jafna leikinn áður en hann kláraðist en niðurstaðan engu að síður slæm. Mikil meiðsli herja nú á liðið og ljóst að róðurinn gæti orðið erfiður það sem eftir lifir vetrar. Mörk ÍBV: Þórsteina Sigurbjörnsdóttir 6, Ester Óskarsdóttir 6, Aníta Ýr Eyþórsdóttir 4, Hildur Dögg 2, Sæunn Magnúsdóttir 1, Hekla Hannesdóttir 1.

=== '''Annar flokkur tapar''' ===
Annar flokkur karla lék gegn Haukum og fór leikurinn fram í Hafnarfirði. ÍBV hefur valdið nokkrum vonbrigðum í vetur. Liðið sem komst alla leið í undanúrslit í bikarnum í fyrra er vel mannað en reyndar eru strákarnir á fullu með meistaraflokki líka og er álagið töluvert. En þrátt fyrir að vera aðeins þremur mörkum undir í hálfleik, 18-15 þá töpuðu strákarnir með tíu mörkum, 35-25.

=== '''Einn Eyjamaður í landsliðshópnum''' ===
Guðmundur Guðmundsson skar landsliðshóp sinn niður um miðjan janúar en liðið leikur við Svía á næstunni. Fækkað var í hópnum um tvo leikmenn sem missa því af heimsmeistarakeppninni sem senn fer í hönd. Eyjamaðurinn Birkir Ívar Guðmundsson hlaut ekki náð fyrir augum Guðmundar en Gunnar Berg Viktorsson kemst til Portúgals.

=== '''Sigur í báðum leikjum''' ===
ÍBV og Gróttu/KR áttust við í Essodeild kvenna á Seltjarnarnesi. Leikmenn Gróttu/KR tóku fast á móti ÍBV og oft á tíðum dönsuðu þær eftir þeirri hárfínu línu að vera grófar en slakir dómarar leiksins voru allt annað en vandanum vaxnir. En með mikilli baráttu í seinni hluta fyrri hálfleiks tókst stelpunum að jafna leikinn og staðan í hálfleik 9-9. Seinni hálfleikur fór vel af stað, Grótta/KR skoraði reyndar fyrsta markið en í kjölfarið kom góður leikkafli hjá ÍBV. Hann byggðist fyrst og fremst á mjög góðri vörn og glæsilegum hraðaupphlaupum þar sem hin eldsnögga Sylvia Strass greip alla bolta og skilaði þeim í þokkabót í netið. ÍBV náði þægilegri forystu sem stelpumar héldu til leiksloka en undir lokin klóruðu heimasætur aðeins í bakkann og lokatölur urðu 21-24. Mörk ÍBV: Ingibjórg Jónsdóttir 7, Alla Gorkorian 7, Sylvia Strass 4, Ana Perez 3, Edda Eggertsd. 1, Anna Rós Hallgrímsd. 1 og Birgit Engl 1. Varin skot: Vigdís Sigurðardóttir 10.

Eftir leikinn brunuðu stelpurnar beint norður og gistu þar en þær áttu leik við KA/Þór daginn eftir. Leikurinn fór fjörlega af stað hjá ÍBV en góð vörn og frábær markvarsla Vigdísar Sigurðardóttur urðu til þess að liðið fékk fjölmörg færi úr hraðaupphlaupum. ÍBV héldu engin bönd og í hálfleik var ÍBV komið með níu marka forystu 8-17. Seinni hálfleikur var aðeins rólegri enda fengu varamenn liðsins að spreyta sig en það kom ekki að sök og endaði leikurinn með 13 marka sigri ÍBV, 19-32. Mörk ÍBV: Ingibjörg Jónsdóttir 6, Anna Yakova 5, Alla Gorkorian 5, Anna Rós Hallgrímsdóttir 3, Birgit Engl 3, Þórsteina Sigurbjörnsdóttir 2, Ana Perez 2, Helle Hansen 2, Sylvia Strass 2, Edda Eggertsdóttir 1, Björg Ólöf Helgadóttir 1. Varin skot: Vigdís Sigurðardóttir 24/3

=== '''Heldur slakt gengi''' ===
Íslandsmót yngri flokka í innanhússknattspyrnu héldu áfram í seinni hluta janúar en þá léku þrír flokkar ÍBV, annar flokkur karla og kvenna og þriðji flokkur karla. Annar flokkur karla lék á sunnudaginn og fór riðill ÍBV fram í Austurbergi. ÍBV lék í F riðli með Fram, IR og Víkingum. ÍBV gerði jafntefli gegn IR og Fram en tapaði gegn Víkingum og enduðu þeir þar með í neðsta sæti riðilsins og komust ekki í úrslit. Annar flokkur karla gerði tvö jafntefli, eitt tap. Annar flokkur kvenna lék sömuleiðis og lék liðið í D-riðli ásamt Ægi, Stjörnunni, Fjölni og ÍR. Óvæntustu úrslitin urðu án efa þegar liðið tapaði gegn Ægi en leikið var í Þorlákshöfn og spurning hvort heimavöllurinn hafi haft eitthvað að segja. Annars tapaði ÍBV einnig gegn Stjörnunni en sigraði hins vegar bæði Fjölni og ÍR en það dugði ekki til og ÍBV komst því ekki í úrslit. Þriðji flokkur karla lék í D-riðli ásamt Hamri, KFR, Njarðvík, Selfossi og Ægi. Eyjapeyjar áttu ekki í teljandi vandræðum með andstæðinga sína úr Suðurkjördæmi, unnu alla leikina fyrir utan einn en gegn KFR gerðu strákarnir jafntefli. Það dugði hins vegar til að ná efsta sætinu í riðlinum sem fleytir liðinu í úrslit sem verða síðar í vetur.

=== '''Knattspyrnuvertíðin að hefjast''' ===
Knattspyrnuvertíðin hjá karlaliðinu hófst af alvöru í lok janúar þegar liðið lék sína fyrstu æfingaleiki á nýju ári en liðið tók þá þátt í fjögurra liða móti í Reykjanesbæ. Liðin sem tóku þátt voru auk ÍBV, Keflavík, FH og ÍA. ÍBV lék gegn tveimur liðanna, fyrst gegn Keflavík en sá leikur endaði með eins marks sigri strákanna úr bítlabænum en lokatölur urðu 2-1 og skoraði Bjarni Rúnar Einarsson mark ÍBV. Seinni leikurinn fór svo fram á sunnudaginn og var hann gegn ÍA. Skagamenn nýttu sín færi betur í leiknum og sigruðu 3-1 en ÍBV misnotaði m.a. vítaspyrnu í leiknum. I lið ÍBV vantaði nokkra af fastamönnum liðsins, svo sem Birki Kristinsson, Hjalta Jóhannesson, Gunnar Heiðar Þorvaldsson en yngri leikmenn fengu tækifæri í staðinn.

=== '''Vigdís íþróttamaður Vestmannaeyja''' ===
Föstudagskvöldið 17.janúar fór fram í Þórsheimilinu glæsilest hóf þar sem ÍBV-héraðssamband afhenti íþróttamanni ársins 2002 sína viðurkenningu. Auk þess valdi hvert aðildarfélag fyrir sig, íþróttamann ársins úr sínum röðum. Íþróttamaður ársins 2002 var að þessu sinni valin Vigdís Sigurðardóttir, markvörður handknattleiksliðs ÍBV. Þór Vilhjálmsson, formaður héraðssambands ÍBV afhenti Vigdísi veglegan bikar og rakti við það tækifæri feril Vigdísar. ''„Vigdís hóf ung að iðka handknattleik og lék með yngri flokkum Knattspyrnufélagsins Týs og ÍBV. Hún fór til náms til Reykjavíkur og gekk þá til liðs við Hauka í Hafnarfirði og varð Íslandsmeistari með þeim árið 1996 og svo aftur 1997 og einnig bikarmeistari það ár. Þá flutti hún aftur heim til Eyja að námi loknu og tók sér frí frá íþróttaiðkun vegna barneigna í eitt ár. En tók svo fram skóna að nýju og hóf að leika með ÍBV. Vigdís varð íslandsmeistari og meistari meistaranna með ÍBV árið 2000, bikarmeistari 2001, bikarmeistari og meistari meistaranna 2002. Þá var hún kosin besti leikmaður íslandsmótsins árið 2002 á lokahófi HSÍ. Hún lék um tíma með íslenska kvennalandsliðinu en hefur ekki gefið kost á sér í seinni tíð þótt til hennar hafi verið leitað. Vigdís er góð fyrirmynd yngri leikmanna, jákvæð, reglusöm og metnaðargjörn og er enn að bæta sig í sinni íþrótt. Þetta gerir hún samtímis því að reka heimili og sinna krefjandi vinnu. Vigdís er glæsilegur fulltrúi íþróttahreyfingarinnar í Vestmannaeyjum,"'' sagði Þór. Formaður íþróttafélagsins, Óskar Freyr Brynjarsson reið á vaðið og gerði grein fyrir hvernig valið færi fram.

Knattspyrnukona ársins var valin Michelle Barr. „''Michelle er skoskur landsliðsmaður, hún hefur spilað með ÍBV síðustu tvö ár í vörn liðsins. Michelle var fyrirliði liðsins áríð 2002 og einn af máttarstólpum þess og góður leiðtogi jafnt innan vallar sem utan,"'' sagði Óskar Freyr. Knattspyrnumaður ársins var valinn Birkir Kristinsson. ''„Birkir er margreyndur landsliðsmaður og verðugur fulltrúi íþróttahreyfingarinnar hvernig sem á málið er litið. Hann er sá leikmaður sem leggur sig mest fram við æfingar, er til fyrirmyndar á leikvelli og utan hans og þó að Birkir verði fertugur á næsta ári vitum við að hann verður besti markvörður Íslandsmótsins í sumar."''

Handknattleikskona ársins 2002 var valin Vigdís Sigurðardóttir, sem hlaut einnig þann titil fyrir áríð 2001. ''„Vigdís og hennar félagar í ÍBV hafa náð frábærum árangri síðustu ár. Á árinu 2002 urðu þær bikarmeistarar og meistarar meistaranna. Vigdís, sem er landsliðsmaður er mikil keppnismanneskja og leggur sig alla fram við það sem hún tekur sér fyrir hendur og er ávallt stutt í brosið hjá henni. Það segir mikið til um Vigdísi að þar sem hún spilar er ávallt góður árangur."''

Handknattleiksmaður ÍBV árið 2002 er Svavar Vignisson, einnig annað árið í röð. ''„Svavar var yfirburðaleikmaður hjá ÍBV á síðasta tímabili en Svavar leggur sig alltaf hundrað prósent fram við æfingar, sem og í leikjum. Hann er harður nagli sem gefur ekkert eftir."''

=== '''Unglingaflokkur tapaði heima''' ===
Um miðjan janúar fór fram uppgjör milli toppliðanna í A-riðli í íslandsmótinu í handknattleik í Unglingaflokki en þá tókt ÍBV á móti Fram 2. ÍBV hefur gengið vel það sem af er vetri og hafði fyrir leikinn ekki tapað leik en það átti eftir að breytast. Meiðsli hafa sett strik í reikninginn hjá liðinu. Leikurinn fór illa af stað fyrir ÍBV og var staðan í hálfleik 8-12 fyrir Fram 2. Munurinn jókst svo upp í sjö mörk en stelpurnar klóruðu í bakkann undir lokin og lokatölur leiksins urðu 18-20. Mörk ÍBV: Aníta Ýr Eyþórsdóttir var með 6, Þórsteina Sigurbjörnsdóttir 5, Ester Óskarsdóttir 3, Sæunn Magnúsdóttir 2, Hildur Dögg Jónsdóttir, Björg Ólöf Helgadóttir 1.

=== '''Góð æfingaferð''' ===
Karlalið ÍBV var í síðustu viku í æfingarferð en liðið dvaldi á Kanaríeyjum í vikutíma. Liðið lék þrjá leiki, fyrst var leikið gegn spænsku 2. deildarliði en eins og allir vita tilheyra Kanaríeyjar Spáni og þar eru nokkur handboltalið sem taka þátt í Spánarmótinu. ÍBV vann fyrsta leikinn nokkuð örugglega 35 - 19 en næsti leikur, gegn 1. deildarliði tapaðist naumlega. Þriðji og síðasti leikurinn var svo gegn úrvalsdeildarliði eyjanna, Galdar, en það er um miðja spænsku deild og er að sjálfsögðu eingöngu skipað atvinnumönnum. ÍBV náði að sýna ágæta takta gegn atvinnumönnunum en í þeirra herbúðum eru m.a. norskur, danskur og júgóslavneskur landsliðsmenn. Lokatölur í þessum leik urðu 31-27 Spánverjunum í vil.

=== '''3. flokkur áfram''' ===
Riðill þriðja flokks kvenna í Íslandsmótinu í innanhússknattspyrnu fór fram hér í Eyjum eina helgi í janúar. Hingað komu fjögur lið ofan af landi. ÍBV vann þrjá leiki og gerði eitt jafntefli og komst þar með í úrslit íslandsmótsins sem verður síðar. Úrslit hjá ÍBV voru annars þessi: ÍBV-Ægir 3-0, ÍBV-Hamar 6-0, ÍBV-Selfoss 0-0, ÍBV-Þróttur Vogum 8-0.

=== '''Fyrsta tapið staðreynd''' ===
Kvennalið ÍBV átti fyrir höndum mjög erfiðan útileik þegar stelpurnar mættu Haukum sem ásamt Stjörnunni er helsti keppinautur ÍBV um sigur í deildinni. ÍBV hafði til þessa ekki tapað leik. ÍBV byrjaði mun betur í leiknum og komst m.a. í 1-5 og 4-10 en Haukar náðu að minnka muninn niður í eitt mark fyrir leikhlé og var staðan þegar liðin gengu til búningsherbergja 14 - 15. Haukaliðið mætti svo ákveðnara til leiks í síðari hálfleik, Haukar komust svo yfir og virtust vera stinga af í stöðunni 21 -19 en ÍBV náði að hrista af sér slenið og jafna 24-24. Haukar höfðu svo betur á lokakaflanum og unnu 27-25. Dómarapar leiksins hafði mikið að segja um gang leiksins, eins og svo oft áður enda virðast störf þeirra í fæstum tilvikum fylgja gæðum leikja. Ekki aðeins var dómgæslan léleg á leiknum því einnig var öll umgjörð leiksins mjög óvinveitt Eyjamönnum. Unnur Sigmarsdóttir, þjálfari ÍBV, var rekin út af þegar 40 sekúndur voru liðnar af leiknum. Yfirsjónin var ekki stór, hún steig inn á til að hlúa að einum sinna leikmanna, áður en hún fékk til þess leyfi frá dómara. Þeir sáu ekki brotið en því var komið til skila þannig að þeim var nauðugur einn kostur að sýna Unni rauða spjaldið. Mörk ÍBV: Anna Yakova 8, Alla Gorkorian 5/3, Ingibjórg Jónsdóttir 4, Elísa Sigurðardóttir 3, Sylvia Strass 2, Birgit Engl 1, Ana Perez 1, Þórsteina Sigurbjörnsdóttir 1. Varin skot: Vigdís Sigurðardóttir 18.

=== '''Þrír tapleikir''' ===
Annar flokkur karla lék þrjá leiki á einni helgi en leikirnir fóru fram á höfuðborgarsvæðinu. Fyrsta var leikið gegn Val og var um hörkuleik að ræða. Staðan í hálfleik var 14-14 en Valsarar höfðu betur á lokakaflanum og sigruðu 27-26. Mörk ÍBV: Davíð Þór Óskarsson 12, Sigþór Friðriksson 4, Kári Kristjánsson 4, Sigurður Ari Stefánsson 2, Sindri Ólafsson 2, Sindri Haraldsson 1, Jens Elíasson 1.

Daginn eftir var svo komið að Víkingum en í Víkinni voru heimamenn sterkari og eftir að staðan í hálfleik hafði verið 13-10, sigruðu Víkingar með níu mörkum, 30-21. Mörk ÍBV: Kári Kristjánsson 4, Sigurður Ari Stefánsson 4, Sigþór Friðriksson 3, Davíð Þór Óskarsson 3, Jens Elíasson 2, Grétar Eyþórsson 2, Magnús Sigurðsson 1, Benedikt Steingrímsson 1, Sindri Haraldsson 1. Síðasti leikurinn var gegn FH í Hafnarfirði og sigruðu heimamenn með sex mörkum 31- 25. Mörk ÍBV: Davíð Þór Óskarsson 5, Sigurður Ari Stefánsson 4, Kári Kristjánsson 4, Sigþór Friðriksson 3, Sindri Haraldsson 3, Baldvin Sigurbjörnsson 2, Sindri Ólafsson 1, Grétar Eyþórsson 1, Eyjólfur Hannesson 1.

=== '''Baráttusigur''' ===
ÍBV tók á móti Víkingum en eftir að hafa tapað sínum fyrsta leik gegn Haukum á útivelli áttu flestir von á því að Víkingar fengju að fínna til tevatnsins en annað kom á daginn. Gestirnir voru sprækari lengst af í leiknum en ÍBV komst yfir á réttum tíma í leiknum og sigraði með þremur mörkum, 25 – 22. ÍBV lenti strax undir í fyrri hálfleik og komust Víkingar mest þremur mörkum yfir en leikmenn ÍBV náðu að snúa við blaðinu og voru yfir í leikhléi, 13-12. Strax í fyrri hálfleik fór á sömu leið og í þeim fyrri, ÍBV lenti undir og var mest þremur mörkum undir en eins og í fyrri hálfleik náðu stelpurnar að snúa leiknum sér í hag og sigra með þremur mörkum, 25 - 22. Mörk ÍBV: Ingibjörg Jónsdóttir 9, Sylvia Strass 5, Alla Gorkorian 3/2, Anna Yakova 3,EIísa Sigurðardóttir 2, Ana Perez 2, Birgit Engl 1. Varin skot: Vigdís Sigurðardóttir 23

=== '''Birgir ráðinn framkvæmdastjóri''' ===
Birgir Stefánsson hefur verið ráðinn framkvæmdastjóri knattspyrnudeilda karla og kvenna. Birgir er fæddur og uppalinn Eyjapeyi og þekkir því vel til en auk þess er hann lærður viðskiptafræðingur og ætti sú menntun að koma að góðum notum í þeirri baráttu sem framundan er.

=== '''Margrét Lára æfir með þremur landsliðum''' ===
Í janúar fóru fram úrtaksæfingar hjá yngri kvennalandsliðum Íslands í knattspyrnu auk þess sem A-landslið Íslands æfir fyrir æfingaleik liðsins gegn Bandaríkjunum. Margrét Lára Viðarsdóttir hefur lengi haft það orð á sér að vera eitt mesta efni í kvennaknattspyrnunni í dag. Staðfesting á þessu er að hún hefur verið valin til æfinga með öllum kvennalandsliðum Íslands, utan U-21 árs liðsins enda æfir það ekki um þessar mundir. Æfir Margrét með U-17 ára, U-19 ára og A-landsliði Íslands um þessar mundir. Eyjamenn eiga fleiri fulltrúa á þessum æfingum, í U-17 ára liðinu æfir Thelma Sigurðardóttir og Olga Færseth er að sjálfsögðu með A-liðinu.

=== '''Keppnisleyfi Hásteinsvallar afturkallað enn og aftur''' ===
Enn og aftur er aðstaðan á Hásteinsvelli komin inn á borð bæjarstjórnar. Síðastliðið sumar var keppnisleyfi vallarins afturkallað af KSI þar sem ekki hafði verið staðið við gerð stúku við völlinn. Því var kippt í liðinn með þeim formerkjum að völlurinn hefði því leyfi til næstu fimm ára. Á fundi íþrótta- og æskulýðsráðs þann 3. janúar sl. gerði íþróttafulltrúi grein fyrir fundi sem hann átti með fulltrúum KSÍ og íþróttahreyfingarinnar í Eyjum ásamt bæjarstjóra vegna reglugerða sem snúa að keppnisleyfum fyrir knattspyrnuvelli þar sem leikið er í efstu deild. Fram kom á fundinum að útgefið leyfi til næstu fimm ára er ekki lengur í gildi en undanþágu er hægt að veita svo fremi sem lögð er fram áætlun og samþykktir sem taka mið af því að girða svæðið af. Eins er stúkan nýreista ekki lengur nægilega góð, því nú er talað um yfirbyggða stúku. Er þetta vegna reglugerðar Knattspyrnusambands Evrópu. ÍBV-íþróttafélag þarf að sækja um undanþágu í byrjun mars og verður þá áætlunin að vera tilbúin. Íþrótta- og æskulýðsráð lagði á það áherslu að sem fyrst liggi fyrir ákvörðun um málefni Hásteinsvallar svo þau skilyrði verði uppfyllt, sem þarf til að undanþága verði gefin út. Á fundi bæjarstjórnar á fimmtudag kom fram tillaga frá bæjarfulltrúum Vestmannaeyjalistans varðandi málið: ''„Bæjarstjórn samþykkir að óska eftir skriflegum skýringum frá KSI, varðandi það hvað hefur breyst frá því snemma í sumar þegar lofað var að framkvæmdir þær sem þá voru gerðar myndu duga til að halda keppnisleyfi næstu 5 ár."'' Var það samþykkt með sjö samhljóða atkvæðum.

== '''FEBRÚAR''' ==

=== '''Fjörugt karlakvöld''' ===
Í byrjun febrúar hélt handknattleiksdeild karla, ÍBV árlegt karlakvöld um borð í Herjólfi. Þar var margt til skemmtunar fyrir bæði hug og maga. Byrjað var með vínkynningu þar sem gestir fengu að kynnast dásemdum vína frá Chile og Ástralíu, bæði rauðum og hvítum. Kári Vigfússon og hans fólk sá um um matinn og þar sannaðist enn og aftur að Kári er snilldarkokkur. Undir borðum lék Gísli Brynjólfsson á nikkuna. Ræðumaður kvöldsins var séra Hjálmar Jónsson, nú dómkirkjuprestur en áður þingmaður. Hjálmar fór á kostum með vísuna að vopni. Var það blandað mátulegum skammti af nettum skotum á náungann sem Jóhann lögfræðingur hafði komið í hendur klerki. Allt var innan velsæmismarka og enginn steig sár upp frá borðum. Allt var þetta undir öruggri stjórn séra Kristjáns Landakirkjuklerks sem sýndi að þar er fagmaður á ferð þegar veislustjórn er annars vegar.

=== '''Jafntefli í Garðabæ''' ===
ÍBV sótti Stjörnuna heim í byrjun febrúar en liðin voru í harðri toppbaráttu ásamt Haukum. ÍBV var mun betra liðið framan af, komust Eyjastúlkur m.a. sjö mörkum yfir en misstu muninn niður og staðan í hálfleik var 7-9 fyrir ÍBV. ÍBV hélt forystunni áfram í upphafi síðari hálfleik en um hann miðjan virtist leikur liðsins nánast hrynja. Þegar rúm mínúta var eftir var útlitið svart, Stjarnan var þá þremur mörkum yfir 20-17. En með mikilli baráttu og villtum varnarleik náðu stelpurnar að skora tvö mörk og unnu svo boltann þegar nokkrar sekúndur voru eftir. Þegar leiktíminn rann út var brotið á Birgit Engl, ÍBV fékk aukakast og um leið rann leiktíminn út. Fæstir áttu því von á að ÍBV ætti eftir að jafna leikinn en Anna Yakova gerði sér lítið fyrir og þrumaði boltanum í netið og tryggði því ÍBV mikilvægt stig, lokatölur 20-20. Mörk ÍBV: Anna Yakova 7, Ingibjörg Jónsdóttir 3, Edda Eggertsdóttir 3, Alla Gorkorian 3/1, Sylvia Strass 2, Ana Perez 1, Björg Ólöf Helgadóttirl. Varin skot: Vigdís Sigurðardóttír 14.

=== '''Sigur hjá öðrum flokki''' ===
Annar flokkur karla lék gegn ÍR og fór leikurinn fram í Eyjum. Leikurinn var hraður og skemmtilegur og alls skoruð sjötíu mörk í honum. Eyjamenn höfðu betur, skoruðu tveimur mörkum meira og unnu því 36- 34 eftir að staðan í hálfleik hafði verið 18-19 fyrir ÍR. Mörk ÍBV: Davíð Þór Óskarsson 9, Kári Kristjánsson 9, Sigurður Ari Stefánsson 8, Sindri Haraldsson 4, Sindri Ólafsson 4, Sigþór Friðriksson 2.

=== '''Sigur og tap í karlafótbolta''' ===
Karlalið IB V í knattspyrnu lék tvo æfingarleiki en báðir fóru þeir fram í Reykjavík. Fyrst var leikið í Egilshöllinni og var andstæðingurinn Afturelding, sem leikur í 1. deild. Strákarnir voru ekki í teljandi vandræðum með 1. deildarliðið og sigruðu með þremur mörkum gegn einu. Mörk ÍBV skoruðu þeir Bjarni Geir, Bjarni Rúnar og Páll Hjarðar. I síðari leiknum var leikið gegn FH en þrátt fyrir ágætan leik ÍBV voru það FH-ingar sem skoruðu mörkin, fjögur urðu þau talsins og komu þau öll í síðari hálfleik.

=== '''Í úrslit þriðja árið í röð''' ===
ÍBV tók á móti Stjörnunni í undanúrslitum bikarkeppninnar. Fór leikurinn fram fyrir fyrir fullu húsi áhorfenda í íþróttamiðstöðinni. Leikurinn endaði með átta marka sigri ÍBV, 26 - 18 eftir að staðan í hálfleik hafði verið 11-5. Leikurinn sjálfur varð hins aldrei spennandi, voru yfirburðir ÍBV liðsins það miklir í leiknum og í raun fáránlegt til þess að hugsa til þess að þetta sama lið hafi verið heppið að ná jafntefli gegn Stjörnunni í tveimur síðustu leikjum. Lykillinn að sigrinum var án efa sterkur varnarleikur liðsins og skoraði aðeins einn leikmaður yfir tvö mörk hjá Stjörnunni, það var Jóna Ragnarsdóttir sem skoraði sjö mörk, þar af fimm úr vítum. Mikil stemmning var á pöllunum, sem reyndar keyrði fram úr hófi á köflum þegar stuðningsmönnum liðanna lenti saman en allt endaði það á friðsamlegum nótum. Mörk ÍBV: Anna Yakova 6, Alla Gorkorian 6/1, Sylvia Strass 5, Ingibjörg Jónsdóttir 3, Edda Eggertsdóttir 2, Ana Perez 2, Björg Ó. Helgadóttir. Varin skot: Vigdís Sigurðardóttir 15/2.

=== '''Sigur og tap hjá strákunum''' ===
Karlalið ÍBV lék gegn Stjörnunni í fyrsta leik sínum að loknu HM-hléi á karlaboltanum. Leikurinn var jafn og spennandi allan tímann, Eyjamenn voru betri í fyrri hálfleik og leiddu með 1 - 2 mörkum en lentu í vandræðum undir lok fyrri hálfleiksins og voru undir 17 -18 í leikhléi. Í síðari hálfleik leit allt út fyrir að gestunum væri að takast að næla sér í bæði stigin enda var komið að þeim að vera yfir en Eyjamenn neituðu að gefast upp. Undir forystu fyrirliða síns, Sigurðar Bragasonar, tókst leikmönnum ÍBV að snúa leiknum sér í hag og á lokakaflanum dró í sundur með liðunum. ÍBV sigraði svo í þessum mikla markaleik, 35-31. Mörk ÍBV: Sigurður Bragason 10, Davíð Þór Óskarsson 8/5, Robert Bognar 5, Erlingur Richardsson 4, Kári Kristjánsson 4, Sigurður Ari Stefánsson 3, Sigþór Friðriksson 1. Varin skot: Eyjólfur Hannesson 9, Viktor Gigovl 10/1.

ÍBV mætti HK tveimur dögum síðar á útvelli. Leikmenn ÍBV mættu vel stemmdir til leiks og voru lengst af yfir í fyrri hálfleik, þó aldrei meira en tveimur mörkum en undir lok hálfleiksins náðu leikmenn HK að ná undirtökunum og í hálfleik var staðan 15-13. Eyjamenn byrjuðu seinni hálfleikinn ágætlega og eftir fimm mínútur var staðan orðin jöfn, 16-16. En þá fór að síga á ógæfuhliðina, heimamenn skoruðu þá þrjú mörk í röð og náðu svo mest fimm marka forystu, 28-23. Leikmenn ÍBV náðu þó aðeins að klóra í bakkann undir lokin og leikurinn endaði með þriggja marka sigri HK, 30-27. Mörk ÍBV: Róbert Bognar 7, Davíð Þór Óskarsson 6/3, Michael Lauritzen 3, Sigurður Ari Stefánsson 3, Erlingur Richardsson 3, Sigþór Friðriksson 3, Sigurður Bragason 2. Varin skot: Eyjólfur Hannesson 9, Viktor Gigov 2.

=== '''Gestirnir sáu aldrei til sólar''' ===
ÍBV mætti einu af slökustu liðum Essodeildar kvenna í byrjun febrúar. Þá kom í heimsókn sameiginlegt lið Fylkis og ÍR. Eftir að hafa skorað fyrsta mark leiksins sáu gestirnir aldrei til sólar og endaði leikurinn með 22 marka sigri ÍBV, 37-15. Þrátt fyrir augljósa yfirburði lék ÍBV liðið ágætan handbolta og notaði leikinn til að koma varamönnunum í leikform. ÍBV keyrði stíft á hraðaupphlaup og fengu leikmenn góða æfingu í að útfæra hraðaupphlaup sem gekk vel í flestum tilvikum. Mörk ÍBV: Alla Gorkorian 9/3, Sylvia Strass 7, Birgit Engl 7/1, Ingibjörg Jónsdóttir 4, Ana Perez 4, Edda Eggertsdóttir 3, Anna Rós Hallgrímsdóttir3. Varin skot: Vigdís Sigurðardóttir 11, Íris Sigurðardóttir 2.

=== '''Góð ferð Eyjamanna á KSÍ-þingið''' ===
KSÍ þingið fór fram laugardaginn 8. febrúar á Hótel Loftleiðum og var að venju fjölmennt. ÍBV bar upp tvær tillögur, annars vegar að KSÍ geri breytingu á bikarkeppninni en keppninni var breytt þannig á síðasta þingi að undanúrslit fari fram á Laugardalsvelli. ÍBV lagði til að liðin sem dregin væru á undan úr hattinum fengju heimavallarrétt í undanúrslitum, eins og áður var og var sú tillaga samþykkt. Þannig að á næsta þingi mun stjórn KSÍ leggja fram breytinguna og er það þá undir þingheimi komið að samþykkja breytinguna endanlega. Hin tillagan sem ÍBV lagði fram var ekki síður merkileg en þar var lagt til að KSÍ stofni jöfnunarsjóð vegna ferðakostnaðar í þremur efstu karladeildunum og efstu deild kvenna. Þar áttu félögin, sem taka þátt í áðurnefndum deildum, að greiða upphæð í sjóð sem KSÍ myndi síðan deila út með tilliti til ferðakostnaðar. Tillagan var samþykkt með þeirri breytingu að greiðslan komi úr ríkissjóði en ekki frá félögunum sjálfum þannig að boltinn er nú hjá Alþingi. Þá var tillaga stjórnar KSÍ um breytt fyrirkomulag í aðalkeppni bikarkeppninnar felld en þar átti að koma átta efstu liðunum inn í keppnina í 16 liða úrslitum í stað 32ja liða úrslitum eins og er nú. Þá var Einar Friðþjófsson kosinn landshlutafulltrúi Suðurlands en hann tekur þar við af Jóhanni Ólafssyni sem hafði gegnt þeirri stöðu í 27 ár eða frá árinu 1975.

=== '''Sigur hjá 3ja flokki''' ===
Laugardaginn 8.febrúar lék þriðji flokkur karla gegn FH. Leikurinn var jafn og spennandi en Eyjapeyjar höfðu þó alltaf undirtökin og staðan í hálfleik var 13-12 fyrir ÍBV. Í seinni hálfleik voru strákarnir ávallt skrefi á undan þar til undir lokin að þeir náðu að hrista Hafnfirðinga af sér og sigra með fjórum mörkum 24-20. Mörk ÍBV: Grétar Eyþórsson 7, Jens K. Elíasson 5, Vignir Svavarsson 5, Baldvin Sigurbjörnsson 4, Hilmar Björnsson, Leifur Jóhannesson og Magnús Sigurðsson 1. Fjórði flokkur kvenna lék einnig helgina 8. til 9. febrúar en þá var leikin ein umferð í riðli stelpnanna. ÍBV lék þrjá leiki, þær unnu KA 15 - 13 og Völsung 12 - 8 en töpuðu fyrirFH14-17.

=== '''Margrét Lára ekki í hópnum''' ===
Margrét Lára Viðarsdóttir var ekki valin í 17 manna hóp íslenska kvennalandsliðsins í knattspyrnu sem mætir því bandaríska. Margrét þarf reyndar ekki að örvænta um verkefnaskort því hún er enn gjaldgeng í U-17 ára landsliðið. Nýjasti leikmaður kvennaliðsins ÍBV, Olga Færseth, er hins vegar í hópnum og mun væntanlega spila í fremstu víglínu liðsins.

=== '''ÍBV Íslandsmeistari''' ===
Fjórði flokkur kvenna lék í úrslitum í Íslandsmótinu í innanhússknattspyrnu sem fór fram í Austurbergi. Á fyrsta keppnisdegi fóru fram undanriðlar en þar var leikið í tveimur þriggja liða riðlum og tvö efstu liðin komust í undanúrslit. ÍBV var í riðli með Einherja og Víkingi Reykjavík og unnu stelpumar báða leikina nokkuð örugglega. Í undanúrslitum mætti ÍBV Haukum og urðu lokatölur þar 2- 1 fyrir ÍBV en mörk ÍBV skoruðu þær Svava Kristín Grétarsdóttir og Kolbrún Inga Stefánsdóttir. í úrslitaleiknum sjálfum mætti ÍBV Grindavík. Leikurinn var æsispennandi og komst ÍBV yfir 1-0 . Grindvíkingar svöruðu með tveimur mörkum en Eyjastúlkur börðust vel og skoruðu síðustu tvö mörk leiksins, sigruðu því 3-2 og eru Íslandsmeistarar í innanhússknattspyrnu 2003. , Mörk ÍBV í úrslitaleiknum skoruðu þær Þórhildur Ólafsdóttir, Fanndís Friðriksdóttir og Kolbrún Inga Stefánsdóttir.

=== '''Jafntefli gegn HK''' ===
Karlalið ÍBV lék einn æfingaleik um miðjan febrúar en þá lék liðið gegn HK. Úrslit leiksins urðu 1-1 en mark ÍBV skoraði Bjarnólfur Lárusson eftir að HK hafði komist yfir en ÍBV stillti aðeins upp þeim leikmönnum sem æfa með liðinu í Reykjavík þar sem ekki var fært milli lands og Eyja. ÍBV leikur svo sinn fyrsta leik í deildarbikarnum í lok febrúar þegar liðið mætir Grindavík og fer leikurinn einnig fram í Fífunni.

=== '''Andri á úrtaksæfingu''' ===
Andri Ólafsson, knattspyrnumaðurinn efnilegi hefur verið valinn til þess að taka þátt í úrtaksæfingu U- 19 ára landsliðsins. Einnig fara fram úrtaksæfingar hjá U-17 ára landsliðinu en ÍBV á engan fulltrúa þar.

=== '''5. sæti hjá þriðja flokki''' ===
Þriðji flokkur karla tók þátt í innanhússmótinu en þar voru tveir fjögurra liða riðlar til að byrja með. ÍBV endaði í þriðja sæti í sínum riðli eftir að hafa unnið einn leik og tapað tveimur. ÍBV spilaði því um fimmta sætið gegn Þrótti Neskaupstað og sigraðu Eyjapeyjar 3-0.

=== '''Ágætis árangur hjá stelpunum''' ===
Unglingaflokkur lék tvo leiki um miðjan febrúar gegn FH og Víking/ HK. ÍBV tapaði fyrri leiknum gegn FH 25-16 eftir að staðan í hálfleik hafði verið 12-6 fyrir FH. Mörk ÍBV: Aníta Ýr Eyþórsdóttir 6, Ester Óskarsdóttir 5, Björg Ólöf Helgadóttir 2, Þórsteina Sigurbjörnsdóttir 2, Sæunn Magnúsdóttir. 1. Gegn Víking/ HK gekk ÍBV hins vegar aðeins betur en þess má geta að í ferðinni voru aðeins sjö leikmenn þannig að enginn skiptimaður var með í för. Leikurinn gegn Víking/HK endaði með jafntefli, 18-18 en staðan í hálfleik var 9-10. Mörk ÍBV: Þórsteina 4, Ester 4, Björg 4, Hildur Jónsdóttir 3, Aníta 2, Sæunn 1.

=== '''Góður sigur''' ===
ÍBV lék gegn FH laugardaginn 22. febrúar. ÍBV hafði yfirhöndina nánast allan tímann og sigraði með 22 -29. ÍBV byrjaði betur í leiknum og náðu stelpurnar fljótlega þægilegri forystu án þess þó að ná að hrista Hafnfirðinga alveg af sér. Staðan í hálfleik var 11-15 fyrir ÍBV og Hafnfirðingar ennþá inni í myndinni. Seinni hálfleikur var á svipuðum nótum og sá fyrri, ÍBV byrjaði reyndar af meiri krafti en í þeim fyrri og náði átta marka forystu. Anna Yakova og Sylvia Strass voru allt í öllu og skoruðu samtals 22 mörk af 29 sem eru tæp 76 % af mörkum liðsins. Mörk ÍBV: Anna Yakova 12, Sylvia Strass 10, Anna Rós Hallgrímsdóttir 2, Ana Perez 2/1, Birgit Engl 1, Alla Gorkorian 1/1, Helie Hansen 1. Varin skot: Vigdís Sigurðardóttir 14/2.

=== '''Klaufalegt hjá ÍBV''' ===
ÍBV tók á móti Þór frá Akureyri í síðari hluta febrúar mánaðar. Þórsarar byrjuðu betur í leiknum og fljótlega náðu þeir undirtökunum. Eyjamenn létu hins vegar ekki slá sig út af laginu og sneru leiknum sér í hag og náðu mest fjögurra marka forystu í fyrri hálfleik. Staðan í leikhléi var 16 -13 en lokatölur voru 31-32 gestunum í hag. Seinni hálfleikur fór einnig ágætlega af stað, IBV var með 3-4 marka forystu framan af en um miðjan hálfleikinn hrundi sóknarleikur liðsins eins og spilaborg. Tveimur leikmönnum fleiri, í stöðunni 26-26 tókst Eyjamönnum ekki að skora en í staðinn skoruðu gestirnir tvo mörk og voru komnir með pálmann í hendurnar. Undir lokin gat sigurinn endað hvorum megin sem var og allt leit út fyrir að liðin myndu skilja jöfn eftir að Sindri Ólafsson hafði jafnað metin þegar aðeins tíu sekúndur vora eftir. En einum leikmanni færri tókst ÍBV ekki að koma í veg fyrir að gestirnir skoruðu sigurmarkið og nældu Akureyringar sér því í dýrmæt stig. Með örlítilli heppni og meiri einbeitingu þá hefði ÍB V án efa tryggt sér sigurinn. Mörk ÍBV: Sigþór Friðriksson 7, Davíð Þór Óskarsson 6/2, Robert Bognar 5, Erlingur Richardsson 3, Sigurður Bragason 3, Sigurður Ari Stefánsson 3, Kári Kristjánsson 2, Sindri Ólafsson 1, Michael Lauritsen 1. Varin skot: Viktor Gigov 13.

=== '''Of mörg mistök í lokin''' ===
Úrlistaleikur ÍBV og Hauka í bikarnum á laugardaginn var hin mesta skemmtun. Fyrir leikinn var búist við sannkölluðum draumaleik þessara bestu liða landsins í dag og þó að handboltinn hafi ekki verið á- ferðarfallegur var spennan mikil og réðust úrslitin ekki fyrr en á lokasekúndunum. Haukar sigruðu í leiknum með einu marki, 22 - 23 og stöðvuðu þar með sigurgöngu ÍBV í bikarkeppninni sem hafði staðið frá árinu 2000. Leikurinn var jafn og spennandi allan tímann en staðan í hálfleik var 11 - 10 fyrir ÍBV. Seinni hálfleikur einkenndist svo af klaufaskap ÍBV, á upphafsmínútunni fékk liðið gott tækifæri til að auka muninn en tveimur leikmönnum færri tókst Haukum að jafna metin. Haukar náðu svo undirtökunum en í síðasta fjórðungi leiksins áttu liðin í mestum vandræðum með að skora. Elísa Sigurðardóttir jafnaði metin, 20 - 20 þegar tæpar fimmtán mínútur voru eftir en Haukar svöruðu með tveimur mörkum. ÍBV misnotaði átta sóknir í röð og á tíu mínútna kafla skoraði liðið ekki mark. Það gekk hreinlega allt á móti ÍBV, leikmenn misstu boltann klaufalega frá sér, skutu í stöng, létu verja víti og það var svo ekki fyrr en þegar tæpar tvær mínútur voru eftir að Sylviu Strass tókst loks að finna réttu leiðina í gegnum vörn Hauka. Síðustu sekúndur leiksins minntu óneitanlega mikið á úrslitaleik liðanna 2001 þegar ÍBV jafnaði á síðustu sekúndunum úr víti. Það virtist allt stefna í að ÍBV fengi tækifæri á að jafna því þegar aðeins fimmtán sekúndur voru eftir fékk liðið boltann í stöðunni 22-23. En vitlaus skipting undir lokin gerði það að verkum að boltinn var dæmdur af ÍBV og Haukar héldu honum út leiktímann. Mörk ÍBV: Alla Gorkorian 7/3, Sylvia Strass 7, Anna Yakova 5, Elísa Sigurðardóttir 2, Birgit Engl 1. Varin skot: Vigdfs Sigurðardóttir 14/2.

=== '''Sá erfiðasti sem ég hef spilað''' ===
Ingibjörg Jónsdóttir var í strangri gæslu allan tímann og náði ekki að skora mark enda lögðu Haukar allt kapp á að loka á það. Hún sagði í samtali við Fréttir að þessi leikur væri án efa sá erfiðasti sem hún hefði spilað. ''„Þetta var ótrúlega erfitt. Það munaði nánast aldrei meira en 1 til 2 mörkum á liðunum og við náðum aldrei að nýta þau tækifæri sem við fengum til að auka muninn. Ég er á því að spennustigið hjá okkur hafi einfaldlega verið of hátt, við gerðum okkur grein fyrir því að það gæti gerst en við náðum aldrei að vinna okkur út úr því. Nú þurfum við bara að koma þessum leik frá okkur, baráttan í deildinni heldur áfram og þar er titill í boði."''

=== '''Haukarnir hungraðri''' ===
Eins og áður hefur komið fram gekk ekki lítið á undir lok leiksins. Unnur Sigmarsdóttir fór ekki varhluta af því en þegar hún reyndi að stöðva Birgit Engl fór puttinn úr liði og Birgit slapp inn á völlinn. Unnur sagði í samtali við Fréttir að Haukaliðið hefði einfaldlega verið hungraðra í titilinn. ''„Mér fannst undirbúningurinn fyrir leikinn vera góður, svipaður og þegar við lékum gegn Stjörnunni í undanúrslitum. En spennustigið var of hátt og stressið virtist bara aukast eftir því sem leið á leikinn. Ég sagði í hálfleik að við hlytum að vera búnar með mistökin enda gerðum við mikið af þeim í fyrri hálfleik en þau urðu líklega helmingi fleiri í seinni hálfleik. Við þurfum núna að leggja áherslu á að koma þessum leik frá okkur. Það er margt framundan og við verðum að standa saman. Við eyddum laugardagskvöldinu saman enda er þetta eins og ein stór fjölskylda og mikilvægt að vinna saman úr þessu. Svo var líka mikilvægt að fá svona góðar móttökur því það sýndi okkur að fólk stendur við bakið á liðinu í blíðu og stríðu."''

=== '''Áttu ekki að missa boltann -Eða hvað?''' ===
Fróðir aðilar um reglur handboltans hafa eftir bikarúrslitaleikinn verið að velta því fyrir sér hvort ÍBV hefði í raun átt að missa boltann í lok leiksins. Reglurnar segja að ef um ólöglega skiptingu sé að ræða meðan leikur sé í gangi þá beri að vísa leikmanni þess liðs út af í tvær mínútur og liðið missir boltann. En ef leiktíminn er stóðvaður og ólögleg skipting á sér stað, þá er leikmanni vísað út af í tvær mínútur en liðið heldur boltanum.

=== '''Bragðdauft í Kaplakrika''' ===
Karlalið ÍBV lék gegn FH og fór leikurinn fram í Hafnarfirði. Úrslitin voru nánast ráðin um miðjan síðari hálfleik en lokatölur urðu 27 - 23. ÍBV byrjaði ágætlega og fyrri hálfleikur var jafn framan af. Liðin skiptust á að skora en um miðjan hálfleikinn sigu FH-ingar fram úr og náðu mest sex marka forystu en staðan í hálfleik var 14 - 9. Seinni hálfleikur fór svo illa af stað hjá ÍBV, Hafnfirðingar skoruðu fjögur mörk gegn einu marki ÍBV og náðu þar með átta marka forystu, 18 - 10. Undir lokin náðu Eyjapeyjar aðeins að klóra í bakkann og náðu muninum niður í fjögur mörk. En lengra komust þeir ekki og leikurinn endaði með fjögurra marka sigri Hafnfirðinga. Mörk ÍBV: Robert Bognar 9/5, Michael Lauritzen 3, Sindri Ólafsson 3, Erlingur Richardsson 2, Sigurður Bragason 2, Sigurður Ari Stefánsson 2, Kári Kristjánsson 1, Davíð Þór Óskarsson 1/1. Varin skot: Viktor Gigov 12/1

=== '''Heldur klaufalegt hjá Eyjamönnum''' ===
Karlalið ÍBV lék sinn fyrsta leik í deildarbikarnum í undir lok febrúar en liðið mætti Grindavík og fór leikurinn fram í Fífunni í Kópavogi. Bjarni Jóhannsson og lærisveinar hans í Grindavík eru taldir líklegir til árangurs í sumar. Gat Bjarni stillt upp sínu sterkasta liði sem Eyjamenn gátu hins vegar ekki, vantaði m.a. Bjarnólf Lárusson og Hjalta Jóhannesson sem veikti liðið óneitanlega. Þrátt fyrir það náðu strákarnir að standa í Suðurnesjaliðinu, sérstaklega í síðari hálfleik þegar liðið náði beittari sóknaraðgerðum. Grindvíkingar skoruðu hins vegar mörkin í leiknum og þau urðu tvö, sitt í hvorum hálfleiknum og endaði leikurinn því 0-2 fyrir Grindavík.

=== '''Góður sigur hjá 2. flokki''' ===
Eyjapeyjar áttu ekki í teljandi vandræðum með andstæðinga sína í ÍR að þessu sinni og sigruðu með átta mörkum, 24 - 32 eftir að staðan í hálfleik hafði verið 11-18. Mörk ÍBV: Davíð Þór Óskarsson 7, Kárí Kristjánsson 7, Sindri Ólafsson 5, Sindri Haraldsson 4, Sigurður Ari Stefánsson 4, Sigþór Friðriksson 3, Grétar Eyþórsson 1, Sævald Hallgrímsson 1.

=== '''Kvennaliðið komið af stað''' ===
Það hefur farið frekar lítið fyrir kvennaliði ÍBV í knattspyrnu eftir síðasta sumar enda gekk mikið á þá. Nú er liðið hins vegar komið aftur af stað eftir vetrarfrí og spilaði liðið sína fyrstu æfingaleiki í lok febrúar. Fyrst var leikið í Fífunni gegn Breiðablik og sigraði ÍBV 5 - 4 og skoraði Olga Færseth þar sitt fyrsta ÍBV-mark. Seinni leikurinn var svo leikinn á Ásvöllum, gegn FH og þar sigraði ÍBV l-0.

== '''MARS:''' ==

=== '''Ferðakostnaður að sliga íþróttahreyfinguna''' ===
Í upphafi mars birtist ítarleg grein um ferðakostnað íþróttahreyfingunar. En hreyfinginn hefur samgöngurnar við Eyjarnar á sjó voru ekki góðar og því þurfti ÍBV að mestu að treysta á flug. Eins og staðan er er ekki kvöldflug hjá Íslandsflugi þannig að flug með áætlunarflugi er ekki inni í myndinni. Flugfélag Vestmannaeyja hefur að mestu ferjað handboltalið til og frá Eyjum í vetur, bæði á Bakka og Selfoss auk þess sem lið hafa þurft að ferðast með Herjólfi. Magnús Bragason, formaður handknattleiksdeildar karla, sagði að ferðakostnaður hefði aukist undanfarin ár. „''Ég hef verið í handknattleiksráði síðustu sjö ár og höfum við prófað ýmsar útgáfur til að komast í leiki á þeim árum. Fyrstu þrjú árin versluðum við eingöngu við Flugfélag Vestmannaeyja og borguðum við þá 4900 krónur á mann til Reykjavíkur. Árið eftir sömdum við svo við Flugfélag Íslands um að borga 5400 á mann en sá ferðamáti var þægilegri enda flogið með allan hópinn í einu á Fokker-vél. I fyrra snerum við svo aftur til Flugfélags Vestmannaeyja og verðið var svipað og áður en í vetur hefur flugmiðinn hækkað mikið. Núna er flug til Reykjavíkur með Flugfélagi Íslands í raun ekki valkostur þannig að við fljúgum til Selfoss og tökum rútu til Reykjavíkur. Slíkt ferðalag kostar um 10 þúsund fyrir manninn. Af þessu má sjá að ferðakostnaður hefur á skömmum tíma næstum tvöfaldast en það er rosalega stór biti fyrir deild sem er ekki með meiri veltu en við erum með."'' sagði Magnús. ''„Ég talaði við HSI fyrir veturinn og varaði þá við en þeir hlustuðu ekki. Núna bregður hins vegar Reykjavíkurfélögunum þegar þau um að borga 150 þúsund eða meira fyrir flugið hingað en flest lið eru líka með annan flokk þannig að kostnaðurinn er orðinn umtalsverður fyrir þau. Ég var á formannafundi á og þar var afgreidd áskorun til menningamálanefndar ríkisins varðandi þingsályktunartillöguna sem fjallar um ferðakostnað íþróttafélaga. Formenn annarra félaga tóku mjög vel í þetta og virðast núna vera að opna augun fyrir þessu vandamáli. Ef við eigum að leysa þetta á einhvern hátt sjálfir þá verður HSI að skipuleggja næsta Íslandsmót í samráði við okkur og Flugfélagið þannig að árekstrar verði sem minnstir."''

=== '''Deildarbikarinn í augsýn''' ===
ÍBV mætti Val á Hlíðarenda en búist var við erfiðum leik hjá Eyjastelpum enda var þetta fyrsti leikur liðsins eftir bikarúrslitaleikinn. Hann sat í þeim til að byrja með en svo náðu þær að komast á strik og unnu Val sannfærandi, 16-23. Fyrri hálfleikur var jafn nánast allan tímann, ÍBV reyndar með undirtökin en liðin skiptust á að skora og staðan í hálfleik var jöfn, 9-9. Unnur Sigmarsdóttir hafði greinilega hitt naglann á höfuðið í hálfleiksmessu sinni því leikmenn ÍBV tóku öll völd á vellinum. Varnarleikur liðsins snarlagaðist, markvarslan fylgdi í kjölfarið og liðið náði hraðaupphlaupum. Jafnt og þétt jókst munurinn á liðunum og svo fór að ÍBV sigraði með sjö mörkum, 16-23. Mörk ÍBV: Alla Gorkorian 6/4, Anna Yakova 6, Sylvia Strass 4, Ingibjörg Jónsdóttir 2, Birgit Engl 2/1, Elísa Sigurðardóttir 1, Aníta Ýr Eyþórsdóttir 1, Anna Rós Hallgrímsdóttir 1. Varin skot: Vigdís Sigurðardóttir 17/3

ÍBV lék annan leik sinn á tæpum sólarhring þegar stelpurnar tóku á móti botnliði Fram. ÍBV átti ekki í vandræðum með Fram og sirguðu með þrettán marka mun, 34-19. Deildarmeistaratitillinn virðist nú vera innan seilingar. Mörk ÍBV: Anna Yakova 7/1(8/1), Birgit Engl 6(9/1)), Þórsteina Sigurbjörnsdóttir 5/1(6/1), Aníta Ýr Eyþórsdóttir 4(5), Alla Gorkorian 4/1(6/1), Ingibjörg Jónsdóttir 4(6), Björg Ó. Helgadóttir 1(2), Helle Hansen 1(5/1), Anna R. Hallgrímsdóttir (2). Varin skot: Vigdís 20/3

=== '''Fyrsti sigur ÍBV í deildarbikarnum''' ===
ÍBV mætti Víkingum í deildarbikar karla í knattspyrnu en leikurinn fór fram í Egilshöll. Liðin leika saman í B riðli en Víkingar höfðu sigrað í fyrsta leik sínum þegar þeir lögðu Valsmenn að velli. Eftir frekar jafnar fyrstu mínútur varð ÍBV fyrir áfalli. Þegar rétt um hálftími var búinn af leiknum fékk Hafþór Atli Rúnarsson að líta rauða spjaldið. Þrátt fyrir það hélst leikurinn í jafnvægi og staðan í hálfleik var 0-0. Um miðjan seinni hálfleikinn fór Bjarnólfur Lárusson einnig sömu leið og Hafþór og því voru Eyjamenn tveimur leikmönnum færri. En þrátt fyrir það skoruðu þeir sigurmarkið skömmu eftir það og var þar að verki Bjarni Rúnar Einarsson, sem lék í framlínunni með Gunnari Heiðari.

=== '''Jói og Maggi hætta''' ===
Einar styrkustu stoðir handknattleiksráðs karla undanfarin ár, þeir félagarnir Magnús Bragason og Jóhann Pétursson hafa ákveðið að draga sig í hlé eftir tímabilið. Jóhann sagði í samtali við Fréttir að þeir félagar væru búnir að standa lengi í þessum slag. ''„Við komum líklega ekki til með að hætta alveg afskiptum okkar af handboltanum og erum alveg tilbúnir að vera í bakvarðarsveit með nýju ráði. Þessi vinna hefur gefið manni mikið en eftir sjö ára samfellt starf þá er komin ákveðin þreyta í mann og við viljum í það minnsta minnka við okkur. Ég tel okkur vera að skila góðu búi enda hefur deildin verið rekin réttu megin við núllið allan tímann."''

=== '''Langþráður útisigur''' ===
Karlalið ÍBV sótti Aftureldingu heim, en bæði lið voru í neðri hluta deildarinnar. Leikurinn fór frekar rólega af stað en um miðjan fyrri hálfleikinn fengu Eyjamenn að finna fyrir refsivendi dómaraparsins og voru lengst af leikmanni færri. Þetta nýttu heimamenn sér og náðu mest fjögurra marka forystu en leikmenn ÍBV náðu að minnka muninn niður í tvö mörk fyrir hlé. Eyjamenn mættu svo mjög ákveðnir til síðari hálfleiks og fljótlega náðu þeir góðum tökum á leiknum. Liðið spilaði fínan vamarleik á þessum kafla og þar fyrir aftan varði Viktor Gigov vel. ÍBV náði mest sex marka forystu en heimamenn náðu að klóra í bakkann undir lokin. Mörk ÍBV: Robert Bognar 7, Sigurður Ari Stefánsson 6, Michael Lauritzen 5, Davíð Þór Óskarsson 5/3, Sigurður Bragason 3, Kári Kristjánsson 2, Sigþór Friðriksson 1, Sindri Ólafsson 1. Varin skot: Viktor Gigov 19.

=== '''Góð ferð hjá öðrum flokki''' ===
Annar flokkur lék tvo leiki aðra helgina í mars, fyrst gegn HK og svo gegn Aftureldingu. ÍBV er í harðri baráttu um laust sæti í úrslitum og þurfti nauðsynlega á stigum að halda. Fyrri leikurinn var gegn HK og leiddi lið ÍBV með fimm mörkum í leikhléi voru svo ekki í vandræðum með að klára leikinn og sigurinn var nokkuð öruggur. Lokatölur urðu 20 - 26. Mörk ÍBV: Davíð Óskarsson 8/2, Sigurður Ari Stefánsson 7, Kári Kristjánsson 6, Sindri Haraldsson 2, Sindri Ólafsson 1, Sigþór Friðriksson 1, Jens Elíasson 1. Leikurinn gegn Aftureldingu á sunnudeginum var öllu meira spennandi en Mosfellingar eru í efri hluta deilarinnar. Ekki er hægt að segja að varnarleikur hafi verið í hávegum hafður í fyrri hálfleik því alls voru skoruð 35 mörk fyrir hlé og skoraði Afturelding l8en ÍBV 17. Seinni hálfleikur var svo öllu rólegri í markaskorun þó að spennan hafi haldist áfram. Svo fór að liðin skildu jöfn, 30-30 og er ÍBV því enn í baráttunni um laust sæti í úrslitum. Mörk ÍBV: Sigurður Ari Stefánsson 9, Davíð Þór Oskarsson 7/6, Sigþór Friðriksson 5, Sindri Haraldsson 4, Kári Kristjánsson 3, Sindri Ólafsson 2. Knattspyrna, deildarbikarinn: Fylkir 1 - ÍBV 0

=== '''Stóðu í bikarmeisturunum''' ===
Knattspyrnulið ÍBV lék í deildarbikarnum föstudaginn 7.mars gegn Fylki. Eyjamenn gátu ekki stillt upp sínu sterkasta liði en þrátt fyrir það var leikurinn í járnum. Lokatölur urðu 1-0 fyrir bikarmeistarana og er ÍBV því í næstneðsta sæti B-riðils með þrjú stig. Þá lék liðið einnig æfingaleik gegn Þrótti Reykjavík og fór sá leikur fram á laugardeginum. Bæði lið stilltu upp hálfgerðum varaliðum. ÍBV sigraði Þrótt með fjórum mörkum gegn einu og skoruðu þeir Gunnar Heiðar Þorvaldsson og Pétur Runólfsson tvö mörk hvor.

=== '''Tryggðu sér deildarbikarinn''' ===
Kvennalið ÍBV lék tvo leiki aðra helgina í mars og fóru þeir báðir fram á heimavelli. Til þess að tryggja sér sigur í deildinni þurfti ÍBV á fjórum stigum að halda. ÍBV vann báða leikina og tryggði sér þar með deildarmeistaratitilinn, þrátt fyrir að tvær umferðir séu eftir. Leikurinn gegn Gróttu/KR byrjaði ekki vel en smám saman náðu stelpurnar tökum á leiknum og staðan í hálfleik var 15 - 11. Munurinn hélt áfram að aukast eftir leikhlé, mestur varð hann m'u mörk, 27-18 en gestimir náðu aðeins að laga stöðuna í síðari hálfleik og lokatölur urðu 29-23. Mörk ÍBV: Anna Yakova 11/1, Alla Gorkorian 4/1, Sylvia Strass 4, Ingibjörg Jónsdóttir 3, Ana Perez 3, Þórsteina Sigurbjörnsdóttir 3, Elísa Sigurðardóttir 1. Varin skot: Vigdís Sigurðardóttir 15/1.

Leikur ÍBV gegn FH kom flestum á óvart enda var mótspyrna gestanna mun meiri en flestir áttu von á. Svo fór að þrátt fyrir að ÍBV hefði undirtókin lengst af þá voru Hafnfirðingar aldrei langt undan og lokamínúturnar voru nokkuð spennandi. Sigur hafðist þó að lokum og þar með náðu Eyjastúlkur langþráðu takmarki að tryggja sér deildarmeistaratitilinn. Mörk ÍBV: Ingibjörg Jónsdóttir 9/1, Sylvia Strass 7, Alla Gorkorian 7, Anna Yakova 4, Ana Perez 1, Birgit Engll.

=== '''Fjölnismenn lagðir að velli''' ===
Þriðji flokkur karla gerði góða ferð í Grafarvoginn þegar liðið mætti Fjölnismönnum. Eyjapeyjar gerðu sér lítið fyrir og sigruðu með þremur mörkum en liðin sitja í sjötta og sjöunda sæti B riðils. Lokatölur urðu 23-26. Mörk ÍBV: Magnús Sigurðsson 6, Baldvin Sigurbjörnsson 4, Hilmar Björnsson 4, Benedikt Steingrímsson 4,Jens Elíasson 4, Sævald Hallgrímsson 4, Leifur Jóhannesson 4, Grétar Eyþórsson 4, Ingibjörn Jónsson 1, Guðni Ingvarsson 1.

=== '''Þrjár í U-21 árs landsliðinu''' ===
U-21 árs landsliðið leikur vináttuleik gegn Svíþjóð en ÍBV á þar þrjá fulltrúa. Þær Margrét Lára Viðarsdóttir, Lind Hrafnsdóttir og Rakel Rut Stefánsdóttir hafa allar verið valdar í átján manna hóp íslenska liðsins

=== '''Góðir sigrar hjá 2. flokki''' ===
Annar flokkur karla lék tvo leiki helgina 14- 16 mars gegn FH og Stjörnunni. Leikurinn gegn FH þótti nokkuð góður og hraður en ÍBV hafði þrátt fyrir það ávallt undirtökin. í hálfleik var staðan 18-14 fyrir ÍBV en leiknum lauk 31-27. Mörk ÍBV: Davíð Þór Óskarsson 10, Sigurður Ari Stefánsson 7, Sindri Ólafsson 5, Sindri Haraldsson 3, Kári Kristjánsson 3, Sigþór Friðriksson 1, Sævald Páll Hallgrímsson 1 og Eyjólfur Hannesson 1. Í seinni leiknum var aldrei spuming um hvort liðið færi með sigur af hólmi, ÍBV var mun sterkara liðið í leiknum og endaði hann með fimmtán marka sigri ÍBV, 40-25. Mörk ÍBV: Davíð Þór 10 Óskarsson, Sindri Ólafsson 8, Sigþór Friðriksson 7, Sindri Haraldsson 7, Jens Kristinn Elíasson 2, Sævald Páll Hallgrímsson 2, Baldvin Þór Sigurbjörnsson 1, Benedikt Óskar Steingrímsson 1, Magnús Sigurðsson 1, Sigurður Ari Stefánsson 1.

=== '''Handboltamessa''' ===
Handaboltafólk í kvenna- og karlaflokkum ÍBV fjölmennir til messu í Landakirkju sunnudaginn 23. mars og koma deildarmeistararnir okkar með bikarinn með sér til kirkju. Það eru bæði leikmenn og aðrir sem að handboltanum standa sem koma til kirkju. Tilgangurinn er að þakka allt það sem áunnist hefur og eiga saman góða stund í sóknarkirkjunni. Prestarnir hvetja því alla að koma fagnandi til kirkju og efla andann.

=== '''Naumt tap hjá 3ja flokki''' ===
Þriðji flokkur karla lék tók á móti Stjörnunni um miðjan mars. Þrátt fyrir að hafa verið yfir í hálfleik, 15- 14 töpuðu strákarnir með einu marki, 28-29. Þriðji flokkur er í sjötta sæti B-riðils en á inni nokkra leiki á hin liðin og gætu strákarnir fært sig upp töfluna með hagstæðari úrslitum. Mörk ÍBV: Vignir Svafarsson 7 mörk, Jens Kristinn Elíasson 5, Benedikt Óskar Steingrímsson 4, Baldvin Þór Sigurbjörnsson 3, Magnús Sigurðsson 3, Hilmar Bjönisson 2, Sævald Páll Hallgrímsson 2, Grétar Þór Eyþórsson, Leifur Jóhannessson 1.

=== '''ÍBV eignast bíla''' ===
Gengið hefur verið frá saminingum um að ÍBV fái full afnot af bifreiðum sem staðsettar verða á Bakka og Þorlákshöfn. Um er að ræða tvær 17 manna Ford Transit bifreiðar en það eru Vinnslustöðin og Ísfélagið sem hafa milligöngu um komu bifreiðanna.

=== '''Stóðu i bikarmeisturunum''' 20-24 ===
ÍBV mætti í Víkina í leik sem ekki var að neinu að keppa. Fyrri hálfleikur var ekki vel leikinn af hálfu ÍBV, stelpurnar virtust ekki vera með hugann við verkefnið og lentu strax fjórum mörkum undir. Um miðjan hálfleikinn kom hins vegar ágætur leikkafli þar sem munurinn var komst niður í eitt mark, 9-8 en staðan í hálfleik var 11 -9 fyrir Víkinga. Fljótlega í seinni hálfleik fór ÍBV að ná sínum eðlilega leik fram. Eyjastúlkur skoruðu fyrstu þrjú mörk hálfleiksins og komust þar með yfir. Forystuna lét liðið svo ekki af hendi það sem eftir lifði leiks og sigraði með fjórum mörkum 20-24. Mörk ÍBV: Ana Perez 6/2, Anna Yakova 6, Alla Gorkorian 6, Sylvia Strass 2, Ingibjörg Jónsdóttir 2, Birgit Engl I, Anna Rós Hallgrímsdóttir 1. Varin skot: Vigdís Sigurðardóttir 16.

=== '''Tap gegn ÍR''' ===
ÍBV tók á móti ÍR þann 14. Mars í lítið spennandi leik. Það tók ÍBV tíu mínútur að komast í gegnum varnarmúr ÍR-inga en það varð liðinu til happs að strákarnir vörðust vel þannig að gestirnir höfðu aðeins skorað fjögur mörk. Hægt og rólega minnkaði svo munurinn og fékk ÍBV kjörið tækifæri á að jafna stöðuna í 8-8 en fór illa með gott færi. Í staðinn skoruðu ÍR-ingar tvö mörk og voru yfir í hálfleik 7-9. Seinni hálfleikur byrjaði á svipuðum nótum og sá fyrri endaði, liðin skiptust á að skora en ÍR-ingar voru ávallt yfir. Um miðjan hálfleikinn fór leikmönnum að fækka ískyggilega en dómaraparið var duglegt að senda Eyjamenn í kælingu. Þetta fór í taugarnar á leikmönnum sem fengu í ofanálag réttar tveggja mínútna brottvísanir fyrir pirringinn og samtals voru leikmenn í tuttugu mínútur utan vallar en gestirnir aðeins í sex. ÍR-ingar nýttu sér þetta og áttu ekki í vandræðum með að tryggja sér sigurinn á lokamínútunum, 19-29. Mörk ÍB V: Davíð Þór Óskarsson 5/2, Sindri Ólafsson 3, Sigurður Bragason 3, Sigurður Ari Stefánsson 3, Erlingur Richardsson 2, Michael Lauritzen 2, Kári Kristjánsson 1. Varin skot: Viktor Gigov 12.

=== '''Hrópleg mismun un á löggæslukostnaði''' ===
ÍBV-íþróttafélag hefur sent dómsmálaráðherra bréf þar sem farið er fram á sem gleggstar upplýsingar um löggæslukostnað og annað sem snýr að þjóðhátíð. „''Við hjá ÍBV-íþróttafélagi erum mjög óánægðir með það ójafnrétti sem á sér stað varðandi löggæslukostnað á útihátíðum um verslunarmannahelgi. Þannig þurfa stórar hátíðir eins og Kántríhátíðin á Skagaströnd, Neistaflug á Neskaukstað og Síldarævintýrið á Siglufirði ekki að greiða löggæslukostnað en eru í beinni samkeppni við Þjóðhátíð Vestmannaeyja sem þarf að greiða milljónir ár hvert. Þá er ógetið stórra hátíða eins og Menningarnætur í Reykjavík og Landsmóts hestamanna sem greiða engan löggæslukostnað,"'' segir í bréfinu. Gerð er sú krafa að þjóðhátíðin sitji við sama borð og aðrar útihátíðir hvað varðar löggæslukostnað. „''Við óskum eftir skýrum svörum við því hvernig búast megi við að löggæslukostnaður verði innheimtur á næstu þjóðhátíð og hvað megi búast við mikilli endurgreiðslu frá hinu opinbera vegna sjóðs sem hefur að hluta greitt löggæslukostnað síðustu tvö ár,"'' eru lokaorð bréfsins sem Páll Scheving, framkvæmdastjóri ÍBV-íþróttafélags skrifar undir.

=== '''Tryggvi loks í náðinni''' ===
Tryggvi Guðmundsson, knattspyrnumaður hjá Stabæk, var í lok mars óvænt valinn í landsliðshóp Íslands sem leikur gegn Skotum ytra um helgina. Tryggvi hefur ekki verið inni í myndinni hjá Atla Eðvaldssyni, þjálfara að undanförnu og var t.d. ekki valinn fyrir leikinn gegn Skotlandi á síðasta ári þrátt fyrir góða frammistöðu með liði sínu. Tryggvi kemur inn í hópinn fyrir Heiðar Helguson sem meiddist en í samtali við Fréttir sagðist Tryggvi gera sér grein fyrir stöðu sinni í hópnum. ''„Það er auðvitað alltaf gaman að vera valinn í íslenska landsliðið þó svo að ég hefði viljað vera í upprunalega hópnum. Maður leggur auðvitað saman tvo og tvo þannig að ég á frekar von á því að ég fái að njóta leiksins frá hliðarlínunni. Ég hef ekkert ennþá heyrt í Atla enda hringir hann ekki út í leikmenn þegar þeir eru valdir en ég held samt sem áður að staðan sé þessi."''

=== '''Sigur gegn bikarmeisturunum''' ===
ÍBV og Haukar mættust í leik sem skipti engu máli. Þrátt fyrir það kom ekkert annað en sigur til greina hjá ÍBV enda höfðu Haukar unnið síðustu tvo leiki. Leikurinn fór reyndar ekki vel af stað fyrir ÍBV, gestirnir náðu strax þriggja marka forystu en innkoma Öllu Gorkorian, sem var á bekknum í byrjun, virkaði sem vítamínsprauta. Fljótlega komust heimastúlkur yfir og létu ekki af forystunni eftir það og staðan í hálfleik var 15-13. Seinni hálfleikur var kaflaskiptur til að byrja með, Haukar byrjuðu á að jafna en ÍBV náði aftur þriggja marka forystu en Haukar minnkuðu muninn niður í eitt mark 20-19. Það reyndist báðum liðum erfiður þröskuld að skora næsta mark, bæði fóru illa með góð færi og skoruðu ekki mark í rúmar fjórar mínútur. Sylvia Strass fékk svo tvöfalda tveggja mínútna brottvísun en þrátt fyrir það voru það leikmenn ÍBV sem fóru á kostum, skoruðu sjö mörk gegn aðeins tveimur mörkum gestanna undir lokin og sigruðu því 27 - 21. Ingibjörg Jónsdóttir, fyrirliði liðsins tók svo við deildarmeistarabikarnum í lok leiksins. Mörk ÍBV: Anna Yakova 9, Alla Gorkorian 8, Sylvia Strass 4, Ana Perez 1/1, Ingibjörg Jónsdóttir 2, Þórsteina Sigurbjörnsdóttir I, Elísa Sigurðardóttir 1, Aníta Yr Eyþórsdóttir 1. Varin skot: Vigdís Sigurðardóttir 6.

=== '''2. flokkur sigraði Víking''' ===
Annar flokkur karla lék í lok mars gegn Víkingum og fór leikurinn fram í Eyjum. Strákarnir voru ekki í vandræðum með gestina framan af og höfðu góð tök á leiknum í fyrri hálfleik. Eftir að hafa náð góðri forystu fyrir leikhlé, 22 - 14 slökuðu strákarnir fullmikið á og þegar rétt um tíu mínútur voru til leiksloka var munurinn kominn niður í tvö mörk. En þá settu strákarnir aftur í gír og sigruðu með fimm mörkum, 34 - 29. Mörk ÍBV: Sigurður Ari Stefánsson 10, Davíð Þór Óskarsson 9, Sindri Haraldsson 5, Sindri Ólafsson 4, Kári Kristjánsson 3, Sigþór Friðriksson 3, Sævald Hallgrímsson 2. Þriðji flokkur lék sömuleiðis gegn Víkingum en í þeim leik voru gestirnir sterkari. Reyndar vantaði nokkra leikmenn í lið ÍBV vegna veikinda en þeir sem eftir voru sýndu þó ágæta baráttu. Fyrri hálfleikur var í jafnvægi framan af en staðan í hálfleik var 12 - 16. I seinni hálfleik sigu svo gestirnir lengra framúr ÍBV og endaði leikurinn með tólf marka sigri Víkinga, 22-34. Mörk ÍBV: Sævald Hallgrímsson 11, Vignir Svafarsson 4, Jens Elíasson 2, Magnús Sigurðsson 2, Baldvin Sigurbjörnsson 1, Benedikt Steingrímsson 1, Ingibjörn Jónsson 1.

=== '''Stelpurnar töpuðu''' ===
Kvennalið ÍBV í fótboltanum lék í deildarbikarnum í lok mars en þær léku gegn Val og fór leikurinn fram í Reykjaneshöll. Alls voru skoruð sjö mörk í leiknum, þrjú þeirra skoraði ÍBV en Valsstúlkur fjögur og töldust þar með sigurvegarar. Nokkrir leikmenn ÍBV urðu fyrir meiðslum í leiknum og því varð að blása fyrirhugaðan æfingaleik af en hann átti að fara fram daginn eftir. Mörk ÍBV skoruðu þær Olga Færseth með tvö mörk og Margrét Lára Viðarsdóttir.

=== '''Skoskur landsliðsmaður til ÍBV''' ===
Kvennalið ÍBV er um þessar mundir að skoða skoskan leikmann að nafni Mhairi Gilmour. Sú mun eiga nokkra leiki með skoska landsliðinu að baki en Michelle Barr, núverandi leikmaður ÍBV spilar sömuleiðis með skoska liðinu en hún og Sigríður Ása Friðriksdóttir eru báðar komnar aftur í herbúðir ÍBV. Gilmour, sem er 23 ára, spilar úti á kanti eða í framlínunni og hefur verið að spila með Kilmamock í skosku deildinni. Hún mun væntanlega hitta ÍBV þegar liðið verður í Portúgal í æfingaferð í byrjun apríl.

=== '''Sigur á Val í deildarbikarnum''' ===
Karlalið ÍBV mætti Val í deildarbikarnum en leikurinn fór fram í Egilshöll. Þrátt fyrir frekar slakan fyrri hálfleik þá skoraði ÍBV undir lok fyrri hálfleiks og var þar að verki Gunnar Heiðar Þorvaldsson. Seinni hálfleikur var betri hjá leikmönnum ÍBV en fleiri urðu mörkin ekki og því sigraði ÍBV 1-0. Með sigrinum skaust liðið upp í fjórða sæti B-riðils efri deildar.

=== '''Draumurinn úti þetta árið''' ===
ÍBV lék sinn síðasta leik í vetur þegar liðið sótti KA heim. Eyjamenn héldu aðeins í KA framan af og skiptust liðin á að skora. Í sundur dró með þeim um miðjan fyrri hálfleikinn og náðu heimamenn fjögurra marka forystu áður en flautað var til leikhlés. Seinni hálfleikur var svo í svipuðum takti og sá fyrri endaði, heimamenn juku forystuna hægt og rólega og endaði leikurinn með átta marka sigri KA, 33-25. ÍBV lauk þar með tímabilinu, endaði í tíunda sæti, með jafn mörg stig og Stjarnan en hafði betur úr innbyrðis viðureignum og endaði því sæti ofar. Mörk ÍBV: Davíð Þór Óskarsson 7/2, Robert Bognar 6, Michael Lauritzen 4, Sigurður Bragason 4, Sigurður Ari Stefánsson 4. Varin skot: Viktor Gigov 16/1, Eyjólfur Hannesson 2.

=== '''Steingrímur snýr heim''' ===
Knattspyrnumaðurinn Steingrímur Jóhannesson skrifaði undir þriggja ára samning við ÍBV eftir að hafa dvalið hjá Fylki síðustu tvö tímabil.

=== '''Réttu megin við núllið''' ===
Reksturinn á handknattleiksliði hefur ávallt verið erfiður og hefur ástand samgangna við Eyjar ekki bætt úr skák fyrir þá sem koma að rekstri deildarinnar. Þeir hafa hins vegar haft það að leiðarljósi að skila deildinni réttu megin við núllið og hafa gert það undanfarin ár. I ár var farin sú leið að byggja upp á þeim strákum sem eru að koma upp úr öðrum flokki og fengu þeir mikla reynslu út úr vetrinum. Strákarnir ætla flestir að leika með liðinu næsta vetur þannig að reynslunni ríkari og með smá liðsstyrk ætti sól ÍBV að rísa á ný.

=== '''Stelpurnar komnar í undanúrslit''' ===
Kvennalið ÍBV er komið í undanúrslit Íslandsmótsins eftir að hafa lagt Fylki/IR nokkuð auðveldlega í tveimur leikjum en tvo sigurleiki þurfti til að komast áfram. Fyrri leikurinn var spilaður í Eyjum en gestirnir komu nokkuð á óvart á fyrstu mínútunum, tóku bæði Önnu Yakovu og Sylviu Strass úr umferð og fyrir vikið tók það leikmenn ÍBV smátíma að ná tókum á breyttum aðstæðum. Varnarleikur og markvarsla ÍBV var mjög slök í leiknum, sérstaklega í fyrri hálfleik. Engu að síður var ÍBV betra liðið og staðan í hálfleik var 13- 8. Í seinni hálfleik tóku leikmenn sig á, varnaleikurinn lagaðist og markvarslan í kjölfarið. ÍBV jók muninn örugglega og þegar upp var staðið munaði tólf mörkum á liðunum og lokatölur urðu 32-20. Mörk ÍBV: Þórsteina Sigurbjörnsdóttir 7, Alla Gorkorian 7/4, Anna Yakova 6, Sylvia Strass 5/1, Ingibjörg Jónsdóttir 3, Elísa Sigurðardóttir 1, Björg Ó. Kelgadóttir 1, Edda Eggertsdóttir 1, Aníta Ýr Eyþórsdóttir 1. Varin skot: Vigdís Sigurðardóttir 12/1.

Seinni leikur liðanna varð aldrei eins auðveldur og flestir áttu von á. ÍBV var í vandræðum í fyrri hálfleik, heimaliðið hélt áfram að taka tvo leikmenn ÍBV úr umferð. ÍBV lenti m.a. þremur mörkum undir í fyrri hálfleik, 10 - 7 en náði að snúa við taflinu fyrir leikhlé og var tveimur mörkum yfir í hálfleik, 11-13. Í seinni hálfleik jókst munurinn hins vegar og lyktaði leiknum með fimm marka sigri ÍBV, 28-23. Mörk ÍBV: Mörk ÍBV: Anna Yakova 9/1, Sylvia Strass 5/1, Birgit Engl 4, Edda Helgadóttir 2, Ingibjörg Jónsdóttir 2, Edda Eggertsdóttir 2/1, Alla Gorkorian 2, Anna Hallgrímsdóttir 1, Þórsteina Sigurbjörnsdóttir 1. Varin skot. Vigdís Sigurðardóttir 15/1.

=== '''Verðum að styrkja liðið''' ===
Viktor Ragnarsson hefur tekið við formennsku handknattleiksráðs karla. Viktor staðfesti það í samtali við Fréttir að Erlingur Richardsson yrði áfram með liðið. ''„Við höfum rætt við Erling og hann er til. Þá höfum við líka rætt við Robert Bognar og hann verður mjög líklega með okkur á næsta ári en Viktor Gigov ekki. Sindri Ólafsson ætlar í skóla næsta vetur og óvíst er með Michael Lauritsen. Þar með vantar okkur örvhentan hornamann og ljóst að við verðum að styrkja leikmannahópinn eitthvað fyrir næsta tímabil. Við erum bara að þreifa fyrir okkur með þau mál en eins og staðan er núna er ekkert fast í hendi."''

=== '''Skotarnir einfaldlega betri''' ===
Atli Jóhannsson og Gunnar Heiðar Þorvaldsson voru báðir í íslenska U- 21 landsliðinu sem lék á föstudagskvöldið gegn Skotum. Leikurinn endaði með eins marks sigri Skotanna en Gunnar Heiðar sagði í samtali við Fréttir að Skotarnir hefðu verið miklu betri. ''„Þetta var nánast bara eltingaleikur hjá okkur, Skotarnir tefla fram mjög öflugu liði með menn sem eru hjá liðum eins og Manchester United og Newcastle og hafa verið að spila á fullu í allan vetur. Við erum hins vegar flestir rétt að komast í form og fengum góða úthaldsæfmgu í að hlaupa á eftir þeim."''

ÆI A-leiknum voru tveir Eyjamenn í hópnum en bæði Tryggvi Guðmundsson og Birkir Kristinsson byrjuðu á bekknum. Tryggvi fékk svo tækifæri þegar fímm mínútur voru eftir, skipti þá við Eið Smára.

=== '''Stórsigur''' ===
ÍBV lék gegn Haukum í deildarbikarnum þann 23. mars. Eyjapeyjar sýndu Hafnfirðingum enga miskunn, með Steingrím Jóhannesson í byrjunarliðinu en hann skoraði fímm mörk í leiknum. Lokatölur 5-0.

=== '''Fyrstir að sigra KA''' ===
Í lok mars mættu strákarnir í öðrum flokki karla KA á útivelli en norðanmenn hafa undanfarin ár verið með eitt sterkasta liðið í þessum aldursflokki og höfðu fyrir leikinn ekki tapað leik í vetur og sátu efstir í deildinni. Eyjapeyjar létu það ekki slá sig út af laginu og sigruðu nokkuð óvænt með einu marki 27-28 eftir að hafa verið undir í hálfleik 14-13. Þar með hefur ÍBV tryggt sér sæti í átta liða úrslitum, liðið situr eins og er í sjötta sæti og á enn möguleika á fjórða sætinu. Mörk ÍBV: Davíð Þór Óskarsson 11, Sigurður Ari Stefánsson 10, Jens Elíasson 3, Sindri Haraldsson 2, Sigþór Friðriksson 2.

=== '''Sigur gegn Stjörnunni''' ===
Kvennalið ÍBV lék gegn Stjörnunni í deildarbikarnum í lok mars og fór leikurinn fram í Fífunni. ÍBV byrjaði vel í leiknum því eftir aðeins ellefu mínútna leik var staðan orðin 2 - 0 fyrir ÍBV. Ekki voru skoruð fleiri mörk í fyrri hálfleik en Garðbæingar virtust ætla að endurtaka leik ÍBV í upphafi síðari hálfleiks því strax á fyrstu mínútu minnkuðu þær muninn. Lengra komust þær hins vegar ekki og Eyjastúlkur innsigluðu sigur sinn skömmu fyrir leikslok og lokatölur því 3-l. Mörk ÍBV skoruðu þær Margrét Lára Viðarsdóttir 2 og Sara Sigurlásdóttir.

== '''APRÍL:''' ==

=== '''Aðalfundur ÍBV''' ===
Á aðalfundi ÍBV sem fram haldin var 9. apríl kom fram að skuldir félagsins lækkuðu verulega á síðasta ári. Fjallað var um málefni Félagsheimilis og samræmingu á barnastarfi í Eyjum. Páll Scheving, framkvæmdastjóri, segir lækkun skulda fyrst og fremst helgast af góðri afkomu á þjóðhátfð, fjáröflunum félagsins og aðhaldssemi í rekstri. Töluverð umræða var á fundinum um yfirtöku félagsins á starfsemi Félagsheimilisins við Heiðarveg en samningur þess efnis var gerður fyrir tæpu ári. Ljóst er að ágreiningur er um hvort rekstur Félagsheimilisins og ÍBV fer saman. Málinu var vísað til aðalstjórnar til frekari umfjöllunar. „''Menn ræddu samninga og stuðning fyrirtækja við einstakar deildir ÍBV og samræmingu á barnastarfi í Vestmannaeyjum. Þar er átt við að starfsemi ÍBV skarist ekki við æfingar hjá öðrum íþróttafélögum, kirkjunni, skólunum og öðru æskulýðsstarfi,"'' sagði Páll. Stjórn ÍBV var endurkjörin á fundinum en hana skipa: Óskar Freyr Brynjarsson, formaður, Stefanía Guðjónsdóttir, Smári Jökull Jónsson og Tryggvi Sæmundsson.

=== '''Voru 28 tíma a leiðinni''' ===
Karla og kvennalið ÍBV í knattspyrnu héldu í æfingaferðir í byrjun apríl, karlaliðið til Spánar og kvennaliðið til Portúgals. Ekki er hins vegar langt á milli liðanna sem eru stutt frá landamærunum og karlaliðið mun leika gegn íslenskum félagsliðum sem eru á sama stað og kvennaliðið og tekur aðeins nokkrar mínútur að keyra á milli landanna. Byrjunin var hins vegar ekki gæfuleg en öll liðin og íslenskir dómarar sem sjá um dómgæslu í Canela Cup voru komin um borð í þotuna en þá vildi ekki betur til en að vélin var biluð. Máttu liðin sitja í þrjá tíma í vélinni áður en þeim var hleypt aftur inn í flugstöðina. Þar dvöldu þau í tæpa tíu tíma og var þá komið í aðrar vélar og komust þau loksins út rúmum hálfum sólarhring á eftir áætlun. Í stað þess að fljúga á fyrirhugaðan áætlunarstað var flogið með hópinn til Lissabon og keyrt þaðan með rútu yfir landamærin sem tók eina átta tíma og var því ferðalagið góður sólarhringur. Magnús Gylfason, þjálfari ÍBV, sagði í samtali við Fréttir að það hefði verið slæmt að tapa þessum tíma í jafn stuttri ferð. „''Jú, vissulega setur þetta allt á annan endann í skipulagningu og ferðin missir að nokkru leyti marks. Það var ekki bara að við þyrftum að bíða eftir vélinni á Íslandi heldur tók við rútuferð þegar við komum út og við vorum ekki komnir á hótel fyrr en um hádegi á sunnudeginum eftir 28 tfma ferðalag. Enda bar leikurinn gegn Fylki þess merki, menn voru þreyttir, eins og reyndar Fylkismenn líka en ég varð einfaldlega að skipta öllum út af. Annars eru aðstæður hérna frábærar, veðrið gott og vellirnir líka."'' Næst lék ÍBV gegn Aftureldingu. ÍBV var ekki í teljandi vandræðum með Mosfellinga og urðu lokatölur 3-0. Mörk ÍBV skoruðu þeir Pétur Runólfsson, Gunnar Heiðar Þorvaldsson og Bjarni Rúnar Einarsson. Þá var ljóst að ÍBV myndi leika um fimmta sætið í mótinu og þar mætti ÍBV FH. Leikurinn var jafn og spennandi en Steingrímur Jóhannesson tryggði ÍBV sigurinn þegar hann skoraði eina mark leiksins. ÍBV tapaði þar með aðeins einum leik í mótinu, gegn Fylki þannig að liðið virðist vera á réttri leið fyrir átökin í sumar.

Kvennalið ÍBV er í Portúgal en það er aðeins um fimmtán mínútna keyrsla til Canela þar sem karlaliðið dvelur. ÍBV lék þrjá æfingaleiki, tvo gegn FH og svo gegn spænsku liði í Sevilla. A-lið ÍBV sigraði FH 7-1 og þar skoruðu Olga Færseth 3, Margrét Lára Viðarsdóttir 2 og nýjasti leikmaður liðsins, Skotinn Mhairi Gilmour 2 mörk. Næst lék B-lið ÍBV við FH og tapaðist sá leikur 2-3 en mörk ÍBV skoruðu þær Thelma Sigurðardóttir og Erla S. Sigurðardóttir. Síðasti leikur liðsins var svo gegn spænska úrvalsdeildarliðinu Deportivo Hispalis og vann ÍBV þann leik 6-1. Þar skoruðu Gilmour 2, Margrét Lára 2, Thelma og Sara Sigurlásdóttir eitt hvor. Heimir Hallgrímsson sagði að hann væri þokkalega sáttur við æfingaferðina. ''„Ég er alveg þokkalega sáttur við þessa ferð og kannski það eina sem mætti finna að henni var að ég hefði viljað mæta sterkari andstæðingum en við gerðum, leikirnir voru kannski aðeins of auðveldir fyrir A liðið."''

=== '''Tapaði tveimur leikjum''' ===
Þriðji flokkur karla lék laugardaginn 5. apríl tvo leiki. Fyrst var leikið gegn Aftureldingu og svo gegn Stjörnunni og töpuðust báðir leikirnir. Fyrri leikurinn gegn Aftureldingu fór vel af stað fyrir ÍBV þar sem Afturelding hafði aðeins tapað einum leik fram að því. Staðan í hálfleik var 13 - 13 og allt útlit fyrir spennandi leik. Þorgils Jónsson var að verja vel í marki ÍBV en hann kom ekki í veg fyrir að ÍBV tapaði leiknum og urðu lokatölur 34 - 25 fyrir heimaliðið. Mörk ÍBV: Vignir Svafarsson 7, Benedikt Steingrímsson 5, Jens Elíasson 3, Leifur Jóhannesson 3, Grétar Eyþórsson 3, Baldvin Þór Sigurbjömsson 2, Magnús Sigurðsson 1 og Hilmar Bjömsson 1. Leikurinn gegn Stjömunni var á svipuðum nótum og fyrri leikurinn. Fyrri hálfleikur var jafn og staðan þegar liðin gengu til búningsherbergja í hálfleik, 12- 11. Seinni hálfleikur var svo ekki eins góður hjá ÍBV og urðu lokatölur leiksins 35 -25. Mörk ÍBV: Jens Elíasson 6, Grétar Eyþórsson 5, Magnús Sigurðsson 4, Baldvin Sigurbjömsson 3, Sævald Páll Hallgrímsson 2, Benedikt Steingrímsson 2, Leifur Jóhannesson 2, Einar Páll Pálsson 1.

=== '''Létt hjá unglingaflokki''' ===
Unglingaflokkur í handbolta lék gegn Aftureldingu en gestirnir era neðstir í B-riðli með ekkert stig á meðan ÍBV er í efsta sæti. Styrkleikamunurinn á liðunum er mikill og kom hann skýrt fram í leiknum þar sem í hálfleik var staðan orðin 20 - 5 fyrir ÍBV. Seinni hálfleikur var svo svipaður og þeim fyrri og endaði leikurinn með 26 marka sigri ÍBV, 38-12. ÍBV er í öðru sæti B-riðils með átján stig og komst þar með í úrslit íslandsmótsins. Mörk ÍBV: Þórsteina Sigurbjörnsdóttir 11, Hildur D. Jónsdóttir 6, Ester Óskarsdóttir 6, Aníta Ýr Eyþórsdóttir 5, Björg Ó. Helgadóttir 4, Sæunn Magnúsdóttir 3, Viktoría Guðmundsdóttir 1, Hildur Bjarkardóttir 1, Þórunn Sigurðardóttir l.

=== '''Andri í U-19 ára landsliðið''' ===
Andri Ólafsson, knattspymumaðurinn efnilegi úr ÍBV, hefur verið valinn í U-19 ára landsliðið sem mun leika tvo æfingaleiki gegn Skotum, í Skotlandi dagana 22. og 24 apríl. Andri, sem er á átjánda ári, hefur spilað með U-17 ára liðinu að undanfömu en þetta er í fyrsta sinn sem hann er valinn í U-19 ára landsliðið.

=== '''ÍBV í úrslitin''' ===
ÍBV lék í undanúrslitum gegn Val en tvo sigra þurfti til þess að komast í sjálfa úrslitaleikina. Fyrri leikur liðanna fór framí Eyjum en hann var nokkuð jafn til að byrja með en smám saman tókst leikmönnum ÍBV að ná undirtökunum og í hálfleik var staðan ll:8 fyrir ÍBV. Í seinni hálfleik var sett í annan gír og ÍBV hreinlega valtaði yfir andstæðinga sína. Lokatölur leiksins urðu 27-17 og af leiknum að dæma var erfitt að sjá að Valur ætti möguleika gegn ÍBV. Mörk ÍBV: Alla Gorkorian 11/1, Anna Yakova 9/1, Birgit Engl 2, Ingibjörg Jónsdóttir 2, Edda Eggertsdóttir 1, Björg 0. Helgadóttir 1, Sylvia Strass 1. Varin skot: Vigdís Sigurðardóttir 18/1

Seinni leikurinn þróaðist á svipaðan hátt og sá fyrri, jafnt til að byrja með en svo seig ÍBV fram úr. Staðan í hálfleik var 15-8 fyrir ÍBV og úrslitin nánast ráðin. Engu að síður héldu stelpurnar áfram og náðu mest tíu marka forystu. En undir lokin var kæruleysi komið upp hjá leikmönnum ÍBV enda úrslitin ráðin. Valsstúlkur náðu að minnka muninn niður í fimm mörk og lokatölur urðu 27-22. Þar með er ÍBV komið í úrslit íslandsmótsins eftir að hafa komist í gegnum úrslitakeppnina án þess að tapa leik. Mörk ÍBV: Ingibjörg Jónsdóttir 6, Sylvia Strass 6, Alla Gorkorian 5, Anna Yakova 4, Þórsteina Sigurbjörnsdóttir 2, Birgit Engl 2, Anna Rós Hallgrímsdóttir 1, Björg Olöf Helgadóttir 1. Varin skot: Vigdís 17/2.

=== '''Sigur á KR''' ===
Kvennalið ÍBV lék gegn KR í deildarbikarkeppninni. Leikur liðanna fór fram í Reykjaneshöll og var mjög spennandi. Olga Færseth kom ÍBV í 1-0 í fyrri hálfleik og var það hálfleiksstaðan. KR-ingar jöfnuðu svo fljótlega í síðari hálfleik en Margrét Lára Viðarsdóttir kom ÍBV aftur yfir. ÍBV fékk svo vítaspyrnu sem nýttist ekki en KR-ingar misstu leikmann útaf þegar vítið var dæmt og lék ÍBV því einum leikmanni fleiri. Leikmönnum ÍBV tókst að halda forystunni og sigruðu því 2-1.

=== '''Enn gengur Atli framhjá Tryggva''' ===
Atli Eðvaldsson, landsliðsþjálfari valdi leikmannahóp íslenska landsliðsins sem mun leika vináttuleik gegn Finnum í Finnlandi 30. apríl. Birkir Kristinsson er á sínum stað og Hermann Hreiðarsson kemur aftur inn í hópinn eftir meiðsli en enn á ný gengur landsliðsþjálfarinn framhjá Tryggva Guðmundssyni. Tryggvi var kallaður óvænt inn í hópinn fyrir leikinn gegn Skotlandi á dögunum og spilaði síðustu fimm mínútur leiksins en hefur nú á ný misst sæti sitt.

=== '''Fjórði flokkur átti misjöfnu gengi að fagna''' ===
Fjórði flokkur kvenna í knattspyrnu lék í Faxaflóamótinu um miðjan apríl. Fyrst var leikið gegn Haukum og léku bæði A- og B-lið. Bæði lið töpuðu, A-liðið 0-4 og B 2-4. Síðar sama dag lék liðið svo gegn HK þar gerði A-liðið 4-4 jafntefli en B-liðið vann 9-0. Daginn eftir lék ÍBV svo gegn ÍA og fóru leikurinn fram á Skaganum. A-liðið tapaði 3-0, B-liðið vann sinn leik 2-10 og C-liðið vann einnig 2-5.

=== '''Frans á úrtaksæfingar''' ===
Frans Friðriksson hefur verið valinn til þess að taka þátt í úrtaksæfingum U-15 ára landsliðs íslands. Æfingarnar fara fram dagana 26. til 27. apríl í Reykjaneshöll og í Fífunni en í hópnum eru 32 leikmenn.

=== '''Gekk vel''' ===
Þórsteina Sigurbjörnsdóttir, handknattsleikskona úr ÍBV var með U-20 ára landsliði íslands í handknattleik í Júgóslavíu en þar lék liðið í undankeppni HM. Íslenska liðið tapaði öllum leikjunum en Þórsteina var í byrjunarliðinu í fyrstu tveimur leikjunum. ''„Mér gekk ágætlega, þrátt fyrir að við töpuðum leikjunum. Þetta var spennandi ferðalag, keppnishallirnar voru mjög fínar en umhverfið jaðraði við að vera sóðalegt."'' sagði Þórsteina.

=== '''Fékk keppnisleyfí''' ===
Nú hefur KSÍ gengið frá leyfisveitingum fyrir þau lið sem leika í úrvalsdeildinni í sumar. Öll liðin fengu keppnisleyfi en samkvæmt nýjum og hertari reglum dugir liðum ekki að vinna sér inn rétt til keppni í efstu deild heldur þarf rekstrargrundvöllur og umgjörð félaganna að vera í lagi.

=== '''Í byrjunarliðinu''' ===
U-19 ára landslið íslands lék þann 22.apríl gegn jafnöldrum sínum í Skotlandi en leikurinn fór fram ytra. Andri Ólafsson, leikmaður ÍBV var í byrjunarliðiði íslenska liðsins sem fór með sigur, 2-1 en markalaust var í hálfleik.

=== '''Margrét Lára á úrtaksæfingar''' ===
Margrét Lára Viðarsdóttir, knattspyrnukona úr ÍBV, hefur verið valin til þess að taka þátt í úrtaksæfingum U-17 ára landsliðs Íslands en æfingarnar fara fram um fyrstu helgina í maí.

=== '''Stórsigur í furðulegum leik''' ===
Karlalið ÍBV í knattspyrnu lék gegn FH í deildarbikarnum en þjálfarar beggja liða höfðu komið sér saman um að fresta leiknum þar sem bæði lið voru að koma úr erfiðri æfingaferð. KSÍ samþykkti það hins vegar ekki en þar sem búið var að gefa meistaraflokksleikmönnum liðanna frí var ákveðið að tefla fram öðrum flokki. Magnúsi Gylfasyni, þjálfara ÍBV gekk hins vegar illa að ná í lið þar sem ófært var milli lands og Eyja og því urðu nokkrir meistaraflokksleikmenn í liðinu. Eftir hálftíma leik var staðan orðin 4 - 0 fyrir ÍBV en leiknum lyktaði svo með sjö marka sigri ÍBV 7-0. Magnús hefur greinilega notað tækifærið til þess að skoða ýmsa möguleika, þannig setti hann Birki Kristinsson í fremstu víglínu síðustu mínúturnar auk þess sem Sveinn Sveinsson, aðstoðarþjálfari liðsins, spilaði einnig í síðari hálfleik. FH-ingar voru ekki ánægðir með þetta, töldu að ÍBV hefði ekki staðið við sitt að mæta með 2. flokk í leikinn að því er kemur fram í Morgunblaðinu.

=== '''Töpuðu gegn Þrótti''' ===
ÍBV lék síðasta leik sinn í riðlakeppni deildarbikarsins en þá mætti liðið Þrótti og fór leikurinn fram á gervigrasinu í Laugardal. ÍBV hafði þegar tryggt sér sæti í átta liða úrslitum en Þróttarar þurftu nauðsynlega á sigri að halda. Heimamenn voru mun sterkari aðilinn í leiknum og sóttu meira í fyrri hálfleik. Staðan í hálfleik var 1-0 fyrir Þrótt en þeir bættu einu marki við fyrir leikslok og sigruðu því 2-0.

=== '''Magnaðar lokasekúndur''' ===
ÍBV og Haukar léku sinn fyrsta leik á laugardaginn 26.apríl í úrslitum Íslandsmótsins í handbolta, en þrjá sigurleiki þarf til að tryggja sér titilinn. Leikurinn fór fram á heimavelli ÍBV þar sem liðið hafði tryggt sér heimaleikjaréttinn eftir deildarkeppnina. Leikurinn var vægast sagt mjög spennandi og mikil stemmning var á meðal sjö hundruð áhorfenda sem fylltu íþróttahöllina. Leikurinn fór ekki vel af stað fyrir ÍBV, liðið lenti fljótlega þremur mörkum undir, 1 -4 en stelpumar bitu í skjaldarrendur og náðu að jafna leikinn í 5-5. Eftir það skiptust liðin á að skora, Íslandsmeistarar Hauka höfðu samt sem áður undirtökin en Eyjaliðið var aldrei langt undan. Þegar skammt var eftir af fyrri hálfleik var staðan 11-13 fyrir gestina en ÍBV skoraði tvö síðustu mörkin fyrir leikhlé og staðan í hálfleik var 13-13. Seinni hálfleikur var svo í járnum framan af, ÍBV skoraði fyrsta markið en aftur náðu gestirnir undirtökunum og voru fyrri til að skora. En í stóðunni 19-20 hrökk lið ÍBV í gang og skoraði næstu fjögur mörk og lagði þar með grunninn að sigri sínum. Haukar reyndu að taka tvo leikmenn úr umferð undir lok leiksins en höfðu ekki erindi sem erfiði og ÍBV sigraði því með sex marka mun, 29-23. Mörk ÍBV: Alla Gorkorian 8/2, Anna Yakova 8, Þórsteina Sigurbjömsdóttir 4, Ana Perez 3/3, Sylvia Strass 3, Birgit Engl 2, Ingibjörg Jónsdóttir I. Varin skot: Vigdís Sigurðardóttir 13.

Liðin mættust aftur nokkrum dögum síðar á Ásvöllum í æsispennandi leik. Fyrri hálfleikur var Eyjaliðinu erfiður, á tímabili var munurinn fjögur mörk, Haukum í vil en með mikilli baráttu tókst stelpunum að jafna fyrir leikhlé, 12-12. Seinni hálfleikur var betri af hálfu ÍBV og náðu þær forystunni en heimaliðið neitaði að gefast upp. ÍBV var með tveggja marka forystu undir lokin en Haukar jöfnuðu í 25-25 og svo 26-26 þegar aðeins 23 sekúndur voru eftir af leiktímanum. Unnur Sigmarsdóttir tók þá leikhlé og leikmenn réðu ráðum sínum. Síðasta sókn ÍBV gekk brösuglega enda leikmanni færri og þegar aðeins rúmar tvær sekúndur voru eftir fékk ÍBV aukakast. Leikmenn stilltu upp fyrir Öllu Gorkorian sem skoraði sigurmarkið um leið og leiktíminn rann út og lokatölur 26-27 fyrir ÍBV. Þar með er ÍBV komið með aðra höndina á Islandsmeistaratitilinn. Mörk ÍBV: Anna Yakova 8, Sylvia Strass 7, Alla Gorkorian 5, Ana Perez 3, Ingibjörg Jónsdóttir 2, Edda Eggertsdóttir I, Birgit Engl I. Varin skot: Vigdís Sigurðardóttir 15/2.

=== '''Fjölmennt og vel heppnað mót''' ===
Síðustu helgina í apríl fór fram í Eyjum síðasta fjölliðamót Íslandsmótsins í sjötta flokki karla í handbolta. Alls komu hingað um 600 manns í tengslum við mótið en auk þess fylgdi góður hópur af foreldrum þannig að þetta handboltamót er svipað að stærðargráðu og Vöruvalsmótið í fótbolta. Alls voru 49 lið skráð til leiks, frá 14 félögum og voru leiknir 128 leikir á þremur dögum. Páll Scheving, framkvæmdastjóri ÍBV, bar hitann og þungann af skipulagningu helgarinnar og hann sagði í samtali við Fréttir að allt hefði gengið eins og vel smurð vél. „''Ég held að þetta hafi hreinlega gengið eins vel og mögulegt var og ég hef ekki heyrt annað en að allir séu ánægðir. Þetta er annað árið í röð sem við höldum svona fjölmenn mót, í fyrra vorum við með tvö en aðeins eitt í ár. Við reynum líka að gera þetta svolítið sérstakt, höfum sérstaka umgjörð í kringum úrslitaleikina þar sem allir leikmenn eru kynntir með öllu tilheyrandi. Svoleiðist þekkist ekki hjá öðrum félögum sem halda svona mót enda eru strákarnir með stjömur í augunum á meðan þessu stendur."'' En hvernig gekk að koma þessu heim og saman á aðeins þremur sólarhringum? „''Við Eyjamenn erum auðvitað orðnir ótrúlega sjóaðir í svona mótahaldi og héma er mikil reynsla og þekking þegar kemur að svona vinnu. Við búum líka við það að hér býr duglegt fólk sem er tilbúið að hjálpa til. HSÍ hefur gefið það út að leyfilegt sé að vera aðeins með einn dómara á leik en við settum okkur það markmið að vera með tvo á hverjum einasta leik og það tókst. Við eram líka með frábæra aðstöðu héma í Eyjum, þrjá löglega handboltavelli í sama húsinu þannig að það eru ekki mörg félög í landinu sem geta haldið svona glæsileg mót."''

Hjá A-liðum varð Afturelding íslandsmeistari en samanlagður árangur úr öllum fjölliðamótum vetrarins skar úr um það. Í B- og C-liðum urðu hins vegar Haukar Islandsmeistarar. ÍBV var að sjálfsögðu með þrjú lið í mótinu en þau unnu ekki til verðlauna að þessu sinni.

=== '''Tveir góðir sigrar hjá stelpunum''' ===
Kvennalið ÍBV í knattspyrnu lék tvo leiki í deildarbikamum í lok apríl. Fyrst lék liðið gegn Breiðabliki á laguardag en ÍBV hafði til þessa aldrei unnið Breiðablik í opinberu móti. Sú grýla var hins vegar kveðin í kútinn því ÍBV sigraði 5-3 eftir að hafa komist í 5- 1. Mörk ÍBV: Margrét Lára Viðarsdóttir 2, Olga Færseth, Íris Sæmundsdóttir og Mhairi Gilmour. Síðari leikurinn fór svo fram daginn eftir og þá var leikið gegn Þór/KA/KS. ÍBV var óvænt undir í hálfleik, 1 -2 en leikmönnuin liðsins tókst að snúa leiknum sér í hag í þeim síðari og ÍBV vann 4-2. Mörk ÍBV: Olga Færseth, Mhairi Gilmour, Thelma Sigurðardóttir og Svetlana Balinskaya. TværfráÍBV Það var ekki eintóm hamingja í herbúðum kvennaliðs ÍBV í knattspyrnu því þrátt fyrir tvo góða sigra í deilarbikarnum þá varð liðið fyrir áfalli um helgina. Pálína Bragadóttir, sem gekk í raðir ÍBV fyrr í vetur, meiddist í æfingaferð liðsins í Portúgal og um helgina kom í ljós að hún er með slitin krossbönd í hné og kemur þar af leiðandi ekki til með að leika með liðinu í sumar. Þá mun Elva D. Grímsdóuir ekki heldur leika með liðinu þar sem hún fylgir unnusta sínum, Birki Pálssyni, austur á land þar sem hann mun leika með Hugin í sumar en bæði Elva og Pálína hafa verið að leika vel á undirbúningstímabilinu

== '''MAÍ:''' ==

=== '''Góður samningur við Ölgerðina''' ===
ÍBV náði á dögunum mjög góðum samningi við Olgerð Egils Skallagrímssonar og Óskar Freyr Brynjarsson sagði í samtali við Fréttir að þrátt fyrir góðan samning félagsins við Vífilfell komi nýi samningurinn til með að hjálpa mikið í rekstrinum. „Við náðum mjög góðum samningi við Ölgerðina sem kemur að öllu okkar starfi, Þjóðhátíð, Shell- og Vöruvalsmóti, knattspyrnu og handbolta og starfi yngri flokkana. Samningurinn við Vífilfell rennur út í sumar en við höfum átt mjög gott samstarf við þá. En við verðum að hafa í huga hvað þetta er viðamikill rekstur, fyrir utan þjóðhátíð, Shell- og Vöruvalsmót sendum við 25 flokka í íslandsmót í handbolta og fótbolta."

=== '''Yfirlýsing frá ÍBV- íþróttafélagi''' ===
Ágætu Eyjamenn og stuðningsmenn ÍBV. Árlega heldur ÍBV- íþróttafélag þjóðhátíð í Herjólfsdal. Gríðarlegur kostnaður er samfara þeim hátíðahöldum. Einn er sá kostnaðarliður sem við hjá ÍBV teljum mjög ósanngjarnan en það er kostnaður við löggæslu. Það skal tekið skýrt fram að ÍBV sér um gæslu á þjóðhátíð sem Björgunarfélag Vestmannaeyja hefur forgöngu um en löggæslan er því til viðbótar. Ekki er ólíklegt að löggæslukostnaður á Þjóðhátíð 2003 gæti verið um kr. 4.000.000.- Eins og staðan er í dag gæti ÍBV þurft að greiða þennan kostnað. Við hjá ÍBV höfum óskað eftir því frá stjórnmálaflokkum sem bjóða fram til alþingiskosninga 2003 að þeir standi með okkur í því baráttumáli að löggæslukostnaður falli ekki á ÍBV vegna þjóðhátíðar líkt og er t.d. með Menningarnótt Reykjavíkur, 17. júní skemmtun í Reykjavík, Neistaflug í Neskaupstað, Sfldarævintýri á Siglufirði o.fl. ÍBV hefur afhent stjórnmálafokkum yfirlýsingu þessa og óskað eftir skriflegu samþykki þeirra fyrir þessu sanngjarna baráttumáli ÍBV sem skiptir félagið gríðalega miklu máli. ÍBV mun fylgja þessu máli vel eftir og gera grein fyrir því opinberlega hvernig stjórnmálaflokkarnir taka á þessu sanngirnismáli nú fyrir kosningar og biðjum við ykkur ágætu Eyjamenn sem stuðningsmenn ÍBV að standa þétt við bakið á félaginu okkar

F.h. ÍBV-íþróttafélags: Að þessari yfírlýsingu standa allar deildir ÍBV-íþróttafélags ásamt aðalstjórn.

=== '''Besti árangur ÍBV frá upphafi''' ===
ÍBV tryggði sér Íslandsmeistaratitilinn þegar liðið mætti Haukum í þriðja leik liðanna um Íslandsmeistaratitilinn. Sterkur varnarleikur einkenndi fyrstu mínútur leiksins og fyrsta markið kom ekki fyrr en eftir fimm mínútur og voru það gestirnir sem skoruðu. Haukar, líkt og í fyrstu viðureign liðanna í Eyjum, héldu forystunni framan af og virtust vera meira tilbúnar í slaginn en heimaliðið. Munurinn varð þó aldrei meira en tvö mörk og þegar flautað var til leikhlés höfðu Haukar betur með einu marki, 10:11. Sama var upp á teningnum í upphafi síðari hálfleiks og náðu gestirnir þriggja marka forystu í upphafi seinni hálfleiks. Þá kom Alla Gorkorian aftur til leiks en hún var tekin út af um miðjan fyrri hálfleik og var greinilega ekki sátt við það. Hún sýndi hversu mikilvæg hún er Eyjaliðinuá þessum kafla, átti glæsilegar sendingar þvert yfir völlinn í hraðaupphlaupum ÍBV, stal boltanum af Haukum og skoraði glæsileg mörk. Áður en hennar kafli var búinn var ÍBV komið yfir 16:15 og gríðarleg stemmning í húsinu. Nú tók við mikill darraðardans þar sem liðin skiptust á að ná forystu. Haukar komust tveimur mörkum yfir þegar fimm mínútur voru til leiksloka 18:20 og virtust hafa þetta í hendi sér. Eyjakonur skoruðu næstu tvö mörk leiksins og staðan var jöfn. Aftur fengu Haukar tækifæri á að komast yfir þegar rúmar tvær mínútur voru eftir. Þær náðu að galopna vörn ÍBV en Nína K. Björnsdóttir skaut í gólfið og hátt yfir úr dauðafæri. ÍBV-liðið brunaði fram og af miklu harðfylgi skoraði Birgit Engl tuttugasta og fyrsta mark ÍBV. Og allt ætlaði um koll að keyra á áhorfendabekkjunum í Eyjum. Haukaliðið hafði því einn möguleika enn og nú að knýja fram framlengingu en hrikaleg sending Nínu hafnaði beint í höndunum á Öllu Gorkorian sem brunaði fram ásamt samherjum sínum og skoraði svo sjálf tuttugasta og annað mark ÍBV sem jafnframt var lokamark Íslandsmótsin sþetta tímabilið. Gríðarleg fagnaðarlæti brutust út í húsinu.Það var enginn vafi hver var maður leiksins. Vigdís Sigurðardóttir átti sannkallaðan stórleik og er það ekki í fyrsta skiptið sem hún dregur vagninn þegar ÍBV er annars vegar, þrjú vítaköst varði hún og samtals 25 skot í leiknum. Mörk ÍBV: Alla Gorkorian 8/2, Ingibjörg Jónsdóttir 3, Birgit Engl 3, Sylvia Strass 3, Anna Yakova 3, Edda Eggertsdóttir 1, Ana Perez 1. Varin skot: Vigdís Sigurðardóttir 25/3

=== '''Mikil seigla''' ===
Unnur Sigmarssdóttir, þjálfari ÍBV, var að stýra liðinu í fyrsta sinn á þessum vetri og landaði hún tveimur titlum, þeim stóra og deildarmeistaratitlinum – hún var sátt í samtali við Morgunblaðið þegar stóri bikarinn var kominn í höfn. ''„Já, ég er mjög sátt við það, ég er með frábært lið í höndunum, við sýndum mikinn karakter og snerum leiknum algjörlega okkur í vil á réttum tímapunkti og kláruðum þetta bara.“'' Unnur bætti því við að leikurinn hefði boðið upp á allt það sem góður handknattleiksleikur getur boðið upp á. „''Þetta var mjög spennandi, hreinlega alveg frábær leikur og það er ekki hægt að bjóða fólki upp á meiri skemmtun en þetta, það er alveg á hreinu''.“

=== '''Ingibjörg, Vigdís og Varði kveðja''' ===
I lok leiksins gáfu þær Ingibjörg Jónsdóttir og Vigdís Sigurðardóttir það út að þær hyggist báðar leggja skóna á hilluna. Það verður vissulega sjónarsviptir að þeim Ingibjörgu og Vigdísi enda hafa þær verið andlit ÍBV út á við, Ingibjörg sem fyrirliði liðsins og Vigdís leysti Ingibjörgu af í því hlutverki fyrir tveimur árum. Þá hefur Þorvarður Þorvaldsson, formaður deilarinnar, ákveðið að draga sig í hlé og gefa öðrum tækifæri á að spreyta sig á starfinu.

=== '''Leikið í deildarbikarnum''' ===
Karlalið ÍBV lék gegn ÍA í átta liða úrslitum í deildarbikarnum. Skagamenn vom öllu beittari í leiknum og komust yfir strax á níundu mínútu þegar þeir skomðu úr víti. Það var svo ekki fyrr en þegar rúmur stundarfjórðungur var eftir að Skagamenn bættu við öðru markinu. Eftir mikinn klaufagang við mark ÍBV náðu þeir að pota boltanum inn eftir að ÍBV hafði mistekist nokkrum sinnum að hreinsa frá marki.

Kvennalið ÍBV lék í undanúrslitum en liðið mætti Breiðabliki og fór leikurinn fram í Fífunni. Byrjunin á leiknum var vægast sagt afleit hjá ÍBV, eftir fimmtán mínútna leik var staðan orðin 3-0 Blikum í vil. Ekki voru skoruð fleiri mörk í fyrri hálfleik en í þeim síðari komust Blikar í 4-0 áður en ÍBV minnkaði muninn. Lokatölur urðu 4-2 og skoruðu Olga Færseth og Mhairi Gilmour.

=== '''Yngri flokkarnir''' ===
Bæði annar og þriðji flokkur léku gegn HK og sigruðu báðir flokkar leikina. Annar flokkur karla sigraði með tuttugu marka mun, 35-15 eftir að staðan hafði verið 14-9 í hálfleik. Mörk ÍBV: Sigþór Friðriksson 8, Davíð Óskarsson 7, Kári Kristjánsson 6, Sigurður Ari Stefánsson 5, Guðni Ingvarsson 4, Sindri Haraldsson 3, Leifur Jóhannesson 3. Þriðji flokkur lék einnig gegn HK og sigruðu þeir sinn leik með einu marki, 22-21.

=== '''Sylvia og Birgit áfram''' ===
Í hófi sem bæjarstjórn Vestmannaeyja hélt til heiðurs Íslandsmeistumm ÍBV var greint frá því að austurrísku leikmennirnir í liðinu, þær Sylvia Strass og Birgit Engl, hafi ákveðið að leika með liðinu aftur á næsta ári. Þær stöllur skrifuðu báðar undir eins árs samning en fyrir höfðu forráðamenn ÍBV tryggt áframhaldandi þjónustu þeirra ÖIlu Gorkorian og Önnu Yakovu.

=== '''Karen Burke aftur í ÍBV''' ===
Enski landsliðsmaðurinn Karen Burke hefur ákveðið að leika aftur með ÍBV en hún kom fyrst til liðs við liðið árið 1998 en lék lítið með liðinu þá. Karen lék hins vegar bæði árið 1999 og árið 2000 en hefur ekki leikið með ÍBV síðan. Hún er 32 ára, sókndjarfur miðjumaður og hefur skorað 16 mörk í 21 leik með ÍBV.

=== '''Ensku strákarnir með ÍBV í sumar''' ===
Ensku Ieikmennimir sem ÍBV hefur verið að skoða undanfarna dag munu leika með ÍBV í sumar. Um er að ræða varnarmanninn Tom Betts og svo sókndjarfan miðjumann að nafni Ian Jeffs en báðir koma þeir frá enska 2. deildarliðinu Crewe Alexandra en liðið vann sér sæti í 1. deild á næstu leiktíð. Báðir eru leikmennirnir 21 árs.

=== '''Kári í landsliðshópinn''' ===
Kári Kristjánsson, handboltakappi úr ÍBV, hefur verið valinn í íslenska ungmennalandsliðið skipað leikmönnum fæddum 1984 og síðar.

=== '''Erum tilbúnir í slaginn''' ===
Eyjamenn réðu til sín nýjan þjálfara fyrir komandi átök en sá heitir Magnús Gylfason. Magnús segir í samtali við Fréttir að þrátt fyrir erfiðar aðstæður þá sé hann nokkuð sáttur við undirbúning liðsins? „''Ég er mjög sáttur við undirbúninginn og tel að liðið sé á réttu róli fyrir fyrsta leik. Við höfum verið að fá menn inn í hópinn sem ég hef mikla trú á auk þess að vera með sterka einstaklinga fyrir í hópnum. Annars hefur þetta gengið vel og þótt við höfum verið í tveimur hópum, sem er nýtt fyrir mér, þá held ég að æfingaferðin til Spánar hafi hjálpað okkur mikið. Við spiluðum mikið í deildarbikamum eftir áramót þannig að þá fékk ég tækifæri á að kynnast Ieikmönnum og þeir mér."'' Er liðið klárt fyrir fyrsta leik? „''Ég mundi segja að við séum að verða klárir í slaginn. Meiðsli hafa auðvitað sett eitthvert strik í reikninginn en það má búast við slíku þegar álagið eykst þannig að við erum bara á góðu róli."'' Nú hafa menn verið að spá um gengi ÍBV og flestir eru á því að liðið muni verða í neðri hluta deildarinnar, eigum við von á erfiðu sumri? ''„Ég held við getum verið sammála um að liðið sé ungt að árum og liðið lenti í basli á síðustu leiktíð. En ég vona að við séum búnir að styrkja hópinn nægilega til að við getum staðið okkur."''

=== '''Ingibjörg og Bognar best''' ===
Það var mikið um dýrðir í Höllinni föstudagskvöldið 9. maí þegar ÍBV- íþróttafélag efndi til mikillar samkomu þar sem saman voru komnir forráðamenn félagsins, leikmenn, bæði handboltafólk og knattspyrnumenn auk fjölda stuðningsmanna, í allt um 250 manns. Hápunktur kvöldsins var svo uppgjör vetrarins í handboltanum þar sem stelpurnar í meistaraflokki stálu senunni með sína þrjá titla eftir veturinn. Þær eru meistar meistaranna 2002, deildarmeistarar 2003 og loks Íslandsmeistarar ársins 2003. Kvöldið var í alla staði hið glæsilegasta og umgjörðin eins og hún getur best orðið og á borðum voru dýrindis réttir. Mikið var um ræðuhöid þar sem mikið lof var borið á félagið, stjórnendur þess og ekki síst það mikla starf sem bæði keppendur og sjálfboðaliðar eru tilbúnir að leggja á sig. Unnur Sigmarsdóttir, þjálfari Kvennaliðs ÍBV, stiklaði á stóru í árangrí vetrarins. Þar kom fram að leikjafjöldi liðsins var í vetur 55; æfíngaleikir, bikarleikir, deildarleikir og úrslitakeppni. Þrír leikir töpuðust, tveir urðu jafntefli og 50 unnust, „og geri aðrir betur," sagði Unnur. Þá kom einnig fram að liðið hefði verið 318 klst. við æfíngar og 230 klst. hefðu farið í ferðalög, eða samtals 3,5 mánuðir miðað við átta stunda vinnudag. Ingibjörg Jónsdóttir var kjörin besti leikmaður íslandsmeistaranna, Robert Bognar var bestur hjá körlunum og Alla Gorgorian var markahæst. Eyjólfur Hannesson og Hildur Sólveig Sigurðardóttir voru valin efnilegustu leikmennirnir. Davíð Þór Óskarsson og Þórsteina Sigurbjörnsdóttir hlutu Fréttabikaranna.

=== '''ÍBV í viðræðum við Eradze''' ===
Forráðamenn handknattleiksliðs karla eru komnir á fullt við undirbúning næsta tímabils en þegar hefur ráðið tryggt að leikstjórnandinn og Ungverjinn, Robert Bognar verði áfram með á næstu leiktíð. Þá mun landi hans vera í skoðun og miklar líkur á því að hann gangi til liðs við ÍBV. Þar er á ferð sterkur órvhentur leikmaður sem getur leikið bæði í homi og í skyttuhlutverki. Þá er ÍBV einnig í viðræðum við landsliðsmarkvörðinn Roland Eradze, sem lék með Valsmönnum í vetur. ÍBV var einnig í viðræðum við markverðina Jóhann Guðmundsson og Hörð Flóka Ólafsson.

=== '''Stórsigur hjá ÍBV''' ===
ÍBV og KFS áttust við í bryjun maí á Helgafellsvelli. Leikurinn var jafn framan af og mátti varla á milli liðanna sjá. En smám saman náðu leikmenn ÍBV undirtökunum og staðan í hálfleik var 2-l. Í seinni hálfleik kom hins vegar góður leikkafli hjá ÍBV sem skoraði fjögur mörk á stuttum tíma og botninn datt úr leiknum. Lokatölur urðu svo 6-1 fyrir ÍBV, ágætis æfíng fyrir komandi átök. Mörk ÍBV: Bjarni Rúnar Einarsson 4, Bjami Geir Viðarsson 1 og Pétur Runólfsson 1. Mark KFS: Magnús Steindórsson.

=== '''Stefnum á sigur í deild''' ===
Heimir Hallgrímsson, þjálfari kvennaliðs ÍBV er með liðið í fjórða sinn á síðustu fimm árum. Blaðamaður Frétta hitti á Heimi stuttu fyrir fyrsta leik liðsins í árlegu spjalli blaðsins við þjálfara liðanna. Hvernig kom það til að þú ákvaðst að taka þetta að þér? „''Staðan var mjög erfið hjá stelpunum eftir síðasta sumar, það var búið að leita mikið að þjálfara en enginn fékkst. Ég tók svo að mér að stýra liðinu í innanhúsmótinu og eftir það settumst við niður og ákváðum að ég héldi áfram. Liðið var komið í ákveðna kreppu og mér þykir einfaldlega of vænt um það til þess að sjá það fara niður í einhverja meðalmennsku."'' Varðandí undirbúningsvinnu fyrir tímabilið þá er ekki komið að tómum kofanum hjá Heimi enda hefur hann ávallt gert meira með kvennaliðinu en bara þjálfa, m.a. leitað að leikmönnum. Hvemig gekk þessi vinna í vetur? ''„Það gekk mjög vel. Ég hef staðið í þessum sporum áður og vissi nokkurn veginn hvað væri best að leggja áherslu á í vetur. Við kláruðum þau mál fyrst og höfum haft fyrir vikið flesta okkar leikmenn hér í Eyjum frá áramótum. Ég held að mér sé óhætt að fullyrða að aldrei áður hafi ég haft alla mína leikmenn hér heima fyrir fyrsta leik, hvað þá nánast allt undirbúningstímabilið. Við líðum hins vegar fyrir aðstöðuleysið og skort á peningum í vetur og spilum helmingi færri leiki en önnur lið á undirbúningstímabilinu fyrir vikið."'' Heimir heldur áfram og segir að um áramót hafi ÍBV staðið öðrum liðum langt að baki í undirbúningi. „''Ég var í raun ekki ráðinn fyrr en í desember þannig að liðið var þjálfaralaust frá mótslokum í fyrra og fram að því. Við vorum langt á eftir en vonandi höfum við dregið á önnur lið í líkamlegu formi og leikæfíngu. Aðstæður eru líka þannig hérna að það er erfitt að ná fram á æfingu því sem þú ætlar þér því malarvöllurinn er einfaldlega ónýtur''. En hver er stefnan fyrir sumarið? „''Við ætlum okkur að ná langt í sumar og höfum sett stefnuna á sigur í deildinni. Við höfum fengið góðan liðsstyrk og möguleikarnir eru fyrir hendi. Hefðin er hins vegar ekki með okkur í þessu en einhvern tíma þarf að stíga fyrsta skrefið. Eg hef líka trú á því að deildin verði jafnari í ár en í fyrra. Efstu liðin eiga öll eftir að tapa stigum en það getur lfka unnið með okkur hve deildin er jöfn því það verður ekkert eitt lið sem stingur af."''

=== '''Ótrúlegur klaufaskapur''' ===
ÍBV tók á móti KA í fyrstu umferð Landsbankadeildarinnar sunnudaginn 18. maí og fór leikurinn fram í frábæru veðri á Hásteinsvellinum. ÍBV var mun betra liðið í fyrri hálfleik og var nánast einstefna að marki KA. Eyjamenn virkuðu ferskir og allar sóknaraðgerðir þeirra voru lýstu hugmyndaflugi. Það var því í samræmi við gang leiksins að ÍBV komst í 2-0 en slysalegt mark KA undir lok fyrri hálfleiks hleypti þeim aftur inn í leikinn. Samt sem áður voru ekki margir á því að KA-menn ættu möguleika á sigri því yfirburðir ÍBV höfðu verið miklir í hálfleik. En seinni hálfleikur var hrein martröð fyrir hinn nýráðna þjálfara ÍBV, Magnús Gylfason. Hann þurfti að horfa upp á einn sinn leikreyndasta leikmann, Bjarnólf Lárusson, gera afdrifarík mistök þegar hann nældi sér í sitt annað gula spjald í leiknum. Spjaldið var kannski harður dómur í því tilviki en þegar leikmenn fá á sig gult spjald strax á þriðju mínútu verða þeir að hugsa sig tvisvar um áður en þeir fara í tæklingar en það gerði Bjarnólfur ekki. Fékk hann því rauða spjaldið og Eyjamenn orðnir tíu. Áður höfðu Eyjamenn skorað í eigið mark og eftirleikurinn var ÍBV erfiður þar sem drifmótor liðsins var farinn af velli. KA-menn skoruðu sigurmarkið þegar 25 mínútur voru eftir og héldu forystunni til loka. Mörk ÍBV skoraði Gunnar Heiðar Þorvaldsson.

=== '''Bestar í vörn og sókn''' ===
Lokahóf handknattleiksfólks fór fram á Broadway og var mikið um dýrðir. Eins og við var að búast var kvennalið ÍBV framarlega þegar kom að því að velja bestu leikmennina og fengu Eyjastúlkur þrenn verðlaun. Ingibjörg Jónsdóttir stóð uppi sem besti varnarmaður Essodeildarinnar og Sylvia Strass þótti sú besta í sókn en Vigdís Sigurðardóttir fékk háttvísisverðlaun dómarasambandsins. Það vakti nokkra athygli að sá þjálfari sem skilaði flestum titlum í hús á nýliðinni leiktíð var ekki á meðal þriggja bestu þjálfara leiktíðarinnar en þeir sem hafa fylgst með Eyjaliðinu í vetur vita vel framlag Unnar Sigmarsdóttur í vetur.

=== '''Ánægjuleg byrjun''' ===
ÍBV tók á móti Stjörnunni þriðjudagskvöldið 20. maí í fyrstu umferð Íslandsmótsins. Leikurinn fór fjörlega af stað og ÍBV sótti stíft fyrstu mínúturnar. Eyjastúlkur uppskáru mark strax á þriðju mínútu en eftir það datt leikurinn aðeins niður, ÍBV var þó betri aðilinn og skömmu fyrir leikhlé juku leikmenn ÍBV við forustuna en þar voru á ferðinni Lind Hrafnsdóttir og Olga Færseth. Í seinni hálfleik voru það gestirnir sem voru með undirtökin án þess þó að ógna marki ÍBV að ráði. Undir lok leiksins settu Eyjastúlkur svo aftur í gír og Olga bætti við einu marki áður en yfir lauk og lokatölur urðu því 4-0.

=== '''Tveir nýir leikmenn til karlaliðsins''' ===
Forráðamenn karlaliðs ÍBV í handknattleik hafa unnið hörðum höndum að undanförnu að því að styrkja liðið fyrir næsta vetur. Tveir leikmenn skrifuðu undir samning við liðið um miðjan maí. Jóhann Guðmundsson, markvörður Selfoss, hefur ákveðið að leika með ÍBV í vetur en Jóhann varði flest skot í Essodeildinni í vetur, varði m.a. átta víti gegn ÍBV þegar liðin mættust á Selfossi. Þá samdi ÍBV við Imre Kiss, ungverskan leikmann sem leikur hægra megin bæði sem skytta og hornamaður. Kiss þykir nokkuð öflugur og varð m.a. fimmti markahæsti leikmaður ungversku deildarinnar í vetur.

=== '''Búið hjá 2. flokki''' ===
Annar flokkur karla í handboltanum lék sinn síðasta leik það sóttu Aftureldingu heim. Leikurinn var í átta liða úrslitum Íslandsmótsins en úrslitakeppnin fer þannig fram að liðið sem endaði ofar í deildinni fær heimaleik og þurfti aðeins einn sigur til að komast áfram. Leiknum lyktaði með sigri Mosfellinga, 29- 24 en staðan í hálfleik var 14-16 fyrir ÍBV.

=== '''Unnur ekki endurráðin''' ===
Þann 20. maí var gengið frá ráðningu Aðalsteins Reynis Eyjólfssonar sem þjálfara meistaraflokks kvenna í handknattleik. Aðalsteinn var þjálfari Gróttu/KR á síðasta tímabili en liðið endaði í sjöunda sæti deildarinnar og datt út í átta liða úrslitum. Aðalsteinn gerði hins vegar unglingaflokk félagsins að íslandsmeisturum og árið áður gerði hann sama aldursflokk að Íslandsmeisturum hjá Stjórnunni. Aðalsteinn mun einmitt sjá um bæði meistaraflokk og unglingaflokk.

=== '''ÍBV-íþróttafélag vill samstarf við bæinn''' ===
Bæjarráð tók fyrir á fundi sínum mánudag 29.maí bréf frá ÍBV-íþróttafélagi vegna sorphirðu í Herjólfsdal, haugsugu á þjóðhátíð sem og göngustíg. IBV hefur undanfarin ár fengið til Eyja haugsugu til notkunar á þjóðhátíð. Kemur fram í bréfi Páls Scheving Ingvarssonar, framkvæmdastjóra IBV, að það sé kostnaðarsamt þegar aðeins einn aðili stendur að kaupum á þjónustunni og til þess að draga úr kostnaði hefur félagið fengið til liðs við sig þá aðila sem þarfnast þessarar þjónustu, Flugmálastjórn, Vinnslustöðina og ísfélagið sem hafa nýtt sér tækið á meðan það hefur verið í Eyjum. Til að draga enn frekar úr kostnaði óskar félagið nú eftir því að Vestmannaeyjabær noti þessa þjónustu á sama tíma og dragi með því úr kostnaði, öllum til hagsbóta. Þar sem samningum um sorphirðu í Vestmannaeyjum er ekki lokið óskar ÍBV-íþróttafélag þess að Vestmannaeyjabær annist sorphirðu í Herjólfsdal á þjóðhátíð 2003. Einnig óskar félagið þess að sorphirða í Herjólfsdal á þjóðhátíð verði hluti af samningi verkkaupa við verktaka. Einnig kemur fram í bréfi Páls ósk um staðfestingu á því að gengið verði frá upplýstum göngustíg að Herjólfsdal, félagið telur af öryggisástæðum mjög brýnt að ljúka þessu verki fyrir þjóðhátíð. Bæjarráð frestaði erindinu gagnvart sorphirðu og haugsugu og felur bæjarstjóra að afla frekari upplýsinga. Varðandi göngustíg þá er verið að hefja vinnu við stíginn í átaksverkefni og mun hann verða upplýstur en malbikun bíður næsta árs.

=== '''Erfið byrjun''' ===
ÍBV sótti Val heim og var liðið tekið í kennslustund af heimamönnum. ÍBV lék illa í leiknum, fyrsta mark leiksins kom eftir að Valur hafði fengið vítaspyrnu eftir klaufaleg mistök. Skömmu síðar varði markvörður Valsmanna ágæta vítaspyrnu Gunnars Heiðars og var staðan 1 - 0 í hálfleik. Valsmenn bættu við tveimur mörkum í síðari hálfleik áður en Tom Betts minnkaði muninn. Síðasta orðið átti hins vegar landi hans í liði ÍBV, Ian Jeffs þegar hann og sóknarmaður Valsmanna börðust um boltann en Jeffs varð fyrir því óláni að skora í eigið mark.

=== '''Stórsigur gegn Þrótti/Haukum''' ===
ÍBV tók á móti Þrótt/Haukum í annarri umferð Landsbankadeildar kvenna. ÍBV byrjaði að sækja án afláts en gestirnir vörðust vel. Þrátt fyrir nokkur ágætis færi gekk illa að finna réttu leiðina í markið. Það var ekki fyrr en eftir 25 mínútna leik að Olga Færseth braut ísinn með laglegu marki. Þrátt fyrir mikla yfirburði tókst ÍBV aðeins að bæta við einu marki fyrir leikhlé og þar var Olga að verki. Í seinni hálfleik opnuðust allar gáttir upp á gátt og eftir aðeins mínútu leik skoraði Mhairi Gilmour þriðja mark ÍBV. Á skömmum tíma tókst ÍBV svo að tvöfalda forskot sitt þegar liðið skoraði þrjú mörk á aðeins fjórum mínútum og staðan orðin 6-0. Áfram var sótt og undir lokin komu þrjú mörk. Á síðustu andartökum leiksins var allt kapp lagt á það að skora tíunda markið en þetta nýttu gestirnir sér og skoruðu eitt mark eftir skyndisókn. Mörk ÍBV: Olga Færseth 3, Mhairi Gilmour 3, Karen Burke, Thelma Sigurðardóttir og Lára D. Konráðsdóttur.

=== '''Tryggvi aftur inn í landsliðið''' ===
Íslenska karlalandsliðið í knattspymu á tvo leiki framundan, gegn Færeyjum og Litháen og hefur Eyjamaðurinn Ásgeir Sigurvinsson, starfandi landsliðsþjálfari tilkynnt leikmannahóp sinn. Þar eru Birkir Kristinsson og Hermann Hreiðarsson á sínum stað og Tryggvi Guðmundsson er nú valinn aftur en Tryggvi kom óvænt inn í hópinn fyrir leikinn gegn Skotum á dögunum en var ekki með gegn Finnlandi. Þá er Gunnar Heiðar Þorvaldsson meðal leikmanna U-21 árs landsliðs íslands, liðið leikur ekki gegn Færeyjum þar sem þeir tefla ekki fram liði í þessum aldursflokki en liðið leikur hins vegar gegn Litháen.

=== '''Alla valin í fyrsta sinn''' ===
Um helgina tilkynnti Stefán Amarson, landsliðsþjálfari kvenna, val sitt á landsliðshópnum sem fer í æfingaferð til Danmerkur um miðjan næsta mánuð. Alla Gorgorian ÍBV er í landsliðshópnum í fyrsta sinn en hún fékk íslenskan ríkisborgararétt í vetur. Þá er Eyjakonan Guðbjörg Guðmannsdóttir einnig í landsliðshópnum en hún lék með Víkingi á síðasta tímabili. Birkir ívar Guðmundsson, Eyjamaður, markmaður Hauka, er einnig í landsliðinu en það leikur æfingaleiki gegn Danmörku í lok maí.

=== '''Ester í landsliðið''' ===
Ein af efnilegri handknattleiksstúlkum ÍBV, Ester Óskarsdóttir hefur verið valin í landslið íslands, skipað leikmönnum á aldrinum 15-16 ára. Ester er enn í fjórða flokki en lék engu að síður reglulega með unglingaflokki í vetur.

=== '''Sigurmark úr umdeildri vítaspyrnu''' ===
Kvennalið ÍBV mætti Val á Hlíðarenda í opnum og skemmtilegum leik þar sem Valur hafði betur, 3-2. Fyrri hálfleikur fór vel af stað fyrir ÍBV og eftir aðeins tólf mínútur hafði Margrét Lára Viðarsdóttir, sem var að spila sinn fyrsta leik í sumar, skorað fyrsta mark leiksins. En fyrrverandi leikmaður IBV, Laufey Jóhannsdóttir svaraði fyrir Val og staðan í hálfleik var 1-1. Olga Færseth byrjaði svo seinni hálfleikinn á að koma IBV aftur yfir og var lengi vel 1-2 fyrir IBV. En lokakaflinn á leiknum var IBV ekki hagstæður, Valsstúlkur jöfnuðu leikinn þrettán mínútum iyrir leikslok og þrátt fyrir ágætar sóknir ÍBV tókst þeim ekki að skora. Það gerðu hins vegar Valsstúlkur þegar þeim var dæmt vafasamt víti á 88. mínútu sem þær nýttu og tryggðu sér um leið dýrmætan sigur.

=== '''Sigur liðsheildarinnar''' ===
Karlalið ÍBV tók á móti Fylkismönnum fimmtudaginn 29. maí. Leikurinn var frekar bragðdaufur og sérstaklega fyrri hálfleikur. Eyjamenn voru hins vegar augljóslega sterkari aðilinn og náðu fljótlega undirtökunum á miðjunni. Næst því að skora komst Unnar Hólm þegar hann átti ágætan skalla að marki Fylkis en markvörður þeirra varði í horn. Síðari hálfleikur var aðeins fjörugri og enn voru það leikmenn IBV sem voru sterkari. Eftir tæplega tíu mínútna leik braust Steingrímur Jóhannesson upp vinstri kantinn og sendi yfir á Gunnar Heiðar Þorvaldsson sem var sloppinn inn fyrir vörn gestanna. En markvörður Fylkis hrifsaði boltann af tánum af Gunnari þegar Gunnar reyndi að leika á hann. Fimm mínútum síðar fékk lan Jeffs svo upplagt skotfæri við markteigshomið en skaut hárfínt framhjá stönginni. Honum urðu hins vegar ekki á nein mistök á 65. mínútu þegar hann skallaði boltann inn af stuttu færi eftir sendingu Steingríms. Eyjamenn vörðu svo sinn hlut það sem eftir lifði leiks, enda var vamarleikur ÍBV mun betri nú en í fyrstu tveimur leikjunum og í kjölfarið kom fyrsti sigurinn.

== '''JÚNÍ:''' ==

=== '''Frábær sigur''' ===
ÍBV sótti Grindavík heim á fyrstu dögum júní mánaðar en fyrirfram bjuggust ekki margir við sigri Eyjamanna. Raunin varð önnur og sigraði ÍBV örugglega 0-2. Í fyrri hálfleik sóttu Eyjamenn meira, Gunnar Heiðar kom ÍBV yfir með marki á 35. mínútu en ekki voru skoruð fleiri mörk í hálfleiknum. Í seinni hálfleik var hins vegar komið að Grindvíkingum að sækja og var sóknarþungi þeirra orðin töluverður á tímabili. En Eyjamenn vörðust skynsamlega og síðustu tíu mínúturnar tókst þeim að sækja meira. Gunnar Heiðar Þorvaldsson tryggði ÍBV svo sigurinn með marki á lokamínútu leiksins og sigraði ÍBV því 2-0. Með sigrinum komst IBV upp í 5. sæti.

=== '''Fyrsti sigur á Breiðablik''' ===
ÍBV tók á móti Breiðablik í miklum baráttuleik. Leikurinn fór frekar rólega af stað en ÍBV var sterkari aðilinn framan af. Breiðablik komst hins vegar yfir þegar þær skoruðu um miðjan hálfleikinn eftir að ÍBV mistókst að hreinsa frá marki. Margrét Lára jafnaði hins vegar metin mínútu fyrir leikhlé og því var jafnt í hálfleik 1 -1. Seinni hálfleikur var töluvert fjörugri og hafði Heimir Hallgrímsson greinilega lesið duglega yfir sínum leikmönnum í hálfleik því strax eftir sjö mínútur var staðan orðin 3-1 fyrir ÍBV og Margrét Lára komin með þrennu. En gestirnir neituðu að gefast upp og náðu smá saman tökum á leiknum. Þeim tókst að jafna leikinn á tíu mínútna kafla en með sigurviljann að vopni tókst leikmönnum ÍBV að tryggja sér sigurinn. Fyrst brunaði Karen Burke upp allan völlinn og sendi á Olgu Færseth sem skoraði. Síðan var það Mhairi Gilmour sem nýtti sér varnarmistök Blika, lokatölur 5-3.

=== '''Íris með hundrað leiki''' ===
Í leiknum gegn Breiðablok, lék Íris Sæmundsdóttir sinn hundraðasta leik. Íris hefur verið lengi að, tók sér reyndar bameignarfrí á síðasta tímabili en hefur tekið fram skóna að nýju. Íris fagnaði tímamótunum með því að leggja Breiðablik í fyrsta sinn á ferlinum og í sögu ÍBV.

=== '''Enskur landsliðsmarkvörður til ÍBV''' ===
Góður liðsstyrkur hefur borist kvennaliði ÍBV en landsliðsmarkvörður enska landsliðsins, Rachel Brown, hefur ákveðið að ganga til liðs við ÍBV. Reyndar er enn óljóst hvort hún komi til með að leika með ÍBV en forráðamenn ÍBV vildu tryggja sér leikmanninn áður en lokað yrðu fyrir félagsskiptin.

=== '''Sigur og tap hjá öðrum flokki''' ===
Annar flokkur karla lék gegn Víkingi á Hásteinsvellinum. Þetta var fyrsti leikur ÍBV og óhætt að segja að byrjunin lofí góðu því ÍBV sigraði 4-1 en þjálfari liðsins er Sveinn Sveinsson. Mörk IBV: Björgvin Þorvaldsson, Benedikt Steingrímsson, Andri Ólafsson og Stefán Hauksson. Annar flokkur kvenna lék líka sinn fyrsta leik þegar liðið mætti Breiðabliki á heimavelli. IBV var einu marki undir í hálfleik en gestirnir bættu við þremur mörkum í þeim síðari og endaði leikurinn því 0-4.

=== '''Gunnar Heiðar í byrjunarliðinu''' ===
Gunnar Heiðar Þorvaldsson, leikmaður IBV, var í byrjunarliði íslenska U-21 árs landsliðsins þegar liðið mætti Litháen ytra. Gunnar lék sem tengiliður en leiknum lyktaði með tapi íslenska liðsins 0-3.

=== '''Sigur þrátt fyrir slakan leik''' ===
Eyjastúlkur léku fimmta leik sinn í deildinni gegn Þór/KA/KS á Akureyrarvelli. Leikurinn þótti nokkuð bragðdaufur en sigur vannst og urðu lokatölur 0-3. Réðu Eyjastúlkur gangi leiksins frá fyrstu mínútu og fyrsta markið kom á 21. mínútu en þar var á ferðinni Olga Færseth. Eftir það náði heimaliðið nokkrum góðum sóknum en leikmenn ÍBV voru grimmari upp við markið og náðu að bæta við marki áður en hálfleikurinn var úti en það var sjálfsmark. Þriðja mark ÍBV kom svo í upphafi síðari hálfleiks frá Mhairi Gilmour og þar með voru úrslitin ráðin.

=== '''Tryggvi fékk uppreisn æru''' ===
Það er óhætt að segja að Tryggvi Guðmundsson hafi gefið fyrrverandi landsliðsþjálfara Íslands, Atla Eðvaldssyni langt nef þegar hann skoraði sigurmark Íslands gegn Færeyingum. Tryggvi var ekki í náðinni hjá Atla síðasta árið og vakti það oftar en ekki furðu að Atli skyldi ekki hafa einn af markahæstu mönnum norsku deildarinnar í leikmannahópnum. Tryggvi kom hins vegar inn á gegn Færeyingum og skoraði sigurmarkið þegar komið var fram yfir venjulegan leiktíma og tryggði Íslandi þar með sigurinn og dýrmæt stig í riðlinum sem er opinn í alla enda.

=== '''Margrét og Olga í landsliðið''' ===
Margrét Lára Viðarsdóttir og Olga Færseth hafa báðar verið valdar í A landsliðshóp Íslands en liðið leikur gegn Ungverjalandi. Leikurinn fer fram á Laugardalsvelli og er í riðlakeppni undankeppni Evrópumótsins. Olga er fastamaður í íslenska landsliðinu en þetta mun hins vegar vera í fyrsta sinn sem Margrét Lára er í landsliðshópnum en hún hefur leikið með öllum yngri landsliðum íslands.

=== '''Vel heppnað Vöruvalsmót''' ===
Fjórtánda Vöruvalsmótið var haldið í júní en mótið hefur fyrir löngu skipað sér sess meðal þess helsta sem gerist á hverju sumri í Eyjum. Mótið í ár var í heild vel heppnað enda voru veðurguðirnir hliðhollir Eyjamönnum þessa helgi þó að aðeins hafi blásið um tíma. Nokkrar breytingar voru gerðar á skipulagi mótsins, mótsdögum var fækkað um einn og var það ekki síst gert af þrýstingi liða ofan af landi þar sem erfiðlega gekk að fá fararstjóra í ferð sem tók heila vinnuviku. Flest gullverðlaun í mótinu fengu Blikastúlkur en árangur IBV var einnig góður. Alls voru stelpumar um 500 talsins en alls komu að mótinu um 650 manns. Setningarathöfnin fór fram innandyra í þetta skiptið og þótti takast vel þó svo að eflaust hafi margir saknað þess að vera ekki úti við setninguna. Strax á föstudagsmorgninum fóru fyrstu leikirnir fram og var leikið fram eftir degi en setningin var svo á föstudagskvöldið. Eins og ávallt var skipulagið lofað af þeim sem komu á mótið og flestir ef ekki allir sammála því að tímasetningar hafi staðist. Því er hins vegar ekki að neita að töluvert færri foreldrar mættu í ár með liðunum en oft áður, hverju sem því er að kenna. Þar sem mótsdögum hafði verið fækkað um einn var leikið þéttar og voru stelpurnar í fótbolta frá morgni og fram á kvöld. Því var lögð áhersla á að gera kvöldin sem eftirminnilegust, m.a. með kvöldvöku sem þótti takast mjög vel. Mótslokum var svo fagnað í Höllinni og var mikið sungið á lokahófinu. Breiðablik fékk alls fimm gullverðlaun, ÍBV ein og Fram ein. Hápunktur lokahófsins var svo þegar tilkynnt var hver myndi fá Lárusarbikarinn en í ár kom það í hlut ungrar Eyjastelpu að nafni Fanndís Friðriksdóttir.

'''Úrslit mótsins'''

4. flokkur A-lið: 1. Fram, 2. ÍBV, 3. Afturelding.

B-lið: 1. ÍBVl, 2. ÍBV2, 3. Breiðablik 1.

5. flokkur A-lið: 1. Breiðablik, 2. FH, 3. Afturelding

B-lið: 1. Breiðablik 1, 2. FH, 3. Afturelding

C-lið: 1. Breiðablik, 2. FH, 3. ÍBV.

6.flokkur. A-lið 1. Breiðablik, 2. Afturelding, 3. ÍBV.

B-lið 1. Breiðablik 2, 2. Breiðablikl, 3. Afturelding.

Besti leikmaðurinn: 6. flokkur: Gunnhildur Ómarsdóttir, Breiðablik

5.flokkur: Þórdís Anna Ásgeirsdóttir, Breiðablik

4.flokkur: María Rós Amgrímsdóttir, Fram

Prúðasta liðið: 6.flokkur: FH

5.flokkur: ÍA

4.flokkur: Afturelding

Háttvísisverðlaun Eurocard og KSI 6.flokkur: ÍBV

5.flokkur: Afturelding

4.flokkur: KR

Lárusarbikarinn 2003 Fanndís Friðriksdóttir, IBV.

=== '''Samskip og kanttspyrnudeild semja''' ===
Í júní var undirritaður samstarfssamningur milli Samskipa og Knattspyrnudeildar ÍBV. Samningurinn er til tveggja ára. Þeir sem undirrituðu þennan samning voru Viðar Elíasson, formaður knattspyrnudeildar og framkvæmdastjóri Samskipa, Agnar Már Jónsson. Hjálpar þessi samningur mikið til þar sem samgöngumál knattspyrnudeildar ÍBV hafa verið kostnaðarsöm og tíðar ferðir ákaflega tímafrekar. Þessi samningur liðkar töluvert til með kostnaði sem af hlýst af við ferðalög meistaraflokkanna og 2. flokks karla og kvenna.

=== '''Litli bróðir barðist vel''' ===
ÍBV og KFS mættust 32- liða úrslitum bikarkeppninar. Leikurinn varð aldrei sú skemmtun sem flestir höfðu látið sig dreyma um, bæði voru aðstæður hinar verstu, strekkingsvindur á annað markið og kalt. Auk þess varð heimaliðið, KFS að spila einum leikmanni færri í rúmar sjötíu mínútur og það var einfaldlega of stór biti fyrir 2. deildarliðið. Leiknum lyktaði með fjögurra marka sigri, sem í raun hefði getað orðið mun stærri. Fyrri hálfleikur var bragðdaufur í meira lagi. Liðin voru að þreifa fyrir sér fyrstu mínúturnar, allt þar til á 18. mínútu þegar Jóhanni Sveini Sveinssyni var vikið af velli fyrir að fá sitt annað gula spjald í leiknum. Dómurinn var harður, sérstaklega þegar litið er á dómgæsluna í heild. En eftir þetta má segja að KFS hafi átt erfítt uppdráttar. Liðið varðist reyndar mjög vel í fyrri hálfleik og fyrir vikið var jafnt í hálfleik 0-0. Seinni hálfjeikur var mun fjörugri og leikmenn IBV nýttu sér það vel að spila gegn sterkum vindinum. Boltanum var oftar en ekki stungið inn fyrir vörn KFS þar sem Steingrímur Jóhannesson og Bjarni Rúnar Einarsson sköpuðu ávallt mikla hættu. Steingrímur skoraði svo fyrsta mark leiksins með laglegum skalla en tæpri mínútu síðar munaði minnstu að KFS tækist aðjafna. Leikmenn ÍBV tóku eftir þetta öll völd á vellinum og bættu við þremur mörkum fyrir leikslok. Mörk ÍBV: Bjarni R. Einarsson 2, Steingrímur Jóhannesson 1, lan Jeffs 1.

=== '''Frábær innkoma Margrétar Láru''' ===
Margrét Lára Viðarsdóttir, sem verður 17 ára þann 25.júlínk, lék sinn fyrsta leik með íslenska kvennalandsliðinu á laugardag þegar liðið tók á móti Ungverjalandi. Olga Færseth var að venju í byrjunarliðinu og hún skoraði einmitt annað mark íslenska liðsins en staðan í hálfleik var 2 - 1. Margrét Lára kom inn á þegar 24 mínútur voru eftir af leiknum og fjórum mínútum síðar var hún búin að skora þegar hún fylgdi eftir föstu skoti i Olgu sem fór í slána. Margrét er enn gjaldgeng í U-17 ára landslið Íslands og fór beint eftir leikinn í æfingabúðir unglingaliðsins á Laugarvatni og er því gjaldgeng í öllum kvennalandsliðum Íslands.

=== '''Heldur slakt gengi yngri flokkanna''' ===
Annar flokkur karla lék gegn Fjölni og fór leikurinn fram í Egilshóll. ÍBV gekk ekki vel í leiknum og endaði leikurinn 7 - 0 fyrir Fjölni en staðan í hálfleik var 3-0. Annar flokkur kvenna tók á móti KR en stelpurnar réðu ekki við sterkt lið KR og lokatölur leiksins urðu 3-5. Mörk ÍBV: Thelma Sigurðardóttir 2, Karitas Þórarinsdóttir. Þriðji flokkur karla tók á móti Breiðabliki en byrjunin á leiknum var ekki góð hjá ÍBV því strákarnir lentu 1-3 undir. En með baráttuna að vopni tókst strákunum að snúa leiknum sér í hag og sigruðu að lokum 5-3. Mörk ÍBV: Einar Kárason 3, Steingrímur Jónsson, Ellert Scheving Pálsson. Fjórði flokkur karla lék tvo leiki en bæði A og B-liðin spiluðu. Fyrsta var leikið gegn Fjölni og þar gerði A-liðið jafntefli 3 - 3 en B-liðið tapaði 3 - 4. Mörk IBV: A: Þórarinn Valdimarsson, Guðjón Ólafsson, Gauti Þorvarðarson. B: Hafsteinn Sigurðsson 2, Ingólfur Einisson. Seinni leikurinn var gegn ÍR og þar gekk ÍBV betur. A-liðið sigraði 3 - 6 og B-liðið vann sinn leik 1-9. Mörk ÍBV A: Eiður Sigurbjörnsson 2, Arnór Ólafsson 2, Þórarinn Valdimarsson, Gauti Þorvarðarsson. Fimmti flokkur karla lék einnig tvo leiki en í flokknum eru fjögur lið og spiluðu þau öll um helgina. Fyrst var leikið gegn FH og töpuðust allir leikirnir, A-liðið 4-1 , B-liðið 7 - 0, C-liðið 10 - 2 og D-liðið tapaði 5-2. Daginn eftir var svo leikið gegn Breiðabliki en bæði þessi lið hafa töluvert fleiri iðkendur en ÍBV. Gegn Breiðabliki gekk lítið betur og töpuðust allir leikimir, A-liðið 7-0, Bliðið 2-0, C-liðið 6-1 og D-liðið 7-0.

=== '''Tveir nýir leikmenn''' ===
ÍBV skrifaði undir samning við sterka skyttu úr Haukum en hún heitir Nína K. Bjömsdóttir. Nína hefur lengi verið ein sterkasta skytta landsins en á síðasta tímabili átti hún lengi vel í meiðslum. Nína kemur hins vegar ekki til með að flytja til Eyja heldur mun hún búa áfram í Reykjavík en spila með ÍBV. Þá var einnig gengið frá samningi við danskan leikmann að nafni Anja Nielsen en hún leikur í hægra horninu. Anja er 28 ára og kemur frá danska liðinu Ikast/Bording sem varð í öðru sæti dönsku deildarinnar. Hún á 45 landsleiki að baki með danska liðinu sem er eitt það sterkasta í heiminu og skoraði í þeim 78 mörk. Anja varð Olympíumeistari með danska liðinu árið 2000 en hún hefur mikla reynslu úr danska handboltanum, hefur einu sinni orðið danskur meistari, tvívegis bikarmeistari og svo vann Ikast/Bording Chalenge Cup. Anja þykir hraður og skemmtilegur leikmaður, hefur reyndar átt í erfiðum meiðslum undanfarin tvö ár en hefur náð sér af þeim og er að komast í uppmnalegt form.

=== '''Alla byrjar vel''' ===
Alla Gorkorian spilaði sína fyrstu landsleiki fyrir Íslands hönd en í vetur fékk hún íslenskan ríkisborgararétt. Íslenska liðið var í æfingaferð í Danmörku og lék þar tvo leiki gegn hinu geysisterka danska liði. Fyrri leikurinn endaði með átta marka sigri heimastúlkna 28-20 og skoraði Alla þrjú mörk í þeim leik. Í síðari leiknum skoraði svo Alla sex mörk en þau dugðu ekki til sigurs því Ísland tapaði þeim leik 27-25.

=== '''ÍBV fékk styrk''' ===
Vestmannaeyjabær afhenti styrki til íþróttahreyfingarinnar í Eyjum upp á 4.228.000 krónur. Annars vegar var um að ræða rekstrarstyrki og hins vegar styrki úr Afreksmanna- og viðurkenningasjóði. Miðast upphæðin þá við unnin afrek á árínu. ÍBV íþróttafélag hlaut rekstrarstyrk að upphæð 957.000 kr. og 1.637.000 kr. úr Afreksmanna- og viðurkenningasjóði, sem gera alls styrk að upphæð kr. 2.594.000

=== '''Jónsmessugleði''' ===
Knattspyrnuráð ÍBV vill þakka Jónsmessugestum fyrir góðar móttökur og hegðun á Jónsmessugleði deildarinnar . Ráðið kvaðst einnig ánægt með þær viðtökur sem ný staðsetning Jónsmessugleðinnar fékk en hún var haldin í fyrsta sinn milli Fiskiðjunnar og Ísfélagsins.

=== '''Margrét Lára í U17- landsliðið''' ===
Margrét Lára Viðarsdóttir hefur verið valin í U-17 ára landsliðið sem tekur þátt í Opna Norðurlandamótinu sem fram fer í Svíþjóð um mánaðatmótin. Margrét leikur því í sama mánuðinum með elsta og yngsta kvennalandsliði íslands en hún kom inn á með Aliðinu gegn Ungverjum á dögunum.

=== '''Miklar sveiflur hjá stelpunum''' ===
ÍBV spilaði tvo leiki á einni viku. Fyrst tók liðið á móti FH sem var lítil fyrirstaða og sigruðu stelpurnar 8-0. Margrét Lára Viðarsdóttir hélt uppteknum hætti og skoraði fjögur mörk í leiknum og er því komin með átta mörk úr fjórum leikjum. Íris Sæmundsdóttir brá líka undir sig betri fætinum og skoraði tvö mörk, annað af markteig en seinna markið skoraði hún af 20 metra færi. Olga Færseth og Michelle Barr skoruðu sitt markið hvort.

ÍBV mætti KR í vesturbænum í uppgjöri toppliðanna. Eftir hálftíma leik var staðan orðin 1 -0 fyrir Islands- og bikarmeisturum KR. Leiknum lyktaði svo með sigri KR, 3-0 og féll ÍBV þar með niður í þriðja sæti deildarinnar. Heimir Hallgrímsson, þjálfari ÍBV, sagði í samtali við Fréttir eftir leikinn að IBV hefði í raun aldrei átt möguleika. „''Við vorum einfaldlega lélegra liðið á vellinum, spiluðum illa á meðan KR var að spila mjög vel. Ég skil ekki af hverju allt liðið spilar svona illa í jafn mikilvægum leik. Við voram að klikka á einföldum sendingum og það virtist vera einhver taugaveiklun í liðinu. Nú er þetta í höndum KR að klára deildina en við verðum að treysta á að önnur lið vinni stig af þeim ef við ætlum að eiga möguleika."''

=== '''Sigur og tap hjá strákunum''' ===
ÍBV tók á móti Fram í fimmtu umferð Landsbankadeildarinnar. ÍBV hafði haft mikla yfirburði í fyrri hálfleik án þess þó að skapa sér veruleg færi. Gestirnir vörðust ágætlega og Eyjapeyinn Gunnar Sigurðsson varði oft vel í marki Framara en markalaust var í hálfleik. I upphafi síðari hálfleik færðu piltarnir úr Safamýrinni sig upp á skaftið og ógnuðu marki IBV nokkrum sinnum. En síðasti hálftíminn var eign ÍBV. Gunnar Heiðar Þorvaldsson gaf tóninn með þremur mörkum en Steingrímur og Unnar Hólm bættu við mörkum og því fimm marka sigur ÍBV staðreynd.

Nokkrum dögum síðar tóku strákarnir á móti FH. Gestirnir voru beittari framan af en ÍBV var fyrri liði til að skora en það gerði Bjarnólfur Lárusson úr víti. Þessi vítaspyrnudómur átti eftir að draga dilk á eftir sér því undir lok fyrri hálfleiks notaði slakur dómari leiksins tækifærið til að kvitta fyrir einn vítaspyrnudóm með því að dæma annan. Dómurinn var algjörlega út í hött og hafði nokkuð með framhaldið á leiknum að segja. Garðar Örn Hinriksson, dómari, hélt áfram uppteknum hætti í síðari hálfleik. Steingrímur Jóhannesson var nærri búinn að koma ÍBV yfir þegar hann átti í baráttu við varnarmann FH og skaut rétt framhjá markinu. Reyndar var brotið á Steingrími sem stóð í lappirnar í stað þess að falla með tilþrifum í grasið og var refsað fyrir það með því að fá ekki víti. Rúmum fímmtán mínútum fyrir leikslok var svo brotið á Gunnari Heiðari við vítateig gestanna en ekkert dæmt. I stað þess að fá aukaspyrnu á hættulegum stað, lenti ÍBV undir því FH-ingar brunuðu fram og skoruðu. Síðasta markið var svo klaufalegt hjá ÍBV. En þrátt fyrir afspyrnuslaka frammistöðu dómara leiksins þá var það ÍBV sem tapaði leiknum, FH-ingar voru einfaldlega betri þennan daginn

=== '''3 flokkur á góðu skriði''' ===
Þriðji flokkur karla lék tvo leiki í lok júní en þá mætti liðið Þór frá Akureyri. Liðin mættust á miðri leið, í Mosfellsbæ og spöruðu þannig ferðakostnað eins og undanfarin ár. Í fyrri leiknum, sem taldist heimaleikur Akureyringa sigraði ÍBV l-4. Mörk ÍBV: Einar Kristinn, Ellert og Anton. Seinni leikurinn fór fram daginn eftir og vann ÍBV þann leik líka en nú aðeins 1-0. Þriðji flokkur kvenna lék einnig tvo leiki.Stelpurnar mættu FH og endaði leikurinn með þriggja marka sigri FH. Seinni leikurinn var svo gegn ÍR en sá leikur endaði með þriggja marka sigri ÍR-liðsins. Fjórði flokkur kvenna lék líka en í flokknum er stillt upp í A-, B-, og C-lið. Fyrst var leikið gegn Breiðabliki og þar gerði Aliðið 1-1 jafntefli, B-liðið tapaði naumlega 3-2 en C-liðið sigraði 1- 4. Daginn eftir var svo spilað gegn Fjölni, þar sigraði A-liðið 0-7, B-liðið gerði 1-1 jafntefli og C-liðið burstaði í sínum leik 0-10.

=== '''ÍBV tekur við Týsheimilinu''' ===
Á fundi íþrótta- og æskulýðsráðs 24. júní sl. var samþykktur samningur milli bæjarins og ÍBV-íþróttafélags um rekstur á Týsheimilinu. Jafnframt samþykkti íþrótta- og æskulýðsráð fyrirliggjandi samning þar sem meðal annars er kveðið á um að hverfa frá fyrri ætlan um að flytja starfsemi félagsmiðstöðvar úr Félagsheimili í Týsheimilið. Elsa Valgeirsdóttir (D) bókaði að hún harmaði að ekki skuli hafa náðst að samþætta á einum stað þá æskulýðs- og tómstundastarfsemi sem fram fer á vegum Vestmannaeyjabæjar annars vegar og ÍBV – íþróttafélag

=== '''Stórglæsilegt Shellmót''' ===
Tuttugasta Shellmótið var haldið í Eyjum í júní og voru þátttakendur tæplega 1200, þjálfarar, leikmenn og fararstjórar en óhætt er að fullyrða að um tvö þúsund manns hafi verið í Eyjum í tengslum við Shellmótið. Mótið var sett í blíðviðri en fyrstu tvo dagana var sól og blíða. Á þriðja degi fór að rigna þegar leið á daginn en það kom ekki niður á mótshaldinu og strákarnir létu engan bilbug á sér finna þótt aðstæður væru blautar. Dagskrá mótsins var með hefðbundnu sniði, setning á fimmtudegi, kvöldvaka á tostudegi, grillveisla á laugardegi og lokahóf á sunnudegi en alla dagana var leikið frá níu á morgnana og fram eftir degi. Þess á milli fóru liðin í bátsferðir og rútuferðir og einhverjir reyndu fyrir sér í Spröngunni. Njarðvík, A-lið, varði titil sinn í Shellmótinu en þeir urðu meistarar árið 2002. I B-liðum var það svo ÍA sem sigraði, í C-liðum Víkingur og í D-liðum voru það Leiknismenn sem báru sigur úr býtum. Eyjaliðunum gekk þokkalega í mótinu í þetta sinn þó að liðin hafí ekki komist á verðlaunapall. Bestum árangri náði C-liðið sem endaði í 5. til 6. sæti en önnur lið ÍBV léku svokallaða jafningjaleiki en einungis er raðað í efstu átta sæti mótsins, önnur lið spila jafningjaleiki. Mótinu var svo slitið við hátíðlega athöfn í Iþróttahöllinni og þar var þröngt á þingi enda um 1400 manns í salnum.

=== '''Stelpurnar komnar í undanúrslit''' ===
ÍBV og KR mættust í 8-liða úrslitum bikarkeppninar þar sem ÍBV hafði betur 4-2. ÍBV byrjaði leikinn af miklum krafti og vörðust stelpurnar framarlega. ÍBV komst yfir strax á níundu mínútu með marki Olgu Færseth en á 26. mínútu jöfnuðu KR-ingar. En aðeins mínútu síðar kom Karen IBV aftur yfir og var staðan 2 - 1 í hálfleik. Síðari hálfleikur var svo mjög rólegur, KR-ingar voru meira með boltann en leikmenn ÍBV vörðust skynsamlega. Þegar tólf mínútur vom til leiksloka léku þær Margrét Lára Viðarsdóttir og Olga sér að vörn gestanna sem endaði með því að Olga skoraði þriðja mark ÍBV. Þegar tvær mínútur voru eftir af venjulegum leiktíma minnkuðu gestimir muninn en síðasta orði átti Olga Færseth þegar hún brunaði upp hálfan völlinn og skoraði. Stelpurnar mæta Breiðablik í undanúrslitum.

=== '''Yngri flokkarnir''' ===
Annar flokkur karla lék gegn Keflavfík í bikarkeppninni en liðin leika í sitthvori deildinni, ÍBV í þeirri lakari. Lokatölur leiksins urðu 4-2 fyrir Keflavfk og er ÍBV því úr leik í bikamum. Annar flokkur kvenna lék gegn Stjörnunni en leikurinn fór fram í Garðabæ. Leikurinn endaði 3 - 1 fyrir Stjörnuna eftir að ÍBV komst yfir 0-1 eftir mark frá Karítas Þórarinsdóttur. Þriðji flokkur karla lék tvívegis gegn Þrótti í lok júní en báðir leikimir fóru fram í Eyjum. Fyrst var leikið í bikarkeppninni en ÍBV tapaði þeim leik, 1-3 eftir að hafa jafnað 1-1. Mark ÍBV: Ellert Scheving Pálsson. Síðari leikurinn var svo í Íslandsmótinu en hann fór fram daginn eftir. Þá léku Eyjamenn mun betur og sigmðu örugglega 7-3. Mörk IBV: Ellert Scheving Pálsson 2, Steingrímur A. Jónsson 2, Egill Jóhannsson, Birkir Hlynsson og Anton Bjamason 1 hver. Þriðji flokkur kvenna tók á móti Breiðabliki og urðu lokatölur leiksins 0-11. ÍBV hefur leikið þrjá leiki og tapað þeim öllum.

=== '''Glatað tækifæri''' ===
ÍBV sótti Þrótt heim en sigurliðið gat komist upp í annað sæti. Það fór hins vegar lítið fyrir baráttunni í liði ÍBV í fyrri hálfleik en leikur liðsins var skárri í þeim síðari. Það voru hins vegar heimamenn sem sáu um að skora, eitt mark í hvorum hálfleik og þar með missti ÍBV af góðu tækifæri á að blanda sér í toppbaráttuna.

== '''JÚLÍ:''' ==

=== '''Úrslitin reðust i bráðabana''' ===
Eyjamenn tóku á móti Grindvíkingum þann 1. júlí í 16 liða úrslitum bikarkeppninnar og fór leikurinn fram á Hásteinsvelli. Óhætt er að segja að um maraþonleik hafi verið að ræða því eftir venjulegan leiktíma varð að grípa til framlengingar þar sem hvomgu liði tókst að skora. Leikurinn var frekar bragðdaufur og augljóst að hvorugt liðið ætlaði að falla úr leik á eigin mistökum. Hvorugu liði tókst því að skora í venjulegum leiktíma og því varð að grípa til framlengingar. Ekki gekk liðunum betur í framlengingunni enda voru leikmenn beggja liða orðnir mjög þreyttir sem að sjálfsögðu kom niður á leiknum. Hvorugu liði tókst að skora í fremlengingu og því voru úrslitin fengin með vítaspyrnukeppni. Þar skoruðu bæði lið úr fyrstu fjórum spymum sínum og því var gripið til bráðabana. Þar byrjuðu Grindvíkingar á því að skora úr sinni spyrnu en Ólafur Gottskálksson varði spymu Bjarna Geirs Viðarssonar og kom þar með sínu liði áfram í átta liða úrslit.

=== '''Hjalti Jóns út í ágúst''' ===
Enn aukast vandræði Magnúsar Gylfasonar, þjálfara ÍBV, sem þarf að glíma við meiðsli sem hafa nú þegar sett strik í reikninginn auk þess sem Bjarnólfur Lárusson fer í sitt annað bann á tímabilinu gegn KR. Hjalti og Steingrímur Jóhannessynir hafa baðir verið meiddir auk þess sem Ian Jeffs bættist í hóp þeirra. Þá hefur Unnar Hólm verið meiddur að undanförnu en nú sér vonandi fyrir endann á því. Þá mun Hjalti Jónsson yfirgefa liðið um miðjan ágúst en þá heldur kappinn til Danmerkur í nám.

=== '''Eftirmálar eftir bikarleik ÍBV og KR''' ===
Í Fréttum þann 3. júlí birtist ítarleg grein um eftirmála úr leik ÍBV og KR sem birt verður hér í heild en rekja má upphafið til þess að í helgarblaði DV birtist viðtal við Ásthildi Helgadóttur, landsliðsfyrirliða og leikmann KR þar sem blaðamaður DV, Finnur Þór Vilhjálmsson, fer hamförum í lýsingum á skrílslátum á leik ÍBV og KR í bikarnum sem hann segist hafa heyrt frá úr mörgum áttum. Þetta og viðbrögð KR-inga eftir leikinn koma mjög á óvart því hvorki blaðamenn Frétta á leiknum eða þeir sem rætt hefur verið við kannast við skrílslæti eða óvenju ljótt orðbragð í garð leikmanna KRinga. Margt var á leiknum og góð stemmning og IBV-stelpurnar náðu að slá KR út úr bikarnum með góðum stuðningi áhorfenda. Stemmningin og tapið var eitthvað sem gestirnir virtust ekki þola og m.a. sá KR-ingur nr. 11 ástæðu til að senda Hólnum miður vinsamlega kveðju eftir leik. KR sendi inn formlega kvörtun til KSI og í kjölfarið voru forráðamenn IBV beðnir um að gera greinargerð um málið. Heimir Hallgrímsson, þjálfari IBV, sagðist varla vita um hvað greinargerðin ætti að fjalla. „''Þetta kom okkur algjörlega í opna skjöldu og við vissum varla hvað við áttum að fjalla um í þessari greinargerð. Það var einfaldlega frábær stemmning á vellinum, mikið af fólki og ég er helst á því að það hafi einfaldlega hrætt KR-inga. Það sjást yfirleitt ekki mjög margir áhorfendur á kvennaleikjum nema hér í Eyjum og í ofanálag lét fólk í sér heyra sem er líka mjög óvanalegt. Eg held að KRingar hafi bara ekki verið undir þetta búnir. Við höfum talað við fjölda fólks sem á leiknum var og það kannast enginn við neitt.''" Munuð þið svara þessu á einhvern hátt? „''Það var mín ósk til stjórnar knattspyrnudeildar og til stelpnanna að svara þessu ekki. Það var byrjað að skrifa um þetta á netinu en við lentum illa í því í fyrra þegar farið var að tala um ákveðin mál í fjölmiðlum. Þetta er hins vegar farið að ganga út í öfgar og mér finnst hreinlega að verið sé að niðurlægja Vestmannaeyinga með þessu og þetta virðist aldrei hætta. Þannig að það er spurning hvort við eigum að svara þessu á einhvern hátt."'' Óskar Freyr Brynjarsson, formaður IBV sagði í samtali við Fréttir að hann hafi verið á leiknum en einu skrílslætin hafi verið hjá leikmönnum KR. „''Eg var við varamannaskýli KR, á hólnum og einu lætin voru í raun þegar KR jafnaði því þá fögnuðu þær við Hólinn og ögruðu áhorfendum þar í kjölfarið. Svo eftir leik þegar einn leikmaður KR gekk að Hólnum og sýndi mjög svo óíþróttamannslega framkomu. Ég veit að einn stjórnarmanna IBV-íþróttafélags hefur sent DV bréf vegna málsins því þegar opnuviðtalið við Ásthildi er lesið þá sér maður að þetta er fyrst og fremst blaðamaðurinn sem er að búa til æsifrétt. Við fundum á næstu dögum og þá ræðum við um okkar viðbrögð við þessu."'' Vanda Sigurgeirsdóttir, þjálfari KR var á því að áhorfendur hafi farið yfir strikið í leiknum. „''Mér fannst margir áhorfendur á Hásteinsvellinum fara yfir strikið í þessum leik en ég vil taka það skýrt fram að ÍBV var vel að sigrinum komið enda börðust þær allt til loka og uppskáru eftir því. Hins vegar fannst mér að áhorfendur hefðu mátt standa betur við bakið á þeim þegar svo vel gengur. Við höfum eftir leikinn fengið fjölda símtala, jafnvel frá fólki sem er óviðkomandi KR þar sem við fáum mjög alvarlegar lýsingar á framkomu áhorfenda. Þarna var fólk sem var statt á Shellmótinu með sín börn og það fór af leiknum vegna framkomu sumra áhorfenda. Auðvitað voru þetta alls ekki allir áhorfendur en það þarf bara svo fáa til að skemma fyrir''." En hvað með framkomu tiltekins leikmanns KR eftir leik þar sem áhorfendum leiksins var sýnd óvirðing af hennar hálfu? ,''Jú það er rétt. Einn leikmaður hjá okkur brást illa við þessu og við höfum rætt þetta við hana. Henni var hins vegar ögrað, eins og mér sjálfri því allan leikinn mátti ég taka við óþarfa athugasemdum frá áhorfendum."'' Landsliðsfyrirliðinn, Ásthildur Helgadóttir, sagði í samtali við Fréttir að hún hafi orðið vör við ljótt orðbragð áhorfenda á leiknum. '',,Mér fannst nokkrir áhorfendur fara yfir strikið í leiknum og það setti leiðinlegan svip á annars ágætan leik. Okkur fannst þetta auðvitað mjög leiðinlegt og kannski brugðumst við ekki rétt við en þetta orðbragð var með því versta sem ég hef upplifað. Það sem mér finnst kannski verst í þessu er að á þessum leikjum eru kannski ungir krakkar sem alast upp við þetta og í framhaldinu fara þau að apa þetta eftir fullorðna fólkinu."'' Nú meiddist þú í síðari hálfleik og heyrst hefur að þú hafir orðið fyrir aðkasti meðan hugað var að meiðslum þínum, er þetta rétt? „''Já það var kallað á mig ýmislegt ófagurt. Það voru bæði börn og fullorðnir sem gerðu það en ég þurfti að bíða ansi lengi eftir sjúkrabílnum þannig að ég heyrði ýmislegt. Annars erum við KR-ingar ekkert að velta okkur upp úr þessu, þessi leikur er bara búinn og við féllum út úr bikarnum þetta árið. Nú einbeitum við okkur bara að Islandsmótinu og að leika knattspyrnu."'' Ekki náðist í Geir Þorsteinsson, framkvæmdastjóra KSÍ eða dómara leiksins, Sævar Jónsson.

=== '''Markalaust jafntefli''' ===
Það voru ekki góðar aðstæður til að leika knattspyrnu þegar ÍBV tók á móti KR, austan rokið var í aðalhlutverki og réði nánast gangi leiksins. ÍBV lék gegn vindinum í fyrri hálfleik og mestan hluta hálfleiksins fór leikurinn fram á vallarhelmingi IBV. Þannig kom það fyrir að útspörk Birkis Kristinssonar rétt komust út fyrir vítateig og því erfltt að koma boltanum upp völlinn. KR-ingum tókst hins vegar ekki að nýta sér meðbyrinn og fengu þeir fá færi. Besta færi hálfleiksins fékk Gunnar Heiðar Þorvaldsson þegar hann vann boltann af varnarmönnum íslandsmeistaranna en skot hans fór naumlega framhjá. Undir lok hálfleiksins átti svo gestirnir hörkuskalla í stöng ÍBV en fljótlega eftir það var flautað til hálfleiks. I síðari hálfleik snerist dæmið hins vegar við, IBV var meira með boltann án þess þó að skapa sér færi en KRingar fengu besta færi hálfleiksins. Næst því að skora komust Gunnar Heiðar þegar hann var við það að sleppa í gegnum vörn KR en markvörður þeirra handsamaði boltann á elleftu stundu, lokatölur urðu 0-0.

=== '''ÍBV-stelpurnar í Áskorendakeppnina''' ===
Stjórn handboltadeildar kvenna hefur ákveðið að taka þátt í Evrópukeppninni. Fyrir um mánuði lá ekki fyrir hvaða keppni ÍBV tæki þátt í en nú er komið í ljós að stelpurnar munu taka þátt í Áskorendakeppninni, sem er líklega lakasta keppnin. Fyrir vikið á ÍBV meiri möguleika á að komast eitthvað áfram í keppninni en meðal þeirra landa sem taka þátt eru Rúmenía, Króatía, Úkraína, Búlgaría og Bosnía en þarna má líka finna lið frá Frakklandi, Sviss, Italíu og Portúgal þannig að nú þurfa forráðamenn liðsins að leggjast á bæn og vona að ferðalagið verði þægilegt og sem ódýrast. Fyrsta umferðin í mótinu fer fram 10. eða 11. janúar en þetta verður í fjórða sinn sem kvennalið ÍBV tekur þátt í Evrópukeppni. Dregið verður í fyrstu umferð 26.október.

=== '''Björgvin til ÍBV''' ===
Handknattleiksráð karla hefur gengið frá samingi við Eyjamanninn Björgvin Þór Rúnarsson um að hann leiki með IBV í vetur. Samningurinn er út tímabilið. Björgvin kemur til með að búa í Reykjavík en spila með ÍBV og æfa með liðinu um helgar. Það eru orðin allmörg ár síðan Björgvin sást síðast í búningi ÍBV, það var í kringum 1990 sem hann spilaði síðast með liðinu en síðan þá hefur hann m.a. leikið með Selfyssingum, Stjörnunni og nú síðast FH. Björgvin hefur lengst af leikið í hægra horninu auk þess sem hann þykir liðtækur í skyttuhlutverki og kemur því væntanlega til með að nýtast IBV vel í vetur.

=== '''Slök byrjun hjá 2 flokki''' ===
Annar flokkur karla ÍBV í knattspyrnu lék gegn Selfyssingum á heimavelli þeirra síðarnefndu. Eyjamenn hafa ekki farið vel af stað í sumar, eru úr leik í bikarkeppninni og sitja í sjöunda og næstneðsta sæti B-deildar með þrjú stig úr fjórum leikjum. Lokatölur leiksins á Selfossi urðu 1 - 0 fyrir Selfoss en eina mark leiksins var skorað undir lok fyrri hálfleiks.

=== '''Margrét Lára á opna Norðurlandamótinu''' ===
Margrét Lára Viðarsdóttir, leikmaður ÍBV, var stödd í Svíþjóð í byrjun júlí með U-17 ára landsliði Íslands þar sem liðið tók þátt í Opna Norðurlandamótinu. Íslenska liðið náði sér aldrei á strik, tapaði öllum leikjum sínum í mótinu og endaði í neðsta sæti. Margrét skoraði eitt mark í mótinu og var auk þess fyrirliði íslenska liðsins. Svíar unnu mótið, Þjóðverjar urðu í öðru sæti en Norðmenn í því þriðja.

=== '''Ráðuneytið svarar ekki bréfi ÍBV''' ===
Mikillar óánægju gætir hjá ÍBV- íþróttafélagi vegna stöðugt hækkandi löggæslukostnaðar á þjóði hatíð. Er svo komið að félagið þarf að borga 8 milljónir til þess að fá leyfi til að halda hátíðina á meðan aðrar úti- og bæjarhátíðir þurfa ekki leggja fram krónu. Dómsmálaráðuneytið hefur ekki látið svo lítið að svara bréfi félagsins frá því janúar sl. þar sem þessu er mótmælt harðlega. ''„Þann 22. janúar í vetur sendum við bréf til dómsmálaráðuneytisins og dómsmálaráðherra þar sem við vildum fá sem gleggstar upplýsingar um löggæslukostnað á þjóðhátíð,"'' sagði Páll Scheving framkvæmdastjóri ÍBV. ''„Þar bentum við á það órétti að á meðan Kántríhátíð, Neistaflug og Sfldarævintýri, sem draga til sín mörg þúsund manns, borga ekki krónu í, löggæslukostnað þurfum, við að punga út 8 milljónum í löggæslu, björgunarsveitlr, læknisþjónustu og sálgæslu."'' Páll sagði að þetta væri óþolandi mismunun og framkoma ráðuneytisins væri með eindæmum. ''„Það virðist vera stefna ráðuneytisins að skattleggja og gjaldtaka okkur þannig að við gefumst upp. Þá taka við eftirlitlausar hátíðir unglinga sem er kannski það sem þessir herrar vilja. Stærsti hluti löggæslunnar er svo í bænum en ekki Herjólfsdal sem gerir óréttlætið enn meira. Áhættan eykst líka stöðugt hjá okkur og nú þurfum við að selja 1000 miða til að eiga fyrir þessum reikningi,"'' sagði Páll að lokum.

=== '''Frábær sigur og magalending''' ===
ÍBV mætti Skagamönnum á útivelli þar sem ÍBV hafði betur 3-0. Eyjamenn komust yfir á 23. Mínútu þegar Atli Jóhannsson skoraði. ÍBV liðið lék sterkan varnarleik á Skaganum, hélt sig aftarlega á vellinum og beið færis. Eyjamenn léku svo síðari hálfleik einum fleiri þar sem einum Skagamanninum var vikið af leikvelli rétt fyrir leikhlé. Strákarnir bættu við tveimur mörkum til viðbótar, Atli var þá aftur á ferðinni en endahnútinn bat svo Gunnar Heiðar Þorvaldsson þegar hann skoraði gott mark eftir sendingu frá Atla.

Strákarnir sóttu KA heim nokkrum dögum síðar. Eyjamenn byrjuðu leikinn mjög vel og strax á sjöttu mínútu fékk Gunnar Heiðar ágætt færi sem markvörður KA manna varði vel. En fyrsta mark leiksins leit dagsins ljós eftir stundarfjórðungsleik þegar Birki Kristinssyni mistókst herfilega að koma boltanum frá marki. Tíu mínútum síðar hafði Ian Jeffs hins vegar jafnað leikinn með góðu skallamarki eftir glæsilega sendingu Hjalta Jóhannessonar. Annað mark heimaliðsins var svo einkar klaufalegt og heppnin með KA-mönnum. Þriðja mark KA-manna má svo skrifa á varnarmenn ÍBV þar sem Hreinn spólaði sig framhjá hverjum leikmanni IBV á fætur öðrum og skoraði svo með góðu skoti og staðan f hálfleik 3 - 1 . Síðari hálfleikur var mun harðari en sá fyrri og átti greinilega að láta sverfa til stáls. Um miðjan hálfleikinn fengu norðanmenn svo vítaspyrnu en Birkir Kristinsson gerði sér lítið fyrir og varði spyrnuna. Fátt annað markvert gerðist í síðari hálfleik, KA menn vörðu sinn hlut og niðurstaðan því 3-1 tap fyrir KA.

=== '''Lítil von um titil þetta árið''' ===
Kvennalið IBV mætti Stjörnunni í Garðabænum þar sem liðin skildu jöfn 0-0. ÍBV sótti meira en heimaliðið stillti upp þéttum varnarmúr og beitti skyndisóknum en hvorugu liði tókst að brjóta ísinn og niðurstaðan því markalaust jafntefli. Vonir Eyjastúlkna minnkuðu stórlega með jafnteflinu.

ÍBV lék svo gegn Þrótti/Haukum nokkrum dögum síðar. Yfirburðir IBV voru miklir og fór mestur hluti leiksins fram á leikhelmingi heimaliðsins, Þróttar/Hauka. ÍBV skapaði sér fjölmörg færi en síðasta hindrunin var markvörður heimastúlkna, sem lék á als oddi í leiknum og varði hvert skotið á fætur öðru. Það var ekki fyrr en á 23. mínútu þegar Margréti Láru Viðarsdóttur tókst að koma boltanum í netið úr vítaspyrnu eftir að brotið var á henni sjálfri. Áfram hélt ÍBV að sækja og færin létu ekki á sér standa en fleiri urðu mörkin ekki í fyrri hálfleik. Í síðari hálfleik var allt enn við sama heygarðshornið, Eyjastúlkur sóttu látlaust en náðu ekki að koma boltanum framhjá markverði Þróttar/ Hauka. Það var svo undir lok leiksins að Olgu Færseth tókst að finna leiðina og Íris Sæmundsdóttir gekk á lagið og tryggði ÍBV þriggja marka sigur.

=== '''Bryggjudagur kvennadeildar ÍBV''' ===
Með skemmtilegri uppákomum í bæjarlífinu er Bryggjudagur kvennadeildar ÍBV í handboltanum. Hann er orðinn árlegur viðburður og flykkist fólk á bryggjuna til að fá sér kakó og vöfflur og síðast en ekki síst að fá nýja soðningu sem ekki er daglegt brauð í Vestmannaeyjum nútímans. Bryggjudagurinn er fjáröflun fyrir kvennahandboltann og leggur stjórnin sig fram um að bjóða upp á fjölbreytt úrval af fiskmeti, nýja ýsu, skötusel, humar, rækju, saltfisk, lax og nýja bleikju svo eitthvað sé nefnt. Það var greinilegt að fólk kann að meta það að fá allt í einu fiskbúð því flestir héldu á braut með stóra poka af fiskmeti. Ekki skemmdi fyrir að geta fengið sér kakó og vöfflur við ljúfa tónlist í góða veðrinu. Einnig var staðsett lítið sædýrsafn sem vakti mikla lukki.

=== '''Sögulegur sigur ÍBV''' ===
ÍBV lék gegn Breiðabliki í undanúrslitum bikarkeppninnar en leikurinn fór fram í Kópavogi. Leikurinn fór ekki vel af stað fyrir ÍBV þar sem heimastúlkur sóttu meira til að byrja með. Breiðablik fékk hins yegar fá færi en á tólftu mínútu sótti IBV hratt upp völlinn sem endaði með því að Olga Færseth kom IBV yfir með ágætu skoti úr vítateig. Áfram héldu Blikar að sækja en Eyjavörnin gaf engin færi á sér. Mhairi Gilmour bætti hins vegar við marki þegar fyrri hálfleikur var rétt tæplega hálfnaður. Níu mínútum síðar skoruðu Eyjastúlkur sjálfsmark og héldu margir að spenna væri aftur kominn í leikinn. En Íris Sæmundsdóttir var ekki á sama máli, hún bætti við tveimur mörkum áður en flautað var til leikhlés og staðan í hálfleik 1 - 4 fyrir ÍBV. Síðari hálfleikur fór rólega af stað en þegar tuttugu mínútur voru liðnar fékk ÍBV aukaspyrnu um 25 metrum frá marki Breiðabliks og gerði Karen Burke sér lítið fyrir og skoraði beint úr spyrnunni. Lind Hrafnsdóttir gulltryggði IBV svo sigurinn átján mínútum fyrir leikslok en undir lokin skoruðu heimastúlkur síðasta mark leiksins og lokatölur leiksins því 2-6. ÍBV er því komið í úrslitaleik bikarkeppninar í fyrsta sinn í sögu félagsins.

=== '''Ágætur árangur á Gullmóti''' ===
Í júlí fór fram Gullmót Breiðabliks og Járnbendingar í yngri flokkum kvenna. Eins og alltaf átti IBV sína fulltrúa á mótinu en frá Eyjum fór nokkuð stór hópur og var leikið í þriðja, fjórða, fimmta og sjötta flokki. ÍBV náði ágætum árangri, fimmti flokkur endaði í þriðja sæti í bæði A- og B-liðum og sjötti flokkur B endaði sömuleiðis í þriðja sæti. Þá sigraði B-lið fjórða flokks í Hraðmótinu sem leikið er með Gullmótinu. Annars var það samdóma álit allra að mótið hefði heppnast vel, um 1200 stelpur tóku þátt í mótinu og fengu einstaka veðurblíðu sem gerir mótið enn betra.

=== '''Góður heimasigur ÍBV''' ===
Annar flokkur karla lék gegn Leikni á heimavelli. Eyjamenn voru sterkari aðilinn í leiknum og urðu lokatölur 4-2. Mörk ÍBV: Stefán Hauksson 3, Andri Eyvindsson 1. Annar flokkur kvenna lék svo tvívegis gegn Þór/KA/KS en liðin léku á Tungubakkavelli í Mosfellsbæ til að spara ferðakostnað. Fyrri leikur liðanna, sem var heimaleikur ÍBV endaði með þriggja marka sigri ÍBV 3-0. Síðari leikur liðanna endaði einnig með þriggja marka sigri Norðanstúlkna, lokatölur 4-l. Þriðji flokkur karla lék gegn Breiðabliki. Blikamir nýttu sér heimavöllinn til hins ýtrasta því lokatölur urðu 5-0 fyrir heimaliðið. Fimmtí flokkur karla lék tvívegis fyrst gegn HK og svo gegn ÍR. Gegn HK tapaði A-liðið 4-0, B-liðið 3-1 og C-liðið 6-2. D liðið vann hins vegar sinn leik 4-5. A-liðið gerði svo jafntefli gegn ÍR, B-liðið vann l-2 og C-liðið 1-3. D liðið tapaði hins vegar sínum leik 5-2.

=== '''ÍBV verður með „bekkjabíla" á þjóðhátíð''' ===
Í ár mun IBV í fyrsta sinn halda úti tveimur bílum sem munu flytja fólk til og frá Herjólfsdal. Um er að ræða bifreiðir félagsins sem hafa verið staðsettar á Bakka og eru notaðar í ferðalögum yngri flokkanna. Verður rekstarformið á þeim það sama og á hefðbundnum bekkjabílum. „''Við erum einfaldlega að bregðast við auknum útgjöldum þjóðhátíðarinnar með þessu,"'' segir Birgir Guðjónsson, formaður þjóðhátíðarnefndar í samtali við Fréttir „''Öll gjöld varðandi hátíðina, m.a. löggæslukostnaður, falla á félagið og því þurfum við að vera með allar klær úti þegar kemur að tekjum af þjóðhátíðinni. Auk þess tekur félagið alla áhættu með hátíðahöldunum og með þessu viljum við geta minnkað fallið ef innkoman verður minni en gert er ráð fyrir."''

=== '''Mikilvæg stig''' ===
Eyjamenn tóku á móti Valsmönnum en bæði lið sárvantaði stig enda stutt í fallbaráttuna.. Leikurinn byrjaði fjörlega og eftir sjö mínútna leik höfðu liðin skorað sitt markið hvort. Gunnar Heiðar Þorvaldsson skoraði fyrsta mark leiksins á fimmtu mínútu eftir góðan undirbúning Atla Jóhannssonar og Steingríms Jóhannessonar en tveimur mínútum síðar skoraði Tom Betts í eigið mark og jafnaði þar með leikinn. Eyjamenn voru svo aðeins sterkari það sem eftir lifði fyrri hálfleiks og besta færið fékk Steingrímur þegar hann fylgdi á eftir skoti Gunnars Heiðars en rétt missti af boltanum sem rúllaði meðfram marklínunni og aftur fyrir endamörk. Í síðari hálfleik voru það hins vegar Valsmenn sem voru sterkari en sköpuðu sér fá færi. Þegar tuttugu mínútur voru til leiksloka fengu Eyjamenn hins vegar færi á að sækja og Ingi Sigurðsson, sem hafði komið inn á um miðjan fyrri hálfleik, negldi boltanum fram völlinn. Valsmenn náðu að hreinsa fram að miðjum eigin vallarhelming en þar var Ingi aftur mættur og sendi háan bolta inn í teig Valsmanna. Boltinn skoppaði svo í vítateignum og þaðan í netið, ótrúlegt mark hjá Inga, sem fagnaði innilega en hann var að spila sinn 200. leik fyrir ÍBV.

=== '''Þrír í úrtökumót''' ===
Á hverju ári heldur KSÍ úrtökumót fyrir unga og efnilega knattspyrnumenn á Laugarvatni. Þar koma saman um 60 knattspyrnumenn og eru þeir gjaldgengir sem eru á yngra ári í þriðja flokki. Fyrirkomulag úrtökumótsins er þannig að leikmönnunum er skipt í fjóra hópa sem svo leika gegn hver öðrum ásamt því að stunda æfingar. Samhliða þessu fer fram hæfileikamótun ungra dómara og sjá þeir m.a. um dómgæslu í mótinu. Frá ÍBV fara þrír leikmenn, þeir Frans Friðriksson, Hafþór Jónsson og Ellert S. Pálsson en úrtökumótið stendur yfír dagana 8. til 10. ágúst.

=== '''Ester og Kári í landslið''' ===
Ester Óskarsdóttir var á dögunum valin til þess að æfa með U-16 ára landsliði íslands en Esther er fimmtán ára gömul. Alls mættu 32 leikmenn til leiks en æfíngarnar og var æft tvisvar á dag. Þá var Kári Kristjánsson einnig valinn í landslið skipað leikmönnum fæddum 1984 og síðar. Íslenska liðið kemur til með að leika í lokakeppni EM dagana 7-18 ágúst og fer keppnin fram í Slóvakíu.

=== '''Margrét og Karítas í byrjunarliðinu''' ===
Íslenska kvennalandsliðið í knattspyrnu, skipað leikmönnum 17 ára og yngri, tekur nú þátt í Ólympíuleikum æskunnar sem fara fram í París. Fyrsti leikur liðsins var gegn írskum jafnöldrum sínum. Leiknum lyktaði með eins marks tapi Íslands 0-1 en bæði Margrét Lára Viðarsdóttir og Karítas Þórarinsdóttir voru í byrjunarliði Íslands.

== '''ÁGÚST:''' ==

=== '''Þjóðhátíð tókt vel''' ===
Þjóðhátíðarinnar 2003, sem er sú 127. í röðinni, verður minnst fyrir frábært veður og hvað hún fór vel fram. Fjöldinn var í meðallagi og næstum allir komust heilir heim. Þá má ekki gleyma þætti Árna Johnsen sem ekki mætti í brekkusönginn. Það var ekki svo að ekki hefði verið reynt að fá hann lausan í nokkra klukkutíma á sunnudeginum, en það tókst ekki. Öll þjóðin hafði fylgst með málinu alla helgina sem fékk ótrúlega athygli fjölmiðla. Útbúinn hafði verið þyrlupallur í Dalnum og vitað var af þyrlu á flugvellinum á sunnudagskvöldinu þannig að ljóst var að eitthvað var í aðsigi. Það var svo rúmlega 11 að þyrlan sveif inn Herjólfsdal en hún lenti ekki en úr henni var hent kassa sem hafði að geyma kveðju frá Árna. Það var því Ijóst að hann kæmi ekki og eftir að Birgir Guðjónsson, formaður þjóðhótíðamefndar, las bréfið steig Róbert Marshall, Eyjamaður og fréttamaður á Stöð 2, fram og hóf upp raust sína og gítar og fór fyrir brekkusöngnum. Hann náði vel til fólksins sem virtist ekki hafa miklar áhyggjur af því hver var forsöngvari brekkukórsins. Þjóðhátíðin skartaði hljómsveitunum Skítamóral, Á móti sól og Sálinni á stóra pallinum. Á litla pallinum voru það Eyjahljómsveitimar Hippabandið og Dans á rósum sem sáu um fjörið og í hléum var það hljómsveitin Tríkot sem sá um að trylla fólkið. Dagskráin á daginn snerist mest um unga fólkið og sérstaklega var vandað til hennar fyrir yngsta fólkið þar sem Brúðubíllinn fór með stórt hlutverk. Hlutur hljómsveitarinnar, Dans á rósum í barnadagskránni var líka til fyrirmyndar og það sama má segja um Björgvin Franz, Láru Sveinsdóttur , Svein Þóri Geirsson og Tinnu Hrafnsdóttur, sem fluttu lög úr fjölskyldusöngleiknum Benedikt búalfur af stakri alúð. Eyjastúlkan Þura Stína steig einnig á stokk og söng hressilega og lét ekki smá tækni vandmál slá sig út af laginu. Brennan var á sínum stað, flugeldasýningin var glæsilegri en nokkru sinni en stóra málið var brekkusöngurinn.

=== '''Ósáttir við háan löggæslukostnað''' ===
Páll Scheving framkvæmdarstjóri IBV hefur staðið framarlega í samningaviðræðum við sýslumannsembættið og segir hann að menn hafí vissulega skipst á skoðunum og að þjóðhátíðamefnd hafi sent sýslumanni bréf þar sem óskað er eftir rökstuðningi fyrir löggæslukostnaðinum og sundurliðun á reikningnum. ''„Það var svo skrifað undir samkomulag á fimmtudeginum þar sem ég geri ráð fyrir að báðir aðilar hafi verið sáttir við því annars hefðu menn nú ekki skrifað undir,"'' sagði Páll. Þjóðhátíðarnefnd þurfti að leggja fram fjögurra milljón króna tryggingu fyrir löggæslukostnaðinum og sagði Páll að óvíst væri ennþá hversu hár kostnaðurinn yrði. Páll segir að aðstandendur útihátíða víða um land hafa verið að ræða þessi mál, bæði sín á milli og í fjölmiðlum og flestir eru nú á því að þetta sé ósanngjarnt gjald. „''Ég persónulega er á þeirri skoðun að löggæslukostnaður eigi að vera greiddur af ríkinu. Ísland er tæplega 300 þúsund manna samfélag og þegar þarf að auka löggæslu á einum stað þá hlýtur að mega draga úr henni annars staðar."'' Páll vildi koma því á framfæri að samstarfið við lögregluna hafi gengið vel. ''„Hún leysti öll mál sem upp komu og ber að þakka það og vil ég fyrir hönd þjóðhátíðarnefndar koma á framfæri þakklæti til allra gæslumanna, lögreglu, lækna og sálgæslufólks sem starfaði í Dalnum yfir hátíðina,"'' sagði Páll að lokum.

=== '''Eyjamenn í landsliðshópnum''' ===
Eyjamaðurinn, Ásgeir Sigurvinsson landsliðsþjálfari hefur tilkynnt hverjir skipa leikmannahóp íslenska landsliðsins sem fer til Færeyja til að leika gegn heimamönnum í undankeppni Evrópukeppninnar. Í leikmannahópnum em þeir Birkir Kristinsson, Hermann Hreiðarsson og Ívar Ingimarsson en Tryggvi Guðmundsson fótbrotnaði á dögunum og getur því ekki leikið.

=== '''Heldur slakt gengi''' ===
Annar flokkur karla lék gegn Víkingum í Víkini. Leikurinn byrjaði ekki vel fyrir Eyjamenn því staðan í hálfleik var 2- 0 fyrir gestgjafana. Sveinn Sveinsson, þjálfari liðsins kom réttum skilaboðum til sinna manna í hálfleik því Eyjamenn jöfnuðu og endaði leikurinn með 2-2 jafntefli. Mörk ÍBV: Víðir Róbertsson (2). Annar flokkur kvenna lék í bikarnum og voru mótherjarnir HK/Víkingur. ÍBV leikur í A-deild en HK/Víkingur í B-deild og áttu því flestir von á sigri ÍBV. En gestirnir voru ekki á sama máli og komust yfir strax á fimmtándu mínútu en leikmönnum ÍBV tókst aðjafna leikinn. Gestirnir komust hins vegar aftur yfir undir lok fyrri hálfleiks og bættu svo við þremur mörkum í síðari hálfleik án þess að ÍBV næði að svara og niðurstaðan varð því 1 -5 tap á heimayelli. Mark ÍBV: Thelma Sigurðardóttir. Liðið lék svo gegn KR daginn eftir og töpuðu stelpumar þeim leik 5-0. Fjórði flokkur kvenna lék gegn Grindavík og fór leikurinn fram hér í Eyjum. Grindvíkingar tóku Eyjastelpur í kennslustund og fóru héðan með 1 -5 sigur í farteskinu. ÍBV lék svo á útivelli gegn HK og þá léku bæði A- og B-lið. A-liðið vann sinn leik 4-5 og B-liðið gerði sér lítið fyrir og sigraði sinn leik 0-11. Fimmti flokkur karla lék gegn Aftureldingu og fóru leikirnir fram í Mosfellsbæ. A-liðið gerði 3-3 jafntefli, B-liðið vann sinn leik 1-2, hjá C-liðum sigraði ÍBV 2-3 en D-liðið tapaði 7-4.

=== '''Í þriðja sæti''' ===
ÍBV tók á móti Grindavík í fyrsta leik þrettándu umferðar. Fyrri hálfleikur hlýtur að hafa verið einn sá allra daufasti hálfleikur í Landsbankadeildinni í sumar. Leikmenn beggja liða fóru hægt í sakirnar en þegar nær dró vítateig andstæðingsins klikkuðu flestar sendingar þannig að sóknarleikur beggja liða var slakur. Besta færi ÍBV í fyrri hálfleik fékk Steingrímur Jóhannesson þegar hann var við það að sleppa í gegnum vörn Grindvíkinga en vamarmenn gestanna þrengdu að honum og unnu af honum boltann. Í síðari hálfleik vom Grindvíkingar beittari en Birkir Kristinsson varði allt það sem á markið kom. Undir lok hálfleiksins fékk ÍBV svo skyndisókn, Ingi Sigurðsson sendi út í hom á Gunnar Heiðar Þorvaldsson sem sendi góða sendingu fyrir markið og þar var Steingrímur mættur og sneiddi boltann laglega í netið, 1-0 og urðu það lokatölur leiksins.

=== '''Tap í öllum lcikjunum''' ===
Annar flokkur karla tók á móti Fjölnismönnum. Þrátt fyrir að uppistaðan í liðinu væm leikmenn úr þriðja flokki var leikurinn jafn í fyrri hálfleik og staðan í leikhléi var 1 - 2 en Eyjamenn brenndu af víti undir lok hálfleiksins. Í síðari hálfleik kom svo getumunurinn í ljós því gestirnir bættu við tveimur mörkum og sigmðu þar með 1 - 4. Annar flokkur kvenna lék tvo leiki, fyrst var leikið gegn Breiðablik en svo gegn ÍA. Fyrri leikurinn endaði með fjögurra marka tapi, 5-1 og skoraði Thelma Sigurðardóttir eina mark IBV. Á Akranesi steinlágu stelpumar, 7 – 0. Fjórði flokkur karla tefldi fram tveimur liðum og spilaði hvort lið tvo leiki. A-liðið gegn Ungmennafélagi Bessastaðahrepps en B-liðið gegn Gróttu. A-liðið tapaði sínum leik 3-l en B liðið gerði 2 - 2 jafntefli. Daginn eftir léku svo bæði liðin gegn Stjömunni en þar tapaði A-lðið 9-0 og B-liðið 6-3.

=== '''Kári eða “Víkingurinn”''' ===
Íslenska karlalandsliðið í handknattleik, skipað leikmönnum átján ára og yngri gerði heldur betur góða ferð austur til Slóvakíu en í borginni Kosice var leikið í lokakeppni Evrópumótsins. Leikið var í tveimur riðlum og fóru tvö efstu liðin upp úr hverjum riðli. Íslenska liðið var í riðli með Ungverjum, Þjóðverjum, Slóvökum, Slóvenum og Rússum en liðið tapaði aðeins einum leik naumlega og mætti Svíum í undanúrslitum. Sá leikur var mjög spennandi en eftir framlengdan leik sigruðu Íslendingar. Í úrslitum mættu strákarnir svo Þjóðverjum, eina liðinu sem hafði tekist að sigra Ísland í riðlakeppninni. Úrslitaleiknum lauk með sannfærandi íslenskum sigri og þar með nóði þetta unga og efnilega landslið merkasta áfanga Íslendinga í hópíþrótt fyrr og síðar. Að standa uppi sem besta liðið í Evrópu er ekki lítið afrek en í íslenska hópnum var einn Eyjamaður, Kári Kristján Kristjánsson, sem vegna vasklegrar framgöngu sinnar innan sem utan vallar, fékk viðurnefnið víkingurinn.

=== '''Reynsla sem á eftir að nýtast''' ===
Þann 17. ágúst léku ÍBV og Valur til úrslita í Visabikarkeppni kvenna og fór leikurinn fram á Laugardalsvelli. Nokkur eftirvænting ríkti hjá Eyjamönnum enda var þetta í fyrsta sinn sem kvennalið ÍBV kemst í bikarúrslitaleikinn. Undirbúningur liðsins fólst í því að dvelja í Borganesi um helgina, í rólegu umhverfi og góðu yfirlæti. Það var ágætis stemmning á Laugardalsvelli á meðal þeirra rúmlega eitt þúsund áhorfenda sem lögðu leið sína á völlinn. Eyjamenn voru í meirihluta á pöllunum og höfðu betur í baráttunni þar. Leikurinn fór fjörlega af stað og ÍBV var mun betra liðið fyrstu tíu mínúturnar og það var því í samræmi yið gang leiksins að Karen Burke kom ÍBV yfír eftir fimm mínútna leik. En fimm mínútum síðar jöfnuðu Valsstúlkur með glæsilegu marki. Við þetta jafnaðist leikurinn aðeins og liðin skiptust á að sækja. Smám saman náðu þó Valsstúlkur betri tökum á leiknum og undir lok fyrri hálfleiks gerðu þær út um leikinn. Á fertugustu mínútu kom sending inn fyrir vörn IBV. Varnarmenn ÍBV náðu ekki að koma boltanum í burtu og allt í einu var sóknarmaður Vals sloppinn inn fyrir vörn IBV og átti ekki í vandræðum með að skora framhjá Rachel Brown. Við þetta virtust leikmenn IBV vera slegnir út af laginu því Valur bætti þriðja markinu við skömmu síðar og róðurinn orðinn verulega þungur. Í síðari hálfleik lögðu Valsstúlkur alla áherslu á góðan varnarleik enda komnar með tveggja marka forystu. Það gekk vel hjá þeim, IBV komst lítið áleiðis og fékk fá færi. Margrét Lára fékk líklega besta færið til að skora tíu rrúhútum fyrir leikslok þegar hún var ein á móti markverði en skot hennar fór hátt yfir. Lokatölur urðu því 1-3 fyrir Val og silfurverðlaunin því niðurstaðan fyrir IBV.

=== '''Gengur ekki að ætla að skora fjögur mörk''' ===
Olga Færseth lék í fremstu víglínu allan leikinn og var í mikilli baráttu þar sem Valsvörnin var að leika mjög vel. ''„Við ákváðum að mæta mjög grimmar til leiks og setja á þær mark snemma og við gerðum það. En svo var eins og botninn dytti úr þessu hjá okkur og við fóram að slaka á. Þær jöfnuðu fljótlega og skoraðu svo tvö mörk á skömmum tíma. Mér fannst við vera betri aðilinn í seinni hálfleik og ef ég lít á leikinn í heild sinni þá held ég að við hefðum átt að gera betur. Þær sáu hins vegar um að skora mörkin og það er það sem telur í leikslok."'' Þið fenguð færi til þess að skora en þetta virtist ekki liggja fyrir ykkur í dag? ''„Nei, það hefur einmitt verið okkar vöramerki undanfarið, að skora mörg mörk en þegar svona mikið er undir í leiknum getum við ekki leyft okkur að fá á okkur þrjú mörk og ætla að skora fjógur. Það gengur bara ekki upp í svona leikjum."''

=== '''Tökum þetta næst''' ===
Íris Sæmundsdóttir er án efa einn leikreyndasti leikmaður ÍBV en hún sagði í samtali við Fréttir eftir leikinn að ÍBV hefði gefið óþarflega mikið eftir þegar Valur jafnaði. ''„Við byrjuðum leikinn mjög vel, komumst yfir og þetta leit mjög vel út. Svo veit ég ekki hvað gerist eftir að Valur jafnaði. Þá hreinlega hættum við að spila og hleyptum þeim óþarflega mikið inn í leikinn. Svo fáum við þessi tvö mörk á okkur undir lok fyrri hálfleiks og þá var þetta orðið mjög erfitt. Í seinni hálfleik fengum við fullt af færam til þess að jafna en því miður nýttust þauekki. Valur var að spila mjög vel í dag en það hefði verið sætt að taka þær líka eftir að hafa unnið tvö stórveldi, Breiðablik og KR fyrr í bikarkeppninni en það kemur ár eftir þetta ár þannig að við gerum bara betur næst."'' Ertu sem sagt ekkert á þeim buxunum að fara leggja skóna á hilluna? ''„Nei, maður hefur aldrei lyft dollu og vonandi kemur að því fyrr en síðar. Maður verður hins vegar að vera með til þess að njóta þess."''

=== '''Afar slakt hjá strákunum''' ===
ÍBV lék gegn Fram í Laugardalnum í mikilvægum leik, ÍBV í toppbaráttu en Fram á botninum. Fyrri hálfleikur var með því slakasta sem sést hefur lengi vel og fátt sem gladdi augað. Eyjamenn lentu undir í lok fyrri hálfleiks þegar Framarar fengu aukaspyrnu á silfurfati við vítateig Eyjamanna. Í raun hefði átt að vera hægt að koma í veg fyrir markið en varnarveggur ÍBV var opinn sem gatasigti og var Birkir verulega ósáttur við sína menn. Í síðari hálfleik lifnaði aðeins yfir leiknum og leikmenn ÍBV fóru að berjast. Steingrímur Jóhannesson átti svo heiðurinn af jöfnunarmarki IBV en eftir að hafa brotist upp að endalínu við markteigshornið, skaut hann í varnarmann Fram og þaðan fór boltinn í netið. Steingrímur var svo aftur á ferðinni skömmu síðar þegar hann átti ágætt skot utan vítateigs en boltinn fór í utanverða stöngina. Allt leit út fyrir að jafntefli yrði niðurstaðan en undir lokin tókst Frömurum að tryggja sér sigurinn með ágætu skallamarki.

=== '''Fyrsti sigur Eyjastúlkna í Kópavogi''' ===
Kvennalið ÍBV lék um miðja ágúst gegn Breiðabliki og fór leikurinn fram í Kópavogi. IBV hafði aldrei unnið Blika á þeirra heimavelli og fyrir þetta tímabil hafði IBV aldrei unnið Breiðablik yfir höfuð. Leikurinn fór ágætlega af stað og liðin skiptust á að skora. Á 20. mínútu skoraði Olga Færseth fyrsta mark leiksins og um leið sitt 200. mark í deildarkeppni á Íslandi. Heimaliðið neitaði að gefast upp og fimmtán mínútum eftir mark Olgu jöfnuðu Blikastúlkur og staðan í hálfleik 1 -1. Í síðari hálfleik var svo komið að þætti Karenar Burke. Eftir mikla baráttu tókst henni að koma ÍBV yfír þegar tuttugu mínútur voru eftir af leiktímanum og fimm mínútum fyrir leikslok skoraði hún sitt annað mark og þriðja mark IBV. En Karen var ekki hætt og tveimur mínútum síðar fullkomnaði hún þrennuna og tryggði IBV um leið þriggja marka sigur.

=== '''Yngri flokkarnir''' ===
Þriðji flokkur karla lék Stjörnunni í Garðabænum. Lokatölur urðu 0-1 fyrir ÍBV sem siglir lygnan sjó um miðjan B-riðil. Mark IBV: Birkir Hlynsson. Þriðji flokkur kvenna lék svo tvo leiki, fyrst var leikið gegn Selfossi og endaði sá leikur með sigri ÍBV 2-3. Mörk IBV: Tanja Sigurjónsdóttir, Fanndís Friðriksdóttir og Sara Sjöfn Grettisdóttir. Daginn eftir lék liðið svo gegn Fjölni í Grafarvoginum og sigruðu Fjölnisstúlkur 7-0. ÍBV er um miðja A-deild, er nokkuð öruggt með sæti sitt í deildinni en á ekki möguleika á titli.

=== '''ÍBV vill afnot af auðum íbúðum''' ===
Á bæjarráðsfundi lá fyrir frá formönnum handknattleiks og knattspyrnuráða ÍBV íþróttafélags bréf þar sem óskað er eftir afnotum án endurgjalds á nokkrum íbúðum í eigu bæjarins. Bæjarráð kvaðst ekki geta orðið við erindinu en felur bæjarstjóra að ræða við bréfritara og afla nánari upplýsinga um það hvernig Vestmannaeyjabær geti komið sem best til móts við íþróttahreyfinguna í heild sinni.

=== '''Elstu flokkarnir í fallbaráttu''' ===
Annar flokkur karla lék gegn Breiðablik þar sem liðin skildu jöfn 1-1. ÍBV er í mikilli fallbaráttu, er í næst neðsta sæti með 12 stig. Víkingar eru í neðsta sæti og eru fallnir en næstu þrjú lið fyrir ofan IBV eru öll í þriggja stiga færi og Eyjapeyjar eiga leik inni. Mark ÍBV: Einar Kristinn Kárason.

Annar flokkur kvenna reynir nú eftir fremsta megni að forðast fall. Liðið situr í neðsta sæti A-riðils með aðeins þrjú stig eftir átta leiki. Liðið lék gegn ÍA og var jafnræði með liðunum framan af leik. Skagastúlkur komust yfir í fyrri hálfleik en ÍBV náði að jafna fyrir leikhlé. Liðin skiptust svo á að sækja í síðari hálfleik en undir lok leiksins skoruðu gestirnir þrjú mörk og lokatölur því 1-4. Mark ÍBV: Thelma Sigurðardóttir.

Þriðji flokkur karla lék næstsíðasta leik sinn í sumar þegar liðið sótti Þrótt heim. IBV er um miðjan B-riðil en Þróttarar í fallsæti. Leiknum lyktaði með jafntefli 3-3 eftir að staðan hafði verið 1 -2 í hálfleik. Mörk IBV: Frans Friðriksson, Egill Jóhannsson, Einar Kristinn Kárason.

Þriðji flokkur kvenna steinlá gegn Val en stelpurnar 1-5 en staðan í hálfleik var 1-3. Mark ÍBV: Sara Sjöfn Grettisdóttir. Fjórði flokkur karla lék síðustu leiki sína en leikið er í A- og B-liðum. Mótherjinn var Leiknir og tapaði Aliðið 0-1 en jafntefli varð í viðureign B-liðanna, 3-3.

=== '''ÍBV endaði í þriðja sæti''' ===
Í lok ágúst fór fram samskipamótið í handknattleik kvenna í Eyjum, með þátttöku Stjörnunnar, Vals og Gróttu/KR auk ÍBV. Mótið gekk þannig fyrir sig að liðin léku öll innbyrðis og svo var leikið í undanúrslitum og svo um sæti. Lokastaða mótsins varð þannig að IBV endaði í þriðja sæti eftir að hafa unnið Stjömuna og Valur vann Gróttu/KR í úrslitaleiknum. Það var löngu Ijóst að ÍBV væri langt á eftir öðrum í sínum undirbúningi. Þannig komu fyrstu erlendu leikmenn liðsins til landsins viku fyrir mótið og síðasti leikmaðurinn kom daginn fyrir mót. Liðið lék heldur ekki vel, hvorki í vörn né sókn en það eru enn um fjórar vikur í fyrsta leik í Islandsmótinu þannig að Aðalsteinn Eyjólfsson ætti að hafa nægan tíma.

=== '''Hörð fallbarátta''' ===
Eyjamenn mættu með vængbrotið lið í Kaplakrika þar sem liðið lék gegn FH í fimmtándu umferð Landsbankadeildarinnar. Bæði lið þurftu nauðsynlega á sigri að halda til að forðast fallbaráttuna. Fyrri hálfleikur var slakur eins og síðustu tveimur leikjum ÍBV og var lítið um spil hjá liðinu. Tveir leikmenn voru í leikbanni hjá IBV, Bjarnólfur Lárusson tók út sitt þriðja leikbann á tímabilinu og Ian Jeffs var í banni eftir að hafa fengið rautt spjald gegn Fram. Staðan í hálfleik var 0-0. Síðari hálfleikur fór fjörlega af stað, sérstaklega fyrir heimamenn sem sóttu meira. Þeir komust yfir strax á fyrstu mínútum og fylgdu markinu vel eftir með góðum sóknarlotum. Birkir Kristinsson átti hins vegar stórleik í marki IB V og kom í veg fyrir að FH-ingar bættu við forskotið. Þegar tæpur hálftími lifði af leiknum nýttu Eyjamenn sér svo varnarmistök Hafnfirðinga sem varð til þess að Steingrímur Jóhannesson slapp í gegn og jafnaði. En FH-ingar héldu áfram eftir að sækja og markið lá í loftinu en það kom þegar um stundarfjórðungur var eftir, lokatölur 2-1.

=== '''Sætur sigur''' ===
Liðin sem mættust í bikarúrslitaleiknum, IBV og Valur áttust við í lok ágúst en leikurinn var fyrsti leikur liðanna eftir úrslitaleikinn í bikarnum. Í þetta sinn fór viðureignin fram á Hásteinsvelli og sýndu Eyjastúlkur svo um munaði að lokatölur bikarleiksins gefa ekki rétta mynd af styrkleika liðanna. Það var augljóst frá fyrstu mínútu að leikmenn ÍBV ætluðu að sanna sig fyrir sínum stuðningsmönnum. Eyjastúlkur voru mun sterkari og eftir aðeins ellefu mínútur kom fyrsta markið. Eyjastúlkur bættu svo við tveimur mörkum fyrir leikhlé en nánast einstefna var að marki Vals. Síðari hálfleikur var jafnari ef eitthvað var en Margrét Lára Viðarsdóttir gerði vonir Valsara að engu þegar hún skoraði fjórða mark IBV í leiknum eftir fimm mínútna leik. Þrátt fyrir að leikurinn hafí jafnast þá voru Eyjastúlkur mun sterkari og gestirnir náðu aldrei að ógna marki IBV af neinu viti. Margrét Lára innsiglaði svo sigur IBV þegar tæpar tuttugu mínútur voru til leiksloka og þar með smá sárabót fyrir leikmenn liðsins eftir bikartapið.

ÍBV tók á móti Þór/KA/KS þar sem IBV hafði mikla yfirburði og sigraði 8-0. Eyjastúlkur byrjuðu reyndar ekki vel, léku undan stífum vindi og áttu í mesta basli við að ná góðu spili sín á milli. Leikurinn var sá þriðji í röðinni á aðeins sex dögum þannig að þreyta var í mannskapnum en engu að síður voru yfirburðir ÍBV miklir. Fyrsta markið lét samt bíða eftir sér, það kom ekki fyrr en eftir 25 mínútna leik þegar Olga skoraði með hnitmiðuðu skot. Eyjastúlkur bættu við tveimur mörkum fyrir hálfleik, fyrst skoraði Erna Dögg Sigurjónsdóttir með föstu skoti og svo Margrét Lára eftir glæsilegt spil við Olgu Færseth. Þrátt fyrir að leika gegn stífri austan áttinni í síðari hálfleik, gekk heimaliðinu mun betur að sækja. Erna Dögg, Margrét og Olga komu nálægt öllum mörkum liðsins Margrét bætti við þremur mörkum og Ema Dögg einu áður en Olga vippaði yfir markvörð norðanstúlkna á síðustu mínútunni og skoraði þar með áttunda mark ÍBV.

=== '''Silfur hjá fjórða flokk kvenna''' ===
B-lið fjórða flokks kvenna lék um helgina í úrslitum B-liða í Íslandsmótinu. Úrslitin byrjuðu í tveimur riðlum og efstu liðin léku svo til úrslita. Eyjastúlkur fóru nokkuð létt í gegnum sinn riðil, unnu báða leiki sína örugglega og mættu því Breiðabliki í úrslitaleik um íslandsmeistaratitilinn. En Breiðablik var mun sterkari aðilinn í leiknum og urðu lokatölur leiksins 6-0. IBV endaði því í öðru sæti sem er engu að síður mjög góður árangur.

=== '''Þrír sigrar hjá körlunum''' ===
Karlalið ÍBV í handknattleik lék þrjá æfingaleiki í lok ágúst. Tvívegis var leikið gegn Aftureldingu, sem teflir fram mjög breyttu liði í vetur. Leikimir unnust báðir, nokkuð örugglega fyrst með fjórum mörkum og svo með þremur. Síðasti leikurinn var svo gegn varaliði Fram en þar lék Sindri Ólafsson með Safamýrarliðinu. Sá leikur vannst einnig stórt eða með ellefu marka mun. Í leikmannahópi ÍBV voru þrír nýir leikmenn. Björgvin Rúnarsson var að leika í fyrsta sinn með ÍBV í langan tíma og svo stóð Jóhann Guðmundsson í markinu. Nýjasti leikmaður IBV var svo Zoltán nokkur Belány, sem á árum áður lék með ÍBV. Belló er nú orðinn 35 ára gamall og hefur síðan 1997 búið á höfuðborgarsvæðinu. Hann kemur til með að búa þar áfram en leika með ÍBV og æfa þegar tækifæri gefst.

=== '''Rússneskur markvörður''' ===
Handknattleiksráð kvenna hefur nú fyllt síðustu stöðuna sem er markvarðarstaðan. Vigdís Sigurðardóttir hafði ákveðið að leggja skóna á hilluna eftir síðasta tímabil og því var úr vöndu að ráða. Nýi markvörðurinn heitir Julia Gantimurova og kemur frá Ekaterenburg í Rússlandi. Julia er 27 ára lék á árum áður með Öllu Gokorian en hún náði að leika einn leik með ÍBV í Samskipamótinu og stóð sig ágætlega þrátt fyrir að eiga sólarhringsferðalag að baki.

=== '''Vel heppnaður skemmtidagur''' ===
Í lok ágúst var haldin skemmtidagur fyrir yngstu knattspyrnuiðkendur ÍBV. Þá komu sjötti flokkur kvenna og sjöundi flokkur karla saman. Krakkarnir byrjuðu að leika knattspyrnu, svo var farið í sund og nóttinni eyddu þeir svo í Týsheimilinu en um 50 til 60 krakkar tóku þátt með foreldrum sínum.

=== '''Enn á brattann að sækja''' ===
ÍBV tók á móti Þrótti á Hásteinsvellinum en leikurinn var báðum liðum mjög mikilvægur í harðri fallbaráttunni. Eyjamenn voru mun betri í fyrri hálfleik og aðrir eins yfirburðir hafa varla sést á Hásteinsvelli í sumar. Uppskeran í hálfleik var hins vegar afar rýr, ekkert mark skorað en Eyjamenn fengu fjöldann allan af færum, sumum mjög góðum, sem ekki nýttust. Seinni hálfleikur var jafnari en sá fyrri og Björgólfur Takefusa kom gestunum yfir á 56. mínútu þegar hann þrumaði boltanum beint úr aukaspymu, í gegnum varnarvegg ÍBV og í netið. En Eyjamenn héldu haus og sóttu meira það sem eftir lifði leiks. Tuttugu mínútum fyrir leikslok gerðist það svo að Eyjamenn fengu aukaspymu rétt fyrir utan vítateig Þróttara og Bjarnólfur Lárusson gerði sér lítið fyrir og negldi boltan upp í samskeytin og í netið. Stórglæsilegt mark og án efa eitt af þeim glæsilegri í sumar. Þrátt fyrir að sækja meira undir lokin tókst Eyjamönnum ekki að skora fleiri mörk og því varð niðurstaðan jafntefli, frekar slæm úrslit fyrir Eyjamenn en Þróttarar geta andað léttar í bili.

=== '''Margrét og Olga í landsliðinu''' ===
Helena Ólafsdóttir, landsliðsþjálfari, hefur valið 16 manna hóp A-landsliðs kvenna í knattspymu en liðið leikur gegn Frakklandi, mánudaginn 8. september. Leikurinn er liður í Evrópukeppninni en íslenska liðið gerði góða ferð til Rússlands í síðasta mánuði og náði þar jafntefli. Í íslenska hópnum eru tveir leikmenn IBV, þær Margrét Lára Viðarsdóttir og Olga Færseth en Íris Sæmundsdóttir gaf ekki kost á sér að þessu sinni.

=== '''Góður sigur''' ===
Annar flokkur kvenna tók á móti Stjörnuni og léku liðin á Þórsvellinum. Eftir að hafa fengið á sig slysalegt mark um miðjan fyrri hálfleik blésu Eyjastúlkur til sóknar og skoruðu þrjú mörk áður en flautað var til leikhlés. Stjömustúlkur náðu að minnka muninn niður í eitt mark í síðari hálfleik en Fanndís Friðriksdóttir skoraði síðustu tvö mörk leiksins og tryggði ÍBV góðan sigur á Stjörnunni. I liði IBV vom tvær þrettán ára stúlkur sem eru enn í fjórða flokki en þær Fanndís og Þórhildur Ólafsdóttir sýndu það í leiknum að þær eiga yel heima í öðmm flokki. Mörk ÍBV: Fanndís Friðriksdóttir 2, Thelma Sigurðardóttir, Sara Sigurlásdóttir, Lilja Dröfn Kristinsdóttir. Annar flokkur karla lék á móti Breiðabliki í Kópavogi og lauk leiknum með 4- 0 tapi IBV.

=== '''Eyjastúlkur í 2. sæti''' ===
ÍBV lék gegn FH í næstu síðustu umferð Landsbankadeildar kvenna og fór leikurinn fram í Kaplakrika. ÍBV átti enn tölfræðilegan möguleika á íslandsmeistaratitlinum. Til þess urðu KR-ingar að tapa stigum á heimavelli gegn Stjömunni og IBV að sjálfsögðu að vinna sinn leik. Eyjastúlkur kláruðu leikinn gegn FH með stæl og unnu 8-0 en um leið sigruðu KR-ingar og tryggðu sér Íslandsmeistaratitilinn. Elena Einisdóttir kom IBV yfír strax á sjöundu mínútu en Iris Sæmundsdóttir og Margrét Lára bættu við sín hvoru markinu fyrir hálfleik. Í síðari hálfleik skoraði Margrét Lára svo tvö mörk með rúmlega mínútu millibili og aðeins þremur mínútum síðar bætti Lind Hraihsdóttir við sjötta markinu. Olga Færseth kláraði svo leikinn með tveimur mörkum og átta marka sigur IBV því staðreynd.

=== '''Ester í landsliðið''' ===
Ester Óskarsdóttir hefur verið valin til þess að taka þátt í æfingum landsliðs íslands skipað leikmönnum l6 ára og yngri. Estherer ein af 22 leikmönnum sem eru í hópnum.

=== '''Undirbúningur hafinn''' ===
Mikið var um að vera bæði hjá körlum og konum í handbotlanum í lok ágúst. Eyjamenn léku á opna Reykjavíkurmótinu í handbolta karla en leikið var í íþróttahúsinu við Austurberg. Liðunum var skipt í þrjá riðla þar sem liðin léku innbyrðis og svo léku sex lið í úrslitum. Skemmst er frá því að segja að Eyjamenn töpuðu tveimur leikjum af þremur í riðlakeppninni og gerðu jafntefli í þeim þriðja og komust þar með ekki upp úr riðlinum. Úrslit leikjanna urðu þessi: Haukar-ÍBV 25-13 ÍBV-Stjaman 17-22 ÍBV - Breiðablik 20-20.

=== '''Guðbjörg og Alla í landsliðinu''' ===
Íslenska kvennalandsliðið lék í sterku alþjóðlegu móti sem fram fór í Frakklandi. Tveir leikmenn ÍBV, þær Guðbjörg Guðmannsdóttir og Alla Gokorian, léku með liðinu og voru drjúgar í markaskomn með liðinu. Í mótinu tóku þátt, auk íslenska liðsins, landslið Alsírs, franska stórliðið Metz, Spánanneistararnir Elda, franska liðið Marignac og spænska liðið Bera Bera. Íslenska liðið komst alla leið í úrslit mótsins þar sem mótherjinn var Metz en franska liðið sigraði í leiknum, 26-20.

=== '''Tveir æflngaleikir gegn Stjörnunni''' ===
Kvennalið ÍBV lék tvo æfingaleiki gegn Stjömunni síðustu helgina í ágúst. Í lið ÍBV vantaði þær Guðbjörgu Guðmannsdóttur og Öllu Gokorian, sem léku með landsliðinu á sama tíma. Fyrri leikurinn fór fram á föstudeginum en eftir að hafa verið tveimur mörkum yfír í hálfleik, 12-14 varð jafntefli niðurstaðan 27-27. Síðari leikurinn fór svo fram daginn eftir og aftur var ÍBV yfir í hálfleik en í þetta sinn tókst Stjörnustúlkum að sigra með sjö mörkum, 21-28.

== '''SEPTEMBER:''' ==

=== '''Meistaraheppni með gestunum''' ===
ÍBV-stelpurnar tóku á móti KR í lokaumferð deildarinnar. Mjög erfiðar aðstæður voru þegar leikurinn hófst, austan rok og rigning og völlurinn þungur og blautur. Þrátt fyrir að leika gegn vindi í fyrri hálfleik tókst leikmönnum IBV að halda aftur af gestunum. Þegar á leið fyrri hálfleik náðu stelpurnar að venjast aðstæðum og náðu oft á tíðum ágætis spili. KR-ingar reyndu töluvert af langskotum en aðeins eitt rataði rétta leið og var staðan 0-1 í hálfleik. Í síðari hálfleik hafði vind lægt nokkuð og þegar á leið leikinn var komið hið besta knattspyrnuveður, hægur vindur og engin rigning. Elena Einisdóttir skoraði jöfnunarmark ÍBV þegar hálfleikurinn var rétt hálfnaður en KR-ingar komust aftur yfir úr einni af fáum sóknum sínum í síðari hálfleik. En Olga Færseth jafnaði fyrir IBV þegar ellefu mínútur voru eftir af venjulegum leiktíma. Þegar ein og hálf mínúta var komin fram yfir venjulegan leiktíma skoraði svo Olga aftur eftir glæsilega sendingu Láru Daggar Konráðsdóttur og héldu flestir að nú væri björninn unninn. Leikmenn og áhorfendur fögnuðu mikið en í miðjum fagnaðarlátunum tóku KR-ingar miðjuna og skoruðu aðeins fjórum sekúndum síðar. Ótrúlegur lokakafli í mjög skrautlegum leik og dálítið súr endir á tímabilinu fyrir Eyjastúlkur.

=== '''Nýr leikmaður til karlaliðsins''' ===
Joseph Bösze mun leika með ÍBV í handboltanum í vetur. Bösze er örvhent skytta en hann lék með ÍBV gegn Stjörnunni og þótti standa sig vel. Bösze er ekki hávaxinn leikmaður en er fimur með knöttinn og útsjónarsamur auk þess getur hann skotið utanaf velli.

=== '''Silfurverðlaun á Reykjavíkurmótinu''' ===
Kvennalið IBV í byrjun september í Reykjavíkurmótinu. Mótið fór þannig fram að liðunum var skipt í tvo riðla og lék IBV í riðli með Víkingum, FH, Fylki/ÍR og Fram. IBV vann alla leikina nema gegn FH og endaði því í öðru sæti riðilsins. Í undanúrslitum lék liðið svo gegn Val en staðan í hálfleik var 10 - 7. ÍBV hélt áfram á sömu braut í seinni hálfleik og sigraði 21-15. Í úrslitum mætti liðið svo Haukum en Haukaliðið hefur fengið erlendan liðsstyrk fyrir komandi átök í vetur. Leikurinn var í jafnvægi allan tímann en eftir að ÍBV hafði verið yfir í hálfleik, 14- 12 urðu lokatölur 30-30 og því varð að framlengja. Enn var jafnt eftir framlengingu og því framlengt í annað sinn. Eftir seinni framlengingu var enn jafnt og því gripið til bráðabana þar sem það lið sem skorar fyrst, vinnur leikinn. IBV byrjaði í sókn en nýtti ekki tækifærið og Haukar skoruðu úr sinni fyrstu og einu sókn og eru því Reykjavíkurmótsmeistarar. Mörk IBV í úrslitaleiknum: Guðbjörg Guðmannsd. 8, Anna Yakova 7, Sylvia Strass 6, Anja Nielsen 6, Birgit Engl 4, Alla Gokorian 2, Þórsteina Sigurbjömsdóttir.

=== '''Afleitt hjá unglingaflokkunum''' ===
Annar flokkur karla lék gegn Val í Eyjum. Eyjamenn byrjuðu sumarið afar illa en hafa náð að rétta úr kútnum að undanförnu. Til að gulltryggja sæti sitt í B-riðli hefði jafntefli dugað úr leiknum gegn Val en Valsmenn þurftu ekkert minna en sigur ef þeir ætluðu að bjarga sér frá falli. Þeim tókst ætlunarverk sitt og eftir að staðan í hálfleik hafði verið 0-1 tókst Völsurum að bæta við marki fljótlega í síðari hálfleik. Tveir leikmanna IBV fengu líta rauða spjaldið í seinni hálfleik og lokatölur urðu 1 -3. Útlitið er ekki gott hjá Eyjamönnum. Mark ÍBV: Stefán Hauksson

Annar flokkur kvenna lék síðustu tvo leiki sína í sumar þegar liðið mætti KR og Val á útivelli. Sú var tíðin að þetta voru stórleikir en hlutskipti IBV þetta sumarið var að falla niður í B deild. KR má einnig muna sinn fífil fegurri en liðið er um miðja deild. Valsstúlkur eru eina liðið af þessum þremur sem enn gengur ágætlega en liðið átti þó aldrei möguleika á efsta sætinu. ÍBV lék fyrst gegn KR og urðu lokatölur þar 3-0 heimaliðinu í vil. Seinni leikurinn endaði með sjö marka sigri Vals, 7-0 en IBV endaði sumarið í neðsta sæti A-deildar, með aðeins sex stig úr tólf leikjum og markatalan er 30 mörk í mínus.

=== '''Tveir sigrar gegn Stjörnunni''' ===
Karlalið ÍBV undirbýr sig af krafti fyrir íslandsmótið en ReMax-deildin hefst um miðjan september. Liðið lék tvo æfingaleiki gegn Stjörnunni viku fyrir mót og var leikið í Eyjum. Fyrri leikurinn endaði með naumum sigri ÍBV, 25-24 en síðari leikurinn endaði með þriggja marka sigri ÍBV, 28-25.

=== '''Ætlum að búa til Eyjastemmningu''' ===
Erlingur Richardsson þjálfar ÍBV annað árið í röð en hann segir að undirbúningur hefði verið þokkalegur í árlegu viðtali Frétta við þjálfara ÍBV. ''„Ég hefði viljað hafa alla leikmennina í lengri tíma. Við tókum ekki langt sumarfrí og æfingasókn hefur ekki verið frábær í sumar. Síðustu sex vikurnar hafa hins vegar verið mjög góðar og undirbúningurinn líklega betri en í fyrra. Við fórum ekki í neina æfingaferð eins og hefur oft verið áður en í stað þess höfum við farið oftar til Reykjavíkur, tókum þátt í Reykjavíkurmótinu og svo kom Stjarnan hingað. Þannig náum við svipuðum fjölda æfingaleikja og í fyrra."'' Hvernig líst þér á leikmannahópinn? „''Þetta er nánast sami hópur og í fyrra sem gerir undirbúninginn allan mun léttari. í fyrra fórum við ekki yfir leikkerfi fyrr en um áramótin en núna getum við einbeitt okkur að öðru en leikkerfum. Kjarninn er þéttur í liðinu og hefur verið að spila lengi saman. Björgvin og Beló eru reyndir leikmenn og falla vel inn í þetta og sömuleiðis Bösze. Allir útlendingarnir eru Ungverjar sem er mjög þægilegt."'' Hver eru markmiðin fyrir veturinn? ''„Mér finnst að við eigum að setja markið hærra en í fyrra. Við höfum mannskap í það en það eru kannski 2- 3 lið sem eiga að vera betri en við. Núna eigum við hins vegar að geta strítt þeim og jafnvel unnið þau. Við stefnum á að komast í efri deild og í bikarnum stefnum við á að komast í það minnsta í átta liða úrslit. ÍBV hefur ekki náð miklum árangri í bikarnum og kominn tími á að breyta því. Fyrirkomulagið er núna þannig að liðin verða að byrja vel, það þýðir ekkert lengur að byrja af krafti eftir áramót en ef Eyjamenn styðja við bakið á okkur þá eigum við að ná langt. Við ætlum að reyna fá þessa gömlu góðu Eyjastemmningu en þá þurfum við aðstoð áhorfenda sem vonandi láta ekki sitt eftir liggja í vetur."''

=== '''Lausir við falldrauginn''' ===
KR voru þegar orðnir Íslandsmeistarar þegar þeir tóku á móti ÍBV. Eyjamenn voru mun sterkari í leiknum, spiluðu skynsamlega en börðust jafnframt af miklum krafti. Bjarnólfur Lárusson og Atli Jóhannsson hertóku miðjuna og Gunnar Heiðar Þorvaldsson og Steingrímur Jóhannesson héldu varnarmönnum KR við efnið. Strákarnir höfðu betur í skemmtilegum leik, 0-2 en miðað við færin hefðu munurinn átt að vera meiri. Eins og staðan er núna eiga Eyjamenn möguleika á sæti í Inter-toto keppninni en til þess að sá möguleiki geti ræst þarf sigur í síðasta leik og lánlausir Fylkismenn þurfa að tapa sínum leik. Þá yrði fjórða sætið að veruleika, nokkuð sem enginn þorði að láta sig dreyma um fyrir leikinn gegn KR. Mörk ÍBV: Ian Jeffs, Steingrímur Jóhannesson.

=== '''Undirbúningi fyrir átök vetrarins að ljúka''' ===
Síðustu leikir í undirbúningi karlaliðs IBV voru þegar ÍBV spilaði tvo æfingaleiki gegn Valsmönnum. Fyrri leikur liðanna var jafn og spennandi allan tímann en eftir að staðan hafði verið 12-13 í hálfleik, náðu Valsmenn að kreista fram sigur á lokakaflanum og lokatölur urðu 28;26. Mörk ÍBV: Björgvin Þór Björgvinsson 5, Zoltán Belanyi 5, Sigurður Bragason 3, Frode Stellemo 3, Sigurður Ari Stefánsson 2, Kári Kristjánsson 2, Davíð Óskarsson 2, Robert Bognar 2, Josep Bösze 2. Varin skot: Jóhann Guðmundsson 13. Seinni leikurinn var ekki eins góður af hálfu ÍBV en Valsmenn voru fjórum mörkum yfir í hálfleik 14-10. Lokatölur urðu svo 27-21 en leikmönnum ÍBV gekk mjög illa að koma boltanum framhjá markverði Valsmanna. Mörk ÍBV: Kári Kristjánsson 4, Björgvin Þór Björgvinsson 3, Robert Bognar 3, Sigurður Ari Stefánsson 3, Erlingur Richardsson 2, Zoltán Belanyi 2, Frode Stellemo 2, Sigurður Bragason 1, Davíð Óskarsson 1. Varin skot: Eyjólfur Hannesson 10, Jóhann Guðmundsson 3.

=== '''Óþolandi ósvífni af hálfu HSÍ''' ===
Þann 13. september átti að fara fram Meistarakeppni HSÍ og áttu Íslandsmeistarar IBV og bikarmeistarar Hauka að leika hér í Eyjum. Leiknum var hins vegar frestað þar sem veikindi þóttu mikil í herbúðum bikarmeistaranna. Forráðamenn IBV voru allt annað en hressir með þessa ákvörðun HSÍ enda fengu þeir að vita af frestuninni tæpum þremur tímum fyrir áætlaðan leiktíma. Á heimasíðu ÍBV er m.a. sagt frá því að Haukar hafi farið þess á leit við HSÍ að fresta leiknum. Starfsmenn mótanefndar HSÍ hafí svo haft samband við forráðamenn IBV daginn fyrir leik og ráðfært sig við þá og um kvöldið var formanni stjórnar handknattleiksdeildar svo tilkynnt það að leikurinn yrði á tilsettum tíma. Á leikdag hafði svo Hlynur Sigmarsson, formaður handknattleiksráðs samband við Hauka þar sem honum var tjáð að liðið ætlaði að leggja af stað í leikinn klukkan 12.30. Skömmu eftir það símtal hringdu starfsmenn HSÍ í forráðamenn IBV og tilkynntu frestunina. Páll Marvin Jónsson, í handknattleiksráði, sagði í samtali við Fréttir þetta vera óþolandi ósvífni af hálfu HSÍ. „''Við erum búnir að leggja mikla vinnu í þennan leik, auglýsa hann upp og fá til liðs við okkur líknarfélag sem svo átti að fá ágóðann af leiknum í sinn vasa. Svo fáum við hringingu rúmum tveimum tímum fyrir leik þar sem okkur er tilkynnt að leiknum sé frestað. Þessir menn verða að fara átta sig á því að þó þetta sé kvennahandbolti þá verða vinnubrögðin að vera fagmannleg en ekki svona kjánaleg. Eg sé t.d. ekki fyrir mér að meistaraleiknum í karlaboltanum hefði verið frestað með jafnskömmum fyrirvara og í dag."''

=== '''Annar flokkur karla féll í C-riðil''' ===
Annar flokkur karla þurfti að bíða í viku eftir örlögum sínum í B-riðli en þeir þurfti hagstæð úrslit til að halda sér í riðlinum. Staðan í B-riðli var nefnilega þannig að Víkingur var neðstur og þegar fallinn en Valsmenn sátu í fallsæti með sextán stig. IBV, Leiknir og Selfoss voru þar fyrir ofan með átján stig en öll liðin höfðu lokið sínum leikjum nema Valur og Leiknir sem léku um helgina. Leiknismenn voru svo gott sem búnir að tryggja sig enda með mun hagstæðara markahlutfall en IBV. Valsmenn sigruðu í leiknum og sendu IBV því niður í C-riðil þar sem ÍBV var með lélegasta markahlutfall liðanna þriggja.

=== '''ÍBV-stelpunum spáð efsta sætinu''' ===
Mánudaginn 15.september var opinberuð spá forráðamanna og fyrirliða handknattleiksliða á Íslandsmótinu í vetur. Í karlaflokki er Haukum spáð sigri með nokkrum yfirburðum en þeir fengu 538 af 540 stigum. Eyjamönnum var spáð ellefta sætinu af fimmtán liðum. Íslandsmeisturum IBV er spáð sigri og fengu þær 240 af 250 stigum mögulegum.

=== '''Margrét Lára með þrennu''' ===
Margrét Lára Viðarsdóttir heldur áfram að skora með íslenska A landsliðinu. Fyrr í sumar skoraði hún í sínum fyrsta landsleik eftir að hafa komið inn á sem varamaður. Var það hennar fyrsta snerting í leiknum. Íslenska liðið lék gegn Póllandi og þá var Margrét í byrjunarliðinu. Þrátt fyrir að leika á miðjunni, gerði Margrét sér lítið fyrir, skoraði þrennu og var markahæsti leikmaður liðsins í 10-0 stórsigri íslenska liðsins. Sigurinn er sá stærsti sem íslenskt A-landsIið hefur unnið. Margrét er jafnframt yngsti leikmaðurinn sem skorað hefur þrennu í landsleik en hún hefur nú samanlagt skorað fjögur mörk í fjórum leikjum. Þá lék Olga Færseth einnig í fremstu víglínu íslenska liðsins.

=== '''Líst vel á veturinn''' ===
Þjálfari meistaraflokks kvenna er Aðalsteinn Eyjólfsson en hann hefur verið viðloðandi þjálfun undanfarin ár hjá Gróttu/KR og Stjórnunni. Hann segir að undirbúningur IBV hafi ekki verið eins og best verður á kosið. ''„Leikmennimir koma seint til liðsins og þá meina ég erlendu leikmennimir. Ungu stelpumar hafa reyndar verið duglegar að æfa í sumar en það eru ekki margar vikur síðan útlendingarnir komu þannig að við höfum verið að vinna stíft í að koma leik liðsins í lag. Liðið var ekki að spila burðugan handbolta í Samskipamótinu en síðan þá hefur þetta farið stigbatnandi og stelpumar vom að spila ágætlega í fyrsta leik. Við reyndar höfum fengið góðan skammt af meiðslum og það er hálfsvekkjandi að mest af þessum meiðslum eru ekki þessi týpísku æfingameiðsli. Leikmenn hafa verið að fá högg og liðbönd hafa skaddast við það og allt þar fram eftir götunum. Anja Nielsen kom reyndar meidd og hefur verið meidd undanfarin tvö ár og við vissum af því. Hún er gríðarlega sterkur leikmaður og hugsaði Íslandsdvölina sem hluti af uppbyggingu sinni. Ég efa það að við hefðum nokkum tímann náð í hana ef þessar aðstæður hefðu ekki komið upp."'' En hvernig líst þér annars á aðstæður hérna í Eyjum? ''„Ég held að þetta eigi eftir að verða mjög skemmtilegt. Aðstæður hér í Eyjum eru auðvitað mjög góðar fyrir handbolta, þrír salir og félög sem hafa svo góða aðstöðu eru teljandi á fingrum annarrar handar. í kringum liðið er líka mjög duglegt fólk sem vinnur fyrir félagið þannig að þetta er mjög öflugt héma í Eyjum."'' Hvernig líst þér annars á veturinn? ''„Mér líst bara vel á veturinn og er spenntur fyrir deildinni. Okkur hefur verið spáð góðu gengi en ég er á því að deildin eigi eftir að verða jafnari en margur hefur haldið fram. Það má ekki gleyma því að við höfum misst tvo af lykilmönnum liðsins, og um leið tvær af bestu handknattleikskonum landsins, þær Ingibjörgu og Vigdísi og þau skörð verða vandfyllt. Þeir leikmenn sem við höfum fengið í staðinn em mjög sterkir leikmenn og eiga án efa eftir að verða sterkari þegar líður á veturinn en það sem okkur skortir fyrst og fremst er leiðtogann í hópinn en bæði Vigdís og Ingibjörg voru sannkallaðir leiðtogar, vom hjartað í liðinu. Það er það sem við þurfum að vinna í en ég hef fulla trú á að veturinn eigi eftir að ganga vel."''

=== '''Eyjamenn enduðu í 5 sæti''' ===
IBV og ÍA léku í síðustu umferð Landsbankadeildar karla á Hásteinsvelli þann 20.september. Eyjamenn léku gegn vindinum í fyrri hálfleik en aðstæður til fótboltaiðkunar voru ekki góðar. Leikmenn ÍBV komust ekki oft inn í teig gestanna, skagamenn náðu hins vegar ekki að skapa mikla hættu upp við mark IBV. Það var helst þegar þeir fengu hornspyrnur að hætta skapaðist en Birkir Kristinsson var traustur á milli stanganna. Staðan í hálfleik var jöfn, 0-0. En undan vindi náðu leikmenn ÍBV ekki að skapa sér nein færi. Alla áræðni vantaði og hefði að ósekju mátt láta vaða á markið mun oftar. Eyjamenn voru mun meira með boltann í síðari hálfleik og það kom því eins og ísköld vatngusa í andlit áhorfenda þegar Skagamenn komust yfir, átta mínútum fyrir leikslok. Það var í raun eina markskot Skagamanna í síðari hálfleik og úr því varð mark. Eftir þetta lifnaði hins vegar yfir leik IBV og þremur mínútum fyrir leikslok komst Steingrímur Jóhannesson upp vinstri kantinn, sendi fyrir og þar var Gunnar Heiðar sem skoraði sitt fyrsta mark síðan í elleftu umferð íslandsmótsins. Gunnar fékk svo tækifæri til að stela öllum þremur stigunum en aðstæður urðu til þess að hann náði ekki að hemja boltann og færið rann út í sandinn.

=== '''Enn fækkar á Hástcinsvelli''' ===
KSÍ gaf út í september tölur yfír áhorfendafjölda í Landsbankadeild karla og þar kemur fram að áhorfendum fjölgar að meðaltali á hverjum leik. Þeir voru 1025 áhorfendurnir sem mættu að meðaltali á leiki í Landsbankadeildinni. Er það í annað sinn sem meðaltalsfjöldi áhorfenda fer yfir eitt þúsund. Alls komu 92.250 manns að sjá leikina sem voru 90 talsins og en fjöldi áhorfenda hefur farið vaxandi jafnt og þétt síðustu ár ef frá er talið keppnistímabilið 2002 þegar lítilsháttar fækkun varð. Eyjamenn virðast hins vegar vera undantekningin sem sannar regluna því undanfarin ár hefur áhorfendum fækkað á Hásteinsvelli. Þetta er vissulega mikið áhyggjuefni en í ár komu að meðaltali 420 á leiki ÍBV sem er 605 undir meðaltali. Næsta lið fyrir ofan IBV á listanum er KA með 669 áhorfendur að meðaltali á leiki liðsins fyrir norðan þannig að Eyjamenn eru nokkuð langt á eftir öðrum liðum Ágætis aðsókn er hins vegar á leiki liðsins á útivelli en alls sáu 1154 útileiki ÍBV að meðaltali og er það fjórða hæsta meðaltal liða á útivelli. Eins og áður sagði hefur aðsókn á leiki liðsins dregist saman undanfarin ár en árið 2002 voru að meðaltali 601 sem sáu leiki IBV á Hásteinsvelli, 2001 voru þeir 685 og árið 2000 mættu að meðaltali 707 á leiki ÍBV á heimavelli. Á þessum fjórum árum hefur áhorfendafjöldinn því farið úr 707 niður í 420 sem er fækkun um rúm 41%.

=== '''Karen Burke og Birkir Kritins best''' ===
Það var mikið um dýrðir á lokahófi knattspyrnunnar hjá IBV í Höllinni laugardagskvöldið 20.september. Þar voru samankomin um 350 manns, leikmenn, starfsmenn og dyggir stuðningsmenn. Úr þessu varð heilmikil veisla með frábærum mat að hætti Hallarmanna. Á eftir fylgdu ræðuhöld, verðlaunaafhendingar og loks stiginn dans við undirleik Írafárs og Birgittu Haukdal í boði Ölgerðarinnar. Í kvennaflokki fengu eftirtaldar viðurkenningar; Karen Burke var valin besti leikmaðurinn, Olga Færseth var markahæst, Hanna G. Guðmundsdóttir sýndi mestar framfarir, Sara Sigurlásdóttir var best í öðrum flokki, María Guðjónsdóttir sýndi mestar framfarir í öðrum flokki og Pálína Bragadóttir fékk svo Marteinsbikarinn. Í karlaflokki: Birkir Kristinsson var valinn bestur, Gunnar Heiðar Þorvaldsson var markahæstur, Atli Jóhannsson var valinn efnilegastur og Víðir Róbertsson var bestur í öðrum flokki. Að venju var efnilegasta knattspymufólkinu í yngri flokkum afhentir Fréttabikaramir. Þá hlutu að þessu sinni Sara Sigurlásdóttir og Víðir Róbertsson.

=== '''Tap í fyrsta leik''' ===
Karlalið ÍBV tók á móti ÍR í fyrstu umferð deildarinnar. Eyjamenn mættu grimmir til leiks og léku ágætan handbolta. Reyndar vantaði herslumuninn í varnarleik liðsins en 3-2-1 vörnin var dálítið opin fyrir sterkum skyttum ÍR-liðsins. Mikill hraði var í leiknum og staðan í hálfleik var 17-16 fyrir IBV en Zoltán Belányi skoraði síðasta mark hálfleiksins og þar með sitt fyrsta mark fyrir IBV í langan tíma. Síðari hálfleikur fór ágætlega af stað fyrir ÍBV sem strax komst þremur mörkum yfir, 19-16. En ÍR-ingar jöfnuðu leikinn og var lengst af jafnt. Um miðjan síðari hálfleik fóru dómarar leiksins hins vegar að vísa Eyjamönnum af leikvelli, hverjum á fætur öðrum. Þetta fóróskaplega í taugarnar á leikmönnum IBV, skiljanlega en leikmenn hefðu átt að einbeita sér að því að halda aftur af ÍR-ingum í stað þess að tuða í arfaslökum dómurum leiksins. Þetta nýttu IRingar sér og náðu forystunni sem þeir juku svo til leiksloka. Lokatölur urðu 30-34, tap í fyrsta leik hjá ÍBV. Mörk IBV: Sigurður Ari Stefánsson 8, Robert Bognar 7, Davíð Óskarsson, Björgvin Rúnarsson 3, Zoltán Belányi 3, Sigurður Bragason 3, Erlingur Richardsson 1. Varin skot: Jóhann Guðmundsson 16/2.

=== '''Skyldusigur þrátt fyrir meiðsli''' ===
Íslandsmeistarar IBV hófu titilvörn sína í ReMaxdeild kvenna gegn Fylki/ÍR á heimavelli þeirra síðarnefndu. Fyrirfram var talið nánast öruggt að Eyjastúlkur myndu sigra en mikil meiðsli eru í herbúðum IBV þannig að Aðalsteinn Eyjólfsson gat ekki stillt upp sínu sterkasta liði. Engu að síður var sigur IBV nokkuð öruggur og loka tölur urðu 19-25. Leikurinn fór vel af stað fyrir ÍBV en styrkleikamunurinn kom fljótlega í ljós. Eyjastúlkur náðu mest átta marka forystu, 4-12 en staðan í hálfleik var 6- 13. Í seinni hálfleik hélt ÍBV forystunni og um miðjan hálfleikinn fengu svo varamenn IBV að spreyta sig og munurinn á liðunum minnkaði hægt og sígandi. Engu að síður var sigur IBV aldrei í hættu. Mörk ÍBV: Anna Yakova 7, Sylvia Strass 6, Guðbjörg Guðmannsdóttir 4, Birgit Engl 3, Aníta Ýr Eyþórsdóttir 2, Þórsteina Sigurbjörnsdóttir 2, Edda Eggertsdóttir 1. Varin skot: Julia Gantimurova 18/2.

=== '''Yngri flokkarnir í handbolta''' ===
Unglingaflokkur kvenna lék í A-riðli en með ÍBV í riðli voru Grótta, Fram2, Grótta2 og HK2. ÍBV lék aðeins tvo leiki þar sem upp komu meiðsli hjá Eyjastúlkum þannig að Aðalsteinn Eyjólfsson, þjálfari liðsins átti ekki í lið. IBV tapaði þessum tveimur leikjum gegn HK2 og Fram2 og enduðu stelpurnar því í neðsta sæti riðilsins. Þriðji flokkur karla lék í D-riðli Íslandsmótsins en fjölliðamótið fór fram á hófuðborgarsvæðinu. IBV leikur í riðli með Val, ÍR, Víking og KA2 en leikirnir fóru fram á laugardag og sunnudag. IBV vann leikina gegn Víkingum og KA2 en tapaði gegn Val og IR og enduðu strákarnir þar með í þriðja sæti riðilsins.

=== '''Sara með U-19 til Slóvakíu''' ===
Sara Sigurlásdóttir er nú stödd með U-l 9 ára landsliði Íslands í Slóvakíu en þar tekur liðið þátt í undankeppni Evrópumótsins. Í fyrsta leik liðsins var Sara á varamannabekk íslenska liðsins og tók ekki þátt í leiknum en íslenska liðið vann öruggan sigur gegn Lettum 4-0. Auk Letta eru Slóvakía og Tékkland í riðlinum.

=== '''Andri á úrtaksæfingar''' ===
Andri Ólafsson, knattspyrnumaðurinn efnilegi úr IBV, var kallaður á úrtaksæfingar hjá U-19 ára landsliðsins í september en liðið tekur þátt í undankeppni Evrópumótsins. Þjálfari liðsins er Guðni Kjartansson en Andri tók ekki þátt í æfingunum þar sem hann lék með ÍBV á sama tíða og æfingarnar fóru fram.

=== '''Fjölmennt lokahóf yngri flokkanna''' ===
Lokahóf sumarsins í yngri flokkum IBV fór fram í Týsheimilinu síðasta sunnudag septembermánaðar og var krökkunum boðið í kökuveislu. Þetta er orðinn fastur liður í starfi ÍBV-íþróttafélags og skemmtilegt er að sjá hvað margir mæta, ekki síst foreldrarnir sem telja ekki eftir sér að eyða þessari stund með börnum sínum. Veitt voru verðlaun í hverjum flokki fyrir sig og fengu eftirfarandi krakkar viðurkenningu:

7. flokkur karla-eldri: Besta ástundun: Jón Ingason Mestu framfarir: Frans Sigurðsson Prúðastur: Guðmundur Geirsson

7. flokkur karla-yngri: Besta ástundun: Guðmundur T. Sigfússon Mestu framfarir: Hjalti Jóhannsson Prúðastur: Sindri Jóhannsson

6. flokkur karla-eldri: Besta ástundun: Hannes Jóhannsson og Ágúst Sölvi Hreggviðsson Mestu framfarir: Guðni Freyr Sigurðsson Prúðastur: Bjartur Týr Ólafsson og Björn Sigursteinsson

6. flokkur karla-yngri: Besta ástundun: Hallgrímur Júlíusson Mestu framfarir: Brynjar Einarsson Prúðastur: Jakob Þór Bergþórsson og Nökkvi Sverrisson

6. flokkur kvenna-eldri: Besta ástundun: Armey Valdimarsdóttir Mestu framfarir: Berglind Dúna Sigurðardóttir Prúðust: Ásta Lilja Gunnarsdóttir

6. flokkur kvenna-yngri: Besta ástundun: Guðný Erla Guðnadóttir Mestu framfarir: Nína Friðriksdóttir Prúðust: Bryndís Jónsdóttir

5. flokkur karla: Besta ástundun: Hjörvar Gunnarsson, Víðir Þorvaldsson og Einar Gauti Ólafsson Mestu framfarir: Sindri Georgsson og Guðjón Orri Sigurðsson Prúðastir: Andrés Guðjónsson og Kristján Tómasson

5. flokkur kvenna: Besta ástundun: Guðný Ósk Ómarsdóttir, Kateryna Hlynsdóttir Mestu framfarir: Ragnheiður Perla Hjaltadóttir Leikmaður ársins: Berglind Þorvaldsdóttir

4. flokkur karla: Besta ástundun: Þorsteinn Amarson, Amór Eyvar Ólafsson og Eiður Sigurbjömsson Mestu framfarir: Elías F. Stefnisson, Birkir Helgason og Vignir Stefánsson Prúðastir: Gauti Þorvarðarson, Guðjón Ólafsson og Þórarinn Ingi Valdimarsson

4. flokkur kvenna: Besta ástundun: Allur flokkurinn Mestu framfarir: Nína Björk Gísladóttir, Sara Sjöfn Grettisdóttir, Eva María Káradóttir Leikmaður ársins: Fanndís Friðriksdóttir

3. flokkur karla-eldri: Einar Kr. Kárason og Anton Bjamason fyrir góða frammistöðu

3. flokkur karla-yngri: Egill Jóhannsson og Frans Friðriksson fyrir góða frammistöðu

3. flokkur kvenna: Besta ástundun: Tanja Tómasdóttir Mestu framfarir: Sólveig Rut Magnúsdóttir Leikmaður ársins: Tanja Sigurjónsdóttir

=== '''Jafntefli og naumt tap''' ===
ÍBV mætti Stjörnunni á heimavelli en bæði lið voru án stiga. Það vantaði ekkert upp á baráttuna og augljóst að bæði lið ætluðu sér sigur, en leiknum lauk með jafntefli, 26-26. Eyjamenn geta hins vegar nagað sig í handarbökin því eftir jafnan og skemmtilegan fyrri hálfleik, voru þeir með undirtökin lengst af í þeim síðari. ÍBV komst m.a. þremur mörkum yfír þegar aðeins sjö mínútur voru til leiksloka. Í stað þess að halda áfram að sækja á mark andstæðinganna, ætluðu leikmenn liðsins að hanga á forystunni á lokakaflanum. Það varð til þess að ÍBV skoraði aðeins eitt mark það sem eftir lifði leiks á meðan gestirnir skoruðu fjögur og lokatölur því 26-26. Mörk ÍBV: Robert Bognar 8, Josep Bösze 6, Davíð Þór Óskarsson 4/3, Zoltán Belányi 2, Erlingur Richardsson 2, Sigurður Ari Stefánsson 2, Kári Kristjánsson 1, Sigurður Bragason 1. Varin skot: Jóhann Guðmundsson 16/1

ÍBV tók svo á móti HK en gestirnir höfðu að betur 32-34. Fyrri hálfleikur hjá ÍBV var mjög slakur. Breytt var um áherslu í varnarleik frá fyrstu leikjunum og spiluð 6-0 vörn. Hún virkaði hins vegar engan veginn og í raun ótrúlegt að sjá hversu auðveldlega leikmenn HK komust í gegnum miðja vörnina. Gestirnir náðu fljótlega undirtökunum, náðu mest fimm marka forystu en staðan í hálfleikvar 13-17. Síðari hálfleikur var hins vegar mun betri hjá Eyjamönnum sem breyttu aftur í 3-2-1 vörn sem hægði töluvert á gestunum. ÍBV sýndi mjög góðan leik fyrstu tuttugu mínútur hálfleiksins, baráttan var í algleymingi og hverju marki fagnað sem sigurmarki. IBV náði ekki einungis að jafna leikinn heldur komst tveimur mörkum yfír 25-23. En þá hrökk allt í baklás aftur, gestirnir skoruðu fimm mörk gegn tveimur mörkum IBV og komust aftur yfir. Þeir létu forystuna ekki af hendi það sem eftir lifði leiks og sigmðu með tveimur mörkum. Mörk ÍBV: Robert Bognar 8, Kári Kristjánsson 5, Sigurður Bragason 5, Sigurður Ari Stefánsson 5, Davíð Þór Óskarsson 4/2, Zoltán Belányi 4/2, Erlingur Richardsson 1. Varin skot: Jóhann Guðmundsson 17, Eyjólfur Hannesson 1.

=== '''Olga og Margrét Lára skoruðu''' ===
Íslenska kvennalandsliðið lék gegn því pólska en fyrri leik þeirra lyktaði með 10-0 sigri Íslands. Leikurinn ytra var öllu erfiðari fyrir Ísland og Pólverjar skoruðu fyrsta mark leiksins strax á fyrstu mínútu. Olga Færseth jafnaði fjórum mínútum síðar og fjórum mínútum fyrir leikslok kom Margrét Lára Viðarsdóttir, Íslandi yfir. Fyrirliði íslenska liðsins, Ásthildur Helgadóttir bætti þriðja markinu við fyrir hálfleik en í síðari hálfleik skoruðu Pólverjar einu sinni og lokatölur því 2-3 sigur hjá íslenska liðinu.

=== '''Atli aftur inn í U-21 árs liðið''' ===
Ólafur Þórðarson, þjálfari U-21 árs landsliðs Íslands tilkynnti leikmannahópinn í lok september en liðið leikur gegn Þjóðverjum 10. október næstkomandi. Það vakti óskipta athygli fyrir síðasta leik, sem var einmitt heimaleikur gegn Þjóðverjum að Ólafur skyldi ekki hafa valið Atla Jóhannsson, einn efnilegasta knattspyrnumann landsins, í lið sitt. En Atli er aftur kominn í hópinn og auk hans eru þar Gunnar Heiðar Þorvaldsson og Tryggvi Bjarnason.

=== '''Tap á útivelli og sigur heima''' ===
IBV sótti Val heim en báðum liðum hefur verið spáð mikilli velgengni í vetur. ÍBV byrjaði betur, skoraði fyrstu tvö mörkin en Valsstúlkur voru fljótar að jafna og liðin skiptust á að skora út hálfleikinn. Staðan var jöfn í leikhléi, 9-9 en seinni hálfleikur fór afar illa af stað hjá ÍBV. Valsstúlkur skoruðu sex mörk gegn tveimur mörkum IBV og náðu svo mest sex marka forystu, 28- 22. En leikmenn ÍBV neituðu að gefast upp og með ótrúlegri baráttu náðu stelpumar að minnka muninn niður í eitt mark. Síðustu mínútumar vom æsispennandi en þrátt fyrir að vera tveimur fleiri tókst ÍBV ekki að jafna leikinn og síðasta mark leiksins skoruðu Valsstúlkur og lokatölur því 29-27. Mörk ÍBV: Birgit Engl 7, Anna Yakova 7/3, Guðbjörg Guðmannsdóttir 3, Elísa Sigurðardóttir 2, Anja Nielsen 1, SylviaStrass 1. Varin skot: Julia Gantimorova 11.

Stelpurnar tóku svo á móti FH en þetta var jafnframt fyrsti heimaleikur ÍBV en lið FH-inga var engin hindrun fyrir ÍBV. Það var aðeins á fyrstu mínútum leiksins að jafnræði var með liðunum en eftir tæplega tíu mínútna leik tók Eyjaliðið góðan sprett, skoraði sjö mörk í röð og breytti stöðunni úr 3-4 í 10-4. Þama var grunnurinn lagður að sigri IBV og eftir þetta slökuðu heimastúlkur aðeins á klónni. Staðan í hálfleik var 14-7 en í síðari hálfleik hélt munurinn áfram að aukast. Mestur varð hann ellefu mörk en Hafnfirðingar náðu að minnka muninn aðeins á lokakaflanum. Aðalsteinn Eyjólfsson, þjálfari notaði alla leikmenn ÍBV í leiknum og kláruðu varamenn ÍBV leikinn, lokatölur 24-15. Mörk ÍBV: Guðbjörg Guðmannsdóttir 6, Alla Gokorian 5, Anna Yakova 4, Birgit Engl 3, Sylvia Strass 3, Þórsteina Sigurbjömsdóttir 2, Anja Nielsen 1. Julia Gantimorova 13.

=== '''Tryggvi aftur inn í landsliðshópinn''' ===
Ásgeir Sigurvinsson og Logi Ólafsson, landsliðsþjálfarar hafa tilkynnt leikmannahóp sinn sem mætir Þýskalandi 11. október næstkomandi í Þýskalandi. Leikurinn mun fara fram í Hamborg en í leikmannahópi íslenska liðsins má finna Birki Kristinsson, Hermann Hreiðarsson, Ívar Ingimarsson og Tryggva Guðmundsson, sem nú kemur aftur inn í landsliðshópinn eftir að hafa fótbrotnað fyrr í sumar.

=== '''ÍBV komið áfram''' ===
Karlalið ÍBV er komið í 16-liða úrslit bikarkeppninnar í handbolta en liðið átti að mæta Þór frá Akureyri í 32ja liða úrslitum. Norðanmenn drógu lið sitt hins vegar út úr keppninni og því komst ÍBV sjálfkrafa áfram. IBV hefur ekki komist lengra í bikarkeppninni síðustu fjögur keppnistímabil en tímabilið 1998 til 1999 komst ÍBV í átta liða úrslit. Árið áður tapaði liðið hins vegar í undanúrslitum gegn Val þannig að nú þyrstir Eyjamenn í árangur í bikarkeppninni.

== '''OKTÓBER:''' ==

=== '''Heimir þjálfari seinni umferðarinnar''' ===
Þann 1.október voru veittar viðurkenningar fyrir umferðir 13 til 18 í Landsbankadeild karla og 8 til 14 í Landsbankadeild kvenna. Heimir Hallgrímsson, þjálfari kvennaliðs ÍBV, var valinn þjálfari seinni umferðarinnar enda var frammistaða IBV nánast óaðfinnanleg í síðustu sjö leikjunum ef frá er talinn útileikurinn gegn Stjörnunni. Þá voru Olga Færseth, Íris Sæmundsdóttir og Karen Burke allar valdar í úrvalslið seinni umferðarinnar en sú síðastnefnda var einnig í liði fyrri umferðar.

=== '''Andri Ólafs í U-19 ára landsliðið''' ===
U-19 ára landsliðið sem tekur þált í undankeppni Evrópumótsins hefur verið valið en alls voru 18 leikmenn valdir. Andri Ólafsson hefur verið í æfingahópi liðsins og hann er einn af þeim átján sem munu leika síðar í þessum mánuði í Moldavíu. Auk Íslands og heimamanna eru Israelar og Hollendingar í riðlinum.

=== '''ÍBV fékk sex verðlaun og fjórar Eyjastelpur í liði ársins''' ===
Laugardaginn 4. október fór fram lokahóf KSÍ og var það að venju haldið á Broadway. Hófið var auðvitað allt hið glæsilegasta en heiðursgestur var Michel Platini og afhenti hann verðlaunin. Bestu leikmenn Íslandsmótsins voru að þessu sinni valin Allan Borgvardt, sóknarmaður úr FH og landsliðsfyrirliðinn Ásthildur Helgadóttir. Efnilegastur hjá körlunum var Ólafur Ingi Skúlason en Margrét Lára Viðarsdóttir var valin efnilegust hjá konunum og kom það fáum á óvart. ÍBV átti þrjá af sex markahæstu leikmönnum sumarsins, Olga Færseth fékk silfurskóinn og Margrét Lára og Gunnar Heiðar Þorvaldsson fengu bronsskóinn. Þá fóru prúðmennskuverðlaunin bæði til ÍBV, í karlaflokki Hjalti Jóhannesson en í kvennaflokki Íris Sæmundsdóttir sem fengu þessa viðurkenningu. Í lið ársins í kvennafloklti mátti svo finna fjóra leikmenn úr ÍBV, þær Írisi, Margréti Láru, Olgu og Karen Burke en enginn leikmaður úr karlaliði IBV komst í lið ársins að þessu sinni.

=== '''Tryggvi ekki til Þýskalands''' ===
Tryggvi Guðmundsson, leikmaður Stabæk, féll út úr íslenska landsliðshópnum þegar landsliðsþjálfararnir, Ásgeir Sigurvinsson og Logi Ólafsson tilkynntu 20 manna leikmannahóp sinn fyrir leikinn mikilvæga gegn Þjóðverjum. Þeir voru búnir að velja 22 manna hóp en Tryggvi féll út ásamt Gylfa Einarssyni. Hermann Hreiðarsson, Birkir Kristinsson og Ivar Ingimarsson eru hins vegar allir á sfnum stað. Með ungmennaliðinu fara þrír Eyjamenn, þeir Gunnar Heiðar Þorvaldsson, Tryggvi Bjarnason og Atli Jóhannsson en auk þeirra verða Magnús Gylfason og Hjalti Kristjánsson í starfsmannaliði íslenska liðsins.

=== '''3. flokkur''' ===
Þriðji flokkur karla lék í milliriðli í Íslandsmótinu en í riðlinum léku, auk IBV, FH, Haukar og Grótta. Eyjapeyjar léku fyrst gegn FH og unnu þann leik 32-27. Næsti leikur var svo gegn Gróttu en sá leikur tapaðist 21-28. Þriðji og síðasti leikur liðsins var gegn Haukum en lokatölur í þeim leikurðu 24-17.

=== '''Aníta Ýr hætt''' ===
Enn hafa Íslandsmeistararnir orðið fyrir blóðtóku því í byrjun október tilkynnti Aníta Ýr Eyþórsdóttir að hún væri að hætta og á leið út til Þýskalands sem Au-pair. Aníta fékk Fréttabikarinn árið 2002 en hún hefur verið fastamaður í leikmannahópi Íslandsmeistaranna og spilað reglulega. Leikmannahópur ÍBV er þunnskipaður fyrir en alls hafa níu leikmenn horfið á braut frá því á síðasta tímabili.

=== '''Tveir sigrar gegn KA/Þór''' ===
IBV lék fyrstu helgina í október tvo leiki gegn KA/Þór og fóru þeir báðir fram fyrir norðan. Annar leikurinn var í þriðju umferð Remaxdeildarinnar. Þetta er gert til að spara ferðakostnaðinn og lögðu leikmenn og forráðamenn ÍBV m.a. það á sig að ferðast með Herjólfi, keyra norður yfir heiðar og svo aftur til baka en samanlagt er ferðalagið tæpur sólarhringur. Það kom hins vegar ekki að sök því IBV sigraði í báðum leikjunum nokkuð örugglega. Fyrri leikurinn fór fram á föstudeginum en stelpurnar lögðu upp frá Eyjum daginn áður. ÍBV var mun sterkari aðilinn í leiknum og var sigurinn aldrei í hættu. Staðan í hálfleik var 6-18 fyrir IBV en munurinn hélst nokkum veginn í síðari hálfleik enda fengu varamenn ÍBV að spreyta sig. Lokatölur urðu 18-31 ÍBV í vil Mörk ÍBV: Anna Yakova 7, Sylvia Strass 7, Guðbjörg Guðmannsdóttir 4, Þórsteina Sigurbjömsdóttir 2, Elísa Sigurðardóttir 2, Anja Nielsen 2 og AllaGokorian 1. Varin skot: Julia Gantimorova 22. Í seinni leiknum hafði IBV ekki eins mikla yfirburði en engu að síður voru Eyjastúlkur mun sterkari. Leikurinn var jafn framan af en Eyjastúlkur náðu góðum leikkafla undir lok fyrri hálfleiks og voru fjórum mörkum yfir í hálfleik, 13-17. Í seinni hálfleiks hélst munurinn en mikil stemmning var á pöllunum í Húsavík og hafði stuðningurinn þau áhrif að lið KA/Þórs tvíefldist. Sigur IBV var þó aldrei í hættu og lokatölur urðu 26:31. Mörk ÍBV: Guðbjörg Guðmannsdóttir 7, Anna Yakova 6, Alla Gokorian 6, Sylvia Strass 5, Birgit Engl 3, Elísa Sigurðardóttir 2, Anja Nielsen 2, Þórsteina Sigurbjömsdóttir 1. Varin skot: Julia Gantimorova 18

=== '''Neyðarlegt tap''' ===
Strákarnir spiluðu gegn Breiðabliki og þó að Blikamir hafi styrkst töluvert þá hefði sigur IBV að öllu jöfnu verið eðlilegur. En Eyjamenn töpuðu leiknum með einu marki, 34-33. Eins og sjá má á þessum tölum var ekki mikið um varnarleik hjá liðunum í Kópavogi. 3-2-1 vöm IBV, sem hefur oft virkað ágætlega, var ekki vel leikin um helgina og þegar leið á fyrri hálfleik var skipt yfir í 6-0 vörn. Ekki tók þá betra við, leikmenn virðast hreinlega ekki kunna þá varnaraðferð og Blikarnir óðu oftar en ekki óareittir inn fyrir punktalínu. Að tapa fyrir Breiðabliki segir meira um slaka frammistöðu IBV en getu Breiðabliks. Mörk ÍBV: Zoltán Belányi 11/6, Robert Bognar 7, Sigurður Ari Stefánsson 6, Joseph Bösze 3, Sigurður Bragason 3, Kári Kristjánsson 1, Sindri Haraldsson 1, Michael Lauritsen 1. Varin skot: Jóhann Guðmundsson 12.

=== '''Heimir þjálfar áfram''' ===
Heimir Hallgrímsson gaf það út á í byrjun október að hann ætlaði sér að halda áfram þjálfun meistaraflokkskvenna. En Heimir var að ljúka sínu fjórða ári með liðið. Undir stjóm hans hefur ÍBV tekið miklum framförum en auk þess var Heimir kosinn besti þjálfarinn af blaðamönnum og KSÍ í seinni umferð Íslandsmótsins. Heimir sagði í samtali við Fréttir að líklega yrði sami mannskapur hjá ÍBV næsta sumar. ''„Við erum búin að tala við leikmenn og allar stelpumar hafa sagt mér að þær ætli að halda áfram. Við bættum okkur það mikið í sumar að það væri synd að geta ekki haldið því starfi áfram. Það er óneitanlega betra andrúmsloft innan liðsins núna en á sama tíma í fyrra, stelpurnar era jákvæðar og ákveðnar í að bæta sig enn frekar."''

=== '''Gjaldþrot Móa kemur illa við ÍBV''' ===
Nú stefnir allt í það að Móar kjúklingabú fari í gjaldþrot en tilraunir til að bjarga fyrirtækinu virðast nú runnar út í sandinn. Gjaldþrotið mun snerta handknattleiksdeild kvenna ÍBV illa en Móar hafa undanfarin ár verið aðalstyrktaraðili liðsins. ''„Þetta skiptir okkur miklu máli, það er ekki auðvelt að fá peninga í dag og Móar hafa reynst okkur mjög vel síðustu ár,"'' sagði Hlynur Sigmarsson, formaður handknattleiksdeildarinnar og sagði að nú þegar væru menn farnir að kanna aðra möguleika. „''Með gjaldþroti Móa hverfa tíu prósent af rekstrartekjum deildarinnar og það er stórbiti að kyngja."''

=== '''Fjölmennt mót hjá IBV''' ===
Helgina 11-12 október fór fra riðlakeppni íslandsmótsins. ÍBV sá um einn riðilin en í honum eru auk ÍBV, Haukar, HK og Valur en um 50 stelpur komu til Eyja. Til að gera langa sögu stutta þá tapaði ÍBV öllum þremur leikjum sínum í mótinu en HK vann alla sína og vann því mótið. Íslandsmótið fer þannig fram að lið geta unnið sig á milli deilda og því fer HK upp um deild. Úrslit mótsins urðurþessi, staðan í hálfleik í sviga: ÍBV-Haukar 13-14 (8-6 ) ÍBV-HK 11-19 (3-11 ) ÍBV-Valur 12-16(5-10) Mörk IBV um helgina gerðu Hekla 13, Ester 10, Birgitta 4, Anna María 3, Þóra Sif 2 og Sædís 2.

=== '''Framtíðarnefnd stofnuð hjá ÍBV''' ===
Í október var haldinn fundur með þjálfumm ÍBV-íþróttafélags um framtíð félagsins en gengi yngri flokka félagsins í sumar var afar slakt. Óskar Freyr Brynjarsson, formaður IBV sagði í samtali við Fréttir að fundurinn hefði verið mjög gagnlegur fyrir alla aðila. „''Það kom margt fram á fundinum sem ég tel að eigi eftir að nýtast okkur vel í framtíðinni. En það sem mér fannst best við þennan fund var að ákveðið var að setja á laggirnar nefnd sem mætti kalla framtíðanefnd. Henni er ætlað að móta stefnu félagsins í framtíðinni og við fengum til liðs við okkur fært fólk,"'' sagði Óskar Freyr. Í nefndinni eru Sigurlás Þorleifsson, Heimir Hallgrímsson, Unnur Sigmarsdóttir, Erlingur Richardsson og Aðalsteinn Eyjólfsson.

=== '''Strákarnir stóðu sig vel''' ===
Ungmennalið Íslands lék í síðustu viku gegn jafnöldrum sínum frá Þýskalandi. Gengi íslenska liðsins hefur verið afleitt í keppninni og hafði það tapað öllum leikjunum. En íslensku strákarnir sýndu einn sinn besta leik í keppninni. Þar átti ÍBV þrjá fulltrúa, Gunnar Heiðar Þorvaldsson, Atla Jóhannsson og Tryggva Bjarnason en í DV var Tryggvi valinn maður leiksins- Leiknum lauk hins vegar með eins marks sigri Þjóðverja, 1-0 og endaði Ísland því í neðsta sætí riðilsins með ekkert stig.

=== '''Útileikirnir á Fjölsýn''' ===
Í vetur munu upptökur frá útileikjum karla- og kvennaliðs IBV verða sýndar á Fjölsýn. Fengist hefur leyfi frá RÚV, sem er með sýningarétt Remaxdeildarinnar um að sýna leikina en um er að ræða samstarf milli Fjölsýnar og ÍBV. Með þessu vonast forráðamenn ÍBV að auka áhugann á handboltanum en leikimir verða sýndir klukkan 20.00 kvöldið eftir leikdag eða eftir auglýsta dagskrá Fjölsýnar.

=== '''Tveir sigrar hjá strákunum''' ===
Eyjamenn mættu Selfyssingum á útivelli um miðjan október. Eyjamenn voru nánast allan leikinn yfir, náðu mest sex marka forystu í síðari hálfleik en gáfu eftir undir lokin. Þannig varð leikurinn nokkuð spennandi á lokamínútunum eftir að Selfyssingar náðu að minnka muninn niður í eitt mark, 27-28 þegar tvær mínútur voru til leiksloka. En Sigurður Bragason tryggði ÍBV sigurinn með glæsilegu marki þegar ein og hálf mínúta var eftir, 27-29. Mörk IBV: Davíð Þór Óskarsson 6/3, Kári Kristjánsson 5, Robert Bognar 5, Zoltán Belányi 4/1, Sigurður Bragason 3, Sigurður Ari Stefánsson 2, Josep Bösze 2, Björgvin Rúnarsson 1, Sindri Haraldsson 1. Varin skot: Jóhann Guðmundsson 15/1.

Í kjölfarið á fyrsta sigri vetrarins kom fyrsti heimasigurinn þegar Arnar Pétursson, Svavar Vignisson og félagar þeirra í FH komu í heimsókn. Í liði FH mátti finna eina fimm fyrrverandi leikmenn ÍBV og höfðu menn á orði að þarna væru A og B-lið Eyjamanna að mætast. Leikurinn var jafn fyrstu mínúturnar en svo fór að draga í sundur með liðunum. Eyjamenn náðu samt sem áður ekki að hrista gestina af sér fyrr en undir lok fyrri hálfleiks að munurinn varð fjögur mörk en Arnar Pétursson skoraði síðasta mark hálfleiksins og staðan 17-14 þegar leikmenn gengu til búningsherbergja. Seinni hálfleikur var á svipuðum nótum og sá fyrri, Eyjamenn héldu þriggja til fjögurra marka forystu en um miðjan hálfleikinn tókst Hafnfírðingum að jafna 21-21. En í kjölfarið komu fjögur mörk frá Eyjamönnum gegn aðeins einu marki FH og munurinn aftur kominn í þrjú mörk. Undir lok leiksins reyndu gestirnir allt hvað þeir gátu til að fiska boltann en leikmenn IBV voru skynsamir og innbyrtu sinn fyrsta heimasigur á tímabilinu, 33-29. Erlingur Richardsson var að vonum ánægður með sigrana tvo. „''Við gerðum það sem við ætluðum okkur í þessum leik, spiluðum eins og við lögðum upp með og þá getum við látið finna fyrir okkur. Mér fannst við stjórna allan leikinn og þó að þeir hafi jafnað í seinni hálfleik hafði ég aldrei neinar áhyggjur. Við höfum verið óheppnir í leikjum okkar til þessa, áttum að vinna Stjörnuna og fá meira út úr leikjunum gegn HK og ÍR en svo var tapið gegn Breiðablik ófyrirgefanlegt. Ef við hefðum unnið þann leik værum við með sjö stig og í toppbaráttunni en nú verðum við að sækja stig hjá toppliðinum."'' Mörk ÍBV: Davíð Þór Óskarsson 8/2, Robert Bognar 7, Jozep Bösze 5, Sigurður Ari Stefánsson 4, Kári Kristjánsson 3, Zoltán Belányi 2/2, Sigurður Bragason 2, Erlingur Richardsson 1, Björgvin Þór Rúnarsson 1. Varin skot: Jóhann G. 15/1.

=== '''Haukastúlkur voru kjöldregnar''' ===
Haukar koma í heimsókn í lok október en leikir IBV og Hauka hafa undanfarin ár verið jafnir og spennandi. Haukar voru betri lengst af í fyrri hálfleik, voru einu til tveimur mörkum yfir og virtust hafa leikinn í hendi sér. En á síðustu sjö mínútum síðari hálfleiks tókst Eyjastúlkum að gera út um leikinn. Þá breyttist staðan úr 10- 11 í 17-12 og stóðu leikmenn Hauka eins og illa gerðir hlutir á vellinum enda hefur annar eins viðsnúningur í handboltaleik varla átt sér stað. Það var augljóst í byrjun síðari hálfleiks að gestirnir voru búnir að gefast upp og leikmenn IBV sýndu enga miskunn. Jafnt og þétt jókst munurinn og skipti engu þótt varamenn ÍBV kæmu inn á, munurinn hélt áfram að aukast. Lokatölur urðu 36-23, ótrúlegir yfirburðir ÍBV. Mörk ÍBV: Anna Yakova 8, Sylvia Strass 7/1, Guðbjörg Guðmannsdóttir 6, Alla Gokorian 5, Þórsteina Sigurbjömsdóttir 4, Anja Nielsen 2, Elísa Sigurðardóttir 1, Ester Óskarsdóttir 1, Birgit Engl 1 og Nína K. Björnsdóttir 1. Varin skot: Julia Gantimorova 14, BirnaÞórsdóttir5/l.

=== '''Gerðu það sem þurfti''' ===
ÍBV tók á móti Gróttu/KR í óskemmtilegum leik. Grótta/KR var sterkari aðilinn til að byrja með en góður leikkafli Eyjastúlkna undir lok fyrri hálfleiks gerði það að verkum að IBV var yfir í hálfleik 15-11. Síðari hálfleikur var heldur skárri en sá fyrri, leikmenn ÍBV spiluðu betri varnarleik og fyrir vikið fékk liðið fleiri hraðaupphlaup. Leikurinn endaði með tíu marka sigri ÍBV, 34- 24. ÍBV spilaði lengst af mjög illa, varnarleikurinn var slakur, lítil markvarsla í fyrri hálfleik og sóknarleikurinn byggðist á stórum kafla upp á einstaklingsframtaki. Það býr hins vegar mikið í liðinu og oft er talað um að það séu einkenni góðra liða að leika illa en vinna samt. Mörk ÍBV: Anna Yakova 9/6, Guðbjörg Guðmannsdóttir 6, Alla Gokorian 5, Sylvia Strass 4, Birgit Engl 4, Nína K. Björnsdóttir 3, Anja Nielsen 1, Þórsteina Sigurbjömsdóttir 1, Elfsa Sigurðardóttir 1. Varin skot: Julia Gantimorova 14

=== '''Andri í byrjunarliðinu''' ===
Andri Ólafsson, knattspyrnumaðurinn efnilegi úr ÍBV, var í byrjunarliði íslenska U-19 ára landsliðs Íslands sem lék í undankeppni Evrópumótsins. Riðill Islands var leikinn í Moldóvíu og auk heimamanna og íslands vom ísraelar og Hollendingar í riðlinum. Íslenska liðið gerði jafntefli við Holland í fyrsta leik, tapaði svo fyrir Ísrael en unnu Moldóva. Andri var í byrjunarliðinu í öllum leikjum liðsins en var skipt út af gegn Ísrael.

=== '''Tvö töp gegn toppliðunum''' ===
Karlalið ÍBV lék gegn ÍR á útivelli þar sem heimamenn höfðu betur, 32-28 en sigurinn var tæpari en tölurnar gefa til kynna. ÍR-ingar voru sterkari í fyrri hálfleik og voru ávallt yfir en náðu aldrei að hrista Eyjamenn af sér. Varnarleikur og markvarsla er enn vandamál hjá IBV en þó komu ágætir leikkaflar hjá liðinu. Í hálfleik höfðu ÍR-ingar fímm marka forystu 18-13 og útlitið ekki gott hjá ÍBV. En leikmenn IBV neituðu að gefast upp og fljótlega fór að draga saman með liðunum í síðari hálfleik. Þannig náðu Eyjamenn að minnka muninn niður í eitt mark, 20-19 þegar tíu mínútur voru búnar af hálfleiknum en náðu ekki að jafna í það skiptið. Sindri Haraldsson minnkaði muninn aftur í eitt mark þegar átta mínútur voru eftir af leiknum og Sigurður Ari Stefánsson jafnaði leikinn í 26-26 þegar sjö mínútur voru eftir. Í stöðunni 27-27 fengu Eyjamenn kjörið tækifæri til að komast yfir í leiknum, Zoltán Belányi komst þá í hraðaupphlaup, einn gegn markverði ÍR-inga sem sá við honum. Í staðinn skoruðu ÍR-ingar næstu fjögur mörk en lokatölur leiksins urðu 32-28. Mörk ÍBV: Davíð Þór Óskarsson 5, Josep Bösze 5, Zoltán Belányi 5/3, Robert Bognar 4, Sigurður Bragason 2, Sigurður Ari Stefánsson 2, Sindri Haraldsson 1, Björgvin Þór Rúnarsson 1, Kári Kristjánsson 1, Michael Lauritzen 1, Erlingur Richardsson 1. Varin skot: Jóhann Guðmundsson 13.

Karlalið ÍBV mætti Haukum á Ásvöllum þar sem ÍBV átti litla möguleika gegn ríkjandi Íslandsmeisturum. Haukar voru mun betri aðilinn í fyrri hálfleik og skoruðu hvorki fleiri né færri en sautján mörk, mörg hver úr hraðaupphlaupum og lentu Eyjamenn strax undir. Fyrri hálfleikur hjá ÍBV var líklega einn sá lélegasti hjá ÍBV það sem af er í vetur, mestur varð munurinn níu mörk 15-6 en staðan í hálfleikvar 17-12. Síðari hálfleikur fór ekki vel af stað hjá IBV, Haukar skoruðu sex mörk gegn aðeins einu marki IBV og komust tíu mörkum yfir, 23-13. En í framhaldi af því kom góður leikkafli hjá ÍBV og þegar tíu mínútur voru eftir af leiknum var staðan 26-22. Svo virðist sem leikmenn IBV hafi fengið trú á að þeir ættu virkilegan möguleika gegn Haukum og þegar tvær mínútur voru eftir, var munurinn aðeins tvö mörk, 29-27. En lengra komust Eyjamenn ekki, íslandsmeistararnir skomðu síðasta markið og sigruðu því með þremur mörkum, 30-27. Mörk ÍBV: Zoltán Belányi 9/4, Robert Bognar 5, Josep Bösze 4, Michael Lauritzen 2, Sigurður Ari Stefánsson 2, Sigurður Bragason 2, Björgvin Rúnarsson 1, Davíð Þór Óskarsson 1, Erlingur Richardsson 1. Varin skot: Jóhann Guðmundsson 20/1

=== '''Úr í bikarnum''' ===
3. flokkur karla tók á móti Valsmönnum í 16 liða úrslitum bikarkeppninnar hér í Eyjum. Liðin leika í sama riðli í Íslandsmótinu og höfðu áður mæst og þá sigruðu Valsmenn með sex mörkum, 26-20. Valsmenn bættu um betur í þetta sinn, lokatölur bikarleiksins urðu 21-28 og er ÍBV því úr leik í bikamum. Fjórði flokkur karla lék gegn Aftureldingu en þá léku liðin í 16 liða úrslitum bikarkeppninnar. Fyrri hálfleikur var afar illa leikinn hjá ÍBV enda komu strákarnir nánast beint úr Herjólfi og í leikinn en munurinn í hálfleik var tíu mörk. Síðari hálfleikur var hins vegar mun jafnari en heimamenn úr Aftureldingu komust áfram eftir ellefu marka sigur á ÍBV, 28-17.

=== '''Enginn unglingaflokkur?''' ===
Stelpumar áttu að leika tvo leiki um um miðjan október en hvorugur þeirra fór fram. Leikmannahópurinn telur aðeins þrjá leikmenn og átti að notast við leikmenn úr fjórða flokki til að fylla upp í þær stöður sem vantaði. Þegar komið var að leikjunum voru hins vegar meiðsli á meðal þeirra þriggja sem skipa unglingaflokkinn auk þess sem leikmenn úr fjórða flokki gátu ekki spilað. HSÍ er nú að skoða málið og ef allt fer á versta veg verður IBV vísað úr keppni en unglingaflokkur samanstendur af öðrum og þriðja flokki kvenna samkvæmt gamla skipulaginu. Í flokknum eru því fjórir árgangar og sorglegt að aðeins þrír leikmenn skuli vera í flokknum. .

=== '''Gunnar Berg í landsliðið''' ===
Í október tilkynnti Guðmundur Guðmundsson, landsliðsþjálfari íslands í handbolta, leikmannahóp sinn sem kemur til með að mæta Pólverjum í þremur æfingaleikjum. Í fyrsta sinn í langan tíma var enginn Eyjamaður í landsliðinu en rétt fyrir leik kallaði Guðmundur á Gunnar Berg Viktorsson inn í hópinn vegna meiðsla Sigfúsar Sigurðssonar. Leikirnir verða, föstudaginn 31. október, laugardaginn 1. nóvember og sunnudaginn 2. nóvember.

=== '''Guðbjörg með átta mörk''' ===
Íslenska kvennalandsliðið lék í lok október í Silesia Cup mótinu sem fór fram í Póllandi en auk Íslands og heimastúlkna léku Tékkland, Slóvakía og Túnis. Íslenska liðið tapaði þremur af þessum fjórum leikjum en sigurinn kom í síðasta leik gegn Túnis. Í íslenska landsliðshópnum var einn leikmaður ÍBV, Guðbjörg Guðmannsdóttir og skoraði hún átta mörk í tveimur leikjum og skoraði m.a. fjögur mörk í sigurleiknum gegn Túnis.

=== '''Sylvia og Birgit saman í austurríska landsliðinu''' ===
Um leið og íslenska landsliðið lék á Silesia Cup lék austuríska landsliðið tvo leiki gegn Makedóníu. í austurríska liðinu voru tveir leikmenn IBV, þær Sylvia Strass og Birgit Engl en í fyrri leiknum skoraði Sylvia þrjú mörk og Birgit eitt. Í síðari leiknum skoraði svo Sylvia fjögur mörk en austurríska liðið vann fyrri leikinn en tapaði þeim síðari.

=== '''Ester á landsliðsæfíngar''' ===
Ester Óskarsdóttir, handknattleiksstúlkan efnilega í IBV hefur verið valin í æfingahóp íslenska landsliðsins, skipað leikmönnum fæddum 1987 og 1988. Alls verða 25 leikmenn á æfingunum sem fara fram helgina 7. til 9. nóvember.

== '''NÓVEMBER:''' ==

=== '''Mikil törn hjá stelpunum''' ===
Stelpurnar í ÍBV spiluðu þrjá leiki á aðeins sjö dögum í byrjun nóvember. Fyrst gegn Stjörnunni í bikarnum, svo tók deildin við fyrst léku stelpurnar gegn Víkingi og en síðan aftur gegn Stjörnuni. Bikarleikurinn var nokkuð skrautlegur og mótspyma Stjörnu stúlkna var töluvert meiri en flestir áttu von á. Liðið barðist mjög vel og voru Eyjastúlkur langt frá því að finna taktinn í fyrri hálfleik. Í hálfleik voru gestimir einu marki yfir 13-14 en í síðari hálfleik snerist dæmið nánast gjörsamlega við. Nú voru Eyjastúlkur allt í öllu og gestimir skoruðu aðeins fjögur mörk fyrstu tuttugu mínúturnar á meðan leikmenn ÍBV röðuðu inn mörkunum. ÍBV náði mest átta marka forystu, 27-19 en lokatölur urðu 28-24. Mörk ÍBV: Anna Yakova 10/5, Sylvia Strass 7/1, Birgit Engl 3, Alla Gokorian 3, Anja Nielsen 2, Þórsteina Sigurbjömsdóttir 1, Elísa Sigurðardóttir 1, Guðbjörg Guðmannsdóttir 1. Varin skot: Julia Gantimorova 12, Bima Þórsdóttir 2.

Eyjastúlkur léku svo gegn Víkingum á heimavelli þeirra síðarnefndu. Styrkleikamunurinn á liðunum var töluverður og þó að ÍBV hafi nánast verið á hálfum hraða þá var sigur liðsins í raun aldrei í hættu. IBV var yfir nánast allan tímann en góður leikkafli í upphafi þess síðari tryggði liðinu nánast sigurinn. Undir lok leiksins kom upp kæruleysi í leik IBV en það kom ekki að sök enda Eyjaliðið með örugga forystu. Lokatölur leiksins urðu 23-29 en staðan í hálfleik hafði verið 10-13.. Mörk ÍBV: Anna Yakova 7/1, Alla Gokorian 6, Birgit Engl 5, Sylvia Strass 5/1, Guðbjörg Guðmannsdóttir 4 og Anja Nielsen 2. Varin skot: Julia Gantimorova 16/2.

Leikurinn á móti Stjörnunni var svipaður og bikarleikurinn nokkrum dögum áður. Gestimir voru betri í fyrri hálfleik en í þeim síðari var Eyjaliðið mun sterkara og sigraði að lokum með níu mörkum, 29 - 20. Það er samt sem áður orðið einkennandi fyrir leik ÍBV að leikmenn virðast vita að það dugi að spila vel í tíu mínútur til þess að vinna leiki. Þannig voru nokkrir leikmenn liðsins algjörlega úti á þekju í fyrri hálfleik, köstuðu boltanum út af og hver mistökin ráku önnur. En Aðalsteinn Eyjólfsson, þjálfari IBV, var greinilega ekki sáttur í leikhléi þegar staðan var 12-12 og hálfleiksræða hans hefur greinilega vakið leikmenn IBV af þeim þyrnirósarblundi sem þær vom í. í síðari hálfleik fór Alla Gokorian hreinlega á kostum, skoraði sjö mörk í öllum regnbogans litum eftir að hafa skorað aðeins þrjú mörk í fyrri hálfleik úr sjö tilraunum. Julia Gantimorova sýndi Eyjamönnum einnig hvers megnug hún er í markinu, varði sautján skot, þar af tvö víti. Mörk IBV: Alla Gokorian 11/2, Anna Yakova 5/1, Sylvia Strass 4, Birgit Engl 3, Þórsteina Sigurbjömsdóttir 2, Anja Nielsen 2, Elísa Sigurðardóttir 1, Guðbjörg Guðmannsdóttir 1. Varin skot: Julia Gantimorova 17/2, Birna Þórsdóttir 1/1.

=== '''Sigþór hættir''' ===
Einn af efnilegustu handknattleiksmönnum ÍBV, Sigþór Friðriksson, þarf að leggja skóna á hilluna aðeins rétt tvítugur að aldri. Sigþór hefur undanfarin misseri glímt við meiðsli í hné en hefur leikið með ÍBV þrátt fyrir það. Undanfarnar vikur voru meiðslin hins vegar orðin það slæm að hann hefur ekkert leikið með liðinu í undanfömum leikjum og í síðustu viku fór Sigþór í speglun. Þar kom í ljós að liðþófinn var rifinn og mikil brjóskeyðing sem varð til þess að læknar ráðlögðu honum að hætta allri íþróttaiðkun. Þetta er að sjálfsögðu mikið áfall fyrir Sigþór og líka fyrir ÍBV en Sigþór hafði fram til þessa verið einn af lykilmönnum liðsins í varnarleiknum.

=== '''Samstarfsamningur við Crewe''' ===
Birgir Stefánsson, framkvæmdastjórí knattspyrnudeildar IBV og Gísli Hjartarson í stjórn knattspymudeildar voru á dögunum staddir í Englandi þar sem þeir heimsóttu enska 1. deildarliðið Crewe Alexandra. Þeir Ian Jeffs og Tom Betts, sem léku með ÍBV í sumar em leikmenn Crewe. Markmið ferðarinnar var að koma á föstu sambandi við enska félagið og í samtali við Fréttir sagði Birgir að þeir félagar hafi náð góðum samningi. „''Við vorum í samningaviðræðum við forráðamenn Crewe um samstarf milli þeirra og IBV. Hugmyndin var að við fengjum lánaða leikmenn hjá þeim og við gætum sent okkar menn á æfingar hjá þeim í vetur,"'' sagði Birgir og bætti því við að forráðamenn Crewe hefðu tekið vel í málið. „''Við hittum Dario Gradi, framkvæmdastjóra og Neil Baker, aðstoðarþjálfara og þeir voru mjög áhugasamir. Samkomulagið við Crewe er þannig að nú fáum við lista yfir leikmenn sem hafa áhuga á að koma til Íslands næsta sumar og leika með okkur. Ég tel að þessi samningur sé mjög góður fyrir ÍBV og ef við hefðum svona samning við tvö til þrjú félög eins og Crewe, þá gætum við búið til heilt fótboltalið þó að það standi að sjálfsögðu ekki til."''

=== '''Dómaraskandall og einelti''' ===
B-lið ÍBV spilaði gegn Fylki í 16 liða úrslitum bikarkeppninnar og var búist við hörkuleik enda B-liðið skipað sannkölluðum þungavigtarmönnum. En Fylkismenn komu heimamönnum á óvart og sigruðu 26-32. Jóhann Pétursson sagði að dómgæslan hafi komið Eyjamönnum um koll. „''Dómgæslan var þannig að örugg skytta eins og Magnús Amgrímsson fann sig tilknúinn til að þruma boltanum með reglubundnum hætti í magann á markmanni Fylkis og vildi með því mótmæla dómgæslunni með áberandi hætti. Þá var varnarleikur ÍBV mjög óöruggur og það var ekki fyrr en í síðari hálfleik að Jón Snædal reif sig upp og sýndi gamalkunna takta,"'' segir Jóhann en Jón fékk rauða spjaldið í síðari hálfleik. „''En ÍBV-liðið lofar að mæta að ári með sitt sterkasta lið og þá verður ekki látið staðar numið í 16 liða úrslitum, það er víst,"'' sagði Jóhann að lokum.

=== '''Tryggvi eini Eyjamaðurinn í hópnum''' ===
Landsliðsþjálfararnir Ásgeir Sigurvinsson og Logi Ólafsson tilkynntu íslenska A-landsliðshópinn sem mun mæta Mexíkó í Bandaríkjunum 20. nóvember næstkomandi. Hvorki Hermann Hreiðarsson né Birkir Kristinsson eru í hópnum og þá dró Ívar Ingimarsson sig líka úr hópnum en lið Hermanns og Ívars þrýstu á þá að leika ekki leikinn. Tryggvi Guðmundsson kemur hins vegar aftur inn í hópinn eftir langvarandi meiðsli og er hann eini Eyjamaðurinn í leikmannahópnum að þessu sinni.

=== '''Guðfinnur á leið til ÍBV''' ===
Stjórn handknattleiksdeildar IBV karla hefur verið í viðræðum við Eyjamanninn Guðfinn Kristmannsson sem hefur verið búsettur í Svíþjóð undanfarin ár. Guðfinnur hefur ákveðið að slá til og stefnir allt í að hann spili með liðinu í deildarkeppni Íslandsmótsins sem hefst í byrjun febrúar. Viktor Ragnarsson, formaður handknattleiksráðs sagði í samtali við Fréttir að það væru vissulega gleðitíðindi fyrir IBV að Guðfinnur væri á leiðinni heim. „''Við vitum hvern mann Guffi hefur að geyma og hvar hjartað slær. Í honum er stórt IBV hjarta og við erum mjög heppnir með að fá hann til Eyja aftur. Hann hefur reyndar ekki skrifað undir en sagðist ætla koma og orð hans eru fyrir mér það sama og undirritaður samningur,"'' sagði Viktor og bætti því við að almenn ánægja væri hjá karlaliði IBV með komu Guðfinns.

=== '''Komnir í 8-liða úrslit''' ===
Eyjamenn léku gegn B-liði Vals í 16 - liða úrslitum bikarkeppninnar. Í liði Vals voru ekki ómerkari kempur en Geir Sveinsson, Sigurður Sveinsson, Jón Kristjánsson og fleiri. Þessir leikmenn mega hins vegar flestir muna sinn fífil fegurri og frískir Eyjapeyjar sigruðu nokkuð örugglega. Leikurinn var í járnum til að byrja með og Eyjamenn áttu í nokkrum vandræðum með að finna réttu leiðina framhjá vörn Valsmanna. Undir lok fyrri hálfleiks náðu Eyjamenn samt góðum leikkafla, skoruðu nokkur mörk úr hraðaupphlaupum og höfðu þriggja marka forystu í hálfleik, 12-15. Í síðari hálfleik bættu Eyjamenn svo forskotið jafnt og þétt enda úthaldið töluvert betra hjá ÍBV og lokatölur urðu 28-36. Já, það er ekki á hverjum degi sem ÍBV vinnur átta marka sigur á Hlíðarenda. IBV er þar með komið í átta liða úrslit en þangað hefur liðið ekki komist síðan seint á tíunda áratug síðustu aldar. Markaskorarar IBV: Zoltán Belányi 10, Robert Bognar 5, Sigurður Ari Stefánsson 5, Björgvin Þór Rúnarsson 4, Kárí Kristjánsson 3, Josep Bösze 3, Erlingur Richardsson 2, Davíð Þór Óskarsson 2, Sigurður Bragason 1, Michael Lauritzen I. Varin skot: Jóhann Guðmunds. 24.

=== '''Einn sigur og tveir tapleikir''' ===
Fjórði flokkur karla lék í annarri umferð Íslandsmótsins en IBV er í 2. deild og lék í A-riðli ásamt Víkingi, Gróttu og ÍR. Riðillinn var leikinn hér í Eyjum og unnu Eyjamenn einn leik en töpuðu tveimur. Sigurður Bragason, þjálfari strákanna, var samt sem áður mjög ánægður með lið sitt. ''„Strákarnir lögðu sig alla fram í leikjunum og í raun vorum við óheppnir á móti ÍR. Þar brenndum við af víti undir lokin og ÍR vann með einu marki. Annars er þetta langbesta frammistaða sem ég hef séð hjá flokknum síðan ég tók við þeim fyrir rúmu árí síðan. Þetta er líka fjólmennur hópur, 17-18 strákar sem æfa að staðaldri og mikið fjör hjá okkur."'' Úrslit helgarinnar urðu annars þessi: ÍBV-Víkingur 19-13. Mörk ÍBV: Daði Magnússon 7, Óttar Steingrímsson 4, Birkir Hlynsson, Þórhallur Friðriksson og Björn Kristmannsson 1. ÍBV-Grótta 15-20. Mörk ÍBV: Daði Magnússon 8, Bergur Gylfason 3, Birkir Hlynsson, Ellert Scheving og Sæþór Garðars. 1. ÍBV-ÍR 14-15 Mörk ÍBV: Ellert Scheving 5, Birkir Hlynsson 3, Daði Magnússon, Þórhallur Friðriksson og Bergur Gylfa. 2

=== '''4. flokkur féll úr bikarnum''' ===
4. flokkur kvenna í handknattleik lék gegn Haukum í bikarkeppní flokksins og var leikið hér í Eyjum. Haukar sigruðu með einu marki, 15-14 en staðan í hálfleik var 7-8 og er IBV þar með fallið úr keppni í bikarnum. Mörk ÍBV: Hekla Hannesdóttir 6, Ester Óskarsdóttir 3, Anna María Halldórsdóttir 2, Birgitta Rúnarsdóttir 2, Sædís Magnúsdóttir 1. Elísabet Þorvaldsdóttir varði ágætlega.

=== '''Guðjón á úrtaksæfingu''' ===
Guðjón Ólafsson hefur verið valinn á úrtaksæfingu hjá U-16 ára landsliðinu í knattspyrnu en æfingarnar fara fram seinni part desember mánaðar.

=== '''Samskip styrkja framkvæmdina''' ===
Í desember stóðu yfir töluverðar framkvæmdir við malarvöllinn fyrirofan Þórsvöll. Þar hafa forráðamenn ÍBV-íþróttafélags verið að tyrfa svæðið sem upphaflega var hugsað sem æfingasvæði en hefur aldrei þjónað öðrum tilgangi en sem bílastæði og geymslupláss. Nú á hins vegar að bæta úr vallarþörf knattspymumanna en í samstarfi við Samskip var ráðist í að tyrfa svæðið og verður völlurinn kallaður Samskipavöllur í framtíðinni. Svæðið nær því reyndar ekki að vera lögleg stærð keppnisvallar en er góð viðbót við vellina, sem að mati knattspyrnufróðra manna í Vestmannaeyjum, eru of fáir. Svæðið verður fyrst og fremst hugsað fyrir æfingar snemma á vorin svo knattspyrnumenn Eyjamanna komist sem fyrst á gras án þess að það bitni á völlum bæjarins en yfir sumartímann mun svæðið einnig nýtast sem æfingasvæði.

=== '''Glæsileg handboltaveisla''' ===
Um miðjan nóvember fóru fram mikil veisluhöld í íþróttahöllinni í Vestmannaeyjum en þá var tveimur handboltaleikjum slegið saman í eina handboltaveislu. Handknattleiksráð karla- og kvenna ákváðu að prófa þessa leið og ekki stóð á Eyjamönnum en þegar mest var voru um 600 manns í íþróttahöllinni. Á inilli leikja og í hálfleik var velunnurum liðanna boðið upp á léttar veitingar . þannig að segja má að boðið hafi verið í mat og skemmlun. Leikirnir voru svo ágætis skemmtun, kvennaliðið tók topplið deildarinnar í kennslustund en karlaliðið tapaði fyrir Íslandsmeisturum Hauka.

Eyjastúlkur byrjuðu af krafti og komust í 7-1 en þá tóku Valsstúlkur leikhlé. En stelpurnar voru í miklum ham og náðu mest sjö marka forystu en staðan í hálfleik var 16-11. ÍBV hélt uppteknum hætti í upphafi síðari hálfleiks en um miðjan hálfleikinn dró saman með liðunum og þegar tæpar tíu mínútur voru eftir minnkuðu gestirnir muninn niður í tvö mörk, 24-22. En Eyjastúlkur skoruðu næstu fjögur mörk og sigruðu að lokum 28-25. Mörk ÍBV: Anna Yakova 10, Alla Gokorian 7/2, Sylvia Strass 5, Þórsteina Sigurbjörnsdóttir 2, Guðbjörg Guðmannsdóttir 2, Anja Nielsen 1, Birgit Engl 1. Varin skot: Julia Gantimorova 18.

Þá var komið að karlaliðinu sem tók á móti Islandsmeisturum Hauka sem hafa án efa best mannaða liðið í Remaxdeildinni. Þrátt fyrir það voru það leikmenn ÍBV sem voru mun betri fyrstu tíu mínúturnar og komst ÍBV fjórum mörkum yfír 9-4. Þá virtist allt hrökkva í baklás og næstu níu mörk komu frá Íslandsmeisturunum sem voru þar með komnir fjórum mörkum yfir,9-13. Á þessum leikkafla gerðu Eyjamenn mistök. Í stað þess að spila eins og í upphafí leiks og keyra á sömu mönnum og í byrjun var skipt inn á tveimur leikmönnum sem komust aldrei í takt við leikinn. Staðan í hálfleik var 10-14. Í síðari hálfleik léku gestirnir á alls oddi, léku sterkan varnarleik og fengu fyrir vikið töluvert af hraðaupphlaupum sem þeir nýttu vel. Eyjamenn gátu í raun ekkert gert annað en að læra af meisturunum og lokatölur urðu 25-33. Mörk ÍBV: Zoltán Bragi Belányi 6/1, Sigurður Bragason 6, Kári Kristj- ánsson 4, Robert Bognar 3, Josep Bösze 3, Michael Lauritsen 2, Björgvin Rúnarsson 1. Varin skot: Jóhann Guðmundsson 15, Eyjólfur Hannesson 1.

=== '''Jón Skaftason til ÍBV''' ===
Leikmannamál knattspyrnuliðs ÍBV hafa verið að skýrast á undanförnum dögum, Jón Skaftason, ungur knattspyrnumaður úr KR, hefði skrifað undir þriggja ára samning við Eyjamenn. Jón lék reyndar með Vfkingi í 1. deildinni síðastliðið sumar og þótti standa sig vel.

=== '''Tróna á toppnum''' ===
Eyjastúlkur léku tvo síðustu leiki sína á þessu ári í nóvember en þá fór liðið í góða ferð á höfuðborgarsvæðið. Fyrst var leikið gegn Fylki/ÍR en gegn FH tveimur dögum síðar. Leikurinn gegn Fylki/ÍR átti að vera formsatriði enda ÍBV með mun sterkari mannskap en gestgjafarnir. Sem oft fyrr mættu Eyjastúlkur með hangandi haus í fyrri hálfleik sem varð til þess að hann var jafnari en hefði þurft að vera. IBV var samt sem áður með undirtökin og staðan í hálfleik var 13-16. ÍBV byrjaði svo síðari hálfleikinn af miklum krafti og lagði þar grunninn að sigri sínum. Niðurstaðan varð átta marka sigur Eyjastúlkna, 26-34 og var liðið þar með komið í efsta sæti Remaxdeildarinnar. Mörk ÍBV: Anna Yakova 9, Nína K. Björnsdóttir 7, Guðbjörg Guðmannsdóttir 4, Alla Gokorian 4, Birgit Engl 4, Sylvia Strass 3, Elísa Sigurðardóttir 1, Þórsteina Sigurbjörnsdóttir 1 og Sæunn Magnúsdóttir 1.

Lið ÍBV byrjaði mjög vel í leiknum gegn FH og náði strax þriggja marka forystu. IBV lét forystuna ekki af hendi það sem eftir lifði fyrri hálfleiks, munaði yfirleitt þremur til sex mörkum og staðan í hálfleik var 14-17. Það sama var svo uppi á teningnum í síðari hálfleik, leikmenn IBV létu forystuna ekki af hendi en Hafnfirðingar voru aldrei langt undan. Lokatölur urðu 27- 31 en eins og tölurnar bera með sér var varnarleikur og markvarsla IBV ekki góð í leiknum. Mörk ÍBV: Anna Yakova 10, Alla Gokorian 7, Sylvia Strass 5, Guðbjörg Guðmannsdóttir 4, Birgit Engl 3 og Anja Nielsen 2.

=== '''Draumur um efri deild úr sögunni''' ===
Vonir karlaliðs IBV um að komast í efri deild Íslandsmótsins í handbolta að lokinni riðlakeppni urðu nánast að engu þegar liðið tapaði naumlega gegn Stjörnunni. Jafnræði var með liðunum fyrstu mínúturnar en smám saman náðu heimamenn undirtökunum. Eyjamenn voru samt sem áður aldrei langt undan og í hálfleik var staðan 13-10 fyrir Stjörnuna. Strax í upphafi síðari hálfleiks jöfnuðu Eyjamenn 14-14 en aftur náðu heimamenn undirtökunum þegar leið á hálfleikinn. Stjarnan náði mest fjögurra marka forystu undir lokin en Eyjamenn náðu aðeins að laga stöðuna fyrir leikslok en töpuðu með tveimur mörkum. Lokatölur voru 29 - 27. Mörk ÍBV: Zoltán Bragi Belányi 8/3, Robert Bognar 4, Sigurður Bragason 4, Kári Kristjánsson 3, Josep Bösze 3, Sigurður Ari Stefánsson 3, Björgvin Rúnarsson 2. Varin skot: Jóhann Guðmundsson 13.

=== '''Tveir tapleikir hjá 3ja lokki''' ===
3. flokkur karla ÍBV lék norðan heiða, bæði gegn Þór og KA. Fyrst var leikið gegn Þór og eftir slæma byrjun í leiknum náðu Eyjamenn að rétta sinn hlut þegar leið á leikinn. Lokatölur urðu hins vegar 29-26, þriggja marka tap ÍBV. Daginn eftir léku strákarnir svo gegn KA og var sá leikur mun jafnari en gegn Þór. Eftir æsispennandi leik var staðan jöfn þegar leiktíminn var liðinn en KA-menn áttu aðeins eftir eitt aukakast. Þeir gerðu sér hins vegar lítið fyrir og skoruðu sigurmarkið úr aukakastinu og lokatölur urðu 27-26.

=== '''Stelpurnar í 2. sæti''' ===
Fjórði flokkur kvenna lék í fjölliðamóti um miðjan nóvember en þá fór fram önnur umferð Íslandsmótsins. ÍBV leikur í 2. deild og var í riðli með Haukum, Val og Stjörnunni. Eyjastelpur unnu tvo leiki en töpuðu gegn Haukum og enduðu því í öðru sæti riðilsins. Úrslit leikjanna urðu þessi: ÍBV-Haukar 11-17, ÍBV-Valur 22-16 og ÍBVStjarnan 18-17.

=== '''Fimm marka tap fyrir HK''' ===
ÍBV sótti HK heim þar sem HK sigraði 33-28. Leikmenn ÍBV voru lengi í gang í leiknum og það virtist duga heimamónnum að spila á hálfum hraða til þess að komast þremur mörkum yfir. Heimamenn juku muninn jafnt og þétt það sem eftir lifði fyrri hálfleiks. Mestur varð munurinn sex mörk, 12-6 en Eyjamenn náðu aðeins að klóra í bakkann fyrir leikhlé og staðan í hálfleik var 14-9. Síðari hálfleikur fór ágætlega af stað hjá ÍBV, Eyjamenn skomðu þrjú mörk gegn einu marki heimamanna og munurinn var þar með kominn niður í þrjú mörk, 15-12. En þá virtust heimamenn aftur gefa í og náðu strax í kjölfarið aftur fimm marka forystu. Mestur varð munurinn hins vegar sjö mörk í síðari hálfleik, 27-20 en lokatölur urðu 33-28. Mörk ÍBV: Zoltán Belányi 7/5, Davíð Þór Óskarsson 6, Kári Kristjánsson 4, Sigurður Ari Stefánsson 4, Josep Bösze 3, Robert Bognar 3, Sigurður Bragason 1. Varin skot: Jóhann Guðmundsson 7

=== '''Gott gengi yngri flokka''' ===
3. flokkur karla lék tvo leiki, annars vegar gegn FH og hinsvegar ÍR2. Í fyrri leiknum reyndust Hafnfirðingarnir sterkari, lokatölur urðu 29- 21 eftir að staðan í hálfleik hafði verið 14-10. Daginn eftir var svo komið að fyrsta sigurleik IBV í vetur þegar liðið lék gegn ÍR2. Eyjamenn reyndust vera mun sterkari aðilinn í leiknum og voru sex mörkum yfir í hálfleik. Lokatölur urðu svo 17-27, tíu marka útisigur hjá IBV. Fimmti flokkur kvenna spilaði líka en frá ÍBV fóru A-, B- og Clið og alls um 25 stelpur. Keppni flokksins í Íslandsmótinu er nokkuð flókin, þannig er annað hvert fjölliðamót leikið í deildarkeppni eftir styrkleika en liðin raðast í styrkleika eftir að hafa leikið í riðlakeppnum í hinum fjölliðamótunum. Í lok vetrar em svo talin saman stigin sem liðin safna sér með árangri úr riðlakeppninni. Árangur IBV um helgina var mjög góður, A- og B-liðin urðu í fyrsta sæti í 2. deild og C-liðið í öðru sæti í 1. deild. Úrslit urðu þessi:

A-lið: ÍBV-Valur 11-8, ÍBV-FH 6-6, ÍBV-Fjölnir 10-14, ÍBV-Stjaman 9-8.

B-lið: ÍBV-Grótta 9-5, ÍBV-Selfoss 20-1, ÍBV-Stjarnan 9-6, ÍBV-Víkingur6-3.

C-lið: ÍBV-Stjaman 5-4, ÍBV-Vfkingur 8-8, ÍBV-Fylkir 20-5, ÍBV-Haukar 12-9, ÍB V-Haukar2 13- 9,ÍBV-Grótta5-9.

Fimmti flokkur karla var líka á ferðinni en þeir tefldu fram tveimur liðum, ÍBV A- og B-lið í 3. deild. Strákamir í A-liðinu gerðu sér lítið fyrir og unnu alla sína leiki mjög örugglega og spila því í 2. deild í næsta fjölliðamóti. Árangur B-liðsins var ekki mikið síðri en strákarnir í B-liðinu töpuðu aðeins einum leik og enduðu í öðru sæti 3. deildar. Úrslit urðu þessi:

A-lið: ÍBV-Fram 17-9, ÍBV-HK 20-9, ÍBV-Fylkir 16-6, ÍBV-Höttur 16-5.

B-lið: ÍBV-Grótta/KR 6-15, ÍBVValur 12-7, ÍBV-Fjölnir 9-7, ÍBV-Breiðablik 13-10.

=== '''Íslenska kvennalandsliðið áfram''' ===
Íslenska kvennalandsliðið í handknattleik lék í forkeppni undankeppni Evrópumótsins en í riðli íslenska liðsins voru Makedónía, Portúgal og Ítalía. Makedónía þótti sterkasta liðið en þrjú lið komust áfram í undankeppnina sjálfa og stóð baráttan á milli Portúgals, Íslands og Ítalíu en riðillinn var leikinn á Sikiley. Ísland sigraði Portúgal, en steinlá gegn Makidóníu og tapaði með einu gegn Ítaíu, þrátt fyrir það komst liðið áfram.. Guðbjörg Guðmannsdóttir var í leikmannahópi íslenska liðsins en lék lítið og náði ekki að skora mark.

=== '''Birkir áfram''' ===
Birkir Kristinsson hefur tilkynnt forráðamönnum ÍBV að hann ætli að spila með liðinu næsta sumar. Eyjamenn hafa beðið með öndina í hálsinum að undanförnu enda voru sögusagnir um að Birkir myndi skipta um lið eða jafnvel leggja skóna á hilluna. Birkir hefur nú tekið af allan vafa í málinu en þessi 39 ára gamli unglingur átti mjög gott sumar á milli stanganna í ár og sýndi það enn og aftur að þar er á ferðinni einn besti markvörður íslensku deildarinnar.

=== '''Fimmtán marka sigur''' ===
ÍBV tók á móti Breiðabliki laugardaginn 29.nóvember. Leikurinn var reyndar lítið fyrir augað og Eyjamenn hafa oft leikið betur. Í upphafi var eins og leikmenn ÍBV vanmætu andstæðinginn og upphafsmínúturnar voru jafnar. Smám saman sigu Eyjamenn hins vegar fram úr og í hálfleik var staðan 20-14 fyrir ÍBV. Í síðari hálfleik kom hins vegar aftur upp vanmat hjá ÍBV og gestirnir gengu á lagið. Minnstur varð munurinn í síðari hálfleik fjögur mörk, 23-19 en eftir það tóku Eyjamenn öll völd á vellinum og keyrðu hreinlega yfir andstæðinga sína, lokatölur 37-22. Mörk IBV: Davíð Þór Óskarsson 8/4, Robert Bognar 8, Sigurður Ari Stefánsson 6, Josef Bösze 5, Zoltán Belányi 4, Björgvin Rúnarsson 2, Magnús Sigurðsson 1, Kári Kristjánsson 1, Michael Lauritsen 1, Sigurður Bragason 1. Varins skot: Eyjólfur Hannesson 8, Jóhann Guðmundsson 8/1.

=== '''Stelpurnar komust í úrslitin''' ===
Í lok nóvember fór fram Íslandsmót í efstu deildum í innanhússknattspymu og áttu Eyjamenn þrjá fulltrúa, kvenna- og karlalið IBV og Smástund en karlaliðin léku í sama riðli. Það kom í hlut leikmanna kvennaliðsins að halda uppi merki IBV því liðið komst alla leið í úrslitaleikinn á meðan hvorugt karlaliðanna komst áfram eftir riðlakeppnina. Fyrirkomulagið í 1. deild Íslandsmótins er þannig að byrjað var að leika í fjórum riðlum þar sem fjögur lið léku gegn hvert öðru. Tvö efstu liðin komust svo í átta liða úrslit þar sem leikið var með útsláttarfyrirkomulagi. Þrátt fyrir að tapa ekki leik í riðlakeppninni þá komst ÍBV ekki áfram en liðið gerði þrjú jafntefli. Í kvennakeppninni er leikið í tveimur riðlum og komast tvö efstu liðin í undanúrslit. ÍBV vann alla leiki sína í riðlinum og mætti KR í undanúrslitum. ÍBV sigraði þann leik 2-1 og í úrslitum mætti liðið Val. Þar beið ÍBV hins vegar skipsbrot því Valsstúlkur sigruðu 7-1 og eru því Íslandsmeistarar í innanhússknattspymu. Eina mark ÍBV í úrslitum skoraði Elena Einisdóttir.

== '''DESEMBER:''' ==

=== '''Harðort bréf til bæjarstjórnar''' ===
Í Fréttum kemur fram að ÍBV- íþróttafélag lagði bréf fyrir bæjarráð í byrjun desember þar sem óskað er eftir því að bæjaryfirvöld hefji þegar í stað viðræður við Vegagerðina um aukaferðir Herjólfs í kringum Shellmót og þjóðhátíð. Segir í bréfinu að sá háttur sem hafður hefur verið síðustu ár að skríða á hnjánum fyrir fulltrúa Vegagerðarinnar, stuttu fyrir þessa stóru viðburði sé molbúaháttur sem hljóti að vera bam síns tíma. Allir viti að þessir viðburðir hleypi miklu lífi í verslun og þjónustu í bæjarfélaginu og niðurstaðan um auknar ferðir sé svo háð duttlungum einhverra embættismanna. ''„Það er tímabært að fara fram á það við Vegagerðina að hún viðurkenni mikilvægi þessara viðburða fyrir Vestmannaeyinga og þörfina fyrir opinn þjóðveg á þessum tímum. Það þarf ekki að birtast fulltrúum Vegagerðarinnar eins og þruma úr heiðskíru lofti, að haldin sé útihátíð í Vestmannaeyjum um verslunarmannahelgi, þjóðhátíð hefur verið haldin síðan 1874 og Shellmótið var tuttugu ára síðastliðið sumar."'' Ennfremur segir að umtalsverðum fjármunum sé varið til markaðssetningar á þjóðhátíð og Herjólfur er ekki bara ódýrasti kosturinn, heldur eini öruggi kosturinn til Eyja. IBV - íþróttafélag hvetur því bæjaryfirvöld til að vopnast nú þegar, leggjast í víking og bera höfuðið hátt þegar barið er í borðið og þess krafíst sem okkur sannarlega ber. Félagið er reiðubúið að leggja til bardagamann í reisuna. Undir þetta skrifar Páll Scheving Ingvarsson framkvæmdarstjóri.

=== '''Einn Eyjamaður í æfingahópi u-17''' ===
Lúkas Kostic, landsliðsþjálfari U- 17 ára landsliðs Íslands í knattspymu, hefur valið 58 leikmenn til æfinga og er einn Eyjamaður í hópnum. Sá heitir Ellert Scheving Pálsson og hefur verið viðloðandi landsliðið að undanförnu en æfingamar fara fram um helgina. Athygli vekur að ÍBV er aðeins úthlutað einu sæti af tæplega sextíu, jafn mörgum og Selfossi, Víði, Hetti og Leikni en lið eins og BÍ sendir þrjá leikmenn og Njarðvík tvo.

=== '''Ekkert bikarævintýri í ár''' ===
Það varð ekkert bikarævintýri í ár, frekar en síðustu ár hjá karlaliði ÍB V. Það var niðurstaðan eftir leik gegn Val í byrjun desember. Eyjamenn hafa ekki náð langt í keppninni undanfaríð en voru nú komnir í átta liða úrslit. Leikurinn var leikinn á Hlíðarenda en Valsmenn, sem eru á toppi Norðurriðils voru fyrirfram taldir eiga sigurinn nokkuð vísan. Það fór líka þannig að Hlíðarendapiltar voru ekki í teljandi vandræðum með IBV og eftir að hafa verið 17-11 yfir í hálfleik, breikkuðu þeir bilið í síðari hálfleik og endaði leikurinn með þrettán marka sigri Valsmanna, 37-24. Leikurinn er af mörgum talinn einn sá slakasti hjá IBV í vetur og grátlegt að lenda í slíku í bikarkeppninni. Mörk ÍBV: Davíð Þór Oskarsson 5, Björgvin Rúnarsson 5, Sigurður Ari Stefánsson 4, Michael Lauritsen 2, Robert Bognar 2, Zoltán Belányi 2, Ríkharð Guðmundsson 1, Josef Bösze 1, Sigurður Bragason 1, Kári Kristjánsson 1.

=== '''Heillum horfnir í seinni hálf leik''' ===
ÍBV lék gegn FH í Remaxdeild karla. Eyjamenn komust fjórum mörkum yfir í upphafi leiks, 2-6 en lengst af í fyrri hálfleik munaði fimm mörkum á liðunum. FH-ingar náðu hins vegar að minnka muninn niður í þrjú mörk fyrir hálfleik og héldu þar með í vonina um sigur. FH-ingar, með þá Svavar Vignisson og Arnar Pétursson innanborðs, eru í harðri baráttu við Stjörnuna um fjórða sæti Suðurriðils og þurftu því nauðsynlega á sigri að halda. Þorbergur Áðalsteinsson, þjálfari FH og fyrrverandi þjálfari IBV hélt greinilega réttu hálfleiksræðuna yfir sínum mönnum því í síðari hálfleik tóku Hafnfirðingar öll völd á vellinum. Eyjamenn héldu þó forystunni fyrstu mínúturnar en eftir tíu mínútur hrundi leikur IBV. Staðan breyttist úr 19-22 í 25-22 og með þessum sex mörkum lögðu FH-ingar grunninn að sigrinum. Eyjamenn virtust algjörlega heillum horfnir og varð munurinn mestur sex mörk, 31- 25 en leikmenn IBV skoruðu síðustu fjögur mörk leiksins og lokatölur því 31-29. Mörk ÍBV: Zoltán Belányi 8/3, Robert Bognar 6, Josef Bösze 5, Sigurður Ari Stefánsson 4, Davíð Þór Óskarsson 4/3, Sigurður Bragason 2. Varin skot: Jóhann Guðmundsson 22/1.

=== '''Birgit og Sylvia komust áfram''' ===
Heimsmeistaramót kvenna í handknattleik fór fram í Króatíu. Eyjamenn eiga tvo fulltrúa á mótinu, þær Birgit Engl og Sylviu Strass, sem leika með austurríska landsliðinu sem er í B-riðli. Liðið fór vel af stað í mótinu og vann fyrstu þrjá leiki sína en tapaði svo síðustu tveimur en komst engu að síður upp úr riðlinum. Þær stöllur hafa spilað talsvert með liði sínu og skoraði Sylvia níu mörk í þessum fimm leikjum og Birgit átta. Birgit hefur reyndar verið veik hluta af mótinu og lék lítið í síðustu þremur leikjunum.

=== '''Vel sótt þjálfaranámskeið''' ===
Um miðjan desember stóð IBV fyrir þjálfaranámskeiði í knattspyrnu og var Þorlákur Már Arnason, þjálfari Fylkis fenginn til að stýra námskeiðinu. Birgir Stefánsson, framkvæmdastjóri knattspyrnudeildar ÍBV, sagði í samtali við Fréttir að námskeiðið hafi gengið vel. ''„Það var mjög góð þátttaka í námskeiðinu, í allt um 14 manns og margir efnilegir þjálfarar þar á meðal. Láki var mjög ánægður með þátttökuna en hann gaf okkur skýrslu eftir námskeiðið og benti okkur á efnilega þjálfara úr hópnum. Hann lét okkur líka fá punkta um starfið héma í Eyjum, sagði m.a að það ætti að vera yfirþjálfari hjá ÍBV auk fleiri punkta sem við erum að skoða."''

=== '''Samningar við yngri leikmenn''' ===
Knattspyrnudeild ÍBV hefur á undanförnum vikum farið af stað með hugmyndafræði sem verið hefur áður hjá klúbbnum sem gengur út á að leikmenn sem eru ungir að árum og eru enn í 2. flokki karla fái leikmannasamning. Með þessu vill knattspyrnuráð karla gera 2. flokk karla enn tengdari meistaraflokknum og hafa starfsemi klúbbsins að erlendri fyrirmynd líkt og vinafélag ÍBV, Crewe. Leikmenn taka þátt í almennri starfsemi félagsins líkt og leikdögum mfl., fjáröflunum, skemmtikvöldum sem leikmenn halda ásamt fleim innan klúbbsins. Með kvöðum koma fríðindi sem leikmenn fá, svo ekki er þetta eintómt puð og vinna. Verið er að gera leikmenn 2. flokks fyrr reiðubúna til að takast á við verkefni, kröfur og væntingar sem gerðar eru til leikmanna meistaraflokks svo að hægt verði að gera leikmenn fyrr reiðubúna fyrir meistaraflokkinn. Með þessu vonar knattspymudeildin að leikmönnum fjölgi sem eiga þess kost að æfa með 2. flokki sem og þeim leikmönnum sem skila sér upp í meistaraflokk karla á næstu árum sem fullmótaðir knattspymumenn.

=== '''Sigur í síðasta leik''' ===
ÍBV og Selfoss mættust í síðustu umferð Suðurriðils þar sem ÍBV sigraði 30-28. Eyjamenn byrjuðu af miklum krafti, komust í 8-1 og allt stefndi í stórsigur IBV. Eina mark Selfyssinga fyrstu tólf mínútumar var úr víti en eftir að annað markið kom þá komust þeir á bragðið. Eyjamenn héldu ágætu forskoti framan af í síðari hálfleik en undir lok hálfleiksins skoruðu gestirnir fjögur mörk gegn aðeins einu marki IBV og staðan í hálfleik var 13-10. Skömmu fyrir leikhlé misstu gestirnir litháíska leikmanninn Ramuros Mikalonis út af vegna þriggja brottvísana og áttu Eyjamenn því von á vængbrotnu liði Selfyssinga í síðari hálfleik. En sú varð ekki raunin, Selfyssingar mættu tvíefldir til leiks og náðu að minnka muninn niður í eitt mark, 14- 13 og svo 15-14. En þá vöknuðu Eyjamenn loksins úr rotinu, þeir skoruðu fimm mörk gegn einu marki gestanna og náðu aftur þægilegu forskoti. Eyjamenn héldu fimm marka forystu allt þar til undir lok leiksins en þá fengu varamenn IBV að spreyta sig. Þá minnkaði forystan niður í tvö mörk og var farið að fara um áhorfendur en strákarnir héldu haus og sigraðu með tveimur mörkum. Mörk ÍBV: Sigurður Ari Stefánsson 7, Sindri Haraldsson 6, Davíð Óskarsson 5/3, Joseph Bösze 3, Michael Lauritzen 3, Kári Kristjánsson 2, Zoltán Belányi 2, Björgvin Rúnarsson 1, Sigurður Bragason 1. Varin skot: Jóhann Guðmundsson 18/1, Eyjólfur Hannesson 2/1.

=== '''Anna Yakova íslenskur ríkisborgari''' ===
Í Umsókn erlendra aðila að íslenskum ríkisborgararétti var eitt af þeim málum sem komið var í gegn á Alþingi á lokadögum þingsins. Leikmaður ÍBV til tveggja ára, Anna Yakova var á meðal umsækjenda og var henni veittur íslenskur ríkisborgararéttur. Anna er þar með orðin gjaldgeng í íslenska kvennalandsliðið og mun án efa koma til með að spila með liðinu enda er Anna í hópi bestu skyttna deildarinnar. Tveir leikmenn ÍBV hafa þar með öðlast íslenskan rikisborgararétt en Alla Gokorian varð íslensk fyrr á þessu ári.

=== '''Eyjamenn ósáttir við HSÍ''' ===
Handknattleiksráð kvenna sótti um, í síðustu viku, breytingu á leikdegi ÍBV liðsins í byrjun janúar. Þannig er mál með vexti að ÍBV á að leika miðvikudaginn 7. janúar næstkomandi útileik gegn Gróttu/KR og var send beiðni til mótanefndar HSÍ um að færa leikinn til laugardagsins 10.janúar. Ástæðan fyrir breytingunni var sú að dýrara er fyrir Eyjaliðið að leika í miðri viku, þar sem því fylgir kvöldflug sem eykur kostnaðinn töluvert. Forráðamenn ÍBV bentu á það að liðið væri að leika í Evrópukeppninni í sama mánuði en því fylgja mikil útgjöld og því væru ráðsmenn með allar klær úti við að spara. Til að gera langa sögu stutta þá hafnaði mótanefnd HSI beiðni IBV á þeim rökum að í upphafi vetrar hafi verið lagt hart að mótanefnd að finna fasta leikdaga sem yrði ekki breytt. Kaldhæðnin í málinu er hins vegar sú að upphaflega átti leikur ÍBV og Gróttu/KR að fara fram 10. janúar en því var breytt vegna þátttöku ÍBV í Evrópukeppninni.

 
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2002 -

2019-07-21T15:15:55Z

Gisli: /* Janúar */

== '''2002 -''' ==

== '''JANÚAR:''' ==

=== '''Samskip semur við ÍBV''' ===
Rétt fyrir hátíðirnar var undirritaður samningur á milli Samskips og handknattleikshreyfingarinnar í Vestmannaeyjum. Um er að ræða samning við bæði karla- og kvennadeild IBV og gildir hann næstu þrjú árin. Fulltrúar handknatteiksdeildanna lýstu yfir mikilli ánægju með samninginn sem og Björgvin Arnaldsson, forstöðumaður Samskipa í Eyjum. Samningurinn felur í sér beina peningastyrki að upphæð 1,8 milljónir króna sem dreifist á milli deildanna næstu þrjú árin. Eins hljóðar samningurinn upp á ferðir með Herjólfi að upphæð 200.000 krónur á ári, miðað við einingarverð. Í staðinn fær Samskip auglýsingu á gólfi íþróttasalarins, fánar fyrirtækisins og merki verða áberandi á heimaleikjum ÍBV og Samskip verður kynnt sem einn af aðalstyrktaraðilum ÍBV.

=== '''Víkingarnir koma''' ===
Fyrsti æfingaleikur karlanna í nýja salnum var áætlaður á upphafsdögum nýs árs. Þorbergur Aðalsteinsson, handknattleiksþjálfari, mætti til Eyja með sína menn, en hann þjálfarVíkinga. Spilaðir voru tveir leikir á tveimur dögum en úrslit leikjanna voru ekki gerð kunn.

=== '''Auglýst eftir gripum frá ÍBV''' ===
Í 2. Tölublaði Eyjafrétta árið 2002 var auglýst eftir hvort einstaklingar hefðu gripi undir höndum sér frá ÍBV ''„Stjórn Iþróttabandalags Vestmannaeyja leitar nú ýmissa gagna, sem tilheyra héraðssambandinu og gætu leynst víða í bænum. Hugmyndin er að koma þeim á einn stað, til framtíðarvarðveislu og gera þau aðgengileg. Þetta gætu verið fundargerðarbækur, myndir, bréf, gamlir búningar, verðlaunagripir eða annað það sem tilheyrt gæti ÍBV. Það eru vinsamleg tilmæli til þeirra, sem hugsanlega gætu haft slík gögn í fórum sínum, að koma þeim annaðhvort í Tvistinn til Birgis Sveinssonar eða á ritstjórn Frétta,"'' segir í auglýsingunni.

=== '''Veðrið hefði mátt vera betra''' ===
Þrettándagleðin fór fram með hefðbundnu sniði. Flugeldasýning hleypti fjörinu af stað um kvöldið og gengið var frá Hánni, þar sem jólasveinarnir komu niður, upp á Malarvöllinn við Löngulág þar sem hefðbundin hátíðahöld fóru fram. Veðrið hefði gjarnan mátt vera betra en það kom þó ekki í veg fyrir góða mætingu fólks. Glæsileg flugeldasýning var svo hápunktur kvöldsins en þetta kemur fram í tölublaði Frétta.

=== '''Stelpurnar á toppinn''' ===
Handboltastelpurnar skutust á úrvalsdeildarinnar í Handbolta ásamt Haukum í janúar eftir að hafa sigrað Gróttu/KR 21-22. ÍBV átti harma að hefna en Amela

Hegic og félagar hennar í Gróttu/KR sigruðu IBV hér í Eyjum í upphafi íslandsmótsins. Leikurinn var í járnum nánast allan tímann en í hálfleik var staðan 11-10 fyrir heimastúlkur sem voru ávallt skrefinu á undan.

Baráttan hélt áfram í seinni hálfleik, heimastúlkur voru yfirleitt fyrri til að skora en undir lokin náði IBV agætum spretti en sigurmarkið skoraði Ana Perez örskömmu fyrir leikslok og tryggði ÍBV þennan mikilvæga sigur. Þetta var fyrsti leikur ÍBV árið 2002 en deildarkeppni hafði nánst legið niðri frá því í enda nóvember en liðin léku svo eina umferð um miðjan desember. Það má því að nokkru leyti segja að Islandsmótið, sem hefur til þessa verið barátta fjögurra liða, hafi alla möguleika á því að taka mjög svo óvænta stefnu en með sigrinu á Gróttu/KR stigu stelpumar stórt skref í átt að toppsætinu.

Erlingur Richardsson, þjálfari IBV, sagði eftir leikinn í samtali við Fréttir að leikurinn hefði verið mjög jafn. ''„Við vorum í hálfgerðum eltingaleik allan leikinn en'' ''náðum tvisvar sinnum að komast yfir og í annað sinn var það rétt áður en'' ''leikurinn var búinn. Eg er auðvitað alltaf ánægður með sigur en við sýndum engan glansleik í kvöld og vorum að gera of mikið af einföldum mistökum sem við verðum að laga fyrir föstudaginn þegar við tökum á'' ''móti FH. En það er gott að halda sér við toppinn. Með sigrinum náum við Haukum að stigum en skiljum Gróttu/KR dálítið eftir en það er enn mikið eftir af mótinu og maður verður ekki rólegur fyrren síðasti leikurinn er búinn."'' Stelpunum gekk þó ekki nógu vel gegn FH en leiknum lauk með jafntefli 21-21. Miðað við gengi liðina hefðu stelpurnar ekki átt að vera í neinum vandræðum með lið FH.

=== '''Hjalti áfram hjá ÍBV''' ===
Frá því var greint á heimasíðu ÍBV, að náðst hafi samkomulag við Hjalta Jóhannesson, leikmann ÍBV, að hann leiki áfram með liðinu næstu 3 árin. Bakvörðurinn fótknái hefur undanfarin ár leikið með IBV og verið ein af styrkustu stoðum liðsins. Það er því mikill léttir fyrir Eyjamenn að hann leiki áfram undir merkjum IBV.

=== '''Enn reynir HSÍ að bregða fæti fyrir ÍBV''' ===
Það vakti nokkra athygli og furðu að leiktímanum í leik ÍBV og Hauka skyldi vera breytt aðeins tæpum sólarhring fyrir leik en það var fyrst og fremst krafa Hauka sem varð til þess að HSÍ breytti leiktímanum, án þess að ráðfæra sig við forráðamenn ÍBV, en þetta kemur fram í Fréttum. Samkvæmt heimildum Frétta barst tilkynning frá HSÍ um breyttan leiktíma á föstudagskvöldið, tæpum hálfum sólarhring fyrir leik og með ólíkindum að næststærsta sérsamband ISÍ getir leyft sér önnur eins vinnubrögð. En handknattleiksráðið brást skjótt við og flestir ef ekki allir mættu á réttum tíma á leikinn.

=== '''HK vann Sparisjóðsmótið''' ===
Karlalið ÍBV hélt um helgina Sparisjóðsmót í handbolta þar sem meistaraflokkur ÍBV lék auk HK og íslenska landsliðsins, skipuðu leikmönnum 19 ára og yngri. A föstudaginn lék IBV gegn ungmennunum og sigraði naumlega en hvorki Mindaugas né Petras léku með liðinu þar sem þeir eru báðir í Litháen við landsliðsæfingar. HK sigraði svo ungmennalandsliðið lfka og því varð síðasti leikurinn í mótinu, milli ÍBV og HK hreinn úrslitaleikur. Fyrri hálfleikur var afburðaslakur hjá IBV en gestirnir úr Kópavoginum sigruðu svo örugglega í leiknum og unnu þar með mótið. I lok mótsins var svo slegið upp grillveislu sem þótti hin besta skemmtun.

=== '''Ágætir æfingaleikir''' ===
Karlalið ÍBV í knattspyrnu lék tvo æfingaleiki í Reykjaneshöllinni í lok janúar. Þeir voru hluti af litlu æfingamóti þar sem auk ÍBV tóku þátt ásamt Keflavík, Þór frá Akureyri og FH. ÍBV byrjaði á því að spila gegn FH og var sá leikur mjög opinn og skemmtilegur. Njáll Eiðsson, þjálfari ÍBV sagði við Fréttir að leikurinn hefði, þrátt fyrir tapið, verið ágætlega leikinn af ÍBV. „Við vorum mun betri í fyrri hálfleik og vorum í raun klaufar að vera ekki búnir að klára leikinn þá. Það vantaði nokkra sterka leikmenn. Kjartan, Ingi, Hjalti Jóns., og Atli eru allir meiddir og Birkir og Unnar Hólm spiluðu bara annan leikinn. Í leiknum gegn Þór óðum við hreinlega í færum en gekk illa að nýta þau. Sigurður Ragnar Eyjólfsson nýtti þó eitt færanna og þrátt fyrir yfirburði okkar þá var jafntefli niðurstaðan." Mörkin gegn FH skoruðu þeir Gunnar Heiðar Þorvaldsson 2 og Bjarni Geir Viðarsson 1.

=== '''Bikarmeistararnir lögðu Íslandsmeistarana''' ===
Bikarmeistarar ÍBV tók á móti Íslandsmeisturum Haukum í undanúrslitum bikarkeppninar í Eyjum í lok janúar. Fyrirfram var búist við hörkuleik en þessi lið börðust um sigur bæði í Islandsmótinu og bikarkeppninni í fyrra en í bikarnum vann ÍBV einmitt eftir æsispennandi Ieik þar sem sigur vannst í framlengdum leik. Haukastúlkur voru minnugar leiksins frá því í fyrra og virtust vera ákveðnari til að byrja með. En sú frábæra stemmning sem var í húsinu varð til þess að Islandsmeistararnir fóru á taugum á meðan leikmenn IBV gengu á lagið og unnu leikinn nokkuð örugglega 21-19 eftir að staðan í hálfleik hafði verið 12-9. Það var sannkölluð hátíðarstemmning í nýja íþróttahúsinu þar sem rúmlega sjö hundruð manns voru mætt. Einhverjir höfðu áhyggjur af því að sú stemmning sem náðist oft í gamla húsinu næðist ekki í því nýja en þær voru ástæðulausar. Sjaldan hefur annar eins hávaði heyrst á handboltaleik í Vestmannaeyjum. Stelpurnar mæta Gróttu/KR í úrslitlaleiknum sem fer fram í Laugardalshöllinni þann 16. Febrúar. Mörk ÍBV: Dagný Skúladóttir 6, Ana Pérez 5/2, Theodora Visokaite 4, Ingibjörg Jónsdóttir 3, Andrea Atladóttir 2, Isabel Ortis I. Varin skot: Vigdís Sigurðardóttir 18/1.

Í tölublaði Frétta eftir leikinn voru birt viðtöl við Vigdísi Sigurðardóttur markmann ÍBV og Erling Richardsson þjálfara. „Þetta era mjög jöfn lið þannig að það mátti lítið út af bregða. Ég hélt að þetta væri komið hjá okkur í stöðunni 20-16, en það var það alls ekki. Mér fannst við ekki mjög skynsamar undir lokin. Spiluðum of stuttar sóknir en við höfðum það sem betur fer," sagði Vigdís Sigurðardóttir markmaðurinn knái. „Stemmningin var alveg meiriháttar en ég var sú eina í liðinu sem vildi spila í gamla salnum. Ég hef heldur betur skipt um skoðun núna. Þessi stuðningur er mjög mikilvægur fyrir okkur stelpurnar því við erum að sjá andlit sem við hófum aldrei séð áður á leikjum hjá okkur og að fá svona marga á leikinn sýnir okkur að við eigum besta heimavöllinn á landinu," sagði Vigdís Sigurðardóttir markvörður liðsins.

Erlingur Richardsson er að komast í fyrsta sinn í bikarúrslitaleik sem þjálfari meistaraflokks. „Ég var dálítið stressaður um miðjan fyrri hálfleikinn því mér fannst við vera komnar með of mikið forskot, eins kjánalega og það hljómar nú. Hættan er að þá verði leikmenn værukærir, haldi að sigurinn sé í höfn. Það gerðist ekki og við vorum yfirleitt þremur til fjórum mörkum yfir og leikurinn spilaðist nánast eins og við lögðum upp með. Þær spiluðu 6-0 vörn sem við reiknuðum með og vorum búin að vinna í og vörnin stóð fyrir sínu, þannig hefst þetta. Sóknarleikurinn var mjög kaflaskiptur hjá okkur, við vorum að gera ágæta hluti en inn á milli kom einstaklingsframtak sem gengur ekki upp á móti jafn sterku liði og

Haukarnir eru. Það var auðvitað frábært að sjá rúmlega sjö hundruð manns á leiknum þegar bæjarfélagið er ekki stærra en þetta. Ég held að það séu ekki margir bæir á landinu sem gætu leikið þetta eftir en við óskum núna bara eftir áframhaldandi stuðningi í nýja húsinu."

=== '''Nóg um að vera hjá yngri flokkunum''' ===
Þriðji flokkur kvenna lék í lok janúar á Islandsmótinu í innanhússboltanum en flokkurinn hefur verið einn af þeim bestu á landinu í áraraðir. En nú tapaði liðið hins vegar öllum sínum leikjum í riðlakeppninni og komst því ekki áfram.

Urslit leikjanna voru þessi: IBV-Umf. Bessastaðarhrepps 0-2, ÍBV-Fjólnir 0-5, ÍBV -Haukar 1-7.

Fjórði flokkur karla lék í Þorlákshöfn í Suðurlandsriðli. Liðið rúllaði yfir andstæðinga sína og sigraði í riðlinum. ÍBV-Ægir 7-2, ÍBV-Hamar 4-1, ÍBV-Selfoss 3-1, ÍBV-KFR 6-2.

Fjórði flokkur kvenna lék einnig á sunnudaginn og spilaði liðið í Fylkishöllinni. Liðið stóð sig ágætlega og endaði í öðru sæti.

Úrslit: ÍBV-Fylkir 2-1, ÍBV-Ægir l-l,ÍBV-HK0-5,ÍBV-Víðir5-2.

Þá spilaði fimmti flokkur karla í Framhúsinu sl. laugardag en strákarnir enduðu í fimmta og næstneðsta sæti riðilsins. Úrslitin voru þessi: Umf. Bessast. 1-3, ÍBV Keflavík 2-1, ÍBV-Fram 2-12, ÍBV-Ægir 1-5, ÍBV- Grótta 1-1.

=== '''Bikarfjör í yngri flokkum''' ===
Annar flokkur karla komust um miðjan janúar í undanúrslit í bikarkeppni aldursflokksins. Liðið lék gegn hinu sterka liði FH-inga og fór leikurinn fram hér í Eyjum. Liðið leikur ekki í íslandsmótinu og því er árangurinn enn betri enda er liðið að spila mun færri leiki en mótherjar þeirra. Leikurinn var æsispennandi en aðeins munaði einu marki í hálfleik þar sem FH leiddi, 14-15. Í síðari hálfleik höfðu strákamir betur en sigurmarkið kom þegar venjulegum leiktíma lauk, 29-28. Sigurður Ari Stefánsson skoraði það og kom ÍBV þar með í undanúrslit keppninnar.

Mörk ÍBV: Kári 11, Sigurður Ari 8, Davíð 4, Karl 3, Sigþór 2 og Sindri 1.

Strákarnir mætti svo Val í undanúrslitum þar sem gestirnir höfðu betur 29-34. Sigbjörn Óskarsson, þjálfari sagði í samtali við Fréttir að strákarnir hefðu barist hetjulegri baráttu. „Við vorum inni í leiknum allan tímann og í hálfleik munaði bara einu marki. En við misstum dampinn í seinni hálfleik og þar kom bersýnilega í ljós munurinn á leikæfingu liðanna. Það er grátlegt að geta ekki boðið strákunum upp á þáttöku í íslandsmótinu en HSÍ skipulagði mótið þannig að það væru þrettán leikir í Reykjavík og ferðakostnaðurinn við það er einfaldlega allt of hár."

Unglingaflokkur kvenna ÍBV lék einnig í bikarkeppninni en stelpumar fóru til Akureyrar og léku gegn KA. Heimastúlkur höfðu undirtökinnánast allan leikinn en undir lokin hrundi hins vegar leikur IBV og KA stúlkur sigmðu með 24-18. Markahæstar voru þær Aníta Ýr 8, Bjarný 3, María 3 og Þórsteina 2.

Þriðji fiokkur karla tók á móti Val í bikarkeppninni þar sem liðið tapaði naumlega 19-20 en leikurinn var í sextán liða úrslitum keppninnar.

Strákarnir léku einnig gegn ÍR í Íslandsmótinu sömu helgi og bikarleikurinn fór fram en báðir leikirnir voru spilaðir í Eyjum. ÍBV var betra liðið framan af en undir lokin tóku gestirnir atkvæðamestu leikmenn IBV úr umferð og við það riðlaðist leikur liðsins. Gestirnir gengu á lagið og náðu að jafna 26-26 áður en yfir lauk. Þrátt fyrir jafnteflið er ljóst að mikið býr í liðinu.

=== '''Tvær í kvennalandsliðið''' ===
ÍBV á tvo fulltrúa í íslenska landsliðinu en það eru þær Dagný Skúladóttir og Vigdís Sigurðardóttir. Þær voru valdar til að fara með liðinu í æfingabúðir á Laugarvatni þar sem æft verður og leikinn einn æfingaleikur. Vigdís hefur ekki verið í náðinni hjá þjálfaranum en eftir að hún nánast lokaði markinu í seinni hálfleik í leik ÍBV og Íslands þá sannfærðist hann og valdi hana.

=== '''Nýr maður í knattspyrnuráð''' ===
Ákveðnar mannabreytingar hafa farið fram í knattspymuráði karla en Sigurjón Kristinsson hefur ákveðið að snúa sér að öðmm verkefnum. Nú er búið að finna eftirmann Jonna en það er Ástþór Jónsson, verslunarstjóri 11-11.

=== '''Gunnar Berg með landsliðinu''' ===
Gunnar Berg Viktorsson var valinn í landsliðshópinn sem fór á Evrópumeistaramótið í handknattleik í Svíþjóð. Gunnar Berg hefur lengi verið viðloðandi íslenska landsliðið í handknattleik en þetta mun vera í fyrsta sinn sem hann spilar með liðinu á stórmóti eftir að hafa fengið smjörþefínn aðeins nítján ára gamall. Tæplega sjö ára undirbúningi er vonandi þar með lokið enda hefur hann verið að spila mjög vel í þau fáu skipti sem hann fær tækifæri. Í viðtali sem tekið var við Gunar Berg í Fréttum á meðan hann var staddur úti segir hann að draumurinn um að leika með íslenska landsliðinu í stórmóti sé nú loksins að rætast eftir að hafa verið með rétt utan viðleikmannahópinn undanfarin sex ár. „Það má kannski segja að ég hafí verið orðinn atvinnumaður í bekksetu með landsliðinu. En þetta er allt á réttri leið, ég er að spila eitthvað í flestum leikjunum og það er reyndar áberandi með Guðmund Guðmundsson að flestir eru að spila eitthvað í þessum leikjum. Fyrir vikið er miklu betri mórall í liðinu núna og minni pressa á einstaka leikmenn að standa sig í hverjum einasta leik. Leikimir á móti Þjóðverjum á undirbúningstímabilinu komu mér hingað og nú fæ ég tækifæri á að mæta þeim aftur. Mér fannst ég spila vel á móti þeim heima og vona að ég fái aftur tækifæri í byrjunarliðinu þegar við spilum gegn þeim," sagði Gunnar Berg meðal annars í ítarlegu viðtali þar sem hann ræddi um landsliðið og lífið úti í Frakkalandi þar sem hann lék með Paris St. Germain.

== '''FEBRÚAR:''' ==

=== '''Sigur í æfingaleikjum''' ===
Í byrjun febrúar lék meistaraflokkur karla í knattspyrnu tvo leiki en leikirnir fóru báðir fram í Reykjavík. Lið ÍBV var að mestu leyti skipað þeim leikmönnum sem voru í eða við hópinn síðastliðið sumar að tveimur undantekningum, Sigurður Ragnar Eyjólfsson lék sinn annan leik með ÍBV en það sem vakti mesta athygli var að Magnús Steindórsson, leikmaður KFS spilaði báða leikina með ÍBV og skoraði hvorki fleiri né færri en fjögur mörk í leikjunum tveimur. Fyrst var leikið gegn Fjölni og sigraði ÍBV þann leik nokkuð auðveldlega 4-1 en mörk ÍBV skoruðu þeir Magnús 2, Óskar Jósúa og Bjarni Rúnar sitt markið hvor en Bjarni er að stíga sín fyrstu spor með liðinu. Seinni leikurinn var svo gegn fyrrum lærisveinum Njáls Eiðssonar og áttu Eyjamenn ekki í vandræðum með þá og sigruðu í þetta sinn 3-1. Magnús skoraði tvö og hefur greinilega verið á skotskónum. Pétur Runólfsson skoraði svo þriðja mark ÍBV.

=== '''Strákarnir aftur af stað''' ===
Handboltinn hjá strákunum fór aftur að rúlla eftir pásu vegna Evrópumeistaramóts í handboltanum. Sigurbjörn Óskarsson, þjálfari ÍBV sagði í samtali við Fréttir að pásan hefði nýst þeim ágætlega '',,Reyndar vorum við að fá Litháana aftur til okkar í þessari viku og Minde er meiddur og allt útlit fyrir að hann verði ekki klár næstu tvær vikurnar jafnvel. Hléið hefur hins vegar verið skuggalega langt og við náðum ekki að spila nógu marga æfingaleiki en náðum samt sem áður nokkrum ágætis leikjum. Ég kvíði engu um framhaldið, við vorum á góðri siglingu fyrir hléið og unnum síðustu fimm leikina. Stjarnan stal hins vegar af okkur tveimur stigum í haust þannig að við eigum harma að hefna og ætlum okkur sigur. Við höfum sett okkur markmið og það er að ná 75-80 prósent árangri úr þeim leikjum sem eftir eru. Þá yrðum við væntanlega í einu af fjórum efstu sætunum. Við ætlum okkur í úrslitaleikina og ekkert annað,"'' sagði Sigbjörn. Fyrsti leikurinn var gegn Stjörnuni á heimavelli þeirra en honum lauk með jafntefli 21-21 eftir að IBV hafði farið illa að ráði sínu síðustu mínúturnar.

Stjarnan byrjaði leikinn betur og náðu fljót þriggja marka forystu. ÍBV skoraði næstu fimm mörk og breyttu stöðunni úr 5-2 í 5-7. Jafnræði var með liðinum það sem eftir lifði leiks og var ÍBV með tveggja marka forskot þegar flautað var til hálfleiks, 11-13.

Strákarnir mættu ekki til leiks í byrjun síðari hálfleiks og Stjarnan náði þriggja marka forskoti. En góður leikkafli síðasta stundarfjórðunginn gerði það að verkum að ÍBV var með pálmann í höndunum undir lokin. En í þrígang mistókst Eyjamönnum að auka muninn í tvö mörk og undir lokin munaði minnstu að heimamenn næðu að stela sigrinum en Hörður Flóki Ólafsson, besti maður vallarins, varði vel og tryggði þar með ÍBV stigið.

Nú situr IBV í áttunda sæti, með jafnmörg stig og KA en lakara markahlutfall. ÍBV hefur ekki tapað í sex leikjum í röð, gert þrjú jafntefli og unnið þrjá leiki sem hefur skilað liðinu níu af þeim þrettán stigum sem liðið hefur nú.

Mörk ÍBV: Petras Raupenas 6, Mindaugas Andriuska 5/5, Arnar Pétursson 4, Sigurður Bragason 2, Sigþór Friðriksson 1, Jón Andri Finnsson 1, Kári Kristjánsson 1, Sigurður Ari Stefánsson 1. Varin skot: Hörður Flóki Ólafsson 21/2

=== '''Veldur vandræðum''' ===
Í byrjun febrúar var flugvöllurinn í Eyjum aðeins opinn til klukkan sjö á kvöldin þar sem flugumferðarstjórar áttu í kjarabaráttu og höfðu teflt fram því vopni að banna alla yfirvinnu hjá flugumferðarstjórum. Það að ekki skuli vera flug innanlands á kvöldin setur íþróttahreyfinguna á annan endann, enda fara flestir leikir fram á kvöldin og oft í miðri viku. Karladeildin verður þétt leikin næsta tvo og hálfan mánuðin og lítið svigrúm til breytinga en kvennadeildin er ekki leikin jafn þétt og líklega verða áhrif verkfallsins í lágmarki hjá þeim. Magnús Bragason, formaður handknattleiksráðs karla, sagði í samtali við Fréttir að málið væri komið á mjög alvarlegt stig. „Við eigum leik núna á sunnudaginn gegn ÍR en leikurinn á að fara fram klukkan átta um kvöldið og því erum við í sömu vandræðum og ef leikurinn færi fram í miðri viku. Þetta er auðvitað rosalega slæmt mál eins og hefur nú þegar sýnt sig hjá kvennaboltanum þegar leik ÍBV og KA/Þórs var frestað oftar en einu sinni vegna verkfallsins. Þetta er ekki síst slæmt núna því það væri mjög mikilvægt fyrir handboltann hér heima að fara af stað með stæl eftir gott gengi landsliðsins á Evrópumótinu til að auka vegsemd íþróttarinnar að nýju."

Þorvarður Þorvaldsson hjá handknattleiksdeild kvenna tók í sama streng og Magnús. „Mér fannst ástandið vera orðið mjög slæmt hér í byrjun mótsins þegar samgöngumar voru komnar í þennan farveg sem þær eru í núna en svo bætist þetta við í ofanálag og ég sé ekki alveg lausnina á vandamálinu. Við í kvennaboltanum erum reyndar í ágætismálum þar sem það eru fáir leikir eftir fram að úrslitakeppni og nægt svigrúm til að spila um helgar. Við verðum hinsvegar bara að vona að þessi kjarabarátta flugumferðarstjóra leysist sem fyrst því auðvitað setur þetta handboltanum í landinu stól fyrir dymar."

=== '''Sex í úrtaksæfingar''' ===
Hafnar eru úrtaksæfingar hjá yngri landsliðum Íslands í knattspyrnu þrátt fyrir að rúmir fjórír mánuðir séu í að knattspyrnuvertíðin hefjist fyrir alvöru. Úrtaksæfingar fyrir u-17 og u-19 ára landsliðin fóru fram í febrúar, bæði í kvenna- og karla knattspyrnu þar sem ÍBV átti sex fulltrúa. Hjá drengjunum eru það þeir Ólafur Þ. Berry og Björgvin M. Þorvaldsson sem voru valdir til æfinga hjá U-17 ára landsliðinu en enginn frá ÍBV er á meðal þeirra knattspymumanna sem munu mæta á æfingu hjá U-19 ára landsliðinu. Hjá stúlkunum eigum við hins vegar fulltrúa í báðum landsliðum . Hjá U-17 ára landsliðinu sjá þær Karitas Þórarinsdóttir og Sara Sigurlásdóttir um að halda uppi heiðri Eyjamanna. Á U-19 ára æfingunum eru hins vegar þær Elva D. Grímsdóttir og Margrét Lára Viðarsdóttir en sú síðarnefnda var fastamaður í liðinu á síðasta ári.

=== '''Samstarfssamningur milli ÍBV íþróttafélags og Íslandsbanka''' ===
ÍBV íþróttafélag og Íslandsbanki undirrituðu samstarfssamning sín á milli til næstu þriggja ára. Íslandsbanki er þar með orðinn einn aðalstyrktaraðilinn hjá ÍBV íþróttafélagi. Íslandsbanki verður með auglýsingu á baki æfingagalla m.fl.karla og kvenna í handbolta og fótbolta. Þá mun Íslandsbanki verða sýnilegur í öllum auglýsingum sem og leikskrám og blöðum sem félagið gefur út. Fána Íslandsbanka verður flaggað á öllum heimaleikjum hjá ÍBV og auglýsingaskilti á völlum félagsins. „Samningurinn er mjög mikilvægur fyrir það mikla starf sem er unnið innan félagsins. Fyrir meistaraflokka félagsins og unglingastarfið er þetta gríðarlega mikilvægt að hafa fyrirtæki eins og íslandsbanka innan sinna vébanda. Við þökkum þeim kærlega fyrir og vonum að samstarfið eigi eftir að vera árangursríkt eins og undanfarin," sagði Magnús Sigurðsson framkvæmdastjórí ÍBV í samtali við Fréttir.

=== '''Spennan magnast''' ===
Bikarúrslitaleikurinn í handbolta milli ÍBV og Gróttu/KR verður spilaður 16. febrúar en spennan fyrir leiknum er gríðarleg enda getur ÍBV varið titilinn. Fréttir slógu á þráðinn til fyrirliða liðanna til að forvitnast um undirbúningin en það eru þær Ingibjörg Jónsdóttir og Ágústa Edda Björnsdóttir.

„Ég er búin að segja stelpunum að ég ætla að lyfta bikarnum í fyrsta sinn en ég var ekki með í fyrra," segir Ingibjörg. „Það var agalegt að standa við hliðarlínuna og geta ekkert gert þegar mest lá við en það verður allt annað að vera inni á vellinum og í baráttunni. Annars á ég von á mjög jöfnum leik og þess vegna verður mikilvægt fyrir okkur að halda einbeitingunni allan leikinn. Þær þyrstir orðið í titil en þær töpuðu í bikarúrslitum fyrir tveimur árum og töpuðu þá Iíka fyrir okkur um Islandsmeistaratitilinn þannig að þær eiga harma að hefna." Hvernig er undirbúningnum háttað? „Ég býst við að við eigum eftir að leggja áherslu á tæknileg atriði í okkar leik. Við munum að sjálfsögðu skoða leik Gróttu/KR á myndbandi en við munum einbeita okkur að okkar leik . Ef við spilum af eðlilegri getu þá óttast ég ekkert. Breiddin er meiri nú en í að fyrra þannig að ef einhver í liðinu á slæman dag þá bætir annar það upp. En ég vil bara hvetja sem flesta til að koma með okkur og mæta í Laugardalshöllina á laugardaginn, það munar um stuðninginn." „Ég met þetta þannig að þessi tvö lið séu mjög áþekk að styrkleika," segir Ágústa Edda Bjömsdóttir. „ Þau hafa spilað tvo leiki og unnið sinn hvort sem segir sitt. Reyndar var kannski lítið að marka fyrri leikinn enda var mótið svo til nýbyrjað en seinni leikurinn úti í Eyjum var í járnum allan tímann og sigurinn hefði getað endað hvorum megin sem var. Eg á þess vegna von á því að leikurinn verði jafn og spennandi allan tímann og eiginlega vona það því það er alltaf skemmtilegra að vinna svoleiðis leiki." Nú fáið þið styttri tíma til að undirbúa ykkur fyrir leikinn en hvernig munuð þið nýta tímann? „Það er rétt við spiluðum á þriðjudaginn í deildinni en ég held að undirbúningurinn verði ekki frábrugðinn. Við komum að sjálfsögðu til með að skoða upptökur af ÍBV og svo munum við vinna okkar varnarvinnu út frá því. Við erum að mestu leyti heilar fyrir utan línumanninn okkar sem meiddist og verður ekki með. Svo hefur markvörðurinn hjá okkur verið tæpur í allan vetur en líklega lætur hún sig hafa það.

=== '''Uppgjör toppliðanna''' ===
Haukar tóku á móti ÍBV í Essodeild kvenna í toppslag deildarinnar. Í síðustu tvö skipti sem þessi lið mættust hafði ÍBV betur en báðir leikirnir voru spilaðir í Eyjum en ÍBV hafði ekki tekist að leggja Hauka af velli á Ásvöllum og þar varð engin breyting á. Leikurinn endaði með fjögurra marka sigri heimastúlkna, 24 - 20, en leikur ÍBV hrundi nánast til grunna í leikhléi en þá var staðan 10-12 ÍBV í vil. ÍBV byrjaði betur í leiknum og leiddi nánast frá upphafi. Mest náði ÍBV fjögurra marka forystu 6-10 en kæruleysi í leik ÍBV undir lok fyrri hálfleiks varð til þess að Haukarnir náðu að laga stöðuna í stað þess að ÍBV bætti við forystuna. Staðan í hálfleik var engu að síður vænleg, tveggja marka forskot 12-10 gegn Haukum á útivelli er vel ásættanlegt. En það var eins og leikmenn ÍBV hefðu verið of sigurvissir því það tók heimastúlkur ekki nema tæpar tíu mínútur að brjóta mótspyrnuna á bak aftur. IBV skoraði fyrsta mark seinni hálfleiks en næsta mark kom ekki fyrr en eftir fjórtán mínútna leik en þá höfðu Haukarnir skorað átta mörk og voru því komnar með þægilega, fjögurra marka forystu. Sóknarleikur ÍBV hrundi gjörsamlega við það að Haukarnir breyttu um varnaraðferð en slíkt ætti ekki að koma jafn leikreyndu liði og ÍBV úr skorðum eins og raunin varð. Islandsmeistararnir þurftu ekki að sýna neinn glansleik til að innbyrða sigurinn sem var öruggur eftir að þær náðu forystunni.

Mörk ÍBV: Theodora Visokaite 5/1, Andrea Atladóttir 4, Ana Perez 4, Dagný Skúladóttir 3, Ingibjörg Jónsdóttir 2, Elísa Sigurðardóttir 2. Varin skot: Vigdís Sigurðardóttir 16/1.

=== '''Eyjamenn voru áberandi''' ===
Helgina 8.-10. febrúar fór fram ársþing KSÍ en þar áttu Eyjamenn að sjálfsögðu sína fulltrúa frá bæði ÍBV og KFS. Af þeim tíu tillögum til breytinga á lögum og reglum KSÍ áttu Eyjamenn þrjár. KFS kom með tillögu að breyttu keppnisfyrirkomulagi í neðstu tveimur deildunum og að U-23 ára liðum yrði meinuð þáttaka í bikarkeppni meistaraflokks. Ljóst var að stuðningur risanna við seinni tillögunni yrði lítill enda var tillagan felld. Tillagan um breytt keppnisfyrirkomulag í annarri og þriðju deild var forvitnileg enda samdóma álit þeirra sem eru með lið í þriðju deild að núverandi fyrirkomulag er mjög ósanngjamt. Þrátt fyrir þetta þá var tillagan felld. ÍBV bar fram tillögu um jöfnunarsjóð í deildarbikarnum þar sem ferðakostnaður yrði jafnaður út með sameiginlegum sjóði. Tillögunni var vísað til mótanefndar. Þá voru endurkjörnir í stjórn KSI þeir Einar Friðþjófsson og Jóhannes Ólafsson.

=== '''Birkir Ívar til Spánar''' ===
Birkir Ívar Guðmundsson, Eyjapeyinn sem varið hefur mark Stjörnunnar undanfarið, hefur nú fetað í fótspor fyrrum félaga sinna hjá IBV, þeirra Gunnars Bergs Viktorssonar og Guðfinns Kristmannssonar og haldið út í hinn harða heim atvinnumennskunnar í handknattleik. Nú eigum við Eyjamenn fulltrúa í þremur löndum. Birkir hélt til Spánar en Stjörnumenn lánuðu hann til 2. Deildarliðsins Balonamo Torrevieja.

Birkir Ívar hefur þegar leikið einn leik með liðinu, sem leikur í B-deildinni þar í landi þar sem honum gekk vel.

=== '''Bikarinn áfram í Eyjum''' ===
ÍBV varði bikarmeistaratitilinn þegar liðið sigraði Gróttu/KR örugglega 22-16 þar sem öflugur varnarleikur skók sigurinn. Fyrsta markið kom frá Gróttu/ KR eftir rúma mínútu en næstu tólf sóknir fóru í súginn á meðan Eyjastúlkur skoruðu sex mörk þó að átta sóknir þeirra færu forgörðum. Staðan var því 6:1 sem var alveg í takt við leikinn því vörn Vestmannaeyinga var mjög hreyfanleg og skyttur Gróttu/ KR fengu varla færi á skoti eða línuspili enda virtust Eyjastúlkur lesa sóknartilburði þeirra eins og opna bók. Fyrir vikið voru skotin sem sluppu í gegn oft úr erfiðum færum auk þess að Vigdís Sigurðardóttir í marki ÍBV var í miklum ham. Þegar staðan var 8:2 eftir um 20 mínútna leik var sem Gróttu/ KR-stúlkur tækju sig saman í andlitinu því þeim tókst að minnka muninn úr sex mörkum niður í 5 fyrir leikhlé. Síðari hálfleikur byrjaði svipað og sá fyrri og ÍBV náði 14:6 forystu. Þá sá þjálfari Gróttu/KR að svo mætti ekki við búið standa, breytti í framliggjandi vörn, sem sló Eyjastúlkur útaf laginu um tíma uns aðeins munaði fjórum mörkum, 16:12. Grótta/KR fékk færi til að minnka muninn niður í þrjú mörk en vopnin snerust í höndum þeirra og ÍBV náði yfirhöndinni á ný. Sigurinn var í höfn og í stöðunni 22:14 þegar nokkrar mínútur voru til leiksloka var flestum af varamannabekk ÍBV skipt inná. Eyjastúlkur unnu fyrir þessum sigri, sem byggðist að langmestu leyti á sterkri vörn er hélt allan leikinn. Það eru engin ný sannindi að slíkt er oftast lykill að sigri og þegar svo sóknarleikurinn var ágætur ásamt góðri markvörslu var fátt sem gat komið í veg fyrir sigur því sama var ekki uppi á teningnum hjá hinu liðinu. Einnig munaði um að leikmenn voru greinilega vel undirbúnir og í góðu líkamlegu formi enda þarf úthald til að halda uppi góðri vörn í 60 mínútur. Allir leikmenn stóðu fyrir sínu í vörninni en í sókninni var Theodora Visokaite afar ákveðin og braust áfram og Ana Perez og Andrea Atladóttir áttu mörg góð skot. Það neyddi varnarmenn mótherjanna til að koma aðeins út og þá losnaði um Ingibjörgu Jónsdóttur á línunni og Dagnýju Skúladóttur í horninu. Gróttu/KR-stúlkur mættu ákveðnar til leiks en voru slegnar útaf laginu í sókninni og fundu sig því ekki sem skyldi í vörninni þó að hún væri oft með ágætum. Liðið var lengi að bregðast við vandanum, ekki fyrr en það þurfti að vinna upp nokkurra marka mun, sem var því ofviða.

Þó að leikurinn hafi aldrei komist á spennustigið vegna yfirburða ÍBV var hann aldrei leiðinlegur og tefla Eyjamenn fram einu skemmtilegasta kvennaliði sem sést hefur til hér á landi. Oft er taugatitringur í liðum fyrir þessa leiki en það var eins og ÍBV liðið hafí ekki haft neinar áhyggjur af því. Leikmennirnir spiluðu allir mjög vel, varnarleikurinn skipti miklu og á bak við varnarmúrinn er besti markvörður landsins. Sóknarleikurinn gekk líka mjög vel fyrir sig og erfitt að taka einhvern einn leikmann út en frammistaða Theodoru Visokaite, sem kom inn í byrjunarliðið var eftirtektarverð án þess að hallað sé á liðsheildina.

Mörk IBV: Theodora Visokaite 6, Ana Peréz 6/3, Dagný Skúladóttir 5, Ingibjörg Jónsdóttir 3, Andrea Atladóttir 2.

Varin skot: Vigdís Sigurðardóttir 14, Iris Sigurðardóttir 1.

=== '''-Lítil mótstaða kom á óvart''' ===
„Þetta kom okkur mjög á óvart hversu litla mótspyrnu við fengum," sagði Andrea Atladóttir í samtli við Fréttir eftir leikinn. „Ég held að það sem skildi liðin fyrst og

fremst að var það hversu vel undirbúnar við vorum. Það var engin taugaveiklun í liðinu, við vorum með kollinn í lagi og þá gengur allt upp. Þær virtust vera stressaðar og það er mjög erfitt. Við unnum þetta hins vegar fyrst og fremst á sterkri vörn, þær komust hvorki lönd né strönd gegn okkur í fyrri hálfleik en svo var maður alltaf að bíða eftir slæma kaflanum. Við töluðum um það í hálfleik að það væri kannski bara ágætt að sleppa honum í þetta skiptið og það gerðum við," sagði Andrea.

=== -'''Þær áttu aldrei möguleika''' ===
Dagný Skúladóttir var að fagna sínum fyrsta titli í meistaraflokki um helgina og hún sagði í samtali við Fréttir að Grótta/KR hefði í raun aldrei átt möguleika í leiknum. „Við náðum tökum á þeim strax frá fyrstu mínútu. Varnarleikurinn var sterkur og okkur gekk mjóg vel í sókninni. Við komum vel undirbúnar og kerfin voru að virka hjá okkur. Andlega hliðin var líka í lagi, við komum mjög ákveðnar til leiks en ætluðum samt sem áður fyrst og fremst að njóta þess að spila úrslitaleik. Þetta var mun auðveldara en við áttum von á, þær komu bara alls ekki tilbúnar til leiks og við nýttum okkur það," sagði Dagný.

=== '''- Bjóst við þeim grimmari''' ===
„VIÐ lögðum grunninn að þessum sigri fyrsta korterið því eitt mark hjá þeim eftir það er ekki mikið,“ sagði Eyjastúlkan Ingibjörg Jónsdóttir, fyrirliði ÍBV í samtali við Morgunblaðið en Ingibjörg stóð fyrir sínu í vörninni og vann vel fyrir sóknina hinum megin. „Vörnin small saman og við fengum hraðaupphlaup enda lögðum við upp með að loka vörninni og ná að spila hratt. Það gekk eftir en ég bjóst við þeim miklu grimmari.“ Ég var bara smeyk um tíma þegar þær breyttu í framliggjandi vörn og við þurftum nokkrar mín- útur til að ná tökum á því en svo var sigurinn aldrei í hættu. Þær reyndu þá að taka tvo úr umferð en við erum með góða einstaklinga svo það gekk ekki upp,“ bætti Ingibjörg við og var ánægð með undirbúning liðsins. „Þjálfarinn sagði að við hefðum meiri reynslu en hann í svona leikjum og það værum við sem yrðum inni á vellinum. Það hefur ekki verið neitt stress í kringum þennan leik, við komum með Herjólfi daginn fyrir leik. Við erum búin að vinna okkar heimavinnu og Erlingur hefur undirbúið þennan leik vel.“ Ingibjörg fékk einnig verðlaunapening fyrir bikarsigurinn í fyrra en var þó ekki að spila, heldur til aðstoðar á bekknum, komin átta mánuði á leið. „ Það var erfiðara að vera á bekknum en að spila núna en samt var skemmtilegra að spila og mér finnst ég eiga meira í þessum bikar,“ sagði Ingibjörg og hampaði bikarnum.

=== '''-Vissi að við gætum haldið út hraðan leik''' ===
„Ég var aldrei örugg með sigurinn, sama hvernig staðan var, því þegar við vorum fimm mörkum yfir var ég viss um nú færi allt að klikka – það þurfti því að hafa varann á og við misstum aldrei tökin á leiknum,“ sagði Vigdís Sigurðardóttir, markvörður Eyjastúlkna, í samtali við Morgunblaðið eftir leikinn. „Við ætluðum að spila harðan leik og hratt því við erum snöggar og í góðu líkamsformi og vissum að við gætum haldið út leikinn þannig. Svo ætluðu útlendingarnir okkar svo sannarlega að vinna titil á Íslandi og það kom sér mjög vel.“ Vigdís sagði leikmenn jafnvel of rólega fyrir leikinn. „Leikurinn var mun erfiðari andlega en líkamlega því stressið var mikið og þá helst yfir því hvað við vorum lítið stressaðar en við hlökkuðum mikið til og leikgleðin var mikil, sem skilaði okkur langt. Í raun vorum við fáar sem lékum í fyrra en aftur á móti höfum við flestar reynslu úr erfiðum leikjum og eins er með útlendingana okkar. Nú er kominn einn sigur sem við vorum búnar að lofa stuðningsmönnum okkar en það er ekki nóg og við stefnum nú að því að vinna tvöfalt.“

=== '''-Við höfum gaman að þessu''' ===
Ég bjóst ekki við jafnari leik og þetta var sannfærandi allan tímann,“ sagði Erlingur Richardsson, þjálfari Eyjastúlkna, í samtali við Morgunblaðið eftir sigurinn. „Ég var reyndar farinn að örvænta yfir því að við værum komin með alltof mikið forskot í byrjun því oft byrja lið vel en síðan kemur bakslag – maður veit að í svona leik gefast hinir aldrei upp því það er ekki neinn leikur daginn eftir sem hægt er að vinna tapið upp. Og eins og Íslendingar gera svo oft biðum við eftir þessum „slæma“ kafla en það er greinilega minna um það í dag, hvort sem var í leiknum hjá okkur eða hjá landsliðinu á Evrópumótinu. Við höfðum ekki hugsað okkur að reyna að stinga þær af í byrjun en héldum okkar dampi allann leikinn og það gerði útslagið að varnarleikurinn var góður allan tímann. Ég átti von á að Grótta/KR færi fyrr í 3–2–1-vörn, til dæmis eftir leikhlé, en þjálfari þeirra vildi líklega sjá hvort sama vörn myndi skila sér.“ Erlingur hefur ekki áður unnið bikarúrslitaleik en sagði að reynsla Eyjastúlkna í því hefði dugað. „Ég gat því ekki miðlað bikarreynslu til þeirra, frekar að þær segðu mér til. Ég vissi þó hvernig átti að stilla upp í leiknum og hef leitað upplýsinga víða, margir hafa hjálpað mér og sent mér punkta og ég er þeim þakklátur. Það er greinilega allt annað skipulag hjá okkur núna, við fórum yfir það og fannst ekki nógu gott. Í dag má sjá að þetta er að koma því þó að varnarleikurinn hafi áður verið í lagi var sóknarleikurinn það ekki. Svo skiptir heppni alltaf einhverju máli. Við settum okkur það markmið að ná í titil, hvaðan sem hann kæmi. Nú er einn kominn og pressan því farin af okkur og við höfum gaman af þessu,“ bætti þjálfarinn við.

=== '''Fagnað sem hetjum''' ===
Mikill mannfjöldi tók á móli nýkrýndum bikarmeisturum ÍBV í kvennahandboltanum þegar liðið kom með Herjólfi á laugardagskvöldið eftir frækilegan sigur á Gróttu/KR í Laugardalshöllinni. Skotið var upp flugeldum þegar Herjólfur lagðist að bryggju. Erfitt er að gera sér grein fyrir þvf hvað margir vom á bryggjunni þegar Herjólfur kom en hópurinn var myndarlegur og fagnaði hann stúlkunum innilega bæði með bílflautum og lófaklappi. Fyrst vom þær leiddar upp á pall framan við afgreiðslu Herjólfs. Þegar skipið kom inn höfnina var kveikt á blysum á Skansinum en flugeldum var skotið upp á Friðarhafnarbryggjunni þegar skipið lagðist að bryggju. Formenn ÍBV-íþróttafélags Þór Vilhjálmsson, IBV-héraðssambands Birgir Sveinsson og Guðjón Hjörleifsson bæjarstjóri ávörpuðu stelpumar, þjálfara og stjórn og afhentu þeim blóm. Sérstaka athygli vakti myndarlegur blómvöndur frá Haukum en karlalið þeirra varði bikarmeistaratitil sinn þegar það burstaði Fram. Einnig sagði Þorvarður Þorvaldsson nokkur orð og þakkaði hann frábæran stuðning Eyjamanna. Eyjamenn sýndu leikmönnum, þjálfara og stjóm kvennahandboltans mikinn sóma með því að taka þátt í móttökuathöfninni. Er það að verðleikum því fátt ber betur hróður Eyjanna út á við en góður árangur í íþróttum.

=== '''Takk fyrir okkur, Eyjamenn''' ===
Stuðningurinn í Laugadalshöllinni og þegar við komum með bikarinn til Eyja með Herjólfi var ólýsanleg. Að sjá allt fólkið sem var saman komið þrátt fyrir smá kulda var yndislegt og yljaði okkur um hjartarætumar. Við sýndum hvers við Eyjamenn eru megnugir er við leggjumst öll á árarnar, þá getur enginn stöðvað okkur. Laugardagurinn 16. febrúarsl. líður okkur seint úr minni og viljum þakka öllum Eyjmönnum fyrir frábæran stuðning. Fyrirtæki, einstaklingar og Vestmannaeyjabær sem lögðu sitt til að gera þennan dag mögulegan.

Baráttan heldur baráttan áfram, er við fáum næst Fram í heimsókn. Við þurfum á kröftum ykkar að njóta þá. Okkur þætti vænt um, ef Eyjamenn myndu fjölmenna í ljónagryfjuna okkar og sýna stuðning sinn enn frekar í verki. Full Höll segir allt sem þarf. Fyllum því Höllina og fögnum saman bikamum sem við öll eigum. Við erum ekki södd, við eigum góða möguleika á einum bikar í viðbót en til að svo verði þurfum við ykkar stuðning eins og áður. Við vonum að Eyjamenn séu ekki sadder frekar en við og mæti á næstu leiki og leggi okkur lið að landa Íslandsmeistaratitlinum til Eyja, þar sem hann á heima. Munið nk. föstudag kl. 20 ÍBV - Fram, komið og sýnið í verki stuðning ykkar.

''Handboltastelpur ÍBV, Bikarmeistarar 2002, Bikarmeistarar 2001, Meistarar meistaranna 2000, Íslandsmeistarar 200''0

=== '''Góður árangur hjá þeim ungu''' ===
Um helgina fóru fram úrslit í Íslandsmótinu í innanhússknattspyrnu hjá yngri flokkunum og átti IBV þrjú lið á meðal þeirra bestu. Annar flokkur karla náði bestum árangri og endaði í þriðja sæti en annar flokkur kvenna endaði í því fjórða og fjórði flokkur karla endaði í því sjötta. Annar flokkur endaði undanriðilinn í öðru sæti og spilaði því gegnSkagamönnum í undanúrslitum. Þar voru strákarnir meira en lítið óheppnir að vinna ekki en leikurinn endaði með sigri IA, 3-2 og því varð IBV að spila um bronsið. Þar spiluðu strákarnir mjög vel og þrátt fyrir að vera einum færri nánast hálfan leikinn þá sigruðu þeir Breiðablik 5-3.

2. flokkur kvenna náði einnig mjög góðum árangri en liðið endaði í fjórða sæti. I undanriðlinum endaði liðið í öðru sæti á eftir Valstúlkum. Í undanúrslitum spilaði liðið gegn KR en ÍBV steinlá 6-1. í leik um þriðja sætið mætti ÍBV Val í annað sinn og tópuðu Eyjastelpur fyrir þeim á ný 6-1.

Fjórði flokkur karla endaði í þriðja sæti í undanriðlinum og spilaði því strax um fímmta sætið í íslandsmótinu. Þar töpuðu strákarnir fyrir KR7-1.

=== '''Fótboltinn farinn að rúlla''' ===
Karlalið ÍBV spilaði um síðustu helgi tvo fyrstu leiki sína í deildarbikarnum en þá lék liðið gegn Keflavík og KA en báðir leikirnir fórufram í Reykjaneshöllinni.

Keflvíkingar höfðu fyrir leikinn verið nánast ósigrandi í þeim æfíngaleikjum sem þeir höfðu leikið fram að þessu en lokatölur leiksins urðu 1-1. ÍBV stillti upp sínu sterkasta liði en mark IBV skoraði gamli jaxlinn Ingi Sigurðsson. Í síðari leiknum fengu þeir sem ekki byrjuðu leikinn gegn Keflavík tækifæri á að sýna sig. Norðanmenn komust þremur mörkum yfir fyrir leikhlé en í seinni hálfleik náði Ingi að klóra í bakkann og lokatölur urðu 1 -3 fyrir KA.

Kvennalið IBV er einnig komið á fulla ferð í undirbúningi sínum og lék liðið æfingaleik gegn Stjörnunni. ÍBV vann leikinn 2-0 en áður hafði liðið leikið gegn Fjölni og Haukum og unnið þá sannfærandi.

=== '''Glæsilegur sigur á bikarmeisturunum''' ===
Karlalið ÍBV í handbolta tók á móti nýkrýndum bikarmeisturum Hauka en þeir eru einnig ríkjandi Íslandsmeistarar. Gengi Haukanna hefur verið ótrúlegt í vetur, liðið hafði fyrir leikinn unnið alla leiki sína, bæði í deild og bikar og því ekki árennilegt verkefni fyrir ÍBV. Leikmenn IBV voru svekktir eftir tapið gegn IR í síðasta leik og með það í huga fóru þeir hreinlega á kostum gegn stjörnum prýddu liði gestanna. Sigur IBV var þó minni á horfðist eða 34 - 30 því aðeins fjögur mörk skildu liðin að í lokin en mestur varð munurinn tólf mörk. Leikurinn var jafn framan af allt þar til í stöðunni 6 - 6 að ÍBV skoraði fjögur mörk í röð mörk í röð og náði þannig þægilegu forskoti. I sókninni réðu Haukarnir ekkert við ÍBV í fyrri hálfleik og voru í ofanálag í hinu mesta basli með að brjóta varnarmúr ÍBV á bak aftur.

Bak við vörnina stóð svo Hörður Flóki Ólafsson sem varði alls 25 skot í leiknum. Í fyrri hálfleik bar mest á Svavari Vignissyni sem lék vamarmenn Hauka hvað eftir annað grátt, fískaði tvö vítakóst og skoraði sex mörk sjálfur. Staðan í hálfleik var 17-1 l og fátt sem benti til annars en sigur ÍB V.

Það að skora 17 mörk gegn Haukum í einum hálfleik er afrek út af fyrir sig en fylgja því eftir í þeim síðari sýnir hversu sterkt lið ÍB V er á góðum degi. I byrjun fyrri hálfleiks léku strákamir á alls oddi og náðu upp í tólf marka forskoti en þá brugðu gestirnir á það ráð að taka tvo leikmenn IBV úr umferð og við það riðlaðist sóknarleikur IBV töluvert. Haukamir fengu nokkur hraðaupphlaup og allt í einu var munurinn kominn niður í aðeins fjögur mörk þegar rúmlega fjórar mínútur vom eftir. En hungrið í sigur skilaði IBV fjórum mörkum áður en yfir lauk og lokatölur 34-30 sigur á liði sem hafði ekki tapað nema tveimur stigum í deildinni þennan veturinn.

Svavar Vignisson sagði í samtali við Fréttir eftir leikinn að rétta stemmningin hefði verið til staðar núna. „Þetta er einfaldlega spuming um hvernig við komum stemmdir til leiks. Það vantaði alla stemmningu þegar við spiluðum gegn ÍR og við vorum andlausir bæði fyrir leik og í honum sjálfum. Það voru ekki bara við leikmennirnir sem klikkuðum heldur allir í kringum liðið. Við unnum okkur út úr þessum vandræðum eins og sást best í þessum leik. Ef rétta stemmningin næst ekki upp gegn Haukum þá er eitthvað mikið að. Við ákváðum allir sem að liðinu koma að sýna þeim hvað við erum með sterkt lið. Við reyndar misstum forskotið niður og ég neita því ekki að það hefði verið skemmtilegra að senda þá heim með tíu marka tap á bakinu en við sættum okkur alveg við sigurinn. Núna verðum við bara að halda áfram á sömu braut og vinna okkur upp töfluna."

=== '''Aldrei spurning hjá bikarmeisturunum''' ===
Kvennalið ÍBV tók á móti Fram í fyrsta leik sínum í Íslandsmótinu eftir að hafa sigrað í úrslitaleik bikarkeppninnar helgina áður en leikur liðanna fór fram. Leikir sem þessi eru oft erfiðir því erfitt getur verið að ná upp stemmningu innan liðs sem er nýkomið úr stórleik og einnig átti ÍBV að öllu eðlilegu að sigra Fram. Stelpurnar stóðust þessa pressu með glans og lokatölur leiksins urðu 33 - 20.

ÍBV byrjaði leikinn af krafti og augljóst að stelpumar ætluðu ekki að lenda í neinum vandræðum með Ieikinn. Heimastúlkur skoruðu hvorki fleiri né færri en átta fyrstu mörk leiksins áður en Framarar náðu að svara fyrir sig á tólftu mínútu leiksins.

Eftir það var leikurinn í jafnvægi út fyrri hálfleik og í leikhléi var staðan 17-11 fyrir ÍBV. Þessi munur hélst svo í upphafi síðari hálfleiks en þá fóm varamennimir að týnast inn á og þeir áttu heldur betur eftir að bæta forskotið. Mestur varð munurinn fimmtán mörk en undir lokin náðu Framara að minnka muninn aftur niður í þrettán mörk, 33-20. ÍBV er sem stendur í þriðja sæti deildarinnar með átján stig, fjórum stigum á eftir toppliði Hauka en stelpurnar eiga einn leik inni.

Mörk ÍBV: Andrea Atladóttir 7, Ana Perez 6/3, Þórsteina Sigurbjömsdóttir 6, Ingibjörg Jónsdótfir 5, Bjamý Þorvarðardóttir 3, Aníta Ýr Eyþórsdóttir 2/1, Theodora Visokaite 2, Isabel Ortiz 1, Hildur Sigurðardóttir 1.

Varin skot: Vigdís Sigurðardóttir 16, Íris Sigurðardóttir 1/1.

== '''MARS:''' ==

=== '''Kjartan í Brasilíu''' ===
Kjartan Antonsson, miðvörðurinn sterki í liði IBV, í Brasilíu með íslenska landsliðinu þar sem liðið leikur gegn heimamönnum. Kjartan hefur ekki verið fastamaður í íslenska landsliðshópnum og hann á aðeins einn landsleik að baki þó svo að margir

hefðu vilja sjá hann oftar í hópnum. Íslenska landsliðið er að mestu skipað leikmönnum sem spila hérlendis en þess má geta að Eyjapeyinn Sigurvin Ólafsson, sem nú spilar með KR, er einnig í landsliðshópnum. Ferðalagið er töluvert fyrir strákana, alls voru þeir tæpa átján klukkutíma í flugvél á leiðinni út og annað eins bíður þeirra þegar haldið verður heim á leið. Ísland hefur einu sinni áður mætt

Brasilíu, þá einnig ytra og tapaðist sá leikur 3-0 en þá var Hlynur Stefánsson í íslenska liðinu og fór létt með Ronaldo að eigin sögn.

Kjartan meiddist á nára í Brasilíu en Venni kom inn á tæpum hálftíma fyrir leikslok.

=== '''Óvænt tap á heimavelli''' ===
ÍBV tók á móti Víkingum á heimavelli í byrjun mars mánaðar. Fyrir leikinn var

ÍBV í þriðja sæti deildarinnar en Víkingar í því sjötta, níu stigum á eftir ÍBV. Áttu því flestir von á frekar fyrirhafnarlitlum sigri heimaliðsins. En gestimir voru með annað í huga og eftir að liðin höfðu skiptst á að skora í upphafi leiks tóku Víkingar sig til og

náðu fimm marka forystu áður en flautað var til leikhlés, 9-14. Í seinni hálfleik náði ÍBV að klóra í bakkann og allt leit út fyrir að heimastúlkur væru að ná yfirhöndinni en þá misstu þær flugið aftur og þegar þrjár mínútur voru eftir voru Víkingar þremur mörkum yfir. En með mikilli baráttu náðu Eyjastúlkur að minnka muninn niður í eitt mark og fengu svo tækifæri á að jafna þegar tuttugu sekúndur voru eftir en afar óagaður leikur hjá þeim varð til þess að það tókst ekki og Víkingar sigruðu því

með 23 mörkum gegn 22. IBV lék mjög illa í þessum leik, sérstaklega í fyrri hálfleik þegar hvorki geta né áhugi virtist vera til staðar hjá leikmönnum. Varnarleikur

liðsins hefur aldrei verið verri og markvarslan var engin. Sóknarleikur liðsins var hugmyndasnauður allan leikinn og á meðan varnarleikurinn og markvarslan skánaði þegar leið á leikinn var sóknarleikurinn akkillesarhæll liðsins. Erlingur Richardsson í sagði í samtali við Fréttir eftir leikin að ekki væri mikið hægt að segja um leikinn.

''„Við vomm að spila mjög illa, sérstaklega í fyrri hálfleik en eins og ég sagði við stelpurnar þá erum við ekki enn búin að ná því að vera gott lið. Svona leikir eru ekki einkenni góðra liða. Það koma oft svona leikir eftir bikarúrslitaleik. Haukar töpuðu öðrum leik sínum eftir úrslitaleikinn í karlaboltanum og við gerum það líka en það var einfaldlega engin stemmning í hópnum og margir leikmenn ekki tilbúnir í leikinn. Mér er í raun alveg sama hvar ég enda í deildinni svo lengi sem ég fæ liðið til að spila vel í hverjum leik en á meðan það tekst ekki er nauðsynlegt fyrir okkur að ná''

''öðru sætinu."'' Mörk ÍBV: Ana Peréz 13/3, Ingibjörg Jónsdóttir 3, Andrea Atladóttir 3, Theodora Visocaite 3. Varin skot: Vigdís Sigurðardóttir 8, Íris Sigurðardóttir 2.

=== '''Lítið gekk í mars''' ===
Í mar lék karlalið ÍBV fimm leiki í Esso deildinni en af þessum fimm leikjum sigraði liðið aðeins einn. Fyrsti leikur marsmánaðr var gegn Fram í Framheimilinu með hagstæðum úrslitum þar hefði liðið komist í fjórða sæti deildarinnar en sú varð rauninn ekki. ÍBV lék illa í fyrri hálfeik, fékk mikið af mörkum á sig og þurfti að elta andstæðinginn uppi í seinni hálfleik. Lokakaflinn í leiknum var svo æsispennandi þar sem Framarar voru alltaf á undan að skora en IBV jafnaði jafnharðan. Framarar skoraðu sigurmarkið hálfri mínútu fyrir leikslok en voru

reyndar stálheppnir að sigra því undir lokin átti Mindaugas þrumuskot sem small í þverslánni og þar með var leikurinn úti, lokatölur 27-26. Þrátt fyrir tap héldu strákarnir fimmta sætinu.

Þann 6. mars tóku strákarnir á móti Aftureldingu en gestirnir voru sæti ofar en Eyjamenn, mikið var því undir í leiknum. Strákunum tókst að landa sigri eftir jafnan leik en ÍBV seig fram úr á lokakaflanum og nældu sér í mikilvæg stig. Lokatölur urðu 32-28 eftir að staðan í hálfleik hafði verið 15-15. Arnar Pétursson, fyrirliði ÍBV sagði í samtali við Fréttir að þrátt fyrir sigurinn þá megi enn gera betur. ''„Það er ekki nógu gott hjá okkur hvað við erum að fá á okkur mikið af mörkum en þetta hefur þokast í rétta átt að undanförnu. Við reyndar skorum mikið á meðan en þetta er eitthvað sem við þurfum að koma í veg fyrir. Þetta var hörkuleikur enda era þeir með hörkulið og við þurftum virkilega að hafa fyrir þessu. Þetta voru mjög mikilvæg stig sem við fengum því þetta var spuming um fímmta eða níunda sætið. Þetta er orðið svo jafnt þarna um miðja deild að einn ósigurgeturjafnvel sent okkur út úr úrslitakeppninni."''

Leikjadagskráin var þétt þremur dögum eftir sigur á Aftureldingu lá leiðin norður. Leiknum var síðar frestað um einn dag. Strákarnir voru rasskelltir fyrir norðan en þeir náðu aldrei takti í leiknum, lentu strax undir og áttu í raun aldrei möguleika gegn frískum Þórsurum. Þór sigraði í Viku síðar komu FH-ingar í heimsókn. Leikurinn var jafn framan af en undir lok fyrri hálfleiks náði ÍBV góðum leikkafla og var tveimur mörkum yfir í hálfleik. Allt leit svo þokkalega út í upphafi þess síðari, IBV komst mest fjórum mörkum yfir en um miðjan hálfleikinn breyttist staðan úr 20-17 í 20-22 og leikmenn IBV enn að klóra sér í hausnum. Eftirleikurinn var gestunum auðveldur, þeir spiluðu skynsamlega á lokakaflanum þegar ÍBV gerði harða hríð að þeim og því voru það FHingar sem sigruðu sanngjamt með tveimur mörkum 27-29. Fjórði tapleikurinn á heimavelli staðreynd.

Þann 23. mars heimsóttu Eyjamenn Gróttu/KR í mikilvægum leik. Leikurinn var jafn allan tímann en ÍBV hafði ávallt undirtökin í fyrri hálfleik. Liðið náði m.a.s. þriggja marka forystu 4 - 7 en heimamenn náðu að jafna í 8-8. Aftur náði ÍBV góðum spretti og staðan í hálfleik var vænleg, 11-13 fyrirÍBV. I seinni hálfleik náði IBV að halda forystunni til að byrja með en um miðjan hálfleikin jöfnuðu heimamenn og komust svo í kjölfarið þremur mörkum yfir 21-18. Lokamínúturnar voru svo æsispennandi, ÍBV náði að jafna leikinn og fékk í næstu sókn víti og gat komist yfir en vítið fór forgörðum eins og öll fimm víti IBV í leiknum. Heimamenn skoruðu svo sigurmarkið þegar skammt var til leiksloka, lokatölur 23-22. Strákarnir eru enn í 10. Sæti deildarinnar, tveimur stigum á eftir Þór sem vermir 8 sætið.

=== '''Sigur og tap hjá strákunum''' ===
Meistaraflokkur karla í knattspymu lék tvo leiki fyrstu helgina í mars í deildarbikarkeppninni og fóm báðir leikimir fram í Reykjaneshöll. Fyrri leikurinn var gegn Grindvíkingum en þar situr Bjarni Jó- hannsson, fyrrverandi þjálfari ÍBV, við stjórnvölinn. Grindvíkingar áttu ekki í vandræðum með IBV og sigmðu 3-1 eftir að hafa komist í 3-0. Mark ÍBV: Gunnar Heiðar Þorvaldsson. Seinni leikurinn fór svo fram á sunnudeginum og þá var leikið gegn 1. deildarliði Dalvíkinga. Alls voru skoruð átta mörk í þeim leik, Dalvíkingar skoruðu þrjú en IBV fimm og nældu Eyjapeyjar því sér í sín fyrstu stig í keppninni. Staðan í hálfleik var 5-0. IBV er sem stendur í sjöunda og næst neðsta sæti B-riðils með þrjú stig eftir fjóra leiki en fjögur lið komast áfram úr riðlinum. Mörk ÍBV: Gunnar Heiðar 3, Atli Jóhannsson 2.

=== '''Glæsilegur árangur 6. flokks''' ===
Helgina 9-10 mars náðu stúlkurnar í sjötta flokki ÍB V glæsilegum árangri á turneringu í Reykjavík. Komu bæði a og b-lið taplaus til baka með tvo bikara meðferðis. A-liðið keppti fjóra leiki, sigraði þá alla með nokkrum mun. B-Iiðið keppti sex leiki, sigraði fimm og gerði eitt jafntefli, gegn ÍR. Árangur stúlknanna var glæsilegur og er þetta önnur turneringin í röð sem liðið kemur taplaust til baka. Það er línumaðurinn sterki í IBV Svavar Vignisson sem þjálfar stúlkurnar.

=== '''Dapurt gengi''' ===
Þriðji flokkur karla lék tvo leiki aðra helgina í mars og fóru þeir báðir fram á Reykjavíkursvæðinu. Fyrst mættu þeir Aftureldingu og töpuðu 33-18 en markahæstir í þeim leik voru þeir Magnús með fimm mörk og Jens, Benedikt og Sindri með þrjú. Seinni leikurinn var svo gegn Gróttu/KR og þar töpuðu strákamir einnig og nú með níu mörkum 29-20. Jens var langmarkahæstur í liði ÍBV með tíu mörk.

Unglingaflokkur lék einn leik þessa helgi en stelpumar töpuðu fyrir FramB 22-16.

=== '''Annað sætið innan seilingar''' ===
ÍBV mætti Stjörnunni nánast í hreinum úrslitaleik um annað sætið í deildinni. Þó bæði lið eigi enn möguleika á efsta sætinu verður að teljast ólíklegt að Haukarnir misstígi sig. Leikurinn var jafn til að byrja með en eftir tíu mínútna leik átti ÍBV góðan leikkafla og í sundur dró með liðunum. Munurinn í hálfleik var þrjú mörk, 10-13 fyrir ÍBV. Eyjastúlkur gerðu svo út um leikinn í upphafi síðari hálfleiks og breyttu stöðunni úr 10-13 í 20-13. Stjörnustúlkur náðu aðeins að klóra í bakkann undir lokin en lokatölur urðu 20-26 fyrir ÍBV. Ingibjörg Jónsdóttir sagði í samtali við Fréttar að í raun hefði lítil mótspyma Stjömunnar komið sér á óvart. ''„Við vorum í raun ekki að sýna neinn toppleik en mér fannst þær einfaldlega vera þungar. Við erum með meira léttleikandi lið á meðan þær treysta á reynsluna. Við keyrðum einfaldlega yfir þær á'' ''hraðanum. Ég hafði eiginlega aldrei áhyggjur af því að tapa þessum leik því á meðan varnarleikurinn og markvarslan er í lagi hjá okkur þá eiga liðin í deildinni ekki möguleika á móti okkur. Núna eigum við tvo leiki eftir, útileik gegn Val og svo heimaleik gegn KA/Þór og við verðum einfaldlega að vinna þessa leiki ef við ætlum'' ''okkur annað sætið. Það er í okkar höndum og við ætlum okkur heimaleikjaréttinn'' ''í úrslitunum."''

Mörk ÍBV: Theodora Visokaite 8, Dagný Skúladóttir 6, Ana Perez 4, Ingibjörg Jónsdóttir 2, Andrea Atladóttir 2, Anita Eyþórsdóttir 1, Isabel Ortiz 1. Varin skot: Vigdís Sigurðardóttir 16.

=== '''Jöfnunarsjóður samþykktur''' ===
Helgina 9-10 mars fór fram ársþing HSÍ en fátt markvert gerðist á því þingi. Það sem helsl vakti athygli var að ákveðið hefur verið að koma á jöfnunarsjóði til styrktar liðum á landsbyggðinni. Reyndar var tillagan samþykkt með töluverðum breytingum þannig að nú greiðir hvert lið í efstu deild heilar 50

=== '''Vorfagnaður ÍBV í Reykjavík''' ===
Föstudaginn 22. mars munu leikmenn meistaraílokks karla í knattspyrnu halda árlegan vorfagnað í Sameign iðnaðarmanna, Skipholti 70 Reykjavík. Að þessu sinni mun skemmtunin verða með breyttu sniði þar sem báðum kynjum er heimilaður aðgangur, enda kominn tími til að blása lífí í skemmtunina. Veislustjóri verður alþingismaðurinn Lúðvík Bergvinsson og húsið opnað kl. 19.00. Boðið verður upp á fjölbreytta dagskrá, meðal annars skemmtiatriði að hætti leikmanna IBV, ræðumann kvöldsins úr þingheiminum, stórglæsilegt sjávaréttahlaðborð og alvöru Eyjastemmningu.

=== '''Handknattleiksdeild kvenna með verslun á Netinu''' ===
Handknattleiksdeild kvenna hefur keypt netverslun þar sem seldar verða vörur frá Pharmanex og Nu Skin og Big Planet. Bjami G. Samúelsson er umboðsmaður fyrir þessar vörur en handknattleiksdeildin fær 33% í sölulaun af netverslunni. í upplýsingabæklingi frá Pharmanex segir að fyrirtækið sérhæft sig í framleiðslu á vítamínum, fæðubótarefnum og náttúrulyfjum sem byggja á 1000 til 3000 ára gamalli hefð og nútíma vestrænum vísindum. Pharmanex framleiðir vömr eins og Life Pak, Tegreen 97 og Cordy Max. Nu skin eru snyrtivörur fyrir húð og hár. Má nefna hreinsivörur, rakakrem, maska og gel fyrir andlit ásamt vörum fyrir líkamann eins og húðmjólk og komakrem. Einnig eru hársnyrtivörur í miklu úrvali.

=== '''Tveir tapleikir''' ===
Helgina 15-17 mars fóru fram tveir leikir hjá unglingaflokki kvenna en þær fengu Fylki í heimsókn. Fyrri leikurinn fór fram á laugardaginn og þar unnu Fylkisstúlkur nokkuð sannfærandi 15-21. Seinni leikurinn fór svo fram daginn eftir og enn voru það gestirnir sem báru sigur úr býtum, nú 21-26.

=== '''Öruggt gegn FH''' ===
ÍBV spilaði gegn hálfgerðu B-liði FH-inga þann 16. mars en leikur liðanna fór fram á gervigrasinu í Kaplakrika. Eyjamenn sigruðu nokkuð ömgglega, 4-0 þar sem Gunnar Heiðar skoraði tvö, Jón Helgi eitt en ekki er vitað hver skoraði fjórða mark ÍBV.

=== '''Gunnar Berg góður''' ===
Um helgina fór fram fjögurra landa mót í handknattleik karla í Danmörku. I íslenska landsliðinu var Eyjamaðurinn Gunnar Berg Viktorsson, en hann spilar sem kunnugt er með franska stórliðinu Paris St. Germain. Gunnar stóð fyrir sínu með liðinu, var m.a. markahæstur í tveimur síðustu leikjum liðsins, gegn Póllandi og Danmörku og hefur þar með vakið á sér athygli.

=== '''Fjórir á úrtaksæfingu''' ===
Fernt var við úrtaksæfingar með íslensku unglingalandsliðunum sem haldnar voru um miðjan mars. Í U-19 ára liðinu var Elva Dögg Grímsdóttir og með U-17 ára landsliðinu voru bæði Karitas Þórarinsdóttir og Margrét Lára Viðarsdóttir, sem reyndar spilaði með U-19 ára liðinu á síðasta árí. Þá var Ólafur Þór Berry einnig við æfingar en hann var með U-17 ára landsliðinu en riðill Íslands í undankeppni EM fer fram hér á landi í lok september.

=== '''Íris ekki með í sumar''' ===
Kvennalið ÍBV hefur orðið fyrir mikilli blóðtöku fyrir komandi átök í sumar en Íris Sæmundsdóttir, ein albesta knattspyrnukona landsins hefur tilkynnt að hún muni ekki spila með ÍBV í sumar. Ástæðan fyrir því er að hún á von á barni í haust og getur eðlilega ekki spilað knattspyrnu á meðan. Íris sagði í samtali við Fréttir að hún stefndi að sjálfsögðu á það að spila með ÍBV sumarið 2003 þegar hún kemur úr barneignarfríi.

=== '''Andri á úrtaksæfingum''' ===
Hinn ungi og efnilegi knattspyrnumaður ÍBV, Andri Ólafsson, var valinn á úrtaksæfingar í lok mars með U-17 ára landsliði Íslands. Liðið tekur þátt í æfingamóti á Spáni um miðjan apríl þannig að það er eftir miklu að slægjast.

=== '''ÍBV á Spáni''' ===
Kvennalið ÍBV hélt í æfingaferð suður til Spánar, nánar tiltekið til Riokanella, sem er á landamærum Portúgals og Spánar. Um 15 manna hópur fór út og er ætlunin að dvelja þar í rúma viku. Liðið mun líklega spila 2-3 æfingaieiki en á svæðinu munu vera fjögur önnur íslensk knattspyrnulið.

=== '''Annað sætið staðreynd''' ===
Í lok mars átti kvennalið ÍBV eftir tvo leiki, gegn KA/Þór og Val. Leikurinn gegn KA/Þór hafði verið frestað margoft og náðist loksins að spila hann. ÍBV sigraði leikinn nokkuð sannfærandi með sjö mörkum, 25-18 og héldu þar með enn í vonina um að næla sér í annað sætið. ÍBV sýndi enga meistaratakta gegn auðveldu fórnarlambi sínu en norðanstúlkur enduðu tímabilið í níunda og neðsta sæti deildarinnar. Stelpurnar í þriðja sæti deildarinnar og einu stigi á eftir Stjörnunni sem er í öðru sæti, ekkert annað en sigur á Val kom til greina ef ÍBV ætlaði sér annað sætið. Leikurinn var jafn og spennandi allan tímann en þrátt fyrir það var IBV ávallt með undirtökin. Eyjastúlkur voru fyrri til að skora og voru yfir í hálfleik. I seinni hálfleik leit allt þokkalega út þar til mjög slæmur leikkafli kom hjá ÍBV og allt í einu var staðan orðin 18-15 Valsstúlkum í vil. En stelpurnar náðu að rífa sig upp úr lægðinni, skoruðu fimm mörk í röð og komust þar með tveimur mörkum yfír, 18-20. Síðustu andartökin voru svo mjög spennandi en ÍBV hélt boltanum þar til leiktíminn rann út og tryggði sér þar með annað sætið í deildinni. Þar með er öruggt að ÍBV hefur heimaleikjarétt í fyrstu tveimur umferðum úrslitanna og vonandi að stelpurnar nái að nýta sér hina nýju úrslitakeppninni sem hefst 4. apríl. Stelpurnar taka þá á móti Gróttu/KR.

== '''APRÍL:''' ==

=== '''ÍBV Ieitar að framherja''' ===
Á heimasíðu ÍBV kom fram á upphafsdögum aprílmánaðar að liði leitaði að framherja. Ekki verða miklar breytingar á leikmannahópi ÍBV fyrir sumarið en við leitum samt að framherja og koma nokkrir til greina þar en þau mál munu skýrast á næstu vikum. Einnig erum við opnir fyrir að styrkja miðjuna þar sem margir af okkar sterkari póstum hafa meiðst að undanförnu og nægir þar að nefna Bjarna Geir, Hjalta Jóns og Unnar Hólm. Mikil umræða hefur átt sér stað víða um hvernig leikmannamál ÍBV standa. Staðan er í raun að menn eru að skoða ýmsa möguleika en stjórn knattspyrnudeildar ÍBV ætlar ekki að fara út í eitthvað sem þeir ráða ekki við fjárhagslega. En eins og áður segir skýrast þessi mál á allra næstu vikum. Nokkrum dögum síðar kom svo fram á heimasíðu ÍBV að Bjarni Geir og Unnar Hólm ættu að vera klárir í fyrsta leik eftir rúmar sex vikur.

=== '''11-11 gefur miða''' ===
Eftirfarandi auglýsing birtist í bæjarblaðinu Fréttum fyrir stórleik ÍBV og Gróttur/KR.

Mættu í 11-11 í dag, verslaðu í matinn og þú færð frían miða í kaupbæti.

ÆTLAR ÞÚ AÐ STYÐJA STELPURNAR OKKAR TIL SIGURS?

Við ætlum að bjóða þér frítt á leikinn, allir sem versla fyrir kr. 2.000 eða meira í 11-11 í dag á milli kl.16 -18 fá gefins miða á leikinn. Nú er komið að því að styðja stelpurnar okkar til sigurs og sýna hversu megnug við erum þegar við stöndum saman.

Umgjörð leiksins verður Ijósum prýdd og margt gert fólki til gamans, ungum sem öldnum. Engar trommur verða á leiknum og reynt verður að skapa sannkallaða Eyjastemmingu.

=== '''Bönnum trommur''' ===
Hlynur Sigmarsson úr framvarðasveit handknattleiks kvenna í Vestmannaeyjum,

sagði í samtali við Fréttir að handknattleiksráðið væri á fullu að undirbúa leikinn. ''„Við ætlum að tjalda öllu til í þessari úrslitakeppni þannig að þegar fólk mætir á heimaleiki IBV fær það ekki bara besta handboltann á landinu heldur líka góða skemmtun og frábæra umgjörð. Við hófum ákveðið að banna trommur á okkar leikjum, fólk hefur verið að kvarta dálítið undan þeim og við treystum á raddbönd áhorfenda. Þá ætlum við líka að beina krökkunum sem koma ekki í fylgd með fullorðnum á afmarkað svæði þannig að aðrir geti notið þess að horfa á leikinn og með þessu viljum við minnka hlaupin á krökkunum. En umfram allt viljum við fá sem flesta á leikina sem framundan eru. Stelpurnar treysta á stuðning ykkar og við vitum að Eyjamenn bregðast þeim ekki."''

=== '''Úrslitakeppninn úr sögunni''' ===
Áframhaldandi lægð var á strákunum í handboltanum í apríl. Strákarnir töpuðu gegn Fram á heimavelli 19-25 eftir að staðan í hálfleik hafði verið 10-11 í hálfleik. Eftir tapið var allt útlit fyrir að ÍBV myndi ekki komast í úrslit Íslandsmótsins, það fékkst svo endanlegastaðfest þegar strákarnir töpuðu gegn botnliði Víkings en þeir höfðu ekki unnið leik á mótinu og voru með þrjú stig. Fyrirfram var búist við auðveldum leik en Víkingar voru á öðru máli og eftir að hafa lent sex mörkum undir tókst þeim að snúa leiknum sér í hag í seinni hálfleik og vinna fjögurra marka sigur, 23-27.

Í viðtali við Fréttir eftir leikinn segir Sigurbjörn, þjálfari ÍBV að liðið hafi lent í vondum málum og búið að tapa sex leikjum í röð. ''„Þetta er vitanlega jöfn deild en sjálfstraustið hefur minnkað með hverjum leik og við hreinlega klúðrum tímabilinu. Við eigum auðvitað eftir einn leik og ætlum að klára hann. Svo býst ég við að menn setjist niður og fari ytir þetta tímabil. Þetta tímabil er ekki eintómt klúður, við höfum verið að koma ungu strákunum inn í og þeir hafa verið að bæta sig með hverjum leik."''

=== '''Ágætis páskamót''' ===
Páskafríið var ágætlega notað af knattspyrnumönnum Eyjanna en þá fór fram þriggja liða páskamót á hinum „stórglæsilega" malarvelli við Löngulág. Hér á árum áður komu gjarnan hingað lið ofan af landi til að taka þátt í þessu móti en vallarskilyrði hér eru slæm og lið því ekki mjög áköf í að taka þátt í mótinu. Þrátt fyrir það þá tóku þrjú lið frá Eyjum þátt í mótinu, meistaraflokkur og 2. Flokkur ÍBV og KFS. Meistaraflokkur stóð uppi sem sigurvegari eftir að hafa sigrað KFS 6 - 1 og gert jafntefli við 2. flokk. Leikur KFS og 2. f lokks fór svo 4- 1 fyrir ÍBV og enduðu strákarnir því í öðru sæti mótsins.

=== '''Landsliðsæfingar''' ===
Margrét Lára Viðarsdóttir og Karitas Þórarinsdóttir taka þátt í síðustu úrtaksæfingum íslenska U- 17 ára landsliðsins helgina 5-7 apríl. Liðið keppir á Norðurlandamóti sem verður hér á landi í júní. Þá fara Andri Ólafsson og Ólafur Berry einnig á úrtaksæfingar hjá U-17 ára karlaliðinu, reyndar í sitt hvoru lagi, annars vegar er það U-17 ára lið sem tekur þátt í Spánarmót í byrjun apríl, þar er Andri, en í hinu eru leikmenn sem eru ári yngri og hugsaðir til framtíðar.

=== '''Andri út með U-17''' ===
Andri Ólafsson, knattspyrnumaðurinn efnilegi, var valinn í landsliðshóp Íslands, leikmanna 17 ára og yngri en liðið hélt til Spánar snemma í apríl. Þar mun Island leika í æfingamóti ásamt sjö öðrum þjóðum, sem flest eru að undirbúa sig fyrir lokakeppni Evrópumótsins í enda mánaðarins.

=== '''Steindautt jafntefli''' ===
ÍBV spilaði í B-riðli efri deildar deildarbikarkeppninnar þann 7. apríl en þá lék liðið gegn Fram. Leikurinn fór fram á gervigrasinu í Laugardal við frekar leiðinlegar aðstæður, rok og rigningu sem hafði nokkur áhrif á leikinn. Hvorugu liði tókst að finna réttu leiðina í netmöskvana og skildu þau því jöfn, 0-0. Þar með minnka vonir ÍBV um að komast áfram upp úr riðlinum verulega en þó er engin ástæða til að örvænta fyrir sumarið.

=== '''Vel heppnað fjölliðamót''' ===
Fyrstu helgina í apríl var haldið fyrsta fjölliðamótið í Eyjum en þá komu um 350 strákar í heimsókn frá 15 félögum en þeir eru allir í fimmta flokki karla. Magnús Sigurðsson, framkvæmdastjóri ÍBV-íþróttafélags, sagði að forráðamenn þeirra liða sem hingað komu hafi verið mjög ánægðir með framkvæmdina í samtali við Fréttir.

„Þetta var mjög stór „tumering" með um 350 peyja sem komu hingað og leikimir hafa örugglega verið hátt í eitt hundrað. Við reyndum að gera svolítið úr þessari turneringu þar sem hún er sú síðasta í íslandsmótinu þannig að úrslitaleikurinn var mjög flottur, ljósasýning og liðin voru kynnt fyrir leik. Núna eigum við möguleika á að fá fleiri mót hingað næsta vetur, reyndar erum við með sjötta flokk kvenna eftir tvær vikur þannig að það eru breyttir tímar með þessu glæsilega hús."

Árangur ÍBV í mótinu var ágætur en A-, B- og C-lið tóku þátt í því.

=== '''Grótta/KR sló ÍBV óvænt út''' ===
Lið ÍBV og Gróttur/KR mættust í 8-liða úrslitum um Íslandsmeistaratitillinn þann 4. Apríl í Eyjum. Leikur liðanna var nánast eftir bókinni ef undan eru skildar síðustu tíu mínútur leiksins. IBV náði strax tökum á leiknum og smám saman jókst forysta ÍBV sem mest varð níu mörk. En það var einmitt í stöðunni 24-15 sem leikur ÍBV datt niður og lokatölur leiksins urðu 26-22.

Liðin mættust svo í öðrum leik liðanna á Seltjarnarnesi tveimur dögum síðar.

Gróttu/KR-stúlkur komu gríðarlega einbeittar til leiks í Eyjum í gær og með frábærri liðsheild náðu þær einum óvæntustu úrslitum vetrarins í handboltanum, sigruðu ÍBV verðskuldað, 25:24, og voru yfir allan leikinn. Gestirnir gerðu fyrstu þrjú mörkin og komu heimamönnum algjörlega í opna skjöldu með frábærum varnarleik og sóknarmenn Eyjamanna vissu vart hvaðan á sig stóð veðrið og í leikhléi var staðan 10:13. Gestirnir héldu uppteknum hætti í síðari hálfleik og spiluðu hreint frábæra vörn. Þeir náðu mest fimm marka forystu og gekk hreinlega allt upp hjá þeim. En heimamenn, studdir vel af rúmlega fjögur hundruð manns, neituðu að gefast upp og náðu að minnka muninn í eitt mark, 18:19, um miðjan síðari hálfleik. Í þeirri stöðu fengu Eyjastelpur fjöldann allan af tækifærum til að jafna sem þær náðu ekki að nýta sér, voru ótrúlega óheppnar auk þess sem öll vafaatriði féllu gestunum í vil. Þær nýttu sér það til hins ýtrasta, skoruðu tvö mörk í röð og þá var leikurinn nánast búinn. Liðin þurftu því að mætast á ný í Eyjum í oddaleik.

Í þriðja og síðasta leik liðanna átti ÍBV ekki mikla möguleika. Gestirnir náðu strax þriggja marka forystu og héldu henni allan leikinn. Sigur þeirra var fyllilega sanngjarn og má segja að IBV haft í raun aldrei náð að sýna sitt rétta andlit í viðureignum liðanna. Lokatölur leiksins urðu 24 - 25, eftir að IBV hafði skorað þrjú síðustu mörk leiksins.

=== '''Andri stóð sig vel''' ===
Andri Ólafsson lék með íslenska landsliðinu skipað leikmönnum 17 ára og yngri en liðið tók þátt í æfingamóti á Spáni. Íslenska liðið spilaði þrjá leiki, tvo í riðlakeppninni sem töpuðust báðir en sigraði svo Moldavíu í leik um sjöunda sætið. Andri byrjaði alla leiki liðsins og ljóst að þessi efnilegi knattspymumaður hefur alla burði til að ná langt í framtíðinni.

== '''APRÍL:''' ==

=== '''ÍBV Ieitar að framherja''' ===
Á heimasíðu ÍBV kom fram á upphafsdögum aprílmánaðar að liði leitaði að framherja. Ekki verða miklar breytingar á leikmannahópi ÍBV fyrir sumarið en við leitum samt að framherja og koma nokkrir til greina þar en þau mál munu skýrast á næstu vikum. Einnig erum við opnir fyrir að styrkja miðjuna þar sem margir af okkar sterkari póstum hafa meiðst að undanförnu og nægir þar að nefna Bjarna Geir, Hjalta Jóns og Unnar Hólm. Mikil umræða hefur átt sér stað víða um hvernig leikmannamál ÍBV standa. Staðan er í raun að menn eru að skoða ýmsa möguleika en stjórn knattspyrnudeildar ÍBV ætlar ekki að fara út í eitthvað sem þeir ráða ekki við fjárhagslega. En eins og áður segir skýrast þessi mál á allra næstu vikum. Nokkrum dögum síðar kom svo fram á heimasíðu ÍBV að Bjarni Geir og Unnar Hólm ættu að vera klárir í fyrsta leik eftir rúmar sex vikur.

=== '''11-11 gefur miða''' ===
Eftirfarandi auglýsing birtist í bæjarblaðinu Fréttum fyrir stórleik ÍBV og Gróttur/KR.

Mættu í 11-11 í dag, verslaðu í matinn og þú færð frían miða í kaupbæti.

ÆTLAR ÞÚ AÐ STYÐJA STELPURNAR OKKAR TIL SIGURS?

Við ætlum að bjóða þér frítt á leikinn, allir sem versla fyrir kr. 2.000 eða meira í 11-11 í dag á milli kl.16 -18 fá gefins miða á leikinn. Nú er komið að því að styðja stelpurnar okkar til sigurs og sýna hversu megnug við erum þegar við stöndum saman.

Umgjörð leiksins verður Ijósum prýdd og margt gert fólki til gamans, ungum sem öldnum. Engar trommur verða á leiknum og reynt verður að skapa sannkallaða Eyjastemmingu.

=== '''Bönnum trommur''' ===
Hlynur Sigmarsson úr framvarðasveit handknattleiks kvenna í Vestmannaeyjum,

sagði í samtali við Fréttir að handknattleiksráðið væri á fullu að undirbúa leikinn. ''„Við ætlum að tjalda öllu til í þessari úrslitakeppni þannig að þegar fólk mætir á heimaleiki IBV fær það ekki bara besta handboltann á landinu heldur líka góða skemmtun og frábæra umgjörð. Við hófum ákveðið að banna trommur á okkar leikjum, fólk hefur verið að kvarta dálítið undan þeim og við treystum á raddbönd''

''áhorfenda. Þá ætlum við líka að beina krökkunum sem koma ekki í fylgd''

''með fullorðnum á afmarkað svæði þannig að aðrir geti notið þess að horfa á leikinn og með þessu viljum við minnka hlaupin á krökkunum. En umfram allt viljum við fá sem flesta á leikina sem framundan eru. Stelpurnar treysta á stuðning ykkar og við''

''vitum að Eyjamenn bregðast þeim ekki."''

=== '''Úrslitakeppninn úr sögunni''' ===
Áframhaldandi lægð var á strákunum í handboltanum í apríl. Strákarnir töpuðu gegn Fram á heimavelli 19-25 eftir að staðan í hálfleik hafði verið 10-11 í hálfleik. Eftir tapið var allt útlit fyrir að ÍBV myndi ekki komast í úrslit Íslandsmótsins, það fékkst svo endanlegastaðfest þegar strákarnir töpuðu gegn botnliði Víkings en þeir höfðu ekki unnið leik á mótinu og voru með þrjú stig. Fyrirfram var búist við auðveldum leik en Víkingar voru á öðru máli og eftir að hafa lent sex mörkum undir tókst þeim að snúa leiknum sér í hag í seinni hálfleik og vinna fjögurra marka sigur, 23-27.

Í viðtali við Fréttir eftir leikinn segir Sigurbjörn, þjálfari ÍBV að liðið hafi lent í vondum málum og búið að tapa sex leikjum í röð. ''„Þetta er vitanlega jöfn deild en sjálfstraustið hefur minnkað með hverjum leik og við hreinlega klúðrum tímabilinu. Við eigum auðvitað eftir einn leik og ætlum að klára hann. Svo býst ég við að menn setjist niður og fari ytir þetta tímabil. Þetta tímabil er ekki eintómt klúður, við höfum verið að koma ungu strákunum inn í og þeir hafa verið að bæta sig með hverjum leik."''

=== '''Ágætis páskamót''' ===
Páskafríið var ágætlega notað af knattspyrnumönnum Eyjanna en þá fór fram þriggja liða páskamót á hinum „stórglæsilega" malarvelli við Löngulág. Hér á árum áður komu gjarnan hingað lið ofan af landi til að taka þátt í þessu móti en vallarskilyrði hér eru slæm og lið því ekki mjög áköf í að taka þátt í mótinu. Þrátt fyrir það þá tóku þrjú lið frá Eyjum þátt í mótinu, meistaraflokkur og 2. Flokkur ÍBV og KFS. Meistaraflokkur stóð uppi sem sigurvegari eftir að hafa sigrað KFS 6 - 1 og gert jafntefli við 2. flokk. Leikur KFS og 2. f lokks fór svo 4- 1 fyrir ÍBV og enduðu strákarnir því í öðru sæti mótsins.

=== '''Landsliðsæfingar''' ===
Margrét Lára Viðarsdóttir og Karitas Þórarinsdóttir taka þátt í síðustu úrtaksæfingum íslenska U- 17 ára landsliðsins helgina 5-7 apríl. Liðið keppir á Norðurlandamóti sem verður hér á landi í júní. Þá fara Andri Ólafsson og Ólafur Berry einnig á úrtaksæfingar hjá U-17 ára karlaliðinu, reyndar í sitt hvoru lagi, annars vegar er það U-17 ára lið sem tekur þátt í Spánarmót í byrjun apríl, þar er Andri, en í hinu eru leikmenn sem eru ári yngri og hugsaðir til framtíðar.

=== '''Andri út með U-17''' ===
Andri Ólafsson, knattspyrnumaðurinn efnilegi, var valinn í landsliðshóp Íslands, leikmanna 17 ára og yngri en liðið hélt til Spánar snemma í apríl. Þar mun Island leika í æfingamóti ásamt sjö öðrum þjóðum, sem flest eru að undirbúa sig fyrir lokakeppni Evrópumótsins í enda mánaðarins.

=== '''Steindautt jafntefli''' ===
ÍBV spilaði í B-riðli efri deildar deildarbikarkeppninnar þann 7. apríl en þá lék liðið gegn Fram. Leikurinn fór fram á gervigrasinu í Laugardal við frekar leiðinlegar

aðstæður, rok og rigningu sem hafði nokkur áhrif á leikinn. Hvorugu liði tókst að finna réttu leiðina í netmöskvana og skildu þau því jöfn, 0-0. Þar með minnka vonir

ÍBV um að komast áfram upp úr riðlinum verulega en þó er engin ástæða til að örvænta fyrir sumarið.

=== '''Vel heppnað fjölliðamót''' ===
Fyrstu helgina í apríl var haldið fyrsta fjölliðamótið í Eyjum en þá komu um 350 strákar í heimsókn frá 15 félögum en þeir eru allir í fimmta flokki karla. Magnús Sigurðsson, framkvæmdastjóri IBV-íþróttafélags, sagði að forráðamenn þeirra liða sem hingað komu hafi verið mjög ánægðir með framkvæmdina í samtali við Fréttir.

„Þetta var mjög stór „tumering" með um 350 peyja sem komu hingað og leikimir hafa

örugglega verið hátt í eitt hundrað. Við reyndum að gera svolítið úr þessari turneringu þar sem hún er sú síðasta í íslandsmótinu þannig að úrslitaleikurinn var mjög flottur,

ljósasýning og liðin voru kynnt fyrir leik. Núna eigum við möguleika á að fá fleiri mót hingað næsta vetur, reyndar erum við með sjötta flokk kvenna eftir tvær vikur þannig að það eru breyttir tímar með þessu glæsilega hús."

Arangur IBV í mótinu var ágætur en A-, B- og C-lið tóku þátt í því.

=== '''Grótta/KR sló ÍBV óvænt út''' ===
Lið ÍBV og Gróttur/KR mættust í 8-liða úrslitum um Íslandsmeistaratitillinn þann 4. Apríl í Eyjum. Leikur liðanna var nánast eftir bókinni ef undan eru skildar síðustu

tíu mínútur leiksins. IBV náði strax tökum á leiknum og smám saman jókst forysta ÍBV sem mest varð níu mörk. En það var einmitt í stöðunni 24-15 sem leikur ÍBV datt niður og lokatölur leiksins urðu 26-22.

Liðin mættust svo í öðrum leik liðanna á Seltjarnarnesi tveimur dögum síðar.

Gróttu/KR-stúlkur komu gríðarlega einbeittar til leiks í Eyjum í gær og með frábærri liðsheild náðu þær einum óvæntustu úrslitum vetrarins í handboltanum, sigruðu ÍBV verðskuldað, 25:24, og voru yfir allan leikinn. Gestirnir gerðu fyrstu þrjú mörkin og komu heimamönnum algjörlega í opna skjöldu með frábærum varnarleik og sóknarmenn Eyjamanna vissu vart hvaðan á sig stóð veðrið og í leikhléi var staðan 10:13. Gestirnir héldu uppteknum hætti í síðari hálfleik og spiluðu hreint frábæra vörn. Þeir náðu mest fimm marka forystu og gekk hreinlega allt upp hjá þeim. En heimamenn, studdir vel af rúmlega fjögur hundruð manns, neituðu að gefast upp og náðu að minnka muninn í eitt mark, 18:19, um miðjan síðari hálfleik. Í þeirri stöðu fengu Eyjastelpur fjöldann allan af tækifærum til að jafna sem þær náðu ekki að nýta sér, voru ótrúlega óheppnar auk þess sem öll vafaatriði féllu gestunum í vil. Þær nýttu sér það til hins ýtrasta, skoruðu tvö mörk í röð og þá var leikurinn nánast búinn. Liðin þurftu því að mætast á ný í Eyjum í oddaleik.

Í þriðja og síðasta leik liðanna átti ÍBV ekki mikla möguleika. Gestirnir náðu strax þriggja marka forystu og héldu henni allan leikinn. Sigur þeirra var fyllilega sanngjarn og má segja að IBV haft í raun aldrei náð að sýna sitt rétta andlit í viðureignum liðanna. Lokatölur leiksins urðu 24 - 25, eftir að IBV hafði skorað þrjú síðustu mörk leiksins.

=== '''Andri stóð sig vel''' ===
Andri Ólafsson lék með íslenska landsliðinu skipað leikmönnum 17 ára og yngri en liðið tók þátt í æfingamóti á Spáni. Íslenska liðið spilaði þrjá leiki, tvo í riðlakeppninni sem töpuðust báðir en sigraði svo Moldavíu í leik um sjöunda sætið. Andri byrjaði alla leiki liðsins og ljóst að þessi efnilegi knattspymumaður hefur alla burði til að ná langt í framtíðinni.

=== '''Sigur og tap í deildarbikarnum''' ===
Meistaraflokkarnir stóðu í ströngu um helgina en karla- og kvennalið ÍBV léku sinn leikinn hvorn í deildarbikarnum. Karlaliðið lék á sunnudaginn gegn Þrótti frá Reykjavík og fór leikurinn fram á heimavelli Þróttara í Laugardalnum. ÍBV sigraði í leiknum 2-1 og skoruðu þeir Gunnar Heiðar Þorvaldsson og Pétur Runólfsson mörkin. Með sigrinum á ÍBV enn veika von um að komast áfram í átta liða úrslit keppninnar en liðið leikur síðasta leik sinn gegn Val og ekkert annað en sigur kemur til greina. Kvennaliðið lék einnig en liðið mætti þá Valsstúlkum í Reykjaneshöllinni. Liðin sátu í fyrsta og öðru sæti B-riðilsins. Valur hafði betur í leiknum og lokatölur urðu 1 -2 en mark ÍBV skoraði Margrét Lára Viðarsdóttir. Efstu tvö liðin komast áfram í undanúrslit keppninnar en ÍBV á eftir tvo leiki en liðið er sem stendur í þriðja sæti, tveimur stigum á eftir Stjörnunni.

=== '''Enduðu í ellefta sæti''' ===
'''Í'''BV lék sinn síðasta leik í deildarkeppninni í vetur gegn HK. Leikur liðanna var ekki mikið fyrir augað, heimamenn í HK höfðu þó meiri áhuga á leiknum enda fór það svo að þeir stóðu uppi sem sigurvegarar. Leikurinn var hins vegar jafn lengst af í fyrri hálfleik. Liðin skipust á að skora og ÍBV var einu marki yfir í leikhléi, 12-13. En eftir ágæta byrjun í síðari hálfleik náðu heimamenn undirtökunum, skoruðu sex mörk gegn tveimur mörkum IBV og náðu tveggja marka forystu. Leikmenn HK juku svo muninn allt þar til flautað var til leiksloka en lokatölur leiksins urðu 31-25. Mörk ÍBV: Mindaugas Andriuska 9/1, Sigurður Bragason 5/1, Petras Raupenas 3, Arnar Pétursson 2, Sigþór Friðriksson 2, Kári Kristjánsson 2, Karl Haraldsson 1.

Varin skot: Hörður Flóki: 11.

=== '''Svavar bestur''' ===
Leikmenn karlaliðs IBV í handbolta héldu lokhóf sitt á veitingastaðnum Lanterna um miðjan arprílmánuð. Þar voru veittar ýmsar viðurkenningar, Mindaugas Andriuska fékk viðurkenningu fyrir að vera markahæstur og Sigþór Friðriksson sýndi mestar framfarir í vetur. Það kom ekki mörgum á óvart að Svavar Vignisson var valinn besti leikmaður liðsins, Eyþór Harðarson fékk silfurmerki ÍBV og Kári Kristjánsson fékk Fréttabikarinn, sem veittur er efnilegasta leikmanninum.

=== '''Hátt í 500 mæta á Sparisjóðsmótið''' ===
Grein var frá því í Fréttum að sannkölluð handboltaveisla yrði hér í Eyjum helgina 26.-28. apríl þegar síðasta fjölliðamótið í keppni sjötta flokks kvenna færi fram. Áætlað er að tæplega fimm hundruð manns komi til með að heimsækja Eyjarnar vegna mótsins en Magnús Sigurðsson er einn þeirra sem bera hitann og þungann af skipulagningu mótsins. ''„Mótið byrjar strax á föstudaginn og stelpurnar leika til hálf tíu um kvöldið, bæði þá og á laugardaginn. Mótinu lýkur svo með mikilli viðhöfn á sunnudaginn þar sem úrslitaleikirnir fara fram á aðalvellinum í nýja húsinu. Það liggur auðvitað mikil vinna á bak við svona mót, þetta eru um 120 leikir sem eru eiginlega leiknir á tveimur dögum þar sem föstudagur og sunnudagur nýtast ekki nema til hálfs. Við erum að vinna í að fá dómara og fólk á klukkuna. HSÍ hefur gefið Ieyfi til að aðeins einn dómari dæmi leikina en við ætlum okkur að hafa tvo dómara á öllum leikjunum til að þetta komist á hærra plan. En þetta er annað mótið í þessari mynd sem við höldum og eftir þau viðbrögð sem við höfum fengið, bæði frá HSÍ og félögunum sjálfum þá má búast við að við fáum fleiri mót næsta vetur."''

ÍBV tefldi fram þremur liðum, átti ekki möguleika á titlinum því þær höfðu misst úr mót. Þrátt fyrir það var enginn uppgjafartónn í þeim og spiluðu öll þrjú liðin um bronsið. Mótið gekk annars mjög vel fyrir sig enda kemur fólk ekki að tómum kofunum í Eyjum þegar mótshald er annars vegar og hefur ÍBV verið mikið hrósað fyrir framkvæmdina, ''„Þetta gekk bara mjög vel og ég heyri ekki annað en að allir hafi farið sáttir heim. Það var líka mjög ánægjulegt hversu margir foreldrar fylgdu liðunum, ég gæti alveg trúað að rúmlega hundrað manns hafi komið hingað aukalega og það ætti að vera ágætis búbót fyrir ferðamannaiðnaðinn hérna. Liðin voru öll mjög ánægð og eitt lið kom meira að segja með þá tillögu að allar úrslitaturneringarnar færu fram hér í Eyjum. Ég á hins vegar ekki von á því að við fáum fleiri en tvær á ári, við viljum fá fleiri en það er bara alltaf sama sagan með það hversu langt það er til Eyja," sagði Magnús''

Úrslit leikja ÍBV voru þessi:

''A-lið Riðlakeppnin:''

ÍBV-Stjarnan 9-7, ÍBV-Fram 6-7, ÍBV-Valur 10-4, ÍBVFylkir 8-4, ÍBV-ÍR 8-7, ÍB V-Ármann/Þróttur 9-2. Úrslitaleikur um þriðja sætið: ÍBV-Fram5-7.

''B-lið Riðlakeppnin:''

ÍBV-Gróttal 6-5, ÍBVFylkir 4-2, ÍBV-Haukar 7-6, ÍBV-ÍR 5-2, ÍBV-FH 3-2. Úrslitaleikur um þriðja sætið: ÍBV-KA 7-8.

''C-lið Riðlakeppnin:''

ÍBV-Gróttal 5-5, ÍBVGrótta2 6-4, ÍBV-FH2 4-4, ÍBV-Selfoss 8-0 Milliriðill: ÍBV-Stjarnan 5-1, ÍBVKA2 5-2, ÍBV-Gróttal 5-5 Úrslitaleikur um þriðja sætið: ÍBV-ÍR 6-7.

=== '''ÍBV krækir í efnilega knattspyrnumenn''' ===
Á heimasíðu ÍBV kemur fram að karlaliðið hafi gengið að samningum við þrjá unga leikmenn sem munu væntanlega leika með öðrum flokki í sumar. IBV virðist því hafa tekið upp hjá sér mjög áhugaverða stefnu sem er að veita ungum knattspymumönnum hjá smærri félögum, tækifæri til að sanna sig hjá einu af fremstu knattspyrnufélögum á landinu. Þeir leikmenn sem um ræðir er markvörðurinn Ólafur Ágústsson og miðvörðurinn Egill Þorsteinsson en báðir koma þeir frá Seyðisfirði. Þá koma tveir leikmenn að utan. Hafþór Atli Rúnarsson kemur frá Noregi þar sem hann hefur æft með ungmennaliði Vikings frá Stavangri og svo kemur Skoti að nafni Kevin Barr en hann er bróðir Michelle Barr sem spilar með kvennaliði ÍBV í sumar.

=== '''ÍBV úr leik í deildarbikarnum''' ===
ÍBV hefur ekki gengið sem best í deildarbikarkeppninni en um helgina lék liðið sinn síðasta leik í keppninni þetta árið. Fyrir leikinn átti ÍBV enn veika von um að komast í átta liða úrslit en til þess þurfti sigur og ekkert annað. Strákarnir náðu hins vegar ekki að sýna sínar bestu hliðar, töpuðu leiknum 0-3 og eru þar með úr leik í keppninni.

=== '''Stelpurnar úr leik''' ===
Kvennalið ÍBV í knattspyrnu spilaði síðustu leiki sína í riðlakeppninni í deildarbikarnum síðustu helgina í apríl þegar liðið mætti Stjörnunni og RKV. Leikurinn gegn Stjörnunni fór fram á laugardeginum en til að tryggja sér sæti í undanúrslitum þurftu Eyjastúlkur að vinna báða leiki sína. IBV hafði ekki erindi sem erfiði gegn Stjörnunni, tapaði með einu marki 2-3 og þar með útséð um sæti í undanúrslitum. Seinni leikurinn fór svo fram á sunnudeginum en þá var andstæðingurinn töluvert auðveldari. Engu að síður var leikurinn hreinn úrslitaleikur um þriðja sætíð en stelpurnar brugðust ekki og unnu leikinn 2-1. Mörkin skoruðu Bryndís Jóhannesdóttir og Laufey Ólafsdóttir.

=== '''Góð æfingaferð hjá öðrum flokki''' ===
Annar flokkur karla lagði land undir fót um helgina og ferðaðist um Suðurlandið þar sem leiknir voru þrír leikir. Fyrst var leikið gegn Árborg en þar töpuðu strákarnir 4 -6. Næst var leikið gegn Selfossi og þar vannst auðveldur sigur 5-1.1 síðasta leik mættu strákarnir liði fanga á Litla Hrauni og peyjarnir sáu tíl þess að fangarnir tóku út sína refsingu þann daginn því þeir völtuðu yfir þá, 13-1. Auk þess að spila þessa leiki tóku strákarnir og þjálfarinn sig tíl og hjóluðu í alla leikina, þar á meðalfrá Selfossi og til Þorlákshafnar.

=== '''Sigur í æfingaleik''' ===
Meistaraflokkur karla lék laugardaginn 27 apríl æfingaleik gegn Grindvfkingum en leikurinn fór framá grasi í Garðinum. ÍBV hafði betur í þeim leik og sigraði Grindvíkinga 2-1. GunnarHeiðar Þorvaldsson skoraði en hitt markið var sjálfsmark Grindvíkinga.

== '''MAÍ:''' ==

=== '''Þór tók við af Birgi''' ===
Á aðalfundi ÍBV íþróttafélags í byrjun maí, lét Þór Vilhjálmsson af starfi formanns félagsins, eftir 7 ára starf eða frá stofnun féiagsins. Þar áður hafði hann verið formaður Íþróttafélagsins Þórs í 10 ár. En Þór var þar með ekki að yfirgefa íþróttahreyfinguna, því í gærkvöldi, á ársþingi Íþróttabandalags Vestmannaeyja var hann kjörinn formaður þess. Með honum í stjórn eru Leifur Gunnarsson, Arndís Sigurðardóttir, Björn Þorgrímsson og Gísli Valtýsson. Óskar Freyr Brynjarsson er nýr formaður ÍBV-íþróttafélags og með honum í stjórn eru Egill Arngrímsson, Björgvin Eyjólfsson, Stefanía Guðjónsdóttir, Erlingur Richardsson, Tryggvi Már Sæmundsson og Smári Jökull Jónsson.

=== '''Tveir á förum''' ===
Tveir af máttarstólpum handknattleiksliðs ÍBV í vetur, þeir Arnar Pétursson og Svavar Vignisson, munu ekki leika með ÍBV næsta vetur. Arnar gekk til liðs við liðið fyrir þetta tímabil og spilaði hann með liðinu samhliða námi í Reykjavík. Námið er einmitt ein af ástæðum þess að hann hyggst frekar reyna fyrir sér á höfuðborgarsvæðinu. Svavar mun hins vegar flytja með fjölskylduna til Reykjavíkur í haust en þar mun hann fyrst um sinn vinna í lögreglunni í Hafnarfirði. Hyggst hann jafnvel reyna fyrir sér í Lögregluskólanum eftir áramót. Svavar sagði í samtali við Fréttir að hann yæri ekkert allt of ánægður með það að vera yfirgefa ÍBV. „''Það er erfitt að yfirgefa ÍBV eftir að hafa spilað með þeim allan þennan tíma og mér finnst hálfpartinn eins og maður sé einhver liðhlaupi. En FH er hins vegar góður kostur fyrir mig og ekki verra ef Arnar bætist í hópinn,"'' sagði Svavar.

=== '''Vigdís best''' ===
Lokahóf kvennaliðs ÍBV í handbolta var haldið í Týsheimilinu þann 4. maí. Um sjötíu manns sóttu hófið sem tókst í alla staði mjög vel. Skemmtiatriðin voru heimatilbúin og jafnvel búin til á staðnum og voru mörg hver hin besta skemmtun. Maturinn var í höndum Hjálmars Baldurssonar og félaga hans í handknattleiksráði. Hápunktur kvöldsins var verðlaunaafhendingin. Besti varnarmaður var valin Dagný Skúladóttir og markahæst varð Ana Pérez. Mestu framfarir þótti Þórsteina Sigurbjörnsdóttir sýna en besti leikmaðurinn var svo valin Vigdís Sigurðardóttir. Fréttabikarinn fékk Aníta Ýr Eyþórsdóttir en í umsögn kom fram að Aníta hefði verið í leikmannahópi ÍBV íöllum leikjum sl. tvö ár. „Aníta kom inn fyrir tveimur tímabilum síðan og í fjarveru núverandi fyrirliða liðsins, Ingibjargar Jónsdóttur fékk hún sína eldskírn á vellinum. Auk þess að vera í leikmannahópi meistaraflokks þá hefur hún verið ein af burðarásum unglingaflokks. Í yngri flokkum IBV hefur hún yfirleitt leikið sem útileikmaður en fært sig svo inn á línuna með meistaraflokki sem sýnir best þá hæfileika sem Aníta býr yfír," segir í forsendum Frétta fyrir afhendingunni.

=== '''Breytingar í fótboltanum''' ===
Í maí gekk sterkur varnarmaður að nafni Rachel Hamill til liðs við ÍBV. Rachel er 19 ára gömill frá skotlandi. Rachel getur spilað nánast hvar sem er á vellinum en hún er fyrst og fremst bakvörður. Ljóst að ein efnilegasta knattspyrnukona ÍBV, varnarmaðurinn Elfa Ásdís Ólafsdóttir mun lítið spila með liðinu í sumar en hún reif liðþófa í hné fyrir skömmu. Nýr aðstoðarþjálfari var ráðinn í maí en hún heitir Erna Lind Rögnvaldsdóttir en hennar hlutverk verður að aðstoða Elísbetu Gunnarsdóttur þjálfara meistaraflokks auk þess sem Erna mun sjá alfarið um annan flokk kvenna. Erna Lind kemur frá Grindavík og á að baki rúmlega hundrað leiki í efstu deild.

=== '''Síðustu æfingaleikirnir fyrir mót''' ===
Meistaraflokkur ÍBV í knattspyrnu mætti Valsmönnum í æfíngaleik á þann 5. maí. Aðstæður voru ekki eins og best verður á kosið, rok, rigning og Helgafellsvöllurinn langt frá því að vera tilbúinn. Engu að síður náðu liðin að sýna ágætis takta inn á milli en að lokum voru það Valsmenn sem stóðu uppi sem sigurvegarar.

Strákarnir fóru svo í æfingarferð á Hvolsvöll en það hafa strákarnir gert undanfarin ár að eyða síðustu helgina fyrir mót á Suðurlandi. Strákrnir spiluðu tvo æfingaleiki sama dag, fyrst lék varaliðið gegn sameiginlegu liði Dalvíkur og Leifturs og varð 2-2 jafntefli niðurstaðan en Dalvík/Leiftur spilar í 1. deild í sumar. Mörk ÍBV skoruðu þeir Pétur Runólfsson og Óskar Jósúason. Í seinni leiknum stillti Njáll Eiðsson upp sínu sterkasta liði og spilaði Tómas Ingi Tómasson m.a. leikinn. Hann náði heldur betur að hressa upp á sóknarleik IBV því ÍBV sigraði leikinn 5-1. Tómas Ingi skoraði tvö mörk auk þess að leggja upp eitt, Gunnar Heiðar skoraði tvö mörk og Olgeir eitt.

=== '''Hermann féll í þriðja sinn''' ===
Það virðist ætla að ganga á ýmsu hjá knattspyrnumanninum Hermanni Hreiðarssyni en hann hlaut þau örlög, í þriðja sinn síðan hann hélt í atvinnumennskuna, að falla ásamt félögum sínum í Ipswich úr úrvalsdeildinni. Orðrómur hefur verið uppi um það að Hermann myndi yfirgefa félagið en það er ljóst að liðið þarf að selja einhverjar af sínum skærustu stjörnum fyrir næsta tímabil og vitað er um áhuga nokkura liða á Hermanni.

=== '''Karlahandboltinn skilar hagnaði''' ===
Á heimasíðu handknattleiksdeildar karla ÍBV, kemur fram að rekstur deildarinnar síðasta keppnistímabil var réttu megin við núllið. Og svo hafi verið undanfarin sex ár. Stjórnarmenn hafa allan þann tíma reynt að sníða útgjöldin eftir tekjum. Það má segja að það sé afrek ef litið er á stöðu annara handknattleiksfélaga á íslandi, en ÍBV býr við miklu erfiðara rekstrarumhverfi. Miklu meiri ferðakostnaður og leikmannamissir er mikill vegná framhaldsnáms til Reykjavíkur. Rekstur kvennadeildarinnar er líka góður, eins og hann hefur alltaf verið.

=== '''Þrír í landsliðshóp''' ===
Íslenska karlalandsliðið í knattspyrnu mætir því norska í vináttulandsleik í Bodö 22. maí næstkomandi og hefur Atli Eðvaldsson valið hópinn. í honum eru þrír Eyjamenn, Birkir Kristinsson er einn þriggja leikmanna sem leika með íslenskum félagsliðum en einnig eru þeir félagar Tryggvi Guðmundsson og Hermann Hreiðarsson á sínum stað í hópnum. Þá er einnig Ivar Ingimarsson í hópnum en hann lék sem kunnugt er með ÍBV hér á árum áður.

=== '''Guffi þjálfar Wasaiterna''' ===
Guðfinnur Kristmannsson hefur verið ráðinn þjálfari sænska úrvalsdeildarliðsins Wasaiterna. Guffi gekk til liðs við liðið fyrir síðasta tímabil og hefur hreinlega blómstrað í herbúðum félagsins. Forráðamönnum Wasaiterna hefur greinilega litist svo vel á pilt að þeir hafa nú gengið frá ráðningu hans sem þjálfara liðsins. Samhliða þjálfuninni kemur Guffí til með að spila með liðinu.

=== '''Eigum að geta náð langt''' ===
Þann 20. maí leikur karlalið ÍBV fyrsta leik sinn í Íslandsmótinu í knattspyrnu en þá sækir liðið nýliða KA heim. Einhverjar breytingar hafa orðið á leikmannahópi ÍBV frá því í fyrra en þó ekki eins róttækar og fyrir síðustu leiktíð. Í ár leikur Hlynur Stefánsson hins vegar ekki með liðinu í fyrsta skipti síðan hann gekk aftur í raðir liðsins árið 1996. Njáll Eiðsson sannaði það í fyrra að þar er á ferðinni snjall og útsjónarsamur þjálfari. Hans bíður spennandi verkefni, að halda ungu mönnunum við efnið í sumar og bæta fleiri rísandi stjörnum inn í lið IBV. Hann sagði í samtali við Fréttir að undirbúningstímabilið hefði ekki verið eins gott og hann hefði kosið. ''„Undirbúningstímabilið hefur verið mjög erfitt og líklega það erfiðasta sem ég hef farið í gegnum á mínum þjálfaraferli. Það eru margar ástæður fyrir því að okkur hefur ekki gengið eins vel í undirbúningnum og t.d. í fyrra. Leikmenn hafa meiðst meira hjá okkur og jafnvel beinbrotnað. Hópurinn er svo, eins og alltaf, tvískiptur sem hjálpar ekki. Í ár var ákveðið að fara ekki í æfingaferð til útlanda eins og undanfarin ár. Það er mín skoðun að ef eitthvert lið ætti að fara í æfingaferð þá væri það ÍBV vegna þess að hópurinn er tvískiptur en þetta er bara eitthvað sem við verðum að vinna úr."''

''„ Við enduðum í öðru sæti í fyrra og er ekki alltaf stefnt að því að gera betur en árið áður. Við vorum hársbreidd frá titlinum í fyrra en við gerum okkur hins vegar grein fyrir því að við eigum mjög erfitt verkefni fyrir höndum. Vorleikimir gefa svo sem ekki tilefni til bjartsýni en eins og ég kom inn á áðan þá hafa ýmsir erfiðleikar gert það að verkum að við höfum aldrei getað stillt upp okkar sterkasta liði í vor. Það var eiginlega ekki fyrr en núna um helgina sem ég hafði alla leikmennina á einum stað, reyndar vantaði einhverja en þetta var okkar sterkasta lið til þessa á undirbúningstímabilinu enda voram við að spila mjög vel gegn Stjömunni.''

=== '''Verðum klárir''' ===
Á síðustu leiktíð fengu nokkrir ungir eyjapeyjar mikla og dýrmæta reynslu með meistaraflokki. Gunnar Heiðar Þorvaldsson er einn þeirra en þrátt fyrir erfið meiðsli á undirbúningsstímabilinu í fyrra þá stóð hann sig mjög vel, sérstaklega á seinni hluta tímabilsins og nú bíða stuðningssmenn spenntir eftir því að sjá hvort hann haldi áfram á sömu braut. Gunnar Heiðar sagði í samtali við Fréttir spenntur að byrja aftur.

'',,Við sem vorum í fyrra að stíga okkar fyrstu skref í erum ákafir í að byrja aftur og sanna okkur enn frekar. Það er góður mórall í hópnum. Heimir Hallgríms hefur séð um æfingarnar hérna í vetur og ég held að við séum í góðu formi. Menn hafa reyndar verið að spá okkur fallbaráttunni í sumar en það er ekkert að marka þessar spár enda hefur þessi spá hjá fyrirliðum og forráðamönnum aldrei ræst."'' Aðspurður sagðist Gunnar Heiðar ekki kvíða því að mæta KA mönnum fyrir norðan í fyrsta leik. ''„Það er alveg sama hverjum við mætum í sumar, ef við verðum ekki á tánum og gefum okkur alla í leikina fer þetta illa. Við eigum harma að hefna gegn KAmönnum frá því í deildarbikarnum og við ætlum okkur að hefna fyrir tapið þar. Annars á ég von á því að deildin verði mjög jöfn í sumar. Það var mjög skemmtilegur tími í fyrra en ég held að sumarið núna eigi eftir að verða enn skemmtilegra."''

'''LEIKMENN:'''

'''Markverðir:'''

Birkir Kristinsson

Gunnar Bergur Runólfsson

Guðjón Magnússon

'''Varnarmenn:'''

Kjartan Antonsson

Hjalti Jóhannesson

Páll Hjarðar

Unnar Hólm Ólafsson

Davíð Egilsson

Jón Helgi Gíslason

Sindri Viðarsson

Einar Hlöðver Sigurðsson

'''Miðjumenn:'''

Ingi Sigurðsson

Bjarnólfur Lárusson

Hjalti Jónsson

Bjarni Geir Viðarsson

Atli Jóhannsson

Bjarni Rúnar Einarsson

Pétur Runólfsson

Olgeir Sigurgeirsson

Andri Ólafsson

'''Sóknarmenn:'''

Tómas Ingi Tómasson

Gunnar Heiðar Þorvaldsson

Óskar Jósúason

Tómas Reynir Michaelsson

'''Þjálfari:''' Njáll Eiðsson

'''Aðstoðarþjálfari:''' Heimir Hallgrímsson.

=== '''Stcfnum á toppáranqur''' ===
Kvennalið IBV hefur undanfarin ár verið nokkuð tengt þeim hjónakornum Heimi Hallsrímssyni og Írisi Sæmundsdóttur enda hafa þau verið prímusmótorar í öllu því góða starfi sem þar er unnið. Núna eru hins vesar tímamót því bæði eru þau horfin á braut og aðrir teknir við þeirra hlutverki. Elísabet Gunnarsdóttir er þjálfari Iiðsins í ár en hún hefur getið sér got orð í þjálfun yngri flokka Vals á undanförnum árum. Þetta er í fyrsta sinn sem hún þjálfar meistaraflokk en Elísabet sagði í samtali við Fréttir að undirbúningur liðsins hefði gengið brösuglega. ''„Þetta hefur verið mjög erfitt hjá okkur í vetur. Það er ýmislegt sem tínist til, bæði er ég nýr þjálfari og er að kynnast stelpunum og þær mér. Svo er hópurinn lfka tvískiptur og stelpurnar fyrir sunnan hafa verið að æfa mikið sjálfar. Þær hafa reyndar aðeins komist inn hjá FH en mestmegnis hafa þær þurft að vera í ræktinni og stundað hlaup á eigin vegum. Við komumst seinna á gras en við vonuðumst til og við höfum heldur ekki sloppið alveg við meiðsli en fyrir vikið fengu yngri stelpur tækifæri í deildarbikarnum og öðlast þar með mun meiri reynslu. Þar af leiðandi verðum við kannski með breiðari hóp en ég átti von á og það er jákvætt."''

''„Það er alveg klárt mál að lið setur sér alltaf það markmið að falla ekki niður um sæti þannig að í framhaldi má segja að við ætlum að gera betur en í fyrra. Ég, stjóm og leikmenn gerum okkur hins vegar grein fyrir því að það tekur alltaf nýjan þjálfara''

''ákveðinn tíma að læra inn á nýja leikmenn og þess vegna höfum við öll gert okkur tveggja ára áætlun. Við ætlum okkur að ná toppárangri á þeim tíma og ef allt gengi upp í sumar þá væri það bara bónus. Það skiptir okkur hins vegar mjög miklu máli að fá góðan stuðning á heimavelli."''

'''Leikmenn sumarið 2002'''

'''Markmenn:'''

Petra Fanney Bragadóttir

Nataliya Ginchul

Hanna Guðný Guðmundsdóttir

'''Varnarmenn:'''

Sigríður Ása Friðriksdóttir

Rachel Hamill

Michelle Barr

Eva Björk Ómarsdóttir

Karitas Þórarinsdóttir

'''Miðjumenn:'''

Elena Einisdóttir

Elva Dögg Grímsdóttir

Ema Dögg Sigurjónsdóttir

Laufey Olafsdóttir

Lára Dögg Konráðsdóttir

Lind Hrafnsdóttir

Svetlana Balinskaya

Rakel Rut Stefánsdóttir

'''Sóknarmenn:'''

Bryndís Jóhannesdóttir

Margrét Lára Viðarsdóttir

Sara Sigurlásdóttir

Bjartey Gylfadóttír

Kristín Sigurðardóttir

Pascale Elísabet Skúladóttir

Thelma Sigurðardóttir

=== '''Þrír spiluðu sinn fyrsta leik''' ===
Þrír leikmenn spiluðu sinn fyrsta leik með ÍBV í efstu deild en það voru þeir Andri Ólafsson, 17 ára, Olgeir Sigurgeirsson 20 ára og Pétur Runólfsson 21 árs. Meðalaldur liðsins var rétt rúmlega 25 ár en refírnir þrír í liðinu, Birkir Kristinsson 38 ára, Ingi Sigurðsson 34 ára og Tómas Ingi Tómasson 33 ára hífa meðalaldurinn töluvert upp. Strákrnir sóttu nýliða KA heim og náðu þar ásættanlegum úrslitum, 1-1 jafntefli. Jafnræði var með liðunum sé litið á leikinn í heild en hvorugu liði tókst að skora í fyrri hálfleik. Undir lok hálfleiksins þurfti Birkir reyndar að taka á honum stóra sínum í tvígang en heimamenn höfðu ekki erindi sem erfiði. Seinni hálfleikur var varla byrjaður þegar KA menn höfðu komist í 1-0. Heimamenn voru sterkari aðilinn í hálfleiknum en það var svo ekki fyrr en þremur mínútum fyrir leikslok að Ingi Sigurðsson fékk boltann en hann lagði boltann fyrir Gunnar Heiðar sem átti ekki í vandræðum með að fmna réttu leiðina í markið.

=== '''Sigurður Ari til Belgíu''' ===
Sigurður Ari Stefánsson, skyttan efnilega hjá ÍBV, var valinn í U-21 árs landslið Islands sem heldur til Belgíu. Þar tekur liðið þátt í undankeppni Evrópumótsins en með Islandi í riðli eru heimamenn í Belgíu, Króatar og Svisslendingar. Hópur Íslands telur sextán leikmenn.

=== '''Sigur og tap''' ===
Þann 25. maí tók lið ÍBV á móti Keflavík í annari umferð Símadeildarinnar þar gestirnir sigruðu 2-1. Keflavík byrjaði leikinn vel og áttu þeir m.a. skalla í slána og þaðan skaust boltinn niður og vildu Keflvfkingar meina að boltinn hefði farið inn fyrir línuna. Smám saman náði ÍBV hins vegar tökum á miðjunni og þar með á leiknum. Fyrsta markið kom eftir að ÍBV fékk aukaspyrnu fyrir utan vítateig gestanna, Ingi Sigurðsson var ekkert að tvínóna við hlutina heldur stakk boltanum inn á Gunnar Heiðar sem afgreiddi hann snyrtilega í netið. Þegar skammt var til leikhlés jöfnuðu Keflvíkingar svo leikinn eftir eina af sínum eitruðu skyndisóknum. Í seinni hálfleik sótti IBV mun meira en Keflvíkingar áttu mjög svo hættulegar skyndisóknir en Birkir var vel á verði og varði nokkrum sinnum meistaralega. Gunnar Heiðar skoraði svo á sextugustu mínútu en var dæmdur rangstæður og voru menn að sjálfsögðu ekki sammála dómaranum. Tíu mínútum fyrir leikslok urðu leikmönnum IBV svo á slæm mistök á miðjum vellinum sem varð til þess að sóknarmaður Keflvíkinga slapp einn inn fyrir vörn IB V og skoraði örugglega og tryggði sínum mönnum sigurinn. Nokkrum dögum síðar sótti ÍBV Framara heim þar sem Eyjamenn náðu í þrjú dýrmæt stig. Leikurinn var ekki mikið fyrir augað enda vora vallaraðstæður hreint ekki góðar. Reyndar komu ágætis kaflar inn á milli þar sem liðin náðu ágætis spili en þess á milli datt leikurinn niður í miðjuþóf. Einn af góðu köflunum kom einmitt hjá ÍBV á 16. mínútu. Þá fékk Gunnar Heiðar boltann á miðjum vallarhelmingi Framara. Sendi hann á Inga, sem sendi á Tomas Inga sem var aðþrengdur við vítateigslínuna. Hann sendi svo glæsilega hælsendingu inn fyrir vöm Framara og þar var mættur markahrókurinn Gunnar Heiðar Þorvaldsson sem skilaði boltanum í. Framara jöfnuðu svo skömmu fyrir leikhlé. I seinni hálfleik vom heimamenn sterkari en Atli Jóhannesson skoraði laglegt mark eftir mikinn darraðardans í vítateig heimamanna og þar við sat, 1-2.

''„Þetta var fyrst og fremst vinnusigur hjá okkur og maður er fyrst og fremst ánægður með sigurinn enda var þetta fyrsti sigurinn hjá okkur í deildinni,"'' sagði Gunnar Heiðar í samtali við Fréttir eftir leikinn. '',,Þetta var mjög erfitt, völlurinn er harður og það var ekki gott að spila annan leikinn á fjórum dögum við svona aðstæður en við sýndum mikinn karakter með að klára leikinn. Það er hins vegar stutt í næsta leik og við ætlum okkur að klára hann og að koma okkur í betri stöðu í deildinni."''

=== '''Fjör á lokahófi''' ===
Lokahóf yngri flokka ÍBV í handboltanum var haldið sunnudaginn 26. maí. Þar voru veittar viðurkenningar fyrir frammistöðu vetrarins og á eftir var boðið upp á mikla veislu. Var að venju mikið fjör.

'''5. flokkur kvenna''': Besta ástundun, eldri, Ester Óskarsdóttir, yngri, Elísa

Guðjónsdóttir, prúðasti leikmaður, eldri Birgitta Rúnarsdóttir, yngri Laufey S. Sigmarsdóttir. Mestu framfarir, eldri Hekla Hannesdóttir og yngri, Guðrún Heba Andrésdóttir.

'''6. flokkur kvenna:''' Besta ástundun, eldri Sædís Magnúsdóttir, yngri Andrea Káradóttir, prúðasti leikmaður, eldri Sara Guðjónsdóttir, yngri Saga H. Helgadóttir. Mestu framfarir eldri Þórhildur Ólafsdóttir, yngri Lovísa Jóhannsdóttir.

'''3. flokkur karla:''' Besti leikmaður, Benedikt Steingrímsson, mestu framfarir, Magnús Sigurðsson, Besta ástundun, Ingibjöm Jónsson.

'''5. flokkur karla''': Mestu framfarir eldri Bjöm Kristmannsson, yngri Friðrik Þór Sigmarsson, besta ástundun eldri Ellert S. Pálsson 96% og yngri Þórhallur Friðriksson 92%. Prúðasti leikmaður eldri Bjarki Hjálmarsson, yngri Kristinn Arnason.

'''6. flokkur karla''', '''eldri:''' mestu framfarir, Vignir Stefánsson, besta ástundun Vignir Stefánsson og prúðasti leikmaður Hjalti Pálsson.

'''6. flokkur karla, Yngri''': Mestu framfarir Brynjar Karl Óskarsson, besta ástundun Einar Gauti Óskarsson og prúðasti leikmaður, Kristján Tómasson.

'''4. flokkur kvenna:''' Besti leikmaður María Guðjónsdóttir, mestu framfarir Hildur Jónsdóttir og besta ástundun Sæunn Magnúsdóttir.

'''4. flokkur karla:''' Besti leikmaður Hilmar Björnsson, mestu framfarir, Eyþór Björgvinsson og besta ástundun Pálmi Harðarsson.

'''3. flokkur kvenna''': Besti leikmaður Aníta Ýr Eyþórsdóttir, mestu framfarir, Þórsteina Sigurbjömsdóttir og besta ástundun Hildur Sigurðardóttir.

=== '''Andrea Atla hætt''' ===
Ein af burðarásum kvennaliðs ÍB V í handknattleik síðari ár, Andrea Elín Atladóttir, hefur gefið það út að síðasta tímabil hafi verið hennar síðasta. I samtali við Fréttir sagði Andrea að tíminn sem hún þyrfti til að sinna handboltanum værí hreinlega ekki fyrir hendi. „Þetta var mjög erfitt í vetur enda er ég í fullri vinnu, er með fjölskyldu, við Stebbi í fyrirtaekjarekstri og svo var ég í pólitíkinni þannig að ég hafði ekkert allt of langan tíma fyrir handboltann. Fyrir vikið hefur maður minna gaman af þessu og þess vegna ákvað ég að núna væri rétti tíminn til að hætta. Fólk hefur reyndar verið að gera grín að mér vegna þess að skóhillan, þar sem ég kem til með að leggja handboltaskóna, sé eitthvað götótt þar sem ég sé alltaf að byrja aftur en ég hef aldrei áður gefið það út að ég hafi verið hætt. Ég tók mér bara pásu en núna er ég hætt"

=== '''Slæm byrjun''' ===
Fyrsti leikur kvennaliðs ÍBV í sumar var gegn Íslandsmeisturunum í Breiðabliki og fór leikurinn fram í Kópavogi þar sem heimamenn sigruðu 3-2. IBV lenti undir eftir aðeins fjórtán mínútna leik og tæpum tuttugu mínútum síðar var forysta heimastúlkna tvöfölduð. En leikmenn ÍBV neituðu að gefast upp og fimm mínútum fyrir leikhlé minnkaði fyrirliði liðsins, Michell Barr, muninn með skalla eftir aukaspymu Margrétar Láru Viðarsdóttur. Margrét var einmitt aftur á ferðinni á sextugustu mínútu og var við það að sleppa í gegnum vörn Breiðabliks þegar hún var felld innan vítateigs og umsvifalaust dæmd vítaspyrna. Margrét Lára skoraði sjálf úr spyrnunni og allt í einu var leikurinn galopinn. Undir lokin brutu varnamenn IBV svo klaufalega af sér fyrir utan vítateiginn og úr aukaspyrnunni skoruðu heimastúlkur sigurmarkið.

Stelpurnar tóku svo á móti Grindavík ÍBV tapaði leiknum 0-1 og því er liðið enn án stiga eftir fyrstu tvær umferðirnar.

Leikurinn byrjaði vel fyrir ÍBV og fengu stelpurnar mjög góð færi sem hefðu átt að nýtast, strax á upphafsmínútunum en gerðu það ekki. Fyrir vikið færðu gestirnir sig upp á skaftið og þegar tæpur hálftími var liðinn af leiknum dró til tíðinda. Framherji Grindavíkur lék þá varnarmenn IBV grátt og var svo felld rétt við vítateiginn. Leikmenn ÍBV vildu meina að brotið hefði átt sér stað utan teigs en dómarinn dæmdi víti sem Grindvíkingar skoruðu úr. ÍBV og stuðningsmenn þess voru slegnir út af laginu og þrátt fyrir ágætis færi rann fyrri hálfleikurinn út án þess að liðið næði að jafna. Í seinni hálfleik sótti svo ÍBV án afláts allan tímann og hægt að telja á fingrum annarrar handar hversu oft gestirnir komust yfir miðju. Þrátt fyrir það náðu stelpurnar ekki að skora.

=== '''Jafntefli hjá öðrum flokki''' ===
Annar flokkur karla lék sinn fyrsta leik í lok maí þegar liðið tók á móti Leikni úr Reykjavík. Flokkurinn spilar í sumar í Briðli, sem er nokkurs konar önnur deild og sér Heimir Hallgrímsson um liðið. Leikurinn gegn Leikni var nokkuð erfiður. Leiknismenn komu mjög sterkir til leiks og liðin skiptust á að sækja. Leiknismenn komust yfir um miðjan seinni hálfleikinn en stuttu síðar jafnaði Kevin Barr leikinn eftir að ÍBV hafði sótt töluvert meira. Fleiri urðu mörkin ekki.

== '''JÚNÍ''' ==

=== '''Gunnar Berg til Makedóníu''' ===
Íslenska karlalandsliðið í handknattleik spilar á sunnudaginn 2 júní gegn liði Makedóníu í umspili liðanna um laust sæti í úrslitum Evrópukeppninnar en það mun vera fyrri leikur liðanna. Einn Eyjamaður er í leikmannahópnum, Gunnar Berg Viktorsson, sem er að festa sig í sessi í íslenska liðinu en Bírkir Ivar Guðmundsson, sem var með í undirbúningi liðsins var sendur heim.

=== '''Völlurinn til skammar''' ===
Fyrsta dag júnímánaðar sóttu leikmenn ÍBV Grindvíkinga heim þar sem leikurinn endaði með eins marks sigri heimamanna, 3-2.

Leikurinn byrjaði rólega en eftir stundarfjórðung vom Grindvíkingar komnir yfir. En Tómas Ingi Tómasson var ekki lengi að jafna metin og aðeins tveimur mínútum síðar var staðan orðin jöfn. Það kom í svo í hlut IBV að verjast það sem eftir lifði fyrri hálfleiks og staðan í leikhléi var 1-1. Í seinni hálfleik voru heimamenn mun betri enda sóttu þeir stíft að marki ÍBV frá fyrstu mínútu. Heimamenn náðu að komast í 3-1 áður en Gunnar Heiðar Þorvaldsson náði að klára í bakkan en hann hefur nú skorað mark í fyrstu fjórum leikjum mótsins. Lokatölur urðu því 3-2 heimamönnum í vil.

Birkir Kristinsson, markvörður ÍBV kleif fjöllin há í markteig Grindavíkurvallarins en aðstæður gerðu honum lífið leitt. ''„Ég ætla ekki að taka svo djúpt í árinni að segja að við hefðum aldrei tapað þessum leik ef við hefðum spilað á betri velli en þessar aðstæður em Grindvikingum til skammar. Eg held hreinlega að ég hafi aldrei lent í öðm eins enda var nánast vonlaust að hreyfa sig í teignum. Maður reyndi að púsla vellinum saman þegar tækifæri gafst en það var alveg vonlaust enda er völlurinn bara ónýtur. Þetta er auðvitað ekki góð auglýsing fyrir knattspymuna, bæði verður leikurinn sem slíkur aldrei nema skugginn af sjálfum sér og svo er líka mikil slysahætta. Ég hefði frekar viljað spila á malarvelli en á Grindavíkurvelli sem segir sína sögu.."''

=== '''Enn stigalausar''' ===
Kvennalið ÍBV hefur ekki enn náð sér á strik og eftir þrjár umferðir er liðið með ekkert stig á botni deíldarinnar. Liðið tapaði gegn Val á heimavelli 3-1.

Mark ÍBV gerði Rakel Logadóttir þegar hún kom ÍBV yfir snemma í leiknum en staðan í hálfleik var 1 - 1. Í seinni hálfleík átti IBV ekkert síðri færi en Valsstúlkur en það var eins og í leiknum gegn Grindavík að færin voru ekki nýtt nægilega vel.

=== '''Kári í æfingahóp''' ===
Þó að knattspyrnuvertíðin sé nú að komast á fullt skrið þýðir það ekki endilega að handknattleiksmenn liggi í dvala. HSÍ hefur nú valið æfingahóp fyrir íslenska landsliðið skipað leikmönnum fæddum 1984 og yngri. Eyjamenn eiga þar einn fulltrúa, Kári Kristján Kristjánsson mun æfa með liðinu. Liðið mun Ieika æfingaleiki gegn Færeyjum í lok júní.

=== '''Missir ÍBV heimaleikjaréttinn?''' ===
Mannvirkjanefnd Knattspyrnusambands Íslands afturkallaði nýlega keppnisleyfi fyrir Hásteinsvöll sem gefið var út 15. júní 2001 þar sem völlurinn var flokkaður í b-flokk. Í staðinn var völlurinn settur í d-flokk sem leyfir keppni í 2. deild karla. Ástæðan er að ekki er búið að koma fyrir girðingu frá Týsheimili í báðar áttir að Hamarsvegi. Völlurinn hefur undanþágu til 1. júlí nk. og óskaði stjórnin jafnframt eftir viðræðum við félagið um frekari framkvæmdir við vallarsvæðið, þannig að hann uppfylli kröfur KSÍ. Fyrir liggur að girðingu hefur verið komið upp austan megin við Hásteinsvöllinn frá Týsheimilinu að Hamarsvegi en eftir er að girða vestan megin. Samkvæmt heimildum er kostnaður við girðinguna á milli þrjár og fjórar milljónir króna. Ívar Atlason, gjaldkeri knattspyrnudeildar ÍBV, segir þetta vera hið versta mál fyrir þá. ''„Það komu menn hérna í fyrra frá UEFA og KSÍ og tóku völlinn út og í kjölfarið fengum við keppnisleyfi til apríl 2005 með undanþágu á girðingamálum, en þeim snýst svo eitthvað hugur um mitt síðasta ár."'' Ívar bætti því við að spurning væri hvort leyfilegt sé að girða á þessu svæði, en búið er að senda bréf til umhverfis og skipulagsnefndar bæjarins. Jóhann G. Krisfinsson, starfsmaður mannvirkjanefndar KSI segir þetta mál liggja alveg ljóst fyrir. ''„Þeir fengu vitlaust mat á völlinn í fyrra og uppgötvaðist það strax daginn eftir og voru viðkomandi aðilar látnir vita, bréfið sem þeir fengu átti við annan völl,"'' sagði Jóhann og bætti við að yfirvöld í Eyjum hafi lengi vitað hvernig málin stæðu og því ætti þetta ekki að koma þeim á óvart. ''„Við sendum bréf 24. október í fyrra og þar kom skýrt fram að undanþágur fyrir keppnisvelli á Islandi fengjust ekki endurnýjaðar og því mátti IBV ekki, strangt til tekið, hefja leik á íslandsmótinu í sumar á Hásteinsvelli.''" Eyjamenn hafa verið óánægðir með vinnubrögð KSÍ og benda á heimavöll Grindavíkur sem hefur að geyma eina glæsilegustu aðstöðu áhorfenda á Islandi en völlurinn er mjög illa farinn og sumir segja jafnvel ónýtur og fínnst mörgum forgangsröðun KSÍ heldur skrýtin. ''„Það má ekki snúa umræðunni upp í svona og þó svo leikflötur Hásteinsvallar sé til sóma þá er annað ekki í lagi, Grindvíkingar hafa unnið þrekvirki í sínum málum, bæði varðandi áhorfendastæði og leikflötinn."'' Jóhann bætti við að forráðamenn IBV viti að ef þeir eru óánægðir með reglugerðir KSI þá sé vettvangur til þess að koma því á framfæri áársþingi KSI en Eyjamenn hafa ekki séð ástæðu til þess að mótmæla þar. ''„Við vinnum eftir ákveðnum reglum og þetta grindverk er til þess að afmarka svæðið og til þess að hafa betri yfirsjón á tölu áhorfenda, t.d. á bikarleikjum er tekjum skipt jafnt á milli liða og því mikilvægt að þessi mál séu í lagi. En í flestum tilfellum varðar þetta hagsmuni IBV"'' Jóhann bætti við að félög hafí haft sex ár til þess að ganga frá þessum hlutum og því ættu menn að vera undirbúnir. ''„Við munum koma til Eyja á föstudaginn og eiga fund með forráðamönnum IBV og bæjarstjórn og ég hef fulla trú á því að menn fínni skynsamlega lausn á þessu,"'' sagði Jóhann að lokum. Síðustu ár hafa verið miklar framkvæmdir við Hásteinsvöll til þess aðuppfylla kröfur alþjóða knattspyrnusambandsins, fyrir nokkrum árum var búningsaðstaða byggð og í fyrra áhorfendastæði sem að öllu óbreyttu verða orðin ónothæf innan nokkurra ára þar sem strangari reglur alþjóða knattspyrnusambandsins, sem taka gildi fljótlega, kveða á um að á öllum völlum þar sem spiluð er knattspyrna í efstu deild skuli vera stúka með sætum fyrir 1000 manns. Félögin fá sex ára aðlögunarfrest.

=== '''Erlingur þjálfar strákana næsta vetur''' ===
Á upphafsdögum júnímánaðar var gengið frá samningi við Erling Richardsson um að hann þjálfi meistaraflokk karla IBV á næsta leiktímabili. Erlingur sem þjálfaði kvennalið IBV á síðasta leiktímabili, verður næsti þjálfari karlanna. Jóhann Pétursson í stjórn karlahandboltans segir í samtali við Fréttir að Erlingur muni jafnframt leika með liðinu. ''„Hann hafði áhuga á að spila og það réð miklu um þessa ákvörðun hans,"'' sagði Jóhann. Hann sagði að unnið væri í leikmannamálum fyrir næsta vetur. ''„Það er margt í gangi en ekkert í hendi. Það er verið að skoða ýmsa möguleika en staðreyndin er að þessi mál taka alltaf langan tíma."''

=== '''Styrkir til ÍBV''' ===
Þann 6. Júní úthlutaði íþróttaráð Vestmannaeyjabæjar styrkjum úr afreks- og viðurkenningasjóði og rekstrarstyrkjum til íþróttafélaganna.

Afreksstyrkjum er úthlutað samkvæmt stigagjöf þar sem unnin afrek, eins og til dæmis Islandsmeistaratitlar gefa stig. Samkvæmt stigagjöfmni er úthlutunin eftirfarandi úr Afreks- og viðurkenningarsjóði fyrir afrek unnin á árinu 2001 eftirfarandi:

ÍBV - íþróttafélag:

Úthlutað samkv. stigagjöf 685.000.-

bikarmeistarar, m.fl. kvenna 480.000,-

Samtals 1.165.000.-

Við sama tækifæri voru rekstrarstyrkir vegna ársins 2002 afhentir og er það gert samkvæmt umsögn og tillögu Íþróttabandalags Vestmannaeyja. Íþróttaráð samþykkti eftirfarandi úthlutun með sérstöku tilliti til bama og unglingastarfs og í samræmi við samstarfssamning á milli Vestmannaeyjabæjar og íþróttahreyfingarinnar í Vestmannaeyjum:

ÍBV - íþróttafélag 929.000 kr.,

=== '''Annað tapið i röð á heimavelli''' ===
ÍBV tók á móti Steingrími Jóhannessyni og félögum hans í Fylki laugardaginn 8. júní í fimmtu umferð Símadeildar karla. Vindurinn setti mark sitt á leikinn og áttu leikmenn beggja liða mjög erfitt með að sýna knattspymu að einhverju marki. IBV byrjaði leikinn af krafti, liðið fékk m.a. fimm hornspyrnur á fyrstu fjórum mínútunum en það var hins vegar Eyjamaðurinn í liði bikarmeistaranna sem skoraði eina mark leiksins og því annað tap IBV á heimavelli staðreynd.

=== '''Mótið verður stærra en i fyrra''' ===
Vömvalsmótið verður við hátíðlega athöfn og verður setningin með hefðbundnu sniði. Farið verður fylktu liði í skrúðgöngu frá Barnaskóla klukkan 20.00 og gengið niður á Týsvöll þar sem setningin fer fram. Reyndar verður tekið smá forskot á sæluna því fyrstu leikirnir verða leiknir fyrir setningu. Mótið í fyrra var með nokkuð öðru sniði en undanfarin ár, flokkunum var fækkað og dagskránni breytt. Þetta mæltist vel fyrir og nú verður þeirri vinnu sem þar var byrjað á, haldið áfram. Gísli Guðmundsson, handknattleiksmarkvörður með meiru, er mótsstjóri í ár eins og í fyrra. ''„Þetta verður örlítið stærra hjá okkur í ár en í fyrra. Við eigum von á 700 stelpum frá tíu félögum en liðin verða alls 58. Við fækkuðum um einn flokk í fyrra og erum núna með fjórða, fimmta og sjötta flokk. Svo eigum við að sjálfsögðu von á því að enn fjölmennari hópur aðstandenda láti sjá sig enda var almenn ánægja með mótið í fyrra. Sjálfum finnst mér frábært að fá tækifæri til að vinna í jafn góðu íþróttaumhverfi og er héma í Eyjum. Það er svo gaman að fá tækifæri til að hitta skemmtilegt fólk og þetta mót hefur alveg sérstakan sjarma yfir sér. Og svo eru Eyjamenn auðvitað snillingar í að halda svona mót, ég þarf ekkert að taka það fram,"'' sagði Gísli

=== '''Misjafnt gengi yngri flokkanna''' ===
Annar flokkur karla lék gegn Fylki þann 11. júní og fór leikurinn fram á Helgafellsvellinum. Leikurinn var fjörugur, alls voru skoruð sex mörk en því miður vora fjögur þeirra Fylkismanna. Lokatölur urðu því 2-4 en staðan í hálfleik var 2-3. Mörk ÍBV skomðu þeir Kevin Barr og Ivar Róbertsson.

Þriðji flokkur karla lék tvo leiki og fór þeir báðir fram á fastalandinu. Fyrst var leikið gegn Stjömunni og endaði sá leikur 0-0. Daginn eftir var svo leikið gegn FH í bikarkeppninni og fór leikurinn fram í Hafnarfirði. Heimamenn unnu leikinn 4-1 og því er ÍBV úr leik í bikamum þetta árið en mark ÍBV skoraði Einar Kárason.

Fimmti flokkur karla sína fyrstu leiki í Íslandsmótinu en þá komu FHingar í heimsókn. ÍBV teflir fram fjórum liðum í fimmta flokki. A liðið 3-3, B-liðið 3-3, C-liðið 1-5 en D-liðið 1-4.

Þriðji flokkur kvenna lék tvo leiki helgina 7-9 júní og fóru báðir fram á Stór-Reykjavíkursvæðinu. Á laugardaginn var leikið gegn Valsstúlkum og endaði leikurinn með sigri heimastúJkna 3-4. Á sunnudaginn mættu stelpurnar svo Stjömunni 0-6. Fjórði flokkur kvenna lék einnig tvívegis, fyrst gegn ÍR og svo gegn Fylki en viðureignirnar fóra fram í Reykjavík. í fjórða flokki kvenna era bæði A- og B-lið en A-liðið vann ÍR, gerði jafntefli 1-1 og Bliðið 5-0. A-liðið vann svo Fylki 0-0 og B-liðið 1-2.

=== '''ÍBV með þrjú gull og tvö silfur''' ===
Þrettánda pæjumóti ÍBV fór fram um miðjan júnímánuð en það er eitt stærsta knattspyrnumót sem haldið er ár hvert í kvennaboltanum. Um sjöhundruð þátttakendur voru mættir á Vöruvalsmótið sem virðist vera ná sér á strik aftur eftir að hafa verið á niðurleið árin áður. Þær breytingar sem núverandi mótstjórn gerði á mótinu í fyrra er að skila meirí umfjöllun um mótið sem gerir það eftirsóknarverðara fyrir stelpurnar. Mótið í ár tókst mjög vel, veðrið var ágætt mótsdagana og allt gekk samkvæmt áætlun. Framkvæmdin á mótinu var með svipuðu sniði og árið áður, flokkarnir voru þrír, fjórði, fimmti og sjötti flokkur kvenna og var keppt í A- og B-Iiðum í fjórða og sjötta flokki en í fimmta flokki bættust C-liðin við. Þó að fótboltinn hafi spilað stóra rullu í mótinu þá var séð til þess að varla liði sú mínúta hjá stelpunum þar sem þær höfðu ekki eitthvað fyrir stafni og meðal þess sem boðið var upp á var golfkennsla, stutter útreiðartúr, bátsferð, kvöldvaka, diskótek, frítt í sund og svo snæddu að sjálfsögðu allar stelpurnar saman í Höllinni. Þar fór einnig fram verðlaunaafhending en þar var gerð ein breyting á í ár, nú var ekki verðlaunað fyrir flest skoruð mörk og ekki ólíklegt að framkvæmdin við að telja saman mörkin hafi orðið til þess að þessum lið var sleppt. Annars voru fjölmörg verðlaun veitt í lok mótsins og voru ekki margir þátttakendur sem ekki fengu einhver verðlaun. Meðal annars voru veitt verðlaun fyrir prúðustu liðin, háttvísisverðlaun Visa og KSÍ, prúðustu leikmennirnir og þeir bestu í hverjum flokki fyrir sig.

Hápunkturinn var svo þegar tilkynnt var hver hlyti Lárusarbikarinn, sem er veittur þeim leikmanni sem þykir vera hvað efnilegastur. Það kom í hlut ungrar Skagastúlku, Thelmu Ýr Gylfadóttur enda vakti hún mikla athygli í mótinu. Í mótslok var ekki annað að sjá en að á hverju andliti væri bros á vör, bæði hjá stelpunum og forráðamönnum liðanna en það ættu að vera bestu þakkirnar sem þeir sem að mótinu koma fá.

'''Úrslit mótsins:'''

'''4. flokkur a-lið:'''

l.Breiðablik

2.ÍA

3. KA

'''4. flokkur b-lið:'''

l.Breiðablik

2.KA

3. Fram

'''5. flokkur a-lið:'''

1. ÍB V

2. Breiðablik

3. Fjölnir

'''5. flokkur b-lið:'''

l.ÍBV

2. Breiðablik

3. UMFA

'''5. flokkur c-lið:'''

l.ÍBV

2. Breiðablik

3. Fjölnir/Breiðablik 2

'''6. flokkur a-lið:'''

l.Breiðablik

2. ÍBV

3. FH/UMFA

'''6. flokkur b-Iið'''

l. FH

2.ÍBV

3. Breiðablik

'''Besti leikmaður 6. flokks:'''

Stefanía Valdimarsdóttir Breiðabliki

'''Besti leikmaður 5. flokks:'''

Ama Björk Guðjónsdóttir ÍBV

'''Besti leikmaður 4. flokks:'''

Thelma Ýr Gylfadóttir ÍA

'''Lárusarbikarinn:'''

Thelma Ýr Gylfadóttir ÍA

'''Prúðasti leikmaður 6. flokks:'''

Alexandra S. Sumarliðadóttir ÍB V

'''Prúðasti leikmaður 5. flokks:'''

Anna Þóra Hrólfsdóttir Fjölni

'''Prúðasti leikmaður 4. flokks:'''

Sara Hrund Ólafsdóttir Stjömunni

=== '''Gott gengi hjá öðrum flokki''' ===
Annar flokkur karla stóð sig vel í júní en það var þétt dagskrá hjá þeim. Alls spiluðu þeir fimm leiki og sigruður þrjá. Strákarnir byrjuðu þó á að tapa fyrir Fylki á heimavelli 2-4. Næsti leikur var gegn KA en sá leikur fór fram í miklu roki sem stóð á annað markið. Þrátt fyrir að sækja undan vindinum í fyrri hálfleik þá náðu strákarnir ekki að skora en fengu nokkur ágætis færi til þess. Í seinni hálfleik var jafnræði með liðunum framan af en undir lok leiksins þyngdist sókn ÍBV. Það var samt sem áður ekki fyrr en þegar komið var í uppbótartíma að dæmt var víti á KA menn sem mótmæltu harðlega en Kevin Barr tók spyrnuna og brást ekki bogalistin. IBV náði þar með í sinn fyrsta sigur í sumar.

Strákarnir sóttu svo Val heim en ÍBV sigraði leikinn 0-4 eftir að staðan hafði verið 0-2 í hálfleik. Mörkin skoruðu þeir Bjarni Rúnar, Kevin, Þorvaldur og Ivar Leifs. Þremur dögum síðar lék liðið svo á móti HK, einnig á útivelli en í þetta skipuð gekk ekki eins vel, strákarnir töpuðu leiknum 5-2 eftir að hafa verið 4-1 undir í hálfleik. Stefán Hauksson gerði bæði mörk ÍBV.

Síðasti leikur júní mánaðar var þegar Stjarnan kom í heimsókn. Strákarnir byrjuðu leikinn ekki vel og lentu tveimur mörkum undir. En varnarjaxlinn Einar Hlöðver Sigurðsson færði sig framar á völlinn og árangurinn lét ekki á sér standa, Einar skoraði þrjú mörk á stuttum tíma en fjórða mark ÍBVgerði Kevin Barr. ÍBVsigraði 4-2 og kom sér þar með upp í annað sæti B-riðils.

=== '''Yngri flokkar''' ===
3. flokkur karla lék tvívegis gegn Þór frá Akureyri en leikirnir fóru fram á Þróttaravelli til að spara liðunum ferðakostnaðinn. Fyrri leikurinn var heimaleikur IBV en sá síðari leikurinn fór fram daginn eftir. ÍBV tapaði fyrri leiknum 3-5 en jafntefli varð í seinni leiknum 2-2.

Fjórði flokkur karla lék gegn jafnöldrum sínum frá ísafírði um miðjan júní en þetta var annar leikur flokksins í sumar. Leikurinn fór fram í Eyjum en lítil gestrisni var sýnd í þessum leik, strákarnir unnu 8 - 1. Mörk ÍBV skoruðu Egill (4), Ellert, (3) og Valtýr.

Fjórði flokkur kvenna spilaði gegn FH en þar er keppt bæði í A- og B-liðum. A-liðið gerði sér lítið fyrir og vann leikinn 8-0. Mörk ÍBV Fanndís (5), Þórhildur,

Svava og Anna. B-liðið vann líka sinn leik en lokatölur þar urðu 6-3.

Mörkin skoruðu þær Kolbrún (3), Ingibjörg, Hafdís og Sara.

=== '''Í vandræðum gegn ungmennaliði''' ===
ÍBV tók á móti ungmennaliða FH en leikurinn átti upphaflega að fara fram í Hafharfirði en vegna vallaraðstæðna þar þágu FH-ingar boð ÍBV um að spila leikinn í Eyjum. Flestir áttu von á öruggum sigri IBV en annað kom upp á daginn og úrvalsdeildarliðið lenti í stökustu vandræðum með ferska Hafnfirðinga. ÍBV hafði þó sigur eftir framlengdan leik, 2-1 en sigurmarkið kom í seinni hálfleik framlengingarinnar. ÍBV spilaði í fyrsta sinn í varabúningunum í þessum leik en þeir virtust ekki færa liðinu mikla heppni. Eyjamenn sóttu fast að marki FH-inga á upphafsmínútunum og á fyrstu fimm mínútunum átti liðið tvo skalla í slá, fyrst Bjarni Geir Viðarsson og svo Gunnar Heiðar Þorvaldsson. Páll Hjarðar átti svo hörkuskalla sem var varinn en ÍBV náði ekki að skora og staðan í hálfleik 0-0. I seinni hálfleik sóttu leikmenn IBV áfram meira en gestimir . Þegar tæpur hálftími var eftir af leiknum skoraði svo Bjami Geir loksins fyrsta mark leiksins eftir ágæta fyrirgjöf Bjamólfs Lárussonar. Nú áttu flestir von á því að ísinn væri brotinn en Hafnfírðingar voru ekki á sama máli. Unglingarnir jöfnuðu svo leikinn níu mínútum síðar og allt galopið í leiknum. Staðan eftir venjulegann leiktíma var 1-1 og því þurfti að grípa til framlengingar. Þar var allt við það sama, IBV var meira með boltann án þess þó að skapa sér veruleg marktækifæri. Eftir 110 mínútna leik dró hins vegar til tíðinda þegar ÍBV fékk hom. Unnar Hólm Olafsson átti þá hörkuskalla að marki gestanna sem markvörður þeirra varði en Bjarni Geir fylgdi vel á eftir og skoraði sigurmarkið afstuttu færi.

=== '''Fyrstu stigin í höfn hjá stelpunum''' ===
Þann 12. júní tók kvennalið ÍBV á móti FH en fyrir leikinn skipuðu þessi lið tvö neðstu sæti deildarinnar. Sigur var liðinu lífsnauðsynlegur en það voru hins vegar gestimir sem komust yfir strax á fjórðu mínútu. En stelpurnar virðast allar vera að koma til, það liðu ekki nema tólf mínútur þar til IBV jafnaði leikinn en lokatölur urðu 5-2 fyrir ÍBV. Mörk IBV skoruðu þær, Bryndís Jóhannesdóttir 2, Margrét Lára Viðarsdóttir, Elena Einisdóttir og Lára Dögg Konráðsdóttir.

=== '''Vantar fleiri æfingasvæði''' ===
Grasvellirnir í Vestmannaeyjum komu seinna til í ár en áður og er sökudólgurinn kuldakastíð sem herjaði á landið í vor. Vallarstarfsmönnum tókst hins vegar vel upp með þrjá af fjórum völlum bæjarins en sá fjórði, Helgafellsvöllur lítur mjög illa út og er nánast ónýtur. Sindri Valló Grétarsson sagði í samtali við Fréttir aðtílstæði að loka Helgafellsvellinum í ákveðinn tíma. „Við þurfum að sá í Helgafellsvöllinn og gefa honum smá hvíld. Við hefðum getað náð honum betri í vor ef við hefðum vatn til að vökva hann en við komumst hvergi í það þarna upp frá. Það er reyndar í athugun núna hvort hægt sé að leggja vatn að vellinum en það er mjög vont að þurfta treysta á að það rigni, sérstaklega á vorin þegar við erum að sá í vellina þá ber það engan árangur ef það er þurrt. Annars er það mín skoðun að æfingasvæði fyrir knattspyrnuna eru alltof lítíl, á Helgafellsvellinum eru fimm lið og flokkar með fullorðnu fólki, meistaraflokkur og annar flokkur karla og kvenna og svo KFS og völlurinn þolir það bara ekki. Týs- og Þórsvöllurinn eru svo undir yngstu krakkana og bæði mótín. Hásteinsvöllur er svo keppnisvöllur bæjarins en hann væri ekki svona góður ef það væru stanslausar æfingar á honum."

=== '''ÍBV leikur áfram á Hásteinsvelli''' ===
Í bæjarblaðinu Fréttum kom fram í byrjun júní að KSÍ hefði dregið keppnisleyfi fyrir Hásteinsvöllinn til baka en áður höfðu sömu aðilar sett völlinn í Bflokk, sem uppfyllti kröfur um keppni í efstu deild. Þess í stað var völlurinn felldur niður í D-flokk en það þýddi að aðeins mætti keppa á vellinum í 2. deild karja og benu því allt til þess að leikur ÍBV gegn KR væri kveðjuleikur karlaliðsins á Hásteinsveíli. Nú hefur þetta breyst því að Ásmundur Friðriksson, formaður stjómar knattspyrnudeildar ÍBV, hefur upplýst að náðst hafi samkomulag við KSÍ um að ÍBV fái að ljúka keppnistímabilinu á Hásteinsvelli. Hvað síðan tekur við að því loknu er enn óljóst.

=== '''Stig fyrir norðan''' ===
19. júní heimsótti ÍBV Þór frá Akureyri. ÍBV var mun betri aðilinn í leiknum, sérstaklega í upphafi leiksins þegar heimamenn komust ekkert áleiðis gegn sókndjörfum Eyjamönnum. IBV hefði með réttu átt að skora eitt mark fyrstu fimmtán mínúturnar en þegar það gekk ekki dró dálítið af Eyjamönnum. Staðan í hálfleik var 0-0 en það var ekki langt liðið á seinni hálfleikinn þegar Tómas Ingi Tómasson fann leiðina í markið. Þá átti hann fast skot sem markvörður Þórs varði en Tómas fylgdi vel á eftir og skoraði úr annari tilraun. Heimamenn náðu smápressu á mark IB V eftir þetta sem endaði með því að heimamenn jöfnuðu leikinn á 62. mínútu. Eftir það áttu leikmenn ÍBV hættulegri færi, lokatölur 1-1.

=== '''Liðsstyrkur í handboltanum''' ===
Tvær austurrískar landsliðskonur í handknattleik hafa gengið til liðs við IBV fyrir næsta keppnistímabil. Um er að ræða 27 ára leikstjórnanda sem heitir Sylvia Strass en hún lék síðast með SG Hessen Hersfeld í Þýskalandi. Hin heitir Birgit Engl, er 23 ára skytta og lék síðast á Spáni. Ennfremur hafa Eyjastúlkur tryggt sér Iiðstyrk Öllu Gorgorian sem undanfarin ár hefur leikið með Gróttu/KR. Enn er allt óvíst með þjálfaramál hjá stelpunum, en Erlingur Richardsson sem þjálfaði liðið í fyrra hefur tekið við karlaliði ÍBV.

=== '''Auðvcldur sigur á toppliðinu''' ===
ÍBV tók á móti KR í fyrsta leik sjöundu umferðar Símadeildarinnar. Fyrir leikinn var KR í efsta sæti deildarinnar á meðan ÍBV sat í því neðsta. Liðið sýndi takta sem ekki hafa sést þetta sumarið og eftir slaka byrjun á Islandsmótinu er loksins kominn byr í seglin og uppskeran var 3 - 0 sigur. Leikurinn var hin besta skemmtun en jafnræði var með liðunum í fyrri hálfleik. Bæði lið fengu sín færi, KR-ingar kannski hættulegri en engu að síður var leikurinn jafn. Eina mark fyrri hálfleiksins kom svo eftir varnarmistök gestanna, Gunnar Heiðar vann þá boltann og sendi á Tómas Inga sem afgreiddi boltann glæsilega í fjærhornið. Seinni hálfleikur fór vel af stað fyrir ÍBV, Sigurður Ragnar Eyjólfsson, starfsmaður KSÍ og framherji KR-inga, braut þá klaufalega af sér og uppskar beint rautt spjald. Eftirleikurinn var leikmönnum IBV auðveldur, liðið lék skynsamlega það sem eftir lifði leiks, lá aftarlega og beitti svo stórhættulegum skyndisóknum sem skiluðu tveimur mörkum frá þeim Bjarnólfi Lárussyni og Gunnari Heiðari.

Hlutverk Hlyns Stefánssonar verður seint metið til fulls, þó að hann hafi oftar verið meira áberandi í leik liðsins þá var það öllum ljóst á vellinum hver stjórnaði leiknum og það er það sem IBV hefur vantað. Hlynur sagði í samtali við Fréttir eftir leikinn að það hefði verið einstaklega ánægjulegt að klæðast aftur treyju ÍBV. ''„Þetta var bara frábær tilfinning að koma inn í liðið aftur. Þetta byrjar náttúrulega á toppleik, KR sem hafði fyrir leikinn bara fengið á sig fjögur mörk. Mér fannst við ráða ferðinni, vorum kannski dálítið óöruggir fyrstu mínúturnar en okkur óx ásmegin eftir því sem leið á. Við skoruðum markið á mjög góðum tímapunkti, í kjölfarið engu þeir svo rautt spjald í upphafi seinni hálfleiks sem gerði varnarvinnuna okkar auðveldari. Við náðum upp góðu spili, bakverðirnir voru duglegir að sækja en svo má ekki gleyma þætti áhorfenda. Stuðningurinn í þessum leik gaf liðinu þann kraft sem við þurftum á að halda í upphafi þannig að það hefur mikið að segja ef fólk mætir á völlinn. Oft veltir lítil þúfa þungu hlassi þannig að við skulum vona að það verði bara áframhaldandi velgengni hjá okkur,"'' sagði Hlynur.

=== '''ÍBV mætir einu stærsta knattspyrnufélagi Svía''' ===
Í júní var dregið í fyrstu umferð forkeppni Evrópukeppni félagsliða en þar er liðum skipt í tvo hópa, efri og neðri hóp þar sem árangur viðkomandi þjóða telur. IBV lenti í neðri hópnum og telst því lakara Iiðið en mótherjinn er sænska úrvalsdeildarliðið AIK Solna í Stokkhóhni. Samkvæmt drættinum átti ÍBV að leika fyrri leikinn á heimavelli en þar sem Fylkismenn leika sinn heimaleik á sama tíma var ákveðið að víxla leikjunum þannig að ÍBV byrjar á útivelli. Leikirnir fara fram 15. Og 29. ágúst AIK er eitt elsta félagið í Svíðþjóð en félagið var stofnað 1891 en knattspyrna hefur verið stunduð þar síðan 1896. AIK hefur alltaf verið í Allsvenskan síðan sú deild var stofnuð árið 1924 fyrir utan þrjú tímabil.

=== '''Jákvæð vika að mestu''' ===
Þriðji flokkur karla lék gegn Þrótti Reykjavík í Eyjum fimmtudaginn 20. júní. Leikurinn var heldur betur fjörugur en Eyjapeyjar áttu ekki í vandræðum með gestina enda unnu þeir 5-1.

Fjórði flokkur karla lék gegn Gróttu en leiknum hafði nokkrum sinnum verið frestað. Eftir jafnan fyrri hálfleik þar sem staðan var 1-1 í hálfleik tóku Eyjapeyjar öll völd á vellinum, skoruðu fjögur mörk í seinni hálfleik og unnu því 5-1.

Fimmti flokkur karla lék tvo leiki helgina 21-23 júní en þar eru A-, B-, C- og

D-lið. Fyrst var leikið gegn Víkingum en báðir leikirnir fóru fram á fastalandinu. A- og B-liðin sigruðu bæði 0-2 en C- og D-liðin töpuðu hins vegar 3-1. A sunnudeginum

var svo farið upp á Skipaskaga þar sem leikið var gegn heimamönnum. ÍBV tapaði öllum leikjunum þar, Aliðið 0-3 , B-liðið 6-1 (Hjálmar Viðarsson), C-liðið 4-l(Ásgeir Ingimarsson), D-liðið 5-2 (Ingi Þór Þórarinsson).

Fjórði flokkur kvenna lék gegn HK en þar eru bæði A- og B-lið. Bæði lið sigruðu í sfnum leikjum, A-liðið 6-2 og B liðið 4-2.

=== '''Sæti á Hásteinsvöll fyrir Evrópuleikinn í ágúst?''' ===
Eyjamenn keppa í forkeppni Evrópu í knattspyrnu í ágúst gegn sænska liðinu AIK Solna. Aðbúnaðurinn á Hásteinsvelli er ekki til þess fallinn að hægt verði að keppa heimaleikinn í Eyjum þar sem sæti vantar í nýju stúkuna. Forystumenn knattspyrnudeildar ÍBV leituðu til bæjaryfirvalda um lausn á málinu. Um er að ræða sæti fyrir allt að 560 manns. Samkvæmt upplýsingum frá KSÍ þarf að vera komin ákvörðun um málið fyrir 9. júlí nk. þar sem þá rennur út frestur KSÍ að tilkynna á hvaða velli leikurinn fer fram. Hásteinsvöllurinn hefur verið talsvert í umræðunni að undanförnu og það ekki af góðu enda hefur KSI afturkallað keppnisleyfi vallarins vegna girðingar sem ekki er komin upp vestan megin við völlinn. Eftir talsvert þjark bakkaði KSÍ þó með ákvörðun sína og um samdist að ÍBV fær að klára þetta tímabil á vellinum gegn því að málið yrði klárað fyrir upphaf næsta tímabils. Umhverfisnefnd Vestmannaeyjabæjar hafnaði aftur á móti erindi ÍBV-íþróttafélags um leyfi til að setja umrædda girðingu upp á fundi sínum 26. júní sl. þar sem um væri að ræða verulega sjónmengun að mati allra nefndarmanna nema Huldu Sigurðardóttur sem sat hjá við afgreiðslu málsins. Málið er því í nokkurri óvissu eins og er. Bæjarráð tók fyrir uppsetningu sætanna á fundi sínum á mánudag þar sem það var samþykkt að gera ráð fyrir allt að einni og hálfri milljón í endurskoðaðri fjárhagsáætlun bæjarsjóðs til kaupa og uppsetningar 540 - 560 sæta í áhorfendastúkuna. Stólarnir eru sömu gerðar og á Laugardalsvelli og Grindavíkurvelli. „Fjárveitingin er háð því að samkomulag takist milli ÍBV íþróttafélags og KSÍ um að Hásteinsvöllur uppfylli öll skilyrði KSÍ og jafnframt verði fallið frá kröfu um sérstaka girðingu sunnan vallarsvæðisins, en fyrir liggur rökstudd höfnun umhverfisnefnda.

=== '''Vel heppnað Shellmót''' ===
Allsherjar knattspyrnuveisla var á árlegu Shellmóti sem nú fór fram í 19. sinn. Þarna voru komnir saman strákar í sjötta flokki frá öllum landshlutum til að etja kappi á vellinum, skemmta sér og kynnast hver öðrum. Það var ekki annað að sjá á lokahófinu á sunnudaginn en mótshöldurum hafi tekist vel upp í ár, eins og reyndar undanfarin nítján ár. Veðrið hefur alltaf mikið að segja um það hvernig tekst til og veðurguðirnir voru hliðhollir mótshöldurum nema á sunnudaginn þegar hann blés af austri en strákarnir létu það ekki á sig fá. Þátttakendur í mótinu voru um 1200, leikmenn, þjálfarar og fararstjórar. Þá fylgdi fjöldinn allure af foreldrum með og er ekki ólíklegt að í heildina hafi verið hér rúmlega tvö þúsund manns. í ár var tekin ákvörðun um það að setningin færi framvegis fram á fimmtudagskvöldinu en fyrstu leikirnir fóru fram á fimmtudagsmorgninum. Setningin hitti beint í mark eins og alltaf, listflugið og flugeldasýningin eru alltaf vinsæl meðal krakkanna og knattspyrnuleikurinn þar sem Stjörnulið Ómars og Slökkviliðið áttust við var mjög vel heppnaður þetta árið.

Njarðvík sigraði í úrslitaleik A liða eftir stórskemmtilegan leik 3-1 gegn FH. Hjá B-liðum sigruðu hins vegar FH-ingar, í Cliðum voru það Fylkismenn sem sigruðu ÍBV í úrslitaleik og í D liðum voru það Njarðvíkingar sem stóðu uppi sem sigurvegarar. Eyjaliðunum gekk ágætlega í mótinu. C-liðið náði frábærum árangri og spilaði til úrslita gegn Fylki. A-lið ÍBV endaði í þriðja sæti í innimótinu en í fjórða sæti í sínum riðli. B-Iiðið endaði í þriðja sæti í sínum riðli en í keppni D-liða sendi IBV tvö lið þar sem annað liðið var sem gestalið en hitt liðið lenti í fjórða sæti. I ár var aðeins spilað um átta efstu sætin en þau lið sem enduðu þar fyrir neðan spiluðu svokallaða jafningjaleiki en þar töpuðu A-Iiðið og annað Dliðið sínum leikjum en B-liðið og hitt D-liðið unnu sína leiki.

Hjá ÍBV er nýr yfirþjálfari í knattspyrnu, en hann heitir Halldór Örn Þorsteinsson.Auk þess að hafa yfirumsjón með starfi yngri flokkanna þjálfar hann sjötta, fimmta og fjórða flokk karla. Halldór sagði í samtali við Fréttir að í heild væri hann mjög ánægður með árangur Eyjaliðanna. Halldór hefur nokkra reynslu af Shellmótum en þetta var ekki fyrsta mótið hans. ''„Ég held að þetta sé fjórða mótið mitt en ég kom hingað með Fylki 1994 til 1996. Það er auðvitað dálítið öðruvísi að vera með Eyjastrákana í mótinu heldur en að koma með lið ofanaflandi. Það er allt önnur vinna'' ''að halda utan um hópinn, við gistum auðvitað ekki í skólunum og við treystum meira á foreldrana við það að koma strákunum tímanlega í þá viðburði sem þeir eiga að mæta í."'' Ertu sáttur við gengiþinna liða?

''„ Já, ég held að ég geti sagt að ég sé þokkalega sáttur við okkar gengi í mótinu. Keppnin í A-liðum var t.d. mjög jöfh í ár, fyrir utan átta efstu liðin voru líklega ein sex lið sem hefðu getað unnið mótið, einn tapleikur og þá eru menn komnir í vond mál. Við áttum t.d. slæman tíu mínútna kafla á móti Gróttu, vorum yfir 4-1 yfir þegar tíu mínútur voru eftir en töpuðum 5-4. Þar með var von um að komast í úrslit nánast úr sögunni. B-liðið var mjög nálægt því að komast í átta liða úrslit sem var markmið okkar með öll liðin. C-liðið stendur auðvitað svolítið upp úr þegar maður skoðar árangurinn. Þeir unnu innimótið og lenda svo í öðru sæti í aðalmótinu en í C- og D liðunum voru aðallega strákar á yngra ári. Þannig að þetta lítur ágætlega út en auðvitað megum við ekki setja of mikla pressu á strákana þannig að við skulum bara bíða og sjá til."''

=== '''Magalending á Skaganum''' ===
Eftir góðan sigur á KR á heimavelli voru stuðningsmenn ÍBV nokkuð bjartsýnir á hagstæð úrslit þegar karlaliðið mætti neðsta liði deildarinnar, ÍA á heimavelli þeirra. Til að gera langa sögu stutta þá átti IBV aldrei möguleika í leiknum. Skagamenn skoruðu eftir aðeins tæpar tvær mínútur og má segja að þar með hafi neistinn verið slökktur í Eyjamönnum. Skagamenn skoruðu svo þrisvar sinnum í viðbót áður en að Gareth Graham svaraði fyrir IBV á lokamínútu leiksins. ÍBV situr nú á botni deildarinnar með átta stig eins og Skagamenn.

'''Yngri flokkar'''

Annar flokkur kvenna lék í lok júní gegn Breiðablik íKópavogi. Leikurinn endaði með stórsigri Blikanna, 7-0 en staðan í hálfleik var 1-0. Þetta var aðeins annar leikur liðsins í sumar en báðir hafa tapast.

Þriðji flokkur kvenna spilaði tvo leiki um helgina og tapaði stórt. Fyrst var leikið gegn Fjölni og þar steinlá IBV 10-2 en mörkin gerðu Arna Baldursdóttir og Tanja Sigurjónsdóttir. Seinni leikurinn var svo gegn KR, hann hann tapaðist 7-0 en báðir leikirnir fóru fram í Reykjavík.

== '''JÚLÍ''' ==

=== '''Stelpurnar ekki i Evrópukeppni''' ===
Meistaraflokkur ÍBV kvenna í handknattleik vann sér inn rétt til að taka þátt í Evrópukeppni bikarhafa næsta vetur. Nú hefur verið tekin ákvörðun um að taka ekki þátt í Evrópukeppninni í ár. Þorvarður Þorvaldsson, formaður handknattleiksráðs kvenna sagði að fyrst og fremst væri ástæðan sú hversu breyttur leikmannahópurinn er''. „Við höfum gengið í gegnum miklar breytingar og það tekur alltaf tíma að slípa liðið saman. Evrópukeppnin byrjar snemma en við viljum frekar einbeita okkur að uppbyggingu á liðinu frekar en að fara út í mikil fjárútlát vegna Evrópukeppni. Svo er líka þreföld umferð í Íslandsmótinu sem þýðir 27 leiki bara í deild og svo bætist við bikar og úrslitakeppni og okkur finnst það alveg nóg."''

Unnur Sigmarsdóttir hefur verið ráðin þjálfari meistaraflokks kvenna í handbolta en liðið varð bikarmeistari á síðastliðnu keppnistímabili. Unnur spilaði með IBV á árum áður og hefur þjálfað yngri flokka í handbolta í mörg ár ásamt því að að taka virkan þátt í starfi meistaraflokks. Unnur tekur við af Erlingi Richardssyni, sem nú hefur tekið við karlaliði ÍBV.

=== '''Margrét Lára í U- 17''' ===
Í byrjun júlí fór fram Norðurlandamótið í knattspyrnu skipað stúlkum 17 ára og yngri. Eyjamenn eiga einn fulltrúa í íslenska liðinu, Margréti Lára Viðarsdóttur. Stelpurnar náði sínum besta árangri til þessa á Norðurlandamóti. Margrét Lára, lék alla leiki liðsins og lék stórt hlutverk með liðinu. Íslenska liðið spilað gegn Hollandi um þriðja sætið og vann leikinn 2-0.

=== '''Þrjúhundruð einstaklingar koma að Vöruvals- og Shellmótum''' ===
Í síðasta mánuði hefur ÍBV-íþróttafélag haldið hér tvö stór knattspyrnumót Vöruvalsmótið og Shellmótið. Bæjarlífið hér breyttist gífurlega, á þessi mót koma hér um þrjú þúsund manns og það rúmlega, verslun og þjónusta eykst og bærinn iðar.

En til að halda svona stór mót sem hér eru í gangi þurfum við að hafa aðgang að fjölmörgum sjálfboðaliðum og góða styrktaraðila. Shellmóts- og Vöruvalsnefndir taka til starfa snemma á vorin og byrja að skipuleggja mótin, senda út þátttökutilkyningar, finna styrktaraðila og huga að öllu sem viðkemur mótunum. Kvennadeild IBV-íþróttafélags kemur að báðum mótum og skila þær míklu starfi tíl félagsins, þær sjá um að manna vaktir í skólum, þrif í skólum og félagsheimilum, verslanir sem eru starfræktar í Týs- og Þórsheimili og annað sem fellur til. Eftir að hafa fylgst með þessum tveimur mótum og sjá hvað mikið starf er unnið getur maður ekki annað en dáðst að þeirri miklu og óeigingjörnu vinnu sem fólk leggur á sig og það besta er að það hafa allir gaman af þessu sem gerir þetta að svo góðum mótum sem þau eru.

Því vil ég fyrir hönd ÍBV-íþróttafélags þakka öllum þeim sem koma að mótunum, Shell- og Vöruvalsnefnd, Kvennadeildinni, tölvu og blaðaútgáfu, þrifafólki, starfsfólki í mötuneyti, dómurum, gæslumönnum í skólum, starfsfólki í félagsheimilum svo eitthvað sé nefnt því það eru um 300 einstaklingar sem koma að þessum mótum. Enn og aftur, hafið þakkir fyrir, sama hver vinnan er, því margt smátt gerir eitt stórt. Og nú fer að styttast í þjóðhátíð og þar koma líka margir sjálfboðaliðar að, þjóðhátíðarnefhd, málningargengi, vita (svartagengið) gengið, myllan, hofið, einingin og aðrir.

Með fyrirfram þökk fyrir ykkar vinnu og stuðninginn við okkar félag.

F. h. ÍBV- íþróttafélags, Óskar Freyr Brynjarsson.

=== '''Létu hendur standa fram úr ermum''' ===
ÍBV-strákarnir sitja ekki auðum höndum og eru nú að rífa Baldur VE 24, elsta bát íslenska flotans. Þetta er liður í fjáröflun strákanna sem grípa hvert tækifæri sem gefst til að afla sér peninga. Um Baldur er það að segja að Sigurmundur Einarsson, ferðafrömuður, hafði augastað á bátnum fyrir hvalaskoðun en eftir að gerð var úttekt á ástandi Baldurs var ljóst að viðgerð borgaði sig ekki.

=== '''Gerðu það sem þurfti''' ===
ÍBV tók á móti Þrótti frá Reykjavík í sextán liða úrslitum Coca Cola bikarsins þann 3. júlí. ÍBV byrjaði af miklum krafti og eftir tæpar átján mínútur var staðan orðin 2-0 fyrir ÍBV. Það urðu svo lokatölur leiksins og í átta liða úrslitum mun ÍBV mæta öðru 1. deildarliði, Leiftur/Dalvfk. Mörk ÍBV skoruðu þeir; Gunnar Heiðar Þorvaldsson og Bjarni Geir Viðarsson.

=== '''Slakt á Esso-mótinu''' ===
Helgina 5-7 júlí var haldið hið árlega Essomót á Akureyri sem er knattspyrnumót fyrir drengi í fimmta flokki. Mótið er svipað umfangs og Shellmót okkar Eyjamanna.

ÍBV átti sína fulltrúa á mótinu og var árangur liðanna ekki sem bestur. A-liðið náði bestum árangri, níunda sæti en B-, C- og D-liðin voru öll í hópi neðstu liða.

Halldór Öm Þorsteinsson þjálfari drengjanna var ekki nógu ánægður með árangurinn. ''„Félag eins og IBV á ekki að sætta sig við að eiga lið í 25., 27. og 30. sæti af 36 liðum. Þetta var mjög slakt hjá okkur fyrir norðan, reyndar náði A-liðið ágætum árangri og þeir voru í raun óheppnir að ná ekki lengra. Mótið snýst auðvitað um meira en árangur og við skemmtum okkur ágætlega. Esso-mótinu hefur vaxið fiskur um hrygg á undanfömum árum og er að verða stærra en Shellmótið, það er að segja fleiri þáttakendur. Þetta er öðruvísi upp sett, liðin spila fleiri leiki og það er meiri harka enda strákamir orðnir stærri og sterkari."''

=== '''Sæti á Hásteinsvöll''' ===
Nú hefur fengist staðfest að ráðist verður í að setja sæti við Hásteinsvöllinn, 540 talsins svo að ÍBV fái að spila Evrópuleik sinn gegn AIK á vellinum. Ásmundur Friðriksson, formaður knattspyrnudeilar var að stíga út af fundi með forráðamönnum KSÍ á þriðjudaginn þegar Fréttir náðu tali af honum. Hann sagði að Hásteinsvöllur hefði aftur fengið sitt upprunalega keppnisleyfí. ''„Við ræddum þessi mál í rólegheitum og nú er komin niðurstaða. Við fáum þann frest sem við höfðum fyrir keppnistímabilið í sambandi við girðinguna og völlurinn hefur því keppnisleyfi til 2005. Um leið og þetta var klárt þá sendum við inn keppnisleyfi til UEFA um að fá að nota völlinn í leiknum gegn AIK og það eru meiri líkur en minni að það gangi í gegn.''

''Það er búið að panta sætin þannig að þetta verður allt orðið klárt þegar við tökum á móti Svíunum í ágúst."''

=== '''Gunnar Heiðar i úrvalið''' ===
KSÍ hefur tekið upp þá nýbreytni að verðlauna þá leikmenn, þjálfara og dómara sem hafa staðið sig best í upphafi Islandsmótsins. Það eru blaðamenn sem standa fyrir valinu og verður kosið þrívegis, fyrir umferðir 1 ti 6,7 til 12og l3 til 18.

Einn leikmaður ÍBV kemst í þennan úrvalshóp, Gunnar Heiðar Þorvaldsson, framherjinn ungi, er í úrvalsliðinu enda hefur hann spilað mjög vel í upphafí sumarsins, skoraði m.a. fjögur mörk í fyrstu sex umferðunum og er á meðal markahæstu leikmannanna. Annar Eyjamaður, Sigurvin Ólafsson var einnig valinn í úrvalsliðið og gott betur því hann var einnig kosinn leikmaður fyrstu sex umferðanna en hann meiddist í bikarleiknum gegn KFS og er úr leik í nokkum tíma.

=== '''Sigur í flestum leikjum yngri flokkanna''' ===
Yngri flokkarnir voru fyrirferðarmiklir í byrjun júlí. 2. flokkur karla tók á móti ÍR í bikarkeppninni en leikurinn var í sextán liða úrslitum. Leikið var við frábærar aðstæður á Hásteinsvellinum, logni og góðu veðri. Mikil barátta var í leiknum en ÍBV var yfir 1 - 0 í hálfleik. Gestirnir komust hins vegar yfir í seinni hálfleik 1-2 en í kjölfarið fylgdu fjögur Eyjamörk og unnu strákarnir því leikinn 5-2. í átta liða úrslitum eiga strákarnir erfiðan útileik en þá mæta þeir Leikni úr Reykjavfk en liðin hafa áður mæst í sumar og gerðu þá jafntefli á Helgafellsvellinum í B-riðli Islandsmótsins. Þriðji flokkur karla lék gegn Leikni og fór leikurinn fram í Reykjavfk. Strákamir stóðu sig vel, skoruðu fjögur mörk á útivelli og unnu 0-4. Fjórði flokkur karla lék gegn Selfossi og fór leikurinn fram hér í Eyjum. Strákarnir unnu Selfyssinga með minnsta mögulega mun, 2-1 og skoraði Ellert Scheving Pálsson bæði mörk liðsins, svo var leikið í Keflavfk og var sú ferð ekki til fjár, strákarnir töpuðu 6-3. 3. flokkur kvenna lék gegn FH, en leikurinn fór fram hér í Eyjum. ÍBV fór létt með Hafnfirðingu og vann 4-1. Stelpurnar tóku svo á móti Breiðablik en blikastúlkur fóru létt með heimaliðið og unnuleikinn 1-6.

=== '''Mikið pantað á þjóðhátíð''' ===
Í aðdraganda Þjóðhátíðar tóku Fréttir púslinn á flutningsaðilum og virðist stefna í að aðsókn á hátíðina verði svipuð og í fyrra. Hjá Flugfélagi Vestmannaeyja fengust þær upplýsingar að uppselt er í ferðir til Eyja á föstudeginum og til baka á mánudeginum og bókanir langt komnar á fimmtudeginum, en þó eitthvað laust fyrri part i dags. Arnór Páll Valdimarsson hjá Flugfélagi I Vestmannaeyja sagði að fjöldin væri svipaður og í fyrra. „Þó eru pantanir nokkuð fyrr á í ferðinni nú en í fyrra og við höfum tekið upp það nýmæli að vera með staðfestingagjald sem vonandi skilar sér í betri nýtingu, en nokkuð var um það í fyrra að vélarnar okkar þurftu að bíða lengi eftir farþegum á Bakka og talsvert var um forföll." Arnór segir þó að þrátt fyrir góðar likur hjá þeim séu það veðurguðirnir sem eigi síðasta orðið. Samkvæmt upplýsingum frá Pétri Hafliðasyni sem sér um innanlandsflug Islandsflugs eru sjö ferðir áætlaðar á fimmtudeginum og þrettán ferðir á föstudeginum. Að mestu verður flogið með ATR vél íslandsflugs, Heimaey en einnig eru einhverjar ferðir fyrirhugaðar með Dornier vélum íslandsflugs. Þá mun Flugfélag íslands fara einhverjar ferðir á Fokker vélum sínum og nú þegar eru tvær fyrirhugaðar á föstudeginum. Einhver sæti eru laus á fimmtudeginum en á föstudeginum er fullt í allar vélar nema í þá síðustu á föstudagskvöld. Björgvin Arnaldsson framkvæmdastjóri Samskipa í Vestmannaeyjum sagði í samtali við Fréttir að í vikunni fyrir þjóðhátíð væru rúmlega 3100 manns bókaðir til Eyja í tíu ferðum frá mánudegi til föstudags og er það um sextíu og fimm prósent af flutningsgetu skipsins á tímabilinu. I gær féllu úr gildi óstaðfestar pantanir og verður byrjað í dag að selja í þau sæti sem hafa losnað. Björgvin segir bókanir í svipuðu farvatni og í fyrra en mikið væri spurt um fartil Eyja um verslunarmannahelgina.

=== '''Ótrúlegt framferði að tilkynna hækkun rétt fyrir þjóðhátíð''' ===
Ákvörðun dómsmálaráðherra um aukinn hlut þeírra sem standa fyrir útihátíðum í löggæslukostnaði bitnar hart á þjóðhátíð. Þetta kom eins og þruma úr heiðskíru lofti yfir þjóðhátíðarnefnd sem hafði gengið út frá allt öðrum forsendum í áætlunum sínum. ''„Þetta er alveg ótrúlegt framferði að skella hækkuninni fram svona rétt fyrir þjóðhátíð,"'' sagði Birgir Guðjónsson, formaður þjóðhátíðarnefndar, í samtali við Fréttir. ''„Það er ekki eins og við höfum ekki borgað í löggæslukostnaði til þessa. Í fyrra þurftum við að borga 1800 þúsund vegna lögreglu. Nú er gert ráð fyrir að löggæslan kosti 4,5 milljónir í ár og af því eigum við að borga tvo þriðju eða 3 milljónir króna."'' Birgir segir að í fyrra hafi komið 11 lögreglumenn af fastalandinu og auk þeirra tveir fíkniefnalögreglumenn og tveir hundar. Lögreglumenn í Vestmannaeyjum eru 11 þannig að í allt voru a.m.k. 22 lögreglumenn að störfum á þjóðhátíðinni og 70 til 80 gæslumenn. ''„Þessi leynipóstur frá ráðuneytinu kemur okkur mjög illa en mér finnst að það ætti frekar að verðlauna okkur fyrir að vera með allt á þurru. Ætli það láti ekki nærri að gæsla kosti okkur 6 milljónir og þegar bætast við virðisaukaskattur og stefgjöld er skattheimta á þjóðhátíðina orðin nálægt 10 milljónum króna. En frú Sólveig Pétursdóttir dómsmálaráðherra vill kannski frekar sms-hátíðir þar sem krakkarnir koma saman eftirlitslaust,"'' sagði Birgir að lokum.

Bæjarráð hefur samþykkt að skipa nefnd til að ræða við dómsmálaráðuneytið um málið.

=== '''-Ekki landsbyggðaskattur''' ===
Sólveig Pétursdóttir dómsmálaráðherra segir að fréttaflutningur af löggæslukostnaði á útihátíðum hafi verið skrýtinn og að þarna sé um landsbyggðarskatt að ræða sé af og frá. ''„Fram til ársins 1999 borguðu mótshaldarar allan aukakostnað vegna löggæslu en þá var stofnaður sjóður sem borgaði hluta kostnaðarins. Því miður eru ekki nema 7,5 milljónir í þessum sjóði í ár og þar verður að gæta jafnræðis. Sjóðurinn var stofnaður til að gera minni lögregluumdæmum út um land kleift að halda uppi löggæslu á útihátíðum á sínum svæðum. Lögreglan í Reykjavík hefur aldrei fengið úthlutað úr sjóðnum en hún hefur gert þeim sem staðið hafa fyrir skemmtunum í Reykjavík að greiða fyrir aukna löggæslu. Það er því alrangt að hækkun á löggæslu vegna verslunarmannahelgarinnar nú sé landsbyggðarskattur. Málið er, að það eru ekki til meiri peningar,"'' sagði Sólveig.

=== '''Komust af botninum''' ===
ÍBV lék tvo heimaleiki á stuttum tíma um miðjan júlí, fyrst gegn FH og svo gegn KA. Leikurinn gegn FH var ágætlega leikinn af hálfu ÍBV, sérstaklega fyrri hálfleikur en í seinni hálfleik var farið að draga verulega af leikmönnum ÍBV. Eyjamenn sigruðu með tveimur mörkum gegn engu og náðu þar með að rífa sig upp af botni deildarinnar. Mörk ÍBV skoruðu þeir Bjarni Geir Viðarsson og Gunnar Heiðar Þorvaldsson. Ekki gekk eins vel á móti KA þar sem IBV mátti þakka fyrir jafntefli eftir að hafa verið miklu betri aðilinn í fyrri hálfleik en ÍBV missti af gullnu tækifæri á að slíta sig enn frekar frá botnbaráttunni og jafnvel blanda sér í baráttu um efstu sætin. IBV byrjaði leikinn ágætlega og náðu leikmenn fljótlega undirtökunum í leiknum. Leikurinn var annars nokkuð harður, sérstaklega í fyrri hálfleik. IBV komst yfir á 26. mínútu þegar liðið fékk aukaspyrnu rétt fyrir utan vítateig gestanna. Bjarnólfur Lárusson var hins vegar ekkert að tvínóna við hlutina, lét vaða á markið og inn fór hann. Boltinn hafði reyndar viðkomu í varnarmanni en engu að síður glæsilegt mark. I seinni hálfleik freistuðust leikmenn liðsins til þess að verja stigin þrjú eins og gegn FH en það bauð hættunni heim. Til marks um hversu slakur sóknarleikur liðsins var þá átti ÍB V aðeins einn skalla að marki KA í seinni hálfleik og ekkert skot, sem hlýtur að teljast saga til næsta bæjar. Svo fór að KA menn jöfnuðu leikinn fimmtán mínútum fyrir leikslok. Niðurstaðan varð því jafntefli sem í heildina séð voru líklega sanngjörn úrslit.

=== '''Ingi Sigurðsson bætti leikjamet ÍBV''' ===
Ingi Sigurðsson bætti leikjamet ÍBV í leiknum gegn KA en þá spilaði hann 190. leik sinn í deildarkeppni með IBV en fyrra metíð átti Þórður Hallgrímsson. Nú er bara að sjá hvort Ingi nær 200 leikjum en hann á aðeins möguleika á að ná 199 leikjum á þessu tímabili.

=== '''4. flokkur kvenna''' ===
Liðið þrjá leiki á einni viku. Stelpurnar spiluðu við Grindavík, Hauka og Fjölni. Fyrstu tveir leikirnir gengu ekki sem best á útivelli. A-liðið tapaði 2-1 fyrir Grindavík og 3-2 fyrir Haukum. B-liðið gerði 1-1 jafntefli við Hauka. Bæði liðin unnu svo Fjölni hér heima. A-liðið vann 3-0 og bliðið 4-1. A-liðið á litla möguleika á að komast í úrslit en þær hafa tapað 4 mikilvægum leikjum á útivelli. B-liðiðná góða möguleika á að komast í úrslit.

=== '''Þrjú stig úr tveimur leikjum''' ===
ÍBV tók á móti Þór/KA/KS þann 11. Júlí þegar sjöundu umferð Islandsmótsins fór fram. ÍBV átti ekki í teljandi vandræðum en staðan í hálfleik var 2-0. Stelpurnar leyfðu sér að slaka aðeins á í síðari hálfleik en engu að síður var sigurinn aldrei í hættu og lokatölur urðu 3-1 fyrir ÍBV. Bryndís Jóhannesdóttir kom ÍBV í 1 -0 strax á sjöundu mínútu eftir góðan undirbúning Laufeyjar Ólafsdóttur. Margrét Lára Viðarsdóttir skorði annað mark ÍBV eftir sending Bryndísar. Margrét Lára var svo aftur á ferðinni í lok leiksins eftir stungusendingu Elenu Einisdóttur.

Fjórum dögum síðar tóku stelpurnar á móti Breiðablik. Eyjastúlkur byrjuðu leikinn mun betur og fyrstu tuttugu mínútur leiksins var einstefna að marki Blika. Þær náðu þó ekki að skapa sér nein afgerandi færi. Breiðablik komst svo yfir á 35. mínútu eftir að Eyjastúlkur töpuðu boltanum klaufalega á miðbiki vallarins, boltinn barst til Margrétar Ólafsdóttur sem fór illa með varnarmenn ÍBV, lék sig í gegn og vippaði yfir Petru í markinu. Eftir markið lifnaði yfir leik Blika og litlu munaði að þær bættu við öðru marki strax í næstu sókn en skot þeirra var rétt framhjá. Blikar fengu nokkur góð færi til að klára leikinn en Petra Bragadóttir markvörður og Michelle Barr, besti leikmaður ÍBV í leiknum björguðu því sem bjargað varð.

Fyrir leikinn gegn Þór/KA/KS fengu tveir leikmanna IBV viðurkenningu en þær Elena Einisdóttir og Sigríður Ása Friðriksdóttir rufu báðar hundrað Ieikja múrinn á dögunum, Elena gegn KR en Sigríður Ása gegn Þór/KA/KS. Þar með er Elena orðin leikjahæst ÍBV frá upphafi með 101 leik að baki en leikirnir verða sjálfsagt töluvert fleiri enda er Elena aðeins 24 ára og Sigríður 23.

=== '''Gothia Cup''' ===
Í júlí héldu tveir flokkar frá IBV, þriðji flokkur karla og kvenna, til Svíþjóðar þar sem fram fer hið árlega Gothia Cup í Gautaborg. Mótið er eitt stærsta knattspyrnumót veraldar en alls munu tæplega 1300 lið taka þátt í mótinu og þátttakendur eru í kringum 25 þúsund manns. Mótið er mjög glæsilegt en Eyjamenn hafa nokkrum sinnum áður tekið þátt í því, fyrst undir merkum Þórs. Þjálfarar liðanna eru Dragan Manojlovic og Sara Ólafsdóttir.

=== '''2. flokkur áfram í bikarnum''' ===
Annar flokkur karla heimsótti Fjölni í Grafarvogi í hörkuleik þar sem Fjölnismenn höfðu heppnina með sér og sigruðu 2-1. Mark IBV skoraði Kevin Barr. IBV siglir nokkuð lygnan sjó í B riðli, er í fimmta sæti með tólf stig en það er stutt í toppinn og staðan fljótt að breytast. Fimmti flokkur karla lék gegn Þrótti en keppt er í A-, B-, C- og D-liðum í fimmta flokki. ÍBV vann allar viðureignimar, A-liðið vann 2-1, B- liðið 2-0, C-liðið 4-0 og D-liðið vann sinn leik 3-2. Annar flokkur kvenna lék þriðjudaginn 16. júlí í bikarkeppninni en þá var leikið í átta liða úrslitum. ÍBV lék gegn Fylki og fór leikurinn fram í Árbænum. ÍBV sigraði nokkuð örugglega 0-4 og eru stelpurnar því komnar í undanúrslit en liðið hefur leikið til úrslita síðustu tvö ár og urðu bikarmeistarar árið 2000.

=== '''Tvær í U-21 árs''' ===
Tveir leikmenn úr kvennaliði ÍBV hafa verið valdar í U-21 árs landslið íslands sem tekur þátt í Norðurlandamótinu sem fram fer í Finnlandi dagana 21-29.júlí. Þær Laufey Ólafsdóttir og Rakel Logadóttir fara með liðinu enda eru þær báðar með leikjahæstu leikmönnunum sem völ er á með U-21 árs liðinu. Þá var Ólafur Berry valinn til þess að taka þátt í úrtaksæfingum fyrir U-17 ára landsliðið en alls voru valdir 27 leikmenn viðsvegar af landinu til æfinga.

=== '''Skipulagsbreyting á umferð í Dalinn''' ===
Skipulagsbreyting hefur verið gerð vegna bílaumferðar og bílastæða fyrir þjóðhátíð. Engin bílaumferð verður leyfð fyrir innan hlið á móts við rukkunarskúrinn og þjóðhátíðargestir þurfa allir að ganga þar í gegn áður en komið er í dalinn.

Bekkjabílar, rútur og leigubílar snúa við á nýja hringtorginu sem er fyrir framan forina og þar fara farþegar úr og í bílana. Einkabílum skal eingöngu leggja við braut 4 á Golfvellinum eins og í fyrra eða við Þórs- og Týsheimili. Göngustígur hefur verið lagður frá aðalbílastæðinu þannig greiðfært ætti að verða fyrir alla fótgangandi. Fólki er bent á að vera búið að koma öllu dóti fyrir í tjöldum sínum fyrir klukkan tvö á föstudag því engin almenn bílaumferð verður leyfð eftir þann tíma.

=== '''Komust áfram á vítaspyrnu''' ===
ÍBV tók á móti sameiginlegu liði Leifturs og Dalvfkur í átta liða úrslitum bikarkeppninnar en norðanmenn spila í 1. deild og eru í harðri botnbaráttu. Leikurinn var fjörugur og opinn, Eyjamenn voru betri aðilinn í leiknum en þrátt fyrir það náðu þeir ekki að nýta sér það og staðan var markalaus í hálfleik. Seinni hálfleikur var rólegri en sá fyrri og í raun fékk IBV aðeins tvö færi í seinni hálfleik. I fyrra skiptið slapp Gunnar Heiðar Þorvaldsson einn inn fyrir vörn gestanna en markvörður norðanmanna bjargaði með góðu úthlaupi. Hitt færið fékk Bjarnólfur Lárusson en hann tók þá vítaspyrnu sem Unnar Hólm Ólafsson hafði fískað svo lygilega vel. Bjarnólfur skoraði úr vítinu og kom IBV þar með áfram í bikarkeppninni.

=== '''Ótrúleg ákvörðun um að flytja undanúrslit bikarsins í Laugardalinn''' ===
Það vekur furðu margra að nú þegar meistaraflokkur karla í fótbolta er kominn í undanúrslit í bikarnum þá skuli vera ákveðið að leikurinn skuli fara fram á Laugardalsvelli. Verður hann 10. september sem er þriðjudagur. Þessi furðulegu stöðu má rekja til síðasta KSÍ-þings þar sem samþykkt var tillaga FH, Grindavíkur og Keflavíkur um að undanúrslit í bikarkeppni karla færi fram á Laugardalsvelli. Það skrýtna í þessu máli er að Laugardalsvöllur er heimavöllur Fram sem vekur upp spurningar um jafnræði því alltaf gefur heimavöllurinn ákveðið forskot. Hefði gamla fyrirkomulagið gilt hefði leikurinn farið fram á Hásteinsvelli því nafn ÍBV á undan Fram upp úr pottinum. Það hlýtur því að vera krafa IBV að leikurinn verði færður á hlutlausan völl. Í samtali við Fréttir segir Jóhannes Ólafsson, stjórnarmaður í KSI, að tillagan hafi runnið svo til mótmælalaust í gegnum þingið og rök flutningsmanna hafi verið að á þessum tíma væri aðeins hægt að leika um miðjan dag nema í flóðljósum. Þetta væri því eina leiðin til að fá aðsókn á leikina sem fram fara í miðri viku.

=== '''Þjóðhátíðin efst''' ===
Á vefsíðunni world-party.com er að finna upplýsingar um útihátíðir vítt og breitt um heiminn. Ekki nóg með það heldur er þeim líka gefin einkunn í atkvæðagreiðslu sem er að finna á síðunni. Þar trónir Þjóðhátíð Vestmannaeyja á toppnum og slær hún út víðfrægar kjötkveðjuhátíðir. Hátíðinni eru gerð góð skil í máli og myndum og eru stóru orðin ekki spöruð. ''„Ef þú ert að leita að leita að stað úr alfaraleið til að skemmta þér á er hátíðin í Vestmannaeyjum einmitt staðurinn,"'' segir í upphafi greinar um þjóðhátíðina. „''Hátíðin er haldin á lítilli eldfjallaeyju undan suðurströnd Íslands og býður þessi ástar- og tónlistarhátíð upp á allt, eldfjöll með reyk, stórkostlega verðelda, tjaldbúðir og nóg brennivín til að lama allan rússneska herinn í heilan mánuð,"'' segir einnig og er tónlistinni hrósað en varað við að veðrið bjóði jafnvel upp á haglél. Sagt er að hátíðin sé lítil miðað við stóru hátíðirnar, gestir sagðir um 8000, en það segir að sé eitt af því sem geri hátíðina eftirsótta. ''„Þjóðhátíðin er nær alíslensk sem er eitt af því sem gerir hana svo eftirsóknarverða. Þetta er svo sannarlega heimahátíð, langt úr alfaraleið þar sem nánast allt getur gerst. Og þú þarft ekki að afsaka þig á einn eða neinn hátt þegar þú opnar vodkaflösku eftir að hafa þolað vetrarmyrkur og veðurfar þar sem meðalhiti vetrarins er mínus átta gróður."'' Á forsíðunni er svo að lokum ngert létt grín að íslenskunni og sagt að það sé ekki hlaupið að því fyrir útlendinga að bera fram nafn hátíðarinnar og niðurstaðan er; „Thod-Ya-Tid" og að lokum fylgja með hamingjuóskir. Á hliðarsíðum er svo að finna ýmsar gagnlegar upplýsingar handa ferðamönnum og er greinilegt að þær koma frá fólki sem kynnt hefur sér aðstæður þó sumt komi svolítið spánskt fyrir sjónir.

=== '''Graham á heimleið''' ===
Á heimasíðu ÍBV er greint frá því að Gareth Graham sé á heimleið en þessi smái norður-írski leikmaður kom til liðs við ÍBV í enda maí en hefur að mestu leyti vermt tréverkið hjá liðinu. Stjórn knattspyrnudeildarinnar fannst óþarfi að halda honum þar sem hann var ekki lykilmaður í liði ÍBV og því mun Graham halda af landi brott eftir leik ÍBV og Grindavíkur 10. ágúst.

=== '''Ólafur til Svíþjóðar''' ===
Ólafur Þór Berry hefur verið valinn í 18 manna landsliðshóp skipað leikmönnum 17 ára og yngri. Islenska liðið heldur um verslunarmannahelgina til Svíþjóðar en þar fer fram Norðurlandamót U-17 ára landsliða.

=== '''Stelpurnar í undanúrslit''' ===
ÍBV tók á móti Stjörnunni á Hásteinsvelli þegar liðin áttust við í 8- liða úrslitum bikarkeppninar þar sem ÍBV sigraði með einu marki, 2 - 1 og tryggðu sér þar með sæti í undanúrslitum. Fyrri hálfleikur var allt annað en fjörugur, IBV var nánast allan tímann með boltann en gekk illa að brjótast í gegnum tíu manna varnarlínu Stjörnunnar. Þegar sautján mínútur voru liðnar af leiknum dró til tíðinda. Þá fékk ÍBV aukaspyrnu tæpa tíu metra frá vítateig gestanna. Rakel Logadóttir gerði sér lítið fyrir og negldi á markið og inn fór tuðran. Allt benti til þess að ÍBV yrði yfir í hálfleik en á síðustu mínútu hálfleiksins náðu Stjörnu stúlkur að jafna. Petra Bragadóttir varði þá glæsilega aukaspyrnu gestanna, sló boltann í slána og þaðan niður en þar var Stjörnustúlka mætt fyrst á staðinn og gat ekki annað en skorað. Þrátt fyrir þetta áfall héldu leikmenn ÍBV áfram uppteknum hætti í síðari hálfleik og sóttu mun meira en gestirnir. Fimmtán mínútum fyrir leikslok kom svo loks sigurmarkið en þá tók Rakel Logadóttir hornspyrnu sem Laufey Ólafsdóttir batt endahnútinn á með að negla boltann upp í þaknetið og tryggja þar með ÍBV sigurinn í leiknum. Reyndar fengu bæði lið tækifæri á að skora á lokamínútunum. ÍBV fékk víti skömmu fyrir leikslok en Michelle Barr skaut yfir. Stjörnustúlkur fengu svo tvö færi í sömu sókninni í blálokin en Petra sá við þeim.

=== 2. '''flokkur karla í undanúrslit''' ===
Annar flokkur karla lék í bikarkeppninni þann 19. júlí en þá lék liðið gegn Leikni úr Reykjavík og fór leikurinn fram á heimavelli þeirra síðarnefndu. Eyjapeyjar voru betri aðilinn í leiknum, komust í 2 - 0 en á síðustu andartökum leiksins fengu heimamenn vítaspyrnu sem þeir skoruðu úr. ÍBV vann því leikinn 1 -2 og er komið í undanúrslit bikarkeppninnar.

Fimmti flokkur karla lék gegn tveimur liðum um miðjan júlí en allar viðureignirnar fóru fram í Reykjavík. Fyrst var leikið gegn KR en þar gekk strákunum ekki sem best.

A-liðið tapaði 3-0, B-liðið gerði 1-1 jafnteflj, C-liðið tapaði 4-0 og eini sigur ÍBV var í D-liðum þar sem strákarnir unnu 0-4. Daginn eftir var svo leikið gegn Fjölni úr Grafarvoginum og þar gekk heldur betur. A-liðið sigraði 1-2, B-Iiðið steinlá 3-0, Cliðið vann 3-2 og sömuleiðis D-liðið 4-3.

=== '''Frábær árangur á Gullmótinu''' ===
Helgina 19-21 júlí fór fram hið árlega Gullmót Breiðabliks en mótið fer að sjálfsögðu fram í Kópavogi. ÍBV sendi níu lið í þremur flokkum en fjórði, fimmti og sjötti flokkur fóru á mótið. Árangurinn lét ekki á sér standa, fimmti flokkur vann bæði í A- og B-liðum auk þess sem B2-lið ÍBV endaði í þriðja sæti. A og B-liðin unnu líka Hraðmótið sem fram fór á laugardeginum. B lið sjötta flokks vann einnig mótið og Hraðmótið en A-liðið endaði í 7- 8 sæti.

=== '''Dagskráin verður hefðbundin''' ===
Hátíðahöld þjóðhátíðarinnar verða með hefðbundnu sniði. Setningin verður kl. 14.30 á föstudag, hátíðarræðu flytur Karl Gauti Hjaltason sýslumaður. Sr. Kristján Björnsson flytur hugvekju, Kór Landakirkju syngur og Lúðrasveit Vestmannaeyja leikur. Barnadagskrá verður alla dagana og þar verður ýmislegt til skemmtunar, til dæmis Brúðubíllinn, Rauðhetta og úlfurinn, Venni töframaður, Kiðlingarnir og barnaböll. Á föstudeginum fer fram hin geysivinsæla söngvakeppni barna en hátt í fjörutíu þátttakendur hafa skráð sig. Um kvöldið verður þjóðhátíðarlagið frumflutt og tilkynnt um úrslit söngvakeppninnar og val á flottustu búningum. Á kvöldvökum kemur fram fjöldi skemmtikrafta eins og Hljómsveitin Hljómar, Land og synir, Bítlasyrpa verður leikin og Opus 2002 er hópur fólks sem flytur Eyjasyrpu. Jón Gnarr skemmtir á laugardag- og sunnudagskvöld auk hljómsveitarinnar Day sleepers. Hljómsveit Birgis Gunnlaugssonar leikur fyrir dansi á litla pallinum öll kvöldin en á stóra pallinum leika Hljómar og Land og synir á föstudagskvöld, Á móti sól og í svörtum fötum á laugardagskvöld og Á móti sól, Land og synir og Írafár á sunnudagskvöld. Brennan, flugeldasýningin og brekkusöngurinn verða auðvitað á sínum stað.

=== '''Forsala gekk vel''' ===
Íslandsbanki hefur séð um forsölu á miðum á þjóðhátíð og hefur salan gengið vel í ár að sögn Sigurðar Friðrikssonar, þjónustustjóra Íslandsdbanka. ''„Salan er langt yfir meðallagi eða 1623 miðar. I fyrra var metár en þá seldust 1662 miðar en árin á undan var verið að selja þetta 1000 til 1100 miða. Salan í forsölu fer því ört vaxandi og við urðum vör við það í fyrra að fólk héðan var að kaupa miða fyrir ættingja og vini af fastalandinu,'' sagði Sigurður. Miðar voru seldir í forsölu í fyrsta skipti í verslunum 10-11 og fólki gefinn kostur á að kaupa miða á sama verði og hér í Eyjum. Salan hefur gengið vel en endanlegar tölur liggja ekki fyrir ennþá.

=== '''Nóg um að vera í yngri flokkum''' ===
2. flokkur karla mætti Val þann 29. júlí og fór leikurinn fram hér í Eyjum. Leikurinn var mjög fjörugur en staðan í hálfleik var 1-1. Mark ÍBV skoraði Einar Hlöðver Sigurðsson en skömmu síðar meiddist hann og var fluttur í burtu í sjúkrabifreið. Seinni hálfleikur var vel leikinn af hálfu ÍBV framan af. Strákarnir sýndu góða takta og Bjarni Rúnar Einarsson kom IBV yfir með glæsilegu langskoti. En á aðeins þremur mínútum tókst gestunum að jafna og komast yfir en bæði mörkin komu eftir föst leikatriði og kæruleysi í vörn ÍBV. Þrátt fyrir mótlætið héldu strákarnir áfram að sækja og á síðustu andartökum leiksins dró til tíðinda. Þá var Bjarni Rúnar keyrður niður inni í teig gestanna en dómari leiksins færði brotið út fyrir vítateig. Andri Ólafsson gerði sér þá lítið fyrir og lagði boltann laglega í netið og tryggði ÍBV annað stigið.

Þriðji flokkur karla tók á móti Stjörnunni í lok júlí og var leikið á Þórsvellinum. Eyjamenn sýndu gestunum fullmikla gestrisni í fyrri hálfleik enda var staðan í hálfleik

0-3 fyrir Stjörnuna. Björgvin Þorvaldsson minnkaði hins vegar muninn fyrir IBV en lengra komust strákarnir ekki og lokatölur því 1 -3.

Fimmti flokkur ÍBV tók á móti Stjörnunni og var leikið hér í Eyjum. A- og C-liðin töpuðu sínum leikjum en B- og D-Iiðin unnu. Lokatölur urðu annars þær að A-liðið

tapaði 1-2 og C-liðið 0-2. B-liðið vann stórsigur 5-1 og ekki var sigurinn minni hjá D-liðinu sem vann 5-0.

Annar flokkur kvenna lék tvo leiki seinni part júlí mánaðar. Nokkrum dögum seinna var leikið í Garðabæ gegn Stjörnunni og réðust úrslitin strax í fyrri hálfleik.

Heimastúlkur komust yfir á tíundu mínútu en ÍBV svaraði með tveimur mörkum og þar við sat. Mörk ÍBV skoruðu þær Margrét Lára Viðarsdóttir og Erla Signý Sigurðardóttir. ÍBV mætti svo Skagastúlkum á heimavelli þeirra síðarnefndu, í sannkölluðum markaleik. Alls urðu mörkin sjö, IBV skoraði fimm þeirra og sigraði því 2-5.

3. flokkur kvenna lék einnig tvo leiki og fóru þeir báðir fram á höfuðborgarsvæðinu. Fyrst var leikið á laugardeginum gegn Breiðabliki. Ekki riðu stelpumar feitum hesti frá þeirri viðureign enda sigruðu Blikarnir 7-0. Á sunnudeginum var svo leikið gegn FH og þar sigruðu stelpurnar 3-5.

Fanndís Friðriksdóttir skoraði þrennu í leiknum en hún er enn á yngra árí í 4. flokki. Ester Óskarsdóttir og Hekla Hannesdóttir skoruðu svo sitt markið hvort.

=== '''Sökuð um að hafa þagað yfír ólöglegri lyfjaneyslu''' ===
Mánudaginn 26. júlí var staðfest af forráðamönnum knattspyrnudeildar kvenna að þjálfara kvennaliðs ÍBV, Elísabetu Gunnarsdóttur hafí verið sagt upp störfum. Sigurjón Þorkelsson, formaður knattspyrnuráðs kvenna sagði í samtali við Fréttir að ástæða uppsagnarinnar hafi fyrst og fremst verið vegna samskiptaörðugleika milli stjórnar og þjálfara annars vegar og leikmanna og þjálfara hins vegar. Sigurjón bætti því við að allir leikmenn myndu spila áfram með liðinu. ''„Allir leikmenn liðsins styðja þessa ákvörðun okkar eftir því sem við best vitum og því er leikmannahópurinn óbreyttur."'' Michelle Barr, fyrirliði liðsins, mun taka við þjálfuninni en Stefanía Guðjónsdóttir mun aðstoða hana auk þess að taka við 2. flokki félagsins. Erna Lind Ragnarsdóttir, aðstoðarmaður Elísabetar hætti einnig í kjölfar uppsagnarinnar en hún var einnig með 2. flokk ÍBV.

=== '''-Elísabet fer ekki þegjandi''' ===
Elísabet gaf svo á þriðjudaginn út fréttatilkynningu þar sem kemur meðal annars fram að hún telji uppsögn sína ólögmæta. Fréttatilkynning Elísabetar er svohljóðandi:

''„Stjórn ÍBV gefur fjölmiðlum þá skýringu að mér hafi verið sagt upp vegna samskiptaörðugleika, annars vegar milli þjálfara og leikmanna og svo hins vegar milli þjálfara og stjórnar. Ég vil að fram komi eiginlegar ástæður uppsagnarinnar en þær koma fram í meðfylgjandi skjali. Liður nr. 1 í uppsögninni, þar sem leikmenn eru ásakaðir um ólöglega inntöku lyfja, er mjög alvarlegur og það sem þar kemur fram um að slík inntaka hafi farið fram með minni vitneskju og að ég hafi hylmt yfir þeirri vitnseskju með að upplýsa ekki stjórn knattspyrnuráðs IBV um það, skaðar mannorð mitt og starfsheiður. Inntaka á ólöglegum lyfjum samhliða íþróttaiðkun hefur mér aldrei þótt sæmandi og hef ég aldrei hvatt til slíks og mun aldrei lfta framhjá slíkri notkun.''

''Liður nr. 2, þar sem fjallað er um samskiptaörðugleika milli mín og leikmanna, þykir vart svaraverður. Ágreiningur milli leikmanna og þjálfara á sér víða stað og tel ég þetta málefnalegt vandamál sem ég lagði mig fram við að leysa. Hvergi kemur fram í uppsagnarbréfi mínu að samskiptaörðugleikar hafi verið milli mín og stjórnarinnar enda hafði hún fram að uppsögninni talið mér trú um það að stjórnin stæði við bakið á mér og allar mínar ákvarðanir. Í framhaldi af þessu get ég ekki annað en talið að uppsögnin sé ólögmæt enda hef ég á engan hátt brotið á þeim samningi sem í gildi er milli mín og Knattspyrnuráðs IBV. Ég hef fengið lögfræðing til að sækja málið þar sem ég tel mig eiga rétt á uppgjöri í málinu og mun ég sækja rétt minn eins langt og hægt er. Með þessari tilkynningu lít ég svo á að ég hafi svarað málinu frá minni hendi og mun lögfræðingur minn sjá um málið í framhaldinu,"'' segir Elísabet í yfírlýsingu.

Með fréttatilkynningunni fylgdi uppsagnarbréf Elísabetar og það var svona:

,Í''BV - íþróttafélag, knattspyrnuráð kvenna segir þér, Elísabetu Gunnarsdóttur þjálfara meistaraflokks kvenna, hér með upp störfum. Ástæða uppsagnar er tvenns konar:''

''1. Stjórn knattspyrnuráðs hefur fengið þær uppl., m.a. frá þér, að allnokkrir leikmenn meistaraflokks hafi tekið inn efni sem eru á bannlista, með þinni vitund. Þú hefur ekki tilkynnt stjórn um þetta og er það mjög alvarlegt trúnaðarbrot enda getur slík neysla valdið því að einstakir leikmenn fari í bann og leikir dæmdir tapaðir auk þess sem ímynd félagsins myndi bíða mikinn hnekki og gæti haft mjög alvarlegar afleiðingar fyrir rekstur þess.''

''2. Mjög slæmur samstarfsgrundvöllur er orðinn milli margra leikmanna og þjálfara og hafa nú þegar tveir lykilleikmenn hætt að æfa með félaginu og fleiri hótað hinu sama. Við teljum 1. lið uppsagnarinnar vera mjög alvarlegan og einan og sér heimila fyrirvaralausa uppsögn bæði vegna eðli brotsins með tilliti til ímyndar félagsins og m.a. með vísan til samnings þar sem fjallað er um grófa móðgun við stjórn félagsins.''

''2. liður uppsagnar er einnig alvarlegur enda ber þjálfara skylda til þess að leggja sig fram við að leysa ágreining á faglegum forsendum og hefur það verulega skort og liðið því orðið óstarfhæft. Við teljum þig þar með ófæra um að uppfylla samninginn, þ.e. þjálfa liðið, og því er stjórn heimilt að segja honum upp með vísan til samningsins sjálfs. "''

=== '''Annað tap gegn Keflavík''' ===
Karlalið ÍBV sótti Keflvfkinga heim stuttu fyrir Þjóðhátíð. Keflvfkingar voru allt í öllu í fyrri hálfleik og sóttu mun meira. Birkir Kristinsson átti hins vegar stórleik í markinu en náði þó ekki að koma í veg fyrir mark þegar heimamenn komust yfir á elleftu mínútu. Staðan í hálfleik var 1 -0 fyrir Keflvfkinga sem höfðu spilað með þó nokkurn vind í bakið í fyrri hálfleik. En með vindinn í bakið gekk ÍBV lítið betur. Keflavík hélt áfram að stjórna leiknum, reyndar hresstust Eyjamenn aðeins undir lokin en það dugði skammt og því var niðurstaðan sanngjarn sigur Keflvíkinga.

=== '''Allt annað andrúmsloft''' ===
ÍBV sótti Grindavík heim á síðasta degi júlímánaðar þar sem stelpurnar sigruðu 1-3 eftir að hafa verið marki undir í hálfleik. Nýr þjálfari liðsins, Michelle Barr, viðrist hafi tekist að berja baráttuandann í sínar stelpur í hálfleik því ÍBV svaraði með þremur mörkum í seinni hálfleik og sigraði því l-3. Mörk ÍBV skoruðu þær Bryndís Jóhannesdóttir, Laufey Ólafsdóttir og Rachel Hammil.

Sigríður Ása Friðriksdóttir sagði í samtali við Fréttir eftir leikinn að sigurinn hefði verið mjög mikilvægur fyrir ÍBV liðið. ''„Það hefur mikið gengið á að undan fömu og við leikmenn höfum jafnvel þurft sem hópur að sitja undir leiðinda ásökunum. Við ákváðum hins vegar að standa saman í þessu og ég verð að segja það fyrir mitt leyti að andrúmsloftið í hópnum er allt annað núna en í síðasta leik. Við vorum mjög taugaóstyrkar í fyrri hálfleik en við ræddum saman í hálfleik og ákváðum bara að spila okkar bolta og þá fóru hlutirnir að ganga."''

Tveir leikmenn liðsins í sumar vom ekki með, Rakel Logadóttir tók sér hvíld vegna anna með U-21 árs landsliðinu, sem hún og Laufey Ólafsdóttir leika með og Margrét Lára Viðarsdóttir hefur ákveðið að einbeita sér að því að spila með öðrum flokki það sem eftir lifir sumarsins.

=== '''Góður sigur hjá stelpunum''' ===
Vegna verslunarmannahelgarinnar var ekki mikið líf í knattspymuheimi landans í síðustu viku. Þó var einn leikur hér í Eyjum hjá yngri flokkum ÍBV í öðrum flokki kvenna þegar liðið tók á móti Valsstúlkum. Stefanía Guðjónsdóttir var þama að stýra liðinu í fyrsta sinn eftir að Ema Lind Ragnarsdóttir hætti og ekki annað að sjá en að byrjunin lofi góðu. IBV sigraði í leiknum, 1-0 með marki Emu D. Sigurjónsdóttur í fyrri hálfleik. Hið foma veldi Valsara má muna sinn fífil fegurri, liðið situr nú langneðst í riðlinum en Breiðablik og KR em efst og hafa skorið sig nokkuð frá öðrum liðum. IBV siglir hins vegar lygnan sjó um miðja deild en liðið á reyndar þrjá leiki inni á efsta liðið og með sigri í þeim þá gæti ÍBV jafnvel blandað sér í toppbaráttuna.

=== '''Skrautlegur leikur''' ===
Leikmenn og stuðningsmenn karlaliðs ÍBV vissu varla hvort þeir áttu að hlæja eða gráta eftir leik ÍBV og Fram í Símadeildinni, enda ekki á hverjum degi sem ÍBV yfírspilar andstæðinginn en tapar engu að síður. Þáttur dómara leiksins, Gísla Jóhannssonar, verður mönnum örugglega minnisstæður. Framarar skoruðu sigurmarkið úr vítaspyrnu sem var vægast sagt mjög strangur dómur.

ÍBV byrjaði af miklum krafti strax frá fyrstu mínútu og leikmenn IBV hreinlega yfírspiluðu andstæðinga sína. Njáll Eiðsson stillti upp 3-5-2, sem miðað við mannskap virðist henta liðinu ágætlega enda eru þrír mjög góðir miðverðir í liðinu og nóg af frambærilegum miðjumönnum. Leikmennimir höfðu fundað og hreinsað andrúmsloftið innan liðsins og leikur IBV bar þess greinilega merki. En þrátt fyrir fjölmörg mjög góð færi og augljósa yfirburði þá vildi tuðran ekki inn en miðað við gang leiksins voru flestir áhorfendur rólegir þrátt fyrir að staðan í hálfleik væri 0-0.

Það var svo ekki langt liðið á seinni hálfleikinn þegar dómari leiksins dæmdi víti á IBV. Það var hreint með ólíkindum að dómarinn skuli hafa fallið svo illilega fyrir slökum leiktilburðum Þorbjamar Atla Sveinssonar sem hafði fallið í gríð og erg allan fyrri hálfleikinn. Framarar þökkuðu fyrir sig og skoruðu.

Aðeins sex mínútum eftir mark Framara fékk Tómas Ingi Tómasson sitt annað gula spjald sem var stranger dómur enda var brotið alls ekki alvarlegt. En einum færri tókst leikmönnum ÍBV að finna taktinn og sóttu þeir nánast látlaust síðustu mínútumar.

Þrátt fyrir ágætis færi þá tókst ÍBV ekki að koma tuðrunni inn og því var niðurstaðan tap á heimavelli.

== '''ÁGÚST''' ==

=== '''Rok og rigning léku stórt hlutverk''' ===
Þjóðhátíðin 2002 fer á spjöld sögunnar sem ein sú blautasta sem menn muna og henni fylgdi mikið hvassviðri alla dagana. Það er ekki nýtt að það blási eða rigni á þjóðhátíð en að það gerist alla dagana hefur ekki gerst í marga áratugi. Hafa menn leitað allt aftur til fimmta áratugarins til að finna eitthvað þessu líkt. Það er líka athyglisvert að sjaldan hafa fleiri gestir sótt hátíðina og má gera ráð fyrir að milli átta og níu þúsund manns hafi verið á hátíðinni nú. Það gerir hana að einni fjölmennustu þjóhátíð frá upphafi. Mikil rigning setti strik í reikninginn sérstaklega hjá þeim sem höfðust við í tjöldum. Brugðið var á það ráð að opna íþróttamiðstöðina þar sem ferðalangarnir fengu skjól og einnig skutu margir heimamenn skjólshúsi yfirfólk Á sunnudeginum var rokið slíkt að tjöld tóku að fjúka en þrátt fyrir það datt dagskráin í dalnum ekki niður nema í tvo til þrjá tíma. Þá voru menn að skella gervigrasi á mesta drullusvaðið til að hægt væri að halda áfram. Um kvöldið var brekkusöngurinn en vegna þess hve rokið var mikið var ekki hægt að kveikja í varðeldinum. Vestmanneyingar og aðrir þjóðhátíðargestir sýndu ótrúlegan „karakter" því brekkan var full af fólki sem létu ekki veðrið aftra sér. Menn eru yfirleitt sammála um að hátíðin hafi tekist vel miðað við aðstæður og flestir skemmtu sér ágætlega.

=== '''Þakklæti til þjóðhátíðargesta''' ===
Birgir Guðjónsson, formaður þjóðhátíðarnefndar, vill koma á framfæríþakklæti nefndarínnar bæði til þjóðhátíðargesta og svo allra þeirra sem komu að þjóðhátíðinni á einn eða annan hátt. ''„Mér er efst í huga þakklæti til þjóðhátíðargesta fyrir frábæra þátttöku, þrátt fyrir óblíð veðurskilyrði á köflum, svo ekki sé sterkar að orði komist,"'' sagði Birgir. ''„Ég verð að segja eins og er að ég var undrandi á sunnudaginn að sjá hve margir mættu í Dalinn. En fólk var greinilega staðráðið í að enda þetta á réttan hátt, eins og t.d. þeir sem komu með Herjólfi á sunnudag, bara til að komast í brekkusönginn. Svo um kvöldið voru foreldrar að koma með börnin inn eftir, krakkarnir dúðaðir svo að rétt sást í augun og varð að leiða þau svo að þau fykju ekki. Samt var mætt í Dalinn. Ef þetta er ekki þjóðhátíðarstemmning þá veit ég ekki hvað hún er,"'' sagði Birgir. Birgir segir að miðað við allt þá sé þjóðhátíðarnefnd ánægð með útkomuna. ''„Við héldum þjóðhátíð og kláruðum dæmið allt til enda. Þetta bara sýnir að þjóðhátíð verður ekkert blásin af þótt ekki viðri vel. Við höfum oft fengið skot vegna veðurs svona einn og einn dag en aldrei eins og núna þegar veðrið versnaði með hverjum degi eftir því sem leið á. En ég held líka að við höfum sýnt að við erum í stakk búnir til að mæta slíku, við vorum vel undirbúnir til að takast á við svona aðstæður. Allt samstarf við lögreglu og björgunarsveitir var mjög gott og gekk snurðulaust fyrir sig. Þá vil ég ekki síst þakka okkar fólki fyrir skjót viðbrögð þegar með þurfti. Það sýndi sig hvað best á sunnudaginn þegar við ákváðum að koma grasteppunum á verstu svæðin í Dalnum. Þá ræstum við út 15 manns en það'' ''voru 50 sem mættu til starfa. Við þurfum ekki að örvænta meðan við eigum slíkan mannskap."'' Birgir viðurkennir að mikið hafi veríð að gera hjá þjóðhátíðarnefndinni þessa daga. ''„Það var mikið að gera og maður komst varla upp í tjald til að fá sér kaffisopa. Eg var mjög ánægður með skjót viðbrögð hjá lögreglu og Björgunarfélaginu þegar íþróttahúsið var opnað. Bæjarbúar eru jákvæðir og tilbúnir að hlúa að fólkinu og ég veit að margir fengu gistingu hjá fólki í bænum. Sem dæmi get ég nefnt heiðurshjónin Stefán Ólafsson og Sigurbjörgu Óskarsdóttur sem komu með fullan pott af súpu og færðu krökkunum og um svipað leyti fór þjóðhátíðarnefndin í það að útbúa súpu handa liðinu."''

=== '''ÍBV hefur verið næstlengst í efstu deild''' ===
Á meðal þeirra liða sem nú eru í efstu deild, þá hefur ÍBV verið í deildinni næstlengst hin síðari ár. Aðeins KR hefur verið lengur í efstu deild eða samfellt frá árinu 1979 þegar þeir komu aftur upp eftir árs vem í næstefstu deild. IBV hefur hins vegar verið á meðal þeirra bestu síðan 1990 og er þetta því þrettánda árið fyrir þá hjátrúarfullu. Skagamenn og Keflvíkingar koma næstir á eftir ÍBV en bæði lið hafa leikið samfleytt í tíu ár í efstu deild.

=== '''Sætin komin''' ===
Hásteinsvöllur hefur fengið samþykki UEFA, Knattspyrnusambands Evrópu, til að ÍBV fái að að leika sinn heimaleik á Hásteinsvelli gegn sænska liðinu AIK Solna 29. ágúst. Skilyrðið var að 540 sæti yrðu við völlinn og eru þau komin á sinn stað á steinstöpulinn norðan við völlinn.

=== '''Laufey og Margrét Lára í úrvalsliðið''' ===
Laufey Ólafsdóttir og Margrét Lára Viðarsdóttir voru valdar í úrvalslið efstu deildar eftir fyrstu til sjöundu umferð Íslandsmótsins. KR stúlkur eiga flesta fulltrúa, eða fjóra og svo eru Blikar, Valsstúlkur og Eyjastúlkur með tvo fulltrúa hver. Margrét Lára hefur nú ákveðið að taka sér frí frá meistaraflokki kvenna og ætlar að einbeita sér að því að spila með öðrum flokki.

=== '''Tap gegn Grindavík''' ===
Karlalið ÍBV tók á móti Grindvíkingum þann 10. September í kaflaskiptum leik. Í fyrri hálfleik voru það gestirnir úr Grindvík sem voru mun betri en í þeim síðari voru það Eyjamenn sem sóttu. Hvorugu liði tókst hins vegar að skora og niðurstaðan því jafntefli og tvö stig í súginn fyrir IBV. Staða IBV versnar með hverri umferðinni sem líður og ljóst að baráttan fyrir sæti í efstu deild að ári mun standa fram í síðasta leik.

Liðið virðist vera í mikilli krísu um þessar mundir, leikmönnum liðsins gengur ekkert upp við markið en ÍBV hefur ekki fagnað marki í 334 mínútur eða frá því að Bjarnólfur Lárusson skoraði gegn KA 14. júlí, þá beint úr aukaspymu.

=== '''Úr leik í bikarnum''' ===
Eyjastelpur mættu Val tvisvar á einni viku, í fyrra skiptið áttust liðin við í undanúrslitum bikarkeppninnar en leikurinn fór fram á Hlíðarenda. Fyrri hálfleikur var jafn og ágætlega leikinn. Valsstúlkur vom sterkari til að byrja með en smám saman náðu leikmenn ÍBV að vinna sig inn í leikinn en staðan var markalaus í hálfleik. Seinni hálfleikur var ekki langt kominn þegar dró til tíðinda. Valsstúlkur áttu þá ágæta sókn sem endaði með því að þær komust yfir. Markið setti IBV-liðið nokkuð út af laginu og aðeins níu mínútum síðar var annað markið komið. Þá áttu Valsstúlkur aukaspymu og úr henni kom hár bolti inn í teiginn, þar fékk boltinn að skoppa í markteig áður en sóknarmaður Vals skallaði boltann inn. Eftir þetta var á brattann að sækja en Eyjastúlkur vom samt sem áður mun meira með boltann. Færin létu hins vegar á sér standa, reyndar átti Rachel Hamill skalla í stöng en síðasta orðið áttu Valsstúlkur og tryggðu sér þar með sæti í úrslitaleik. Sigríður Ása Friðriksdóttir var vonsvikin í leikslok. ''„Við ætluðum okkur miklu stærri hluti í þessari keppni en þetta lá bara ekki fyrir okkur. Fyrri hálfleikur var ágætur hjá okkur en ég veit ekki hvað gerðist þama í seinni hálfleik. Mér fannst við spila ágætlega en þetta gekk bara ekki upp í dag. Eins og ég sagði þá ætluðum við okkur stærri hluti í þessu en það má kannski segja að sumarið sé búið hjá okkur, við erum úr leik í bikarnum og siglum lygnan sjó í deildinni en að sjálfsögðu ætlum við að klára mótið með stæl, úrslitaleikurinn bíður bara betri tíma,"'' sagði Sigríður Ása í samtali við Fréttir. Nokkrum dögum síðar áttust liðin við á nýjan leik. ÍBV virkuðu frískari í fyrri hálfleik en engin mörk litu dagins ljós, staðan 0-0 í hálfleik. Seinni hálfleikur var svo illa leikinn af báðum liðum og ekki fyrr en nokkrar mínútur voru eftir af leiknum að leikmenn tóku við sér. Valsstúlkur komust næst því að skora á síðustu mínútunni þegar þær áttu þrumuskot í slá og þaðan skoppaði boltinn á línuna og vildu Valsmenn meina að boltinn hafði farið inn fyrir en dómarinn var ekki á sama máli. Lokatölur urðu því 0-0.

=== '''Þrír erlendir til ÍBV''' ===
Nú styttist óðum í að handboltavertíðin fari að hefjast en ÍBV hefyr orðið fyrir nokkurri blóðtöku. Arnar Pétursson og Svavar Vignisson leika með FH næsta vetur og Hórður Flóki Ólafsson með Þór. Litháarnir tveir sem voru með ÍBV eru líka farnir og allt bendir til þess að Jón Andri Finnsson muni ekki leika með IBV. En handknattleiksráð hefur fengið til liðs við ÍBV þrjá erlenda leikmenn til að bæta við hið unga og efnilega lið ÍBV. Þeir koma frá jafn mörgum löndum, einn kemur frá Makedóníu og heitir Viktor Gigov en þar er á ferð mjög sterkur markvörður.

Robert Bognar kemur frá Ungverjalandi en hann leikur stöðu leikstjórnanda og vinstri skyttu. Þá kemur einnig hingað danskt par á eigin vegum en bæði munu þau leika með ÍBV í vetur, þau Michael Lauritzsen og Helle Hansen. Síðast en ekki síst þá hefur Gylfí Birgisson tekið fram skóna aftur og segja menn að hann hafí engu gleymt.

=== '''ÍBV með 2. flokk''' ===
Síðasta vetur var enginn annar flokkur í karlahandboltanum nema að litlu leyti en nú hefur verið tekin ákvörðun um að senda flokkinn í Íslandsmótið. Strákarnir tóku þátt í bikarkeppninni síðasta vetur og komust alla leið í undanúrslit þar sem þeir töpuðu fyrir Val sem varð bikarmeistari. Þá voru nokkrir strákanna enn að spila í þriðja flokki en þeir hafa nú flestir gengið upp í annan flokk. Ungur markvörður frá Akureyri

mun spila með liðinu. Keppnistímabilið er langt og strangt hjá strákunum, alls eru spilaðir 26 leikir auk bikarkeppninnar og svo em margir strákanna á fullu með meistaraflokki.

=== '''Yngri flokkarnir''' ===
Annar flokkur karla mætti Fylki mánudaginn 12. ágúst í Árbænum. Fylkismenn fóru betur af stað og voru marki yfir í hálfleik. En fljótlega í seinni hálfleik jöfnuðu leikmenn ÍBV, þar var að verki Andri Ólafsson með skot beint úr aukaspymu. Ekki voru skoruð fleiri mörk í leiknum og því skildu liðin jöfn, 1 -1.

Þriðji fiokkur kvenna tók á móti Fjölnisstúlkum þann 8. ágúst en Fjölnisstúlkur eru á mikilli uppleið um þessar mundir. Eyjastelpur töpuðu leiknum 1-3 og misstu þar með efstu þrjú liðin nokkuð frá sér en IBV er í fjórða sæti.

=== '''Eyjamenn ekki lakara liðið''' ===
ÍBV lék gegn sænska úrvalsdeildarliðinu AIK í Evrópukeppni félagsliða þann 15. ágúst en leikurinn fór fram á heimavelli sænska liðsins. Flestir áttu von á því að róðurinn yrði frekar erfiður fyrir IBV en reyndin varð önnur og segja má að Svíarnir hafí verið stálheppnir að vinna leikinn með tveimur mörkum því seinna mark þeirra kom á lokamínútu leiksins. Fyrri hálfleikur var ágætlega leikinn af ÍBV og strax á þriðju mínútu fengu Eyjamenn aukaspyrnu á hættulegum stað en skot Bjarnólfs Lárussonar fór í varnarmann og þaðan aftur fyrir endalínu. Til marks um hversu vel leikmönnum IB V tókst upp í sóknarleiknum þá fékk liðið fjórar hornspyrnur fyrstu fimmtán mínúturnar, þó svo að boltinn hafi ekki ratað rétta leið. En smám saman tókst Svíunum að vinna sig inn í leíkinn og á 26. mínútu dró til tíðinda. Þá voru Eyjamenn að byggja upp sókn en misstu boltann á miðjum vellinum. Svíarnir brunuðu fram völlinn og allt í einu var Daniel Koch einn og óvaldaður hægra megin í vítateignum en hann þrumaði boltanum upp í þaknetið, algjörlega óverjandi fyrir Birki í markinu. Eftir mark Svíana færðist nokkur ró yfir leikinn, Svíamir fengu tvö ágætis færi áður en flautað var til leikhlés en vörnin hélt. Fyrstu fimmtán mínúturnar í seinni hálfleik voru mjög vel leiknar hjá IBV. Reyndar voru það Svíarnir sem byrjuðu á því að skjóta rétt framhjá marki IBV á fyrstu mínútunni en eftir það sóttu Eyjamenn meira. Tómas Ingi Tómasson átti ágætan skalla rétt fram hjá og Andri Ólafsson átti gott skot sem markvörður Svíanna varði vel. Næst því að skora komst hins vegar Bjarnólfur Lárusson sem átti ágætt skot utan vítateigs en rétt fram hjá. Síðasta hálftímann fór svo að draga af leikmönnum ÍBV og kom þá í ljós munurinn á atvinnumannaliðinu og áhugamannaliðinu. Þrátt fyrir það lék ÍBV sterkan varnarleik og gaf engin færi á sér. Á síðustu mínútunni tókst Svíunum hins vegar að skora annað mark sitt, þá áttu þeir skot að marki sem Birkir varði glæsilega en boltinn datt fyrir fætur Kristian Nordin sem skoraði af stuttu færi. Tveggja marka tap eru hins vegar ágætis úrslit gegn Svíunum, þeir eru atvinnumenn og Svíar mun hærra skrifaðir í knattspyrnuheiminum en íslendingar. Hins vegar var IBV ekkert lakari aðilinn í leiknum og því svekkjandi að tapa, sérstaklega með tveimur mörkum. Hjalti Jóhannesson sagði í samtali við Fréttir eftir leikinn að það hefði einmitt verið sérstaklega svekkjandi að fá á sig seinna markið''. „Þessi leikur var í járnum og þeir veru í raun ekkert sterkari en við. Við spiluðum okkar vanalega leikkerfi 4-5-1. Ég get ekki séð annað en að leikurinn á Hásteinsvelli eigi eftir að verða mjög skemmtilegur enda ætlum við að vinna Svíana."''

'''Úthaldslaus átvögl'''

Mat blaðamanns Fxpressen á leikmönnum ÍBV í Expressen er ekki burðugt og fá þeir ekki háa einkunn. Sagði hann þá greinilega hugsa lítið um mataræðið og formið og því til sönnunar bendir blaðamaðurinn á að sumir leikmanna hafi fengið krampa í lok fyrri hálfleiks. Ekki hafa búningar ÍBV glatt blaðamanninn, segir hann engu líkara en þeir séu úr afgangslager í úthverfi Moskvu. Spurning er hvað forráðamenn Puma segja við þessari gagnrýni. Krister Nordin leikmaður AIK sem skoraði seinna mark liðsins segist vel hafa tekið eftir úthaldsleysi Eyjamanna. '',, Já , ég sá þetta og í seinni hálfleik urðu þeir bara þreyttari og þreyttari á meðan við spiluðum betur og betur. "''

Frægasti leikmaður AIK, Andreas Anderson sem meðal annars hefur spilað með Newcastle á Englandi, segist viss um að úrslitin séu ráðin. „''Ég er viss um að við skorum á útivelli og þá þurfa þeir að skora fjögur. Já, úrslitin eru ráðin,"'' sagði Anderson. Blaðamaður endar svo frásögn sína á að gefa leiknum sjálfum mjög lága einkunn. ''„Þeir sem sátu heima, fóru út að borða eða gerðu eitthvað annað en að horfa á fótbolta þetta heita ágústkvöld, völdu rétt. Þeir misstu ekki af miklu."''

=== '''Ennþá markastífla hjá körlunum''' ===
ÍBV sótti Fylki heim í frekar bragðdaufum leik en bæði lið þurftu nauðsynlega á þremur stigum að halda, Eyjamenn í botnbaráttunni og Árbæingar að berjast a topnum. Hvorugt liðið náði sér á strik í leiknum og færin létu á sér standa. Staðan í hálfleik var 0-0 en heimamenn í Fylki brutu ísinn á 65. mínútu þegar Sævar Þór Gíslason tróð boltanum yfir marklínuna með skrautlegum hætti. Markið dugði heimamönnum til sigurs og því færist ÍBV enn nær bjargbrúninni og vandséð að liðið

sleppi við fall.

=== '''Ágætis vika hjá yngri flokkunum''' ===
Þriðji flokkur karla lék tvo leiki gegn KA um miðjan ágúst. Liðin mættust á miðri leið milli Akureyrar og Vestmannaeyja eða í Mosfellsbæ til að spara sér ferðakostnað og fóru leikirnir fram bæði laugardag og sunnudag. Fyrri leikurinn, sem var útileikur IBV, endaði með 1-1 jafntefli en IBV vann svo heimaleikinn 2-0. Liðið siglir lygnan sjó í B-riðli, er með 12 stig þegar tveimur leikjum er ólokið og er í fimmta sæti af átta liðum. Annar flokkur kvenna lék gegn KR á útivelli á föstudaginn 16. ágúst. ÍBV hafði nokkra yfirburði í leiknum og stelpurnar voru yfir 3-1 allt þar til undir lokin. Þá fengu KR-ingar tvær vítaspyrnur á silfurfati sem þær nýttu báðar og því varð niðurstaðan í leiknum 3-3. Liðin mættust svo að nýju á mánudeginum en þá fór leikurinn fram hér í Eyjum. Þrátt fyrir að spila ekki sinn besta leik í sumar þá höfðu stelpurnar undirtökin í leiknum. ÍBV komst yfír en KRstúlkur jöfnuðu. Eyjastúlkur tryggðu sér svo sigurinn og náðu þar með hefndum fyrir mjög ósanngjamt jafntefli á útivelli. Mörk IBV gerðu Thelma Sigurðardóttir og Margrét Lára Viðarsdóttir.

Þriðji flokkur kvenna mætti einnig KR en þá mættust liðin hér í Eyjum. Eftir að hafa komist yfir með marki Tönju Tómasdóttur þá svöruðu KR-ingar með tveimur mörkum og tryggðu sér sigurinn. Þetta var síðasti leikurinn hjá IBV en liðið endaði í fjórða sæti. Sara Ólafsdóttir, þjálfari liðsins sagði að í heild væri hún mjög sátt við árangurinn.

Fjórði flokkur kvenna spilaði í úrslitum Islandsmótsins en þar var á ferðinni B-lið flokksins. Þar var keppt í tveimur þriggja liða riðlum, ÍBV vann Keflavík 1-2 en tapaði svo fyrir Breiðabliki 2-7. IBV spilaði því um bronsið gegn KA en liðið tapaði naumlega 1 -3 og endaði því í fjórða sæti í Íslandsmótinu.

=== '''Ekki ástæða til frekari rannsókna''' ===
Lyfjaeftirlitsnefnd ÍSÍ hefur nú lokið rannsókn sinni á meintri lyfjamisnotkun í herbúðum kvennaliðs ÍBV en ásökun um það var að finna í uppsagnarbréfi Elísabetar Gunnarsdóttur, fyrrverandi þjálfara liðsins. Rannsókn nefhdarinnar snerist um að fá niðurstöðu í tveimur atriðum, annars vegar hvort leikmenn hafi notað lyf á bannlista ÍSÍ og hins vegar hvort Elísabet Gunnarsdóttir, þjálfari liðsins, hafi átt þátt í lyfjamisnotkun meðal leikmanna eða reynt að hylma yfir hana. í niðurstöðum greinargerð nefndarinnar kemur m.a. fram að bæði þjálfari og leikmenn neita að hafa gerst brotlegir í málinu en mikið af sögusögnum fór í gang í kjölfar uppsagnar Elísabetar og því reyndist erfitt að komast að niðurstöðu í málinu. Nú hefur ÍSI hins vegar sett kraft í lyfjaprófanir meðal knattspymumanna.

Niðurstaðan í greinargerð nefndarinnar er þessi:

A) ''Af framansögðu má sjá að mjög óljóst er hvort nokkrir leikmenn IBV hafa gerst sekir um ólöglega lyfjanotkun. Engin gögn liggja fyrir til að reka slíkt mál fyrir dómstólum, aðrar en vangaveltur og sögusagnir. Því er ekki hægt að segja að einn eða fleiri leikmenn ÍBV hafi gerst broflegir við 44.grein laga ÍSÍ um lyfjamisnotkun.''

B) ''Enn óljósara er með aðkomu þjálfarans, Elísabetar, að meintri ólöglegri lyfjanotkun leikmanna liðsins. Ekki er hægt að sjá að hún hafi verið, með neinum hætti, að hvetja til eða hylma yfir ólöglega lyfjanotkun meðal leikmanna og ekki eru til gögn af neinu tagi til að reka slíkt mál fyrir dómstólum. Elísabet hefur því ekki gerst brotleg við 45. grein laga ÍSÍ um önnur brot. Komi ekki fram nýjar upplýsingar'' ''mun lyfjaeftirlitsnefnd ÍSI ekki aðhafast frekar í málinu."''

Í ályktun sömu greinargerðar er einnig þetta að finna:

''„Þar sem efedrín er farið úr líkama manna á tiltölulega stuttum tíma, þjónar engum tilgangi að lyfjaprófa leikmenn IBV nú, vegna meintra, umræddra brota. Líklegt verður einnig að teljast að leikmenn liðsins neyti ekki ólöglegra lyfja á næstunni'' ''vegna gríðarlegrar fjölmiðlaumfjöllunar um málið, m.a. um að búast megi við að leikmenn liðsins verði lyfjaprófaðir á næstunni. Samkvæmt skilaboðum frá stjórn félagsins eru leikmenn tilbúnir að fara í lyfjapróf hvenær sem er, sé þess óskað."''

=== '''Ákall til bæjarbúa''' ===
Þann 29 águst birtist grein í bæjarblaðinu Fréttum sem er rituð er af handboltastelpunum. ,'',Eyjamaður góður, við erum stolt af þér, en þú af okkur? Við Eyjamenn trúum því ávallt að við séum betra en annað fólk og eflaust er það rétt! Við Eyjamenn erum stolt af okkar bæjarfélagi og okkar fólki. Við fylkjum liði á bak við okkar fólk þegar vel og illa gengur. Við erum gott fólk sem búum í yndislegum bæ. Við stefnum ávallt að gera betur í dag en í gær. Við handboltastelpur höfum eins og allir Eyjamenn lagt okkur fram um að gera vel í okkar íþrótt og landað mörgum titlum undanfarin ár. Þessir titlar hefðu ekki komið í höfn nema með hjálp og aðstoð allra Eyjamanna. Þar sem við erum lítil ein sér, en sameinuð erum við öflugt afl sem getur gert kraftaverk. Hver man ekki eftir laginu „Traustur vinur.. getur gert... kraftaverk?" Við teljum annan texta eiga einnig vel við þarna „Eyjamenn... geta gert... kraftaverk." Til að lagið hljómi vel þurfum við Eyjamenn öll að taka undir. Þá hljómar lagið víða og kraftaverkin gerast. Við ætlum að gera kraftaverk á handboltavellinum í vetur, en það gerist ekki nema allir Eyjamenn taki undir svo jafnist á við góðan brekkusöng á Þjóðhátíð. Við vonum að Eyjamenn geti aðstoðað okkur í að gera þessi kraftaverk þar sem þau gerast ekki nema með samstöðu og jákvæðu hugarfari. Við framkvæmum þetta ekki ein, það erum við Eyjamenn sem framkvæmum kraftaverkin. Það þarf mikla vinnu og elju til að ná árangri í dag. Við höfum fengið góðan liðsauka fyrir þetta tímabil, yndislegar stelpur sem eiga eftir að falla vel inn í hópinn og vera verðugir fulltrúar okkar Eyjamanna. Fyrsta bón okkar í vetur er að athuga hvort einhverjir Eyjamenn geti aðstoðað okkur með eftirfarandi hluti: Við þurfum að finna vinnu fyrir yndislega stúlku sem kemur frá Spáni. Hún er 30 ára gömul og hefur starfað mikið með fötluðum og öldruðum. Vitið þið um vinnu fyrir hana? Við erum að leita að ódýrum eða gefins bíl sem hægt er skrólta á um bæinn þegar allra veðra von er, fyrir stelpurnar sem komnar eru langt að. Leynist bíll hjá ykkur sem þið viljið leyfa okkur njóta góðs af? Aheit koma sér alltaf vel, fimm hundruð kall, þúsund kall, við höfum þörf á því, margt smátt gerir okkur gagn og fyrirtæki, hvað um einn tíu þúsund kall? Hann getur aðstoðað okkur mikið. Við bendum fólki á reikninga okkar í íslandsbanka nr. 0582-14-290681 og í Sparisjóðnum nr. 1167-05-404201. Við vitum að þetta er djarft og kannski dónalegt, en við erum ávallt að leita að peningum. Við viljum athuga hvort þið getið lagt okkur smá lið. Þá erum við ávallt að selja kjúklinga á frábæru verði, heila kjúklinga, kjúklingabollur, kjúklingaborgara, ýmsar kryddtegundir af kjúklingavængjum osfrv. Eruð þið ekki svöng? Öll þurfum við að borða, hvers vegna ekki að leggja góðum málstað lið í leiðinni? Ársmiða höfum við til sölu á hreint hlægilegu verði. Vilt þú njóta skemmtunar á ódýran hátt í vetur? Stuðningsklúbbur hefur verið stofnaður, fyrir þúsund krónur á mánuði færðu ársmiða á alla deildarleiki vetrarins, miða á lokahóf handknattleiksdeildar kvenna IBV, matur og herlegheit, kaffi og meðlæti á leikjum, happdrætti og ýmislegt fleira. Þá erum við alltaf að leita eftir fólki sem tilbúið er að starfa með okkur. Athugið að við ætlum ekki að gleypa ykkur nema þið viljið. Mörg smá og einföld verkefni þarf að inna af hendi og bíða eftir góðu fólki sem vill taka þátt í starfinu með okkur. Undanfarin ár höfum við notið góðvildar Eyjamanna sem hafa stutt við bakið á okkur með frábærum hætti. Það hefur fært okkur sigra og gleði. Við ætlum að vera glöð í vetur og skemmta okkur Eyjamönnum. Við vonum að þið takið þátt í þessari skemmtun með okkur. Einhver kann enn að vera efins eftir lestur þessarar greinar og kalla okkur „fþróttapakk." En við erum stolt af þessu „íþróttapakki" þegar vel gengur og hver kannast ekki við sjálfan sig í Thule auglýsingunni? Ef einhverjir hafa áhuga á einhverju er hér hefur fram komið, eruð þið vinsamlegast beðin að hafa samband við Pál Marvin, Varða eða Bjössa. Takk fyrir allan stuðninginn í gegnum árin. Við Eyjamenn höfum staðið okkur frábærlega. Handboltastelpur í ÍBV"''

=== '''Loksins skorað''' ===
ÍBV tók á móti Þór frá Akureyri þann 24. ágúst í mikilvægum leik en bæði lið voru á botni deildarinnar. Þrátt fyrir markaleysi í undanförnum leikjum þá áttu Eyjamenn ekki í teljandi vandræðum með að finna réttu leiðina í markið í leiknum, alls urðu mörk ÍBV þrjú en Þórsarar skoruðu eitt mark. Fyrri hálfleikur var jafnari en sá síðari en leikmenn ÍBV byrjuðu mjög grimmt í leiknum. Á 33. mínútu dró svo til tíðinda þegar Ingi Sigurðsson lék bakvörð norðanmanna upp úr skónum, sendi fyrir markið og þar rak Gunnar Heiðar Þorvaldsson stóru tána í boltann sem dugði til að stýra honum í netið. Eyjamenn fögnuðu markinu innilega enda langt síðan liðið skoraði síðast en enginn fagnaði eins mikið og Njáll Eiðsson. Eftir þetta dró ÍBV liðið sig heldur til baka og Þórsarar gengu á lagið. Fjórum mínútum fyrir leikhlé misstu Eyjamenn svo boltann klaufalega á miðjunni, Jóhann Þórhallsson lék þá í átt að teignum og skaut óverjandi skoti í mark ÍBV og staðan því 1-1 í hálfleik.

ÍBV var mun sterkari aðilinn í seinni hálfleik og það voru ekki liðnar nema níu mínútur af hálfleiknum þegar Bjarni Geir Viðarsson skoraði, 2-1. Ellefu mínútum fyrir leikslok náði ÍBV svo góðri sókn upp vinstri kantinn sem endaði með fyrirgjöf Atla Jóhannssonar. Gunnar Heiðar sneri af sér varnarmann Þórsara sem togaði hann niður og réttilega dæmd vítaspyrna. Bjarnólfur Lárusson skoraði af öryggi úr spymunni og tryggði ÍBV sigurinn í leiknum.

=== '''Strákarnir úr leik''' ===
2. flokkur karla lék gegn KR-ingum í undanúrslitum bikarkeppninnar. Leikurinn fór fram við nokkuð erfiðar aðstæður á Þórsvelli, sem er mjög illa farinn eftir sumarið. Gestirnir byrjuðu betur í leiknum og komust yfir en Andri Ólafsson jafnaði fyrir leikhlé. Kevin Barr kom svo ÍBV yfir úr vítaspyrnu en þegar aðeins stundarfjórðungur var eftir jöfnuðu KR-ingar. Framlengingin var jöfn og spennandi og bæði lið fengu ágætis færi til að skora. En hvomgu liði tókst það hins vegar og því varð að grípa til vítaspyrnukeppni. KR-ingar skoruðu úr fyrstu spymunni og Kevin Barr jafnaði. Á eftir fylgdu hins vegar tvær misheppnaðar spymur hjá ÍBV á meðan KR-ingar skomðu úr sínum spyrnum og því stóðu þeir uppi sem sigurvegarar, unnu leikinn 3-6.

=== '''Tap gegn Selfossi''' ===
Karlaliðið í handknattleik spilaði tvo æfingaleiki í Eyjum í lok ágúst en þá var leikið gegn Selfyssingum. ÍBV tapaði báðum leikjunum hér en enn vantar upp á að leikmannahópurinn sé fullmannaður því hvorki Viktor Gigov né Robert Bognar eru komnir til landsins.

=== '''Góð æfingaferð hjá kvennaliðinu''' ===
Undirbúningur kvennaliðsins í handbolta var farin á fullt um miðjan ágúst. Liðið fór og lék þrjá leiki í Reykjavík sem allir unnust. Strax á föstudagskvöldið mættu stelpurnar FH og þrátt fyrir að eiga erfiða sjóferð með Herjólfi að baki þá unnu þær leikinn 22-23. Á laugardaginn mættu þær svo fyrst Víkingum og sá leikur vannst 19-21 eftir að staðan í hálfleik hafði verið 6-12. Síðastí leikurinn var svo gegn Haukum og sá leikur fór 18-21 fyrir ÍBV. Um næstu helgi fer liðið svo til Álandseyja en þar tekur liðið þátt í sterku móti. íslenska landsliðinu var boðin þátttaka en hafnaði því og var ÍBV boðið í staðinn. Eyjastúlkur þurfa einungis að borga fyrir flugfarið út en leikmenn liðsins hafa safnað fyrir því.

=== '''Tveir góðir sigrar hjá stelpunum''' ===
Kvennalið IBV mætti FH í Kaplakrika þar sem Eyjastúlkur völtuðu yfir andstæðinga sína og sigruðu 0-5. Bryndís Jóhannesdóttir gerði þrennu í leiknum en Margrét Lára Viðarsdóttir og Michelle Barr hin mörkin tvö. Með sigrinum tryggði ÍBV sér endanlega fjórða sæti deildarinnar og reyndar á liðið enn veika von um þriðja sætið en til þess að það gangi eftir þarf Breiðablik að tapa tveimur af síðustu þremur leikjum sínum og ÍBV að vinna síðustu þrjá leikina. Tæpri viku síðar tóki stelpurnar á móti Stjörnunni. Stjörnustúlkur komu nokkuð á óvart með því að skora í fyrri hálfleik og staðan í hálfleik var 0-1. Seinni hálfleikur var allt annar af hálfu IBV, liðið náði ágætri pressu á Stjörnuliðið og uppskar tvö mörk. Lokatölur urðu því 2-1 fyrir ÍBV sem nú er komið með 22 stig og á enn ágæta möguleika á þriðja sæti deildarinnar en þegar tvær umferðir eru eftir munar aðeins þremur stigum á ÍBV og Breiðabliki. Elena Einisdóttir sagði í samtali við Fréttir eftir leikinn að leikmenn ÍBV væru ákveðnir í að klára Íslandsmótið með stæl. „''Það er alltaf mjög erfitt að spila gegn Stjörnunni en þær spila alltaf með níu manna varnarlínu sem er alltaf erfitt að brjótast í gegnum. Þær ná oft að læða inn einu og einu marki eins og þær gerðu gegn okkur en það dugði þeim ekki í dag. Við ætlum að vinna þessa tvo leiki sem við eigum eftir, við gátum unnið KR á útivelli og af hverju ekki á heimavelli."''

=== '''2. flokkur kvenna í bikarúrslit''' ===
Þann 25. ágúst fór fram hreint magnaður undanúrslitaleikur í bikarkeppni annnars flokks kvenna þegar ÍBV tók á móti Stjörnunni. Leikurinn þótti ágætlega leikinn, mikil barátta og dramatíkin ekki síðri. Sara Sigurlásdóttir skoraði fyrsta mark leiksins en IBV var betri aðilinn framan af. Stjörnustúlkum tókst hins vegar að vinna sig inn í leikinn og þegar skammt var til leiksloka jöfnuðu þær metin. Í framlengingunni voru það svo gestirnir sem skoruðu fyrsta markið strax í upphafi fyrri hálfleiks en Ester Óskarsdóttir jafnaði undir lok hálfleiksins. Þrátt fyrir að vera betri aðilinn í síðari hálfleik þá tókst Eyjastúlkum ekki að skora og því varð að grípa til vítaspyrnukeppni. Þar misfórust fyrstu tvær spyrnur ÍBV á meðan gestirnir skoruðu úr sínum spyrnum og útlitið ekki gott. En leikmenn IBV skoruðu úr restinni á meðan Hanna Guðný Guðmundsdóttir varði tvær síðustu spyrnur Stjörnunnar og því var enn jafnt eftir að hvort liðið hafði tekið fimm spyrnur. Sara Sigurlásdóttir tók sjöttu spyrnu ÍBV og skoraði af miklu öryggi en Hanna Guðný gerði sér svo lítið fyrir og varði síðustu spyrnu Stjörnunnar og því er það ÍBV sem komst í bikarúrslitin, annað árið í röð.

=== '''-Aðrir flokkar''' ===
Annar flokkur karla lék gegn KA en leikurinn fór fram fyrir norðan. Aðeins eitt mark var skorað, það gerði Ástvaldur Gylfason seint í fyrri hálfleik og því sigraði ÍBV 0-1. Þriðji flokkur karla lék laugardaginn 24. ágúst gegn Leikni úr Reykjavík og fór leikurinn fram á Þórsvellinum. Gestirnir áttu aldrei möguleika í leiknum sem endaði með sjö marka sigri ÍBV, 7-0. Mörk ÍBV gerðu þeir Björgvin Þorvaldsson sem skoraði fimm mörk. Andri Eyvindsson og Finnbogi Friðfinnsson gerðu svo hvor sitt markið. Fjórði flokkur karla hefur lokið sinni þátttöku í íslandsmótinu en strákarnir voru aðeins hársbreidd frá því að komast í úrslit. A-liðið lenti í þriðja sæti B-riðils en tvö efstu liðin fóru áfram. ÍBV var með jafnmörg stig og liðið í öðru sæti og markatalan var jöfn en ÍBV hafði skorað færri mörk og komst því ekki áfram.

=== '''Góð byrjun nægði ekki''' ===
ÍBV féll út úr Evrópukeppninni í forkeppni Evrópukeppni félagsliða í knattspyrnu þegar liðið mætti AIK á Hásteinsvelli þann 29. ágúst. Leikurinn var síðari viðureign liðanna en AIK hafði unnið þá fyrri 2-0 og því þurftu Eyjamenn að skora þrjú mörk gegn engu marki Svíanna til þess að komast áfram. Gunnar Heiðar Þorvaldsson náði að skora eftir aðeins tæplega þriggja mínútna leik, nokkuð sem fæstir höfðu séð fyrir.

Aðeins nokkmm andartökum síðar fékk Gunnar svo gullið tækifæri á að jafna metin í viðureignum liðanna þegar hann slapp inn fyrir vöm gestanna en Teddy Lucic hljóp hann uppi og bjargaði í horn á elleftu stundu. Svíarnír jöfnuðu metin á níundu mínútu en þar var að verki Mats Ruberth. Að öllu eðlilegu hefðu varnarmenn IBV komið í veg fyrir að hann fengi skotfæri en einhver misskilningur varð til þess að hann fékk færið og nýtti það. Undir lok fyrri hálfleiks var svo eins og leikmenn IBV gleymdu sér eitt andartak, þá fengu Svíarnir aukaspymu við vítateigshomið, Stefan Ishizaki lagði þá boltann á félaga sinn, Daniel Hoch sem renndi boltanum í fjærhornið.

Seinni hálfleikur var grófari en sá fyrri og leikmenn beggja liða fóru langt yfir strikið. Á 69. mínútu dró hins vegar til tíðinda þegar að Gunnar Heiðar átti ágætt skot úr upplögðu færi en boltinn hafnaði í stönginni. Aðeins örfáum sekúndum síðar voru Svíamir búnir að bæta við marki og tryggðu sér þar með sigurinn, 1-3.

=== '''Njáli sagt upp''' ===
Knattspyrnudeild ÍBV ákvað þann 29. ágústað leysa Njál Eiðsson, þjálfara meistaraflokks ÍBV, undan samningi, en Eyjamenn eru í 7. sæti Símadeildarinnar, þegar þrjár umferðir eru eftir, og leika í undanúrslitum bikarkeppninnar innan skamms. Eyjamenn sendu eftirfarandi fréttatilkynningu frá sér: „Sú ákvörðun hefur verið tekin af hálfu knattspyrnudeildar ÍBV að leysa Njál Eiðsson, þjálfara meistaraflokks ÍBV, undan samningi. Af ýmsum ástæðum hefur gengi liðsins ekki verið samkvæmt væntingum sem til þess voru gerðar og því telur stjórnin rétt að fá nýjan aðila til að stjórna liðinu á endasprettinum í deild og bikar.“

=== '''Njáll Eiðsson ósáttur við uppsögnina''' ===
Njáll stýrði ÍBV í síðasta sinn gegn sænska liðinu AIK en ólíklegt er að tapið gegn þeim hafi verið það sem hafi fyllt mælinn þannig að ákvörðunin hefur verið tekin fyrir þann leik. Fréttir höfðu samband við Njál Eiðsson varðandi málið og hann sagði að það væri enginn vafi í hans huga hver raunveruleg ástæða þess að honum var vikið úr starfi. „Uppsögnina má fyrst og fremst rekja til persónulegra deilna milli mín annars vegar og formanns og framkvæmdastjóra knattspyrnudeildarinnar hins vegar," sagði Njáll. En grunaði þig að uppsögn lægi í loftinu? ''„Nei það grunaði mig svo sannarlega'' ''ekki. Ég skal viðurkenna það að á tímabili í sumar var ég að íhuga að segja af mér vegna þess að liðinu gekk illa og ég var að velta því fyrir mér hvort það væri best fyrir ÍBV að annar tæki við liðinu. Þá voru hins vegar haldnir fundir með leikmönnum og stjómarmönnum þar sem men skiptust á skoðunum um hvað mætti betur fara. Þessir fundir voru mjög góðir fyrir mig og leikmenn komu einnig með punkta sem ég hef svo reynt að vinna eftir. Þarna var líka ákveðið að samstaða væri lykillinn að betra gengi þannig að uppsögnin kemur mér að sjálfsögðu gjörsamlega í opna skjöldu."''

Nú segja þeir að ástæða uppsagnarinnar sé að af ýmsum ástæðum hafi liðið ekki staðist þær væntingar sem til þess voru gerðar. Telur þú að gengi liðsins spili enga rullu í þessu máli? ''„Mér fannst dálítið fyndið að heyra þetta því þegar þeir segja mér upp þá gáfu þeir mér tvær ástæður. Annars vegar væru það samskiptaörðuleikar við stjórnarmeðlimi og hins vegar óánægja leikmanna, sem ég veit núna að er langt frá því að vera satt því leikmenn hafa verið duglegir að hringja í mig eftir að mér var sagt upp til þess að lýsa yfir furðu sinni á þessu. Þeir minntust hins vegar hvergi á slakt'' ''gengi liðsins enda erum við í því sæti sem okkur var spáð fyrir sumarið og í ofanálag komnir í undanúrslit í bikarnum þannig að gengi liðsins hefði ekki átt að koma þeim á óvart. Þeir réðu mig til þess að byggja upp ungt og efnilegt lið og þegar ég kem'' ''byrja ég á að hleypa ungu strákunum að. Eftir að ég byrjaði hafa alls fimm til sex strákar komið inn í byrjunarliðið, Gunnar Heiðar, Atli, Bjarni Geir, Páll Hjarðar, Unnar Hólm og Andri Ólafs, þannig að ég tel mig hafa staðið við þann hluta samningsins."''

'''-Var varaformaðurinn boðaður eða ekki?'''

Haft var samband við Ásmund Friðriksson, formann stjómar kanttspymudeildar og vildi hann ekkert láta hafa eftir sér um málið. „''Við teljum það ekki þjóna nokkrum tilgangi á þessum tímapunkti,"'' sagði Asmundur og bætti við: „''Það er ekki rétt að Eggert Garðarsson, varaformaður hafi ekki verið boðaður á fundinn þegar ákvörðun um að segja Njáli upp var tekin."''

Eggert Garðarsson, varaformaður, hefur allt aðra sögu að segja. ''„Ég er mjög ósáttur við uppsögn Njáls og tel hana ekki þjóna félaginu á nokkurn hátt. Svo er það ekki rétt að ég hafi verið boðaður á fundinn. Það var aldrei gert,"'' sagði Eggert.

=== '''Vel heppnuð æfingarferð hiá stelpunum''' ===
Stelpurnar í handboltanum tóki þátt í æfingamóti á Álandseyjum í ágúst. Forsaga málsins var sú að íslenska landsliðinu var fyrst boðin þátttaka í mótinu en því var hafnað. Niðurstaðan varð sú að ÍBV var boðið að vera með í mótinu og var boðið þegið. ÍBV spilaði fimm leiki gegn sterkum liðum og gerði sér lítið fyrir og sigraði í þeim öllum. Fyrstu þrír leikirnir voru í riðlakeppni en svo var leikið í undanúrslitum og svo úrslitaleikurinn sjálfur.

Úrslit leikjanna urðu þessi: ÍBV-G/T 76 23-20, ÍBV-Tyresö HF 23-17, ÍBV-Sparvavens HF 22-16, ÍBV – Lidingö SK. 22-16, ÍBV-Kavlinge HK 34-16.

Unnur Sigmarsdóttir sagði í samtali við Fréttir að ferðin hafi tekist mjög vel. ''„Mótið fór fram í frekar litlum bæ og gistum við allar saman á einum stað. Þessi ferð var einmitt hugsuð til þess að hrista saman mannskapinn. Við erum með marga útlendinga og svo heimastelpur og mikilvægt að skapa góðan móral strax. Ég held að þessi ferð hafi gengið fullkomlega upp, bæði varðandi hópinn og leik liðsins, við unnum mótið en reyndar er alltaf eitthvað sem má laga í leik liðsins,"'' sagði Unnur.

=== '''Komast ekki upp um dcild''' ===
2. flokkur karla mætti HK á Hásteinsvellinum í lok september í miklum rokleik. Strákarnir voru greinilega ekki búnir að ná sér eftir tapið gegn KR í undanúrslitum í bikarnum því liðið virkaði hvergi nærri eins frískt eins og það var í þeim leik. Gestimir komust yfir um miðjan seinni hálfleik en þá léku þeir á móti vindinum. Leikurinn var hins vegar í jafnvægi en eftir mark gestanna þá sóttu Eyjamenn mun meira. Sóknarþunginn bar loks árangur þegar aðeins þrjár mínútur voru til leiksloka en þá jafnaði Hafþór Atli Rúnarsson. Strákarnir gleymdu sér hins vegar á lokasprettinum og leikmenn HK stálu sigrinum á lokasekúndunni. Fyrir leikinn átti ÍBV enn veika von um að fara upp um deild en með tapinu eru þeir möguleikar úr sögunni. Í staðinn er liðið í bullandi fallbaráttu og nú skilur aðeins eitt stig KA og ÍBV að, KA menn eru í fallsæti en ÍBV á reyndar leik inni á KA.

== '''SEPTEMBER''' ==

=== '''Mikilvægt stig í fallbaráttunni''' ===
Karlalið IBV lék gegn KR í Frostaskjólinu á fyrstu dögum September mánaðar. Leikurinn var mjög mikilvægur fyrir bæði lið, ÍBV í harðri fallbaráttu en KRingar berjast um íslandsmeistaratitilinn. ÍBV spilaði ágætlega í leiknum, sérstaklega í fyrri hálfleik þar sem sóknarleikur IBV var mun beittari en heimamanna. Eyjamenn byrjuðu af miklum krafti í leiknum. Á tólftu mínútu náði Gunnar Heiðar boltanum í netið eftir mistök gestgjafanna í eigin vítateig. Eftir þetta drógu leikmenn ÍBV sig aðeins til baka en fengu samt sem áður hættulegri færi en KR-ingar. Átta mínútum fyrir hlé tókst vesturbæjarliðinu hins vegar að jafna og í hálfleik var staðan jöfn 1-1. ÍBV lék ekki eins vel í síðari hálfIeik sem helgaðist helst af því að Atli Jóhannsson fékk að Iíta sitt annað gula spjald í leiknum og þar með rautt þegar um 25 mínútur voru til leiksloka. Með mikilli baráttu tókst ÍBV að halda í stigið sem verður að teljast býsna gott miðað við þá stöðu sem liðið er í.

=== '''Nýr leikmaður til kvennaliðsins''' ===
Nú hefur forráðamönnum kvennaliðs ÍBV í handbolta tekist að næla í mjög sterkan leikmann frá Úkraínu, að nafni Anna Yakova. Anna er aðeins 23 ára, örvhent skytta og hefur hún samþykkt fimm ára samning við ÍBV en aðeins á eftir að ganga frá málunum varðandi úkraínska liðið. Anna hefur verið í úkrafnska landsliðinu, var markahæst í deildinni þar ytra á síðasta tímabili og hefur staðið sig vel í þeim Evrópuleikjum sem hún hefur spilað.

=== '''Duranona mjög líklega með ÍBV í vetur''' ===
Þann 12. September birtist frétt í bæjarblaðinu Fréttum um tilvonandi komu Duranona en fréttin er eftirfarandi; ''Einn litríkasti handknattleiksmaður Íslendinga hins síðari ár, Robert Duranona mun að öllum líkindum spila með karlaliði ÍBV í handknattleik í vetur. Duranona hefur verið atvinnumaður erlendis undanfarin ár en var samningslaus þannig að forráðamenn ÍBV buðu honum samning. Jóhann Pétursson, í handknattleiksráði, sagði að Duranona væri væntanlegur til Eyja á morgun. „Hann kemur til okkar annaðhvort annað kvöld eða á fimmtudagsmorguninn og verður á æfingu með okkur á fimmtudagskvöldið. Fólki er að sjálfsögðu velkomið að kíkja við'' ''og skoða kappann. Það er kominn grundvöllur fyrir samningi við Duranona og ef hann stenst læknisskoðun þá verður líklega gengið frá samningi við hann."'' Duranona gekk ekki til liðs við ÍBV.

=== '''Páll Scheving nýr framkvæmdastjóri ÍBV- íþróttafélags''' ===
Páll Scheving hefur verið ráðinn framkvæmdastjóri IBV íþróttafélags. Magnús Sigurðsson, sem gegnt hefur þessu starfi um tveggja ára skeið, hverfur nú til annarra starfa, en hann hefur ráðið sig sem framkvæmdastjóra byggingafyrirtækisins, Steina og Olla.

=== '''Miklar breytingar frá síðasta tímabili''' ===
Þann 13. September spilar ÍBV sinn fyrsta leik í deildarkeppni kvenna í handbolta. En í Fréttum daginn fyrir leik var kynning á liðinu á samt viðtali við nýjan þjálfara liðsins, Unni Sigmarsdóttur og fyrirliðan Ingibjörgu Jónsdóttur.

Í ár, eins og svo oft áður teflir ÍBV fram mjög breyttu liði, alls hafa sex leikmenn, sem voru í eða við byrjunarliðið, horfið á braut. Mest munar um Andreu Atladóttur sem nú hefur lagt skóna á hilluna. Dagný Skúladóttir lék með ÍBV í fyrra og var mikilvæg eins og reyndar Spánverjarnir Ana Peréz og Isabel Ortiz. Þessir leikmenn, ásamt Milönu Mileusnic, sem hvarf af braut um áramót, skoruðu alls 78,9% af mörkum liðsins þannig að Unnur Sigmarsdóttir á strembið verkefni framundan.

Einn af máttarstólpum IBV undanfarin ár og jafnframt fyrirliði liðsins, Ingibjörg Jónsdóttir, sagði að hópurinn hjá IBV væri jafnvel sterkari en í fyrra.

''„Við höfum æft stíft að undanförnu og spilað óvenju marga æfingaleiki í haust. Æfingaferðin til Svíþjóðar var mjög góð fyrir hópinn, þar vorum við allar saman í lillum bæ sem bauð ekkert upp á annað en að við héldum hópinn. Það var mjög gott fyrir móralinn. Leikirnir eru líka fleiri núna en oft áður, í Svíþjóð spiluðum við fimm leiki, íjóra helgina þar á undan og svo fimm leiki í Reykjavíkurmótinu.''

''Útlendingarnir komu líka til okkar á góðum tíma og hafa verið með okkur lengur en oft áður þegar deildarkeppnin byrjar. Heimastelpumar voru líka duglegar að æfa í sumar, má segja að æfingar hafí varla fallið niður frá í vor. Mér fínnst yngri stelpurnar koma mjög ákveðnar til leiks í þessum æfíngaleikjum sem við höfum verið að spila og þó að hópurinn í vetur telji kannski ekkert fleiri leikmenn en á síðasta tímabili, þá eru þessar stelpur virkilega tilbúnar í slaginn og fyrir vikið verður liðið betra."''

Unnur Sigmarsdóttir, þjálfari, tekur nú við liðinu eftir að hafa verið viðloðandi kvennahandboltann síðastliðin ár. Fyrst var Unnur að sjálfsögðu leikmaður og í seinni tíð aðstoðarþjálfari og nú þjálfari liðsins. Unnur segir að liðið hafi hafið æfingar snemma í sumar. ''„Það er ekki orðin mikil hvíld milli tímabila og byrjuðum við á fullu í byrjun júlí. Stelpumar héldu sér í góðu fonni fram að því en við höfum reynt að hafa æfingarnar sem fjölbreyttastar, farið í hjólreiðatúra og svo gengu stelpurnar upp á hálendið og fóru Laugaveginn. Þetta hefur þjappað hópnum saman þannig að kjarninn er orðinn mjög samhentur. Útlendingamir hafa svo verið að bætast við og mér finnst við vera með sterka liðsheild. Síðustu þrjar vikur hafa nánast bara farið í æfingaleiki sem kemur okkur auðvitað til góða. Samt sem áður er enn margt sem við þurfum að laga."'' En hvernig líst þér á komandi vetur? ''„Hvað okkur varðar þá líst mér bara vel á það. Núna verður spiluð þreföld umferð, 28 leikir bara í deildarkeppninni á móti sextán í fyrra þannig að þau lið sem hafa mestu breiddina munu enda ofarlega. Það er nauðsynlegt fyrir okkur að vera sem best undirbúnar fyrir þetta, að leikmenn verði komnir í form enda verður mikið álag í vetur. Eg á von á því að deildin verði jöfn en að lokum verði það þrjú lið sem skera sig úr hópnum, við verðum þar, Haukar og Víkingur."''

'''Leikmenn ÍBV eru;'''

Vigdís Sigurðardóttir

Íris Sigurðardóttir

Ingibjörg Jónsdóttir

Alla Gorgorian

Elísa Sigurðardóttir

Edda Eggertsdóttir

Birgit Engl

Sylvia Strass

Þórsteina Sigurbjörnsdóttir

Aníta Ýr Eyþórsdóttir

Hildur Sigurðardóttir

Björg Ólöf Helgadóttir

Anna Ykova

Anna Rós Hallgrímsdóttir

Helle Hansen

=== '''ÍBV stelpurnar í þriðja sæti''' ===
Eyjastúlkumar lentu í þriðja sæti á Reykjavíkurmótinu í handknattleik sem fram fór í byrjun september. Stelpumar töpuðu aðeins einum leik, gegn Víkingi 19-20. Víkingur varð svo Reykjavíkurmeistari kvenna. IBV sigraði Stjömuna í leik um þriðja sætið með nokkram yfirburðum 28-21. Karlalið ÍBV vann einn leik í mótinu, þá var það Kyndill frá Færeyjum sem lá 21-20 en hinir leikirnir töpuðust.

=== '''Heimavöllurinn réði úrslitum''' ===
ÍBV og Fram mættust í undanúrslitum Coca-Cola bikarkeppninnar á þriðjudagskvöldið á Laugardalsvelli. Aðstæður voru vægast sagt mjög erfiðar á „þjóðarleikvanginum," völlurinn þungur og blautur enda stanslaust úrhelli á meðan leik stóð. Kom það nokkuð niður á knattspymunni. Eftir markalausan fyrri hálfleik komust Eyjamenn yfir strax í upphafi síðari hálfleiks þegar Páll Hjarðar skoraði með óæðri endanum. Eftir það voru Eyjamenn mun beittari án þess þó að skapa sér mikið af hættulegum færum. Þegar tuttugu mínútur vom til leiksloka tókst Frömurum hins vegar að jafna leikinn eftir hornspyrnu. Eftir það má segja að leikurinn hafi gjörsamlega snúist við, Framarar, sem þarna nutu heimavallarins, vom líklegri til að skora en Eyjamenn enda fór það svo að tólf mínútum fyrir leikslok tryggðu þeir sér sigurinn. Eyjamenn reyndu hvað þeir gátu til að jafna en höfðu ekki erindi sem erfiði og síðasta vonin um titil í sumar rann því út um sandinn. Það er óhætt að segja að þessi leikur sé lýsandi dæmi fyrir gengi liðsins í sumar. Þrátt fyrir að skora fyrsta mark leiksins þá tapast hann. Heimir Hallgrímsson, þjálfari liðsins sagði í samtali við Fréttir eftir leikinn að það hefði verið mjög svekkjandi að tapa þessum leik. ''„Mér fannst við vera betri aðilinn allt þar til þeir skora. Þá hreinlega dettur botninn algjörlega úr þessu hjá okkur. Þetta þurfum við að laga. Þetta er ekki í fyrsta skipti sem það gerist, að við komumst yfir en töpum svo jafnvel. Það er líka dýrt að tapa þessum leik, úrslitaleikurinn í bikamum var í boði og það er eitthvað sem leikmenn dreymir um að taka þátt í. Möguleikinn á Evrópukeppninni er líka úr sögunni og þar eru miklir peningar sem við missum af en nú þurfum við bara að snúa okkur að næsta verkefni, það er að tryggja okkar sæti í deildinni,"'' sagði Heimir.

=== '''Stórtap gegn KR''' ===
ÍBV tók á móti KR í næstsíðustu umferð Símadeildarinnar. Leikurinn hafði litla þýðingu fyrir ÍBV en jafntefli nægði KRingum til þess að landa Íslandsmeistaratitlinum sem þær áttu nokkuð vísan. Vesturbæjarliðið sló hvergi af gegn IBV og gjörsigraði heimastúlkur, 0-7. Michell Barr lék ekki með ÍBV í leiknum þar sem hún hafði samið við enska stórliðið Doncaster Bells en enska leikmannamarkaðnum var lokað í byrjun september. Michelle stýrði liðinu hins vegar frá hliðarlínunni en tók hún við þjálfarastöðunni fyrr í sumar. Eftir jafnar upphafsmínútur tókst KR-ingum að komast yfir á tíundu mínútu. Gestirnir bættu svo við tveimur mörkum fyrir leikhlé og höfðu því nánast gert út um leikinn í hálfleik. Veðrið lék hreint ekki við leikmen, það gekk á með rigningu og þegar leið á leikinn bætti heldur í vind þannig að í síðari hálfleik var nánast slagveður. En áfram hélt leikurinn og áður en yfir lauk höfðu KR-ingar skorað sjö mörk gegn engu marki ÍBV og fögnuðu því íslandsmeistaratitlinum í leikslok.

=== '''Jafntefli fyrir norðan''' ===
Á Akureyri mættust ÍBV og ÞórKA/KS í síðustu umferð Símadeildar kvenna.

Hvorugt liðið hafði að neinu að keppa, IBV gat hvorki farið upp né niður töfluna og norðanstúlkurhöfðu tryggt veru sína í deildinni að ári. Leikurinn bar þess líka merki, hvorugu liði tókst að skora þannig að niðurstaðan varð markalaustjafntefli.

ÍBV endaði þar með tímabilið í fjórða sæti, með 23 stig, fimm stigum minna en áríð áður en þá endaði liðið í þriðja sæti. Árangurinn í bikarkeppninni í ár er reyndar betri en árið áður en þá var liðið slegið út í átta liða úrslitum en í ár í undanúrslitum en engu að síður dálítil vonbrigði að ná ekki lengra.

=== '''Gott hjá 2. flokki''' ===
2. flokkur karla tryggði sér á dögunum áframhaldandi sæti í Briðli með sigri á Stjömunni en samt sem áður var liðið í baráttu um að komast upp allt þar til tvær umferðir vom eftir. ÍBV mætti Stjörnunni í Garðabæ en Stjaman var þegar fallin í C-deild. Eyjamenn sigruðu nokkuð ömgglega, 0-3 og gátu því farið nokkuð afslappaðir í síðasta leikinn, gegn Fjölni. Mörk IBV: Andri Eyvindsson, Einar Hlöðver Sigurðsson, Kevin Barr.

2. flokkur kvenna mætti Skagastúlkuni í miklum rokleik. Stelpurnar lentu í vandræðum með gestina í fyrri hálfleik á móti sterkum vindi. Skagastúlkur komust yfir en ÍBV tókst að jafna fyrir leikhlé. Í seinni hálfleik tóku stelpumar síðan öll völd á vellinum og lokatölur urðu 5-l fyrir ÍBV.

=== '''ÍBV fær styrk til unglingastarfs''' ===
Knattspymusamband Evrópu, UEFA hefur ákveðið að hluti af tekjum sem sambandið fékk fyrir Meistaradeildina tímabilið 2001-02 muni renna til félagsliða aðildarlandanna til eflingar knattspyrnu bama og unglinga en þetta hefur verið venja undanfarin ár. KSÍ er svo falið að skipta peningunum og sjá til þess að þeim sé rétt varið. Það kom í hlut þeirra félaga scm léku í efstu deild karla árið sumarið 2000 að fá styrk sem nemur 1.640.329 krónum.

=== '''Ólafur Berry í æfingahóp U-17''' ===
Ólafur Þór Berry hefur verið valinn til þess að taka þátt í æfingum U-17 ára landsliðs Íslands í upphafi september. Íslenska liðið tekur þátt í undankeppni Evrópumótsins en riðill Íslands fer fram hér á landi um miðjan septembermánuð.

=== '''Tefla fram mikið breyttu liði''' ===
Liðið í ár er mjög breytt frá því sem að var, ÍBV hefur misst sterka leikmenn á borð við Svavar Vignisson, Arnar Pétursson, Mindaugas Andriuska, Hörð Flóka Ólafsson og Petras Raupenas. Ekki hefur gengið eins vel að fá sterka menn til baka, liðið hefur fengið sterkan makedónískan markvörð að nafni Viktor Gigov og traustan ungverskan útileikmann sem heitir Robert Bognar auk þess sem gamli jaxlinn Gylfi Birgisson hefur nú tekið fram skóna að nýju. Á síðasta tímabili fengu ungu strákarnir eldskírnina í handboltanum en nú er komið að þeim að halda uppi leik liðsins að mestu leyti. Hinn nýskipaði fyrirliði liðsins, Sigurður Bragason hefur leikið mestan hluta ferilsins með ÍBV en fyrir tveimur árum var hann reyndar í herbúðum Víkinga. Það er líklega vel við hæfi að fyrirliði hins unga liðs sé aðeins 25 ára gamall en þess má reyndar geta að Sigurður er þriðji elsti leikmaður liðsins, á eftir þeim Gylfa Birgissyni og þjálfaranum Erlingi Richardssyni. Sigurður sagði í stuttu spjalli við blaðamann Frétta að honum litist nokkuð vel á komandi vetur. ''„Það er samt sem áður alveg á hreinu að þetta á eftir að verða mjög erfitt. Liðið er mjög ungt að árum og ég held að ÍBV hafi aldrei teflt fram jafn ungu liði og gert er núna. Það kom reyndar upp svipuð staða í kringum 1995 þegar Arnar Péturs, Gunnar Berg og fleiri voru að stíga sín fyrstu skref í meistaraflokki. Þá var liðið ungt en það voru menn eins og Guffi og fleiri reyndir leikmenn sem að styrktu þá. Núna vantar meiri reynslu inn í liðið en á móti kemur að fyrir vikið fá fleiri af ungu strákunum tækifæri í vetur og þannig öðlast þeir reynslu."'' Er hópurínn mjög þunnskipaður? ''„Við fengum tvo ágæta útlendinga, markmanninn Viktor Gigov, sem er mjóg góður og varði mjóg vel í fyrsta. leiknum. Robert Bognar á eftir að styrkja okkur í vetur, eykur breiddina og er mjög traustur. Hann er reyndar enginn reynslubolti enda bara 24 ára gamall en engu að síður traustur leikmaður. Svo ætluðum við auðvitað að fá Duranona til okkar til að gera veturinn skemmtilegri en hann sveik okkur þannig að nú þurfa strákarnir bara að stíga fram. En stuðningsmenn okkar verða bara að styðja við bakið á okkur. Það var svipuð staða hjá Víkingum þegar ég fór þangað, ungir strákar sem átti svo að byggja á en stuðningsmenn þeirra gáfust upp sem gerði það að verkum að leikmenn nenntu ekki að spila lengur fyrir tómu húsi. Þetta má alls ekki gerast hjá okkur og þess vegna verðum við bara að biðja fólk um að sýna liðinu biðlund og gefa okkur tíma. Þessir strákar eiga eftir að halda uppi merki ÍBV eftir 2-3 ár og þá verður hægt að gera kröfur til þeirra."''

Erlingur Richardsson tók við þjálfun karlaliðsins í haust og í sumar hefur hann stýrt undirbúningi liðsins. Erlingur er margreyndur leikmaður liðsins en auk þess að leika með ÍBV lék hann m.a. með Val, Selfossi og Haukum; Erlingur var einnig í landsIiðshópi Islands fyrir um tveimur árum og í fyrra stýrði hann kvennaliði IBV til sigurs í bikarkeppninni. Aðspurður sagðist Erlingur vera þokkalega sáttur við undirbúning liðsins en engu að síður hefði hann kosið það að vera kominn lengra með vissa þætti „''Ég hefði viljað vera kominn lengra í leikfræðunum en það lítur allt út fyrir að við þurfum meiri tíma. Við erum auðvitað með ungt lið og ég gerði mér kannski ekki alveg grein fyrir því í upphafi hvar strákarnir stóðu leikfræðilega séð. Foimið er mjög gott hjá leikmönnum en við þurfum að laga ýmsa hluti í okkar leik."'' Hefurðu sett einhver markmið fyrir liðið? ''„Við settumst niður um daginn og spjólluðum aðeins um þessi mál. Við vorum allir sammála um það að markmiðið fyrir veturinn væri að hver ogeinn leikmaðurog að liðið í heild bætti sig líka með hverjum leik. Við vissum fyrirfram lítið um hvernig útlendingarnir eru þannig að það var dálítið erfitt að staðsetja liðið en auðvitað stefna menn alltaf á að komast í átta liða úrslit Islandsmótsins. Það er alveg raunhæft að stefna á það því heppni spilar alltaf dálítið inn í þetta og við vonum að lukkudísirnar verði okkur hliðhollar í vetur. Það er líka ekkert að því að setja markið hátt, þá hefur maður að einhverju að keppa og það er það sem við ætlum okkur."''

'''Leikmenn ÍBV eru;'''

Erlingur Richardsson þjálfari/leikmaður

Gylfi Birgisson

Robert Bognar

Viktor Gigov

Michael Lauritzen

Eyjólfur Hannesson

Jón Helgi Gíslason

Grétar Þór Eyþórsson

Karl Haraldsson

Sigurður Bragason

Sindri Ólafsson

Magnús Sigurðsson

Sigþór Friðriksson

Sindri Haraldsson

Davíð Þór Óskarsson

Sigurður Ari Stefánsson

Ríkharð Guðmundsson

=== '''Langt í land hjá strákunum''' ===
Karlalið IBV í handbolta spilaði sinn fyrsta leik í deildarkeppninni þann 15. september þegar liðið mætti deildar- og bikarmeisturum Hauka á útivelli.

ÍBV átti nánast aldrei möguleika í leiknum en sóknarleikurinn var mjög slakur. Haukaliðið fékk fyrir vikið auðveld hraðaupphlaup sem alvöru lið nýta og það gerðu þeir. Það var fátt jákvætt í leik ÍBV, Robert Bognar skarst á höfði í síðari hálfleik en allt bendir til þess að hann verði klár gegn Val um helgina. Ljósi punkturinn var hins vegar markvarsla Viktors Gigov sem varði 17 skot í leiknum og virðist vera ágætis eftirmaður Harðar Flóka.

Mörk ÍBV: Sigurður Bragason 4, Robert Bognar 4, Kári Kristjánsson 3/1, Sigurður Ari Stefánsson 3/2, Michael Lauritzen 2, Jón Helgi Gíslason 1, Erlingur Richardsson 1, Sigþór Friðriksson 1. Varin skot: Viktor Gisov 17.

=== '''Lausir við falldrauginn''' ===
Sunnudaginn 15. september lék ÍBV einn mikilvægasta leik sinn í áraraðir þegar Skagamenn komu í heimsókn en strákarnir sigruðu leikinn, 4 -1 og tryggðu sæti sitt í úrvalsdeildinni að ári. Leikmenn ÍBV mættu mjóg ákveðnir og einbeittir til leiks og sóknarleikur var augljóslega dagskipunin enda þurfti ÍBV þrjú stig, ekkert minna. Það vom svo ekki liðnar nema fimm mínútur af leiknum þegar ÍBV komst yfir með marki Gunnars Heiðars. Í sumar hefur það gerst að IBV hefur náð forystunni en jafnharðan misst hana og jafnvel tapað leikjum. Margir rifjuðu þetta upp fimm mínútum eftir mark Gunnars Heiðars þegar Skagamenn jöfnuðu eftir vel útfærða skyndisókn. En aðeins fjórum mínútum síðar náði ÍBV aftur forystunni og aftur var það Gunnar Heiðar sem rak endahnútinn á ágæta sókn. Ekki voru fleiri mörk skoruð í fyrri hálfleik en Eyjamenn fengu nokkur ágætis færi sem ekki nýttust. Í síðari hálfleik var nánast eitt lið á vellinum og einstefna á mark gestanna. Skagamenn áttu ekki eitt einasta skot á mark ÍBV fyrsta hálftímann á meðan Eyjamenn sóttu grimmt. Niels Bo skoraði þriðja mark ÍBV eftir góða fyrirgjöf Inga. Tuttugu mínútum fyrir leikslok fiskaði Gunnar Heiðar svo vítaspyrnu sem hann tók sjálfur. Honum urðu ekki á nein mistök, fullkomnaði þrennuna í leiknum og tryggði ÍBV sanngjarnan sigur. Í leikslok var svo tilkynnt að Hlynur Stefánsson hafi leikið sinn síðasta leik með ÍBV en hann mun ekki spila með liðinu gegn FH um næstu helgi. Ingi Sigurðsson var líka búinn að gefa það út að hann ætlaði hætta eftir þetta tímabil, Ingi fékk gult spjald í leiknum og verður í leikbanni í síðasta leiknum.

=== '''Merkilegur leikur''' ===
Þegar íBV og íA mættust á Hásteinsvellinum gerðist margt athyglisvert. Gunnar Heiðar Þorvaldsson skoraði fyrstu þrennu sína fyrir meistaraflokk ÍBV og Niels Bo Daugaard skoraði sitt fyrsta mark fyrir liðið. Hlynur Stefánsson og Ingi Sigurðsson voru líklega báðir að spila sinn síðasta leik fyrir ÍBV en Stefán Bjöm Hauksson var aftur á móti að spila sinn fyrsta leik með meistaraflokki. Þeir félagar, Ingi og Hlynur eru nú í hópi leikjahæstu leikmanna ÍBV frá upphafi í efstu deild, Ingi hefur leikið flesta leikina eða 197 en Hlynur er þriðji í röðinni með 186 leiki. Þórður Hallgrímsson var leikjahæstur fyrir tímabilið með 189 leiki en Ingi sló það met gegn FH

=== '''Auðvelt hjá bikarmeisturunum''' ===
Kvennalið ÍBV mætti KA/Þór í tveimur leikjum helgina 13-15 september en í deildinni er leikin þrefóld umferð. Var seinni leikurinn því í þriðju umferðinni til að spara norðanliðinu ferðakostnaðinn. Fyrir tímabilið var ÍBV spáð efsta sæti í deildinni og eftir leikina um helgina skyldi enginn efast um að sú spá gæti hæglega ræst.

Fyrri leikurinn var mjög auðveldur fyrir ÍBV. Eyjastúlkur mættu varkárar til leiks en um leið og þær náðu þægilegri forystu hrökk pressan af þeim og liðið lék á als oddi. Staðan í hálfleik var 20-9 og varamenn liðsins famir að spreyta sig. Þrátt fyrir það hélst forysta IBV í síðari hálfleik og leikurinn endaði með ellefu marka sigri ÍBV 33-22. Mörk ÍBV: Alla Gorkorian 7/3, Anna Yakova 6/2, Ingibjörg Jónsdóttir 5, Birgit Engl 4, Þórsteina Sigurbjömsdóttir 3, Björg Ó. Helgadóttir 3, Sylvia Strass 3, Hildur Sigurðardóttir 1, Edda Eggertsdóttir 1. Varin skot: Vigdís Sigurðardóttir 24/2

Það mátti búast við að einbeitingarleysi gerði vart við sig hjá ÍBV í síðari leiknum sem fór fram daginn eftir. Varð sú raunin og reyndist erfitt að rífa sig upp úr lægðinni. Það var ekki fyrr en á tuttugustu mínútu sem ÍBV komst yfir í leiknum í fyrsta sinn.

Eftir það var aldrei spuming hvar sigurinn lenti og staðan í hálfleik var 12-7. Fátt markvert gerðist í seinni hálfleik, ÍBV náði mest sjö marka forystu en þegar sjö mínútur vom til leiksloka slógust þær Sylvia Strass hjá IBV og besti leikmaður norðanstúlkna, Ásdís Sigurðardóttir. Það eina sem þær uppskáru var brottvísun Lokatölur leiksins á laugardaginn urðu hins vegar 23-18 og er IBV í efsta sæti Essodeildarinnar í upphafi móts. Mörk ÍBV: Ingibjörg Jónsdóttir 5, Alla Gorkorian 5/1, Sylvia Strass 5, Birgit Engl 2, Björg Ó. Helgadóttir 2, Anna R. Hallgrímsdóttir 2, Þórsteina Sigurbjömsdóttir 1, Anna Yakova 1. Varin skot: Vigdís Sigurðardóttir 28/1

=== '''Stelpurnar urðu að sætta sig við silfrið''' ===
Annar flokkur kvenna var sá flokkur sem náði lengst í bikarnum af stóru flokkunum fjórum hjá ÍBV, meistaraflokkum karla og kvenna og 2. flokki karla sem öll komust í undanúrslit í bikamum. Stelpurnar léku til úrslita gegn KR og fór leikurinn fram á Hvolsvelli. ÍBV hefur síðustu þrjú ár komist í úrslitaleikinn, árið 2000 unnu stelpumar en hafa nú tapað síðustu tveimur leikjunum. Lokatölur leiksins um helgina urðu 3-2 fyrir KR. Stefanía Guðjónsdóttir, sem tók við þjálfun liðsins í ágústmánuði sagði að ÍBV hefði síst verið lakari aðilinn. ''„Það var leiðindaveður þegar leikurinn fór fram, rok og rigning og KR-ingarnir sóttu undan vindi í fyrri hálfleik. Þær skoruðu tvö mörk, fyrra markið um miðjan hálfleikinn og seinna markið undir lok hans og þar spilaði vindurinn stórt hlutverk og nánast feykti boltanum inn. Við sóttum aftur á móti miklu meira í seinni hálfleik. Margrét Lára skoraði glæsilegt mark beint úr aukaspyrnu um miðjan hálfleikinn og undir lokin tók hún aðra eins en Elva Dögg stýrði boltanum yfir línuna. í framlengingunni byrjuðum við með vindinn í bakið en KR-ingar ná einni skyndisókn og fá mjög svo vafasama vítaspymu sem þær skora sigurmarkið úr."''

=== '''Bikarleikur ÍBV spilaður á Hvolsvelli''' ===
Eyjamenn drógust gegn Breiðabliki í 1. umferð bikarkeppni HSÍ. Blikar eiga heimaleikaréttinn en þurfa að bera helmingskostnað af ferðum hins liðsins.

Það var því ákveðið að mætast á miðri leið og mun leikurinn fara fram á Hvolsvelli. Magnús Bragason handknattleiksráðsmaður segir að heimamenn a Hvolsvelli séu mjög spenntir fyrir því að fá leikinn sem fram fer miðvikudaginn 2. október kl. 20.00.

=== '''Tap í síðasta leik''' ===
ÍBV mætti FH á útivelli í 18. og síðustu umferð deildarinnar. FH-ingar þurftu nauðsynlega á öllum þremur stigunum úr þessum leik á meðan leikmenn ÍBV gátu andað rólega enda sæti liðsins í deildinni svo gott sem tryggt. Heimamenn voru töluvert beittari í leiknum og sigruðu verðskuldað 2-1. Fyrri hálfleikur var mjög bragðdaufur en engu að síður voru það eimamenn sem voru sterkari en hvorugu liði tókst að skora. Seinni hálfleikur var mun fjórugri en það voru Hafnfirðingar sem léku á als oddi. Þeir skoruðu tvö mörk áður en Tómas Ingi Tómasson skoraði gullfallegt mark með hjólhestaspyrnu.

=== '''Birkir og Michelle best''' ===
Þann 21. september var í fyrsta skipti haldinn sérstakur ÍBV dagur sem hófst með skemmtun fyrir ungliða ÍBV-íþróttafélags en endaði með stórglæsilegu lokahófi í Týsheimilinu. Þar voru samankomnir meistaraflokkar og annar flokkur karla og kvenna í fótboltanum og fólk sem starfað hefur fyrir félagið á árinu. Í ræðu sinni sagði Óskar Freyr Brynjarsson formaður að stjórnin hefði ákveðið að halda IBV-dag vor og haust þar sem handbolta- og fótboltavertíðirnar verða gerðar upp með leikmönnum, starfsfólki og velunnurum félagsins. Það var þröngt setinn bekkurinn í efri sal Týsheimilisins þar sem voru samankomnir um 150 manns. En það skemmdi ekki fyrir því góður matur var á borðum og fólk ákveðið í að njóta stundarinnar. Hápunktur kvöldsins var afhending viðurkenninga fyrir afrek sumarsins. Birkir Kristinsson var valinn besti maður meistaraflokks, Gunnar Heiðar Þorvaldsson var markahæstur og Andri Ólafsson efnilegastur.

Hjá konunum var Michelle Barr valin best, Bryndís Jóhannesdóttir var markahæst, Erna Dögg Sigurjónsdóttir efnilegust og Rakel Rut Stefánsdóttir þótti hafa sýnt mestu framfarir. Í 2. flokki karla var Einar Hlöðver Sigurðsson valinn bestur og Andri Ólafsson hafði sýnt mestar framfarir. Í 2. flokki kvenna var Margrét Lára Viðarsdóttir valinn best. Marteinsbikarinn fékk Lára Dögg Konráðsdóttir fyrir starf utan sem innan vallar. Fréttabikarana fengu Andri Ólafsson og Margrét Lára Viðarsdóttir en þeir falla í skaut þeim leikmönnum í yngri flokkum karla og kvenna sem að mati blaðsins hafa skarað fram úr.

=== '''Skellur gegn Val''' ===
Eyjamenn tóku á móti Val í fyrsta heimaleik sínum í vetur þann 21. september.

Á meðan Valsmönnum er spáð góðu gengi í vetur er ÍBV sagt lenda í neðri hluta deildarinnar. Leikurinn bar þess líka merki að liðin muni verða á sitt hvorum enda töflunnar því leikmenn IBV réðu ekkert við Valsmenn. Gestirnir spiluðu mjög grimma vörn í fyrri hálfleik og fengu fyrir vikið auðveld hraðaupphlaupsmörk á meðan ÍBV gekk ekkert að skora. Staðan í hálfleik var 3-18, aðeins þrjú mörk á hálftíma hjá IBV sem hlýtur að vera nálægt því að vera met. Seinni hálfleikur var skárri hjá ÍBV en Valsmenn slökuðu hins vegar á, breyttu um vamaraðferð og notuðu seinni hálfleikinn sem æfingu. Lokatölur leiksins urðu 15-33. Mörk ÍBV: Sigurður Ari Stefánsson 8/3, Sindri Haraldsson 3, Robert Bognar 2, Sigþór Friðriksson 1, Kári Kristjánsson 1. Varin skot: Viktor Gigov 7.

=== '''Fæstir áhorfendur á Hásteinsvelli''' ===
KSÍ hefur gefið út áhorfendatölur yfir leiki í Símadeild karla í sumar og kemur þar í ljós að áhorfendum hefur fækkað frá fyrra ári sem var metár. Áhorfendum á leikjum IBV hefur fækkað með hverju árinu og í sumar voru þeir fæstir á Hásteinsvelli. Alls mætti 601 að meðaltali á leiki ÍBV en flestir voru þeir á KR-vellinum, 1948 eða rúmlega 1300 fleiri en hjá ÍBV. Fæstir voru á leik Keflvíkinga og KA, 236 en fæstir áhorfendur á leik hjá ÍBV var í leiknum gegn Grindavfk eða 350. Flestir voru hins vegar á leiknum gegn Fram en þá mættu 860 manns á völlinn.

=== '''Heimir ekki áfram''' ===
Á lokahófi ÍBV-íþróttafélags sem haldið var með knattspyrnumönnum og konum á laugardaginn, var það gefið út að Heimir Hallgrímsson myndi ekki gefa kost á sér

sem þjálfari mfl. karla næsta sumar. Auk Heimis er fyrirséð að Ingi Sigurðsson og Hlynur Stefánsson leggja skóna á hilluna. Alls eru sjö leikmenn samningslausir, Bjami Geir Viðarsson, Bjarnólfur Lárusson, Hjalti Jóhannesson, Hjalti Jónsson, Kjartan Antonsson, Páll Hjarðar og Tómas Ingi Tómasson.

=== '''Laufey var með''' ===
Laufey Ólafsdóttir ÍBV var í kvennalandsliðinu sem lék gegn Englendingum í umspili um laust sæti á Heimsmeistarakeppninni. Laufey kom inn á í fyrri leik liðanna en var svo í byrjunarliðinu í síðari leiknum sem fór fram ytra. Fyrri leikurinn endaði með 2-2 jafntefli en leikurinn úti endaði með 1-0 sigri Englendinganna sem komust þar með áfram.

=== '''Ólafur fékk tækifæri''' ===
Ólafur Þór Berry lék með íslenska landsliðinu í knattspymu skipuðu leikmönnum 17 ára og yngri en liðið lék þá í undanriðli Evrópukeppninnar. Ólafur kom inn á í tveimur leikjum af þremur en íslenska liðið hafnaði í þriðja sæti af fjórum liðum og komst þar með ekki áfram.

=== '''Elva og Margrét til Póllands''' ===
Elva Dögg Grímsdóttir og Margrét Lára Viðarsdóttir hafa verið valdar í landslið skipað stelpum 19 ára og yngri en liðið tekur þátt í undanriðli Evrópumótsins. Riðillinn fer fram í Póllandi, nánar tiltekið í Podlasie sem er í rúmlega 200 km. fjarlægð frá Varsjá en liðið heldur erlendis mánudaginn 30. september.

=== '''Rúmlega 250 börn og foreldrar létu sjá sig''' ===
Lokahóf yngri flokka ÍBV í knattspyrnu var haldið í Týsheimilinu á laugardaginn 28. september en þetta er uppskeruhátíð allra yngri flokka karla og kvenna frá 7. fl og upp í 3. fl. og voru veittar viðurkenningar fyrir bestu ástundun, framfarir, prúðmennsku og í eldri flokkum leikmaður ársins. Það var því fjölmennt í Týsheimilinu þennan dag því mættir voru um 250 krakkar og foreldrar. Guðmunda Bjarnadóttir formaður unglingaráðs ÍBV setti hófið og bauð hún alla viðstadda hjartanlega velkomin sem og Inga Sigurðssyni bæjarstjóra sem sá um að afhenda allar viðurkenningar. Guðmunda benti krökkunum á að Ingi bæjó væri búin að stunda æfingar síðan hann var smá peyi og góð ástundun hefði skilað honum að í dag væri hann orðinn leikjahæsti leikmaður m.fl karla og bæjarstjóri. Unglingaráð vill þakka foreldrarfélögum, þjálfurum og öllum þeim sem hafa komið að starfi yngri flokka í sumar. ''„Ég er mjög ánægður með hvernig þetta tókst hjá okkur og ekki síst með það hvað margir foreldrar mættu.'' ''Það eru margir efnilegir krakkar að koma upp hjá okkur og þurfum við að hlúa að þeim. Lykillinn að því er góð samvinna við foreldra og hæfir þjálfarar,"'' sagði Óskar Freyr.

'''''Verðalaunhafar voru eftirfarandi;'''''

í 7.fl. kvenna: Fyrir ástundun, Guðný Erla Guðnadóttir, prúðmennsku Nína Friðriksdóttir og fyrir framfarir Bryndís Jónsdóttir.

6.fl.kvk.yngri: Fyrir ástundun Berglind Dúna Sigurðardóttir, prúðmennsku Ármey Valdimarsdóttir og framfarír Sigríður Lára Garðarsdóttir.

6.fl.kvk.eldri: Fyrir ástundun Sara Rós Einarsdóttir, prúðmennsku Ragnheiður Perla Hjaltadóttir og framfarir Guðný Ósk Ómarsdóttir.

5.fl.kvk yngri: Ástundun Erna Halldórsdóttir, prúðmennska Sandra Gísladóttir, framfarir Bryndís Gísladóttir.

5.fl.kvk eldri: Ástundun Andrea Káradóttir, Bylgja Dögg Sigmarsdóttir og Elísa Viðarsdóttir, prúðmennska Ingunn Ýr Sigurjónsdóttir og framfarir Aníta Elíasdóttir.

3.fl.kvk: Ástundun Ester Óskarsdóttir, framfarir Guðbjörg Erla Ríkharðsdóttir og leikmaður ársins Anna Kristín Magnúsdóttir.

3.fl.kk: Fyrir framfarir Ólafur Berry, ástundun: Finnbogi Friðfinnsson og leikmaður ársins er Björgvin Þorvaldsson.

4.fl.kk: fyrir framfarir Bjarki Hjálmarsson, ástundun Egill Jóhannsson og leikmaður ársins er Frans Friðriksson.

7.fl.kk.yngri: Fyrir framfarir Jón Ingason, prúðmennsku Guðmundur Tómas Geirsson

7.fl.kk.eldri: Fyrir framfarir Guðbjörn Guðjónsson, prúðmennsku Nökkvi Sverrisson og Sæþór Hallgrímsson og ástundun Arnar Freyr Jónsson.

5.fl.kk.yngri: Fyrir ástundun Sindri Georgsson, prúðmennsku Njáll Aron Hafsteinsson og framfarir Einar Gauti Ólafsson.

5.fl.kk.eldri: Fyrir ástundun Bjarki Ómarsson, prúðmennsku Björgvin Hallgrímsson og framfarir Tómas Kjartansson.

4.fl.kvk: Fyrir ástundun fékk allur flokkurinn, framfarir: Björg Brynjarsdóttir og leikmaður ársins er Fanndís Friðriksdóttir.

6.fl.kk.yngri: fyrir ástundun Björn Sigursteinsson, prúðmennsku Arnar Smári Gústafsson og framfarir Bjarni Kristjánsson.

6.fl.kk.eldri: Fyrir ástundun Haukur Jónsson, prúðmennsku Kristján Tómasson og framfarir Kristgeir Orri Grétarsson.

=== '''Stórt stökk fram á við''' ===
Karlalið ÍBV spilaði tvo leiki eina helgi í lok september, fyrst gegn Víkingum í Víkinni á föstudagskvöldið þar sem leikurinn endaði með jafntefli, 28 - 28. Svo kom Grótta/KR í heimsókn á sunnudaginn og þar urðu lyktir 25 - 23 fyrir IBV sem þar með hafði náð í þrjú stig í deildinni. Leikurinn gegn Víkingum var kaflaskiptur í meira lagi. Heimamenn náðu strax undirtökunum og mestur varð munurinn átta mörk, 11-3 en staðan í hálfleik var 19-11. í hálfleik breytti Erlingur Richardsson, þjálfari, hins vegar um vanaraðferð, úr 6 - 0 vöm í 4 - 2 og sú vörn virkaði mjög vel. Hægt og sígandi minnkaði munurinn og loks náði ÍBV að jafna 25 - 25. Eftir það voru það Víkingar sem voru skrefinu á undan en þegar aðeins örfáar sekúndur voru eftir jöfnuðu Eyjamenn leikinn og nældu sér þar með ísitt fyrsta stig í vetur. Mörk ÍBV: Sigurður Ari Stefánsson 9/1, Bognar 7, Sigurður Bragason 5, Sindri Ólafsson 3, Kári Kristjánsson 3, Erlingur Richardsson 1. Varin skot: Viktor Gigov 14.

Seinni leikurinn var heimaleikur gegn Gróttu/KR. Strax frá fyrstu mínútu var spiluð 4 - 2 vörn með þjálfarann, Erling Richardsson í hjarta vamarinnar. Sóknarleikur liðsins var líka mun betri, Sigurður Ari Stefánsson er farinn að skora úr öllum mögulegum færum og fyrir vikið opnast meira pláss fyrir aðra sóknarmenn. Um miðjan fyrri hálfleik kom reyndar slæmur kafli og ÍBV lenti þremur mörkum undir en strákarnir náðu að snúa leiknum sér í hag áður en flautað var til leikhlés. Í síðari hálfleik voru það Eyjamenn sem leiddu, fyrir utan að gestimir náðu að jafna tvívegis en lengra komust þeir ekki og því fögnuðu leikmenn ÍBV kærkomnum sigri í leikslok, 25 - 23. Mörk ÍBV: Sigurður Ari Stefánsson 8/2, Robert Bognar 6, Sigurður Bragason 4, Erlingur Richardsson 2, Kári Krjstjánsson 2, Sindri Ólafsson 2, Davíð Óskarsson 1. Varin skot: Viktor Gigov 8, Eyjólfur Hannesson 3/1.

=== '''Með fullt hús stiga''' ===
Kvennalið ÍBV lék tvo leiki síðustu viku septembermánaðar, fyrst sóttu stelpurnar Stjörnunna heim og tveimur dögum síðar FH. Leikurinn í Garðabænum byrjaði ekki vel fyrir ÍBV, Stjaman komst í 6 - 1 áður en Eyjastúlkur rönkuðu við sér. Staðan í hálfleik var 13-10 Stjömunni í vil. Síðari hálfleikur var mun betri hjá ÍBV. Eyjastúlkur skoruðu fyrstu fjögur mörkin og komust þar með í fyrsta sinn yfir í leiknum. Eftir það skiptust liðin á að skora en á endanum var það ÍBV sem hafði betur, 23 - 24. Mörk IBV: Anna Yakova 7/1, Alla Gorkorian 6/3, Sylvía Strauss 4, Ingibjörg Jónsdóttir 4, Björg Ólöf Helgadóttir 3. Varin skot: Vigdís Sigurðardóttir 12. Stelpurnar fengu litla hvíld á milli leikja en tveimur dögum síðar var komið að FH á þeirra heimavelli. FH-ingar eru með mjög ungt og efnilegt lið og þar er m.a. að finna einn Eyjamann því Bjarný Þorvarðardóttir er í leikmannahópi Hafnfirðinga. En leikurinn fór rólega af stað en smá saman dró í sundur með liðunum. ÍBV var svo yfir í hálfleik 11-15. Leikmenn ÍBV mættu svo fullrólegar í síðari hálfleik enda jöfnuðu Hafnfirðingar leikinn, 19- 19. Stelpumar settu þá aftur í gír og sigu framúr um miðjan hálfleikinn. Lokatölur urðu 23 - 26 og því er IBV eina liðið sem er með fullt hús stiga eftir fjórar umferðir. Mörk ÍBV: Alla Gorkorian 12/2, Anna Yakova 5, Ingibjörg Jónsdóttir 4, Sylvia Strass 3, Elísa Sigurðardóttir 1, Birgit Engl 1. Varin skot: Vigdís Sigurðardóttir 18.

=== '''Laufey í liði seinni umferðar''' ===
Knattspymusamband íslands stóð í sumar fyrir því, ásamt íþróttafréttamönnum að velja úrvalslið í Símadeild karla og kvenna. Þrjú lið voru valin í karlaboltanum en tvö í kvennaboltanum og varsíðasta val sumarsins tilkynnt í vikunni. Þar átti ÍBV einn fulltrúa þar sem Laufey Ólafsdóttir var í liði seinni umferðar Símadeildar kvenna. Þrjár á úrtaksæfingar Um helgina fóm fram úrtaks- æfingar hjá U-17 ára landsliði kvenna í handbolta.

== '''OKTÓBER:''' ==

=== '''Uppstokkun í stjórn karlafótboltans''' ===
Ásmundur Friðriksson, formaður stjórnar knattspyrnudeildar ÍBV, hefur látið af því starfi. Stærsti hluti stjórnarinnar hættir um leið og hefur Viðar Elíasson tekið við formennskunni og fengið nýja menn til liðs við sig. Aðdragandinn var nokkur og sjálfur segir Ásmundur að sér hafi fundist þetta rétti tíminn til að hætta núna eftir þrjú tímabil, bæði sé starfið tímafrekt og peningaleg staða deildarinnar góð sem auðveldi nýjum mönnum að taka við. ''„Það var fyrir þremur vikum, eða viku fyrir síðasta leikinn í deildinni, að ég hafði samband við stjórn ÍBV- íþróttafélags og sagðist vilja hætta núna,"'' sagði Ásmundur. ''„Ástæðurnar voru tvær, í fyrsta lagi mikið álag og í öðru lagi er deildin að skila hagnaði. Eftir að skrifstofa félagsins tók við bókhaldinu er það orðið sýnilegt sem er mikil breyting frá því þegar ég tók við árið 2000. Þá var staða deildarinnar miklu verri en okkur var sagt og var ekki auðvelt að henda reiður á hver raunveruleg staða var. Við í stjórninni getum verið nokkuð ánægðir og á þessum forsendum vildi ég hætta."'' Ásmundur segir að hann, ásamt Óskari Frey Brynjarssyni, formanni félagsins, hafi strax hafið leit að nýjum formanni fyrir stjórn knattspyrnudeildar. ''„Við ræddum við Viðar Elíasson sem var til, en ég þekki hann vel sem bekkjar- og fermingarbróður. Við settumst niður og lagði ég fram hugmyndir mínar um það hvernig ég vildi að þessi skipti færu fram. Við vorum ekki alveg sammála um hvernig þau yrðu og á tímabili var ég jafnvel hættur við að hætta. En við, ég, Viðar og Páll Scheving, framkvæmdastjóri félagsins, komumst að samkomulagi síðasta mánudag. Þatta snerist að nokkru leyti um starfslokasamning við Jóhann Inga Arnason, framkvæmdastjóra deildarinnar, sem vildi hætta."'' Ásmundur segir öll laun leikmanna sem næst í skilum og verði það sem upp á vantar gert upp á næstunni. Allt tal um óreiðu sé því úr lausu lofti gripið. ''„Framundan eru ýmis mál, það þarf að ræða við leikmenn, finna þjálfara og fara yfir auglýsingasamninga. Að þeirra ósk verð ég nýrri stjórn innan handar til að byrja með.''" Ásmundur vill leggja áherslu á að brotthvarf hans úr stjórninni hafi ekkert með brottrekstur Njáls Eiðssonar fyrrum þjálfara að gera. ''„Það hefur ekki verið minnst á það einu orði. Aðalatriðið er að við erum að skila góðu búi. Ég vil þakka stjórninni gott samstarf og öllum sem stutt hafa okkur á undanförnum árum. Ég óska nýrri stjórn velfarnaðar og áfram ÍBV,''" sagði Ásmundur að lokum.

=== '''Engin hallarbylting''' ===
Mannabreytingar hafa orðið í stjóm knattspyrnudeildar karla hjá IBV- íþróttafélagi. Auk Ásmundar hafa Friðrik Friðriksson og Eggert Garðarsson ákveðið að hætta en Friðrik ætlar sér reyndar að sinna málefnum yngri flokkanna að einhverju leyti. Ný stjóm knattspymudeildar karla er því þannig skipuð: Viðar Elíasson formaður, Jóhann Georgsson varaformaður, Gísli Hjartarsson ritari, Ágúst Einarsson, Magnús Valsson og Ástþór Jónsson en þeir tveir síðastnefndu voru fyrir í stjórninni. Viðar sagði í samtali við Fréttir að hvatinn til þess að taka þetta starf að sér væri fyrst og fremst áhugi fyrir íþróttalífi Eyjanna. „''Við gerum okkur hins vegar grein fyrir því að þetta er mjög tímafrekt starf en það er nú bara þannig með alla sjálfboðavinnu, að hún tekur öll tíma og það kemur yfirleitt niður á frítmanum. Stjórnarskiptin fóm fram í vinsemd, þetta var engin hallarbylting því menn vildu bara hætta á þessum tímapunkti."'' Hver eru fyrstu verkefni nýju stjómarinnar? ''„Það eru næg verkefni framundan hjá okkur og af nógu er að taka. Fyrsta verkefni okkar verður sjálfsagt að finna þjálfara fyrir meistaraflokk og í framhaldi af því munum við tala við þá leikmenn sem léku með okkur í sumar. Svo verðum við að sjálfsögðu að vera með augun opin fyrir þeim leikmönnum sem hægt er að fá til liðs við okkur. Við eigum hins vegar mjög efnilegan hóp af knattspymumönnum og að honum þarf að hlúa. Einnig höfum við séð fækkun áhorfenda, við þessu þarf að bregðast og almennt að auka áhuga á fótbolta í Eyjum."''

=== '''Stjórn kvennafótboltans segir of sér''' ===
Stjórn knattspyrnudeildar kvenna hefur öll ákveðið að segja af sér. Hefur hún farið þess á leit við aðalstjórn ÍBV að hún finni nýtt fólk í stjórn. ''„Reksturinn er á núllinu og við erum í skilum við alla, við vitum ekki betur. Menn eru orðnir þreyttir og búnir að fá nóg eftir sumarið,"'' sagði Sigurjón Þorkelsson fráfarandi formaður stjómarinnar.

Sigurjóni finnst leikmenn ekki gefa nóg af sér við stjómina og telur það vera eitthvað sem leikmenn í Eyjum mættu fara að huga að. „''Ég er til dæmis sár yfir því að á lokahófinu í Týsheimilinu skyldi enginn úr leikmannahópnum þakka stjóminni fyrir sumarið. Það er kannski lýsandi dæmi um hugarfarið hjá leikmönnum. Þeir'' ''vilja allt fá en gefa ekki nóg til baka. Sumarið hefur verið erfitt en stjómin'' ''var stofnuð fyrir fjórum ámm og sumir ráðsmanna búnir að sitja í því allan tímann. Síðastliðið sumar var erfiðara en öll hin árin til samans."'' Sigurjón viðurkennir að það hafa verið erfið ákvörðun að láta Elísabetu Gunnarsdóttur, þjálfara, hætta. ''„Það var annað hvort að láta hana hætta eða'' ''draga liðið út úr keppni því allnokkrir leikmenn ætluðu að hætta ef hún yrði'' ''áfram. Við erum sprungnir enda fylgir þessu mikil vinna, miklu meiri en fólk heldur. Eg vona að aðalsttjórn ÍBV finni gott fólk í stjórn og ég óska þeim velfarnaðar. Helst vildi ég sjá einhverja foreldra leikmanna koma inn í stjórnina en við höfum oft orðið'' ''fyrir harðri gagnrýni af þeirra hálfu. Hún hefur oft á tíðum ekki verið sanngjörn að mínu mati,"'' sagði Sigurjón að lokum.

=== '''Halldór hættur með yngri flokkana''' ===
Um leið og hlé verður á æfingum í knattspyrnu yngri flokkanna mun Halldór Öm Þorsteinsson hætta sem yfirþjálfari yngri flokka ÍBV. Halldór hefur sinnt þessu starfi auk þess að þjálfa nokkra flokka félagsins og hefur almennt verið mikil sátt um hans störf. Hann hættir hins vegar af persónulegum ástæðum. ''„Það er ýmislegt sem verður lítið við ráðið sem veldur því að ég þurfti að hætta. Þetta em fyrst og fremst persónuleg vandamál sem gerðu það að verkum að ég gat ekki annað en flutt aftur í Árbæinn."'' En hvernig likaði þér að vinna hjá ÍBV? ''„Eg viðurkenni það fúslega að mér fannst erfitt að vera hérna fyrstu vikumar enda hef ég alla tíð búið í Reykjavfk. Það vandist hins vegar fljótt. Ég er hins vegar mjög ánægður með Magnús Sigurðsson fyrrum framkvæmdastjóra og unglingaráðið enda áttum við gott samstarf. Menn hafa verið að gera grín að því hérna að ég hljóti að vera góður þjálfari fyrst ég var eini aðkomuþjálfarinn sem var ekki látinn fjúka í sumar en félagið færir góðan vitnisburð hjá mér,"'' sagði Halldór

=== '''Stórsigur hjá 2. flokki''' ===
2. flokkur karla lék sinn fyrsta leik í íslandsmótinu í byrjun október en þá mætti liðið Stjörnunni á útivelli. Strákarnir unnu stórsigur, 35-23 eftir að staðan í hálfleikvar 11-20. Mörk ÍBV: Davíð Þór Óskarsson 14, Sigurður Ari Stefánsson 7, Kári Kristjánsson 4, Sigþór Friðriksson 4, Sindri Haraldsson 2, Jens Kr. Elíasson 2, Karl Haraldsson 1, Sindri Ólafsson 1. Varin skot: Eyjólfur Hannesson 18

3. flokkur karla lék sömuleiðis sinn fyrsta leik í Islandsmótinu en þjálfari beggja flokkanna er Erlingur Richardsson. Leikið var gegn FH ingum í Hafnarfirðinum en eftir afleitan fyrri hálfleik var staðan í hálfleik 10-5. Seinni hálfleikur var mun betri en lokatölur urðu hins vegar 22-21 fyrir FH. Mörk IBV: Baldvin Sigurbjórnsson 5/3, Grétar Eyþórsson 4, Benedikt Steingrímsson 3, Magnús Sigurðsson 3, Leifur Jóhannesson 2, Vignir Svafarsson 2, Sævald Hallgrímsson 2. Varin skot: Þorgils Jónsson 5, Halldór Grímsson 11.

=== '''Stelpurnar frábærar''' ===
Kvennalið ÍBV tók á móti Val 3. október. Gestirnir áttu ekki mörg svör gegn leik ÍBV og endaði leikurinn með tíu marka sigri Eyjastúlkna. Mörk ÍBV: Alla Gorkorian 9/4, Anna Yakova 6, Ingibjörg Jónsdóttir 5, Sylvia Strass 2, Björg Ólöf Helgadóttir 2, Edda Eggertsdóttir 1, BirgitEngl 1. Varin skot: Vigdís Sigurðardóttir 19.

Það var sutt á milli leikja þá vikuna en tveimur dögum síðar kom lið Fram í heimsókn en ÍBV var mun sterkara liðið og lokatölur urðu 36-20. Fyrstu fimm mínúturnar voru hins vegar jafnar og ekki að sjá að Framliðið væri á botni deildarínnar. En það var eins og þessar mínútur hafi bara verið upphitun hjá Eyjaliðinu því næstu fímmtíu og fimm mínútumar var nánast aðeins eitt lið á vellinum. Staðan í hálfleik var 20 - 8.

Mörk ÍBV: Ingibjörg Jónsdóttir 7/1, Alla Gorgorian 5/1, Anna Yakova 5, Ana Perez 4/1, Edda Eggertsdóttir 4, Sylvia Strass 3, Þórsteina Sigurbjörnsdóttir

2, Birgit Engl 2, Aníta Ýr Eyþórsdótfir 2/1, Hildur Sigurðardóttir l,Björg Ó. Helgadóttir 1. Varin skot: Vigdís Sigurðardóttir 20/1, íris Sigurðardóttir 1.

=== '''Tap í Garðabæ''' ===
Karlalið IBV sótti Stjörnuna heim en leikurinn var lengst af í járnum en loktatölur urðu 28 – 26 Stjörnunni í vil. Garðbæingar byrjuðu betur, skoruðu fyrstu tvö mörkin og voru ávallt skrefí á undan. Undir lok fyrri hálfleiks datt hins vegar leikur ÍBV nokkuð niður og staðan í hálfleik var 11-9. Það tók svo Eyjamenn um það bil hálfan seinni hálfleik að komast inn í leikinn aftur. Undir lokin tókst IBV að minnka muninn niður í eitt mark. Þá voru sjö mínútur eftir og leikurinn galopinn. En lengra komust strákarnir ekki og Stjörnumenn tryggðu sér tveggja marka sigur þegar skammt var til leiksloka. Mörk IBV: Robert Bognar 7/1, Sigurður Ari Stefánsson 5, Sindri Haraldsson 4, Kári Kristjánsson 4, Sindri Ólafsson 2, Erlingur Richardsson1, Ríkharð Guðmundsson 1, Sigþór Guðmundsson 1, Sigurður Bragason 1. Varin skot: Eyjólfur Hannesson 5, Viktor Gigov 7.

=== '''Gunnar Heiðar efnilegastur''' ===
Lokahóf KSÍ fór fram á upphafsdögum október mánaðar en það fór fram á skemmtistaðnum Broadway í Reykjavík. Að venju var mikið fjör en hápunktur kvöldsins er ávallt þegar val leikmanna og þjálfara, bæði í karla- og kvennaboltanum, á besta og efnilegasta leikmanninum er tilkynnt. Efnilegasti knattspyrnumaðurinn var valinn Gunnar Heiðar Þorvaldsson ÍBV en auk þess voru þau Birkir Kristinsson og Laufey Ólafsdóttir valin í lið ársins.

=== '''Ekkert bikarævintýri hjá körlunum''' ===
Bæði A- og B-lið meistarflokks karla í handknattleik léku í 32ja liða úrslitum bikarkeppninnar. A-liðið átti að eiga frekar léttan leik fyrir höndum þegar liðið mætti Breiðabliki, sem leikur í utandeildinni en leikurinn fór fram á Hvolsvelli. Ekki vantaði stuðning við IBV þar því áhorfendur létu vel í sér heyra. Það dugði hins vegar ekki til því Blikar unnu leikinn mjög óvænt 27-26. B-liðið mætti hins vegar ÍR-ingum hér í Eyjum og þrátt fyrir góða tilburði þá voru það ÍR-ingar sem unnu leikinn nokkuð örugglega, 20-39. Mörk ÍBV: Sigbjörn Óskarsson 6/3 (18 tilraunir), Jón Logason 4/2, Davíð Guðmundsson 2, Haraldur Hannesson 2 (engin vippa), Daði Pálsson 1, Eyþór Harðarsson 2/1, Arnar Richardsson 1, Jón Atli Gunnarsson 1, Helgi Bragason 1

=== '''Margrét Lára á skotskónum''' ===
Margrét Lára Viðarsdóttir lék með U-19 ára landsliði íslands í undanriðli Evrópumótsins. Riðillinn fór fram í Póllandi en auk heimamanna voru íslendingar, Belgía og Bosnía-Herzegóvína í riðlinum. Íslenska liðið vann einn leik, gerði eitt jafntefli og tapaði einum og endaði í þriðja sæti riðilsins. Íslenska liðið er þar með úr leik en Margrét Lára skoraði þrjú af fimm mórkum Íslands en hún var eini leikmaður ÍBV í hópnum.

=== '''Andri Ólafs til Aston Villa''' ===
Andra Ólafssyni hefur verið boðið til æfinga hjá enska úrvalsdeildarliðinu Aston Villa. Hér á árum áður gerðist það á hverju ári að ungum og efnilegum knattspyrnumönnum í Eyjum var boðið til erlendra stórliða til æfinga yfir vetrartímann til að fá smjörþefinn af atvinnumennskunni, en það hefur hins vegar minnkað hin síðari ár.

=== '''Ana Perez byrjuð aftur''' ===
Hin sterka handknattleikskona, Ana Perez sem lék með IBV á síðasta tímabili, hefur tekið fram skóna á nýjan leik og var hún í leikmannahópi ÍBV þegar liðið mætti Val á útivelli í síðustu viku. Ana kom hingað í haust og býr hér ásamt íslenskum unnusta sínum og ljóst að leikmannahópur IBV hefur sjaldan verið jafn sterkur og nú.

=== '''Erlingur meiddur''' ===
Erlingur Richardsson, þjálfari meistaraflokks karla í handknattleik hefur í síðustu leikjum verið að koma meira inn í leik liðsins og hefur hann styrkt varnarleik liðsins til muna. I leiknum gegn Stjörnunni meiddist hann hins vegar og óvíst hvort hann verður klár í slaginn gegn HK.

=== '''Kjartan farinn til Fylkis''' ===
Varnarmaðurinn sterki, Kjartan Antonsson, sem hefur spilað síðustu fjögur ár með ÍBV, hefur nú ákveðið að spila með Fylki á næsta tfmabili. Kjartan lék ellefu leiki með ÍBV í sumar en var lengi frá vegna meiðsla. Þar með hefur ÍBV misst tvo af þeim þremur sem hafa skipað miðvarðarstöðuna undanfarin ár, þá Hlyn Stefánsson og Kjartan en eftir stendur Páll Hjarðar

=== '''Góð sigling á strákunum í 2. flokki''' ===
Annar flokkur karla lék þann 13. september gegn Gróttu og fór leikurinn fram hér í Eyjum. Strákarnir voru ekki í vandræðum með að tryggja sér sinn annan sigur í íslandsmótinu í röð í fyrstu tveimur umferðunum, lokatölur leiksins urðu 31 - 24.

ÍBV var sterkari aðilinn í leiknum og náði fljótlega fjögurra marka forystu en staðan í hálfleik var 14-10. Seinni hálfleikur var svo í jafnvægi framan af en undir lokin settu strákarnir aftur í gír og tryggðu sér sjö marka sigur undir lokin.

Mörk IBV: Kári Kristján Kristjánsson 8, Davíð Þór Óskarsson 7, Sigurður Ari Stefánsson 5, Sindri Haraldsson 4, Benedikt Óskar Steingrimsson 2, Jens Kristinn Elíasson 2, Sigþór Friðriksson 2.

4. flokkur kvenna lék einnig hér í Eyjum í fyrstu umferð Íslandsmótsins en með ÍBV í riðli voru Grótta, Grótta 2 og Valur. ÍBV tapaði öllum leikjum sínum, fyrst gegn Val 8 - 11, svo gegn Gróttu 2 13- 15 og svo gegn Gróttu 6-19. Þetta voru fyrstu leikir Eyjastelpnanna á meðan önnur lið hafa leikið æfingaleiki og reyndin hefur verið þannig undanfarin ár að yngri flokkar ÍBV sæki á þegar á líður íslandsmótið.

Mörk ÍBV um helgina: Ester Óskarsdóttir 11, Hekla Hannesdóttir 4, Sara Sigurðardóttir 3, Sæunn Magnúsdóttir 3, Silja Rós Guðjónsdóttir 3, Þórunn Sigurðardóttir 2, Birgitta Rúnarsdóttir 1.

=== '''Gerðu það sem þurfti''' ===
Kvennalið ÍBV mætti ungu en efnilegu liði Fylkis/ÍR en fyrir leikinn var ÍBV með fullt hús stiga en nýliðarnir áttu enn eftir að næla sér í sín fyrstu stig. Það áttu því flestir von á því að sigurinn yrði nánast formsatriði fyrir IBV en gestirnir bitu frá sér í fyrri hálfleik og í hálfleik var staðan 14-10 fyrir ÍBV. Seinni hálfleikur var svo leikur kattarins að músinni. Leikmenn ÍBV fóru á kostum í upphafi seinni hálfleiks og skoruðu þá níu mörk úr tíu sóknartilraunum. Lokatölur urðu 34-20 og því er ÍBV enn með fullt hús stiga. Mörk ÍBV: Sylvia Strass 11, Anna Yakova 7, Alla Gorkorian 6/3, Ingibjörg Jónsdóttir 4/1, Edda Eggertsdóttir 3, Birgit Engl 2, Elísa Sigurðardóttir 1. Varin skot: Vigdís Sigurðardóttir 21.

=== '''Sóknarleikurinn hrundi''' ===
Karlalið IBV tók á móti HK í Essodeild karla þar sem gestirnir sigruðu 21-24. Fyrri hálfleikur var jafn lengst af en sóknarleikur IBV var samt sem áður mjög stirður. Það var fyrst og fremst Robert Bognar sem hélt honum uppi í fyrri hálfleik. Gestirnir voru með tveggja marka forystu í hálfleik, 11-13 en byrjun ÍBV í seinni hálfleik var afleit, sóknarleikurinn hrundi algjörlega og fyrir vikið fengu gestirnir auðveld mörk hraðaupphlaupum. Staðan breyttist úr 11-13 í 12-18 og úrslit leiksins nánast ráðin.

Varamennirnir fengu að spreyta sig undir lokin og stóðu sig ágætlega, minnkuðu m.a. muninn niður í þrjú mörk en komust ekki lengra. Mörk ÍBV: Robert Bognar 8/2, Sigurður Ari Stefánsson 4/1, Davíð Þór Oskarsson 3, Michael Lauritsen 3, Kári Kristjánsson 2, Sigurður Bragason 1. Varin skot: Viktor Gigov 11/2.

=== '''Eyjamenn í landsliðinu''' ===
Að þessu sinni voru þrír Eyjamenn í leikmannahópi íslenska landsliðsins þegar liðið mætti Skotum. Birkir Kristinsson vermdi tréverkið en Hermann Hreiðarsson og Ívar Ingimarsson spiluðu allan leikinn þegar Ísland tapaði 0-2. Gunnar Heiðar Þorvaldsson var svo í leikmannahópi íslenska U-21 árs landsliðsins sem tapaði einnig 0-2 fyrir Skotum. Gunnar sat á bekknum en kom inn á undir lokin en þessir fjórir leikmenn munu vera í leikmannahópum íslensku liðanna þegar þau mæta Litháen.

=== '''Laufey og Rakel til Vals''' ===
Á vef mbl.is er sagt frá því að Laufey Ólafsdóttir og Rakel Logadóttir, sem báðar léku með ÍBV í knattspyrnu í sumar, hafi gengið til liðs við sitt gamla félag Val. Báðar gengu þær í raðir ÍBV fyrir síðasta sumar og stóðu vonir manna til þess að Layfey yrði áfram en vitað var að Rakel ætlaði ekki að framlengja samninginn.

=== '''Stelpurnar óstóðvandi''' ===
Helgina 18-20 október fór fram svokölluð Essobomba, en þá eru leiknar tvær umferðir á þremur dögum. Á föstudagskvöld tóku stelpurnar á móti Gróttu/KR en ÍBV ekki í vandræðum með gestina og hreinlega valtaði yfir þá. Sigurinn byggðist fyrst og fremst á gríðarlega sterkum vamarleik þar sem boltinn vannst og við það fékk liðið hraðaupphlaup. Liðið lék sérstaklega vel fyrstu tuttugu mínútumar í síðari hálfleik og þegar rúmar fimm mínútur vom eftir af leiknum höfðu gestimir aðeins skorað fjögur mörk í síðari hálfleik. Lokatölur urðu hins vegar 28-19. Mörk ÍBV: Alla Gorkorian 7/3, Ingibjörg Jónsdóttir 6, Birgit Engl 4, Edda Eggertsdóttir 3, Ana Perez 2, Björg Ó. Helgadóttir 2, Sylvia Strass 2, Anna Yakova 2.

Liðið lék svo gegn Guðbjörgu Guðmannsdóttur og félögum hennar í Víkingum og fór leikurinn fram í Víkinni. Sigurganga ÍBV var ekki rofin þar því lokatölur í Víkinni urðu 16-23. ÍBV spilaði fyrri hálfleikinn ekki vel á sunnudaginn en var þó einu marki yfir en í hálfleik, 11-12. Sagan endurtók sig frá því á föstudagskvöldið því fyrstu tuttugu mínútumar í síðari hálfleik lék liðið á alls oddi, fékk á sig aðeins tvö mörk en skoraði níu og tryggði sér þar með sigurinn. Mörk ÍBV; Alla Gorkorian 12/6, Anna Yakova 6, Elísa Sigurðardóttir 1, Ingibjörg Jónsdóttir 1, Björg Ó. Helgadóttir 1, Birgit Engl 1, Sylvia Strass 1. Varin skot: Vigdís Sigurðardóttir 11/1.

=== '''Langt ferðalag en bág uppskera''' ===
Karlalið ÍBV lagði land undir fót og fór í helgarferð til Akureyrar en alls tók ferðalagið um 43 klukkustundir, fyrir leik sem stendur yfir í rúman klukkutíma. Leikmenn og forráðamenn lögðu það á sig að fara með Herjólfi og gista tvær nætur.. Þórsarar voru mun betri í upphafi leiks og voru átta mörkum yfir í hálfleik, 18-10. Seinni hálfleikur var lítið betri af hálfu ÍBV og niðurstaðan var ellefu marka tap fyrir norðan, 36-25. Mörk ÍBV: Sigurður Ari Stefánsson 8/6, Sindri Haraldsson 5, Davíð Óskarsson 5, Richard Guðmundsson 3, Sindri Haraldsson 2, Sigþór Friðriksson 1, Sigurður Bragason 1, Robert Bognar 1. Varin skot: Viktor Gigov 7, Eyjólfur Hannesson 1.

=== '''Ekki að renna á rassinn''' ===
Þjálfaramál karlaliðs IBV í knattspymu hafa verið áberandi í fjölmiðlum landsins undanfarna daga en liðið var í samningsviðræðum við Sigurð Jónsson, fyrum þjálfara FH, um að taka liðið að sér. Sigurður ákvað á síðustu stundu að taka frekar boði Víkinga en Viðar Elíasson, formaður knattspymudeildar karla, sagði í samtali við Fréttir að Sigurður hefði verið mjög jákvæður fram að því. „ ''Staðan var orðin þannig að Sigurður var búinn að segja við okkur að hann væri jákvæður fyrir því að koma til okkar. Það kom í raun ekki upp fyrr en á laugardaginn að hann ætlaði sér annað. Við erum hins vegar í viðræðum við þjálfara og erum alls ekkert að renna á rassinn í þessum málum. Ég neita því hins vegar ekki að við hefðum viljað vera komnir lengra með þessi mál."''

=== '''Gáfu ekki kost á sér''' ===
Það hefur vakið athygli undanfarið að þegar talið hefur verið í kvennalandslið Íslands hefur verið gengið framhjá leikmönnum ÍBV. Fyrir skömmu var hins vegar tílkynnt um hver æfingahópur landsliðsins væri og þar vora bæði Vigdís Sigurðardóttir og Ingibjörg Jónsdóttir. Hvorugar þeirra gáfu hins vegar kost á sér í liðið vegna anna auk þess sem þátttaka í kvennalandsliðinu kalli á vinnutap og langa fjarveru frá fjölskyldum.

=== '''Góður sigur hjá unglingaflokki''' ===
Unglingaflokkur ÍBV í handbolta, sem er næst elsti kvennaflokkurinn, lék um miðjan október fyrsta leik sinn í íslandsmótinu en þá tók liðið á móti HK. Stelpurnar voru mun sterkari í fyrri hálfleik og vom fimm mörkum yfir í hálfleik, 14 - 9. En stelpurnar misstu einbeitninguna um stund í síðari hálfleik og HK gekk á lagið. En undir lokin náðu leikmenn IBV aftur að auka muninn og sigruðu leikinn með tveimur mörkum, 23- 21. Mörk ÍBV: Aníta Eyþórsdóttir 7, Björg Ólöf Helgadóttir 5, María Guðjónsdóttir 4, Hildur Jónsdóttir 4, Þórsteina Sigurbjörnsdótfir 2, Ester Óskarsdóttir 1. Bima Þórsdóttir átti góðan dag í markinu.

=== '''Tryggvi tryggði Rosenborg titilinn''' ===
Þrátt fyrir misjafnt gengi Stabæk að undanförnu, sáu leikmenn þess til þess að Rosenborg varð norskur meistari í knattspymu, ellefta árið í röð. Í næst síðustu umferð mætti Stabæk nefnilega helsta keppinaut Rosenborg, Molde og sigruðu Tryggvi Guðmundsson og félagar 4 - 2 en með tapinu átti Molde ekki lengur möguleika á að ná Rosenborg að stigum. Tryggvi skoraði eitt mark og færði þar með landa sínum, Áma Gauti Arasyni norska titilinn á silfurfati.

=== '''Magnús Gylfason þjálfar ÍBV''' ===
Í síðari hluta októbermánaðar var gengið munnlega frá ráðningu Magnúsar Gylfasonar í stöðu þjálfara karlaliðs ÍBV í knattspymu. ÍBV hefur í nokkum tíma verið eina liðið í efstu tveimur deildum Islandsmótsins sem ekki hefur gengið frá þjálfaramálum. Magnús hefur undanfarið verið þjálfari U-17 ára landsliðs Íslands en hefur auk þess þjálfað yngri flokka KR og verið aðstoðarþjálfari hjá meistaraflokki. Hann þjálfaði líka Víking frá Ólafsvík fyrir nokkrum árum og hefur einnig verið aðstoðarþjálfari U-21 árs landsliðs Íslands undanfarið þannig að reynsla hans í efstu deild er lítil. Það er hins vegar rétt að benda á það að þeir þjálfarar sem þjálfað hafa ÍBV undanfarin ár eiga það flestir sammerkt að hafa litla reynslu í efstu deild þegar þeir hafa þjálfað ÍBV. Magnús sagði í samtali við Fréttir að hann væri fyrst og fremst mjóg ánægður með að fá tækifæri til að þjálfa IBV. ,,''Mér líst mjög vel á þetta. Ég hef að sjálfsógðu fylgst með ÍBV liðinu í gegnum árin, en ekki með það fyrir augum að taka við liðinu einhvem daginn en engu að síður séð nokkra leiki."'' Aðspurður um hvort hann komi til með að flytja til Eyja strax sagði Magnús svo ekki vera. „''Ætli það verði ekki sami gangur á þessu og hefur verið undanfarin ár, ég verð í Reykjavík í vetur og stýri strákunum hérna en verð svo með aðstoðarmann í Eyjum. Eg stefni hins vegar á það að vera kominn til Eyja ekki seinna en 1. maí. Ég rek fiskvinnslu hér í Hafnarfirði þannig að ég á eftir að ræða þetta við mína meðeigendur og sömuleiðis eigum við fjölskyldan eftir að setjast niður og ræða þetta."''

=== '''Baráttusigur á meisturunum''' ===
Kvennalið ÍBV tók á móti Haukum, sem eru ríkjandi Islandsmeistar. Leikurinn var hin besta skemmtun fyrir þær fimm hundruð manneskjur sem studdu stelpurnar til sigurs og endaspretturinn skyggði ekki á gleðina. Það blés hins vegar ekki byrlega í segl ÍBV í upphafi leiks því leikmönnum liðsins voru afar mislagðar hendur í sókninni en Lukrecija Bokan, sem áður lék í marki ÍBV var einnig Eyjastúlkum erfíð. Haukar komust fimm mörkum yfir strax í upphafi en með mikilli baráttu tókst stelpunum að jafna. Haukar voru þó yfír í hálfleik, 10-11. Í upphafi seinni hálfleiks leit svo allt út fyrir að Haukarnir myndu aftur ná þægilegri forystu en þá tóku leikmenn ÍBV við sér. Sylvia Strass fór fyrir sínum manneskjum í sókninni, stýrði liðinu eins og herforingi auk þess sem Vigdís Sigurðardóttir nánast lokaði markinu. Sylvia kom ÍBV yfir í fyrsta sinn í leiknum á átjándu mínútu síðari hálfleiks og eftir það litu leikmenn ÍBV ekki um öxl, heldur juku muninn til leiksloka. Lokatölur urðu svo 27- 22, glæsilegur sigur á Íslandsmeisturunum og því er ÍBV enn ósigrað eftir tíu fyrstu leikina í Íslandsmótinu. Mörk ÍBV: Alla Gorkorian 9/2, Sylvia Strass 8/2, Birgit Engl 4, Anna Yakova 3, Ingibjörg Jónsdóttir 2, Björg Ólöf Helgadóttir 1.

=== '''Enn eitt tap''' ===
Karlalið ÍBV tók á móti FH en í liði FH-inga eru þrír Eyjamenn, þeir Svavar Vignisson, Arnar Pétursson og Björgvin Þór Rúnarsson. Leikurinn bar þess helst merki að dómarapar hans var algjörlega úti á þekju og urðu þeir þess valdandi að IBV tapaði leiknum en jafntefli hefðu líklega verið sanngjörnustu úrslitin. Eins og svo oft áður var sóknarleikur IBV afar tilviljunarkenndur og skorti menn oft viljann til að skora. Það lagaðist reyndar þegar á leið, og innkoma Davíðs Þórs Óskarssonar virkaði sem vítamínsprauta á sóknarleikinn. Það kom svo í ljós að það var aðeins í byrjun sem FH-ingar náðu einhverju forskoti en jafnt var á óllum tölum það sem eftir lifði fyrri hálfleiks. Seinni hálfleikur byrjaði á sömu nótum, liðin skiptust á að skora en á tólftu mínútu dró til tíðinda. Þá áttust við tveir keppnismenn, þeir Arnar Pétursson og Davíð Óskarsson sem endaði með því að Davíð fékk rautt spjald. Sá dómur var hreint óskiljanlegur, ef einhverjum hefði átt að vera refsað var það Arnar en atvikið var annars mjög saklaust og í raun ástæðulaust að refsa nokkrum manni fyrir það. Á þessum leikkafla voru Eyjamenn tveimur færri og það nýttu gestirnir sér og náðu þriggja marka forystu. Henni héldu þeir til leiksloka og sigruðu 24-21. Mörk ÍBV: Robert Bognar 8/1, Davíð Þór Oskarsson 4, Sigurður Bragason 3/1, Sigþór Friðriksson 2, Michael Lauritsen 1, Erlingur Richardsson 1. Varinskot: Viktor Gigov 13/1.

=== '''Dómararnir báðust afsökunar''' ===
Í leik ÍBV og FH í Essodeild karla komu upp mörg vafasöm atriði í dómgæslunni og eitt þeirra var þegar Davíð Óskarssyni var vikið af velli með rautt spjald á 42. mínútu. Dómarapar Ieiksins, þeir Ingi Már Gunnarsson og Þorsteinn Guðnason, skoðaði atvikið á myndbandi að ósk forráðamanna ÍBV og þar sáu þeir hið sanna. Í framhaldi af því sendu þeir félagar HSÍ bréf þar sem þeir skýrðu frá því að Davíð hefði ekki átt að fá rauða spjaldið og bættu við að Arnar Pétursson, leikmaður FH, hefði með réttu átt að fá spjaldið. Magnús Bragason, fonnaður handknattleiksráðs sagðist vera mjög ánægður með þessi vinnubrögð. „''Þeir eru meiri menn fyrir vikið að viðurkenna mistök sín og það er virðingarvert. Þeir báðust líka afsökunar eftir að hafa séð atvikið en engu að síður hafði þetta mikil áhrif á leikinn og kostaði okkur sigurinn."''

=== '''Stórt tap gegn Fram''' ===
ÍBV mætti Fram þann 28.október og fór leikurinn fram í Reykjavík. Fyrirfram var búist við frekar erfiðum leik þó svo að liðin hafi verið á svipuðum slóðum fyrir leik. Leikurinn fór ágætlega af stað fyrir ÍBV og jafnt var á öllum tölum framan af. En í stöðunni 8-8 kom afleitur kafli hjá ÍBV þar sem staðan breyttist í 15-9 og voru það hálfleikstölur. Framarar héldu svo áfram að þjarma að ÍBV og komust í 20-10 í upphafi seinni hálfieik og úrslitin ráðin. Framarar voru svo ekki í vandræðum með að halda forystunni og niðurstaðan varð því ellefu marka sigur Framara 33-22. Mörk ÍBV: Michael Lauritsen 6, Sigurður Ari Stefánsson 3, Sigurður Bragason 3, Davíð Þór Óskarsson 2/2, Kári Kristjánsson 2, Robert Bognar 2, Sigþór Friðriksson 2, Sindri Haraldsson 1, Erlingur Richardsson 1.

=== '''Gunnar Heiðar til Mouscron''' ===
Einn efnilegasti knattspyrnumaður íslands, Gunnar Heiðar Þorvaldsson, er á leið til belgíska efstu deildarliðsins Mouscron til reynslu. Gunnar mun fara út í enda nóvember og verður ytra í viku til að byrja með. Gunnar Heiðar er með samning við ÍBV þannig að ef af því verður að hann gangi til liðs við belgíska félagið mun það þurfa að greiða fyrir Gunnar.

=== '''Tryggvi fékk silfurskóinn norska''' ===
Í lok október lauk keppni í norska fótboltanum og Tryggvi Guðmundsson og félagar hans í Stabæk enduðu í fimmta sæti deildarinnar. Stabæk sigraði í síðasta leiknum gegn Moss, 7 - 2 og skoraði Tryggvi tvö mörk í leiknum. Með mörkunum tveimur tryggði hann sér annað sætið á lista yfir markahæstu menn norska boltans og ljóst að fyrir vikið verður enn erfiðara fyrir Atla Eðvaldsson að líta framhjá honum þegar kemur að því að velja í íslenska landsliðið.

=== '''María í U-18ára landsliðið''' ===
Hin unga og efnilega handknattleikskona, María Guðjónsdóttir, var valin til þess að taka þátt í æfingum hjá landsliði íslands, skipuðu leikmönnum 18 ára og yngri. Næsta sumar tekur liðið þátt í undankeppni Evrópumótsins en Evrópumótið fer svo fram í Rússlandi næsta haust.

=== '''Skrifa undir''' ===
Í lok október framlengdu Unnar Hólm Ólafsson og Bjarni Geir Viðarsson samninga sína við karlalið ÍBV í knattspyrnu. Samningar þeirra félaga gilda til 2004. Enn eru nokkrir leikmenn með lausan samning, m.a. Bjarnólfur, Tómas Ingi og bæði Hjalti Jóhannesson og Hjalti Jónsson.

== '''NÓVEMBER:''' ==

=== '''Yngri flokkarnir á góðu skriði''' ===
2. flokkur karla lék tvo leiki í byrjun nóvember og fóru þeir báðir fram í Eyjum. Fyrri leikurinn var gegn Aftureldingu en strákarnir spiluðu ekki vel en gestirnir mættu mjög grimmir til leiks. ÍBV tapaði leiknum með fimm mörkum, 19-24 eftir að staðan í hálfleik hafði verið 9- 12. Mörk ÍBV: Davíð Þór Óskarsson 7, Sindri Haraldsson 5, Sigurður Ari Stefánsson 4, Kári Kristjánsson 2 og Sindri Ólafsson 1. Tveimur dögum síðar var leikið gegn Haukum og mættu strákarnir mun frískari í þann leik en gegn Aftureldingu. Staðan í hálfleik var 14-11 fyrir ÓBV en leikurinn endaði með fimm marka sigri ÍBV, 25-20. ÍBV er rétt fyrir neðan miðja deild eftir að hafa leikið fjóra leiki en liðið hefur unnið þrjá af þeim. Mörk IBV: Kári Kristjánsson 14, Sigurður Ari Stefánsson 6, Davíð Þór Óskarsson 3, Sindri Ólafsson 1, Sævald Páll Hallgrímsson 1.

Unglingaflokkur kvenna spilaði tvo leiki og sigraði báða en þeir fóru fram í Reykjavík. Fyrst var leikið gegn Aftureldingu og voru stelpurnar ekki í vandræðum með Mosfellinga og sigruðu með tólf mörkum 16-28. Mörk ÍBV: Aníta Ýr Eyþórsdóttir 7/1, Björg Ólöf Helgadóttir 6, Þórsteina Sigurbjörnsdóttir 5, María Guðjónsdóttir 3/1, Hildur Dögg Jónsdóttir 3, Sæunn Magnúsdóttir 2, Ester Óskarsdóttir 2. Valur var svo næsta fórnarlamb stelpnanna sem gerðu sér lítið fyrir og sigruðu með fimm mörkum 16-21 á Hlíðarenda. Mörk ÍBV: Aníta Ýr Eyþórsdóttir 7/1, Björg Ólöf Helgadóttir 7, María Guðjónsdóttir 5, Hildur Dögg Jónsdóttir 2.

Þriðji flokkur karla lék þrjá leiki, tvo gegn Fjölni og svo gegn Aftureldingu á daginn eftir. Fyrri leikurinn gegn Fjölni var í Íslandsmótinu og fóru strákarnir létt með Fjölnismenn og sigruðu með ellefu mörkum 32-21. Mörk ÍBV: Benedikt Steingrímsson 7, Baldvin Sigurbjörnsson 5, Magnús Sigurðsson 5, Jens Kristinn Elíasson 4, Sævald Páll Hallgrímsson 4, Grétar Þór Eyþórsson 3, Leifur Jóhannesson 2, Hilmar Björnsson 1 og Vignir Svafarsson 1. Seinni leikurinn var svo í bikarkeppninni og fór hann fram um fjórum tímum síðar. Eitthvað virtist pásan fara illa í Eyjamenn því nú voru það Fjölnismenn sem að sigruðu, 22- 27 og er ÍBV því úr leik í bikarkeppninni. Mörk ÍBV: Benedikt Steingrímsson 4, Leifur Jóhannesson 4, Vignir Svafarsson 4, Baldvin Sigurbjörnsson 3, Magnús Sigurðsson 3, Sævald Hallgrímsson 2, Grétar Eyþórsson 1 og Jens Kristinn Elíasson 1. Á sunnudaginn mættu strákarnir svo Aftureldingu og þar steinlá ÍBV og tapaði leiknum með sex mörkum, 15-21. Mörk ÍBV: Sævald Páll Hallgrímsson 4, Baldvin Sigurbjörnsson 4, Benedikt Steingrímsson 2, Magnús Sigurðsson 2, Vignir Svafarsson 2 og Hilmar Björnsson 1.

=== '''Ellert á úrtaksæfingu''' ===
Í byrjun nóvember fór fram úrtaksæfingar hjá U-16 ára landsliði íslands í knattspyrnu og er einn frá ÍBV í 33 manna æfingahópnum, Ellert S. Pálsson. Sömu helgi fara fram úrtaksæfingar hjá U-17 ára landsliðinu kvenna og þar eru tvær stúlkur frá Eyju, Thelma Sigurðardóttir og María Guðjónsdóttir.

=== '''Ólafur Berry til Tottenham''' ===
Einum af efnilegustu knattspyrnumönnum ÍBV, Ólafi Þór Berry, var boðið að æfa hjá enska úrvalsdeildarliðinu Tottenham. Stefnt er að því að Óiafur fari út og verði ytra í um vikutíma. Ólafur æfði með unglingaliðum félagsins. Ólafur sagði í samtali við Fréttir að ferðin hefði verið mjög lærdómsrfk. „''Þetta var mjög fín ferð fyrir mig. Eg æfði með U-17 og U-19 ára liðum félagsins og það voru tvær æfingar á dag. Ensku strákarnir era mjög sterkir, em líka á miðju keppnistímabili þannig að ég var kannski dálítið þungur en æfingarnar vom mjög erfiðar þannig að ég er ekkert hissa á því að þeir geti eitthvað í fótbolta. Það kom líka fyrir að við æfðum á sama svæði og aðalliðið. Svo borðuðum við alltaf hádegismat með þessum köllum þannig að maður sá loksins þessa kalla með berum augum. Annars fór bara vel um mig þama í London, ég bjó hjá tveimur fjölskyldum meðan ég var þama úti en þar voru fleiri strákar sem eru á vegum félagsins."'' Aðspurður hvort hann hefði ekki komið heim með samning í vasanum sagði hann að svo væri ekki. „''Þeir létu mig samt vita að þeir ætluðu að fylgjast með mér í framtíðinni."''

=== '''Bjarnólfur semur við ÍBV''' ===
Á heimasíðu knattspyrnuliðs ÍBV kemur fram að Bjarnólfur Lárusson, miðjumaðurinn sterki, hafi skrifað undir nýjan tveggja ára samning við ÍBV. Bjarnólfur átti mjög gott tímabil með IBV í sumar og var m.a. valinn besti leikmaður ÍBV, að mati stuðningsmanna liðsins í Reykjavík. Viðar Elíasson, formaður knattspyrnudeildar, var að vonum ánægður með að hafa tryggt sér starfskrafta Bjarnólfs áfram. ''„Bjarnólfur er auðvitað einn af reynsluboltunum hjá okkur og mikilvægt fyrir okkur að halda honum. Nú erum við bara að vinna í að klára að semja við þá sem voru með okkur í sumar. Við erum líka í viðræðum við aðra leikmenn og höfum gert tveimur leikmönnum tilboð, sem þeir eru að skoða."'' Sveinn Sveinsson hefur verið ráðinn aðstoðarþjálfari og verður hann með hópinn í Eyjum. Auk þess þjálfar Sveinn 2. flokk. Sveinn lék á árum áður með IBV og hefur þjálfað yngri flokka í knattspyrnu og meistaraflokk kvenna.

=== '''Vantar fólk í stjórn kvennadeildar fótboltans''' ===
Mánudaginn 11.nóvember hélt stjórn ÍBV- íþróttafélags fund um málefni kvennaknattspyrnunnar í Eyjum. Af fundarsókn mætti halda að fáir hefðu áhuga á kvennaknattspyrnunni. Óskar Freyr Brynjarsson, formaður félagsins, sagði að mæting hefði valdið honum miklum vonbrigðum. „''Við vorum búnir að hringja í fólk sem við töldum að hefði áhuga á að starfa fyrir kvennaknattspyrnuna og satt að segja átti ég von á um fjörutíu manns. Það er hins vegar skiljanlegt að fólk sé hrætt við að hella sér út í þetta, miðað við hvernig síðasta sumar var. Deildin er hins vegar réttu megin við núllið fjárhagslega og svo er hugsanlegt að einn starfsmaður verði í fullri vinnu fyrir knattspyrnudeildirnar þannig að álagið minnkar töluvert á stjórnina. Það er gefandi að starfa í þessu, ÍBV á mjög mikinn efnivið og spennandi tímar framundan í kvennaboltanum. Ef einhverjir hafa áhuga á að starfa fyrir félagið þá vil ég hvetja þá til að hafa samband við okkur," sagði Óskar Freyr í samtali við Fréttir.''

=== '''Tap á fjölliðamóti''' ===
Helgina 8-10 nóvember fór fram fjölliðamót í handbolta hér í Eyjum en þá mættu hingað þrjú lið í fjórða flokki karla og léku ásamt ÍBV í A-riðli 2. deildar Íslandsmótsins. Mótið gekk vel fyrir sig en ÍBV tapaði öllum þremur leikjum sínum. Úrslit leikjanna voru ÍBV-Grótta 13-16, ÍBV-Afturelding 11-22 og ÍBV-HK 15-17. Mörk IBV um helgina: Daði Magnússon 13, Daði Olafsson 10, Pálmi Harðarson 5, Sæþór Garðarsson 4, Grétar Stefánsson 2 og Eyþór Björgvins 3, Frans Friðriks 1 og Birkir Hlynsson 1.

=== '''Annar sigurinn í vetur''' ===
Karlalið ÍBV tók á móti Aftureldingu á föstudagskvöldið 8.nóvember. Leikurinn fór ekki vel af stað og gestirnir voru með undirtökin í fyrri hálfleik. Staðan í hálfleik var 13 - 14 en byrjunin í síðari hálfleik hjá ÍBV var vægast sagt góð, liðið skoraði fyrstu fjögur mörk hálfleiksins og komst þar með þremur mörkum yfír. Eyjamenn héldu forystunni allt þar til tæpar tíu mínútur voru eftir að Jón Andri Finnsson jafnaði leikinn af vítapunktinum fyrir Aftureldingu. Jafnræði var með liðunum næstu mínútur en þegar fjórar mínútur voru til leiksloka fékk Jón Andri tækifæri á vítapunktinum til þess að koma gestunum yfír en Viktor Gigov sá við honum í markinu. ÍBV skoraði síðan þrjú síðustu mörkin og fögnuðu leikmenn innilega í leikslok, lokatölur 29-26. Mörk ÍBV: Kári Kristjánsson 8/5, Sigurður Bragason 8, Robert Bognar 6, Ríkharð Guðmundsson 5, Davíð Þór Óskarsson 2. Varin skot: Víktor Gigov 12/1, Eyjólfur Hannesson 2.

=== '''Stelpurnar með fullt hús''' ===
ÍBV vann sinn ellefta sigur í Essodeildinni í vetur þegar liðið sótti Fram heim. Þrátt fyrir frekar slakan leik í fyrri hálfleik var ÍBV fimm mörkum yfir, 10-15. Leikmenn ÍBV mættu hins vegar mjög ákveðnar til leiks í síðari hálfleik og gerðu út um leikinn strax á upphafsmínútunum. Varamennirnir kláruðu svo leikinn og gerðu það með sóma og lokatölur urðu 20-31 fyrir ÍBV. Mörk ÍBV: Anna Yakova 8, Sylvia Strass 6/1, Ingibjörg Jónsdóttir 5, Alla Gorkorian 3, Elísa Sigurðardóttir 2, Ana Perez 2, Aníta Yr Eyþórsdóttir 2, Edda Garðarsdóttir 1, Björg Ó. Helgadóttir 1 og Birgit Engl 1.

=== '''Hjalti Jóh. áfram en ekki Tómas Ingi''' ===
Einn af lykilmönnum karlaliðs ÍBV undanfarin ár, Hjalti Jóhannesson, skrifaði undir eins árs samning við félagið. Knattspyrnuráð ákvað ennfremur að slíta samstarfi sínu við Tómas Inga Tómasson, sem gæti þýtt að ÍBV verði án framherja innan skamms, því Gunnar Heiðar Þorvaldsson gæti verið á leiðinni í atvinnumennskuna.

=== '''Tryggvi í landsliðið''' ===
Atli Eðvaldsson, landsliðsþjálfari hefur nú tilkynnt um val sitt á landsliðshópi íslenska landsliðsins sem mætir Eistum. Leikurinn fer fram í Tallin í Eistlandi á miðvikudaginn 20. nóvember. Tryggvi Guðmundsson er aftur kominn í landsliðshópinn eftir langa fjarvera en Birkir Kristinsson, Hermann Hreiðarsson og Ívar Ingimarsson eru allir á sínum stað í hópnum.

=== '''Fyrsta stigið í súginn''' ===
ÍBV tók á móti Stjörnunni í toppslag Essodeildarinnar föstudaginn 15. nóvember. Garðbæingar unnu heimavinnuna vel fyrir þennan leik og hefðu með smá heppni getað stolið sigrinum. Heppnin var hins vegar á bandi ÍBV sem jafnaði, 28 - 28, þegar aðeins þrjár sekúndur voru eftir. Leikur ÍBV olli nokkrum vonbrigðum til að byrja með, varnarleikur liðsins var hriplekur og markvarslan eftir því. Mörk ÍBV: Alla Gorkorian 8/3, Anna Yakova 6, Sylvia Strass 4, Ingibjörg Jónsdóttir 4, Bjórg Ó. Helgadóttir 3, Edda Eggertsdóttir 3. Varin skot: Vigdís Sigurðardóttir 10/1.

ÍBV mætti svo með hálf vængbrotið lið tveimur dögum síðar þegar þær heimsótttu Fylki/ÍR þar sem þrír leikmenn liðsins, m.a. Vigdís Sigurðardóttir voru fastar um borð í Herjólfi sem gat ekki lagst að landi í Þorlákshöfn. Leikurinn fór engu að síður fram, Íris Sigurðardóttir lék í markinu og stóð sig vel, sigur ÍBV var áreynslulaus og lokatölur urðu 20 - 35. Reynslan og getan er í allt öðrum gæðaflokki hjá ÍBV og staðan í hálfleik var 10-18. Seinni hálfleikur var svipaður og sá fyrri og varamennirnir komu inn á einn af öðrum. ÍBV vann leikinn með fimmtán mörkum, 20-35. Mörk ÍBV: Alla Gorkorian 9/4, Anna Yakova 6, Ingibjörg Jónsdóttir 5, Ana Perez 5/1, Sylvia Strass 4, Anna Hallgrímsdóttir 2, Elísa Sigurðardóttir 2, Edda Eggertsdóttir 1, Birgit Engl 1. Varin skot: Iris Sigurða

=== '''Algjört skipbrot hjá strákunum''' ===
Karlalið ÍBV lék gegn ÍR en Breiðhyltingar eru í harðri toppbaráttu. Skemmst er frá því að segja að ÍBV sá aldrei til sólar í leiknum og tapaði með sautján mörkum, 37 - 20; Sóknarleikur ÍBV var slakur, sem og markvarslan sem var engin, aðeins tvö skot varin allan leikinn sem er ótrúlega slakt. Sú staðreynd að IR ingar skora fimmtán mörk úr hraðaupphlaupum og átta úr vítum segir að ÍBV hafí fengið á sig fjórtán mörk úr venjulegu leikatriði, sem er í raun ekkert svo slæmt. Staðan í hálfleik var 16-7. Mörk IBV: Michael Lauritsen 6, Davíð Þór Óskarsson 4, Sigurður Ari Stefánsson 3, Sindri Haraldsson 2, Robert Bognar 2, Sigurður Bragason 2, Kárí Kristjánsson 1. Varin skot: Viktor Gigov 2.

=== '''2. flokkur karla''' ===
Strákamir í öðrum flokki karla léku tvo leiki, fyrst gegn Fram og svo gegn Gróttu en báðir leikirnir fór fram í Reykjavík. Strákamir töpuðu fyrri leiknum gegn Fram með tveimur mörkum, 20-22. Seinni leikurinn gegn Gróttu endaði hins vegarmeðjafntefli, 21-21.

=== '''Samið við Einar Hlöðver''' ===
Vamarmaðurinn efnilegi, Einar Hlöðver Sigurðsson skrifaði undir samning hjá IBV og gildir samningurinn út tímabilið 2004. Einar Hlöðver spilaði sitt síðasta ár með öðrum flokki síðasta sumar og var í leikmannahópi meistaraflokks. Einar spilaði þrjá leiki í deildinni og tvo leiki í bikarnum og ekki ólíklegt að hans bíði stærra verkefni næsta sumar.

=== '''Æfingamót í Eyjum''' ===
Laugardaginn 9.nóvember fór fram æfmgamót í fótbolta innanhúss og tóku fjögur lið þátt í því, ÍBV, 2. flokkur, Framherjar og Smástund en öll liðin taka þátt í íslandsmótinu innanhúss á næstu vikum. Smástund vann mótið, ÍBV lenti í öðru sæti, Framherjar í því þriðja og 2. flokkur endaði í fjórða sæti.

=== '''Margrét og Thelma á úrtaksæfingum''' ===
Tveir leikmenn IBV voru valdar til að taka þátt í úrtaksæfingum íslenska U-17 ára landsliðs kvenna um miðjan nóvember. Þetta voru þær Margrét Lára Viðarsdóttir og Thelma Sigurðardóttir.

=== '''Þrjú mikilvæg stig''' ===
Karlalið IBV lék tvo leiki helgina 22-24 nóvember en þá fór fram svokölluð Essobomba, sem er tveir leikir hjá öllum liðum sömu helgi. Leikið var á heimavelli gegn KA á föstudeginum og svo gegn Selfossi á útivelli á sunnudaginn. Uppskeran var mjög góð miðað við gengi liðsins það sem af er vetri, þrjú stig og ÍBV fór upp um eitt sæti í deildinni. Leikurinn gegn KA endaði með jafntefli, 26 – 26, leikurinn fór ekki vel af stað og fljótlega í fyrri hálfleik náðu gestirnir fímm marka forystu. En Eyjapeyjar spýttu í lófana og jöfhuðu fyrir leikhlé. Seinni hálfleikur var hins vegar mun betri hjá ÍBV og lengst af leiddi liðið leikinn. Þegar fjórar mínútur voru til leiksloka hafði ÍBV tveggja marka forystu en gestirnir náðu að jafna leikinn þegar hálf mínúta var eftir og leikmönnum ÍBV tókst ekki að skora sigurmarkið á þeim tíma. Mörk ÍBV: Sigurður Ari Stefánsson 7, Sigurður Bragason 5, Róbert Bognar 5, Kári Kristjánsson 3/1, Davíð Þór Óskarsson 3/3, Sigþór Friðriksson 1, Michael Lauritsen 1, Erlingur Richardsson 1. Varinskot: ViktorGigov 15/2.

ÍBV sigraði svo síðari leikinn gegn Selfossi, 26 - 27. Leikurinn var skrautlegur í meira lagi. Eyjamenn voru klárlega sterkari aðilinn í fyrri hálfleik og aðeins eitt ljón í veginum sem kom í veg fyrir örugga forystu en það var markvörður Selfyssinga, Einar Guðmundsson. Hann varði sautján skot, aðeins í fyrri hálfleik og þar af voru sjö víti, sem er í raun alveg fáránlegt. Eyjamenn fengu fimmtán vítaskot í leiknum en nýtingin var grátleg, aðeins sex mörk komu úr þessum fimmtán vítaskotum og munar um minna. Staðan í hálfleik var 12-15 en síðari hálfleikur var mun jafnari og endaði leikurinn með eins marks sigri IBV, 26-27 eftir að Michael Lauritsen hafði skorað sigurmarkið aðeins þremur sekúndum fyrir leikslok. Mörk ÍBV: Michael Lauritsen 8, Robert Bognar 6/3, Davíð Þór Óskarsson 5/3, Sigurður Ari Stefánsson 4, Kári K. Kristjánsson 3, Sigurður Bragason 1. Varin skot: ViktorGigov 17/2.

=== '''Tveir sigrar og eitt tap''' ===
2. flokkur karla lék gegn KA en fyrr um kvöldið höfðu meistaraflokkslið félaganna skilið jöfn. Meistaraflokksleikurinn sat eitthvað í mönnum og svo fór að ÍBV tapaði stórt, 20-41. Mörk ÍBV: Davíð Þór Óskarsson 4, Karl Haraldsson 4, Sindri Haraldsson 3, Kári Kristjánsson 2, Sigurður Ari Stefánsson 2, Sigþór Friðriksson 2, Magnús Sigurðsson 2, Sindri Ólafsson 1, Benedikt Steingrímsson 1.

Unglingaflokkur kvenna tók á móti FH-ingum í mjög svo kaflaskiptum leik. ÍBV byrjaði betur í leiknum en FH-ingar komust svo yfir. Staðan í hálfleik var 10-9 fyrir IBV og bættu Eyjastelpur við muninn í upphafi síðari hálfleiks. En aftur náðu gestirnir að jafna en lokamínúturnar voru æsispennandi og ÍBV tryggði sér að Iokum eins marks sigur, 19 - 18. Mörk IBV: María Guðjónsdóttir 7, Þórsteina Sigurbjörnsdóttir 6, Aníta Ýr Eyþórsdóttir 4, Hildur Dögg Jónsdóttir 2.

Þriðji flokkur karla lék gegn Selfossi og fór leikurinn fram við bakka Ölfusár. Eftir að hafa náð tveggja marka forystu í hálfleik, 13-15 létu strákarnir kné fylgja kviði og sigruðu leikinn með 26 – 21.

=== '''Stelpurnar komust í undanúrslit''' ===
Helgina 22-24 nóvember fór fram íslandsmeistaramót í innanhússknattspyrnu en keppt var í 1. deild karla og kvenna. Karlalið ÍBV var í A-riðli með KR, Létti og Grindavík. Eyjamenn unnu Grindavík 3 - 1 og Létti 4 - 2 og því var síðasti leikurinn, gegn KR úrslitaleikur um efsta sæti í riðlinum. Leikurinn endaði með jafntefli, 4- 4 en KR-ingar enduðu í efsta sæti vegna hagstæðari markatölu en ÍBV var komið í átta liða úrslit. Þau voru á sunnudaginn og þar mætti ÍBV Keflavík og endaði leikurinn með sigri Suðurnesjamanna, 1-5 og ÍBV þar með úr leik. Þess má reyndar geta að Keflvíkingar fóru alla leið og urðu íslandsmeistarar. Kvennaliðið var í riðli með KR, Þór/KA, Stjörnunni og KS og endaði liðið í öðru sæti á eftir KR, eins og karlaliðið. I undanúrslitum mættu stelpurnar Val sem sigraði 4-1.

=== '''Gunnar Heiðar í Hollandi og Belgíu''' ===
Gunnar Heiðar Þorvaldsson, framherjinn efhilegi í ÍBV, er um þessar mundir í Belgíu við æfingar og keppni með belgíska úrvalsdeildarliðinu Moescron. Í síðustu viku var Gunnar hjá hollenska félaginu Heerenveen en í samtali við Fréttir sagði Gunnar að áhuginn hefði ekki verið mikill hjá Hollendingunum. ''„Þeir sögðu við mig að eins og staðan væri í dag þá væru þeir ekki að leita að leikmönnum þannig að ég er ekkert mjög bjartsýnn á framhaldið þar. Reyndar var viðmótið í Hollandi dálítið neikvætt, ég mætti bara á æfingar en spilaði engan leik með varaliðinu þannig að það var erfitt að reyna að sýna eitthvað. Viðmótið er hins vegar allt annað hér í Belgíu enda er Moescron minna félag sem hugsar betur um sína leikmenn."'' Gunnar spilaði með varaliði félagsins í síðustu viku og byrjunin var ekki gæfuleg, strax á fimmtándu mínútu var hann tæklaður harkalega. En Eyjamenn eru ekki þekktir fyrir það að gefast upp, Gunnar harkaði af sér og skoraði mark í leiknum. Belgarnir voru mjög ánægðir með frammistöðu Gunnars og hafa nú boðið honum aftur út íjanúar. ''„Það var allt annað andrúmsloft hjá Belgunum heldur en í Hollandi og klúbburinn er mjög fjölskylduvænn. Mouscron er ekki stór bær og félagið sem slfkt ekki einn af stóru klúbbunum en í staðinn er allt mjög persónulegt og viðtökurnar sem ég fékk voru frábærar''," sagði Gunnar. „''Það eitt að þeir bjóði mér út aftur segir mér að þeim er alvara þannig að nú er bara að skella sér á mölina og æfa vel fram í janúar."''

=== '''Tryggvi Bjarnason til ÍBV''' ===
Eyjamönnum hefur borist mikill liðstyrkur fyrir næsta sumar. Tryggvi Bjarnason, varnarmaðurinn sterki sem spilað hefur með KR, hefur gert munnlegt samkomulag við ÍBV um að spila með liðinu næstu tvö ár. Tryggvi, sem er 19 ára, er einn efnilegasti varnarmaður íslands í dag. Þetta verður að teljast mikill happafengur fyrir lið ÍBV og sagðist Viðar Elíasson, formaður knattspyrnudeildar ÍBV, vera afar ánægður með að hafa náð að landa Tryggva. „''Þetta er mjög jákvætt því að Tryggvi er mikið efni og á eftir að ná enn lengra í boltanum í framtíðinni og ánægjulegt að hann skuli ætla að gera það með okkur í IBV,"'' sagði Viðar við ibv.is

=== '''Hrun í síðari hálfleik''' ===
ÍBV tók á móti Haukum en bæði lið hafa verið á nokkurri uppleið í síðustu leikjum. Leikurinn var í járnum framan af í fyrri hálfleik. Haukarnir sneru hins vegar við blaðinu í síðari hálfleik og hreinlega völtuðu yfir Eyjamenn. Lokatölur urðu 19-33 eftir að staðan í hálfleik hafði verið 11-14. ÍBV sýndi ágætis kafla í fyrri hálfleik, sóknarleikur liðsins var markviss og fyrir vikið náðu Haukamir ekki mörgum hraðaupphlaupum. Mörk ÍBV: Robert Bognar 5, Davíð Þór Óskarsson 3/3, Sigurður Bragason 3, Sigþór Friðriksson 2, Kári Kristjánsson 2, Gylfi Birgisson 1/1, Michael Lauritsen 1, Ríkharð Guðmundsson 1, Sigurður Ari Stef- ánsson 1. Varin skot: Viktor Gigov 17/1.

=== '''Sigurlás heiðraður''' ===
Fyrir skömmu var haldinn aðalfundur Þjálfarafélags íslands en á fundinum voru afhentar viðurkenningar. Sigurlás Þorleifsson var einn af fjórum þjálfurum sem heiðraðir voru fyrir störf sín í þágu yngri fiokkanna en í fréttatilkynningu segir að allir fjórir hafi þeir lagt metnað sinn í þjálfun og verið knattspyrnuþjálfarastéttinni til sóma í störfum sínum.

=== '''Sigur og tap''' ===
Stelpurnar í unglingaflokki léku tvo leiki í lok nóvember, báða gegn Fram en annar var í bikarkeppninni. Fyrri leikurinn í Íslandsmótinu þar sem eyjastelpur sigruðu með minnsta mögulega mun, 24-25 eftir að staðan í hálfleik hafði verið 12-13. ÍBV er nú í efsta sæti í B-riðli með 10 stig, jafn mörg stig og Fram en betri markatölu og leik færri. Seinni leikurinn var algjör andstæði við hann fyrri en í hálfleik höfðu Framarar ellefu marka forskot 18-7. Leikurinn endaði svo með með níu marka tapi, 29-20 og eru því stelpurnar dottnar úr leik í bikarkeppninni.

=== '''Kári í landsliðið''' ===
Kári Kristjánsson, horna- og línumaður ÍBV í handboltanum, var valinn í íslenska landsliðið skipað leikmönnum fæddum 1984 og yngri. Alls voru fimmtán leikmenn valdir en liðið tekur þátt í Hela Cup sem fram fer í Þýskalandi, milli jóla og nýárs.

== '''DESEMBER:''' ==

=== '''Stórar fréttir úr kvennaknattspyrnunni''' ===
Loks er komin hreyfing í málefni kvennaknattspyrnunnar í Eyjum. Gengið var frá ráðningu Heimis Hallgrímssonar sem þjálfara liðsins eftir eins árs hlé. Ráðning Heimis er liðinu mikill fengur, enda hefur hann náð bestum árangri með liðið til þessa. Auk þess var gengið frá samningum við tvo leikmenn. Fyrst ber að nefna Olgu Færseth, einn besta leikmann kvennaknattspyrnunnar á Íslandi hin síðari ár, en hún hefur verið ein helsta markamaskína deildarinnar. Þá hefur Pálína Bragadóttir einnig ákveðið að spila með IBV næsta sumar en Pálína er miðvörður og hefur spilað með KR eins og Olga. Þegar Heimir var spurður um ástæðu þess að hann er aftur tilbúinn í slaginn sagði hann að það hafi vegið þyngst hversu góður jarðvegur er fyrir hendi. ''„Ég neita því heldur ekki að mér rennur blóðið til skyldunnar. Ég var með liðið þrjú sumur og liðið var vaxandi á þeim tíma. Mér finnst við bara hafa allt of góðan hóp leikmanna til þess að missa þetta niður. Þannig að ég ákvað að taka þetta að mér. Ég ætlaði að taka mér frí, var búinn að segja nei við stjórn karlaboltans um að taka við meistaraflokki karla en mér þykir einfaldlega vænt um IBV og gat þess vegna ekki sagt nei þegar meistaraflokkur kvenna kom inn í myndina."'' Síðasta sumar var erfitt fyrir liðið á margan hátt, heldurðu að orðsporið sem fari af liðinu eigi eftir að lifa lengi? ''„Sumarið síðasta fór eins og það fór. Ég er á því að við getum notað þá reynslu til góðs í framtíðinni og vonandi verður IBV áfram þekkt fyrir að vera vel rekið fþróttafélag. Það eru bjartir tímar framundan og ég vil hvetja fólk sem hefur áhuga á að starfa í kringum kvennaknattspyrnuna á einn eða annan hátt að hafa samband við okkur."''

=== '''Handboltamiðar á tombóluverði''' ===
Í byrjun desembermánaðar kom fréttatilkynning frá handboltastelpunum í bæjarblaðinu fréttum og var tilkynningin eftirfarandi; Við leikmenn meistaraflokks ÍBV stöndum nú fyrir smáglaðningi fyrir síðasta heimaleik IBV fyrir jól. Hér eigum við að spila við Víkinga sem er leikur sem verður að vinnast. Víkingar hafa reyndar verið að bíta frá sér upp á síðkastið og þurfum við því á stuðningi áhorfenda að halda!!! Við erum að bjóða fyrirtækjum 10 miða á 2000 kr (aðeins 200 kall miðinn). Nokkrir peyjar munu ganga í fyrirtæki í dag og á morgun en einnig er hægt að hafa samband við Sigga Braga í Sjóvá-Almennum og fá BÚNT. Annars óskum við bara Eyjamönnum gleðilegra jóla og þökkum stuðninginn á árinu sem er að líða.

=== '''Annað stórtapið gegn Val''' ===
ÍBV sótti Val heim föstudagskvöldið 6. desember þar sem heimamenn sigruðu með þrettán marka mun, 28-15. Leikurinn fór reyndar vel af stað fyrir ÍBV því eftir rúmar fimm mínútna leik var staðan 2-4 og var ÍBV með yfirhöndina fyrstu tuttugu mínúturnar. Þá komust Valsmenn hins vegar í fyrsta sinn yfir og litu ekki um öxl eftir það. Staðan í hálfleik var 12- 8. Valsmenn byrjuðu svo af miklum krafti í upphafi síðari hálfleiks, skoruðu fyrstu sex mörk hálfleiksins og gerðu um leið út um leikinn. Eftir það róaðist leikurinn nokkuð en heimamenn réðu samt gangi leiksins og áttu ekki í vandræðum með að innbyrða sigurinn í leikslok. Mörk IBV: Sigurður Ari Stefánsson 4, Michael Lauritsen 3, Kári Kristjánsson 2, Sigurður Bragason 2, Robert Bognar 2, Sigþór Friðriksson 1, Davíð Þór Óskarsson 1/1. Varin skot: Viktor Gigov 11/1.

=== '''Gjörbreytt lið í seinni hálfleik''' ===
ÍBV tók á móti Víkingum um miðjan desember, Eyjamenn hafa verið að næla sér í stig í síðustu leikjum og hafa verið að spila sæmilega ef frá eru taldir síðustu tveir leikir liðsins. Leikurinn gegn Víkingum var hins vegar allt annað en auðveldur því Víkingar bitu hressilega frá sér í fyrri hálfleik en staðan í leikhléi var 12 - 10. Seinni hálfleikur var hins vegar á allt öðrum nótum en sá fyrri því vörn IBV var mjög góð til að byrja með og breyttist staðan úr 13 -12 í 20 -12 og má segja að úrslitin hafi ráðist á þessum kafla. Eftir þetta róaðist leikurinn nokkuð en Eyjapeyjar héldu forystunni og juku muninn og leikurinn endaði með tíu marka sigri ÍBV, 28 - 18. ÍBV er hins vegar enn sem fyrr í tólfta sæti þar sem Afturelding vann einnig sinn leik og eru liðin jöfn að stigum. Mörk ÍBV: Davíð ÞórÓskarsson 6/2, Michael Lauritsen 5, Sigurður Ari Stefánsson 5, Sigurður Bragason 5, Kári Kristjánsson 3, Robert Bognar 3, Sigþór Friðriksson 1. Varin skot: Viktor Gigov 16.

=== '''Komust ekki upp úr milliriðlum''' ===
Tveir leikmenn ÍBV tóku þátt í heimsmeistaramóti kvenna í handknattleik sem fram fór í Danmörku. Mótinu lauk með sigri heimastúlkna. Austurrísku stúlkurnar, Sylvia Strass og Birgit Engl spiluðu með landsliði sínu sem komst ekki áfram úr milliriðlunum. Sylvia var annars mjög áberandi með liði Austurríkis, spilaði alla sex leiki liðsins og skoraði 15 mörk og Birgit spilaði fimm leiki, mestmegnis í vörn en náði samt að lauma inn einu marki..

=== '''ÍBV vann alla sína leiki á æfingamóti''' ===
Milli jóla og nýárs fór fram æfingamót milli liða í Essodeild kvenna en þátttökuliðin voru þrjú, ÍBV, Haukar og Víkingur. Leikin var tvöföld umferð og fóru Eyjastelpur í gegnum mótið án þess að tapa leik. Úrslit leikjanna urðu þau að gegn Víkingum endaði fyrri leikurinn 26 - 21 og seinni leikurinn 28-21. Fyrri leikurinn gegn Haukum endaði með jafntefli 30 -30 en seinni leikurinn endaði með sigri ÍBV.25-21. Unnur Sigmarsdóttir, þjálfari IBV sagði í samtali við Fréttir að ferðin hefði fyrst og fremst verið hugsuð til þess að hrista saman mannskapinn. ''„Við höfum auðvitað verið dreifðar um allan heim, þrjár fóru út til sinna heimalanda og austurrísku stelpurnar komu t.d. í hálfleik í fyrsta leiknum. Það var stígandi í þessu hjá okkur, í fyrsta leiknum vorum við dálítið ryðgaðar en svo náðum við tökum á þessu og lékum ágætlega það sem eftir var.''

 

<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2002 -

2019-07-21T15:00:03Z

Gisli: /* 2002 */

== '''2002 -''' ==

== '''Janúar''' ==

=== '''Samskip semur við ÍBV''' ===
Rétt fyrir hátíðirnar var undirritaður samningur á milli Samskips og handknattleikshreyfingarinnar í Vestmannaeyjum. Um er að ræða samning við bæði karla- og kvennadeild IBV og gildir hann næstu þrjú árin. Fulltrúar handknatteiksdeildanna lýstu yfir mikilli ánægju með samninginn sem og Björgvin Arnaldsson, forstöðumaður Samskipa í Eyjum. Samningurinn felur í sér beina peningastyrki að upphæð 1,8 milljónir króna sem dreifist á milli deildanna næstu þrjú árin. Eins hljóðar samningurinn upp á ferðir með Herjólfi að upphæð 200.000 krónur á ári, miðað við einingarverð. Í staðinn fær Samskip auglýsingu á gólfi íþróttasalarins, fánar fyrirtækisins og merki verða áberandi á heimaleikjum ÍBV og Samskip verður kynnt sem einn af aðalstyrktaraðilum ÍBV.

=== '''Víkingarnir koma''' ===
Fyrsti æfingaleikur karlanna í nýja salnum var áætlaður á upphafsdögum nýs árs. Þorbergur Aðalsteinsson, handknattleiksþjálfari, mætti til Eyja með sína menn, en hann þjálfarVíkinga. Spilaðir voru tveir leikir á tveimur dögum en úrslit leikjanna voru ekki gerð kunn.

=== '''Auglýst eftir gripum frá ÍBV''' ===
Í 2. Tölublaði Eyjafrétta árið 2002 var auglýst eftir hvort einstaklingar hefðu gripi undir höndum sér frá ÍBV ''„Stjórn Iþróttabandalags Vestmannaeyja leitar nú ýmissa gagna, sem tilheyra héraðssambandinu og gætu leynst víða í bænum. Hugmyndin er að koma þeim á einn stað, til framtíðarvarðveislu og gera þau aðgengileg. Þetta gætu verið fundargerðarbækur, myndir, bréf, gamlir búningar, verðlaunagripir eða annað það sem tilheyrt gæti ÍBV. Það eru vinsamleg tilmæli til þeirra, sem hugsanlega gætu haft slík gögn í fórum sínum, að koma þeim annaðhvort í Tvistinn til Birgis Sveinssonar eða á ritstjórn Frétta,"'' segir í auglýsingunni.

=== '''Veðrið hefði mátt vera betra''' ===
Þrettándagleðin fór fram með hefðbundnu sniði. Flugeldasýning hleypti fjörinu af stað um kvöldið og gengið var frá Hánni, þar sem jólasveinarnir komu niður, upp á Malarvöllinn við Löngulág þar sem hefðbundin hátíðahöld fóru fram. Veðrið hefði gjarnan mátt vera betra en það kom þó ekki í veg fyrir góða mætingu fólks. Glæsileg flugeldasýning var svo hápunktur kvöldsins en þetta kemur fram í tölublaði Frétta.

=== '''Stelpurnar á toppinn''' ===
Handboltastelpurnar skutust á úrvalsdeildarinnar í Handbolta ásamt Haukum í janúar eftir að hafa sigrað Gróttu/KR 21-22. ÍBV átti harma að hefna en Amela

Hegic og félagar hennar í Gróttu/KR sigruðu IBV hér í Eyjum í upphafi íslandsmótsins. Leikurinn var í járnum nánast allan tímann en í hálfleik var staðan 11-10 fyrir heimastúlkur sem voru ávallt skrefinu á undan.

Baráttan hélt áfram í seinni hálfleik, heimastúlkur voru yfirleitt fyrri til að skora en undir lokin náði IBV agætum spretti en sigurmarkið skoraði Ana Perez örskömmu fyrir leikslok og tryggði ÍBV þennan mikilvæga sigur. Þetta var fyrsti leikur ÍBV árið 2002 en deildarkeppni hafði nánst legið niðri frá því í enda nóvember en liðin léku svo eina umferð um miðjan desember. Það má því að nokkru leyti segja að Islandsmótið, sem hefur til þessa verið barátta fjögurra liða, hafi alla möguleika á því að taka mjög svo óvænta stefnu en með sigrinu á Gróttu/KR stigu stelpumar stórt skref í átt að toppsætinu.

Erlingur Richardsson, þjálfari IBV, sagði eftir leikinn í samtali við Fréttir að leikurinn hefði verið mjög jafn. ''„Við vorum í hálfgerðum eltingaleik allan leikinn en'' ''náðum tvisvar sinnum að komast yfir og í annað sinn var það rétt áður en'' ''leikurinn var búinn. Eg er auðvitað alltaf ánægður með sigur en við sýndum engan glansleik í kvöld og vorum að gera of mikið af einföldum mistökum sem við verðum að laga fyrir föstudaginn þegar við tökum á'' ''móti FH. En það er gott að halda sér við toppinn. Með sigrinum náum við Haukum að stigum en skiljum Gróttu/KR dálítið eftir en það er enn mikið eftir af mótinu og maður verður ekki rólegur fyrren síðasti leikurinn er búinn."'' Stelpunum gekk þó ekki nógu vel gegn FH en leiknum lauk með jafntefli 21-21. Miðað við gengi liðina hefðu stelpurnar ekki átt að vera í neinum vandræðum með lið FH.

=== '''Hjalti áfram hjá ÍBV''' ===
Frá því var greint á heimasíðu ÍBV, að náðst hafi samkomulag við Hjalta Jóhannesson, leikmann ÍBV, að hann leiki áfram með liðinu næstu 3 árin. Bakvörðurinn fótknái hefur undanfarin ár leikið með IBV og verið ein af styrkustu stoðum liðsins. Það er því mikill léttir fyrir Eyjamenn að hann leiki áfram undir merkjum IBV.

=== '''Enn reynir HSÍ að bregða fæti fyrir ÍBV''' ===
Það vakti nokkra athygli og furðu að leiktímanum í leik ÍBV og Hauka skyldi vera breytt aðeins tæpum sólarhring fyrir leik en það var fyrst og fremst krafa Hauka sem varð til þess að HSÍ breytti leiktímanum, án þess að ráðfæra sig við forráðamenn ÍBV, en þetta kemur fram í Fréttum. Samkvæmt heimildum Frétta barst tilkynning frá HSÍ um breyttan leiktíma á föstudagskvöldið, tæpum hálfum sólarhring fyrir leik og með ólíkindum að næststærsta sérsamband ISÍ getir leyft sér önnur eins vinnubrögð. En handknattleiksráðið brást skjótt við og flestir ef ekki allir mættu á réttum tíma á leikinn.

=== '''HK vann Sparisjóðsmótið''' ===
Karlalið ÍBV hélt um helgina Sparisjóðsmót í handbolta þar sem meistaraflokkur ÍBV lék auk HK og íslenska landsliðsins, skipuðu leikmönnum 19 ára og yngri. A föstudaginn lék IBV gegn ungmennunum og sigraði naumlega en hvorki Mindaugas né Petras léku með liðinu þar sem þeir eru báðir í Litháen við landsliðsæfingar. HK sigraði svo ungmennalandsliðið lfka og því varð síðasti leikurinn í mótinu, milli ÍBV og HK hreinn úrslitaleikur. Fyrri hálfleikur var afburðaslakur hjá IBV en gestirnir úr Kópavoginum sigruðu svo örugglega í leiknum og unnu þar með mótið. I lok mótsins var svo slegið upp grillveislu sem þótti hin besta skemmtun.

=== '''Ágætir æfingaleikir''' ===
Karlalið ÍBV í knattspyrnu lék tvo æfingaleiki í Reykjaneshöllinni í lok janúar. Þeir voru hluti af litlu æfingamóti þar sem auk ÍBV tóku þátt ásamt Keflavík, Þór frá Akureyri og FH. ÍBV byrjaði á því að spila gegn FH og var sá leikur mjög opinn og skemmtilegur. Njáll Eiðsson, þjálfari ÍBV sagði við Fréttir að leikurinn hefði, þrátt fyrir tapið, verið ágætlega leikinn af ÍBV. „Við vorum mun betri í fyrri hálfleik og vorum í raun klaufar að vera ekki búnir að klára leikinn þá. Það vantaði nokkra sterka leikmenn. Kjartan, Ingi, Hjalti Jóns., og Atli eru allir meiddir og Birkir og Unnar Hólm spiluðu bara annan leikinn. Í leiknum gegn Þór óðum við hreinlega í færum en gekk illa að nýta þau. Sigurður Ragnar Eyjólfsson nýtti þó eitt færanna og þrátt fyrir yfirburði okkar þá var jafntefli niðurstaðan." Mörkin gegn FH skoruðu þeir Gunnar Heiðar Þorvaldsson 2 og Bjarni Geir Viðarsson 1.

=== '''Bikarmeistararnir lögðu Íslandsmeistarana''' ===
Bikarmeistarar ÍBV tók á móti Íslandsmeisturum Haukum í undanúrslitum bikarkeppninar í Eyjum í lok janúar. Fyrirfram var búist við hörkuleik en þessi lið börðust um sigur bæði í Islandsmótinu og bikarkeppninni í fyrra en í bikarnum vann ÍBV einmitt eftir æsispennandi Ieik þar sem sigur vannst í framlengdum leik. Haukastúlkur voru minnugar leiksins frá því í fyrra og virtust vera ákveðnari til að byrja með. En sú frábæra stemmning sem var í húsinu varð til þess að Islandsmeistararnir fóru á taugum á meðan leikmenn IBV gengu á lagið og unnu leikinn nokkuð örugglega 21-19 eftir að staðan í hálfleik hafði verið 12-9. Það var sannkölluð hátíðarstemmning í nýja íþróttahúsinu þar sem rúmlega sjö hundruð manns voru mætt. Einhverjir höfðu áhyggjur af því að sú stemmning sem náðist oft í gamla húsinu næðist ekki í því nýja en þær voru ástæðulausar. Sjaldan hefur annar eins hávaði heyrst á handboltaleik í Vestmannaeyjum. Stelpurnar mæta Gróttu/KR í úrslitlaleiknum sem fer fram í Laugardalshöllinni þann 16. Febrúar. Mörk ÍBV: Dagný Skúladóttir 6, Ana Pérez 5/2, Theodora Visokaite 4, Ingibjörg Jónsdóttir 3, Andrea Atladóttir 2, Isabel Ortis I. Varin skot: Vigdís Sigurðardóttir 18/1.

Í tölublaði Frétta eftir leikinn voru birt viðtöl við Vigdísi Sigurðardóttur markmann ÍBV og Erling Richardsson þjálfara. „Þetta era mjög jöfn lið þannig að það mátti lítið út af bregða. Ég hélt að þetta væri komið hjá okkur í stöðunni 20-16, en það var það alls ekki. Mér fannst við ekki mjög skynsamar undir lokin. Spiluðum of stuttar sóknir en við höfðum það sem betur fer," sagði Vigdís Sigurðardóttir markmaðurinn knái. „Stemmningin var alveg meiriháttar en ég var sú eina í liðinu sem vildi spila í gamla salnum. Ég hef heldur betur skipt um skoðun núna. Þessi stuðningur er mjög mikilvægur fyrir okkur stelpurnar því við erum að sjá andlit sem við hófum aldrei séð áður á leikjum hjá okkur og að fá svona marga á leikinn sýnir okkur að við eigum besta heimavöllinn á landinu," sagði Vigdís Sigurðardóttir markvörður liðsins.

Erlingur Richardsson er að komast í fyrsta sinn í bikarúrslitaleik sem þjálfari meistaraflokks. „Ég var dálítið stressaður um miðjan fyrri hálfleikinn því mér fannst við vera komnar með of mikið forskot, eins kjánalega og það hljómar nú. Hættan er að þá verði leikmenn værukærir, haldi að sigurinn sé í höfn. Það gerðist ekki og við vorum yfirleitt þremur til fjórum mörkum yfir og leikurinn spilaðist nánast eins og við lögðum upp með. Þær spiluðu 6-0 vörn sem við reiknuðum með og vorum búin að vinna í og vörnin stóð fyrir sínu, þannig hefst þetta. Sóknarleikurinn var mjög kaflaskiptur hjá okkur, við vorum að gera ágæta hluti en inn á milli kom einstaklingsframtak sem gengur ekki upp á móti jafn sterku liði og

Haukarnir eru. Það var auðvitað frábært að sjá rúmlega sjö hundruð manns á leiknum þegar bæjarfélagið er ekki stærra en þetta. Ég held að það séu ekki margir bæir á landinu sem gætu leikið þetta eftir en við óskum núna bara eftir áframhaldandi stuðningi í nýja húsinu."

=== '''Nóg um að vera hjá yngri flokkunum''' ===
Þriðji flokkur kvenna lék í lok janúar á Islandsmótinu í innanhússboltanum en flokkurinn hefur verið einn af þeim bestu á landinu í áraraðir. En nú tapaði liðið hins vegar öllum sínum leikjum í riðlakeppninni og komst því ekki áfram.

Urslit leikjanna voru þessi: IBV-Umf. Bessastaðarhrepps 0-2, ÍBV-Fjólnir 0-5, ÍBV -Haukar 1-7.

Fjórði flokkur karla lék í Þorlákshöfn í Suðurlandsriðli. Liðið rúllaði yfir andstæðinga sína og sigraði í riðlinum. ÍBV-Ægir 7-2, ÍBV-Hamar 4-1, ÍBV-Selfoss 3-1, ÍBV-KFR 6-2.

Fjórði flokkur kvenna lék einnig á sunnudaginn og spilaði liðið í Fylkishöllinni. Liðið stóð sig ágætlega og endaði í öðru sæti.

Úrslit: ÍBV-Fylkir 2-1, ÍBV-Ægir l-l,ÍBV-HK0-5,ÍBV-Víðir5-2.

Þá spilaði fimmti flokkur karla í Framhúsinu sl. laugardag en strákarnir enduðu í fimmta og næstneðsta sæti riðilsins. Úrslitin voru þessi: Umf. Bessast. 1-3, ÍBV Keflavík 2-1, ÍBV-Fram 2-12, ÍBV-Ægir 1-5, ÍBV- Grótta 1-1.

=== '''Bikarfjör í yngri flokkum''' ===
Annar flokkur karla komust um miðjan janúar í undanúrslit í bikarkeppni aldursflokksins. Liðið lék gegn hinu sterka liði FH-inga og fór leikurinn fram hér í Eyjum. Liðið leikur ekki í íslandsmótinu og því er árangurinn enn betri enda er liðið að spila mun færri leiki en mótherjar þeirra. Leikurinn var æsispennandi en aðeins munaði einu marki í hálfleik þar sem FH leiddi, 14-15. Í síðari hálfleik höfðu strákamir betur en sigurmarkið kom þegar venjulegum leiktíma lauk, 29-28. Sigurður Ari Stefánsson skoraði það og kom ÍBV þar með í undanúrslit keppninnar.

Mörk ÍBV: Kári 11, Sigurður Ari 8, Davíð 4, Karl 3, Sigþór 2 og Sindri 1.

Strákarnir mætti svo Val í undanúrslitum þar sem gestirnir höfðu betur 29-34. Sigbjörn Óskarsson, þjálfari sagði í samtali við Fréttir að strákarnir hefðu barist hetjulegri baráttu. „Við vorum inni í leiknum allan tímann og í hálfleik munaði bara einu marki. En við misstum dampinn í seinni hálfleik og þar kom bersýnilega í ljós munurinn á leikæfingu liðanna. Það er grátlegt að geta ekki boðið strákunum upp á þáttöku í íslandsmótinu en HSÍ skipulagði mótið þannig að það væru þrettán leikir í Reykjavík og ferðakostnaðurinn við það er einfaldlega allt of hár."

Unglingaflokkur kvenna ÍBV lék einnig í bikarkeppninni en stelpumar fóru til Akureyrar og léku gegn KA. Heimastúlkur höfðu undirtökinnánast allan leikinn en undir lokin hrundi hins vegar leikur IBV og KA stúlkur sigmðu með 24-18. Markahæstar voru þær Aníta Ýr 8, Bjarný 3, María 3 og Þórsteina 2.

Þriðji fiokkur karla tók á móti Val í bikarkeppninni þar sem liðið tapaði naumlega 19-20 en leikurinn var í sextán liða úrslitum keppninnar.

Strákarnir léku einnig gegn ÍR í Íslandsmótinu sömu helgi og bikarleikurinn fór fram en báðir leikirnir voru spilaðir í Eyjum. ÍBV var betra liðið framan af en undir lokin tóku gestirnir atkvæðamestu leikmenn IBV úr umferð og við það riðlaðist leikur liðsins. Gestirnir gengu á lagið og náðu að jafna 26-26 áður en yfir lauk. Þrátt fyrir jafnteflið er ljóst að mikið býr í liðinu.

=== '''Tvær í kvennalandsliðið''' ===
ÍBV á tvo fulltrúa í íslenska landsliðinu en það eru þær Dagný Skúladóttir og Vigdís Sigurðardóttir. Þær voru valdar til að fara með liðinu í æfingabúðir á Laugarvatni þar sem æft verður og leikinn einn æfingaleikur. Vigdís hefur ekki verið í náðinni hjá þjálfaranum en eftir að hún nánast lokaði markinu í seinni hálfleik í leik ÍBV og Íslands þá sannfærðist hann og valdi hana.

=== '''Nýr maður í knattspyrnuráð''' ===
Ákveðnar mannabreytingar hafa farið fram í knattspymuráði karla en Sigurjón Kristinsson hefur ákveðið að snúa sér að öðmm verkefnum. Nú er búið að finna eftirmann Jonna en það er Ástþór Jónsson, verslunarstjóri 11-11.

=== '''Gunnar Berg með landsliðinu''' ===
Gunnar Berg Viktorsson var valinn í landsliðshópinn sem fór á Evrópumeistaramótið í handknattleik í Svíþjóð. Gunnar Berg hefur lengi verið viðloðandi íslenska landsliðið í handknattleik en þetta mun vera í fyrsta sinn sem hann spilar með liðinu á stórmóti eftir að hafa fengið smjörþefínn aðeins nítján ára gamall. Tæplega sjö ára undirbúningi er vonandi þar með lokið enda hefur hann verið að spila mjög vel í þau fáu skipti sem hann fær tækifæri. Í viðtali sem tekið var við Gunar Berg í Fréttum á meðan hann var staddur úti segir hann að draumurinn um að leika með íslenska landsliðinu í stórmóti sé nú loksins að rætast eftir að hafa verið með rétt utan viðleikmannahópinn undanfarin sex ár. „Það má kannski segja að ég hafí verið orðinn atvinnumaður í bekksetu með landsliðinu. En þetta er allt á réttri leið, ég er að spila eitthvað í flestum leikjunum og það er reyndar áberandi með Guðmund Guðmundsson að flestir eru að spila eitthvað í þessum leikjum. Fyrir vikið er miklu betri mórall í liðinu núna og minni pressa á einstaka leikmenn að standa sig í hverjum einasta leik. Leikimir á móti Þjóðverjum á undirbúningstímabilinu komu mér hingað og nú fæ ég tækifæri á að mæta þeim aftur. Mér fannst ég spila vel á móti þeim heima og vona að ég fái aftur tækifæri í byrjunarliðinu þegar við spilum gegn þeim," sagði Gunnar Berg meðal annars í ítarlegu viðtali þar sem hann ræddi um landsliðið og lífið úti í Frakkalandi þar sem hann lék með Paris St. Germain.

== '''FEBRÚAR:''' ==

=== '''Sigur í æfingaleikjum''' ===
Í byrjun febrúar lék meistaraflokkur karla í knattspyrnu tvo leiki en leikirnir fóru báðir fram í Reykjavík. Lið ÍBV var að mestu leyti skipað þeim leikmönnum sem voru í eða við hópinn síðastliðið sumar að tveimur undantekningum, Sigurður Ragnar Eyjólfsson lék sinn annan leik með ÍBV en það sem vakti mesta athygli var að Magnús Steindórsson, leikmaður KFS spilaði báða leikina með ÍBV og skoraði hvorki fleiri né færri en fjögur mörk í leikjunum tveimur. Fyrst var leikið gegn Fjölni og sigraði ÍBV þann leik nokkuð auðveldlega 4-1 en mörk ÍBV skoruðu þeir Magnús 2, Óskar Jósúa og Bjarni Rúnar sitt markið hvor en Bjarni er að stíga sín fyrstu spor með liðinu. Seinni leikurinn var svo gegn fyrrum lærisveinum Njáls Eiðssonar og áttu Eyjamenn ekki í vandræðum með þá og sigruðu í þetta sinn 3-1. Magnús skoraði tvö og hefur greinilega verið á skotskónum. Pétur Runólfsson skoraði svo þriðja mark ÍBV.

=== '''Strákarnir aftur af stað''' ===
Handboltinn hjá strákunum fór aftur að rúlla eftir pásu vegna Evrópumeistaramóts í handboltanum. Sigurbjörn Óskarsson, þjálfari ÍBV sagði í samtali við Fréttir að pásan hefði nýst þeim ágætlega '',,Reyndar vorum við að fá Litháana aftur til okkar í þessari viku og Minde er meiddur og allt útlit fyrir að hann verði ekki klár næstu tvær vikurnar jafnvel. Hléið hefur hins vegar verið skuggalega langt og við náðum ekki að spila nógu marga æfingaleiki en náðum samt sem áður nokkrum ágætis leikjum. Ég kvíði engu um framhaldið, við vorum á góðri siglingu fyrir hléið og unnum síðustu fimm leikina. Stjarnan stal hins vegar af okkur tveimur stigum í haust þannig að við eigum harma að hefna og ætlum okkur sigur. Við höfum sett okkur markmið og það er að ná 75-80 prósent árangri úr þeim leikjum sem eftir eru. Þá yrðum við væntanlega í einu af fjórum efstu sætunum. Við ætlum okkur í úrslitaleikina og ekkert annað,"'' sagði Sigbjörn. Fyrsti leikurinn var gegn Stjörnuni á heimavelli þeirra en honum lauk með jafntefli 21-21 eftir að IBV hafði farið illa að ráði sínu síðustu mínúturnar.

Stjarnan byrjaði leikinn betur og náðu fljót þriggja marka forystu. ÍBV skoraði næstu fimm mörk og breyttu stöðunni úr 5-2 í 5-7. Jafnræði var með liðinum það sem eftir lifði leiks og var ÍBV með tveggja marka forskot þegar flautað var til hálfleiks, 11-13.

Strákarnir mættu ekki til leiks í byrjun síðari hálfleiks og Stjarnan náði þriggja marka forskoti. En góður leikkafli síðasta stundarfjórðunginn gerði það að verkum að ÍBV var með pálmann í höndunum undir lokin. En í þrígang mistókst Eyjamönnum að auka muninn í tvö mörk og undir lokin munaði minnstu að heimamenn næðu að stela sigrinum en Hörður Flóki Ólafsson, besti maður vallarins, varði vel og tryggði þar með ÍBV stigið.

Nú situr IBV í áttunda sæti, með jafnmörg stig og KA en lakara markahlutfall. ÍBV hefur ekki tapað í sex leikjum í röð, gert þrjú jafntefli og unnið þrjá leiki sem hefur skilað liðinu níu af þeim þrettán stigum sem liðið hefur nú.

Mörk ÍBV: Petras Raupenas 6, Mindaugas Andriuska 5/5, Arnar Pétursson 4, Sigurður Bragason 2, Sigþór Friðriksson 1, Jón Andri Finnsson 1, Kári Kristjánsson 1, Sigurður Ari Stefánsson 1. Varin skot: Hörður Flóki Ólafsson 21/2

=== '''Veldur vandræðum''' ===
Í byrjun febrúar var flugvöllurinn í Eyjum aðeins opinn til klukkan sjö á kvöldin þar sem flugumferðarstjórar áttu í kjarabaráttu og höfðu teflt fram því vopni að banna alla yfirvinnu hjá flugumferðarstjórum. Það að ekki skuli vera flug innanlands á kvöldin setur íþróttahreyfinguna á annan endann, enda fara flestir leikir fram á kvöldin og oft í miðri viku. Karladeildin verður þétt leikin næsta tvo og hálfan mánuðin og lítið svigrúm til breytinga en kvennadeildin er ekki leikin jafn þétt og líklega verða áhrif verkfallsins í lágmarki hjá þeim. Magnús Bragason, formaður handknattleiksráðs karla, sagði í samtali við Fréttir að málið væri komið á mjög alvarlegt stig. „Við eigum leik núna á sunnudaginn gegn ÍR en leikurinn á að fara fram klukkan átta um kvöldið og því erum við í sömu vandræðum og ef leikurinn færi fram í miðri viku. Þetta er auðvitað rosalega slæmt mál eins og hefur nú þegar sýnt sig hjá kvennaboltanum þegar leik ÍBV og KA/Þórs var frestað oftar en einu sinni vegna verkfallsins. Þetta er ekki síst slæmt núna því það væri mjög mikilvægt fyrir handboltann hér heima að fara af stað með stæl eftir gott gengi landsliðsins á Evrópumótinu til að auka vegsemd íþróttarinnar að nýju."

Þorvarður Þorvaldsson hjá handknattleiksdeild kvenna tók í sama streng og Magnús. „Mér fannst ástandið vera orðið mjög slæmt hér í byrjun mótsins þegar samgöngumar voru komnar í þennan farveg sem þær eru í núna en svo bætist þetta við í ofanálag og ég sé ekki alveg lausnina á vandamálinu. Við í kvennaboltanum erum reyndar í ágætismálum þar sem það eru fáir leikir eftir fram að úrslitakeppni og nægt svigrúm til að spila um helgar. Við verðum hinsvegar bara að vona að þessi kjarabarátta flugumferðarstjóra leysist sem fyrst því auðvitað setur þetta handboltanum í landinu stól fyrir dymar."

=== '''Sex í úrtaksæfingar''' ===
Hafnar eru úrtaksæfingar hjá yngri landsliðum Íslands í knattspyrnu þrátt fyrir að rúmir fjórír mánuðir séu í að knattspyrnuvertíðin hefjist fyrir alvöru. Úrtaksæfingar fyrir u-17 og u-19 ára landsliðin fóru fram í febrúar, bæði í kvenna- og karla knattspyrnu þar sem ÍBV átti sex fulltrúa. Hjá drengjunum eru það þeir Ólafur Þ. Berry og Björgvin M. Þorvaldsson sem voru valdir til æfinga hjá U-17 ára landsliðinu en enginn frá ÍBV er á meðal þeirra knattspymumanna sem munu mæta á æfingu hjá U-19 ára landsliðinu. Hjá stúlkunum eigum við hins vegar fulltrúa í báðum landsliðum . Hjá U-17 ára landsliðinu sjá þær Karitas Þórarinsdóttir og Sara Sigurlásdóttir um að halda uppi heiðri Eyjamanna. Á U-19 ára æfingunum eru hins vegar þær Elva D. Grímsdóttir og Margrét Lára Viðarsdóttir en sú síðarnefnda var fastamaður í liðinu á síðasta ári.

=== '''Samstarfssamningur milli ÍBV íþróttafélags og Íslandsbanka''' ===
ÍBV íþróttafélag og Íslandsbanki undirrituðu samstarfssamning sín á milli til næstu þriggja ára. Íslandsbanki er þar með orðinn einn aðalstyrktaraðilinn hjá ÍBV íþróttafélagi. Íslandsbanki verður með auglýsingu á baki æfingagalla m.fl.karla og kvenna í handbolta og fótbolta. Þá mun Íslandsbanki verða sýnilegur í öllum auglýsingum sem og leikskrám og blöðum sem félagið gefur út. Fána Íslandsbanka verður flaggað á öllum heimaleikjum hjá ÍBV og auglýsingaskilti á völlum félagsins. „Samningurinn er mjög mikilvægur fyrir það mikla starf sem er unnið innan félagsins. Fyrir meistaraflokka félagsins og unglingastarfið er þetta gríðarlega mikilvægt að hafa fyrirtæki eins og íslandsbanka innan sinna vébanda. Við þökkum þeim kærlega fyrir og vonum að samstarfið eigi eftir að vera árangursríkt eins og undanfarin," sagði Magnús Sigurðsson framkvæmdastjórí ÍBV í samtali við Fréttir.

=== '''Spennan magnast''' ===
Bikarúrslitaleikurinn í handbolta milli ÍBV og Gróttu/KR verður spilaður 16. febrúar en spennan fyrir leiknum er gríðarleg enda getur ÍBV varið titilinn. Fréttir slógu á þráðinn til fyrirliða liðanna til að forvitnast um undirbúningin en það eru þær Ingibjörg Jónsdóttir og Ágústa Edda Björnsdóttir.

„Ég er búin að segja stelpunum að ég ætla að lyfta bikarnum í fyrsta sinn en ég var ekki með í fyrra," segir Ingibjörg. „Það var agalegt að standa við hliðarlínuna og geta ekkert gert þegar mest lá við en það verður allt annað að vera inni á vellinum og í baráttunni. Annars á ég von á mjög jöfnum leik og þess vegna verður mikilvægt fyrir okkur að halda einbeitingunni allan leikinn. Þær þyrstir orðið í titil en þær töpuðu í bikarúrslitum fyrir tveimur árum og töpuðu þá Iíka fyrir okkur um Islandsmeistaratitilinn þannig að þær eiga harma að hefna." Hvernig er undirbúningnum háttað? „Ég býst við að við eigum eftir að leggja áherslu á tæknileg atriði í okkar leik. Við munum að sjálfsögðu skoða leik Gróttu/KR á myndbandi en við munum einbeita okkur að okkar leik . Ef við spilum af eðlilegri getu þá óttast ég ekkert. Breiddin er meiri nú en í að fyrra þannig að ef einhver í liðinu á slæman dag þá bætir annar það upp. En ég vil bara hvetja sem flesta til að koma með okkur og mæta í Laugardalshöllina á laugardaginn, það munar um stuðninginn." „Ég met þetta þannig að þessi tvö lið séu mjög áþekk að styrkleika," segir Ágústa Edda Bjömsdóttir. „ Þau hafa spilað tvo leiki og unnið sinn hvort sem segir sitt. Reyndar var kannski lítið að marka fyrri leikinn enda var mótið svo til nýbyrjað en seinni leikurinn úti í Eyjum var í járnum allan tímann og sigurinn hefði getað endað hvorum megin sem var. Eg á þess vegna von á því að leikurinn verði jafn og spennandi allan tímann og eiginlega vona það því það er alltaf skemmtilegra að vinna svoleiðis leiki." Nú fáið þið styttri tíma til að undirbúa ykkur fyrir leikinn en hvernig munuð þið nýta tímann? „Það er rétt við spiluðum á þriðjudaginn í deildinni en ég held að undirbúningurinn verði ekki frábrugðinn. Við komum að sjálfsögðu til með að skoða upptökur af ÍBV og svo munum við vinna okkar varnarvinnu út frá því. Við erum að mestu leyti heilar fyrir utan línumanninn okkar sem meiddist og verður ekki með. Svo hefur markvörðurinn hjá okkur verið tæpur í allan vetur en líklega lætur hún sig hafa það.

=== '''Uppgjör toppliðanna''' ===
Haukar tóku á móti ÍBV í Essodeild kvenna í toppslag deildarinnar. Í síðustu tvö skipti sem þessi lið mættust hafði ÍBV betur en báðir leikirnir voru spilaðir í Eyjum en ÍBV hafði ekki tekist að leggja Hauka af velli á Ásvöllum og þar varð engin breyting á. Leikurinn endaði með fjögurra marka sigri heimastúlkna, 24 - 20, en leikur ÍBV hrundi nánast til grunna í leikhléi en þá var staðan 10-12 ÍBV í vil. ÍBV byrjaði betur í leiknum og leiddi nánast frá upphafi. Mest náði ÍBV fjögurra marka forystu 6-10 en kæruleysi í leik ÍBV undir lok fyrri hálfleiks varð til þess að Haukarnir náðu að laga stöðuna í stað þess að ÍBV bætti við forystuna. Staðan í hálfleik var engu að síður vænleg, tveggja marka forskot 12-10 gegn Haukum á útivelli er vel ásættanlegt. En það var eins og leikmenn ÍBV hefðu verið of sigurvissir því það tók heimastúlkur ekki nema tæpar tíu mínútur að brjóta mótspyrnuna á bak aftur. IBV skoraði fyrsta mark seinni hálfleiks en næsta mark kom ekki fyrr en eftir fjórtán mínútna leik en þá höfðu Haukarnir skorað átta mörk og voru því komnar með þægilega, fjögurra marka forystu. Sóknarleikur ÍBV hrundi gjörsamlega við það að Haukarnir breyttu um varnaraðferð en slíkt ætti ekki að koma jafn leikreyndu liði og ÍBV úr skorðum eins og raunin varð. Islandsmeistararnir þurftu ekki að sýna neinn glansleik til að innbyrða sigurinn sem var öruggur eftir að þær náðu forystunni.

Mörk ÍBV: Theodora Visokaite 5/1, Andrea Atladóttir 4, Ana Perez 4, Dagný Skúladóttir 3, Ingibjörg Jónsdóttir 2, Elísa Sigurðardóttir 2. Varin skot: Vigdís Sigurðardóttir 16/1.

=== '''Eyjamenn voru áberandi''' ===
Helgina 8.-10. febrúar fór fram ársþing KSÍ en þar áttu Eyjamenn að sjálfsögðu sína fulltrúa frá bæði ÍBV og KFS. Af þeim tíu tillögum til breytinga á lögum og reglum KSÍ áttu Eyjamenn þrjár. KFS kom með tillögu að breyttu keppnisfyrirkomulagi í neðstu tveimur deildunum og að U-23 ára liðum yrði meinuð þáttaka í bikarkeppni meistaraflokks. Ljóst var að stuðningur risanna við seinni tillögunni yrði lítill enda var tillagan felld. Tillagan um breytt keppnisfyrirkomulag í annarri og þriðju deild var forvitnileg enda samdóma álit þeirra sem eru með lið í þriðju deild að núverandi fyrirkomulag er mjög ósanngjamt. Þrátt fyrir þetta þá var tillagan felld. ÍBV bar fram tillögu um jöfnunarsjóð í deildarbikarnum þar sem ferðakostnaður yrði jafnaður út með sameiginlegum sjóði. Tillögunni var vísað til mótanefndar. Þá voru endurkjörnir í stjórn KSI þeir Einar Friðþjófsson og Jóhannes Ólafsson.

=== '''Birkir Ívar til Spánar''' ===
Birkir Ívar Guðmundsson, Eyjapeyinn sem varið hefur mark Stjörnunnar undanfarið, hefur nú fetað í fótspor fyrrum félaga sinna hjá IBV, þeirra Gunnars Bergs Viktorssonar og Guðfinns Kristmannssonar og haldið út í hinn harða heim atvinnumennskunnar í handknattleik. Nú eigum við Eyjamenn fulltrúa í þremur löndum. Birkir hélt til Spánar en Stjörnumenn lánuðu hann til 2. Deildarliðsins Balonamo Torrevieja.

Birkir Ívar hefur þegar leikið einn leik með liðinu, sem leikur í B-deildinni þar í landi þar sem honum gekk vel.

=== '''Bikarinn áfram í Eyjum''' ===
ÍBV varði bikarmeistaratitilinn þegar liðið sigraði Gróttu/KR örugglega 22-16 þar sem öflugur varnarleikur skók sigurinn. Fyrsta markið kom frá Gróttu/ KR eftir rúma mínútu en næstu tólf sóknir fóru í súginn á meðan Eyjastúlkur skoruðu sex mörk þó að átta sóknir þeirra færu forgörðum. Staðan var því 6:1 sem var alveg í takt við leikinn því vörn Vestmannaeyinga var mjög hreyfanleg og skyttur Gróttu/ KR fengu varla færi á skoti eða línuspili enda virtust Eyjastúlkur lesa sóknartilburði þeirra eins og opna bók. Fyrir vikið voru skotin sem sluppu í gegn oft úr erfiðum færum auk þess að Vigdís Sigurðardóttir í marki ÍBV var í miklum ham. Þegar staðan var 8:2 eftir um 20 mínútna leik var sem Gróttu/ KR-stúlkur tækju sig saman í andlitinu því þeim tókst að minnka muninn úr sex mörkum niður í 5 fyrir leikhlé. Síðari hálfleikur byrjaði svipað og sá fyrri og ÍBV náði 14:6 forystu. Þá sá þjálfari Gróttu/KR að svo mætti ekki við búið standa, breytti í framliggjandi vörn, sem sló Eyjastúlkur útaf laginu um tíma uns aðeins munaði fjórum mörkum, 16:12. Grótta/KR fékk færi til að minnka muninn niður í þrjú mörk en vopnin snerust í höndum þeirra og ÍBV náði yfirhöndinni á ný. Sigurinn var í höfn og í stöðunni 22:14 þegar nokkrar mínútur voru til leiksloka var flestum af varamannabekk ÍBV skipt inná. Eyjastúlkur unnu fyrir þessum sigri, sem byggðist að langmestu leyti á sterkri vörn er hélt allan leikinn. Það eru engin ný sannindi að slíkt er oftast lykill að sigri og þegar svo sóknarleikurinn var ágætur ásamt góðri markvörslu var fátt sem gat komið í veg fyrir sigur því sama var ekki uppi á teningnum hjá hinu liðinu. Einnig munaði um að leikmenn voru greinilega vel undirbúnir og í góðu líkamlegu formi enda þarf úthald til að halda uppi góðri vörn í 60 mínútur. Allir leikmenn stóðu fyrir sínu í vörninni en í sókninni var Theodora Visokaite afar ákveðin og braust áfram og Ana Perez og Andrea Atladóttir áttu mörg góð skot. Það neyddi varnarmenn mótherjanna til að koma aðeins út og þá losnaði um Ingibjörgu Jónsdóttur á línunni og Dagnýju Skúladóttur í horninu. Gróttu/KR-stúlkur mættu ákveðnar til leiks en voru slegnar útaf laginu í sókninni og fundu sig því ekki sem skyldi í vörninni þó að hún væri oft með ágætum. Liðið var lengi að bregðast við vandanum, ekki fyrr en það þurfti að vinna upp nokkurra marka mun, sem var því ofviða.

Þó að leikurinn hafi aldrei komist á spennustigið vegna yfirburða ÍBV var hann aldrei leiðinlegur og tefla Eyjamenn fram einu skemmtilegasta kvennaliði sem sést hefur til hér á landi. Oft er taugatitringur í liðum fyrir þessa leiki en það var eins og ÍBV liðið hafí ekki haft neinar áhyggjur af því. Leikmennirnir spiluðu allir mjög vel, varnarleikurinn skipti miklu og á bak við varnarmúrinn er besti markvörður landsins. Sóknarleikurinn gekk líka mjög vel fyrir sig og erfitt að taka einhvern einn leikmann út en frammistaða Theodoru Visokaite, sem kom inn í byrjunarliðið var eftirtektarverð án þess að hallað sé á liðsheildina.

Mörk IBV: Theodora Visokaite 6, Ana Peréz 6/3, Dagný Skúladóttir 5, Ingibjörg Jónsdóttir 3, Andrea Atladóttir 2.

Varin skot: Vigdís Sigurðardóttir 14, Iris Sigurðardóttir 1.

=== '''-Lítil mótstaða kom á óvart''' ===
„Þetta kom okkur mjög á óvart hversu litla mótspyrnu við fengum," sagði Andrea Atladóttir í samtli við Fréttir eftir leikinn. „Ég held að það sem skildi liðin fyrst og

fremst að var það hversu vel undirbúnar við vorum. Það var engin taugaveiklun í liðinu, við vorum með kollinn í lagi og þá gengur allt upp. Þær virtust vera stressaðar og það er mjög erfitt. Við unnum þetta hins vegar fyrst og fremst á sterkri vörn, þær komust hvorki lönd né strönd gegn okkur í fyrri hálfleik en svo var maður alltaf að bíða eftir slæma kaflanum. Við töluðum um það í hálfleik að það væri kannski bara ágætt að sleppa honum í þetta skiptið og það gerðum við," sagði Andrea.

=== -'''Þær áttu aldrei möguleika''' ===
Dagný Skúladóttir var að fagna sínum fyrsta titli í meistaraflokki um helgina og hún sagði í samtali við Fréttir að Grótta/KR hefði í raun aldrei átt möguleika í leiknum. „Við náðum tökum á þeim strax frá fyrstu mínútu. Varnarleikurinn var sterkur og okkur gekk mjóg vel í sókninni. Við komum vel undirbúnar og kerfin voru að virka hjá okkur. Andlega hliðin var líka í lagi, við komum mjög ákveðnar til leiks en ætluðum samt sem áður fyrst og fremst að njóta þess að spila úrslitaleik. Þetta var mun auðveldara en við áttum von á, þær komu bara alls ekki tilbúnar til leiks og við nýttum okkur það," sagði Dagný.

=== '''- Bjóst við þeim grimmari''' ===
„VIÐ lögðum grunninn að þessum sigri fyrsta korterið því eitt mark hjá þeim eftir það er ekki mikið,“ sagði Eyjastúlkan Ingibjörg Jónsdóttir, fyrirliði ÍBV í samtali við Morgunblaðið en Ingibjörg stóð fyrir sínu í vörninni og vann vel fyrir sóknina hinum megin. „Vörnin small saman og við fengum hraðaupphlaup enda lögðum við upp með að loka vörninni og ná að spila hratt. Það gekk eftir en ég bjóst við þeim miklu grimmari.“ Ég var bara smeyk um tíma þegar þær breyttu í framliggjandi vörn og við þurftum nokkrar mín- útur til að ná tökum á því en svo var sigurinn aldrei í hættu. Þær reyndu þá að taka tvo úr umferð en við erum með góða einstaklinga svo það gekk ekki upp,“ bætti Ingibjörg við og var ánægð með undirbúning liðsins. „Þjálfarinn sagði að við hefðum meiri reynslu en hann í svona leikjum og það værum við sem yrðum inni á vellinum. Það hefur ekki verið neitt stress í kringum þennan leik, við komum með Herjólfi daginn fyrir leik. Við erum búin að vinna okkar heimavinnu og Erlingur hefur undirbúið þennan leik vel.“ Ingibjörg fékk einnig verðlaunapening fyrir bikarsigurinn í fyrra en var þó ekki að spila, heldur til aðstoðar á bekknum, komin átta mánuði á leið. „ Það var erfiðara að vera á bekknum en að spila núna en samt var skemmtilegra að spila og mér finnst ég eiga meira í þessum bikar,“ sagði Ingibjörg og hampaði bikarnum.

=== '''-Vissi að við gætum haldið út hraðan leik''' ===
„Ég var aldrei örugg með sigurinn, sama hvernig staðan var, því þegar við vorum fimm mörkum yfir var ég viss um nú færi allt að klikka – það þurfti því að hafa varann á og við misstum aldrei tökin á leiknum,“ sagði Vigdís Sigurðardóttir, markvörður Eyjastúlkna, í samtali við Morgunblaðið eftir leikinn. „Við ætluðum að spila harðan leik og hratt því við erum snöggar og í góðu líkamsformi og vissum að við gætum haldið út leikinn þannig. Svo ætluðu útlendingarnir okkar svo sannarlega að vinna titil á Íslandi og það kom sér mjög vel.“ Vigdís sagði leikmenn jafnvel of rólega fyrir leikinn. „Leikurinn var mun erfiðari andlega en líkamlega því stressið var mikið og þá helst yfir því hvað við vorum lítið stressaðar en við hlökkuðum mikið til og leikgleðin var mikil, sem skilaði okkur langt. Í raun vorum við fáar sem lékum í fyrra en aftur á móti höfum við flestar reynslu úr erfiðum leikjum og eins er með útlendingana okkar. Nú er kominn einn sigur sem við vorum búnar að lofa stuðningsmönnum okkar en það er ekki nóg og við stefnum nú að því að vinna tvöfalt.“

=== '''-Við höfum gaman að þessu''' ===
Ég bjóst ekki við jafnari leik og þetta var sannfærandi allan tímann,“ sagði Erlingur Richardsson, þjálfari Eyjastúlkna, í samtali við Morgunblaðið eftir sigurinn. „Ég var reyndar farinn að örvænta yfir því að við værum komin með alltof mikið forskot í byrjun því oft byrja lið vel en síðan kemur bakslag – maður veit að í svona leik gefast hinir aldrei upp því það er ekki neinn leikur daginn eftir sem hægt er að vinna tapið upp. Og eins og Íslendingar gera svo oft biðum við eftir þessum „slæma“ kafla en það er greinilega minna um það í dag, hvort sem var í leiknum hjá okkur eða hjá landsliðinu á Evrópumótinu. Við höfðum ekki hugsað okkur að reyna að stinga þær af í byrjun en héldum okkar dampi allann leikinn og það gerði útslagið að varnarleikurinn var góður allan tímann. Ég átti von á að Grótta/KR færi fyrr í 3–2–1-vörn, til dæmis eftir leikhlé, en þjálfari þeirra vildi líklega sjá hvort sama vörn myndi skila sér.“ Erlingur hefur ekki áður unnið bikarúrslitaleik en sagði að reynsla Eyjastúlkna í því hefði dugað. „Ég gat því ekki miðlað bikarreynslu til þeirra, frekar að þær segðu mér til. Ég vissi þó hvernig átti að stilla upp í leiknum og hef leitað upplýsinga víða, margir hafa hjálpað mér og sent mér punkta og ég er þeim þakklátur. Það er greinilega allt annað skipulag hjá okkur núna, við fórum yfir það og fannst ekki nógu gott. Í dag má sjá að þetta er að koma því þó að varnarleikurinn hafi áður verið í lagi var sóknarleikurinn það ekki. Svo skiptir heppni alltaf einhverju máli. Við settum okkur það markmið að ná í titil, hvaðan sem hann kæmi. Nú er einn kominn og pressan því farin af okkur og við höfum gaman af þessu,“ bætti þjálfarinn við.

=== '''Fagnað sem hetjum''' ===
Mikill mannfjöldi tók á móli nýkrýndum bikarmeisturum ÍBV í kvennahandboltanum þegar liðið kom með Herjólfi á laugardagskvöldið eftir frækilegan sigur á Gróttu/KR í Laugardalshöllinni. Skotið var upp flugeldum þegar Herjólfur lagðist að bryggju. Erfitt er að gera sér grein fyrir þvf hvað margir vom á bryggjunni þegar Herjólfur kom en hópurinn var myndarlegur og fagnaði hann stúlkunum innilega bæði með bílflautum og lófaklappi. Fyrst vom þær leiddar upp á pall framan við afgreiðslu Herjólfs. Þegar skipið kom inn höfnina var kveikt á blysum á Skansinum en flugeldum var skotið upp á Friðarhafnarbryggjunni þegar skipið lagðist að bryggju. Formenn ÍBV-íþróttafélags Þór Vilhjálmsson, IBV-héraðssambands Birgir Sveinsson og Guðjón Hjörleifsson bæjarstjóri ávörpuðu stelpumar, þjálfara og stjórn og afhentu þeim blóm. Sérstaka athygli vakti myndarlegur blómvöndur frá Haukum en karlalið þeirra varði bikarmeistaratitil sinn þegar það burstaði Fram. Einnig sagði Þorvarður Þorvaldsson nokkur orð og þakkaði hann frábæran stuðning Eyjamanna. Eyjamenn sýndu leikmönnum, þjálfara og stjóm kvennahandboltans mikinn sóma með því að taka þátt í móttökuathöfninni. Er það að verðleikum því fátt ber betur hróður Eyjanna út á við en góður árangur í íþróttum.

=== '''Takk fyrir okkur, Eyjamenn''' ===
Stuðningurinn í Laugadalshöllinni og þegar við komum með bikarinn til Eyja með Herjólfi var ólýsanleg. Að sjá allt fólkið sem var saman komið þrátt fyrir smá kulda var yndislegt og yljaði okkur um hjartarætumar. Við sýndum hvers við Eyjamenn eru megnugir er við leggjumst öll á árarnar, þá getur enginn stöðvað okkur. Laugardagurinn 16. febrúarsl. líður okkur seint úr minni og viljum þakka öllum Eyjmönnum fyrir frábæran stuðning. Fyrirtæki, einstaklingar og Vestmannaeyjabær sem lögðu sitt til að gera þennan dag mögulegan.

Baráttan heldur baráttan áfram, er við fáum næst Fram í heimsókn. Við þurfum á kröftum ykkar að njóta þá. Okkur þætti vænt um, ef Eyjamenn myndu fjölmenna í ljónagryfjuna okkar og sýna stuðning sinn enn frekar í verki. Full Höll segir allt sem þarf. Fyllum því Höllina og fögnum saman bikamum sem við öll eigum. Við erum ekki södd, við eigum góða möguleika á einum bikar í viðbót en til að svo verði þurfum við ykkar stuðning eins og áður. Við vonum að Eyjamenn séu ekki sadder frekar en við og mæti á næstu leiki og leggi okkur lið að landa Íslandsmeistaratitlinum til Eyja, þar sem hann á heima. Munið nk. föstudag kl. 20 ÍBV - Fram, komið og sýnið í verki stuðning ykkar.

''Handboltastelpur ÍBV, Bikarmeistarar 2002, Bikarmeistarar 2001, Meistarar meistaranna 2000, Íslandsmeistarar 200''0

=== '''Góður árangur hjá þeim ungu''' ===
Um helgina fóru fram úrslit í Íslandsmótinu í innanhússknattspyrnu hjá yngri flokkunum og átti IBV þrjú lið á meðal þeirra bestu. Annar flokkur karla náði bestum árangri og endaði í þriðja sæti en annar flokkur kvenna endaði í því fjórða og fjórði flokkur karla endaði í því sjötta. Annar flokkur endaði undanriðilinn í öðru sæti og spilaði því gegnSkagamönnum í undanúrslitum. Þar voru strákarnir meira en lítið óheppnir að vinna ekki en leikurinn endaði með sigri IA, 3-2 og því varð IBV að spila um bronsið. Þar spiluðu strákarnir mjög vel og þrátt fyrir að vera einum færri nánast hálfan leikinn þá sigruðu þeir Breiðablik 5-3.

2. flokkur kvenna náði einnig mjög góðum árangri en liðið endaði í fjórða sæti. I undanriðlinum endaði liðið í öðru sæti á eftir Valstúlkum. Í undanúrslitum spilaði liðið gegn KR en ÍBV steinlá 6-1. í leik um þriðja sætið mætti ÍBV Val í annað sinn og tópuðu Eyjastelpur fyrir þeim á ný 6-1.

Fjórði flokkur karla endaði í þriðja sæti í undanriðlinum og spilaði því strax um fímmta sætið í íslandsmótinu. Þar töpuðu strákarnir fyrir KR7-1.

=== '''Fótboltinn farinn að rúlla''' ===
Karlalið ÍBV spilaði um síðustu helgi tvo fyrstu leiki sína í deildarbikarnum en þá lék liðið gegn Keflavík og KA en báðir leikirnir fórufram í Reykjaneshöllinni.

Keflvíkingar höfðu fyrir leikinn verið nánast ósigrandi í þeim æfíngaleikjum sem þeir höfðu leikið fram að þessu en lokatölur leiksins urðu 1-1. ÍBV stillti upp sínu sterkasta liði en mark IBV skoraði gamli jaxlinn Ingi Sigurðsson. Í síðari leiknum fengu þeir sem ekki byrjuðu leikinn gegn Keflavík tækifæri á að sýna sig. Norðanmenn komust þremur mörkum yfir fyrir leikhlé en í seinni hálfleik náði Ingi að klóra í bakkann og lokatölur urðu 1 -3 fyrir KA.

Kvennalið IBV er einnig komið á fulla ferð í undirbúningi sínum og lék liðið æfingaleik gegn Stjörnunni. ÍBV vann leikinn 2-0 en áður hafði liðið leikið gegn Fjölni og Haukum og unnið þá sannfærandi.

=== '''Glæsilegur sigur á bikarmeisturunum''' ===
Karlalið ÍBV í handbolta tók á móti nýkrýndum bikarmeisturum Hauka en þeir eru einnig ríkjandi Íslandsmeistarar. Gengi Haukanna hefur verið ótrúlegt í vetur, liðið hafði fyrir leikinn unnið alla leiki sína, bæði í deild og bikar og því ekki árennilegt verkefni fyrir ÍBV. Leikmenn IBV voru svekktir eftir tapið gegn IR í síðasta leik og með það í huga fóru þeir hreinlega á kostum gegn stjörnum prýddu liði gestanna. Sigur IBV var þó minni á horfðist eða 34 - 30 því aðeins fjögur mörk skildu liðin að í lokin en mestur varð munurinn tólf mörk. Leikurinn var jafn framan af allt þar til í stöðunni 6 - 6 að ÍBV skoraði fjögur mörk í röð mörk í röð og náði þannig þægilegu forskoti. I sókninni réðu Haukarnir ekkert við ÍBV í fyrri hálfleik og voru í ofanálag í hinu mesta basli með að brjóta varnarmúr ÍBV á bak aftur.

Bak við vörnina stóð svo Hörður Flóki Ólafsson sem varði alls 25 skot í leiknum. Í fyrri hálfleik bar mest á Svavari Vignissyni sem lék vamarmenn Hauka hvað eftir annað grátt, fískaði tvö vítakóst og skoraði sex mörk sjálfur. Staðan í hálfleik var 17-1 l og fátt sem benti til annars en sigur ÍB V.

Það að skora 17 mörk gegn Haukum í einum hálfleik er afrek út af fyrir sig en fylgja því eftir í þeim síðari sýnir hversu sterkt lið ÍB V er á góðum degi. I byrjun fyrri hálfleiks léku strákamir á alls oddi og náðu upp í tólf marka forskoti en þá brugðu gestirnir á það ráð að taka tvo leikmenn IBV úr umferð og við það riðlaðist sóknarleikur IBV töluvert. Haukamir fengu nokkur hraðaupphlaup og allt í einu var munurinn kominn niður í aðeins fjögur mörk þegar rúmlega fjórar mínútur vom eftir. En hungrið í sigur skilaði IBV fjórum mörkum áður en yfir lauk og lokatölur 34-30 sigur á liði sem hafði ekki tapað nema tveimur stigum í deildinni þennan veturinn.

Svavar Vignisson sagði í samtali við Fréttir eftir leikinn að rétta stemmningin hefði verið til staðar núna. „Þetta er einfaldlega spuming um hvernig við komum stemmdir til leiks. Það vantaði alla stemmningu þegar við spiluðum gegn ÍR og við vorum andlausir bæði fyrir leik og í honum sjálfum. Það voru ekki bara við leikmennirnir sem klikkuðum heldur allir í kringum liðið. Við unnum okkur út úr þessum vandræðum eins og sást best í þessum leik. Ef rétta stemmningin næst ekki upp gegn Haukum þá er eitthvað mikið að. Við ákváðum allir sem að liðinu koma að sýna þeim hvað við erum með sterkt lið. Við reyndar misstum forskotið niður og ég neita því ekki að það hefði verið skemmtilegra að senda þá heim með tíu marka tap á bakinu en við sættum okkur alveg við sigurinn. Núna verðum við bara að halda áfram á sömu braut og vinna okkur upp töfluna."

=== '''Aldrei spurning hjá bikarmeisturunum''' ===
Kvennalið ÍBV tók á móti Fram í fyrsta leik sínum í Íslandsmótinu eftir að hafa sigrað í úrslitaleik bikarkeppninnar helgina áður en leikur liðanna fór fram. Leikir sem þessi eru oft erfiðir því erfitt getur verið að ná upp stemmningu innan liðs sem er nýkomið úr stórleik og einnig átti ÍBV að öllu eðlilegu að sigra Fram. Stelpurnar stóðust þessa pressu með glans og lokatölur leiksins urðu 33 - 20.

ÍBV byrjaði leikinn af krafti og augljóst að stelpumar ætluðu ekki að lenda í neinum vandræðum með Ieikinn. Heimastúlkur skoruðu hvorki fleiri né færri en átta fyrstu mörk leiksins áður en Framarar náðu að svara fyrir sig á tólftu mínútu leiksins.

Eftir það var leikurinn í jafnvægi út fyrri hálfleik og í leikhléi var staðan 17-11 fyrir ÍBV. Þessi munur hélst svo í upphafi síðari hálfleiks en þá fóm varamennimir að týnast inn á og þeir áttu heldur betur eftir að bæta forskotið. Mestur varð munurinn fimmtán mörk en undir lokin náðu Framara að minnka muninn aftur niður í þrettán mörk, 33-20. ÍBV er sem stendur í þriðja sæti deildarinnar með átján stig, fjórum stigum á eftir toppliði Hauka en stelpurnar eiga einn leik inni.

Mörk ÍBV: Andrea Atladóttir 7, Ana Perez 6/3, Þórsteina Sigurbjömsdóttir 6, Ingibjörg Jónsdótfir 5, Bjamý Þorvarðardóttir 3, Aníta Ýr Eyþórsdóttir 2/1, Theodora Visokaite 2, Isabel Ortiz 1, Hildur Sigurðardóttir 1.

Varin skot: Vigdís Sigurðardóttir 16, Íris Sigurðardóttir 1/1.

== '''MARS:''' ==

=== '''Kjartan í Brasilíu''' ===
Kjartan Antonsson, miðvörðurinn sterki í liði IBV, í Brasilíu með íslenska landsliðinu þar sem liðið leikur gegn heimamönnum. Kjartan hefur ekki verið fastamaður í íslenska landsliðshópnum og hann á aðeins einn landsleik að baki þó svo að margir

hefðu vilja sjá hann oftar í hópnum. Íslenska landsliðið er að mestu skipað leikmönnum sem spila hérlendis en þess má geta að Eyjapeyinn Sigurvin Ólafsson, sem nú spilar með KR, er einnig í landsliðshópnum. Ferðalagið er töluvert fyrir strákana, alls voru þeir tæpa átján klukkutíma í flugvél á leiðinni út og annað eins bíður þeirra þegar haldið verður heim á leið. Ísland hefur einu sinni áður mætt

Brasilíu, þá einnig ytra og tapaðist sá leikur 3-0 en þá var Hlynur Stefánsson í íslenska liðinu og fór létt með Ronaldo að eigin sögn.

Kjartan meiddist á nára í Brasilíu en Venni kom inn á tæpum hálftíma fyrir leikslok.

=== '''Óvænt tap á heimavelli''' ===
ÍBV tók á móti Víkingum á heimavelli í byrjun mars mánaðar. Fyrir leikinn var

ÍBV í þriðja sæti deildarinnar en Víkingar í því sjötta, níu stigum á eftir ÍBV. Áttu því flestir von á frekar fyrirhafnarlitlum sigri heimaliðsins. En gestimir voru með annað í huga og eftir að liðin höfðu skiptst á að skora í upphafi leiks tóku Víkingar sig til og

náðu fimm marka forystu áður en flautað var til leikhlés, 9-14. Í seinni hálfleik náði ÍBV að klóra í bakkann og allt leit út fyrir að heimastúlkur væru að ná yfirhöndinni en þá misstu þær flugið aftur og þegar þrjár mínútur voru eftir voru Víkingar þremur mörkum yfir. En með mikilli baráttu náðu Eyjastúlkur að minnka muninn niður í eitt mark og fengu svo tækifæri á að jafna þegar tuttugu sekúndur voru eftir en afar óagaður leikur hjá þeim varð til þess að það tókst ekki og Víkingar sigruðu því

með 23 mörkum gegn 22. IBV lék mjög illa í þessum leik, sérstaklega í fyrri hálfleik þegar hvorki geta né áhugi virtist vera til staðar hjá leikmönnum. Varnarleikur

liðsins hefur aldrei verið verri og markvarslan var engin. Sóknarleikur liðsins var hugmyndasnauður allan leikinn og á meðan varnarleikurinn og markvarslan skánaði þegar leið á leikinn var sóknarleikurinn akkillesarhæll liðsins. Erlingur Richardsson í sagði í samtali við Fréttir eftir leikin að ekki væri mikið hægt að segja um leikinn.

''„Við vomm að spila mjög illa, sérstaklega í fyrri hálfleik en eins og ég sagði við stelpurnar þá erum við ekki enn búin að ná því að vera gott lið. Svona leikir eru ekki einkenni góðra liða. Það koma oft svona leikir eftir bikarúrslitaleik. Haukar töpuðu öðrum leik sínum eftir úrslitaleikinn í karlaboltanum og við gerum það líka en það var einfaldlega engin stemmning í hópnum og margir leikmenn ekki tilbúnir í leikinn. Mér er í raun alveg sama hvar ég enda í deildinni svo lengi sem ég fæ liðið til að spila vel í hverjum leik en á meðan það tekst ekki er nauðsynlegt fyrir okkur að ná''

''öðru sætinu."'' Mörk ÍBV: Ana Peréz 13/3, Ingibjörg Jónsdóttir 3, Andrea Atladóttir 3, Theodora Visocaite 3. Varin skot: Vigdís Sigurðardóttir 8, Íris Sigurðardóttir 2.

=== '''Lítið gekk í mars''' ===
Í mar lék karlalið ÍBV fimm leiki í Esso deildinni en af þessum fimm leikjum sigraði liðið aðeins einn. Fyrsti leikur marsmánaðr var gegn Fram í Framheimilinu með hagstæðum úrslitum þar hefði liðið komist í fjórða sæti deildarinnar en sú varð rauninn ekki. ÍBV lék illa í fyrri hálfeik, fékk mikið af mörkum á sig og þurfti að elta andstæðinginn uppi í seinni hálfleik. Lokakaflinn í leiknum var svo æsispennandi þar sem Framarar voru alltaf á undan að skora en IBV jafnaði jafnharðan. Framarar skoraðu sigurmarkið hálfri mínútu fyrir leikslok en voru

reyndar stálheppnir að sigra því undir lokin átti Mindaugas þrumuskot sem small í þverslánni og þar með var leikurinn úti, lokatölur 27-26. Þrátt fyrir tap héldu strákarnir fimmta sætinu.

Þann 6. mars tóku strákarnir á móti Aftureldingu en gestirnir voru sæti ofar en Eyjamenn, mikið var því undir í leiknum. Strákunum tókst að landa sigri eftir jafnan leik en ÍBV seig fram úr á lokakaflanum og nældu sér í mikilvæg stig. Lokatölur urðu 32-28 eftir að staðan í hálfleik hafði verið 15-15. Arnar Pétursson, fyrirliði ÍBV sagði í samtali við Fréttir að þrátt fyrir sigurinn þá megi enn gera betur. ''„Það er ekki nógu gott hjá okkur hvað við erum að fá á okkur mikið af mörkum en þetta hefur þokast í rétta átt að undanförnu. Við reyndar skorum mikið á meðan en þetta er eitthvað sem við þurfum að koma í veg fyrir. Þetta var hörkuleikur enda era þeir með hörkulið og við þurftum virkilega að hafa fyrir þessu. Þetta voru mjög mikilvæg stig sem við fengum því þetta var spuming um fímmta eða níunda sætið. Þetta er orðið svo jafnt þarna um miðja deild að einn ósigurgeturjafnvel sent okkur út úr úrslitakeppninni."''

Leikjadagskráin var þétt þremur dögum eftir sigur á Aftureldingu lá leiðin norður. Leiknum var síðar frestað um einn dag. Strákarnir voru rasskelltir fyrir norðan en þeir náðu aldrei takti í leiknum, lentu strax undir og áttu í raun aldrei möguleika gegn frískum Þórsurum. Þór sigraði í Viku síðar komu FH-ingar í heimsókn. Leikurinn var jafn framan af en undir lok fyrri hálfleiks náði ÍBV góðum leikkafla og var tveimur mörkum yfir í hálfleik. Allt leit svo þokkalega út í upphafi þess síðari, IBV komst mest fjórum mörkum yfir en um miðjan hálfleikinn breyttist staðan úr 20-17 í 20-22 og leikmenn IBV enn að klóra sér í hausnum. Eftirleikurinn var gestunum auðveldur, þeir spiluðu skynsamlega á lokakaflanum þegar ÍBV gerði harða hríð að þeim og því voru það FHingar sem sigruðu sanngjamt með tveimur mörkum 27-29. Fjórði tapleikurinn á heimavelli staðreynd.

Þann 23. mars heimsóttu Eyjamenn Gróttu/KR í mikilvægum leik. Leikurinn var jafn allan tímann en ÍBV hafði ávallt undirtökin í fyrri hálfleik. Liðið náði m.a.s. þriggja marka forystu 4 - 7 en heimamenn náðu að jafna í 8-8. Aftur náði ÍBV góðum spretti og staðan í hálfleik var vænleg, 11-13 fyrirÍBV. I seinni hálfleik náði IBV að halda forystunni til að byrja með en um miðjan hálfleikin jöfnuðu heimamenn og komust svo í kjölfarið þremur mörkum yfir 21-18. Lokamínúturnar voru svo æsispennandi, ÍBV náði að jafna leikinn og fékk í næstu sókn víti og gat komist yfir en vítið fór forgörðum eins og öll fimm víti IBV í leiknum. Heimamenn skoruðu svo sigurmarkið þegar skammt var til leiksloka, lokatölur 23-22. Strákarnir eru enn í 10. Sæti deildarinnar, tveimur stigum á eftir Þór sem vermir 8 sætið.

=== '''Sigur og tap hjá strákunum''' ===
Meistaraflokkur karla í knattspymu lék tvo leiki fyrstu helgina í mars í deildarbikarkeppninni og fóm báðir leikimir fram í Reykjaneshöll. Fyrri leikurinn var gegn Grindvíkingum en þar situr Bjarni Jó- hannsson, fyrrverandi þjálfari ÍBV, við stjórnvölinn. Grindvíkingar áttu ekki í vandræðum með IBV og sigmðu 3-1 eftir að hafa komist í 3-0. Mark ÍBV: Gunnar Heiðar Þorvaldsson. Seinni leikurinn fór svo fram á sunnudeginum og þá var leikið gegn 1. deildarliði Dalvíkinga. Alls voru skoruð átta mörk í þeim leik, Dalvíkingar skoruðu þrjú en IBV fimm og nældu Eyjapeyjar því sér í sín fyrstu stig í keppninni. Staðan í hálfleik var 5-0. IBV er sem stendur í sjöunda og næst neðsta sæti B-riðils með þrjú stig eftir fjóra leiki en fjögur lið komast áfram úr riðlinum. Mörk ÍBV: Gunnar Heiðar 3, Atli Jóhannsson 2.

=== '''Glæsilegur árangur 6. flokks''' ===
Helgina 9-10 mars náðu stúlkurnar í sjötta flokki ÍB V glæsilegum árangri á turneringu í Reykjavík. Komu bæði a og b-lið taplaus til baka með tvo bikara meðferðis. A-liðið keppti fjóra leiki, sigraði þá alla með nokkrum mun. B-Iiðið keppti sex leiki, sigraði fimm og gerði eitt jafntefli, gegn ÍR. Árangur stúlknanna var glæsilegur og er þetta önnur turneringin í röð sem liðið kemur taplaust til baka. Það er línumaðurinn sterki í IBV Svavar Vignisson sem þjálfar stúlkurnar.

=== '''Dapurt gengi''' ===
Þriðji flokkur karla lék tvo leiki aðra helgina í mars og fóru þeir báðir fram á Reykjavíkursvæðinu. Fyrst mættu þeir Aftureldingu og töpuðu 33-18 en markahæstir í þeim leik voru þeir Magnús með fimm mörk og Jens, Benedikt og Sindri með þrjú. Seinni leikurinn var svo gegn Gróttu/KR og þar töpuðu strákamir einnig og nú með níu mörkum 29-20. Jens var langmarkahæstur í liði ÍBV með tíu mörk.

Unglingaflokkur lék einn leik þessa helgi en stelpumar töpuðu fyrir FramB 22-16.

=== '''Annað sætið innan seilingar''' ===
ÍBV mætti Stjörnunni nánast í hreinum úrslitaleik um annað sætið í deildinni. Þó bæði lið eigi enn möguleika á efsta sætinu verður að teljast ólíklegt að Haukarnir misstígi sig. Leikurinn var jafn til að byrja með en eftir tíu mínútna leik átti ÍBV góðan leikkafla og í sundur dró með liðunum. Munurinn í hálfleik var þrjú mörk, 10-13 fyrir ÍBV. Eyjastúlkur gerðu svo út um leikinn í upphafi síðari hálfleiks og breyttu stöðunni úr 10-13 í 20-13. Stjörnustúlkur náðu aðeins að klóra í bakkann undir lokin en lokatölur urðu 20-26 fyrir ÍBV. Ingibjörg Jónsdóttir sagði í samtali við Fréttar að í raun hefði lítil mótspyma Stjömunnar komið sér á óvart. ''„Við vorum í raun ekki að sýna neinn toppleik en mér fannst þær einfaldlega vera þungar. Við erum með meira léttleikandi lið á meðan þær treysta á reynsluna. Við keyrðum einfaldlega yfir þær á'' ''hraðanum. Ég hafði eiginlega aldrei áhyggjur af því að tapa þessum leik því á meðan varnarleikurinn og markvarslan er í lagi hjá okkur þá eiga liðin í deildinni ekki möguleika á móti okkur. Núna eigum við tvo leiki eftir, útileik gegn Val og svo heimaleik gegn KA/Þór og við verðum einfaldlega að vinna þessa leiki ef við ætlum'' ''okkur annað sætið. Það er í okkar höndum og við ætlum okkur heimaleikjaréttinn'' ''í úrslitunum."''

Mörk ÍBV: Theodora Visokaite 8, Dagný Skúladóttir 6, Ana Perez 4, Ingibjörg Jónsdóttir 2, Andrea Atladóttir 2, Anita Eyþórsdóttir 1, Isabel Ortiz 1. Varin skot: Vigdís Sigurðardóttir 16.

=== '''Jöfnunarsjóður samþykktur''' ===
Helgina 9-10 mars fór fram ársþing HSÍ en fátt markvert gerðist á því þingi. Það sem helsl vakti athygli var að ákveðið hefur verið að koma á jöfnunarsjóði til styrktar liðum á landsbyggðinni. Reyndar var tillagan samþykkt með töluverðum breytingum þannig að nú greiðir hvert lið í efstu deild heilar 50

=== '''Vorfagnaður ÍBV í Reykjavík''' ===
Föstudaginn 22. mars munu leikmenn meistaraílokks karla í knattspyrnu halda árlegan vorfagnað í Sameign iðnaðarmanna, Skipholti 70 Reykjavík. Að þessu sinni mun skemmtunin verða með breyttu sniði þar sem báðum kynjum er heimilaður aðgangur, enda kominn tími til að blása lífí í skemmtunina. Veislustjóri verður alþingismaðurinn Lúðvík Bergvinsson og húsið opnað kl. 19.00. Boðið verður upp á fjölbreytta dagskrá, meðal annars skemmtiatriði að hætti leikmanna IBV, ræðumann kvöldsins úr þingheiminum, stórglæsilegt sjávaréttahlaðborð og alvöru Eyjastemmningu.

=== '''Handknattleiksdeild kvenna með verslun á Netinu''' ===
Handknattleiksdeild kvenna hefur keypt netverslun þar sem seldar verða vörur frá Pharmanex og Nu Skin og Big Planet. Bjami G. Samúelsson er umboðsmaður fyrir þessar vörur en handknattleiksdeildin fær 33% í sölulaun af netverslunni. í upplýsingabæklingi frá Pharmanex segir að fyrirtækið sérhæft sig í framleiðslu á vítamínum, fæðubótarefnum og náttúrulyfjum sem byggja á 1000 til 3000 ára gamalli hefð og nútíma vestrænum vísindum. Pharmanex framleiðir vömr eins og Life Pak, Tegreen 97 og Cordy Max. Nu skin eru snyrtivörur fyrir húð og hár. Má nefna hreinsivörur, rakakrem, maska og gel fyrir andlit ásamt vörum fyrir líkamann eins og húðmjólk og komakrem. Einnig eru hársnyrtivörur í miklu úrvali.

=== '''Tveir tapleikir''' ===
Helgina 15-17 mars fóru fram tveir leikir hjá unglingaflokki kvenna en þær fengu Fylki í heimsókn. Fyrri leikurinn fór fram á laugardaginn og þar unnu Fylkisstúlkur nokkuð sannfærandi 15-21. Seinni leikurinn fór svo fram daginn eftir og enn voru það gestirnir sem báru sigur úr býtum, nú 21-26.

=== '''Öruggt gegn FH''' ===
ÍBV spilaði gegn hálfgerðu B-liði FH-inga þann 16. mars en leikur liðanna fór fram á gervigrasinu í Kaplakrika. Eyjamenn sigruðu nokkuð ömgglega, 4-0 þar sem Gunnar Heiðar skoraði tvö, Jón Helgi eitt en ekki er vitað hver skoraði fjórða mark ÍBV.

=== '''Gunnar Berg góður''' ===
Um helgina fór fram fjögurra landa mót í handknattleik karla í Danmörku. I íslenska landsliðinu var Eyjamaðurinn Gunnar Berg Viktorsson, en hann spilar sem kunnugt er með franska stórliðinu Paris St. Germain. Gunnar stóð fyrir sínu með liðinu, var m.a. markahæstur í tveimur síðustu leikjum liðsins, gegn Póllandi og Danmörku og hefur þar með vakið á sér athygli.

=== '''Fjórir á úrtaksæfingu''' ===
Fernt var við úrtaksæfingar með íslensku unglingalandsliðunum sem haldnar voru um miðjan mars. Í U-19 ára liðinu var Elva Dögg Grímsdóttir og með U-17 ára landsliðinu voru bæði Karitas Þórarinsdóttir og Margrét Lára Viðarsdóttir, sem reyndar spilaði með U-19 ára liðinu á síðasta árí. Þá var Ólafur Þór Berry einnig við æfingar en hann var með U-17 ára landsliðinu en riðill Íslands í undankeppni EM fer fram hér á landi í lok september.

=== '''Íris ekki með í sumar''' ===
Kvennalið ÍBV hefur orðið fyrir mikilli blóðtöku fyrir komandi átök í sumar en Íris Sæmundsdóttir, ein albesta knattspyrnukona landsins hefur tilkynnt að hún muni ekki spila með ÍBV í sumar. Ástæðan fyrir því er að hún á von á barni í haust og getur eðlilega ekki spilað knattspyrnu á meðan. Íris sagði í samtali við Fréttir að hún stefndi að sjálfsögðu á það að spila með ÍBV sumarið 2003 þegar hún kemur úr barneignarfríi.

=== '''Andri á úrtaksæfingum''' ===
Hinn ungi og efnilegi knattspyrnumaður ÍBV, Andri Ólafsson, var valinn á úrtaksæfingar í lok mars með U-17 ára landsliði Íslands. Liðið tekur þátt í æfingamóti á Spáni um miðjan apríl þannig að það er eftir miklu að slægjast.

=== '''ÍBV á Spáni''' ===
Kvennalið ÍBV hélt í æfingaferð suður til Spánar, nánar tiltekið til Riokanella, sem er á landamærum Portúgals og Spánar. Um 15 manna hópur fór út og er ætlunin að dvelja þar í rúma viku. Liðið mun líklega spila 2-3 æfingaieiki en á svæðinu munu vera fjögur önnur íslensk knattspyrnulið.

=== '''Annað sætið staðreynd''' ===
Í lok mars átti kvennalið ÍBV eftir tvo leiki, gegn KA/Þór og Val. Leikurinn gegn KA/Þór hafði verið frestað margoft og náðist loksins að spila hann. ÍBV sigraði leikinn nokkuð sannfærandi með sjö mörkum, 25-18 og héldu þar með enn í vonina um að næla sér í annað sætið. ÍBV sýndi enga meistaratakta gegn auðveldu fórnarlambi sínu en norðanstúlkur enduðu tímabilið í níunda og neðsta sæti deildarinnar. Stelpurnar í þriðja sæti deildarinnar og einu stigi á eftir Stjörnunni sem er í öðru sæti, ekkert annað en sigur á Val kom til greina ef ÍBV ætlaði sér annað sætið. Leikurinn var jafn og spennandi allan tímann en þrátt fyrir það var IBV ávallt með undirtökin. Eyjastúlkur voru fyrri til að skora og voru yfir í hálfleik. I seinni hálfleik leit allt þokkalega út þar til mjög slæmur leikkafli kom hjá ÍBV og allt í einu var staðan orðin 18-15 Valsstúlkum í vil. En stelpurnar náðu að rífa sig upp úr lægðinni, skoruðu fimm mörk í röð og komust þar með tveimur mörkum yfír, 18-20. Síðustu andartökin voru svo mjög spennandi en ÍBV hélt boltanum þar til leiktíminn rann út og tryggði sér þar með annað sætið í deildinni. Þar með er öruggt að ÍBV hefur heimaleikjarétt í fyrstu tveimur umferðum úrslitanna og vonandi að stelpurnar nái að nýta sér hina nýju úrslitakeppninni sem hefst 4. apríl. Stelpurnar taka þá á móti Gróttu/KR.

== '''APRÍL:''' ==

=== '''ÍBV Ieitar að framherja''' ===
Á heimasíðu ÍBV kom fram á upphafsdögum aprílmánaðar að liði leitaði að framherja. Ekki verða miklar breytingar á leikmannahópi ÍBV fyrir sumarið en við leitum samt að framherja og koma nokkrir til greina þar en þau mál munu skýrast á næstu vikum. Einnig erum við opnir fyrir að styrkja miðjuna þar sem margir af okkar sterkari póstum hafa meiðst að undanförnu og nægir þar að nefna Bjarna Geir, Hjalta Jóns og Unnar Hólm. Mikil umræða hefur átt sér stað víða um hvernig leikmannamál ÍBV standa. Staðan er í raun að menn eru að skoða ýmsa möguleika en stjórn knattspyrnudeildar ÍBV ætlar ekki að fara út í eitthvað sem þeir ráða ekki við fjárhagslega. En eins og áður segir skýrast þessi mál á allra næstu vikum. Nokkrum dögum síðar kom svo fram á heimasíðu ÍBV að Bjarni Geir og Unnar Hólm ættu að vera klárir í fyrsta leik eftir rúmar sex vikur.

=== '''11-11 gefur miða''' ===
Eftirfarandi auglýsing birtist í bæjarblaðinu Fréttum fyrir stórleik ÍBV og Gróttur/KR.

Mættu í 11-11 í dag, verslaðu í matinn og þú færð frían miða í kaupbæti.

ÆTLAR ÞÚ AÐ STYÐJA STELPURNAR OKKAR TIL SIGURS?

Við ætlum að bjóða þér frítt á leikinn, allir sem versla fyrir kr. 2.000 eða meira í 11-11 í dag á milli kl.16 -18 fá gefins miða á leikinn. Nú er komið að því að styðja stelpurnar okkar til sigurs og sýna hversu megnug við erum þegar við stöndum saman.

Umgjörð leiksins verður Ijósum prýdd og margt gert fólki til gamans, ungum sem öldnum. Engar trommur verða á leiknum og reynt verður að skapa sannkallaða Eyjastemmingu.

=== '''Bönnum trommur''' ===
Hlynur Sigmarsson úr framvarðasveit handknattleiks kvenna í Vestmannaeyjum,

sagði í samtali við Fréttir að handknattleiksráðið væri á fullu að undirbúa leikinn. ''„Við ætlum að tjalda öllu til í þessari úrslitakeppni þannig að þegar fólk mætir á heimaleiki IBV fær það ekki bara besta handboltann á landinu heldur líka góða skemmtun og frábæra umgjörð. Við hófum ákveðið að banna trommur á okkar leikjum, fólk hefur verið að kvarta dálítið undan þeim og við treystum á raddbönd áhorfenda. Þá ætlum við líka að beina krökkunum sem koma ekki í fylgd með fullorðnum á afmarkað svæði þannig að aðrir geti notið þess að horfa á leikinn og með þessu viljum við minnka hlaupin á krökkunum. En umfram allt viljum við fá sem flesta á leikina sem framundan eru. Stelpurnar treysta á stuðning ykkar og við vitum að Eyjamenn bregðast þeim ekki."''

=== '''Úrslitakeppninn úr sögunni''' ===
Áframhaldandi lægð var á strákunum í handboltanum í apríl. Strákarnir töpuðu gegn Fram á heimavelli 19-25 eftir að staðan í hálfleik hafði verið 10-11 í hálfleik. Eftir tapið var allt útlit fyrir að ÍBV myndi ekki komast í úrslit Íslandsmótsins, það fékkst svo endanlegastaðfest þegar strákarnir töpuðu gegn botnliði Víkings en þeir höfðu ekki unnið leik á mótinu og voru með þrjú stig. Fyrirfram var búist við auðveldum leik en Víkingar voru á öðru máli og eftir að hafa lent sex mörkum undir tókst þeim að snúa leiknum sér í hag í seinni hálfleik og vinna fjögurra marka sigur, 23-27.

Í viðtali við Fréttir eftir leikinn segir Sigurbjörn, þjálfari ÍBV að liðið hafi lent í vondum málum og búið að tapa sex leikjum í röð. ''„Þetta er vitanlega jöfn deild en sjálfstraustið hefur minnkað með hverjum leik og við hreinlega klúðrum tímabilinu. Við eigum auðvitað eftir einn leik og ætlum að klára hann. Svo býst ég við að menn setjist niður og fari ytir þetta tímabil. Þetta tímabil er ekki eintómt klúður, við höfum verið að koma ungu strákunum inn í og þeir hafa verið að bæta sig með hverjum leik."''

=== '''Ágætis páskamót''' ===
Páskafríið var ágætlega notað af knattspyrnumönnum Eyjanna en þá fór fram þriggja liða páskamót á hinum „stórglæsilega" malarvelli við Löngulág. Hér á árum áður komu gjarnan hingað lið ofan af landi til að taka þátt í þessu móti en vallarskilyrði hér eru slæm og lið því ekki mjög áköf í að taka þátt í mótinu. Þrátt fyrir það þá tóku þrjú lið frá Eyjum þátt í mótinu, meistaraflokkur og 2. Flokkur ÍBV og KFS. Meistaraflokkur stóð uppi sem sigurvegari eftir að hafa sigrað KFS 6 - 1 og gert jafntefli við 2. flokk. Leikur KFS og 2. f lokks fór svo 4- 1 fyrir ÍBV og enduðu strákarnir því í öðru sæti mótsins.

=== '''Landsliðsæfingar''' ===
Margrét Lára Viðarsdóttir og Karitas Þórarinsdóttir taka þátt í síðustu úrtaksæfingum íslenska U- 17 ára landsliðsins helgina 5-7 apríl. Liðið keppir á Norðurlandamóti sem verður hér á landi í júní. Þá fara Andri Ólafsson og Ólafur Berry einnig á úrtaksæfingar hjá U-17 ára karlaliðinu, reyndar í sitt hvoru lagi, annars vegar er það U-17 ára lið sem tekur þátt í Spánarmót í byrjun apríl, þar er Andri, en í hinu eru leikmenn sem eru ári yngri og hugsaðir til framtíðar.

=== '''Andri út með U-17''' ===
Andri Ólafsson, knattspyrnumaðurinn efnilegi, var valinn í landsliðshóp Íslands, leikmanna 17 ára og yngri en liðið hélt til Spánar snemma í apríl. Þar mun Island leika í æfingamóti ásamt sjö öðrum þjóðum, sem flest eru að undirbúa sig fyrir lokakeppni Evrópumótsins í enda mánaðarins.

=== '''Steindautt jafntefli''' ===
ÍBV spilaði í B-riðli efri deildar deildarbikarkeppninnar þann 7. apríl en þá lék liðið gegn Fram. Leikurinn fór fram á gervigrasinu í Laugardal við frekar leiðinlegar aðstæður, rok og rigningu sem hafði nokkur áhrif á leikinn. Hvorugu liði tókst að finna réttu leiðina í netmöskvana og skildu þau því jöfn, 0-0. Þar með minnka vonir ÍBV um að komast áfram upp úr riðlinum verulega en þó er engin ástæða til að örvænta fyrir sumarið.

=== '''Vel heppnað fjölliðamót''' ===
Fyrstu helgina í apríl var haldið fyrsta fjölliðamótið í Eyjum en þá komu um 350 strákar í heimsókn frá 15 félögum en þeir eru allir í fimmta flokki karla. Magnús Sigurðsson, framkvæmdastjóri ÍBV-íþróttafélags, sagði að forráðamenn þeirra liða sem hingað komu hafi verið mjög ánægðir með framkvæmdina í samtali við Fréttir.

„Þetta var mjög stór „tumering" með um 350 peyja sem komu hingað og leikimir hafa örugglega verið hátt í eitt hundrað. Við reyndum að gera svolítið úr þessari turneringu þar sem hún er sú síðasta í íslandsmótinu þannig að úrslitaleikurinn var mjög flottur, ljósasýning og liðin voru kynnt fyrir leik. Núna eigum við möguleika á að fá fleiri mót hingað næsta vetur, reyndar erum við með sjötta flokk kvenna eftir tvær vikur þannig að það eru breyttir tímar með þessu glæsilega hús."

Árangur ÍBV í mótinu var ágætur en A-, B- og C-lið tóku þátt í því.

=== '''Grótta/KR sló ÍBV óvænt út''' ===
Lið ÍBV og Gróttur/KR mættust í 8-liða úrslitum um Íslandsmeistaratitillinn þann 4. Apríl í Eyjum. Leikur liðanna var nánast eftir bókinni ef undan eru skildar síðustu tíu mínútur leiksins. IBV náði strax tökum á leiknum og smám saman jókst forysta ÍBV sem mest varð níu mörk. En það var einmitt í stöðunni 24-15 sem leikur ÍBV datt niður og lokatölur leiksins urðu 26-22.

Liðin mættust svo í öðrum leik liðanna á Seltjarnarnesi tveimur dögum síðar.

Gróttu/KR-stúlkur komu gríðarlega einbeittar til leiks í Eyjum í gær og með frábærri liðsheild náðu þær einum óvæntustu úrslitum vetrarins í handboltanum, sigruðu ÍBV verðskuldað, 25:24, og voru yfir allan leikinn. Gestirnir gerðu fyrstu þrjú mörkin og komu heimamönnum algjörlega í opna skjöldu með frábærum varnarleik og sóknarmenn Eyjamanna vissu vart hvaðan á sig stóð veðrið og í leikhléi var staðan 10:13. Gestirnir héldu uppteknum hætti í síðari hálfleik og spiluðu hreint frábæra vörn. Þeir náðu mest fimm marka forystu og gekk hreinlega allt upp hjá þeim. En heimamenn, studdir vel af rúmlega fjögur hundruð manns, neituðu að gefast upp og náðu að minnka muninn í eitt mark, 18:19, um miðjan síðari hálfleik. Í þeirri stöðu fengu Eyjastelpur fjöldann allan af tækifærum til að jafna sem þær náðu ekki að nýta sér, voru ótrúlega óheppnar auk þess sem öll vafaatriði féllu gestunum í vil. Þær nýttu sér það til hins ýtrasta, skoruðu tvö mörk í röð og þá var leikurinn nánast búinn. Liðin þurftu því að mætast á ný í Eyjum í oddaleik.

Í þriðja og síðasta leik liðanna átti ÍBV ekki mikla möguleika. Gestirnir náðu strax þriggja marka forystu og héldu henni allan leikinn. Sigur þeirra var fyllilega sanngjarn og má segja að IBV haft í raun aldrei náð að sýna sitt rétta andlit í viðureignum liðanna. Lokatölur leiksins urðu 24 - 25, eftir að IBV hafði skorað þrjú síðustu mörk leiksins.

=== '''Andri stóð sig vel''' ===
Andri Ólafsson lék með íslenska landsliðinu skipað leikmönnum 17 ára og yngri en liðið tók þátt í æfingamóti á Spáni. Íslenska liðið spilaði þrjá leiki, tvo í riðlakeppninni sem töpuðust báðir en sigraði svo Moldavíu í leik um sjöunda sætið. Andri byrjaði alla leiki liðsins og ljóst að þessi efnilegi knattspymumaður hefur alla burði til að ná langt í framtíðinni.

== '''APRÍL:''' ==

=== '''ÍBV Ieitar að framherja''' ===
Á heimasíðu ÍBV kom fram á upphafsdögum aprílmánaðar að liði leitaði að framherja. Ekki verða miklar breytingar á leikmannahópi ÍBV fyrir sumarið en við leitum samt að framherja og koma nokkrir til greina þar en þau mál munu skýrast á næstu vikum. Einnig erum við opnir fyrir að styrkja miðjuna þar sem margir af okkar sterkari póstum hafa meiðst að undanförnu og nægir þar að nefna Bjarna Geir, Hjalta Jóns og Unnar Hólm. Mikil umræða hefur átt sér stað víða um hvernig leikmannamál ÍBV standa. Staðan er í raun að menn eru að skoða ýmsa möguleika en stjórn knattspyrnudeildar ÍBV ætlar ekki að fara út í eitthvað sem þeir ráða ekki við fjárhagslega. En eins og áður segir skýrast þessi mál á allra næstu vikum. Nokkrum dögum síðar kom svo fram á heimasíðu ÍBV að Bjarni Geir og Unnar Hólm ættu að vera klárir í fyrsta leik eftir rúmar sex vikur.

=== '''11-11 gefur miða''' ===
Eftirfarandi auglýsing birtist í bæjarblaðinu Fréttum fyrir stórleik ÍBV og Gróttur/KR.

Mættu í 11-11 í dag, verslaðu í matinn og þú færð frían miða í kaupbæti.

ÆTLAR ÞÚ AÐ STYÐJA STELPURNAR OKKAR TIL SIGURS?

Við ætlum að bjóða þér frítt á leikinn, allir sem versla fyrir kr. 2.000 eða meira í 11-11 í dag á milli kl.16 -18 fá gefins miða á leikinn. Nú er komið að því að styðja stelpurnar okkar til sigurs og sýna hversu megnug við erum þegar við stöndum saman.

Umgjörð leiksins verður Ijósum prýdd og margt gert fólki til gamans, ungum sem öldnum. Engar trommur verða á leiknum og reynt verður að skapa sannkallaða Eyjastemmingu.

=== '''Bönnum trommur''' ===
Hlynur Sigmarsson úr framvarðasveit handknattleiks kvenna í Vestmannaeyjum,

sagði í samtali við Fréttir að handknattleiksráðið væri á fullu að undirbúa leikinn. ''„Við ætlum að tjalda öllu til í þessari úrslitakeppni þannig að þegar fólk mætir á heimaleiki IBV fær það ekki bara besta handboltann á landinu heldur líka góða skemmtun og frábæra umgjörð. Við hófum ákveðið að banna trommur á okkar leikjum, fólk hefur verið að kvarta dálítið undan þeim og við treystum á raddbönd''

''áhorfenda. Þá ætlum við líka að beina krökkunum sem koma ekki í fylgd''

''með fullorðnum á afmarkað svæði þannig að aðrir geti notið þess að horfa á leikinn og með þessu viljum við minnka hlaupin á krökkunum. En umfram allt viljum við fá sem flesta á leikina sem framundan eru. Stelpurnar treysta á stuðning ykkar og við''

''vitum að Eyjamenn bregðast þeim ekki."''

=== '''Úrslitakeppninn úr sögunni''' ===
Áframhaldandi lægð var á strákunum í handboltanum í apríl. Strákarnir töpuðu gegn Fram á heimavelli 19-25 eftir að staðan í hálfleik hafði verið 10-11 í hálfleik. Eftir tapið var allt útlit fyrir að ÍBV myndi ekki komast í úrslit Íslandsmótsins, það fékkst svo endanlegastaðfest þegar strákarnir töpuðu gegn botnliði Víkings en þeir höfðu ekki unnið leik á mótinu og voru með þrjú stig. Fyrirfram var búist við auðveldum leik en Víkingar voru á öðru máli og eftir að hafa lent sex mörkum undir tókst þeim að snúa leiknum sér í hag í seinni hálfleik og vinna fjögurra marka sigur, 23-27.

Í viðtali við Fréttir eftir leikinn segir Sigurbjörn, þjálfari ÍBV að liðið hafi lent í vondum málum og búið að tapa sex leikjum í röð. ''„Þetta er vitanlega jöfn deild en sjálfstraustið hefur minnkað með hverjum leik og við hreinlega klúðrum tímabilinu. Við eigum auðvitað eftir einn leik og ætlum að klára hann. Svo býst ég við að menn setjist niður og fari ytir þetta tímabil. Þetta tímabil er ekki eintómt klúður, við höfum verið að koma ungu strákunum inn í og þeir hafa verið að bæta sig með hverjum leik."''

=== '''Ágætis páskamót''' ===
Páskafríið var ágætlega notað af knattspyrnumönnum Eyjanna en þá fór fram þriggja liða páskamót á hinum „stórglæsilega" malarvelli við Löngulág. Hér á árum áður komu gjarnan hingað lið ofan af landi til að taka þátt í þessu móti en vallarskilyrði hér eru slæm og lið því ekki mjög áköf í að taka þátt í mótinu. Þrátt fyrir það þá tóku þrjú lið frá Eyjum þátt í mótinu, meistaraflokkur og 2. Flokkur ÍBV og KFS. Meistaraflokkur stóð uppi sem sigurvegari eftir að hafa sigrað KFS 6 - 1 og gert jafntefli við 2. flokk. Leikur KFS og 2. f lokks fór svo 4- 1 fyrir ÍBV og enduðu strákarnir því í öðru sæti mótsins.

=== '''Landsliðsæfingar''' ===
Margrét Lára Viðarsdóttir og Karitas Þórarinsdóttir taka þátt í síðustu úrtaksæfingum íslenska U- 17 ára landsliðsins helgina 5-7 apríl. Liðið keppir á Norðurlandamóti sem verður hér á landi í júní. Þá fara Andri Ólafsson og Ólafur Berry einnig á úrtaksæfingar hjá U-17 ára karlaliðinu, reyndar í sitt hvoru lagi, annars vegar er það U-17 ára lið sem tekur þátt í Spánarmót í byrjun apríl, þar er Andri, en í hinu eru leikmenn sem eru ári yngri og hugsaðir til framtíðar.

=== '''Andri út með U-17''' ===
Andri Ólafsson, knattspyrnumaðurinn efnilegi, var valinn í landsliðshóp Íslands, leikmanna 17 ára og yngri en liðið hélt til Spánar snemma í apríl. Þar mun Island leika í æfingamóti ásamt sjö öðrum þjóðum, sem flest eru að undirbúa sig fyrir lokakeppni Evrópumótsins í enda mánaðarins.

=== '''Steindautt jafntefli''' ===
ÍBV spilaði í B-riðli efri deildar deildarbikarkeppninnar þann 7. apríl en þá lék liðið gegn Fram. Leikurinn fór fram á gervigrasinu í Laugardal við frekar leiðinlegar

aðstæður, rok og rigningu sem hafði nokkur áhrif á leikinn. Hvorugu liði tókst að finna réttu leiðina í netmöskvana og skildu þau því jöfn, 0-0. Þar með minnka vonir

ÍBV um að komast áfram upp úr riðlinum verulega en þó er engin ástæða til að örvænta fyrir sumarið.

=== '''Vel heppnað fjölliðamót''' ===
Fyrstu helgina í apríl var haldið fyrsta fjölliðamótið í Eyjum en þá komu um 350 strákar í heimsókn frá 15 félögum en þeir eru allir í fimmta flokki karla. Magnús Sigurðsson, framkvæmdastjóri IBV-íþróttafélags, sagði að forráðamenn þeirra liða sem hingað komu hafi verið mjög ánægðir með framkvæmdina í samtali við Fréttir.

„Þetta var mjög stór „tumering" með um 350 peyja sem komu hingað og leikimir hafa

örugglega verið hátt í eitt hundrað. Við reyndum að gera svolítið úr þessari turneringu þar sem hún er sú síðasta í íslandsmótinu þannig að úrslitaleikurinn var mjög flottur,

ljósasýning og liðin voru kynnt fyrir leik. Núna eigum við möguleika á að fá fleiri mót hingað næsta vetur, reyndar erum við með sjötta flokk kvenna eftir tvær vikur þannig að það eru breyttir tímar með þessu glæsilega hús."

Arangur IBV í mótinu var ágætur en A-, B- og C-lið tóku þátt í því.

=== '''Grótta/KR sló ÍBV óvænt út''' ===
Lið ÍBV og Gróttur/KR mættust í 8-liða úrslitum um Íslandsmeistaratitillinn þann 4. Apríl í Eyjum. Leikur liðanna var nánast eftir bókinni ef undan eru skildar síðustu

tíu mínútur leiksins. IBV náði strax tökum á leiknum og smám saman jókst forysta ÍBV sem mest varð níu mörk. En það var einmitt í stöðunni 24-15 sem leikur ÍBV datt niður og lokatölur leiksins urðu 26-22.

Liðin mættust svo í öðrum leik liðanna á Seltjarnarnesi tveimur dögum síðar.

Gróttu/KR-stúlkur komu gríðarlega einbeittar til leiks í Eyjum í gær og með frábærri liðsheild náðu þær einum óvæntustu úrslitum vetrarins í handboltanum, sigruðu ÍBV verðskuldað, 25:24, og voru yfir allan leikinn. Gestirnir gerðu fyrstu þrjú mörkin og komu heimamönnum algjörlega í opna skjöldu með frábærum varnarleik og sóknarmenn Eyjamanna vissu vart hvaðan á sig stóð veðrið og í leikhléi var staðan 10:13. Gestirnir héldu uppteknum hætti í síðari hálfleik og spiluðu hreint frábæra vörn. Þeir náðu mest fimm marka forystu og gekk hreinlega allt upp hjá þeim. En heimamenn, studdir vel af rúmlega fjögur hundruð manns, neituðu að gefast upp og náðu að minnka muninn í eitt mark, 18:19, um miðjan síðari hálfleik. Í þeirri stöðu fengu Eyjastelpur fjöldann allan af tækifærum til að jafna sem þær náðu ekki að nýta sér, voru ótrúlega óheppnar auk þess sem öll vafaatriði féllu gestunum í vil. Þær nýttu sér það til hins ýtrasta, skoruðu tvö mörk í röð og þá var leikurinn nánast búinn. Liðin þurftu því að mætast á ný í Eyjum í oddaleik.

Í þriðja og síðasta leik liðanna átti ÍBV ekki mikla möguleika. Gestirnir náðu strax þriggja marka forystu og héldu henni allan leikinn. Sigur þeirra var fyllilega sanngjarn og má segja að IBV haft í raun aldrei náð að sýna sitt rétta andlit í viðureignum liðanna. Lokatölur leiksins urðu 24 - 25, eftir að IBV hafði skorað þrjú síðustu mörk leiksins.

=== '''Andri stóð sig vel''' ===
Andri Ólafsson lék með íslenska landsliðinu skipað leikmönnum 17 ára og yngri en liðið tók þátt í æfingamóti á Spáni. Íslenska liðið spilaði þrjá leiki, tvo í riðlakeppninni sem töpuðust báðir en sigraði svo Moldavíu í leik um sjöunda sætið. Andri byrjaði alla leiki liðsins og ljóst að þessi efnilegi knattspymumaður hefur alla burði til að ná langt í framtíðinni.

=== '''Sigur og tap í deildarbikarnum''' ===
Meistaraflokkarnir stóðu í ströngu um helgina en karla- og kvennalið ÍBV léku sinn leikinn hvorn í deildarbikarnum. Karlaliðið lék á sunnudaginn gegn Þrótti frá Reykjavík og fór leikurinn fram á heimavelli Þróttara í Laugardalnum. ÍBV sigraði í leiknum 2-1 og skoruðu þeir Gunnar Heiðar Þorvaldsson og Pétur Runólfsson mörkin. Með sigrinum á ÍBV enn veika von um að komast áfram í átta liða úrslit keppninnar en liðið leikur síðasta leik sinn gegn Val og ekkert annað en sigur kemur til greina. Kvennaliðið lék einnig en liðið mætti þá Valsstúlkum í Reykjaneshöllinni. Liðin sátu í fyrsta og öðru sæti B-riðilsins. Valur hafði betur í leiknum og lokatölur urðu 1 -2 en mark ÍBV skoraði Margrét Lára Viðarsdóttir. Efstu tvö liðin komast áfram í undanúrslit keppninnar en ÍBV á eftir tvo leiki en liðið er sem stendur í þriðja sæti, tveimur stigum á eftir Stjörnunni.

=== '''Enduðu í ellefta sæti''' ===
'''Í'''BV lék sinn síðasta leik í deildarkeppninni í vetur gegn HK. Leikur liðanna var ekki mikið fyrir augað, heimamenn í HK höfðu þó meiri áhuga á leiknum enda fór það svo að þeir stóðu uppi sem sigurvegarar. Leikurinn var hins vegar jafn lengst af í fyrri hálfleik. Liðin skipust á að skora og ÍBV var einu marki yfir í leikhléi, 12-13. En eftir ágæta byrjun í síðari hálfleik náðu heimamenn undirtökunum, skoruðu sex mörk gegn tveimur mörkum IBV og náðu tveggja marka forystu. Leikmenn HK juku svo muninn allt þar til flautað var til leiksloka en lokatölur leiksins urðu 31-25. Mörk ÍBV: Mindaugas Andriuska 9/1, Sigurður Bragason 5/1, Petras Raupenas 3, Arnar Pétursson 2, Sigþór Friðriksson 2, Kári Kristjánsson 2, Karl Haraldsson 1.

Varin skot: Hörður Flóki: 11.

=== '''Svavar bestur''' ===
Leikmenn karlaliðs IBV í handbolta héldu lokhóf sitt á veitingastaðnum Lanterna um miðjan arprílmánuð. Þar voru veittar ýmsar viðurkenningar, Mindaugas Andriuska fékk viðurkenningu fyrir að vera markahæstur og Sigþór Friðriksson sýndi mestar framfarir í vetur. Það kom ekki mörgum á óvart að Svavar Vignisson var valinn besti leikmaður liðsins, Eyþór Harðarson fékk silfurmerki ÍBV og Kári Kristjánsson fékk Fréttabikarinn, sem veittur er efnilegasta leikmanninum.

=== '''Hátt í 500 mæta á Sparisjóðsmótið''' ===
Grein var frá því í Fréttum að sannkölluð handboltaveisla yrði hér í Eyjum helgina 26.-28. apríl þegar síðasta fjölliðamótið í keppni sjötta flokks kvenna færi fram. Áætlað er að tæplega fimm hundruð manns komi til með að heimsækja Eyjarnar vegna mótsins en Magnús Sigurðsson er einn þeirra sem bera hitann og þungann af skipulagningu mótsins. ''„Mótið byrjar strax á föstudaginn og stelpurnar leika til hálf tíu um kvöldið, bæði þá og á laugardaginn. Mótinu lýkur svo með mikilli viðhöfn á sunnudaginn þar sem úrslitaleikirnir fara fram á aðalvellinum í nýja húsinu. Það liggur auðvitað mikil vinna á bak við svona mót, þetta eru um 120 leikir sem eru eiginlega leiknir á tveimur dögum þar sem föstudagur og sunnudagur nýtast ekki nema til hálfs. Við erum að vinna í að fá dómara og fólk á klukkuna. HSÍ hefur gefið Ieyfi til að aðeins einn dómari dæmi leikina en við ætlum okkur að hafa tvo dómara á öllum leikjunum til að þetta komist á hærra plan. En þetta er annað mótið í þessari mynd sem við höldum og eftir þau viðbrögð sem við höfum fengið, bæði frá HSÍ og félögunum sjálfum þá má búast við að við fáum fleiri mót næsta vetur."''

ÍBV tefldi fram þremur liðum, átti ekki möguleika á titlinum því þær höfðu misst úr mót. Þrátt fyrir það var enginn uppgjafartónn í þeim og spiluðu öll þrjú liðin um bronsið. Mótið gekk annars mjög vel fyrir sig enda kemur fólk ekki að tómum kofunum í Eyjum þegar mótshald er annars vegar og hefur ÍBV verið mikið hrósað fyrir framkvæmdina, ''„Þetta gekk bara mjög vel og ég heyri ekki annað en að allir hafi farið sáttir heim. Það var líka mjög ánægjulegt hversu margir foreldrar fylgdu liðunum, ég gæti alveg trúað að rúmlega hundrað manns hafi komið hingað aukalega og það ætti að vera ágætis búbót fyrir ferðamannaiðnaðinn hérna. Liðin voru öll mjög ánægð og eitt lið kom meira að segja með þá tillögu að allar úrslitaturneringarnar færu fram hér í Eyjum. Ég á hins vegar ekki von á því að við fáum fleiri en tvær á ári, við viljum fá fleiri en það er bara alltaf sama sagan með það hversu langt það er til Eyja," sagði Magnús''

Úrslit leikja ÍBV voru þessi:

''A-lið Riðlakeppnin:''

ÍBV-Stjarnan 9-7, ÍBV-Fram 6-7, ÍBV-Valur 10-4, ÍBVFylkir 8-4, ÍBV-ÍR 8-7, ÍB V-Ármann/Þróttur 9-2. Úrslitaleikur um þriðja sætið: ÍBV-Fram5-7.

''B-lið Riðlakeppnin:''

ÍBV-Gróttal 6-5, ÍBVFylkir 4-2, ÍBV-Haukar 7-6, ÍBV-ÍR 5-2, ÍBV-FH 3-2. Úrslitaleikur um þriðja sætið: ÍBV-KA 7-8.

''C-lið Riðlakeppnin:''

ÍBV-Gróttal 5-5, ÍBVGrótta2 6-4, ÍBV-FH2 4-4, ÍBV-Selfoss 8-0 Milliriðill: ÍBV-Stjarnan 5-1, ÍBVKA2 5-2, ÍBV-Gróttal 5-5 Úrslitaleikur um þriðja sætið: ÍBV-ÍR 6-7.

=== '''ÍBV krækir í efnilega knattspyrnumenn''' ===
Á heimasíðu ÍBV kemur fram að karlaliðið hafi gengið að samningum við þrjá unga leikmenn sem munu væntanlega leika með öðrum flokki í sumar. IBV virðist því hafa tekið upp hjá sér mjög áhugaverða stefnu sem er að veita ungum knattspymumönnum hjá smærri félögum, tækifæri til að sanna sig hjá einu af fremstu knattspyrnufélögum á landinu. Þeir leikmenn sem um ræðir er markvörðurinn Ólafur Ágústsson og miðvörðurinn Egill Þorsteinsson en báðir koma þeir frá Seyðisfirði. Þá koma tveir leikmenn að utan. Hafþór Atli Rúnarsson kemur frá Noregi þar sem hann hefur æft með ungmennaliði Vikings frá Stavangri og svo kemur Skoti að nafni Kevin Barr en hann er bróðir Michelle Barr sem spilar með kvennaliði ÍBV í sumar.

=== '''ÍBV úr leik í deildarbikarnum''' ===
ÍBV hefur ekki gengið sem best í deildarbikarkeppninni en um helgina lék liðið sinn síðasta leik í keppninni þetta árið. Fyrir leikinn átti ÍBV enn veika von um að komast í átta liða úrslit en til þess þurfti sigur og ekkert annað. Strákarnir náðu hins vegar ekki að sýna sínar bestu hliðar, töpuðu leiknum 0-3 og eru þar með úr leik í keppninni.

=== '''Stelpurnar úr leik''' ===
Kvennalið ÍBV í knattspyrnu spilaði síðustu leiki sína í riðlakeppninni í deildarbikarnum síðustu helgina í apríl þegar liðið mætti Stjörnunni og RKV. Leikurinn gegn Stjörnunni fór fram á laugardeginum en til að tryggja sér sæti í undanúrslitum þurftu Eyjastúlkur að vinna báða leiki sína. IBV hafði ekki erindi sem erfiði gegn Stjörnunni, tapaði með einu marki 2-3 og þar með útséð um sæti í undanúrslitum. Seinni leikurinn fór svo fram á sunnudeginum en þá var andstæðingurinn töluvert auðveldari. Engu að síður var leikurinn hreinn úrslitaleikur um þriðja sætíð en stelpurnar brugðust ekki og unnu leikinn 2-1. Mörkin skoruðu Bryndís Jóhannesdóttir og Laufey Ólafsdóttir.

=== '''Góð æfingaferð hjá öðrum flokki''' ===
Annar flokkur karla lagði land undir fót um helgina og ferðaðist um Suðurlandið þar sem leiknir voru þrír leikir. Fyrst var leikið gegn Árborg en þar töpuðu strákarnir 4 -6. Næst var leikið gegn Selfossi og þar vannst auðveldur sigur 5-1.1 síðasta leik mættu strákarnir liði fanga á Litla Hrauni og peyjarnir sáu tíl þess að fangarnir tóku út sína refsingu þann daginn því þeir völtuðu yfir þá, 13-1. Auk þess að spila þessa leiki tóku strákarnir og þjálfarinn sig tíl og hjóluðu í alla leikina, þar á meðalfrá Selfossi og til Þorlákshafnar.

=== '''Sigur í æfingaleik''' ===
Meistaraflokkur karla lék laugardaginn 27 apríl æfingaleik gegn Grindvfkingum en leikurinn fór framá grasi í Garðinum. ÍBV hafði betur í þeim leik og sigraði Grindvíkinga 2-1. GunnarHeiðar Þorvaldsson skoraði en hitt markið var sjálfsmark Grindvíkinga.

== '''MAÍ:''' ==

=== '''Þór tók við af Birgi''' ===
Á aðalfundi ÍBV íþróttafélags í byrjun maí, lét Þór Vilhjálmsson af starfi formanns félagsins, eftir 7 ára starf eða frá stofnun féiagsins. Þar áður hafði hann verið formaður Íþróttafélagsins Þórs í 10 ár. En Þór var þar með ekki að yfirgefa íþróttahreyfinguna, því í gærkvöldi, á ársþingi Íþróttabandalags Vestmannaeyja var hann kjörinn formaður þess. Með honum í stjórn eru Leifur Gunnarsson, Arndís Sigurðardóttir, Björn Þorgrímsson og Gísli Valtýsson. Óskar Freyr Brynjarsson er nýr formaður ÍBV-íþróttafélags og með honum í stjórn eru Egill Arngrímsson, Björgvin Eyjólfsson, Stefanía Guðjónsdóttir, Erlingur Richardsson, Tryggvi Már Sæmundsson og Smári Jökull Jónsson.

=== '''Tveir á förum''' ===
Tveir af máttarstólpum handknattleiksliðs ÍBV í vetur, þeir Arnar Pétursson og Svavar Vignisson, munu ekki leika með ÍBV næsta vetur. Arnar gekk til liðs við liðið fyrir þetta tímabil og spilaði hann með liðinu samhliða námi í Reykjavík. Námið er einmitt ein af ástæðum þess að hann hyggst frekar reyna fyrir sér á höfuðborgarsvæðinu. Svavar mun hins vegar flytja með fjölskylduna til Reykjavíkur í haust en þar mun hann fyrst um sinn vinna í lögreglunni í Hafnarfirði. Hyggst hann jafnvel reyna fyrir sér í Lögregluskólanum eftir áramót. Svavar sagði í samtali við Fréttir að hann yæri ekkert allt of ánægður með það að vera yfirgefa ÍBV. „''Það er erfitt að yfirgefa ÍBV eftir að hafa spilað með þeim allan þennan tíma og mér finnst hálfpartinn eins og maður sé einhver liðhlaupi. En FH er hins vegar góður kostur fyrir mig og ekki verra ef Arnar bætist í hópinn,"'' sagði Svavar.

=== '''Vigdís best''' ===
Lokahóf kvennaliðs ÍBV í handbolta var haldið í Týsheimilinu þann 4. maí. Um sjötíu manns sóttu hófið sem tókst í alla staði mjög vel. Skemmtiatriðin voru heimatilbúin og jafnvel búin til á staðnum og voru mörg hver hin besta skemmtun. Maturinn var í höndum Hjálmars Baldurssonar og félaga hans í handknattleiksráði. Hápunktur kvöldsins var verðlaunaafhendingin. Besti varnarmaður var valin Dagný Skúladóttir og markahæst varð Ana Pérez. Mestu framfarir þótti Þórsteina Sigurbjörnsdóttir sýna en besti leikmaðurinn var svo valin Vigdís Sigurðardóttir. Fréttabikarinn fékk Aníta Ýr Eyþórsdóttir en í umsögn kom fram að Aníta hefði verið í leikmannahópi ÍBV íöllum leikjum sl. tvö ár. „Aníta kom inn fyrir tveimur tímabilum síðan og í fjarveru núverandi fyrirliða liðsins, Ingibjargar Jónsdóttur fékk hún sína eldskírn á vellinum. Auk þess að vera í leikmannahópi meistaraflokks þá hefur hún verið ein af burðarásum unglingaflokks. Í yngri flokkum IBV hefur hún yfirleitt leikið sem útileikmaður en fært sig svo inn á línuna með meistaraflokki sem sýnir best þá hæfileika sem Aníta býr yfír," segir í forsendum Frétta fyrir afhendingunni.

=== '''Breytingar í fótboltanum''' ===
Í maí gekk sterkur varnarmaður að nafni Rachel Hamill til liðs við ÍBV. Rachel er 19 ára gömill frá skotlandi. Rachel getur spilað nánast hvar sem er á vellinum en hún er fyrst og fremst bakvörður. Ljóst að ein efnilegasta knattspyrnukona ÍBV, varnarmaðurinn Elfa Ásdís Ólafsdóttir mun lítið spila með liðinu í sumar en hún reif liðþófa í hné fyrir skömmu. Nýr aðstoðarþjálfari var ráðinn í maí en hún heitir Erna Lind Rögnvaldsdóttir en hennar hlutverk verður að aðstoða Elísbetu Gunnarsdóttur þjálfara meistaraflokks auk þess sem Erna mun sjá alfarið um annan flokk kvenna. Erna Lind kemur frá Grindavík og á að baki rúmlega hundrað leiki í efstu deild.

=== '''Síðustu æfingaleikirnir fyrir mót''' ===
Meistaraflokkur ÍBV í knattspyrnu mætti Valsmönnum í æfíngaleik á þann 5. maí. Aðstæður voru ekki eins og best verður á kosið, rok, rigning og Helgafellsvöllurinn langt frá því að vera tilbúinn. Engu að síður náðu liðin að sýna ágætis takta inn á milli en að lokum voru það Valsmenn sem stóðu uppi sem sigurvegarar.

Strákarnir fóru svo í æfingarferð á Hvolsvöll en það hafa strákarnir gert undanfarin ár að eyða síðustu helgina fyrir mót á Suðurlandi. Strákrnir spiluðu tvo æfingaleiki sama dag, fyrst lék varaliðið gegn sameiginlegu liði Dalvíkur og Leifturs og varð 2-2 jafntefli niðurstaðan en Dalvík/Leiftur spilar í 1. deild í sumar. Mörk ÍBV skoruðu þeir Pétur Runólfsson og Óskar Jósúason. Í seinni leiknum stillti Njáll Eiðsson upp sínu sterkasta liði og spilaði Tómas Ingi Tómasson m.a. leikinn. Hann náði heldur betur að hressa upp á sóknarleik IBV því ÍBV sigraði leikinn 5-1. Tómas Ingi skoraði tvö mörk auk þess að leggja upp eitt, Gunnar Heiðar skoraði tvö mörk og Olgeir eitt.

=== '''Hermann féll í þriðja sinn''' ===
Það virðist ætla að ganga á ýmsu hjá knattspyrnumanninum Hermanni Hreiðarssyni en hann hlaut þau örlög, í þriðja sinn síðan hann hélt í atvinnumennskuna, að falla ásamt félögum sínum í Ipswich úr úrvalsdeildinni. Orðrómur hefur verið uppi um það að Hermann myndi yfirgefa félagið en það er ljóst að liðið þarf að selja einhverjar af sínum skærustu stjörnum fyrir næsta tímabil og vitað er um áhuga nokkura liða á Hermanni.

=== '''Karlahandboltinn skilar hagnaði''' ===
Á heimasíðu handknattleiksdeildar karla ÍBV, kemur fram að rekstur deildarinnar síðasta keppnistímabil var réttu megin við núllið. Og svo hafi verið undanfarin sex ár. Stjórnarmenn hafa allan þann tíma reynt að sníða útgjöldin eftir tekjum. Það má segja að það sé afrek ef litið er á stöðu annara handknattleiksfélaga á íslandi, en ÍBV býr við miklu erfiðara rekstrarumhverfi. Miklu meiri ferðakostnaður og leikmannamissir er mikill vegná framhaldsnáms til Reykjavíkur. Rekstur kvennadeildarinnar er líka góður, eins og hann hefur alltaf verið.

=== '''Þrír í landsliðshóp''' ===
Íslenska karlalandsliðið í knattspyrnu mætir því norska í vináttulandsleik í Bodö 22. maí næstkomandi og hefur Atli Eðvaldsson valið hópinn. í honum eru þrír Eyjamenn, Birkir Kristinsson er einn þriggja leikmanna sem leika með íslenskum félagsliðum en einnig eru þeir félagar Tryggvi Guðmundsson og Hermann Hreiðarsson á sínum stað í hópnum. Þá er einnig Ivar Ingimarsson í hópnum en hann lék sem kunnugt er með ÍBV hér á árum áður.

=== '''Guffi þjálfar Wasaiterna''' ===
Guðfinnur Kristmannsson hefur verið ráðinn þjálfari sænska úrvalsdeildarliðsins Wasaiterna. Guffi gekk til liðs við liðið fyrir síðasta tímabil og hefur hreinlega blómstrað í herbúðum félagsins. Forráðamönnum Wasaiterna hefur greinilega litist svo vel á pilt að þeir hafa nú gengið frá ráðningu hans sem þjálfara liðsins. Samhliða þjálfuninni kemur Guffí til með að spila með liðinu.

=== '''Eigum að geta náð langt''' ===
Þann 20. maí leikur karlalið ÍBV fyrsta leik sinn í Íslandsmótinu í knattspyrnu en þá sækir liðið nýliða KA heim. Einhverjar breytingar hafa orðið á leikmannahópi ÍBV frá því í fyrra en þó ekki eins róttækar og fyrir síðustu leiktíð. Í ár leikur Hlynur Stefánsson hins vegar ekki með liðinu í fyrsta skipti síðan hann gekk aftur í raðir liðsins árið 1996. Njáll Eiðsson sannaði það í fyrra að þar er á ferðinni snjall og útsjónarsamur þjálfari. Hans bíður spennandi verkefni, að halda ungu mönnunum við efnið í sumar og bæta fleiri rísandi stjörnum inn í lið IBV. Hann sagði í samtali við Fréttir að undirbúningstímabilið hefði ekki verið eins gott og hann hefði kosið. ''„Undirbúningstímabilið hefur verið mjög erfitt og líklega það erfiðasta sem ég hef farið í gegnum á mínum þjálfaraferli. Það eru margar ástæður fyrir því að okkur hefur ekki gengið eins vel í undirbúningnum og t.d. í fyrra. Leikmenn hafa meiðst meira hjá okkur og jafnvel beinbrotnað. Hópurinn er svo, eins og alltaf, tvískiptur sem hjálpar ekki. Í ár var ákveðið að fara ekki í æfingaferð til útlanda eins og undanfarin ár. Það er mín skoðun að ef eitthvert lið ætti að fara í æfingaferð þá væri það ÍBV vegna þess að hópurinn er tvískiptur en þetta er bara eitthvað sem við verðum að vinna úr."''

''„ Við enduðum í öðru sæti í fyrra og er ekki alltaf stefnt að því að gera betur en árið áður. Við vorum hársbreidd frá titlinum í fyrra en við gerum okkur hins vegar grein fyrir því að við eigum mjög erfitt verkefni fyrir höndum. Vorleikimir gefa svo sem ekki tilefni til bjartsýni en eins og ég kom inn á áðan þá hafa ýmsir erfiðleikar gert það að verkum að við höfum aldrei getað stillt upp okkar sterkasta liði í vor. Það var eiginlega ekki fyrr en núna um helgina sem ég hafði alla leikmennina á einum stað, reyndar vantaði einhverja en þetta var okkar sterkasta lið til þessa á undirbúningstímabilinu enda voram við að spila mjög vel gegn Stjömunni.''

=== '''Verðum klárir''' ===
Á síðustu leiktíð fengu nokkrir ungir eyjapeyjar mikla og dýrmæta reynslu með meistaraflokki. Gunnar Heiðar Þorvaldsson er einn þeirra en þrátt fyrir erfið meiðsli á undirbúningsstímabilinu í fyrra þá stóð hann sig mjög vel, sérstaklega á seinni hluta tímabilsins og nú bíða stuðningssmenn spenntir eftir því að sjá hvort hann haldi áfram á sömu braut. Gunnar Heiðar sagði í samtali við Fréttir spenntur að byrja aftur.

'',,Við sem vorum í fyrra að stíga okkar fyrstu skref í erum ákafir í að byrja aftur og sanna okkur enn frekar. Það er góður mórall í hópnum. Heimir Hallgríms hefur séð um æfingarnar hérna í vetur og ég held að við séum í góðu formi. Menn hafa reyndar verið að spá okkur fallbaráttunni í sumar en það er ekkert að marka þessar spár enda hefur þessi spá hjá fyrirliðum og forráðamönnum aldrei ræst."'' Aðspurður sagðist Gunnar Heiðar ekki kvíða því að mæta KA mönnum fyrir norðan í fyrsta leik. ''„Það er alveg sama hverjum við mætum í sumar, ef við verðum ekki á tánum og gefum okkur alla í leikina fer þetta illa. Við eigum harma að hefna gegn KAmönnum frá því í deildarbikarnum og við ætlum okkur að hefna fyrir tapið þar. Annars á ég von á því að deildin verði mjög jöfn í sumar. Það var mjög skemmtilegur tími í fyrra en ég held að sumarið núna eigi eftir að verða enn skemmtilegra."''

'''LEIKMENN:'''

'''Markverðir:'''

Birkir Kristinsson

Gunnar Bergur Runólfsson

Guðjón Magnússon

'''Varnarmenn:'''

Kjartan Antonsson

Hjalti Jóhannesson

Páll Hjarðar

Unnar Hólm Ólafsson

Davíð Egilsson

Jón Helgi Gíslason

Sindri Viðarsson

Einar Hlöðver Sigurðsson

'''Miðjumenn:'''

Ingi Sigurðsson

Bjarnólfur Lárusson

Hjalti Jónsson

Bjarni Geir Viðarsson

Atli Jóhannsson

Bjarni Rúnar Einarsson

Pétur Runólfsson

Olgeir Sigurgeirsson

Andri Ólafsson

'''Sóknarmenn:'''

Tómas Ingi Tómasson

Gunnar Heiðar Þorvaldsson

Óskar Jósúason

Tómas Reynir Michaelsson

'''Þjálfari:''' Njáll Eiðsson

'''Aðstoðarþjálfari:''' Heimir Hallgrímsson.

=== '''Stcfnum á toppáranqur''' ===
Kvennalið IBV hefur undanfarin ár verið nokkuð tengt þeim hjónakornum Heimi Hallsrímssyni og Írisi Sæmundsdóttur enda hafa þau verið prímusmótorar í öllu því góða starfi sem þar er unnið. Núna eru hins vesar tímamót því bæði eru þau horfin á braut og aðrir teknir við þeirra hlutverki. Elísabet Gunnarsdóttir er þjálfari Iiðsins í ár en hún hefur getið sér got orð í þjálfun yngri flokka Vals á undanförnum árum. Þetta er í fyrsta sinn sem hún þjálfar meistaraflokk en Elísabet sagði í samtali við Fréttir að undirbúningur liðsins hefði gengið brösuglega. ''„Þetta hefur verið mjög erfitt hjá okkur í vetur. Það er ýmislegt sem tínist til, bæði er ég nýr þjálfari og er að kynnast stelpunum og þær mér. Svo er hópurinn lfka tvískiptur og stelpurnar fyrir sunnan hafa verið að æfa mikið sjálfar. Þær hafa reyndar aðeins komist inn hjá FH en mestmegnis hafa þær þurft að vera í ræktinni og stundað hlaup á eigin vegum. Við komumst seinna á gras en við vonuðumst til og við höfum heldur ekki sloppið alveg við meiðsli en fyrir vikið fengu yngri stelpur tækifæri í deildarbikarnum og öðlast þar með mun meiri reynslu. Þar af leiðandi verðum við kannski með breiðari hóp en ég átti von á og það er jákvætt."''

''„Það er alveg klárt mál að lið setur sér alltaf það markmið að falla ekki niður um sæti þannig að í framhaldi má segja að við ætlum að gera betur en í fyrra. Ég, stjóm og leikmenn gerum okkur hins vegar grein fyrir því að það tekur alltaf nýjan þjálfara''

''ákveðinn tíma að læra inn á nýja leikmenn og þess vegna höfum við öll gert okkur tveggja ára áætlun. Við ætlum okkur að ná toppárangri á þeim tíma og ef allt gengi upp í sumar þá væri það bara bónus. Það skiptir okkur hins vegar mjög miklu máli að fá góðan stuðning á heimavelli."''

'''Leikmenn sumarið 2002'''

'''Markmenn:'''

Petra Fanney Bragadóttir

Nataliya Ginchul

Hanna Guðný Guðmundsdóttir

'''Varnarmenn:'''

Sigríður Ása Friðriksdóttir

Rachel Hamill

Michelle Barr

Eva Björk Ómarsdóttir

Karitas Þórarinsdóttir

'''Miðjumenn:'''

Elena Einisdóttir

Elva Dögg Grímsdóttir

Ema Dögg Sigurjónsdóttir

Laufey Olafsdóttir

Lára Dögg Konráðsdóttir

Lind Hrafnsdóttir

Svetlana Balinskaya

Rakel Rut Stefánsdóttir

'''Sóknarmenn:'''

Bryndís Jóhannesdóttir

Margrét Lára Viðarsdóttir

Sara Sigurlásdóttir

Bjartey Gylfadóttír

Kristín Sigurðardóttir

Pascale Elísabet Skúladóttir

Thelma Sigurðardóttir

=== '''Þrír spiluðu sinn fyrsta leik''' ===
Þrír leikmenn spiluðu sinn fyrsta leik með ÍBV í efstu deild en það voru þeir Andri Ólafsson, 17 ára, Olgeir Sigurgeirsson 20 ára og Pétur Runólfsson 21 árs. Meðalaldur liðsins var rétt rúmlega 25 ár en refírnir þrír í liðinu, Birkir Kristinsson 38 ára, Ingi Sigurðsson 34 ára og Tómas Ingi Tómasson 33 ára hífa meðalaldurinn töluvert upp. Strákrnir sóttu nýliða KA heim og náðu þar ásættanlegum úrslitum, 1-1 jafntefli. Jafnræði var með liðunum sé litið á leikinn í heild en hvorugu liði tókst að skora í fyrri hálfleik. Undir lok hálfleiksins þurfti Birkir reyndar að taka á honum stóra sínum í tvígang en heimamenn höfðu ekki erindi sem erfiði. Seinni hálfleikur var varla byrjaður þegar KA menn höfðu komist í 1-0. Heimamenn voru sterkari aðilinn í hálfleiknum en það var svo ekki fyrr en þremur mínútum fyrir leikslok að Ingi Sigurðsson fékk boltann en hann lagði boltann fyrir Gunnar Heiðar sem átti ekki í vandræðum með að fmna réttu leiðina í markið.

=== '''Sigurður Ari til Belgíu''' ===
Sigurður Ari Stefánsson, skyttan efnilega hjá ÍBV, var valinn í U-21 árs landslið Islands sem heldur til Belgíu. Þar tekur liðið þátt í undankeppni Evrópumótsins en með Islandi í riðli eru heimamenn í Belgíu, Króatar og Svisslendingar. Hópur Íslands telur sextán leikmenn.

=== '''Sigur og tap''' ===
Þann 25. maí tók lið ÍBV á móti Keflavík í annari umferð Símadeildarinnar þar gestirnir sigruðu 2-1. Keflavík byrjaði leikinn vel og áttu þeir m.a. skalla í slána og þaðan skaust boltinn niður og vildu Keflvfkingar meina að boltinn hefði farið inn fyrir línuna. Smám saman náði ÍBV hins vegar tökum á miðjunni og þar með á leiknum. Fyrsta markið kom eftir að ÍBV fékk aukaspyrnu fyrir utan vítateig gestanna, Ingi Sigurðsson var ekkert að tvínóna við hlutina heldur stakk boltanum inn á Gunnar Heiðar sem afgreiddi hann snyrtilega í netið. Þegar skammt var til leikhlés jöfnuðu Keflvíkingar svo leikinn eftir eina af sínum eitruðu skyndisóknum. Í seinni hálfleik sótti IBV mun meira en Keflvíkingar áttu mjög svo hættulegar skyndisóknir en Birkir var vel á verði og varði nokkrum sinnum meistaralega. Gunnar Heiðar skoraði svo á sextugustu mínútu en var dæmdur rangstæður og voru menn að sjálfsögðu ekki sammála dómaranum. Tíu mínútum fyrir leikslok urðu leikmönnum IBV svo á slæm mistök á miðjum vellinum sem varð til þess að sóknarmaður Keflvíkinga slapp einn inn fyrir vörn IB V og skoraði örugglega og tryggði sínum mönnum sigurinn. Nokkrum dögum síðar sótti ÍBV Framara heim þar sem Eyjamenn náðu í þrjú dýrmæt stig. Leikurinn var ekki mikið fyrir augað enda vora vallaraðstæður hreint ekki góðar. Reyndar komu ágætis kaflar inn á milli þar sem liðin náðu ágætis spili en þess á milli datt leikurinn niður í miðjuþóf. Einn af góðu köflunum kom einmitt hjá ÍBV á 16. mínútu. Þá fékk Gunnar Heiðar boltann á miðjum vallarhelmingi Framara. Sendi hann á Inga, sem sendi á Tomas Inga sem var aðþrengdur við vítateigslínuna. Hann sendi svo glæsilega hælsendingu inn fyrir vöm Framara og þar var mættur markahrókurinn Gunnar Heiðar Þorvaldsson sem skilaði boltanum í. Framara jöfnuðu svo skömmu fyrir leikhlé. I seinni hálfleik vom heimamenn sterkari en Atli Jóhannesson skoraði laglegt mark eftir mikinn darraðardans í vítateig heimamanna og þar við sat, 1-2.

''„Þetta var fyrst og fremst vinnusigur hjá okkur og maður er fyrst og fremst ánægður með sigurinn enda var þetta fyrsti sigurinn hjá okkur í deildinni,"'' sagði Gunnar Heiðar í samtali við Fréttir eftir leikinn. '',,Þetta var mjög erfitt, völlurinn er harður og það var ekki gott að spila annan leikinn á fjórum dögum við svona aðstæður en við sýndum mikinn karakter með að klára leikinn. Það er hins vegar stutt í næsta leik og við ætlum okkur að klára hann og að koma okkur í betri stöðu í deildinni."''

=== '''Fjör á lokahófi''' ===
Lokahóf yngri flokka ÍBV í handboltanum var haldið sunnudaginn 26. maí. Þar voru veittar viðurkenningar fyrir frammistöðu vetrarins og á eftir var boðið upp á mikla veislu. Var að venju mikið fjör.

'''5. flokkur kvenna''': Besta ástundun, eldri, Ester Óskarsdóttir, yngri, Elísa

Guðjónsdóttir, prúðasti leikmaður, eldri Birgitta Rúnarsdóttir, yngri Laufey S. Sigmarsdóttir. Mestu framfarir, eldri Hekla Hannesdóttir og yngri, Guðrún Heba Andrésdóttir.

'''6. flokkur kvenna:''' Besta ástundun, eldri Sædís Magnúsdóttir, yngri Andrea Káradóttir, prúðasti leikmaður, eldri Sara Guðjónsdóttir, yngri Saga H. Helgadóttir. Mestu framfarir eldri Þórhildur Ólafsdóttir, yngri Lovísa Jóhannsdóttir.

'''3. flokkur karla:''' Besti leikmaður, Benedikt Steingrímsson, mestu framfarir, Magnús Sigurðsson, Besta ástundun, Ingibjöm Jónsson.

'''5. flokkur karla''': Mestu framfarir eldri Bjöm Kristmannsson, yngri Friðrik Þór Sigmarsson, besta ástundun eldri Ellert S. Pálsson 96% og yngri Þórhallur Friðriksson 92%. Prúðasti leikmaður eldri Bjarki Hjálmarsson, yngri Kristinn Arnason.

'''6. flokkur karla''', '''eldri:''' mestu framfarir, Vignir Stefánsson, besta ástundun Vignir Stefánsson og prúðasti leikmaður Hjalti Pálsson.

'''6. flokkur karla, Yngri''': Mestu framfarir Brynjar Karl Óskarsson, besta ástundun Einar Gauti Óskarsson og prúðasti leikmaður, Kristján Tómasson.

'''4. flokkur kvenna:''' Besti leikmaður María Guðjónsdóttir, mestu framfarir Hildur Jónsdóttir og besta ástundun Sæunn Magnúsdóttir.

'''4. flokkur karla:''' Besti leikmaður Hilmar Björnsson, mestu framfarir, Eyþór Björgvinsson og besta ástundun Pálmi Harðarsson.

'''3. flokkur kvenna''': Besti leikmaður Aníta Ýr Eyþórsdóttir, mestu framfarir, Þórsteina Sigurbjömsdóttir og besta ástundun Hildur Sigurðardóttir.

=== '''Andrea Atla hætt''' ===
Ein af burðarásum kvennaliðs ÍB V í handknattleik síðari ár, Andrea Elín Atladóttir, hefur gefið það út að síðasta tímabil hafi verið hennar síðasta. I samtali við Fréttir sagði Andrea að tíminn sem hún þyrfti til að sinna handboltanum værí hreinlega ekki fyrir hendi. „Þetta var mjög erfitt í vetur enda er ég í fullri vinnu, er með fjölskyldu, við Stebbi í fyrirtaekjarekstri og svo var ég í pólitíkinni þannig að ég hafði ekkert allt of langan tíma fyrir handboltann. Fyrir vikið hefur maður minna gaman af þessu og þess vegna ákvað ég að núna væri rétti tíminn til að hætta. Fólk hefur reyndar verið að gera grín að mér vegna þess að skóhillan, þar sem ég kem til með að leggja handboltaskóna, sé eitthvað götótt þar sem ég sé alltaf að byrja aftur en ég hef aldrei áður gefið það út að ég hafi verið hætt. Ég tók mér bara pásu en núna er ég hætt"

=== '''Slæm byrjun''' ===
Fyrsti leikur kvennaliðs ÍBV í sumar var gegn Íslandsmeisturunum í Breiðabliki og fór leikurinn fram í Kópavogi þar sem heimamenn sigruðu 3-2. IBV lenti undir eftir aðeins fjórtán mínútna leik og tæpum tuttugu mínútum síðar var forysta heimastúlkna tvöfölduð. En leikmenn ÍBV neituðu að gefast upp og fimm mínútum fyrir leikhlé minnkaði fyrirliði liðsins, Michell Barr, muninn með skalla eftir aukaspymu Margrétar Láru Viðarsdóttur. Margrét var einmitt aftur á ferðinni á sextugustu mínútu og var við það að sleppa í gegnum vörn Breiðabliks þegar hún var felld innan vítateigs og umsvifalaust dæmd vítaspyrna. Margrét Lára skoraði sjálf úr spyrnunni og allt í einu var leikurinn galopinn. Undir lokin brutu varnamenn IBV svo klaufalega af sér fyrir utan vítateiginn og úr aukaspyrnunni skoruðu heimastúlkur sigurmarkið.

Stelpurnar tóku svo á móti Grindavík ÍBV tapaði leiknum 0-1 og því er liðið enn án stiga eftir fyrstu tvær umferðirnar.

Leikurinn byrjaði vel fyrir ÍBV og fengu stelpurnar mjög góð færi sem hefðu átt að nýtast, strax á upphafsmínútunum en gerðu það ekki. Fyrir vikið færðu gestirnir sig upp á skaftið og þegar tæpur hálftími var liðinn af leiknum dró til tíðinda. Framherji Grindavíkur lék þá varnarmenn IBV grátt og var svo felld rétt við vítateiginn. Leikmenn ÍBV vildu meina að brotið hefði átt sér stað utan teigs en dómarinn dæmdi víti sem Grindvíkingar skoruðu úr. ÍBV og stuðningsmenn þess voru slegnir út af laginu og þrátt fyrir ágætis færi rann fyrri hálfleikurinn út án þess að liðið næði að jafna. Í seinni hálfleik sótti svo ÍBV án afláts allan tímann og hægt að telja á fingrum annarrar handar hversu oft gestirnir komust yfir miðju. Þrátt fyrir það náðu stelpurnar ekki að skora.

=== '''Jafntefli hjá öðrum flokki''' ===
Annar flokkur karla lék sinn fyrsta leik í lok maí þegar liðið tók á móti Leikni úr Reykjavík. Flokkurinn spilar í sumar í Briðli, sem er nokkurs konar önnur deild og sér Heimir Hallgrímsson um liðið. Leikurinn gegn Leikni var nokkuð erfiður. Leiknismenn komu mjög sterkir til leiks og liðin skiptust á að sækja. Leiknismenn komust yfir um miðjan seinni hálfleikinn en stuttu síðar jafnaði Kevin Barr leikinn eftir að ÍBV hafði sótt töluvert meira. Fleiri urðu mörkin ekki.

== '''JÚNÍ''' ==

=== '''Gunnar Berg til Makedóníu''' ===
Íslenska karlalandsliðið í handknattleik spilar á sunnudaginn 2 júní gegn liði Makedóníu í umspili liðanna um laust sæti í úrslitum Evrópukeppninnar en það mun vera fyrri leikur liðanna. Einn Eyjamaður er í leikmannahópnum, Gunnar Berg Viktorsson, sem er að festa sig í sessi í íslenska liðinu en Bírkir Ivar Guðmundsson, sem var með í undirbúningi liðsins var sendur heim.

=== '''Völlurinn til skammar''' ===
Fyrsta dag júnímánaðar sóttu leikmenn ÍBV Grindvíkinga heim þar sem leikurinn endaði með eins marks sigri heimamanna, 3-2.

Leikurinn byrjaði rólega en eftir stundarfjórðung vom Grindvíkingar komnir yfir. En Tómas Ingi Tómasson var ekki lengi að jafna metin og aðeins tveimur mínútum síðar var staðan orðin jöfn. Það kom í svo í hlut IBV að verjast það sem eftir lifði fyrri hálfleiks og staðan í leikhléi var 1-1. Í seinni hálfleik voru heimamenn mun betri enda sóttu þeir stíft að marki ÍBV frá fyrstu mínútu. Heimamenn náðu að komast í 3-1 áður en Gunnar Heiðar Þorvaldsson náði að klára í bakkan en hann hefur nú skorað mark í fyrstu fjórum leikjum mótsins. Lokatölur urðu því 3-2 heimamönnum í vil.

Birkir Kristinsson, markvörður ÍBV kleif fjöllin há í markteig Grindavíkurvallarins en aðstæður gerðu honum lífið leitt. ''„Ég ætla ekki að taka svo djúpt í árinni að segja að við hefðum aldrei tapað þessum leik ef við hefðum spilað á betri velli en þessar aðstæður em Grindvikingum til skammar. Eg held hreinlega að ég hafi aldrei lent í öðm eins enda var nánast vonlaust að hreyfa sig í teignum. Maður reyndi að púsla vellinum saman þegar tækifæri gafst en það var alveg vonlaust enda er völlurinn bara ónýtur. Þetta er auðvitað ekki góð auglýsing fyrir knattspymuna, bæði verður leikurinn sem slíkur aldrei nema skugginn af sjálfum sér og svo er líka mikil slysahætta. Ég hefði frekar viljað spila á malarvelli en á Grindavíkurvelli sem segir sína sögu.."''

=== '''Enn stigalausar''' ===
Kvennalið ÍBV hefur ekki enn náð sér á strik og eftir þrjár umferðir er liðið með ekkert stig á botni deíldarinnar. Liðið tapaði gegn Val á heimavelli 3-1.

Mark ÍBV gerði Rakel Logadóttir þegar hún kom ÍBV yfir snemma í leiknum en staðan í hálfleik var 1 - 1. Í seinni hálfleík átti IBV ekkert síðri færi en Valsstúlkur en það var eins og í leiknum gegn Grindavík að færin voru ekki nýtt nægilega vel.

=== '''Kári í æfingahóp''' ===
Þó að knattspyrnuvertíðin sé nú að komast á fullt skrið þýðir það ekki endilega að handknattleiksmenn liggi í dvala. HSÍ hefur nú valið æfingahóp fyrir íslenska landsliðið skipað leikmönnum fæddum 1984 og yngri. Eyjamenn eiga þar einn fulltrúa, Kári Kristján Kristjánsson mun æfa með liðinu. Liðið mun Ieika æfingaleiki gegn Færeyjum í lok júní.

=== '''Missir ÍBV heimaleikjaréttinn?''' ===
Mannvirkjanefnd Knattspyrnusambands Íslands afturkallaði nýlega keppnisleyfi fyrir Hásteinsvöll sem gefið var út 15. júní 2001 þar sem völlurinn var flokkaður í b-flokk. Í staðinn var völlurinn settur í d-flokk sem leyfir keppni í 2. deild karla. Ástæðan er að ekki er búið að koma fyrir girðingu frá Týsheimili í báðar áttir að Hamarsvegi. Völlurinn hefur undanþágu til 1. júlí nk. og óskaði stjórnin jafnframt eftir viðræðum við félagið um frekari framkvæmdir við vallarsvæðið, þannig að hann uppfylli kröfur KSÍ. Fyrir liggur að girðingu hefur verið komið upp austan megin við Hásteinsvöllinn frá Týsheimilinu að Hamarsvegi en eftir er að girða vestan megin. Samkvæmt heimildum er kostnaður við girðinguna á milli þrjár og fjórar milljónir króna. Ívar Atlason, gjaldkeri knattspyrnudeildar ÍBV, segir þetta vera hið versta mál fyrir þá. ''„Það komu menn hérna í fyrra frá UEFA og KSÍ og tóku völlinn út og í kjölfarið fengum við keppnisleyfi til apríl 2005 með undanþágu á girðingamálum, en þeim snýst svo eitthvað hugur um mitt síðasta ár."'' Ívar bætti því við að spurning væri hvort leyfilegt sé að girða á þessu svæði, en búið er að senda bréf til umhverfis og skipulagsnefndar bæjarins. Jóhann G. Krisfinsson, starfsmaður mannvirkjanefndar KSI segir þetta mál liggja alveg ljóst fyrir. ''„Þeir fengu vitlaust mat á völlinn í fyrra og uppgötvaðist það strax daginn eftir og voru viðkomandi aðilar látnir vita, bréfið sem þeir fengu átti við annan völl,"'' sagði Jóhann og bætti við að yfirvöld í Eyjum hafi lengi vitað hvernig málin stæðu og því ætti þetta ekki að koma þeim á óvart. ''„Við sendum bréf 24. október í fyrra og þar kom skýrt fram að undanþágur fyrir keppnisvelli á Islandi fengjust ekki endurnýjaðar og því mátti IBV ekki, strangt til tekið, hefja leik á íslandsmótinu í sumar á Hásteinsvelli.''" Eyjamenn hafa verið óánægðir með vinnubrögð KSÍ og benda á heimavöll Grindavíkur sem hefur að geyma eina glæsilegustu aðstöðu áhorfenda á Islandi en völlurinn er mjög illa farinn og sumir segja jafnvel ónýtur og fínnst mörgum forgangsröðun KSÍ heldur skrýtin. ''„Það má ekki snúa umræðunni upp í svona og þó svo leikflötur Hásteinsvallar sé til sóma þá er annað ekki í lagi, Grindvíkingar hafa unnið þrekvirki í sínum málum, bæði varðandi áhorfendastæði og leikflötinn."'' Jóhann bætti við að forráðamenn IBV viti að ef þeir eru óánægðir með reglugerðir KSI þá sé vettvangur til þess að koma því á framfæri áársþingi KSI en Eyjamenn hafa ekki séð ástæðu til þess að mótmæla þar. ''„Við vinnum eftir ákveðnum reglum og þetta grindverk er til þess að afmarka svæðið og til þess að hafa betri yfirsjón á tölu áhorfenda, t.d. á bikarleikjum er tekjum skipt jafnt á milli liða og því mikilvægt að þessi mál séu í lagi. En í flestum tilfellum varðar þetta hagsmuni IBV"'' Jóhann bætti við að félög hafí haft sex ár til þess að ganga frá þessum hlutum og því ættu menn að vera undirbúnir. ''„Við munum koma til Eyja á föstudaginn og eiga fund með forráðamönnum IBV og bæjarstjórn og ég hef fulla trú á því að menn fínni skynsamlega lausn á þessu,"'' sagði Jóhann að lokum. Síðustu ár hafa verið miklar framkvæmdir við Hásteinsvöll til þess aðuppfylla kröfur alþjóða knattspyrnusambandsins, fyrir nokkrum árum var búningsaðstaða byggð og í fyrra áhorfendastæði sem að öllu óbreyttu verða orðin ónothæf innan nokkurra ára þar sem strangari reglur alþjóða knattspyrnusambandsins, sem taka gildi fljótlega, kveða á um að á öllum völlum þar sem spiluð er knattspyrna í efstu deild skuli vera stúka með sætum fyrir 1000 manns. Félögin fá sex ára aðlögunarfrest.

=== '''Erlingur þjálfar strákana næsta vetur''' ===
Á upphafsdögum júnímánaðar var gengið frá samningi við Erling Richardsson um að hann þjálfi meistaraflokk karla IBV á næsta leiktímabili. Erlingur sem þjálfaði kvennalið IBV á síðasta leiktímabili, verður næsti þjálfari karlanna. Jóhann Pétursson í stjórn karlahandboltans segir í samtali við Fréttir að Erlingur muni jafnframt leika með liðinu. ''„Hann hafði áhuga á að spila og það réð miklu um þessa ákvörðun hans,"'' sagði Jóhann. Hann sagði að unnið væri í leikmannamálum fyrir næsta vetur. ''„Það er margt í gangi en ekkert í hendi. Það er verið að skoða ýmsa möguleika en staðreyndin er að þessi mál taka alltaf langan tíma."''

=== '''Styrkir til ÍBV''' ===
Þann 6. Júní úthlutaði íþróttaráð Vestmannaeyjabæjar styrkjum úr afreks- og viðurkenningasjóði og rekstrarstyrkjum til íþróttafélaganna.

Afreksstyrkjum er úthlutað samkvæmt stigagjöf þar sem unnin afrek, eins og til dæmis Islandsmeistaratitlar gefa stig. Samkvæmt stigagjöfmni er úthlutunin eftirfarandi úr Afreks- og viðurkenningarsjóði fyrir afrek unnin á árinu 2001 eftirfarandi:

ÍBV - íþróttafélag:

Úthlutað samkv. stigagjöf 685.000.-

bikarmeistarar, m.fl. kvenna 480.000,-

Samtals 1.165.000.-

Við sama tækifæri voru rekstrarstyrkir vegna ársins 2002 afhentir og er það gert samkvæmt umsögn og tillögu Íþróttabandalags Vestmannaeyja. Íþróttaráð samþykkti eftirfarandi úthlutun með sérstöku tilliti til bama og unglingastarfs og í samræmi við samstarfssamning á milli Vestmannaeyjabæjar og íþróttahreyfingarinnar í Vestmannaeyjum:

ÍBV - íþróttafélag 929.000 kr.,

=== '''Annað tapið i röð á heimavelli''' ===
ÍBV tók á móti Steingrími Jóhannessyni og félögum hans í Fylki laugardaginn 8. júní í fimmtu umferð Símadeildar karla. Vindurinn setti mark sitt á leikinn og áttu leikmenn beggja liða mjög erfitt með að sýna knattspymu að einhverju marki. IBV byrjaði leikinn af krafti, liðið fékk m.a. fimm hornspyrnur á fyrstu fjórum mínútunum en það var hins vegar Eyjamaðurinn í liði bikarmeistaranna sem skoraði eina mark leiksins og því annað tap IBV á heimavelli staðreynd.

=== '''Mótið verður stærra en i fyrra''' ===
Vömvalsmótið verður við hátíðlega athöfn og verður setningin með hefðbundnu sniði. Farið verður fylktu liði í skrúðgöngu frá Barnaskóla klukkan 20.00 og gengið niður á Týsvöll þar sem setningin fer fram. Reyndar verður tekið smá forskot á sæluna því fyrstu leikirnir verða leiknir fyrir setningu. Mótið í fyrra var með nokkuð öðru sniði en undanfarin ár, flokkunum var fækkað og dagskránni breytt. Þetta mæltist vel fyrir og nú verður þeirri vinnu sem þar var byrjað á, haldið áfram. Gísli Guðmundsson, handknattleiksmarkvörður með meiru, er mótsstjóri í ár eins og í fyrra. ''„Þetta verður örlítið stærra hjá okkur í ár en í fyrra. Við eigum von á 700 stelpum frá tíu félögum en liðin verða alls 58. Við fækkuðum um einn flokk í fyrra og erum núna með fjórða, fimmta og sjötta flokk. Svo eigum við að sjálfsögðu von á því að enn fjölmennari hópur aðstandenda láti sjá sig enda var almenn ánægja með mótið í fyrra. Sjálfum finnst mér frábært að fá tækifæri til að vinna í jafn góðu íþróttaumhverfi og er héma í Eyjum. Það er svo gaman að fá tækifæri til að hitta skemmtilegt fólk og þetta mót hefur alveg sérstakan sjarma yfir sér. Og svo eru Eyjamenn auðvitað snillingar í að halda svona mót, ég þarf ekkert að taka það fram,"'' sagði Gísli

=== '''Misjafnt gengi yngri flokkanna''' ===
Annar flokkur karla lék gegn Fylki þann 11. júní og fór leikurinn fram á Helgafellsvellinum. Leikurinn var fjörugur, alls voru skoruð sex mörk en því miður vora fjögur þeirra Fylkismanna. Lokatölur urðu því 2-4 en staðan í hálfleik var 2-3. Mörk ÍBV skomðu þeir Kevin Barr og Ivar Róbertsson.

Þriðji flokkur karla lék tvo leiki og fór þeir báðir fram á fastalandinu. Fyrst var leikið gegn Stjömunni og endaði sá leikur 0-0. Daginn eftir var svo leikið gegn FH í bikarkeppninni og fór leikurinn fram í Hafnarfirði. Heimamenn unnu leikinn 4-1 og því er ÍBV úr leik í bikamum þetta árið en mark ÍBV skoraði Einar Kárason.

Fimmti flokkur karla sína fyrstu leiki í Íslandsmótinu en þá komu FHingar í heimsókn. ÍBV teflir fram fjórum liðum í fimmta flokki. A liðið 3-3, B-liðið 3-3, C-liðið 1-5 en D-liðið 1-4.

Þriðji flokkur kvenna lék tvo leiki helgina 7-9 júní og fóru báðir fram á Stór-Reykjavíkursvæðinu. Á laugardaginn var leikið gegn Valsstúlkum og endaði leikurinn með sigri heimastúJkna 3-4. Á sunnudaginn mættu stelpurnar svo Stjömunni 0-6. Fjórði flokkur kvenna lék einnig tvívegis, fyrst gegn ÍR og svo gegn Fylki en viðureignirnar fóra fram í Reykjavík. í fjórða flokki kvenna era bæði A- og B-lið en A-liðið vann ÍR, gerði jafntefli 1-1 og Bliðið 5-0. A-liðið vann svo Fylki 0-0 og B-liðið 1-2.

=== '''ÍBV með þrjú gull og tvö silfur''' ===
Þrettánda pæjumóti ÍBV fór fram um miðjan júnímánuð en það er eitt stærsta knattspyrnumót sem haldið er ár hvert í kvennaboltanum. Um sjöhundruð þátttakendur voru mættir á Vöruvalsmótið sem virðist vera ná sér á strik aftur eftir að hafa verið á niðurleið árin áður. Þær breytingar sem núverandi mótstjórn gerði á mótinu í fyrra er að skila meirí umfjöllun um mótið sem gerir það eftirsóknarverðara fyrir stelpurnar. Mótið í ár tókst mjög vel, veðrið var ágætt mótsdagana og allt gekk samkvæmt áætlun. Framkvæmdin á mótinu var með svipuðu sniði og árið áður, flokkarnir voru þrír, fjórði, fimmti og sjötti flokkur kvenna og var keppt í A- og B-Iiðum í fjórða og sjötta flokki en í fimmta flokki bættust C-liðin við. Þó að fótboltinn hafi spilað stóra rullu í mótinu þá var séð til þess að varla liði sú mínúta hjá stelpunum þar sem þær höfðu ekki eitthvað fyrir stafni og meðal þess sem boðið var upp á var golfkennsla, stutter útreiðartúr, bátsferð, kvöldvaka, diskótek, frítt í sund og svo snæddu að sjálfsögðu allar stelpurnar saman í Höllinni. Þar fór einnig fram verðlaunaafhending en þar var gerð ein breyting á í ár, nú var ekki verðlaunað fyrir flest skoruð mörk og ekki ólíklegt að framkvæmdin við að telja saman mörkin hafi orðið til þess að þessum lið var sleppt. Annars voru fjölmörg verðlaun veitt í lok mótsins og voru ekki margir þátttakendur sem ekki fengu einhver verðlaun. Meðal annars voru veitt verðlaun fyrir prúðustu liðin, háttvísisverðlaun Visa og KSÍ, prúðustu leikmennirnir og þeir bestu í hverjum flokki fyrir sig.

Hápunkturinn var svo þegar tilkynnt var hver hlyti Lárusarbikarinn, sem er veittur þeim leikmanni sem þykir vera hvað efnilegastur. Það kom í hlut ungrar Skagastúlku, Thelmu Ýr Gylfadóttur enda vakti hún mikla athygli í mótinu. Í mótslok var ekki annað að sjá en að á hverju andliti væri bros á vör, bæði hjá stelpunum og forráðamönnum liðanna en það ættu að vera bestu þakkirnar sem þeir sem að mótinu koma fá.

'''Úrslit mótsins:'''

'''4. flokkur a-lið:'''

l.Breiðablik

2.ÍA

3. KA

'''4. flokkur b-lið:'''

l.Breiðablik

2.KA

3. Fram

'''5. flokkur a-lið:'''

1. ÍB V

2. Breiðablik

3. Fjölnir

'''5. flokkur b-lið:'''

l.ÍBV

2. Breiðablik

3. UMFA

'''5. flokkur c-lið:'''

l.ÍBV

2. Breiðablik

3. Fjölnir/Breiðablik 2

'''6. flokkur a-lið:'''

l.Breiðablik

2. ÍBV

3. FH/UMFA

'''6. flokkur b-Iið'''

l. FH

2.ÍBV

3. Breiðablik

'''Besti leikmaður 6. flokks:'''

Stefanía Valdimarsdóttir Breiðabliki

'''Besti leikmaður 5. flokks:'''

Ama Björk Guðjónsdóttir ÍBV

'''Besti leikmaður 4. flokks:'''

Thelma Ýr Gylfadóttir ÍA

'''Lárusarbikarinn:'''

Thelma Ýr Gylfadóttir ÍA

'''Prúðasti leikmaður 6. flokks:'''

Alexandra S. Sumarliðadóttir ÍB V

'''Prúðasti leikmaður 5. flokks:'''

Anna Þóra Hrólfsdóttir Fjölni

'''Prúðasti leikmaður 4. flokks:'''

Sara Hrund Ólafsdóttir Stjömunni

=== '''Gott gengi hjá öðrum flokki''' ===
Annar flokkur karla stóð sig vel í júní en það var þétt dagskrá hjá þeim. Alls spiluðu þeir fimm leiki og sigruður þrjá. Strákarnir byrjuðu þó á að tapa fyrir Fylki á heimavelli 2-4. Næsti leikur var gegn KA en sá leikur fór fram í miklu roki sem stóð á annað markið. Þrátt fyrir að sækja undan vindinum í fyrri hálfleik þá náðu strákarnir ekki að skora en fengu nokkur ágætis færi til þess. Í seinni hálfleik var jafnræði með liðunum framan af en undir lok leiksins þyngdist sókn ÍBV. Það var samt sem áður ekki fyrr en þegar komið var í uppbótartíma að dæmt var víti á KA menn sem mótmæltu harðlega en Kevin Barr tók spyrnuna og brást ekki bogalistin. IBV náði þar með í sinn fyrsta sigur í sumar.

Strákarnir sóttu svo Val heim en ÍBV sigraði leikinn 0-4 eftir að staðan hafði verið 0-2 í hálfleik. Mörkin skoruðu þeir Bjarni Rúnar, Kevin, Þorvaldur og Ivar Leifs. Þremur dögum síðar lék liðið svo á móti HK, einnig á útivelli en í þetta skipuð gekk ekki eins vel, strákarnir töpuðu leiknum 5-2 eftir að hafa verið 4-1 undir í hálfleik. Stefán Hauksson gerði bæði mörk ÍBV.

Síðasti leikur júní mánaðar var þegar Stjarnan kom í heimsókn. Strákarnir byrjuðu leikinn ekki vel og lentu tveimur mörkum undir. En varnarjaxlinn Einar Hlöðver Sigurðsson færði sig framar á völlinn og árangurinn lét ekki á sér standa, Einar skoraði þrjú mörk á stuttum tíma en fjórða mark ÍBVgerði Kevin Barr. ÍBVsigraði 4-2 og kom sér þar með upp í annað sæti B-riðils.

=== '''Yngri flokkar''' ===
3. flokkur karla lék tvívegis gegn Þór frá Akureyri en leikirnir fóru fram á Þróttaravelli til að spara liðunum ferðakostnaðinn. Fyrri leikurinn var heimaleikur IBV en sá síðari leikurinn fór fram daginn eftir. ÍBV tapaði fyrri leiknum 3-5 en jafntefli varð í seinni leiknum 2-2.

Fjórði flokkur karla lék gegn jafnöldrum sínum frá ísafírði um miðjan júní en þetta var annar leikur flokksins í sumar. Leikurinn fór fram í Eyjum en lítil gestrisni var sýnd í þessum leik, strákarnir unnu 8 - 1. Mörk ÍBV skoruðu Egill (4), Ellert, (3) og Valtýr.

Fjórði flokkur kvenna spilaði gegn FH en þar er keppt bæði í A- og B-liðum. A-liðið gerði sér lítið fyrir og vann leikinn 8-0. Mörk ÍBV Fanndís (5), Þórhildur,

Svava og Anna. B-liðið vann líka sinn leik en lokatölur þar urðu 6-3.

Mörkin skoruðu þær Kolbrún (3), Ingibjörg, Hafdís og Sara.

=== '''Í vandræðum gegn ungmennaliði''' ===
ÍBV tók á móti ungmennaliða FH en leikurinn átti upphaflega að fara fram í Hafharfirði en vegna vallaraðstæðna þar þágu FH-ingar boð ÍBV um að spila leikinn í Eyjum. Flestir áttu von á öruggum sigri IBV en annað kom upp á daginn og úrvalsdeildarliðið lenti í stökustu vandræðum með ferska Hafnfirðinga. ÍBV hafði þó sigur eftir framlengdan leik, 2-1 en sigurmarkið kom í seinni hálfleik framlengingarinnar. ÍBV spilaði í fyrsta sinn í varabúningunum í þessum leik en þeir virtust ekki færa liðinu mikla heppni. Eyjamenn sóttu fast að marki FH-inga á upphafsmínútunum og á fyrstu fimm mínútunum átti liðið tvo skalla í slá, fyrst Bjarni Geir Viðarsson og svo Gunnar Heiðar Þorvaldsson. Páll Hjarðar átti svo hörkuskalla sem var varinn en ÍBV náði ekki að skora og staðan í hálfleik 0-0. I seinni hálfleik sóttu leikmenn IBV áfram meira en gestimir . Þegar tæpur hálftími var eftir af leiknum skoraði svo Bjami Geir loksins fyrsta mark leiksins eftir ágæta fyrirgjöf Bjamólfs Lárussonar. Nú áttu flestir von á því að ísinn væri brotinn en Hafnfírðingar voru ekki á sama máli. Unglingarnir jöfnuðu svo leikinn níu mínútum síðar og allt galopið í leiknum. Staðan eftir venjulegann leiktíma var 1-1 og því þurfti að grípa til framlengingar. Þar var allt við það sama, IBV var meira með boltann án þess þó að skapa sér veruleg marktækifæri. Eftir 110 mínútna leik dró hins vegar til tíðinda þegar ÍBV fékk hom. Unnar Hólm Olafsson átti þá hörkuskalla að marki gestanna sem markvörður þeirra varði en Bjarni Geir fylgdi vel á eftir og skoraði sigurmarkið afstuttu færi.

=== '''Fyrstu stigin í höfn hjá stelpunum''' ===
Þann 12. júní tók kvennalið ÍBV á móti FH en fyrir leikinn skipuðu þessi lið tvö neðstu sæti deildarinnar. Sigur var liðinu lífsnauðsynlegur en það voru hins vegar gestimir sem komust yfir strax á fjórðu mínútu. En stelpurnar virðast allar vera að koma til, það liðu ekki nema tólf mínútur þar til IBV jafnaði leikinn en lokatölur urðu 5-2 fyrir ÍBV. Mörk IBV skoruðu þær, Bryndís Jóhannesdóttir 2, Margrét Lára Viðarsdóttir, Elena Einisdóttir og Lára Dögg Konráðsdóttir.

=== '''Vantar fleiri æfingasvæði''' ===
Grasvellirnir í Vestmannaeyjum komu seinna til í ár en áður og er sökudólgurinn kuldakastíð sem herjaði á landið í vor. Vallarstarfsmönnum tókst hins vegar vel upp með þrjá af fjórum völlum bæjarins en sá fjórði, Helgafellsvöllur lítur mjög illa út og er nánast ónýtur. Sindri Valló Grétarsson sagði í samtali við Fréttir aðtílstæði að loka Helgafellsvellinum í ákveðinn tíma. „Við þurfum að sá í Helgafellsvöllinn og gefa honum smá hvíld. Við hefðum getað náð honum betri í vor ef við hefðum vatn til að vökva hann en við komumst hvergi í það þarna upp frá. Það er reyndar í athugun núna hvort hægt sé að leggja vatn að vellinum en það er mjög vont að þurfta treysta á að það rigni, sérstaklega á vorin þegar við erum að sá í vellina þá ber það engan árangur ef það er þurrt. Annars er það mín skoðun að æfingasvæði fyrir knattspyrnuna eru alltof lítíl, á Helgafellsvellinum eru fimm lið og flokkar með fullorðnu fólki, meistaraflokkur og annar flokkur karla og kvenna og svo KFS og völlurinn þolir það bara ekki. Týs- og Þórsvöllurinn eru svo undir yngstu krakkana og bæði mótín. Hásteinsvöllur er svo keppnisvöllur bæjarins en hann væri ekki svona góður ef það væru stanslausar æfingar á honum."

=== '''ÍBV leikur áfram á Hásteinsvelli''' ===
Í bæjarblaðinu Fréttum kom fram í byrjun júní að KSÍ hefði dregið keppnisleyfi fyrir Hásteinsvöllinn til baka en áður höfðu sömu aðilar sett völlinn í Bflokk, sem uppfyllti kröfur um keppni í efstu deild. Þess í stað var völlurinn felldur niður í D-flokk en það þýddi að aðeins mætti keppa á vellinum í 2. deild karja og benu því allt til þess að leikur ÍBV gegn KR væri kveðjuleikur karlaliðsins á Hásteinsveíli. Nú hefur þetta breyst því að Ásmundur Friðriksson, formaður stjómar knattspyrnudeildar ÍBV, hefur upplýst að náðst hafi samkomulag við KSÍ um að ÍBV fái að ljúka keppnistímabilinu á Hásteinsvelli. Hvað síðan tekur við að því loknu er enn óljóst.

=== '''Stig fyrir norðan''' ===
19. júní heimsótti ÍBV Þór frá Akureyri. ÍBV var mun betri aðilinn í leiknum, sérstaklega í upphafi leiksins þegar heimamenn komust ekkert áleiðis gegn sókndjörfum Eyjamönnum. IBV hefði með réttu átt að skora eitt mark fyrstu fimmtán mínúturnar en þegar það gekk ekki dró dálítið af Eyjamönnum. Staðan í hálfleik var 0-0 en það var ekki langt liðið á seinni hálfleikinn þegar Tómas Ingi Tómasson fann leiðina í markið. Þá átti hann fast skot sem markvörður Þórs varði en Tómas fylgdi vel á eftir og skoraði úr annari tilraun. Heimamenn náðu smápressu á mark IB V eftir þetta sem endaði með því að heimamenn jöfnuðu leikinn á 62. mínútu. Eftir það áttu leikmenn ÍBV hættulegri færi, lokatölur 1-1.

=== '''Liðsstyrkur í handboltanum''' ===
Tvær austurrískar landsliðskonur í handknattleik hafa gengið til liðs við IBV fyrir næsta keppnistímabil. Um er að ræða 27 ára leikstjórnanda sem heitir Sylvia Strass en hún lék síðast með SG Hessen Hersfeld í Þýskalandi. Hin heitir Birgit Engl, er 23 ára skytta og lék síðast á Spáni. Ennfremur hafa Eyjastúlkur tryggt sér Iiðstyrk Öllu Gorgorian sem undanfarin ár hefur leikið með Gróttu/KR. Enn er allt óvíst með þjálfaramál hjá stelpunum, en Erlingur Richardsson sem þjálfaði liðið í fyrra hefur tekið við karlaliði ÍBV.

=== '''Auðvcldur sigur á toppliðinu''' ===
ÍBV tók á móti KR í fyrsta leik sjöundu umferðar Símadeildarinnar. Fyrir leikinn var KR í efsta sæti deildarinnar á meðan ÍBV sat í því neðsta. Liðið sýndi takta sem ekki hafa sést þetta sumarið og eftir slaka byrjun á Islandsmótinu er loksins kominn byr í seglin og uppskeran var 3 - 0 sigur. Leikurinn var hin besta skemmtun en jafnræði var með liðunum í fyrri hálfleik. Bæði lið fengu sín færi, KR-ingar kannski hættulegri en engu að síður var leikurinn jafn. Eina mark fyrri hálfleiksins kom svo eftir varnarmistök gestanna, Gunnar Heiðar vann þá boltann og sendi á Tómas Inga sem afgreiddi boltann glæsilega í fjærhornið. Seinni hálfleikur fór vel af stað fyrir ÍBV, Sigurður Ragnar Eyjólfsson, starfsmaður KSÍ og framherji KR-inga, braut þá klaufalega af sér og uppskar beint rautt spjald. Eftirleikurinn var leikmönnum IBV auðveldur, liðið lék skynsamlega það sem eftir lifði leiks, lá aftarlega og beitti svo stórhættulegum skyndisóknum sem skiluðu tveimur mörkum frá þeim Bjarnólfi Lárussyni og Gunnari Heiðari.

Hlutverk Hlyns Stefánssonar verður seint metið til fulls, þó að hann hafi oftar verið meira áberandi í leik liðsins þá var það öllum ljóst á vellinum hver stjórnaði leiknum og það er það sem IBV hefur vantað. Hlynur sagði í samtali við Fréttir eftir leikinn að það hefði verið einstaklega ánægjulegt að klæðast aftur treyju ÍBV. ''„Þetta var bara frábær tilfinning að koma inn í liðið aftur. Þetta byrjar náttúrulega á toppleik, KR sem hafði fyrir leikinn bara fengið á sig fjögur mörk. Mér fannst við ráða ferðinni, vorum kannski dálítið óöruggir fyrstu mínúturnar en okkur óx ásmegin eftir því sem leið á. Við skoruðum markið á mjög góðum tímapunkti, í kjölfarið engu þeir svo rautt spjald í upphafi seinni hálfleiks sem gerði varnarvinnuna okkar auðveldari. Við náðum upp góðu spili, bakverðirnir voru duglegir að sækja en svo má ekki gleyma þætti áhorfenda. Stuðningurinn í þessum leik gaf liðinu þann kraft sem við þurftum á að halda í upphafi þannig að það hefur mikið að segja ef fólk mætir á völlinn. Oft veltir lítil þúfa þungu hlassi þannig að við skulum vona að það verði bara áframhaldandi velgengni hjá okkur,"'' sagði Hlynur.

=== '''ÍBV mætir einu stærsta knattspyrnufélagi Svía''' ===
Í júní var dregið í fyrstu umferð forkeppni Evrópukeppni félagsliða en þar er liðum skipt í tvo hópa, efri og neðri hóp þar sem árangur viðkomandi þjóða telur. IBV lenti í neðri hópnum og telst því lakara Iiðið en mótherjinn er sænska úrvalsdeildarliðið AIK Solna í Stokkhóhni. Samkvæmt drættinum átti ÍBV að leika fyrri leikinn á heimavelli en þar sem Fylkismenn leika sinn heimaleik á sama tíma var ákveðið að víxla leikjunum þannig að ÍBV byrjar á útivelli. Leikirnir fara fram 15. Og 29. ágúst AIK er eitt elsta félagið í Svíðþjóð en félagið var stofnað 1891 en knattspyrna hefur verið stunduð þar síðan 1896. AIK hefur alltaf verið í Allsvenskan síðan sú deild var stofnuð árið 1924 fyrir utan þrjú tímabil.

=== '''Jákvæð vika að mestu''' ===
Þriðji flokkur karla lék gegn Þrótti Reykjavík í Eyjum fimmtudaginn 20. júní. Leikurinn var heldur betur fjörugur en Eyjapeyjar áttu ekki í vandræðum með gestina enda unnu þeir 5-1.

Fjórði flokkur karla lék gegn Gróttu en leiknum hafði nokkrum sinnum verið frestað. Eftir jafnan fyrri hálfleik þar sem staðan var 1-1 í hálfleik tóku Eyjapeyjar öll völd á vellinum, skoruðu fjögur mörk í seinni hálfleik og unnu því 5-1.

Fimmti flokkur karla lék tvo leiki helgina 21-23 júní en þar eru A-, B-, C- og

D-lið. Fyrst var leikið gegn Víkingum en báðir leikirnir fóru fram á fastalandinu. A- og B-liðin sigruðu bæði 0-2 en C- og D-liðin töpuðu hins vegar 3-1. A sunnudeginum

var svo farið upp á Skipaskaga þar sem leikið var gegn heimamönnum. ÍBV tapaði öllum leikjunum þar, Aliðið 0-3 , B-liðið 6-1 (Hjálmar Viðarsson), C-liðið 4-l(Ásgeir Ingimarsson), D-liðið 5-2 (Ingi Þór Þórarinsson).

Fjórði flokkur kvenna lék gegn HK en þar eru bæði A- og B-lið. Bæði lið sigruðu í sfnum leikjum, A-liðið 6-2 og B liðið 4-2.

=== '''Sæti á Hásteinsvöll fyrir Evrópuleikinn í ágúst?''' ===
Eyjamenn keppa í forkeppni Evrópu í knattspyrnu í ágúst gegn sænska liðinu AIK Solna. Aðbúnaðurinn á Hásteinsvelli er ekki til þess fallinn að hægt verði að keppa heimaleikinn í Eyjum þar sem sæti vantar í nýju stúkuna. Forystumenn knattspyrnudeildar ÍBV leituðu til bæjaryfirvalda um lausn á málinu. Um er að ræða sæti fyrir allt að 560 manns. Samkvæmt upplýsingum frá KSÍ þarf að vera komin ákvörðun um málið fyrir 9. júlí nk. þar sem þá rennur út frestur KSÍ að tilkynna á hvaða velli leikurinn fer fram. Hásteinsvöllurinn hefur verið talsvert í umræðunni að undanförnu og það ekki af góðu enda hefur KSI afturkallað keppnisleyfi vallarins vegna girðingar sem ekki er komin upp vestan megin við völlinn. Eftir talsvert þjark bakkaði KSÍ þó með ákvörðun sína og um samdist að ÍBV fær að klára þetta tímabil á vellinum gegn því að málið yrði klárað fyrir upphaf næsta tímabils. Umhverfisnefnd Vestmannaeyjabæjar hafnaði aftur á móti erindi ÍBV-íþróttafélags um leyfi til að setja umrædda girðingu upp á fundi sínum 26. júní sl. þar sem um væri að ræða verulega sjónmengun að mati allra nefndarmanna nema Huldu Sigurðardóttur sem sat hjá við afgreiðslu málsins. Málið er því í nokkurri óvissu eins og er. Bæjarráð tók fyrir uppsetningu sætanna á fundi sínum á mánudag þar sem það var samþykkt að gera ráð fyrir allt að einni og hálfri milljón í endurskoðaðri fjárhagsáætlun bæjarsjóðs til kaupa og uppsetningar 540 - 560 sæta í áhorfendastúkuna. Stólarnir eru sömu gerðar og á Laugardalsvelli og Grindavíkurvelli. „Fjárveitingin er háð því að samkomulag takist milli ÍBV íþróttafélags og KSÍ um að Hásteinsvöllur uppfylli öll skilyrði KSÍ og jafnframt verði fallið frá kröfu um sérstaka girðingu sunnan vallarsvæðisins, en fyrir liggur rökstudd höfnun umhverfisnefnda.

=== '''Vel heppnað Shellmót''' ===
Allsherjar knattspyrnuveisla var á árlegu Shellmóti sem nú fór fram í 19. sinn. Þarna voru komnir saman strákar í sjötta flokki frá öllum landshlutum til að etja kappi á vellinum, skemmta sér og kynnast hver öðrum. Það var ekki annað að sjá á lokahófinu á sunnudaginn en mótshöldurum hafi tekist vel upp í ár, eins og reyndar undanfarin nítján ár. Veðrið hefur alltaf mikið að segja um það hvernig tekst til og veðurguðirnir voru hliðhollir mótshöldurum nema á sunnudaginn þegar hann blés af austri en strákarnir létu það ekki á sig fá. Þátttakendur í mótinu voru um 1200, leikmenn, þjálfarar og fararstjórar. Þá fylgdi fjöldinn allure af foreldrum með og er ekki ólíklegt að í heildina hafi verið hér rúmlega tvö þúsund manns. í ár var tekin ákvörðun um það að setningin færi framvegis fram á fimmtudagskvöldinu en fyrstu leikirnir fóru fram á fimmtudagsmorgninum. Setningin hitti beint í mark eins og alltaf, listflugið og flugeldasýningin eru alltaf vinsæl meðal krakkanna og knattspyrnuleikurinn þar sem Stjörnulið Ómars og Slökkviliðið áttust við var mjög vel heppnaður þetta árið.

Njarðvík sigraði í úrslitaleik A liða eftir stórskemmtilegan leik 3-1 gegn FH. Hjá B-liðum sigruðu hins vegar FH-ingar, í Cliðum voru það Fylkismenn sem sigruðu ÍBV í úrslitaleik og í D liðum voru það Njarðvíkingar sem stóðu uppi sem sigurvegarar. Eyjaliðunum gekk ágætlega í mótinu. C-liðið náði frábærum árangri og spilaði til úrslita gegn Fylki. A-lið ÍBV endaði í þriðja sæti í innimótinu en í fjórða sæti í sínum riðli. B-Iiðið endaði í þriðja sæti í sínum riðli en í keppni D-liða sendi IBV tvö lið þar sem annað liðið var sem gestalið en hitt liðið lenti í fjórða sæti. I ár var aðeins spilað um átta efstu sætin en þau lið sem enduðu þar fyrir neðan spiluðu svokallaða jafningjaleiki en þar töpuðu A-Iiðið og annað Dliðið sínum leikjum en B-liðið og hitt D-liðið unnu sína leiki.

Hjá ÍBV er nýr yfirþjálfari í knattspyrnu, en hann heitir Halldór Örn Þorsteinsson.Auk þess að hafa yfirumsjón með starfi yngri flokkanna þjálfar hann sjötta, fimmta og fjórða flokk karla. Halldór sagði í samtali við Fréttir að í heild væri hann mjög ánægður með árangur Eyjaliðanna. Halldór hefur nokkra reynslu af Shellmótum en þetta var ekki fyrsta mótið hans. ''„Ég held að þetta sé fjórða mótið mitt en ég kom hingað með Fylki 1994 til 1996. Það er auðvitað dálítið öðruvísi að vera með Eyjastrákana í mótinu heldur en að koma með lið ofanaflandi. Það er allt önnur vinna'' ''að halda utan um hópinn, við gistum auðvitað ekki í skólunum og við treystum meira á foreldrana við það að koma strákunum tímanlega í þá viðburði sem þeir eiga að mæta í."'' Ertu sáttur við gengiþinna liða?

''„ Já, ég held að ég geti sagt að ég sé þokkalega sáttur við okkar gengi í mótinu. Keppnin í A-liðum var t.d. mjög jöfh í ár, fyrir utan átta efstu liðin voru líklega ein sex lið sem hefðu getað unnið mótið, einn tapleikur og þá eru menn komnir í vond mál. Við áttum t.d. slæman tíu mínútna kafla á móti Gróttu, vorum yfir 4-1 yfir þegar tíu mínútur voru eftir en töpuðum 5-4. Þar með var von um að komast í úrslit nánast úr sögunni. B-liðið var mjög nálægt því að komast í átta liða úrslit sem var markmið okkar með öll liðin. C-liðið stendur auðvitað svolítið upp úr þegar maður skoðar árangurinn. Þeir unnu innimótið og lenda svo í öðru sæti í aðalmótinu en í C- og D liðunum voru aðallega strákar á yngra ári. Þannig að þetta lítur ágætlega út en auðvitað megum við ekki setja of mikla pressu á strákana þannig að við skulum bara bíða og sjá til."''

=== '''Magalending á Skaganum''' ===
Eftir góðan sigur á KR á heimavelli voru stuðningsmenn ÍBV nokkuð bjartsýnir á hagstæð úrslit þegar karlaliðið mætti neðsta liði deildarinnar, ÍA á heimavelli þeirra. Til að gera langa sögu stutta þá átti IBV aldrei möguleika í leiknum. Skagamenn skoruðu eftir aðeins tæpar tvær mínútur og má segja að þar með hafi neistinn verið slökktur í Eyjamönnum. Skagamenn skoruðu svo þrisvar sinnum í viðbót áður en að Gareth Graham svaraði fyrir IBV á lokamínútu leiksins. ÍBV situr nú á botni deildarinnar með átta stig eins og Skagamenn.

'''Yngri flokkar'''

Annar flokkur kvenna lék í lok júní gegn Breiðablik íKópavogi. Leikurinn endaði með stórsigri Blikanna, 7-0 en staðan í hálfleik var 1-0. Þetta var aðeins annar leikur liðsins í sumar en báðir hafa tapast.

Þriðji flokkur kvenna spilaði tvo leiki um helgina og tapaði stórt. Fyrst var leikið gegn Fjölni og þar steinlá IBV 10-2 en mörkin gerðu Arna Baldursdóttir og Tanja Sigurjónsdóttir. Seinni leikurinn var svo gegn KR, hann hann tapaðist 7-0 en báðir leikirnir fóru fram í Reykjavík.

== '''JÚLÍ''' ==

=== '''Stelpurnar ekki i Evrópukeppni''' ===
Meistaraflokkur ÍBV kvenna í handknattleik vann sér inn rétt til að taka þátt í Evrópukeppni bikarhafa næsta vetur. Nú hefur verið tekin ákvörðun um að taka ekki þátt í Evrópukeppninni í ár. Þorvarður Þorvaldsson, formaður handknattleiksráðs kvenna sagði að fyrst og fremst væri ástæðan sú hversu breyttur leikmannahópurinn er''. „Við höfum gengið í gegnum miklar breytingar og það tekur alltaf tíma að slípa liðið saman. Evrópukeppnin byrjar snemma en við viljum frekar einbeita okkur að uppbyggingu á liðinu frekar en að fara út í mikil fjárútlát vegna Evrópukeppni. Svo er líka þreföld umferð í Íslandsmótinu sem þýðir 27 leiki bara í deild og svo bætist við bikar og úrslitakeppni og okkur finnst það alveg nóg."''

Unnur Sigmarsdóttir hefur verið ráðin þjálfari meistaraflokks kvenna í handbolta en liðið varð bikarmeistari á síðastliðnu keppnistímabili. Unnur spilaði með IBV á árum áður og hefur þjálfað yngri flokka í handbolta í mörg ár ásamt því að að taka virkan þátt í starfi meistaraflokks. Unnur tekur við af Erlingi Richardssyni, sem nú hefur tekið við karlaliði ÍBV.

=== '''Margrét Lára í U- 17''' ===
Í byrjun júlí fór fram Norðurlandamótið í knattspyrnu skipað stúlkum 17 ára og yngri. Eyjamenn eiga einn fulltrúa í íslenska liðinu, Margréti Lára Viðarsdóttur. Stelpurnar náði sínum besta árangri til þessa á Norðurlandamóti. Margrét Lára, lék alla leiki liðsins og lék stórt hlutverk með liðinu. Íslenska liðið spilað gegn Hollandi um þriðja sætið og vann leikinn 2-0.

=== '''Þrjúhundruð einstaklingar koma að Vöruvals- og Shellmótum''' ===
Í síðasta mánuði hefur ÍBV-íþróttafélag haldið hér tvö stór knattspyrnumót Vöruvalsmótið og Shellmótið. Bæjarlífið hér breyttist gífurlega, á þessi mót koma hér um þrjú þúsund manns og það rúmlega, verslun og þjónusta eykst og bærinn iðar.

En til að halda svona stór mót sem hér eru í gangi þurfum við að hafa aðgang að fjölmörgum sjálfboðaliðum og góða styrktaraðila. Shellmóts- og Vöruvalsnefndir taka til starfa snemma á vorin og byrja að skipuleggja mótin, senda út þátttökutilkyningar, finna styrktaraðila og huga að öllu sem viðkemur mótunum. Kvennadeild IBV-íþróttafélags kemur að báðum mótum og skila þær míklu starfi tíl félagsins, þær sjá um að manna vaktir í skólum, þrif í skólum og félagsheimilum, verslanir sem eru starfræktar í Týs- og Þórsheimili og annað sem fellur til. Eftir að hafa fylgst með þessum tveimur mótum og sjá hvað mikið starf er unnið getur maður ekki annað en dáðst að þeirri miklu og óeigingjörnu vinnu sem fólk leggur á sig og það besta er að það hafa allir gaman af þessu sem gerir þetta að svo góðum mótum sem þau eru.

Því vil ég fyrir hönd ÍBV-íþróttafélags þakka öllum þeim sem koma að mótunum, Shell- og Vöruvalsnefnd, Kvennadeildinni, tölvu og blaðaútgáfu, þrifafólki, starfsfólki í mötuneyti, dómurum, gæslumönnum í skólum, starfsfólki í félagsheimilum svo eitthvað sé nefnt því það eru um 300 einstaklingar sem koma að þessum mótum. Enn og aftur, hafið þakkir fyrir, sama hver vinnan er, því margt smátt gerir eitt stórt. Og nú fer að styttast í þjóðhátíð og þar koma líka margir sjálfboðaliðar að, þjóðhátíðarnefhd, málningargengi, vita (svartagengið) gengið, myllan, hofið, einingin og aðrir.

Með fyrirfram þökk fyrir ykkar vinnu og stuðninginn við okkar félag.

F. h. ÍBV- íþróttafélags, Óskar Freyr Brynjarsson.

=== '''Létu hendur standa fram úr ermum''' ===
ÍBV-strákarnir sitja ekki auðum höndum og eru nú að rífa Baldur VE 24, elsta bát íslenska flotans. Þetta er liður í fjáröflun strákanna sem grípa hvert tækifæri sem gefst til að afla sér peninga. Um Baldur er það að segja að Sigurmundur Einarsson, ferðafrömuður, hafði augastað á bátnum fyrir hvalaskoðun en eftir að gerð var úttekt á ástandi Baldurs var ljóst að viðgerð borgaði sig ekki.

=== '''Gerðu það sem þurfti''' ===
ÍBV tók á móti Þrótti frá Reykjavík í sextán liða úrslitum Coca Cola bikarsins þann 3. júlí. ÍBV byrjaði af miklum krafti og eftir tæpar átján mínútur var staðan orðin 2-0 fyrir ÍBV. Það urðu svo lokatölur leiksins og í átta liða úrslitum mun ÍBV mæta öðru 1. deildarliði, Leiftur/Dalvfk. Mörk ÍBV skoruðu þeir; Gunnar Heiðar Þorvaldsson og Bjarni Geir Viðarsson.

=== '''Slakt á Esso-mótinu''' ===
Helgina 5-7 júlí var haldið hið árlega Essomót á Akureyri sem er knattspyrnumót fyrir drengi í fimmta flokki. Mótið er svipað umfangs og Shellmót okkar Eyjamanna.

ÍBV átti sína fulltrúa á mótinu og var árangur liðanna ekki sem bestur. A-liðið náði bestum árangri, níunda sæti en B-, C- og D-liðin voru öll í hópi neðstu liða.

Halldór Öm Þorsteinsson þjálfari drengjanna var ekki nógu ánægður með árangurinn. ''„Félag eins og IBV á ekki að sætta sig við að eiga lið í 25., 27. og 30. sæti af 36 liðum. Þetta var mjög slakt hjá okkur fyrir norðan, reyndar náði A-liðið ágætum árangri og þeir voru í raun óheppnir að ná ekki lengra. Mótið snýst auðvitað um meira en árangur og við skemmtum okkur ágætlega. Esso-mótinu hefur vaxið fiskur um hrygg á undanfömum árum og er að verða stærra en Shellmótið, það er að segja fleiri þáttakendur. Þetta er öðruvísi upp sett, liðin spila fleiri leiki og það er meiri harka enda strákamir orðnir stærri og sterkari."''

=== '''Sæti á Hásteinsvöll''' ===
Nú hefur fengist staðfest að ráðist verður í að setja sæti við Hásteinsvöllinn, 540 talsins svo að ÍBV fái að spila Evrópuleik sinn gegn AIK á vellinum. Ásmundur Friðriksson, formaður knattspyrnudeilar var að stíga út af fundi með forráðamönnum KSÍ á þriðjudaginn þegar Fréttir náðu tali af honum. Hann sagði að Hásteinsvöllur hefði aftur fengið sitt upprunalega keppnisleyfí. ''„Við ræddum þessi mál í rólegheitum og nú er komin niðurstaða. Við fáum þann frest sem við höfðum fyrir keppnistímabilið í sambandi við girðinguna og völlurinn hefur því keppnisleyfi til 2005. Um leið og þetta var klárt þá sendum við inn keppnisleyfi til UEFA um að fá að nota völlinn í leiknum gegn AIK og það eru meiri líkur en minni að það gangi í gegn.''

''Það er búið að panta sætin þannig að þetta verður allt orðið klárt þegar við tökum á móti Svíunum í ágúst."''

=== '''Gunnar Heiðar i úrvalið''' ===
KSÍ hefur tekið upp þá nýbreytni að verðlauna þá leikmenn, þjálfara og dómara sem hafa staðið sig best í upphafi Islandsmótsins. Það eru blaðamenn sem standa fyrir valinu og verður kosið þrívegis, fyrir umferðir 1 ti 6,7 til 12og l3 til 18.

Einn leikmaður ÍBV kemst í þennan úrvalshóp, Gunnar Heiðar Þorvaldsson, framherjinn ungi, er í úrvalsliðinu enda hefur hann spilað mjög vel í upphafí sumarsins, skoraði m.a. fjögur mörk í fyrstu sex umferðunum og er á meðal markahæstu leikmannanna. Annar Eyjamaður, Sigurvin Ólafsson var einnig valinn í úrvalsliðið og gott betur því hann var einnig kosinn leikmaður fyrstu sex umferðanna en hann meiddist í bikarleiknum gegn KFS og er úr leik í nokkum tíma.

=== '''Sigur í flestum leikjum yngri flokkanna''' ===
Yngri flokkarnir voru fyrirferðarmiklir í byrjun júlí. 2. flokkur karla tók á móti ÍR í bikarkeppninni en leikurinn var í sextán liða úrslitum. Leikið var við frábærar aðstæður á Hásteinsvellinum, logni og góðu veðri. Mikil barátta var í leiknum en ÍBV var yfir 1 - 0 í hálfleik. Gestirnir komust hins vegar yfir í seinni hálfleik 1-2 en í kjölfarið fylgdu fjögur Eyjamörk og unnu strákarnir því leikinn 5-2. í átta liða úrslitum eiga strákarnir erfiðan útileik en þá mæta þeir Leikni úr Reykjavfk en liðin hafa áður mæst í sumar og gerðu þá jafntefli á Helgafellsvellinum í B-riðli Islandsmótsins. Þriðji flokkur karla lék gegn Leikni og fór leikurinn fram í Reykjavfk. Strákamir stóðu sig vel, skoruðu fjögur mörk á útivelli og unnu 0-4. Fjórði flokkur karla lék gegn Selfossi og fór leikurinn fram hér í Eyjum. Strákarnir unnu Selfyssinga með minnsta mögulega mun, 2-1 og skoraði Ellert Scheving Pálsson bæði mörk liðsins, svo var leikið í Keflavfk og var sú ferð ekki til fjár, strákarnir töpuðu 6-3. 3. flokkur kvenna lék gegn FH, en leikurinn fór fram hér í Eyjum. ÍBV fór létt með Hafnfirðingu og vann 4-1. Stelpurnar tóku svo á móti Breiðablik en blikastúlkur fóru létt með heimaliðið og unnuleikinn 1-6.

=== '''Mikið pantað á þjóðhátíð''' ===
Í aðdraganda Þjóðhátíðar tóku Fréttir púslinn á flutningsaðilum og virðist stefna í að aðsókn á hátíðina verði svipuð og í fyrra. Hjá Flugfélagi Vestmannaeyja fengust þær upplýsingar að uppselt er í ferðir til Eyja á föstudeginum og til baka á mánudeginum og bókanir langt komnar á fimmtudeginum, en þó eitthvað laust fyrri part i dags. Arnór Páll Valdimarsson hjá Flugfélagi I Vestmannaeyja sagði að fjöldin væri svipaður og í fyrra. „Þó eru pantanir nokkuð fyrr á í ferðinni nú en í fyrra og við höfum tekið upp það nýmæli að vera með staðfestingagjald sem vonandi skilar sér í betri nýtingu, en nokkuð var um það í fyrra að vélarnar okkar þurftu að bíða lengi eftir farþegum á Bakka og talsvert var um forföll." Arnór segir þó að þrátt fyrir góðar likur hjá þeim séu það veðurguðirnir sem eigi síðasta orðið. Samkvæmt upplýsingum frá Pétri Hafliðasyni sem sér um innanlandsflug Islandsflugs eru sjö ferðir áætlaðar á fimmtudeginum og þrettán ferðir á föstudeginum. Að mestu verður flogið með ATR vél íslandsflugs, Heimaey en einnig eru einhverjar ferðir fyrirhugaðar með Dornier vélum íslandsflugs. Þá mun Flugfélag íslands fara einhverjar ferðir á Fokker vélum sínum og nú þegar eru tvær fyrirhugaðar á föstudeginum. Einhver sæti eru laus á fimmtudeginum en á föstudeginum er fullt í allar vélar nema í þá síðustu á föstudagskvöld. Björgvin Arnaldsson framkvæmdastjóri Samskipa í Vestmannaeyjum sagði í samtali við Fréttir að í vikunni fyrir þjóðhátíð væru rúmlega 3100 manns bókaðir til Eyja í tíu ferðum frá mánudegi til föstudags og er það um sextíu og fimm prósent af flutningsgetu skipsins á tímabilinu. I gær féllu úr gildi óstaðfestar pantanir og verður byrjað í dag að selja í þau sæti sem hafa losnað. Björgvin segir bókanir í svipuðu farvatni og í fyrra en mikið væri spurt um fartil Eyja um verslunarmannahelgina.

=== '''Ótrúlegt framferði að tilkynna hækkun rétt fyrir þjóðhátíð''' ===
Ákvörðun dómsmálaráðherra um aukinn hlut þeírra sem standa fyrir útihátíðum í löggæslukostnaði bitnar hart á þjóðhátíð. Þetta kom eins og þruma úr heiðskíru lofti yfir þjóðhátíðarnefnd sem hafði gengið út frá allt öðrum forsendum í áætlunum sínum. ''„Þetta er alveg ótrúlegt framferði að skella hækkuninni fram svona rétt fyrir þjóðhátíð,"'' sagði Birgir Guðjónsson, formaður þjóðhátíðarnefndar, í samtali við Fréttir. ''„Það er ekki eins og við höfum ekki borgað í löggæslukostnaði til þessa. Í fyrra þurftum við að borga 1800 þúsund vegna lögreglu. Nú er gert ráð fyrir að löggæslan kosti 4,5 milljónir í ár og af því eigum við að borga tvo þriðju eða 3 milljónir króna."'' Birgir segir að í fyrra hafi komið 11 lögreglumenn af fastalandinu og auk þeirra tveir fíkniefnalögreglumenn og tveir hundar. Lögreglumenn í Vestmannaeyjum eru 11 þannig að í allt voru a.m.k. 22 lögreglumenn að störfum á þjóðhátíðinni og 70 til 80 gæslumenn. ''„Þessi leynipóstur frá ráðuneytinu kemur okkur mjög illa en mér finnst að það ætti frekar að verðlauna okkur fyrir að vera með allt á þurru. Ætli það láti ekki nærri að gæsla kosti okkur 6 milljónir og þegar bætast við virðisaukaskattur og stefgjöld er skattheimta á þjóðhátíðina orðin nálægt 10 milljónum króna. En frú Sólveig Pétursdóttir dómsmálaráðherra vill kannski frekar sms-hátíðir þar sem krakkarnir koma saman eftirlitslaust,"'' sagði Birgir að lokum.

Bæjarráð hefur samþykkt að skipa nefnd til að ræða við dómsmálaráðuneytið um málið.

=== '''-Ekki landsbyggðaskattur''' ===
Sólveig Pétursdóttir dómsmálaráðherra segir að fréttaflutningur af löggæslukostnaði á útihátíðum hafi verið skrýtinn og að þarna sé um landsbyggðarskatt að ræða sé af og frá. ''„Fram til ársins 1999 borguðu mótshaldarar allan aukakostnað vegna löggæslu en þá var stofnaður sjóður sem borgaði hluta kostnaðarins. Því miður eru ekki nema 7,5 milljónir í þessum sjóði í ár og þar verður að gæta jafnræðis. Sjóðurinn var stofnaður til að gera minni lögregluumdæmum út um land kleift að halda uppi löggæslu á útihátíðum á sínum svæðum. Lögreglan í Reykjavík hefur aldrei fengið úthlutað úr sjóðnum en hún hefur gert þeim sem staðið hafa fyrir skemmtunum í Reykjavík að greiða fyrir aukna löggæslu. Það er því alrangt að hækkun á löggæslu vegna verslunarmannahelgarinnar nú sé landsbyggðarskattur. Málið er, að það eru ekki til meiri peningar,"'' sagði Sólveig.

=== '''Komust af botninum''' ===
ÍBV lék tvo heimaleiki á stuttum tíma um miðjan júlí, fyrst gegn FH og svo gegn KA. Leikurinn gegn FH var ágætlega leikinn af hálfu ÍBV, sérstaklega fyrri hálfleikur en í seinni hálfleik var farið að draga verulega af leikmönnum ÍBV. Eyjamenn sigruðu með tveimur mörkum gegn engu og náðu þar með að rífa sig upp af botni deildarinnar. Mörk ÍBV skoruðu þeir Bjarni Geir Viðarsson og Gunnar Heiðar Þorvaldsson. Ekki gekk eins vel á móti KA þar sem IBV mátti þakka fyrir jafntefli eftir að hafa verið miklu betri aðilinn í fyrri hálfleik en ÍBV missti af gullnu tækifæri á að slíta sig enn frekar frá botnbaráttunni og jafnvel blanda sér í baráttu um efstu sætin. IBV byrjaði leikinn ágætlega og náðu leikmenn fljótlega undirtökunum í leiknum. Leikurinn var annars nokkuð harður, sérstaklega í fyrri hálfleik. IBV komst yfir á 26. mínútu þegar liðið fékk aukaspyrnu rétt fyrir utan vítateig gestanna. Bjarnólfur Lárusson var hins vegar ekkert að tvínóna við hlutina, lét vaða á markið og inn fór hann. Boltinn hafði reyndar viðkomu í varnarmanni en engu að síður glæsilegt mark. I seinni hálfleik freistuðust leikmenn liðsins til þess að verja stigin þrjú eins og gegn FH en það bauð hættunni heim. Til marks um hversu slakur sóknarleikur liðsins var þá átti ÍB V aðeins einn skalla að marki KA í seinni hálfleik og ekkert skot, sem hlýtur að teljast saga til næsta bæjar. Svo fór að KA menn jöfnuðu leikinn fimmtán mínútum fyrir leikslok. Niðurstaðan varð því jafntefli sem í heildina séð voru líklega sanngjörn úrslit.

=== '''Ingi Sigurðsson bætti leikjamet ÍBV''' ===
Ingi Sigurðsson bætti leikjamet ÍBV í leiknum gegn KA en þá spilaði hann 190. leik sinn í deildarkeppni með IBV en fyrra metíð átti Þórður Hallgrímsson. Nú er bara að sjá hvort Ingi nær 200 leikjum en hann á aðeins möguleika á að ná 199 leikjum á þessu tímabili.

=== '''4. flokkur kvenna''' ===
Liðið þrjá leiki á einni viku. Stelpurnar spiluðu við Grindavík, Hauka og Fjölni. Fyrstu tveir leikirnir gengu ekki sem best á útivelli. A-liðið tapaði 2-1 fyrir Grindavík og 3-2 fyrir Haukum. B-liðið gerði 1-1 jafntefli við Hauka. Bæði liðin unnu svo Fjölni hér heima. A-liðið vann 3-0 og bliðið 4-1. A-liðið á litla möguleika á að komast í úrslit en þær hafa tapað 4 mikilvægum leikjum á útivelli. B-liðiðná góða möguleika á að komast í úrslit.

=== '''Þrjú stig úr tveimur leikjum''' ===
ÍBV tók á móti Þór/KA/KS þann 11. Júlí þegar sjöundu umferð Islandsmótsins fór fram. ÍBV átti ekki í teljandi vandræðum en staðan í hálfleik var 2-0. Stelpurnar leyfðu sér að slaka aðeins á í síðari hálfleik en engu að síður var sigurinn aldrei í hættu og lokatölur urðu 3-1 fyrir ÍBV. Bryndís Jóhannesdóttir kom ÍBV í 1 -0 strax á sjöundu mínútu eftir góðan undirbúning Laufeyjar Ólafsdóttur. Margrét Lára Viðarsdóttir skorði annað mark ÍBV eftir sending Bryndísar. Margrét Lára var svo aftur á ferðinni í lok leiksins eftir stungusendingu Elenu Einisdóttur.

Fjórum dögum síðar tóku stelpurnar á móti Breiðablik. Eyjastúlkur byrjuðu leikinn mun betur og fyrstu tuttugu mínútur leiksins var einstefna að marki Blika. Þær náðu þó ekki að skapa sér nein afgerandi færi. Breiðablik komst svo yfir á 35. mínútu eftir að Eyjastúlkur töpuðu boltanum klaufalega á miðbiki vallarins, boltinn barst til Margrétar Ólafsdóttur sem fór illa með varnarmenn ÍBV, lék sig í gegn og vippaði yfir Petru í markinu. Eftir markið lifnaði yfir leik Blika og litlu munaði að þær bættu við öðru marki strax í næstu sókn en skot þeirra var rétt framhjá. Blikar fengu nokkur góð færi til að klára leikinn en Petra Bragadóttir markvörður og Michelle Barr, besti leikmaður ÍBV í leiknum björguðu því sem bjargað varð.

Fyrir leikinn gegn Þór/KA/KS fengu tveir leikmanna IBV viðurkenningu en þær Elena Einisdóttir og Sigríður Ása Friðriksdóttir rufu báðar hundrað Ieikja múrinn á dögunum, Elena gegn KR en Sigríður Ása gegn Þór/KA/KS. Þar með er Elena orðin leikjahæst ÍBV frá upphafi með 101 leik að baki en leikirnir verða sjálfsagt töluvert fleiri enda er Elena aðeins 24 ára og Sigríður 23.

=== '''Gothia Cup''' ===
Í júlí héldu tveir flokkar frá IBV, þriðji flokkur karla og kvenna, til Svíþjóðar þar sem fram fer hið árlega Gothia Cup í Gautaborg. Mótið er eitt stærsta knattspyrnumót veraldar en alls munu tæplega 1300 lið taka þátt í mótinu og þátttakendur eru í kringum 25 þúsund manns. Mótið er mjög glæsilegt en Eyjamenn hafa nokkrum sinnum áður tekið þátt í því, fyrst undir merkum Þórs. Þjálfarar liðanna eru Dragan Manojlovic og Sara Ólafsdóttir.

=== '''2. flokkur áfram í bikarnum''' ===
Annar flokkur karla heimsótti Fjölni í Grafarvogi í hörkuleik þar sem Fjölnismenn höfðu heppnina með sér og sigruðu 2-1. Mark IBV skoraði Kevin Barr. IBV siglir nokkuð lygnan sjó í B riðli, er í fimmta sæti með tólf stig en það er stutt í toppinn og staðan fljótt að breytast. Fimmti flokkur karla lék gegn Þrótti en keppt er í A-, B-, C- og D-liðum í fimmta flokki. ÍBV vann allar viðureignimar, A-liðið vann 2-1, B- liðið 2-0, C-liðið 4-0 og D-liðið vann sinn leik 3-2. Annar flokkur kvenna lék þriðjudaginn 16. júlí í bikarkeppninni en þá var leikið í átta liða úrslitum. ÍBV lék gegn Fylki og fór leikurinn fram í Árbænum. ÍBV sigraði nokkuð örugglega 0-4 og eru stelpurnar því komnar í undanúrslit en liðið hefur leikið til úrslita síðustu tvö ár og urðu bikarmeistarar árið 2000.

=== '''Tvær í U-21 árs''' ===
Tveir leikmenn úr kvennaliði ÍBV hafa verið valdar í U-21 árs landslið íslands sem tekur þátt í Norðurlandamótinu sem fram fer í Finnlandi dagana 21-29.júlí. Þær Laufey Ólafsdóttir og Rakel Logadóttir fara með liðinu enda eru þær báðar með leikjahæstu leikmönnunum sem völ er á með U-21 árs liðinu. Þá var Ólafur Berry valinn til þess að taka þátt í úrtaksæfingum fyrir U-17 ára landsliðið en alls voru valdir 27 leikmenn viðsvegar af landinu til æfinga.

=== '''Skipulagsbreyting á umferð í Dalinn''' ===
Skipulagsbreyting hefur verið gerð vegna bílaumferðar og bílastæða fyrir þjóðhátíð. Engin bílaumferð verður leyfð fyrir innan hlið á móts við rukkunarskúrinn og þjóðhátíðargestir þurfa allir að ganga þar í gegn áður en komið er í dalinn.

Bekkjabílar, rútur og leigubílar snúa við á nýja hringtorginu sem er fyrir framan forina og þar fara farþegar úr og í bílana. Einkabílum skal eingöngu leggja við braut 4 á Golfvellinum eins og í fyrra eða við Þórs- og Týsheimili. Göngustígur hefur verið lagður frá aðalbílastæðinu þannig greiðfært ætti að verða fyrir alla fótgangandi. Fólki er bent á að vera búið að koma öllu dóti fyrir í tjöldum sínum fyrir klukkan tvö á föstudag því engin almenn bílaumferð verður leyfð eftir þann tíma.

=== '''Komust áfram á vítaspyrnu''' ===
ÍBV tók á móti sameiginlegu liði Leifturs og Dalvfkur í átta liða úrslitum bikarkeppninnar en norðanmenn spila í 1. deild og eru í harðri botnbaráttu. Leikurinn var fjörugur og opinn, Eyjamenn voru betri aðilinn í leiknum en þrátt fyrir það náðu þeir ekki að nýta sér það og staðan var markalaus í hálfleik. Seinni hálfleikur var rólegri en sá fyrri og í raun fékk IBV aðeins tvö færi í seinni hálfleik. I fyrra skiptið slapp Gunnar Heiðar Þorvaldsson einn inn fyrir vörn gestanna en markvörður norðanmanna bjargaði með góðu úthlaupi. Hitt færið fékk Bjarnólfur Lárusson en hann tók þá vítaspyrnu sem Unnar Hólm Ólafsson hafði fískað svo lygilega vel. Bjarnólfur skoraði úr vítinu og kom IBV þar með áfram í bikarkeppninni.

=== '''Ótrúleg ákvörðun um að flytja undanúrslit bikarsins í Laugardalinn''' ===
Það vekur furðu margra að nú þegar meistaraflokkur karla í fótbolta er kominn í undanúrslit í bikarnum þá skuli vera ákveðið að leikurinn skuli fara fram á Laugardalsvelli. Verður hann 10. september sem er þriðjudagur. Þessi furðulegu stöðu má rekja til síðasta KSÍ-þings þar sem samþykkt var tillaga FH, Grindavíkur og Keflavíkur um að undanúrslit í bikarkeppni karla færi fram á Laugardalsvelli. Það skrýtna í þessu máli er að Laugardalsvöllur er heimavöllur Fram sem vekur upp spurningar um jafnræði því alltaf gefur heimavöllurinn ákveðið forskot. Hefði gamla fyrirkomulagið gilt hefði leikurinn farið fram á Hásteinsvelli því nafn ÍBV á undan Fram upp úr pottinum. Það hlýtur því að vera krafa IBV að leikurinn verði færður á hlutlausan völl. Í samtali við Fréttir segir Jóhannes Ólafsson, stjórnarmaður í KSI, að tillagan hafi runnið svo til mótmælalaust í gegnum þingið og rök flutningsmanna hafi verið að á þessum tíma væri aðeins hægt að leika um miðjan dag nema í flóðljósum. Þetta væri því eina leiðin til að fá aðsókn á leikina sem fram fara í miðri viku.

=== '''Þjóðhátíðin efst''' ===
Á vefsíðunni world-party.com er að finna upplýsingar um útihátíðir vítt og breitt um heiminn. Ekki nóg með það heldur er þeim líka gefin einkunn í atkvæðagreiðslu sem er að finna á síðunni. Þar trónir Þjóðhátíð Vestmannaeyja á toppnum og slær hún út víðfrægar kjötkveðjuhátíðir. Hátíðinni eru gerð góð skil í máli og myndum og eru stóru orðin ekki spöruð. ''„Ef þú ert að leita að leita að stað úr alfaraleið til að skemmta þér á er hátíðin í Vestmannaeyjum einmitt staðurinn,"'' segir í upphafi greinar um þjóðhátíðina. „''Hátíðin er haldin á lítilli eldfjallaeyju undan suðurströnd Íslands og býður þessi ástar- og tónlistarhátíð upp á allt, eldfjöll með reyk, stórkostlega verðelda, tjaldbúðir og nóg brennivín til að lama allan rússneska herinn í heilan mánuð,"'' segir einnig og er tónlistinni hrósað en varað við að veðrið bjóði jafnvel upp á haglél. Sagt er að hátíðin sé lítil miðað við stóru hátíðirnar, gestir sagðir um 8000, en það segir að sé eitt af því sem geri hátíðina eftirsótta. ''„Þjóðhátíðin er nær alíslensk sem er eitt af því sem gerir hana svo eftirsóknarverða. Þetta er svo sannarlega heimahátíð, langt úr alfaraleið þar sem nánast allt getur gerst. Og þú þarft ekki að afsaka þig á einn eða neinn hátt þegar þú opnar vodkaflösku eftir að hafa þolað vetrarmyrkur og veðurfar þar sem meðalhiti vetrarins er mínus átta gróður."'' Á forsíðunni er svo að lokum ngert létt grín að íslenskunni og sagt að það sé ekki hlaupið að því fyrir útlendinga að bera fram nafn hátíðarinnar og niðurstaðan er; „Thod-Ya-Tid" og að lokum fylgja með hamingjuóskir. Á hliðarsíðum er svo að finna ýmsar gagnlegar upplýsingar handa ferðamönnum og er greinilegt að þær koma frá fólki sem kynnt hefur sér aðstæður þó sumt komi svolítið spánskt fyrir sjónir.

=== '''Graham á heimleið''' ===
Á heimasíðu ÍBV er greint frá því að Gareth Graham sé á heimleið en þessi smái norður-írski leikmaður kom til liðs við ÍBV í enda maí en hefur að mestu leyti vermt tréverkið hjá liðinu. Stjórn knattspyrnudeildarinnar fannst óþarfi að halda honum þar sem hann var ekki lykilmaður í liði ÍBV og því mun Graham halda af landi brott eftir leik ÍBV og Grindavíkur 10. ágúst.

=== '''Ólafur til Svíþjóðar''' ===
Ólafur Þór Berry hefur verið valinn í 18 manna landsliðshóp skipað leikmönnum 17 ára og yngri. Islenska liðið heldur um verslunarmannahelgina til Svíþjóðar en þar fer fram Norðurlandamót U-17 ára landsliða.

=== '''Stelpurnar í undanúrslit''' ===
ÍBV tók á móti Stjörnunni á Hásteinsvelli þegar liðin áttust við í 8- liða úrslitum bikarkeppninar þar sem ÍBV sigraði með einu marki, 2 - 1 og tryggðu sér þar með sæti í undanúrslitum. Fyrri hálfleikur var allt annað en fjörugur, IBV var nánast allan tímann með boltann en gekk illa að brjótast í gegnum tíu manna varnarlínu Stjörnunnar. Þegar sautján mínútur voru liðnar af leiknum dró til tíðinda. Þá fékk ÍBV aukaspyrnu tæpa tíu metra frá vítateig gestanna. Rakel Logadóttir gerði sér lítið fyrir og negldi á markið og inn fór tuðran. Allt benti til þess að ÍBV yrði yfir í hálfleik en á síðustu mínútu hálfleiksins náðu Stjörnu stúlkur að jafna. Petra Bragadóttir varði þá glæsilega aukaspyrnu gestanna, sló boltann í slána og þaðan niður en þar var Stjörnustúlka mætt fyrst á staðinn og gat ekki annað en skorað. Þrátt fyrir þetta áfall héldu leikmenn ÍBV áfram uppteknum hætti í síðari hálfleik og sóttu mun meira en gestirnir. Fimmtán mínútum fyrir leikslok kom svo loks sigurmarkið en þá tók Rakel Logadóttir hornspyrnu sem Laufey Ólafsdóttir batt endahnútinn á með að negla boltann upp í þaknetið og tryggja þar með ÍBV sigurinn í leiknum. Reyndar fengu bæði lið tækifæri á að skora á lokamínútunum. ÍBV fékk víti skömmu fyrir leikslok en Michelle Barr skaut yfir. Stjörnustúlkur fengu svo tvö færi í sömu sókninni í blálokin en Petra sá við þeim.

=== 2. '''flokkur karla í undanúrslit''' ===
Annar flokkur karla lék í bikarkeppninni þann 19. júlí en þá lék liðið gegn Leikni úr Reykjavík og fór leikurinn fram á heimavelli þeirra síðarnefndu. Eyjapeyjar voru betri aðilinn í leiknum, komust í 2 - 0 en á síðustu andartökum leiksins fengu heimamenn vítaspyrnu sem þeir skoruðu úr. ÍBV vann því leikinn 1 -2 og er komið í undanúrslit bikarkeppninnar.

Fimmti flokkur karla lék gegn tveimur liðum um miðjan júlí en allar viðureignirnar fóru fram í Reykjavík. Fyrst var leikið gegn KR en þar gekk strákunum ekki sem best.

A-liðið tapaði 3-0, B-liðið gerði 1-1 jafnteflj, C-liðið tapaði 4-0 og eini sigur ÍBV var í D-liðum þar sem strákarnir unnu 0-4. Daginn eftir var svo leikið gegn Fjölni úr Grafarvoginum og þar gekk heldur betur. A-liðið sigraði 1-2, B-Iiðið steinlá 3-0, Cliðið vann 3-2 og sömuleiðis D-liðið 4-3.

=== '''Frábær árangur á Gullmótinu''' ===
Helgina 19-21 júlí fór fram hið árlega Gullmót Breiðabliks en mótið fer að sjálfsögðu fram í Kópavogi. ÍBV sendi níu lið í þremur flokkum en fjórði, fimmti og sjötti flokkur fóru á mótið. Árangurinn lét ekki á sér standa, fimmti flokkur vann bæði í A- og B-liðum auk þess sem B2-lið ÍBV endaði í þriðja sæti. A og B-liðin unnu líka Hraðmótið sem fram fór á laugardeginum. B lið sjötta flokks vann einnig mótið og Hraðmótið en A-liðið endaði í 7- 8 sæti.

=== '''Dagskráin verður hefðbundin''' ===
Hátíðahöld þjóðhátíðarinnar verða með hefðbundnu sniði. Setningin verður kl. 14.30 á föstudag, hátíðarræðu flytur Karl Gauti Hjaltason sýslumaður. Sr. Kristján Björnsson flytur hugvekju, Kór Landakirkju syngur og Lúðrasveit Vestmannaeyja leikur. Barnadagskrá verður alla dagana og þar verður ýmislegt til skemmtunar, til dæmis Brúðubíllinn, Rauðhetta og úlfurinn, Venni töframaður, Kiðlingarnir og barnaböll. Á föstudeginum fer fram hin geysivinsæla söngvakeppni barna en hátt í fjörutíu þátttakendur hafa skráð sig. Um kvöldið verður þjóðhátíðarlagið frumflutt og tilkynnt um úrslit söngvakeppninnar og val á flottustu búningum. Á kvöldvökum kemur fram fjöldi skemmtikrafta eins og Hljómsveitin Hljómar, Land og synir, Bítlasyrpa verður leikin og Opus 2002 er hópur fólks sem flytur Eyjasyrpu. Jón Gnarr skemmtir á laugardag- og sunnudagskvöld auk hljómsveitarinnar Day sleepers. Hljómsveit Birgis Gunnlaugssonar leikur fyrir dansi á litla pallinum öll kvöldin en á stóra pallinum leika Hljómar og Land og synir á föstudagskvöld, Á móti sól og í svörtum fötum á laugardagskvöld og Á móti sól, Land og synir og Írafár á sunnudagskvöld. Brennan, flugeldasýningin og brekkusöngurinn verða auðvitað á sínum stað.

=== '''Forsala gekk vel''' ===
Íslandsbanki hefur séð um forsölu á miðum á þjóðhátíð og hefur salan gengið vel í ár að sögn Sigurðar Friðrikssonar, þjónustustjóra Íslandsdbanka. ''„Salan er langt yfir meðallagi eða 1623 miðar. I fyrra var metár en þá seldust 1662 miðar en árin á undan var verið að selja þetta 1000 til 1100 miða. Salan í forsölu fer því ört vaxandi og við urðum vör við það í fyrra að fólk héðan var að kaupa miða fyrir ættingja og vini af fastalandinu,'' sagði Sigurður. Miðar voru seldir í forsölu í fyrsta skipti í verslunum 10-11 og fólki gefinn kostur á að kaupa miða á sama verði og hér í Eyjum. Salan hefur gengið vel en endanlegar tölur liggja ekki fyrir ennþá.

=== '''Nóg um að vera í yngri flokkum''' ===
2. flokkur karla mætti Val þann 29. júlí og fór leikurinn fram hér í Eyjum. Leikurinn var mjög fjörugur en staðan í hálfleik var 1-1. Mark ÍBV skoraði Einar Hlöðver Sigurðsson en skömmu síðar meiddist hann og var fluttur í burtu í sjúkrabifreið. Seinni hálfleikur var vel leikinn af hálfu ÍBV framan af. Strákarnir sýndu góða takta og Bjarni Rúnar Einarsson kom IBV yfir með glæsilegu langskoti. En á aðeins þremur mínútum tókst gestunum að jafna og komast yfir en bæði mörkin komu eftir föst leikatriði og kæruleysi í vörn ÍBV. Þrátt fyrir mótlætið héldu strákarnir áfram að sækja og á síðustu andartökum leiksins dró til tíðinda. Þá var Bjarni Rúnar keyrður niður inni í teig gestanna en dómari leiksins færði brotið út fyrir vítateig. Andri Ólafsson gerði sér þá lítið fyrir og lagði boltann laglega í netið og tryggði ÍBV annað stigið.

Þriðji flokkur karla tók á móti Stjörnunni í lok júlí og var leikið á Þórsvellinum. Eyjamenn sýndu gestunum fullmikla gestrisni í fyrri hálfleik enda var staðan í hálfleik

0-3 fyrir Stjörnuna. Björgvin Þorvaldsson minnkaði hins vegar muninn fyrir IBV en lengra komust strákarnir ekki og lokatölur því 1 -3.

Fimmti flokkur ÍBV tók á móti Stjörnunni og var leikið hér í Eyjum. A- og C-liðin töpuðu sínum leikjum en B- og D-Iiðin unnu. Lokatölur urðu annars þær að A-liðið

tapaði 1-2 og C-liðið 0-2. B-liðið vann stórsigur 5-1 og ekki var sigurinn minni hjá D-liðinu sem vann 5-0.

Annar flokkur kvenna lék tvo leiki seinni part júlí mánaðar. Nokkrum dögum seinna var leikið í Garðabæ gegn Stjörnunni og réðust úrslitin strax í fyrri hálfleik.

Heimastúlkur komust yfir á tíundu mínútu en ÍBV svaraði með tveimur mörkum og þar við sat. Mörk ÍBV skoruðu þær Margrét Lára Viðarsdóttir og Erla Signý Sigurðardóttir. ÍBV mætti svo Skagastúlkum á heimavelli þeirra síðarnefndu, í sannkölluðum markaleik. Alls urðu mörkin sjö, IBV skoraði fimm þeirra og sigraði því 2-5.

3. flokkur kvenna lék einnig tvo leiki og fóru þeir báðir fram á höfuðborgarsvæðinu. Fyrst var leikið á laugardeginum gegn Breiðabliki. Ekki riðu stelpumar feitum hesti frá þeirri viðureign enda sigruðu Blikarnir 7-0. Á sunnudeginum var svo leikið gegn FH og þar sigruðu stelpurnar 3-5.

Fanndís Friðriksdóttir skoraði þrennu í leiknum en hún er enn á yngra árí í 4. flokki. Ester Óskarsdóttir og Hekla Hannesdóttir skoruðu svo sitt markið hvort.

=== '''Sökuð um að hafa þagað yfír ólöglegri lyfjaneyslu''' ===
Mánudaginn 26. júlí var staðfest af forráðamönnum knattspyrnudeildar kvenna að þjálfara kvennaliðs ÍBV, Elísabetu Gunnarsdóttur hafí verið sagt upp störfum. Sigurjón Þorkelsson, formaður knattspyrnuráðs kvenna sagði í samtali við Fréttir að ástæða uppsagnarinnar hafi fyrst og fremst verið vegna samskiptaörðugleika milli stjórnar og þjálfara annars vegar og leikmanna og þjálfara hins vegar. Sigurjón bætti því við að allir leikmenn myndu spila áfram með liðinu. ''„Allir leikmenn liðsins styðja þessa ákvörðun okkar eftir því sem við best vitum og því er leikmannahópurinn óbreyttur."'' Michelle Barr, fyrirliði liðsins, mun taka við þjálfuninni en Stefanía Guðjónsdóttir mun aðstoða hana auk þess að taka við 2. flokki félagsins. Erna Lind Ragnarsdóttir, aðstoðarmaður Elísabetar hætti einnig í kjölfar uppsagnarinnar en hún var einnig með 2. flokk ÍBV.

=== '''-Elísabet fer ekki þegjandi''' ===
Elísabet gaf svo á þriðjudaginn út fréttatilkynningu þar sem kemur meðal annars fram að hún telji uppsögn sína ólögmæta. Fréttatilkynning Elísabetar er svohljóðandi:

''„Stjórn ÍBV gefur fjölmiðlum þá skýringu að mér hafi verið sagt upp vegna samskiptaörðugleika, annars vegar milli þjálfara og leikmanna og svo hins vegar milli þjálfara og stjórnar. Ég vil að fram komi eiginlegar ástæður uppsagnarinnar en þær koma fram í meðfylgjandi skjali. Liður nr. 1 í uppsögninni, þar sem leikmenn eru ásakaðir um ólöglega inntöku lyfja, er mjög alvarlegur og það sem þar kemur fram um að slík inntaka hafi farið fram með minni vitneskju og að ég hafi hylmt yfir þeirri vitnseskju með að upplýsa ekki stjórn knattspyrnuráðs IBV um það, skaðar mannorð mitt og starfsheiður. Inntaka á ólöglegum lyfjum samhliða íþróttaiðkun hefur mér aldrei þótt sæmandi og hef ég aldrei hvatt til slíks og mun aldrei lfta framhjá slíkri notkun.''

''Liður nr. 2, þar sem fjallað er um samskiptaörðugleika milli mín og leikmanna, þykir vart svaraverður. Ágreiningur milli leikmanna og þjálfara á sér víða stað og tel ég þetta málefnalegt vandamál sem ég lagði mig fram við að leysa. Hvergi kemur fram í uppsagnarbréfi mínu að samskiptaörðugleikar hafi verið milli mín og stjórnarinnar enda hafði hún fram að uppsögninni talið mér trú um það að stjórnin stæði við bakið á mér og allar mínar ákvarðanir. Í framhaldi af þessu get ég ekki annað en talið að uppsögnin sé ólögmæt enda hef ég á engan hátt brotið á þeim samningi sem í gildi er milli mín og Knattspyrnuráðs IBV. Ég hef fengið lögfræðing til að sækja málið þar sem ég tel mig eiga rétt á uppgjöri í málinu og mun ég sækja rétt minn eins langt og hægt er. Með þessari tilkynningu lít ég svo á að ég hafi svarað málinu frá minni hendi og mun lögfræðingur minn sjá um málið í framhaldinu,"'' segir Elísabet í yfírlýsingu.

Með fréttatilkynningunni fylgdi uppsagnarbréf Elísabetar og það var svona:

,Í''BV - íþróttafélag, knattspyrnuráð kvenna segir þér, Elísabetu Gunnarsdóttur þjálfara meistaraflokks kvenna, hér með upp störfum. Ástæða uppsagnar er tvenns konar:''

''1. Stjórn knattspyrnuráðs hefur fengið þær uppl., m.a. frá þér, að allnokkrir leikmenn meistaraflokks hafi tekið inn efni sem eru á bannlista, með þinni vitund. Þú hefur ekki tilkynnt stjórn um þetta og er það mjög alvarlegt trúnaðarbrot enda getur slík neysla valdið því að einstakir leikmenn fari í bann og leikir dæmdir tapaðir auk þess sem ímynd félagsins myndi bíða mikinn hnekki og gæti haft mjög alvarlegar afleiðingar fyrir rekstur þess.''

''2. Mjög slæmur samstarfsgrundvöllur er orðinn milli margra leikmanna og þjálfara og hafa nú þegar tveir lykilleikmenn hætt að æfa með félaginu og fleiri hótað hinu sama. Við teljum 1. lið uppsagnarinnar vera mjög alvarlegan og einan og sér heimila fyrirvaralausa uppsögn bæði vegna eðli brotsins með tilliti til ímyndar félagsins og m.a. með vísan til samnings þar sem fjallað er um grófa móðgun við stjórn félagsins.''

''2. liður uppsagnar er einnig alvarlegur enda ber þjálfara skylda til þess að leggja sig fram við að leysa ágreining á faglegum forsendum og hefur það verulega skort og liðið því orðið óstarfhæft. Við teljum þig þar með ófæra um að uppfylla samninginn, þ.e. þjálfa liðið, og því er stjórn heimilt að segja honum upp með vísan til samningsins sjálfs. "''

=== '''Annað tap gegn Keflavík''' ===
Karlalið ÍBV sótti Keflvfkinga heim stuttu fyrir Þjóðhátíð. Keflvfkingar voru allt í öllu í fyrri hálfleik og sóttu mun meira. Birkir Kristinsson átti hins vegar stórleik í markinu en náði þó ekki að koma í veg fyrir mark þegar heimamenn komust yfir á elleftu mínútu. Staðan í hálfleik var 1 -0 fyrir Keflvfkinga sem höfðu spilað með þó nokkurn vind í bakið í fyrri hálfleik. En með vindinn í bakið gekk ÍBV lítið betur. Keflavík hélt áfram að stjórna leiknum, reyndar hresstust Eyjamenn aðeins undir lokin en það dugði skammt og því var niðurstaðan sanngjarn sigur Keflvíkinga.

=== '''Allt annað andrúmsloft''' ===
ÍBV sótti Grindavík heim á síðasta degi júlímánaðar þar sem stelpurnar sigruðu 1-3 eftir að hafa verið marki undir í hálfleik. Nýr þjálfari liðsins, Michelle Barr, viðrist hafi tekist að berja baráttuandann í sínar stelpur í hálfleik því ÍBV svaraði með þremur mörkum í seinni hálfleik og sigraði því l-3. Mörk ÍBV skoruðu þær Bryndís Jóhannesdóttir, Laufey Ólafsdóttir og Rachel Hammil.

Sigríður Ása Friðriksdóttir sagði í samtali við Fréttir eftir leikinn að sigurinn hefði verið mjög mikilvægur fyrir ÍBV liðið. ''„Það hefur mikið gengið á að undan fömu og við leikmenn höfum jafnvel þurft sem hópur að sitja undir leiðinda ásökunum. Við ákváðum hins vegar að standa saman í þessu og ég verð að segja það fyrir mitt leyti að andrúmsloftið í hópnum er allt annað núna en í síðasta leik. Við vorum mjög taugaóstyrkar í fyrri hálfleik en við ræddum saman í hálfleik og ákváðum bara að spila okkar bolta og þá fóru hlutirnir að ganga."''

Tveir leikmenn liðsins í sumar vom ekki með, Rakel Logadóttir tók sér hvíld vegna anna með U-21 árs landsliðinu, sem hún og Laufey Ólafsdóttir leika með og Margrét Lára Viðarsdóttir hefur ákveðið að einbeita sér að því að spila með öðrum flokki það sem eftir lifir sumarsins.

=== '''Góður sigur hjá stelpunum''' ===
Vegna verslunarmannahelgarinnar var ekki mikið líf í knattspymuheimi landans í síðustu viku. Þó var einn leikur hér í Eyjum hjá yngri flokkum ÍBV í öðrum flokki kvenna þegar liðið tók á móti Valsstúlkum. Stefanía Guðjónsdóttir var þama að stýra liðinu í fyrsta sinn eftir að Ema Lind Ragnarsdóttir hætti og ekki annað að sjá en að byrjunin lofi góðu. IBV sigraði í leiknum, 1-0 með marki Emu D. Sigurjónsdóttur í fyrri hálfleik. Hið foma veldi Valsara má muna sinn fífil fegurri, liðið situr nú langneðst í riðlinum en Breiðablik og KR em efst og hafa skorið sig nokkuð frá öðrum liðum. IBV siglir hins vegar lygnan sjó um miðja deild en liðið á reyndar þrjá leiki inni á efsta liðið og með sigri í þeim þá gæti ÍBV jafnvel blandað sér í toppbaráttuna.

=== '''Skrautlegur leikur''' ===
Leikmenn og stuðningsmenn karlaliðs ÍBV vissu varla hvort þeir áttu að hlæja eða gráta eftir leik ÍBV og Fram í Símadeildinni, enda ekki á hverjum degi sem ÍBV yfírspilar andstæðinginn en tapar engu að síður. Þáttur dómara leiksins, Gísla Jóhannssonar, verður mönnum örugglega minnisstæður. Framarar skoruðu sigurmarkið úr vítaspyrnu sem var vægast sagt mjög strangur dómur.

ÍBV byrjaði af miklum krafti strax frá fyrstu mínútu og leikmenn IBV hreinlega yfírspiluðu andstæðinga sína. Njáll Eiðsson stillti upp 3-5-2, sem miðað við mannskap virðist henta liðinu ágætlega enda eru þrír mjög góðir miðverðir í liðinu og nóg af frambærilegum miðjumönnum. Leikmennimir höfðu fundað og hreinsað andrúmsloftið innan liðsins og leikur IBV bar þess greinilega merki. En þrátt fyrir fjölmörg mjög góð færi og augljósa yfirburði þá vildi tuðran ekki inn en miðað við gang leiksins voru flestir áhorfendur rólegir þrátt fyrir að staðan í hálfleik væri 0-0.

Það var svo ekki langt liðið á seinni hálfleikinn þegar dómari leiksins dæmdi víti á IBV. Það var hreint með ólíkindum að dómarinn skuli hafa fallið svo illilega fyrir slökum leiktilburðum Þorbjamar Atla Sveinssonar sem hafði fallið í gríð og erg allan fyrri hálfleikinn. Framarar þökkuðu fyrir sig og skoruðu.

Aðeins sex mínútum eftir mark Framara fékk Tómas Ingi Tómasson sitt annað gula spjald sem var stranger dómur enda var brotið alls ekki alvarlegt. En einum færri tókst leikmönnum ÍBV að finna taktinn og sóttu þeir nánast látlaust síðustu mínútumar.

Þrátt fyrir ágætis færi þá tókst ÍBV ekki að koma tuðrunni inn og því var niðurstaðan tap á heimavelli.

== '''ÁGÚST''' ==

=== '''Rok og rigning léku stórt hlutverk''' ===
Þjóðhátíðin 2002 fer á spjöld sögunnar sem ein sú blautasta sem menn muna og henni fylgdi mikið hvassviðri alla dagana. Það er ekki nýtt að það blási eða rigni á þjóðhátíð en að það gerist alla dagana hefur ekki gerst í marga áratugi. Hafa menn leitað allt aftur til fimmta áratugarins til að finna eitthvað þessu líkt. Það er líka athyglisvert að sjaldan hafa fleiri gestir sótt hátíðina og má gera ráð fyrir að milli átta og níu þúsund manns hafi verið á hátíðinni nú. Það gerir hana að einni fjölmennustu þjóhátíð frá upphafi. Mikil rigning setti strik í reikninginn sérstaklega hjá þeim sem höfðust við í tjöldum. Brugðið var á það ráð að opna íþróttamiðstöðina þar sem ferðalangarnir fengu skjól og einnig skutu margir heimamenn skjólshúsi yfirfólk Á sunnudeginum var rokið slíkt að tjöld tóku að fjúka en þrátt fyrir það datt dagskráin í dalnum ekki niður nema í tvo til þrjá tíma. Þá voru menn að skella gervigrasi á mesta drullusvaðið til að hægt væri að halda áfram. Um kvöldið var brekkusöngurinn en vegna þess hve rokið var mikið var ekki hægt að kveikja í varðeldinum. Vestmanneyingar og aðrir þjóðhátíðargestir sýndu ótrúlegan „karakter" því brekkan var full af fólki sem létu ekki veðrið aftra sér. Menn eru yfirleitt sammála um að hátíðin hafi tekist vel miðað við aðstæður og flestir skemmtu sér ágætlega.

=== '''Þakklæti til þjóðhátíðargesta''' ===
Birgir Guðjónsson, formaður þjóðhátíðarnefndar, vill koma á framfæríþakklæti nefndarínnar bæði til þjóðhátíðargesta og svo allra þeirra sem komu að þjóðhátíðinni á einn eða annan hátt. ''„Mér er efst í huga þakklæti til þjóðhátíðargesta fyrir frábæra þátttöku, þrátt fyrir óblíð veðurskilyrði á köflum, svo ekki sé sterkar að orði komist,"'' sagði Birgir. ''„Ég verð að segja eins og er að ég var undrandi á sunnudaginn að sjá hve margir mættu í Dalinn. En fólk var greinilega staðráðið í að enda þetta á réttan hátt, eins og t.d. þeir sem komu með Herjólfi á sunnudag, bara til að komast í brekkusönginn. Svo um kvöldið voru foreldrar að koma með börnin inn eftir, krakkarnir dúðaðir svo að rétt sást í augun og varð að leiða þau svo að þau fykju ekki. Samt var mætt í Dalinn. Ef þetta er ekki þjóðhátíðarstemmning þá veit ég ekki hvað hún er,"'' sagði Birgir. Birgir segir að miðað við allt þá sé þjóðhátíðarnefnd ánægð með útkomuna. ''„Við héldum þjóðhátíð og kláruðum dæmið allt til enda. Þetta bara sýnir að þjóðhátíð verður ekkert blásin af þótt ekki viðri vel. Við höfum oft fengið skot vegna veðurs svona einn og einn dag en aldrei eins og núna þegar veðrið versnaði með hverjum degi eftir því sem leið á. En ég held líka að við höfum sýnt að við erum í stakk búnir til að mæta slíku, við vorum vel undirbúnir til að takast á við svona aðstæður. Allt samstarf við lögreglu og björgunarsveitir var mjög gott og gekk snurðulaust fyrir sig. Þá vil ég ekki síst þakka okkar fólki fyrir skjót viðbrögð þegar með þurfti. Það sýndi sig hvað best á sunnudaginn þegar við ákváðum að koma grasteppunum á verstu svæðin í Dalnum. Þá ræstum við út 15 manns en það'' ''voru 50 sem mættu til starfa. Við þurfum ekki að örvænta meðan við eigum slíkan mannskap."'' Birgir viðurkennir að mikið hafi veríð að gera hjá þjóðhátíðarnefndinni þessa daga. ''„Það var mikið að gera og maður komst varla upp í tjald til að fá sér kaffisopa. Eg var mjög ánægður með skjót viðbrögð hjá lögreglu og Björgunarfélaginu þegar íþróttahúsið var opnað. Bæjarbúar eru jákvæðir og tilbúnir að hlúa að fólkinu og ég veit að margir fengu gistingu hjá fólki í bænum. Sem dæmi get ég nefnt heiðurshjónin Stefán Ólafsson og Sigurbjörgu Óskarsdóttur sem komu með fullan pott af súpu og færðu krökkunum og um svipað leyti fór þjóðhátíðarnefndin í það að útbúa súpu handa liðinu."''

=== '''ÍBV hefur verið næstlengst í efstu deild''' ===
Á meðal þeirra liða sem nú eru í efstu deild, þá hefur ÍBV verið í deildinni næstlengst hin síðari ár. Aðeins KR hefur verið lengur í efstu deild eða samfellt frá árinu 1979 þegar þeir komu aftur upp eftir árs vem í næstefstu deild. IBV hefur hins vegar verið á meðal þeirra bestu síðan 1990 og er þetta því þrettánda árið fyrir þá hjátrúarfullu. Skagamenn og Keflvíkingar koma næstir á eftir ÍBV en bæði lið hafa leikið samfleytt í tíu ár í efstu deild.

=== '''Sætin komin''' ===
Hásteinsvöllur hefur fengið samþykki UEFA, Knattspyrnusambands Evrópu, til að ÍBV fái að að leika sinn heimaleik á Hásteinsvelli gegn sænska liðinu AIK Solna 29. ágúst. Skilyrðið var að 540 sæti yrðu við völlinn og eru þau komin á sinn stað á steinstöpulinn norðan við völlinn.

=== '''Laufey og Margrét Lára í úrvalsliðið''' ===
Laufey Ólafsdóttir og Margrét Lára Viðarsdóttir voru valdar í úrvalslið efstu deildar eftir fyrstu til sjöundu umferð Íslandsmótsins. KR stúlkur eiga flesta fulltrúa, eða fjóra og svo eru Blikar, Valsstúlkur og Eyjastúlkur með tvo fulltrúa hver. Margrét Lára hefur nú ákveðið að taka sér frí frá meistaraflokki kvenna og ætlar að einbeita sér að því að spila með öðrum flokki.

=== '''Tap gegn Grindavík''' ===
Karlalið ÍBV tók á móti Grindvíkingum þann 10. September í kaflaskiptum leik. Í fyrri hálfleik voru það gestirnir úr Grindvík sem voru mun betri en í þeim síðari voru það Eyjamenn sem sóttu. Hvorugu liði tókst hins vegar að skora og niðurstaðan því jafntefli og tvö stig í súginn fyrir IBV. Staða IBV versnar með hverri umferðinni sem líður og ljóst að baráttan fyrir sæti í efstu deild að ári mun standa fram í síðasta leik.

Liðið virðist vera í mikilli krísu um þessar mundir, leikmönnum liðsins gengur ekkert upp við markið en ÍBV hefur ekki fagnað marki í 334 mínútur eða frá því að Bjarnólfur Lárusson skoraði gegn KA 14. júlí, þá beint úr aukaspymu.

=== '''Úr leik í bikarnum''' ===
Eyjastelpur mættu Val tvisvar á einni viku, í fyrra skiptið áttust liðin við í undanúrslitum bikarkeppninnar en leikurinn fór fram á Hlíðarenda. Fyrri hálfleikur var jafn og ágætlega leikinn. Valsstúlkur vom sterkari til að byrja með en smám saman náðu leikmenn ÍBV að vinna sig inn í leikinn en staðan var markalaus í hálfleik. Seinni hálfleikur var ekki langt kominn þegar dró til tíðinda. Valsstúlkur áttu þá ágæta sókn sem endaði með því að þær komust yfir. Markið setti IBV-liðið nokkuð út af laginu og aðeins níu mínútum síðar var annað markið komið. Þá áttu Valsstúlkur aukaspymu og úr henni kom hár bolti inn í teiginn, þar fékk boltinn að skoppa í markteig áður en sóknarmaður Vals skallaði boltann inn. Eftir þetta var á brattann að sækja en Eyjastúlkur vom samt sem áður mun meira með boltann. Færin létu hins vegar á sér standa, reyndar átti Rachel Hamill skalla í stöng en síðasta orðið áttu Valsstúlkur og tryggðu sér þar með sæti í úrslitaleik. Sigríður Ása Friðriksdóttir var vonsvikin í leikslok. ''„Við ætluðum okkur miklu stærri hluti í þessari keppni en þetta lá bara ekki fyrir okkur. Fyrri hálfleikur var ágætur hjá okkur en ég veit ekki hvað gerðist þama í seinni hálfleik. Mér fannst við spila ágætlega en þetta gekk bara ekki upp í dag. Eins og ég sagði þá ætluðum við okkur stærri hluti í þessu en það má kannski segja að sumarið sé búið hjá okkur, við erum úr leik í bikarnum og siglum lygnan sjó í deildinni en að sjálfsögðu ætlum við að klára mótið með stæl, úrslitaleikurinn bíður bara betri tíma,"'' sagði Sigríður Ása í samtali við Fréttir. Nokkrum dögum síðar áttust liðin við á nýjan leik. ÍBV virkuðu frískari í fyrri hálfleik en engin mörk litu dagins ljós, staðan 0-0 í hálfleik. Seinni hálfleikur var svo illa leikinn af báðum liðum og ekki fyrr en nokkrar mínútur voru eftir af leiknum að leikmenn tóku við sér. Valsstúlkur komust næst því að skora á síðustu mínútunni þegar þær áttu þrumuskot í slá og þaðan skoppaði boltinn á línuna og vildu Valsmenn meina að boltinn hafði farið inn fyrir en dómarinn var ekki á sama máli. Lokatölur urðu því 0-0.

=== '''Þrír erlendir til ÍBV''' ===
Nú styttist óðum í að handboltavertíðin fari að hefjast en ÍBV hefyr orðið fyrir nokkurri blóðtöku. Arnar Pétursson og Svavar Vignisson leika með FH næsta vetur og Hórður Flóki Ólafsson með Þór. Litháarnir tveir sem voru með ÍBV eru líka farnir og allt bendir til þess að Jón Andri Finnsson muni ekki leika með IBV. En handknattleiksráð hefur fengið til liðs við ÍBV þrjá erlenda leikmenn til að bæta við hið unga og efnilega lið ÍBV. Þeir koma frá jafn mörgum löndum, einn kemur frá Makedóníu og heitir Viktor Gigov en þar er á ferð mjög sterkur markvörður.

Robert Bognar kemur frá Ungverjalandi en hann leikur stöðu leikstjórnanda og vinstri skyttu. Þá kemur einnig hingað danskt par á eigin vegum en bæði munu þau leika með ÍBV í vetur, þau Michael Lauritzsen og Helle Hansen. Síðast en ekki síst þá hefur Gylfí Birgisson tekið fram skóna aftur og segja menn að hann hafí engu gleymt.

=== '''ÍBV með 2. flokk''' ===
Síðasta vetur var enginn annar flokkur í karlahandboltanum nema að litlu leyti en nú hefur verið tekin ákvörðun um að senda flokkinn í Íslandsmótið. Strákarnir tóku þátt í bikarkeppninni síðasta vetur og komust alla leið í undanúrslit þar sem þeir töpuðu fyrir Val sem varð bikarmeistari. Þá voru nokkrir strákanna enn að spila í þriðja flokki en þeir hafa nú flestir gengið upp í annan flokk. Ungur markvörður frá Akureyri

mun spila með liðinu. Keppnistímabilið er langt og strangt hjá strákunum, alls eru spilaðir 26 leikir auk bikarkeppninnar og svo em margir strákanna á fullu með meistaraflokki.

=== '''Yngri flokkarnir''' ===
Annar flokkur karla mætti Fylki mánudaginn 12. ágúst í Árbænum. Fylkismenn fóru betur af stað og voru marki yfir í hálfleik. En fljótlega í seinni hálfleik jöfnuðu leikmenn ÍBV, þar var að verki Andri Ólafsson með skot beint úr aukaspymu. Ekki voru skoruð fleiri mörk í leiknum og því skildu liðin jöfn, 1 -1.

Þriðji fiokkur kvenna tók á móti Fjölnisstúlkum þann 8. ágúst en Fjölnisstúlkur eru á mikilli uppleið um þessar mundir. Eyjastelpur töpuðu leiknum 1-3 og misstu þar með efstu þrjú liðin nokkuð frá sér en IBV er í fjórða sæti.

=== '''Eyjamenn ekki lakara liðið''' ===
ÍBV lék gegn sænska úrvalsdeildarliðinu AIK í Evrópukeppni félagsliða þann 15. ágúst en leikurinn fór fram á heimavelli sænska liðsins. Flestir áttu von á því að róðurinn yrði frekar erfiður fyrir IBV en reyndin varð önnur og segja má að Svíarnir hafí verið stálheppnir að vinna leikinn með tveimur mörkum því seinna mark þeirra kom á lokamínútu leiksins. Fyrri hálfleikur var ágætlega leikinn af ÍBV og strax á þriðju mínútu fengu Eyjamenn aukaspyrnu á hættulegum stað en skot Bjarnólfs Lárussonar fór í varnarmann og þaðan aftur fyrir endalínu. Til marks um hversu vel leikmönnum IB V tókst upp í sóknarleiknum þá fékk liðið fjórar hornspyrnur fyrstu fimmtán mínúturnar, þó svo að boltinn hafi ekki ratað rétta leið. En smám saman tókst Svíunum að vinna sig inn í leíkinn og á 26. mínútu dró til tíðinda. Þá voru Eyjamenn að byggja upp sókn en misstu boltann á miðjum vellinum. Svíarnir brunuðu fram völlinn og allt í einu var Daniel Koch einn og óvaldaður hægra megin í vítateignum en hann þrumaði boltanum upp í þaknetið, algjörlega óverjandi fyrir Birki í markinu. Eftir mark Svíana færðist nokkur ró yfir leikinn, Svíamir fengu tvö ágætis færi áður en flautað var til leikhlés en vörnin hélt. Fyrstu fimmtán mínúturnar í seinni hálfleik voru mjög vel leiknar hjá IBV. Reyndar voru það Svíarnir sem byrjuðu á því að skjóta rétt framhjá marki IBV á fyrstu mínútunni en eftir það sóttu Eyjamenn meira. Tómas Ingi Tómasson átti ágætan skalla rétt fram hjá og Andri Ólafsson átti gott skot sem markvörður Svíanna varði vel. Næst því að skora komst hins vegar Bjarnólfur Lárusson sem átti ágætt skot utan vítateigs en rétt fram hjá. Síðasta hálftímann fór svo að draga af leikmönnum ÍBV og kom þá í ljós munurinn á atvinnumannaliðinu og áhugamannaliðinu. Þrátt fyrir það lék ÍBV sterkan varnarleik og gaf engin færi á sér. Á síðustu mínútunni tókst Svíunum hins vegar að skora annað mark sitt, þá áttu þeir skot að marki sem Birkir varði glæsilega en boltinn datt fyrir fætur Kristian Nordin sem skoraði af stuttu færi. Tveggja marka tap eru hins vegar ágætis úrslit gegn Svíunum, þeir eru atvinnumenn og Svíar mun hærra skrifaðir í knattspyrnuheiminum en íslendingar. Hins vegar var IBV ekkert lakari aðilinn í leiknum og því svekkjandi að tapa, sérstaklega með tveimur mörkum. Hjalti Jóhannesson sagði í samtali við Fréttir eftir leikinn að það hefði einmitt verið sérstaklega svekkjandi að fá á sig seinna markið''. „Þessi leikur var í járnum og þeir veru í raun ekkert sterkari en við. Við spiluðum okkar vanalega leikkerfi 4-5-1. Ég get ekki séð annað en að leikurinn á Hásteinsvelli eigi eftir að verða mjög skemmtilegur enda ætlum við að vinna Svíana."''

'''Úthaldslaus átvögl'''

Mat blaðamanns Fxpressen á leikmönnum ÍBV í Expressen er ekki burðugt og fá þeir ekki háa einkunn. Sagði hann þá greinilega hugsa lítið um mataræðið og formið og því til sönnunar bendir blaðamaðurinn á að sumir leikmanna hafi fengið krampa í lok fyrri hálfleiks. Ekki hafa búningar ÍBV glatt blaðamanninn, segir hann engu líkara en þeir séu úr afgangslager í úthverfi Moskvu. Spurning er hvað forráðamenn Puma segja við þessari gagnrýni. Krister Nordin leikmaður AIK sem skoraði seinna mark liðsins segist vel hafa tekið eftir úthaldsleysi Eyjamanna. '',, Já , ég sá þetta og í seinni hálfleik urðu þeir bara þreyttari og þreyttari á meðan við spiluðum betur og betur. "''

Frægasti leikmaður AIK, Andreas Anderson sem meðal annars hefur spilað með Newcastle á Englandi, segist viss um að úrslitin séu ráðin. „''Ég er viss um að við skorum á útivelli og þá þurfa þeir að skora fjögur. Já, úrslitin eru ráðin,"'' sagði Anderson. Blaðamaður endar svo frásögn sína á að gefa leiknum sjálfum mjög lága einkunn. ''„Þeir sem sátu heima, fóru út að borða eða gerðu eitthvað annað en að horfa á fótbolta þetta heita ágústkvöld, völdu rétt. Þeir misstu ekki af miklu."''

=== '''Ennþá markastífla hjá körlunum''' ===
ÍBV sótti Fylki heim í frekar bragðdaufum leik en bæði lið þurftu nauðsynlega á þremur stigum að halda, Eyjamenn í botnbaráttunni og Árbæingar að berjast a topnum. Hvorugt liðið náði sér á strik í leiknum og færin létu á sér standa. Staðan í hálfleik var 0-0 en heimamenn í Fylki brutu ísinn á 65. mínútu þegar Sævar Þór Gíslason tróð boltanum yfir marklínuna með skrautlegum hætti. Markið dugði heimamönnum til sigurs og því færist ÍBV enn nær bjargbrúninni og vandséð að liðið

sleppi við fall.

=== '''Ágætis vika hjá yngri flokkunum''' ===
Þriðji flokkur karla lék tvo leiki gegn KA um miðjan ágúst. Liðin mættust á miðri leið milli Akureyrar og Vestmannaeyja eða í Mosfellsbæ til að spara sér ferðakostnað og fóru leikirnir fram bæði laugardag og sunnudag. Fyrri leikurinn, sem var útileikur IBV, endaði með 1-1 jafntefli en IBV vann svo heimaleikinn 2-0. Liðið siglir lygnan sjó í B-riðli, er með 12 stig þegar tveimur leikjum er ólokið og er í fimmta sæti af átta liðum. Annar flokkur kvenna lék gegn KR á útivelli á föstudaginn 16. ágúst. ÍBV hafði nokkra yfirburði í leiknum og stelpurnar voru yfir 3-1 allt þar til undir lokin. Þá fengu KR-ingar tvær vítaspyrnur á silfurfati sem þær nýttu báðar og því varð niðurstaðan í leiknum 3-3. Liðin mættust svo að nýju á mánudeginum en þá fór leikurinn fram hér í Eyjum. Þrátt fyrir að spila ekki sinn besta leik í sumar þá höfðu stelpurnar undirtökin í leiknum. ÍBV komst yfír en KRstúlkur jöfnuðu. Eyjastúlkur tryggðu sér svo sigurinn og náðu þar með hefndum fyrir mjög ósanngjamt jafntefli á útivelli. Mörk IBV gerðu Thelma Sigurðardóttir og Margrét Lára Viðarsdóttir.

Þriðji flokkur kvenna mætti einnig KR en þá mættust liðin hér í Eyjum. Eftir að hafa komist yfir með marki Tönju Tómasdóttur þá svöruðu KR-ingar með tveimur mörkum og tryggðu sér sigurinn. Þetta var síðasti leikurinn hjá IBV en liðið endaði í fjórða sæti. Sara Ólafsdóttir, þjálfari liðsins sagði að í heild væri hún mjög sátt við árangurinn.

Fjórði flokkur kvenna spilaði í úrslitum Islandsmótsins en þar var á ferðinni B-lið flokksins. Þar var keppt í tveimur þriggja liða riðlum, ÍBV vann Keflavík 1-2 en tapaði svo fyrir Breiðabliki 2-7. IBV spilaði því um bronsið gegn KA en liðið tapaði naumlega 1 -3 og endaði því í fjórða sæti í Íslandsmótinu.

=== '''Ekki ástæða til frekari rannsókna''' ===
Lyfjaeftirlitsnefnd ÍSÍ hefur nú lokið rannsókn sinni á meintri lyfjamisnotkun í herbúðum kvennaliðs ÍBV en ásökun um það var að finna í uppsagnarbréfi Elísabetar Gunnarsdóttur, fyrrverandi þjálfara liðsins. Rannsókn nefhdarinnar snerist um að fá niðurstöðu í tveimur atriðum, annars vegar hvort leikmenn hafi notað lyf á bannlista ÍSÍ og hins vegar hvort Elísabet Gunnarsdóttir, þjálfari liðsins, hafi átt þátt í lyfjamisnotkun meðal leikmanna eða reynt að hylma yfir hana. í niðurstöðum greinargerð nefndarinnar kemur m.a. fram að bæði þjálfari og leikmenn neita að hafa gerst brotlegir í málinu en mikið af sögusögnum fór í gang í kjölfar uppsagnar Elísabetar og því reyndist erfitt að komast að niðurstöðu í málinu. Nú hefur ÍSI hins vegar sett kraft í lyfjaprófanir meðal knattspymumanna.

Niðurstaðan í greinargerð nefndarinnar er þessi:

A) ''Af framansögðu má sjá að mjög óljóst er hvort nokkrir leikmenn IBV hafa gerst sekir um ólöglega lyfjanotkun. Engin gögn liggja fyrir til að reka slíkt mál fyrir dómstólum, aðrar en vangaveltur og sögusagnir. Því er ekki hægt að segja að einn eða fleiri leikmenn ÍBV hafi gerst broflegir við 44.grein laga ÍSÍ um lyfjamisnotkun.''

B) ''Enn óljósara er með aðkomu þjálfarans, Elísabetar, að meintri ólöglegri lyfjanotkun leikmanna liðsins. Ekki er hægt að sjá að hún hafi verið, með neinum hætti, að hvetja til eða hylma yfir ólöglega lyfjanotkun meðal leikmanna og ekki eru til gögn af neinu tagi til að reka slíkt mál fyrir dómstólum. Elísabet hefur því ekki gerst brotleg við 45. grein laga ÍSÍ um önnur brot. Komi ekki fram nýjar upplýsingar'' ''mun lyfjaeftirlitsnefnd ÍSI ekki aðhafast frekar í málinu."''

Í ályktun sömu greinargerðar er einnig þetta að finna:

''„Þar sem efedrín er farið úr líkama manna á tiltölulega stuttum tíma, þjónar engum tilgangi að lyfjaprófa leikmenn IBV nú, vegna meintra, umræddra brota. Líklegt verður einnig að teljast að leikmenn liðsins neyti ekki ólöglegra lyfja á næstunni'' ''vegna gríðarlegrar fjölmiðlaumfjöllunar um málið, m.a. um að búast megi við að leikmenn liðsins verði lyfjaprófaðir á næstunni. Samkvæmt skilaboðum frá stjórn félagsins eru leikmenn tilbúnir að fara í lyfjapróf hvenær sem er, sé þess óskað."''

=== '''Ákall til bæjarbúa''' ===
Þann 29 águst birtist grein í bæjarblaðinu Fréttum sem er rituð er af handboltastelpunum. ,'',Eyjamaður góður, við erum stolt af þér, en þú af okkur? Við Eyjamenn trúum því ávallt að við séum betra en annað fólk og eflaust er það rétt! Við Eyjamenn erum stolt af okkar bæjarfélagi og okkar fólki. Við fylkjum liði á bak við okkar fólk þegar vel og illa gengur. Við erum gott fólk sem búum í yndislegum bæ. Við stefnum ávallt að gera betur í dag en í gær. Við handboltastelpur höfum eins og allir Eyjamenn lagt okkur fram um að gera vel í okkar íþrótt og landað mörgum titlum undanfarin ár. Þessir titlar hefðu ekki komið í höfn nema með hjálp og aðstoð allra Eyjamanna. Þar sem við erum lítil ein sér, en sameinuð erum við öflugt afl sem getur gert kraftaverk. Hver man ekki eftir laginu „Traustur vinur.. getur gert... kraftaverk?" Við teljum annan texta eiga einnig vel við þarna „Eyjamenn... geta gert... kraftaverk." Til að lagið hljómi vel þurfum við Eyjamenn öll að taka undir. Þá hljómar lagið víða og kraftaverkin gerast. Við ætlum að gera kraftaverk á handboltavellinum í vetur, en það gerist ekki nema allir Eyjamenn taki undir svo jafnist á við góðan brekkusöng á Þjóðhátíð. Við vonum að Eyjamenn geti aðstoðað okkur í að gera þessi kraftaverk þar sem þau gerast ekki nema með samstöðu og jákvæðu hugarfari. Við framkvæmum þetta ekki ein, það erum við Eyjamenn sem framkvæmum kraftaverkin. Það þarf mikla vinnu og elju til að ná árangri í dag. Við höfum fengið góðan liðsauka fyrir þetta tímabil, yndislegar stelpur sem eiga eftir að falla vel inn í hópinn og vera verðugir fulltrúar okkar Eyjamanna. Fyrsta bón okkar í vetur er að athuga hvort einhverjir Eyjamenn geti aðstoðað okkur með eftirfarandi hluti: Við þurfum að finna vinnu fyrir yndislega stúlku sem kemur frá Spáni. Hún er 30 ára gömul og hefur starfað mikið með fötluðum og öldruðum. Vitið þið um vinnu fyrir hana? Við erum að leita að ódýrum eða gefins bíl sem hægt er skrólta á um bæinn þegar allra veðra von er, fyrir stelpurnar sem komnar eru langt að. Leynist bíll hjá ykkur sem þið viljið leyfa okkur njóta góðs af? Aheit koma sér alltaf vel, fimm hundruð kall, þúsund kall, við höfum þörf á því, margt smátt gerir okkur gagn og fyrirtæki, hvað um einn tíu þúsund kall? Hann getur aðstoðað okkur mikið. Við bendum fólki á reikninga okkar í íslandsbanka nr. 0582-14-290681 og í Sparisjóðnum nr. 1167-05-404201. Við vitum að þetta er djarft og kannski dónalegt, en við erum ávallt að leita að peningum. Við viljum athuga hvort þið getið lagt okkur smá lið. Þá erum við ávallt að selja kjúklinga á frábæru verði, heila kjúklinga, kjúklingabollur, kjúklingaborgara, ýmsar kryddtegundir af kjúklingavængjum osfrv. Eruð þið ekki svöng? Öll þurfum við að borða, hvers vegna ekki að leggja góðum málstað lið í leiðinni? Ársmiða höfum við til sölu á hreint hlægilegu verði. Vilt þú njóta skemmtunar á ódýran hátt í vetur? Stuðningsklúbbur hefur verið stofnaður, fyrir þúsund krónur á mánuði færðu ársmiða á alla deildarleiki vetrarins, miða á lokahóf handknattleiksdeildar kvenna IBV, matur og herlegheit, kaffi og meðlæti á leikjum, happdrætti og ýmislegt fleira. Þá erum við alltaf að leita eftir fólki sem tilbúið er að starfa með okkur. Athugið að við ætlum ekki að gleypa ykkur nema þið viljið. Mörg smá og einföld verkefni þarf að inna af hendi og bíða eftir góðu fólki sem vill taka þátt í starfinu með okkur. Undanfarin ár höfum við notið góðvildar Eyjamanna sem hafa stutt við bakið á okkur með frábærum hætti. Það hefur fært okkur sigra og gleði. Við ætlum að vera glöð í vetur og skemmta okkur Eyjamönnum. Við vonum að þið takið þátt í þessari skemmtun með okkur. Einhver kann enn að vera efins eftir lestur þessarar greinar og kalla okkur „fþróttapakk." En við erum stolt af þessu „íþróttapakki" þegar vel gengur og hver kannast ekki við sjálfan sig í Thule auglýsingunni? Ef einhverjir hafa áhuga á einhverju er hér hefur fram komið, eruð þið vinsamlegast beðin að hafa samband við Pál Marvin, Varða eða Bjössa. Takk fyrir allan stuðninginn í gegnum árin. Við Eyjamenn höfum staðið okkur frábærlega. Handboltastelpur í ÍBV"''

=== '''Loksins skorað''' ===
ÍBV tók á móti Þór frá Akureyri þann 24. ágúst í mikilvægum leik en bæði lið voru á botni deildarinnar. Þrátt fyrir markaleysi í undanförnum leikjum þá áttu Eyjamenn ekki í teljandi vandræðum með að finna réttu leiðina í markið í leiknum, alls urðu mörk ÍBV þrjú en Þórsarar skoruðu eitt mark. Fyrri hálfleikur var jafnari en sá síðari en leikmenn ÍBV byrjuðu mjög grimmt í leiknum. Á 33. mínútu dró svo til tíðinda þegar Ingi Sigurðsson lék bakvörð norðanmanna upp úr skónum, sendi fyrir markið og þar rak Gunnar Heiðar Þorvaldsson stóru tána í boltann sem dugði til að stýra honum í netið. Eyjamenn fögnuðu markinu innilega enda langt síðan liðið skoraði síðast en enginn fagnaði eins mikið og Njáll Eiðsson. Eftir þetta dró ÍBV liðið sig heldur til baka og Þórsarar gengu á lagið. Fjórum mínútum fyrir leikhlé misstu Eyjamenn svo boltann klaufalega á miðjunni, Jóhann Þórhallsson lék þá í átt að teignum og skaut óverjandi skoti í mark ÍBV og staðan því 1-1 í hálfleik.

ÍBV var mun sterkari aðilinn í seinni hálfleik og það voru ekki liðnar nema níu mínútur af hálfleiknum þegar Bjarni Geir Viðarsson skoraði, 2-1. Ellefu mínútum fyrir leikslok náði ÍBV svo góðri sókn upp vinstri kantinn sem endaði með fyrirgjöf Atla Jóhannssonar. Gunnar Heiðar sneri af sér varnarmann Þórsara sem togaði hann niður og réttilega dæmd vítaspyrna. Bjarnólfur Lárusson skoraði af öryggi úr spymunni og tryggði ÍBV sigurinn í leiknum.

=== '''Strákarnir úr leik''' ===
2. flokkur karla lék gegn KR-ingum í undanúrslitum bikarkeppninnar. Leikurinn fór fram við nokkuð erfiðar aðstæður á Þórsvelli, sem er mjög illa farinn eftir sumarið. Gestirnir byrjuðu betur í leiknum og komust yfir en Andri Ólafsson jafnaði fyrir leikhlé. Kevin Barr kom svo ÍBV yfir úr vítaspyrnu en þegar aðeins stundarfjórðungur var eftir jöfnuðu KR-ingar. Framlengingin var jöfn og spennandi og bæði lið fengu ágætis færi til að skora. En hvomgu liði tókst það hins vegar og því varð að grípa til vítaspyrnukeppni. KR-ingar skoruðu úr fyrstu spymunni og Kevin Barr jafnaði. Á eftir fylgdu hins vegar tvær misheppnaðar spymur hjá ÍBV á meðan KR-ingar skomðu úr sínum spyrnum og því stóðu þeir uppi sem sigurvegarar, unnu leikinn 3-6.

=== '''Tap gegn Selfossi''' ===
Karlaliðið í handknattleik spilaði tvo æfingaleiki í Eyjum í lok ágúst en þá var leikið gegn Selfyssingum. ÍBV tapaði báðum leikjunum hér en enn vantar upp á að leikmannahópurinn sé fullmannaður því hvorki Viktor Gigov né Robert Bognar eru komnir til landsins.

=== '''Góð æfingaferð hjá kvennaliðinu''' ===
Undirbúningur kvennaliðsins í handbolta var farin á fullt um miðjan ágúst. Liðið fór og lék þrjá leiki í Reykjavík sem allir unnust. Strax á föstudagskvöldið mættu stelpurnar FH og þrátt fyrir að eiga erfiða sjóferð með Herjólfi að baki þá unnu þær leikinn 22-23. Á laugardaginn mættu þær svo fyrst Víkingum og sá leikur vannst 19-21 eftir að staðan í hálfleik hafði verið 6-12. Síðastí leikurinn var svo gegn Haukum og sá leikur fór 18-21 fyrir ÍBV. Um næstu helgi fer liðið svo til Álandseyja en þar tekur liðið þátt í sterku móti. íslenska landsliðinu var boðin þátttaka en hafnaði því og var ÍBV boðið í staðinn. Eyjastúlkur þurfa einungis að borga fyrir flugfarið út en leikmenn liðsins hafa safnað fyrir því.

=== '''Tveir góðir sigrar hjá stelpunum''' ===
Kvennalið IBV mætti FH í Kaplakrika þar sem Eyjastúlkur völtuðu yfir andstæðinga sína og sigruðu 0-5. Bryndís Jóhannesdóttir gerði þrennu í leiknum en Margrét Lára Viðarsdóttir og Michelle Barr hin mörkin tvö. Með sigrinum tryggði ÍBV sér endanlega fjórða sæti deildarinnar og reyndar á liðið enn veika von um þriðja sætið en til þess að það gangi eftir þarf Breiðablik að tapa tveimur af síðustu þremur leikjum sínum og ÍBV að vinna síðustu þrjá leikina. Tæpri viku síðar tóki stelpurnar á móti Stjörnunni. Stjörnustúlkur komu nokkuð á óvart með því að skora í fyrri hálfleik og staðan í hálfleik var 0-1. Seinni hálfleikur var allt annar af hálfu IBV, liðið náði ágætri pressu á Stjörnuliðið og uppskar tvö mörk. Lokatölur urðu því 2-1 fyrir ÍBV sem nú er komið með 22 stig og á enn ágæta möguleika á þriðja sæti deildarinnar en þegar tvær umferðir eru eftir munar aðeins þremur stigum á ÍBV og Breiðabliki. Elena Einisdóttir sagði í samtali við Fréttir eftir leikinn að leikmenn ÍBV væru ákveðnir í að klára Íslandsmótið með stæl. „''Það er alltaf mjög erfitt að spila gegn Stjörnunni en þær spila alltaf með níu manna varnarlínu sem er alltaf erfitt að brjótast í gegnum. Þær ná oft að læða inn einu og einu marki eins og þær gerðu gegn okkur en það dugði þeim ekki í dag. Við ætlum að vinna þessa tvo leiki sem við eigum eftir, við gátum unnið KR á útivelli og af hverju ekki á heimavelli."''

=== '''2. flokkur kvenna í bikarúrslit''' ===
Þann 25. ágúst fór fram hreint magnaður undanúrslitaleikur í bikarkeppni annnars flokks kvenna þegar ÍBV tók á móti Stjörnunni. Leikurinn þótti ágætlega leikinn, mikil barátta og dramatíkin ekki síðri. Sara Sigurlásdóttir skoraði fyrsta mark leiksins en IBV var betri aðilinn framan af. Stjörnustúlkum tókst hins vegar að vinna sig inn í leikinn og þegar skammt var til leiksloka jöfnuðu þær metin. Í framlengingunni voru það svo gestirnir sem skoruðu fyrsta markið strax í upphafi fyrri hálfleiks en Ester Óskarsdóttir jafnaði undir lok hálfleiksins. Þrátt fyrir að vera betri aðilinn í síðari hálfleik þá tókst Eyjastúlkum ekki að skora og því varð að grípa til vítaspyrnukeppni. Þar misfórust fyrstu tvær spyrnur ÍBV á meðan gestirnir skoruðu úr sínum spyrnum og útlitið ekki gott. En leikmenn IBV skoruðu úr restinni á meðan Hanna Guðný Guðmundsdóttir varði tvær síðustu spyrnur Stjörnunnar og því var enn jafnt eftir að hvort liðið hafði tekið fimm spyrnur. Sara Sigurlásdóttir tók sjöttu spyrnu ÍBV og skoraði af miklu öryggi en Hanna Guðný gerði sér svo lítið fyrir og varði síðustu spyrnu Stjörnunnar og því er það ÍBV sem komst í bikarúrslitin, annað árið í röð.

=== '''-Aðrir flokkar''' ===
Annar flokkur karla lék gegn KA en leikurinn fór fram fyrir norðan. Aðeins eitt mark var skorað, það gerði Ástvaldur Gylfason seint í fyrri hálfleik og því sigraði ÍBV 0-1. Þriðji flokkur karla lék laugardaginn 24. ágúst gegn Leikni úr Reykjavík og fór leikurinn fram á Þórsvellinum. Gestirnir áttu aldrei möguleika í leiknum sem endaði með sjö marka sigri ÍBV, 7-0. Mörk ÍBV gerðu þeir Björgvin Þorvaldsson sem skoraði fimm mörk. Andri Eyvindsson og Finnbogi Friðfinnsson gerðu svo hvor sitt markið. Fjórði flokkur karla hefur lokið sinni þátttöku í íslandsmótinu en strákarnir voru aðeins hársbreidd frá því að komast í úrslit. A-liðið lenti í þriðja sæti B-riðils en tvö efstu liðin fóru áfram. ÍBV var með jafnmörg stig og liðið í öðru sæti og markatalan var jöfn en ÍBV hafði skorað færri mörk og komst því ekki áfram.

=== '''Góð byrjun nægði ekki''' ===
ÍBV féll út úr Evrópukeppninni í forkeppni Evrópukeppni félagsliða í knattspyrnu þegar liðið mætti AIK á Hásteinsvelli þann 29. ágúst. Leikurinn var síðari viðureign liðanna en AIK hafði unnið þá fyrri 2-0 og því þurftu Eyjamenn að skora þrjú mörk gegn engu marki Svíanna til þess að komast áfram. Gunnar Heiðar Þorvaldsson náði að skora eftir aðeins tæplega þriggja mínútna leik, nokkuð sem fæstir höfðu séð fyrir.

Aðeins nokkmm andartökum síðar fékk Gunnar svo gullið tækifæri á að jafna metin í viðureignum liðanna þegar hann slapp inn fyrir vöm gestanna en Teddy Lucic hljóp hann uppi og bjargaði í horn á elleftu stundu. Svíarnír jöfnuðu metin á níundu mínútu en þar var að verki Mats Ruberth. Að öllu eðlilegu hefðu varnarmenn IBV komið í veg fyrir að hann fengi skotfæri en einhver misskilningur varð til þess að hann fékk færið og nýtti það. Undir lok fyrri hálfleiks var svo eins og leikmenn IBV gleymdu sér eitt andartak, þá fengu Svíarnir aukaspymu við vítateigshomið, Stefan Ishizaki lagði þá boltann á félaga sinn, Daniel Hoch sem renndi boltanum í fjærhornið.

Seinni hálfleikur var grófari en sá fyrri og leikmenn beggja liða fóru langt yfir strikið. Á 69. mínútu dró hins vegar til tíðinda þegar að Gunnar Heiðar átti ágætt skot úr upplögðu færi en boltinn hafnaði í stönginni. Aðeins örfáum sekúndum síðar voru Svíamir búnir að bæta við marki og tryggðu sér þar með sigurinn, 1-3.

=== '''Njáli sagt upp''' ===
Knattspyrnudeild ÍBV ákvað þann 29. ágústað leysa Njál Eiðsson, þjálfara meistaraflokks ÍBV, undan samningi, en Eyjamenn eru í 7. sæti Símadeildarinnar, þegar þrjár umferðir eru eftir, og leika í undanúrslitum bikarkeppninnar innan skamms. Eyjamenn sendu eftirfarandi fréttatilkynningu frá sér: „Sú ákvörðun hefur verið tekin af hálfu knattspyrnudeildar ÍBV að leysa Njál Eiðsson, þjálfara meistaraflokks ÍBV, undan samningi. Af ýmsum ástæðum hefur gengi liðsins ekki verið samkvæmt væntingum sem til þess voru gerðar og því telur stjórnin rétt að fá nýjan aðila til að stjórna liðinu á endasprettinum í deild og bikar.“

=== '''Njáll Eiðsson ósáttur við uppsögnina''' ===
Njáll stýrði ÍBV í síðasta sinn gegn sænska liðinu AIK en ólíklegt er að tapið gegn þeim hafi verið það sem hafi fyllt mælinn þannig að ákvörðunin hefur verið tekin fyrir þann leik. Fréttir höfðu samband við Njál Eiðsson varðandi málið og hann sagði að það væri enginn vafi í hans huga hver raunveruleg ástæða þess að honum var vikið úr starfi. „Uppsögnina má fyrst og fremst rekja til persónulegra deilna milli mín annars vegar og formanns og framkvæmdastjóra knattspyrnudeildarinnar hins vegar," sagði Njáll. En grunaði þig að uppsögn lægi í loftinu? ''„Nei það grunaði mig svo sannarlega'' ''ekki. Ég skal viðurkenna það að á tímabili í sumar var ég að íhuga að segja af mér vegna þess að liðinu gekk illa og ég var að velta því fyrir mér hvort það væri best fyrir ÍBV að annar tæki við liðinu. Þá voru hins vegar haldnir fundir með leikmönnum og stjómarmönnum þar sem men skiptust á skoðunum um hvað mætti betur fara. Þessir fundir voru mjög góðir fyrir mig og leikmenn komu einnig með punkta sem ég hef svo reynt að vinna eftir. Þarna var líka ákveðið að samstaða væri lykillinn að betra gengi þannig að uppsögnin kemur mér að sjálfsögðu gjörsamlega í opna skjöldu."''

Nú segja þeir að ástæða uppsagnarinnar sé að af ýmsum ástæðum hafi liðið ekki staðist þær væntingar sem til þess voru gerðar. Telur þú að gengi liðsins spili enga rullu í þessu máli? ''„Mér fannst dálítið fyndið að heyra þetta því þegar þeir segja mér upp þá gáfu þeir mér tvær ástæður. Annars vegar væru það samskiptaörðuleikar við stjórnarmeðlimi og hins vegar óánægja leikmanna, sem ég veit núna að er langt frá því að vera satt því leikmenn hafa verið duglegir að hringja í mig eftir að mér var sagt upp til þess að lýsa yfir furðu sinni á þessu. Þeir minntust hins vegar hvergi á slakt'' ''gengi liðsins enda erum við í því sæti sem okkur var spáð fyrir sumarið og í ofanálag komnir í undanúrslit í bikarnum þannig að gengi liðsins hefði ekki átt að koma þeim á óvart. Þeir réðu mig til þess að byggja upp ungt og efnilegt lið og þegar ég kem'' ''byrja ég á að hleypa ungu strákunum að. Eftir að ég byrjaði hafa alls fimm til sex strákar komið inn í byrjunarliðið, Gunnar Heiðar, Atli, Bjarni Geir, Páll Hjarðar, Unnar Hólm og Andri Ólafs, þannig að ég tel mig hafa staðið við þann hluta samningsins."''

'''-Var varaformaðurinn boðaður eða ekki?'''

Haft var samband við Ásmund Friðriksson, formann stjómar kanttspymudeildar og vildi hann ekkert láta hafa eftir sér um málið. „''Við teljum það ekki þjóna nokkrum tilgangi á þessum tímapunkti,"'' sagði Asmundur og bætti við: „''Það er ekki rétt að Eggert Garðarsson, varaformaður hafi ekki verið boðaður á fundinn þegar ákvörðun um að segja Njáli upp var tekin."''

Eggert Garðarsson, varaformaður, hefur allt aðra sögu að segja. ''„Ég er mjög ósáttur við uppsögn Njáls og tel hana ekki þjóna félaginu á nokkurn hátt. Svo er það ekki rétt að ég hafi verið boðaður á fundinn. Það var aldrei gert,"'' sagði Eggert.

=== '''Vel heppnuð æfingarferð hiá stelpunum''' ===
Stelpurnar í handboltanum tóki þátt í æfingamóti á Álandseyjum í ágúst. Forsaga málsins var sú að íslenska landsliðinu var fyrst boðin þátttaka í mótinu en því var hafnað. Niðurstaðan varð sú að ÍBV var boðið að vera með í mótinu og var boðið þegið. ÍBV spilaði fimm leiki gegn sterkum liðum og gerði sér lítið fyrir og sigraði í þeim öllum. Fyrstu þrír leikirnir voru í riðlakeppni en svo var leikið í undanúrslitum og svo úrslitaleikurinn sjálfur.

Úrslit leikjanna urðu þessi: ÍBV-G/T 76 23-20, ÍBV-Tyresö HF 23-17, ÍBV-Sparvavens HF 22-16, ÍBV – Lidingö SK. 22-16, ÍBV-Kavlinge HK 34-16.

Unnur Sigmarsdóttir sagði í samtali við Fréttir að ferðin hafi tekist mjög vel. ''„Mótið fór fram í frekar litlum bæ og gistum við allar saman á einum stað. Þessi ferð var einmitt hugsuð til þess að hrista saman mannskapinn. Við erum með marga útlendinga og svo heimastelpur og mikilvægt að skapa góðan móral strax. Ég held að þessi ferð hafi gengið fullkomlega upp, bæði varðandi hópinn og leik liðsins, við unnum mótið en reyndar er alltaf eitthvað sem má laga í leik liðsins,"'' sagði Unnur.

=== '''Komast ekki upp um dcild''' ===
2. flokkur karla mætti HK á Hásteinsvellinum í lok september í miklum rokleik. Strákarnir voru greinilega ekki búnir að ná sér eftir tapið gegn KR í undanúrslitum í bikarnum því liðið virkaði hvergi nærri eins frískt eins og það var í þeim leik. Gestimir komust yfir um miðjan seinni hálfleik en þá léku þeir á móti vindinum. Leikurinn var hins vegar í jafnvægi en eftir mark gestanna þá sóttu Eyjamenn mun meira. Sóknarþunginn bar loks árangur þegar aðeins þrjár mínútur voru til leiksloka en þá jafnaði Hafþór Atli Rúnarsson. Strákarnir gleymdu sér hins vegar á lokasprettinum og leikmenn HK stálu sigrinum á lokasekúndunni. Fyrir leikinn átti ÍBV enn veika von um að fara upp um deild en með tapinu eru þeir möguleikar úr sögunni. Í staðinn er liðið í bullandi fallbaráttu og nú skilur aðeins eitt stig KA og ÍBV að, KA menn eru í fallsæti en ÍBV á reyndar leik inni á KA.

== '''SEPTEMBER''' ==

=== '''Mikilvægt stig í fallbaráttunni''' ===
Karlalið IBV lék gegn KR í Frostaskjólinu á fyrstu dögum September mánaðar. Leikurinn var mjög mikilvægur fyrir bæði lið, ÍBV í harðri fallbaráttu en KRingar berjast um íslandsmeistaratitilinn. ÍBV spilaði ágætlega í leiknum, sérstaklega í fyrri hálfleik þar sem sóknarleikur IBV var mun beittari en heimamanna. Eyjamenn byrjuðu af miklum krafti í leiknum. Á tólftu mínútu náði Gunnar Heiðar boltanum í netið eftir mistök gestgjafanna í eigin vítateig. Eftir þetta drógu leikmenn ÍBV sig aðeins til baka en fengu samt sem áður hættulegri færi en KR-ingar. Átta mínútum fyrir hlé tókst vesturbæjarliðinu hins vegar að jafna og í hálfleik var staðan jöfn 1-1. ÍBV lék ekki eins vel í síðari hálfIeik sem helgaðist helst af því að Atli Jóhannsson fékk að Iíta sitt annað gula spjald í leiknum og þar með rautt þegar um 25 mínútur voru til leiksloka. Með mikilli baráttu tókst ÍBV að halda í stigið sem verður að teljast býsna gott miðað við þá stöðu sem liðið er í.

=== '''Nýr leikmaður til kvennaliðsins''' ===
Nú hefur forráðamönnum kvennaliðs ÍBV í handbolta tekist að næla í mjög sterkan leikmann frá Úkraínu, að nafni Anna Yakova. Anna er aðeins 23 ára, örvhent skytta og hefur hún samþykkt fimm ára samning við ÍBV en aðeins á eftir að ganga frá málunum varðandi úkraínska liðið. Anna hefur verið í úkrafnska landsliðinu, var markahæst í deildinni þar ytra á síðasta tímabili og hefur staðið sig vel í þeim Evrópuleikjum sem hún hefur spilað.

=== '''Duranona mjög líklega með ÍBV í vetur''' ===
Þann 12. September birtist frétt í bæjarblaðinu Fréttum um tilvonandi komu Duranona en fréttin er eftirfarandi; ''Einn litríkasti handknattleiksmaður Íslendinga hins síðari ár, Robert Duranona mun að öllum líkindum spila með karlaliði ÍBV í handknattleik í vetur. Duranona hefur verið atvinnumaður erlendis undanfarin ár en var samningslaus þannig að forráðamenn ÍBV buðu honum samning. Jóhann Pétursson, í handknattleiksráði, sagði að Duranona væri væntanlegur til Eyja á morgun. „Hann kemur til okkar annaðhvort annað kvöld eða á fimmtudagsmorguninn og verður á æfingu með okkur á fimmtudagskvöldið. Fólki er að sjálfsögðu velkomið að kíkja við'' ''og skoða kappann. Það er kominn grundvöllur fyrir samningi við Duranona og ef hann stenst læknisskoðun þá verður líklega gengið frá samningi við hann."'' Duranona gekk ekki til liðs við ÍBV.

=== '''Páll Scheving nýr framkvæmdastjóri ÍBV- íþróttafélags''' ===
Páll Scheving hefur verið ráðinn framkvæmdastjóri IBV íþróttafélags. Magnús Sigurðsson, sem gegnt hefur þessu starfi um tveggja ára skeið, hverfur nú til annarra starfa, en hann hefur ráðið sig sem framkvæmdastjóra byggingafyrirtækisins, Steina og Olla.

=== '''Miklar breytingar frá síðasta tímabili''' ===
Þann 13. September spilar ÍBV sinn fyrsta leik í deildarkeppni kvenna í handbolta. En í Fréttum daginn fyrir leik var kynning á liðinu á samt viðtali við nýjan þjálfara liðsins, Unni Sigmarsdóttur og fyrirliðan Ingibjörgu Jónsdóttur.

Í ár, eins og svo oft áður teflir ÍBV fram mjög breyttu liði, alls hafa sex leikmenn, sem voru í eða við byrjunarliðið, horfið á braut. Mest munar um Andreu Atladóttur sem nú hefur lagt skóna á hilluna. Dagný Skúladóttir lék með ÍBV í fyrra og var mikilvæg eins og reyndar Spánverjarnir Ana Peréz og Isabel Ortiz. Þessir leikmenn, ásamt Milönu Mileusnic, sem hvarf af braut um áramót, skoruðu alls 78,9% af mörkum liðsins þannig að Unnur Sigmarsdóttir á strembið verkefni framundan.

Einn af máttarstólpum IBV undanfarin ár og jafnframt fyrirliði liðsins, Ingibjörg Jónsdóttir, sagði að hópurinn hjá IBV væri jafnvel sterkari en í fyrra.

''„Við höfum æft stíft að undanförnu og spilað óvenju marga æfingaleiki í haust. Æfingaferðin til Svíþjóðar var mjög góð fyrir hópinn, þar vorum við allar saman í lillum bæ sem bauð ekkert upp á annað en að við héldum hópinn. Það var mjög gott fyrir móralinn. Leikirnir eru líka fleiri núna en oft áður, í Svíþjóð spiluðum við fimm leiki, íjóra helgina þar á undan og svo fimm leiki í Reykjavíkurmótinu.''

''Útlendingarnir komu líka til okkar á góðum tíma og hafa verið með okkur lengur en oft áður þegar deildarkeppnin byrjar. Heimastelpumar voru líka duglegar að æfa í sumar, má segja að æfingar hafí varla fallið niður frá í vor. Mér fínnst yngri stelpurnar koma mjög ákveðnar til leiks í þessum æfíngaleikjum sem við höfum verið að spila og þó að hópurinn í vetur telji kannski ekkert fleiri leikmenn en á síðasta tímabili, þá eru þessar stelpur virkilega tilbúnar í slaginn og fyrir vikið verður liðið betra."''

Unnur Sigmarsdóttir, þjálfari, tekur nú við liðinu eftir að hafa verið viðloðandi kvennahandboltann síðastliðin ár. Fyrst var Unnur að sjálfsögðu leikmaður og í seinni tíð aðstoðarþjálfari og nú þjálfari liðsins. Unnur segir að liðið hafi hafið æfingar snemma í sumar. ''„Það er ekki orðin mikil hvíld milli tímabila og byrjuðum við á fullu í byrjun júlí. Stelpumar héldu sér í góðu fonni fram að því en við höfum reynt að hafa æfingarnar sem fjölbreyttastar, farið í hjólreiðatúra og svo gengu stelpurnar upp á hálendið og fóru Laugaveginn. Þetta hefur þjappað hópnum saman þannig að kjarninn er orðinn mjög samhentur. Útlendingamir hafa svo verið að bætast við og mér finnst við vera með sterka liðsheild. Síðustu þrjar vikur hafa nánast bara farið í æfingaleiki sem kemur okkur auðvitað til góða. Samt sem áður er enn margt sem við þurfum að laga."'' En hvernig líst þér á komandi vetur? ''„Hvað okkur varðar þá líst mér bara vel á það. Núna verður spiluð þreföld umferð, 28 leikir bara í deildarkeppninni á móti sextán í fyrra þannig að þau lið sem hafa mestu breiddina munu enda ofarlega. Það er nauðsynlegt fyrir okkur að vera sem best undirbúnar fyrir þetta, að leikmenn verði komnir í form enda verður mikið álag í vetur. Eg á von á því að deildin verði jöfn en að lokum verði það þrjú lið sem skera sig úr hópnum, við verðum þar, Haukar og Víkingur."''

'''Leikmenn ÍBV eru;'''

Vigdís Sigurðardóttir

Íris Sigurðardóttir

Ingibjörg Jónsdóttir

Alla Gorgorian

Elísa Sigurðardóttir

Edda Eggertsdóttir

Birgit Engl

Sylvia Strass

Þórsteina Sigurbjörnsdóttir

Aníta Ýr Eyþórsdóttir

Hildur Sigurðardóttir

Björg Ólöf Helgadóttir

Anna Ykova

Anna Rós Hallgrímsdóttir

Helle Hansen

=== '''ÍBV stelpurnar í þriðja sæti''' ===
Eyjastúlkumar lentu í þriðja sæti á Reykjavíkurmótinu í handknattleik sem fram fór í byrjun september. Stelpumar töpuðu aðeins einum leik, gegn Víkingi 19-20. Víkingur varð svo Reykjavíkurmeistari kvenna. IBV sigraði Stjömuna í leik um þriðja sætið með nokkram yfirburðum 28-21. Karlalið ÍBV vann einn leik í mótinu, þá var það Kyndill frá Færeyjum sem lá 21-20 en hinir leikirnir töpuðust.

=== '''Heimavöllurinn réði úrslitum''' ===
ÍBV og Fram mættust í undanúrslitum Coca-Cola bikarkeppninnar á þriðjudagskvöldið á Laugardalsvelli. Aðstæður voru vægast sagt mjög erfiðar á „þjóðarleikvanginum," völlurinn þungur og blautur enda stanslaust úrhelli á meðan leik stóð. Kom það nokkuð niður á knattspymunni. Eftir markalausan fyrri hálfleik komust Eyjamenn yfir strax í upphafi síðari hálfleiks þegar Páll Hjarðar skoraði með óæðri endanum. Eftir það voru Eyjamenn mun beittari án þess þó að skapa sér mikið af hættulegum færum. Þegar tuttugu mínútur vom til leiksloka tókst Frömurum hins vegar að jafna leikinn eftir hornspyrnu. Eftir það má segja að leikurinn hafi gjörsamlega snúist við, Framarar, sem þarna nutu heimavallarins, vom líklegri til að skora en Eyjamenn enda fór það svo að tólf mínútum fyrir leikslok tryggðu þeir sér sigurinn. Eyjamenn reyndu hvað þeir gátu til að jafna en höfðu ekki erindi sem erfiði og síðasta vonin um titil í sumar rann því út um sandinn. Það er óhætt að segja að þessi leikur sé lýsandi dæmi fyrir gengi liðsins í sumar. Þrátt fyrir að skora fyrsta mark leiksins þá tapast hann. Heimir Hallgrímsson, þjálfari liðsins sagði í samtali við Fréttir eftir leikinn að það hefði verið mjög svekkjandi að tapa þessum leik. ''„Mér fannst við vera betri aðilinn allt þar til þeir skora. Þá hreinlega dettur botninn algjörlega úr þessu hjá okkur. Þetta þurfum við að laga. Þetta er ekki í fyrsta skipti sem það gerist, að við komumst yfir en töpum svo jafnvel. Það er líka dýrt að tapa þessum leik, úrslitaleikurinn í bikamum var í boði og það er eitthvað sem leikmenn dreymir um að taka þátt í. Möguleikinn á Evrópukeppninni er líka úr sögunni og þar eru miklir peningar sem við missum af en nú þurfum við bara að snúa okkur að næsta verkefni, það er að tryggja okkar sæti í deildinni,"'' sagði Heimir.

=== '''Stórtap gegn KR''' ===
ÍBV tók á móti KR í næstsíðustu umferð Símadeildarinnar. Leikurinn hafði litla þýðingu fyrir ÍBV en jafntefli nægði KRingum til þess að landa Íslandsmeistaratitlinum sem þær áttu nokkuð vísan. Vesturbæjarliðið sló hvergi af gegn IBV og gjörsigraði heimastúlkur, 0-7. Michell Barr lék ekki með ÍBV í leiknum þar sem hún hafði samið við enska stórliðið Doncaster Bells en enska leikmannamarkaðnum var lokað í byrjun september. Michelle stýrði liðinu hins vegar frá hliðarlínunni en tók hún við þjálfarastöðunni fyrr í sumar. Eftir jafnar upphafsmínútur tókst KR-ingum að komast yfir á tíundu mínútu. Gestirnir bættu svo við tveimur mörkum fyrir leikhlé og höfðu því nánast gert út um leikinn í hálfleik. Veðrið lék hreint ekki við leikmen, það gekk á með rigningu og þegar leið á leikinn bætti heldur í vind þannig að í síðari hálfleik var nánast slagveður. En áfram hélt leikurinn og áður en yfir lauk höfðu KR-ingar skorað sjö mörk gegn engu marki ÍBV og fögnuðu því íslandsmeistaratitlinum í leikslok.

=== '''Jafntefli fyrir norðan''' ===
Á Akureyri mættust ÍBV og ÞórKA/KS í síðustu umferð Símadeildar kvenna.

Hvorugt liðið hafði að neinu að keppa, IBV gat hvorki farið upp né niður töfluna og norðanstúlkurhöfðu tryggt veru sína í deildinni að ári. Leikurinn bar þess líka merki, hvorugu liði tókst að skora þannig að niðurstaðan varð markalaustjafntefli.

ÍBV endaði þar með tímabilið í fjórða sæti, með 23 stig, fimm stigum minna en áríð áður en þá endaði liðið í þriðja sæti. Árangurinn í bikarkeppninni í ár er reyndar betri en árið áður en þá var liðið slegið út í átta liða úrslitum en í ár í undanúrslitum en engu að síður dálítil vonbrigði að ná ekki lengra.

=== '''Gott hjá 2. flokki''' ===
2. flokkur karla tryggði sér á dögunum áframhaldandi sæti í Briðli með sigri á Stjömunni en samt sem áður var liðið í baráttu um að komast upp allt þar til tvær umferðir vom eftir. ÍBV mætti Stjörnunni í Garðabæ en Stjaman var þegar fallin í C-deild. Eyjamenn sigruðu nokkuð ömgglega, 0-3 og gátu því farið nokkuð afslappaðir í síðasta leikinn, gegn Fjölni. Mörk IBV: Andri Eyvindsson, Einar Hlöðver Sigurðsson, Kevin Barr.

2. flokkur kvenna mætti Skagastúlkuni í miklum rokleik. Stelpurnar lentu í vandræðum með gestina í fyrri hálfleik á móti sterkum vindi. Skagastúlkur komust yfir en ÍBV tókst að jafna fyrir leikhlé. Í seinni hálfleik tóku stelpumar síðan öll völd á vellinum og lokatölur urðu 5-l fyrir ÍBV.

=== '''ÍBV fær styrk til unglingastarfs''' ===
Knattspymusamband Evrópu, UEFA hefur ákveðið að hluti af tekjum sem sambandið fékk fyrir Meistaradeildina tímabilið 2001-02 muni renna til félagsliða aðildarlandanna til eflingar knattspyrnu bama og unglinga en þetta hefur verið venja undanfarin ár. KSÍ er svo falið að skipta peningunum og sjá til þess að þeim sé rétt varið. Það kom í hlut þeirra félaga scm léku í efstu deild karla árið sumarið 2000 að fá styrk sem nemur 1.640.329 krónum.

=== '''Ólafur Berry í æfingahóp U-17''' ===
Ólafur Þór Berry hefur verið valinn til þess að taka þátt í æfingum U-17 ára landsliðs Íslands í upphafi september. Íslenska liðið tekur þátt í undankeppni Evrópumótsins en riðill Íslands fer fram hér á landi um miðjan septembermánuð.

=== '''Tefla fram mikið breyttu liði''' ===
Liðið í ár er mjög breytt frá því sem að var, ÍBV hefur misst sterka leikmenn á borð við Svavar Vignisson, Arnar Pétursson, Mindaugas Andriuska, Hörð Flóka Ólafsson og Petras Raupenas. Ekki hefur gengið eins vel að fá sterka menn til baka, liðið hefur fengið sterkan makedónískan markvörð að nafni Viktor Gigov og traustan ungverskan útileikmann sem heitir Robert Bognar auk þess sem gamli jaxlinn Gylfi Birgisson hefur nú tekið fram skóna að nýju. Á síðasta tímabili fengu ungu strákarnir eldskírnina í handboltanum en nú er komið að þeim að halda uppi leik liðsins að mestu leyti. Hinn nýskipaði fyrirliði liðsins, Sigurður Bragason hefur leikið mestan hluta ferilsins með ÍBV en fyrir tveimur árum var hann reyndar í herbúðum Víkinga. Það er líklega vel við hæfi að fyrirliði hins unga liðs sé aðeins 25 ára gamall en þess má reyndar geta að Sigurður er þriðji elsti leikmaður liðsins, á eftir þeim Gylfa Birgissyni og þjálfaranum Erlingi Richardssyni. Sigurður sagði í stuttu spjalli við blaðamann Frétta að honum litist nokkuð vel á komandi vetur. ''„Það er samt sem áður alveg á hreinu að þetta á eftir að verða mjög erfitt. Liðið er mjög ungt að árum og ég held að ÍBV hafi aldrei teflt fram jafn ungu liði og gert er núna. Það kom reyndar upp svipuð staða í kringum 1995 þegar Arnar Péturs, Gunnar Berg og fleiri voru að stíga sín fyrstu skref í meistaraflokki. Þá var liðið ungt en það voru menn eins og Guffi og fleiri reyndir leikmenn sem að styrktu þá. Núna vantar meiri reynslu inn í liðið en á móti kemur að fyrir vikið fá fleiri af ungu strákunum tækifæri í vetur og þannig öðlast þeir reynslu."'' Er hópurínn mjög þunnskipaður? ''„Við fengum tvo ágæta útlendinga, markmanninn Viktor Gigov, sem er mjóg góður og varði mjóg vel í fyrsta. leiknum. Robert Bognar á eftir að styrkja okkur í vetur, eykur breiddina og er mjög traustur. Hann er reyndar enginn reynslubolti enda bara 24 ára gamall en engu að síður traustur leikmaður. Svo ætluðum við auðvitað að fá Duranona til okkar til að gera veturinn skemmtilegri en hann sveik okkur þannig að nú þurfa strákarnir bara að stíga fram. En stuðningsmenn okkar verða bara að styðja við bakið á okkur. Það var svipuð staða hjá Víkingum þegar ég fór þangað, ungir strákar sem átti svo að byggja á en stuðningsmenn þeirra gáfust upp sem gerði það að verkum að leikmenn nenntu ekki að spila lengur fyrir tómu húsi. Þetta má alls ekki gerast hjá okkur og þess vegna verðum við bara að biðja fólk um að sýna liðinu biðlund og gefa okkur tíma. Þessir strákar eiga eftir að halda uppi merki ÍBV eftir 2-3 ár og þá verður hægt að gera kröfur til þeirra."''

Erlingur Richardsson tók við þjálfun karlaliðsins í haust og í sumar hefur hann stýrt undirbúningi liðsins. Erlingur er margreyndur leikmaður liðsins en auk þess að leika með ÍBV lék hann m.a. með Val, Selfossi og Haukum; Erlingur var einnig í landsIiðshópi Islands fyrir um tveimur árum og í fyrra stýrði hann kvennaliði IBV til sigurs í bikarkeppninni. Aðspurður sagðist Erlingur vera þokkalega sáttur við undirbúning liðsins en engu að síður hefði hann kosið það að vera kominn lengra með vissa þætti „''Ég hefði viljað vera kominn lengra í leikfræðunum en það lítur allt út fyrir að við þurfum meiri tíma. Við erum auðvitað með ungt lið og ég gerði mér kannski ekki alveg grein fyrir því í upphafi hvar strákarnir stóðu leikfræðilega séð. Foimið er mjög gott hjá leikmönnum en við þurfum að laga ýmsa hluti í okkar leik."'' Hefurðu sett einhver markmið fyrir liðið? ''„Við settumst niður um daginn og spjólluðum aðeins um þessi mál. Við vorum allir sammála um það að markmiðið fyrir veturinn væri að hver ogeinn leikmaðurog að liðið í heild bætti sig líka með hverjum leik. Við vissum fyrirfram lítið um hvernig útlendingarnir eru þannig að það var dálítið erfitt að staðsetja liðið en auðvitað stefna menn alltaf á að komast í átta liða úrslit Islandsmótsins. Það er alveg raunhæft að stefna á það því heppni spilar alltaf dálítið inn í þetta og við vonum að lukkudísirnar verði okkur hliðhollar í vetur. Það er líka ekkert að því að setja markið hátt, þá hefur maður að einhverju að keppa og það er það sem við ætlum okkur."''

'''Leikmenn ÍBV eru;'''

Erlingur Richardsson þjálfari/leikmaður

Gylfi Birgisson

Robert Bognar

Viktor Gigov

Michael Lauritzen

Eyjólfur Hannesson

Jón Helgi Gíslason

Grétar Þór Eyþórsson

Karl Haraldsson

Sigurður Bragason

Sindri Ólafsson

Magnús Sigurðsson

Sigþór Friðriksson

Sindri Haraldsson

Davíð Þór Óskarsson

Sigurður Ari Stefánsson

Ríkharð Guðmundsson

=== '''Langt í land hjá strákunum''' ===
Karlalið IBV í handbolta spilaði sinn fyrsta leik í deildarkeppninni þann 15. september þegar liðið mætti deildar- og bikarmeisturum Hauka á útivelli.

ÍBV átti nánast aldrei möguleika í leiknum en sóknarleikurinn var mjög slakur. Haukaliðið fékk fyrir vikið auðveld hraðaupphlaup sem alvöru lið nýta og það gerðu þeir. Það var fátt jákvætt í leik ÍBV, Robert Bognar skarst á höfði í síðari hálfleik en allt bendir til þess að hann verði klár gegn Val um helgina. Ljósi punkturinn var hins vegar markvarsla Viktors Gigov sem varði 17 skot í leiknum og virðist vera ágætis eftirmaður Harðar Flóka.

Mörk ÍBV: Sigurður Bragason 4, Robert Bognar 4, Kári Kristjánsson 3/1, Sigurður Ari Stefánsson 3/2, Michael Lauritzen 2, Jón Helgi Gíslason 1, Erlingur Richardsson 1, Sigþór Friðriksson 1. Varin skot: Viktor Gisov 17.

=== '''Lausir við falldrauginn''' ===
Sunnudaginn 15. september lék ÍBV einn mikilvægasta leik sinn í áraraðir þegar Skagamenn komu í heimsókn en strákarnir sigruðu leikinn, 4 -1 og tryggðu sæti sitt í úrvalsdeildinni að ári. Leikmenn ÍBV mættu mjóg ákveðnir og einbeittir til leiks og sóknarleikur var augljóslega dagskipunin enda þurfti ÍBV þrjú stig, ekkert minna. Það vom svo ekki liðnar nema fimm mínútur af leiknum þegar ÍBV komst yfir með marki Gunnars Heiðars. Í sumar hefur það gerst að IBV hefur náð forystunni en jafnharðan misst hana og jafnvel tapað leikjum. Margir rifjuðu þetta upp fimm mínútum eftir mark Gunnars Heiðars þegar Skagamenn jöfnuðu eftir vel útfærða skyndisókn. En aðeins fjórum mínútum síðar náði ÍBV aftur forystunni og aftur var það Gunnar Heiðar sem rak endahnútinn á ágæta sókn. Ekki voru fleiri mörk skoruð í fyrri hálfleik en Eyjamenn fengu nokkur ágætis færi sem ekki nýttust. Í síðari hálfleik var nánast eitt lið á vellinum og einstefna á mark gestanna. Skagamenn áttu ekki eitt einasta skot á mark ÍBV fyrsta hálftímann á meðan Eyjamenn sóttu grimmt. Niels Bo skoraði þriðja mark ÍBV eftir góða fyrirgjöf Inga. Tuttugu mínútum fyrir leikslok fiskaði Gunnar Heiðar svo vítaspyrnu sem hann tók sjálfur. Honum urðu ekki á nein mistök, fullkomnaði þrennuna í leiknum og tryggði ÍBV sanngjarnan sigur. Í leikslok var svo tilkynnt að Hlynur Stefánsson hafi leikið sinn síðasta leik með ÍBV en hann mun ekki spila með liðinu gegn FH um næstu helgi. Ingi Sigurðsson var líka búinn að gefa það út að hann ætlaði hætta eftir þetta tímabil, Ingi fékk gult spjald í leiknum og verður í leikbanni í síðasta leiknum.

=== '''Merkilegur leikur''' ===
Þegar íBV og íA mættust á Hásteinsvellinum gerðist margt athyglisvert. Gunnar Heiðar Þorvaldsson skoraði fyrstu þrennu sína fyrir meistaraflokk ÍBV og Niels Bo Daugaard skoraði sitt fyrsta mark fyrir liðið. Hlynur Stefánsson og Ingi Sigurðsson voru líklega báðir að spila sinn síðasta leik fyrir ÍBV en Stefán Bjöm Hauksson var aftur á móti að spila sinn fyrsta leik með meistaraflokki. Þeir félagar, Ingi og Hlynur eru nú í hópi leikjahæstu leikmanna ÍBV frá upphafi í efstu deild, Ingi hefur leikið flesta leikina eða 197 en Hlynur er þriðji í röðinni með 186 leiki. Þórður Hallgrímsson var leikjahæstur fyrir tímabilið með 189 leiki en Ingi sló það met gegn FH

=== '''Auðvelt hjá bikarmeisturunum''' ===
Kvennalið ÍBV mætti KA/Þór í tveimur leikjum helgina 13-15 september en í deildinni er leikin þrefóld umferð. Var seinni leikurinn því í þriðju umferðinni til að spara norðanliðinu ferðakostnaðinn. Fyrir tímabilið var ÍBV spáð efsta sæti í deildinni og eftir leikina um helgina skyldi enginn efast um að sú spá gæti hæglega ræst.

Fyrri leikurinn var mjög auðveldur fyrir ÍBV. Eyjastúlkur mættu varkárar til leiks en um leið og þær náðu þægilegri forystu hrökk pressan af þeim og liðið lék á als oddi. Staðan í hálfleik var 20-9 og varamenn liðsins famir að spreyta sig. Þrátt fyrir það hélst forysta IBV í síðari hálfleik og leikurinn endaði með ellefu marka sigri ÍBV 33-22. Mörk ÍBV: Alla Gorkorian 7/3, Anna Yakova 6/2, Ingibjörg Jónsdóttir 5, Birgit Engl 4, Þórsteina Sigurbjömsdóttir 3, Björg Ó. Helgadóttir 3, Sylvia Strass 3, Hildur Sigurðardóttir 1, Edda Eggertsdóttir 1. Varin skot: Vigdís Sigurðardóttir 24/2

Það mátti búast við að einbeitingarleysi gerði vart við sig hjá ÍBV í síðari leiknum sem fór fram daginn eftir. Varð sú raunin og reyndist erfitt að rífa sig upp úr lægðinni. Það var ekki fyrr en á tuttugustu mínútu sem ÍBV komst yfir í leiknum í fyrsta sinn.

Eftir það var aldrei spuming hvar sigurinn lenti og staðan í hálfleik var 12-7. Fátt markvert gerðist í seinni hálfleik, ÍBV náði mest sjö marka forystu en þegar sjö mínútur vom til leiksloka slógust þær Sylvia Strass hjá IBV og besti leikmaður norðanstúlkna, Ásdís Sigurðardóttir. Það eina sem þær uppskáru var brottvísun Lokatölur leiksins á laugardaginn urðu hins vegar 23-18 og er IBV í efsta sæti Essodeildarinnar í upphafi móts. Mörk ÍBV: Ingibjörg Jónsdóttir 5, Alla Gorkorian 5/1, Sylvia Strass 5, Birgit Engl 2, Björg Ó. Helgadóttir 2, Anna R. Hallgrímsdóttir 2, Þórsteina Sigurbjömsdóttir 1, Anna Yakova 1. Varin skot: Vigdís Sigurðardóttir 28/1

=== '''Stelpurnar urðu að sætta sig við silfrið''' ===
Annar flokkur kvenna var sá flokkur sem náði lengst í bikarnum af stóru flokkunum fjórum hjá ÍBV, meistaraflokkum karla og kvenna og 2. flokki karla sem öll komust í undanúrslit í bikamum. Stelpurnar léku til úrslita gegn KR og fór leikurinn fram á Hvolsvelli. ÍBV hefur síðustu þrjú ár komist í úrslitaleikinn, árið 2000 unnu stelpumar en hafa nú tapað síðustu tveimur leikjunum. Lokatölur leiksins um helgina urðu 3-2 fyrir KR. Stefanía Guðjónsdóttir, sem tók við þjálfun liðsins í ágústmánuði sagði að ÍBV hefði síst verið lakari aðilinn. ''„Það var leiðindaveður þegar leikurinn fór fram, rok og rigning og KR-ingarnir sóttu undan vindi í fyrri hálfleik. Þær skoruðu tvö mörk, fyrra markið um miðjan hálfleikinn og seinna markið undir lok hans og þar spilaði vindurinn stórt hlutverk og nánast feykti boltanum inn. Við sóttum aftur á móti miklu meira í seinni hálfleik. Margrét Lára skoraði glæsilegt mark beint úr aukaspyrnu um miðjan hálfleikinn og undir lokin tók hún aðra eins en Elva Dögg stýrði boltanum yfir línuna. í framlengingunni byrjuðum við með vindinn í bakið en KR-ingar ná einni skyndisókn og fá mjög svo vafasama vítaspymu sem þær skora sigurmarkið úr."''

=== '''Bikarleikur ÍBV spilaður á Hvolsvelli''' ===
Eyjamenn drógust gegn Breiðabliki í 1. umferð bikarkeppni HSÍ. Blikar eiga heimaleikaréttinn en þurfa að bera helmingskostnað af ferðum hins liðsins.

Það var því ákveðið að mætast á miðri leið og mun leikurinn fara fram á Hvolsvelli. Magnús Bragason handknattleiksráðsmaður segir að heimamenn a Hvolsvelli séu mjög spenntir fyrir því að fá leikinn sem fram fer miðvikudaginn 2. október kl. 20.00.

=== '''Tap í síðasta leik''' ===
ÍBV mætti FH á útivelli í 18. og síðustu umferð deildarinnar. FH-ingar þurftu nauðsynlega á öllum þremur stigunum úr þessum leik á meðan leikmenn ÍBV gátu andað rólega enda sæti liðsins í deildinni svo gott sem tryggt. Heimamenn voru töluvert beittari í leiknum og sigruðu verðskuldað 2-1. Fyrri hálfleikur var mjög bragðdaufur en engu að síður voru það eimamenn sem voru sterkari en hvorugu liði tókst að skora. Seinni hálfleikur var mun fjórugri en það voru Hafnfirðingar sem léku á als oddi. Þeir skoruðu tvö mörk áður en Tómas Ingi Tómasson skoraði gullfallegt mark með hjólhestaspyrnu.

=== '''Birkir og Michelle best''' ===
Þann 21. september var í fyrsta skipti haldinn sérstakur ÍBV dagur sem hófst með skemmtun fyrir ungliða ÍBV-íþróttafélags en endaði með stórglæsilegu lokahófi í Týsheimilinu. Þar voru samankomnir meistaraflokkar og annar flokkur karla og kvenna í fótboltanum og fólk sem starfað hefur fyrir félagið á árinu. Í ræðu sinni sagði Óskar Freyr Brynjarsson formaður að stjórnin hefði ákveðið að halda IBV-dag vor og haust þar sem handbolta- og fótboltavertíðirnar verða gerðar upp með leikmönnum, starfsfólki og velunnurum félagsins. Það var þröngt setinn bekkurinn í efri sal Týsheimilisins þar sem voru samankomnir um 150 manns. En það skemmdi ekki fyrir því góður matur var á borðum og fólk ákveðið í að njóta stundarinnar. Hápunktur kvöldsins var afhending viðurkenninga fyrir afrek sumarsins. Birkir Kristinsson var valinn besti maður meistaraflokks, Gunnar Heiðar Þorvaldsson var markahæstur og Andri Ólafsson efnilegastur.

Hjá konunum var Michelle Barr valin best, Bryndís Jóhannesdóttir var markahæst, Erna Dögg Sigurjónsdóttir efnilegust og Rakel Rut Stefánsdóttir þótti hafa sýnt mestu framfarir. Í 2. flokki karla var Einar Hlöðver Sigurðsson valinn bestur og Andri Ólafsson hafði sýnt mestar framfarir. Í 2. flokki kvenna var Margrét Lára Viðarsdóttir valinn best. Marteinsbikarinn fékk Lára Dögg Konráðsdóttir fyrir starf utan sem innan vallar. Fréttabikarana fengu Andri Ólafsson og Margrét Lára Viðarsdóttir en þeir falla í skaut þeim leikmönnum í yngri flokkum karla og kvenna sem að mati blaðsins hafa skarað fram úr.

=== '''Skellur gegn Val''' ===
Eyjamenn tóku á móti Val í fyrsta heimaleik sínum í vetur þann 21. september.

Á meðan Valsmönnum er spáð góðu gengi í vetur er ÍBV sagt lenda í neðri hluta deildarinnar. Leikurinn bar þess líka merki að liðin muni verða á sitt hvorum enda töflunnar því leikmenn IBV réðu ekkert við Valsmenn. Gestirnir spiluðu mjög grimma vörn í fyrri hálfleik og fengu fyrir vikið auðveld hraðaupphlaupsmörk á meðan ÍBV gekk ekkert að skora. Staðan í hálfleik var 3-18, aðeins þrjú mörk á hálftíma hjá IBV sem hlýtur að vera nálægt því að vera met. Seinni hálfleikur var skárri hjá ÍBV en Valsmenn slökuðu hins vegar á, breyttu um vamaraðferð og notuðu seinni hálfleikinn sem æfingu. Lokatölur leiksins urðu 15-33. Mörk ÍBV: Sigurður Ari Stefánsson 8/3, Sindri Haraldsson 3, Robert Bognar 2, Sigþór Friðriksson 1, Kári Kristjánsson 1. Varin skot: Viktor Gigov 7.

=== '''Fæstir áhorfendur á Hásteinsvelli''' ===
KSÍ hefur gefið út áhorfendatölur yfir leiki í Símadeild karla í sumar og kemur þar í ljós að áhorfendum hefur fækkað frá fyrra ári sem var metár. Áhorfendum á leikjum IBV hefur fækkað með hverju árinu og í sumar voru þeir fæstir á Hásteinsvelli. Alls mætti 601 að meðaltali á leiki ÍBV en flestir voru þeir á KR-vellinum, 1948 eða rúmlega 1300 fleiri en hjá ÍBV. Fæstir voru á leik Keflvíkinga og KA, 236 en fæstir áhorfendur á leik hjá ÍBV var í leiknum gegn Grindavfk eða 350. Flestir voru hins vegar á leiknum gegn Fram en þá mættu 860 manns á völlinn.

=== '''Heimir ekki áfram''' ===
Á lokahófi ÍBV-íþróttafélags sem haldið var með knattspyrnumönnum og konum á laugardaginn, var það gefið út að Heimir Hallgrímsson myndi ekki gefa kost á sér

sem þjálfari mfl. karla næsta sumar. Auk Heimis er fyrirséð að Ingi Sigurðsson og Hlynur Stefánsson leggja skóna á hilluna. Alls eru sjö leikmenn samningslausir, Bjami Geir Viðarsson, Bjarnólfur Lárusson, Hjalti Jóhannesson, Hjalti Jónsson, Kjartan Antonsson, Páll Hjarðar og Tómas Ingi Tómasson.

=== '''Laufey var með''' ===
Laufey Ólafsdóttir ÍBV var í kvennalandsliðinu sem lék gegn Englendingum í umspili um laust sæti á Heimsmeistarakeppninni. Laufey kom inn á í fyrri leik liðanna en var svo í byrjunarliðinu í síðari leiknum sem fór fram ytra. Fyrri leikurinn endaði með 2-2 jafntefli en leikurinn úti endaði með 1-0 sigri Englendinganna sem komust þar með áfram.

=== '''Ólafur fékk tækifæri''' ===
Ólafur Þór Berry lék með íslenska landsliðinu í knattspymu skipuðu leikmönnum 17 ára og yngri en liðið lék þá í undanriðli Evrópukeppninnar. Ólafur kom inn á í tveimur leikjum af þremur en íslenska liðið hafnaði í þriðja sæti af fjórum liðum og komst þar með ekki áfram.

=== '''Elva og Margrét til Póllands''' ===
Elva Dögg Grímsdóttir og Margrét Lára Viðarsdóttir hafa verið valdar í landslið skipað stelpum 19 ára og yngri en liðið tekur þátt í undanriðli Evrópumótsins. Riðillinn fer fram í Póllandi, nánar tiltekið í Podlasie sem er í rúmlega 200 km. fjarlægð frá Varsjá en liðið heldur erlendis mánudaginn 30. september.

=== '''Rúmlega 250 börn og foreldrar létu sjá sig''' ===
Lokahóf yngri flokka ÍBV í knattspyrnu var haldið í Týsheimilinu á laugardaginn 28. september en þetta er uppskeruhátíð allra yngri flokka karla og kvenna frá 7. fl og upp í 3. fl. og voru veittar viðurkenningar fyrir bestu ástundun, framfarir, prúðmennsku og í eldri flokkum leikmaður ársins. Það var því fjölmennt í Týsheimilinu þennan dag því mættir voru um 250 krakkar og foreldrar. Guðmunda Bjarnadóttir formaður unglingaráðs ÍBV setti hófið og bauð hún alla viðstadda hjartanlega velkomin sem og Inga Sigurðssyni bæjarstjóra sem sá um að afhenda allar viðurkenningar. Guðmunda benti krökkunum á að Ingi bæjó væri búin að stunda æfingar síðan hann var smá peyi og góð ástundun hefði skilað honum að í dag væri hann orðinn leikjahæsti leikmaður m.fl karla og bæjarstjóri. Unglingaráð vill þakka foreldrarfélögum, þjálfurum og öllum þeim sem hafa komið að starfi yngri flokka í sumar. ''„Ég er mjög ánægður með hvernig þetta tókst hjá okkur og ekki síst með það hvað margir foreldrar mættu.'' ''Það eru margir efnilegir krakkar að koma upp hjá okkur og þurfum við að hlúa að þeim. Lykillinn að því er góð samvinna við foreldra og hæfir þjálfarar,"'' sagði Óskar Freyr.

'''''Verðalaunhafar voru eftirfarandi;'''''

í 7.fl. kvenna: Fyrir ástundun, Guðný Erla Guðnadóttir, prúðmennsku Nína Friðriksdóttir og fyrir framfarir Bryndís Jónsdóttir.

6.fl.kvk.yngri: Fyrir ástundun Berglind Dúna Sigurðardóttir, prúðmennsku Ármey Valdimarsdóttir og framfarír Sigríður Lára Garðarsdóttir.

6.fl.kvk.eldri: Fyrir ástundun Sara Rós Einarsdóttir, prúðmennsku Ragnheiður Perla Hjaltadóttir og framfarir Guðný Ósk Ómarsdóttir.

5.fl.kvk yngri: Ástundun Erna Halldórsdóttir, prúðmennska Sandra Gísladóttir, framfarir Bryndís Gísladóttir.

5.fl.kvk eldri: Ástundun Andrea Káradóttir, Bylgja Dögg Sigmarsdóttir og Elísa Viðarsdóttir, prúðmennska Ingunn Ýr Sigurjónsdóttir og framfarir Aníta Elíasdóttir.

3.fl.kvk: Ástundun Ester Óskarsdóttir, framfarir Guðbjörg Erla Ríkharðsdóttir og leikmaður ársins Anna Kristín Magnúsdóttir.

3.fl.kk: Fyrir framfarir Ólafur Berry, ástundun: Finnbogi Friðfinnsson og leikmaður ársins er Björgvin Þorvaldsson.

4.fl.kk: fyrir framfarir Bjarki Hjálmarsson, ástundun Egill Jóhannsson og leikmaður ársins er Frans Friðriksson.

7.fl.kk.yngri: Fyrir framfarir Jón Ingason, prúðmennsku Guðmundur Tómas Geirsson

7.fl.kk.eldri: Fyrir framfarir Guðbjörn Guðjónsson, prúðmennsku Nökkvi Sverrisson og Sæþór Hallgrímsson og ástundun Arnar Freyr Jónsson.

5.fl.kk.yngri: Fyrir ástundun Sindri Georgsson, prúðmennsku Njáll Aron Hafsteinsson og framfarir Einar Gauti Ólafsson.

5.fl.kk.eldri: Fyrir ástundun Bjarki Ómarsson, prúðmennsku Björgvin Hallgrímsson og framfarir Tómas Kjartansson.

4.fl.kvk: Fyrir ástundun fékk allur flokkurinn, framfarir: Björg Brynjarsdóttir og leikmaður ársins er Fanndís Friðriksdóttir.

6.fl.kk.yngri: fyrir ástundun Björn Sigursteinsson, prúðmennsku Arnar Smári Gústafsson og framfarir Bjarni Kristjánsson.

6.fl.kk.eldri: Fyrir ástundun Haukur Jónsson, prúðmennsku Kristján Tómasson og framfarir Kristgeir Orri Grétarsson.

=== '''Stórt stökk fram á við''' ===
Karlalið ÍBV spilaði tvo leiki eina helgi í lok september, fyrst gegn Víkingum í Víkinni á föstudagskvöldið þar sem leikurinn endaði með jafntefli, 28 - 28. Svo kom Grótta/KR í heimsókn á sunnudaginn og þar urðu lyktir 25 - 23 fyrir IBV sem þar með hafði náð í þrjú stig í deildinni. Leikurinn gegn Víkingum var kaflaskiptur í meira lagi. Heimamenn náðu strax undirtökunum og mestur varð munurinn átta mörk, 11-3 en staðan í hálfleik var 19-11. í hálfleik breytti Erlingur Richardsson, þjálfari, hins vegar um vanaraðferð, úr 6 - 0 vöm í 4 - 2 og sú vörn virkaði mjög vel. Hægt og sígandi minnkaði munurinn og loks náði ÍBV að jafna 25 - 25. Eftir það voru það Víkingar sem voru skrefinu á undan en þegar aðeins örfáar sekúndur voru eftir jöfnuðu Eyjamenn leikinn og nældu sér þar með ísitt fyrsta stig í vetur. Mörk ÍBV: Sigurður Ari Stefánsson 9/1, Bognar 7, Sigurður Bragason 5, Sindri Ólafsson 3, Kári Kristjánsson 3, Erlingur Richardsson 1. Varin skot: Viktor Gigov 14.

Seinni leikurinn var heimaleikur gegn Gróttu/KR. Strax frá fyrstu mínútu var spiluð 4 - 2 vörn með þjálfarann, Erling Richardsson í hjarta vamarinnar. Sóknarleikur liðsins var líka mun betri, Sigurður Ari Stefánsson er farinn að skora úr öllum mögulegum færum og fyrir vikið opnast meira pláss fyrir aðra sóknarmenn. Um miðjan fyrri hálfleik kom reyndar slæmur kafli og ÍBV lenti þremur mörkum undir en strákarnir náðu að snúa leiknum sér í hag áður en flautað var til leikhlés. Í síðari hálfleik voru það Eyjamenn sem leiddu, fyrir utan að gestimir náðu að jafna tvívegis en lengra komust þeir ekki og því fögnuðu leikmenn ÍBV kærkomnum sigri í leikslok, 25 - 23. Mörk ÍBV: Sigurður Ari Stefánsson 8/2, Robert Bognar 6, Sigurður Bragason 4, Erlingur Richardsson 2, Kári Krjstjánsson 2, Sindri Ólafsson 2, Davíð Óskarsson 1. Varin skot: Viktor Gigov 8, Eyjólfur Hannesson 3/1.

=== '''Með fullt hús stiga''' ===
Kvennalið ÍBV lék tvo leiki síðustu viku septembermánaðar, fyrst sóttu stelpurnar Stjörnunna heim og tveimur dögum síðar FH. Leikurinn í Garðabænum byrjaði ekki vel fyrir ÍBV, Stjaman komst í 6 - 1 áður en Eyjastúlkur rönkuðu við sér. Staðan í hálfleik var 13-10 Stjömunni í vil. Síðari hálfleikur var mun betri hjá ÍBV. Eyjastúlkur skoruðu fyrstu fjögur mörkin og komust þar með í fyrsta sinn yfir í leiknum. Eftir það skiptust liðin á að skora en á endanum var það ÍBV sem hafði betur, 23 - 24. Mörk IBV: Anna Yakova 7/1, Alla Gorkorian 6/3, Sylvía Strauss 4, Ingibjörg Jónsdóttir 4, Björg Ólöf Helgadóttir 3. Varin skot: Vigdís Sigurðardóttir 12. Stelpurnar fengu litla hvíld á milli leikja en tveimur dögum síðar var komið að FH á þeirra heimavelli. FH-ingar eru með mjög ungt og efnilegt lið og þar er m.a. að finna einn Eyjamann því Bjarný Þorvarðardóttir er í leikmannahópi Hafnfirðinga. En leikurinn fór rólega af stað en smá saman dró í sundur með liðunum. ÍBV var svo yfir í hálfleik 11-15. Leikmenn ÍBV mættu svo fullrólegar í síðari hálfleik enda jöfnuðu Hafnfirðingar leikinn, 19- 19. Stelpumar settu þá aftur í gír og sigu framúr um miðjan hálfleikinn. Lokatölur urðu 23 - 26 og því er IBV eina liðið sem er með fullt hús stiga eftir fjórar umferðir. Mörk ÍBV: Alla Gorkorian 12/2, Anna Yakova 5, Ingibjörg Jónsdóttir 4, Sylvia Strass 3, Elísa Sigurðardóttir 1, Birgit Engl 1. Varin skot: Vigdís Sigurðardóttir 18.

=== '''Laufey í liði seinni umferðar''' ===
Knattspymusamband íslands stóð í sumar fyrir því, ásamt íþróttafréttamönnum að velja úrvalslið í Símadeild karla og kvenna. Þrjú lið voru valin í karlaboltanum en tvö í kvennaboltanum og varsíðasta val sumarsins tilkynnt í vikunni. Þar átti ÍBV einn fulltrúa þar sem Laufey Ólafsdóttir var í liði seinni umferðar Símadeildar kvenna. Þrjár á úrtaksæfingar Um helgina fóm fram úrtaks- æfingar hjá U-17 ára landsliði kvenna í handbolta.

== '''OKTÓBER:''' ==

=== '''Uppstokkun í stjórn karlafótboltans''' ===
Ásmundur Friðriksson, formaður stjórnar knattspyrnudeildar ÍBV, hefur látið af því starfi. Stærsti hluti stjórnarinnar hættir um leið og hefur Viðar Elíasson tekið við formennskunni og fengið nýja menn til liðs við sig. Aðdragandinn var nokkur og sjálfur segir Ásmundur að sér hafi fundist þetta rétti tíminn til að hætta núna eftir þrjú tímabil, bæði sé starfið tímafrekt og peningaleg staða deildarinnar góð sem auðveldi nýjum mönnum að taka við. ''„Það var fyrir þremur vikum, eða viku fyrir síðasta leikinn í deildinni, að ég hafði samband við stjórn ÍBV- íþróttafélags og sagðist vilja hætta núna,"'' sagði Ásmundur. ''„Ástæðurnar voru tvær, í fyrsta lagi mikið álag og í öðru lagi er deildin að skila hagnaði. Eftir að skrifstofa félagsins tók við bókhaldinu er það orðið sýnilegt sem er mikil breyting frá því þegar ég tók við árið 2000. Þá var staða deildarinnar miklu verri en okkur var sagt og var ekki auðvelt að henda reiður á hver raunveruleg staða var. Við í stjórninni getum verið nokkuð ánægðir og á þessum forsendum vildi ég hætta."'' Ásmundur segir að hann, ásamt Óskari Frey Brynjarssyni, formanni félagsins, hafi strax hafið leit að nýjum formanni fyrir stjórn knattspyrnudeildar. ''„Við ræddum við Viðar Elíasson sem var til, en ég þekki hann vel sem bekkjar- og fermingarbróður. Við settumst niður og lagði ég fram hugmyndir mínar um það hvernig ég vildi að þessi skipti færu fram. Við vorum ekki alveg sammála um hvernig þau yrðu og á tímabili var ég jafnvel hættur við að hætta. En við, ég, Viðar og Páll Scheving, framkvæmdastjóri félagsins, komumst að samkomulagi síðasta mánudag. Þatta snerist að nokkru leyti um starfslokasamning við Jóhann Inga Arnason, framkvæmdastjóra deildarinnar, sem vildi hætta."'' Ásmundur segir öll laun leikmanna sem næst í skilum og verði það sem upp á vantar gert upp á næstunni. Allt tal um óreiðu sé því úr lausu lofti gripið. ''„Framundan eru ýmis mál, það þarf að ræða við leikmenn, finna þjálfara og fara yfir auglýsingasamninga. Að þeirra ósk verð ég nýrri stjórn innan handar til að byrja með.''" Ásmundur vill leggja áherslu á að brotthvarf hans úr stjórninni hafi ekkert með brottrekstur Njáls Eiðssonar fyrrum þjálfara að gera. ''„Það hefur ekki verið minnst á það einu orði. Aðalatriðið er að við erum að skila góðu búi. Ég vil þakka stjórninni gott samstarf og öllum sem stutt hafa okkur á undanförnum árum. Ég óska nýrri stjórn velfarnaðar og áfram ÍBV,''" sagði Ásmundur að lokum.

=== '''Engin hallarbylting''' ===
Mannabreytingar hafa orðið í stjóm knattspyrnudeildar karla hjá IBV- íþróttafélagi. Auk Ásmundar hafa Friðrik Friðriksson og Eggert Garðarsson ákveðið að hætta en Friðrik ætlar sér reyndar að sinna málefnum yngri flokkanna að einhverju leyti. Ný stjóm knattspymudeildar karla er því þannig skipuð: Viðar Elíasson formaður, Jóhann Georgsson varaformaður, Gísli Hjartarsson ritari, Ágúst Einarsson, Magnús Valsson og Ástþór Jónsson en þeir tveir síðastnefndu voru fyrir í stjórninni. Viðar sagði í samtali við Fréttir að hvatinn til þess að taka þetta starf að sér væri fyrst og fremst áhugi fyrir íþróttalífi Eyjanna. „''Við gerum okkur hins vegar grein fyrir því að þetta er mjög tímafrekt starf en það er nú bara þannig með alla sjálfboðavinnu, að hún tekur öll tíma og það kemur yfirleitt niður á frítmanum. Stjórnarskiptin fóm fram í vinsemd, þetta var engin hallarbylting því menn vildu bara hætta á þessum tímapunkti."'' Hver eru fyrstu verkefni nýju stjómarinnar? ''„Það eru næg verkefni framundan hjá okkur og af nógu er að taka. Fyrsta verkefni okkar verður sjálfsagt að finna þjálfara fyrir meistaraflokk og í framhaldi af því munum við tala við þá leikmenn sem léku með okkur í sumar. Svo verðum við að sjálfsögðu að vera með augun opin fyrir þeim leikmönnum sem hægt er að fá til liðs við okkur. Við eigum hins vegar mjög efnilegan hóp af knattspymumönnum og að honum þarf að hlúa. Einnig höfum við séð fækkun áhorfenda, við þessu þarf að bregðast og almennt að auka áhuga á fótbolta í Eyjum."''

=== '''Stjórn kvennafótboltans segir of sér''' ===
Stjórn knattspyrnudeildar kvenna hefur öll ákveðið að segja af sér. Hefur hún farið þess á leit við aðalstjórn ÍBV að hún finni nýtt fólk í stjórn. ''„Reksturinn er á núllinu og við erum í skilum við alla, við vitum ekki betur. Menn eru orðnir þreyttir og búnir að fá nóg eftir sumarið,"'' sagði Sigurjón Þorkelsson fráfarandi formaður stjómarinnar.

Sigurjóni finnst leikmenn ekki gefa nóg af sér við stjómina og telur það vera eitthvað sem leikmenn í Eyjum mættu fara að huga að. „''Ég er til dæmis sár yfir því að á lokahófinu í Týsheimilinu skyldi enginn úr leikmannahópnum þakka stjóminni fyrir sumarið. Það er kannski lýsandi dæmi um hugarfarið hjá leikmönnum. Þeir'' ''vilja allt fá en gefa ekki nóg til baka. Sumarið hefur verið erfitt en stjómin'' ''var stofnuð fyrir fjórum ámm og sumir ráðsmanna búnir að sitja í því allan tímann. Síðastliðið sumar var erfiðara en öll hin árin til samans."'' Sigurjón viðurkennir að það hafa verið erfið ákvörðun að láta Elísabetu Gunnarsdóttur, þjálfara, hætta. ''„Það var annað hvort að láta hana hætta eða'' ''draga liðið út úr keppni því allnokkrir leikmenn ætluðu að hætta ef hún yrði'' ''áfram. Við erum sprungnir enda fylgir þessu mikil vinna, miklu meiri en fólk heldur. Eg vona að aðalsttjórn ÍBV finni gott fólk í stjórn og ég óska þeim velfarnaðar. Helst vildi ég sjá einhverja foreldra leikmanna koma inn í stjórnina en við höfum oft orðið'' ''fyrir harðri gagnrýni af þeirra hálfu. Hún hefur oft á tíðum ekki verið sanngjörn að mínu mati,"'' sagði Sigurjón að lokum.

=== '''Halldór hættur með yngri flokkana''' ===
Um leið og hlé verður á æfingum í knattspyrnu yngri flokkanna mun Halldór Öm Þorsteinsson hætta sem yfirþjálfari yngri flokka ÍBV. Halldór hefur sinnt þessu starfi auk þess að þjálfa nokkra flokka félagsins og hefur almennt verið mikil sátt um hans störf. Hann hættir hins vegar af persónulegum ástæðum. ''„Það er ýmislegt sem verður lítið við ráðið sem veldur því að ég þurfti að hætta. Þetta em fyrst og fremst persónuleg vandamál sem gerðu það að verkum að ég gat ekki annað en flutt aftur í Árbæinn."'' En hvernig likaði þér að vinna hjá ÍBV? ''„Eg viðurkenni það fúslega að mér fannst erfitt að vera hérna fyrstu vikumar enda hef ég alla tíð búið í Reykjavfk. Það vandist hins vegar fljótt. Ég er hins vegar mjög ánægður með Magnús Sigurðsson fyrrum framkvæmdastjóra og unglingaráðið enda áttum við gott samstarf. Menn hafa verið að gera grín að því hérna að ég hljóti að vera góður þjálfari fyrst ég var eini aðkomuþjálfarinn sem var ekki látinn fjúka í sumar en félagið færir góðan vitnisburð hjá mér,"'' sagði Halldór

=== '''Stórsigur hjá 2. flokki''' ===
2. flokkur karla lék sinn fyrsta leik í íslandsmótinu í byrjun október en þá mætti liðið Stjörnunni á útivelli. Strákarnir unnu stórsigur, 35-23 eftir að staðan í hálfleikvar 11-20. Mörk ÍBV: Davíð Þór Óskarsson 14, Sigurður Ari Stefánsson 7, Kári Kristjánsson 4, Sigþór Friðriksson 4, Sindri Haraldsson 2, Jens Kr. Elíasson 2, Karl Haraldsson 1, Sindri Ólafsson 1. Varin skot: Eyjólfur Hannesson 18

3. flokkur karla lék sömuleiðis sinn fyrsta leik í Islandsmótinu en þjálfari beggja flokkanna er Erlingur Richardsson. Leikið var gegn FH ingum í Hafnarfirðinum en eftir afleitan fyrri hálfleik var staðan í hálfleik 10-5. Seinni hálfleikur var mun betri en lokatölur urðu hins vegar 22-21 fyrir FH. Mörk IBV: Baldvin Sigurbjórnsson 5/3, Grétar Eyþórsson 4, Benedikt Steingrímsson 3, Magnús Sigurðsson 3, Leifur Jóhannesson 2, Vignir Svafarsson 2, Sævald Hallgrímsson 2. Varin skot: Þorgils Jónsson 5, Halldór Grímsson 11.

=== '''Stelpurnar frábærar''' ===
Kvennalið ÍBV tók á móti Val 3. október. Gestirnir áttu ekki mörg svör gegn leik ÍBV og endaði leikurinn með tíu marka sigri Eyjastúlkna. Mörk ÍBV: Alla Gorkorian 9/4, Anna Yakova 6, Ingibjörg Jónsdóttir 5, Sylvia Strass 2, Björg Ólöf Helgadóttir 2, Edda Eggertsdóttir 1, BirgitEngl 1. Varin skot: Vigdís Sigurðardóttir 19.

Það var sutt á milli leikja þá vikuna en tveimur dögum síðar kom lið Fram í heimsókn en ÍBV var mun sterkara liðið og lokatölur urðu 36-20. Fyrstu fimm mínúturnar voru hins vegar jafnar og ekki að sjá að Framliðið væri á botni deildarínnar. En það var eins og þessar mínútur hafi bara verið upphitun hjá Eyjaliðinu því næstu fímmtíu og fimm mínútumar var nánast aðeins eitt lið á vellinum. Staðan í hálfleik var 20 - 8.

Mörk ÍBV: Ingibjörg Jónsdóttir 7/1, Alla Gorgorian 5/1, Anna Yakova 5, Ana Perez 4/1, Edda Eggertsdóttir 4, Sylvia Strass 3, Þórsteina Sigurbjörnsdóttir

2, Birgit Engl 2, Aníta Ýr Eyþórsdótfir 2/1, Hildur Sigurðardóttir l,Björg Ó. Helgadóttir 1. Varin skot: Vigdís Sigurðardóttir 20/1, íris Sigurðardóttir 1.

=== '''Tap í Garðabæ''' ===
Karlalið IBV sótti Stjörnuna heim en leikurinn var lengst af í járnum en loktatölur urðu 28 – 26 Stjörnunni í vil. Garðbæingar byrjuðu betur, skoruðu fyrstu tvö mörkin og voru ávallt skrefí á undan. Undir lok fyrri hálfleiks datt hins vegar leikur ÍBV nokkuð niður og staðan í hálfleik var 11-9. Það tók svo Eyjamenn um það bil hálfan seinni hálfleik að komast inn í leikinn aftur. Undir lokin tókst IBV að minnka muninn niður í eitt mark. Þá voru sjö mínútur eftir og leikurinn galopinn. En lengra komust strákarnir ekki og Stjörnumenn tryggðu sér tveggja marka sigur þegar skammt var til leiksloka. Mörk IBV: Robert Bognar 7/1, Sigurður Ari Stefánsson 5, Sindri Haraldsson 4, Kári Kristjánsson 4, Sindri Ólafsson 2, Erlingur Richardsson1, Ríkharð Guðmundsson 1, Sigþór Guðmundsson 1, Sigurður Bragason 1. Varin skot: Eyjólfur Hannesson 5, Viktor Gigov 7.

=== '''Gunnar Heiðar efnilegastur''' ===
Lokahóf KSÍ fór fram á upphafsdögum október mánaðar en það fór fram á skemmtistaðnum Broadway í Reykjavík. Að venju var mikið fjör en hápunktur kvöldsins er ávallt þegar val leikmanna og þjálfara, bæði í karla- og kvennaboltanum, á besta og efnilegasta leikmanninum er tilkynnt. Efnilegasti knattspyrnumaðurinn var valinn Gunnar Heiðar Þorvaldsson ÍBV en auk þess voru þau Birkir Kristinsson og Laufey Ólafsdóttir valin í lið ársins.

=== '''Ekkert bikarævintýri hjá körlunum''' ===
Bæði A- og B-lið meistarflokks karla í handknattleik léku í 32ja liða úrslitum bikarkeppninnar. A-liðið átti að eiga frekar léttan leik fyrir höndum þegar liðið mætti Breiðabliki, sem leikur í utandeildinni en leikurinn fór fram á Hvolsvelli. Ekki vantaði stuðning við IBV þar því áhorfendur létu vel í sér heyra. Það dugði hins vegar ekki til því Blikar unnu leikinn mjög óvænt 27-26. B-liðið mætti hins vegar ÍR-ingum hér í Eyjum og þrátt fyrir góða tilburði þá voru það ÍR-ingar sem unnu leikinn nokkuð örugglega, 20-39. Mörk ÍBV: Sigbjörn Óskarsson 6/3 (18 tilraunir), Jón Logason 4/2, Davíð Guðmundsson 2, Haraldur Hannesson 2 (engin vippa), Daði Pálsson 1, Eyþór Harðarsson 2/1, Arnar Richardsson 1, Jón Atli Gunnarsson 1, Helgi Bragason 1

=== '''Margrét Lára á skotskónum''' ===
Margrét Lára Viðarsdóttir lék með U-19 ára landsliði íslands í undanriðli Evrópumótsins. Riðillinn fór fram í Póllandi en auk heimamanna voru íslendingar, Belgía og Bosnía-Herzegóvína í riðlinum. Íslenska liðið vann einn leik, gerði eitt jafntefli og tapaði einum og endaði í þriðja sæti riðilsins. Íslenska liðið er þar með úr leik en Margrét Lára skoraði þrjú af fimm mórkum Íslands en hún var eini leikmaður ÍBV í hópnum.

=== '''Andri Ólafs til Aston Villa''' ===
Andra Ólafssyni hefur verið boðið til æfinga hjá enska úrvalsdeildarliðinu Aston Villa. Hér á árum áður gerðist það á hverju ári að ungum og efnilegum knattspyrnumönnum í Eyjum var boðið til erlendra stórliða til æfinga yfir vetrartímann til að fá smjörþefinn af atvinnumennskunni, en það hefur hins vegar minnkað hin síðari ár.

=== '''Ana Perez byrjuð aftur''' ===
Hin sterka handknattleikskona, Ana Perez sem lék með IBV á síðasta tímabili, hefur tekið fram skóna á nýjan leik og var hún í leikmannahópi ÍBV þegar liðið mætti Val á útivelli í síðustu viku. Ana kom hingað í haust og býr hér ásamt íslenskum unnusta sínum og ljóst að leikmannahópur IBV hefur sjaldan verið jafn sterkur og nú.

=== '''Erlingur meiddur''' ===
Erlingur Richardsson, þjálfari meistaraflokks karla í handknattleik hefur í síðustu leikjum verið að koma meira inn í leik liðsins og hefur hann styrkt varnarleik liðsins til muna. I leiknum gegn Stjörnunni meiddist hann hins vegar og óvíst hvort hann verður klár í slaginn gegn HK.

=== '''Kjartan farinn til Fylkis''' ===
Varnarmaðurinn sterki, Kjartan Antonsson, sem hefur spilað síðustu fjögur ár með ÍBV, hefur nú ákveðið að spila með Fylki á næsta tfmabili. Kjartan lék ellefu leiki með ÍBV í sumar en var lengi frá vegna meiðsla. Þar með hefur ÍBV misst tvo af þeim þremur sem hafa skipað miðvarðarstöðuna undanfarin ár, þá Hlyn Stefánsson og Kjartan en eftir stendur Páll Hjarðar

=== '''Góð sigling á strákunum í 2. flokki''' ===
Annar flokkur karla lék þann 13. september gegn Gróttu og fór leikurinn fram hér í Eyjum. Strákarnir voru ekki í vandræðum með að tryggja sér sinn annan sigur í íslandsmótinu í röð í fyrstu tveimur umferðunum, lokatölur leiksins urðu 31 - 24.

ÍBV var sterkari aðilinn í leiknum og náði fljótlega fjögurra marka forystu en staðan í hálfleik var 14-10. Seinni hálfleikur var svo í jafnvægi framan af en undir lokin settu strákarnir aftur í gír og tryggðu sér sjö marka sigur undir lokin.

Mörk IBV: Kári Kristján Kristjánsson 8, Davíð Þór Óskarsson 7, Sigurður Ari Stefánsson 5, Sindri Haraldsson 4, Benedikt Óskar Steingrimsson 2, Jens Kristinn Elíasson 2, Sigþór Friðriksson 2.

4. flokkur kvenna lék einnig hér í Eyjum í fyrstu umferð Íslandsmótsins en með ÍBV í riðli voru Grótta, Grótta 2 og Valur. ÍBV tapaði öllum leikjum sínum, fyrst gegn Val 8 - 11, svo gegn Gróttu 2 13- 15 og svo gegn Gróttu 6-19. Þetta voru fyrstu leikir Eyjastelpnanna á meðan önnur lið hafa leikið æfingaleiki og reyndin hefur verið þannig undanfarin ár að yngri flokkar ÍBV sæki á þegar á líður íslandsmótið.

Mörk ÍBV um helgina: Ester Óskarsdóttir 11, Hekla Hannesdóttir 4, Sara Sigurðardóttir 3, Sæunn Magnúsdóttir 3, Silja Rós Guðjónsdóttir 3, Þórunn Sigurðardóttir 2, Birgitta Rúnarsdóttir 1.

=== '''Gerðu það sem þurfti''' ===
Kvennalið ÍBV mætti ungu en efnilegu liði Fylkis/ÍR en fyrir leikinn var ÍBV með fullt hús stiga en nýliðarnir áttu enn eftir að næla sér í sín fyrstu stig. Það áttu því flestir von á því að sigurinn yrði nánast formsatriði fyrir IBV en gestirnir bitu frá sér í fyrri hálfleik og í hálfleik var staðan 14-10 fyrir ÍBV. Seinni hálfleikur var svo leikur kattarins að músinni. Leikmenn ÍBV fóru á kostum í upphafi seinni hálfleiks og skoruðu þá níu mörk úr tíu sóknartilraunum. Lokatölur urðu 34-20 og því er ÍBV enn með fullt hús stiga. Mörk ÍBV: Sylvia Strass 11, Anna Yakova 7, Alla Gorkorian 6/3, Ingibjörg Jónsdóttir 4/1, Edda Eggertsdóttir 3, Birgit Engl 2, Elísa Sigurðardóttir 1. Varin skot: Vigdís Sigurðardóttir 21.

=== '''Sóknarleikurinn hrundi''' ===
Karlalið IBV tók á móti HK í Essodeild karla þar sem gestirnir sigruðu 21-24. Fyrri hálfleikur var jafn lengst af en sóknarleikur IBV var samt sem áður mjög stirður. Það var fyrst og fremst Robert Bognar sem hélt honum uppi í fyrri hálfleik. Gestirnir voru með tveggja marka forystu í hálfleik, 11-13 en byrjun ÍBV í seinni hálfleik var afleit, sóknarleikurinn hrundi algjörlega og fyrir vikið fengu gestirnir auðveld mörk hraðaupphlaupum. Staðan breyttist úr 11-13 í 12-18 og úrslit leiksins nánast ráðin.

Varamennirnir fengu að spreyta sig undir lokin og stóðu sig ágætlega, minnkuðu m.a. muninn niður í þrjú mörk en komust ekki lengra. Mörk ÍBV: Robert Bognar 8/2, Sigurður Ari Stefánsson 4/1, Davíð Þór Oskarsson 3, Michael Lauritsen 3, Kári Kristjánsson 2, Sigurður Bragason 1. Varin skot: Viktor Gigov 11/2.

=== '''Eyjamenn í landsliðinu''' ===
Að þessu sinni voru þrír Eyjamenn í leikmannahópi íslenska landsliðsins þegar liðið mætti Skotum. Birkir Kristinsson vermdi tréverkið en Hermann Hreiðarsson og Ívar Ingimarsson spiluðu allan leikinn þegar Ísland tapaði 0-2. Gunnar Heiðar Þorvaldsson var svo í leikmannahópi íslenska U-21 árs landsliðsins sem tapaði einnig 0-2 fyrir Skotum. Gunnar sat á bekknum en kom inn á undir lokin en þessir fjórir leikmenn munu vera í leikmannahópum íslensku liðanna þegar þau mæta Litháen.

=== '''Laufey og Rakel til Vals''' ===
Á vef mbl.is er sagt frá því að Laufey Ólafsdóttir og Rakel Logadóttir, sem báðar léku með ÍBV í knattspyrnu í sumar, hafi gengið til liðs við sitt gamla félag Val. Báðar gengu þær í raðir ÍBV fyrir síðasta sumar og stóðu vonir manna til þess að Layfey yrði áfram en vitað var að Rakel ætlaði ekki að framlengja samninginn.

=== '''Stelpurnar óstóðvandi''' ===
Helgina 18-20 október fór fram svokölluð Essobomba, en þá eru leiknar tvær umferðir á þremur dögum. Á föstudagskvöld tóku stelpurnar á móti Gróttu/KR en ÍBV ekki í vandræðum með gestina og hreinlega valtaði yfir þá. Sigurinn byggðist fyrst og fremst á gríðarlega sterkum vamarleik þar sem boltinn vannst og við það fékk liðið hraðaupphlaup. Liðið lék sérstaklega vel fyrstu tuttugu mínútumar í síðari hálfleik og þegar rúmar fimm mínútur vom eftir af leiknum höfðu gestimir aðeins skorað fjögur mörk í síðari hálfleik. Lokatölur urðu hins vegar 28-19. Mörk ÍBV: Alla Gorkorian 7/3, Ingibjörg Jónsdóttir 6, Birgit Engl 4, Edda Eggertsdóttir 3, Ana Perez 2, Björg Ó. Helgadóttir 2, Sylvia Strass 2, Anna Yakova 2.

Liðið lék svo gegn Guðbjörgu Guðmannsdóttur og félögum hennar í Víkingum og fór leikurinn fram í Víkinni. Sigurganga ÍBV var ekki rofin þar því lokatölur í Víkinni urðu 16-23. ÍBV spilaði fyrri hálfleikinn ekki vel á sunnudaginn en var þó einu marki yfir en í hálfleik, 11-12. Sagan endurtók sig frá því á föstudagskvöldið því fyrstu tuttugu mínútumar í síðari hálfleik lék liðið á alls oddi, fékk á sig aðeins tvö mörk en skoraði níu og tryggði sér þar með sigurinn. Mörk ÍBV; Alla Gorkorian 12/6, Anna Yakova 6, Elísa Sigurðardóttir 1, Ingibjörg Jónsdóttir 1, Björg Ó. Helgadóttir 1, Birgit Engl 1, Sylvia Strass 1. Varin skot: Vigdís Sigurðardóttir 11/1.

=== '''Langt ferðalag en bág uppskera''' ===
Karlalið ÍBV lagði land undir fót og fór í helgarferð til Akureyrar en alls tók ferðalagið um 43 klukkustundir, fyrir leik sem stendur yfir í rúman klukkutíma. Leikmenn og forráðamenn lögðu það á sig að fara með Herjólfi og gista tvær nætur.. Þórsarar voru mun betri í upphafi leiks og voru átta mörkum yfir í hálfleik, 18-10. Seinni hálfleikur var lítið betri af hálfu ÍBV og niðurstaðan var ellefu marka tap fyrir norðan, 36-25. Mörk ÍBV: Sigurður Ari Stefánsson 8/6, Sindri Haraldsson 5, Davíð Óskarsson 5, Richard Guðmundsson 3, Sindri Haraldsson 2, Sigþór Friðriksson 1, Sigurður Bragason 1, Robert Bognar 1. Varin skot: Viktor Gigov 7, Eyjólfur Hannesson 1.

=== '''Ekki að renna á rassinn''' ===
Þjálfaramál karlaliðs IBV í knattspymu hafa verið áberandi í fjölmiðlum landsins undanfarna daga en liðið var í samningsviðræðum við Sigurð Jónsson, fyrum þjálfara FH, um að taka liðið að sér. Sigurður ákvað á síðustu stundu að taka frekar boði Víkinga en Viðar Elíasson, formaður knattspymudeildar karla, sagði í samtali við Fréttir að Sigurður hefði verið mjög jákvæður fram að því. „ ''Staðan var orðin þannig að Sigurður var búinn að segja við okkur að hann væri jákvæður fyrir því að koma til okkar. Það kom í raun ekki upp fyrr en á laugardaginn að hann ætlaði sér annað. Við erum hins vegar í viðræðum við þjálfara og erum alls ekkert að renna á rassinn í þessum málum. Ég neita því hins vegar ekki að við hefðum viljað vera komnir lengra með þessi mál."''

=== '''Gáfu ekki kost á sér''' ===
Það hefur vakið athygli undanfarið að þegar talið hefur verið í kvennalandslið Íslands hefur verið gengið framhjá leikmönnum ÍBV. Fyrir skömmu var hins vegar tílkynnt um hver æfingahópur landsliðsins væri og þar vora bæði Vigdís Sigurðardóttir og Ingibjörg Jónsdóttir. Hvorugar þeirra gáfu hins vegar kost á sér í liðið vegna anna auk þess sem þátttaka í kvennalandsliðinu kalli á vinnutap og langa fjarveru frá fjölskyldum.

=== '''Góður sigur hjá unglingaflokki''' ===
Unglingaflokkur ÍBV í handbolta, sem er næst elsti kvennaflokkurinn, lék um miðjan október fyrsta leik sinn í íslandsmótinu en þá tók liðið á móti HK. Stelpurnar voru mun sterkari í fyrri hálfleik og vom fimm mörkum yfir í hálfleik, 14 - 9. En stelpurnar misstu einbeitninguna um stund í síðari hálfleik og HK gekk á lagið. En undir lokin náðu leikmenn IBV aftur að auka muninn og sigruðu leikinn með tveimur mörkum, 23- 21. Mörk ÍBV: Aníta Eyþórsdóttir 7, Björg Ólöf Helgadóttir 5, María Guðjónsdóttir 4, Hildur Jónsdóttir 4, Þórsteina Sigurbjörnsdótfir 2, Ester Óskarsdóttir 1. Bima Þórsdóttir átti góðan dag í markinu.

=== '''Tryggvi tryggði Rosenborg titilinn''' ===
Þrátt fyrir misjafnt gengi Stabæk að undanförnu, sáu leikmenn þess til þess að Rosenborg varð norskur meistari í knattspymu, ellefta árið í röð. Í næst síðustu umferð mætti Stabæk nefnilega helsta keppinaut Rosenborg, Molde og sigruðu Tryggvi Guðmundsson og félagar 4 - 2 en með tapinu átti Molde ekki lengur möguleika á að ná Rosenborg að stigum. Tryggvi skoraði eitt mark og færði þar með landa sínum, Áma Gauti Arasyni norska titilinn á silfurfati.

=== '''Magnús Gylfason þjálfar ÍBV''' ===
Í síðari hluta októbermánaðar var gengið munnlega frá ráðningu Magnúsar Gylfasonar í stöðu þjálfara karlaliðs ÍBV í knattspymu. ÍBV hefur í nokkum tíma verið eina liðið í efstu tveimur deildum Islandsmótsins sem ekki hefur gengið frá þjálfaramálum. Magnús hefur undanfarið verið þjálfari U-17 ára landsliðs Íslands en hefur auk þess þjálfað yngri flokka KR og verið aðstoðarþjálfari hjá meistaraflokki. Hann þjálfaði líka Víking frá Ólafsvík fyrir nokkrum árum og hefur einnig verið aðstoðarþjálfari U-21 árs landsliðs Íslands undanfarið þannig að reynsla hans í efstu deild er lítil. Það er hins vegar rétt að benda á það að þeir þjálfarar sem þjálfað hafa ÍBV undanfarin ár eiga það flestir sammerkt að hafa litla reynslu í efstu deild þegar þeir hafa þjálfað ÍBV. Magnús sagði í samtali við Fréttir að hann væri fyrst og fremst mjóg ánægður með að fá tækifæri til að þjálfa IBV. ,,''Mér líst mjög vel á þetta. Ég hef að sjálfsógðu fylgst með ÍBV liðinu í gegnum árin, en ekki með það fyrir augum að taka við liðinu einhvem daginn en engu að síður séð nokkra leiki."'' Aðspurður um hvort hann komi til með að flytja til Eyja strax sagði Magnús svo ekki vera. „''Ætli það verði ekki sami gangur á þessu og hefur verið undanfarin ár, ég verð í Reykjavík í vetur og stýri strákunum hérna en verð svo með aðstoðarmann í Eyjum. Eg stefni hins vegar á það að vera kominn til Eyja ekki seinna en 1. maí. Ég rek fiskvinnslu hér í Hafnarfirði þannig að ég á eftir að ræða þetta við mína meðeigendur og sömuleiðis eigum við fjölskyldan eftir að setjast niður og ræða þetta."''

=== '''Baráttusigur á meisturunum''' ===
Kvennalið ÍBV tók á móti Haukum, sem eru ríkjandi Islandsmeistar. Leikurinn var hin besta skemmtun fyrir þær fimm hundruð manneskjur sem studdu stelpurnar til sigurs og endaspretturinn skyggði ekki á gleðina. Það blés hins vegar ekki byrlega í segl ÍBV í upphafi leiks því leikmönnum liðsins voru afar mislagðar hendur í sókninni en Lukrecija Bokan, sem áður lék í marki ÍBV var einnig Eyjastúlkum erfíð. Haukar komust fimm mörkum yfir strax í upphafi en með mikilli baráttu tókst stelpunum að jafna. Haukar voru þó yfír í hálfleik, 10-11. Í upphafi seinni hálfleiks leit svo allt út fyrir að Haukarnir myndu aftur ná þægilegri forystu en þá tóku leikmenn ÍBV við sér. Sylvia Strass fór fyrir sínum manneskjum í sókninni, stýrði liðinu eins og herforingi auk þess sem Vigdís Sigurðardóttir nánast lokaði markinu. Sylvia kom ÍBV yfir í fyrsta sinn í leiknum á átjándu mínútu síðari hálfleiks og eftir það litu leikmenn ÍBV ekki um öxl, heldur juku muninn til leiksloka. Lokatölur urðu svo 27- 22, glæsilegur sigur á Íslandsmeisturunum og því er ÍBV enn ósigrað eftir tíu fyrstu leikina í Íslandsmótinu. Mörk ÍBV: Alla Gorkorian 9/2, Sylvia Strass 8/2, Birgit Engl 4, Anna Yakova 3, Ingibjörg Jónsdóttir 2, Björg Ólöf Helgadóttir 1.

=== '''Enn eitt tap''' ===
Karlalið ÍBV tók á móti FH en í liði FH-inga eru þrír Eyjamenn, þeir Svavar Vignisson, Arnar Pétursson og Björgvin Þór Rúnarsson. Leikurinn bar þess helst merki að dómarapar hans var algjörlega úti á þekju og urðu þeir þess valdandi að IBV tapaði leiknum en jafntefli hefðu líklega verið sanngjörnustu úrslitin. Eins og svo oft áður var sóknarleikur IBV afar tilviljunarkenndur og skorti menn oft viljann til að skora. Það lagaðist reyndar þegar á leið, og innkoma Davíðs Þórs Óskarssonar virkaði sem vítamínsprauta á sóknarleikinn. Það kom svo í ljós að það var aðeins í byrjun sem FH-ingar náðu einhverju forskoti en jafnt var á óllum tölum það sem eftir lifði fyrri hálfleiks. Seinni hálfleikur byrjaði á sömu nótum, liðin skiptust á að skora en á tólftu mínútu dró til tíðinda. Þá áttust við tveir keppnismenn, þeir Arnar Pétursson og Davíð Óskarsson sem endaði með því að Davíð fékk rautt spjald. Sá dómur var hreint óskiljanlegur, ef einhverjum hefði átt að vera refsað var það Arnar en atvikið var annars mjög saklaust og í raun ástæðulaust að refsa nokkrum manni fyrir það. Á þessum leikkafla voru Eyjamenn tveimur færri og það nýttu gestirnir sér og náðu þriggja marka forystu. Henni héldu þeir til leiksloka og sigruðu 24-21. Mörk ÍBV: Robert Bognar 8/1, Davíð Þór Oskarsson 4, Sigurður Bragason 3/1, Sigþór Friðriksson 2, Michael Lauritsen 1, Erlingur Richardsson 1. Varinskot: Viktor Gigov 13/1.

=== '''Dómararnir báðust afsökunar''' ===
Í leik ÍBV og FH í Essodeild karla komu upp mörg vafasöm atriði í dómgæslunni og eitt þeirra var þegar Davíð Óskarssyni var vikið af velli með rautt spjald á 42. mínútu. Dómarapar Ieiksins, þeir Ingi Már Gunnarsson og Þorsteinn Guðnason, skoðaði atvikið á myndbandi að ósk forráðamanna ÍBV og þar sáu þeir hið sanna. Í framhaldi af því sendu þeir félagar HSÍ bréf þar sem þeir skýrðu frá því að Davíð hefði ekki átt að fá rauða spjaldið og bættu við að Arnar Pétursson, leikmaður FH, hefði með réttu átt að fá spjaldið. Magnús Bragason, fonnaður handknattleiksráðs sagðist vera mjög ánægður með þessi vinnubrögð. „''Þeir eru meiri menn fyrir vikið að viðurkenna mistök sín og það er virðingarvert. Þeir báðust líka afsökunar eftir að hafa séð atvikið en engu að síður hafði þetta mikil áhrif á leikinn og kostaði okkur sigurinn."''

=== '''Stórt tap gegn Fram''' ===
ÍBV mætti Fram þann 28.október og fór leikurinn fram í Reykjavík. Fyrirfram var búist við frekar erfiðum leik þó svo að liðin hafi verið á svipuðum slóðum fyrir leik. Leikurinn fór ágætlega af stað fyrir ÍBV og jafnt var á öllum tölum framan af. En í stöðunni 8-8 kom afleitur kafli hjá ÍBV þar sem staðan breyttist í 15-9 og voru það hálfleikstölur. Framarar héldu svo áfram að þjarma að ÍBV og komust í 20-10 í upphafi seinni hálfieik og úrslitin ráðin. Framarar voru svo ekki í vandræðum með að halda forystunni og niðurstaðan varð því ellefu marka sigur Framara 33-22. Mörk ÍBV: Michael Lauritsen 6, Sigurður Ari Stefánsson 3, Sigurður Bragason 3, Davíð Þór Óskarsson 2/2, Kári Kristjánsson 2, Robert Bognar 2, Sigþór Friðriksson 2, Sindri Haraldsson 1, Erlingur Richardsson 1.

=== '''Gunnar Heiðar til Mouscron''' ===
Einn efnilegasti knattspyrnumaður íslands, Gunnar Heiðar Þorvaldsson, er á leið til belgíska efstu deildarliðsins Mouscron til reynslu. Gunnar mun fara út í enda nóvember og verður ytra í viku til að byrja með. Gunnar Heiðar er með samning við ÍBV þannig að ef af því verður að hann gangi til liðs við belgíska félagið mun það þurfa að greiða fyrir Gunnar.

=== '''Tryggvi fékk silfurskóinn norska''' ===
Í lok október lauk keppni í norska fótboltanum og Tryggvi Guðmundsson og félagar hans í Stabæk enduðu í fimmta sæti deildarinnar. Stabæk sigraði í síðasta leiknum gegn Moss, 7 - 2 og skoraði Tryggvi tvö mörk í leiknum. Með mörkunum tveimur tryggði hann sér annað sætið á lista yfir markahæstu menn norska boltans og ljóst að fyrir vikið verður enn erfiðara fyrir Atla Eðvaldsson að líta framhjá honum þegar kemur að því að velja í íslenska landsliðið.

=== '''María í U-18ára landsliðið''' ===
Hin unga og efnilega handknattleikskona, María Guðjónsdóttir, var valin til þess að taka þátt í æfingum hjá landsliði íslands, skipuðu leikmönnum 18 ára og yngri. Næsta sumar tekur liðið þátt í undankeppni Evrópumótsins en Evrópumótið fer svo fram í Rússlandi næsta haust.

=== '''Skrifa undir''' ===
Í lok október framlengdu Unnar Hólm Ólafsson og Bjarni Geir Viðarsson samninga sína við karlalið ÍBV í knattspyrnu. Samningar þeirra félaga gilda til 2004. Enn eru nokkrir leikmenn með lausan samning, m.a. Bjarnólfur, Tómas Ingi og bæði Hjalti Jóhannesson og Hjalti Jónsson.

== '''NÓVEMBER:''' ==

=== '''Yngri flokkarnir á góðu skriði''' ===
2. flokkur karla lék tvo leiki í byrjun nóvember og fóru þeir báðir fram í Eyjum. Fyrri leikurinn var gegn Aftureldingu en strákarnir spiluðu ekki vel en gestirnir mættu mjög grimmir til leiks. ÍBV tapaði leiknum með fimm mörkum, 19-24 eftir að staðan í hálfleik hafði verið 9- 12. Mörk ÍBV: Davíð Þór Óskarsson 7, Sindri Haraldsson 5, Sigurður Ari Stefánsson 4, Kári Kristjánsson 2 og Sindri Ólafsson 1. Tveimur dögum síðar var leikið gegn Haukum og mættu strákarnir mun frískari í þann leik en gegn Aftureldingu. Staðan í hálfleik var 14-11 fyrir ÓBV en leikurinn endaði með fimm marka sigri ÍBV, 25-20. ÍBV er rétt fyrir neðan miðja deild eftir að hafa leikið fjóra leiki en liðið hefur unnið þrjá af þeim. Mörk IBV: Kári Kristjánsson 14, Sigurður Ari Stefánsson 6, Davíð Þór Óskarsson 3, Sindri Ólafsson 1, Sævald Páll Hallgrímsson 1.

Unglingaflokkur kvenna spilaði tvo leiki og sigraði báða en þeir fóru fram í Reykjavík. Fyrst var leikið gegn Aftureldingu og voru stelpurnar ekki í vandræðum með Mosfellinga og sigruðu með tólf mörkum 16-28. Mörk ÍBV: Aníta Ýr Eyþórsdóttir 7/1, Björg Ólöf Helgadóttir 6, Þórsteina Sigurbjörnsdóttir 5, María Guðjónsdóttir 3/1, Hildur Dögg Jónsdóttir 3, Sæunn Magnúsdóttir 2, Ester Óskarsdóttir 2. Valur var svo næsta fórnarlamb stelpnanna sem gerðu sér lítið fyrir og sigruðu með fimm mörkum 16-21 á Hlíðarenda. Mörk ÍBV: Aníta Ýr Eyþórsdóttir 7/1, Björg Ólöf Helgadóttir 7, María Guðjónsdóttir 5, Hildur Dögg Jónsdóttir 2.

Þriðji flokkur karla lék þrjá leiki, tvo gegn Fjölni og svo gegn Aftureldingu á daginn eftir. Fyrri leikurinn gegn Fjölni var í Íslandsmótinu og fóru strákarnir létt með Fjölnismenn og sigruðu með ellefu mörkum 32-21. Mörk ÍBV: Benedikt Steingrímsson 7, Baldvin Sigurbjörnsson 5, Magnús Sigurðsson 5, Jens Kristinn Elíasson 4, Sævald Páll Hallgrímsson 4, Grétar Þór Eyþórsson 3, Leifur Jóhannesson 2, Hilmar Björnsson 1 og Vignir Svafarsson 1. Seinni leikurinn var svo í bikarkeppninni og fór hann fram um fjórum tímum síðar. Eitthvað virtist pásan fara illa í Eyjamenn því nú voru það Fjölnismenn sem að sigruðu, 22- 27 og er ÍBV því úr leik í bikarkeppninni. Mörk ÍBV: Benedikt Steingrímsson 4, Leifur Jóhannesson 4, Vignir Svafarsson 4, Baldvin Sigurbjörnsson 3, Magnús Sigurðsson 3, Sævald Hallgrímsson 2, Grétar Eyþórsson 1 og Jens Kristinn Elíasson 1. Á sunnudaginn mættu strákarnir svo Aftureldingu og þar steinlá ÍBV og tapaði leiknum með sex mörkum, 15-21. Mörk ÍBV: Sævald Páll Hallgrímsson 4, Baldvin Sigurbjörnsson 4, Benedikt Steingrímsson 2, Magnús Sigurðsson 2, Vignir Svafarsson 2 og Hilmar Björnsson 1.

=== '''Ellert á úrtaksæfingu''' ===
Í byrjun nóvember fór fram úrtaksæfingar hjá U-16 ára landsliði íslands í knattspyrnu og er einn frá ÍBV í 33 manna æfingahópnum, Ellert S. Pálsson. Sömu helgi fara fram úrtaksæfingar hjá U-17 ára landsliðinu kvenna og þar eru tvær stúlkur frá Eyju, Thelma Sigurðardóttir og María Guðjónsdóttir.

=== '''Ólafur Berry til Tottenham''' ===
Einum af efnilegustu knattspyrnumönnum ÍBV, Ólafi Þór Berry, var boðið að æfa hjá enska úrvalsdeildarliðinu Tottenham. Stefnt er að því að Óiafur fari út og verði ytra í um vikutíma. Ólafur æfði með unglingaliðum félagsins. Ólafur sagði í samtali við Fréttir að ferðin hefði verið mjög lærdómsrfk. „''Þetta var mjög fín ferð fyrir mig. Eg æfði með U-17 og U-19 ára liðum félagsins og það voru tvær æfingar á dag. Ensku strákarnir era mjög sterkir, em líka á miðju keppnistímabili þannig að ég var kannski dálítið þungur en æfingarnar vom mjög erfiðar þannig að ég er ekkert hissa á því að þeir geti eitthvað í fótbolta. Það kom líka fyrir að við æfðum á sama svæði og aðalliðið. Svo borðuðum við alltaf hádegismat með þessum köllum þannig að maður sá loksins þessa kalla með berum augum. Annars fór bara vel um mig þama í London, ég bjó hjá tveimur fjölskyldum meðan ég var þama úti en þar voru fleiri strákar sem eru á vegum félagsins."'' Aðspurður hvort hann hefði ekki komið heim með samning í vasanum sagði hann að svo væri ekki. „''Þeir létu mig samt vita að þeir ætluðu að fylgjast með mér í framtíðinni."''

=== '''Bjarnólfur semur við ÍBV''' ===
Á heimasíðu knattspyrnuliðs ÍBV kemur fram að Bjarnólfur Lárusson, miðjumaðurinn sterki, hafi skrifað undir nýjan tveggja ára samning við ÍBV. Bjarnólfur átti mjög gott tímabil með IBV í sumar og var m.a. valinn besti leikmaður ÍBV, að mati stuðningsmanna liðsins í Reykjavík. Viðar Elíasson, formaður knattspyrnudeildar, var að vonum ánægður með að hafa tryggt sér starfskrafta Bjarnólfs áfram. ''„Bjarnólfur er auðvitað einn af reynsluboltunum hjá okkur og mikilvægt fyrir okkur að halda honum. Nú erum við bara að vinna í að klára að semja við þá sem voru með okkur í sumar. Við erum líka í viðræðum við aðra leikmenn og höfum gert tveimur leikmönnum tilboð, sem þeir eru að skoða."'' Sveinn Sveinsson hefur verið ráðinn aðstoðarþjálfari og verður hann með hópinn í Eyjum. Auk þess þjálfar Sveinn 2. flokk. Sveinn lék á árum áður með IBV og hefur þjálfað yngri flokka í knattspyrnu og meistaraflokk kvenna.

=== '''Vantar fólk í stjórn kvennadeildar fótboltans''' ===
Mánudaginn 11.nóvember hélt stjórn ÍBV- íþróttafélags fund um málefni kvennaknattspyrnunnar í Eyjum. Af fundarsókn mætti halda að fáir hefðu áhuga á kvennaknattspyrnunni. Óskar Freyr Brynjarsson, formaður félagsins, sagði að mæting hefði valdið honum miklum vonbrigðum. „''Við vorum búnir að hringja í fólk sem við töldum að hefði áhuga á að starfa fyrir kvennaknattspyrnuna og satt að segja átti ég von á um fjörutíu manns. Það er hins vegar skiljanlegt að fólk sé hrætt við að hella sér út í þetta, miðað við hvernig síðasta sumar var. Deildin er hins vegar réttu megin við núllið fjárhagslega og svo er hugsanlegt að einn starfsmaður verði í fullri vinnu fyrir knattspyrnudeildirnar þannig að álagið minnkar töluvert á stjórnina. Það er gefandi að starfa í þessu, ÍBV á mjög mikinn efnivið og spennandi tímar framundan í kvennaboltanum. Ef einhverjir hafa áhuga á að starfa fyrir félagið þá vil ég hvetja þá til að hafa samband við okkur," sagði Óskar Freyr í samtali við Fréttir.''

=== '''Tap á fjölliðamóti''' ===
Helgina 8-10 nóvember fór fram fjölliðamót í handbolta hér í Eyjum en þá mættu hingað þrjú lið í fjórða flokki karla og léku ásamt ÍBV í A-riðli 2. deildar Íslandsmótsins. Mótið gekk vel fyrir sig en ÍBV tapaði öllum þremur leikjum sínum. Úrslit leikjanna voru ÍBV-Grótta 13-16, ÍBV-Afturelding 11-22 og ÍBV-HK 15-17. Mörk IBV um helgina: Daði Magnússon 13, Daði Olafsson 10, Pálmi Harðarson 5, Sæþór Garðarsson 4, Grétar Stefánsson 2 og Eyþór Björgvins 3, Frans Friðriks 1 og Birkir Hlynsson 1.

=== '''Annar sigurinn í vetur''' ===
Karlalið ÍBV tók á móti Aftureldingu á föstudagskvöldið 8.nóvember. Leikurinn fór ekki vel af stað og gestirnir voru með undirtökin í fyrri hálfleik. Staðan í hálfleik var 13 - 14 en byrjunin í síðari hálfleik hjá ÍBV var vægast sagt góð, liðið skoraði fyrstu fjögur mörk hálfleiksins og komst þar með þremur mörkum yfír. Eyjamenn héldu forystunni allt þar til tæpar tíu mínútur voru eftir að Jón Andri Finnsson jafnaði leikinn af vítapunktinum fyrir Aftureldingu. Jafnræði var með liðunum næstu mínútur en þegar fjórar mínútur voru til leiksloka fékk Jón Andri tækifæri á vítapunktinum til þess að koma gestunum yfír en Viktor Gigov sá við honum í markinu. ÍBV skoraði síðan þrjú síðustu mörkin og fögnuðu leikmenn innilega í leikslok, lokatölur 29-26. Mörk ÍBV: Kári Kristjánsson 8/5, Sigurður Bragason 8, Robert Bognar 6, Ríkharð Guðmundsson 5, Davíð Þór Óskarsson 2. Varin skot: Víktor Gigov 12/1, Eyjólfur Hannesson 2.

=== '''Stelpurnar með fullt hús''' ===
ÍBV vann sinn ellefta sigur í Essodeildinni í vetur þegar liðið sótti Fram heim. Þrátt fyrir frekar slakan leik í fyrri hálfleik var ÍBV fimm mörkum yfir, 10-15. Leikmenn ÍBV mættu hins vegar mjög ákveðnar til leiks í síðari hálfleik og gerðu út um leikinn strax á upphafsmínútunum. Varamennirnir kláruðu svo leikinn og gerðu það með sóma og lokatölur urðu 20-31 fyrir ÍBV. Mörk ÍBV: Anna Yakova 8, Sylvia Strass 6/1, Ingibjörg Jónsdóttir 5, Alla Gorkorian 3, Elísa Sigurðardóttir 2, Ana Perez 2, Aníta Yr Eyþórsdóttir 2, Edda Garðarsdóttir 1, Björg Ó. Helgadóttir 1 og Birgit Engl 1.

=== '''Hjalti Jóh. áfram en ekki Tómas Ingi''' ===
Einn af lykilmönnum karlaliðs ÍBV undanfarin ár, Hjalti Jóhannesson, skrifaði undir eins árs samning við félagið. Knattspyrnuráð ákvað ennfremur að slíta samstarfi sínu við Tómas Inga Tómasson, sem gæti þýtt að ÍBV verði án framherja innan skamms, því Gunnar Heiðar Þorvaldsson gæti verið á leiðinni í atvinnumennskuna.

=== '''Tryggvi í landsliðið''' ===
Atli Eðvaldsson, landsliðsþjálfari hefur nú tilkynnt um val sitt á landsliðshópi íslenska landsliðsins sem mætir Eistum. Leikurinn fer fram í Tallin í Eistlandi á miðvikudaginn 20. nóvember. Tryggvi Guðmundsson er aftur kominn í landsliðshópinn eftir langa fjarvera en Birkir Kristinsson, Hermann Hreiðarsson og Ívar Ingimarsson eru allir á sínum stað í hópnum.

=== '''Fyrsta stigið í súginn''' ===
ÍBV tók á móti Stjörnunni í toppslag Essodeildarinnar föstudaginn 15. nóvember. Garðbæingar unnu heimavinnuna vel fyrir þennan leik og hefðu með smá heppni getað stolið sigrinum. Heppnin var hins vegar á bandi ÍBV sem jafnaði, 28 - 28, þegar aðeins þrjár sekúndur voru eftir. Leikur ÍBV olli nokkrum vonbrigðum til að byrja með, varnarleikur liðsins var hriplekur og markvarslan eftir því. Mörk ÍBV: Alla Gorkorian 8/3, Anna Yakova 6, Sylvia Strass 4, Ingibjörg Jónsdóttir 4, Bjórg Ó. Helgadóttir 3, Edda Eggertsdóttir 3. Varin skot: Vigdís Sigurðardóttir 10/1.

ÍBV mætti svo með hálf vængbrotið lið tveimur dögum síðar þegar þær heimsótttu Fylki/ÍR þar sem þrír leikmenn liðsins, m.a. Vigdís Sigurðardóttir voru fastar um borð í Herjólfi sem gat ekki lagst að landi í Þorlákshöfn. Leikurinn fór engu að síður fram, Íris Sigurðardóttir lék í markinu og stóð sig vel, sigur ÍBV var áreynslulaus og lokatölur urðu 20 - 35. Reynslan og getan er í allt öðrum gæðaflokki hjá ÍBV og staðan í hálfleik var 10-18. Seinni hálfleikur var svipaður og sá fyrri og varamennirnir komu inn á einn af öðrum. ÍBV vann leikinn með fimmtán mörkum, 20-35. Mörk ÍBV: Alla Gorkorian 9/4, Anna Yakova 6, Ingibjörg Jónsdóttir 5, Ana Perez 5/1, Sylvia Strass 4, Anna Hallgrímsdóttir 2, Elísa Sigurðardóttir 2, Edda Eggertsdóttir 1, Birgit Engl 1. Varin skot: Iris Sigurða

=== '''Algjört skipbrot hjá strákunum''' ===
Karlalið ÍBV lék gegn ÍR en Breiðhyltingar eru í harðri toppbaráttu. Skemmst er frá því að segja að ÍBV sá aldrei til sólar í leiknum og tapaði með sautján mörkum, 37 - 20; Sóknarleikur ÍBV var slakur, sem og markvarslan sem var engin, aðeins tvö skot varin allan leikinn sem er ótrúlega slakt. Sú staðreynd að IR ingar skora fimmtán mörk úr hraðaupphlaupum og átta úr vítum segir að ÍBV hafí fengið á sig fjórtán mörk úr venjulegu leikatriði, sem er í raun ekkert svo slæmt. Staðan í hálfleik var 16-7. Mörk IBV: Michael Lauritsen 6, Davíð Þór Óskarsson 4, Sigurður Ari Stefánsson 3, Sindri Haraldsson 2, Robert Bognar 2, Sigurður Bragason 2, Kárí Kristjánsson 1. Varin skot: Viktor Gigov 2.

=== '''2. flokkur karla''' ===
Strákamir í öðrum flokki karla léku tvo leiki, fyrst gegn Fram og svo gegn Gróttu en báðir leikirnir fór fram í Reykjavík. Strákamir töpuðu fyrri leiknum gegn Fram með tveimur mörkum, 20-22. Seinni leikurinn gegn Gróttu endaði hins vegarmeðjafntefli, 21-21.

=== '''Samið við Einar Hlöðver''' ===
Vamarmaðurinn efnilegi, Einar Hlöðver Sigurðsson skrifaði undir samning hjá IBV og gildir samningurinn út tímabilið 2004. Einar Hlöðver spilaði sitt síðasta ár með öðrum flokki síðasta sumar og var í leikmannahópi meistaraflokks. Einar spilaði þrjá leiki í deildinni og tvo leiki í bikarnum og ekki ólíklegt að hans bíði stærra verkefni næsta sumar.

=== '''Æfingamót í Eyjum''' ===
Laugardaginn 9.nóvember fór fram æfmgamót í fótbolta innanhúss og tóku fjögur lið þátt í því, ÍBV, 2. flokkur, Framherjar og Smástund en öll liðin taka þátt í íslandsmótinu innanhúss á næstu vikum. Smástund vann mótið, ÍBV lenti í öðru sæti, Framherjar í því þriðja og 2. flokkur endaði í fjórða sæti.

=== '''Margrét og Thelma á úrtaksæfingum''' ===
Tveir leikmenn IBV voru valdar til að taka þátt í úrtaksæfingum íslenska U-17 ára landsliðs kvenna um miðjan nóvember. Þetta voru þær Margrét Lára Viðarsdóttir og Thelma Sigurðardóttir.

=== '''Þrjú mikilvæg stig''' ===
Karlalið IBV lék tvo leiki helgina 22-24 nóvember en þá fór fram svokölluð Essobomba, sem er tveir leikir hjá öllum liðum sömu helgi. Leikið var á heimavelli gegn KA á föstudeginum og svo gegn Selfossi á útivelli á sunnudaginn. Uppskeran var mjög góð miðað við gengi liðsins það sem af er vetri, þrjú stig og ÍBV fór upp um eitt sæti í deildinni. Leikurinn gegn KA endaði með jafntefli, 26 – 26, leikurinn fór ekki vel af stað og fljótlega í fyrri hálfleik náðu gestirnir fímm marka forystu. En Eyjapeyjar spýttu í lófana og jöfhuðu fyrir leikhlé. Seinni hálfleikur var hins vegar mun betri hjá ÍBV og lengst af leiddi liðið leikinn. Þegar fjórar mínútur voru til leiksloka hafði ÍBV tveggja marka forystu en gestirnir náðu að jafna leikinn þegar hálf mínúta var eftir og leikmönnum ÍBV tókst ekki að skora sigurmarkið á þeim tíma. Mörk ÍBV: Sigurður Ari Stefánsson 7, Sigurður Bragason 5, Róbert Bognar 5, Kári Kristjánsson 3/1, Davíð Þór Óskarsson 3/3, Sigþór Friðriksson 1, Michael Lauritsen 1, Erlingur Richardsson 1. Varinskot: ViktorGigov 15/2.

ÍBV sigraði svo síðari leikinn gegn Selfossi, 26 - 27. Leikurinn var skrautlegur í meira lagi. Eyjamenn voru klárlega sterkari aðilinn í fyrri hálfleik og aðeins eitt ljón í veginum sem kom í veg fyrir örugga forystu en það var markvörður Selfyssinga, Einar Guðmundsson. Hann varði sautján skot, aðeins í fyrri hálfleik og þar af voru sjö víti, sem er í raun alveg fáránlegt. Eyjamenn fengu fimmtán vítaskot í leiknum en nýtingin var grátleg, aðeins sex mörk komu úr þessum fimmtán vítaskotum og munar um minna. Staðan í hálfleik var 12-15 en síðari hálfleikur var mun jafnari og endaði leikurinn með eins marks sigri IBV, 26-27 eftir að Michael Lauritsen hafði skorað sigurmarkið aðeins þremur sekúndum fyrir leikslok. Mörk ÍBV: Michael Lauritsen 8, Robert Bognar 6/3, Davíð Þór Óskarsson 5/3, Sigurður Ari Stefánsson 4, Kári K. Kristjánsson 3, Sigurður Bragason 1. Varin skot: ViktorGigov 17/2.

=== '''Tveir sigrar og eitt tap''' ===
2. flokkur karla lék gegn KA en fyrr um kvöldið höfðu meistaraflokkslið félaganna skilið jöfn. Meistaraflokksleikurinn sat eitthvað í mönnum og svo fór að ÍBV tapaði stórt, 20-41. Mörk ÍBV: Davíð Þór Óskarsson 4, Karl Haraldsson 4, Sindri Haraldsson 3, Kári Kristjánsson 2, Sigurður Ari Stefánsson 2, Sigþór Friðriksson 2, Magnús Sigurðsson 2, Sindri Ólafsson 1, Benedikt Steingrímsson 1.

Unglingaflokkur kvenna tók á móti FH-ingum í mjög svo kaflaskiptum leik. ÍBV byrjaði betur í leiknum en FH-ingar komust svo yfir. Staðan í hálfleik var 10-9 fyrir IBV og bættu Eyjastelpur við muninn í upphafi síðari hálfleiks. En aftur náðu gestirnir að jafna en lokamínúturnar voru æsispennandi og ÍBV tryggði sér að Iokum eins marks sigur, 19 - 18. Mörk IBV: María Guðjónsdóttir 7, Þórsteina Sigurbjörnsdóttir 6, Aníta Ýr Eyþórsdóttir 4, Hildur Dögg Jónsdóttir 2.

Þriðji flokkur karla lék gegn Selfossi og fór leikurinn fram við bakka Ölfusár. Eftir að hafa náð tveggja marka forystu í hálfleik, 13-15 létu strákarnir kné fylgja kviði og sigruðu leikinn með 26 – 21.

=== '''Stelpurnar komust í undanúrslit''' ===
Helgina 22-24 nóvember fór fram íslandsmeistaramót í innanhússknattspyrnu en keppt var í 1. deild karla og kvenna. Karlalið ÍBV var í A-riðli með KR, Létti og Grindavík. Eyjamenn unnu Grindavík 3 - 1 og Létti 4 - 2 og því var síðasti leikurinn, gegn KR úrslitaleikur um efsta sæti í riðlinum. Leikurinn endaði með jafntefli, 4- 4 en KR-ingar enduðu í efsta sæti vegna hagstæðari markatölu en ÍBV var komið í átta liða úrslit. Þau voru á sunnudaginn og þar mætti ÍBV Keflavík og endaði leikurinn með sigri Suðurnesjamanna, 1-5 og ÍBV þar með úr leik. Þess má reyndar geta að Keflvíkingar fóru alla leið og urðu íslandsmeistarar. Kvennaliðið var í riðli með KR, Þór/KA, Stjörnunni og KS og endaði liðið í öðru sæti á eftir KR, eins og karlaliðið. I undanúrslitum mættu stelpurnar Val sem sigraði 4-1.

=== '''Gunnar Heiðar í Hollandi og Belgíu''' ===
Gunnar Heiðar Þorvaldsson, framherjinn efhilegi í ÍBV, er um þessar mundir í Belgíu við æfingar og keppni með belgíska úrvalsdeildarliðinu Moescron. Í síðustu viku var Gunnar hjá hollenska félaginu Heerenveen en í samtali við Fréttir sagði Gunnar að áhuginn hefði ekki verið mikill hjá Hollendingunum. ''„Þeir sögðu við mig að eins og staðan væri í dag þá væru þeir ekki að leita að leikmönnum þannig að ég er ekkert mjög bjartsýnn á framhaldið þar. Reyndar var viðmótið í Hollandi dálítið neikvætt, ég mætti bara á æfingar en spilaði engan leik með varaliðinu þannig að það var erfitt að reyna að sýna eitthvað. Viðmótið er hins vegar allt annað hér í Belgíu enda er Moescron minna félag sem hugsar betur um sína leikmenn."'' Gunnar spilaði með varaliði félagsins í síðustu viku og byrjunin var ekki gæfuleg, strax á fimmtándu mínútu var hann tæklaður harkalega. En Eyjamenn eru ekki þekktir fyrir það að gefast upp, Gunnar harkaði af sér og skoraði mark í leiknum. Belgarnir voru mjög ánægðir með frammistöðu Gunnars og hafa nú boðið honum aftur út íjanúar. ''„Það var allt annað andrúmsloft hjá Belgunum heldur en í Hollandi og klúbburinn er mjög fjölskylduvænn. Mouscron er ekki stór bær og félagið sem slfkt ekki einn af stóru klúbbunum en í staðinn er allt mjög persónulegt og viðtökurnar sem ég fékk voru frábærar''," sagði Gunnar. „''Það eitt að þeir bjóði mér út aftur segir mér að þeim er alvara þannig að nú er bara að skella sér á mölina og æfa vel fram í janúar."''

=== '''Tryggvi Bjarnason til ÍBV''' ===
Eyjamönnum hefur borist mikill liðstyrkur fyrir næsta sumar. Tryggvi Bjarnason, varnarmaðurinn sterki sem spilað hefur með KR, hefur gert munnlegt samkomulag við ÍBV um að spila með liðinu næstu tvö ár. Tryggvi, sem er 19 ára, er einn efnilegasti varnarmaður íslands í dag. Þetta verður að teljast mikill happafengur fyrir lið ÍBV og sagðist Viðar Elíasson, formaður knattspyrnudeildar ÍBV, vera afar ánægður með að hafa náð að landa Tryggva. „''Þetta er mjög jákvætt því að Tryggvi er mikið efni og á eftir að ná enn lengra í boltanum í framtíðinni og ánægjulegt að hann skuli ætla að gera það með okkur í IBV,"'' sagði Viðar við ibv.is

=== '''Hrun í síðari hálfleik''' ===
ÍBV tók á móti Haukum en bæði lið hafa verið á nokkurri uppleið í síðustu leikjum. Leikurinn var í járnum framan af í fyrri hálfleik. Haukarnir sneru hins vegar við blaðinu í síðari hálfleik og hreinlega völtuðu yfir Eyjamenn. Lokatölur urðu 19-33 eftir að staðan í hálfleik hafði verið 11-14. ÍBV sýndi ágætis kafla í fyrri hálfleik, sóknarleikur liðsins var markviss og fyrir vikið náðu Haukamir ekki mörgum hraðaupphlaupum. Mörk ÍBV: Robert Bognar 5, Davíð Þór Óskarsson 3/3, Sigurður Bragason 3, Sigþór Friðriksson 2, Kári Kristjánsson 2, Gylfi Birgisson 1/1, Michael Lauritsen 1, Ríkharð Guðmundsson 1, Sigurður Ari Stef- ánsson 1. Varin skot: Viktor Gigov 17/1.

=== '''Sigurlás heiðraður''' ===
Fyrir skömmu var haldinn aðalfundur Þjálfarafélags íslands en á fundinum voru afhentar viðurkenningar. Sigurlás Þorleifsson var einn af fjórum þjálfurum sem heiðraðir voru fyrir störf sín í þágu yngri fiokkanna en í fréttatilkynningu segir að allir fjórir hafi þeir lagt metnað sinn í þjálfun og verið knattspyrnuþjálfarastéttinni til sóma í störfum sínum.

=== '''Sigur og tap''' ===
Stelpurnar í unglingaflokki léku tvo leiki í lok nóvember, báða gegn Fram en annar var í bikarkeppninni. Fyrri leikurinn í Íslandsmótinu þar sem eyjastelpur sigruðu með minnsta mögulega mun, 24-25 eftir að staðan í hálfleik hafði verið 12-13. ÍBV er nú í efsta sæti í B-riðli með 10 stig, jafn mörg stig og Fram en betri markatölu og leik færri. Seinni leikurinn var algjör andstæði við hann fyrri en í hálfleik höfðu Framarar ellefu marka forskot 18-7. Leikurinn endaði svo með með níu marka tapi, 29-20 og eru því stelpurnar dottnar úr leik í bikarkeppninni.

=== '''Kári í landsliðið''' ===
Kári Kristjánsson, horna- og línumaður ÍBV í handboltanum, var valinn í íslenska landsliðið skipað leikmönnum fæddum 1984 og yngri. Alls voru fimmtán leikmenn valdir en liðið tekur þátt í Hela Cup sem fram fer í Þýskalandi, milli jóla og nýárs.

== '''DESEMBER:''' ==

=== '''Stórar fréttir úr kvennaknattspyrnunni''' ===
Loks er komin hreyfing í málefni kvennaknattspyrnunnar í Eyjum. Gengið var frá ráðningu Heimis Hallgrímssonar sem þjálfara liðsins eftir eins árs hlé. Ráðning Heimis er liðinu mikill fengur, enda hefur hann náð bestum árangri með liðið til þessa. Auk þess var gengið frá samningum við tvo leikmenn. Fyrst ber að nefna Olgu Færseth, einn besta leikmann kvennaknattspyrnunnar á Íslandi hin síðari ár, en hún hefur verið ein helsta markamaskína deildarinnar. Þá hefur Pálína Bragadóttir einnig ákveðið að spila með IBV næsta sumar en Pálína er miðvörður og hefur spilað með KR eins og Olga. Þegar Heimir var spurður um ástæðu þess að hann er aftur tilbúinn í slaginn sagði hann að það hafi vegið þyngst hversu góður jarðvegur er fyrir hendi. ''„Ég neita því heldur ekki að mér rennur blóðið til skyldunnar. Ég var með liðið þrjú sumur og liðið var vaxandi á þeim tíma. Mér finnst við bara hafa allt of góðan hóp leikmanna til þess að missa þetta niður. Þannig að ég ákvað að taka þetta að mér. Ég ætlaði að taka mér frí, var búinn að segja nei við stjórn karlaboltans um að taka við meistaraflokki karla en mér þykir einfaldlega vænt um IBV og gat þess vegna ekki sagt nei þegar meistaraflokkur kvenna kom inn í myndina."'' Síðasta sumar var erfitt fyrir liðið á margan hátt, heldurðu að orðsporið sem fari af liðinu eigi eftir að lifa lengi? ''„Sumarið síðasta fór eins og það fór. Ég er á því að við getum notað þá reynslu til góðs í framtíðinni og vonandi verður IBV áfram þekkt fyrir að vera vel rekið fþróttafélag. Það eru bjartir tímar framundan og ég vil hvetja fólk sem hefur áhuga á að starfa í kringum kvennaknattspyrnuna á einn eða annan hátt að hafa samband við okkur."''

=== '''Handboltamiðar á tombóluverði''' ===
Í byrjun desembermánaðar kom fréttatilkynning frá handboltastelpunum í bæjarblaðinu fréttum og var tilkynningin eftirfarandi; Við leikmenn meistaraflokks ÍBV stöndum nú fyrir smáglaðningi fyrir síðasta heimaleik IBV fyrir jól. Hér eigum við að spila við Víkinga sem er leikur sem verður að vinnast. Víkingar hafa reyndar verið að bíta frá sér upp á síðkastið og þurfum við því á stuðningi áhorfenda að halda!!! Við erum að bjóða fyrirtækjum 10 miða á 2000 kr (aðeins 200 kall miðinn). Nokkrir peyjar munu ganga í fyrirtæki í dag og á morgun en einnig er hægt að hafa samband við Sigga Braga í Sjóvá-Almennum og fá BÚNT. Annars óskum við bara Eyjamönnum gleðilegra jóla og þökkum stuðninginn á árinu sem er að líða.

=== '''Annað stórtapið gegn Val''' ===
ÍBV sótti Val heim föstudagskvöldið 6. desember þar sem heimamenn sigruðu með þrettán marka mun, 28-15. Leikurinn fór reyndar vel af stað fyrir ÍBV því eftir rúmar fimm mínútna leik var staðan 2-4 og var ÍBV með yfirhöndina fyrstu tuttugu mínúturnar. Þá komust Valsmenn hins vegar í fyrsta sinn yfir og litu ekki um öxl eftir það. Staðan í hálfleik var 12- 8. Valsmenn byrjuðu svo af miklum krafti í upphafi síðari hálfleiks, skoruðu fyrstu sex mörk hálfleiksins og gerðu um leið út um leikinn. Eftir það róaðist leikurinn nokkuð en heimamenn réðu samt gangi leiksins og áttu ekki í vandræðum með að innbyrða sigurinn í leikslok. Mörk IBV: Sigurður Ari Stefánsson 4, Michael Lauritsen 3, Kári Kristjánsson 2, Sigurður Bragason 2, Robert Bognar 2, Sigþór Friðriksson 1, Davíð Þór Óskarsson 1/1. Varin skot: Viktor Gigov 11/1.

=== '''Gjörbreytt lið í seinni hálfleik''' ===
ÍBV tók á móti Víkingum um miðjan desember, Eyjamenn hafa verið að næla sér í stig í síðustu leikjum og hafa verið að spila sæmilega ef frá eru taldir síðustu tveir leikir liðsins. Leikurinn gegn Víkingum var hins vegar allt annað en auðveldur því Víkingar bitu hressilega frá sér í fyrri hálfleik en staðan í leikhléi var 12 - 10. Seinni hálfleikur var hins vegar á allt öðrum nótum en sá fyrri því vörn IBV var mjög góð til að byrja með og breyttist staðan úr 13 -12 í 20 -12 og má segja að úrslitin hafi ráðist á þessum kafla. Eftir þetta róaðist leikurinn nokkuð en Eyjapeyjar héldu forystunni og juku muninn og leikurinn endaði með tíu marka sigri ÍBV, 28 - 18. ÍBV er hins vegar enn sem fyrr í tólfta sæti þar sem Afturelding vann einnig sinn leik og eru liðin jöfn að stigum. Mörk ÍBV: Davíð ÞórÓskarsson 6/2, Michael Lauritsen 5, Sigurður Ari Stefánsson 5, Sigurður Bragason 5, Kári Kristjánsson 3, Robert Bognar 3, Sigþór Friðriksson 1. Varin skot: Viktor Gigov 16.

=== '''Komust ekki upp úr milliriðlum''' ===
Tveir leikmenn ÍBV tóku þátt í heimsmeistaramóti kvenna í handknattleik sem fram fór í Danmörku. Mótinu lauk með sigri heimastúlkna. Austurrísku stúlkurnar, Sylvia Strass og Birgit Engl spiluðu með landsliði sínu sem komst ekki áfram úr milliriðlunum. Sylvia var annars mjög áberandi með liði Austurríkis, spilaði alla sex leiki liðsins og skoraði 15 mörk og Birgit spilaði fimm leiki, mestmegnis í vörn en náði samt að lauma inn einu marki..

=== '''ÍBV vann alla sína leiki á æfingamóti''' ===
Milli jóla og nýárs fór fram æfingamót milli liða í Essodeild kvenna en þátttökuliðin voru þrjú, ÍBV, Haukar og Víkingur. Leikin var tvöföld umferð og fóru Eyjastelpur í gegnum mótið án þess að tapa leik. Úrslit leikjanna urðu þau að gegn Víkingum endaði fyrri leikurinn 26 - 21 og seinni leikurinn 28-21. Fyrri leikurinn gegn Haukum endaði með jafntefli 30 -30 en seinni leikurinn endaði með sigri ÍBV.25-21. Unnur Sigmarsdóttir, þjálfari IBV sagði í samtali við Fréttir að ferðin hefði fyrst og fremst verið hugsuð til þess að hrista saman mannskapinn. ''„Við höfum auðvitað verið dreifðar um allan heim, þrjár fóru út til sinna heimalanda og austurrísku stelpurnar komu t.d. í hálfleik í fyrsta leiknum. Það var stígandi í þessu hjá okkur, í fyrsta leiknum vorum við dálítið ryðgaðar en svo náðum við tökum á þessu og lékum ágætlega það sem eftir var.''

 

<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2001 -

2019-07-21T14:50:48Z

Gisli: /* 2001 */

== '''2001 -''' ==

=== '''Flottur þrettándi''' ===
Þrettándinn var haldinn hátíðlegur að venju í Vestmannaeyjum og segja lögreglumenn þau hátíðahöld hafa verið til mikillar fyrirmyndar. Er það ekki síst þakkað því hve veður var gott á þrettándanum. Sjaldan eða aldrei hafa fleiri fylgst með hátíðahöldunum enda langt síðan Grýla og Leppalúði hafa fengið annað eins blíðviðri. Þeir dansleikir, sem haldnir voru í tengslum við þrettándann, fóru einnig vel fram.

=== '''Fréttapíramídi til handboltans''' ===
Handboltinn hlaut Fréttapíramída Frétta fyrir árið 2000 á hófi sem haldið var í byrjun janúar. Var það fyrir framlag til íþrótta en meistaraflokkur kvenna ÍBV í handbolta varð Íslandsmeistari á árinu 2000. Mikill hluti liðsins var mættur við þessa afhendingu, auk þjálfara, stjórnenda handknattleiksdeildar og stuðningsmanna.

=== '''Dapurt gengi í innanhússknattspyrnunni''' ===
Árangur meistaraflokka ÍBV í Íslandsmótinu í innanhúsknattspyrnu í ár var heldur slakur, hvorugt liðið komst upp úr sínum riðli en bæði lið spiluðu reyndar með Íslandsmeisturunum í riðli. Karlaliðið lék í riðli með Þór Akureyri, Víkingi og Fylki en fyrirfram var búist við að baráttan um efsta sæti riðilsins yrði milli ÍBV og Fylkis. En annað kom á daginn, liðin mættust í síðasta leik riðilsins og voru þá bæði búin að tapa báðum leikjum sínum og leikurinn því hreinn úrslitaleikur um hvort liðið félli í 2. deild en Fylkir átti möguleika á átta liða úrslitum. ÍBV sigraði 5 - 1 sem varð til þess að Fylkir féll. Var það snilldarmarkvarsla Hlyns Stefánssonar í lokin en hann sýndi ótrúlega færni í nýrri stöðu.

Kvennaliðið var hins vegar í riðli með KR, Val, RKV og Sindra og var búist við þriggja liða baráttu um tvö laus sæti í undanúrslitum. Því miður var það ÍBV sem sat eftir en liðið tapaði fyrir KR og Val en sigraði hin tvö liðin.

=== '''Unnu sálfræðistríðið''' ===
ÍBV tók á móti Stjörnunni í Nissandeild kvenna í fyrsta handboltaleik ársins en þessi lið mætast einmitt í undanúrslitum bikarkeppninnar eftir þrjár vikur og má því segja að sálfræðistríðið sé þegar hafið. Leikmenn ÍBV sýndu hins vegar styrk sinn í leiknum og unnu reynslumikið lið Stjörnunnar með sjö mörkum, 28 - 21.

=== '''Boltinn á fullu''' ===
Það var í nógu að snúast hjá ÍBV um mánaðamótin janúar/febrúar en þá fóru fram tvö fjölliðamót á vegum félagsins. Annars vegar var Íslandsmótið í knattspyrnu í þriðja flokki karla og hins vegar var fjölliðamót fjórða flokks í handknattleik kvenna. Óhætt er að áætla að hér hafi verið í kringum 150 manns en öll liðin gistu í Hamarskóla. Í handboltanum fór mest fyrir heimaliðinu og er óhætt að segja að ÍBV sé nánast óstöðvandi í vetur en þetta var þriðja fjölliðamót liðsins sem hefur alltaf skipað efstu sætin. Um helgina vann liðið alla sína leiki örugglega en úrslit leikjanna voru þessi: ÍBV-ÍR 17-11, ÍBV-Fram 13- 7, ÍBV-Grótta 10-7, ÍBV-Fjólnir 14-10. Markahæstar voru þær Margrét Lára með 16 mörk, María með 15 og Halla Björk með 10 en Karítas stóð í markinu og stóð sig vel.

Í einskonar upphitun fyrir fjölliðamótið spilaði meistaraflokkur ÍBV við ÍR í 16-liða úrslitum bikarkeppninnar. ÍBV sýndi mótherjum sínum enga miskunn og sigraði í leiknum með fjögurra markamun, 17-13.

Í fótboltanum gekk töluvert mikið á en riðillinn var jafn og spennandi og því hart barist. Baráttan stóð á milli Reykjavíkurfélaganna Leiknis og Víkings og náði dramatíkin hámarki í leik liðanna sem Víkingar unnu. Það dugði þeim þó ekki til sigurs í riðlinum þar sem HK sigraði Víking í síðasta leik riðilsins og Leiknismenn komust þar með í úrslit. ÍBV stóð sig ágætlega í mótinu, vann tvo leiki og tapaði tveimur og endaði í þriðja sæti af fimm liðum. Úrslit leikja ÍBV voru þessi: ÍBV-Víkingur 2-4, ÍBV Leiknir 4-6, ÍBV-Stjarnan 2-1 og ÍBV-HK5-2.

=== '''Á fljúgandi ferð''' ===
Meistaraflokkur kvenna í handknattleik er á góðri leið með að endurtaka ævintýrið frá því í fyrra en liðið fór þá á kostum eftir áramót og stóð uppi sem Íslandsmeistari eins og flestir vita. Í ár hefur liðið spilað fjóra leiki og sigrað í þeim öllum og ÍBV þokast upp töfluna.

Í byrjun febrúar lék liðið tvo leiki, fyrst gegn FH í Kaplakrika og svo tók liðið á móti KA/Þór á heimavelli.

FH leikurinn átti reyndar að fara fram á laugardegi en var frestað fimm daga í röð þannig að leikmenn beggja liða voru líklega orðnir óþreyjufullir að spila leikinn. Fyrir leikinn gegn FH hafði ÍBV unnið tvo leiki, báða á heimavelli þannig að segja má að: leikurinn hafi verið prófsteinn á getu liðsins. ÍBV byrjaði leikinn mun betur en heimastúlkur og náði fljótlega fjögurra marka forystu en með mikilli baráttu náðu FH-ingar að hanga í ÍBV allt þar til undir lok hálfleiksins. Í hálfleik munaði þremur mörkum á liðunum, ÍBV leiddi 12-15 eftir ágætan endasprett. Í upphafi seinni hálfleiks tóku stelpurnar öll völd á vellinum og náðu mest fimm marka forystu. En heimamenn neituðu að gefast upp og undir lok leiksins var munurinn aðeins eitt mark, 25-26 en Edda Garðarsdóttir skoraði síðasta markið og tryggði ÍBV tveggja marka sigur.

Mörk ÍBV: Tamara Mandichz 7/3, Edda B. Garðarsdóttir 5, Anita Andreassen 5, Amela Hegic 4/2, Ingibjörg Ýr Jóhannsdóttir 4, Aníta Ýr Eyþórsdóttir 1 og Bjarný Þorvarðar 1. Varin skot: Vigdís Sigurðardóttir 19/2.

ÍBV átti ekki að eiga í neinum vandræðum með mótherja sína í næsta leik þegar liðið mætti KA/Þór á heimavelli. Sú varð einnig raunin að Eyjastúlkur hreinlega keyrðu norðanliðið í kaf en leikur ÍBV byggðist mest á sterkri vörn og markvörslu, en einnig var keyrt grimmt á hraðaupphlaupum.

Alls fékk ÍBV á þriðja tug hraðaupphlaupa og alls urðu mörkin fjórtán úr slíkum færum en augljóslega mun ÍBV ekki fá jafn mörg tækifæri til leiftursóknar gegn sterkari liðum deildarinnar. Engu að síður var liðið vaxandi í leiknum en undir lokin var þreytan farin að segja til sín en þá fengu varamennirnir að spreyta sig. Leikurinn sjálfur var í raun mjög ójafn ef frá eru taldar upphafsmínúturnar en þegar fimm mínútur voru liðnar náði ÍBV undirtökunum og jókst munurinn jafnt og þétt út allan leikinn. Mestur varð munurinn undir lokin þegar ÍBV komst þrettán mörkum yfir og sá munur hélst á liðunum þar til flautað var til leiksloka. ÍBV sigraði 31 -18 og er í 2-4 sæti með átján stig en efst tróna Haukar með 24 stig. Mörk ÍBV: Anita Andreassen 9, Gunnleyg Berg 7, Ingibjörg Yr Jóhannsdóttir 5, Tamara Mandichz 3, Íris Sigurðardóttir 3, Amela Hegic 2/1, Bjarný Þorvarðardóttir 1, Edda B. Eggertsdóttir 1 . Varin skot: Vigdís Sigurðardóttir 19/1, Arún Guðgeirsdóttir 1.

Í fimmta leik Íslandsmótsins léku ÍBV stúlkur við Fram á útvelli og sigruðu 21-20. Dómarapar leiksins fékk ekki háa einkunn hjá íþróttafréttarita Frétta, fyrir sína frammistöðu, segir í blaðinu að leikmenn ÍBV hafi verið átján mínútur í kælingu á meðan heimaliðið var aðeins átta mínútur í kælingu.

=== '''24-23 sigur á Stjörnunni í undanúrslitum''' ===
6. febrúar var sannkallaður stórleikur í íþróttahöllinni þegar meistaraflokkur kvenna ÍBV tók á móti Stjörnunni í undanúrslitum bikarkeppninnar. Liðin höfðu tvisvar mæst í deildinni, fyrst sigraði Stjarnan í Garðabænum en ÍBV sigraði í Eyjum fyrir tæplega mánuði. Þá höfðu Stjörnustúlkur á orði að slíkt myndi ekki endurtaka sig en þær þurftu að éta þau orð ofan í sig því ÍBV sigraði í leiknum 24 - 23 eftir mjög dramatískan leik. Fyrir leikinn var bryddað upp á skemmtilegri nýbreytni en þegar ÍBV liðið var kynnt voru ljósin í salnum slökkt og boðið var upp á kynningu eins og tíðkast í NBA með tilheyrandi ljósasýningu.

Mörk ÍBV: Tamara Mandichz 10/3, Amela Hegic 6/5, Anita Andreassen 4, Bjarný Þorvarðardóttir 3, Gunnleyg Berg l. Varin skot: Vigdís Sigurðardóttir 16/1

=== '''Peningamál til umræðu''' ===
Á stjórnarfundi aðalstjórnar 21. febrúar var skýrt frá því að kostnaður við móttöku á Íslands- og bikarmeisturum félagsins hafi hingað til lent á ÍBV íþróttafélagi. Nú hafi hinsvegar verið ákveðið að félagið borgi 50% af blómakostnaði á móti Íþróttabandalaginu og flugeldakostnaður verði greiddur af Vestmannaeyjabæ.

Á sama stjórnarfundi var samþykkt að kvennaknattspyrnan fái 50% af innkomu af sunnudagsinnrukkun á Þjóðhátíð á móti karlaknattspyrnunni.

=== '''Vængbrotið lið mætti til leiks''' ===
Meistaraflokkur karla ÍBV tók á móti Valsmönnum í fyrsta leik síðan í nóvember en mikið hefur gengið á hjá liðinu síðan þá og ljóst að erfiður tími fer í hönd í karlaboltanum. Úrslitin urðu í samræmi við það. Valur hafði betur, 19 - 25 og hálfleik var staðan 6-14 gestunum í vil. Fjórir lykilleikmenn voru ekki með í leiknum, Aurimas leikur ekki meira með liðinu vegna meiðsla, Jón Andri er einnig meiddur og óvíst hvenær hann verður til í slaginn, Eymar Kruger og Daði Pálsson eru að öllum líkindum hættir með liðinu. Auk þeirra er Sigurður Sigurðsson varamarkvörður farinn frá liðinu og Sigþór Friðriksson er meiddur. Leikurinn gegn Val var leikur kattarins að músinni, ÍBV tapaði með sex mörkum en mestur varð munurinn tíu mörk í seinni hálfleik.

Mörk ÍBV: Guðfinnur Kristmannson 8/5, Mindaugas Andriuska 4/1, Svavar Vignisson 2, Sigurður Ari Stefánsson 1, Sindri Ólafsson 1, Davíð Þór Óskarsson 1, Kári Kristjánsson 1, Erlingur Richardsson 1. Varin skot: Gísli Guðmundsson 22/3.

=== '''Vigdís sett í lás''' ===
Það tók ÍBV rúmar 45 mínútur að hrista af sér bikarleikinn þegar liðið tók á móti Víkingum aðeins tveimur dögum eftir sigurinn gegn Stjörnunni í undanúrslitum bikarkeppninnar. Leikurinn var lengst af í járnum en undir lokin hristu stelpurnar, gestina af sér og sigruðu örugglega, 30-22. Byrjunin á leiknum lofaði heldur betur góðu og Eyjastúlkur höfðu undirtökin frá fyrstu mínútu. ÍBV leiddi leikinn með einu til tveimur mörkum, allt þar til hálfleikurinn var hálfnaður en þá brugðu gestirnir á það ráð að taka Tamöru og Amelu úr umferð. Við þetta riðlaðist sóknarleikur ÍBV töluvert og Víkingar komust tveimur mörkum yfir. En með mikilli baráttu og góðri vörn tókst stelpunum að ná eins marks forystu áður en flautað var til leikhlés. Staðan í hálfleik var 11-10.

Víkingar, með Eyjastúlkuna Guðbjörgu Guðmannsdóttur í broddi fylkingar, voru ákveðnari í upphafi seinni hálfleiks og náðu aftur tveggja marka forystu, 13-15. Tamara og Amela voru sem fyrr í strangri gæslu en sú fyrrnefnda var dugleg við að koma sér inn í leikinn enda skoraði hún átta mörk og átti auk þess fjölmargar stoðsendingar. ÍBV skoraði fjögur mörk í röð og lagði þar með grunninn að sigrinum. Jafnræði var með liðunum allt þar til tæpur stundarfjórðungur var eftir af leiknum en þá setti Vigdís Sigurðardóttir í lás og slá og varði nánast allt sem á markið kom. Víkingar komust lítið áleiðis gegn sterkri Eyjavörn, ÍBV nýtti tækifærin og skoraði fjögur mörk úr hraðaupphlaupum á stuttum tíma. Gestirnir gáfust nánast upp við mótlætið og eftirleikurinn varð auðveldur. ÍBV sigraði með átta mörkum, 30-22 og situr því eitt liða í öðru sæti.

Mörk ÍBV: Tamara Mandichz 8/3, Anita Andreassen 8, Ingibjörg Jóhannsdóttir 6, Amela Hegic 4, Edda B. Eggertsdóttir 2, Bjarný Þorvarðardóttir 1, Eyrún Sigurjónsdóttir 1. Varin skot: Vigdís Sigurðardóttir 20/1.

=== '''Þung staða í fjármálum''' ===
Á fundi aðalstjórnar 1. apríl var upplýst að félagið sé komið með yfirdrátt uppá 2 milljónir króna og lausaskuldir félagsins séu um 1 milljón króna. Ljóst sé að næstu tveir mánuðir, verðir þungir í rekstrinum.

=== '''Þjóðhátíðin nálgast''' ===
Á fundi aðalstjórnar 11. apríl mætti Þjóðhátíðarnefnd, til að fara yfir næstu Þjóðhátíð. Á fundinum kom fram vilji aðalstjórnar að fá bókhald Þjóðhátíðar inní félagið og einnig að koma af stað beiðnakerfi við undirbúning hennar og að engum verði heimilt að skrifa á félagið nema gegn beiðni. Samþykkt var að athuga hvort hægt verði að fá vinnuskólann eða hreinsunarnefnd bæjarins til að aðstoða við hreinsun Herjólfsdals eftir Þjóðhátíð. Einnig að tryggja að einhver frá barnaverndarnefnd, sálfræðingur og aðili frá áhaldahúsinu o.fl. séu til reiðu meðan á Þjóðhátíð stendur, en oft þarf að leita til þessara aðila. Rætt var um neyðaráætlun fyrir farþega sem ekki komast frá Eyjum eftir Þjóðhátíð vegna veðurs. Þá var upplýst að öll rafmagnstæki úr Dalnum væru ónýt eftir brunann í Ísfélaginu. Taka þarf stefnu í rafmagnsmálum Dalsins.

=== '''Unnu alla leikina''' ===
Annar flokkur kvenna lék helgina 2. til 4. febrúar í A-riðli Íslandsmótsins í innanhússknattspyrnu. Þær gerðu sér lítið fyrir og unnu alla leiki sína og tryggðu sér þar með sæti í úrslitakeppninni. Sindri Grétarsson, nýráðinn þjálfari liðsins, sagði að liðið hefði verið að leika ágætlega. Úrslit leikjanna urðu þessi: ÍBV Stjarnan 5-1, ÍBV-Fram 3-1, ÍBV-Þróttur R. 4-1, ÍBV-Afturelding/Fjólnir2-l. Mörk IBV skoruðu þær Margrét Lára (10 mörk), Erna Dögg (4 mörk) og Elva Dögg (1 mark).

=== '''Drógu 2. flokk úr keppni''' ===
Ákveðið hefur verið að 2. flokkur karla í handknattleik hætti keppni í Íslandsmótinu. Þessi ákvörðun er tekin vegna mikils álags sem yrði á leikmönnum flokksins ef ekkert yrði gert en flokkurinn er aðallega skipaður strákum úr þriðja flokki og eru aðeins einn til tveir gjaldgengir í 2.flokk.

=== '''Íslandsmeistarar''' ===
2. flokkur kvenna gerði góða ferð til Reykjavíkur um helgina en þá tók liðið þátt í úrslitum Íslandsmótsins í innanhúsknattspyrnu en áður hafði liðið unnið sinn riðil áður nokkuð sannfærandi. Alls voru sex lið í úrslitakeppninni og var leikið í þremur riðlum. ÍBV byrjaði ekki glæsilega og tap í fyrsta leik gegn Val setti liðið í vanda. Seinni leikur liðsins var gegn KS og endaði hann með 3-3 jafntefli en ÍBV komst áfram í undanúrslit þar sem Valur sigraði KS með einu marki meira en ÍBV. Í undanúrslitum mætti ÍBV KR í hörkuleik. ÍBV sigraði að lokum með einu marki, 1-0. Í sjálfum úrslitaleiknum mætti liðið svo erkifjendunum úr Breiðabliki og úr varð sannkallaður markaleikur. Sindri Grétarsson, þjálfari liðsins sagði í samtali við Fréttir að þrátt fyrir að hafa byrjað illa þá hafi liðið bætt sig í hverjum leik. ''„Við byrjuðum á móti KS, komumst í 3-0 en þær jöfnuðu á aðeins einni mínútu. Ég var viss um að við kæmumst áfram þrátt fyrir þetta enda var Valur með betra lið en KS. Í undanúrslitum spiluðum við mjög vel, skoruðum fljótlega og einbeittum okkur svo að varnarleiknum. Þær fengu varla færi í leiknum og við hefðum átt að vinna leikinn með tveimur til þremur mörkum. Úrslitaleikurinn var svo'' í ''járnum nánast allan tímann en við náðum góðum leikkafla í seinni hálfleik og tryggðum okkur titilinn."'' Þess má til gamans geta að þetta er fyrsta mót Sindra sem þjálfari og er óhætt að segja að byrjunin lofi góðu.

Liðið var þannig skipað: Margrét Lára Viðarsdóttir, Rakel Rut Stefánsdóttir, Erna Dögg Sigurjónsdóttir, Elva Dögg Grímsdóttir, Sara Sigurlásdóttir, Eva Ómarsdóttir, Hanna Guðný Guðmundsdóttir og Berglind Þórðardóttir og Bjartey Gylfadóttur.

=== '''Bikarinn til Eyja''' ===
Bikarúrslitaleikurinn milli ÍBV og Hauka í kvennaliðunum verður lengi í minnum hafður. Ekki verður hans minnst fyrir góðan handknattleik heldur fyrst og fremst vegna þess að hann var mikil skemmtun þar sem dramatíkin og spennan voru allsráðandi allt til loka. Það þarf varla að taka það fram að ÍBV sigraði í leiknum eftir mikla baráttu og framlengdan leik, 21 -19.

Strax í upphafi leiks var ljóst að taugar beggja liða voru þandar til hins ýtrasta. ÍBV byrjaði leikinn betur og fyrstu tvö skotin rötuðu rétta leið hjá leikmönnum liðsins. ÍBV komst í 2-0 en Haukar svöruðu með þremur mörkum og leiddu nánast allan hálfleikinn með tveimur til þremur mörkum. Í hálfleik var staðan 6- 8 fyrir Hauka, lítið skorað enda var sóknarleikur liðanna slakur en varnarleikur að sama skapi góður. Seinni hálfleikur var keimlíkur þeim fyrri, Haukar leiddu nánast allan leikinn og ÍBV hélt sér inni í leiknum. ÍBV komst reyndar yfir um miðjan hálfleikinn þegar Edda B. Eggertsdóttir kom ÍBV í 14-13 en aftur náðu Haukar að svara fyrir sig með 2 mörkum og komust þar með yfir. Mikil taugaspenna var í liðunum í byrjun leiks en ekki minnkaði hún þegar á leið og var t.d. ekki skorað mark á níu mínútna kafla undir lok leiksins. Haukar skoraðu sitt sautjánda mark þegar aðeins tvær mínútur voru eftir til leiksloka og Eyjastúlkur héldu í sókn. Haukastúlkur spiluðu mjög ákveðna vörn, komu vel út á móti skyttunum og náðu að koma í veg fyrir að þær kæmust í gott skotfæri. Haukar unnu boltann svo þegar fimmtán sekúndur voru eftir en Tamara Mandichz virtist ná að vinna boltann aftur en slakir dómarar leiksins dæmdu hana brotlega. Haukar tóku sér leikhlé til að ráða ráðum sínum. Eyjastúlkur spiluðu vörnina hins vegar mjög skynsamlega undir lok venjulegs leiktíma, hleyptu hornamanni Hauka í gegn og treystu á að Vigdís myndi verja. Fyrirliðinn klikkaði ekki og það sem meira er þá skaust boltinn beint í hendur Ingibjargar sem kastaði boltanum fram á völlinn. Þar missti Gunnleyg af boltanum en Tamara stóð af sér skriðtæklingu Haukastúlkna og fiskaði á ótrúlegan hátt víti þegar klukkan í Laugardalshöll sýndi að aðeins 20 sekúndur voru eftir af leiknum. Ótrúleg dramatík. Tamara sýndi svo hversu reyndur leikmaður hún er og skoraði sjálf örugglega úr vítinu og tryggði ÍBV framlengingu.

Í fyrri hálfleik framlengingarinnar skoruðu Haukar fyrsta markið í sinni fyrstu sókn en Ingibjörg Ýr náði að jafna áður en hálfleikurinn var úti. ÍBV byrjaði svo seinni hálfleikinn einum leikmanni fleiri og nýttu þær sér liðsmuninn vel, skoruðu þrjú mörk í röð og tryggðu sér sigurinn áður en hálfleikurinn var hálfnaður. Haukar skorðu reyndar síðasta mark leiksins en það kom ekki að sök og sætur sigur ÍBV því staðreynd.

ÍBV lék ekki vel í leiknum gegn Haukum, sérstaklega var sóknarleikur liðsins slakur en þegar tekið er með í reikninginn hversu mikið er í húfi er það vel skiljanlegt. Varnarleikur liðsins var ágætur og Vigdís varði mjög vel og hélt liðinu inni í leiknum þegar mest á reyndi. Vigdís varði m.a. þrjú vítaskot og var án efa maður leiksins. Tamara, Amela og Anita voru áberandi í sóknarleiknum en Ingibjörg Ýr og Edda skoraðu mjög mikilvæg mörk þegar á reyndi. Sigurvilji og þrautseigja var það sem skildi liðin að. Eyjastúlkur gáfust ekki upp þrátt fyrir að eiga á brattann að sækja nánast allan leikinn og þegar tækifæri gafst tryggðu þær sér sigurinn og eiga því bikarmeistaratitilinn fyllilega skilið.

Mörk ÍBV: Tamara Mandichz 5/4, Anita Andreassen 4, Edda B. Eggertsdóttir 4, Ingibjörg Ýr Jóhannsdóttir 3, Amela Hegic 2, Gunnleyg Berg 2, Bjarný Þorvarðardóttir 1. Varin skot: Vigdís Sigurðardóttir 21/3.

=== '''Furðuskrif forseta ÍSÍ''' ===
Ellert B. Schram forseti ÍSÍ skrifaði sérkennilega grein á heimasíðu Hauka þar sem hann niðurlægir nýkrýnda bikarmeistara ÍBV og gerir lítið úr þeim sem Íslandsmeisturum. Eftir mikil viðbrögð við þessari grein hefur Ellert sent frá sér afsökunarbeiðni sem íþróttaforystan ætlar að taka góða og gilda en menn eru engu að síður mjög undrandi á þessu framtaki forsetans. Í heild er pistill Ellerts eftirfarandi:

„Kæru Haukadömur. Sú var tíðin, þegar spilaður var handbolti í Hálogalandi, að strákarnir á áhorfendapöllunum höfðu mestan áhuga á að kíkja á stelpurnar í sturtunni, enda hæg heimatökin í hriplekum og gisnum bragganum og strákar og stelpur þurftu að skiptast á um böðin. Í sturtunni var margt til sýnis og raunar miklu meira en á vellinum sjálfum, vegna þess að leikurinn var ekki beint í hæsta gæðaflokki og það var helst hún Sigga í Ármanni, sem gat skotið af eigin vallarhelmingi eða Gerða í KR og nokkrar stelpur í Þrótti, sem „gátu gripið." Nú getur enginn gripið ef maður tekur mark á Viggó og þó eru þær fleiri stelpurnar sem stunda handbolta en nokkru sinni fyrr og mér sýnist ekkert annað hægt að gera en horfa á þær leika, eftir að bannaður er allur aðgangur í sturtuböðin (nema fyrir þá sem eru að fara í sturtu)! Næst kom Sigga Sigurðar í Val, sem fór fremst meðal jafningja og svo kom Gurrý dóttir hennar og nú er ég að bíða eftir þriðju kynslóðinni, til að horfa á og dást að. Á meðan á þeirri bið stendur, fara reykvísku félögin halloka fyrir valkyrjum utan höfuðborgarinnar, ef ekki utan landsteinanna og var það ekki þannig lið útlendinga og nýbúa, sem vann Íslandsmótið í fyrra? Haukastúlkur rúlla yfir andstæðinga sína í hverjum leiknum á fætur öðrum og ef liðsskipanin er sú að hér eigist við hafnfirskar blómarósir gegn útlensku innrásarliði, þá neyðist forseti ÍSÍ til að halda með þeim hafnfirsku, þó ekki væri nema af þjóðernisástæðum. Haukadömur eru líka búnar að koma sér upp heimasíðu og mikið hefði ég viljað að stelpurnar í mínu ungdæmi hefðu boðið upp á svoleiðis aðgang að sér, enda hefði maður þá ekki þurft að skoða þær í sturtunum. Annars má ég ekki tala svona, nú er nefnilega verið að rannsaka kynferðislegt áreiti í íþróttum og kannski getur svona ábyrgðarlaust tal, talist áreiti af því taginu, ef það er misskilið og eru ekki allir að misskilja allt sem sagt er? Var ekki Viggó misskilinn, þegar hann hélt því fram að handboltastelpur „kynnu ekki að grípa?" Var hún ekki líka misskilin, stelpan í Val, sem hélt því fram að Valsliðið hefði fengið raðfullnægingu?! Ég mæti að sjálfsögðu í Höllina á laugardaginn og bíð spenntur að sjá hver kann að grípa og hver getur skorað og hver beri sigur úr býtum. Og segi eins og litli strákurinn minn: Pabbi, ég held ekki alltaf með KR. Ég held með þeim sem vinnur.

Með bestu þökk fyrir að fá að senda ykkur kveðju, með bestu óskum um gott gengi í úrslitaleiknum, have fun.

Til þess er jú leikurinn gerður. Ellert."

Þess skal getið að í 14 manna hóp ÍBV vora níu stúlkur fæddar og uppaldar í Eyjum en hjá Haukunum voru ekki nema þrjár sem hægt er að segja að séu uppaldar í Haukum.

Í afsökunarbeiðninni segir Ellert. „Að gefnu tilefni vil ég biðja handknattleiksdeild ÍBV, stúlkurnar í liðinu og Eyjamenn alla mikillar og einlægrar afsökunar á fljótfærnislegum skrifum mínum á heimasíðu Haukakvenna í vikunni sem leið. Eins og pistillinn ber með sér var um að ræða græskulaust grín af minni hálfu, þar sem reynt er að sjá skoplegu hliðina á samskiptum stráka og stúlkna í handbolta í gegnum árin, gert gys að ummælum Viggós Sigurðssonar og því umtali, sem hefur verið um að erlent íþróttafólk beri uppi íþróttaliðin hér heima. Þessi aulafyndni hefur því miður verið tekin alvarlega. Mér þykir leitt að hafa sært tilfinningar þeirra sem taka þetta til sín, enda er það fjarri mér að vera rasisti eða gera lítið úr frammistöðu þeirra kappliða sem koma frá Eyjum. Ég horfði á leikinn á laugardaginn og dáðist að frammistöðu Eyjastúlkna og óska þeim innilega til hamingju með glæsilegan sigur. Með iðrunarkveðju Ellert B Schram."

=== '''Spennufall eftir Haukaslag''' ===
Kvennalið IBV hefur verið á mikilli siglingu eftir áramót og hefur enn sem komið er ekki tapað leik. Góðu gengi fylgir oft mikið álag og fylgifiskur þess er oft einbeitningarleysi þegar andstæðingarnir eru af slakara taginu. Líklega hefur það verið reyndin þegar stelpurnar mættu Val á Hlíðarenda en Valur er í neðri hluta deildarinnar og liðið ekki líklegt til afreka í vetur. ÍBV sigraði þó í leiknum með tveimur mörkum 21-23 en tæpara mátti það ekki vera.

=== '''Tap í Austurbergi''' ===
Karlalið ÍBV lék þessa sömu helgi en þeir náðu ekki að fylgja eftir góðum sigri sínum á Stjörnunni þegar liðið mætti ÍR á heimavelli þeirra í Austurbergi. Eyjapeyjar töpuðu leiknum stórt, 20-31 urðu lokatölur og við tapið komust ÍR-ingar upp fyrir ÍBV í deildinni. ÍBV er eins og er í níunda sæti með fjórtán stig þegar fimm umferðir eru eftir. stórt, 20-31 urðu lokatölur og við tapið komust ÍR-ingar upp fyrir ÍBV í deildinni. ÍBV er eins og er í níunda sæti með fjórtán stig þegar fimm umferðir eru eftir.

=== '''Höfnuðu''' '''í 2. sæti''' ===
ÍBV tók á móti Gróttu/KR í síðustu umferð deildarkeppninnar í handknattleik kvenna, en sigur var nauðsynlegur fyrir ÍBV til að tryggja annað sætið. Leikurinn var ágætis skemmtun og spennandi á tímabili en stelpurnar brugðust ekki í þetta skiptið, frekar en í ellefu síðustu leikjum og sjö marka sigur vannst. Lokatölur urðu 26-19 og endaði ÍBV því deildarkeppnina í öðru sæti.

=== '''Lausir við falldrauginn?''' ===
Karlalið ÍBV tók á móti silfurhöfum bikarkeppninnar þegar HK kom í heimsókn í átjándu umferð Nissandeildarinnar. Deildarkeppnin hefur verið afleit hjá HK og er liðið næstneðst með aðeins átta stig en að undanförnu hefur liðið verið að sækja í sig veðrið og unnu þeir m.a. Hauka í síðustu umferð. Gengi ÍBV hefur hins vegar verið upp og ofan eftir áramót, góður útisigur á Stjörnunni yljaði stuðningsmönnum en þar fyrir utan hefur verið fátt um fína drætti. ÍBV vann viðureignina gegn HK hins vegar nokkuð örugglega, 26-22 en óhagstæð úrslit úr öðrum leikjum þar sem m.a. ÍR sigraði Hauka gerði það að völdum að ÍBV er enn í níunda sæti deildarinnar. Leikmenn og forráðamenn ÍBV geta hins vegar andað léttar í bili því með sigrinum hefur ÍBV líklega losað sig við falldrauginn, átta stig eru nú á milli ÍBV og HK þegar fjórar umferðir eru eftir en ólíklegt er að HK vinni alla þá leiki sem eftir eru.

Það var sýnilegt á leik liðanna að þarna voru mætt til leiks lið úr neðri hluta deildarinnar. Leikurinn var æði skrautlegur og mikið um mistök. ÍBV mætti sóknarmönnum HK mjög framarlega á vellinum, framar en venjulega og útkoman var ágæt þar sem gestirnir skoruðu aðeins ellefu mörk í fyrri hálfleik en ÍBV fjórtán eftir að jafnt hafði verið nánast allan fyrri hálfleik.

Í upphafi seinni hálfleiks breytti ÍBV hins vegar um varnaraðferð en þá gerðu gestirnir sér lítið fyrir og jöfnuðu 15-15. En Eyjapeyjar náðu fljótlega aftur undirtökunum og lönduðu mikilvægum sigri.

Bestir hjá ÍBV voru þeir Gísli Guðmundsson, Mindaugas Andriuska og Svavar Vignisson sem fiskaði fjögur víti auk þess að skora fimm mörk. Mikið munar einnig um að Jón Andri Finnsson, Erlingur Richardsson og Daði Pálsson séu aftur komnir á fullt með liðinu. Erlingur Richardsson sem spilaði á ný með ÍBV eftir meiðsli sagði að ÍBV hefði lagt áherslu á baráttuna í leiknum. ''„Við erum búnir að reyna að spila handbolta að undanförnu en það sem hefur kannski vantað er baráttan og kannski smá slagsmál. Við lögðum því upp með það fyrir leikinn að berjast og ég tel að það hafi skilað okkur stigunum í kvöld. Með þessum sigri losnum við líka við falldrauginn í bili en við stefnum ótrauðir áfram í átta liða úrslit. Við eigum erfiða leiki eftir og gerum okkur grein fyrir því að við verðum að bæta okkar leik ef við ætlum í úrslit,"'' sagði Erlingur.

Mörk ÍBV: Mindaugas Andriuska, 10/3, Svavar Vignisson 5, Guðfinnur Kristmannsson 4, Daði Pálsspn 3, Jón Andri Finnsson 2/1, Sigurður Ari Stefánsson 2. Varin skot: Gísli Guðmundsson 19/1.

=== '''Þriggja marka sigur''' ===
ÍBV tók á móti Aftureldingu í nítjándu umferð Nissandeildarinnar en þetta var jafnframt næstsíðasti leikur liðsins á heimavelli. Mosfellingar hafa verið á góðu skriði að undanförnu, sigruðu m.a. Hauka í síðustu umferð á meðan gengi ÍBV hefur verið frekar dapurt það sem af er vetri. Inn á milli hefur liðið hins vegar sýnt ágætis leik og þegar það gerist er það illviðráðanlegt. Það var einmitt uppi á teningnum þetta skiptið enda fór það svo að ÍBV sigraði í leiknum með þremur mörkum, 28-25. ÍBV byrjaði leikinn mjög vel og náði strax undirtökunum. Þriggja marka forysta ÍBV var þó fljót að fara í súginn því gestirnir náðu sér ágætlega á strik undir lok fyrri hálfleiks og voru tveimur mörkum yfir í hálfleik, 12-14. En Eyjapeyjar voru mjög ákveðnir í seinni hálfleik og það tók liðið aðeins tæpar fimm mínútur að ná aftur forustunni og eftir það varð ekki aftur snúið. ÍBV hafði undirtökin það sem eftir lifði leiks og náði mest fimm marka forystu. Gestirnir náðu að laga stöðuna aðeins áður en yfir lauk og þriggja marka sigur ÍBV því staðreynd.

=== '''Óstöðvandi stelpur''' ===
Það hefur oft einkennt Eyjaliðin að þegar nær dregur seinni hluta keppnistímabilsins verða þau illviðráðanleg. Þannig tryggði kvennalið ÍBV sér Íslandsmeistaratitilinn í fyrra þegar enginn átti von á að liðið kæmist úr átta liða úrslitum en annað kom á daginn og liðið tapaði aðeins einum leik í úrslitakeppninni. Sagan virðist vera að endurtaka sig núna því ÍBV hefur ekki tapað leik eftir áramót og tryggðu stelpurnar sér sæti í undanúrslitum Íslandsmótsins með tveimur sigrum á Gróttu/KR.

Í fyrri leiknum, sem fór fram hér í Eyjum fór ÍBV hreint á kostum í fyrri hálfleik. Varnarleikur liðsins var sem ókleift bjarg og sem dæmi um það má nefna að Grótta/KR hafði aðeins skorað tvö mörk eftir rúmlega tuttugu mínútna leik. En það er oft erfitt að halda slíkri einbeitingu út heilan leik, sérstaklega þegar leikurinn var nánast unninn í hálfleik en staðan þá var 13-5. Gestirnir náðu aðeins að rétta sinn hlut í seinni hálfleik, minnkuðu m.a. muninn niður í fimm mörk en þá tóku Eyjastúlkur aftur við sér, náðu aftur átta marka forystu og tryggðu sér góðan sigur. Lokatölur urðu 27-19 en til gamans má geta að þegar liðin mættust í deildarkeppninni á dögunum urðu lokatölur 26-19.

Tveimur dögum síðar mættust liðin svo á Seltjarnarnesinu og ljóst að róðurinn yrði ÍBV ekki jafn auðveldur og í síðasta leik. Enda fór það svo að leikurinn var jafn og spennandi en ÍBV var þó alltaf skrefi á undan á upphafsmínútunum. Um miðjan fyrri hálfleik kom svo slæmur leikkafli sem leikmenn Gróttu/KR nýttu sér vel og komust þremur mörkum yfir, 14-11. En með mikilli baráttu tókst Eyjastúlkum að skora tvö síðustu mörk hálfleiksins og minnka þar með muninn niður í eitt mark fyrir leikhlé.

ÍBV byrjaði seinni hálfleikinn af miklum krafti, skoruðu fyrstu þrjú mörkin og leiddu framanaf með tveimur til þremur mörkum. ÍBV var svo fjórum mörkum yfir þegar rúmlega fjórar mínútur voru til leiksloka en þá hrökk allt í baklás og Grótta/KR jafnaði leikinn. En Tamara Mandichz hefur reynst gulls ígildi þegar á henni þarf að halda og tryggði hún ÍBV sigurinn með marki beint úr aukakasti þegar aðeins ein sekúnda var til leiksloka. Lokatölur leiksins urðu 24- 25 og er ÍBV því komið í undanúrslit Íslandsmótsins hvar liðið mætir Fram á heimavelli í fyrsta leik.

=== '''Komnar í úrslitaleikinn''' ===
Í undanúrslitum Íslandsmótsins í handknattleik kvenna tók ÍBV á móti Fram og fór fyrsti leikurinn fram í Eyjum. Leiknum hafði áður verið frestað frá deginum áður þar sem ekki gaf til flugs og því varð leikurinn að fara fram klukkan 18.00. Þrátt fyrir það mætti fjöldi manns í Höllina að styðja stelpurnar og sjá þær sigra Fram í hörkuspennandi leik. Lokatölur leiksins urðu 27-25 og því þarf ÍBV aðeins að sigra Fram einu sinni enn til að komast í úrslit Íslandsmótsins. Það fór þó á annan veg því Fram sigraði leik nr. 2 með 21 marki gegn 19.

Þriðji leikurinn fór fram í Eyjum og þar réðst það hvort liðið færi í úrslitin og léki þar við Haukastúlkur. Eftir jafnar upphafsmínútur náði ÍBV undirtökum sem liðið lét aldrei af hendi í leiknum. Framarar náðu reyndar nokkrum sinnum að narta í hælana á liðinu en þegar á reyndi var ÍBV sterkara liðið og því réttilega komið í úrslit Íslandsmótsins. Lokatölur leiksins urðu 26-22 eftir að staðan í hálfleik hafði verið 13-12.

=== '''Of langt til Eyja''' ===
Nú fer senn að líða að því að handboltavertíðinni fari að ljúka. Unglingaflokkur lék gegn Fram. Fyrir leikinn var Fram í efsta sæti deildarinnar á meðan ÍBV sat í því neðsta. Fyrri leikur liðanna fór fram strax á eftir meistaraflokksleiknum en það kom ekki að sök því jafntefli varð í leiknum, 23-23. Seinni leikurinn fór svo fram daginn eftir og endaði hann með fjögurra marka sigri Framstúlkna, 17-21. Markahæstar í leikjunum tveimur voru þær Halla Björk 10, Aníta Eyþórs 10 og Margrét Lára 7.

Þriðji flokkur karla átti svo að leika gegn ÍR. Í Fréttum var sagt að eins og svo margir halda virðist leiðin frá Reykjavík til Eyja vera mun lengri en frá Eyjum til Reykjavíkur. ÍR-ingar sáu sér ekki fært að halda í slíka langferð, alla leið frá Breiðholti, niður á flugvöll og svo í flugvél alla leið til Eyja og því sigraði ÍBV í annað sinn í vetur á því að lið mæta ekki til leiks.

=== '''10. sætið varð hlutskipti ÍBV''' ===
Eyjamenn áttu fyrir næstsíðustu umferðina í Nissandeild karla, veika von um að komast í átta liða úrslit Íslandsmótsins með sigri á Gróttu/KR, en svo fór að tap varð þeirra hlutskipti, 20-28.

ÍBV tók á móti hinu stjörnum prýdda liði Hauka í síðasta leik sínum í vetur. Það var ljóst fyrir leikinn að hann var þýðingalítill fyrir bæði lið þar sem ÍBV átti ekki lengur möguleika á sæti í úrslitum og þriðja sæti var hlutskipti Hauka. Þrátt fyrir það var mikil barátta í leiknum sem var jafn og spennandi en Haukarnir tryggðu sér sigurinn á lokasprettinum, 23-25.

=== '''Konurnar ekki Íslandsmeistarar''' ===
ÍBV mætti Haukum í fyrsta leik í úrslitum Íslandsmótsins en eini leikur liðanna í vetur sem fór fram á heimavelli Hauka endaði með sextán marka stórsigri heimastúlkna, 28-12. Svo virðist sem fortíðardraugurinn hafi verið að hrella leikmenn ÍBV því Haukar kaffærðu hið geysisterka lið ÍBV og lokatölur leiksins urðu 30-16. Allt frá fyrstu mínútu var ljóst að á brattann yrði að sækja hjá IBV. Haukar hafa verið á góðri siglingu að undanförnu og lítur út fyrir að liðið sé að toppa á réttum tíma. ÍBV lenti fljótlega undir í leiknum og staðan í hálfleik var 15-11 fyrir Hauka. Eyjastúlkur byrjuðu svo seinni hálfleikinn afar illa, skoruðu aðeins eitt mark í rúmar tíu mínútur og staðan var allt í einu orðin 21-12 fyrir Hauka og eftirleikurinn auðveldur fyrir þær.

Í öðrum leik liðanna sem fram fór í Eyjum sigruðu Haukastúlkur 23-19. Sigbjörn Óskarsson þjálfari ÍBV var samt ekkert á því að gefast upp. Í viðtali við Morgunblaðið sagði hann: ''„Staðan er tvö núll en þessi rimma er upp í þrjú þannig að þetta er ekki búið ennþá. Þetta verður virkilega erfitt fyrir okkur en við erum ekkert búnar að gefast upp ennþá, en að fara 2:0 undir í Hafnarfjörðinn á laugardag er ekki öfundsvert. Við spiluðum ágætlega í fyrri hálfleik en vorum svolítið óheppnar með stangarskot. Í síðari hálfleik kom upp einhver þreyta í stelpunum og þær sýndu ekki sitt rétta andlit. Ég er virkilega ósáttur við mitt lið hvað leikinn í kvöld varðar en það þýðir ekkert að hengja haus.“''

Í þriðja leiknum sigruðu Haukastúlkur með 6 marka mun, 28-22. Það er ljóst að tapið er mikil vonbrigði fyrir Eyjamenn því liðið hefur leikið best allra liða eftir áramót og í raun sorglegt að liðið skuli lenda í lægð þegar mest á reynir. Þrátt fyrir það þá geta leikmenn og forráðamenn liðsins borið höfuðið hátt í lok leiktímabilsins, liðið er bæði bikarmeistari og meistari meistaranna og þrátt fyrir að hafa tapað einvíginu 3 - 0 þá eru ÍBV og Haukar án efa tvö bestu lið landsins.

=== '''Haukar með breiðari hóp''' ===
Andrea Atladóttir kom inn í hópinn hjá ÍBV á síðustu stundu og stóð sig mjög vel þrátt fyrir að hafa ekki spilað handbolta í tæpt ár. Andrea sagði að breiddin hjá Haukunum hafi haft mikið að segja í úrslitunum. ''„Þær eru með mjög breiðan hóp, þó að við séum með betra byrjunarlið en þær gátu dreift álaginu í bæði undanúrslitum og átta liða úrslitum og svo spiluðu þær einum leik færra en við í undanúrslitum. Við gátum leyft okkur að fara erfiðu leiðina með fámennan hóp í fyrra en Haukarnir eru með miklu betra lið en Grótta/KR var með þá enda hefur nánast annar hver leikmaður í kvennahandboltanum farið til þeirra. Það er mjög slæmt fyrir deildina ef eitt lið er með þær fáu íslensku stelpur sem hafa verið að spila hvað best í gegnum árin en við ætlum að sjálfsögðu að koma í veg fyrir að Haukar einoki næsta tímabil. Ég er ekki endilega að segja að ég ætli að spila með liðinu á næsta tímabili, það er einfaldlega of mikið að gera hjá mér til að koma handboltanum að en ef það væri hægt að hliðra eitthvað til þá er aldrei að vita hvað maður gerir.“''

=== '''Fjármálakrísa hjá knattspyrnuráði''' ===
Á stjórnarfundi aðalstjórnar 11. apríl lá fyrir bréf frá þeim Friðriki Friðrikssyni og Ívari Atlasyni knattspyrnuráðsmönnum, þar sem þeir tilkynna um mjög slæma fjárhagsstöðu knattspyrnudeildar karla. Þeir óska eftir því að mynduð verði ný nefnd sem komi til með að starfa með þeim til þess að vinna í gömlum skuldum. Ákveðið að ræða við Ásmund Friðriksson formann ráðsins um að fá bankalán fyrir skuldunum með UFEA peninga sem deildin á inni, um 5 milljónir króna, sem tryggingu. Sú upphæð ásamt vallarstyrk sem Vestmannaeyjabær greiðir mánaðarlega, um 400 þúsund krónur, gangi einnig upp í það lán

=== '''Svavar og Vigdís best''' ===
20. apríl var uppskeruhátíð handboltans hjá IBV sem fyrir löngu hefur unnið sér sess sem ein af helstu skemmtunum Eyjamanna á hverju ári. Hæst bar að sjálfsögðu árangur meistaraflokks kvenna sem lenti í 2. sæti í Íslandsmótinu, hampaði bikarmeistaratitlinum árið 2001 og varð meistari meistaranna.

Uppskeruhátíð handboltans, sem fram fór í Týsheimilinu, var eins og svo oft áður undir stjórn Jóhanns Péturssonar lögmanns. Jón Ingi og Steinunn á Prófastinum sáu um mat og drykk sem hvort tveggja rann ljúflega niður. Sjálf skemmtunin hófst með myndasýningu þar sem farið var yfir síðustu leiktíð með skírskotun í eldri afrek og afreksmenn í handboltanum í Vestmannaeyjum. Þarna fór Jóhann Pétursson á kostum. Á eftir fylgdu ræður Leifs Gunnarssonar, stjórnarmanns hjá ÍBV-héraðssambandi og Ingibjargar Ýr Jónsdóttur, leikmanns meistaraflokks. Ingibjörg Ýr, sem gekk í raðir ÍBV í haust, þakkaði fyrir tímabilið sem hún sagði sitt skemmtilegasta á ferlinum. Það væri ekki síst að þakka frábærum hópi leikmanna og að öll umgjörð var til fyrirmyndar. „Og móttökurnar þegar við komum til Eyja með bikarinn er eitthvað sem engin okkar kemur til með að gleyma," sagði Ingibjörg. Þá voru veittar viðurkenningar fyrir frammistöðu vetrarins. Vigdís Sigurðardóttir og Svavar Vignisson fengu viðurkenninguna sem bestu leikmenn ÍBV 2000-2001. Mestu markaskorarar voru Minduagas Andriuskas og Tamara Mandsic, besti varnarmaður kvennaliðsins var Amela Hadsic, mestu framfarir þóttu sýna Edda Eggertsdóttir og Sigurður Ari Stefánsson, sem einnig var efnilegastur í 2. flokki.

Fréttabikarana, sem veittir eru efnilegasta handboltafólki ársins, hlutu Sindri Ólafsson og Bjarný Þorvarðardóttir.

=== '''Báðir meistaraflokkarnir duttu út í deildarbikarnum''' ===
ÍBV lék í vikunni gegn Grindavík í átta liða úrslitum deildarbikars karla og fór leikurinn fram í Reykjaneshöllinni. ÍBV komst tveimur mörkum yfir með mörkum Alexander Ilic en Grindvíkingar neituðu að gefast upp og jöfnuðu leikinn stuttu fyrir leikslok þegar dæmd var á ÍBV vafasöm vítaspyrna, þannig að grípa varð til framlengingar. Í framlengingunni komust Grindvíkingar einu marki yfir en eins og svo oft áður var það fyrirliðinn sem virtist ætla koma sínum mönnum til bjargar þegar hann jafnaði leikinn í 3-3. Það dugði hins vegar skammt því Grindvíkingar áttu síðasta orðið, skoruðu sigurmarkið þegar lítið var eftir af framlengingunni og þar við sat. Þar með er ÍBV úr leik í deildarbikarnum og ljóst að liðið missir þar með af kærkomnum æfingaleikjum fyrir komandi átök í sumar.

Undanfarin ár hafa leikir ÍBV og Stjörnunnar í kvennaboltanum einkennst af því að Eyjastúlkur eru betri aðilinn en yfirleitt hefur Stjarnan unnið leikina. Sú varð einmitt raunin þegar liðin mættust í deildarbikarnum. ÍBV var mun betri aðilinn en fékk á sig tvö ódýr mörk og staðan í hálfleik var 2-0. ÍBV jafnaði leikinn en Stjarnan skoraði síðasta mark leiksins og sigraði því 3-2. Mörk ÍBV skoruðu þær Íris Sæmundsdóttir og Svetlana Balinskaya.

=== '''Óheppnar''' ===
4. flokkur kvenna í handknattleik náði þeim stórgóða árangri að komast alla leið í bikarúrslit í vetur. Úrslitaleikurinn var svo leikinn um síðustu helgi og var leikið gegn Stjörnunni. Allt gekk hins vegar stelpunum í mót í leiknum enda voru þær einstaklega óheppnar. Staðan í hálfleik var 4-7 en leikurinn endaði með þriggja marka sigri Stjörnunnar, 15-12.

'''Framhaldsaðalfundur, ný stjórn'''

Framhaldsaðalfundur ÍBV íþróttafélags fyrir árið 1999, var haldinn 10. maí. Jóhann Jónsson var kjörinn fundarstjóri og Stefanía Guðjónsdóttir fundarritari.

Ný stjórn var kosin, hana skipa: Þór Í . Vilhjálmsson formaður, Birgir Guðjónsson varaformaður, Stefanía Guðjónsdóttir ritari, Tryggvi Már Sæmundsson og Ómar Garðarsson. Til vara, Aðalsteinn Sigurjónsson og Björn Þorgrímsson.

Skoðunarmenn voru kjörnir Gísli Valtýsson og Kristján Eggertsson. Til vara Ingi Sigurðsson.

=== '''Efniviðurinn spennandi''' ===
Njáll Eiðsson var ráðinn þjálfari meistaraflokks karla í knattspyrnu sumarið 2001. Hann var í viðtali í Fréttum í upphafi tímabilsins. Í viðtalinu segir Njáll að efniviðurinn í Eyjum sé mjög spennandi. „Mér líst mjög vel á efniviðinn. Þetta eru auðvitað mjög ungir strákar en við höfum nýtt þá mikið í vetur. Það sem við horfum aftur á móti upp á er gífurleg breyting á liðinu milli ára, ÍBV sér nú á eftir einum átta leikmönnum sem tóku þátt í mótinu í fyrra, þar af eru fimm til sex fastamenn. Við höfum líka verið dálítið óheppnir með meiðsli á undirbúningstímabilinu, Hjalti Jónsson er að stíga upp úr fótbroti, Gunnar Heiðar hefur nánast ekkert spilað með okkur undanfarnar vikur. Hjalti Jóhannesson og Ingi Sigurðsson hafa líka átt við meiðsli að stríða þannig að við höfum kannski aldrei getað stillt upp okkar sterkasta liði í þessum leikjum okkar í vetur. Svo eigum við enn eftir að fá leikmenn til liðs við hópinn en auðvitað er efniviðurinn fyrir hendi hér í Eyjum. Það þarf bara tíma til að vinna með þá, það er nefnilega eitt að vera efnilegur og annað að vera góður. Þessir strákar hafa staðið sig mjög vel og þeir hafa verið að bæta sig milli leikja en þeim var kannski hent óvænt út í djúpu laugina núna í vetur enda eru þeir að spila sína fyrstu meistaraflokksleiki. Þeir virðast hins vegar ráða ágætlega við pressuna þó það reyni kannski ekki á þá fyrir alvöru fyrr en í sumar."

=== '''Aðalfundur fyrir árið 2000''' ===
Aðalfundurinn var haldinn 10. maí. Formenn handknattleiksráða karla og kvenna og knattspyrnuráða karla og kvenna fluttu skýrslur sínar. Samkvæmt þeim hafði starfið í þeim gengið vel. Helst var að fjárhagsstaða knattspyrnudeildar karla var þeim fjötur um fót. Í fyrirspurn til Ásmundar Friðrikssonar formanns deildarinnar um hvers vegna staða deildarinnar væri svona slæm, sagði Ásmundur að tekjur sem deildin vann sér inn árið 1998 en fengið 1999 voru allar færðar árið 1999. Menn töldu sig eiga um 15 milljónir króna en þeim hafði þá verið eytt árinu áður. Inga Sigurðssyni fannst undarlegt hvernig staða deildarinnar var og vildi meina að tekjurnar sem hafi lækkað mikið, eigi að geta verið mun meiri. Deildin hafi náð góðri festu í tekjum og það sé synd hvernig búið sé að glata þeirri stöðu. Þá var upplýst að Þorsteinn Gunnarsson, framkvæmdastjóri knattspyrnudeildar hefði sagt upp störfum.

Stefán Jónasson lýsti undrun sinni á að 5 ára gamalt félag, sem hefur landað mörgum góðum titlum skuli þurfa að sýna taptölur. Þá spurðu Stefán um launakostnað Þjóðhátíðarnefndar. Stefán Agnarsson, nefndarmaður sagði nefndina fá styrk vegna vinnutaps sem væri um 665 þúsund krónur í heildina, fyrir utan að ráðinn var launaður framkvæmdastjóri.

Ný stjórn var kosin, hana skipa; Þór Í Vilhjálmsson formaður, Óskar Freyr Brynjarsson, varaformaður; Stefanía Guðjónsdóttir ritari; Tryggvi Már Sæmundsson og Egill Arngrímsson. Til vara þeir Erlingur Richardsson og Huginn Helgason. Skoðunarmenn voru kjörnir Kristján Eggertsson og Gísli Valtýsson og til vara Ingi Sigurðsson.

=== '''Lokahóf HSÍ – Vigdís og Sigbjörn''' ===
Lokahóf handknattleiksmanna fór fram á Broadway í byrjun maí og var mikið um dýrðir eins og vanalega. Eins og ávallt ber hæst þegar tilkynnt er um val á leikmönnum ársins sem leikmenn sjálfir kjósa. Það kom líklega fáum á óvart að fyrirliði kvennaliðs ÍBV, Vigdís Sigurðardóttir var valin leikmaður ársins í kvennaboltanum enda hefur hún farið fyrir liði sínu sem náði besta árangri sínum frá upphafi í vetur. Einnig var kraftaverkamaðurinn, Sigbjörn Óskarsson, valinn þjálfari ársins í kvennaboltanum enda ekki á hverra færi að púsla saman meistaraliði ár eftir ár. „Ég átti ekkert frekar von á að vera valinn besti þjálfarinn en ég hlaut auðvitað að koma til greina," sagði Sigbjörn um það að hafa verið valinn besti þjálfari kvennahandboltans í vetur.

=== '''Sibbi og Erlingur''' ===
Á vordögum var tilkynnt að Sigbjörn Óskarsson yrði næsti þjálfari karlaliðs ÍBV í handbolta og Erlingur Richardsson tæki við kvennaliðinu.

=== '''1-0 tap gegn Breiðabliki''' ===
Eyjamenn hafa síðustu ár aldrei riðið feitum hesti frá viðureignum sínum gegn Breiðabliki þegar leikið er í Kópavoginum og engin breyting varð þar á þegar liðin mættust í fyrstu umferð Íslandsmótsins í knattspyrnu karla. Leikurinn þótti tilþrifalítill og mikill vorbragur var á leik liðanna og hefði sigurinn getað lent hvoru megin sem var. Heimamenn sigruðu í leiknum með einu marki gegn engu og sat ÍBV því í næstneðsta sæti deildarinnar eftir fyrstu umferð en það var huggun harmi gegn að neðstir sátu KRingar.

=== '''10 Eyjapeyjar í byrjunarliðinu''' ===
Eyjamenn tóku á móti frískum FH-ingum í sínum fyrsta heimaleik í ár. Síðustu ár hefur ÍBV verið ósigrandi á heimavelli, ef frá er talinn síðasti heimaleikur síðasta árs, og engin breyting varð þar á. Jafntefli, 0-0 varð niðurstaðan eftir frekar kaflaskiptan leik þar sem ÍBV var mun betri aðilinn í fyrri hálfleik en gestirnir voru frískari í þeim síðari. Það er í frásögur færandi að í þessum leik voru tíu leikmenn í byrjunarliði ÍBV sem eru uppaldir hjá félaginu. Eru ár og dagar síðan það hefur gerst.

Það leynist hins vegar engum að nú er uppbyggingartímabil í karlaboltanum og ánægjulegt að

sjá að fjórtán af sextán leikmönnum ÍBV voru Eyjapeyjar í húð og hár en Njáll Eiðsson er óhræddur við að láta ungu strákana axla ábyrgðina strax og þannig öðlast þeir dýrmæta reynslu.

=== '''Markaregn í austan roki''' ===
Kvennalið ÍBV lék sinn fyrsta heimaleik í endaðan maí og var leikið gegn FH í fyrstu umferð Símadeildarinnar. Nokkrar breytingar hafa orðið á hópi ÍBV frá því síðasta sumar, nú eru hjá liðinu þrír skoskir landsliðsmenn í stað þeirra ensku sem voru í fyrrasumar og virðast þær skosku falla nokkuð vel að leikstíl liðsins. Eyjastúlkur voru mun betri í leiknum sem endaði með átta marka sigri, 9 -1 og hefði getað verið enn stærri.

=== '''Jafntefli gegn Val''' ===
Í öðrum leik ÍBV stúlkna í Íslandsmótinu léku þær gegn Val og fór leikurinn fram að Hlíðarenda. Valsliðið er af mörgum talið vera með hvað mestu breiddina í leikmannahópnum sem þykir einnig mjög sterkur og hefur liðinu verið spáð einu af efstu sætum deildarinnar. Eyjastúlkur sýndu þeim hins vegar litla virðingu og niðurstaðan varð því 2-2 jafntefli.

=== '''3. flokkur byrjar vel''' ===
3. flokkur kvenna lék sinn fyrsta leik í sumar þegar liðið tók á móti Stjörnunni í Íslandsmótinu. 3. flokkur ÍBV hefur á að skipa mörgum mjög góðum knattspyrnumönnum framtíðarinnar og eru væntingar til flokksins nokkrar. Leikurinn gegn Stjörnunni var jafn og spennandi. Gestirnir komust yfir í upphafi leiks en með mikilli baráttu náðu stelpumar að snúa leiknum sér í hag og sigruðu með tveimur mörkum gegn einu eftir að hafa skorað sigurmarkið örfáum sekúndum áður en leikurinn var úti.

=== '''Sigur á Fram og Bjarni Geir fótbrotinn''' ===
Karlalið ÍBV sótti Fram heim í 3ju umferð Símadeildarinnar og fór leikurinn fram á Valbjarnarvellinum sem er vægast sagt í slöku ásigkomulagi eins og reyndar flestir knattspyrnuvellir fastalandsins. Vallarskilyrðin settu svip sinn á leikinn en þrátt fyrir það brá fyrir ágætis leikfléttum hjá Eyjamönnum. Framarar voru mun frískari í fyrri hálfleik en Eyjamenn tóku sig saman í andlitinu í þeim síðari. Tómas Ingi Tómasson skoraði í sínum fyrsta leik með ÍBV í sumar eftir glæsilegt samspil hans, Bjarnólfs og Alexander Ilic og er það ennfremur fyrsta mark sumarsins hjá ÍBV og nægði til sigurs.

Bjarni Geir Viðarsson, leikmaður ÍBV, meiddist illa á ökkla í upphafi síðari hálfleiksins. Hann lenti illa eftir viðskipti við leikmann og lá óvígur eftir í vellinum. Hann var fluttur sárþjáður í sjúkrabíl á slysadeild og við skoðun hjá lækni þar kom í ljós sprunga í beini í ökklanum. Þetta þýðir að Bjarni Geir verður frá knattspyrnuiðkun í allt að sex til átta vikur.

=== '''Yngri flokkarnir''' ===
2. flokkur karla lék tvo fyrstu leiki sína í A-deild Íslandsmótsins. Mótherjarnir í fyrsta leik voru Víkingar úr Reykjavík og áttu flestir von á örggum sigri Eyjapeyja. En annað kom á daginn, Víkingar spiluðu skynsamlega á meðan leikmenn ÍBV náðu sér ekki á strik og svo fór að eina mark leiksins skoruðu gestirnir og fóru því með stigin þrjú í farteskinu.

Seinni leikurinn var svo gegn FH og var leikið í Hafnarfirði. Byrjunin lofaði ekki góðu í leiknum og í hálfleik var staðan 1-0 fyrir heimamenn. En Eyjapeyjar náðu að hrista sig í gang í seinni hálfleik og Gunnar Heiðar, markakóngur Íslandsmótsins í fyrra, skoraði tvö mörk og tryggði ÍBV sinn fyrsta sigur í sumar og FH-ingar töpuðu jafnframt sínum fyrsta.

3. flokkur karla lék einnig sinn fyrsta leik en þá tók liðið á móti Gróttu. Flokkurinn féll um deild í fyrra og í ár leikur liðið í B-deild. Strákarnir gerðu sér lítið fyrir og tóku Seltirninga í kennslustund, sigruðu með ellefu marka mun, 13-2 en þetta mun vera fyrsti heimasigur þriðja flokks í Íslandsmótinu í tvö ár. Liðið lék svo gegn Þrótti Reykjavík og fór leikurinn fram í höfuðborginni. Lokatölur leiksins urðu 2 - 0 fyrir heimamenn. Þá lék liðið gegn Fylki og fór sá leikur einnig fram í Reykjavík. Fylkismenn nýttu heimavöllinn sér til fullnustu og unnu leikinn með fjórum mörkum gegn engu.

=== '''Fóru illa að ráði sínu''' ===
Litið var á annan heimaleik kvennaliðs ÍBV, þegar stelpurnar fengu Íslands- og bikarmeistara Breiðabliks í heimsókn, sem prófstein á getu liðsins fyrir sumarið. Bæði lið tefla fram nokkuð breyttum liðum í ár en hafa samt sem áður haldið áþekkum styrkleika. Leikir liðanna hafa undanfarin ár verið jafnir og spennandi enda varð engin breyting þar á í þetta skiptið. Blikagrýlan er hins vegar enn á lífi enda sigruðu gestirnir með þremur mörkum gegn tveimur mörkum ÍBV.

Heimir Hallgrímsson þjálfari liðsins sagði í viðtali við Fréttir eftir leikinn að það virtist ekki henta liðinu að komast yfir í leikjum ''„Við fórum einfaldlega illa að ráði okkar. Við vorum mun betri í byrjun, allt þangað til við skoruðum fyrra markið. Þá var eins og við þyrðum ekki að sækja lengur. Við lentum í sendingavandræðum og vorum í bullandi vandræðum mestan hluta seinni hálfleiks. Það er eins og ÍBV geti hreinlega ekki verið yfir í leikjum. Við virðumst alltaf þurfa að vinna upp eitthvað til að spila vel. Svo var þetta dýr mínúta þegar Breiðablik skoraði tvö mörk. En við verðum bara að líta í eigin barm eftir þetta enda spiluðum við illa í dag."''

=== '''Skeljungur styrkir ÍBV''' ===
Í byrjun júní efndi Skeljungur til samsætis á Hertoganum matsölustað þar sem viðskiptavinum félagsins var boðið að þiggja veitingar. Við það tækifæri var bikarmeisturum ÍBV í handknattleik kvenna afhent viðurkenning frá Skeljungi, sem var aðalstyrktaraðili liðsins á síðasta ári. Kom það í hlut Ingibjargar Jónsdóttur og Hlyns Sigmarssonar að taka við 500 þúsund krónum úr hendi fulltrúa Skeljungs. Við sama tækifæri var skrifað undir samstarfssamning milli Skeljungs og ÍBV-íþróttafélags, til þriggja ára vegna Shellmótsins sem Skeljungur hefur styrkt til margra ára.

=== '''Sætur sigur á Íslandsmeisturum''' ===
ÍBV tók á móti Íslandsmeisturum KR og var sannkölluð hátíðarstemmning á Hásteinsvellinum, enda sjómannadagshelgi og fjölmennt á leiknum. Stuðningurinn skilaði sér heldur betur inn á völlinn enda vann ÍBV leikinn með einu marki gegn engu sem gerði helgina enn skemmtilegri en ella. Þrátt fyrir að ÍBV væri á heimavelli voru það KR-ingar sem voru meira með boltann og sóttu nánast látlaust allan leikinn. Eyjamenn vörðust hins vegar vel, Hlynur og Kjartan voru sem klettar í hjarta varnarinnar og Birkir greip vel inn í þegar á þurfti. Oft á tíðum voru varnarmenn ÍBV hins vegar orðnir tíu og þegar boltinn vannst aftarlega á vellinum vantaði einhvern til að senda á framar á vellinum. Það varð til þess að KR fékk boltann nánast alltaf á sínum vallarhelmingi og hóf sókn á nýjan leik. En vörnin var þétt og í hálfleik var staðan jöfn, 0-0.

Njáll Eiðsson sagði í lok leiksins að hann hefði ekki haft áhyggjur af KR-ingum. ''„Ég reyni að einbeita mér að mínu liði þegar það er að spila, þannig að ég hef lítið um KR liðið að segja. Við gerðum það sem við þurftum og unnum, það er það sem gildir í fótbolta. Auðvitað getum við spilað miklu betur en við gerðum í þessum leik en við unnum, þannig að er ekki óhætt að segja að við höfum verið betra liðið? Við urðum að vinna þennan leik til að missa toppliðin ekki of langt frá okkur. Það er margt í okkar leik sem við verðum að lagfæra, við vitum það sjálfir en það er líka margt jákvætt hjá okkur. Við fáum ekki á okkur mörg mörk og í dag skoruðum við eitt þannig að á meðan það gengur eftir þá er þetta í lagi. En við viljum auðvitað sjá léttari sóknarleik þar sem boltinn fær að flæða betur í gegnum liðið."''

=== '''Misjafnt gengi hjá 2. flokki''' ===
2. flokkur karla hefur nú leikið þrjá leiki í A-deiId Íslandsmótsins og hefur valdið nokkrum vonbrigðum. Einn sigur, eitt jafntefli og eitt tap er uppskeran en sigurleikurinn kom á útivelli. Reyndar er mikið álag á lykilmenn liðsins sem eru að æfa með meistaraflokki og spila með meistaraflokki og gæti skýrt gengið. En mikið býr í liðinu og ljóst að Sigurlás Þorleifsson er rétti maðurinn til að stýra liðinu á rétta braut. Um helgina lék liðið gegn Fram á heimavelli og eftir að hafa komist yfir á upphafsmínútunum, jöfnuðu gestirnir gegn gangi leiksins. Þrátt fyrir ágætis tilraunir tókst ÍBV ekki að skora og því situr liðið í fimmta sæti í átta liða deild með fjögur stig. Mark ÍBV skoraði Gunnar Heiðar Þorvaldsson.

Annar flokkur kvenna gerði góða ferð á höfuðborgarsvæðið þegar hann mætti Breiðabliki en eins og undanfarin ár munu þessi tvö lið líklega verða í toppbaráttunni. Eyjastúlkur gerðu sér hins vegar lítið fyrir og sigruðu Blikana 2-4, en staðan í hálfleik var 0-3. Mörk ÍBV í leiknum skoruðu Margrét Lára 2 og Elva Dögg og Erna Dögg sitt markið hvor.

Daginn eftir mætti liðið svo FH í Hafnarfirði og urðu heimasætur lítil fyrirstaða Eyjastúlkna. ÍBV tók FH í kennslustund í knattspyrnu og sigraði með fimm mörkum gegn engu. Mörk ÍBV í leiknum skoruðu Margrét Lára 2, Sara 2 og Elva Ásdís.

4. og 5. flokkur karla tók þátt í Reebook-mótinu um helgina en það fór fram í Mosfellsbæ. A-, B- og D-lið 5. flokks varð í öðru sæti en C-Iiðið vann sinn riðil.

4. flokkur endaði einnig í öðru sæti.

Þá tók 6. flokkur ÍBV þátt í Lego-mótinu sem fór fram í Hafnarfirði. Gengi flokksins var misjafnt, A-liðið endaði í neðsta sæti en B-, C-, og D-liðin enduðu í öðru sæti. Þjálfari flokkanna þriggja er Jón Ólafur Daníelsson.

=== '''Sigur á Grindavík og Ásthildur til liðs við ÍBV''' ===
ÍBV tók á móti efsta liði Símadeildar kvenna, Grindavík, ÍBV var fyrir leikinn í fimmta sæti. Það var ljóst frá fyrstu mínútu að leikmenn ÍBV þyrsti í sigur eftir frekar slakan leik gegn Breiðabliki í síðustu umferð en þá tapaði liðið fyrir þeim á heimavelli. ÍBV réði leiknum frá fyrstu mínútu til þeirrar síðustu og 7-1 sigur síst of stór.

Ásthildur Helgadóttir, landsliðskona hefur gengið til liðs við ÍBV, en hún hafði ekki fengið leikheimild í leiknum gegn Grindavík. Samningur Ásthildar við ÍBV gildir út tímabilið.

=== '''Vilja setja upp skilti''' ===
ÍBV íþróttafélag sendi skipulags- og bygginganefnd beiðni um að koma fyrir nokkrum auglýsinga- og tilkynningaskiltum. Einu þeirra verði komið fyrir vinstra megin vegar þegar ekið er í bæinn frá Flugstöðinni. Hinum verði komið fyrir við fánaborg Íþróttamiðstöðvar, á horni Illugagötu og Hlíðarvegar, á horni Strandvegar og Heiðarvegar. Á horni Heiðarvegar og Kirkjuvegar og á horni Skólavegar og Vesturvegar. Skipulags- og bygginganefnd frestaði að afgreiða erindið.

=== '''Yngri flokkarnir á fullri ferð''' ===
Knattspyrnuvertíðin í yngri flokkunum er á fullri ferð og næstu tvær helgar verða tvö stærstu knattspyrnumót landsins, Vöruvalsmótið og Shellmótið haldin hér í Eyjum. En flestir flokkar ÍBV hafa hafið leik í Íslandsmótinu og gengi þeirra er misjafnt eins og gefur að skilja.

3. flokkur karla spilar í B-deild þar sem flokkurinn féll síðasta sumar úr A-deild eftir hetjulega baráttu. Strákarnir byrjuðu tímabilið vel, sigruðu Gróttu 11-2 en töpuðu svo tveimur leikjum í röð og voru því í neðri hluta deildarinnar fyrir leikinn.

3. flokkur kvenna þykir vera mjög efnilegur í ár en áframhaldandi velgengni í yngri flokkum kvennaboltans virðist engan endi ætla að taka. Liðið spilaði tvo leiki um helgina, fyrst gegn Breiðabliki og svo gegn Val en leikirnir fóru báðir fram uppi á landi. Leikurinn gegn Breiðabliki byrjaði vel, stelpurnar komust í 1-2 en þá fuku tveir leikmenn ÍBV út af með rautt spjald og eftirleikurinn því auðveldari fyrir heimastúlkur. Leikurinn endaði með tveggja marka sigri Breiðabliks, 5-3. Mörk ÍBV skoraði Margrét Lára. Seinni leikurinn fór svo fram á laugardaginn og var leikið gegn Val. Þrátt fyrir hálfvængbrotið lið ÍBV þá léku stelpurnar mjög vel gegn sterku liði Vals og sigruðu 2-1. Mörk ÍBV skoruðu Margrét Lára og Ester.

4. flokkur karla lék gegn Fjölni en leikurinn fór fram í austan roki og rigningu og voru strákarnir ekki öfundsverðir að spila í þessu veðri. Leikurinn var jafn og spennandi, ÍBV komst yfir en Fjölnismenn jöfnuðu úr víti. Jafnt var allt þar til um fimm mínútur voru til leiksloka að gestirnir tryggðu sér sigurinn með heppnismarki. Mark ÍBV skoraði Birkir.

4. flokkur kvenna lék tvo leiki á fastalandinu um helgina. Fyrst var leikið gegn FH og spiluðu bæði A- og B-lið. A-liðið sigraði 2-0 með mörkum Heklu og Esterar en B-liðið tapaði 5-3. Mörk B-liðsins skoruðu Svava (2) og Olga. Seinni leikurinn var svo gegn Skagastúlkum en þá spilaði aðeins A-liðið. ÍBV sigraði eftir hörkuleik, 0-1 og skoraði Tanja sigurmarkið.

=== '''Sendur heim''' ===
Á heimasíðu ÍBV var sagt frá því að Dejan Djokic, júgóslavneski framherjinn verði sendur heim á næstu dögum Djokic var lengi á leiðinni til ÍBV en forráðamenn ÍBV höfðu varann á og réðu hann til reynslu um tíma. Nú hefur leikmaðurinn fengið á þriðju viku til að sanna sig en það hefur ekki tekist hjá honum og því verður hann sendur heim. Segir á heimasíðunni að leitað hafi verið til leikmannsins þegar ÍBV átti í hvað mestum framherjavandræðum en með tilkomu Tómasar Inga Tómassonar hafi skarðið verið fyllt og því ástæðulaust að bæta enn einum kostnaðarliðnum í bókhaldið.

=== '''Ásthildur stimplar sig inn''' ===
ÍBV sótti Stjörnuna heim um miðjan júní en undanfarin ár hafa ekki gefið Eyjaliðinu mikið í aðra hönd þegar Stjarnan er annars vegar. ÍBV liðið er hins vegar sterkara í ár en nokkru sinni fyrr og ekki síst með tilkomu landsliðsfyrirliðans, Ásthildar Helgadóttur sem spilaði þarna sinn fyrsta leik með liðinu. Ásthildur átti eftir að stimpla sig inn í leiknum því hún skoraði eina mark leiksins í upphafi síðari hálfleiks og tryggði ÍBV þar með dýrmætan sigur í toppbaráttunni. Er þetta fyrsti sigur Eyjastúlkna á Stjörnunni frá 1998.

=== '''Öruggt''' ===
Meistaraflokkur ÍBV lék gegn ungmennaliði Víkings í 32ja liða úrslitum bikarkeppninnar og fór leikurinn fram á gamla heimavelli Njáls Eiðssonar, ÍR-vellinum. Njáll kann greinilega vel við sig á vellinum því ÍBV sigraði í leiknum 1-2 en úrslitin gefa kannski ekki rétta mynd af gangi leiksins. Njáll tók engan séns og stillti upp sínu sterkasta liði. Reyndar var Ingi Sigurðsson hvíldur en hann er að ná sér af meiðslum sem hann varð fyrir í KR-leiknum. Ungmennaliðin þykja ávallt nokkuð erfið viðureignar enda eru þau skipuð ungum og efnilegum knattspyrnumönnum sem eru gjarnan að sanna sig. Páll Almarsson kom ÍBV yfir á 15. mínútu og Atli Jóhannsson bætti öðru marki við eftir rúmlega hálftíma leik.

ÍBV sótti töluvert meira í leiknum og hafði ávallt undirtökin en þegar skammt var til leiksloka minnkuðu Víkingar muninn í 2-1 en lengra komust þeir ekki og því er ÍBV komið áfram í 16-liða úrslit.

Páll Hjarðar sagði í samtali við Fréttir að tölurnar gefi ekki rétta mynd af leiknum. „''Mér fannst þetta vera öruggt hjá okkur allan tímann. Við vorum miklu meira með boltann og sóttum nánast stanslaust. Ég held að þeir hafi ekki einu sinni fengið horn í leiknum. Það var ánægjulegt að ná að setja eitt en þrátt fyrir að hafa verið bakvörður var ég skæðasti sóknarmaður liðsins. Ég átti m.a. að fá víti en maður líður oft fyrir það að vera stór og sterkur enda trúa menn því oft ekki að það sé hægt að fella mann."'' sagði Páll og hló við.

=== '''12. Pæjumótið/Vöruvalsmótið''' ===
Þriðju helgina í júní fór fram í Eyjum hið árlega pæjumót sem síðustu ár hefur verið kallað Vöruvalsmót. Þetta mun hafa verið í tólfta sinn sem mótið fer fram og eftir sífellt fækkandi þátttakendum undanfarin ár, bregður nú svo við að stelpunum fjölgaði frá því í fyrra og er það líklega einna mest að þakka breyttum áherslum í dagskrá félaganna.

Mótið heppnaðist í alla staði mjög vel, Eyjastelpurnar stóðu svo sannarlega fyrir sínu og sluppu keppendur núna við jarðhræringar sem settu mark sitt á mótið í fyrra. Gísli Guðmundsson og Magnús Sigurðsson sáu að mestu um skipulagningu mótsins en þeir sáu sér leik á borði og breyttu dagskrá liðanna. Í stað þess að senda öll lið í sömu dagskrána, ár eftir ár var ákveðið að hver flokkur fyrir sig fengi ákveðinn dagskrárlið þannig að stelpurnar sem ganga upp um flokk kynnist einhverju nýju þegar þær koma að ári. Þannig fór sjötti flokkur í svokallaða ævintýraferð þar sem m.a. var boðið upp á stuttan útreiðartúr, fimmti flokkur fór í golfkennslu og sá fjórði fór í bátsferðina sígildu.

Veðrið hefur ávallt haft mikið að segja um hvernig til tekst og í ár var ágætis veður á meðan mótinu stóð þrátt fyrir slæma spá dagana fyrir það. Önnur nýbreytni var sú að öll liðin borðuðu í Höllinni hjá þeim Sigmari og Grími og var salurinn eins og hannaður fyrir mótið. Á sunnudeginum borðuðu stelpurnar svo í Höllinni og strax að matnum loknum fór fram verðlaunaafhending með öllu tilheyrandi.

Árangur ÍBV liðanna var með ágætum. ÍBV liðin fengu eitt silfur og eitt brons. A-liðin í 5. og 6. flokki fengu svo gull.

=== '''Misjafnt gengi á Suðurnesjum''' ===
Miðvikudaginn 20. júní mætti ÍBV Grindvíkingum á hinum nýja og glæsilega heimavelli þeirra í Grindavík. ÍBV hefur aldrei gengið vel gegn Grindavík á þeirra heimavelli og virðist enn ætla að verða bið á því að sú grýla leggi upp laupana. Með sigri hefði ÍBV komist á meðal efstu liða en þrátt fyrir ágætis byrjun þá voru það heimamenn sem unnu leikinn með þremur mörkum gegn einu.

ÍBV tók á móti Keflavík 24. júní en undanfarin ár hafa leikir liðanna á Hásteinsvelli iðulega verið miklir markaleikir þar sem ÍBV hefur séð um að skora mörkin. Í ár hefur Eyjamönnum hins vegar gengið illa að skora mörk, reyndar ekkert afleitlega en liðinu hefur tekist að skora fjórum sinnum, jafnoft og KR-ingar og Valsmenn en bæði lið hafa fengið einu mikið meira á sig. En fjögur mörk í sex leikjum er eitthvað sem stuðningsmenn IBV eru ekki vanir eftir velgengni undanfarinna ára. Tómas Ingi skoraði sigurmarkið stuttu fyrir leikhlé og tryggði ÍBV mikilvægan 1-0 sigur.

=== '''Misjafnt gengi yngri flokkanna''' ===
2. flokkur karla lék gegn Keflavík og fór leikurinn fram hér í Eyjum. Liðið náði ekki að sýna sitt rétta andlit í leiknum og tapaði 0-2 eftir að staðan í hálfleik hafði verið 0-1. ÍBV situr því í fimmta sæti með sjö stig eftir fimm leiki en deildin er jöfn og aðeins fjögur stig í annað sætið. 3. flokkur karla lék gegn nágrönnum sínum frá Selfossi og fór leikurinn fram þar. Þrátt fyrir að leika á útivelli voru strákarnir hvergi bangnir og unnu í miklum markaleik 3-5. Staðan í hálfleik var 2-4, Selfyssingar minnkuðu muninn í eitt mark en Eyjapeyjar tryggðu sér sigurinn með marki á lokamínútunum. Mörk ÍBV skoruðu þeir Andri Ólafs, Andri Eyvinds, Björgvin og Ágúst.

3. flokkur kvenna lék gegn Fjölni en Fjölnisstúlkur eru rísandi veldi í kvennaknattspyrnunni. Þrátt fyrir það eiga þær enn langt í land með að ná ÍBV enda sigruðu ÍBV-stelpur.

4. flokkur karla lék tvo leiki um helgina og fóru báðir leikirnir fram á fastalandinu. Fyrst var leikið gegn Njarðvík og gerðu strákarnir sér lítið fyrir og sigruðu 1-2. Mörk ÍBV skoraði Einar Kristinn. Seinni leikurinn var svo gegn Selfossi en aðeins eitt mark var skorað í þeim leik. Birkir Ágústsson skoraði það og tryggði ÍBV þar með sigurinn.

5. flokkur karla lék gegn Val en í þetta sinn var aðeins keppt í A- og B-liðum. Bæði liðin töpuðu sínum leikjum, A-liðið tapaði 5-7 en B-liðið 0-5. Mörk A-liðsins skoruðu þeir Þórarinn (2), Gauti (2) og Hafsteinn.

=== '''Loksins''' ===
ÍBV tók á móti KR í toppslag Símadeildar kvenna um mánaðamótin júní/júlí en fyrir leikinn hafði ÍBV aldrei náð að leggja vesturbæjarveldið af velli. Voru stuðningsmenn orðnir langeygir eftir að jarða KR-grýluna. ÍBV-liðið er gríðarlega sterkt í sumar og ekki skemmir fyrir að leikmenn virðast ná mjög vel saman inni á vellinum, sem er nokkuð sem hefur kannski vantað í gegnum árin. ÍBV vann leikinn nokkuð örugglega 3 - 1 og kom sér því fyrir í öðru sæti deildarinnar, þremur stigum á eftir Breiðabliki.

=== '''14 milljón króna lán''' ===
Rætt var um greiðslutilhögun á láni sem aðalstjórn tók á fundi hennar 3. júlí. Láninu er ætlað að greiða niður skuldir knattspyrnudeildar. Mun Íslandsbanki taka hluta af innkomu á Þjóðhátíð til tryggingar á láninu en einnig hluta af rekstrarstyrk Vestmannaeyjabæjar til félagsins. Lánið er til 8 ára og hljóðar uppá 14 milljónir. Þá var samþykkt að ef knattspyrnudeildin fái óvæntar tekjur af sölu leikmanna þá muni hluti af þeirri upphæð renna uppí lánið, einnig ef liðið kemst í Evrópukeppni.

=== '''SS styrkir ÍBV''' ===
Á stjórnarfundi aðalstjórnar 3. júlí var kynntur samningur SS-kjötvinnslu við ÍBV íþróttafélag. Mun SS styrkja félagið um 600 þúsund krónur. Skiptist greiðslan þannig, að knattspyrnudeild karla fær 200 þúsund, knattspyrnudeild kvenna 50 þúsund, handknattleiksdeild karla 200 þúsund og handknattleiksdeild kvenna 150 þúsund.

=== '''Glæsilegt Shellmót''' ===
Árlegt Shellmót fór fram síðustu helgina í júní. Mótið, sem er það átjánda í röðinni, var vel heppnað í alla staði. Veðrið reyndi þó að gera mönnum erfitt fyrir en reynslan er slík að fátt getur komið mönnum úr jafnvægi. Mótshaldið fór t.d. ekki mikið úr skorðum þrátt fyrir að ekki gaf til flugs miðvikudag og fimmtudag og síðustu liðin komu ekki fyrr en með Herjólfi á fimmtudeginum. Alls voru þátttakendur á mótinu um 1150 að meðtöldum þjálfurum og forráðamönnum liðanna en óhætt er að áætla að 2000 til 2500 manns hafi heimsótt Eyjarnar um helgina í tengslum við mótið. Annars var ekki hægt að kvarta undan veðrinu og strákarnir fengu ekta knattspyrnuveður, þurrt, logn og hitastigið mátulegt en á sunnudeginum fór lognið þó heldur hratt yfir.

Mótinu var svo slitið á lokahófi í íþróttahöllinni á sunnudagskvöldið þar sem hin ýmsu verðlaun voru afhent og ekki annað að sjá en að þreyttir en ánægðir strákar hafi yfirgefið mótsstað með bros á vör.

Annað árið í röð varð að fresta setningu mótsins frá miðvikudegi fram á fimmtudagskvöld en setningin var glæsileg að vanda og flugeldasýningin gladdi bæði augu og eyru peyjanna. Skrúðgangan var lengri en nokkru sinni fyrr og gaman að sjá hversu prúðir strákarnir voru. Leikirnir hófust svo á réttum tíma á fimmtudaginn og mótið gekk eins og vel smurð vél. Ekki var að heyra annað en að vel hafi farið um mótsgesti í skólum bæjarins sem ekki nægðu og kom það í hlut Fylkismanna að gista í Félagsheimilinu. Þór Akureyri sigraði í úrslitaleik A-liða 1-0 en þar mætti liðið ÍA. Leikur liðanna var bráðfjörugur þrátt fyrir erfið skilyrði í austan strekkingi. Að vanda voru fjölmargir áhorfendur á leiknum.

Eyjaliðin stóðu sig þokkalega, A-liðið tapaði aðeins tveimur leikjum en endaði þrátt fyrir það í nítjánda sæti. B-liðið endaði í fjórtánda sæti en bestum árangri náði C-liðið sem spilaði um þriðja sætið en tapaði þar fyrir sterku liði Fylkismanna. D-liðið komst í átta liða úrslit en endaði mótið í 7. til 8. sæti og E-liðið endaði í 11. til 12. sæti en C-, D- og E-liðin eru að mestu skipuð strákum á yngra ári 6. flokks.

=== '''Komnar í efsta sætið''' ===
ÍBV lék gegn sameiginlegu liði Þórs/KA/KS og fór leikurinn fram fyrir norðan. ÍBV átti möguleika á að komast í efsta sæti deildarinnar en það hefur í gegnum tíðina ekki verið á hverjum degi sem slíkt gerist. En ætlunarverkið tókst fullkomlega, ÍBV sigraði í leiknum 0-6 og sat því í efsta sætinu fram yfir helgi.

=== '''Njáll kátur''' ===
Í 8. umferð Símadeildarinnar mætti karlalið ÍBV liði Vals. Var leikið á Hásteinsvelli í austan roki. Þrátt fyrir það var leikurinn ágætlega leikinn af báðum liðum. Innkoma þeirra Stokemanna, Marc Goodfeliow og Lewis Neal í ÍBV liðið virkaði sem vítamínsprauta. ÍBV sigraði 2-0 en leikurinn var jafn og spennandi allan tímann. Í hálfleik var staðan 0-0. Mörk ÍBV skoruðu Lewis Neal og Gunnar Heiðar.

Njáll Eiðsson, þjálfari ÍBV, var kátur í leikslok enda sætt að sigra sína gömlu félaga. ''„Það er gleðiefni að fá tvö mörk en ég er að sjálfsögðu fyrst og fremst ánægður með sigurinn. Það er alltaf erfitt að rífa sig upp eftir stórt tap en ég held að þetta hafi verið sanngjarn sigur.“''

=== '''Erlendir leikmenn eða Eyjamenn''' ===
Nokkur umræða var í bænum um kaup knattspyrnudeildar á erlendum leikmönnum. Mörgum hefur verið tíðrætt um þau langtímamarkmið sem talað var um fyrir tímabilið, þ.e.a.s. byggja upp öflugt lið þar sem uppistaðan væru Eyjamenn, fari fyrir ofan garð og neðan í ljósi leikmannakaupa ÍBV undanfarnar vikur.

Jóhann Ingi Árnason, nýráðinn framkvæmadastjóri knattspyrnudeildar karla sagðist í viðtali við Fréttir vissulega hafa áhyggjur af neikvæðri umræðu sem hefur verið í gangi undanfarið. ''„Fyrir tímabilið var lagt upp með það að taka inn þessa ungu og efnilegu stráka sem hafa verið að gera það gott með öðrum flokki félagsins. Í mörgum þessara leikja í sumar hafa Eyjamenn í byrjunarliðinu verið tíu og svo Kjartan Antonsson sem hefur verið lengi í herbúðum ÍBV þannig að mér finnst við vera að halda okkur við þau markmið sem voru sett. Undanfarið höfum við svo lent í því að margir af okkar sterkustu mönnum hafa verið að meiðast og á síðustu æfingu sátu fimm leikmenn, sem allir hafa verið í byrjunarliðinu, við hliðarlínuna og hvíldu vegna meiðsla. Það hljóta því allir að sjá það að við höfum þurft að styrkja leikmannahópinn til þess að lenda hreinlega ekki í fallbaráttu. Fyrir tímabilið var líka búið að ákveða að taka inn tvo júgóslavneska leikmenn og þá Goodfellow og Neal frá Stoke.'' ''Við sendum annan Júgóslavann heim og því er ekkert óeðlilegt að leita á önnur mið varðandi annan útlending," sagði Jóhann Ingi.''

=== '''Blikarnir malaðir''' ===
ÍBV spilaði einn sinn besta leik í sumar þegar strákarnir mættu Breiðabliki í sextán liða úrslitum bikarkeppninnar. Jafnræði var með liðunum fyrstu mínúturnar en eftir glæsilegt mark Goodfellow héldu ÍBV engin bönd. Allir leikmenn ÍBV voru að spila vel og steig liðið varla feilspor í leiknum. Lokatölur urðu 3-1 fyrir ÍBV, Breiðablik skoraði reyndar mark á síðustu andartökum leiksins sem hefði mátt koma í veg fyrir en það voru líka einu mistök ÍBV í leiknum.

=== '''Brokkgengur 2. flokkur''' ===
Það virðist vera annað hvort í ökkla eða eyra hjá 2. flokki karla um þessar mundir. Fyrir rúmri viku síðan lék liðið gegn KR á útivelli og gerðu sér lítið fyrir og sigruðu á KR-vellinum með einu marki gegn engu marki heimamanna. Sæþór Jóhannesson (bróðir Steingríms og Hjalta) skoraði sigurmarkið í seinni hálfleik. Nokkrum dögum síðar mætti liðið svo Skagamönnum og fór leikurinn fram á Hásteinsvellinum. Leikurinn fór heldur illa fyrir Eyjamenn, strákarnir töpuðu 0-5 eftir að staðan í hálfleik hafði verið 0-2. Liðið er sem fyrr um miðja deild með tíu stig en með sigri hefði ÍBV komist í fyrsta sætið ásamt FH.

=== '''Geta borið höfuðið hátt''' ===
Fyrstu helgina í júlí fór fram hið árlega Esso-mót sem er haldið á Akureyri og er fyrir knattspyrnustráka í 5. flokki. Esso-mótið er með svipuðu sniði og Shellmótið en umfangið er

þó mun minna utan vallar. ÍBV hefur yfirleitt verið meðal keppenda á mótinu og svo var einnig í ár. Þjálfarar flokksins eru þeir Dragan Manojlovic og Jón Ólafur Daníelsson.

Fréttir náðu í Jón Óla við komuna til Eyja og hann sagðist vera þokkalega sáttur við gengi flokksins. „''Þetta var fínt í heildina hjá okkur, ég hefði reyndar vilja sjá A-liðið komast í átta liða úrslit og það vantaði reyndar ekki mikið upp á það. Við töpuðum fyrsta leiknum en það er oft erfitt að byrja mótið þar sem fyrstu leikirnir fara fram sama dag og við komum á staðinn eftir langt ferðalag. Strákamir voru samt að bæta sig með hverjum leik og geta borið höfuðið hátt eftir það. Mótið sjálft er líkt og Shellmótið, reyndar er ekkert innimót og dagskráin utan vallar er ekki eins góð og á Shellmótinu enda eru strákarnir eldri og hafa kannski ekki eins gaman af því."''

Staða ÍBV í mótinu var þessi: A-lið 9. sæti, B-lið 10. sæti, C-lið 11. sæti ogD-lið 12. sæti.

=== '''Heilladísir með ÍBV''' ===
Meistaraflokkur ÍBV karla mætti Skagamönnum í níundu umferð Símadeildarinnar og fór leikurinn fram uppá Skipaskaga. Leikir liðanna uppi á Skaga hafa verið jafnir og spennandi hin síðari ár en síðustu þrír leikir liðanna hafa endað með jafntefli. Lokatölur urðu 0-0 jafntefli sem hljóta að teljast góð úrslit fyrir Eyjamenn miðað við gengi liðsins á útivelli í ár.

=== '''Þokkalegur árangur yngri flokkanna''' ===
2. flokkur karla lék gegn Víkingi í Reykjavík um miðjan júlí, en liðin mættust í fyrstu umferð A-deildar hvar Víkingar báru sigur úr býtum hér í Eyjum. Gengi liðsins hefur verið upp og ofan í sumar en nú síðast tapaði liðið stórt fyrir Skagamönnum á heimavelli, 0-5.

2. flokkur kvenna lék tvo leiki. Fyrst var leikið gegn Val á Hlíðarenda en fyrir leikinn munaði aðeins einu stigi á liðunum. Daginn eftir lék liðið svo gegn Fjölni en báðir leikirnir fóru fram í Reykjavík.

3. flokkur karla gerði góða ferð á Seltjarnarnesið þegar liðið mætti heimamönnum í Gróttu. Fyrri leikur liðanna, sem fór fram hér í Eyjum endaði með stórsigri ÍBV 11-2 og því ekki búist við að róðurinn yrði erfiður. Strákarnir voru líka ekki í vandræðum með heimamenn, sigruðu með sex mörkum gegn engu og Björgvin Þór skoraði hvorki fleiri né færri en fjögur mörk. Mörk ÍBV: Björgvin Már Þorvaldsson (4) og Ólafur Þór Berry (2)

3. flokkur kvenna lék gegn Fjölni. ÍBV átti ekki í vandræðum með lið gestanna og sigraði 5-1. Margrét Lára skoraði þrjú mörk, Hekla eitt en eitt markið var sjálfsmark gestanna. Tveim dögum síðar mætti liðið svo Val en þessi lið ásamt Breiðabliki hafa í gegnum tíðina verið áberandi best í yngri flokkum kvennaboltans. Þrátt fyrir að komast í 2-0 þá náðu gestirnir að svara í þrígang og tryggja sér þar með sigurinn. Mörk IBV skoruðu þær Margrét Lára og Erla Signý.

4. flokkur kvenna lék gegn erkifjendunum úr KR. Leikið var í bæði A- og B-liðum og töpuðu stelpurnar báðum leikjunum. A-liðið tapaði með þremur mörkum gegn engu en B-liðið tapaði 2-0. Næsti keppinautur var svo lið Fjölnis. Þar tapaði A-liðið 3-1 og skoraði Hekla eina mark ÍBV. B-liðið sigraði hins vegar 0-3 og markaskorarar voru þær Birgitta með tvö mörk og Ásthildur eitt.

5. flokkur kvenna tók þátt í Hnátumóti KSÍ. Flokkurinn er fjölmennur og því var hópnum skipt í tvennt þar sem annar hópurinn tekur þátt núna og hinn hópurinn eftir tvær vikur þegar mótið verður endurtekið. Engin verðlaun eru í boði en markmiðið er að sjálfsögðu að allir spili og hafi gaman af fótbolta. A-lið ÍBV vann einn leik, gerði eitt jafntefli og tapaði tveimur en B-liðið vann tvo og gerði eitt jafntefli.

7. flokkur karla tók þátt í hinu árlega Lotto-móti sem fram fer á Akranesi. 7. flokkur er yngsti flokkurinn hjá flestum félögum og því oft skemmtileg tilþrif sem sjást á vellinum. Mótið hófst á föstudegi og stóð fram á sunnudag. Jón Ólafur Daníelsson er þjálfari flokksins og hann sagði í samtali við Fréttir að D-liðið hefði náð bestum árangri. ,.D-liðið spilaði til úrslita hjá okkur en tapaði naumlega fyrir Breiðabliki 1-0 í aðalmótinu en í hraðamótinu enduðu þeir í þriðja sæti. A-liðið endaði í fimmta sæti í aðalmótinu en áttunda í hraðmótinu, B í því sjötta en fjórða í hraðamótinu og C-liðið endaði í sjöunda í aðalmótinu en þriðja í hraðamótinu."

=== '''Harðsóttur sigur''' ===
ÍBV tók á móti Breiðabliki í annað sinn á rétt rúmri viku, en liðin mættust í sextán liða úrslitum bikarkeppninnar þar sem ÍBV sigraði örugglega 3-1. Í þetta skiptið mættu Blikarnir hins vegar mun skipulegri til leiks og höfðu greinilega legið yfir leikjum ÍBV til að finna veikleika á liðinu. T.d. voru þeir Goodfellow og Neal varla komnir með boltann þegar þrír varnarmenn umkringdu þá. En þrátt fyrir að hafa oft sýnt betri leik sigraði ÍBV 1-0 og heldur sér þar með í toppbaráttunni um sinn.

=== '''Jafntefli gegn FH''' ===
Kvennalið ÍBV hefur heldur betur verið að sækja í sig veðrið að undanförnu og sat m.a. á toppi deildarinnar fyrir leikinn gegn FH. Heimir Hallgrímsson þjálfari liðsins hafði sagt það að markmið liðsins í fyrri umferðinni væri að halda liðinu við toppinn þannig að árangur liðsins til þessa hefur gefið ástæðu til bjartsýni. En reynslan og hefðin er ekki á bandi ÍBV enda brotlenti liðið á föstudaginn gegn FH. Eftir að hafa lent undir í fyrri hálfleik náðu Eyjastúlkur að jafna og urðu lokatölur leiksins 1-1.

=== '''Úr leik í bikarnum''' ===
Þátttöku kvennaliðs ÍBV lauk í átta liða úrslitum í ár þegar liðið tapaði gegn Breiðabliki á útivelli. Lokatölur leiksins urðu 5-0 en staðan í hálfleik var 2-0. ÍBV átti aldrei möguleika í leiknum gegn Íslandsog bikarmeisturunum en hvorki Ásthildur Helgadóttir né Elfa Ásdís Ólafsdóttir léku með liðinu vegna meiðsla.

=== '''Veitingasala í Týsheimilinu''' ===
Að þessu sinni verður veitingasala í tengslum við þjóðhátíð ekki aðeins í veitingatjaldinu heldur einnig í Týsheimilinu. Það er ÍBV íþróttafélag sem mun sjá um veitingasöluna, bæði í tjaldinu og Týsheimilinu. Magnús Sigurðsson, framkvæmdastjóri ÍBV, segir að veitingasalan í Týsheimilinu verði opin frá kl. 10 til 20 alla þjóðhátíðardagana. Þar verða á boðstólum svipaðar veitingar og er að hafa í þjóðhátíðartjaldinu, hamborgarar, samlokur, pizzur og fleira í þeim dúr en þessi veitingasala er rekin í samráði við Pizza 67. Magnús segir ekkert launungarmál að með þessu sé verið að reyna að auka tekjur félagsins til að mæta þeim kostnaði sem hlýst af þátttöku félagsins í löggæslu yfir þjóðhátíðina''. „Okkur er gert að greiða fyrir löggæsluna, ekki inni í Dal, heldur í bænum yfir þessa daga. Veitingamenn og sjoppueigendur eru auðvitað ekkert mjög sáttir við þennan veitingarekstur en flestir þeirra segjast þó skilja okkar afstöðu. Við buðum þeim að taka þátt í greiðslu á þessum löggæslukostnaði gegn því að við hættum við veitingasölu í Týsheimilinu en þeir voru ekki reiðubúnir til þess. Við verðum einhvern veginn að reyna að ná inn fé fyrir þessum aukakostnaði sem er dengt á okkur vegna löggæslunnar og það varð úr að reyna þetta,"'' segir Magnús.

(Fréttir greindu frá)

=== '''Viljum ekki vera blórabögglar''' ===
''„Ég hef átt gott samstarf við þjóðhátíðarnefnd undanfarin ár og því kemur mér þessi uppsetning málsins verulega á óvart,"'' segir Karl Gauti Hjaltason sýslumaður vegna þeirrar ástæðu ÍBV að selja veitingar í Týsheimilinu yfir þjóðhátíðina. Þar verður seldur bjór, pizzur og aðrar veitingar. Rök ÍBV-íþróttafélags er að þetta sé nauðsynlegt til að hafa upp í löggæslukostnað. Hefur ákvörðunin m.a. vakið hörð viðbrögð veitingamanna og sjoppueigenda. „''Menn geta fundið sér ástæður fyrir öllum hlutum en það er nokkuð langsótt af framkvæmdastjóra ÍBV að kenna því um að löggæslukostnaður þvingi íþróttafélagið út í rekstur veitingastaðar utan þjóðhátíðarsvæðisins. Staðreyndin er sú að öll árin fyrir 1999 greiddi íþróttafélagið fullan löggæslukostnað vegna þjóðhátíðar og þurfti ekki að leita annarra fjáröflunarleiða til þess,"'' segir Karl Gauti. Það gerðist fyrst árið 1999 að stofnaður er sérstakur fjárlagaliður til þess að mæta þessum kostnaði og hefur sýslumannsembættið í Eyjum fengið löggæslukostnaðinn endurgreiddan af þeim lið á árunum 1999 og 2000, fyrst 2.4 millj. og síðan 2.8 millj. Á árinu 1998, sem var síðasta árið þar sem samkomuhaldari greiddi þennan kostnað var hann 2.2 millj. ''„Það sem breyttist núna er það að sett var þak á greiðslur út af þessum fjárlagalið, 1.5 milljónir, og verður samkomuhaldari að greiða það sem umfram er, á þessu ári hér í Eyjum á bilinu 1.5-2 millj. Eðlilega eru menn ósáttir við það, en að líkja þessu við eitthvert meiri háttar áfall er fráleitt, því samkomuhaldarar hafa alltaf greitt þennan kostnað að fullu að undanskildum síðustu tveimur árum og reyndar greiða þeir ekki kostnaðinn nú, nema það sem er umfram 1.5 millj. Lögreglan telur alla jafna ekki eftir sér að vera blórabögglar fyrir allra handa hluti, en ég get fullvissað menn um það að lögreglan hefur ekki átt neinn þátt í opnun þessa veitingastaðar“'' sagði Karl Gauti.

(Fréttir greindu frá)

=== '''Duttu úr bikarnum''' ===
Eyjamenn duttu út úr Coca Cola bikarnum, er þeir töpuðu 1-0 fyrir FH í Hafnarfirði. Í Fréttum sagði að leikurinn hafi verið leiðinlegur á að horfa, Hafnfirðingar skoruðu strax á 20. mínútu og eftir það lögðust þeir í vörn. Eyjamenn sóttu talsvert eftir markið en tókst ekki að skapa sér nein verulega hættuleg færi, skyndisóknir FH reyndust hættulegar og varði Birkir nokkrum sinnum glæsilega. Gunnar Heiðar Þorvaldsson skoraði reyndar mark þegar um 10 mínútur voru eftir en það var dæmt af réttilega vegna rangstöðu. En þrátt fyrir þunga sókn á lokamínútunum með Hlyn Stefánsson fyrirliða sem fremsta mann tókst Eyjamönnum ekki að jafna og því er bikardraumurinn úti þetta árið. Um leið urðu Eyjamenn að sætta sig við enn eitt tapið á útivelli. Liðið: Birkir, Páll, Hlynur, Kjartan, Hjalti Joh., Marc Goodfellow (Jón Helgi), Lewis Neal, Tommy Schram, Bjarnólfur (Hjalti Jóns), Gunnar, Atli.

=== '''Náðu fram hefndum''' ===
Eyjamenn voru að vonum vonsviknir með tapið gegn FH í átta liða úrslitum bikarkeppninnar á dögunum enda í fyrsta sinn síðan 1995 sem liðið er ekki í það minnsta í undanúrslitum. Leikmenn voru því á þeim buxunum að koma fram hefndum og jafnframt sýna beittari leik en áður. Það gekk eftir, leikurinn var bráðfjörugur á köflum og Eyjamenn töluvert hættulegri upp við mark andstæðingsins. Það var samt sem áður aðeins eitt mark sem skildi liðin að í leikslok, Gunnar Heiðar Þorvaldsson skoraði það og skaut vonandi útileikjagrýluna þar með á bólakaf, 1-0 fyrir ÍBV.

=== '''Of langt í toppinn''' ===
Í strekkingsvindi á Hásteinsvelli lyktaði leik ÍBV og Vals með jafntefli 1-1. Eftir þessi úrslit er ljóst að baráttan um titilinn er ÍBV nánast töpuð, liðið á 4 stig í Blika á toppi deildarinnar og eins og Heimir Hallgrímsson, þjálfari ÍBV, orðaði það: ''„Blikar eru bara með allt of gott lið til að tapa þessu niður."''

=== '''Minnkandi áhorfendafjöldi''' ===
Í gegnum tíðina hefur góðu gengi á knattspyrnuvellinum ávallt fylgt góð aðsókn á völlinn. Í ár hefur hinsvegar aðsókn á heimaleiki ÍBV karla verið lakari en oft áður þrátt fyrir að liðið hafi nánast allan tímann verið í toppbaráttunni. Áhorfendafjöldi á leikjum ÍBV í sumar hefur verið að meðaltali, samkvæmt talningu KSÍ, 546 manns og er þetta minnsti fjöldi áhorfenda í Símadeildinni.

=== '''Yngri flokkarnir''' ===
2. flokkur kvenna lék þrjá leiki rétt fyrir Þjóðhátíð. Fyrst mætti liðið Val í Reykjavík og tapaðist sá leikur 3-0 en þessi tvö lið munu líklega berjast um Íslandsmeistaratitilinn. Staðan í hálfleik var 0-0 en tvö mörk heimastúlkna gerðu út um leikinn. Næst lékk ÍBV og KR og gerðu stelpurnar sér lítið fyrir og unnu leikinn með fimm mörkum gegn engu gestanna. Mörkin skoruðu þær Margrét Lára (2), Sara (2) og Telma. Þriðji leikurinn var svo gegn Breiðabliki og tapaðist.

3. flokkur karla mætti KA í tveimur leikjum en leikirnir fóru fram á Akranesi til að spara félögunum ferðakostnað. Fyrri leikurinn var heimaleikur ÍBV. Strákarnir nýttu sér heimavöllinn og unnu örugglega 4-2. Mörkin skoruðu þeir Andri Ólafs., Adólf, Björgvin og Ólafur. Seinni leikurinn var jafnari en sá fyrri enda endaði hann með jafntefli, 2-2. Mörk ÍBV í þeim leik skoruðu Andri Eyvinds. og Grétar.

3. flokkur kvenna lék gegn ÍA og fór leikurinn fram hér í Eyjum. Liðið hefur ekki alveg náð að sýna sitt rétta andlit í öllum leikjum sumarsins og fyrir leikinn var ÍBV í fjórða sæti A-riðils, ellefu stigum á eftir efsta liðinu en átti tvo leiki inni.

5. flokkur karla lék um helgina gegn ÍR og Njarðvík. Leikið var gegn IR og var teflt fram A-,B-,C- og D-liðum. A-liðið sigraði 0-3 og skoruðu Gauti (2) og Þórarinn mörkin. B-liðið vann eftir spennandi leik 1-2 og skoruðu þeir Hafsteinn og Orri mörkin. C- og D-liðin töpuðu bæði, C-liðið 5-2 þar sem Ólafur og Guðmundur skoruðu og D-liðið 4-1 þar sem Theodór skoraði mark ÍBV.

Þá var leikið gegn Njarðvík og spiluðu bara A- og B-liðin. Bæði liðin unnu sína leiki, A-liðið 1-3 og B-liðið 0-8. Fyrir A-liðið skoruðu þeir Guðjón, Arnór og Þórarinn en B-liðið þeir Kristinn (2), Friðrik, Þorsteinn, Vignir, Hafsteinn (2), Ingólfur.

5. flokkur kvenna tók þátt í seinni hluta Hnátumótsins en Erna Þorleifsdóttir þjálfari flokksins ákvað að eldri stelpumar færu fyrst og yngri stelpurnar núna. Stelpurnar stóðu sig mjög vel enda voru þær að keppa á móti eldri stelpum annarra liða. A-liðið tapaði einum leik og gerði tvö jafntefli. B-liðið vann einn, tapaði einum og gerði eitt jafntefli.

6. flokkur karla tók þátt í Pollamóti KSÍ en eins og hjá stelpunum þá er mótið tvískipt. Nú voru aðeins send A- og B-lið enda eru margar fjölskyldur í fríi á þessum árstíma. Árangurinn var þokkalegur, A-liðið tapaði tveimur leikjum en vann einn en B-liðið vann einn og tapaði tveimur. Jón Ólafur Daníelsson er þjálfari flokksins.

=== '''Veðurblíða einkenndi Þjóðhátíðina''' ===
Það sem einkenndi þjóðhátíðina 2001 var einmuna veðurblíða alla þjóðhátíðardagana.

Föstudagur í þjóðhátíð heilsaði bjartur og fagur og setti það skemmtilegan svip á setningu þjóðhátíðar sem var óvenjulega vel sótt. Heimafólk mætti prúðbúið til setningar eins og verið hefur undanfarnar hátíðir. Setningin var hefðbundin með lúðrablæstri, kórsöng og hugvekju Kristjáns Björnssonar sóknarprests. Þór Vilhjálmsson, formaður ÍBV- íþróttafélags, setti hátíðina og Gunnlaugur Ástgeirsson flutti hátíðarræðuna. Gunnlaugur, sem er borinn og barnfæddur í Eyjum, sonur Asa í Bæ, hældi bæði sjálfum sér og öðrum Eyjamönnum sem skara fram úr öðrum á flestum sviðum. Eitthvað sem Vestmannaeyingum leiðist ekki að heyra. Þessu stjórnaði Árni Johnsen eins og ekkert hefði í skorist, en hann hafði fyrr á árinu orðið uppvís að misgjörðum í starfi sínum sem formaður nefndar um lagfæringar á Þjóðleikhúsinu og í framhaldi af því sagt af sér þingmennsku.

Annars var þjóðhátíðin í hefðbundnu fari. Árni sá svo um brekkusönginn að venju og fékk þar hlýjar móttökur.

Lífið er yndislegt var Þjóðhátíðarlagið 2001, eftir Hreim Heimisson.

Í viðtali sem Fréttir áttu við Karl Gauta Hjaltason sýslumann sagði hann að langflestir gestirnir hefðu verið til fyrirmyndar og greinilegt að betri helmingur af útihátíðargestum hafi verið í Eyjum um helgina. Karl Gauti segir umræðuna í fjölmiðlum eftir þessa helgi vera einhæfa, greinilegt sé að enginn áhugi sé á að ræða um þjóðhátíð þegar hún heppnast eins vel og í ár. „''Það væri hægt að halda langar ræður um hversu vel hátíðin heppnaðist en fjölmiðlar hafa engan áhuga á þeim fréttum og eins vil ég vísa því til föðurhúsanna að nauðgunarbrot komi ekki upp á yfirborðið hér í Eyjum vegna þess að við gerum ekkert í því."''

Ármann Höskuldsson var ábyrgur fyrir gæslumálum í dalnum, hann sagði við Fréttir, að þetta væri með allra rólegustu þjóðhátíð sem menn hafi kynnst og það hafi í raun ekkert verið að gera fyrir þá 140 gæslumenn sem voru til staðar.

Gestir Þjóðhátíðarinnar voru um 6.600 talsins. Miðaverðið í Dalinn kostaði kr. 7.000 og kr. 6.500 í forsölu.

=== '''Það sem öðrum liðum hefur mistekist''' ===
Það voru ekki margir sem voru þeirrar skoðunar að næstneðsta lið Símadeildarinnar, Fram, gæti gert það sem flestum öðrum íslenskum liðum hefur mistekist, það er að segja að leggja ÍBV að velli á Hásteinsvellinum. Það gerðu Framarar hinsvegar með stæl, nýttu þau fáu færi sem þeir fengu og uppskáru tveggja marka sigur á ÍBV 1-3.

=== '''Langt ferðalag''' ===
3. flokkur kvenna lék tvo leiki rétt eftir Þjóðhátíð og fóru þeir báðir fram hér í Eyjum. Fyrst var tekið á móti Fylkisstúlkum og endaði leikurinn með tíu marka sigri ÍBV, 11-1. Mörk ÍBV skoruðu þær Margrét Lára (5), Berglind (3), María (2) Inga Ósk. Í hinum leiknum komu svo erkifjendurnir úr Breiðabliki í heimsókn. Leikurinn var jafn og spennandi en Eyjastúlkur unnu leikinn með þremur mörkum gegn tveimur. Það er því enn veik von um að ÍBV vinni titilinn en þá þurfa Blikastúlkur að tapa þeim leikjum sem eftir eru og ÍBV að vinna rest.

4. flokkur karla fór alla leið til Ísafjarðar þar sem þeir mættu BÍ. Strákarnir töpuðu sex þrjú. komust reyndar yfir eftir aðeins eina mínútu en heimamenn svöruðu með fjórum mörkum. Í upphafi seinni hálfleiks skoruðu strákarnir en komust ekki nær Ísfirðingum og töpuðu eins og áður sagði með þremur mörkum. Mörk ÍBV skoruðu þeir Birkir (2) og Einar Kristinn 1.

=== '''9-0''' ===
ÍBV-stelpurnar í meistaraflokki í knattspyrnu léku gegn nýliðum Grindvíkinga 14. ágúst í Grindavík, - en Suðurnesjastelpur komu mjög á óvart í upphafi móts, síðan hefur leiðin legið niður á við hjá þeim. Ekki er hægt að segja að heimastúlkur hafi riðið feitum hesti frá viðureigninni, því Íris Sæmundsdóttir og Bryndís Jóhannesdóttir voru í miklum markaham og skoruðu 89 % marka ÍBV í 0-9 stórsigri.

=== '''Og svo kom jafntefli''' ===
Fyrri leikur ÍBV var gegn Breiðabliki og fór leikurinn fram í Kópavogi. Ekki er hægt að segja að tölfræðin hafi verið Eyjastúlkum hagstæð en ÍBV hafði fyrir leikinn aldrei náð stigi af Íslandsmeisturunum og síðasti leikur liðanna í Kópavogi endaði heldur illa, eða 6-0. Þrátt fyrir það voru Eyjastelpur ákveðnar í að vinna leikinn og hleypa spennu í baráttuna um Íslandsmeistaratitilinn en allt kom fyrir ekki og endaði leikurinn með markalausu jafntefli.

=== '''Palli með rautt''' ===
ÍBV lagði KR að velli í Frostskjólinu 2-0 þanng 12. ágúst og situr liðið þægilega í þriðja sætin. KR hinsvegar í botnbaráttunni. Páll Almarsson fékk að líta rauða spjaldið hjá dómaranum á 75. mínútu fyrir brot og léku Eyjamenn því 10 það sem eftir lifði leiks. Njáll Eiðsson, þjálfari ÍBV sagði í viðtali við Morgunblaðið: ''„Það er meiri breidd í liðinu en við kannski héldum. Tómas Ingi Tómasson getur nánast spilað heilan leik núna svo það er gott. Ungu strákarnir spiluðu mjög vel, eins og til dæmis Atli Jóhannsson. Auðvitað var slæmt að missa Pál Almarsson út af með rautt spjald en sem betur fer var ekki mikið eftir af leiknum og við héldum þetta út. Það er hins vegar slæmt að missa hann í næsta leik,“''

=== '''2. flokkur í fallbaráttu''' ===
2. flokkur karla er nú kominn í harða fallbaráttu eftir síðasta leik liðsins sem var gegn Fram. Fyrir leikinn var ÍBV í þriðja neðsta sæti efstu deildar með tíu stig en Framarar í fallsæti með sex. Framarar unnu hins vegar leikinn 3-1 og er ÍBV því aðeins einu stigi frá fallsæti. Sú staðreynd er mörgum mikil vonbrigði enda endaði flokkurinn í öðru sæti í deildinni í fyrra og þótti liðið vera líklegt til afreka í ár. En Gunnar Heiðar og Atli hafa haft í nógu að snúast með meistaraflokki og hafa því ekki spilað neitt með 2. flokki sem veikir liðið að sjálfsögðu. Árangur liðsins á heimavelli er hins vegar hræðilegur, enginn sigur, eitt jafntefli og fjögur töp er ekki vænlegt til árangurs.

3. flokkur kvenna lék tvo leiki fyrir skömmu og fóru þeir báðir fram hér í Eyjum. Fyrst var tekið á móti Fylkisstúlkum og endaði leikurinn með tíu marka sigri ÍBV, 11-1. Mörk ÍBV skoruðu þær Margrét Lára (5), Berglind (3), María (2) og Inga Ósk.

4. flokkur kvenna skrapp í Kópavoginn og lék gegn heimastúlkum. Þessi lið hafa í gegnum tíðina verið erkifjendur í kvennaknattspyrnunni enda bæði félög mjög framarlega þar. En í þetta skiptið tóku Blikastúlkur leikmenn ÍBV í kennslustund og gjörsigruðu bæði í A- og B-liðum. A-liðið tapaði 9-0 en B-liðið tapaði 10-1 þar sem Svava Kristín skoraði eina mark ÍBV. 5. flokkur karla lék gegn Haukum og var leikið í A-, B-, C- og D-liðum. Eyjapeyjar voru ekki í vandræðum með Haukana, sigruðu í þremur leikjum en í einum leik var jafntefli. Úrslitin voru annars þessi, A-liðið vann 11-1, B liðið vann 12-0, C gerði 3-3 jafntefli og D vann 7-1.

=== '''Enn í toppslagnum''' ===
Karlalið ÍBV tók á móti Grindavík í fjórtándu umferð Símadeildarinnar. Eyjamenn hafa löngum verið í vandræðum með Grindvíkinga en í þetta sinn var strákunum suður með sjó ekki sýnd nein miskunn og ÍBV sigraði örugglega með þremur mörkum gegn engu. Eyjamenn voru í 2. sæti deildarinnar þegar fjórar umferðir eru eftir og verða því í toppbaráttunni á lokasprettinum.

=== '''Jón Bragi til bjargar''' ===
Í sumar hefur handknattleiksráð karla leitað logandi ljósi að markverði til að verja mark ÍBV í handbolta í vetur en þrátt fyrir þrotlausa leit gekk lítið. En á meðan leitað var á fastalandinu var lausnin við bæjardyrnar. Hinn síungi íþróttakappi Jón Bragi Arnarson hefur ákveðið að draga fram handboltaskóna að nýju en síðast lék hann með liðinu fyrir ljórum árum. Jón Bragi hefur hin síðari ár verið betur þekktur sem knattspyrnukappi en þrátt fyrir árin séu að nálgast fjórða tuginn, hefur hann aldei verið í betra formi og æfir nú af fullum krafti með liðinu. Forráðamenn ÍBV gera ráð fyrir frekari liðsstyrk og samkvæmt heimildum Frétta eiga þeir í viðræðum við litháenska, rétthenta skyttu sem er með einhverja landsleiki að baki.

=== '''2. flokkur kvenna í bikarúrslit''' ===
ÍBV lék gegn KR í undanúrslitum bikarkeppninnar. Leikurinn fór fram á Týsvellinum. Veðrið var leiðinlegt en stelpurnar létu það ekki skemma fyrir sér og léku ágætis knattspyrnu. María Guðjónsdóttir kom ÍBV yfir í fyrri hálfleik með sannkölluðu þrumuskoti eftir laglegan undirbúning Margrétar Láru. Í seinni hálfleik bættu stelpumar við tveimur mörkum, fyrst Elva Dögg Grímsdóttir og svo var það Margrét Lára Viðarsdóttir sem innsiglaði þriggja marka sigur á KR. Þar með eru stelpurnar komnar í úrslitaleikinn en flokkurinn varð bikarmeistari fyrir tveimur árum. Þjálfari flokksins er Sindri Grétarsson.

=== '''Litháísk skýtta í handboltann''' ===
ÍBV handknattleiksráð karla hefur samið við Litháann Vytautas Ziura og mun hann leika með ÍBV á komandi tímabili. Vytautas er 21 ára, hægri handar skytta og á að baki m. a. 15 A-landsliðsleiki með Litháen. Að sögn Jóhanns Péturssonar stjórnarmanns hjá handknattleikráði karla þá líst mönnum vel á leikmanninn. „''Við sáum leik með honum á móti ungverska landsliðinu þar sem hann stóð sig mjög vei. Til viðbótar hefur hann góð meðmæli sem sterkur leikmaður."'' Vytautas mun þó ekki koma til ÍBV fyrr en rétt fyrir Íslandsmót þar sem liðið hans í Litháen, Lusies Kaunas, vill ekki sleppa honum fyrr en eftir fyrstu umferð í Evrópumóti bikarhafa sem þeir taka þátt í. Fyrir í herbúðum ÍBV er sterk vinstrihandar skytta frá Litháen, Mindaugas Andriuska ásamt því sem Arnar Pétursson kom frá Stjörnunni þannig að ljóst er að ÍBV mætir sterkt til leiks á komandi keppnistímabili.

=== '''3. flokkur Íslandsmeistari''' ===
3. flokkur kvenna lék helgina 25. og 26. ágúst í úrslitum Íslandsmótsins en þau fóru þannig fram að fyrst voru undanúrslit og sigurvegararnir úr þeim leikjum léku svo til úrslita. ÍBV lék gegn Þór Akureyri en í hinum leiknum mættust KR og Breiðablik. Í Fréttum sagði að Eyjastelpur hafi byrjað leikinn eins og þær eiga að sér og voru 3-0 yfir í hálfleik. En Þórsarar jöfnuðu leikinn í seinni hálfleik þannig að grípa varð til framlengingar. Í framlengingunni var hins vegar aldrei spurning hvort liðið myndi sigra en ÍBV skoraði tvö mörk gegn engu marki norðanstúlkna og sigraði því 5-3. Í úrslitaleiknum mættust svo erkifjendurnir ÍBV og Breiðablik og fór leikurinn fram á Valsvelli. Jafnræði var með liðunum í upphafi en ÍBV komst yfir með ágætu marki. Undir lok fyrri hálfleiks fengu stelpumar svo dæmt á sig heldur klaufalegt víti sem Blikarnir skoruðu úr og staðan í hálfleik því 1-1. Í seinni hálfleik mættu stelpurnar mun ákveðnari og uppskáru tvö mörk á meðan Breiðablik skoraði ekkert og Íslandsmeistaratitillinn í höfn.

Stefanía Guðjónsdóttir og Erna Þorleifsdóttir eru þjálfarar flokksins og sagði Stefí að stelpurnar hefðu staðið sig frábærlega um helgina. ''„Við vorum að spila ágætlega og seinni hálfleikurinn í úrslitaleiknum var mjög góður. Leikurinn var skemmtilegur á að horfa, bæði lið fengu sín færi en við vorum ákveðnari í seinni hálfleik. Stelpurnar eiga þetta svo sannarlega skilið en þær vilja meina að Rósa frænka, sem gaf þeim tattú á innanvert lærið fyrir úrslitaleikinn, hafí haft mikið að segja."'' Mörk ÍBV í úrslitaleiknum skoruðu þær Ester, Inga Ósk og Erla Signý.

=== '''Mikilvægur sigur''' ===
ÍBV spilaði einn af mikilvægustu leikjum sumarsins þegar liðið mætti Keflvíkingum í bítlabænum um mánaðamótin ágúst/september. Með sigri gat ÍBV komist upp að hlið Skagamanna sem trónuðu á toppi deildarinnar en áttu þó leik til góða. Það tók Eyjamenn ekki nema fimmtán mínútur að gera út um leikinn, fyrst skoraði Tómas Ingi á elleftu mínútu og fjórum mínútum síðar bætti félagi hans í framlínunni, Gunnar Heiðar við öðru marki og þar við sat.

=== '''Konurnar í góðum málum''' ===
ÍBV tók á móti Stjörnunni á Hásteinsvellinum. Fyrir leikinn var ÍBV þremur stigum á eftir KR sem er í öðru sæti Símadeildarinnar en Stjarnan gat með sigri og hagstæðum úrslitum í síðustu tveimur umferðum, náð öðru sætinu. Eyjastúlkur voru hins vegar mun grimmari í fyrri hálfleik en þrátt fyrir fjölmörg færi skoraði liðið aðeins eitt mark og það gerði Pauline Hamill eftir að hafa átt tvö skot í slána. Seinni hálfleikurinn vara jafnari en leikmenn ÍBV samt alltaf með undirtökin. Eftir fimmtán mínútna leik tók Nicky Grant sig til, óð upp allan völlinn og sendi á Bryndísi Jóhannesdóttur sem gat ekki annað en skorað og kom ÍBV tveimur mörkum yfir. Eftir það slakaði IBV aðeins á og augnabliks kæruleysi varð til þess að Stjarnan minnkaði muninn tuttugu mínútum fyrir leikslok. Það sem eftir lifði leiks reyndu gestirnir allt hvað þær gátu til að jafna en höfðu ekki erindi sem erfiði og lauk leiknum því með 2 mörkum gegn 1.

Lið ÍBV: Petra Bragadóttir, Elfa Ásdís Ólafsdóttir, Michelle Barr, Sigríður Ása Friðriksdóttir, Berglind Þórðardóttir, Nicky Grant, Lind Hrafnsdóttir, Elena Einisdóttir, Pauline Hamill, íris Sæmundsdóttir, Bryndís Jóhannesdóttir. Varamenn: Sigríður Inga Kristmannsdóttir, Ema D. Sigurjónsdóttir, Elva D. Grímsdóttir (kom inn á 80. mín), Rakel Rut Stefánsdóttir, Svetlana Balinskaya. Mörkin: Pauline Hamill og Bryndís Jóhannesdóttir.

=== '''3. sætið''' ===
Síðasti leikur meistaraflokks ÍBV kvenna var gegn Þór/KA/KS og var leikið á Hásteinsvelli. Lokatölur urðu 8-1 fyrir ÍBV. Liðið hafnaði í 3ja sæti Íslandsmótsins. Er þetta besti árangur liðsins frá upphafi, það komst líka í undanúrslit bikarkeppninnar. Heimir Hallgrímsson þjálfari liðsins er ákveðinn í að hætta eftir þriggja ára starf. „''Já alveg harðákveðinn og í sjálfu sér er það engin frétt þar sem það hefur alltaf staðið til."'' Sagði Heimir við Fréttir.

=== '''Lokaleikir 2. flokks kvenna''' ===
2. flokkur kvenna lék tvo síðustu leiki sína í Íslandsmótinu þegar liðið mætti KR og Fjölni í Reykjavík. Úrslit Íslandsmótsins voru þegar ráðin en Valsstúlkur tryggðu sér Íslandsmeistaratitilinn með því að sigra áður ÍBV 5-0. Stelpurnar stóðu sig hins vegar betur í þessum tveimur leikjum, því í fyrri leiknum sigruðu þær KR 0-4 og skoruðu þær Margrét Lára (2), Erna Dögg og Elva Dögg mörkin. Seinni leikurinn var á léttu nótunum, enda ekkert í húfi fyrir liðin en stelpumar voru samt sem áður með einbeitinguna í lagi og sigruðu 2-6 eftir að staðan í hálfleik hafði verið 0-3. Mörk ÍBV skoruðu þær Berglind (2), Margrét Lára (2), Elva Ásdís og Telma.

=== '''Eyjastelpur gera það gott með landsliðunum''' ===
Elfa Ásdís Ólafsdóttir og Margrét Lára Viðarsdóttir léku með U-19 ára landsliði Íslands í knattspyrnu í undanriðli Evrópukeppninnar en leikið var í Búlgaríu. Íslenska landsliðið stóð sig frábærlega, vann alla leikina sína og spiluðu Margrét og Elfa alla leiki liðsins. Stelpurnar gerðu gott betur en að spila leikina, þær stóðu sig einstaklega vel og skoruðu m.a. fimm af þrettán mörkum liðsins, Margrét gerði fjögur og Elfa Ásdís eitt. Þar með komst liðið í milliriðil sem fram fer í Rússlandi í október þannig að það er mikið ævintýri framundan hjá stelpunum.

Þá var Íris Sæmundsdóttir að vanda í liði Íslands, sem vann einn sinn besta sigur frá upphafi þegar liðið lagði Ítalíu að velli, 2-1. Íris stóð sig vel og átti ekki í vandræðum með að stoppa hina léttleikandi Ítali.

=== '''Stuðningsmannsklúbburinn lætur undan''' ===
Í Reykjavík hefur verið starfandi mjög öflugur stuðningsmannaklúbbur ÍBV sem hefur reyndar verið svo öflugur að aðrir slíkir klúbbar hafa fetað í fótspor hans. Uppákomur fyrir stórleiki ÍBV hafa alltaf verið veglegar og vakið að jafnaði mikla athygli, eins og fyrir bikarúrslitaleikina undanfarin ár en nú bregður svo við að þátttakan hefur farið minnkandi. Ólafur Friðrik Guðjónsson var í forsvari fyrir klúbbinn. Fréttir leituðu til hans um skýringu á þessari fækkun. „''Það hefur svo sem ekki verið mikið á döfinni hjá okkur í sumar en fyrir KR-leikinn var ákveðið að hittast á Glaumbar fyrir leik. Þar mætti aðeins einn þannig að við höfum ekki hug á því að leika þann leik eftir aftur. Ég veit ekki hvað veldur þessu áhugaleysi, hvort það var markaleysið eða slæmir skellir á útivelli í upphafi móts. Reyndar hefur ekki vantað fólk á leikina en mér finnst einhver deyfð yfir þessu sem sést kannski best í sölu á ÍBV varningi en hún hefur verið lítil í sumar.“''

=== '''Misjafnar aðstæður til knattspyrnu''' ===
ÍBV tók á móti Fylkismönnum í byrjun september og fór leikurinn fram við frábærar aðstæður, veðrið var gott og völlurinn enn betri. Enda létu áhorfendur ekki á sér standa og mættu sem aldrei fyrr og langt síðan jafn góð stemmning hefur verið á pöllunum. ÍBV sigraði örugglega með þremur mörkum gegn einu marki gestanna, þrátt fyrir að í liðið vantaði bæði Kjartan Antonsson sem var meiddur og Inga Sigurðsson sem var í leikbanni.

Næsti leikur og sá næstsíðasti í deildinni var gegn Val. Í Morgunblaðinu segir um þann leik að ''„það væri synd að segja að stórbrotinn sóknarleikur hafi fært Eyjamönnum sigur gegn Val á Hlíðarenda í vatnsveðrinu á sunnudaginn. Þeir innbyrtu sinn fimmta sigur í röð fyrst og fremst á seiglunni og yfirveguðum varnarleik, og höfðu líka heppnina með sér á réttum augnablikum. Meistaraheppnina kunna sumir að kjósa að kalla það – alltént er ljóst að ÍBV á nú gullið tækifæri til að tryggja sér meistaratitilinn í hreinum úrslitaleik gegn ÍA á eigin heimavelli næsta laugardag.“''

=== '''Mikil vonbrigði''' ===
Það var mikil stemmning á Hásteinsvelli þegar leikmenn ÍBV tóku á móti Skagamönnum í hreinum úrslitaleik um Íslandsmeistaratitilinn. Líklega hafa aldrei verið fleiri áhorfendur á Hásteinsvellinum, fjórtán hundruð miðar voru seldir fyrir leikinn en ef flugfært hefði verið bæði á laugardag og leikdegi má ætla að áhorfendafjöldinn hefði farið yfir tvö þúsund. En þeir sem komust á milli fengu góða skemmtun með opnum og skemmtilegum leik, nokkuð sem fæstir áttu von á. Það er yfirleitt í úrslitaleikjum sem þessum að lið leika varfærnislega og fyrir vikið verður leikurinn lokaður og ekki eins skemmtilegur á að horfa. En því var ekki til að dreifa í þessum leik, fjölmörg færi litu dagsins ljós og jafn skemmtilegur knattspyrnuleikur hefur hreinlega ekki sést í háa herrans tíð hér á landi.

Í Fréttum sagði að Skagamenn hafi byrjað leikinn vel og augljóst að þeir voru tilbúnir í slaginn frá fyrstu mínútu. Eftir aðeins sautján mínútur var staðan orðin 0- 2 gestunum í vil og útlitið allt annað en bjart. En hin eina sanna Eyjabarátta kom bersýnilega í ljós það sem eftir lifði leiks, því Eyjamenn voru með undirtökin allt þar til yfir lauk. Staðan í hálfleik var I - 2 eftir að Tómas Ingi hafði skorað gullfallegt mark eftir sendingu Bjarnólfs Lárussonar en undir lok hálfleiksins átti Gunnar Heiðar Þorvaldsson þrumuskot að marki gestanna sem markvörður þeirra varði hreint út sagt frábærlega. Seinni hálfleikur byrjaði á rólegu nótunum en smám saman þyngdist sóknarþungi ÍBV. Eftir tæplega fjórtán mínútna leik hafði Tómas Ingi bætt við öðru glæsimarkinu nú eftir langa sendingu Hjalta Jóhannessonar.

ÍBV lagði allt í sölumar síðustu tuttugu mínútumar og hefðu með smá heppni og réttlátri dómgæslu, segja sumir, náð að setja þriðja markið en allt kom fyrir ekki og jafntefli því niðurstaðan í þessum frábæra knattspyrnuleik.

Hlynur Stefánsson fyrirliði í viðtali við Fréttir eftir leikinn að hann væri fyrst og fremst stoltur af strákunum. „''Það reyndi mikið á liðið að lenda tveimur mörkum undir. Við höfum reyndar lent áður í því í sumar að lenda undir, bæði á móti Fylki og Val þannig að við vissum hvað þyrfti að gera. En í svona mikilvægum leik, þar sem taugarnar eru þandar til hins ýtrasta, þarf kannski lítið til að slá menn út af laginu en við sýndum mikinn karakter að jafna. Við spiluðum vel í sjötíu mínútur en maður var að vona að boltinn dytti á réttan haus undir lokin þegar við vorum að dæla boltunum inn í teiginn hjá Skagamönnum en það gerðist ekki í dag. Ég er bara stoltur af ungu peyjunum, þeir eru að ná toppárangri og fá mikla reynslu út úr því að spila svona leik. Við vissum að það yrði á brattann að sækja í upphafi móts en sýndum framfarir eftir því sem leið á sumarið sem skilaði okkur góðum árangri þegar upp var staðið." Aðspurður um hvort leikurinn gegn ÍA hafi verið síðasti leikur hans með ÍBV sagðist hann ekki vera búinn að taka ákvörðun um það ennþá. „Ég vil ekkert gefa út með það strax, ég er ekki búinn að ákveða það en það eru allar líkur á því,"'' sagði Hlynur að lokum.

=== '''Lokahóf knattspyrnufólksins''' ===
Knattspyrnufólk var ekki að tvínóna við hlutina og blés til lokahófs strax eftir leik ÍBV og ÍA sem lauk eins og allir vita með jafntefli og þar með sigri gestanna sem héldu héðan með Íslandsmeistaratitilinn upp á arminn. Fjölmenni var á lokahófinu en að því stóðu bæði karla- og kvennafótboltinn og svo KFS sem leikur í 3. deild. Að venju voru þeim sem þóttu skara fram úr veittar viðurkenningar. Hjá körlunum er farin sú leið að láta meðlimi í Stuðningsmannaklúbbi félagsins í Eyjum kjósa hvern þeir álíta besta og líka efnilegasta leikmanninn. Það kom fram að kosningin hafi verið mjög jöfn í báðum tilfellum en hlutskarpastir urðu Hlynur Stefánsson fyrirliði sem var kosinn besti leikmaðurinn sumarið 2001 og efnilegastur var Atli Jóhannsson. Kom hvorugt á óvart en örugglega hafa leikmenn eins og Birkir Kristinsson, Tómas Ingi Tómasson og Kjartan Antonsson verið skammt undan og Gunnar Heiðar Þorvaldsson, Páll Almar og Unnar Hólm verða líka að teljast til efnilegra leikmanna.

Hjá stelpunum var Íris Sæmundsdóttir, sem hefur leikið frábærlega í sumar og hefur tryggt sér fast sæti í A-landsliðinu, valin best og átti hún það fyllilega skilið. Berglind Þórðardóttir var valin efnilegust og Elfa Ásdís Ólafsdóttir fékk Marteinsbikarinn sem veitt er þeirri knattspyrnukonu sem hefur lagt mest af mörkum, bæði utan og innan vallar. Markahæstar voru Bryndís Jóhannesdóttir og Pauline Hamill. Í yngri flokkunum varð Margrét Lára Viðarsdóttir markahæst.

Að venju voru Fréttabikararnir afhentir leikmönnum sem Fréttir telja efnilegasta í karla- og kvennaknattspyrnunni á lokahófi fótboltans. Þau sem urðu fyrir valinu að þessu sinni voru Berglind Þórðardóttir og Einar Hlöðver Sigurðsson.

=== '''Elísabet tekur við af Heimi''' ===
Elísabet Gunnarsdóttir hefur yerið ráðin þjálfari kvennaliðs ÍBV fyrir næsta sumar og tekur við af Heimi Hallgrímssyni sem þjálfað hefur liðið síðustu þrjú ár. Elísabet hefur þjálfað yngri flokka Vals síðustu níu ár með góðum árangri. Á síðasta ári vann 2. flokkur Vals bæði Íslands og bikarmeistaratitil undir hennar stjórn. Guðmundur I. Jóhannesson, formaður knattspyrnuráðs, segist mjög sáttur við þessa ráðningu og býst við miklu af Elísabetu. Leikmannamál ÍBV eru í nokkuð góðum farvegi, aðeins tveir leikmenn eru með lausa samninga og eins er unnið að því að styrkja hópinn fyrir komandi átök.

=== '''Áhorfendum fækkar''' ===
Í skýrslu KSÍ um áhorfendafjölda á leikjum Símadeildarinnar í sumar, kemur fram að næstfæstir áhorfendur á heimaleikjum liðanna. voru á leikjum karlaliðs ÍBV. Aðeins Keflavík var með færri áhorfendur. Að meðaltali voru 685 áhorfendur á heimaleik ÍBV, á móti 707 í fyrra. Flestir áhorfendur voru á leik ÍBV og ÍA eða 1708 talsins. Fæstir á leiknum við Grindavík eða 373. Samtals mættu 6166 áhorfendur á leiki IBV í Símadeildinni í sumar á móti 6365 í fyrra.

=== '''Uppskeruhátíð yngri flokkanna''' ===
Mikið var um dýrðir á uppskeruhátíð yngri flokkanna. Friðrik Friðriksson stjórnarmaður knattspyrnudeildar afhenti viðurkenningarnar sem komu í hlut þeirra í hverjum flokki sem höfðu besta ástundun og sýnt mestar framfarir og einnig var valinn í hverjum flokki besti leikmaðurinn og leikmaður ársins. Á eftir var boðið upp á veitingar.

'''Karlaflokka'''r

'''3. flokkur'''

Besta ástundun Adolf Sigurjónsson

Mestu framfarir Ágúst Halldórsson

Besti leikmaður Andri Ólafsson

'''4. flokkur'''

Besta ástundun Einar Kristinn Kárason

Mestu framfarir Elvar Björnsson

Besti leikmaður Birkir Ágústsson

Leikmaður ársins Aron Brynjólfsson

'''5.flokkur eldri'''

Besta ástundun Þórarinn Valdimarsson

Mestu framfarir Kolbeinn Aron Ingibjargarson

Prúðasti leikmaður William Möller

'''5. flokkur yngri'''

Besta ástundun Björgvin Hallgrímsson

Mestu framfarir Bjarki Ómarsson

Besti leikmaðurinn Bragi Magnússon

'''6. flokkur eldri'''

Besta ástundun Einar Gauti Ólafsson

Mestu framfarir Magnús Karl Ásmundsson

Prúðasti leikmaðurinn Kristján Ágústsson

'''6. flokkur yngri'''

Besta ástundun Theódór Sigurbjörnsson

Mestu framfarir Kjartan Guðjónsson

Prúðasti leikmaðurinn Anton Björnsson

'''7. flokkur eldri'''

Besta ástundun Guðni Sigurðsson

Mestu framfarir Hannes Jóhannsson

Prúðasti leikmaðurinn Bjarni Kristjánsson

'''7. flokkur yngri'''

Besta ástundun Daníel Jónsson

Mestu framfarir Alexander Karlsson

Prúðasti leikmaðurinn Sæþór Hallgrímsson

'''Kvennaflokkar'''

'''3. flokkur'''

Besta ástundun Thelma Sigurðardóttir

Mestu framfarir Berglind Stefánsdóttir

Besti leikmaður Margrét Lára Viðarsdóttir

'''4. flokkur'''

Besta ástundun Ester Óskarsdóttir

Mestu framfarir Sara Sigurðardóttir

Besti leikmaður Lilja Dröfn Kristinsdóttir

'''5. flokkur eldri'''

Besta ástundun Svava Kristín Grétarsdóttir, Fanndís Friðriksdóttir, Sædís Magnúsdóttir

Mestu framfarir Hólmfríður Hartmannsdóttir

Prúðasti leikmaður Hafdís Guðnadóttir

'''5. flokkur yngri'''

Besta ástundun Elísa Viðarsdóttir

Mestu framfarir Aníta Elíasdóttir

Prúðasti leikmaður Fjóla Ríkharðsdóttir

'''6. flokkur eldri'''

Besta ástundun Berglind Þorvaldsdóttir

Mestu framfarir Erna Dögg Hjaltadóttir

Prúðasti leikmaður Elín Sólborg Eyjólfsdóttir

'''6. flokkur yngri'''

Besta ástundun Silvía Dögg Sigurðardóttir

Mestu framfarir Kristjana Sigurðardóttir

Prúðasti leikmaður Guðný Ósk Ómarsdóttir, Kataryna Hlynsdóttir

'''7. flokkur'''

Besta ástundun Fanndís Ómarsdóttir, Bjartey Helgadóttir

Mestu framfarir Svava Tara Ólafsdóttir

Prúðasti leikmaður Sísí Garðarsdóttir

=== '''Fyrsti handboltaleikurinn''' ===
Það er aldrei stopp hjá ÍBV íþróttafélagi. Og nú þegar fótboltanum í keppnum er að ljúka, halda æfingar áfram hjá yngri flokkunum og handboltinn tekur flugið. Fyrsti leikurinn hjá meistaraflokki karla í handboltanum, undir stjórn Sigbjörn Óskarssonar var gegn KA á Eyjum. Leiknum lauk með sigri ÍBV 30-29. Sigbjörn sagði í viðtali við Fréttir ''„Við lögðum upp með það fyrir mótið að klára alla leikina hérna heima og við vissum að við eigum góða möguleika í þeim leikjum. Við misstum markmanninn okkar út fyrir leikinn þannig að það kom í hlut tveggja manna sem lítið hafa spilað undanfarin ár, að verja markið sem þeir gerðu ágætlega. Svo vorum við að fá síðasta leikmanninn til okkar fyrir þremur dögum þannig að við eigum eftir að bæta okkur og þróa okkar leik.“''

=== '''Tap gegn Haukum''' ===
Það gekk ekki eins vel í öðrum leik liðsins þegar liðið mætti Íslandsmeisturum og bikarmeisturum Hauka á heimavelli meistaranna. Haukar eru án efa með sterkasta leikmannahópinn í vetur enda hafa þeir haldið nánast öllum sínum leikmönnum frá því í fyrra. Eyjamenn tefla hins vegar fram nokkuð breyttu liði enda sáust þess greinileg merki í leik liðanna, þar sem Haukar sigruðu með 36 mörkum gegn 27 mörkum Eyjamanna.

=== '''Héldu ekki meistaratitlinum''' ===
Bikarmeistarar ÍBV kvenna í handbolta mættu Íslandsmeisturum Hauka í meistarakeppninni að Ásvöllum í Hafnarfirði. ÍBV átti titil að verja en þrátt fyrir góða byrjun Eyjastúlkna þá töpuðu þær 24:19.

=== '''Eyjamaður vann leikinn fyrir Stjörnuna''' ===
ÍBV tók á móti Stjörnunni í þriðju umferð Nissandeildarinnar. Í liði gestanna var Eyjamaður, sem átti heldur betur eftir að koma við sögu í leiknum. Sá heitir Birkir Ívar og er Guðmundsson og verður hér með kenndur við Heimaklett, því það var eins og fuglinn fljúgandi væri það eina sem kæmist framhjá honum. Skot Eyjamanna enduðu flest hver á honum enda fór svo að gestirnir sigruðu með tveimur mörkum 25 - 27.

=== '''Tap og sigur og sigur''' ===
ÍBV mætti Gróttu/KR í Nissandeild kvenna í fyrsta leik liðsins í Íslandsmótinu. Áður hafði leik við FH verið frestað vegna samgönguerfiðleika. Leikmenn ÍBV spilaði illa í leiknum, nema þá helst Vigdís Sigurðardóttir sem varði 17 skot í, þar af tvö víti og hélt ÍBV á floti lengst af. Leiknum lauk með sigri Amelu Hegic og félaga, 17-20 en þetta var í fyrsta sinn sem Amela leikur gegn ÍBV.

Nokkrum dögum síðar var svo frestaði leikurinn gegn FH leikinn í Hafnarfirði. Eyjastúlkur áttu ekki í vandræðum með heimamenn, sigruðu með níu marka mun, 23-14 en mestur varð munurinn þrettán mörk í leiknum.

Þá var haldið norður til Akureyrar þar sem ÍBV lék gegn hina unga og efnilega liði Þór/KA en fyrir leikinn höfðu heimastúlkur tapað báðum leikjum sínum í upphafi mótsins. ÍBV hélt hins vegar áfram á sigurbraut eftir útileikinn gegn FH og sigraði með þremur mörkum 16-19, eftir að staðan í hálfleik hafði verið 8-9.

=== '''Slæmur fyrri hálfleikur varð liðinu að falli''' ===
ÍBV spilaði gegn ÍR í efstu deild karla um miðjan október og fór leikurinn fram í Austurbergi. ÍR-ingar sem mæta B-liði ÍBV í 16-liða úrslitum bikarkeppninnar, hafa verið á miklu skriði að undanförnu og byrjuðu leikinn af miklum krafti á meðan Eyjapeyjar voru engan veginn klárir í slaginn. Staðan í hálfleik var 21-9 fyrir heimamönnum en leikurinn endaði með átta marka sigri þeirra, 30-22. Arnar Pétursson fyrirliði liðsins sagði að leikmenn ÍBV hefðu einfaldlega ekki verið tilbúnir í slaginn. ''"Þetta var vægast sagt mjög dapurt hjá okkur. Við vorum bara að spila illa og mér fannst við ekki vera rétt stemmdir fyrir leikinn en á meðan voru þeir á tánum frá fyrstu mínútu. Þeir voru að gera mjög auðveld mörk, enda vorum við ekki að spila neina vörn á þá. Við reyndum öll varnarafbrigði en það lak allt í gegn í fyrri hálfleik. Í ofanálag þá vorum við líka að spila sóknarleikinn illa, vorum að slútta þeim of fljótt og spiluðum of stuttar sóknir. Við settumst niður í hálfleik, róuðum okkur aðeins og sáum að leiðin hlyti að liggja upp á við eftir þetta enda var seinni hálfleikur allt annar og við náðum aðeins að laga stöðuna."'' Mörk ÍBV: Arnar Pétursson 8, Petras Raupanas 4, Sigurður Ari Stefánsson 3, Mindaugas Andriuska 3, Svavar Vignisson 2, Sindri Ólafsson 2. Varin skot: Jón Bragi Arnarson 13/1, Gunnar Geir Gústafsson 1.

=== '''Suðurlandsslagur''' ===
Það fór fram sannkallaður Suðurlandsslagur þegar ÍBV tók á móti nágrönnum sínum frá Selfossi í fimmtu umferð 1. deildar karla í handbolta. Gengi liðanna hefur verið upp og ofan í vetur og voru þau bæði í neðri hluta deildarinnar en Selfyssingar höfðu þó tveimur stigum meira en ÍBV. Það var því mikilvægt fyrir ÍBV að sigra til að missa ekki toppliðin of langt frá sér en strákarnir stóðust prófið og sigruðu með tveggja marka mun, 29-27.

=== '''Nú lágu Haukar í því''' ===
Kvennalið ÍBV tók á móti Íslandsmeisturum Hauka en þar mættust meistarar síðustu ára því Eyjastúlkur eru ríkjandi bikarmeistarar. Liðin mættust einmitt í meistarakeppninni fyrir tímabilið þar sem Haukar fóru létt með ÍBV en nú var allt annað uppi á teningnum. ÍBV sýndi svo sannarlega styrk sinn í varnarleiknum, því Íslandsmeistararnir skoruðu aðeins fjórtán mörk í öllum leiknum og ÍBV vann leikinn með því að skora átján.

=== '''Bæði liðin slegin út úr bikarnum''' ===
Karlalið ÍBV fékk verðugt verkefni í sextán liða úrslitum bikarkeppninnar þegar liðið þurfti að leika gegn HK og fór leikurinn fram á heimavelli þeirra síðarnefndu. Þrátt fyrir að leikurinn hafi verið í jafnræði til að byrja með þá voru það heimamenn sem sigu framúr í seinni hálfleik og sigruðu með tíu mörkum 23-33. Eyjamenn verða því að bíða í eitt ár í viðbót eftir bikarævintýrinu sem hefur látið á sér standa síðustu tíu árin.

Það var hinsvegar mikið um dýrðir þegar B-lið ÍBV mætti 1. deildarliði ÍR í sextán liða úrslitum bikarkeppninnar. Fyrirfram var búist við erfiðum róðri Eyjamanna en þeir fylgdu eftir glæsilegri innkomu fyrir leikinn, leiddu fyrstu tuttugu mínúturnar og náðu m.a. tveggja marka forystu um tíma. Dómaraparið, sem lengi hefur verið eitt það lélegasta í Evrópu, gerði í því að dæma með lélegra liðinu og létu Eyjamenn það fara í taugarnar á sér. Þar fór því svo að B-lið ÍBV mátti þola tap, lokatölur 19-32.

=== '''Sigurinn lenti röngu megin''' ===
Á Íslandsmótinu lék ÍBV gegn Aftureldingu á heimavelli þeirra í Mosfellsbænum en leikir liðanna hafa yfirleitt verið jafnir og spennandi. Sú varð einmitt raunin í þetta skiptið, aðeins munaði einu marki í lok leiksins en það lenti röngu megin og því tapaði ÍBV sínum fjórða útileik í röð á þessu tímabili. Lokatölur urðu 27 - 26.

=== '''Varnarleikurinn tryggði sigurinn''' ===
Kvennalið ÍBV gerði góða ferð í Safamýrina þegar liðið lék gegn Fram í fimmtu umferð 1. deildar kvenna. Liðið er að spila frábæra vörn um þessar mundir en varnarleikurinn tryggði liðinu án efa stigin tvö á laugardaginn. ÍBV sigraði í leiknum 18-28 en sigurinn hefði getað orðið mun stærri.

Mörk ÍBV: Ana Perez 10, Andrea Atladóttir 9, Ingibjörg Jónsdóttir 3, Milana Mileusnec 2, Elísa Sigurðardóttir 2, Þórsteina Sigurbjörnsdóttir 1, Isabel Ortiz 1. Varin skot: Vigdís Sigurðardóttir 14.

=== '''En nú dugði varnarleikurinn ekki''' ===
ÍBV mætti Víkingum í 1. deild kvenna og fór leikurinn fram í Víkinni. Fyrirfram var frekar búist við sigri ÍBV enda eru Víkingar í neðri hluta deildarinnar. En Guðbjörg Guð- mannsdóttir, sem lét reyndar fara lítið fyrir sér í leiknum, og félagar hennar í Víkingi voru á öðru máli og voru yfir í hálfleik. Leikurinn endaði með tveggja marka sigri heimastúlkna, 17- 15.

=== '''Og svo small liðið saman''' ===
ÍBV tók á móti efsta liði 1. deildar kvenna, Stjörnunni, en Stjarnan hafði fyrir leikinn ekki tapað leik í deildarkeppninni. Það var því mikilvægt fyrir ÍBV að vinna leikinn til að missa Garðbæinga ekki of langt frá sér í toppbaráttunni sem framundan er. Það gekk eftir og sannfærandi sigur á efsta liði deildarinnar hlýtur að gefa liðinu byr undir báða vængi eftir brotlendinguna gegn Víkingi í síðustu viku. Lokatölur urðu 26 - 24 en í hálfleik var staðan 13-12 fyrir ÍBV.

=== '''Bingó''' ===
Með reglulegu millibili voru haldin bingó í Þórsheimilinu til styrktar unglingastarfi ÍBV íþróttafélags. 22. nóvember eru þessir munir í vinninga: Vídeo frá Geisla - Peningapottur -Fondu pottur og koníakssett frá Gullbúðinni. - Kertastjaki og skál frá Eyjablóm.- Gjafabréf frá Vöruval og Bifreiðaverkstæði Harðar og Matta. - Lampi og hilla frá Reynistað.

''Styrkið unglingastarf ÍBV með því að mæta á reyklaus Bingó.''

=== '''Skeljungur endurnýjar samning við ÍBV''' ===
ÍBV-íþróttafélag og Skeljungur hf. endurnýjuðu samning um samstarf næstu tvö árin. Með samningnum heldur Skeljungur áfram myndarlegum stuðningi við íþróttahreyfinguna Vestmannaeyjum og verður aðal styrktaraðili meistaraflokks karla og yngri flokka karla í handboltanum, segir í frétt frá ÍBV. Skeljungur er jafnframt aðalstyrktaraðili Shellmótsins sem haldið er árlega í Vestmannaeyjum fyrir 6. flokk karla í knattspyrnu. Samstarfið í handboltanum hófst árið 1997 og hefur verið mjög farsælt. Um leið og Jóhann Pétursson í stjórn handboltans, þakkaði myndarlegan stuðning sagði hann að samstarfið hefði verið betra en besta hjónaband. Friðrik Stefánsson hjá Skeljungi sagði að samstarfíð við ÍBV hefði verið mjög farsælt og ánægjulegt. Vestmannaeyingar hefðu gert sér far um að standa við gerða samninga og yfirleitt gert gott betur.

=== '''Á réttri leið''' ===
24. nóvember ÍBV tók á móti Gróttu/KR í Eyjum í Essodeildinni eins og efsta deildin heitir þennan veturinn. ÍBV hefur gengið herfilega það sem af er vetrar og fengið mikið af mörkum á sig. Koma Harðar Flóka Ólafssonar til liðs við liðið hefur virkað sem vítamínsprauta á varnarleik liðsins. Nú hefur hann leikið tvo leiki og niðurstaðan er jafntefli á útivelli gegn FH og svo sigur á heimavelli gegn Gróttu/KR. Lokatölur í leiknum urðu 29-27 eftir að ÍBV hafði yfir í hálfleik, 14-10. Það virðist sem Sigbjörn Óskarsson sé á réttri leið með ÍBV. Það er hins vegar ekki Hörður Flóki sem vinnur leikina einn og sér. Ungir leikmenn skera úr um hverjir eru bestir. Ungir leikmenn hafa verið að koma inn í liðið, Sigurður Ari og Sindri Ólafsson hafa skipt með sér hægra horninu en Sigurður er framtíðarskytta liðsins.

=== '''Heimavöllurinn farinn að skila sér''' ===
ÍBV tók á móti næstefsta liði Essodeildarinnar í byrjun desember. Valsmönnum höfðu fyrir leikinn ekki tapað leik í deildinni. Leikir liðanna í gegnum tíðina hafa iðulega verið jafnir og skemmtilegir, þar sem baráttan hefur jafnvel náð út fyrir völlinn. Leikurinn yljaði þeim sem hugsa með hlýhug til gömlu góðu daganna þegar ÍBV náði hvað bestum árangri en liðið varð bikarmeistari 1991. ÍBV sigraði í leiknum, nokkuð sannfærandi með fimm mörkum, 34- 29 en náði mest sjö marka forystu.

Arnar Pétursson sagði eftir leikinn að heimavöllurinn væri loksins farinn að skila hagstæðum úrslitum.

=== '''Björn fær viðurkenningu''' ===
Á aðalfundi Knattspyrnuþjálfarafélags Íslands fékk Björn Elíasson ÍBV viðurkenningu fyrir vel unnin störf við þjálfun yngri flokka félags síns. Hann hefur lagt mikinn metnað í þjálfunina og verið knattspyrnu- þjálfarastéttinni til sóma við störf sín segir í frétt frá KÞÍ.

=== '''Markverðirnir vörðu yfir 50 skot''' ===
ÍBV tók á móti Val í Esso-deild kvenna en þessi lið mættust einmitt í síðasta leik ÍBV sem var í átta liða úrslitum bikarkeppninnar. Þá átti ÍBV ekki í vandræðum með gestina en í þetta sinn var leikurinn ekki jafn auðveldur. Valsstúlkur byrjuðu leikinn mjög vel og markvörður þeirra var leikmönnum ÍBV heldur betur erfiður. Vigdís Sigurðardóttir lét hins vegar ekki sitt eftir liggja og alls vörðu markverðirnir yfir fimmtíu skot í leiknum. ÍBV hafði þrátt fyrir það nokkuð öruggan þriggja marka sigur, 20-17 og kom sér þar með á topp deildarinnar ásamt Haukum og Stjörnunni.

Þetta var síðasti handboltaleikur ÍBV á þessu ári.

=== '''Samskip styrkja ÍBV''' ===
Rétt fyrir hátíðirnar var undirritaður samningur á milli Samskips og handknattleikshreyfingarinnar í Vestmannaeyjum. Um er að ræða samning við bæði karla- og kvennadeild ÍBV og gildir hann til þriggja ára. Fulltrúar handknattleiksdeildanna lýstu yfir mikilli ánægju með samninginn sem og Björgvin Arnaldsson, forstöðumaður Samskipa í Eyjum. Samningurinn felur í sér beina peningastyrki að upphæð 1,8 milljónir króna sem dreifist á milli deildanna næstu þrjú árin. Eins hljóðar samningurinn upp á ferðir með Herjólfi að upphæð 200.000 krónur á ári, miðað við einingarverð. Í staðinn fær Samskip auglýsingu á gólfi íþróttasalarins, fánar fyrirtækisins og merki verða áberandi á heimaleikjum ÍBV og Samskip verður kynnt sem einn af aðalstyrktaraðilum ÍBV.

=== '''Nýtt íþróttahús''' ===
Nýtt og glæsilegt íþróttahús var vígt í endaðan desember og lætur nærri að tæplega 1000 manns hafi mætt á vígsluhátíðina. Með þessu húsi eru Eyjamenn komnir í fremstu röð varðandi aðstöðu fyrir íþróttamenn og með þessu húsi ættu æfingatímar ungra íþróttamanna að færast til og er stefnt að því að allir æfingatímar verði búnir klukkan 21.30. Aðstaða fyrir áhorfendur tekur einnig stakkaskiptum og ættu að vera hvati fyrir Eyjamenn að fjölmenna á kappleiki í framtíðinni. Helst má segja að hljómburður í húsinu sé eitthvað sem má laga, en fólk kvartaði undan því að heyra ekki skilmerkilega ræður sumra ræðumanna.

Það voru margir sem tóku til máls við vígslu íþróttahússins, en fyrstur steig í pontu, eftir að Lúðrasveit Vestmannaeyja lauk sér af, var Ársæll Sveinsson framkvæmdastjóri Steina og Olla sem byggðu húsið. Ársæll lýsti húsinu frá sjónarhóli verktakanna. Í máli hans kom fram að í janúar 2000 hafi verið ákveðið að ráðast í þessa framkvæmd og varð stálgrindahús frá Finnlandi fyrir valinu. Fyrsta skóflustungan var tekin 17. júní og 15. júlí hófst uppgröftur. Að

jafnaði voru 15-20 manns við störf í húsinu en allt upp í fjörutíu manns þegar mest var. Ársæll taldi upp helstu aðila sem komu að verkinu og hvað húsið býður upp á, en þar er einn keppnisvöllur, tveir löglegir handboltavellir, sex minni handbolta- og knattspyrnuvellir, tíu badmintonvellir, þrír blakvellir, tveir körfuboltavellir og fjórir búningsklefar. Sæti og bekkir

eru fyrir 800 manns og húsið er í heild 3100 fermetrar. Síðan afhenti Ársæll Guðjóni Hjörleifssyni bæjarstjóra lyklana að húsinu.

Guðjón sagði að húsið hefði verið á áætlun sem hljóðaði upp á 310 milljónir auk verðbóta. Aukaverk voru 7 milljónir. Guðjón lauk sínu máli með því að kalla fram Andreu Atladóttur formann íþróttaráðs og afhenda henni lyklana.

Björn Bjarnason menntamálaráðherra klippti svo á borðann og tók húsið formlega til notkunar.

Fleiri komu við í pontu og lýstu yfir ánægju sinni með nýja íþróttahúsið, þeirra á meðal voru

Ellert B. Schram formaður ÍSÍ, Ólafur Elísson sparisjóðsstjóri, Birgir Sveinsson formaður ÍBV og Árni Þór Árnason formaður Fimleikasambands Íslands, en hann var eini formaður

sérsambands innan ÍSÍ sem sá sér fært að mæta en Gunnar Gunnarsson mætti fyrir hönd HSÍ.

Eftir ræðuhöldin tók við glæsileg fimleikasýning ungra félaga úr fimleikafélaginu Rán. Eftir sýninguna tók við afhending verðlauna fyrir framúrskarandi árangur í hinum ýmsu

íþróttagreinum og eins var íþróttamaður Vestmannaeyja krýndur, og varð Íris Sæmundsdóttir knattspyrnukona fyrir valinu.

Það var vel við hæfi að stelpurnar í handknattleiksliði ÍBV skyldu leika vígsluleikinn í nýja húsinu, enda hafa þær staðið sig frábærlega undanfarin ár og ekki voru andstæðingarnir af

verri endanum, landslið Íslands. Leikurinn var bráðskemmtilegur allan tímann og skemmtu fjölmargir áhorfendur sér vel, en ÍBV vann leikinn með einu marki og skoraði Dagný Skúladóttir sigurmarkið rétt fyrir leikslok. Því má með sanni segja að byrjunin lofi góðu í nýju húsi.

=== '''''Æfingar á kristilegum tíma''''' ===
Magnús Bragason, formaður handknattleiksdeildar karla, segir að nýja íþróttahúsið breyti miklu fyrir allt íþróttastarf í Vestmannaeyjum. ''„Þetta skiptir miklu máli fyrir handboltann,''

''sérstaklega fyrir yngri flokkana því við getum haldið fjölliðamót aftur í Eyjum. Æfingatímar allra flokka verða á kristilegum tíma og auðveldara að fá húsið til afnota fyrir æfingaleiki. Síðast en ekki síst er aðstaðan fyrir áhorfendur miklu betri. Nú eru 800 sæti fyrir áhorfendur á móti 120 áður. Nú hefur fólk enga afsökun fyrir því að koma ekki á leiki. Fyrsti leikurinn hjá okkur verður 5. febrúar á móti Haukum."''

Magnús segir að með tilkomu hússins verði möguleikar á fjölliðamótum og æfingaleikum miklu meiri. ''„Mót hefur verið sett á, í fimmta flokki karla, sem við hefðum ekki fengið ef nýja aðstaðan væri ekki fyrir hendi. Við erum þegar búnir með tvo æfingaleiki við Víking og tvö önnur lið hafa haft samband og vilja spila æfingaleiki í janúar. Þetta hefur ekki komið upp áður og við orðið að biðja menn að koma hingað. Funda- og stjórnaraðstaða, sem við höfðum ekki áður, skiptir miklu máli. Nú geta strákarnir haldið myndbandafundi þar sem hvort tveggja er fyrir hendi, sjónvarp og myndbandstæki. Við höfum bestu aðstæður sem''

''hugsast getur, möguleikarnir miklir og sóknarfæri mörg. Við vonum að fólk hjálpi okkur að gera þetta að sömu ljónagryfju og hinn salurinn var,"''

=== '''Gamla árið kvatt''' ===
Árið 2001 var svo kvatt með mikilli brennu í Hásteinsgryfjunni, sem ÍBV íþróttafélag stóð að.

 
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2000 -

2019-07-21T14:49:58Z

Gisli: /* 2000 - */

== '''2000 -''' ==

=== '''Kaffispjall á ný''' ===
Á fyrstu dögum nýs árs birtist auglýsing í bæjarblöðunum, frá ÍBV íþróttafélagi. Þar er tilkynnt að endurvekja eigi hina vikulega kaffifundi. Þeir verða framvegis í Týsheimilinu kl. 9.30 á fimmtudagsmorgnum.

=== '''Elías og Björgvin''' ===
Síðastliðið haust var Kristinn R. Jónsson ráðinn þjálfari meistaraflokks karla í knattspyrnu og strax eftir áramótin var tilkynnt að Elías Friðriksson yrði aðstoðarmaður hans. Kristinn sem býr í Reykjavík mun ekki flytja til Eyja fyrr en næsta vor og því sjá um þjálfun þeirra leikmanna sem eru á Reykjavíkursvæðinu í vetur. Elías mun hinsvegar sjá um æfingarnar í Eyjum fram á vor. Þá var tilkynnt að Björgvin Eyjólfsson Eyjólfsson hefði verið ráðinn til að sjá um meðhöndlun vegna meiðsla á leikmönnum ÍBV jafnframt því að sjá um fyrirbyggjandi aðgerðir og svo uppbyggingu á leikmönnum sem eru að stíga upp úr meiðslum. Björgvin hefur starfað með meistaraflokki karla ÍBV undanfarin 20 ár en reyndar með hléum.

=== '''Þrettándinn''' ===
Þrettándagleði ÍBV fór fram í frábæru veðri föstudagskvöldið 7. janúar en ekki gaf til hátíðahalda kvöldið áður á hinum eiginlega þrettánda. Gleðin var með hefðbundnum hætti og hófst með flugeldasýningu af Hánni þaðan sem jólasveinar héldu niður í bæ þar sem þeir sameinuðust Grýlu, Leppalúða, hyski þeirra og álfum og púkum. Álfabrennan var á malarvellinum þar sem fjöldi fólks fylgdist með.

Heppnaðist gleðin í alla staði mjög vel enda veður eins og best verður á kosið. Erfitt er að giska á hvað margir tóku þátt í skrúðgöngunni og voru samankomnir við malarvöllinn en þeir hafa örugglega ekki verið færri en 2000. Mátti þar sjá margan brottfluttan Eyjamanninn sem var mættur með börnin til að leyfa þeim að kynnast þrettándanum í Vestmannaeyjum.

=== '''Íslandsmót í innanhússknattspyrnu''' ===
Karlalið ÍBV spilaði lok janúar í Íslandsmótinu í innanhússknattspyrnu. ÍBV stillti upp sínu sterkasta liði og var uppskera laugardagsins góð, þrír öruggir sigrar, sæti í úrslitum tryggt og menn vongóðir um áframhaldið. Til að gera Ianga sögu stutta þá töpuðu Eyjamenn leik sínum í 8-liða úrslitum gegn Breiðabliki og ÍBV því úr leik. Breiðablik komst svo alla leið og varð Íslandsmeistari. Elías Friðriksson nýráðinn aðstoðarþjálfari ÍBV sagði í viðtali við Fréttir að liðið hefði spilað mjög vel á laugardeginum. ''„Við fórum nokkuð auðveldlega í gegnum leikina á laugardeginum og unnum þá sannfærandi. Við vorum með 12 manna hóp sem skipti spilamennskunni nokkuð jafnt á milli sín. Á sunnudeginum lentum við strax undir 1 -0 á móti Breiðabliki og svo 2- 0, og við náðum hreinlega ekki að brjóta þá á bak aftur. Blikarnir lágu aftarlega og gáfu engin færi á sér og því fór sem fór."''

Úrslit leikjanna voru þessi: ÍBV-Þróttur R. 5-2

ÍBV-Grindavík 4 - 0

ÍBV-Víðir 4 – 2

ÍBV-Breiðablik 2 – 5

Kvennalið ÍBV keppti sömuleiðis í Íslandsmótinu í innanhússknattspyrnu sömu helgina og karlarnir og náðu þær prýðisgóðum árangri. Stelpumar voru í frekar erfiðum riðli, en lentu í öðru sæti og náðu því í úrslit. Í undanúrslitum kepptu þær við Breiðablik og voru vægast sagt miklu betri aðilinn í leiknum. En heppnin var hreinlega ekki á bandi ÍBV og Breiðablik vann leikinn og varð svo Íslandsmeistari.

''„Ég er þokkalega sáttur við árangurinn. Við höfum aldrei náð svona langt áður en mér fannst við geta farið lengra. Það var slæmt að missa Petru sem meiddist, en þrátt fyrir það þá sóttum við nánast stanslaust á Blikastelpumar."'' sagði Heimir Hallgrímsson þjálfari ÍBV. Úrslit leikjanna voru þessi: ÍBV-Stjaman 5 -1 (Lind 2, íris, Elena, Hjördís)

ÍBV-KR 0 – 3

ÍBV-Fjölnir 7 - 1 Elena 2, Biddý, Fanný, Hjördís, Íris, Petra.

ÍBV - Sindri 10 - 1 Íris 3, Elena 2, Biddý, Hanna, Lind, Hjördís, Fanný.

ÍBV-Breiðablik 0-2

=== '''Íris''' ===
Íris Sæmundsdóttir hlaut Fréttapíramídann árið 2000 fyrir framlag til íþróttamála í Eyjum. Ferill Írisar er glæsilegur sem leikmanns, bæði í handknattleik og knattspyrnu. Ef litið er á handknattleikinn fyrst, en þar lék hún sem vinstri hornamaður, er árangurinn þessi. 1990 var Íris valin efnilegust í 3. flokki ÍBV. 1991 fékk hún Fréttabikarinn, yarð Íslandsmeistari með 3. flokki ÍBV og lék með stúlknalandsliðinu. 1992 var hún valin besti leikmaður 2. flokks ÍBV. 1993 Íslandsmeistari með Víkingi, var í silfurliði Víkings í 2. flokki og var valin efnilegasti leikmaður 2. flokks Víkings. 1994 var hún í silfurliði ÍBV í bikarkeppni HSI

Ekki er ferillinn síðri í knattspyrnunni. 1990 besti leikmaður 2. flokks ÍBV, besti leikmaður mfl. ÍBV, þá aðeins 15 ára. 1991 besti leikmaður 2. flokks ÍBV, lék alla leikina fimm sem stúlknalandsliðið lék það árið og Íslandsmeistari með 2. flokki ÍBV. 1992 besti leikmaður 2. og mfl. ÍBV. 1993 meistari 2. deildar með Hetti á Egilsstöðum.

Sumarið 1999 var hún Íris valin í A-landsliðið og kom inn á sem varamaður í sínum fyrsta leik. Er Íris fyrsta konan í ÍBV sem nær þessum áfanga.

Íris hefur leikið 68 leiki með mfl. ÍBV og skorað í þeim 31 mark. Hún leikur allar stöður á vellinum og hefur allan sinn feril í meistaraflokki verið markahæst þangað til sl.

=== '''Skellur í Hafnafirði''' ===
15. janúar lék meistaraflokkur kvenna í handbolta, sinn fyrsta á árinu, þegar þær heimsóttu FH í Hafnarfjörðinn. Leikurinn var jafn og spennandi framan af og í hálfleik var staðan 10 - 9 heimastúlkum í vil. En í seinni hálfleik hrundi leikur ÍBV bæði í sókn og í vörn. Stelpurnar skoruðu aðeins 5 mörk á 30 mínútum, en fengu á sig 16 og niðurstaðan því algjör skellur. ''„Þetta er náttúrulega algjörlega óafsakanlegt af okkar hálfu. Við áttum góðan fyrri hálfleik, áttum meira að segja að vera yfir í hálfleik en náðum ekki að nýta færin og vorum því einu marki undir í staðinn. í seinni hálfleik dettur svo Amela út vegna bakmeiðsla og þá hreinlega hrundi leikur liðsins."'' sagði Sigbjörn Óskarsson þjálfari stelpnanna í viðtali við Fréttir eftir leikinn.

=== '''Hlutafélag bakharl ÍBV?''' ===
Föstudaginn 21. janúar sl. var haldinn undirbúningsfundur á vegum IB V vegna stofnunar fyrirhugaðs fjárfestingahlutafélags. Að frumkvæði knattspyrnudeildar hefur verið unnið markvisst að þessum málum frá því í október síðastliðinn. Mikill áhugi er fyrir stofnun hlutafélags í tengslum við ÍBV, sem yrði væntanlega í því formi að hlutafélagið yrði sjálfstæður bakhjarl ÍBV. Verið er að skoða ýmsa fleti á þessu máli. í undirbúningsnefnd fyrir stofnun fjárfestingahlutafélagsins, sem gengur undir vinnuheitinu Eyjapeyjar, eru eftirtaldir: Ásgeir Sigurvinsson fyrrum leikmaður ÍBV og atvinnumaður í knattspyrnuu, Pálmi Sigmarsson hjá Spectra AB, Jóhannes Ólafsson fyrry. formaður knattspyrnudeildar ÍBV, Bjarki Brynjarsson forstöðumaður útibús Kaupþings í Vestmannaeyjum og Jón Valgeirsson lögfræðingur hjá Lögmönnum Vestmannaeyjum.

Ekkert varð af þessum áformum.

=== '''Ákærður fyrir tæklingu en sýknaður í héraðsdómi''' ===
Mál sem var rekið fyrir Héraðsdómi Reykjaness gegn leikmanni ÍBV í knattspyrnu getur átt eftir að hafa afgerandi áhrif á íþróttir almennt eða a.m.k. þar sem snertingar eru fyrir hendi. Tildrög ákærunnar er atvik í leik ÍBV og HK í Íslandsmótinu innanhússknattspyrnu í 2. flokki karla fyrir réttu ári þegar leikmaður HK fótbrotnaðj eftir samstuð við markvörð ÍBV. Dómarar leiksins litu svo á að brotið hefði verið á leikmanni HK og vísuðu markmanninum af leikvelli. Atvikið var kært til ríkissaksóknara sem gaf út ákæru um miðjan desember sl. þar sem leikmaður ÍBV er ákærður um mjög grófa líkamsárás. Einnig krefst leikmaður HK rúmlega einnar milljónar króna skaðabóta.

Í ákærunni segir að höfða skuli opinbert mál gegn Gunnari Bergi fyrir líkamsárás í knattspyrnuleik milli HK og ÍBV sem fram fór í íþróttahúsinu í Digranesi í Kópavogi hinn 30. janúar 1999. „Þar sem ákærði, markvörður ÍBV, hafi hlaupið sex til níu metra út frá markinu að Villý Þór Ólafssyni, leikmanni HK sem lék í átt að markinu, rennt sér harkalega í fætuma á honum og komið höggi á miðjan hægri sköflung hans, með þeim afleiðingum að fótleggurinn þverbrotnaði," segir í ákærunni. Telst þetta varða við 1. mgr. 218. gr. hegningarlaga, sem er ákvæði um meiri háttar líkamsárás og er þess krafist að ákærði verði dæmdur til refsingar. Villý Þór fór auk þess fram á að ákærði greiði sér 1.099.944 krónur í skaðabætur með áskilnaði um að krefjast annarra og hærri bóta komi til varanlegrar örorku og eða miska. Krafan sundurliðast þannig: Beint tekjutap vegna fjarvista frá vinnu kr. 364,944, tekjutap vegna atvinnumissis 200.000 kr., miski kr. 500.000 og lögmannsþóknun 35.000 kr.

Gunnar Bergur Runólfsson var sýknaður af ákærunni.

=== '''Unnið 21 leik af 22''' ===
Stúlkurnar í 5. fl. kvenna ÍBV í handknattleik léku í lok janúar i í 3. umferð Íslandsmótsins og gerðu sér lítið fyrir og sigruðu alla andstæðinga sína og það nokkuð örugglega. Í riðlakeppninni fengu Eyjastúlkur litla sem enga mótspyrnu og þegar upp var staðið höfðu þær skorað 61 mark og aðeins fengið á sig 15. ÍBV hélt sínu flugi áfram og komust stúlkurnar auðveldlega í gegnum milliriðilinn og undanúrslitin með sigri á KA og Haukum. Þar með voru stúlkurnar komnar í úrslitaleik og andstæðingarnir að þessu sinni voru Stjarnan úr Garðabæ. Þar tóku Eyjastúlkur andstæðinga sína hreinlega í kennslustund og sá Stjarnan hreinlega aldrei til sólar. „''Stelpumar léku stórvel og úrslitaleikurinn var hreint frábær þar sem liðsheildin naut sín með Karítas í markinu, en hún varði ótrúlega á köflum og átti fjöldann allan af löngum sendingum fram völlinn sem samherjar hennar nýttu sér auðvitað til fullnustu,"'' sagði Stefanía Guðjónsdóttir þjálfari í viðtali við Fréttir. Bjarki Sigurðsson, margreyndur landsliðsmaður í handknattleik, sá ÍBV liðið leika og hrósaði hann liðinu í hástert, sagðist sjaldan hafa séð eins skemmtilegan handbolta spilaðan hjá stúlkum á þessum aldri. Hvatti hann stúlkumar til að stunda æfingar af dugnaði því þær ættu svo sannarlega framtíðina fyrir sér. Stúlkurnar eru á góðri leið með að tryggja sér Íslandsmeistaratitilinn í 5. flokki. Þær hafa nú sex stiga forskot á liðin í 2. - 3. sæti sem eru Stjarnan og Fram

ÍBV hefur nú unnið tvö mót og höfnuðu einu sinni í 2. sæti.

Íslandsmótið samanstendur af fimm mótum og telja fjögur bestu mótin hjá hverju liði um Íslandsmeistaratitilinn. Í hverju móti gefur efsta sætið 10 stig, 2. sætið 8 stig og 3. sætið 6 stig. Það má til gamans geta þess að stúlkurnar í ÍBV, sem eru nú flestar á fermingaraldrinum, hafa aldrei leikið í Íslandsmóti hér í Vestmannaeyjum frá því þær byrjuðu að stunda handknattleik. Ástæðan fyrir því er að íþróttahúsin hér eru of lítil fyrir Íslandsmót hjá yngstu flokkunum. Þannig fóru leikirnir hjá stelpunum.

Riðill:

ÍBV-HK 12 - 3

ÍBV-Fjölnir 19 - 5

ÍBV-Grótta 12-1

ÍBV-Valur 18-6

Millriðill:

ÍBV-KA 17-9

Undanúrslit:

ÍBV-Haukar 16-12

Úrslitaleikur:

ÍBV-Stjaman 16-9

Þjálfarar stúlknanna em Stefanía Guðjónsdóttir og Mikhail Akbashev.

=== '''Breyting á stjórn knattspyrnudeildar''' ===
Breytingar hafa orðið á stjórn knattspyrnudeildar ÍBV. Jóhannes Ólafsson formaður og Tryggvi Kr. Ólafsson hættu í stjórn knattspyrnudeildar sl. haust eftir 11 ára farsælt starf. Í stað þeirra koma Stefán Erlendsson og Valgeir Kolbeinsson. Auk þess eru áfram þeir Eggert Garð- arsson, Guðni Hjörleifsson, Sigurjón Birgisson og Sigursteinn Leifsson. Framkvæmdastjóri knattspyrnuudeildar er Þorsteinn Gunnarsson.

=== '''Eggið kenndi hænunni''' ===
ÍBV lék æfingaleik við lið Fylkis í knattspyrnuhöllinni í Keflavík. Þjálfari Fylkis er fyrrverandi þjálfari ÍBV Bjarni Jóhannesson og fyrrv. aðstoðarmaður hans Kristinn R. Jónsson þjálfar lið ÍBV. Það fór svo í þetta sinn að eggið kenndi hænunni og leikmenn ÍBV sigruðu örugglega 3-1. Staðan í hálfleik var 2-1 fyrir ÍBV. Mörk ÍBV skoruðu þeir Ingi, Steingrímur og Gunnar Heiðar.

=== '''Einum færri og töpuðu''' ===
Þrátt fyrir að stúlkurnar í 2. flokki ÍBV hafi ekki náð að sýna sitt rétta andlit í undanförnum leikjum þá komu þær vel stemmdar til leiks gegn toppliðinu Val í lok janúar. Eyjastúlkur byrjuðu leikinn betur og náðu strax þriggja marka forustu. Valsstúlkur hleyptu Eyjastúlkum þó aldrei langt frá sér þrátt fyrir að ÍBV hafi verið með forustuna nánast allt til loka leiksins. Þegar aðeins fjórar rnínútur voru eftir afleiknum var einum leikmanni ÍBV vísað af leikvelli og það áttu gestirnir eftir að nýta sér í vil. Einum leikmanni færri náðu Eyjastúlkur ekki að halda dampi, Valsstúlkur náðu að síga fram úr og sigruðu með aðeins einu marki, 23-22. Heppnin var hliðhollari gestunum í þessum leik en stúlkumar frá Hlíðarenda þurftu svo sannarlega að hafa fyrir því að leggja sprækar Eyjastúlkur af velli. Aðall Eyjaliðsins í þessum leik var varnarleikur og hraðaupphlaup sem oft nýttust vel. Heppnin var sem fyrr segir það sem skar úr um hvour megin sigurinn lenti. Valsstúlkur eru nú í efsta sæti með 10 stig en ÍBV er í 5. sæti með tvö stig.

=== '''Mikilvægur sigur''' ===
Meistaraflokksstelpur, léku svo við Fram hér í Eyjum nokkrum dögum síðar, en leiknum hafði verið frestað vegna ófærðar. Eyjastelpur höfðu aðeins tapað einum heimaleik í Íslandsmótinu og voru staðráðnar í að hafa þá ekki fleiri. Leikurinn byrjaði vel fyrir þær, fyrsta markið var þeirra en svo svöruðu Framarar fyrir sig og komust í 3 - 4. Mest var forysta gestanna tvö mörk, 8 -10 en með mikilli baráttu, góðum varnarleik og frábærri markvörslu Vigdísar náði ÍBV að snúa leiknum sér í hag og ná tveggja marka forystu í hálfleik 14- 12. Stelpurnar héldu sínu striki og knúðu fram sigur, 28-25.

=== '''Besta lið deildarinnar, segir Sigbjörn''' ===
Mikil sigling var stelpunum í meistaraflokki ÍBV í janúar. Eftir að hafa tapað tveimur leikjum með einu marki hafa þær unnið þrjá leiki í röð og voru með því að tryggja sig í efsta hluta deildarinnar. Unnu Víking 19-15 og Aftureldingu 30-16. Stelpurnar eiga þrjá leiki eftir í deildinni og stefna á eitt af fjórum efstu sætunum til að ná betri stöðu í úrslitunum. Sigbjörn Óskarsson, þjálfari stelpnanna, segir að þær séu loksins farnar að sýna sitt rétta andlit. ''„Eftir að hafa unnið þrjá leiki í röð erum við komin á rétt ról í deildinni. Við erum í 5. sæti með 21 stig en næst á undan okkur er Stjarnan með 22 stig eftir 18 leiki. Svo eru þrjú lið á toppnum með 25 stig, Grótta/KR eftir 18 leiki og Víkingur og FH eftir 17 leiki,"'' sagði Sigbjörn í samtali við Fréttir. Sigbjörn segir að liðið sé á réttri leið en það sé helst sjálfstraustið sem vantar. Það hafi komið berlega í ljós í leikjunum gegn Gróttu/KR og Stjörnunni sem töpuðust með einu marki. „''Næst unnum við Fram, Víking og Aftureldingu. Afturelding var ekki mikil fyrirstaða eins og var vitað fyrirfram en það var eins og þær væru hálf hissa á að vinna Fram og Víking. Þess''ir ''sigrar hafa ekki komið þér á óvart? „Nei, alls ekki. Þó við séum ekki með stóran hóp þá er ég sannfærður um að við erum með besta hópinn í deildinni í dag. Framan af stóðum við kannski ekki undir þessum væntingum en núna er liðið á uppleið og við erum að bæta okkur. Við eigum ennþá helling inni og getum unnið öll liðin á góðum degi. Til þess þurfum við líka að ná upp sjálfstraustinu“'' sagði Sigbjörn Óskarsson, þjálfari ÍBV stúlkna.

Um miðjan febrúar var en fljúgandi fart á kvennaliði ÍBV. Þær gjörsigruðu ÍR, 31-18. Með sigrinum komst ÍBV í 4 . til 5. sæti ásamt Val.

=== '''Skuldlausir við HSÍ''' ===
„Við skuldum HSÍ ekki neitt," sagði Jóhann Pétursson í stjórn handknattleiksdeildar ÍBV-íþróttafélags í viðtali við Fréttir. Komið hafði fram í fréttum stóru fjölmiðlanna að nokkur lið eigi yfir höfði sér leikbann yegna skulda við sambandið en ÍBV er ekki í þeim hópi. „''Í síðasta yfirliti áttum við smá inneign hjá HSÍ. Við myndum sjaldan skuld við þá vegna þess að kostnaður við að fá dómara hingað er mikill. Þann kostnað greiðum við og sendum síðan HSÍ reikninginn,"'' sagði Jóhann.

=== '''2. flokkur''' ===
Bæði karla og kvennalið ÍBV léku við ÍR um miðjan febrúar. Þrátt fyrir að stúlkurnar í 2. flokki kvenna ÍBV hefðu sýnt það og sannað á dögunum í leik gegn Val að þær ættu erindi í þær bestu náðu þær ekki að fylgja því eftir gegn ÍR stúlkum. Þessi leikur var mikilvægur fyrir bæði lið og sérstaklega ÍBV, því með sigri hefðu Eyjastúlkur haft sætaskipti við IR sem er í 4. sæti. Mörk ÍBV: Hind Hannesdóttir 6, Guðbjörg Guðmannsdóttir 2, Eyrún Sigurjónsdóttir 1, Anna Rós Hallgrímsdóttir 1, Bjarný Þorvarðardóttir 2, Elva Grímsdóttir 1, Aníta Ey- þórsdóttir 1.

Ljóst var að strákarnir í ÍBV ættu erfiðan leik fyrir höndum þegar þeir mættu toppliðinu ÍR, í 2. flokki karla í handknattleik. Lið ÍR er skipað strákum sem leika stórt hlutverk í mfl. liði ÍR. Eyjapeyjar með ungt og efnilegt lið voru hins vegar tilbúnir að berjast fyrir sínu. Lið ÍBV er ungt að árum og m.a. léku tveir drengir úr 4. flokki lykilhlutverk í Eyjaliðinu, það voru þeir Karl Haraldsson, hornamaður og Kári Kristjánsson, skytta. Og uppskeran varð jafntefli, 25-25. Mörk ÍBV: Hannes Jón Jónsson 9, Sigurður Ari Stefánsson 8, Jóhann Halldórsson 4, Kári Kristjánsson 2, Sigþór Friðriksson 2.

=== '''Komu heim með bikarinn''' ===
Hið geysilega sterka lið okkar Eyjamanna í 3. flokki kvenna fór hamförum í úrslitakeppni í innanhússknattspyrnu sem haldin var nú um helgina. Liðið vann alla leiki sína utan einn, örugglega og vann meðal annars úrslitaleikinn 6-2. Sigurlás Þorleifsson þjálfari sagði að liðið hefði náð mjög vel saman. „''Við lékum þannig að önnur lið áttu í miklum erfiðleikum að verjast okkur, enda eru stelpurnar mjög sterkar maður á móti manni. Við erum með margar stelpur á yngra ári þannig að ef allt gengur að óskum þá má búast við miklu af þessum flokki."'' Sagði Sigurlás við blaðamann Frétta. Mörk IBV: Margrét Lára Viðarsdóttir 13, Ásta Hrönn Guðmannsdóttir 3, Sara Sigurlásdóttir, Thelma Sigurðardóttir, Karítas Þórarinsdóttir og Erna Sævarsdóttir allar með 1 mark.

=== '''Eyjafólk bikarmeistarar en komu ekki með bikarinn til Eyja''' ===
ÍBV komst ekki í bikarúrslitin í handboltanum í ár en engu að síður áttu Eyjamenn fulltrúa bæði í karla- og kvennaleikjunum. Sérstaklega var hlutur þeirra þeirra stór hjá körlunum þar sem Sebastian Alexandersson og Gunnar Berg Viktorsson voru bestir hjá bikarmeisturum Fram og Arnar Pétursson, Birkir Ívar Guð mundsson og Björgvin Rúnarsson léku stór hlutverk hjá Stjörnunni, sem voru mótherjar Fram. Auk þess lék Robertas með Fram en hann var gamall ÍBV-ari. Hjá bikarmeisturum Vals var Eyjakonan Elísa Sigurðardóttir í leikmannahópnum.

=== '''Framkvæmdastjórinn olli skjálfta''' ===
Mikill skjálfti fór um Vestmannaeyjar vegna greinar sem Þorsteinn Gunnarsson framkvæmdastjóri knattspyrnudeildar ÍBV setti á heimasíðu ÍBV og Morgunblaðið birti síðan 19. febrúar sl. ásamt spjalli við framkvæmdastjórann. Greinin fjallaði um framkvæmdaleysi bæjaryfirvalda í Vestmannaeyjum vegna stúkubyggingar við Hásteinsvöll og að þess vegna yrði ÍBV að leika á Laugardalsvellinum á komandi knattspyrnuleiktíð.

Þótti stjórn knattspyrnudeildar tekið fram fyrir hendur sínar og að framkvæmdastjórinn hefði ekki stöðu sinnar vegna heimild til að tjá sig um málið, enda ekki neinar hugmyndir uppi innan stjórnarinnar um að leika á Laugardalsvellinum.

Í framhaldi af yfirlýsingum Þorsteins á heimasíðu ÍBV og í Morgunblaðinu lét stjórn knattspyrnudeildar frá sér fara fréttatilkynningu þar sem segir að málefni stúkubyggingar við Hásteinsvöll séu til meðferðar hjá bæjaryfirvöldum og að stjórn knattspyrnudeildar treysti því að „bæjarsjóður ljúki málinu á þann hátt að sómi verði að fyrir alla aðila."

Segir og í tilkynningunni að framkvæmdastjórinn hafi farið „nokkuð fram úr sjálfum sér og án þess að hafa um það samband við stjórn knattspyrnudeildar." að setja inn á heimasíðuna að leikir ÍBV fari fram á Laugardalsvelli í Reykjavík. Harmar síðan stjórnin að þessi mál hafi farið á þennan hátt í umræðuna og sé málstaðnum ekki til framdráttar.

Þorsteinn skrifað grein í Fréttir þar sem hann útskýrir sitt mál. Segir þar meðal annars: „Biður undirritaður alla hlutaðeigandi afsökunar á þessum ummælum og skal viðurkennt að hér fór undirritaður allverulega fram úr sjálfum sér í þeirri viðleitni að berjast með kjafti og klóm fyrir framgangi knattspyrnunnar í Vestmannaeyjum." Segir hann einnig að Morgunblaðsgreinin hafi ekki verið í þeim anda samstöðu sem nauðsynlegur væri og íþróttahreyfingunni ekki til framdráttar.

=== '''Óla Heiða''' ===
Ólöf Aðalheiður Elíasdóttir sem Vestmannaeyingar þekkja kannski betur sem Ólu Heiðu hefur verið öflugur talsmaður íþrótta í Eyjum jafnt keppnisíþrótta og íþrótta sem sýningaatriði. Einnig hefur Óla Heiða þjálfað og keppt í handbolta, og þjálfað í frjálsum íþróttum, að ógleymdum hinum ýmsu ábyrgðar og stjórnunarstörfum sem henni hafa verið falin. Óla Heiða var heiðruð af Íþróttabandalagi Vestmannaeyja á viðurkenningahátíð þess, fyrir óeigingjörn störf sín og frumkvæðis í þágu íþrótta í Vestmannaeyjum. Óla Heiða hefur einnig í störfum sínum elft áhuga almennings á íþróttum og vakið áhuga á heilsusamlegu gildi þeirra burt séð frá þeim þætti sem snýr að keppni eingöngu, auk þess sem hún kenndi leikfimi fyrir fatlaða og stofnaði íþróttafélag þeirra, Ægi.

=== '''Birkir Íþróttamaður ársins''' ===
Það kom fáum á óvart að Birkir Kristinsson skyldi verða valinn Íþróttamaður Vestmannaeyja 1999 á viðurkenningahátíð Íþróttabandalagsins sem sem haldin var skömmu eftir áramót. Birkir stóð í marki meistaraflokks ÍBV í fótbolta síðasta sumar með frábærum árangri. Auk þess er hann aðalmarkvörður íslenska landsliðsins sem náði mjög athyglisverðum árangri á árinu. „Birkir, sem er 35 ára, er fæddur og uppalinn í Eyjum og lék alla yngri flokkana í fótbolta með ÍBV. Hann náði aldrei að leika með meistaraflokki ÍBV á sínum yngri árum en eftir 15 ár er hann loks kominn „heim", sagði Þór Vilhjálmsson, formaður Íþróttabandalagsins þegar hann kynnti valið.

=== '''Flottur endasprettur''' ===
Þriðjudagskvöldið 28. febrúar var síðasta umferð í Nissandeild kvenna. Í Eyjum áttust þá við ÍBV og nýkrýndir bikarmeistarar Vals og var búist yið hörkuviðureign. Með sigri gat ÍBV náð þriðja sæti sem væri besti árangur liðsins frá upphafi, en Valsstúlkur gátu náð fimmta sæti með sigri. Gestirnir höfðu yfirhöndina í fyrri hálfleik 14 -17 en góður kafli í upphafi seinni hálfleiks tryggði ÍBV sigur 26 - 25. Leikurinn byrjaði ekki vel fyrir IBV. Gestirnir skoruðu fyrstu tvö mörkin og náðu þannig forskoti sem þær létu ekki af hendi út hálfleikinn. Amela var tekin úr umferð og fyrir vikið varð sóknarleikur ÍBV stelpnanna ansi stirður. Mestur varð munurinn fjögur mörk í fyrri hálfleik, en með smábaráttu náði ÍBV að minnka muninn niður í þrjú mörk fyrir leikhlé. Staðan var hins vegar afleit, liðið hafði fengið á sig hvorki meira né minna en 17 mörk í einum hálfleik sem segir meira en mörg orð um varnarleik liðsins. Það var stelpunum til happs að Valur spilaði líka lélegan varnarleik og því varð munurinn ekki meiri.

Ekki er vitað hvað Sigbjörn þjálfari sagði við stelpurnar í leikhléi, en það virtist svo sannarlega virka því að þegar aðeins fimm mínútur vora liðnar af seinni hálfleik hafði ÍBV skorað þrjú mörk gegn engu marki gestanna og jafnað leikinn. Eftir það var leikurinn í járnumog liðin skiptust á að skora eða allt þar til að Andrea Atladóttir tók til sinna mála og kom liðinu í tveggja marka forskot 25-23 og um sex mínútur til leiksloka. Elísa Sigurðardóttir, Eyjamaðurinn í liði Vals, hélt þeim inni í leiknum með því að skora tvö mikilvæg mörk fyrir liðið á meðan ÍBV skoraði eitt. Staðan var því orðin 26-25 og rúmlega 3 mínútur eftir af leiknum og líklega einhverjar lengstu þrjár mínútur sem undirritaður hefur þurft að þola, segir Júlíus Ingason íþróttablaðamaður Frétta í umfjöllun um leikinn. Valsstúlkur fengu tvisvar sinnum tækifæri á að jafna, en þær klúðruðu vítakasti og svo varði Vigdís úr dauðafæri á síðustu andartökunum og sigurinn Eyjastúlkna 26-25.

Bestar í liði ÍBV voru þær Andrea Atladóttir og Vigdís Sigurðardóttir sem hreinlega fóru á kostum í leiknum, en einnig var Ingibjörg dugleg í vörn.

Mörk ÍBV: Andrea 8, Amela 7/5, Ingibjörg 3, Anita 3, Mette 2, Guðbjörg 1, Hind 1, Anna Rós 1. Varin skot: Vigdís 17, Lúsí 2.

Með sigrinum komst ÍBV í þriðja sæti Nissandeildarinnar með 27 stig, jafnmörg stig og FH sem er í öðru sæti en með betra markahlutfall.

ÍBV mætir svo Fram í 8-liða úrslitum og hefur ÍBV heimaleikjaréttinn ef til þess kemur. Sigbjöm Óskarsson var ekki ánægður í leikslok. ''„Þetta var allt of erfitt. Við vorum bara alls ekki tilbúin og lékum okkar lélegasta leik í lengri tíma í kvöld. Ég er hundsvekktur með frammistöðu liðsins en get hins vegar ekki neitað því að ég er ánægður með sigurinn og að ná þriðja sætinu sem er mjög gott''." Það hlýtur að vera erfitt að fá á sig 17 mörk í fyrri hálfleik, hvað sagðirðu við stelpurnar í hálfleik? ''„ Já, já, ég var alveg brjálaður og sagði þeim til syndanna. Við ákváðum hins vegar bara að laga hlutina í okkar leik í staðinn fyrir að breyta einhverju og það gekk upp,“ sagði Sigbjörn í viðtali við Fréttir.''

=== '''Ágætt hjá 4. flokki''' ===
Fjórði flokkur karla keppti í endaðan febrúar í úrslitakeppni Íslandsmótsins í knattspyrnu innanhúss. ÍBV hafði unnið sinn riðil örugglega og því vora væntingar gerðar til liðsins. Keppt var í tveimur riðlum og lenti ÍBV í A- riðli ásamt Gróttu, Fylki og BÍ. Skemmst er frá því að segja að liðið vann einn leik, gerði eitt jafntefli og tapaði einum. Liðið hafnaði í öðru sæti riðilsins og komst í undanúrslit þar sem liðið tapaði gegn Skagamönnum. Strákarnir sýndu svo góðan leik þegar liðið mætti Völsungi í leik um þriðja sætið og tryggði sér sigur 2-0. Úrslit leikja urðu þessi,

ÍBV-Grótta 5-0,

ÍBV-Fylkir 2-6,

ÍBV-BÍ 2-2,

ÍBV- ÍA 2-5 í undanúrslitum og ÍBV-Völsungur 2-0 í leik um þriðja sætið.

Mörk ÍBV: Björgvin Már 5, Óli Berry 3, Bergvin 3, Einar Kristinn 1 Andri l.

=== '''Erlingur og svo Magnús''' ===
Á fundi aðalstjórnar ÍBV íþróttafélags rétt fyrir áramótin 1999-2000 lá fyrir bréf frá Erlingi Richardssyni, þar sem hann setti fram hugmynd að nýju skipuriti um skiptingu deilda og framkvæmd þeirra. Einnig skiptingu æfingatíma milli knattspyrnu og handbolta. Hugmyndin gerjaðist og það var svo í stjórnarfundi í febrúar að ræða við Erling um þessar hugmyndir hans og síðar var samþykkt að ganga til samninga við Erling um að hann yrði íþróttafulltrúi félagsins, sem myndi stjórna unglingastarfinu hjá félaginu. Á stjórnarfundi 24. apríl var komið bakslag í þessa ráðningu, hik á Erlingi. Hann benti hinsvegar á Magnús Sigurðsson sem heppilegan starfsmann í þetta verkefni. Það er svo í lok ágúst að Magnús er ráðinn til starfa. Í bókun segir að laun hans skiptist á milli deilda félagsins og aðalstjórnar.

=== '''Slakt gengi á útivöllum''' ===
Gengi handboltaliðs karla ÍBV á útivelli hafði ekki verið upp á marga fiska hin síðustu ár. Það sem af var vetri voru útistigin aðeins orðin tvö. Einu stigi bættu þeir í safnið þegar liðið náði jafntefli gegn KA fyrir norðan, 24-24. Nokkrum dögum síðar léku þeir við ÍR og þar sigraði ÍBV 26-21.

=== '''Nýr formaður knattspyrnuráðs''' ===
Í byrjun mars var tilkynnt um nýja formann knattspyrnuráðs ÍBV íþróttafélags, Ásmund Friðriksson. Tekur hann við af' Jóhannesi Ólafssyni sem verið hefur formaður deildarinnar í um áratug. Ásmundur segir í Fréttum að haft hafi verið samband við sig vegna þessa og eftir nokkrar pælingar hafi hann ákveðið að láta slag standa. ''„Það verða einhverjar breytingar, nýir siðir koma með nýjum mönnum og öðruvísi áherslur, Ekki nein bylting, það yerður stigið eitt skref í einu, Ég kvíði þessu ekki, það eru góðir menn og vanir með mér í þessu. Það sem hæst ber núna er stúkumálið og við verðum að leysa það.“''

=== '''Æfingaferð til Kýpur''' ===
Í endaðan febrúar fór karlalið ÍBV í fótboltanum í æfingaferð til Kýpur. Fréttir leituðu til Elíasar Friðrikssonar, aðstoðarþjálfara liðsins, til að fá nánari upplýsingar um ferðina. ''„Þetta var í einu orði sagt alveg hundrað prósent ferð. Við gistum á mjög góðu hóteli þar sem öll aðstaða var til fyrirmyndar og ekki var hægt að kvarta undan matnum. Vellirnir voru frábærir og það þarf nú ekki að segja það hversu gott var að komast á grasæfingu í enda febrúarmánaðar. Við æfðum vel, eða tvisvar á dag og vel tekið á þannig að æfingalega var þessi ferð vel heppnuð. Svo spiluðum við tvo leiki, gegn rússneska 1. deildarliðinu Metallurg, sá leikur var ekki nógu góður af okkar hálfu en seinni leikurinn gegn hinu gríðarsterka liði Kocise var töluvert betri. Steingrímur og Ingi hvíldu reyndar í þeim leik, þeir meiddust smávægilega í fyrri leiknum en þess má geta að allir komu heilir úr þessari ferð, sem gerist ekki á hverjum degi,"'' sagði Elías.

=== '''Komnar í undanúrslit''' ===
Kvennalið ÍBV var að gera það gott í Íslandsmótinu. Þær gerðu sér lítið fyrir og slógu lið Fram úr keppni í tveimur leikjum í 8 liða úrslitunum. Sigruðu 25-24 í jöfnun og spennandi leik. Lokatölur í seinni leiknum urðu 25 - 29 fyrir ÍBV og liðið því komið í undanúrslit. Ingibjörg Jónsdóttir fyrirliði ÍBV sagðist hafa átt von á erfiðari leikjum. „''Ég bjóst við fleiri áhorfendum og þeim grimmari. Við vorum dálítið stressaðar í byrjun, vörnin var hræðileg, en þegar hrollurinn var farinn úr okkur náðum við að fylla upp í götin á vörninni og fengum hraðaupphlaup sem við nýttum ágætlega, var þetta eiginlega engin spurning.“''

=== '''Sigur í fyrsta leik''' ===
Þrátt fyrir mörg mistök sökum spennu lögðu Eyjastúlkur aldrei árar í bát og uppskáru að lokum 24:23 sigur á FH, þegar liðin mættust í fyrri leik í undanúrslitum efstu deildar kvenna í Kaplakrika. Hafnfirðingar hófu leikinn með sterkri framliggjandi vörn, svo að sóknarleikur gestanna var ekki burðugur en þó munaði aðeins einu marki um miðjan fyrri hálfleik. Eyjastúlkur sýndu á fyrstu mínútu síðari hálfleiks að þær hefðu hrist af sér slenið í búningsherbergjum í leikhléinu og eftir tíu mínútna leik ná þær að jafna 14:14 þegar flatur varnarleikur fór loks að bera árangur en á sama tíma fór FH heldur illa með sín færi. Taflið hafði snúist við forysta ÍBV varð mest 4 mörk.

''„Við sýndum ekki okkar rétt andlit fyrr en í síðari hálfleik þegar við náðum að róa okkur niður,'' sagði Vigdís Sigurðardóttir, markvörður ÍBV í viðtali við Morgunblaðið, eftir leikinn. ''„Við komum til Reykjavíkur um hádegi í dag en erum ekki vanar að koma svona snemma svo að það var mikil spenna að bíða eftir leiknum eins og sýndi sig framan af. Það má því segja að við höfum komið of snemma. Það verður gaman í næsta leik í Eyjum, við erum með sterka stuðningsmenn þar, sem er okkar áttundi leikmaður og við munum gera okkar besta en ég lofa engu."''

=== '''Tap í 2. leik''' ===
Leikur númer tvö í viðureign ÍBV og FH í undanúrslitum Nissandeildar kvenna var í Eyjum. Með sigri gátu Eyjastúlkur tryggt sér farseðil í úrslitaleikinn gegn Gróttu/KR og því var mikil spenna í loftinu. Leikurinn var þar af leiðandi spennandi í meira lagi og þurfti framlengingu til að fá úrslit sem urðu þau að gestirnir sigruðu 23-22, en eftir venjulegan leiktíma var staðan 19-19. Það sást strax frá fyrstu mínútu leiksins að taugar leikmanna voru þandar til hins ýtrasta. Mikið var um mistök, spilaðar voru stuttar sóknir og tekin ótímabær og erfið skot í sókninni. ÍBV var þó alltaf skrefi á undan og rúmlega það því þegar fyrri hálfleikur var hálfnaður voru Eyjastelpur þremur mörkum yfir, 6-3.

Eyjastelpur spýttu í lófana og hvattar áfram af troðfullri Höllinni. Var mál manna sennilega hafi ekki fleiri mætt á kvennaleik í Eyjum. Staðan var 19-17 þegar aðeins um fjórar mínútur voru eftir og margir farnir að hugsa um leikina við Gróttu/KR. Í Fréttum segir að FH-ingar hafi ekkert gefist ''upp „og jöfnuðu þegar 30 sekúndur voru eftir. ÍBV geystist þá í sókn og Andrea skoraði að því er virtist fullkomlega löglegt mark, en slakt dómarapar leiksins virtist vera ákveðið í því að fá framlengingu og meiri spennu í leikinn og dæmdu því markið ólöglegt fyrir eitthvað sem enginn veit. Leiktíminn rann út og grípa varð til framlengingar þar sem FH tók öll völd á vellinum á meðan leikmenn ÍBV gerðu sig seka um hræðileg mistök og fljótfærni þegar mest á reyndi. Alls fékk liðið fjögur tækifæri á að jafna leikinn í seinni hálfleik framlengingarinnar, en allt kom fyrir ekki og FH fagnaði sigri að lokum“.''

=== '''Leika til úrslita''' ===
ÍBV-stelpurnar í meistaraflokki gerðu sér lítið fyrir og tryggðu sér sæti í úrslitum Íslandsmótsins í handbolta með sigri sínum á FH í oddaleik í Hafnarfirði. ÍBVstúlkur höfðu frumkvæði allan leikinn og sýndu að þær höfðu að fullu náð sér eftir skellinn í síðasta leik. Staðan var 9 - 14 í hálfleik en lokatölur urðu 20- 24 ÍBV í vil. Og leika því til úrslita við Gróttu/ KR. Sigbjörn Óskarsson, þjálfari stúlknanna, var að vonum ánægður með árangur stúlknanna enda er þetta besti árangur Eyjamanna í handbolta til þessa. ''„Liðið var frábært bæði í vörn og sókn, stelpurnar sýndu að þær voru fyllilega búnar að ná sér eftir áfallið úti í Eyjum þar sem þær steinlágu fyrir framan sitt fólk í Eyjum''," sagði Sigbjörn.

=== '''Næstum komnir í úrslitakeppnina''' ===
Hann var frekar leiðinlegur handboltaleikurinn sem boðið var upp á þegar ÍBV tók á móti í HK í 20. umferð Nissandeildar karla. ÍBV var lengi í gang og framan af fyrri hálfleik voru gestirnir ávallt skrefi á undan. Leikurinn endaði þó með sigri ÍBV 29-25 og er ÍBV því orðið nokkuð öruggt um sæti í úrslitakeppni Nissandeildarinnar í ár. Eru Eyjamenn í 6. sæti með 22 stig ásamt þremur öðrum liðum.

=== '''Beiðni um styrk''' ===
Það dylst engum að það kostar mikla vinnu og mikla peninga að halda úti meistaraflokksliðum ekki hvað síst í efstu deildum. Undir lok handboltavertíðarinnar hjá kvennahandboltanum, var fjárhagur deildarinnar orðinn ansi þungur. Stjórn deildarinnar leitaði því til hins almenna Eyjamanns um stuðning. Var þessi fréttatilkynning birt í Fréttum.

''Kæri bæjarbúi.''

''Nú er langt liðið á keppnistímabilið og vilja leikmenn og handknattleiksráð þakka bæjarbúum fyrir frábæran stuðning því án ykkar væri liðið ekki komið eins langt. Meistaraflokkurinn er nú í annað skiptið komið í 4ra liða úrslitin um Íslandsmeistaratitilinn og eigum við raunhæfa möguleika á að ná lengra þ.e. að komast í sjálfan úrslitaleikinn. Það er mjög dýrt að halda úti eins öflugu kvennahandboltaliði eins og okkar'. Margar okkar stelpna fara í framhaldsnám til Reykjavíkur og eru því mun örari breytingar á okkar liði en öðrum.''

''Síðustu keppnistímabil höfum við þurft að fá erlenda leikmenn til þess eins að geta haldið úti liði, Þessi vetur er búinn að vera okkur dýr. en á móti kemurr að árangurinn er búinn að vera góður.''

''Okkur í kvennahandbolta ÍBV langar að fara þess á leit við þig. hvort þú sért tilbúin(n) til að styðja okkur fjárhagslega með því að greiða viðkomandi innborgunarseðil að upphæö kr. 700 sem samsvarar aðgangseyri að einum leik.''

''Sjáumst vonandi í Höllinni á komandi leikjum.''

''Áfram ÍBV.''

Handknattleiksráð ÍBV

=== '''5. flokkur Íslandsmeistari''' ===
Í byrjun apríl gerðu stelpurnar í 5. flokki ÍBV í handbolta sér litið fyrir og urðu Íslandsmeistarar í sínum flokki. Mikil viðhöfn var á flugvellinum, þegar stelpurnar komu með bikarinn. Forráðamenn ÍBV færðu þeim blóm og Guðjón Hjörleifsson bæjarstjóri tók á móti þeim ásamt stelpum í meistaraflokki ÍBV í handboltanum.

=== '''Sigur á Íslands- og bikarmeisturum''' ===
Óhætt er að segja að Íslands- og bikarmeistarar Aftureldingar úr Mosfellsbæ hafi beðið skipbrot í Eyjum þar sem þeir réðu ekki við öfluga vörn heimamanna, sem fögnuðu sigri 23:19. Ljóst var að heimamenn komu mun ákveðnari til leiks og ætluðu sér ekkert annað en sigur og þrjú mikilvæg stig í þessum leik. Eyjamenn voru án síns besta manns, Miro Bavisic, sem tók út leikbann í þessum leik. Það virtist ekki há liðinu á neinn hátt, því liðið var að leika sem ein heild. Þessi „vondi kafli sem virðist hrjá svo mörg lið í deildinni leit aldrei dagsins ljós í leik heimamanna, og var ÍBV örugglega að leika sínar bestu 60 mínútur á þessari leiktíð. Að sama skapi voru brotalamir í leik Aftureldingar, bæði í vörn og sókn.

Strax í seinni hálfleik bættu Eyjamenn við forystuna og voru komnir með 8 marka forystu þegar stundarfjórðungur var að baki. Staðan 15:9. Á þessum kafla var Gísli Guðmundsson, markmaður ÍBV, að verja ágætlega. Einnig gekk 3-2-1 vörn heimamanna upp og voru Mosfellingar bæði hugmyndasnauðir og þungir í sóknarleik sínum og virtust engin svör hafa við sprækum Eyjamönnum. Undir lok leiksins brugðu Mosfellingar á það ráð að leika maður á mann vörn en allt kom fyrir ekki og Eyjamenn lönduðu enn einum heimasigrinum. Lokatölur leiksins, 23:19

Í hálfleik í viðureign ÍBV og UMFA, tóku Eyjamenn leikhlé sem væri ekki í frásögur færandi ef formaður handknattleiksdeildar UMFA, Jóhann Guðjónsson, hefði ekki rokið inn á miðjan völlinn og átti eitthvað vantalað við dómara leiksins, Einar Sveinsson og Rögnvald Erlingsson. Formaðurinn var fljótlega leiddur af velli og róaður niður.

Meðalaldur leikmanna ÍBV í leiknum 22 ár. Þar af voru fjórir leikmenn sem leika í 3. flokki ÍBV. Leikmennirnir fjórir sem um er að ræða heita Kristinn Jónatansson, Sindri Ólafsson, Sigurður Ari Stefánsson og Sigþór Friðriksson. Aldursforseti liðsins er Guðfinnur Kristmannsson, 29 ára.

=== '''Knattspyrnuráð tekur fram fyrir hendur aðalstjórnar''' ===
Á heimasíðu knattspyrnudeildar ÍBV í febrúar er sagt frá því að knattspyrnudeild ÍBV hafi rætt við rætt við vallaryfirvöld í Laugardal um að fá afnot af Laugardalsvellinum fyrir heimaleiki liðsins í úrvalsdeildinni í sumar.

Í viðtali sem Morgunblaðið átti við Þorstein Gunnarsson, framkvæmdastjóra knattspyrnudeildarinnar sagði hann: ''„Það er ekki gert ráð fyrir því á þriggja ára áætlun bæjarstjórnar að byggð verði stúka eða skipulögð áhorfendasvæði við Hásteinsvöll. Sex ára aðlögunartími sem KSI gaf okkur rann út síðasta sumar en þá fékk félagið frest þar til Vestmannaeyjabær skilaði inn framkvæmdaáætlun til KSÍ. Við höfum óskað eftir skýrum svör-''

''um frá KSI um hvort félagið muni að óbreyttu lenda f heimaleikjabanni næsta sumar, eins og reikna má með"''.

Á fundi aðalstjórnar 20. febrúar er þetta mál tekið fyrir. Í bókun fundarins segir að aðalstjórn átelji knattspyrnuráð fyrir þessi vinnubrögð og ítrekaði að aðalstjórn fari alfarið með þessi mál. Samþykkti knattspyrnuráðið að draga bréf sitt til baka.

=== '''Karlaliðið í 5. sæti''' ===
Karlalið ÍBV sigraði tvo síðustu leiki sína í Nissandeildinni í handbolta. Liðið vann Fram á útivelli 18-15 og Stjörnuna 28-22. ÍBV endaði tímabilið þar með í fimmta sæti með jafnmörg stig og Haukar sem enduðu í því fjórða en með lakari markatölu. Haukar og ÍBV munu því mætast í 8 liða úrslitum.

=== '''Samgöngur trufla''' ===
Lokaumferð 1. deildar karla þurfti að fresta í tvígang. Frestað var vegna þess að ófært var með flugi til Vestmannaeyja og einnig um tíma til Akureyrar og komust liðin sem þangað áttu að fara ekki á áfangastað. Ekki var brugðið á það ráð að senda Stjörnuliðið til Vestmannaeyja með Herjólfi og Valsmenn landleiðina til Akureyrar, þar sem ekki er hægt að skylda liðin til að fara aðra leið sé flugleiðin ófær.

''„Við getum ekkert gert nema hafa skýrar reglur til að vinna eftir og það er í höndum félaganna að setja þessar reglur þar sem þau hafa atkvæða- og tillögurétt á ársþingum HSÍ. Til þess að koma í veg fyrir að leikjum og umferðum sé margoft frestað verða félögin að taka af skarið og setja skýrar reglur um hvað gera skal''," sagði Einar Þorvarðarson í viðtali við Morgunblaðið.

''„Það sem við þurfum fyrst og fremst að glíma við er veðráttan og þá einkum hversu erfitt það getur verið að komst til Eyja vegna hennar,"'' segir Einar ennfremur. Hann segir það lýsa ástandinu betur en mörg orð að fresta hafi þurft leikjum í 1. deild karla í Vestmannaeyjum a.m.k. fimmtán sinnum í vetur og væru þá ótaldar aðrar frestanir vegna leikja þar eða vegna þess að Eyjamenn komust ekki upp á land.

Fært var með Herjólfi til Vestmannaeyja þessa helgi og því hefði verið möguleiki á að senda handknattleikslið Stjörnunnar þá leiðina til Eyja og Valsmenn landleiðina til Akureyrar og leika lokaumferðina á réttum tíma. Í veðurspá var gert ráð fyrir að ekki viðraði vel til innanlandsflugs næstu daga og því átti veðrið ekki að koma á óvart Til þess að hægt sé að skikka félögin til að ferðast með öðrum hætti en flugi þarf þó að breyta reglugerð hjá HSÍ og er það þá félaganna að gera breytingar, hafi þau á annað borð áhuga á því.

Fresta varð leik FH og ÍBV í undanúrslitum í handknattleik kvenna, en leikurinn átti að fara fram í Kaplakrika. Það var gert þrátt fyrir að flogið væri á milli lands og Eyja. Ástæðan var sú að ÍBV átti pantað flug með Flugfélagi íslands sem ekki flaug til Eyja í gær. Hins vegar fóru vélar Íslandsflugs á milli lands og Eyja og með Íslandsflugi komust Stjörnumenn til þess að leika við ÍBV í 1. deild karla í gærkvöld. Hins vegar var allt uppbókað með Íslandsflugi frá Eyjum og því komst ÍBV-liðið ekki til Reykjavíkur þótt það hefði viljað skipta um flugfélag.

=== '''Meiri agi og hugur við verkefnið''' ===
Boris Bjarni Akbasev þjálfari meistaraflokks ÍBV var í viðtali við Fréttir í marslok. Um dvölina í Eyjum sagði hann: „Það er öðru vísi að búa hér en annars staðar þar sem ég hef verið. Vestmannaeyjar eru lítill staður og fólk fylgist mjög náið með því sem er að gerast í kringum sig. Ekki svo að skilja að það sé slæmt að búa hérna, alls ekki, ég er bara vanur að búa á stærri stöðum. Fyrstu mánuðina kom mér varla dúr á auga vegna þess hvað ÍBV gekk illa og ég var ekki ánægður með það. Í 40 ár hef ég unnið sem þjálfari og í 25 ár þjálfaði ég sama liðið í Sovétríkjunum og svo var ég í eitt ár í Ísrael, þannig að ég hef ekki svo mikinn samanburð fyrir utan Ísland. Ég vil taka mér tíma til að gera félagið gott fyrir framtíðina og ég tel það mjög mikilvægt. Fyrir mér eru allir leikmenn mikilvægir fyrir félagið. í byrjun var erfitt að koma inn á æfingu og ætla að fá aga, en þetta eru góðir strákar og ef maður er fylginn sér þá kemur virðing fyrir þjálfaranum og það gerir verk hans auðveldara," sagði þessi smávaxni Rússlandsættaði Íslendingur.

Það fyrsta sem Boris gerði þegar hann tók við ÍBV liðinu var að gera róttækar breytingar á varnarleiknum sem skilaði sér í að vörnin var aðall Eyjamanna.

''„Það lið sem býr yfir meiri aga og er með hugann við verkefnið sigrar, svo einfalt er það. En auðvitað er erfitt að búa til gott lið á nokkrum mánuðum enda er ÍBV með nánast nýtt lið frá því í fyrra. Þá kemur margt sem þarf að huga að, eins og mórallinn í hópnum og annað þess háttar''“, sagði Boris.

=== '''ÍBV úr leik í úrslitakeppninni''' ===
Eftir að hafa verið taplausir í síðustu átta leikjum í röð skall karlalið ÍBV harkalega til jarðar í fyrsta leik sínum gegn Haukum í Hafnarfirði í átta liða úrslitum Íslandsmótsins. Liðið átti sér ekki viðreisnar von í leiknum, sérstaklega í seinni hálfleik þar sem liðið lenti mest níu mörkum undir. Haukarnir sigruðu með sex mörkum 27-21 sem verður að teljast vel sloppið úr því sem komið var.

Seinni leikur ÍBV og Hauka í átta liða úrslitum Íslandsmótsins í handbolta verður lengi í minnum hafður því hann bauð upp á allt sem einn leikur getur boðið upp á. Jafnt var á öllum tölum allan leikinn og þurfti tvær framlengingar til að knýja fram úrslit og því miður komu þau í hlut Hauka sem sigruðu með einu marki, 36 - 37. ÍBV var þar með úr leik í úrslitakeppninni.

ÍBV og Haukar eru eins ólík lið og tvö lið geta orðið, Eyjamenn léttleikandi og spila skemmtilegan handbolta en Hafnfirðingarnir eru þungir og spila heldur leiðinlegan bolta. Það bæta þeir sér upp með mikilli reynslu og það var hún sem fyrst og fremst skóp þeim sigurinn.

''„Ég er þokkalega sáttur við tímabilið. Veturinn er skref fram á við og ef okkur tekst að halda sama mannskap en framtíðin björt. Þetta var jafn og spennandi leikur og við getum sjálfum okkur um kennt hvernig fór,"'' sagði Erlingur Richardsson, fyrirliði ÍBV í viðtali við Fréttir, eftir leikinn.

=== '''Stolt Vestmannaeyja - Íslandsmeistarar''' ===
Stolt Vestmannaeyja um þessar mundir, kvennalið ÍBV í handboltanum heldur áfram að gera það gott í úrslitakeppninni. Í fyrsta leiknum sigruðu þær GróttuKR með 30 mörkum gegn 25. Mikil stemning var í Eyjum fyrir þessum leik, húsfyllir og fólk byrjaði að streyma að klukkutíma fyrir leik. Leikurinn var einnig mikil skemmtun þar sem hraður handbolti og mikil barátta voru í fyrirrúmi, sem að vísu kom niður á gæðunum en hver tók eftir því? ÍBV tók völdin á vellinum frá fyrstu mínútu og var varnarleikur liðsins nánast óaðfinnanlegur fyrsta fjórðung leiksins, enda skoraði Grótta/KR aðeins þrjú mörk á þessum kafla. Stelpurnar tóku áhættu með því að keyra á hraðaupphlaupum, sú áhætta skilaði sér í fimm marka forystu 7-2, en staðan í leikhléi var 14-11 ÍBV í vil.

=== '''''Aftur sigur''''' ===
Í öðrum leik liðanna sem fór fram á heimavelli Gróttu/KR leit framan af ekki út fyrir að ÍBV myndi sigra. ÍBV-stelpurnar byrjuðu reyndar leikinn eins og þær enduðu þann fyrsta. Fyrstu tvö mörkin voru þeirra og tóku þær Öllu Gorgorian úr umferð í varnarleiknum. Heimamenn svöruðu með þremur mörkum og komust svo fljótlega í þriggja marka forystu. En með mikilli baráttu náðu stelpurnar að saxa á forskot Gróttu/KR fyrir hlé og í hálfleik var staðan 13-12. ÍBV byrjaði leikinn heldur illa í seinni hálfleik og lentu stelpurnar fljótlega fjórum mörkum undir 16-12. Brugðið var á það ráð að taka tvo af sóknarmönnum Gróttu/KR úr umferð, en það herbragð virkaði engan veginn enda erfitt að verjast aðeins fjórar. Það var ekki fyrr en að Ingibjörgu Jónsdóttur var vikið af velli í tvær mínútur þegar vel var liðið á seinni hálfleik að hlutirnir fóru að ganga. Ekki svo að skilja að Ingibjörg hafi verið liðinu Akkilesarhæll, þvert á móti en liðið varð hins vegar að breyta varnarleiknum í kjölfarið og eftir það var spiluð 6-0 vörn út leikinn með prýðisgóðum árangri. Stelpumar sýndu það sem eftir lifði leiks að þær geta ráðið við hvaða manneskju og hvaða lið sem er þegar þær spila eðlilegan varnarleik. Fljótlega var munurinn aðeins orð inn tvö mörk og aðeins sex mínútur til stefnu. Þrátt fyrir að hafa skotið tvisvar í stöng á þessum lokakafla leiksins, og reyndar sex sinnum í seinni hálfleik, náði ÍBV liðið að jafna leikinn og fékk tækifæri á að gera út um hann á síðustu andartökum leiksins en tíminn reyndist of naumur. Lokatölur urðu 21-21 og því varð að framlengja. Í framlengingunni var ÍBV mun sterkari aðilinn. Þrátt fyrir að staðan væri jöfn eftir fyrri hálfleik, þá héldu stelpurnar sínu striki og skoruðu fjögur mörk á síðustu fimm mín- útunum og tryggðu sér mikilvægan sigur í baráttunni um Íslandsmeistaratitilinn, 25-27.

=== '''''Íslandsmeistarar''''' ===
Kvennalið ÍBV mætti Gróttu/KR í þriðja leik úrslitaviðureignar liðanna um Íslandsmeistaratitilinn í Eyjum. Reyndar var ekki útlit fyrir flug um morguninn, en Gunnar Gunnarsson þjálfari Gróttu/KR dreif sínar stelpur í Herjólf þar sem liðið fékk að kynnast því að það er ekki svo auðvelt að taka Herjólf. En engu að síður þakkarvert framtak Gróttu/KR. Leikurinn hófst því á réttum tíma, korter yfir átta fyrir sjónvarpið en seinni hálfleikur var sýndur í beinni. Íþróttamiðstöðin var þá löngu orðin yfirfull. Fyrri hálfleikur var í járnum að flestu leyti, liðin leiddu bæði um tíma en þegar á leið komst Grótta/KR tveimur mörkum yfír 8-10 og liðið leiddi í hálfleik 9-11. Amela Hegic byrjaði leikinn af krafti og skoraði fjögur af fyrstu fimm mörkum ÍBV ásamt því að leggja upp það fimmta. Vigdís var einnig fljót að finna sig í markinu, varði alls níu skot í fyrri hálfleik og átti eftir að láta mikið til sín taka seinna í leiknum.

Seinni hálfleikur byrjaði vel og ÍBV skoraði fyrsta markið úr sinni fyrstu sókn. En stelpurnar náðu ekki að fylgja eftir góðri byrjun, því að Grótta/KR skoraði þrjú mörk í röð og IBV lenti fjórum mörkum undir þegar hálfleikurinn var rétt hálfnaður. Þá tóku við einar skemmtilegustu fimmtán mínútur sem boðið hefur verið upp á í íþróttahöllinni. Sigbjöm tók leikhlé og barði bar- áttuandann í stelpurnar. Liðið tók leikinn í sínar hendur upp frá því og varnarleikur liðsins var ógurlegur og bak við múrinn stóð Vigdís sem varði eins og berserkur.

Það tók ÍBV aðeins rúmlega tvær mínútur að jafna leikinn, 15-15 og aðrar tvær mínútur að ná tveggja marka forystu. ÍBV hafði þar með breytt nánast töpuðum leik í opinn og skemmtilegan leik þar sem ÍBV hafði undirtökin.

Stelpumar höfðu skorað hvorki meira né minna en sex mörk í röð í sex sóknum. Leikur gestanna hreinlega hrundi, mest vegna sterks varnarleiks ÍBV og Grótta/KR náði aðeins að skora úr tveimur sóknum af síðustu tólf.

Mikil spenna var síðustu mínútur leiksins eftir að skyttan sterka úr Gróttu/KR Alla Gorgorian hafði minnkað muninn niður í eitt mark 18- 17. En leikmenn ÍBV voru með allt á hreinu og Anita Andreasen skoraði sigurmarkið úr frábæru gegnumbroti.

Vigdís toppaði svo frammistöðu sína og liðsins með því að verja síðasta skot gestanna í leiknum og ÍBV sigraði 19-17 í vægast sagt frábærum handboltaleik.

Mikil fagnaðarlæti brutust út í leikslok meðal hinna rúmlega átta hundruð áhorfenda leiksins enda í fyrsta skipti sem Íslandsmeistaratitill meistaraflokks kvenna kemur til Vestmannaeyja.

Mörk ÍBV: Anita 6, Amela 4/2, Ingibjörg 3, Mette 2, Guðbjörg 2, Andrea Atladóttir 2. Varin skot: Vigdís 21.

=== '''Vigdís markvörður''' ===
''„Ég átti alls ekki von á að við myndum vinna úrslitakeppnina þrjú núll,"'' sagði Vigdís markmaður eftir leikinn, við Fréttir. „''Eftir leikinn á mánudaginn var maður hálfhræddur því við vissum að þær myndu koma alveg geðveikar til leiks, sem þær gerðu. Leikurinn var frekar erfiður framan af en þegar við jöfnuðum 15-15 þá var þetta komið. Maður leit bara á pallana og sá stemninguna og þá vissi ég að við myndum hafa þetta. Þetta var náttúrlega bara stress í fyrri hálfleik, en svo gat maður bara ekki verið stressaður í seinni hálfleik."''

=== '''Ingibjörg línumaður''' ===
''„Innst inni þá trúði ég því að við gætum þetta,"'' sagði Ingibjörg Jónsdóttir fyrirliði eftir leikinn, við Fréttir. ''„Þetta er alveg æðislegt. Frábært að vinna Íslandsmeistaratitilinn fyrir fullu húsi hér í Vestmannaeyjum. Ég á bara ekki til orð yfir þetta. Þetta er toppurinn,"'' og þar með hvarf fyrirliðinn í kossaflóðið.“

=== '''Sigbjörn þjálfari''' ===
''„Ég átti alveg eins von á þessu,"'' sagði Sigbjörn þjálfari þegar Fréttir ræddu við hann eftir leikinn. ''„Við höfum verið að spila virkilega vel að undanförnu og við förum í alla leiki til þess að vinna. Mér fannst við vera með betra lið og af hverju áttum við þá ekki að vinna? Sjálfur vissi ég að við gátum klárað þetta í þremur leikjum, eins og við gerðum“.'' Sigbjörn sagði að þrjár fjölskyldur hafi borið uppi kvennahandboltann og átti hann þar við Björgvin Eyjólfsson og Ólöfu Heiðu Elíasdóttur, Þorvarð Þorvaldsson og Guðrúnu Ragnarsdóttur og Grím Guðnason og Eygló Kristinsdóttur. ''„Þau hafa haldið kvennahandboltanum gangandi hérna undanfarin ár og þau eiga mikið í þessu í kvöld, þetta er titillinn þeirra. Það er svo sannarlega sætt að vera þjálfari ÍBV og vinna þetta fyrir þau, það finnst mér aðalatriðið."'' Sigbjörn sagði um leikinn að það hafi hjálpað mikið að hafa sigrað á útivelli í leik númer tvö. „''Við höfðum trú á því að við gætum það og gerðum það, en eins og ég segi þá er liðið í toppformi og mér finnst ÍBV vera besta liðið í ár."''

=== '''Gott samstarf''' ===
Í úrslitaleikjum kvennaliðs ÍBV hafa margir lagt hönd á plóginn. Áberandi var hversu gott samstarf var á milli handknatteiksráðs kvenna og karla, þar sem þeir síðarnefndu hafa starfað við ýmis störf á leikjum kvenfólksins, bæði í gæslu sem og í skemmtiatriðum. Er óhætt að segja að þetta komi dálítið spánskt fyrir sjónir þar sem í annarri af helstu keppnisíþróttum bæjarfélagsins var samstarf karla- og kvennadeildar ekki eins áberandi, ef eitthvað var.

=== '''Markaskorari fundinn?''' ===
Eyjamenn virðast hafa fundið nýjan markaskorara í knattspyrnunni. Bjarni Geir Viðarsson, tvítugur piltur sem hafði að mestu vermt varamannabekkinn hjá ÍBV undanfarin tvö ár, skoraði 7 mörk fyrir liðið í tveimur leikjum í deildarbikarnum í Reykjaneshöll í endaðan mars. Fyrst gerði hann tvö mörk í 4:2 sigri á Leikni úr Reykjavík og síðan skoraði Bjarni 5 mörk í stórsigri, 11:1, á Bruna frá Akranesi.

=== '''Gott gengi''' ===
Gengi karlaliðs ÍBV í knattspyrnu hefur átt góðu gengi að fagna í deildarbikarkeppninni. Það lagði að velli 1. deildarlið ÍR. Ingi Sigurðsson skoraði mark leiksins í fyrri hálfleik eftir fyrirgjöf. Kristinn Jónsson sagði í samtali við Fréttir að ÍBV hefði verið betri aðilinn í leiknum. ''„Þetta var reyndar dálítið köflótt hjá okkur. Fyrri hálfleikur var okkar eign frá upphafi til enda, en í seinni hálfleik gáfum við aðeins eftir án þess þó að missa stjórn á leiknum.“'' ÍBV hafði spilað þrjá leiki í deildarbikarnum og unnið þá alla.

=== '''Fjáraflanir''' ===
Á fundi aðalstjórnar 25. apríl lá fyrir ósk frá knattspyrnuráði karla um að fá að skipta út skilti með Týsmerkinu á handriði Týsheimilisins og setja þar í staðinn merki ÍBV. Á þessu skilti áttu svo auk þess að vera auglýsingar. Stjórnin samþykkti þessa ósk en vildi að kvennaknattspyrnan fengi rétt á setja auglýsingar á handriðið til jafns við karlaknattspyrnuna. Ekki reyndust allir hrifnir af þessari breytingu, að Týsmerkið hyrfi fyrir ÍBV merkinu.

Á sama fundi var rætt um fjáraflanir. Ákveðið var að gossala á Þjóðhátíð verði í höndum kvennaknattspyrnunnar. Knattspyrnuráð karla og kvenna sjái um sjómanndagsball og skipta ágóða á milli sín. Húkkaraballið á Þjóðhátíðinni sjái karla og kvennaráðið um og ágóðinn skiptist þannig að karlaknattspyrnan fái 60% og kvennaknattspyrnan 40%.

=== '''Kostnaður við Þjóðhátíð of mikill''' ===
Þjóðhátíðarnefndin mætti á fund aðalstjórnar. 25. apríl, en Þjóðhátíðarnefndina skipa, Birgir Guðjónsson, Ólafur Týr Guðjónsson, Sigurfinnur Sigurfinnsson, Friðberg Sigurðsson, Tryggvi Már Sæmundsson, Sigurður Þórarinsson og Stefán Agnarsson. Var rætt um síðustu þjóðhátíð og hvernig til tókst. Voru menn sammála um að lækka þurfi kostnað við Þjóðhátíðarhaldið og var rætt hvernig það megi gerast. Þá viðraði Ólafur Týr þá hugmynd að setja girðingu á golfvöllinn yfir þjóðhátíðina til stýra betur aðgangi gesta að henni. Var samþykkt að ræða við golfklúbbinn um það. Einnig var samþykkt að þjóðhátíðarnefndin fengi leyfi aðalstjórnar til að kaupa ódýran pallbíl til nota við undirbúning Þjóðhátíðarinnar.

=== '''Vöruval til liðs við ÍBV''' ===
Stúlknamót ÍBV-íþróttafélags í knattspyrnu verður framvegis Vöruvalsmótið. Skrifað var undir samning þess eðlis í byrjun apríl. Vöruval er aðalstyrktaraðili mótsins og sagðist Ingimar Georgsson, kaupmaður í viðtali við Fréttir, vera mjög ánægður með að vera kominn í samstarf við íþróttahreyfinguna. ''„Mótið hefur verið að vaxa um leið og kvennaknattspyrnan í landinu og er gaman að fá að taka þátt í því,"'' sagði Ingimar.

=== '''Nýtt íþróttahús''' ===
Húsasmiðjan og Húsey Vestmannaeyjum voru með hagstæðasta tilboðið í nýtt íþróttahús, sem rísa á rétt við gamla íþróttahúsið. Er það framleitt af finnsku verksmiðjunni Rannila en reist af Íslendingum. Ólafur Ólafsson, bæjartæknifræðingur sagði í viðtali við Fréttir að samkvæmt sinni bestu vitund séu samningar mjög langt komnir um fjármögnum hússins og ef allt gengur samkvæmt áætlun verður húsið tilbúið næsta vor. Auk þess verða byggðir fjórir búningsklefar ásamt salernum og fundarherbergjum sem tengjast núverandi anddyri íþróttamiðstöðvarinnar.

=== '''4. flokkur datt út''' ===
Fjórði flokkur kvenna ÍBV í handbolta tapaði í undanúrslitum bikarkeppninnar á mánudaginn gegn hinu sterka liði FH, en leikið var í Hafnarfirði. Stelpurnar lentu 5-0 undir og hélst sá munur nánast út leikinn en lokatölur urðu 21-17. Staðan í hálfleik var 2-7 FH í vil. Þrátt fyrir tapið var Hannes Jón, þjálfari stelpnanna, nokkuð sáttur við tímabilið. ''„Við erum með yngra lið en FH þar sem flestar okkar stelpur eru annaðhvort á yngra ári, eða ennþá í fimmta flokki. En þrátt fyrir að vinna enga titla er ég ánægður með hversu stelpurnar hafa bætt sig og þróað sinn leik. Það er ljóst að á næsta ári verður fjórði flokkurinn mjög öflugur hjá ÍBV."''

=== '''Fámennt í 3. flokki''' ===
Þriðji flokkur kvenna ÍBV lék einnig í bikarkeppninni en á föstudaginn léku þær gegn Fram. Flokkurinn hætti við keppni í Íslandsmótinu þar sem ekki var mannskapur til að halda úti liði en þess í stað sá fjórði flokkur um að klára bikarkeppnina fyrir þær. Mikill líkamlegur munur er á stelpum í fjórða flokki og þriðja flokki, hvað þá þegar hluti liðsins kemur úr fimmta flokki, en þrátt fyrir það þá leiddu stelpumar leikinn í hálfleik með einu marki 8- 9. Leikurinn tapaðist reyndar 21-18, sem er ágætis árangur hjá þessu unga liði ÍB V. Mörk ÍBV skoraðu Margrét Lára 7, Anita 3, Halla 2, Þórsteina 2, Ema 2 og Bjarný 2.

=== '''Ágætis árangur 2. flokks''' ===
Annar flokkur kvenna lauk handboltatímabilinu um miðjan apríl.. Liðið vann Víking í tveimur leikjum og héldu síðan á Seltjarnarnesið og kepptu gegn Gróttu/KR. - ÍBV tapaði leiknum 20-19 en hann var spennandi eins og lokatölurnar bera með sér.

Markahæstar í leiknum voru þær Guðbjörg 7, Hind og Anita 4.

Þá léku þær tvo leiki gegn Víkingi hér í Eyjum. Fyrri leikurinn endaði með sigri ÍBV 23-19 en mörk ÍBV skoruðu þær Guðbjörg 8, Anna Rós 5, Anita 5, Erna 3, Þorsteina 2 og Bjarný 1. Seinni leiknum, sem háður var klukkutíma eftir fyrri leikinn, lauk einnig með sigri ÍBV. Lokatölur í þeim leik urðu 25-19 og mörkin skoruðu þær Guðbjörg 8, Anita 8, Anna Rós 3, Halla 2, Bjarný 2, Elva 2.

Í 2. flokki er teflt fram mjög ungu liði, alveg niður í 4. flokk en þær hafa verið að standa sig mjög vel og eiga eftir að búa að þeirri reynslu sem þær fengu í vetur.

=== '''Lokahóf með bravör''' ===
Lokahóf ÍBV í handboltanum fór fram í Týsheimilinu og var að venju hið glæsilegasta. Hæst bar að sjálfsögðu árangur stelpnanna í meistaraflokki sem stóðu uppi sem Íslandsmeistarar. En fleira var að minnast frá nýliðnum vetri og var það gert með tilþrifum, bæði í gamni og alvöru. Helsta afreksfólkið var heiðrað fyrir árangur vetrarins og stjórnarfólk var heiðrað fyrir frábær störf í þágu handboltans í Vestmannaeyjum í gegnum tíðina.

Lokahóf handboltans hafa alla tíð verið með skemmtilegri samkomum sem í boði eru hér í bæ. Skemmtiatriði voru heimatilbúin og þó sum þeirra ættu kannski frekar heima í heimateitum er ekki annað hægt en að hrífast með orkunni og gleðinni sem kemur fram þegar handboltafólk bregður á leik. Herlegheitunum stjórnaði Jóhann Pétursson af sinni alkunnu lagni. Fór hann á kostum í lýsingum sínum í myndasýningu kvöldsins. Af skemmtiatriðunum bar hæst kvikmyndasýningu sem Daði Pálsson og Sigurður Bragason áttu heiðurinn af. Síðan tók við hvert skemmtiatriðið af öðru í bland við ávörp og heiðranir.

Bestu leikmenn í meistaraflokki voru valin Amela Hegic og Erlingur Richardsson. Markahæst voru Amela Hegic og Miro Barisic. Mestu framfarir sýndu Hind Hannesdóttir og Gísli Guðmundsson. Besti varnarmaðurinn var Ingibjörg Jónsdóttir. Bestur í 2. flokki karla var Hannes Jónsson. ''(Birt úr Fréttum)''

=== '''Kristinn Rúnar''' ===
Síðastliðið haust tók nýr þjálfari karlaliðs ÍBV í knattspyrnu við stjórnartaumunum af Bjarna Jóhannssyni. Nýi skipstjórinn í brúnni heitir Kristinn Rúnar Jónsson og hefur starfað í kringum ÍBV liðið síðan 1998. Hver er Kristinn Rúnar Jónsson? Fréttir ræddu við Kristinn rétt fyrir Íslandsmótið: ''„Ég fæddist fyrir um það bil 35 árum í Reykjavík, þar sem ég hef alið manninn stóran hluta ævinnar. Ég lék með Fram nánast alla mína tíð sem leikmaður, þar af um 320 leiki með meistaraflokki og vann þar nokkra titla, Íslands- og bikarmeistaratitla. Einnig lék ég með yngri landsliðum Íslandsog 12 A-landsleiki á sínum tíma. Ég er kvæntur Svövu Margréti Ingvarsdóttur og eigum við þrjár dætur. Ég vann hjá Bæjarleiðum við bókhalds- og fjármálastörf en það hef ég gert undanfarin 10 ár. Ég er þjálfari meistaraflokks karla ÍBV og hef menntað mig nokkuð sem þjálfari, m.a. tekið flest þau stig sem KSÍ býður upp á og einnig setið fjölmarga fyrirlestra um þjálfun og knattspyrnu."''

Aðspurður um formið á liðinu segir það í ágætu standi. ''„Það hefur verið ágætis stígandi í leik okkar fram að þessu og ég vona að við höldum áfram á þeirri braut. Formið verður líklega ekki vandamál í sumar þar sem við höfum hlaupið og lyft meira en áður á kostnað fótboltans. Ástæðan er harður vetur og aðstöðuleysi. Hópurinn er tvískiptur eins og undanfarin ár. Í Reykjavík er erfitt að komast að á völlunum og í húsum. Höfuðborgarliðin láta auðvitað sín lið ganga fyrir og einu tímarnir sem við fáum á gervigrasi eru kannski rétt fyrir miðnætti“.''

Þá sagði Kristinn að ástandið í Eyjum sé lítið skárra. ''„Veðurfarið afar óhagstætt og malarvöllurinn var nánast ónothæfur. Því miður geta Eyjamenn ekki verið í samstarfi við önnur bæjarfélög um hluti eins og knattspyrnuhús. Þau lið sem hafa slík hús hafa ákveðið forskot.“''

Aðspurður um markmið sumarsins sagði Kristinn: ''„Við hljótum náttúrulega alltaf að stefna hátt. Menn sem hafa unnið titla þyrstir auðvitað í meira og þeir vita hvað þarf til að ná árangri. Hins vegar ætla ég ekki að vera að lofa neinu nema því að ég mun gera mitt allra besta til þess að ná árangri með liðið, meiru get ég ekki lofað."'' sagði Kristinn að lokum.

=== '''Lokin hjá 6. flokki''' ===
Handknattleikstímabilinu lauk formlega um mánaðamótin apríl-maí hjá stúlkunum í 6. fl. þegar um 180 stúlkur tóku þátt í Sparisjóðsmóti Vestmannaeyja. Þetta var fimmta og síðasta mótið á tímabilinu 1999- 2000 en hvert mót fyrir sig gaf stig til Íslandsmeistaratitils og því var til mikils að vinna fyrir sum liðin. Leikið var í A-,B- og C- liðum og fyrir mótið var hörð keppni um Íslandsmeistaratitilinn og þá sér í lagi um 1. og 2. sætið í b-liðum þar sem Grótta var með 34 stig fyrir Sparísjóðsmótið, HK 32 og svo rétt á eftir kom Fram með 25 stig. Eyjastúlkur áttu ekki möguleika fyrir þetta mót þar sem þær höfðu aðeins tekið þátt í tveimur mótum áður en komið var að Sparisjóðsmótinu. Þó svo mótin hafi verið fimm í vetur þá eru reglurnar þannig að aðeins fjögur bestu mótin hjá hverju liði telja til Íslandsmeistaratitils og því var hvergi hægt að slaka á.

Eins og fyrr segir var þetta síðasta mótið sem gaf stig til Íslandsmeistaratitils og þegar úrslit lágu fyrir í Sparisjóðsmótinu þá var einnig ljóst hvaða lið stæðu uppi sem Islandsmeistarar í 6. fl. kvenna í a-,b- og c-liðumtímabilið 1999-2000. Aðeins þrjú félög sópuðu til sín öllum verðlaununum á Íslandsmótinu af þeim níu verðlaunasætum sem voru í boði, það voru Grótta, Fram og HK.

=== '''Lok í deildarbikarnum''' ===
Síðasti deildarbikarleikur karlaliðs ÍBV í knattspyrnu var við Fylki á malarvelli þeirra í Árbænum. Þarna mættust Kristinn R. Jónsson þjálfari IBV og Bjarni Jóhannsson þjálfari í fyrsta skipti og hafði Bjarni betur í þeim slag. Skemmst er frá því að segja að ÍBV náði sér engan veginn á strik í leiknum og tapaðist leikurinn 2-0, eftir að staðan í hálfleik hafði verið 1 -0. Sóknarleikur ÍBV þótti bitlaus og hugmyndasnauður í leiknum, en liðið lék án þeirra Inga, sem var í banni og Steingríms sem var veikur. Hlynur Stefánsson sagði að ef líta ætti á björtu hliðar málsins þá væri ágætt að fá spark í rassinn áður en deildin hefst.

Kvennalið ÍBV spilaði einnig sinn síðasta leik í deildarbikarnum þegar liðið mætti Stjörnunni. ÍBV tapaði leiknum 4-0 og komst þar með ekki áfram í keppninni. Heimir Hallgrímsson, þjálfari liðsins, sagði að þótt leikurinn hafi ekki skipt neinu máli um hvaða lið kæmust áfram þá hefði verið ástæðulaust að tapa honum. ''„Við vorum ekki að spila nógu vel á móti þeim og því fór sem fór. Stjarnan stillti upp sínu sterkasta liði á meðan okkur vantaði nokkra leikmenn, en það á ekki að skipta máli."''

=== '''Sibbi þjálfari ársins''' ===
Lokahóf handknattleiksfólks fór fram á Broadway fystu helgina í maí. Og að sjálfsögðu fékk Eyjafólk sinn skerf af tilnefningum til verðlauna, þótt verðlaunin hefðu sjálfsagt átt að vera fleiri. Sigbjörn Óskarsson var valinn þjálfari ársins í 1. Nissandeild kvenna og kom valið fáum á óvart enda hefur hann náð ótrúlega góðum árangri þann stutta tíma sem hann hefur verið sem þjálfari meistaraflokksliða ÍBV.

Ingibjörg Jónsdóttir var valin besti varnarmaður 1. Nissandeildar kvenna. Ingibjörg var einnig tilnefnd sem besti leikmaðurinn og sem sá prúðasti en það sýnir kannski best hversu góður íþróttamaður Ingibjörg er. Þó að hún sé besti varnarmaðurinn þá er hún ekki grófur leikmaður, enda tilnefnd fyrir prúðmennsku.

=== '''Vilja bæta samskipti við stuðningsmenn''' ===
Í upphafi knattspyrnutímabilsins boðaði knattspyrnuráð ÍBV íþróttafélags til kynningarfundar. Vilji knattspyrnuráðs er að auka vægi stuðningsmanna í kringum leiki meistaraflokks karla. Til dæmis sú hugmynd að flagga ÍBV fánum á flaggstöngum um bæinn á leikdegi og gera leikdag að sannkölluðum hátíðisdegi fjölskyldunnar. Einnig að gefa úr leikskrá fyrir hvern leik í sumar sem verður dreift í öll hús kvöldið fyrir leik. Undantekningin á þessu eru fyrstu tveir leikirnir, enda er mjög stutt á milli þeirra og því gefin út aðeins ein leikskrá fyrir þessa tvo leiki. Lukkudýr verður á leikjum ÍBV um sumarið en Lúlli Lundi er sameiginlegt lukkudýr handboltans og fótboltans í Vestmannaeyjum og mun Lúlli mæta tímanlega fyrir leik og rífa upp stemmninguna. Stuðningsmannaklúbbur ÍBV mun áfram starfa en sú nýbreytni verður tekin upp að sjómönnum mun verða gert kleift að taka upptökur af leikjum ÍBV með sér á sjó þar sem þeir eiga ekki heimangengt á leiki liðsins. Blaðamannafundir verða eftir leiki þar sem leikmenn, þjálfarar og jafnvel dómarar koma og svara spurningum en stuðningsmönnum ÍBV verður gert kleift að fylgjast með og spyrja spurninga. Fundunum verður útvarpað á ÍBV útvarpinu FM 104,7 sem Tryggvi Már Sæmundsson sér um, en útvarpið verður starfrækt í kringum leiki ÍBV og m.a. verður útileikjum lýst.

Þá kom fram að Þorsteinn Gunnarsson, framkvæmdastjóri knattspyrnudeildar hefði sagt upp störfum og væri að fara að starfa sem íþróttfréttamaður Stöðvar 2.

=== '''ÍBV spáð þriðja sætinu''' ===
Þjálfarar og fyrirliðar liðanna í Nissandeildinni spáðu KR sigri í deildinni og fengu þeir 280 stig. Skagamenn voru settir í annað sæti með 265 stig og ÍBV í það þriðja með 243 stig og skera þessi þrjú lið sig nokkuð úr. Fram hlaut 174 stig, Grindavík 152 stig, Fylkir 146 stig, Keflavík 129 stig, Leiftur - 115 stig, Breiðablik 92 stig og Stjarnan 51 stig.

=== '''Breytingar á liðinu''' ===
Nokkar breytingar urðu liðinu frá síðasta sumri: Komnir eru Páll Guðmundsson, Momir Mileta og Magnús Sigurðsson. Farnir: Ívar Ingimarsson, Ívar Bjarklind, Kristinn Hafliðason, Zoran Miljkovic, Sindri Grétarsson.

=== '''4 stig í fyrstu tveimur leikjunum''' ===
Karlalið ÍBV spilaði sinn fyrsta leik í Landssímadeildinni 18. maí við Fylki og var leikið í Eyjum. Leikurinn einkenndist af því að ÍBV sótti látlaust en Fylkir lá aftarlega og beitti hættulegum skyndisóknum. Nokkur vorbragur var á leik liðanna, en Hásteinsvöllur kom frekar illa undan vetri og átti það sinn þátt í að gæði leiksins urðu ekki mikil. En úrslitin urðu Eyjamönnum frekar óhagstæð, jafntefli 2-2 gegn nýliðum Fylkis. Fréttir segja í umsögn um leikinn að ljóst sé að ÍBV verði að skerpa leik sinn nokkuð ef liðið ætlar sér í toppbaráttuna í sumar.

Nokkrum dögum síðar kom Stjarnan í heimsókn. Allar aðstæður til knattspyrnu voru afar erfiðar, austan strekkingur, gekk á með skúrum og hrollkalt ásamt því að Hásteinsvöllur á töluvert í land með að verða leikfær. En engu að síður tókst ÍBV að spila boltanum ágætlega megnið af leiknum og tryggja sér svo þrjú dýrmæt stig með 2-0 sigri.

=== '''Meistaraflokkur kvenna''' ===
Þjálfarar meistaraflokks kvenna sumarið 2000 voru þau Heimir Hallgrímsson og Stefanía Guðjónsdóttir. Þrír leikmenn höfðu horfið á brott frá síðasta sumri, þær Hrefna Jóhannesdóttir, Íris Sigurðardóttir og Jóna Sigurlásdóttir. En nýir leikmenn voru: Samantha, Lisa Sandys og Laufey Jóna Sveinsdóttir.

=== '''Tap í fyrsta leik''' ===
Kvennalið ÍBV spilaði sinn fyrsta leik í Landsímadeildinni gegn KR á útivelli. Lauk leiknum með 3 - 1 sigri gestgjafanna. Heppnin var þó ekki með ÍBV í þetta skiptið, liðið fékk á sig frekar ódýr mörk og náði aðeins að skora eitt eftir laglega sókn ÍBV. Heimir Hallgrímsson var þrátt fyrir tapið nokkuð sáttur við leik liðsins: '',.Þetta var frábær leikur fyrir áhorfendur. Það er kannski ljótt að segja það en ég er bara nokkuð ánægður með stelpurnar enda voru allar að spila mjög vel, sérstaklega fannst mér ungu stelpurnar eins og Biddý, Elfa Asdís og Elva Dögg koma sterkar til leiks. En maður er náttúrlega aldrei ánægður með tap, fótboltinn er bara stundum þannig að betra liðið sigrar ekki og það átti svo sannarlega við um þennan leik."''

=== '''Yfirburðirnir nægðu ekki''' ===
Fyrsti útileikur karlaliðsins var gegn Fram þar sem fyrrum ÍBV-arinn Sigurvin Ólafsson leikur þetta sumarið. Fyrir leikinn höfðu Frammarar ekki skorað mark og voru án stiga þannig að búist var við þeim dýróðum. Raunin varð reyndar sú að ÍBV sótti nánast linnulaust allan leikinn, en eins og í fyrstu tveimur leikjunum tekst liðinu illa að skapa sér afgerandi færi og skoraði ÍBV aðeins eitt mark. Þar var að verki Goran Aleksic sem var allt í öllu í leik ÍBV.

Kristinn Rúnar Jónsson, þjálfari IBV þjálfari ÍBV, var að vonum frekar súr í bragði eftir jafnteflið. Í viðtali við Fréttir sagði hann: ''„Maður er náttúrulega aldrei sáttur við nema 3 stig. Við áttum náttúrulega að klára þetta. Fyrri hálfleikur var góður hjá okkur og við áttum hreinlega leikinn. f seinni hálfleik duttum við aðeins niður en mér fannst samt aldrei nein hætta vera á ferðum. Við fengum ágætis færi, sérstaklega í seinni hálfleik og við vorum náttúmlega bara aular að klára þetta ekki. Markið sem við fengum á okkur var algjört slys og ég veit ekki hvort menn hafa haldið að þetta hafi verið búið, enda komið fram á nítugustu mínútu."''

=== '''Valsstúlkur steinlágu''' ===
Ef einhverjir hafa haldið að ÍBVstelpurnar hafi verið sáttar við að tapa fyrir KR með tveimur mörkum á útivelli í fyrstu umferðinni, þá áttu þeir hinir sömu eftir að reka upp stór augu eftir leik ÍBV og Vals sem fór fram á Hlíðarenda 26. maí. ÍBV gerði sér lítið fyrir og sigraði af öryggi með tveggja marka mun 0-2 og skoraði Bryndís Jóhannesdóttir bæði mörkin. ÍBV landaði þar með einum glæsilegasta sigri sínum í seinni tíð, enda enduðu Valsstúlkur í öðru sæti í Íslandsmótinu í fyrra og voru taldar meðal þriggja bestu liðanna þetta sumarið.

=== '''Vantar stöðugleika''' ===
Í 5. umferð Landsímadeildarinnar mætti karlaliðið ÍA uppi á Akranesi. Leikurinn átti að fara fram á mánudegi, en vegna veðurs var honum frestað um einn dag. Leikmenn og forráðamenn ÍBV voru allt annað en ánægðir með vinnubrögð KSÍ, enda var vitað um hádegisbil að ekki væri hægt að leika knattspyrnu uppi á Skaga. En leikurinn fór hins vegar fram á þriðjudagskvöld og endaði með markalausu jafntefli. Í Fréttum sagði að ÍBV hafi sjaldan sótt gull í greipar Skagamanna uppi á Skaga og ekki varð breyting þar á''. „Fyrri hálfleikur var illa leikinn af báðum liðum og ótrúlegt að sjá hversu mikill munur var á leik ÍBV frá því í síðasta leik gegn Keflavík. Liðin skiptust á að sækja, en heldur voru Skagamenn beittari framan af. Á 13. mínútu dæmdi slakur dómari leiksins vítaspyrnu á lið ÍBV og var erfitt að sjá af hverju, en Birkir Kristinsson varði vítaspyrnuna glæsilega og réttlætinu þar með fullnægt. Momir Mileta átti hinsvegar hættulegt skot að marki úr aukaspyrnu rétt fyrir leikhlé en boltinn strauk slána. ÍBV byrjaði með látum í seinni hálfleik og fóru fjölmargir áhorfendur á bandi ÍBV að sjá fyrir'' sér fyrsta mark ÍBV í leiknum. Þrátt fyrir mikla yfrrburði tókst ÍB V ekki að skapa sér almennileg færi, ekki fyrr en þremur mínútum fyrir leikslok að Jóhann Möller, sem var nýkominn inn á sem varamaður fékk boltann á vítateig og var allt í einu einn á móti markmanni. En hann var of lengi að átta sig á tækifærinu og markvörður Skagamanna hirti boltann af tánum á honum. Leikurinn endaði því með 0-0 jafntefli sem verða líklega að teljast nokkuð sanngjörn úrslit. Ingi Sigurðsson sagði eftir leikinn að IBV þyrfti að einbeita sér að því að leika vel tvo leiki í röð. „Þetta var lélegt hjá okkur, sérstaklega í fyrri hálfleik en aðeins skárra í þeim seinni. Mér fannst liðið bara ekki berjast nógu mikið og hálfgert andleysi í þessu en við verðum hinsvegar að læra það að spila vel tvo leiki í röð. En ég er mjög ósáttur við að fara héðan ofan af Skaganum með aðeins eitt stig, mér fannst við eiga að fara með þau öll."

 

== Annáll síðari hluta þessa árs er í vinnslu<big><big> ==
<center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/1999 -

2019-07-21T14:48:18Z

Gisli: /* JANÚAR: */

== '''1999 -''' ==

== '''JANÚAR:''' ==

=== '''Hlynur fær Fréttapýramídann''' ===
Hlynur Stefánsson hlaut Fréttapýramídann fyrir árið 1998. Hlynur var fyrirliði meistaraflokks ÍBV sem náði glæsilegum árangri á knattspyrnuvellinum með því að vinna bæði Íslands- og bikarmeistaratitilinn 1998. „Fyrir meistaraflokki fór Hlynur Stefánsson fyrirliði sem er einn glæsilegasti íþróttamaður sem Vestmannaeyjar hafa alið,“ segir í umfjöllun blaðsins Frétta. Auk þess að leika með ÍBV lék Hlynur með Nydelfalken í Noregi, Víkingi Reykjavík og Örebro í Svíþjóð áður en hann sneri aftur til ÍBV 1996. Hlynur lauk knattspyrnuferlinum svo í herbúðum KFS. Þá lék Hlynur 25 landsleiki með A-landsliði Íslands.

=== '''Jólasteikin misvel í handboltafólkið''' ===
Karlalið ÍBV í handbolta byrjaði árið 1999 með sannfærandi sigri á KA 27:23 eftir að staðan í hálfleik hafði verið 13:12. Að vanda var Sigmar Þröstur Óskarsson markvörður vandanum vaxinn og varði 19 skot.

Kvennaliðinu gekk hins vegar ekki eins vel í sínum fyrsta leik en stelpurnar töpuðu fyrir Val 17:19. Augljóst var að liðið saknaði Ingibjargar Jónsdóttur, fyrirliða sem var erlendis þegar leikurinn fór fram.

=== '''Vallógengið ósigrandi''' ===
Á árum áður hélt knattspyrnudeild ÍBV firmakeppni milli jóla og nýárs og var mótið liður í fjáröflun deildarinnar. Mótið var vinsælt enda lögðu fjölmargir áhorfendur leið sína í íþróttamiðstöðina. Vallógengið svokallaða vann mótið fjórða árið í röð, Ófeigur VE endaði í öðru sæti og Glófaxi VE í því þriðja. „Vallógengið vildi að lokum koma á framfæri kæru þakklæti til Helga Bragasonar, sem spilaði fyrir Ófeig Ve og sérstaklega til Hlyns Stefánssonar, sem spilaði fyrir Glófaxa Ve. Án þeirra hefði þetta ekki verið eins skemmtilegt,“ segir í umfjöllun Frétta.

=== '''Stelpurnar áfram en strákarnir úr leik''' ===
Kvennalið ÍBV komst áfram í undanúrslit bikarkeppninnar með því að leggja KA að velli í Eyjum 20:15. Leikurinn var í járnum og staðan 9:8 en í seinni hálfleik tóku Eyjakonur leikinn í sínar hendur og unnu með fimm mörkum. Markahæstar voru Amela Hegic með sex mörk, Elísa Sigurðardóttir með fimm og Guðbjörg Guðmannsdóttir með fjögur.

Karlaliðið mætti hins vegar Aftureldingu á útivelli og úr varð hörkurimma. Enda fóru þrjú rauð spjöld á loft strax á fyrstu 23 mínútunum en Eyjamenn voru einu marki yfir hálfleik 11:12. En í síðari hálfleik bitu heimamenn í skjaldarrendur í síðari hálfleik og náðu undirtökunum. Mikil spenna var í lokin, heimamenn voru yfir 27:26 en Eyjamaðurinn Daði Pálsson jafnaði metin. Dómarar dæmdu hins vegar markið ólöglegt og því fögnuðu Mosfellingar sigri. Sigmar Þröstur Óskarsson varði 17 skot en Guðfinnur Kristmannsson skoraði sjö mörk og þeir Svavar Vignisson og Valgarð Thoroddsen sex hvor.

=== '''Komust ekki í úrslit''' ===
Fjórði og fimmti flokkur karla lék í Íslandsmótinu í innanhússknattspyrnu. Fjórði flokkur lék í B-riðli en enduðu í þriðja sæti og komust því ekki í úrslit. Fimmti flokkur lék í A-riðli, enduðu í öðru til þriðja sæti en aðeins efsta liðið komst í úrslit.

=== '''Laufey og Þóra B. ekki í ÍBV''' ===
Það var greinilega hugur í forráðamönnum kvennaliðs ÍBV því samningaviðræður við tvær sterkar knattspyrnukonur voru langt komnar í janúar. Um var að ræða miðjumanninn Laufeyju Ólafsdóttur og markvörðinn Þóru B. Helgadóttur en á endanum varð ekkert úr vistaskiptum leikmannanna. Laufey átti reyndar eftir að leika með ÍBV síðar.

=== '''Fjórði flokkur 8-liða úrslit''' ===
Fjórði flokkur karla lagði eitt besta lið í sínum aldursflokki í handbolta að velli í 16-liða úrslitum bikarkeppninnar, og það á útivelli. Strákarnir spiluðu mjög vel, Bjarni Einarsson skoraði átta mörk og Kristinn Jónatansson átti góðan leik í markinu. Í liðinu mátti einnig finna þá Kára Kristján Kristjánsson, Davíð Þór Óskarsson, Sigþór Friðriksson og Sindra Haraldsson, sem allir léku síðan með meistaraflokki félagsins.

=== '''ÍBV liðin ekki í úrslit í innanhússboltanum''' ===
Meistaraflokkar ÍBV léku í Íslandsmótinu í innanhússknattspyrnu. Stelpurnar unnu tvo leiki en töpuðu fyrir Stjörnunni og Breiðabliki. Þjálfari liðsins Heimir Hallgrímsson sagðist nokkuð sáttur með spilamennsku liðsins. Karlarnir léku í 1. deild og voru í riðli með Keflavík, Selfossi og Val. Strákarnir enduðu í þriðja sæti riðilsins og komust ekki í úrslit.

=== '''Eyjapeyjar kljást á enskri grundu''' ===
Eyjapeyjarnir Bjarnólfur Lárusson og Hermann Hreiðarsson mættust í bikarkeppni neðrideilda í Englandi. Bjarnólfur lék með Walsall en Hermann með Brentford og á endanum var það Bjarnólfur sem hafði betur en saman léku þeir með ÍBV nokkrum misserum áður.

=== '''Eyjamenn óstöðvandi á heimavelli''' ===
Karlalið ÍBV lagði Val að velli 22:19 í Nissandeildinni í handbolta. Eyjamenn höfðu fyrir leikinn ekki tapað á heimavelli og voru Valsmenn lítil hindrun.

=== '''Góður sigur í hörkuleik''' ===
Kvennalið ÍBV lagði Gróttu/KR í leik liða sem bæði voru í neðri hluta deildarinnar. ÍBV var sex mörkum yfir í hálfleik 13:7 en aðeins dró saman með liðunum í síðari hálfleik og lokatölur 23:21.

== '''FEBRÚAR:''' ==

=== '''Áfram gott gengi á heimavelli''' ===
Karlalið ÍBV í handboltanum hélt áfram á sigurbraut á heimavelli en Eyjamenn lögðu nágranna sína í Selfossi 28:21. Staðan í hálfleik var 18:10 og sigur Eyjamanna því nokkuð sannfærandi en Sigmar Þröstur varði hvorki meira né minna en 25 skot í leiknum.

=== '''Ekkert bikarævintýri hjá stelpunum''' ===
Kvennalið ÍBV í handbolta mætti Fram í undanúrslitum í Eyjum. Leikurinn var jafn og spennandi en Fram reyndist sterkari á lokakaflanum og hafði betur 17:21. Leikmenn ÍBV fóru oft illa að ráði sínu og klúðruðu t.d. fimm vítaskotum í leiknum.

=== '''Hvers á Haraldur að gjalda?''' ===
Stundum verður mönnum heitt í hamsi á og við leikvelli landsins, líka í Vestmannaeyjum. Í Fréttum er sagt frá því að í leik ÍBV og Selfoss hafi „hinum dagfarsprúða, Haraldi Óskarssyni,“ sem var á sínum vanalega stað í einu horni hússins, verið hent út úr húsi af dómurum leiksins. Haraldur mun hafa verið með vinsamlegar athugasemdir við dómgæsluna, sem féll í grýttan jarðveg. „Gæti þetta atvik haft það í för með sér að Haraldur yrði settur í heimaleikjabann út þetta tímabil,“ segir í fréttinni.

=== '''Sex efnilegar á landsliðsæfingu''' ===
Fjórði flokkur kvenna náði þokkalegum árangri þegar liðið lék í 2. deild en ÍBV vann tvo leiki en tapaði einum. Þá tapaði liðið fyrir Stjörnunni í bikarkeppninni 12:15. Sex leikmenn liðsins tóku þátt í landsliðsæfingu, þær Edda Svavarsdóttir, Hildur Ólafsdóttir, Kristjana Ingibergsdóttir, Aníta Eyþórsdóttir, Elfa Ólafsdóttir og Bjarný Þorvarðardóttir.

=== '''ÍBV býður hagstæða mánaðarsamninga''' ===
ÍBV-íþróttafélag býður forráðamönnum barna upp á hagstæða mánaðarsamninga. Með samningnum gerist viðkomandi félagsmaður í ÍBV-íþróttafélagi og hefur rétt til að stunda æfingar. Mánaðargjald er 1.500 kr. á mánuði eða 18.000 kr á ári. Þeir sem ekki gera samning verða að borga 2.000 kr. á mánuði eða 24.000 kr. á ári.

=== '''Eyjamaðurinn sá um Eyjamenn''' ===
Karlalið ÍBV tapaði sínum fyrsta heimaleik í handboltanum þegar Stjarnan kom í heimsókn. Í liði Stjörnunnar voru einmitt tveir Eyjapeyjar, þeir Arnar Pétursson og Birkir Ívar Guðmundsson en Birkir Ívar reyndist sínum gömlu félögum erfiður ljár í þúfu. Í hálfleik var staðan 10:11 en lokatölur urðu 21:22. Birkir Ívar varði 25 skot í leiknum en hans lærimeistari, Sigmar Þröstur aðeins 11.

Þetta var ekki góð vika fyrir Eyjamenn því þeir töpuðu einnig fyrir FH á útivelli 25:19 en útivallagrýlan var að leika Eyjamenn grátt þennan veturinn.

=== '''10 milljónir''' ===
Í mars 2009 afhentu Krókódílarnir handknattleiksráði ÍBV styrk að upphæð 10 milljónir króna. Styrkurinn sem Krókódílarnir afhentu með formlegum hætti var það

sem safnast hafði með félagsgjöldunum undanfarin fjögur ár.

Krókódílar er óformlegur félagasskapur sem hefur það að markmiði að styðja við handboltann í Vestmannaeyjum. Mánaðarlega greiða þeir félagsgjald og innifalið í félagsgjaldinu er aðgangur að öllum deildarleikjum ÍBV í handboltanum.

En einnig hefur félagsskapurinn að markmiði að hjálpa til með öðrum fjáröflunum.

=== '''Tveir tapleikir og draumurinn úti''' ===
Kvennalið ÍBV tapaði einnig tveimur leikjum í þessari sömu viku, fyrst heima gegn stórliði Stjörnunnar og síðan á útivelli gegn FH. Þar með var útséð með að ÍBV myndi blanda sér í toppbaráttuna í deildinni.

=== '''Íslandsmeistarar innanhúss''' ===
Stelpurnar í fjórða flokki eru sannarlega efnilegar en þær hafa unnið nokkra titla og nú síðast urðu þær Íslandsmeistarar í innanhússknattspyrnu. Stelpurnar unnu alla sína leiki, enduðu á að leggja Val að velli 3:2 í úrslitaleik en meðal markaskorara var Margrét Lára Viðarsdóttir. „Stelpurnar eru sannkallaðir gullmolar og voru bæði sjálfum sér og ÍBV til mikils sóma jafnt innan vallar sem utan,“ sagði Íris Sæmundsdóttir, þjálfari flokksins.

=== '''Miklar breytingar á kvennaliðinu''' ===
Unnið er hörðum höndum að því að styrkja kvennalið ÍBV í knattspyrnu fyrir átökin í sumar en Heimir Hallgrímsson, þjálfari liðsins segir í viðtali í Fréttum að m.a. verði fengnir leikmenn frá Bítlaborginni Liverpool í Englandi. Alls munu sjö leikmenn, sem voru með liðinu í fyrra, ekki leika í ár en Heimir er bjartsýnn á að hægt verði að tefla fram sterku liði í sumar.

=== '''Strákarnir æfðu í USA''' ===
Íslands- og bikarmeistarar ÍBV í karlaknattspyrnunni héldu í æfingaferð til Florída í Bandaríkjunum. Leiknir voru æfingaleikir, m.a. gegn bandarísku atvinnumannaliðinu Miami Fusions þar sem hinn hárfagri Mexíkói Carlos Valderrama leikur en ÍBV hafði betur í leiknum, 2:0. Einnig var leikið gegn Washington Wizards en sá leikur tapaðist 0:2. Margt var brallað í ferðinni, farið á NBA leik, Universal Studios og hluti hópsins fylgdist með geimskoti frá Kennedy Space Center. Sannkölluð ævintýraferð.

== '''MARS:''' ==

=== '''Hlynur íþróttamaður ársins 1998''' ===
Í marsbyrjun var Hlynur Stefánsson útnefndur íþróttamaður Vestmannaeyja ársins 1998 en afhendingin fór fram í Þórsheimilinu. Sigurlás Þorleifsson, fyrrum knattspyrnumaður og -þjálfari var jafnframt heiðraður fyrir vel unnin störf. Báðir eiga þeir Hlynur og Sigurlás glæsta ferla að baki í knattspyrnunni, bæði hérlendis og erlendis en Hlynur var fyrirliði ÍBV sem hampaði Íslands- og bikarmeistaratitli 1998.

=== '''Útivallagrýlan erfið''' ===
Karlalið ÍBV tapaði fyrir Gróttu/KR 27:26 á útivelli en með sigri hefði ÍBV tryggt sér sæti í úrslitakeppninni. Kvennalið ÍBV tapaði einnig á útivelli, gegn Víkingi 19:17 en ÍBV er í þriðja neðsta sæti deildarinnar þegar tveir leikir eru eftir.

=== '''Hemmi auglýsir Eyjarnar''' ===
Knattspyrnukappinn Hermann Hreiðarsson, sem leikur með Brentford tók að sér að prófa legghlífar í enska tímaritinu Match of the Day. Karatemaður var fenginn til að sparka í leggi Eyjamannsins og átti Hemmi að leggja mat á hvaða legghlífar væru bestar. Hermann mætti til leiks í búningi Vallógengisins svokallaða, sem gerði góða hluti í innanhúsmóti sem haldið var ár hvert um árabil í Eyjum. Á búningnum voru merki ýmissa fyrirtækja í Eyjum, sem líklega hafa aldrei fengið aðra eins auglýsingu.

=== '''ÍBV í úrslit''' ===
Handboltalið ÍBV tryggði sér sæti í úrslitum með góðum sigri á deildarmeisturum Aftureldingar í Eyjum. Lokatölur urðu 28:25. Kvennalið ÍBV komst einnig í úrslit eftir tvo góða sigra á lokaspretti deildarinnar. Fyrst lagði ÍBV bikarmeistara Fram að velli 26:21 og svo Hauka 24:20. Liðið leikur svo gegn Fram í úrslitakeppninni.

=== '''Deiliskipulag Herjólfsdals''' ===
Á árinu réðist bæjarstjórn í deiliskipulag fyrir Herjólfsdal. Eðlilega miðaðist vinnan að nokkru leyti við hátíðahöldin í byrjun ágúst ár hvert en í 11. tölublaði Frétta er farið yfir tillögurnar. Þar segir m.a. að byggja eigi varanlegt svið úr timbri og yrði hæð á danspalli um 1,8 metrar og heildarhæð hámark 8 metrar. Þá er lagt til að varanleg brú sé byggð yfir tjörnina.

=== '''Ekki samstarf við Ölgerðina''' ===
Á stjórnarfundi aðalstjórnar 13. mars mætti Einar Friðþjófsson, starfsmaður Shell- og Pepsímótsins. Gerði hann grein fyrir vinnu sinni við undirbúning mótanna. Kom fram hjá honum, að ekki verður um áframhaldandi samstarf að ræða við Ölgerð Egils Skallagrímssonar. – Áður hafði aðalstjórn óskað eftir hærri styrk vegna Pæjumótsins. Í svari Ölgerðarinnr við þessari ósk, segir að ekki sé vilji til að hækka styrkinn, en Ölgerðin muni ekki standa í vegi fyrir samningi ÍBV við önnur fyrirtæki.

=== '''Sviptingar í úrslitakeppninni''' ===
Kvennalið ÍBV mætti Fram í úrslitakeppni Íslandsmótsins í handbolta. Fram var með heimaleikjaréttinn og vann fyrsta leikinn örugglega 30:23 en ÍBV svaraði með sannfærandi sigri 32:22. Liðin þurfa því að mætast í oddaleik.

=== '''Loksins útisigur''' ===
Karlalið ÍBV hefur ekki riðið feitum hesti frá útileikjum liðsins í Íslandsmótinu í handbolta. En leikmenn ÍBV sýndu góðan leik gegn Fram í síðustu umferð deildarkeppninnar og unnu á útivelli 20:21. Um leið tryggði liðið sér heimaleikjarétt í úrslitarimmu gegn Haukum.

=== '''Birkir Kristins til ÍBV''' ===
Landsliðsmarkvörðurinn Birkir Kristinsson skrifaði undir samning um að leika með knattspyrnuliði ÍBV um sumarið.

=== '''Malarvöllurinn ónýtur?''' ===
Knattspyrnumenn ÍBV sendu bæjarráði Vestmannaeyja bréf þar sem þeir benda á slæmt ástand malarvallarins við Löngulág. Endurbætur á vellinum þóttu ekki vel heppnaðar og völlurinn í raun hættulegur. Benda þeir jafnframt á aðstöðumun milli ÍBV og liða á höfuðborgarsvæðinu og hversu dapurlegt það sé að Íslands- og bikarmeistarar skuli búa við slíka æfingaaðstöðu.

=== '''Draumurinn um undanúrslit að engu''' ===
Eyjamenn gerðu sér vonir um að komast í undanúrslit Íslandsmótsins en leikið var gegn Haukum í 8-liða úrslitum og var ÍBV með heimaleikjaréttinn. Eyjamenn höfðu betur í fyrsta leiknum, 30:25 en Haukar svöruðu með stórsigri í Hafnarfirði 33:24. Liðin mættust því í oddaleik í Eyjum. Leikurinn stóð hins vegar ekki undir væntingum, Haukar voru einfaldlega betri, voru 10:15 yfir í hálfleik og unnu að lokum 29:34. Þar með féll ÍBV úr keppni en þetta var jafnframt eina tap ÍBV á heimavelli í Íslandsmótinu.

=== '''Slæm byrjun varð ÍBV að falli''' ===
Eyjakonur mættu Fram á útivelli í oddaleik í úrslitum Íslandsmótsins. ÍBV byrjaði mjög illa og staðan í hálfleik var 12:3. En seinni hálfleikur var mun betri, þótt sigur Fram hefði aldrei verið í hættu.

=== '''Ellefu Eyjapeyjar með öðrum liðum''' ===
ÍBV stóð sig vel í Íslandsmótinu í handbolta og tefldi fram vel samkeppnishæfu liði veturinn 1998-1999 en liðið tapaði ekki leik í deildarkeppninni á heimavelli. Það er ekki síst merkilegt fyrir þá staðreynd að 11 leikmenn annarra liða í Íslandsmótinu, fengu sitt handboltauppeldi í Eyjum. Samkvæmt Fréttum voru þetta þeir Magnús Arnar Arngrímsson, Gunnar Berg Viktorsson og Sebastían Alexandersson sem léku allir með Fram, Arnar Pétursson og Birkir Ívar Guðmundsson léku með Stjörnunni, Hlynur Jóhannesson varði mark HK, Lárus Long lék með FH, Erlingur Richardsson með Val, Björgvin Þór Rúnarsson með Selfossi og þeir Zoltán Bragi Belanyi og Gylfi Bragason með Gróttu/KR.

== '''APRÍL:''' ==

=== '''Þorbergur hættir hjá ÍBV''' ===
Þorbergur Aðalsteinsson, sem þjálfað hefur karlalið ÍBV í handbolta síðustu fjögur ár, mun ekki halda áfram með liðið. „Þorbergur hefur skilað góðu starfi og menn skilja sáttir,“ sagði Magnús Bragason, formaður handknattleiksráðs ÍBV í Fréttum en ekki var búið að ráða nýjan þjálfara.

=== '''Simmi hættir''' ===
Sigmar Þröstur Óskarsson, einn besti markvörður landsins, hefur ákveðið að leggja skóna á hilluna eftir 23 ár í meistaraflokki. Simmi hefur marga fjöruna sopið á þessum tíma en um vorið lauk hann námi við skipstjórnardeild FÍV og því á leið á sjóinn. Simmi hóf ferilinn 15 ára gamall, árið 1976 með Þór og eftir að meistaraflokkarnir voru sameinaðir í ÍBV, stóð Simmi áfram í markinu. Auk þess að spila með þessum tveimur félögum, lék hann með Stjörnunni og KA. „Þetta er búið að vera mjög gaman en það sem mér þykir verst er að hafa ekki náð meistaratitli með ÍBV,“ sagði Simmi í viðtali í Fréttum.

=== '''Gunnar ósáttur og farinn''' ===
Gunnar Sigurðsson, sem varði mark knattspyrnuliðs ÍBV, hefur ákveðið að róa á önnur mið eftir að Birkir Kristinsson gekk í raðir liðsins. Gunnar segir viðskilnaðinn ekki hafa verið í góðu en ber þó engan kala til félagsins, eins og fram kemur í viðtali í 15. tölublaði Frétta. Gunnar var ekki lengi að finna sér nýtt lið en hann samdi við sænska 1. deildarliðið IK Brage.

=== '''Venni líka ósáttur''' ===
Sigurvin Ólafsson, ákvað einnig að róa á önnur mið en í aðsendri grein segir hann að viðskilnaðurinn hafi endað með leiðindum. Sigurvin, eða Venni gekk í raðir Fram en hann hafði glímt við erfið meiðsli tímabilið á undan.

=== '''Guðfinnur og Guðbjörg best''' ===
Lokahóf handboltans fór fram í Kiwanis. Hápunktur kvöldsins var þegar handknattleiksfólk ársins var tilkynnt en heiðurinn kom í hlut þeirra Guðfinns Kristmannssonar og Guðbjargar Guðmannsdóttur. Sigurður Ari Stefánsson og Hind Hannesdóttir fengu Fréttabikarana og þá voru þeir Sigmar Þröstur Óskarsson, Þorbergur Aðalsteinsson og Þorvarður Þorvaldsson allir heiðraðir fyrir vel unnin störf í þágu handboltans.

=== '''ÍBV Norður-Atlantshafsmeistari 1999''' ===
Íslandsmeistarar ÍBV í knattspyrnu og Færeyjameistarar í HB, mættust í meistarakeppni landanna tveggja á gervigrasvellinum í Færeyjum. Um 1500 manns mættu á leikinn, sem var hinn fjörugasti. Leiknum lauk með sigri ÍBV eftir vítaspyrnukeppni en lokatölur eftir venjulegan leiktíma var 2:2.

== '''MAÍ:''' ==

=== '''Fjórði flokkur bikarmeistari''' ===
Strákarnir í fjórða flokki í handboltanum stóðu sig vel. Liðið tapaði naumlega í úrslitum Íslandsmótsins gegn KA en unnu bikarmeistaratitilinn eftir framlengdan leik gegn FH 21:17.

=== '''Simmi í liði ársins''' ===
Sigmar Þröstur Óskarsson, markvörður ÍBV í handbolta var valinn í lið ársins á lokahófi HSÍ. Þá var kvennaliði ÍBV valið prúðasta lið Íslandsmótsins.

=== '''Misstu af úrslitaleiknum''' ===
Karlalið ÍBV tapaði fyrir ÍA í undanúrslitum deildarbikarsins en lokatölur urðu 1:2. Leikurinn fór fram á Helgafellsvelli.

=== '''Gunnari Berg margt til lista lagt''' ===
Handknattleiksmanninum Gunnari Berg Viktorssyni er margt til lista lagt en á dögunum fór hann holu í höggi á golfvellinum í Eyjum, á 17. braut. „Ég hélt nú alveg rónni en það sama er ekki hægt að segja um meðspilarann, Sigurð Bragason, hann trompaðist alveg, faðmaði mig og kyssti, slíkur var fögnuðurinn,“ sagði Gunnar Berg í viðtali í Fréttum.

=== '''Steingrímur með fernu''' ===
Kvennalið ÍBV tapaði fyrsta leik sínum í Íslandsmótinu í fótbolta þegar liðið sótti geysisterkt lið KR heim. Lokatölur urðu 3:1 fyrir KR. Karlalið ÍBV byrjaði á stórsigri á heimavelli gegn Leiftri, 5:0 þar sem Steingrímur Jóhannesson gerði fjögur mörk. Liðið gerði svo markalaust jafntefli gegn Val á útivelli í næsta leik.

=== '''Úr leik í deildarbikarnum''' ===
Íslands- og bikarmeistarar ÍBV urðu að sætta sig við tap gegn ákveðnum Skagamönnum í deildarbikar karla. Ljósi punkturinn við leikinn er að ÍBV var án nokkurra lykilmanna og var skarð þeirra fyllt með ungum og efnilegum leikmönnum. Bjarni Jóhannsson þjálfari notaði líka alla varamennina þannig að unglingamir í hópnum fengu tækifæri til að sýna hvað í þeim býr og fá um leið innistæðu í reynslubankann.

=== '''Heppnir að ná stigi''' ===
Leikur Vals og ÍBV á Hlíðarenda í Landssímadeildinni fór fram við ágætar aðstæður. Byrjunin var ansi fjörleg, ÍBV fékk kjörið tækifæri strax á annarri mínútu leiksins, þegar Ívar Ingimarsson átti skalla inn í vítateig Vals og Hlynur náði að pota í boltann en markmaður Vals varði. Fleiri urðu marktækifærin en mörkin létu ekki sjá sig og mátti ÍBV þakka fyrir að halda heim með annað stigið.

== '''JÚNÍ:''' ==

=== '''Gámakaup og styrkir''' ===
Birgir Guðjónsson, formaður Þjóðhátíðarnefndar mætti á stjórnarfund aðalstjórnar 10. júní. Gerði hann grein fyrir störfum nefndarinnar. Þá sagði hann að þjóðhátíðarnefnd hefði ákveðið að kaupa vörugáma til að byggja nýtt svið. Eldri gámarnir væru orðnir lélegir.

Á sama fundi samþykkti aðalstjórn að veita 100 þúsund króna styrk til utanferða yngri flokka félagsins. Skuli sú upphæð skiptast jafnt milli karla og kvenna. Þá var samþykkt á næsta fundi að kostnaður við ferðir á önnur mót en Íslandsmót verði ekki greiddur af ÍBV íþróttafélagi.

=== '''Sorglegt''' ===
Liðsmenn ÍBV vilja sennilega gleyma leik sínum gegn Blikum í Kópavogi í Landssímadeildinni. Ástæðan einföld, leikurinn var afspyrnuslakur af hálfu Eyjamanna. Leikurinn fór 1 - 0 fyrir heimamenn og var sigurinn síst of stór.

Sorglegt var að horfa upp á jafn gott lið og ÍBV spila jafn ömurlega og í þessum leik. Leikmenn virtust mjög þungir og spiluðu engan veginn sem eitt lið. Voru mjög óöruggir á boltann og þar af leiðandi náðu þeir aldrei að skapa sér góð marktækifæri með hröðum og góðum sóknarleik. Vonandi verður þessi leikur Eyjamönnum lokaaðvörun fyrir framhaldið. Því annars hlýtur spurningin að vera: Hvað er að strákar?

=== '''2. flokkur karla''' ===
Annar flokkur karla hóf Íslandsmótið í a-riðli með því að gera jafntefli gegn KR-ingum á heimavelli á mánudagskvöld. Strákarnir sýndu ágætis tilþrif en þegar á heildina er litið var jafntefli nokkuð sanngjörn úrslit. Mark ÍBV skoraði Gunnar Heiðar Þorvaldsson. Þess má geta að þrír leikmenn fengu að líta rauða spjaldið í leiknum, þar af tveir KR-ingar.

=== '''Stelpurnar öflugar''' ===
Annar flokkur kvenna lék sinn fyrsta leik í Íslandsmótinu nú í vikunni. Eyjastúlkur mættu liði Stjörnunnar í hörkuleik og sigruðu sannfærandi, 3-2. Mörk ÍBV skoruðu; Kelly Shimmen tvö og Bryndís Jóhannesdóttir eitt.

=== '''Grátlegt hjá þriðja flokki''' ===
Þriðji flokkur karla lék gegn Keflvíkingum í Eyjum í júníbyrjun og voru miklar sviptingar í leiknum. Eyjapeyjar rúlluðu gestunum upp í fyrri hálfleik og var staðan í leikhléi, 3-0. Í síðari hálfleik gekk allt á afturfótunum og máttu heimamenn þola tap í leiknum, 3-4. Mörk IBV skoruðu þeir; Bjarni Rúnar tvö og Haraldur eitt.

=== '''Hásteinsvöllur ólöglegur''' ===
Knattspyrnuvöllurinn við Hástein fullnægir ekki þeim skilyrðum sem sett eru um slík mannvirki að kröfum KSÍ. - Talsverðar endurbætur þarf að gera á áhorfendasvæði, aðgengi fyrir leikmenn og aðstöðu fyrir miðasölu. Sótt hefur verið um undanþágu til KSÍ vegna þessa. KSÍ hefur ítrekað krafist endurbóta og segir að einungis sé heimilt að veita undanþágu ef staðfest framkvæmdaáætlun liggi fyrir um endurbætur. ÍBV fær frest fram til 15. júlí til að leggja fram staðfesta framkvæmdaáætlun um endurbætur. Ef sú áætlun liggur þá ekki fyrir má eins búast við að ÍBV verði ekki leyft að leika sína heimaleiki á Hásteinsvelli.

=== '''Fjöldi viðurkenninga á lokahófi''' ===
Lokahóf yngri flokkanna í handbolta var haldið um mánaðarmótin maí/júní. Þau hlutu viðurkenningar að þessu sinni:

'''3. flokkur karla''': Sigurður Ari Stefánsson hlaut FRÉTTABIKAR karla en önnur verðlaun voru ekki veitt í þessum flokki.

'''3. flokkur kvenna''': Hind Hannesdóttir hlaut FRÉTTABIKAR kvenna. Besti leikmaður: Hind Hannesdóttir. Mestu framfarir: Aníta Ársælsdóttir. Efnilegust: Anna Rós Hallgrímsd.

'''4. flokkur kvenna:''' Besta ástundun: Aníta Eyþórsdóttir. Mestu framfarir: Hildur Ólafsdóttir. Efnilegust: Bjarný Þorvarðardóttir.

'''4. flokkur karla:''' Mestu framfarir: Sigþór Friðriksson. Efnilegasti: Kristinn Jónatansson. Besti leikmaður: Einar Hlöðver Sigurðsson.

'''5.flokkur kvenna''': Mestu framfarir: Erna Sævarsdóttir. Besta ástundun: Kristín I Grímsdóttir. Prúðasti leikmaður: Karítas Þórarinsdóttir.

'''5. flokkur karla:''' Mestu framfarir: Jens Kristinn Elíasson. Besta ástundun: Benedikt Ó. Steingrímsson. Prúðasti leikmaður: Hilmar Á. Björnsson.

'''6. flokkur kvenna - eldri:''' Prúðasti leikmaður: Anna M. Kristinsdóttir. Mestu framfarir: Karen Birgisdóttir. Besta ástundun: Hildur B. Bjarkadóttir, Sæunn Magnúsdóttir og Svala Jónsdóttir.

'''6. flokkur kvenna - yngri''': Prúðasti leikmaður: Þórunn Sigurðardóttir. Mestu framfarir: Hekla Hannesdóttir. Besta ástundun: Ester Óskarsdóttir og Helena S. Magnúsdóttir.

'''6. flokkur karla - eldri:''' Prúðasti leikmaður: Gísli Stefánsson. Mestu framfarir: Daði Ólafsson. Besta ástundun: Daði Ólafsson, Eyþór Björgvinsson, Pálmi Harðarson og Grétar Stefánsson.

'''6. flokkur karla - yngri:''' Prúðasti leikmaður: Óttar Steingrímsson. Mestu framfarir: Daði Magnússon og Egill Jóhannsson. Besta ástundun: Sæþór Garðarsson.

=== '''Tap í frábærum leik''' ===
Það var ljóst strax á fyrstu mínútu leiks ÍBV og Stjörnunnar á Hásteinsvelli í meistaradeild kvenna að bæði liðin ætluðu sér ekkert nema sigur og að fyrir höndum var stórskemmtilegur leikur. Fyrri hálfleikur stóð fyllilega undir þeim væntingum en enginn átti von á eins stórkostlegum seinni hálfleik og raun varð á. I fyrri hálfleik var staðan 1- 0 heimakonum í vil en í seinni hálfleik urðu mörkin 8 og höfðu gestirnir betur en lokatölur urðu 4-5 . Er seinni hálfleikur einn sá skemmtilegasti sem sést hefur í kvennaknattspyrnu í Vestmannaeyjum og ekki hafa karlarnir gert betur það sem af er tímabilinu.

=== '''ESSO og IBV undirrita nýjan samstarfssaming til 2ja ára''' ===
Olíufélagið hf. ESSO og knattspyrnudeild ÍBV undirrituðu nýjan samstarfssamning sinn til tveggja ára. ESSO er stærsti styrktaraðili knattspyrnudeildar ÍBV eins og undanfarin 11 ár. Samningurinn var undirritaður við nýja bensínstöð ESSO í Ártúnshöfða í Reykjavík með pompi og pragt. Samstarf Olíufélagsins hf. ESSO og knattspyrnudeildar ÍBV hefur nú staðið yfir í 11 ár. í upphafi samstarfsins var ÍBV að berjast í bökkum í næstefstu deild en þrátt fyrir misjafnt gengi liðsins í gegnum tíðina hefur ESSO ávallt haldið tryggð við ÍBV enda Eyjamenn einstaklega atorkusamir við að koma sér í kastljós fjölmiðla. Á síðustu tveimur árum hefur samvinnan svo skilað sér í íslandsmeistaratitlum og bikarmeistaratitli ÍBV. Samvinna ESSO og IBV í gegnum tíðina hefur verið einstök. Eins og góðu hjónabandi sæmir styrkjast stoðirnar og samheldnin eftir því sem árunum fjölgar. Áfram skal haldið á sömu braut. Enn á ný hafa ESSO og ÍBV ákveðið að halda áfram farsælu samstarfi sínu. Olíufélagið hf. ESSO verður áfram stærsti styrktaraðili ÍBV og bera allir karlaflokkar, frá meistaraflokki og niður í 7. flokk, merki Olíufélagsins hf. ESSO á brjósti IBV búninga deildarinnar auk þess að vera áberandi á einn og annan hátt í starfi deildarinnar.

=== '''Ánægja með Pæjumótið''' ===
Forsvarsmenn KA-Pæjumótsins eru mjög ánægðir með hvernig mótið gekk fyrir sig. Þrátt fyrir þriggja daga rigningu og stífan vind tókst að ljúka mótinu á tilsettum tíma. Björn Elíasson, sem var í stjórn mótsins, segir mótið hafa gengið mjög vel fyrir sig, miðað við hvernig veðrið var. „Vegna bleytu á laugardeginum gripum við til varaáætlunar, færðum leikina aftar á daginn, styttum leiktímann og tókst að Ijúka Ieikjum dagsins um hálfníuleytið um kvöldið. Þetta tókst því eins vel og hægt var að búast við og á allt okkar starfsfólk mikið hrós skilið, ekki síður en þátttakendurnir sem sýndu bæði skilning og þolinmæði. Sérstaklega ber að þakka húsvörðum skólanna og svo fólki úti í bæ sem tók að sér að þurrka fatnað af liðunum. Auðvitað koma alltaf upp einhver mál þar sem ekki eru allir ánægðir en í móti með 850 þátttakendum væri nú bara óeðlilegt ef ekki kæmi slíkt upp á. Mér fannst aftur á móti ótrúlegt hve lítið fór úrskeiðis, miðað við hvernig veðrið var. Og núna erum við að fá inn á póstinn okkar á netinu hrós og þakkir, bæði frá þátttakendum og fararstjórum. Við getum því ekki verið annað en ánægð með hvernig til tókst," sagði Björn Elíasson.

Í Pæjumótinu lenti 3. flokkur A: ÍBV í 3. sæti og þar varð Elva Dögg Grímsdóttir í öðru sæti yfir markahæstu menn með 7 mörk.

3. flokkur B: ÍBV lenti þar í 4.sæti og Ásta Hrönn Guðmannsdóttir varð markahæst með 7 mörk.

4. flokkur A: ÍBV-liðið lék hreint út sagt frábærlega og sigraði mjög sannfærandi lið KR í úrslitaleik, 4-0. Margrét Lára Viðarsdóttir varð langmarkahæst með 22 mörk og Thelma Sigurðardóttir varð í öðru sæti með 15 mörk.

5. flokkur A: ÍBV sigraði Val í úrslitaleik, 4-3, eftir vítaspyrnukeppni.

5.flokkur B: ÍBV lenti í 5. sæti

6. flokkur A: ÍBV sigraði þar með glæsibrag

6. flokkur B: Þar voru Eyjastúlkur með tvö lið, ÍBV og ÍBV-2. ÍBV-2 sigraði og ÍBV varð í 3. sæti. Elísabet Þorvaldsdóttir varð markahæst með 12 mörk og þær Berglind Þorvaldsdóttir og Bylgja Haraldsdóttir voru jafnar í þriðja sætinu með 8 mörk skoruð.

=== '''Sigur í grófum leik''' ===
Eyjamenn mættu grimmir til leiks gegn Fram á Hásteinsvelli í Landssímadeildinni. Þessi grimmd entist þó aðeins fyrri hálfleikinn en sá tími hefði átt að nægja Eyjamönnum til að gera út um leikinn. En færin nýttust illa og var staðan í leikhléi 1 - 0 Eyjamönnum í vil. Seinni hálfleikur var jafnari en um leið var hann einn grófasti leikur ÍBV í langan tíma og var uppskeran 4 gul spjöld og eitt mark sem á einhvern óskiljanlegan hátt var dæmt af.

Bjarni Jóhannsson, þjálfari, gerði umtalsverðar breytingar á liði sínu fyrir leikinn gegn Fram. Hlynur Stefánsson fór úr vörn á miðjuna og Guðni Rúnar tók sæti hans í vörninni. Bjarni Geir Viðarsson kom nýr inn í byrjunarlið í stöðu hægri bakvarðar og Ívar Bjarklind var færður fram í stöðu framliggjandi miðjumanns.

=== '''Heppnin ekki með Eyjastúlkum''' ===
ÍBV-stelpurnar urðu að sætta sig við tap þegar þær mættu Val. Lokatölur urðu 2- 1 en í hálfleik var staðan 1 - 1 . Fljótlega í upphafi fyrri hálfleiks fékk ÍBV á sig hálf klaufalegt mark og tók það liðið nokkum tíma að ná vindi í seglin á ný. Það tókst þó og með mikilli baráttu tókst Eyjastúlkum að jafna með marki Karenar Burke. Strax á fyrstu mínútum seinni hálfleiks tókst Valsstúlkum að skora mark sem tryggði þeim þrjú stig úr leiknum. Þrátt fyrir mótlætið gáfust ÍB V-stelpumar ekki upp. Þær náðu að skapa sér nokkur góð færi en því miður höfðu þær ekki heppnina með sér að þessu sinni.

=== '''Í kröppum dansi''' ===
Bikarmeistarar ÍB V komust í hann krappan þegar þeir mættu 3. deildarliði Leiknis á útivelli í fyrrakvöld í 32 liða úrslitum bikarkeppninnar. Jafnt var undir lok leiksins, 2 - 2, en á lokamínútunum tókst Eyjamönnum að skora tvö mörk og gera þannig út um leikinn.

=== '''Gullkorn''' ===
Gullkorn frá Jóa Pé. Þeir félagar í handknattleiksráði voru að ræða um verðandi andstæðinga Íslands í Evrópukeppninni í handknattleik og Jóhann Pétursson hræddist aðeins eitt lið og sagði: „Ég vona aðeins að Íslendingar dragist ekki á móti Kúbu í Evrópukeppninni!!"

=== '''Alltaf stórleikur þegar spilað er við KR''' ===
Sannkallaður stórslagur í Landssímadeildinni og þarf ekki að taka fram hvað leikurinn var mikilvægur fyrir bæði lið. Með sigri KR hefðu þeir stungið af í deildinni og skilið IBV eftir. Eyjamenn voru ekki á þeim buxunum að láta KR-ingum þetta eftir og höfðu sigur, 2 - 1, en staðan var jöfn í hálfleik, 1-1. Eyjamenn komu virkilega vel stemmdir til leiks og var ekki liðin nema um mínúta af leiknum þegar þeir fengu sitt fyrsta tækifæri. Vantaði Inga Sigurðsson ekki nema eina tommu upp á að pota boltanum í netið. Boltinn kom þvert fyrir mark KR-inga rétt utan marklínu en því miður náði Ingi ekki til boltans sem kominn var framhjá Kristjáni markmanni.

KR-liðið er mjög léttleikandi enda eru þeir með marga snjalla leikmenn innanborðs. Það var því strax ljóst að framundan var spennandi leikur. Eftir hrapalleg mistök í vörn Eyjamanna náðu strákarnir hans Atla að sýna klærnar og skora mark. Þá voru aðeins sex mínútur liðnar af leiknum. Markið sló heimamenn út af laginu en þeir náðu þó að berja frá sér og fengu fljótlega tvö mjög góð færi.

Jöfnunarmark ÍBV kom eftir hornspyrnu frá Baldri Bragasyni sem loksins er á ná sér á strik í nýju liði. Hlynur fyrirliði náði boltanum og stýrði honum í netið og jöfnunarmarkið var staðreynd. Staðan varl-1 í leikhléi.

ÍBV var ekki á sama máli og þegar níu mínútur voru eftir af leiknum, skoraði Ívar Ingimarsson, sigurmark ÍBV með glæsilegum skalla eftir hornspyrnu frá Baldri Bragasyni. Sigurinn á KR kostaði sitt, Ingi fékk rautt í lokin fyrir klaufalegt og óþarft brot og Hlynur fór meiddur af velli og verður frá í einhvern tíma.

=== '''Ójafn leikur''' ===
í Landssímadeild kvenna áttust við Fjölnir og ÍBV um miðjan júní. Leikurinn var mjög ójafn frá upphafi til enda og hefði sigur ÍBV getað orðið miklu stærri. Kelly Schimmen skoraði tvö mörk fyrir ÍBV strax í upphafi leiks og var staðan, 0 - 2, í hálfleik. ÍBV-stelpur sóttu án afláts í síðari hálfleik, en náðu aðeins að bæta einu marki við og var þar að verki Fanný Yngvadóttir.

=== '''Mikilvægur sigur''' ===
Þriðji flokkur karla lék hér heima gegn Val seinnipart júní. Var leikurinn bráðskemmtilegur á að horfa. Lið Vals er talið eitt það sterkasta á landinu í dag, en Eyjapeyjar sýndu góða takta í leiknum og sigruðu að lokum, 4-3. Bjarni Einarsson átti stórleik í liði ÍBV og skoraði öll fjögur mörk ÍBV í leiknum.

=== '''Skellur hjá fjórða flokki''' ===
Fjórði flokkur karla fékk Breiðablik í heimsókn og fengu strákarnir stóran skell. A-liðið mátti sætta sig við sjö marka tap, 4-11 og b-liðið tapaði, 2-4.

=== '''Upprúllun''' ===
Fjórði flokkur kvenna lék tvo leiki í síðustu helgina í júní. A-liðið lék gegn Fram og sigraði, 21-2 og síðan léku stelpumar gegn Grindavík og vann a-liðið, 9-2 og b-liðið vann, 6-1.

=== '''Sigur gegn Víkingi''' ===
Í lok júní fékk meistaraflokkur ÍBV karla nýliða Víkings í Landssímadeildinni í heimsók á Hásteinsvöll. ráðnir að breyta því í þessum leik. ÍBV byrjaði betur, þeir héldu boltanum nokkuð vel og voru grimmari í návígum. Það var svo þvert gegn gangi leiksins að heimamenn skoruðu og var það fyrir klaufagang í vörn ÍB V. Ekki í fyrsta skipti og var þetta á 13. mínútu. Markið kom eins og köld vatnsgusa í andlit Eyjamanna, en þeir náðu þó að koma sér fljótlega inn í leikinn aftur með marki Guðna Rúnars Helgasonar, sem skoraði með innanfótarskoti eftir misskilning milli markmanns og varnarmanns Víkings.

Seint í síðari hálfleik bætti Guðni Rúnar svo við öðru marki og sigur ÍBV 2-1 í höfn.

=== '''Stórsigur í bikarkeppninni og fjör á eftir''' ===
Eyjastúlkur mættu Fjölni í Coca Cola bikar kvenna um í lok mánaðar. ÍBV-liðið fór á kostum og sigraði stórt, 0 - 7. Kelly Schimmen gerði þrennu í leiknum, Karen Burke, Lára D. Konráðsdóttir og Lisa gerðu eitt mark hver og eitt mark var sjálfsmark. Staðan í leikhléi var, 0-3. Heimir Hallgrímsson, þjálfari IB V, var ánægður með sínar stelpur í leiknum. „Þetta var góður leikur af okkar hálfu og stelpumar gerðu bara það sem þær áttu að gera. Yfirburðir okkar voru miklir og Fjölnisstúlkur áttu aldrei neinn möguleika," sagði Heimir. Líf og fjör hjá stelpunum Eftir leikinn urðu stelpurnar eftir í höfuðborginni og var margt á döfinni. Á föstudagskvöldinu fóm þær út að borða saman á Pasta Basta og í framhaldi af því var kíkt á skemmtistaði borgarinnar. A laugardeginum var farið í LaserTag og keilu og síðan sigldu stelpurnar niður Hvítá. Á sunnudeginum var brunað til Grindavíkur og farið á hestaleigu og svo endað í Bláa lóninu. Já, þær kunna sko að skemmta sér þessar stelpur!

== '''JÚLÍ:''' ==

=== Jafntefli gegn Breiðabliki ===
Eyjastúlkur fengu frískt lið Breiðabliks í heimsókn í Landssímadeildinni í byrjun júlí. Leikurinn var skemmtilegur á að horfa enda mjög léttleikandi lið þarna á ferðinni. Leikurinn endaði í jafntefli, 1-1.

=== '''Að éta það sem úti frýs!''' ===
Um miðjan júlí birtist lesendabréf í Eyjafréttum frá einum stuðningsmanni ÍBV:

„Ég rak upp stór augu þegar ég fletti á forsíðu íþróttablaðsins í Morgunblaðinu laugardaginn 17. júlí 1999, það gat ekki verið að ég væri vöknuð. „Geta bara étið það sem úti frýs" var fyrirsögnin á viðtali sem Björn Ingi Hrafnsson tók við Bjarna Jóhannsson þjálfara ÍBV, þar er Bjarni að tala til þeirra sem gagnrýna leikskipulag liðsins^ Ég varð hálf ill að sjá hvemig þjálfari liðsins míns talaði til okkar stuðningsmanna sinna. Ég hreinlega veit ekki hvað þessir menn halda að þeir séu orðnir. Ef ég, sem stuðningsmaður, má ekki orðið gagnrýna leik eða leikskipulag minna manna og hafa mína skoðun, þá held ég að það sé best fyrir alla unnendur þessa leiks að finna sér annað áhugamál, þetta er jú hluti af „programmet". ÍBV er það lið sem hefur nú síðustu ár getað státað sig af frábærum stuðningsmönnum, sem hafa getað gert nánast hvaða knattspyrnuvöll sem er að sínum heimavelli. Einhvern tíma hefði verið talið að sá árangur sem ÍBV hefur náð væri ekki hægt að ná nema með hjálp stuðningsmanna, en nú er greinilega komið annað hljóð í strokkinn. Þessir menn sem stjórna liðinu verða að gera sér

að hafa fyrir því að halda stuðningsmönnunum en ég er ekki viss um að þeir líði svona framkomu. Ég hef alltaf haft stórt ÍBV hjarta en nú eru tilfinningarnar í garð liðsins orðnar blendnar. Þetta hefur alltaf verið gaman en nú er gamanið búið. Er ekki nokkur maður að þessu lengur af því að hann hefur gaman að þessu, er þetta allt gert einungis fyrir aurana. Mér finnst mjög mikilvægt að stjórnarmenn og þjálfari ÍBV liðsins fari núna að hugsa sinn gang áður en þeir mála sig algjörlega út í horn. Ef þjálfarinn getur ekki tekið gagnrýni þá held ég að hann sé ekki á réttri hillu í lífinu, hann ætti að leita sér að nýrri vinnu.

Með íþróttakveðju, Þórunn Ragnarsdóttír Sörlaskjóli 5 107 Reykjavík“

=== '''Góður sigur hjá 2. flokki''' ===
Annar flokkur karla lék gegn ÍA á heimavelli. Eyjapeyjar voru sprækir í þessum leik og sigruðu gestina með tveimur mörkum gegn einu. Mörk ÍBV skoruðu þeir Gunnar Heiðar Þorvaldsson og Elías Ingi Björgvinsson.

=== '''5. flokkur''' ===
Fimmti flokkur karla fékk lið Grindavíkur í heimsókn. Úrslit urðu sem hér segir: A-lið: ÍBV-Grindavík 2-1. Mörk ÍBV Einar Kr. og Viðar. alt A-lið: ÍBV-Grindavík 3-4 Mörk ÍBV Egill 2, Hjálmar l. C-lið: ÍBV-Grindavík 1-2. Mark ÍBV skoraði Daði.

== Annáll síðari hluta þessa árs er í vinnslu ==
 
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/1998 -

2019-07-21T14:45:42Z

Gisli: /* 1998 - Íslands- og bikarmeistaratitlar */

== '''1998 - Íslands- og bikarmeistaratitlar''' ==

=== '''Þrettándinn með bravör''' ===
Þrettándinn var haldin með miklum bravör sem áður og mikill fjöldi fólks fylgdi jólasveinum og þeirra fylgifiskum um götur bæjarins og uppá malarvöllinn í Löngulág. Safnast var saman við Molda þar sem tilkomumikil flugeldasýning lýsti upp kletta og himinn og gladdi þann mikla fjölda fólks sem ætlaði að eiga þar stefnumót við tröll, jólasveina, álfa, púka og annað hyski heldur ófrýnilegt.

=== '''Íslandsmeistaratitill og bikarmeistaratitill segir Völvan''' ===
Völva Frétta, Matthildur Sveinsdóttir spáði fyrir íþróttum á nýbyrjuðu ári:

'''Handboltinn:''' „Handboltaliðinu gengur ágætlega en á í einhverju fjársvelti. Liðið fær ekki nægilegan stuðning og missir mjög trúlega einn leikmann. Liðið á eftir að koma á óvart tvisvar á árinu." '''Knattspyrnan''' „Það verða tveir menn mjög áberandi og liðið byrjar ekki vel. Það verður rótleysi í liðinu sem berja verður niður strax ef árangur á að nást. Þetta er ekki síst spurning um andlega uppbyggingu. Það verður að sameina strákana betur. Þegar þeir hafa unnið bug á rótleysinu á liðið góða möguleika á Íslandsmeistaratitlinum og bikarnum. Mér sýnist þeir muni halda Íslandsmeistaratitlinum og vinna bikarinn af Keflavík. Spilið þeirra fræga frá því í fyrra kemur að minnsta kosti upp og í betra samhengi."

=== '''Jói fékk Fréttapíramídann''' ===
Fréttapíramídinn er viðurkenning, sem blaðið Fréttir veitir árlega þeim félögum eða einstaklingum sem þykja hafa lagt mikið að mörkum til samfélagsins á hinum ýmsu sviðum. Að þessu sinni hlaut Jóhannes Ólafsson, formaður knattspyrnuráðs ÍBV, Fréttapíramída fyrir framlag sitt til íþróttamála.

=== '''Leiktíminn ekki sniðugur''' ===
Meistaraflokkur kvenna mætti Val á útivelli í fyrsta leik ársins. Svo virtist sem jólin sæti í ÍBV stelpunum. Úrslitin urðu 26 - 21 Valsstúlkum í hag og er ÍBV í áttunda sæti 1. deildar með 11 stig eftir 12 umferðir. „Það er mest lítið um leikinn að segja," sagði Jón Bragi Arnarsson þjálfari eftir leikinn í viðtali við Fréttir. „Þetta er ekki sniðugur leiktími, 3. janúar svona rétt eftir jólin. Tvær stúlknanna voru að koma beint að utan. Það er þó engin afsökun. Stelpumar náðu að skapa sér færi en nýttu þau ekki og það dugar ekki gegn markmanni sem ver 20 skot," sagði Jón Bragi ennfremur. Um leikinn er það að segja að Valsstúlkurnar voru seinar í gang. Brenndu m.a. af þremur vítum og komst ÍBV í 1 - 4. Eftir það fóru gestgjafarnir í gang og náðu að jafna 5 - 5. Náðu síðan forystunni sem þær héldu til loka. Undir lok seinni hálfleiks tókst Eyjastúlkunum að klóra aðeins í bakkann, komust í 20 - 17 en þrjú mörk Valsstúlkna í röð gerðu vonir um sigur að engu. Mörk ÍBV: Sandra Anuliet 6, Andrea Atladóttir 6/1, Ingibjörg Jónsdóttir 4/2, Sara Ólafsdóttir 2, Unnur Sigmarsdóttir 1, Guðbjörg Guðmannsdóttir 1 og María Rós Friðriksdóttir 1. Eglé Pletiené varði 10 skot þar af eitt vítakast.

=== '''„Okkar tími er eftir áramót“''' ===
Fyrsti leikur karlaliðsins var hinsvegar gegn stjörnuprýddu liði Aftureldingar í 8 liða úrslitum bikarkeppninnar og var leikið að Varmá í Mosfellsbæ. Í Fréttum segir að fyrirfram hafi menn ekki verið alltof bjartsýnir á þennan leik en eftir að Guðfinnur Kristmannsson hafi gefið tóninn fyrir ÍBV í byrjun leiks hafi aldrei verið vafi á því hverjir færu með sigur af hólmi. „Eyjapeyjar komu greinilega vel stemmdir til leiks og tóku leikinn strax í sínar hendur. Þetta kom kjúklingunum úr Mosfellsbæ í opna skjöldu og var greinilegt vanmat í herbúðum þeirra. Leikurinn var prúðmannlega leikinn og var það því sem köld vatnsgusa í andlit Eyjamanna þegar Svavar Vignisson, sem spilað hafði mjög vel í byrjun leiks, fékk rauða spjaldið fyrir mjög svo smávægilegt brot í byrjun leiks. En strákarnir létu þetta ekki á sig fá og léku af mikilli skynsemi allan leikinn og létu leikmenn Aftureldingar aldrei í friði. Afturelding náði aðeins einu sinni að jafna í 15-15 en í kjölfarið fylgdu 4 mörk IBV og héldu þeir forystunni út leikinn.“ Lokatölur urðu 24-29. Þorbergur Aðalsteinsson, þjálfari ÍBV, var að vonum kampakátur í leikslok og stoltur af frammistöðu strákanna. „Okkar tími er alltaf eftir áramót. Þetta er bara svona og verður ekki breytt," sagði Þorbergur eftir leikinn. Mörk ÍBV: Zoltán Belánýi 8/2, Hjörtur Hinriksson 7, Guðfinnur Kristmannsson 3, Robertas Pauzuolis 3, Sigurður Bragason 3, Svavar Vignisson 2, Erlingur Richardsson 1. Sigmar Þröstur varði 9/2 skot.

=== '''Dapurt gengi í meistaraflokkanna í innanhússknattspyrnu''' ===
Íslandsmótið í innanhússknattspyrnu meistaraflokkanna fór fram í byrjun janúarmánaðar, bæði í karla og kvennaflokki. Í karlaflokki var ÍBV í riðli með ÍBK, ÍA og Leikni. Okkar mönnum gekk ekki vel, þeir byrjuðu á því að tapa fyrir ÍBK 1-4 og ÍA 3-6 en náðu að halda sæti sínu í deildinni með því að sigra Leikni 6-5.

Kvennaliðið náði sér heldur ekki á strik. Úrslit leikja urðu: ÍBV-Reynir 3-0. ÍBV-Breiðablik 0-3. ÍBV-Valur 1-5. ÍBV - ÍBA 3-1. Stelpurnar lentu í 3. sæti í sínum riðli og komust ekki í úrslit.

=== '''..........en stelpurnar í 2. flokki stóðu sig frábærlega''' ===
Sömu helgina og meistaraflokkarnir kepptu í innanhússknattspyrnu var einnig Íslandsmót í innanhússknattspyrnu yngri flokka og var keppt á Reykjavíkursvæðinu. 2. flokkur kvenna stóð sig frábærlega, vann sinn riðil og mun spila í úrslitakeppni sem fara á fram í febrúar. Einstök úrslit urðu þessi: ÍBV - Fylkir 4 – 2. ÍBV-ÍR 10-0 ÍBV- Afturelding 3 – 2. ÍBV - Haukar 3 – 3. Þjálfari stelpnanna er Heimir Hallgrímsson.

=== '''Unglingaráð stofnað''' ===
Í janúarbyrjun var gengið frá stofnun unglingaráðs ÍBV í fótboltanum. Ráðið á að sjá um þriðja flokk og þar fyrir neðan. Ráðið skipaði Jón Óskar Þórhallsson, Friðrik Friðriksson (markmaður), Hlynur Sigmarsson, Sigurbergur Ármannsson og Ólafur Snorrason.

=== '''Baráttusigur''' ===
Meistaraflokkur kvenna í handbolta mætti Haukum í Hafnarfirði í 8 liða úrslitum bikarkeppninnar. Og nú sátu jólin greinilega ekki í þeim. Þær sigruðu með glæsibrag eftir framlengdan leik, 22-23. Úrslitin voru nokkuð óvænt, sérstaklega í ljósi þess að bikarmeistarar Hauka voru með vænlega stöðu í hálfleik, 13 - 8. Það virtist fátt ætla að koma í veg fyrir öruggan Haukasigur en með mikilli baráttu og sterkri vörn náði ÍBV að snúa leiknum sér í hag og var mikil spenna allt til enda. Aðeins 1 - 2 mörk skildu liðin að á lokasprettinum en Eyjastúlkur ætluðu sér greinilega ekkert annað en sigur og uppskáru samkvæmt því.

Með sigrinum komst ÍBV í undanúrslit bikarkeppninnar. Jón Bragi Arnarsson, þjálfari ÍBV var í sjöunda himni eftir leikinn. „Það verður að segjast alveg eins og er að útlitið var nú heldur svart í hálfleik en við neituðum að gefast upp og með skipulögðum varnarleik ásamt frábærri liðsheild þá tókst okkur að knýja fram sigur í lokin. Til marks um varnarleikinn þá fékk ÍBV aðeins á sig 4 mörk á 28 mínútum í seinni hálfleik. Stelpumar eru staðráðnar í að fara alla leið“, sagði Jón Bragi við viðtali við Fréttir. Mörk ÍBV: Andrea Atladóttir 8, Ingibjörg Jónsdóttir 6, Sara M Ólafsdóttir 2, Guðbjörg Guðmannsdóttir 2, Sandra Anulyte 2, Stefanía Guðjónsdóttir I, María Rós Friðriksdóttir 1.

=== '''Bikardraumar fyrir bí''' ===
Það var rafmagnað andrúmsloft í Höllinni, þegar karlalið ÍBV mætti Val í undanúrslitum bikarkeppninnar í handbolta, hér í Eyjum 22. janúar. Stemmningin var frábær, með hljómsveitina Stallahú í broddi fylkingar. Eftirlitsdómari leiksins hafði einhverjar athugasemdir við spilamennsku hljómsveitarinnar og stoppaði leikinn tvisvar í byrjun leiks. Það virkaði sem vítamínsprauta á stuðningsmenn ÍBV sem studdu lið sitt dyggilega. Það dugði ekki til, því Valur vann 22 - 23.

Án Andreu Atladóttur áttu ÍBVstelpurnar aldrei möguleika á móti Stjörnunni í undanúrslitum bikarkeppni HSÍ. Leikurinn fór fram í Garðabæ og lauk með 25 mörkum Stjörnunnar gegn 17 mörkum ÍBV. Í hálfleik var staðan 12 - 8 Garðbæingum í vil.

=== '''Stórsigur gegn Víkingi''' ===
Eftir tapið gegn Val í bikarkeppninni sýndu ÍBV strákarnir sínar bestu hliðar þegar þeir mættu Víkingum í Nissandeildinni. Leikurinn náði aldrei að yerða spennandi þar sem yfirburðir ÍBV voru miklir í leiknum. Fyrirfram var búist við jöfnum baráttuleik þar sem Víkingar eru næstneðstir með þrjú stig og eru að berjast fyrir tilveru sinni í deildinni. En það fór á annan veg, ÍBV vann leikinn 31-22.

=== '''2. flokkur steinlá gegn Val''' ===
2. flokkur karla í handboltanum fékk Val í heimsókn í endaðan janúar. Liðið átti mjög á brattann að sækja allan leikinn og tapaði með 8 marka mun, 14 - 22. Eyjastrákar máttu sín lítils gegn sterkri vörn og góðum markmanni Vals og náðu ekki að skora fyrsta mark sitt fyrr en rúmlega 13 mínútur voru liðnar af leiknum. En í vörninni stóðu þeir sig vel ásamt góðri markvörslu Reynis og var staðan, 7-9 í hálfleik. Í seinni hálfleik tóku Valsmenn leikinn í sínar hendur og juku forskot sitt jafnt og þétt. Sóknarleikur ÍBV var ekki nógu góður, boltinn gekk illa manna á milli og voru strákarnir að reyna að gera allt upp á eigin spýtur. Þó sáust einstaka góð tilþrif gegn góðu liði Valsmanna, sem hafa á að skipa einu besta liði landsins í þessum aldursflokki. En lokatölur, 14-22. Reynir Pálsson, markmaður stóð sig einna best Eyjastráka.

Ljóst er að í 2. flokki ÍBV er margir efnilegir leikmenn, sem eiga örugglega eftir að skila sér upp í meistaraflokk ef rétt er haldið á málum. Mörk ÍBV: Richard 4, Jón Helgi 3/2, Elías Ingi 2, Sigurður S. 1, Unnar 1, Þorsteinn 1, Sigurður E. 1 og Gunnar Bergur 1. Varin skot: Reynir 11/1, Davíð 2/1.

=== '''Slakt gengi í innanhússknattspyrnunni''' ===
Helgina 9.-11 .janúar fór fram Íslandsmótið í innanhússknattspyrnu yngri flokkanna. 4. flokks strákarnir voru mjög óheppnir og misstu leiki niður í jafntefli eða tap á síðustu sekúndunum. Úrslit leikja urðu þannig: ÍBV-ÞrótturVogum l-0. ÍBV-ÍA 3-3. ÍBV-ÞrótturRvk. 2- 3. ÍBV-Víðir Garði 1-1. ÍBV - KFR 2 -1. Því miður komust Eyjastrákar ekki í úrslit en marga ljósa punkta var að sjá í leik þeirra. Sigurlás Þorleifsson stjórnaði flokknum og Kristinn R. Jónsson, sem mun þjálfa flokkinn í sumar, var honum innan handar.

Fimmta flokki karla gekk mjög illa á Íslandsmótinu í innanhússknattspymu og vann aðeins 1 leik í sínum riðli. Sigurlás Þorleifsson, þjálfari, sagði að mikið hefði verið um forföll hjá sínum strákum og einnig hefði reynsluleysi verið áberandi. „Það var þétt spilað, aðeins 1 leikur á milli okkar leikja þannig að það var margt sem varð til þess að árangurinn varð ekki betri en raun bar vitni," sagði Sigurlás að lokum. En úrslit leikjanna fóru sem hér segir: ÍBV-ÍR 2- 8. ÍBV - Fjölnir 0 – 3. ÍBV-FH 1-1. ÍBV - Njarðvík 3 – 2. ÍBV-Þróttur 0-7.

=== '''Haukastelpur náðu fram hefndum''' ===
Haukastelpurnar náðu fram hefndum gegn ÍBV í 17. umferð 1. deildarinnar í handbolta, eftir ófarirnar í bikarnum. Leikið var í Hafnarfirði og lauk honum með yfirburðasigri Hauka, 34-21, í hálfleik var staðan 17 -10. „''Það er mest lítið um þennan leik að segja,"'' sagði Jón Bragi Arnarsson, þjálfari eftir leikinn, í viðtali við Fréttir. „''Við gerðum of mikið af mistökum'', ''sendingar voru ónákvæmar og við vorum að klikka í dauðafærum. Á meðan allt gekk upp hjá þeim gekk ekkert upp hjá okkur."'' Stelpurnar eiga fimm leiki eftir í deildinni en þær eru í sjöunda og næstneðsta sæti deildarinnar með 13 stig. .

=== '''Sigmar Þröstur varði 26 skot og skoraði 2 mörk''' ===
Það gekk hinsvegar betur hjá karlaliðinu í handbolta þegar það mætti Haukum. „''Við lékum'' ''okkar besta leik á vetrinum og það gekk allt upp af því sem við ætluðum okkur''. ''En'' ''það'' ''kom'' ''okkur á óvart hvað'' ''Haukarnir'' ''gáfust'' ''fljótt'' ''upp''," sagði Þorbergur Aðalsteinsson þjálfari eftir að ÍBV burstaði Hauka í útileik í janúar, 33 - 22. Staðan í hálfleik var 11-19 ÍBV í vil. Haukar áttu aldrei svar við ákveðnum Eyjamönnum og gáfust hreinlega upp þegar leið á leikinn. Á meðan lék ÍBV á als oddi og fór hamförum í leiknum eins og tölurnar bera með sér. Robertas var tekinn úr umferð en það kom Eyjamönnum ekki á óvart því það hafði verið sérstaklega æft fyrir leikinn. Sem dæmi um yfirburði ÍBV má nefna að Sigmar Þröstur náði að skora 2 mörk. Mörk ÍBV: Bello 8, Robertas 7, Sigurður Braga 3, Hjörtur 3, Guðfinnur 2, Erlingur 2, Svavar 2, Sigmar Þröstur 2 og Davíð 1. Sigmar Þröstur varði 26 skot.

=== '''Hlynur íþróttamaður Vestmannaeyja''' ===
Það kom engum á óvart á viðurkenningahátíð Íþróttabandalags Vestmannaeyja, að Hlynur Stefánsson, knattspyrnumaðurinn knái var valinn Íþróttamaður Vestmannaeyja ársins 1997. Á viðurkenningahátíðinni rakti Þorsteinn Gunnarsson, formaður valnefndar Íþróttabandalagsins, glæsilegan feril Hlyns á í knattspyrnu sem hann kórónaði sl. sumar með frábærri frammistöðu í Íslandsmeistaraliði ÍBV þar sem hann var fyrirliði liðsins. „Hlynur lék sinn fyrsta leik með ÍBV 1982 en stimplaði sig inn í fótboltann í sínum fyrsta alvöru leik, 1983, með því að skora þrennu. Hlynur lék með ÍBV í 2. deild 1984 og 1985 en hélt til Noregs 1986 og lék með 3. deildarliði í Þrándheimi. 1987 kom hann heim á ný til ÍBV en 1988 lék hann með Víkingi. Aftur sneri Hlynur heim 1989 og átti stóran þátt í því að koma ÍBV upp í 1. deild og var lykilmaður liðsins næstu þrjú árin. 1992 fór Hlynur í atvinnumennsku og lék með Örebro í Svíþjóð næstu þrjú árin við góðan orðstír. Með Örebro lék Hlynur 101 deildaleik í Allsvenskan og skoraði 11 mörk," sagði Þorsteinn.

=== '''Mikil sigling á karlaliðinu''' ===
Eyjamenn tóku á móti neðsta og lélegasta liði deildarinnar, Breiðablik, í Nissan deildinni um miðjan febrúar. Fyrir leikinn var aðeins spurning um hve stór sigur ÍBV yrði og þó svo að Eyjamenn spiluðu á hálfum hraða allan leikinn, þá var sigurinn mjög öruggur, 35 mörk gegn 23. Mörk ÍBV: Zoltán Belánýi 12/5, Hjörtur Hinriksson 7, Guðfinnur Kristmannsson 6, Svavar Vignisson 4, Erlingur Richardsson 3, Robertas Pauzuolis 2, Haraldur Hannesson 1. Varin skot: Sigmar Þröstur Óskarsson 18. Þeir héldu síðan í Hafnarfjörðinn nokkrum dögum síðar og mættu FH-ingum. ÍBV þótti spila fantavel vel í þessum leik og með Sigmar Þröst sem besta mann, sigruðu þeir sannfærandi, 24-26.

=== '''Kvennaliðinu gengur ekki eins vel''' ===
ÍBV stelpur mættu liði Gróttu/KR, hér heima, í tveimur leikjum í 1. deild kvenna í lok febrúar.. Sparnaðarráðstöfun réði því að báðir leikirnir fóru fram í Vestmannaeyjum. Því miður náðu Eyjastelpur ekki að nýta sér heimavöllinn og töpuðu báðum leikjunum, þeim fyrri 19 - 20 en seinni leikurinn endaði 15 -19. Fyrri leikur liðanna var jafn og skemmtilegur. Gestirnir höfðu reyndar undirtökin allan fyrri hálfleik og var staðan í leikhléi, 9-12. Eyjastelpur tóku sig síðan saman í andlitinu í síðari hálfleik og aðeins eitt mark skildi liðin að síðustu 15 mínútumar. Grótta/KR marði síðan sigur í lokin, 19-20. Mörk ÍBV: Sandra Anulyte 7/2, Ingibjörg Jónsdóttir 4, Guðbjörg Guðmannsdóttir 4, Sara Ólafsdóttir 2, Unnur Sigmarsdóttir 1, Hind Hannesdóttir 1. Varin skot: Eglé Plétjiené 15/2.

ÍBV stelpur byrjuðu seinni leikinn af miklum krafti en náðu ekki að fylgja því eftir. Í stöðunni 4- 2 snéru gestirir blaðinu við og sigu rólega framúr. Staðan í hálfleik var 8 - 11. Eyjastelpur tóku síðan aftur kipp í byrjun síðari hálfleiks en það fjaraði fljótlega út og Grótta/KR sigraði leikinn örugglega, 15- 19. Mörk IBV: Sandra Anulyte 6/2, Ingibjörg Jónsdóttir 5/1, Stefanía Guðjónsdóttir 1, Guðbjörg Guðmannsdóttir 1, Sara Ólafsdóttir 1 og Eglé markmaður, 1 mark. Varin skot: Eglé Plétjiené 13/1

Í Fréttum segir að ÍBV hafi spilað nokkuð góða vörn í þessum leikjum og markvarslan var góð en aðalhöfuðverkur liðsins sé sóknarleikurinn, sem er mjög fálmkenndur og ómarkviss. Þess beri þó að geta að Andrea Atladóttir hafi ekki getað spilað á fullum krafti vegna veikinda og það munar um minna. Eglé stóð sig vel í markinu en hún er allt of bráð í að kasta boltanum fram. „Til að dæma leikina voru fengnir tveir svartklæddir fýlupúkar að sunnan og fá þeir eina hauskúpu hvor, fyrir frammistöðu sína í leikjunum“.

=== '''4. flokkur í 2. sæti''' ===
Helgina 13. til 15.febrúar fór fram hér í Eyjum, fjölliðarnót 4. flokks karla í handknattleik. ÍBV strákar spiluðu að þessu sinni í fyrstu deild og er óhætt að segja að þar er á ferð mjög samstilltur og efnilegur hópur. Eyjapeyjar gerðu sér lítið fyrir og lentu í 2. sæti og tryggðu sér þar með sæti í úrslitakeppninni, sem fram fer 21. mars n.k. Úrslit leikja ÍBV urðu sem hér segir: ÍBV-Valur 17-30. ÍBV-Fram 18-17. ÍBV-Stjarnan 19-15. ÍBV-ÍR 19-19.

=== '''Duttu út í 8 liða úrslitum''' ===
8 liða úrslit 4. flokks kvenna í handknattleik fór fram í Eyjum síðustu helgina í febrúar. ÍBV stelpur mættu liði Stjörnunnar í Garðabæ og töpuðu 14 - 10 og eru þar með úr leik. Mörk ÍBV í leiknum skoraðu: Bjarný 3, Rakel 2, Hjördís 2, Elfa 1, Lilja 1 og Edda 1. Þjálfari stelpnanna er Stefanía Guðjónsdóttir.

=== '''Stjarnan hrapaði í Eyjum''' ===
25. febrúar mættust í Nissandeildinni, lið ÍBV og Stjörnunnar, hér í Eyjum. Fyrirfram var búist við miklum baráttuleik, þar sem bæði lið berjast fyrir sæti sínu í úrslitakeppninni. Það er ekki hægt að segja annað en að Eyjamenn hafi farið á kostum í þessum leik. Í Fréttum segir að Eyjapeyjar hafi skemmt stuðningsmönnum sínum með góðum varnarleik, frábærum sóknarleik og síðast en ekki síst skemmtilegum uppákomum. ''„Leikurinn var í járnum mestallan fyrri hálfleik en í þeim síðari valtaði ÍBV yfir andstæðinga sína og sigraði, 30-22. Hinn lipri hornamaður, Hjörtur Hinriksson, gaf ÍBV tóninn í upphafi leiks, með miklum tilþrifum. Annars var jafnræði með liðunum til að byrja með, liðin spiluðu skemmtilegan bolta og nokkuð mikill hraði var í leiknum. En vendipunktur leiksins var þegar um 5 mínútur voru til leikhlés, þá tóku Eyjamenn mikinn kipp og komust í 5 marka mun, 15-10 og þannig var staðan í hálfleik. Í seinni hálfleik var sannkölluð flugeldasýning af hálfu ÍBV. Eyjamenn lokuðu vörninni, hraðaupphlaupin komu á færibandi og sóknarleikur liðsins var sem vel smurð vél, og um miðjan síðari hálfleik var ÍBV komið í 13 marka forystu, 26-13. Þegar 10 mínútur voru til leiksloka var varamönnum ÍBV leyft að spreyta sig, þar á meðal var kornungur varamarkmaður, hinn 17 ára gamli Davíð Egilsson, sem stóð sig mjög vel. Í lokin tók Stjarnan sig aðeins saman í andlitinu og lokatölur urðu 30 - 22. Eyjamaðurinn, Arnar Pétursson, var einna skástur í annars slöku liði Stjörnunnar og skoraði 6 mörk.“''

=== '''Tap fyrir FH''' ===
Það gekk ekki eins vel hjá kvennaliðinu þegar ÍBV mætti FH í Hafnarfirði. Miklar sviptingar voru í leiknum, sem sést best á því að Eyjastúlkur höfðu yfir í hálfleik 10 -12, en töpuðu síðan leiknum með sjö marka mun, 25 - 18. ÍBV stelpur léku fyrri hálfleikinn af mikilli skynsemi og höfðu, sem fyrr segir, yfir í hálfleik, 10-12. Undir lok fyrri hálfleiks þurfti fyrirliði ÍBV, Ingibjörg Jónsdóttir, að yfirgefa völlinn eftir að hafa fengið skurð á höfuðið og spilaði hún ekki meira með í leiknum. Andrea Atladóttir var ennþá meidd og lék ekki með og eftir að hafa misst Ingibjörgu útaf, áttu Eyjastelpur á brattann að sækja í seinni hálfleik. Lokatölur leiksins, 25-18. ÍBV er nú í næstneðsta sæti deildarinnar og mun að öllum líkindum mæta liði Hauka í úrslitakeppninni. Mörk ÍBV: Sara Ólafsdóttir 5, Sandra Anulyte 4, Hind Hannesdóttir 3, Ingibjörg Jónsdóttir 2, Stefanía Guðjónsdóttir 1, Guðbjörg Guðmannsdóttir 1, Eyrún Sigurjónsdóttir 1 og Eglé Plétjiené 1.

=== '''Auglýsingastríð í uppsiglingu''' ===
Fréttir segja frá því að Knattspyrnudeild ÍBV hafi farið fram á heimild til að setja upp auglýsingu á norðurgafli Íþróttamiðstöðvarinnar. Öll auglýsingamál á knattspyrnuvöllum bæjarins sem eru keppnisvellir liða knattspyrnudeildar eru alfarið á þeirra vegum en ekki annarra deilda. Hyggist knattspyrnudeild breyta því fyrirkomulagi mun íþrótta- og æskulýðráð skoða málið frekar. Þess ber að geta að handknattleiksdeild ÍBV er með auglýsingu á téðum gafli og menn hafa af því verulegar áhyggjur að einhverjar auglýsingaerjur muni blossa upp á milli deildanna.

=== '''Erfitt hjá 2. flokki''' ===
Annar flokkur karla í handknattleik spilaði einn leik í Íslandsmótinu, hér í Eyjum í byrjun mars. ÍBV strákar mættu þá frísku liði ÍR-inga og máttu þola 11 marka tap, 23-34. Eyjastrákar voru yfirleitt skrefi á eftir gestunum í þessum leik en þó ber að geta þess að stór hluti 2. flokks ÍBV er skipað leikmönnum, sem spila með þriðja og jafnvel fjórða flokki, þannig að styrkleikamunurinn á þessum strákum er þó nokkur. ÍBV strákar gerðu sitt besta í þessum leik en það dugði skammt til. Staðan í hálfleik var 12 -18 . í seinni hálfleik misstu Eyjamenn ÍR-inga enn lengra fram úr sér og lokatölur, sem fyrr segir 23 - 34.

Bestu menn ÍBV í þessum leik voru Ríkharð Guðmundsson (3.flokki) og Óskar Jósúason. Mjög frískir og spilandi leikmenn.

Mörk ÍBV: Óskar 7, Ríkharð 7/2, Sigurður Ari 2, Gunnar B. 2, Unnar 2, Elías 12 og Þorsteinn 1. Varin skot: Davíð 4, Kristinn 1.

=== '''Framarar engin hindrun''' ===
„Eyjahraðlestin" mætti liði Framara í Nissandeildinni 1. mars. Fyrir þennan leik höfðu Framarar unnið 10 heimaleiki í röð og voru í 2. sæti deildarinnar. En það skipti engu máli fyrir fríska Eyjamenn, sem héldu uppteknum hætti frá síðustu leikjum, og þeir gerðu sér lítið fyrir og lögðu Fram að velli í spennandi leik, 23 - 24. Í hálfleik var staðan 14 -13 Fram í vil. Varnarleikur ÍBV-liðsins hefur verið skotheldur að undanförnu og á því varð engin breyting. Framarar komu mjög ferskir til leiks og höfðu undirtökin allan fyrri hálfleikinn en Eyjamenn misstu þá aldrei langt framúr sér og var munurinn aðeins 1 mark í hálfleik, 14 - 13. I seinni hálfleik setti ÍBV síðan í fluggír og munaði þar mest um markvörslu Sigmars Þrastar, sem hreinlega lokaði markinu í nokkrar mínútur og á því tímabili komst ÍBV í 5 marka forystu. Framarar áttu ekkert svar við leik Eyjamanna og þurftu að játa sig sigraða, 23 - 24. Eyjamenn áttu sannkallaðan toppleik á sunnudaginn var. Simmi var hreint út sagt frábær og varði 22 skot í leiknum, þar af 14 í seinni hálfleik. Vörnin gat ekki verið betri og sóknarleikurinn fjölbreyttur, með Robertas í broddi fylkingar. Mörk ÍBV: Robertas 8, Belánýi 6/6, Guðfinnur 4, Svavar 4, Hjörtur 1 og Sigurður 1. Varin skot: Sigmar Þröstur 22/1.

=== '''Sannkallað markaregn''' ===
7. mars áttust við í l.deild kvenna, lið Stjörnunnar og ÍBV. Fyrir þennan leik var ÍBV í næstneðsta sæti deildarinnar en Stjarnan í því efsta. Þetta var bráðskemmtilegur markaleikur en Stjörnustúlkur höfðu sigur, 32 - 29. ÍBV stelpur áttu ágætis leik gegn Stjörnunni og í hálfleik hafði Stjarnan aðeins l mark yfir, 15-14. Í seinni hálfleik fékk sóknarleikur beggja liða að njóta sín á kostnað varnarleiksins. Stjarnan hafði alltaf undirtökin og sigraði, sem fyrr segir, að lokum. 32-29. Sandra Anulyte átti frábæran leik fyrir Eyjastelpur og skoraði hún 12 mörk.

Mörk ÍBV: Sandra Anulyte 12, Ingibjörg Jónsdóttir 5, Guðbjörg Guðmannsdóttir 5, Stefanía Guð jónsdóttir 4, Anna Hallgrímsdóttir 2, Hind Hannesdóttir 1.

=== '''Tilraunaverkefni''' ===
Í mars stóð knattspyrnudeild ÍBV fyrir svokallaðri Hæfileikamótun ÍBV sem Landsbanki Íslands styrkti. Um athyglisvert tilraunaverkefni er að ræða þar sem reynt var að gera leikmenn í 2. og flokki, karla og kvenna, sjálfstæðari og agaðri til að takast á við verkefni framtíðarinnar á fótboltavellinum. Öllum leikmönnum ÍBV á eldra ári í 3. flokki karla og kvenna og í 2. flokki karla og kvenna (nema elsta árinu hjá strákunum) gafst kostur á því að taka þátt í verkefninu. Þorsteinn Gunnarsson, framkvæmdastjóri knattspyrnudeildar ÍBV, sagði í viðtali við Fréttir að hæfileikamótunin byggist annars vegar á því að liðleiki og styrkleiki leikmanna er mældur og í framhaldi af því fá þeir einkaæfingaáætlanir sem þeim er ætlað að framfylgja sjálfir en íþróttakennari mun koma þeim af stað. „Hins vegar verður árinu skipt í þrjú tímabil en hvert tímabil hefst með fyrirlestrahelgi þar sem leikmenn eru fræddir um ýmsa hluti sem eiga að styrkja þá í sínum einkaæfingum og sem leikmenn framtíðarinnar.“

=== '''Þrjú töp í þremur leikum''' ===
Eyjamenn fengu hið skemmtilega lið ÍR í heimsókn 17. mars og var þetta jafnframt síðasti leikur ÍBV í deildinni. ÍR-ingar komu ÍBV í opna skjöldu með góðum leik og frábærri baráttu. Línumaðurinn snjalli, Svavar Vignisson, lék ekki með, þar sem hann var veðurtepptur í Reykjavík og munaði um minna. Lið ÍR hafði undirtökin allan leikinn og uppskar sigur, 27-29.

Fyrsti leikur kvennaliðs ÍBV og Hauka í úrslitakeppninni fór fram á 18. mars í Hafnarfirði og steinlágu Eyjastelpur í þeim leik, 25-18. Annar leikur liðanna fór síðan fram hér í Eyjum, 20. mars. Sá leikur var æsispennandi og þurfti að framlengja hann, eftir að jafnt hafði verið í leikslok. 17-17. Haukar unnu svo í framlengingu 23-20. ÍBV stelpur voru þar með úr leik í úrslitakeppninni.

=== '''Greip í handlegg dómarans''' ===
Karlalið ÍBV komst í 8 liða úrslitin í handboltanum og fengu þar Fram til að kljást við en í liði Fram léku tveir Eyjamenn, þeir Magnús Arngrímsson og Gunnar Berg Viktorsson. Fyrsta leikinn sem leikinn var í Reykjavík, sigraði Fram 29-26. Annan leikinn sem fram fór í Eyjum sigraði ÍBV 28-26. Úrslitaviðureignin fór svo fram í Framhúsinu í Reykjavík. Morgunblaðið greinir þannig frá leiknum, sem Fram sigraði stórt, 28-18: „''Það hefði farið betur á því að létt væri í mönnum allan leikinn þótt mikið væri í húfi. Sumir leikmenn ÍBV virtust mjög æstir og þá sérstaklega í fyrri hálfleik þegar litlu munaði að upp úr syði á kafla. En það var fleirum heitt í hamsi því þegar tæpar 12 mínútur voru liðnar af leiknum varð að vísa einum áhorfanda úr húsinu. Þetta var miðaldra karlmaður, sem teygði sig inn fyrir auglýsingaskiltin og greip í handlegg annars dómarans.''

''Eyjamenn náðu tvívegis að jafna í leiknum, 1:1 og 2:2, en eftir það tókst þeim aðeins þrívegis að minnka muninn í eitt mark fyrir hlé en í leikhléi hafði Fram 12:9 yfir og jók forystuna í upphafi þess síðari og þegar hann var hálfnaður var staðan 15:10. Þannig var hún í heilar''

''sex mínútur og mikið var barist og vel tekið á. Fram náði að leysa hnútinn og þá var björninn unninn. „Sókn okkar var afskaplega döpur og í raun ekkert meira um það að segja," sagði Þorbergur Aðalsteinsson, þjálfari ÍBV, eftir tapið. „Þegar þrír af lykilmönnum okkar í sókninni bregðast allir í sama leiknum þá er ekki von á góðu," sagði þjálfarinn.''

Í Fréttum sagði Sigurður Friðriksson''',''' fyrrverandi handboltakappi: ''„Þetta var agalegt. Þetta er bara einn af þessum dögum, þar sem allt gengur upp hjá öðru liðinu, en ekkert hjá hinu. Þetta var erfiður leikur hjá strákunum og það fór einfaldlega of mikil orka í það að reyna að vinna upp forskot Framara. Varnarleikur liðsins og markvarslan gekk ekki upp í þessum leik og það munar um minna."''

=== '''Zóphonías Bragi Belányi''' ===
25. mars hélt handboltinn sitt árlega slútt með hófi í Höllinni. Þar voru veittar ýmsar viðurkenningar. Magnús Bragason er spurður í viðtali við Fréttir hvort hann væri sáttur með veturinn: „''Ég held að ef að menn líta yfir farinn veg, þá geta þeir ekki verið annað en sáttir. Fyrir síðasta tímabil missum við 5 menn, en fáum tvo í staðinn. Okkur var spáð falli í deildinni, en við föllum út í 8-liða úrslitum fyrir Fram og komumst í undanúrslit í bikarnum gegn Val. Þetta held ég að sé alveg ásættanlegur árangur,"'' sagði Magnús. '',,Einnig er vert að minnast þess góða samstarfs, sem karla- og kvennadeildirnar í handbolta hafa átt í vetur og einnig hafa engir meiriháttar árekstrar verið á milli handknattleiksdeildar og knattspyrnudeildar. Þess ber þó að geta að þetta er fyrsta árið sem nýja félagið er starfandi, þannig að það er ekkert skrýtið þó að einhverjir hagsmunaárekstrar séu, þar sem allir eru jú auðvitað að passa sitt. En ég er bjartsýnn á að þetta eigi eftir að verða betra og betra með tímanum."''

Með Magnúsi í handboltaráði voru Eyþór Harðarson gjaldkeri, Jóhann Pétursson ritari, Viktor Ragnarsson, Kári Vigfússon og Sigurður Richardsson meðstjórnendur.

Bestu leikmenn 2. flokks voru valin Guðbjörg Guðmannsdóttir og Ríkharð Þ. Guðmundsson.

Bestu leikmenn meistaraflokkanna voru Ingibjörg Jónsdóttir og Sigmar Þröstur Óskarsson sem varði flest skot í deildinni í vetur.

Sigurður Bragason og Hind Hannesdóttir þóttu sýna mestar framfarir vetrarins.

Markahæstu leikmenn meistarflokks voru Sandra Anulyte og Zoltán Belányi sem varð íslenskur ríkisborgari á árinu. Hann tók sér nafnið Zóphanías Bragi Belánýi. Braganafnið tók hann til heiðurs Braga Steingrímssyni, guðföður sínum.

Hjónin Eygló Kristinsdóttir, og Grímur Guðnason voru heiðruð, en þau voru að láta af störfum fyrir handboltann eftir 20 ára starf.

=== '''Unglingaráð lyft Grettistaki''' ===
Með sameiningu hins nýja félags, ÍBV-íþróttafélags, var ákveðið í samráði við meistaraflokksráð karla- og kvenna, að öll skipulagning og peningaleg stjórnun yngri flokkana, yrði undir einum og sama hattinum. Í framhaldi af því var stofnað unglingaráð, sem hefur breytt allri umgjörð yngri flokkana hér í Eyjum til betri vegar. Unglingaráðið skipa; Óla Heiða Elíasdóttir, Óskar Freyr Brynjarsson, Guðrún Ragnarsdóttir, Hlynur Sigmarsson og Ingibjörg Jónsdóttir.

Óla Heiða Elíasdóttir, ein af meðlimum unglingaráðsins, sagði í samtali við FRÉTTIR, að miðað við að þetta væri fyrsta árið sem ráðið væri starfandi þá hefði öll vinna gengið mjög vel, en alltaf mætti gera betur. ''„Starf ráðsins í grófum dráttum, er að ráða þjálfara fyrir alla yngri flokkana og þess má geta að unglingaráðið réðst í ráðningu Rússans, sem hefur störf hér 1. júlí næstkomandi. Við sjáum svo um að skipuleggja allar túrneringar, sem fara fram hér í Eyjum. Í keppnisferðum upp á land, sjáum við um allt uppihald krakkanna, en aðalstjórn ÍBV sér um að borga flug,"'' sagði Óla Heiða. Óla Heiða sagði að störf ráðsins hefðu margt jákvætt í för með sér, þetta væri mikill peningalegur léttir fyrir foreldra, þar sem nú þyrftu foreldrar aðeins að borga eitt æfingagjald til félagsins, hvort sem krakkarnir þeirra væru bæði í handbolta og fótbolta. Krökkunum var síðan gefinn kostur á að kaupa safna eigin bolta og fengu þeir þá á kostnaðarverði. ''„ Margt annað væri hægt að tína til, en einna jákvæðast í þessu öllu saman er, að nú er samvinnan milli stelpu- og stráka flokkana orðin mun meiri en var, og það er góð þróun,"'' sagði Óla Heiða að lokum.

=== '''Uppskeruhátíð yngri flokkanna''' ===
Starfið hjá yngri flokkum handboltans gekk vel í vetur og árangurinn hjá þeim var góður. Upp úr stendur glæsilegur árangur 6. flokks kvenna A liðs, sem lenti í 2. sæti í Íslandsmótinu eftir að hafa verið í 1. eða 2. sæti allan veturinn. B lið 6. flokks kvenna stóð sig einnig mjög vel þótt þær hafi ekki náð verðlaunasæti en þær komust í úrslitakeppnina og stóðu sig ágætlega. Þarna eru framtíðarstelpur, handboltans í Eyjum og nokkrar geta orðið framtíðar leikmenn í landsliðinu ef rétt er haldið á spilum. 4. flokkur karla stóð sig einnig vel og lenti í 5. sæti Íslandsmótsins og þar er á ferðinni hópur efnilegra stráka er eflaust eiga eftir að ná langt á komandi árum. 3. flokkar karla og kvenna stóðu sig einnig mjög vel og eru í hópi 8 bestu liða landsins og er þar margt um efnilegt handboltafólk sem getur gert góða hluti á komandi árum ef þau halda áhuganum og metnaði.

Eftirtalin hlutu verðlaun á uppskeruhátíð yngri flokkanna:

'''3. flokkur karla'''

Efnilegasti: Unnar Ólafsson.

Mestu framfarir: Davíð Egilsson.

Besti leikmaðurinn: Ríkharð Guðmundsson.

'''3. flokkur kvenna'''

Efnilegust: Hind Hannesdóttir.

Mestu framfarir: Anna Rós Hallgrímsdóttir

Besti leikmaðurinn: Guðbjörg Guðmannsdóttir

'''4. flokkur karla'''

Efnilegastur Sigurður Ari Stefánsson

Mestu framfarir: Kristinn Jónatansson

'''4. flokkur kvenna'''

Efnilegust: Lilja Arngrímsdóttir

Mestu framfarir: Dagný Hauksdóttir

'''5. flokkur karla'''

Besta ástundun: Kári Kristjánsson

Mestu framfarir: Ragnar Smári Ragnarsson

'''5. flokkur kvenna'''

Besta ástundun: Sara Sigurlásdóttir

Mestu framfarir: Aníta Ýr Eyþórsdóttir

'''6. flokkur karla eldri:'''

Besta ástundun: Baldvin Sigurbjörnsson

Mestu framfarir: Hilmar Björnsson

'''6. flokkur yngri:'''

Besta ástundun: Daði Ólafsson

Mestu framfarir: Bjarni Sighvatsson.

'''6. flokkur kvenna eldri:'''

Besta ástundun: Margrét Lára Viðarsdóttir

Mestu framfarir: Hanna Carla Jóhannsdóttir

'''6. flokkur kvenna yngri:'''

Besta ástundun: Sæunn Magnúsdóttir

Mestu framfarir: Ester Óskarsdóttir

=== '''Kvennaknattspyrnan útundan?''' ===
Á aðalfundi félagsins 21. apríl gagnrýndi Sólveig Adólfsdóttir knattspyrnudeild vegna kvennaknattspyrnunnar. Fannst henni lítil umfjöllun um hana. Sagðist hún hrædd um að ef ekki yrði fylgt eftir árangri þeirra og þeim ekki sýndur áhugi, þá myndi árangur þeirra detta niður. Jóhannes Ólafsson, formaður knattspyrnudeildar svaraði henni og sagði þetta alfarið stjórn félagsins að kenna. Sagði stjórn félagsins ekki hafa veitt kvennaknattspyrnunni fjáröflun og hann hefði ítrekað borið þetta upp á stjórnarfundum félagsins en málið ekki hafa verið leyst. Sólveig vill skýrari svör frá knattspyrnuráði, hvort það styðji við bakið á meistaraflokki kvenna. Jóhannes svaraði og kvartaði yfir aðalstjórn og að það vanti fólk í knattspyrnuráð kvenna, stjórnin geri ekkert í þeim málum og óskaði eftir fólki í ráðið. Áður hafði Jóhannes á stjórnarfundi 18. mars óskað eftir auknum fjármunum frá aðalstjórn því of mikið fé færi í kvennaknattspyrnuna frá knattspyrnuráði karla.

=== '''Fylgiskjöl vantaði''' ===
Á aðalfundinum voru lagðir fram reikningar félagsins og samþykktir. Bókhald aðalstjórnar var í góðu lagi en samþykkja þurfti reikninga deildanna með fyrirvara, þar sem þeim var ábótavant, fylgiskjöl vantaði og skýringar ófullnægjandi.

Ný stjórn var kosin, hana skipa: Þór Vilhjálmsson, formaður. Með honum, Birgir Guðjónsson, varaformaður; Ingibjörg Sigurjónsdóttir, gjaldkeri; Jón Óskar Þórhallsson, ritari og Eyþór Harðarson. Seinna á árinu sagði Jón Óskar sig úr stjórninni og tók Ómar Garðarsson þá við starfi ritarans.

Um 50 manns mættu á aðalfundinn.

=== '''Konurnar í 5. sæti deildarbikarsins''' ===
Karlalið ÍBV í knattspyrnu féll út úr 8-liða úrslitum deildarbikarsins, þegar þeir mættu KR-ingum 2. maí. Leikið var á Tungubökkum í Mosfellsbæ, við sæmilegar aðstæður á grasi. KR-ingar byrjuðu betur og komust í 2-0, en Steingrímur Jóhannesson, breytti stöðunni í 2-2 á stuttum tíma, með góðum mörkum. KR skoraði síðan úr víti í seinni hálfleik, og lokatölur leiksins urðu, 3-2.

Kvennaliðið lék um 5. sætið í deildarbikarnum við Stjörnuna. og unnu þær nokkuð sannfærandi, 0-1. Það var hin unga og efnilega Bryndís Jóhannesdóttir, sem skoraði eina mark leiksins

=== '''Bjartsýnn á sumarið ef allir taka þátt með okkur''' ===
Árið 1998 var annað árið sem Bjarni Jóhannsson þjálfaði knattspyrnulið ÍBV. Miklar væntingar voru í bænum varðandi liðið að það nái að verja Íslandsmeistaratitilinn annað árið í röð. Bjarni var í viðtali við Fréttir skömmu fyrir Íslandsmótið. Þar er hann m.a. spurður hvernig sumarið leggist í hann: ''„Sumarið leggst ágætlega í mig, að vísu höfum við ekki verið að spila nægilega vel í undanförnum leikjum en þar kemur margt til. Það sem er fyrir mestu, er að við náum að stilla saman strengi okkar fyrir fyrsta leik og halda því út mótið."''

Miklar breytingar voru á liðinu frá síðasta ári. Segist Bjarni mjög sáttur við hópinn. „''Við misstum marga í atvinnumennsku eftir síðasta tímabil og einhvern veginn verður að fylla í þau göt, sem þessir menn skilja eftir sig. Það er náttúrlega mjög erfitt að starfa við þannig aðstæður að þurfa að móta nánast alveg nýtt lið á hverju ári, en svona er gangurinn í þessu."''

Þá var Bjarni spurður hvernig undirbúningi liðsins yrði háttað fyrir fyrsta leik sumarsins? ''„Þar sem þetta hefur verið svolítið tætingslegt að undanförnu, hópurinn tvískiptur og síðan voru 3 úr hópnum að koma til landsins í síðustu viku, þá höfum við ákveðið að fara á laugardaginn á Hvolsvöll. Þar ætlum við að taka æfingu á laugardag og sunnudag og virkilega þjappa okkur saman fyrir átök sumarsins. Við gerðum þetta einnig í fyrra og heppnaðist sú ferð alveg frábærlega. Allir þurfa að taka þátt í þessu með okkur, bæði stjórn og stuðningsmenn liðsins. Ef allur þessi pakki nær að vinna saman, sem ein heild, þá er ég bjartsýnn á góðan árangur í sumar. Við verðum að vera varkárir í sumar, því allir vilja vinna meistarana."''

=== '''Komnir og farnir''' ===
Íslandsmeistarar ÍBV misstu marga leikmenn úr sínum herbúðum frá árinu áður. Fyrstan skal nefna markaskorarann mikla, Tryggva Guðmundsson, sem fór til Tromsö í Noregi. Bjarnólfur Lárusson fór til Hibernian í Skotlandi. Guðni R. Helgason fór til Wattensheid í Þýskalandi. Sverrir Sverrisson gekk til liðs við Malmö í Svíþjóð. Bjöm Jakobsson fór í KR. Hermann Hreiðarsson fór til C.Palace á Englandi. Þeir sem komnir eru í staðinn; Ívar Ingimarsson úr Val, Steinar Guðgeirsson úr Fram, Kristinn Lárusson úr Stjörnunni, Kjartan Antonsson úr UBK, Jens Paeslack frá Þýskalandi og þeir Sindri Grétarsson og Kristján Georgsson frá Skallagrími.

=== '''Steingrímur skoraði fyrsta mark Íslandsmótsins''' ===
ÍBV og Þróttur skildu jöfn, 3-3 í í opnunarleik Íslandsmótsins í knattspyrnu á Laugardalsvelli. Fyrsta mark Íslandsmótsins skoraði Steingrímur Jóhannesson. En þegar skammt var til leiksloka höfðu Þróttarar yfirhöndina, 3-2. Sigurvin Ólafsson jafnaði fyrir Eyjamenn á síðustu mínútu leiksins og verða að teljast heppnir að hafa náð einu stig út úr viðureigninni við nýliðana, var skrifað í Morgunblaðið að leik loknum. Í blaðinu er svo rætt við Bjarna Jóhannsson þjálfara ÍBV sem var ánægður með jafnteflið. ''„Það má segja að þetta glæsilega jöfnunarmark Sigurvins á lokamínútunni hafi bjargað andlitinu fyrir okkur. Þróttarar eiga heiður skilinn fyrir góða baráttu og frábæran sigurvilja. Þeir uppskáru eitt stig og áttu það skilið. Ég er mjög ánægður að vera búinn með þennan leik á móti Þrótti í Laugardalnum. Þeir eru með stemmningslið og slík lið er erfitt að sækja heim. Það verða ekki mörg lið sem fara með sigur héðan í sumar."''

=== '''Þjóðverji í víking hjá ÍBV''' ===
Íslenskir knattspyrnumenn hafa í ríkum mæli á undanförnum árum farið í víking til Þýskalands og leikið með þarlendum liðum. Það er fátíðara að þýskir knattspyrnumenn komi til Íslands en það gerði Jens Paecslack, sem leikur nú með Íslandsmeisturum ÍBV. Jens Paecslack er 24 ára gamall sóknarmaður, stór og sterkur. Hann hefur vakið athygli með ÍBV í tveimur fyrstu umferðunum og skorað í þeim báðum. Eyjamenn eru ánægðir með framherjann og segjast hafa fengið þann leikmann sem þá vantaði. Hann leikur í sömu stöðu og Tryggvi Guðmundsson lék í fyrra - á vinstri kantinum. Jens segist ekki sjá eftir því að hafa komið til Eyja. Í viðtali við Morgunblaðið sagði Jens: ''„Þennan stutta tíma sem ég hef verið hér kemur mér mest á óvart hvað fólkið er vinalegt. Þegar ég kom hingað fyrst fór Jóhannes Ólafsson formaður með mig í skoðunarferð um bæinn og sagði mér sögu Eyjanna. Þegar við fórum upp á Helgafell sagði hann mér að við stæðum á eldfjalli og það hafi gosið síðast fyrir 25 árum og gæti alveg eins gert það aftur, þá varð mér órótt. Hann sagðist ekki hafa viljað segja mér frá eldgosinu fyrr vegna þess að þá hefði ég aldrei komið! Strákarnir í liðinu hafa tekið mér vel og spyrja sífellt hvernig mér líði og hvort þeir geti gert eitthvað til að aðstoða mig. Þetta er eins og ein stór fjölskylda, ólíkt því sem ég hef vanist í Þýskalandi þar sem samkeppnin er mjög hörð og óvægin. Umhverfið er því mjög afslappandi og hægt að einbeita sér betur að því sem skiptir máli - að leika vel fyrir liðið. Eldstöðvarnar trufla mig ekki því fólkið er svo yndislegt."''

=== '''Komnar og farnar''' ===
Nokkrar breytingar urðu á meistaraflokksliði kvenna. Komnar eru Karen Burke frá Everton og Hrefna H. Jóhannesdóttir og Olga Stefánsdóttir úr KR. Farnar eru Guðbjörg Guðmannsdóttir sem er hætt, Joan Nilson farin til Svíþjóðar. Þá fór Petra Fanney barneignarfríi. Seinna um sumarið yfirgaf Karen Burke Eyjarnar, ástæðuna sagði hún vera persónulega.

=== '''Ódýrt tap gegn Stjörnunni''' ===
Kvennalið ÍBV lék sinn fyrsta leik í Íslandsmótinu gegn Stjörnunni úr Garðabæ. Margir biðu spenntir eftir fyrsta leik stelpnanna, en úrslitin urðu því miður ekki eins og allir vonuðust eftir. Eyjastúlkur töpuðu nokkuð stórt, 5-1, eftir að staðan í leikhléi hafði verið 2-0. Íris Sæmundsdóttir skoraði eina mark ÍBV, með góðum skalla. Sigurlás Þorleifsson, þjálfari ÍBV, sagði í samtali við Fréttir eftir leikinn, að tölurnar gæfu ekki rétta mynd af leiknum. „''Við spiluðum ekki vel og vorum í talsverðum erfiðleikum í fyrri hálfleik. En við vorum alls ekki lakara liðið í þessum leik, heldur voru það þrjú ódýr mörk, sem gerðu gæfumuninn.“''

=== '''Sigur og tap''' ===
Eyjakarlar hafa ekki riðið feitum hesti frá viðureignum sínum við ÍBK á þeirra eigin heimavelli í gegnum tíðina, en þeir sneru heldur betur við blaðinu í 3. umferð Íslandsmótsins. Í Fréttum var sagt að leikurinn hafi farið rólega af stað og liðin skipst á að sækja. En framherjinn snöggi, Steingrímur Jóhannesson, kom ÍBV í vænlega stöðu snemma í fyrri hálfleik með tveimur mörkum. Fyrra markið skoraði hann eftir klaufaleg mistök varnarmanna Keflavíkurliðsins, en það seinna má segja að hann hafi skorað eftir sendingu frá sjálfum sér. Eyjamenn bættu síðan við þriðja markinu rétt fyrir lok fyrri hálfleiks, en þar var að verki Jens Paeslack, sem skoraði með þrumuskoti, rétt fyrir utan vítateig, eftir að Steingrímur hafði lagt boltann út á hann. Staðan því 0-3 í hálfleik, Eyjamönnum í vil. Heimamenn reyndu að byrja seinni hálfleik af krafti og fengu oft á tíðum góð færi, en annaðhvort fór boltinn ekki nálægt markinu, eða að Gunnar markmaður sá við skotum Keflavíkur. Lítil spenna var í seinni hálfleik, þar sem ÍBV hafði nánast gert út um leikinn í fyrri hálfleik og fór svo að lokatölur leiksins urðu, 0-3.

=== '''Kannski vanmat''' ===
Það voru mikil vonbrigði og kannski vanmat þegar ÍBV mætti nýliðum ÍR í Landssímadeildinni, á annan í hvítasunnu. Leikið var í Mjóddinni, heimavelli ÍR.

ÍBV virtist vera komið á gott skrið, eftir mjög sannfærandi sigra í síðustu leikjum. En heimamenn komu mun ákveðnari til leiks og fór svo að þeir uppskáru sigur að lokum 1-0. Leikmenn ÍBV-liðsins fóru greinilega ekki með réttu hugarfari í þennan leik og alla baráttu virtist vanta í liðið.

=== '''Gerðu það sem þurfti''' ===
Morgunblaðið sagði í umsögn sinni um karlalið ÍBV og Fram í 4. umferð sem leikinn var á Valbjarnarvelli, að leikmenn ÍBV hafi gert það sem þurfti til að sigra leikinn 2-0. Þeir hafi hinsvegar verið mjög værukærir og tekið eina og eina rispu sem dugði þeim til sigurs gegn neðsta liðinu í deildinni.

=== '''Rúlluðu gestunum upp''' ===
2. flokkur karla hóf sína knattspyrnuvertíð með sigri á Grindavík, hér heima. Eyjastrákar léku mjög sannfærandi í fyrri hálfleik, og hreinlega rúlluðu gestunum upp. Boltinn gekk manna á milli og var leikur þeirra mikil skemmtun fyrir áhorfendur. Staðan í hálfleik var 3-0. Í seinni hálfleik missti ÍBV dampinn og Grindavík komst betur inn í leikinn. Gestirnir náðu að minnka muninn í 3-2, en lengra komust þeir ekki.

Bestu menn ÍBV í leiknum voru Páll Almarsson, sterkur varnarmaður, Hjalti Jónsson og Bjarni G. Viðarsson, sem vora duglegir á miðjunni og Óskar Jósúason, sem gerði mikinn usla í vörn gestanna. Mörk ÍBV skoruðu: Óskar 2 og Hjalti 1. Lið ÍBV var þannig skipað: Gunnar-Elías, Páll, Jón H.-Unnar, Davíð. Hjalti, Bjarni, Birgir-Óskar, Magnús (Gunnar H.)

=== '''2. flokkur kvenna''' ===
Fyrsti leikur 2. flokks kvenna var gegn KR hér í Eyjum. ÍBVstelpumar spiluðu vel í leiknum og áttu aldrei í vandræðum með gestina. ÍBV sigraði í leiknum með fjórum mörkum gegn einu og mörk Eyjastelpna í leiknum skoruðu þær; Bryndís Jóhannesdóttir tvö mörk, Lára D. Konráðsdóttir og Hrefna I. Jóhannesdóttir, eitt mark hvor.

=== '''3. flokkur kvenna''' ===
3. flokkur kvenna lék sinn fyrsta leik í Íslandsmótinu gegn Val að Hlíðarenda og voru ÍBVstelpur ekki í vandræðum með heimamenn. Þær sigruðu í leiknum, 1-3. Mörk ÍBV skoruðu þær Kristjana, Elva og Erna, eitt mark hver.

=== '''4. flokkur kvenna''' ===
Fjórði flokkur kvenna lék sinn fyrsta leik í Íslandsmótinu gegn liði Hauka í Hafnarfirði. A-liðið burstaði sinn leik, 0-8 og fór Margrét Lára á kostum í leiknum og skoraði 7 mörk, en Thelma skoraði það áttunda. B- liðið hafði einnig yfirburði í sínum leik, sigraði 0-5. Mörk ÍBV skoruðu þær; Erla Signý 2, Signý 2 og Anna Fríða 1.

=== '''2. flokkur karla''' ===
2. flokkur karla lék við Þrótt úr Reykjavík í sínum fyrsta útileik. Leikurinn fór nokkuð fjörlega af stað, en Eyjapeyjar náðu engan veginn tökum á leiknum, þar sem öll orkan hjá þeim fór í óþarfa tæklingar og brot. Það voru margir ungir og efnilegir strákar í þessum flokki, sem þurftu að einbeita sér betur að því að spila góðan og taktískan fótbolta, því að getan er fyrir hendi. Þróttarar skoruðu fyrsta mark leiksins um miðjan fyrri hálfleik, en Bjarni Geir Viðarsson jafnaði metin rétt fyrir hálfleik, með góðu skallamarki. Í seinni hálfleik var tveimur leikmönnum gestanna vikið af leikvelli, og eftirleikur ÍBV-liðsins var frekar auðveldur. Varnarjaxlinn, Páll Almarsson, tryggði sigur ÍBV með tveimur frábærum skallamörkum í seinni hálfleik, og lokatölur leiksins því, 3-1.

=== '''3. flokkur karla''' ===
Þriðji flokkur karla lék tvo leiki á Akureyri í lok maí. Þeir gerðu jafntefli við KA, 3-3, en töpuðu fyrir Þór, 5-0. Þá fengu þeir KR í heimsókn og léku við þá í Eyjum og unnu, 7-2. Á sunnudaginn fór ÍBV liðið til Reykjavíkur og lék gegn Þrótti, og endaði leikurinn 3-1, fyrir ÍBV. Mörk ÍBV í þeim leik, skoruðu þeir; Gunnar H, Ívar og Olgeir, eitt mark hver. Ekki finnast gögn um markaskorun í hinum leikjunum.

=== '''Slæmt gengi kvennaliðsins''' ===
ÍBV stúlkur töpuðu fyrir Val 5:2 í efstu deild, Meistaradeildinni. Morgunblaðið segir svo frá leiknum: ''„Það var samt grimmt lið ÍBV, sem byrjaði leikinn betur og það skilaði marki Bryndísar Jóhannesdóttur á 10. mínútu. En Eyjamenn voru ekki lengi í paradís því aðeins tveimur mínútum síðar jafnaði Bergþóra Laxdal fyrir Val þegar hún fylgdi eftir er Sigríður Kristmannsdóttir markvörður ÍBV varði aukaspyrnu Hjördísar Símonardóttur og boltinn datt fyrir markið. Laufey Ólafsdóttir kom Val í 2:1 skömmu síðar með þrumuskoti í slá og inn. Strax í upphafi síðari hálfleiks bætti Ása Ingibergsdóttir við marki fyrir Val en þá sögðu Eyjastúlkur hingað og ekki lengra. Sigríður Ása Friðriksdóttir skaut í þverslá Vals og skömmu síðar fór skot Fannýjar Yngvadóttir líka í slána en í þetta skiptið fór boltinn inn í markið og munurinn eitt mark, 3:2. En Valsstúlkur voru ekki búnar að segja sitt síðasta orð, Hjördís bætti við öðru marki sínu og rétt fyrir leikslok innsiglaði Bergþóra Laxdal sigur Vals.“'' ÍBV liðið var án stiga og í neðsta sæti deildarinnar.

=== '''Steingrímur örfættur?''' ===
Eyjamenn tóku Valsmenn í bakaríið á Helgafellsvelli í Landssímadeildinni. Leikurinn endaði 6- 1 fyrir Eyjamenn og var sigurinn síst of mikill. Einkum var það í fyrri hálfleik sem okkar menn óðu í færum en þá náðu þeir aðeins að skora tvö mörk. Steingrímur Jóhannesson hefur svo sannarlega sprungið út í sumar og með þremur mörkum í þessum leik sýndi hann og sannaði að Guðjón Þórðarson, landsliðsþjálfari var ekki að kaupa köttinn í sekknum með því að velja Steingrím í landsleikinn á móti Suður-Afríku.

''„Ég er að byrja þetta mót vel og er að smella meirihlutanum af þessum átta mörkum með vinstri," sagði Steingrímur. „Ég held að ég sé að átta mig á því eftir öll þessi ár að ég er vinstri fótar maður," bætti hann við og hló. „Menn lögðu sig fram í leiknum, vildu bæta fyrir ÍR-leikinn og það tókst. Nú erum við í efsta sæti og ætlum okkur að halda því,“'' sagði Steingrímur Jóhannesson í viðtali við Fréttir.

=== '''Flott pæjumót''' ===
Níunda Pæjumóts ÍBV verður lengi minnst fyrir veðurblíðunnar sem stúlkurnar nutu alla mótsdagana. Mótið hófst strax á fimmtudagsmorguninn þó mótssetningin væri ekki fyrr en um kvöldið. Þegar upp var staðið höfðu 1003 mörk verið skoruð af 295 leikmönnum í 328 leikjum. Vestmannaeyingar geta vel unað árangri sinna stúlkna í mótinu. Þær léku til úrslita í fjórum flokkum af átta og stóðu uppi sem Pæjumótsmeistarar í 4. flokki A og 6. flokki B. Þessi frábæri árangur staðfestir að ÍBV er að festa sig í sessi sem verðandi stórveldi í kvennaknattspyrnunni. Sól og blíða settu svo sannarlega mark sitt á Pæjumótið 1998. Skilaði það sér í betri knattspyrnu og öll framkvæmd mótsins varð svo miklu léttari og skemmtilegri og síðast en ekki síst fóru keppendur héðan með góðar minningar um sólbakaðar Vestmannaeyjar.

Keppendur voru hvorki fleiri né færri en 830, stelpur á aldrinum 6 til 15 ára. Alls tóku 15 félög þátt í mótinu með samtals 82 lið og var keppt í þriðja, fjórða, fimmta og sjötta aldursflokki. Eftir því sem leið á mótið jókst spennan en þegar nær dró lokum riðlakeppninnar sást að hverju stefndi, ÍBV og Breiðablik voru að ná bestum árangri. Þegar upp var staðið áttu þessi stórveldi kvennaknattspyrnunnar sín hver fjögur liðin í úrslitum. Breiðablik hafði svo betur, sat uppi með þrjá Pæjumótstitla en ÍBV tvo sem verður að teljast mjög góður árangur. Varð ÍBV meistari í 4. flokki A og 6. flokki B.

Í 2. sæti varð ÍBV í 5. flokki A og 3. flokki.

Árangur hjá öðrum liðum ÍBV var eftirfarandi: ÍBV varð í 3. sæti í 3. flokki A, í 6. sæti og 11. sæti 4. flokki B, í 5. sæti í 5. flokki B, í 3. sæti í 6. flokki A og í 3. og 4. sæti í 6. flokki B. Úrslitaleikirnir fóru fram á Þórsvellinum sem skipt var niður í þrjá velli og um tíma voru lið frá ÍBV að spila á þeim öllum.

=== '''Margrét Lára ætlar að leika með ÍBV í framtíðinni''' ===
Margrét Lára Viðarsdóttir ÍBV varð Pæjumótsmeistari í 4. flokki A, og jafnframt varð hún markahæst í sama flokki, en hún skoraði hvorki meira né minna en 14 mörk á mótinu. Margrét Lára varð 12 ára á árinu og var þetta fimmta Pæjumótið sem hún tók þátt í. En er þetta alltaf jafn skemmtilegt spurði blaðamaður Frétta? „''Já, það finnst mér. Mótið í ár var sérstaklega skemmtilegt, vegna þess að veðrið var svo gott. Síðan var líka frábært að spila leikina og að standa uppi sem sigurvegarar,"'' sagði Margrét Lára. Henni fannst einnig mjög gaman á kvöldvökunni, þar sem Greifarnir spiluðu og grillaðar voru pylsur og drukkið gos.

Uppáhaldsleikmaðurinn hennar er Ronaldo.

Hér heima er ÍBV númer eitt og Ívar Ingimarsson í miklu uppáhaldi.

Margrét Lára sagðist ætla að leika með meistaraflokki kvenna ÍBV í framtíðinni, en hún ætlar einnig að læra að verða sjúkraþjálfari og íþróttaþjálfari.

=== '''Ágætt gengi yngri flokkana''' ===
Fimmtudaginn 11. júní, spilaði 2. flokkur karla gegn Breiðabliki á útivelli, og endaði leikurinn þar meðjafntefli, 0-0. Þriðjudaginn 16. júní fengu þeir síðan lið Fjölnis í heimsókn, og var sá leikur í bikarkeppninni. ÍBV hafði mikla yfirburði í leiknum, og sigraði 7-0. Mörk ÍBV skoruðu: Bjarni Geir 3, Óskar 1, Birgir 1 og Unnar 1. Mánudaginn eftir léku þeir gegn Fylki hér heima og töpuðu, 0-2.

Fjórði flokkur karla spilaði í A-deild, og áttu þeir töluvert á brattann að sækja.. Mánudaginn 15. júní fengu þeir KR-inga í heimsókn og urðu lokatölur leiksins, 1-5. Eina mark ÍBV í leiknum skoraði Karl. Viku síðar komu ÍRingar í heimsókn, og unnu gestirnir leikinn, 2-4. Mörk ÍBV skoruðu: Friðrik og Andri.

Þriðji flokkur karla var að gera góða hluti, og í þessum flokki voru margir ungir og efnilegir strákar að koma upp. Þeir heldu til Siglufjarðar um miðjan júní og léku þar gegn KS. Eyjapeyjar höfðu mikla yfirburði í leiknum og unnu 1-7. Mörk ÍBV skoruðu: Gunnar Heiðar 2, Einar Hlöðver 1, Guðgeir 1, Bjarni 1, Atli 1 og Ívar 1.

Tveim dögum síðar mætti ÍBV síðan Keflavík í bikarnum og fóru með sigur af hólmi, 4-1. Mörk ÍBV skoruðu: Gunnar Heiðar 3 og Atli.

Annar flokkur kvenna var á miklum skriði. Þær fengu Hauka í heimsókn, og sigruðu örugglega, 5- 1. Mörk ÍBV skoruðu: Hrefna 2, Jóna Heiða 2 og Hjördís 1.

Þriðji flokkur kvenna fékk Breiðablik í heimsókn og voru gestirnir teknir í bakaríið. ÍBV vann 4-0 og mörkin skoruðu þær: Kristjana 2, Eva 1 og Silvía R. 1.

=== '''Misjafnt gengi''' ===
Kvennalið meistaraflokks ÍBV átti misjöfnu gengi að fagna í Meistaradeildinni. Þegar þær mættu ÍA voru þær enn án sigurs en ætluðu að selja sig dýrt gegn þeim Skagastúlkum. Fyrri hálfleikur var þokkalega leikinn og var greinilegt að gestirnir ætluðu sér að pakka í vörn og beita skyndisóknum. Það bar árangur, því á 17. mínútu leiksins komust Skagastúlkur yfir, og var staðan í hálfleik, 0-1. ÍBV stelpur komu grimmar til síðari hálfleiks en ekkert gekk að koma boltanum inn fyrir marklínu andstæðinganna. Það var ekki fyrr en á 80. mínútu að Fanný Yngvadóttir náði að jafna metin fyrir ÍBV, og héldu nú flestir að fyrsta stigið væri í höfn. En Eyjastúlkur voru ekki hættar og fimm mínútum síðar, skoraði Bryndís Jóhannesdóttir, sigurmark ÍBV í leiknum.

Nokkrum dögum síðar mættu þær svo KR-ingum sem spáð var Íslandsmeistaratitli. Svo fór að KR sigraði 4-0. Sigurlás Þorleifsson, þjálfari Eyjastúlkna sagði eftir leikinn að liðið sitt hefði átt sinn besta leik en lukkudísirnar ekki verið þeim hliðhollar.

=== '''Nýir búningar en það leikurinn sem skiptir máli''' ===
ÍBV hélt forystu sinni í Landssímadeildinni eftir 2- 0 sigur á Grindvíkingum í 7. umferð Landssímadeildarinnar. Leikurinn fór að mestu fram á vallarhelmingi Grindvíkinga sem greinilega sættu sig við að ná einu stigi í Eyjum. Fyrir vikið var leikurinn frekar leiðinlegur því sóknarmenn þurftu að sækja fram gegn 11 manna vörn gestanna. Einkum setti þetta svip á fyrri hálfleik þegar Eyjamenn höfðu stífa austanátt í bakið. Fyrra mark ÍBV kom um miðjan síðari hálfleik og eftir það opnaðist leikurinn og varð skemmtilegri. Gestirnir sóttu meira en sigur Eyjamanna var aldrei í hættu og þegar fimm mínútur yoru til leiksloka koma seinna mark ÍBV.

ÍBV mætti í nýjum búningum í leikinn gegn Grindavík, mjög skrautlegum; hvítum treyjum með rauðum og svörtum ermum. Ívar Bjarklind sagði í viðtali við Fréttir að þeir hefðu verið minntir á það fyrir leikinn. „ ''Jóhannes formaður sagði fyrir leikinn að það væru ekki búningarnir heldur leikurinn sem skipti máli. Þetta var greinilega það sem mannskapurinn þurfti. Mér fannst við spila vel og voru allir á fullu allan tímann. Boltinn gekk vel og þó þeir legðust í vörn héldum við áfram að spila, Þetta kom svo í lokin eins og gerðist oft í fyrra. Við náum að hamra á liðunum þangað til þau fara að gefa sig. Ég er því mjög ánægður með leikinn,"'' sagði Ívar.

=== '''Fjölmennasta Shellmótið til þessa''' ===
Shellmótið, sem fram fór síðustu helgina í júní, var hið fjölmennasta til þessa. Yfir 1000 drengir úr 6. flokki, á aldrinum 8 -10 ára mættu til keppni í a, b, c og d flokkum. Annar eins fjöldi þjálfara, fararstjóra og foreldra mætti á svæðið, þannig að hér hafa verið um 2000 aðkomumanns vegna þessa móts. Mikill hluti gestanna, annarra en keppenda, gisti í Herjólfsdal og var yfir að líta svipað og á þjóðhátíð. Þetta mót fór frábærlega fram, þaulskipulagt frá A til Ö og ekki skemmdi fyrir að fádæma veðurblíða var alla mótsdagana. Sérstakt blað, Shellmótsfréttir, var gefið út á hverjum morgni og komu þar fram öll úrslit dagsins á undan, ásamt viðtölum og fleiru. Samtals voru skoruð 1660 mörk á mótinu, þar af flest hjá a-liðum eða 425, 409 hjá b-liðum, 399 hjá c-liðum og 278 hjá d-liðum. Sjálfsmörk voru 43.

Í Fréttum segir að miklar framfarir hafi orðið í knattspyrnunni hjá drengjunum í 6. flokki. Þarna hafi mátt sjá brasilíska sömbutakta, argentínskan tangó, danskan valstakt, þýska snerpu, ítalska lipurð og kerfisbundinn enskan bolta svo að fátt eitt sé nefnt Margir hraðir og skemmtilegir leikir sáust á mótinu og greinilegt að þjálfun og umgjörð margra liða á þessu móti er til fyrirmyndar.

=== '''„Ég er svekktur“''' ===
Topplið ÍBV sótti ekki gull í greipar Skagamanna í 7. umferð Íslandsmótsins. Töpuðu 1-0. „''Það hefði verið gott að koma þeim langt frá okkur því það er gott að hafa eitthvert forskot upp á að hlaupa þegar kemur að svona auknu álagi,"'' sagði Hlynur Stefánsson, fyrirliði Eyjamanna, eftir leikinn í viðtali í Morgunblaðinu. ''„Ég er svekktur yfir leiknum en það var eins og eitthvert andleysi hrjáði okkur. Við vorum alltof passasamir, ætluðum að fá þá framar á völlinn en þeir komu ekki þangað og það hentar okkur ekki að bíða - frekar að við eigum að sækja. Við spiluðum ágætlega fram að miðju en leikmenn virtust gera sér að góðu að halda aðeins boltanum. Það var lítið í gangi hjá þeim, markið var með ákveðnum heppnistimpli og þetta var eiginlega jafnteflisleikur með stöðubaráttu á miðjunni. Að öðru leyti var ekkert sem kom okkur á óvart í leik Akurnesinga“,'' sagði Hlynur.

Næsti leikur liðsins var svo við Leiftur á Ólafsfirði. Þar varð slæm brotlending. Fékk liðið hvorki fleiri né færri en 5 mörk á sig í þessum leik og náði ekki að skora nema eitt.

Nokkrum dögum síðar lék ÍBV liðið við Þór á Akureyri í 16 liða úrslitum bikarkeppninnar. Þórsarar höfðu átt erfitt uppdráttar í 1. deildinni það sem af var sumri, en það var ekki að sjá í þessum leik því aðeins eitt mark skildi liðin að í leiknum sem lauk með 1 - 2 sigri ÍBV.

=== '''Fjölnir engin fyrirstaða''' ===
Svo virtist sem kvennalið ÍBV væri aðeins að rétta úr kútnum. Þær fengu Fjölni í heimsókn. Var leikið við mjög góðar aðstæður á Hásteinsvelli. ÍBV var í næst neðsta sæti fyrir þennan leik en Fjölnir var í því fimmta. 4-1 urðu leikslok fyrir ÍBV.

Íris Sæmundsdóttir og Olga Stefánsdóttir skoruðu 2 mörk hvor.

=== '''ÍBV lagði KR í tvígang''' ===
Það er alltaf stórleikur í Eyjum þegar ÍBV og KR eigast við, en þessi lið mættust í 8-liða úrslitum Coca-Cola bikarsins í knattspyrnu 14. júlí. Liðin höfðu mæst í deildinni fimm dögum áður, og þá fóru Eyjamenn með sigur af hólmi, 3-1. Margir voru smeykir fyrir þessa viðureign, sérstaklega í ljósi þess að tölulegar staðreyndir voru ekki hliðhollar ÍBV fyrir þennan leik. En þegar sömu lið mætast tvisvar sinnum, með stuttu millibili, þá er mjög sjaldgæft að sama liðið vinni báða leikina. Þetta sálarstríð þurftu Eyjapeyjar að yfirstíga, og það gerðu þeir með miklum sóma.

Í Fréttum sagði að leikurinn hafi þróast svipað og í deildinni fimm dögum áður. ''„Eyjamenn héldu boltanum mun meira, en KR-ingar bökkuðu og reyndu að beita skyndisóknum. Bæði lið léku mjög varfærnislega og var ekki mikið um marktækifæri í fyrri hálfleik. Mun meiri kraftur var þó í ÍBV-liðinu, en heimamenn náðu ekki að skapa sér mörg hættuleg marktækifæri. Staðan í hálfleik var 0 - 0. Seinni hálfleikur var nánast spegilmynd af þeim fyrri, en KR-ingar voru heldur hættulegri í sínum sóknaraðgerðum. En hvorugu liðinu tókst að koma knettinum í netið að loknum venjulegum leiktíma, og því þurfti að grípa til framlengingar. Sigurmark leiksins kom þegar um 5 mínútur voru eftir af fyrri hálfleik framlengingarinnar. Þá fékk Kristinn Hafliðason boltann fyrir utan vítateig KR og lét hann skot vaða að marki. Boltinn fór í einn varnarmanna KR, breytti um stefnu og í netið fór hann. KR-ingar reyndu að sækja að krafti eftir þetta mark, en vörn ÍBV var föst fyrir og engin virkileg hætta skapaðis. Eyjamenn léku ágætlega í leiknum, þó svo að þeir hafi ekki náð að skapa sér hættuleg marktækifæri. Gunnar var öruggur í markinu, vörnin var þétt og sókndjörf, miðjan dreifði spilinu vel og Steingrímur var duglegur frammi.“''

=== '''Bikardraumur úti''' ===
Rétt fyrir Þjóðhátíð fékk 2. flokkur karla lið Keflavíkur í heimsókn. Þetta var leikur í bikarkeppni KSÍ, og því að duga eða drepast. Þarna mættust tvö af betri liðum landsins og var mikið í húfi í þessum leik. Jafnræði var með liðunum fyrri hluta leiksins, en staðan í hálfleik var, 2-1. Fyrirliði ÍBV, Bjarni G. Viðarsson, var rekinn útaf í fyrri hálfleik, vegna tveggja gulra spjalda, sem og einn Keflvíkingur. Magnús Elíasson, skoraði bæði mörk ÍBV í fyrri hálfleik, fyrst eftir gott spil og seinna markið gerði hann eftir stungusendingu. En í byrjun seinni hálfleiks gerðu Keflvíkingar tvö mörk með stuttu millibili, og náðu undirtökunum í leiknum. Fjórða mark gestanna kom um miðjan seinni hálfleikinn, og með því marki fengu Eyjamenn rothöggið. Lokatölur leiksins urðu því, 2-4, og ÍBV þar með úr leik í bikarnum. Magnús Elíasson, átti bestan leik Eyjapeyja, en aðrir geta mun betur.

=== '''Ágætt gengi yngri flokkanna''' ===
Gengi yngri flokka ÍBV þetta sumarið hefur verið ágætt. Félagið tók þátt í Íslandsmóti allra yngri flokkanna. Síðustu dagana fyrir Þjóðhátíðina fór 2. flokkur kvenna í Garðabæinn og lék við Stjörnuna. Þeim leik lyktaði með jafntefli 1-1. Mark ÍBV skoraði Hjördís Halldórsdóttir. Nokkrum dögum síðar stelpurnar FH í heimsókn, og endaði leikurinn með sigri ÍBV, 5- 0, eftir að staðan í hálfleik hafði verið 2-0. Hanna, Hjördís Halldórs., Hrefna, Íris og Hjördís Jóhannesar skoruðu mörk ÍBV.

Þriðji flokkur karla fékk KA frá Akureyri í heimsókn. Eyjamenn áttu ekki í vandræðum með gestina að norðan, og sigruðu örugglega, 6-0. Gunnar Heiðar skoraði fjögur mörk í leiknum, en þeir Atli og Bjarni Rúnar eitt mark hvor.

Strákarnir í fjórða flokki hafa staðið sig framar vonum í sumar. Nú síðast lögðu þeir lið Leiknis úr Reykjavík, með fjórum mörkum gegn einu. Víðir Róbertsson gerði þrennu í leiknum og Andri Ólafsson skoraði eitt mark.

Fimmti flokkur karla var heldur betur á skotskónum þessa síðustu daga júlímánaðar þegar liðið spilaði við Leikni úr Reykjavík. Hjá a-liðunum endaði leikurinn, 5-1 og skoruðu þeir Björgvin 3 og Grétar 2 mörk. B-liðið burstaði sinn leik, 15-0, og meðal markaskorara voru þeir; Einar K, Garðar Ó, Bjarni, Ragnar, Steingrímur, Hersir, Sævald og Þorgils O.

=== '''Tóku Stjörnuna í nefið''' ===
Meistaraflokkur kvenna fékk Stjörnuna úr Garðabæ í 8 liða úrslitum Coca-Cola bikarsins í knattspyrnu. Leikurinn fór fram á Hásteinsvelli, við mjög góðar aðstæður og lauk með 2 - 0 sigri ÍBV. Stjarnan kærði leikinn og taldi einn leikmann ÍBV ólöglegan. Svo fór að kæra Stjörnunnar var tekin gild og henni dæmdur sigur í leiknum.

Það var engu líkara en Eyjastelpur hefðu þetta á bak við eyrað þegar þær tóku Stjörnuna í nefið leik liðanna í Eyjum nokkrum dögum síðar. Úrslit leiksins urðu sex mörk gegn einu og þar með komst ÍBV upp að hlið Stjörnunnar með tíu stig. ÍBV-stelpurnar sýndu strax að þær ætluðu sér ekkert nema sigur og fyrsta markið kom strax á fjórðu mínútu þegar Bryndís Jóhannesdóttir skoraði glæsimark.

Íris Sæmundsdóttir bætti svo við öðru marki fyrir hálfleik. Fyrri hluti seinni hálfleiks var algjör einstefna að marki Stjörnunnar. Hjördís Halldórsdóttir fór fyrir Eyjastelpum og skoraði tvö fyrstu mörkin í hálfleiknum. Í Fréttum var sagt að eftir það hafi farið að bera á einbeitingarleysi hjá ÍBV og á 20. mínútu tókst Stjörnunni að skora sitt fyrsta og eina mark. ''„Þá tók Olga Stefánsdóttir málin í sínar hendur, skoraði tvö mörk og þar með varð niðurlæging Stjörnunnar algjör. Best í liði ÍBV var Anna Rentschler, stjórnaði vel á miðjunni og sótti óhikað í andstæðingana. Lið ÍBV: Petra 7 - Fanný 7, Erna 7, Sigríður Á 8, Kristín E. 6) - Elena 8, Anna 9, Hrefna 7 (Dögg L. 5), Hjördís 8 (Jóna Heiða 5)- Íris 8, Bryndís 7 (Olga 8).“''

=== '''Steingrímur stefnir á markakóngstitilinn''' ===
Eyjamenn fengu spútniklið Þróttar úr Reykjavík, í Landssímadeildinni í síðasta heimaleik fyrir Þjóðhátíð. Leikið var í blíðskaparveðri á frábærum Hásteinsvelli. Leikurinn var frábær skemmtun og voru yfirburðir ÍBV þó nokkrir og lauk leiknum með sigri heimamanna 3-0 . Fyrirfram var búist við einvígi markahæstu manna deildarinnar, Steingríms Jóhannssonar hjá ÍBV og Tómasar Inga Tómassonar Eyjamannsins í liði Þróttara. Því einvígi lauk með yfirburðasigri Steingríms sem náði að skora þrennu í leiknum.

Þessir fyrrum félagar í ÍBV voru markahæstir í Landssímadeildinni fyrir þennan leik. Steingrímur hafði skorað 14 mörk í 11 leikjum og en markakóngsmetið var 18 mörk. Tómas Ingi hafði skorað níu mörk og til samans má geta þess að þeir félagar höfðu skorað 23 mörk. ÍBV hafði skorað 26 mörk það sem af var Landssímadeildinni en næstu lið ekki nema 18 mörk.

=== '''Liðsauki í handboltanum''' ===
Í Fréttum var sagt frá því að 2 nýir leikmenn væru þegar komnir í lið ÍBV fyrir næsta vetur og skuli þar fyrstan nefna, Valgarð Thoroddsen, hornamanninn snjalla, sem lék með Val á síðustu leiktíð. Valgarð hefur alla tíð leikið með Val, hann á að baki 11 landsleiki, ásamt því að hafa spilað með yngri landsliðum Íslands. Valgarð mun vinna hjá Vinnslustöð Vestmannaeyja, en það starf hafði mikið að segja um ákvörðun hans að koma til Eyja. Valgarð gerði eins árs samning við ÍBV, en miklar líkur eru á því að hann muni spila lengur með liðinu. Hinn nýi leikmaðurinn er Giedrius Cerniauskas, litháísk stórskytta. Hann er margreyndur landsliðsmaður, sem spilar horn með landsliði sínu, en er skytta hjá félagsliði. Hann varð markahæstur í litháísku deildinni á síðustu leiktíð. Giedrius hefur einnig leikið í Tékklandi. Þá hafa Eyjamenn einnig endursamið við Robertas Pauzuolis, sem lék með ÍBV síðasta tímabil, við góðan orðstír. Einn galli er þó á gjöf Njarðar, því að félagslið Robertas í Litháen, Granitaz Kaunes, hefur farið fram á stjarnfræðilegar upphæðir fyrir Robertas. Eyjamenn em tilbúnir að greiða sanngjarnt verð fyrir hann, en það mun skýrast í vikunni hverjar málalyktir verða. Þá hefur Eyjamaðurinn sterki, Daði Pálsson, ákveðið að leika með ÍBV á ný, en hann lék með Haukum á síðustu leiktíð.

=== '''Lofað utanlandsferð''' ===
Á stjórnarfundi aðalstjórnar 9. júlí segir að ákveðið sé að setja reglur um ferðir yngri flokka félagsins erlendis, enda geti annað orðið mjög kostnaðarsamt fyrir börnin og foreldrana. Á fundinum var ítrekuð fyrri ákvörðun stjórnarinnar að 4. flokkur karla og kvenna í handknattleik færi út næsta sumar og knattspyrnulið þessara flokka árið 2000. Í bókun segir hinsvegar: ''„Staðan er hinsvegar þannig að unglingaráð knattspyrnunnar hafði lofað 3. flokki næsta árs utanlandsferð og hefur þegar hafið söfnun. Var sú ákvörðun tekin í góðri trú að sögn Jóns Óskars Þórhallssonar, formanns unglingráðs knattspyrnunnar'', þar sem ekki var ''vitað um áform handknattleiksdeildar fyrr en um seinan. Voru málin rædd og voru sumir fundarmenn á þeirri skoðun að setja unglingaráði knattspyrnunnar þann eina kost að draga loforð sitt til baka gagnvart drengjunum. Öðrum fundarmönnum fannst ótækt að drengirnir yrðu sviknir vegna þessa. Var ákveðið að senda bréf til unglingaráðanna þar sem þeim væri gerð grein fyrir fyrri ákvörðun aðalstjórnar félagsins, sem þó fannst ekki í fundargerðum hennar. (fundurinn gerir athugasemd við að ítrekaðar séu samþykktir frá fyrri stjórnum félagsins en finnast ekki fundargerðabókum þess.) Virtust fundarmenn þó á því að finna lausn á þessa sérstaka tilviki en var þó engum falið að fara í málið.''

=== '''2-0 tap í fyrri leik Evrópukeppninnar''' ===
„''Það er möguleiki í stöðunni, þó vissulega verði það erfitt og menn verða að leggja sig fullkomlega fram,"'' sagði Bjarni Jóhannsson, þjálfari ÍBV í viðtali við Morgunblaðið, eftir 2:0 tap fyrir FK Obilic í Belgrad 22. júlí, en leikurinn sem var í forkeppni Evrópumóts félagsliða var fyrri viðureign félaganna. Sá síðari verður í Vestmannaeyjum 29. júlí. „''Nú vitum við fyrir víst að hverju við göngum og nú er bara að nýta sér veikleika þeirra. Heimavöllurinn hefur reynst okkur vel og engin ástæða til annars en svo verði áfram. Þetta verður síðasti leikur fyrir þjóðhátíð og ef það verður þjóðhátíðarstemmning utan vallar jafnt sem innan getur allt gerst,"'' sagði Bjarni ennfremur. Leikmenn Obilic voru mun meira með knöttinn í leiknum og Eyjamenn vörðust aftarlega og náðu sjaldan að sækja svo nokkur hætta skapaðist af uppi við mark heimamanna. Þá höfðu aðstæður mikið að segja en þrátt fyrir mikla veðurblíðu á sunnanverðu landinu síðustu vikur eru Eyjamenn ekki vanir því að leika knattspyrnu í 35 til 40 gráða hita og heiðskíru veðri líkt og var í Belgrad. Það dró mjög úr krafti leikmanna ÍBV, einkum er á leið. Heimamenn gerðu eitt mark í hvorum hálfleik og voru þau bæði í ódýrara lagi að mati Bjarna, en hann hafði lagt upp með að halda markalausu. ''„Með smáheppni hefði það tekist. Við áttum í vök að verjast allan leikinn og varnarleikurinn var nokkuð góður. Þeir fengu fá opin færi, að því leyti getum við verið ánægðir með varnarvinnuna. Sárast var að skora ekki því mörk á útivelli því þau vega svo þungt í keppninni, en við náðum aldrei að ógna verulega að marki þeirra og nýta veikleika þeirra í vörninni."''

=== '''Úr leik í Evrópukeppninni''' ===
Seinni leikur Eyjamanna og júgóslavnesku meistararnir, FK Obilic fór fram á Hásteinsvelli 29. júlí. Það var því ljóst að IBV átti á brattann að sækja í þessum leik. Mikil eftirvænting og spenna ríkti meðal leikmanna og stuðningsmanna ÍBV fyrir þennan mikilvæga leik. Um 1600 manns lögðu leið sína á völlinn, til þess að leggja sitt af mörkum og koma Eyjamönnum áfram í Evrópukeppninni. Var sannkölluð Þjóðhátíðarstemmning á leiknum.

Fréttir segja frá því að Eyjamenn hafi komið einbeittir og grimmir til leiks. ''„Þeir náðu að þétta vörnina mjög vel og voru oft mjög nálægt því að opna vörn gestanna. Lið Obilic var mjög sterkt í þessum leik og sást því oft á tíðum skemmtilegur samleikur hjá báðum liðum. Mikil barátta var í byrjun leiks, en undir lok fyrri hálfleiks náðu Eyjamenn að komast yfir með marki, Kristins Hafliðasonar. Staðan var l-0 í leikhléi, og möguleikar ÍBV um að komast áfram, jukust til muna. Sama baráttan var í síðari hálfleik, og vantaði aðeins herslumuninn til að fá annað mark ÍBV í leiknum. En um miðjan síðari hálfleik var vonarneisti heimamanna slökktur, eftir mjög klaufalegt mark, sem verður að skrifast á Gunnar í markinu. Nú þurftu Eyjamenn að skora þrjú mörk til viðbótar til að komast áfram, og það var einfaldlega of mikið. Júgóslavamir bættu síðan við öðru marki undir lok leiksins, lokatölur því 1 - 2. Bestu menn ÍBV í leiknum voru þeir Ívar Bjarklind, Ívar Ingimarsson og Hlynur Stefánsson.''

=== '''Ósætti á stjórnarfundi''' ===
Á stjórnarfundi aðalstjórnar 9. júlí var tekið fyrir bréf frá handknattleiksdeild. Þar var drepið á nokkra hnökra sem hafa verið í skipulagningu félagsins á meðan það slítur barnsskónum eins og sagði í bréfinu. Fannst handknattleiksdeild að deildin hefði borið skarðan hlut frá borði. Var málinu frestað til stjórnarfundar 23. júlí. Á þeim fundi kom fram að Þorsteinn Gunnarsson frkvstj. Knattspyrnudeildar og Þór Vilhjálmsson, formaður félagsins hafi fundað með stjórn handknattleiksdeildar. Þeir samþykktu að deildin fengi greidda eina milljón króna, sem einskonar sáttagreiðslu. Jón Óskar Þórhallsson greiddi atkvæði gegn tillögunni og mótmælti því að greiddir yrðu út slíkir fjármunir án þess að lyft væri hendi í þágu félagsins. Voru reyndar fleiri á því máli en greiddu þó atkvæði með tillögunni í þágu friðar. Undraðist Jón Óskar að ekki væri sýnt fram á fjárhagslegt tjón skv. bréfinu áður en upphæðin væri ákveðin. Kallaði hann greiðsluna brandara. Féllu þessi viðbrögð í grýttan jarðveg, enda taldi formaðurinn sig hafa verið að leita sátta.

=== '''Vel heppnuð þjóðhátíð, þrátt fyrir misjafnt veður'''''.'' ===
Þjóðhátíðin 1998 var sett með formlegum hætti 31. júlí. Föstu liðirnir á þjóðhátíð, brennan á föstudagskvöldinu, flugeldasýningin á laugardagskvöldinu og brekkusöngurinn voru á sínum stað á þjóðhátíðinni. Brennan var af hefðbundinni stærð og naut sín ágætlega í góðu veðri. Ekki blés eins byrlega á laugardagskvöldið. Rigning og þoka. En þegar flugeldasýningin átti að byrja var eins og rofaði til og naut flugeldasýningin sín mjög vel.

Að venju stjórnaði Árni Johnsen brekkusöngnum og sagði hann brekkukórinn þann stærsta til þessa. Stuðmenn komu enn eina ferðina og stálu senunni. Einkum voru þeir öflugir síðustu nóttina en þá linntu þeir ekki látum fyrr en klukkan að ganga átta á mánudagsmorguninn.

Talið var að um 7500 gestir hefðu verið á þessari þjóðhátíð. Veðrið spilar alltaf stórt hlutverk á þjóðhátíð. Að þessu sinni voru ýmsar útgáfur af því. Á föstudeginum var gott veður og Herjólfsdalur skartaði sínu fegursta og hélst svo fram að hádegi á laugardag. Þá tók að rigna og þoka lagðist yfir Eyjarnar, nema meðan flugeldasýningin stóð yfir. Sunnudagurinn var blautur með þoku. Það var mál manna að þjóðhátíðin hefði heppnast ágætlega og lögreglan lýsti yfir nokkurri ánægju með gesti Þjóðhátíðar, sem langflestir voru til fyrirmyndar, þó séu alltaf svartir sauðir sem ekki kunna fótum sínum forráð.

Miðaverð í Dalinn var kr. 7.000 en kr. 6.500 í forsölu. Hústjöld í Dalnum voru 289.

Þjóðhátíðarlagið 1998 var eftir Geirmund Valtýsson og textinn eftir Guðjón Weihe og Geirmund og heitir; Við erum öll á Þjóðhátíð.

=== '''Eyjamenn í bikarúrslit 3ja árið í röð''' ===
„''Það er alltaf sagt að við komum þungir til leiks eftir þjóðhátíð en við afsönnuðum það núna,"'' sagði Ívar Bjarklind, markahrókur ÍBV í viðtali við Fréttir eftir bikarleikinn gegn Breiðabliki í undanúrslitum bikarkeppninnar. Leikurinn var á Hásteinsvelli og lauk með 2- 0 sigri ÍBV og skoraði Ívar bæði mörkin. Hann var færður fram í seinni hálfleik og gjörbreytti með því leik liðsins. ''„Mér finnst alltaf gaman að spila frammi eins og ég gerði hjá KA,"'' bætti Ívar við.

=== '''Sigla hraðbyri''' ===
Meistaraflokkur karla í knattspyrnu var á mikilli siglingu í Landssímadeildinni og margir á þeirri skoðun að þeir verji Íslandsmeistaratitlinn. Liðið mætti Keflvíkingum á Hásteinsvelli og vann 3-1. Keflvíkingar unnu ÍBV í meistarakeppninni í vor, 3 - 1, en Eyjamenn náðu að sigra ÍBK fyrr í sumar nokkuð sannfærandi, 0-3. Þessi leikur sem var í 12. umferð var sannkallaður 6 stiga leikur, því með sigri gestanna hefðu þeir náð að blanda sér í toppbaráttuna ásamt ÍBV, ÍA, KR og Leiftri.

Því næst fengu ÍBV strákarnir ÍR í heimsókn. Eyjamenn áttu heldur betur harma að hefna gegn gestunum úr Breiðholtinu því í fyrri leik liðanna sigruðu ÍR-ingar 1-0. En að þessu sinni fengu Breiðhyltingar að kynnast því hvar Davíð kaupir ölið, því ÍBV gjörsigraðu þá, 4-1.

Þvílík tímasóun, skrifaði íþróttafréttaritari Frétta um leik leik Vals og ÍBV sem leikinn var á Valsvelli í blíðskaparveðri og var leiknum sjónvarpað beint á SÝN. Stuðningsmannahópur ÍBV á fastalandinu fjölmennti á leikinn og fólk hér í Vestmannaeyjum sat fast við sjónvarpsskjáinn. En engin rós er án þyrna. Leikurinn endaði með markalausu jafntefli og sýndu Eyjamenn sinn allra lélegasta leik þetta sumarið.

=== '''Með samtakamætti hefst þetta allt''' ===
Starfsemi ÍBV íþróttafélags er ótrúlega margþætt og mikil. Án fjölmargra stuðningsmanna væri félagið ekki jafn öflugt og raun ber vitni. Það er því oft ástæða til að þakka fyrir það mikla starf. Eftir þjóðhátíð birtist í Eyjablöðunum þakkartilkynning frá leikmönnum og knattspyrnuráði:

''„Óhætt er að segja að Íslandsmeistarar ÍBV karla hafi haft í nógu að snúast undanfarnar vikur. Hver stórviðburðurinn hefur rekið annan og framundan er bikarúrslitaleikur sunnudaginn 30. ágúst þar sem ÍBV verður þriðja árið í röð að berjast í þessum stærsta einstaka leik ársins. Það er stórafrek út af fyrir sig að komast í bikarúrslitaleik, því megum við ekki gleyma. Að undanförnu hefur stjórn knattspyrnudeildar þurft að leita til ýmissa aðila með aðstoð vegna ýmissa verkefna. Þar má nefna uppákomurnar í Skvísusundi fyrir bikarleikinn gegn KR og Evrópuleikinn gegn FK Obilic, sjónvarpsútsendingar vegna Evrópuleiksins, öryggisgæslu í kringum þann leik, Húkkaraballið, þjóðhátíðina o.fl. að ógleymdum leikjunum sjálfum. Stjórn knattspyrnudeildar ÍBV, framkvæmdastjóri og leikmenn liðsins vilja koma á framfæri kæru þakklæti til allra þeirra sem hafa aðstoðað að undanförnu. Aðalstjórn Íþróttabandalagsins með formanninn Ásmund Friðriksson í fararbroddi hefur reynst okkur mjög vel. Herjólfur, Vestmannaeyjabær, Hótel Þórshamar, Hótel Bræðraborg, Íslandsflug, Einar Hallgrímsson rafvirki, Flugfélag Íslands, Hertoginn, Lanterna og Sigga í Skuld fá bestu þakkir fyrir stuðninginn í tengslum við Evrópuleikinn. Guðmundur Þ. B. Ólafsson, Guðjón bæjarstjóri og IV reyndust okkur sérlega vel. Sérstakar þakkir fá sjómennirnir 25 sem sáu um dyravörsluna á Húkkaraballinu, þið eruð frábærir og sannir stuðningsmenn. Þið eigið inni stóran greiða hjá okkur. Á Húkkaraballinu stóð Ásmundur formaður einnig fyrir sínu. Á þjóðhátíðinni var einvalalið sem aðstoðaði okkur í sölubúðunum með Sigurberg Ármannsson, Magnús Sigurðsson og Svein Þorsteinsson og fjölskyldu í fararbroddi. Stjórn ÍBV- íþróttafélags er sérstaklega þakkað fyrir sitt framlag við nýju búningsklefana við Týsheimilið sem hafa gjörbylt aðstöðu leikmanna ÍBV til hins betra. Stuðningsmannaklúbbur ÍBV í Eyjum er á mikilli uppleið og hefur skapað frábæra stemmningu í Skvísusundi. Ástar þakkir. Og stuðningsmenn ÍBV sem hafa mætt svo frábærlega vel á bikarleikina, Evrópuleikinn og svo auðvitað deildarleikina; kærar þakkir fyrir frábæran stuðning og góða stemmningu. Fjörið er rétt að byrja og við treystum á að þið mætið sem flest á bikarúrslitaleikinn 30. ágúst nk. á Laugardalsvelli. Sjálfsagt gleymum við einhverjum en það er alls ekki viljandi. Hafið öll bestu þakkir fyrir. Með samtakamætti hefst þetta allt. Vonandi nær ÍBV-liðið að standa undir öllu þessu en með öflugum stuðningi stuðningsmanna og fyrirtækja er allt hægt.''

Áfram ÍBV - Stjórn knattspyrnudeildar ÍBV - Leikmenn ÍBV

=== '''Sigrar og tap''' ===
Eyjastúlkur léku gegn efsta liði Vals í meistaradeild kvenna í knattspyrnu í lok ágúst. Stelpurnar fóru fullar sjálfs trausts í leikinn, þar sem þær höfðu verið að spila glimrandi bolta í undanförnum leikjum. Allt stefndi í sigur Eyjastúlkna en á síðustu mínútunni fengu þær á sig tvö mörk og töpuðu 2-1 .

Næstu helgi á eftir var haldið á Skipaskaga. ÍBV stúlkur höfðu fyrir þennan leik, aldrei farið með sigur af hólmi frá Skaganum, en þurftu nauðsynlega á sigri að halda til að halda sér nálægt toppnum. Heimamenn skoruðu fyrsta mark leiksins, en Eyjastelpur létu það ekkert á sig fá og svöruðu með þremur mörkum fyrir leikhlé. ÍA komst síðan í 2-3 en ÍBV ætlaði ekki að láta þau þrjú stig sem voru í boði, af hendi og bættu stelpurnar við fjórða markinu. Heimamenn áttu síðasta orðið í leiknum og urðu lokatölur leiksins því, 3-4.

Næstur var heimaleikur gegn Haukum. Leikið var á þungum Hásteinsvelli og áttu bæði lið erfitt uppdráttar í leiknum. Leikurinn var ekki mjög skemmtilegur á að horfa enda var veðrið og völlurinn ekki uppá það besta. Haukastelpur vörðust mjög vel nánast engin færi sköpuðust í fyrri hálfleik, fyrir utan eitt sláarskot sem Haukarnir áttu. Seinni hálfleikur byrjaði aftur á móti fjörlega og á fyrstu mínútunum komst Bryndís Jóhannesdóttir ein innfyrir vörn gestanna, lék á markmanninn en skotið var of laust og bjargað var á marklínu. ÍBV sótti mun meira og Elena átti sláarskot þegar líða fór á leikinn. Allt virtist stefna í steindautt jafntefli, þegar Íris Sæmundsdóttir skoraði, á 85 mínútu, af stuttu færi eftir skot frá Olgu Stefánsdóttur. Aðeins tveimur mínútum seinna skoraði Bryndís Jóhannesdóttir annað mark ÍBV eftir skot af markteig. Það var síðan gamla kempan, Erna Þorleifsdóttir, sem skoraði þriðja og síðasta markið á 90 mínútu. Glæsilegt mark. Lokatölur leiksins urðu því 3-0 og nokkuð sanngjarn sigur þó svo að mörkin hafi öll komið á síðustu 5 mínútum leiksins. Eyjastelpur sýndu mikinn styrk í þessum leik, með því að halda áfram allt til enda án þess að hætta að sækja.

=== '''17 ár bið eftir bikarnum á enda''' ===
Lið ÍBV tryggði sér bikarmeistaratitilinn 30. ágúst þegar það sigraði Leiftur frá Ólafsfirði 2 - 0 í úrslitaleik keppninnar á Laugardalsvelli. Fögnuður Eyjamanna, bæði á leikvellinum og í stúkunni, var mikill í leikslok og margir stundu: Loksins, loksins. ÍBV lék nú til úrslita þriðja árið í röð en tvö síðustu árin hafa Eyjamenn orðið að sætta sig við tap. Það var því mikil gleði sem ríkti þegar flautað var til leiksloka, fólk féllst í faðma, hrópaði, klappaði og söng og mátti sjá tár blika á hvarmi hjá mörgum. Stuðningsmenn ÍBV byrjuðu upphitun fyrir leikinn á laugardagskvöld með stórdansleik á Broadway en síðan var haldið áfram að morgni sunnudags í Framheimilinu.

Stemmningin á leiknum var frábær og náði hámarki í leikslok þegar Hlynur fyrirliði hóf bikarinn á loft, enda ætlaði fagnaðarlátunum á Laugardalsvelli aldrei að ljúka.

ÍBV liðið sigldi til Eyja með Herjólfi eftir leikinn, með bikarinn í farteskinu, og var tekið á móti liðinu á glæsilegan hátt er það kom til hafnar í Eyjum. Þegar fánum prýddur Herjólfur sigldi inn á höfnina með leikmennina og bikarinn á brúarvængnum, var flugeldasýning á hafnargarðinum og í Friðarhöfn og lúðrar voru þeyttir. Mikill mannfjöldi var á Básaskersbryggjunni, bryggjan nánast full af fólki og bílum, og gífurleg gleði ríkjandi.

Forseti bæjarstjórnar óskaði liðinu til hamingju og leikmenn, þjálfarar og stjórn knattspyrnudeildar fengu afhent blóm frá bæjarstjórn og stjórn ÍBV um leið og mannfjöldinn hyllti þá ákaft.

Eftir móttökuna á Básaskersbryggju var boðið til fagnaðarhátíðar í veitingatjaldinu í Herjólfsdal þar sem fagnað var fram eftir nóttu.

=== '''Kaldur og rólegur Steingrímur''' ===
Fréttir gerðu þessum bikarleik góð skil með mikilli umfjöllun og viðtölum. Það efni sem hér er birt er tekið úr Fréttum:

Kristinn Jakobsson, dómari, flautaði til leiks og þar með var baráttan hafin inni á vellinum. Áhorfendur sem þanið höfðu raddböndin á annan klukkutíma í stúkunni fyrir leik gáfu ekkert eftir og bættu við snúningi þegar leikurinn hófst. Það fór þungur kliður um stúkuna þegar Leiftursmenn komust í opið færi strax á fyrstu mínútunum en Gunnar markvörður bjargaði glæsilega og þá létu Eyjamenn vel í sér heyra. Áfram ÍBV glumdi úr stúkunni. Leiftursmenn virkuðu ákveðnari á fyrstu mínútunum og það mátti greina óróleika hjá mörgum áhorfendum en ekkert var gefið eftir í hvatningunni. Eyjamenn náðu fljótlega tökum á leiknum og fóru að leika við hvurn sinn fingur. Leikurinn var opinn, hraður og skemmtilegur og áhorfendur kunnu vel að meta það. Sóknir ÍBV þyngdust smá saman og hættuleg færi sköpuðust svo oft var risið á fætur í stúkunni og á víxl heyrðust feginsstunur, þegar eitthvað gekk upp, eða vein yfir því þegar Eyjamenn kláruðu ekki færin sem fengust. Og á milli var kallað: Áfram ÍBV eða þá að ÍBV lagið var sungið.

Þegar Leiftursmaðurinn Páll Guðmundsson varði boltann með höndum á marklínu og Kristinn dómari dæmdi vítaspyrnu á Leiftur og gaf Páli rauða spjaldið var mikið fagnað í stúkunni. Steingrímur Jóhannesson gekk kaldur og rólegur að boltanum og stillti upp á vítapunktinn. Grafarþögn ríkti í stúkunni og margir hugsuðu eflaust til vítaspyrnunnar sem fór forgörðum á móti Keflavík í fyrra. Sumir földu andlitið í höndum sér og þorðu vart að horfa á spyrnuna og spenna var í hverju andliti. Taugarnar voru þandar. Steingrímur var öryggið uppmálað og renndi knettinum örugglega í netið, 1 - 0 fyrir ÍBV, og það brjálaðist allt í stúkunni. Það var klappað, dansað, sungið faðmað og kysst. Steingrímur hljóp að stúkunni og steytti hnefa framan í áhorfendur til merkis um að nú yrði kné látið fylgja kviði. „Bikarinn til Eyja, bikarinn til Eyja," sungu stuðningsmenn ÍBV og greinilegt var að mikil spenna losnaði við markið.

Þegar flautað var til leikhlés og leikmenn ÍBV gengu til búningsklefa stóðu áhorfendur í stúkunni upp og fögnuðu þeim vel. Fólk streymdi úr stúkunni til að létta á sér eða ná í kaffisopann.

Við „skálarnir" voru spekingslegar umræður um fyrri hálfleikinn og menn skiptust á skoðunum. Það var létt yfir Eyjamönnum og þeir farnir að eygja von um að nú hefðist þetta ef til vill loksins.

=== '''Hjalti tók af skarið''' ===
Seinni hálfleikur var ekki síðri en sá fyrri og ÍBV stjórnaði leiknum. Strákarnir léku eins og þeir sem valdið hafa og sköpuðu sér hvert færið á fætur öðru en inn vildi tuðran ekki. Það var því oft staðið upp og stunið í stúkunni. Það var ekki fyrr en Hjalti Jóhannesson tók af skarið, renndi sér í gegnum vörn Leifturs og lagði boltann í netið, með hægri fæti, og tuðran lá loks í marki Leiftursmanna. Það hreinlega truflaðist allt í stúkunni og leikmennirnir á vellinum fögnuðu ofsalega. Gunnar markvörður óð fram á miðju og veltist þar um í faðmlögum en aðrir leikmenn hrúguðust á Hjalta úti við hliðarlínu. "Bikarinn til Eyja, bikarinn til Eyja," glumdi nú í stúkunni milli þess sem ÍBV lagið var sungið. Stemmningin var ótrúleg.

'''''„Hér er ég, Gunni Sig."'''''

Mínúturnar tifuðu og Leiftursmenn fengu nokkur tækifæri en Gunnar Sigurðsson í markinu hirti þá bolta sem á rammann komu, oft með glæsibrag. Eftir eina frábæra markvörslu snéri Gunnar sér til stúkunnar og lét vita með látbragði sínu að hann væri þarna til að halda hreinu. „Hér er ég, Gunni Sig," gaf hann til kynna og sjálfstraustið geislaði af honum.

'''''Loksins, loksins, var 17 ára bið á enda'''''

Eftir því sem leiktíminn styttist efldust áhorfendur í stúkunni og þegar bikarinn var kominn á hliðarlínuna nokkrum mínútum fyrir leikslok var fjörið orðið ólýsanlegt. Þegar Kristinn dómari flautaði til leiksloka ætlaði allt um koll að keyra. Leikmenn, þjálfarar, knattspyrnudeildarmenn og áhorfendur fögnuðu ofsalega. Loksins, loksins var 17 ára bið á enda.

Eftir að búið var að fagna vel og lengi voru verðlaun afhent. Leiftursmenn fengu silfrið og tóku stuðningsmenn ÍBV í stúkunni þá undir með stuðningsmönnum Leifturs og hvöttu þá um leið og þeim var þakkað fyrir leikinn. Liðsmenn ÍBV stigu síðan á pallinn og fengu gullpeninga sína en síðan afhenti Davíð Oddsson, Hlyni fyrirliða bikarinn góða og það var mögnuð stund þegar hann hóf bikarinn á loft. Markmiðinu var náð og fögnuðurinn og ánægjan voru ómæld enda féllu örugglega gleðitár hjá mörgum á þessari stund. Fagnaðarlátum ætlaði síðan aldrei að linna enda engin ástæða til annars en að njóta stundarinnar í botn.

Það voru glaðir og sælir stuðningsmenn og leikmenn ÍBV sem gengu léttir á spori af velli eftir að hafa fagnað vel og lengi.

=== '''Þú þekkir þá alla Davíð, er það ekki''' ===
Þegar Davíð Oddsson, forsætisráðherra, heilsaði upp á leikmenn fyrir leikinn kom hann fyrst að Hlyn fyrirliða og heilsaði upp á hann. Síðan er það venjan að fyrirliðinn gangi með heiðursgestinum og kynni leikmennina fyrir honum. Hlynur var meira með hugann við leikinn en formsatriðin fyrir leik og náði ekki að fylgja ráðherranum eftir sem var að flýta sér í skjól undan rigningunni. Hann kveikti svo á perunni þegar Davíð var hálfnaður að heilsa leikmönnunum og fór þá til hans og sagði. „Það þarf ekkert að kynna þá sérstaklega fyrir þér. Þú þekkir þá alla, er það ekki? Þetta eru sömu strákar og undanfarin tvö ár."

=== '''Þarf ekki endilega að vera stúkumaður''' ===
Á bikarleiknum vakti það athygli hversu lögregla gekk vasklega fram í því að hafa gætur á stuðningsmönnum liðanna sem voru við stemmningseflingu í stúkunni. Fylking lögreglumanna mændi í stúkuna og hafði gætur á því hvort stúkumenn væru að dreypa á ölföngum. Ef einhver fráneygur lögreglumaður kom auga á slíkt var hann í talstöðvarsambandi við "collega" sína í stúkunni, sem umsvifalaust þefuðu upp meintan öldrykkjumann og tóku af honum ölið. Var hinn félagslegi órói í stúkunni talinn stafa af umferð lögreglumanna í ölþefi, en ekki vegna spennu og upplifunar á leiknum. ''„Það er ástæða til að benda lögreglunni á að þótt að maður sitji í stúku á fótboltaleik þarf maður ekki nauðsynlega að vera stúkumaður þ.e. meðlimur í bindindisstúku''.“ Sagði einn vallargestanna.

=== '''Margir lögðu hönd á plóg''' ===
Undirbúningur stuðningsmannafélaga ÍBV í Eyjum og Reykjavík var að vanda mikill og skapaði gríðarlega skemmtilega umgjörð um leikinn. Segja má að upphitun fyrir leikinn hafi byrjað í Eyjum á fimmtudagkvöld þegar stuðningsmannafélagið efndi til Bikarkvölds á Fjörunni þar sem stuðningsmenn komu saman ásamt þjálfara og fyrirliða ÍBV. Sátu þeir fyrir svörum og farið var yfir sumarið og leikinn framundan.

Stuðningsmannafélagið í Reykjavík var með sölubás í Kringlunni á föstudag og laugardag þar sem ýmiss ÍBV varningur var seldur. Búningar, húfur, treflar og jafnvel nærföt með ÍBV merki á runnu út og það var greinilegur hugur í stuðningsmönnum ÍBV. Á laugardagskvöld var ÍBV kvöld á Broadway þar sem fyrsta alvöru upphitunin fyrir bikarleikinn fór fram. Að loknum kvöldverði var sungið og trallað við undirleik Eymannafélagsins. Dregnir voru upp ýmsir baráttusöngvar til ÍBV og þeir æfðir þar til hljómsveitin Skítamórall tók við og leiddi stuðið fram á nótt. Talið er að á þriðja þúsund manns hafi komið á ÍBV kvöldið á Broadway og það glumdi vel í þegar Ragnar Sigurjónsson, stjórnandi ÍBV kórsins í Reykjavík, steig á svið og lét gesti á Broadway æfa nýjasta stuðningshrópið: í - í - ÍBV.

Síðasta upphitun fyrir leik hófst í Framheimilinu við Safamýri fyrir hádegi á sunnudag. Þar komu stuðningsmenn ÍBV saman og fínstilltu strengina fyrir leikinn. Í Framheimilinu var boðið upp á reyktan lunda, öl og fleira góðgæti og stuðningslagið; Komum fagnandi, glumdi í hljóðkerfinu. Hljómsveitin Skítamórall flutti síðan nokkur lög áður en gengið var í skrúðgöngu við undirleik Lúðrasveitar Vestmannaeyja frá Framheimilinu á Laugardalsvöll. Ragnar Sigurjónsson stjórnaði æfingum á hrópum og köllum fyrir leik klæddur fagurbleikum blúndukjól og stemmningin magnaðist eftir því sem nær leik leið.

Umgjörð um leikinn og undirbúning hans var frábær og þeim sem að stóðu til mikils sóma. Undirbúningur þessi er enn ein rós í hnappagat stuðningsmannafélags ÍBV sem hefur í undirbúningi úrslitaleikja undanfarinna tveggja ára alltaf náð að skapa frábæra stemmningu og enn tókst þeim að toppa það sem áður var gert. Til hamingju stuðningsmenn ÍBV.

=== '''2. Íslandsmeistaratitlar í yngri flokkunum''' ===
Yngri flokkar ÍBV í knattspyrnu létu heldur betur að sér kveða í sumar. Þeir náðu flestir frábærum árangri, reyndar þeim langbesta í mörg herrans ár. Þetta er virkilega jákvæð þróun og sýnir svo ekki verður um villst að sameining flokkanna er heldur betur að skila sér. Árangur sumarsins eru tveir Íslandsmeistaratitlar, allir stúlknaflokkar ÍBV komust í úrslitakeppni og allir drengjaflokkarnir stóðu sig framar vonum.

Í yngri flokkunum er keppt í Íslandsmóti í 2., 3., 4. og 5. flokki og reyndar í 6. flokki drengja. '''''2. flokkur''''' ÍBV karla undir stjórn Kristins R. Jónssonar vann B-riðilinn með miklu öryggi. Liðið var með 28 stig, vann 9 leiki, gerði 1 jafntefli og tapaði 2. Þama eru margir efnilegir strákar en helmingur byrjunarliðsins gengur upp í meistaraflokk.

'''''3. flokkur''''' drengja undir stjórn Björns Elíassonar lenti í 2. sæti í B-riðli og komst því upp í A-riðil. ÍBV var með 30 stig, 12 stigum á eftir Þór Ak. sem var með fullt hús stiga.

'''''4. flokkur''''' drengja undir stjórn Kristins R. Jónssonar stóð sig vonum framar. Liðið lék í A-riðli og var búist við mjög erfiðum róðri, jafnvel að liðið myndi falla. En strákarnir stóðu sig mjög vel, lentu í 7. sæti af 11 liðum, unnu 4 leiki en töpuðu 6.

'''5. flokkur''' drengja undir stjórn Sigurlásar Þorleifssonar stóð sig með prýði. Þar er keppt í A og B og gildir sameiginlegur árangur beggja liða þar sem úrslit A vega þyngra.

'''''5. flokkur''''' lék í B-riðli og vantaði hársbreidd til að komast upp í A-riðil. Liðið komst hins vegar í úrslitakeppnina og stóð sig þar með prýði þótt ekki kæmist það í úrslitaleik.

'''''6. flokkur''''' drengja undir stjórn Jón Ólafs Daníelssonar varð í 2. sæti í Pollamótinu og komst ekki í úrslit. Flokknum óx ásmegin eftir því sem leið á sumarið.

'''''2. flokkur''''' Helgina 28. - 30. ágúst léku stelpurnar í 2. flokki í úrslitakeppninni, sem fram fór á Akranesi. Þar spiluðu þær tvo leiki og unnu þá með miklum yfirburðum sem tryggði þeim sæti í úrslitaleiknum. Þar mættu þær Val í æsispennandi leik. Á Akranesi unnu þær lið Fjölnis, 4 - 0 og skoraði Guðbjörg Guðmannsdóttir tvö mörk, Bryndís Jóhannesdóttir og Jóna Heiða Sigurlássdóttir eitt mark hvor. Í seinni leiknum voru Blikastúlkur teknar í kennslustund og endaði sá leikur einnig, 4 - 0. Bryndís Jóhannesdóttir og Hrefna Jóhannesdóttir gerðu tvö mörk hvor. Þessi úrslit þýddu það að ÍBV-stelpurnar voru komnar í úrslitaleikinn.

Mótherjar stelpnanna þar voru erkifjendurnir úr Val, en ÍBV hafði spilað tvisvar áður við Val um sumar og tapað í bæði skiptin. Úrslitaleikurinn fór síðan fram í byrjun september og var spilað á Haukavelli í Hafnarfirði. Fréttir segja frá því að Valsstelpur hafi komið frekar sigurvissar til leiks en það komi ÍBV bara til góða. Eyjastúlkur gerðu fyrsta mark leiksins á 3. mínútu og var þar að verki Hjördís Halldórsdóttir. Valur jafnaði skömmu síðar, en Bryndís Jóhannesdóttir kom ÍBV í 2 - 1. Þannig var staðan í hálfleik.

Strax í byrjun síðari hálfleiks jöfnuðu Valsstelpur, en það var síðan Bryndís Jóhannesdóttir, sem tryggði ÍBV Íslandsmeistaratitilinn með glæsilegu marki úr aukaspyrnu undir lok leiksins. ÍBV-stelpurnar stóðu sig frábærlega í þessum leik en af öðrum ólöstuðum þá var Bryndís Jóhannesdóttir maður leiksins.

Stúlkunum var fagnað með blómum við heimkomuna og í hálfleik í leik ÍBV og Fram í Landssímadeildinni voru þær heiðraðar sérstaklega.

'''''Heimir Hallgrímsson''''', þjálfari stelpnanna sagði í viðtali í Fréttum að árangurinn hafi ekki komið sér á óvart. „''Ég get ekki sagt það. Ég vissi alltaf að ég væri með gott lið í höndunum. Valur var reyndar búinn að vinna alla sína leiki í sumar, en þegar fyrirkomulagið er með þeim hætti að spilaður er úrslitaleikur, þá er allt lagt undir og spurningin er bara sú hvort liðið kemur betur stemmt til leiks, og í ár voru það við“.''

Hver var lykillinn að þessari velgengni ykkar, að þínu mati? '',Þetta eru allt duglegar og metnaðarfullar stelpur og síðan er enginn vafi á að Sigurlás Þorleifsson, þjálfari meistaraflokks kvenna, hefur skilað frábærri vinnu, þar sem stór hluti stelpnanna hefur tekið undirbúningstímabil hjá meistaraflokki og æft með honum. Nokkrar hafa verið að spila með meistaraflokki í sumar og hefur það tvímælalaust skilað sér með reynslu inn í 2. flokkinn, og þá sérstaklega nú undir lok móts. Einnig fengum við sterkar stelpur úr 3. flokki til að styrkja hópinn og síðan byrjuðu nokkrar sterkar stelpur aftur, sem voru hættar. Ég vil svo þakka stelpunum fyrir frábært samstarf í sumar,"'' sagði Heimir að lokum.

'''''3. flokkur''''' kvenna undir stjórn Heimis stóð sig einnig geysilega vel. ÍBV stelpurnar lentu í 2. sæti í sínum riðli og komust auðveldlega í úrslit. Í úrslitunum voru stelpumar óheppnar að komast ekki í úrslitaleik. Engu að síður stóðu þær sig mjög vel.

'''''4. flokkur''''' kvenna undir stjóm Írisar Sæmundsdóttur sló í gegn. A-lið ÍBV varð í 2. sæti í sínum riðli og komst í úrslit. Þar lenti ÍBV í 3. sæti og var hársbreidd frá því að komast úrslitaleik. B-liðið vann sinn riðil og gerði sér svo lítið fyrir og varð Íslandsmeistari á glæsilegan hátt. S

'''''5. flokkur''''' kvenna undir stjórn Olgu Stefánsdóttur stóð sig einnig mjög vel, bæði á Pæjumóti, hnátumóti og Gull og silfurmóti og unnu til verðlauna.

'''''6. flokkur''''' undir stjórn Ernu Þorleifsdóttur stóð sig einnig vel í sumar og vann til verðlauna á Pæjumóti og Gull- og silfurmótinu.

=== '''Kvennaliðið í 4. sæti en karlaliðið með aðra hönd á Íslandsmeistaratitlinum''' ===
Meistaraflokkur kvenna fékk Íslandsmeistara KR í heimsókn í næstsíðasta leik sínum og máttu sætta sig við ósigur gegn nýkrýndum Íslandsmeisturum. Þær gerðu aftur á móti góða ferð í Grafarvoginn nokkrum dögum síðar þar sem þær unnu stórt. Þetta var síðasti leikur sumarsins og hafnaði ÍBV í 4. sæti.

Karlaliðið fékk hinsvegar Framara í heimsókn á Hásteinsvöllinn í 15. umferð. Leikið var í mildu haustveðri. Framarar höfðu átt erfitt uppdráttar um sumarið ÍBV hefur vermt toppsætið nánast allt frá byrjun móts. Lyktir leiksins urðu 2-0 fyrir ÍBV.

Grindavík og ÍBV áttust við í 16. umferð Landssímadeildarinnar. Leikið var í strekkingsvindi í Grindavík og var lítið um glæsileg tilþrif í leiknum, sérstaklega af hálfu Eyjamanna. Grindavík var að berjast fyrir lífi sínu í deildinni en ÍBV þurfti þrjú stig í baráttuna um Íslandsmeistaratitilinn. Grindavík hafði betur með marki á 8. mínútu en eftir sátu Íslandsmeistararnir með sárt ennið.

Síðasti heimaleikur ÍBV í Landssímadeildinni, fór fram á Hásteinsvelli 20. September. Það voru Leiftursmenn frá Ólafsfirði, sem komu í heimsókn og sóttu ekki gull í greipar heimamanna. Lið gestanna var hálf vængbrotið í þessum leik, þar sem í liðið vantaði um átta af fastamönnum liðsins. Mikið hafði verið talað um fyrir þessa viðureign að Leiftursmenn hafi ætlað að tapa leiknum til að auka möguleika sína á Evrópusæti, og til gamans má geta að leikur ÍBV og Leifturs var eini leikurinn í 16. umferð, sem ekki var á Lengjunni. Það fór svo að ÍBV vann þennan næstsíðasta leik sinn 2-0.

=== '''Komu sáu og sigruðu KR – Íslandsmeistarar 2. árið í röð''' ===
Leikur KR og ÍBV í lokaumferð Landssímadeildarinnar verður lengi í minnum hafður, kannski ekki hjá KR-ingum, heldur hjá Íslandsmeisturum ÍBV og Vestmannaeyingum öllum.

'''''Í Morgunblaðinu segir svo um leikinn:'''''

„Stemmningin var frábær í Frostaskjóli löngu fyrir leik. Þegar flautað var til leiks var greinilegt að dagsskipun KR-liðsins var að leika til sigurs. Strax var blásið til sóknar í herbúðum þeirra, þar sem aðeins sigur færði KR-ingum hinn langþráða Íslandsmeistaratitil, sem þeir unnu síðast fyrir þrjátíu árum, 1968.

Hugsunin um sókn var það sterk, að leikmenn KR-inga sofnuðu á verðinum og voru slegnir út af laginu eftir aðeins 4,50 mín. Þá vann Kristinn Hafliðason knöttinn, náði að rífa sig frá tveimur KR-ingum og senda glæsilega sendingu inn fyrir vörn KR, þar sem Ingi Sigurðsson var á réttum stað og sendi knöttinn í netið. Óvænt óskabyrjun Eyjamanna var þeim óneitanlega dýrmæt. Þeir voru með réttu komnir tveimur mörkum yfir, þannig að þrautin var KR-ingum þyngri. Eyjamenn náðu mjög góðum tökum á miðjunni, sem gerði það að róðurinn var afar þungur fyrir leikmenn KR, sem urðu á augabragði yfirspenntir og greinilegt var að þeir þoldu ekki hið mikla álag sem var á þeim. Skotinn David Winnie braut gróflega á Inga Sigurðssyni á 20. mín, á vallarhelmingi Eyjamannna, eftir að hafa misst knöttinn. Þar var Winnie heppinn að fá ekki að sjá rauða spjaldið. Einar Þór Daníelsson fékk að sjá gula spjaldið fyrir brot og einnig Andri Sigþórsson, fyrir hefndarbrot á Eyjamanni, sem hefði einnig getað orðið rautt spjald.

'''''Að hafa flautuna djúpt í vasanum'''''

KR-ingar gerðu harða hríð að marki Eyjamanna, án þess þó að skapa sér umtalsverð marktækifæri - lánleysi þeirra var algjört. Guðmundur Benediktsson nýtti ekki vítaspyrnu, sem KR-ingar fengu á 38 mín. - skaut hátt yfir mark Eyjamanna, knötturinn fór út fyrir völlinn. Það getur ekkert lið leyft sér að nýta ekki vítaspyrnu í eins þýðingarmiklum leik. KR-ingar vildu fá vítaspyrnu, þegar Zoran Miljkovic stökk upp og skallaði knöttinn um leið og hann hafnaði á baki Guðmundar Benediktssonar. Þar var ekki um vítaspyrnu að ræða, þar sem Guðmundur beygði sig undir Zoran, sem snerti Guðmund ekki með höndum.

Eyjamenn vildu fá vítaspyrnu, þegar David Winnie kippti Steingrími Jóhannessyni niður í vítateig. Þar var um greinilega vítaspyrnu að ræða. • Það var aftur á móti engin vítaspyrna, þegar Guðmundur Benediktsson og Zoran Miljkovic börðust um knöttinn - báðir féllu við, vítaspyrna var dæmd á Zoran. Þar var dómarinn of fljótur að flauta og fyrstu bendingar hans bentu til að Guðmundur hefði verið brotlegur. Það er oft sagt að dómarar eigi ekki að dæma leiki með flautuna uppi í sér, heldur að vega og meta aðstæður og láta knöttinn ganga áfram þegar barist er á svæðum, sem geta gefið mörk. Að hafa flautuna djúpt í vasanum á þeim stundum!

Þegar Eyjólfur Ólafsson, ágætur dómari leiksins, flautaði, var Hlynur Stefánsson, fyrirliði Eyjamanna, að senda knöttinn í eigið mark. Með því að flauta strax - var verið að taka mark af KR-ingum. Það er ljóst að þeir hefðu frekar viljað fá markið en vítaspyrnuna.

'''''Takið hert'''''

Eyjamenn drógu sig til baka í byrjun seinni hálfleiksins, ákveðnir að lokka KR-inga fram og beita síðan skyndisóknum til að refsa þeim. Þeir voru komnir með yfirhöndina og þeir hertu takið jafnt og þétt á KR-ingum. Atli Eðvaldsson, þjálfari KR-liðsins, reyndi hvað hann gat til að skerpa á sókninni. Hann kallaði varnarmann af leikvelli á 66. mín., Indriða Sigurðsson, og setti sóknarleikmann inná, Stefán Gíslason. Á þessum tíma voru KR-ingar hreinlega búnir að missa trúna á að þeir gætu unnið. Eyjamenn hrelldu þá stöðugt. Hjalti Jóhannesson geystist fram í sókn, átti ónákvæmt skot að marki í upplögðu færi. Kristinn Hafliðason komst í dauðafæri, en skaut rétt fram hjá marki KR. Ívar Bjarklind átti skot sem hafnaði innanvert í stönginni hjá KR. Það var svo á 78. mín. sem Kristinn Lárusson gulltryggði sigur Eyjamanna - Íslandsmeistaratitillinn var þeirra.

KR-ingar voru búnir að játa sig sigraða.

'''''Sterkt miðja er aðall liðsins'''''

Aðall Eyjaliðsins er geysilega sterk miðja, en miðvallarleikmenn Eyjamanna unnu orrustuna um miðjuna á auðveldan hátt. Lið sem er með miðvallarleikmenn eins og Inga Sigurðsson, Ívar Bjarklind eftir að Ingi fór meiddur af velli, Steinar Guðgeirsson, Kristin Hafliðason, Ívar Ingimarsson og Kristin Lárusson, er ekki á flæðiskeri statt. Þessir leikmenn fóru á kostum í leiknum og voru stórhættulegir í aðferðum sínum. Það er ekki ónýtt fyrir hina sterku miðverði, Hlyn Stefánsson, sem var sem klettur við Heimaey, og Zoran Miljkovic, að leika fyrir aftan þessa fimm leikmenn. Zoran hafði góðar gætur á Andra í leiknum. Þegar Ingi meiddist fór ívar fram og hans stöðu tók Guðni Rúnar Helgason, sem hreinlega klippti fyrirliða KR, Einar Þór Daníelsson, út úr leiknum. Möguleikar KR-inga voru góðir að láta drauminn rætast. Það var greinilegt í byrjun leiksins að þeir ætluðu sér að hamra á Eyjamönnum, en þeir voru slegnir út af laginu strax í byrjun. Eftir það var á brattann að sækja og þegar KR-ingar náðu ekki að nýta sér vítaspyrnuna var sem allur vindur væri úr leikmönnum KR, sem hreinlega þoldu ekki pressuna og spennuna sem fylgir því að KR hefur ekki náð að verða íslandsmeistari í þrjátíu ár. Þrjátíu ára upprifjun er þungur baggi að bera. Leikmenn KR eru ekki öfundsverðir - þeir náðu sér aldrei á strik. Helsti veikleiki KR-liðsins er að liðið vantar óneitanlega foringja til að stjórna leik liðsins á miðjunni, öflugan og hugmyndaríkan leikmann. KR-liðið er ekki eitt á báti á þessu sviði, þar sem þetta er höfuðverkur nær allra liða hér á landi.

Það var fyrst og fremst árangur Eyjamanna á heimavelli, sem færði þeim Íslandsmeistaratitilinn í ár. Þeir unnu alla níu heimaleiki sína, sem gáfu þeim 27 stig. Fyrir leikinn gegn KR var Eyjaliðið aðeins búið af fá 8 af 35 stigum á útivelli.

=== '''Sigursælasti þjálfari ÍBV til þessa''' ===
Bjarni Jóhannsson má vera stoltur af starfi sínu í Vestmannaeyjum. Hann tók við liðinu fyrir tímabilið í fyrra og Eyjamenn urðu Íslandsmeistarar og léku til úrslita í bikarkeppninni en í ár tóku þeir báða stóru titlana. ''„Þetta er mjög góður árangur,"'' sagði Bjarni við Morgunblaðið. ''„Við fengum 40 stig í deildinni í fyrra og gerðum þá 44 mörk en fengum 17 mörk á okkur. Síðan misstum við Tryggva Guðmundsson, sem var með 19 mörk, og Sverri Sverrisson, sem gerði sjö mörk, og töldu margir að við næðum ekki aftur sambærilegum árangri. Annað kom á daginn; við fengum tveimur stigum minna og gerðum 40 mörk en fengum á okkur 15 mörk. í þessu sambandi skipti verulega miklu máli að Steingrímur Jóhannesson fór snemma á gott skrið og liðsheildin var sterk. Í því sambandi má nefna að við fengum aðeins þrjú mörk á okkur í seinni umferðinni."'' sagði Bjarni.

ÍBV er fjórða félagið sem verður tvöfaldur meistari. KR varð það 1961 og 1963, Valur 1976 og ÍA 1983, 1984, 1993 og 1996.

=== '''Verðlaunapeningur týndist en fannst aftur''' ===
Í fögnuðinum að lokinni verðlaunaafhendingunni á KR-vellinum slitnaði gullverðlaunapeningur Kristins Hafliðasonar af borðanum og er blaðamaður Morgunblaðsins hitti hann var hann einungis með borðann, en taldi sig nokkuð vissan um hvar peningurinn væri niðurkominn. Sendi hann því ung skyldmenni sín til þess að finna peninginn á meðan hann fór til myndatöku með liðinu. Að henni lokinni hafði peningurinn fundist rétt við verðlaunapallinn og Kristinn gat því fest hann við borðann og var að sjálfsögðu því feginn að peningurinn fannst.

=== '''Móttökurnar í Eyjum ógleymanlegar''' ===
Jóhannes Ólafsson, formaður knattspyrnudeildar var að vonum kátur eftir Íslandsmeistaratitlinum var náð. Í viðtali við Fréttir sagði hann'': „Þetta er stærsta stund í íþróttum í Vestmannaeyjum að vinna tvöfalt í knattspyrnu sem er langvinsælasta íþróttin hér,"'' sagði Jóhannes''. „Vestmannaeyingar geta verið stoltir af sínum mönnum þó við höfum orðið að sækja menn annað. En þessi blanda hefur smollið saman og erum við að sjá árangurinn af því. Stuðningsmenn hér og uppi á landi hafa verið frábærir og eiga stóran hlut í árangrinum."'' Hann sagði að móttökurnar í Eyjum verði ógleymanlegar, bæði þegar þeir komu með Herjólfi og móttaka bæjarstjórnar á sunnudagskvöldið á Hertoganum''. „Að sjá allan þann fjölda sem tók á móti okkur sýnir mikilvægi íþrótta fyrir Eyjamenn. Topplið eins og við erum með í dag þarf viðunandi aðstöðu og hef ég von um að farið verði að byggja stúku svo við getum leikið Evrópuleikina á Hásteinsvelli næsta sumar. Það hlýtur að vera næsta skref þegar búningsaðstaðan er loksins komin upp,"'' sagði Jóhannes.

=== '''Steingrímur markakóngur''' ===
Á lokahófi KSÍ var Steingrími Jóhannessyni afhentur gullskórinn fyrir að vera markahæstur í Landssímadeildinni í sumar. Steingrímur skoraði 16 mörk. Þá var Steingrímur einnig valinn prúðasti leikmaður Landssímadeildarinnar en hann hefur ekki fengið gult spjald í leik í þrjú ár. Steingrímur var einnig valinn í lið ársins ásamt Hlyni Stefánssyni, fyrirliða ÍBV.

=== '''Þriðji titillinn í höfn''' ===
ÍBV og Leiftur léku í Meistarakeppni KSÍ 26. október. Leikurinn fór fram á Laugardalsvelli í blíðskaparveðri og var honum sjónvarpað beint. Mikið var um forföll í báðum liðum og í lið ÍBV vantaði fjóra fastamenn, þá; Inga Sigurðsson, Zoran Miljkovic, Ívar Ingimarsson og Hjalta Jóhannesson. Leikurinn var ágætlega leikinn og náðu bæði lið að skapa sér fullt af hættulegum marktækifærum. ÍBV landaði þarna þriðja titlinum þetta árið og sigraði 2-0. Mörk ÍBV skoruðu Ívar Bjarklind og Bjarni Geir Viðarsson.

=== '''Sigrar í fyrstu leikjunum''' ===
Fyrsti leikur meistaraflokks kvenna í 1. deild í handbolta á leiktíðinni, var gegn ÍR og var leikið í Seljaskóla. Eyjastúlkur voru ekki í vandræðum með ÍR stúlkur og var sigur þeirra aldrei í hættu. Lokatölur leiksins urðu, 18-26. Að sögn Stefaníu Guðjónsdóttur, leikmanns ÍBV í viðtali við Fréttir, sem á við meiðsli að stríða og gat þar af leiðandi ekki spilað, þá var ÍBV-liðið að spila þokkalega í þessum leik. „''Vörnin var slök í leiknum en sóknin lofar góðu. Erlendu stelpurnar voru góðar og þá sérstaklega þær Amela og Marie, þjálfari,"'' sagði Stefanía. Mörk ÍBV: Amela 6, Jennie 5, Ingibjörg 4, Elísa 3, Marie 3, Guðbjörg 2, Hind 1, Eyrún 1, Aníta 1. Varin skot: Lucy 14.

Fyrsti heimaleikurinn var gegn KA. Ungt lið norðanstúlkna átti ekkert að gera í höndum Eyjastúlkur. ÍBV vann mjög sannfærandi sigur 29-21. ÍBV byrjaði betur í leiknum og voru Eyjastelpur með leikinn í sínum höndum frá byrjun. Staðan í hálfleikvar 18-10. Í síðari hálfleik var það sama upp á teningnum. Fyrirliði ÍBV, Ingibjörg Jónsdóttir, átti stórleik og skoraði 12 mörk, þar af þrjú úr vítaskotum. Mörk ÍBV: Ingibjörg 12/3, Marie 5, Guðbjörg 4, Elísa 2, Aníta 2, Anna R. 1, Katrín 1, Jennie 1, Hind 1.

=== '''Og svo kom jafntefli''' ===
Sannkallað glæsimark tryggði Eyjastúlkum annað stigið, þegar þær heimsóttu Seltjarnarnesið 22. október. Heimastúlkur í Gróttu/KR voru með pálmann í höndunum í lokin, en það var Marie Axelsson, þjálfari ÍBV, sem jafnaði metin, 18-18, með glæsilegu skoti úr aukakasti þegar leiktíminn var liðinn.

=== '''„Spái jafnri og spennandi deild“''' ===
Karlalið ÍBV lék sinn fyrsta leik í Nissandeildinni 24. september. Þá heimsóttu þeir lið Hauka í Hafnarfirði. Staðan var jöfn í hálfleik en lokatölur 25 - 24. Eyjamenn komu nokkuð sprækir til leiks, en mikill haustbragur var á leik beggja liða. Guðfinnur Kristmannsson var sterkur í fyrri hálfleik, ásamt Sigmari í markinu en aðrir leikmenn náðu ekki að sína sitt rétta andlit. Staðan í leikhléi var 10 - 10.

''„Það má segja að við rennum svolítið blint í sjóinn til að byrja með enda höfum við lítið spilað að undanförnu. Hitt er svo annað mál að í þessum leik vorum við með yfirhöndina nær allan leikinn en missum hann niður í tap í lokin. Útlendingarnir voru taugatrekktir í byrjun en spiluðu síðan mjög vel í seinni hálfleik. Deildin fer engu að síður vel af stað og ég hef trú á að hún verði jöfn og spennandi,"'' sagði Sigmar Þröstur Óskarsson, maður ÍBV í viðtali við Fréttir. Mörk ÍBV: Slavisa 6, Giedrius 5/3, Guðfinnur 4, Daði 4, Valgarð 3, Svavar 2. Varin skot: Sigmar Þröstur 17/1.

Fyrsti heimaleikur ÍBV var gegn HK en leikir þessara liða höfðu oft boðið uppá góða skemmtun. Getumunur var hinsvegar talsverður í þessum leik og ÍBV sigraði stórt, 20-12.

=== '''Lokahóf með glæsibrag''' ===
Lokahóf knattspyrnudeildar ÍBV-íþróttafélags fór fram með miklum glæsibrag í Kiwanishúsinu 31. október. Íþróttafólk og forráðamenn íþróttamála í Vestmannaeyjum hafa ekki í annan tíma haft ríkari ástæðu til að fagna góðum árangri því meistaraflokkur karla hampaði Bikar- og Íslandsmeistaratitli og er auk þess Meistari meistaranna. Stúlkurnar í meistaraflokki náðu sínum besta árangri í sumar þegar þær náðu 4. sæti í deildinni og voru hársbreidd frá því að komast í bikarúrslitaleikinn. Auk þess náði ÍBV tveimur Íslandsmeistaratitlum í yngri flokkunum í kvennaknattspyrnunni.

Fjöldi viðurkenninga var veittur á lokahófinu, bæði frá ÍBV og KSÍ.

Ásmundur Friðriksson formaður ÍBV-héraðssambands afhenti eftirtöldum silfurmerki ÍBV: Ólafur Friðriksson, Elías Björn Angantýsson, Sigurður Guðnason, Gunnar Guðnason, Ingibjörg B. Jóhannesdóttir (Beggó), Sigurlás Þorleifsson og Gunnar Svavarsson. Auk þess fékk Ingimar Georgsson silfurmerki ÍBV en hann var fjarstaddur.

Jóhann Ólafsson stjórnarmaður í KSÍ afhenti Guðmundi Þ.B. Ólafssyni, Tryggva Kr. Ólafssyni, Sigurjóni Birgissyni og Eggert Garðarssyni silfurmerki KSI.

Stjórn knattspyrnudeildar afhenti helstu styrktaraðilum fótboltans penna, pennastatíf og skrifblokk, allt úr silfri nema pappírinn í blokkinni, og var í sérsmíðuðum trékassa.

Guðjón Hjörleifsson, bæjarstjóri, Þór Vilhjálmsson formaður ÍBV-íþróttafélags og Ásmundur Friðriksson formaður ÍBV héraðssambands fluttu kveðjur og Beggó afhenti 500.000 krónur til byggingar stúku við Hásteinsvöll frá Stuðningsmannaklúbbi ÍBV í Reykjavík.

=== '''Það má ekki stilla krökkum upp við vegg''' ===
Um mitt sumar var ráðinn hingað til Vestmannaeyja, nýr yfirþjálfari yngri flokkanna í handknattleik. Maður að nafni, Mickail Akbashev, var fenginn til starfans. Hann er sonur hins þekkta Boris Akbashev, sem náði frábærum árangri sem þjálfari yngri flokka Vals á sínum tíma.

Mickail var í viðtali í Fréttum um mitt haust. Þar segist ekkert á móti því að krakkar æfi bæði handbolta og fótbolta, en sér finnist að það verði að virða meira að yfir vetrartímann er handboltatímabil í gangi. ''„Ég vildi byrja að æfa af krafti í sumar, en þá var ég beðinn um að fækka æfingum, svo að þær myndu ekki stangast á við fótboltaæfingar. Mér finnst bara sanngjarnt að þetta snúist við yfir vetrartímann. Krakkarnir verða að fá að velja sjálf, hvaða íþrótt þau langar til að stunda. Það má ekki stilla þeim upp við vegg.“''

Þá er hann spurður hvernig honum finnist börn og unglingar standa sig í samanburði við krakka erlendis: ''„Það er mjög erfitt fyrir mig að bera þetta saman, þar sem ég hef aðeins þjálfað í Moskvu og hér á Íslandi. En það sem er áberandi er agamunur. Til dæmis hér á landi eru krakkar oft að gera sömu mistökin, aftur og aftur. En það má ekki skamma eða refsa, heldur má bara segja: „Kemur." Í Sovétríkjunum var það þannig að ef sami maður gerði sömu mistökin tvisvar í leik, þá var hann bara settur á bekkinn og næsti maður fékk að spreyta sig“.''

=== '''Sundurlyndi í handboltanum og síðan sættir''' ===
Á stjórnarfundi 19. október var skýrt frá sundurlyndi sem upp kom í röðum handknattleiksmanna, vegna auglýsinga í sal Íþróttamiðstöðvarinnar. Var málið rætt fram og til baka. Það var skoðun stjórnar að ekki væri heppilegt að stuðla að aðskilnaði handknattleiks kvenna og karla og þess vænst að handknattleiksdeild taki frekar skrefið framávið og stefni að því að handknattleikurinn verði rekin undir einni stjórn handknattleiksdeildar, jafnvel þótt það þyki kostur að sérstakir einstaklingar einbeiti sér að hinum ýmsu flokkum innan deildarinnar. Samþykkt var að beina þeim tilmælum til deildarinnar að leysa þetta á farsælan hátt og var stjórnin reiðubúin að stuðla að því með þátttöku sinni.

Á stjórnarfundi 22. október var gerð grein fyrir fundi sem hluti aðalstjórnar átti með Þorvarði Þorvaldssyni hjá kvennahandboltanum, um samskipti karla- og kvennahandboltans, sem miða að því að koma öllum handboltanum undir eina stjórn. Átti síðan að kynna þessar hugmyndir fyrir karlahandboltanum. Hugmyndin féll í góðan jarðveg hjá þeim og voru deildirnar síðan sameinaðar.

=== '''Forn frægð dugði til sigurs''' ===
Meðal þátttakenda í bikarkeppninni í handbolta var hið geðþekka b-lið ÍBV, - lið sem byggir á fornri frægð. Í 32 liða úrslitum fékk liðið íþróttafélagið Ögra í heimsókn til Eyja. Mikil stemning var á leiknum og margir gamlir jaxlar sem tóku fram skóna fyrir þennan leik. Mikill hugur var í b-liðsmönnum ÍBV fyrir leikinn og þeir sýndu það og sönnuðu í leiknum sjálfum, að þeir hafa engu gleymt, eða allavega ekki öllu. Þeir spiluðu hraðan og agaðan bolta og í vörninni var hvergi glufu að finna. Staðan í hálfleik var 15-8. Í seinni hálfleik fór úthaldið að segja til sín hjá heimamönnum, þrátt fyrir örar innáskiptingar. Gestirnir þjörmuðu vel að ÍBV í lokin en lokatölur leiksins urðu 25 - 24.

Markverðirnir, Steini pípari og Maggi Braga. áttu frábæran dag og voru að öðrum ólöstuðum, menn leiksins. Davíð Guðmundsson og Helgi Bragason sýndu einnig sjaldséða takta.

Eina áhyggjuefni b-liðs ÍBV fyrir komandi verkefni, var að línumennirnir; Jóhann Pétursson og Þór Valtýsson voru mjög hreyfanlegir og skapandi línumenn en þeirra aðalókostur var að þeir kunna ekki að skora mörk.

Þess má geta að til samans fengu þeir um 20 dauðafæri í leiknum en skoruðu aðeins 1 mark! Mörk ÍBV: Helgi Bragason. 6, Davíð Guðmundsson 6, Sigurður Friðriksson 4, Jóhann Benónýsson 4/1, Eyþór Harðarson 2, Jóhann Pétursson 1, Óskar F. Brynjarsson 1/1, Þorsteinn Viktorsson 1.

=== '''Öruggt hjá A-liðinu''' ===
A-lið ÍBV mætti hinsvegar liði Breiðabliks í 32-liða úrslitum bikarkeppni HSÍ. Þetta var leikur kattarins að músinni og var sigur ÍBV aldrei í hættu. Eyjamenn léku alveg þokkalega í leiknum en leikmenn áttu í erfiðleikum með að halda góðri einbeitingu gegn mjög svo slöku liði Breiðabliks. Staðan í hálfleik var, 8- 16. Í seinni hálfleik breikkaði bilið enn meira milli liðanna og endaði leikurinn með 12 marka sigri ÍBV, 19-31. Eyjamenn létu alla varamenn sína leika í lok leiksins. Sigmar Þröstur átti góðan leik fyrir ÍBV og þá var Daði Pálsson mjög frískur í leiknum. Mörk ÍBV: Valgarð 7, Giedrius 6, Daði 5. Rakanovic 2, Guðfinnur 2, Gunnar 2, Svavar 1, Davíð 1, Þorsteinn 1. Sigurður 1, Haraldur 1 og Emil 1. Varin skot: Sigmar Þröstur 20 og Ragnar 2.

=== '''Íslenskir leikmenn eða útlendir''' ===
Í blaðinu Sportlíf, sem var íþróttablað hér á landi og Eyjamaðurinn, Jóhann Ingi Árnason ritstýrði, var birt viðtal við landsliðsþjálfara Íslands í handknattleik, Þorbjörn Jensson. Viðtalið vakti mikla athygli og fékk mikið umtal og þá sérstaklega sá þáttur viðtalsins, sem snýr að leikmannamálum íslenskra félagsliða. Þorbjörn tekur mjög djúpt í árinni í viðtalinu og segir að banna eigi erlenda leikmenn hér á Íslandi og þess í stað eigi að setja peningana í að byggja upp yngri flokka félaganna.

Þorbergur Aðalsteinsson, þjálfari ÍBV var á annarri skoðun: ''„Þetta viðtal er náttúrlega bull og vitleysa frá upphafi til enda, nema sá þáttur sem snýr að uppbyggingu yngri flokkanna, sem ég er alveg sammála um að þarf að gera. En einhvers staðar verður fyrirmyndin að vera. Það væri gaman að sjá hvar enski boltinn stæði í dag ef engir útlendingar væru í liðunum. Reyndin er bara sú að úti á landi getur oft verið erfitt að manna lið og þá þarf að leita út fyrir landsteinana að góðum leikmönnum, því að erlendu leikmennirnir eru mun ódýrari en þeir íslensku. Viðtalið við Þorbjörn ber þess greinileg merki að hann hefur aldrei þjálfað úti á landi og hann gerir sér heldur ekki grein fyrir að íslenskir leikmenn í dag eru rándýrir“.''

=== '''Það verður formsatriði að sigra Völsung''' ===
Þegar dregið var í 16 liða úrslit bikarkeppni HSÍ kom í ljós að Völsungur frá Húsavík drógst á móti b-liði ÍBV. Liðsmenn b-liðsins birtu þá í léttum dúr, opið bréf í Fréttum, svohljóðandi:

''„Nú hefur verið dregið í 16-liða úrslit í bikarnum og urðu það Völsungar frá Húsavík sem mega bíta í það súra epli að tapa stórt gegn okkur í næsta leik. Það formsatriði fer væntanlega fram laugardaginn 5. desember nk. og verður auglýst nánar á Sky Sport og TV 1000. Völsungar eru þannig dottnir út úr keppninni en verða vonandi heppnari á næsta ári. Undirbúningur ÍBV-liðsins fyrir úrslitaleikinn í febrúar næstkomandi er hins vegar að fara að hefjast og er verið að semja við auglýsendur og sjónvarpsstöðvar. Þó eru nokkur atriði sem tengjast liðinu, ekki alveg á hreinu. Þar ber hæst að eftir frammistöðuna í síðasta leik tilkynnti Þór Valtýsson að hann væri hættur með old boys liðinu og hyggðist leggja skóna á hilluna. Þetta kom nú reyndar ekki eins og skrattinn úr sauðarleggnum fyrir aðra leikmenn og þá sem sáu síðasta leik og mætti Þór vissum skilningi vegna þessarar ákvörðunar sinnar. Hinsvegar þótti rétt að reyna að tala um fyrir stráknum þar sem hann hefur nú spilað með old boys liðinu án þess að missa úr leik síðastliðin 17 ár. Þessar viðræður standa nú yfir og eru á mjög viðkvæmu stigi. Þá er okkur enn nokkur vandi á höndum. Völsungar eru frá Húsavík og teljast því óumdeilanlega norðlenskt lið. Nokkur blæbrigðamunur er á tungumáli þeirra og okkar Eyjamanna. Venjulega ætti slíkt ekki að valda neinum vandræðum en þar sem sjálfskipaður fyrirliði ÍBV old boys hefur átt í nokkrum tungumálaerfiðleikum við fyrirliða annarra liða þá hefur verið ákveðið að sjálfskipaður fyrirliði okkar muni hafa með sér túlk þegar hann ræðir við norðlenska fyrirliðann. Eyjamenn af norðlensku bergi brotnu mega því búast við því að til þeirra verði leitað í þessu skyni en allt er þetta að sjálfsögðu hugsað til að koma í veg fyrir óþægindi og leiðindi fyrir sjálfskipaðan fyrirliða ÍBV. Stóru fréttirnar eru hins vegar þær að nokkrir nýir leikmenn eru á leiðinni í liðið og þ.á.m. hefur ákveðinn núverandi landsliðsmaður sóst mjög eftir því að komast í liðið. Er þar verið að tala um töluverðar greiðslur til liðsins ef af því verður.''

''Frekari fréttir um framvindu mála verða í næstu FRÉTTUM og mun þá skýrast hvort Magnús Bragason leikur áfram með liðinu en ákveðið hefur verið að standa fyrir skoðanakönnun um það mál og geta áhugasamir haft samband við FRÉTTIR og látið í ljós skoðun sína á þessu álitaefni. P.s. Áhorfendur á síðasta leik hafa án efa orðið varir við það þegar Sigurður hornamaður Friðriksson, tók vítakast í byrjun síðari hálfleiks og brenndi af, að mikil fagnaðarlæti brutust út meðal ÍBV-liðsins. Hið sanna er að Sigurður hafði um það mörg orð í hálfleik að hann væri vítaskytta liðsins og bauð öllu liðinu í ókeypis gos eftir leikinn og bætti síðan við að óhætt verði að leggja líka undir mat á Lanterna fyrir allt liðið ef hann myndi klikka. Eins og sannur Fagurlystarmaður var Sigurður öryggið uppmálað allt leikhléið eða alveg þangað til í byrjun síðari hálfleiks þegar hann stóð á vítapunktinum, brotnaði niður og þrumaði í markmanninn við mikinn fögnuð þyrstra og svangra leikmanna ÍBV.“''

=== '''Voru slegnir út úr bikarnum''' ===
Ekki reyndist Völsungur sá happadráttur sem liðsmenn ÍBV-b höfðu talað um. Leikmenn ÍBV-b og flest allir Vestmannaeyingar, höfðu beðið eftir þessum leik með mikilli eftirvæntingu, sérstaklega í ljósi þess að sæti í 8-liða úrslitum var í húfi. Eyjamenn byrjuðu mjög illa í þessum leik, lentu strax fjórum mörkum undir, 1-5 og eftir það var á brattann að sækja. Vörnin var eins og gatasigti hjá heimamönnum og sóknin gekk engan veginn upp, meðan gestirnir héldu sínu striki. Staðan í hálfleik var, 12-15. Í síðari hálfleik fóru Eyjamenn aðeins að vakna til lífsins og þegar um 15 mínútur voru liðnar af hálfleiknum, náði ÍBV að jafna, 21 - 21. Áhorfendur fóru þá heldur að færast í aukana og héldu að nú væri þetta loksins komið. En eitthvað fór úthaldið að segja til sín hjá okkar mönnum, því að gestirnir settu í annan gír, en heimamenn sátu eftir. Það fór svo að lokum að Völsungur sigraði með þremur mörkum, 27-30, og b-lið ÍBV því úr leik að þessu sinni. Vörn ÍBV varð þeim að falli í þessum leik og líkamlegt ástand manna tók sinn toll í lokin. Óskar Freyr og Sigurður Ari voru bestu menn ÍBV í þessum leik og Birkir Kristinsson, landsliðsmaður Íslands í knattspyrnu, sýndi skemmtilega takta í markinu.

Þess má geta að í lið ÍBV vantaði marga góða menn, eins og Jóhann Benónýsson, Helga Bragason, Þorstein Viktorsson og Þór Valtýsson, og munaði um minna. ''„Ég verð að segja það að ég er mjög óánægður með stjórnina, þá Eyþór og Jóa. Það var mjög lítill undirbúningur fyrir þennan leik og sumir hérna voru látnir vita í morgun (laugardag) að þeir ættu að spila leikinn. En um leikinn sjálfan, þá voru þeir bara betri og byrjuðu betur. Við komumst aðeins inn í leikinn í síðari hálfleik, en líkamlega formið varð okkur að falli,"'' sagði Óskar Freyr Brynjarsson í viðtali við Fréttir.

Mörk ÍBV: Óskar Freyr 7/4, Sigurður Ari 6, Sindri 3, Valdimar 3, Sigurður F. 3/1, Sigurður 1. 2, Þorvarður 1, Davíð 2/1. Varin skot: Birkir 7, Magnús 5,

=== '''Þjóðhátíðarborðið var rifið''' ===
''20. desember skrifaði Sigurgeir Jónsson grein í Fréttir um þjóðhátíðarborðið, sem stóð sunnan við veitingatjaldið. Við framkvæmdir í Dalnum um sumarið, var borðið fjarlægt. Nokkrar deilur spunnust vegna þessa og þótti sumum að þar hefði fornminjum verið fórnað. Fornminjanefnd ríkisins kærði málið til lögreglu. Rannsóknin snérist um hvort hinu sögulega þjóðhátíðarborði hafi verið eytt og þá hvort umrætt borð hafi verið hið forna þjóðhátíðarborð, eða eitthvert annað borð.''

''Sigurgeir kemst hinsvegar að ákveðinni niðurstöðu þessari grein.''

Það fór mjög fyrir brjóstið á ýmsum aðilum þegar hið margfræga „þjóðhátíðarborð" var numið á brott síðastliðið sumar. Töldu þeir að hér væri um fornminjar að ræða. Í gömlum frásögnum af þjóðhátíðarhaldi í Herjólfsdal er frá því greint að borð hafi verið í dalnum og veisluföng á því. Enginn virðist þó vita með vissu hvar það borð hefur verið staðsett. Þetta niðurrif borðsins er nú orðið að lögreglumáli. Var rannsóknarlögreglu ríkisins falið að kanna hvort friðunarlög hefðu verið brotin en lögreglan í Vestmannaeyjum hefur með málið að gera. Þeir sem eru þessum málum kunnugir, segja að borðið sem fauk í sumar sé seinni tíma smíð. Upphaf þess sé að hlaðið var undir vatnstankinn sem stóð við veitingatjaldið og var hafður smávegis skái á til að vatn næði að renna betur úr tankinum. Stuttu eftir gos var svo gengið betur frá pallinum og fengnir vanir hleðslumenn til verksins. Mun Einar Jónsson (faðir Hermanns) m.a. hafa unnið við það verk.

Á einhverri þjóðhátíð munu menn hafa viljað láta pallinn fá meira hlutverk og e.t.v. minna á gamla tíð því að upp var slegið heljarmikilli veislu þar sem m.a. var lundi á boðstólum. Var þessu slegið upp og frá því sagt að snætt hefði verið við gamla þjóðhátíðarborðið, rétt eins og 1874. Eins og áður er sagt er ekki vitað hvar hið upphaflega borð stóð (hafi þá einhvern tíma verið slíkt borð). Því miður eru þeir gengnir sem munað gætu það. En nokkrir úr hópi Vestmannaeyinga, sem komnir eru vel yfir miðjan aldur, kannast ekki við neitt borð, né heldur menjar slíks og hvað síst á þeim stað sem brúsapallurinn umræddi var reistur á.

Guðjón Magnússon, netagerðarmeistari og mikill þjóðhátíðarmaður á vegum Týs, segist ekki muna eftir neinu slíku á flötinni. Hann hafi og fyrir mörgum árum nokkrum sinnum leikið golf á þessum slóðum og ekkert hafi þá verið þar sem minnti á slíkt, ekki einu sinni pallurinn margumræddi enda hafi hann komið miklu síðar.

Magnús Grímsson, frá Felli, er maður margfróður og minnugur. ''„Ég byrjaði árið 1934 að vinna við þjóðhátíð fyrir Þór, við brennuna,"'' sagði Magnús. ''„Og þá var ekkert borð þarna. Ég man líka þegar ég byrjaði í golfinu 1944 en þá var golfvöllurinn bara sex holur. Fjórða flötin var einmitt þar sem þetta borð átti að hafa staðið en um það voru engin merki. Svæðið var eggslétt og ekki nokkur ójafna þar. Ég er þess fullviss að hafi þetta borð einhvern tíma verið í dalnum þá var það ekki á þessum stað. Þarna lá vegur upp að Fjósakletti, upp í malarnámið sem þar var og grjóthóll rétt hjá honum. Það kom stundum fyrir að við slógum í hólinn þegar við vorum að reyna að komast inn á flötina og þá lentu menn í vandræðum,"'' sagði Magnús. ''„Það getur verið að borðið hafi lent undir grjóthólnum eða veginum þegar hann var lagður á sínum tíma en þarna á flötinni hefur það ábyggilega ekki verið. Pallurinn, sem var rifinn í sumar, var settur upp til þæginda út af vatninu og mér finnst ekki mikil eftirsjá í honum. Ég sé ekki ástæðu til að fara að búa til fornminjar sem ekki eru neinar fornminjar. Það er verið að reyna að búa sem best í haginn í dalnum, bæði fyrir þjóðhátíð og þá sem vilja njóta þar útivistar og þetta er bara liður í því,"'' sagði Magnús Grímsson.

Fleiri úr hópi eldri golfleikara, sem muna vel eftir gamla golfvellinum, taka í sama streng, aldrei hafi þarna verið neitt sem minnti á slíkt.

Samkvæmt tillögum að skipulagi í dalnum er gert ráð fyrir að borð verði hlaðið rétt norðvestan við litla danspallinn, öllu minna um sig en pallurinn sem rifinn var í sumar. Er vonandi að menn taki gleði sína á ný þegar það verður orðið að veruleika. Sjálfsagt kemur frekari lögreglurannsókn til með að leiða eitthvað frekar í ljós um þetta margfræga borð en ljóst er að upphafleg staðsetning fæst ekki á hreint nema efnt verði til miðilsfundar. Og það er líka nokkuð ljóst að forsvarsmenn þjóðhátíðarnefndar verða tæplega sóttir til saka fyrir að spilla fornminjum. Eigi að leita sökudólga í borðsmálinu verður að leita lengra aftur, í þjóðhátíðanefndir fyrr á öldinni, þá sem hófu malarnámið í dalnum nú eða upphafsmenn golfíþróttarinnar í Eyjum.

Allir þessir aðilar liggja undir grun um að hafa eytt borðinu góða. Gallinn er bara sá að halda þyrfti enn annan miðilsfund til að fá það allt á hreint.

''Sigurgeir Jónsson''

=== '''Eyjamenn lögðu toppliðið''' ===
Eyjamenn fengu topplið Fram í heimsókn 3. desember. Fram og Afturelding höfðu verið hvað sterkust í Nissandeildinni í vetur og með sigri gegn ÍBV hefðu Framarar tryggt sér farseðilinn á Norðurlandamót félagsliða, sem nú hefur verið sett á laggirnar. Leikur Eyjamanna hefur aftur á móti verið mjög sveiflukenndur það sem af er og hefur ÍBV ekki unnið neinn útileik á tímabilinu, en á heimavelli hafa þeir verið mjög sterkir og ekki tapað stigi. Áhorfendur urðu ekki fyrir vonbrigðum með sína menn á fimmtudaginn, enda léku Eyjamenn við hvern sinn fingur og unnu. ''„ Þetta var mikill baráttuleikur. Við spiluðum mjög skynsamlega og hleyptum þeim aldrei langt frá okkur. Mér fannst sóknin hjá okkur sannfærandi allan leikinn og vörnin var mjóg góð í seinni hálfleik. Þetta var ljúfur sigur og sérstaklega er það þægilegt að vera taplausir á heimavelli,"'' sagði Guðfinnur Kristmannsson í viðtali við Fréttir, en hann átti stórleik og skoraði 11 mörk. Mörk ÍBV: Guðfinnur 11/5, Svavar 6, Sigurður 3, Valgarð 2, Davíð 1. Varin skot: Sigmar Þröstur 20/3.

=== '''Andleysi en sigur''' ===
ÍBV og ÍR mættust í 1. deild kvenna 3. desember. Leikið var í Eyjum og bjuggust flestir við öruggum sigri ÍBV á ÍR, sem voru nýliðar í deildinni. Enda varð sú raunin og urðu lokatölurnar 24 - 18 ÍBV í viI. Eyjastúlkur náðu ekki að hrista gestina af sér í byrjun og voru í töluverðum vandræðum allan fyrri hálfleikinn. Varnarleikurinn var lélegur og sóknin var mjög ósannfærandi. Mótstaða ÍR-inga setti ÍBV eitthvað út af laginu, en þrátt fyrir það höfðu Eyjastúlkur tveggja marka forystu í hálfleik, 13-11.

Í Fréttum er sagt ÍBV hafi byrjað seinni hálfleikinn af mun meiri krafti, hraðaupphlaupin gengu upp og með þeim náðu heimamenn að leggja grunn að sigrinum. Vörnin small saman og sóknarleikurinn var mun yfirvegaðri. Lokatölur leiksins urðu þvi, 27-23.

Eyjastelpur voru alls ekki að spila vel þessa dagana. Mikið andleysi ríkir í liðinu og samstaðan er í algjöru lágmarki, sem sýnir sig best að liðið lendir í vandræðum með afspyrnuslakt lið eins og nýliða ÍR.

Amela og Ingibjörg voru bestar í liði IBV og einnig náðu Elísa og Hind vel saman á vinstri vængnum. Mörk ÍBV: Ingibjörg 9/1, Amela 8/2, Elísa 4, Hind 3/1, Guðbjörg 2, Eyrún 1 Varin skot: Petra 8.

=== '''Margir leikir''' ===
Það er af nógu að taka á íþróttasviðinu hjá ÍBV íþróttafélagi. Yfir vetrartímann er gríðarlegur fjöldi handboltaleikja, karla og kvenna, meistaraflokkanna og yngri flokkanna. Í þeirri samantekt um starfsemi félagsins sem hér er tekin saman, er mörgu sleppt, annað væri nánast ógerlegt. Heimildir þær sem notast er við, eru íþróttafréttir sem birtast í dagblöðunum í höfuðborginni og svo eyjablaðið Fréttir, auk þess blöð sem ÍBV íþróttafélag hefur gefið út.

Helgina 27. - 29. nóvember fór fram fjölliðamót 3. flokks kvenna og var leikið í Reykjavík. Stelpurnar unnu einn og töpuðu einum fyrri daginn, en seinni daginn léku þær einum manni færri, einhverra hluta vegna, og töpuðu þá báðum sínum leikjum. Úrslit leikjanna urðu þannig: Valur-ÍBV 12-11 Mörk ÍBV: Hind 5, Edda 3, Anna Rós 2, Kolbrún 2 og Aníta 1.

ÍR-ÍBV 10-14 Mörk ÍBV: Hind 6, Anna Rós 2, Aníta 2, Elfa 2, Eyrún 2.

ÍBV-FH 10-16 Mörk ÍBV: Eyrún 4, Hind 2, Aníta 2, Anna Rós l, Elfa l.

ÍBV-Fylkir 15-17 Mörk ÍBV: Hind 5, Eyrún 4, Kolbrún 3, Elfa 2, Anna Rós 1.

Undir jólin er sagt frá því í Fréttum að 2. flokkur karla hafi fengið lið FH í heimsókn. „''Leikið var í Eyjum og voru Eyjapeyjar alltaf skrefinu á undan gestunum. Staðan í hálfleik var 16 - 12. Seinni hálfleikur var svipaður þeim fyrri og sigruðu Eyjapeyjar örugglega í leiknum, 33 - 26. Margir sprækir strákar eru í þessum flokki og ber þar helst að nefna Sigurð Ara Stefánsson, sem er mikið efni, og Ríkharð B Guðmundsson, sem er mjög öflug hægri handar skytta. Mörk IBV: Sigurður Ari 10, Gottskálk 6, Birgir 5, Ríkharð 5, Jóhann 4, Unnar 2, Elías 1. Þjálfarar eru Mickail Akbashev og Helgi Bragason. Helgi stýrði sínum mönnum í þessum leik og er þar á ferðinni mjög skynsamur og röggsamur stjórnandi.''

Þá lék meistaraflokkur kvenna við Haukastúlkur í 1. deildinni. Var leikið í Hafnarfirði. ÍBV var án þeirra Marie Axelson, þjálfara og Lúsí markmanns, en þær léku ekki vegna meiðsla. Máttu Eyjatúlkur þola tap 24 -18. Eyjastúlkur komu grimmar til leiks og börðust mun betur en í undanförnum leikjum. En Eyjatúlkur máttu engu að síður þóla tap 24 -18. Heimamenn sigruðu með 6 marka mun, 24 -18. Mörk ÍBV: Ingibjörg 6, Amela 6/5, Jennie 2, Hind 2 og Elísa 1.

=== '''6. flokkur í handboltanum''' ===
6. flokkur kvenna lék í fjölliðamóti þann 31.október og var leikið í Reykjavík.

Úrslit urðu sem hér segir: ÍBV - Fjölnir 19-2 ÍBV - Stjarnan 8 - 6 ÍBV - Haukar 7 - 5 Stelpurnar komust í milliriðil og urðu úrslit þannig: ÍBV-Grótta 2- 9 ÍBV - Valur 4 - 8 ÍBV-FH 8-10 Markahæstar voru þær; Ester Óskarsdóttir með 20 mörk, Svala Jónsdóttir 14, Sæunn Magnúsdóttir 11, Silja Guðjónsdóttir 2 og Hildur Bjarkardóttir með 1 mark.

Árangur liðsins verður að teljast góður, miðað við að önnur lið voru búin að spila fullt af æfingaleikjum. B-liðið spilaði einnig þrjá leiki: ÍBV-HK 4- 4 ÍBV - Grótta 3-11 ÍBV - Fram 2 – 8. Markahæstar voru þær; Anna Margrét Kristinsdóttir með 7 mörk og Sara Sigurðardóttir með 2 mörk.

=== '''Handboltinn um áramót''' ===
Fréttir fóru yfir stöðu mála hjá meistaraflokkum ÍBV um áramótin. Er sú úttekt birt hér:

'''''ÍBV-karlar'''''

Eyjamenn eru með nokkuð þægilega stöðu um miðbik deildarinnar. Eftir 13 leiki í deildinni eru Eyjamenn í 6. sæti deildarinnar með 14 stig. ÍBV hefur unnið sex leiki, tapað fímm og gert tvö jafntefli. ÍBV hefur verið ósigrandi á heimavelli í vetur og ekki tapað stigi. Á útivelli hafa þeir ekki átt eins miklu láni að fagna, og eru ennþá án sigurs þar. Nokkur stígandi hefur verið í ÍBV-liðinu í vetur og þegar þeir fara að standa sig betur á útivelli, þá verða þeir til alls líklegir. Hópurinn virðist vera mjög sterkur og samheldinn, sem sýnir sig best að maður kemur í manns stað þegar meiðsli koma upp, án þess að það bitni mikið á liðinu. Þeir; Daði Pálsson, Giedrius og Rakanovic, eru allir meiddir, en vonir standa til að þeir verði orðnir klárir eftir áramót. Sigmar Þröstur Óskarsson, hefur spilað hvern stórleikinn á fætur öðrum, og þá hefur Guðfinnur Kristmannsson, verið gífurlega sterkur það sem af er vetri. Litháinn, Giedrius Cemauskas, hefur staðið undir væntingum, en Júgóslavinn, Slavisa Rakanovic, valdið miklum vonbrigðum. En hvað hefur þjálfari IBV, Þorbergur Aðalsteinsson, að segja um erlendu leikmennina. ''„Litháinn hefur skilað sínu eins og við var að búast, en Valgarð hefur verið ein styrkasta stoð ÍBV-liðsins í vetur. Júgóslavinn hefur enn ekki náð að sýna sitt rétta andlit og hef ég enga skýringu á því. Við skulum samt athuga að Robertas, sem var hérna í fyrra, var lélegur fyrri hluta móts, en mjög góður eftir áramót. Hvað varðar þær kröfur sem á að gera til erlendra leikmanna, þá reynum við að sjálfsögðu að fá þá bestu sem völ er á. Við fórum seint af stað að leita að leikmönnum og framboð af góðum leikmönnum er ekki mikið, þar sem þeir bestu fara annaðhvort til Frakklands eða Þýskalands. Íslenskir leikmenn í dag eru rándýrir, þannig að við verðum að leita út fyrir landsteinana að góðum leikmönnum,"'' sagði Þorbergur Aðalsteinsson, þjálfari ÍBV.

'''''ÍBV stúlkur'''''

Eyjastúlkur hafa verið í miklum vandræðum í vetur. Fjórir útlendingar voru fengnir til ÍBV fyrir tímabilið. En það er ekki hægt að segja annað en að liðið hafi valdið vonbrigðum. ÍBV er nú í þriðja neðsta sæti deildarinnar með 7 stig eftir 10 leiki. Þær hafa unnið þrjá leiki, tapað sex og gert eitt jafntefli. Þess má geta að ÍBV hefur aðeins unnið nýliða deildarinnar, KA og ÍR. Á pappírunum er hópurinn hjá ÍBV einn sá sterkasti á landinu. En því miður hefur ekki farið saman, styrkur hópsins og árangur í leikjunum.

Hverju er þar um að kenna er erfitt að segja, en útlendingarnir og heimamennirnir hafa engan veginn náð að skapa eina sterka liðsheild í vetur. Auðvitað þurfa lið sinn aðlögunartíma og vonandi mun leikur ÍBV-liðsins, þróast í rétta átt á nýju ári. Margar ungar og efnilegar stelpur eru að koma upp og að þeim þarf að hlúa. Ingibjörg Jónsdóttir, fyrirliði ÍBV, hefur átt ágætis leiki í vetur og sömu sögu er að segja um þær; Lúsí, Marie, Guðbjörgu og Amelu. Þær Jennie og Lúsí hafa átt við meiðsli að stríða að undanförnu, en verða klárar eftir áramót. Marie, þjálfari, sleit krossbönd fyrir nokkrum vikum og verður frá út tímabilið.

En hvað hafa útlendingarnir sýnt í vetur? Sænski þjálfarinn, Marie, er ágætis leikmaður en sem þjálfari, hefur hún engan veginn náð að skapa gott og samheldið lið. Landi hennar, Jennie, er miðlungsleikmaður, sem lítið hefur komið út úr. Hinar króatísku, Amela og Lúsí, eru mjög góðir leikmenn, sem vonandi eiga eftir að styrkjast á nýju ári. Margir spyrja kannski sjálfa sig: Er það þess virði að fá alla þessa útlendinga? Hvað kostar þetta? Liðið getur ekki fallið um deild, því ekki að byggja liðið upp frá grunni og þá eingöngu á Eyjastelpum?

Hvert er álit Þorvarðar Þorvaldssonar, hjá handknattleiksráði ÍBV kvenna, á þessu máli? ''„Ég'' ''verð að segja alveg eins og er að ég átti von á betra gengi. Væntingarnar voru kannski of miklar og ég hélt að þetta tæki styttri tíma að smella saman. Okkur vantaði markmann og það að fá þessa fjóra útlendinga, átti að vera einskonar lyftistöng fyrir kvennahandboltann hér í Eyjum. Við ætluðum að styrkja stöðu okkar í deildinni og fá fleiri til að æfa handknattleik. Það er mjög erfítt að halda úti mannskap hér í Eyjum, þar sem stelpur fara í skóla til Reykjavíkur og margar hverjar hætta í handbolta. Nú síðan er lokað fyrir leikmannaskipti l. nóvember, og ef leikmenn standa sig ekki hjá okkur, þá verður að tilkynna félagsskipti fyrir þann tíma. Aðkomumenn eru alltaf þó nokkurn tíma að aðlagast breyttum aðstæðum, þannig að þessi tímasetning er náttúrlega mjög óhagstæð okkur, "'' sagði Þorvarður Þorvaldsson, hjá handknattleiksráði ÍBV kvenna.

 
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2004 -

2019-07-21T14:44:02Z

Gisli: /* Huginn Helgason nýr aðstoðarþjálfari */

== '''2004 -''' ==

 

== '''JANÚAR:''' ==

=== '''Íþróttamenn heiðraðir''' ===
Í byrjun árs fór fram afhending viðurkenninga Frétta til einstaklinga sem að mati blaðsins hafa markað spor á nýliðnu ári. Fyrst voru viðurkenningartil einstaklinga, sem Fréttir telja að hafi lagt sitt af mörkum til að bæta mannlíf og stöðu Vestmannaeyja á árinu 2003 og svo var tilnefnd bjartasta vonin í íþróttum, framtak ársins og svo Eyjamaður ársins 2003. Sérstakar viðurkenningar fengu Unnur Sigmarsdóttir, Vigdís Sigurðardóttir og Ingibjörg Jónsdóttir fyrir framlag sitt til kvennahandboltans, Ingi Sigurðsson fyrirframlag til knattspyrnunnar, Heimir Hallgrímsson, þjálfari, fyrir framlag til kvennaknattspyrnunnar. Bjartasta vonin er Margrét Lára Viðarsdóttir knattspyrnukona.

=== '''Þrettándagleðin í blíðskaparveðri''' ===
Veðrið lék við gesti þrettándagleði ÍBV. Algjört logn var á malarvellinum við Löngulág og nutu kynjaverur þrettándans sín vel við þær aðstæður. Góð mæting var og fengu krakkarnir tækifæri til að kveðja jólasveinana og kannski ekki síður Grýlu og Leppalúða sem héldu aftur til fjalla. Glæsileg flugeldasýning var uppi við Höll líkt og síðustu ár á vegum Björgunarfélagsins.

=== '''Ingibjörg íþróttamaður Vestmannaeyja''' ===
Þann 12. janúar var tilkynnt um val á Íþróttamanni Vestmannaeyja 2003 í Oddfellowhúsinu. Um leið var tilkynnt um val einstakra félaga innan IBV-hérðassambands á íþróttamönnum sínum. Íþróttamaður ársins var valin Ingibjörg Jónsdóttir, handknattleikskona. Þá var Margrét Lára Viðarsdóttir, knattspyrnukona, kosin íþróttamaður æskunnar fyrir árið 2003. íþróttamenn félaga héraðssambandsins eru eftirfarandi: Knattspymumaður ársins var valinn Birkir Kristinsson, knattspymukona var Karen Burke, handknattleiksmaður ársins var Robert Bognar, handknattleikskona ársins var Ingibjörg Jónsdóttir.

=== '''Gott hjá stelpunum''' ===
2. flokkur kvenna í knattspyrnnu tók þátt í Íslandsmótinu í riðli ÍBV sem leikinn var í Kópavogi. Eyjastúlkur unnu þrjá leiki af fjórum en töpuðu fyrir Breiðabliki og enduðu í öðru sæti riðilsins. Fyrir vikið komst IBV ekki í úrslit en aðeins eitt lið komst áfram úr riðlinum. Úrslit leikja ÍBV: ÍBV-Selfoss 16-0, ÍBV-Breiðablik 2-9, ÍBV-Grindavfk 6-1 og ÍBVKeflavík 6-0.

=== '''Sannfærandi sigur eftir langt hlé''' ===
Eftir rúmlega sjö vikna hlé lék kvennalið ÍBV gegn Gróttu/KR. Heimastúlkur byrjuðu betur og skoruðu fyrstu þrjú mörkin en smám saman náðu Eyjastúlkur að snúa leiknum sér í hag. Komust þær yfir eftir rúmlega tíu mínútna leik, 5-4 og náðu mest fimm marka forystu 8-13 en það var staðan í hálfleik. Í síðari hálfleik minnkuðu heimastúlkur muninn niður í þrjú mörk, 12-15 og var munurinn það sem eftir lifði leiks tvö til þrjú mörk. Leikmenn ÍBV náðu hins vegar góðum spretti í lokin, skoruðu fimm mörk gegn aðeins tveimur mörkum heimaliðsins og lokatölur urðu 23-29 fyrir ÍBV. Mörk ÍBV: Alla Gokorian 8, Anna Yakova 7/2, Sylvia Strass 5, Anja Nielsen 4, Birgit Engl 3, Guðbjörg Guðmannsdóttir 2. Varin skot: Julia Gantimorova 24/2.

=== '''Vel heppnað mót en árangur ÍBV ekki góður''' ===
Í byrjun janúar fór fram Íslandsmót í knattspyrnu innanhúss í 3. flokki karla en einn riðill var leikinn hér í Eyjum. Var það Suðurlandsriðill þar sem liðin af Suðurlandi léku öll í einum riðli. Eyjamenn áttu fyrirfram að vera með eitt af sterkustu liðunum en þrátt fyrir að vera oft á tíðum sterkari aðilinn í leikjum sínum þá náðu leikmenn IBV ekki að nýta yfirburði sína og töpuðu jafnvel fyrir talsvert slakari liðum. Það er ljóst að ef ekki á illa að fara í sumar þurfa strákamir að líta í eigin barm og skoða hvað fór úrskeiðis. Annars var framkvæmd mótsins ágæt, aðstaðan er glæsileg fyrir knattspyrnumót sem þetta, stór völlur og aðstaða fyrir áhorfendur er góð þannig að nú þurfa Eyjamenn að sækja um að halda Islandsmót meistaraflokkanna. Úrslitleikja; ÍBV: ÍBV-KFR 2-3 ÍBV-UMFH 4-2 ÍBV-Ægir 1-2 ÍBV-Hamar 2-1 ÍBV-Selfoss 3-1

=== '''5. flokkur kvenna Íslandsmeistari í C-flokki''' ===
Í janúar héldu stelpurnar í 5. flokki kvenna upp á land til að leika í Íslandsmótinu í handknattleik. IBV fór með þrjú lið til leiks, A-, B- og C-lið en C liðið stóð sig best. Stelpurnar í C liðinu gerðu sér lítið fyrir og unnu þrjá af fjórum leikjum sínum í riðlinum og í milliriðli vann ÍBV alla þrjá leiki sína. Þar með var ÍBV komið í úrslitaleikinn þar sem liðið mætti KA og sigraði ÍBV í leiknum með einu marki, 10-9 og urðu þar með Íslandsmeistarar eftir þetta fjölliðamóL A- og B-liðum ÍBV gekk líka ágætlega. Bæði liðin enduðu í sjöunda sæti sem er þokkalegur árangur.

=== '''Huginn Helgason nýr aðstoðarþjálfari''' ===
Í byrjun janúar var gengið frá ráðningu á nýjum aðstoðarþjálfara hjá knattspyrnuliði ÍBV en Sveinn Sveinsson, aðstoðarþjálfari liðsins síðasta sumar, ákvað að gefa ekki kost á sér á ný. Huginn Helgason, fyrrverandi leikmaður liðsins, var ráðinn í starfið en auk þess mun hann sjá um annan flokk karla. Huginn mun sjá um æfingahóp ÍBV hér í Eyjum í vetur, í samstarfi við Magnús Gylfason þjálfara ÍBV.

=== '''Gunnar Berg áfram''' ===
Íslenska karlalandsliðið í handknattleik undirbýr sig nú af krafti fyrir Evrópumótið sem fram fer í Slóveníu í lok janúar en liðið spilaði m.a. þrjá leiki gegn Sviss um helgina. Eyjamennirnir í liðinu, Gunnar Berg Viktorsson og Birkir Ívar Guðmundsson fengu aðeins að spreyta sig í leikjunum en eftir leikina var fækkað um fjóra í íslenska liðinu. Þrátt fyrir að verja tíu skot á þrjátíu mínútum, var Birkir Ívar einn þeirra sem duttu út úr hópnum en Gunnar Berg er enn á meðal þeirra átján sem skipa hópinn.

=== '''Endurtaka Kolaportið''' ===
Á síðasta ári hélt kvennalið ÍBV í knattspyrnu lítið Kolaport þar sem gamlir munir voru til sölu á hlægilegu verði. Nú hafa stelpurnar ákveðið að endurtaka leikinn, ekki síst vegna góðra undirtekta bæjarbúa en áætlað er að setja upp lítið Kolaport í Týsheimilinu í lok febrúar. Íris Sæmundsdóttir, leikmaður ÍBV, segir að stemmningin síðast hafi verið góð en nú eigi að bæta um betur. ''„Við ætlum ekki bara að selja sjálf, heldur bjóðum við fólki að selja hluti fyrir það og svo ætlum við líka að bjóða einstaklingum og fyrirtækjum að taka bás á leigu til að selja sínar vörar. Við ætlum að búa til alvöru Kolaport og nú verður fólk bara að taka þátt í þessu með okkur.''" sagði Íris

=== '''Þrír sigrar í æfingaleikjum''' ===
Karlalið ÍBV hélt til Danmerkur um miðjan janúar og lék þar tvo æfingaleiki. Reyndar byrjaði æfingaferðin með leik gegn Fram sem verður í efri deild þegar Íslandsmótið hefst að nýju. Eyjamenn sigruðu í leiknum með 6 mörkum, 31 -37 og fengu þar með gott veganesti með sér til Danmerkur. Þar hélt velgengni Eyjamanna áfram því í Danaveldi mætti IBV einu úrvalsdeildarliði og toppliðinu í 1. deild. Fyrst var leikið gegn úrvalsdeildarliði Alaborg og sigruðu Eyjamenn í leiknum 26-32. Leikmenn ÍIBV voru svo ekki í teljandi vandræðum með topplið 1. deildarinnar dönsku, Viborg en þann leik vann ÍBV með níu mörkum, 23- 32. Til stóð að Guðfinnur Kristmannsson myndi koma til móts við ÍBV og leika með liðinu í Danmörku en þegar á reyndi fékk hann sig ekki lausan úr vinnu. Sigurður Bragason, fyrirliði ÍBV var sáttur við ferðalagið. „''Þetta gekk alveg ljómandi vel. Þrír sigurleikir sem verður að teljast gott hjá karlaliði ÍBV, sérstaklega miðað við gengi okkar fram að þessu í vetur, þannig að ég er bara mjög sáttur. Svona ferð er líka mjög góð fyrir liðsheildina, hópurinn þjappar sér saman þannig að við eigum að vera nokkuð klárir fyrir átökin í 1. deild í næsta mánuði."''

=== '''Stóðu uppi sem sigurvegarar''' ===
Knattspyrnulið ÍBV kvenna lék sína fyrstu leiki fyrir komandi tímabil en þá tók liðið þátt í Hitaveitumótinu sem fram fór í Reykjaneshöll. Um var að ræða tvo leiki, fyrst var leikið gegn Íslandsmeisturum KR og svo gegn Stjörnunni. Leikurinn gegn KR var hörkuviðureign en Olga Færseth skoraði tvö af mörkum ÍBV og Margrét Lára eitt. Þar með var IBV komið í úrslitaleik mótsins þar sem liðið mætti Stjörnunni. Eyjastúlkur vora undir 1-3 þegar rúmlega 20 mínútur vora eftir en gerðu sér lítið fyrir og jöfnuðu áður en leiktíminn var úti. Úrslit leiksins fengust svo í vítaspyrnukeppni þar sem ÍBV skoraði úr fimm vítaspyrnum en Stjarnan fjórum.

=== '''Sprækar stelpur í 5. flokki''' ===
Stelpurnar í 5. flokki C í handbolta hafa verið að gera það gott í vetur. Þær standa vel að vígi í Íslandsmótinu og á dögunum unnu þær fjölliðamót. Þetta er frábær árangur þar sem 25 lið taka þátt hverju sinni og tvisvar hafa þær orðið í öðru sæti og einu sinni í fyrsta. Einnig lspiluðu þær sjö leiki, unnu sex og gerðu eitt jafntefli og markatalan var 106-53 A og B liðin voru einnig að standa sig vel þar sem margar af þeim stúlkum eru á yngra ári.

=== Veðrið setti strik í ferðir yngri flokkanna ===
Um miðjan janúar átti unga fólkið í Eyjum að leika bæði í handbolta og fótbolta uppi á landi. Veðrið var mjög vont og ákvað ÍBV í samráði við foreldra að senda ekki börnin út í óvissuna. Enda var bæði slæmt sjóveður og slæm færð á vegum um allt land. Fyrir vikið fær fimmti flokkur karla ekki tækifæri á að leika í Íslandsmótinu innanhúss þar sem leikið hefur verið í öllum riðlum Íslandsmótsins. KSÍ gat hins vegar komið 4. flokki fyrir í öðrum riðli. Þá átti sjötti flokkur karla og kvenna að leika í handknattleik en hætt var við þá ferð. Eini flokkurinn sem fór upp á land var 3. flokkur kvenna í knattspyrnu en liðið lék fimm leiki. Úrslit leikjanna urðu þessi: IBV-Stjarnan 0-1, ÍBV-Keflavík5-3, ÍBV-Víkingur 4-0, ÍBV-FH 2-2, ÍBV-Fylkir 7-1. ÍBV endaði í öðru sæti riðilsins og kemst þar með ekki í úrslit.

=== '''Stelpurnar áfram''' ===
Eyjastúlkur mættu búlgarska liðinu Etar Veliko 64 tvívegis um miðjan janúar í Áskorendakeppni Evrópu og fóru báðir leikirnir fram í Eyjum. Eyjastúlkur renndu nokkuð blint í sjóinn en þegar á reyndi voru gestirnir mun slakari en ÍBV og áttu Eyjastúlkur ekki í vandræðum með að tryggja sig áfram með stórsigri í fyrri leiknum. Síðari leikurinn var hins vegar tilraunastarfsemi frá upphafi til enda, sem er í sjálfu sér góðra gjalda vert en ólíkt skemmtilegra hefði verið að vinna báða leikina. Það var ljóst strax á fyrstu mínútu að Eyjaliðið var mun sterkara. ÍBV byrjaði af miklum krafti, skoraði fyrstu þrjú mörkin áður en gestirnir svöruðu úr vítakasti. Eyjastúlkur bættu svo við átta mörkum í viðbót og þegar hálfleikurinn var hálfnaður var staðan 11-1 fyrir ÍBV. Eftir þetta færðist ró yfir leikinn, liðin skiptust á að skora en það duldist engum hvort liðið var betra og staðan í hálfleik var 19-8. Seinni hálfleikur var svo eins ójafn og sá fyrri, Eyjastúlkur juku muninn út leikinn og mestur varð munurinn 23 mörk, 38-15 en það voru gestirnir sem áttu síðasta orðið í leiknum og minnkuðu muninn niður í 22 mörk. Mörk ÍBV: Anna Yakova 12/4, Guðbjörg Guðmannsdóttir 6, Birgit Engl 4, Sylvia Strass 4, Alla Gokorian 4, Anja Nielsen 3, Eh'sa Sigurðardóttir 2, Edda Eggertsdóttir 2, Sæunn Magnúsdóttir 1, Hildur Jónsdóttir 1. Varin skot: Julia Gantimorova 16.

Síðari leikurinn var hins vegar á allt öðrum nótum enda ljóst að erfitt var fyrir Aðalstein Eyjólfsson að fá leikmenn til að halda einbeitningu. Í stað þess að keyra á byrjunarliðinu, lét hann varamenn liðsins sjá um leikinn að mestu leyti og fyrir vikið var leikurinn jafn lengst af. Eyjastúlkur voru reyndar ávallt með örugga forystu, allt þar til fimm mínútur voru eftir að búlgarska liðið jafnaði og komst svo yfir í næstu sókn, 18-17. Eyjastúlkur náðu ekki að skora mark síðustu mínúturnar og því urðu þetta lokatölur leiksins. ÍBV komst áfram í 16 liða úrslit og sigraði búlgarska liðið samanlagt 55- 34. Óneitanlega glæsilegur árangur en óneitanlega hefði verið skemmtilegra að vinna seinni leikinn. Mörk ÍBV: Anna Yakova 5/1, Birgit Engl 4, Ester Óskarsdóttir 3, Edda Eggertsdóttir 2, Þórsteina Sigurbjörnsdóttir 2, Guðbjörg Guðmannsdóttir 1. Varin skot: Julia Ganfimorova 17.

=== '''Eyjapeyjar á úrtaksæfingar''' ===
Þrír leikmenn ÍBV í knattspyrnu, Andri Ólafsson, Tryggvi Bjarnason og Jón Skaftason hafa verið boðaðir til æfinga hjá U-21 árs liði Íslands. Munu það vera fyrstu æfingar nýs þjálfara, Eyjólfs Sverrissonar. Þá hefur Ólafur Þór Berry verið boðaður á úrtaksæfingar hjá U-19 ára liðinu. Auk þess verða æfingar hjá U-17 ára landsliðinu og þar eiga Eyjamenn einn fulltrúa, Ellert Scheving Pálsson en nokkra athygli vekur að af 55 leikmönnum sem valdir voru á æfingar U-17 ára liðsins, eiga Eyjamenn aðeins einn fulltrúa

=== '''Auðveldur sigur''' ===
Eyjastúlkur léku gegn botnliði Fram í Eyjum. Leikurinn var jafnari en flestir áttu von á en sigur IBV var hins vegar aldrei í hættu og lokatölur urðu 35-26. Aðalsteinn Eyjólfsson, þjálfari ÍBV, gaf varamönnum liðsins tækifæri í leiknum í gær, Edda Eggertsdóttir kom inn á línuna og Ester Óskarsdóttir stýrði sóknarleiknum. Hún sýndi hversu efnileg hún er en þess má geta að hún er enn aðeins í fjórða flokki. Leikurinn var jafn fyrstu mínúturnar en einkenndist fyrst og fremst af furðulega harðri dómgæslu. Þegar fyrri hálfleikur var hálfnaður voru komnar sex brottvísanir í leiknum, sem urðu alls fimmtán og auk þess tvö rauð spjöld. Þetta er ekki síst furðulegt í ljósi þess að leikurinn var mjög prúðmannlega leikinn. Þá hafa vítin sjaldan verið fleiri, alls nítján í leiknum öllum og þurfti stundum ekki annað en að ryðjast á varnarmann til að fá víti. Staðan í hálfleik var hins vegar 19-14. Í upphafi síðari hálfleiks gerðu Eyjastúlkur svo út um leikinn, náðu mest átta marka forystu sem gestirnir náðu aldrei að brúa. Lokatölur leiksins urðu svo 35-26 en með sigrinum komst ÍBV aftur í efsta sæti deildarinnar. Mörk ÍBV: Anna Yakova 7/2, Birgit Engl 6, Guðbjörg Guðmannsdóttir 6, Anja Nielsen 4, Sylvia Strass 3/2, Ester Óskarsdóttir 3, Edda Eggertsdóttir 3, Sæunn Magnúsdóttir 2/1, Þórsteina Sigurbjörnsdóttir 1. Varin skot: Julia Gantimorova 19/1.

=== ÍBV með yfírburði ===
ÍBV tók á móti Víkingum seinni hluta janúar mánaðar. Fyrri hálfleikur fór rólega af stað, gestirnir skoruðu fyrsta markið og fyrstu tíu mínúturnar skiptust liðin á að skora. En eftir það áttu Eyjastúlkur góðan leikkafla og náðu þriggja marka forystu. Leikmenn Víkings voru hins vegar ekkert á því að gefast upp og náðu að minnka muninn niður í eitt mark, 13-12 en á lokakaflanum skoruðu leikmenn ÍBV fimm mörk gegn einu marki gestanna og staðan í hálfleik var 18-13. Síðari hálfleikur var svo lengst af í jafnvægi, það er að segja, liðin skiptust á að skora og munurinn var fimm til sjö mörk. Sigur ÍBV var því aldrei í hættu, varamenn ÍBV fengu tækifæri undir lokin og skiluðu sínu hlutverki, lokatölur 35-27. Mörk ÍBV: Alla Gokorian 7/3, Sylvia Strass 6, Birgit Engl 6, Anna Yakova 5, Anja Nielsen 4, Guðbjörg Guð- mannsdóttir 3, Elísa Sigurðardóttir 2, Þórsteina Sigurbjömsdóttir 1, Ester Óskarsdóttir 1. Varin skot: Julia Gantimorova 17/1.

=== '''Sigur á Breiðabliki''' ===
Karlalið ÍBV í knattspyrnu lék æfingaleik gegn 1. deildarliði Breiðabliks og fór leikurinn fram í Fífunni. Í liði Eyjamanna mátti sjá nokkra nýliða í hópnum, m.a. Daníel Hafliðason sem hefur æft með liðinu að undanförnu. Eyjamenn unnu leikinn, 3-1 og var Daníel einmitt einn af markaskorurum liðsins en Gunnar Heiðar og Bjarni Geir skoruðu hin mörkin. Magnús Gylfason, þjálfari liðsins var ánægður með leik sinna manna. „''Þetta var bara nokkuð öruggt hjá okkur, auðvitað enginn sambafótbolti en mér fannst Blikarnir ekki eiga séns gegn okkur. Það vantaði nokkra í okkar lið en í staðinn fékk ég tækifæri til að prófa nýja leikmenn sem stóðu sig vel. Í liðinu hjá okkur voru þrír leikmenn sem við erum að skoða, Daníel Hafliðason, Baldur Sigurðsson sem kemur frá Húsavík og svo Magnús Már Lúðvíksson. Þetta eru allt færir knattspyrnumenn og spurning hvort við semjum við þá,"'' sagði Magnús.

=== '''Bikararnir raðast til Eyja''' ===
Kvennalið IBV í knattspyrnu hefur nú tekið þátt í tveimur æfingamótum í janúar og árangurinn hefur heldur betur verið góður. Þannig unnu stelpumar Hitaveitumótið og tóku svo þátt í Sparisjóðsmótinu á Akureyri. Eyjastelpur léku þrjá leiki í mótinu og unnu þá alla og markatala ÍBV í mótslok var glæsileg, 21 mark skorað en sex fengin á sig. Heimir Hallgrímsson, þjálfari ÍBV sagði í samtali við Fréttir að hann væri ánægður með mótið. ''„Já, núna komum við heim með bikar eftir hverja helgi. Þetta var samt strembið ferðalag, við lögðum af stað með Herjólfi á föstudagsmorgun og spiluðum svo fyrsta leikinn síðar um kvöldið á Akureyri. En stelpumar stóðu sig vel og ég var mjög ánægður með þær í þessari ferð,"'' sagði Heimir. Úrslit ÍBV um helgina: ÍBV-Þór/KA/KS 7-5 (Olga 3, Margrét 2, Ema Dögg og Elena) ÍBV-Norðurlandslið 7-0 (Olga 3, Thelma Sigurðard. Pálína, Margrét, Elena) ÍBV-Stjarnan 7-1 (Bryndís 3, Karítas, Margrét, Olga)

=== '''Góð ferð hjá 2. flokki''' ===
2. flokkur karla í handknattleik nýtir hlé Remaxdeildarinnar vel. Liðið hafði aðeins leikið einn leik fyrir áramót og á því fullt af leikjum inni. Strákarnir léku þrjá leiki eina helgi í janúar en þeir unnu tvo leiki og töpuðu einum. Úrslitin voru þessi: Afturelding - ÍBV 27-25, Stjarnan - ÍBV 26-37, Fjölnir-ÍBV 30-38.

4. flokkur karla lék í fjölliðamóti en með ÍBV í riðli voru ÍR, Selfoss og Afturelding. Eyjapeyjar töpuðu öllum leikjunum og enduðu í neðsta sæti riðilsins.

Fjórði flokkur kvenna í knattspyrnu lék í sínum riðli í innanhússknattspyrnu og var leikið á Hvolsvelli. Með ÍBV í riðli voru Afturelding, Fylkir, KFR, KR og Ungmf. Bessastaðahrepps en ÍBV endaði í öðru sæti riðilsins og komst ekki í úrslit. Úrslit voru þessi: IBV 6 -UMF-Bessastaðahr. 2, ÍBV 5-KR 0, ÍBV 2- KFR 3, ÍBV 2- Fylkir 2 og ÍB V 5 -Afturelding 0.

=== '''Fjögur í úrtaki''' ===
Þær Margrét Lára Viðarsdóttir, Sara Sigurlásdóttir og Karítas Þórarinsdóttir hafa verið kallaðar á úrtaksæfingar hjá U-19 ára landsliði Íslands í knattspyrnu. Æfingarnar í Reykjaneshöll og Egilshöll síðustu helgina í janúar. Þá er Ólafur Berry í úrtaki í U-19.

=== '''Verða með fiskidag einu sinni í mánuði''' ===
Kvennaráð IBV í handknattleik hélt fiskidag þar sem í boði voru alls kyns kræsingar úr sjávardjúpunum. Bryggjudagur hefur ávallt verið haldin af handknattleiksráði kvenna yfir sumartímann þar sem slegið er upp heljarmikilli veislu á bryggjunni en fiskidagurinn hefur minni umgjörð og áherslan lögð á góðan fisk á góðu verði. Hlynur Sigmarsson, formaður handknattleiksráðs kvenna, sagði í samtali við Fréttir að viðtökurnar hefðu verið ágætar. ''„Við reyndar heyrðum það svo eftir helgi að það voru einhverjir sem voru bara búnir að gleyma þessu eða vissu ekki af þessu. En við ætlum að laga það, auglýsa þetta betur næst þannig að þetta ætti ekki að fara framhjá neinum."'' Næst segirðu, stefnið þið á að halda svona fiskidag aftur? ''„Já, hugmyndin er að hafa fiskidag einu sinni í mánuði. Fólk þekkir þessa þjónustu hjá okkur frá Bryggju-deginum og þó við bjóðum upp á mikið úrval af fiski á fiskidegi þá er umgjörðin ekkert í líkingu við Bryggjudaginn. Við hins vegar bjóðum þetta á góðu verði og njótum góðs af velvilja fiskvinnslufyrirtækja í bænum. Mörg eru að gefa okkur þessar afurðir og þannig höfum við möguleika á að halda þetta."'' Hlynur og félagar voru ekki aðeins að bjóða upp á ferska ýsu um helgina því þar mátti finna saltfisk, kleinur og kjúklinga.

=== '''Garðbæingar léttur biti''' ===
ÍBV lék gegn Stjörnunni í Garðabænum en Stjarnan hefur verið á mikilli siglingu í undanförnum leikjum. En Eyjastúlkur voru greinilega of stór biti fyrir Garðbæinga því lokatölur leiksins urðu 29-38. Leikurinn var í jafnvægi fyrstu tuttugu mínúturnar og liðin skiptust á að hafa forystu í leiknum. En síðustu tíu mínútur fyrri hálfleiks blómstraði lið ÍBV og skoruðu stelpurnar níu mörk gegn fimm mörkum heimastúlkna og breyttu stöðunni úr 10-12 í 15-21, sem voru hálfleikstölur. Það tók Eyjastúlkur svo ekki langan tíma í síðari hálfleik að gera út um leikinn því í stað þess að heimastúlkur minnkuðu muninn þá juku Eyjastúlkur hann og mestur varð munurinn tíu mörk, 24-34. Í lok leiksins sýndi leikklukkan í Garðabæ 29-37 en eftir að hafa horft á myndbandsupptöku af leiknum þá er ekki annað að sjá en að leikurinn hafi endað 29-38. Aðalsteinn Eyjólfsson, þjálfari ÍBV staðfesti þetta og sagðist hafa grunað að það vantaði eitt mark upp á en vildi ekki gera mál úr því þar sem sigurinn skipti öllu máli. Mörk ÍBV: Anna Yakova 10, Alla Gokorian 8/3, Anja Nielsen 6, Sylvia Strass 4, Birgit Engl 4, Guðbjörg Guðmannsdóttir 3, Edda Eggertsdóttir 1, Þórsteina Sigurbjörnsdóttir 1. Varin skot: Julia Gantimorova 15/1.

=== '''2. flokkur karla á siglingu''' ===
2. flokkur karla lék tvo leiki gegn HK síðustu helgina í janúar. Leikirnir fóru þannig að í fyrri leiknum sigraði ÍBV með tíu marka mun en í þeim síðari með átta, 32- 24. Staðan í riðlinum er þannig að ÍBV er í þriðja sæti með tíu stig eftir sex leiki, Stjarnan er í öðru sæti með tólf stig eftir sjö leiki og Haukar eru efstir með tólf stig eftir átta leiki. Fjórði flokkur kvenna lék í þriðju umferð Íslandsmótsins en í sama riðli og ÍBV voru Fylkir, Valur og Stjarnan. ÍBV tapaði gegn Fylki, 12-11 og gegn Val 14-18 en unnu svo Stjörnuna 17-11.

=== '''Nýr starfsmaður hjá ÍBV''' ===
ÍBV-íþróttafélag hefur ráðið nýjan starfsmann en þar er á ferðinni Eyjamaðurinn Kristján Georgsson, betur þekktur sem Kiddi Gogga. Starf hans verður að þjálfa þrjá flokka félagsins í knattspyrnu en auk þess mun Kiddi skipuleggja ferðir allra flokka félagsins og í sumar mun hann aðstoðar við skipulagningu mótanna tveggja, Shellmótsins og Vöruvalsmótsins. Páll Scheving, framkvæmdastjóri ÍBV sagði það væri mikill fengur fyrir félagið að fá Kidda til starfa.

=== '''Tillaga ÍBV um undanúrslit í bikarnum ekki samþykkt''' ===
Ársþing KSÍ fór fram síðustu helgina í janúar á Selfossi en IBV lagði fram eina tillögu, um að færa undanúrslitaleiki bikarkeppninnar aftur heim í hérað í stað þess að spila þá á Laugardalsvellinum. Tillagan var felld. Menn virðast ekki vera sammála hvernig atkvæðagreiðslan fór, forráðamenn ÍBV segja að tillagan hafi verið naumlega felld en aðrir segja að tillagan hafi verið kolfelld. Það sem kannski svíður mest er andstaða landsbyggðaliða en sem dæmi má nefna að bæði ÍA og KA greiddu gegn tillögunni sem kom veralega á óvart. Birgir Stefánsson, framkvæmdastjóri ÍBV, sagði það vera mikil vonbrigði að tillagan hafi ekki náð í gegn.

== '''FEBRÚAR:''' ==

=== '''Finnbogi semur''' ===
Ungur og efnilegur Eyjapeyi skrifaði undir hjá félaginu á upphafsdögum febrúar en það er Finnbogi Friðfinnsson, sonur Friðfinns Finnbogasonar í Eyjabúð og fyrrverandi leikmanns ÍBV. Finnbogi hefur leikið með yngri flokkum félagsins og er án efa einn efnilegasti markvörðurinn sem komið hefur upp í Eyjum í áraraðir.

=== '''ÍBV afhenda áritaðan búning''' ===
Í byrjun febrúar fóru leikmenn ÍBV í heimsókn til Gunnars Karls Haraldssonar og afhentu honum ÍBV-búning áritaðan af leikmönnum liðsins. Gunnar er mikill keppnismaður og gefur ekki tommu eftir í baráttu sinni við veikindin. Gunnar myndi sóma sér vel í búningi ÍBV sem fulltrúi metnaðar og keppnishörku. Einnig afhentu leikmenn meistaraflokks Gunnari íþróttagalla sem er gjöf frá ÍBV aðalstjóm. Hvöttu leikmenn Gunnar til dáða um leið og Gunnar vildi fara sjá leikmenn vinna titil næsta sumar. Var þetta til að kitla hláturstaugar leikmanna sem sáu að þeir gátu engu svarað skemmtilegu skoti Gunnars.

=== '''Petra í raðir KR''' ===
Fyrrum markvörður ÍBV í knattspyrnu, Petra Fanney Bragadóttir gekk í raðir Íslandsmeistara KR en Petra lék síðast með ÍBV síðastliðið sumar. Petra þekkir ágætlega til í herbúðum KR en hún hefur æft með liðinu meðan hún dvelur í Reykjavík. Markvörður KR-inga, landsliðsmarkvörðurinn Þóra Helgadóttir, er í námi í Bandaríkjunum og hefur ávallt misst úr nokkra leiki á hverju sumri og er Petru ætlað að fylla í skarðið á meðan. Petra hefur leikið með ÍBV alla tíð og lék sex leiki með liðinu í efstu deild sumarið 2003. Koma enska landsliðsmarkvarðarins Rachel Brown varð hins vegar til þess að Petra lagði skóna á hilluna tímabundið.

=== '''Stórsigur á ÍR-ingum''' ===
Karlalið ÍBV lék tvo æfingaleiki fyrstu helgina í febrúar en liðið undirbýr sig nú af krafti fyrir komandi átök í 1. deild Íslandsmótsins. Leikið var gegn úrvalsdeildarliðunum Haukum og ÍR og var leikið gegn Haukum á föstudag. Guðfinnur Kristmannsson var að leika sína fyrstu leiki með liðinu og ljóst að leikmenn þurftu tíma til að kynnast honum og hann liðinu. Haukarnir voru mun sterkari í leiknum og lokatölur urðu 31-21 fyrir Haukana. Daginn eftir léku strákarnir svo gegn ÍR-ingum en þeir enduðu í efsta sæti suðurriðils á meðan ÍBV endaði í því sjötta. En Eyjamenn báru litla virðingu fyrir silfurliði síðustu leiktíðar og sigruðu mjög örugglega, 17-30.

=== '''Tveir nýir leikmenn í bætast í hópinn''' ===
Knattspyrnuliði ÍBV í kvennaflokki hefur borist góður liðsauki fyrir komandi sumar því um helgina skrifuðu þær Elín Anna Steinarsdóttir og Bryndís Jóhannesdóttir undir tveggja ára samning við félagið. Bryndís lék upp alla yngri flokka með Tý og IBV og svo í meistaraflokki IBV en ákvað að söðla um fyrir síðasta tímabil og lék í 1. deildinni með ÍR. Þeir sem þekkja til kvennaknattspyrnunnar vita að Bryndís er allt of góður leikmaður til að vera í 1. deild og ákvað hún á dögunum að snúa aftur heim til ÍBV. Félagsskipti Elínar Önnu hafa legið nokkuð lengi í loftinu en Elín Anna var samningsbundin Breiðabliki. Félagið braut hins vegar á samningi við hana sem gerði henni kleift að rifta samningnum og ganga í raðir ÍBV.

=== '''Handboltinn óskar eftir styrk''' ===
Þrjú erindi frá handknattleiksdeild kvenna ÍBV voru tekin fyrir á fundi bæjarráðs mánudaginn 10.febrúar. Fyrst var það vegna greiðslu fyrir matarboð í tengslum við Evrópukeppnina en það gleymdist að ræða það fyrir leikinn að vaninn sé að bærinn borgi fyrir veisluna. Kostnaðurinn var um 200 þúsund krónur. Annað bréf var um sama mál og óskaði Hlynur Sigmarsson formaður handknattleiksráðs að í stað greiðslu fyrir veisluna var óskað eftir því að bæjaryfirvöld komi að ferðakostnaði vegna ferðar stelpnanna til Frakklands. Þriðja bréfið var svo tekið fyrir en þar er formlega óskað eftir styrk vegna ferðarinnar til Frakklands og kemur fram að kostnaður sé allt að ein og hálf milljón króna. Engin styrkur kemur frá Evrópusambandinu líkt og gerist í knattspyrnunni og fellur því allur kostnaður á handknattleiksdeildina. Bæjarráð samþykkti að eiga fund með forráðamönnum ÍBV - íþróttafélags til að ræða fjárhagsleg samskipti þessara aðila.

=== '''Aðalfundur ÍBV íþróttafélags''' ===
Aðalfundur ÍBV-íþróttafélags var haldinn um miðjan febrúar og voru um fimmtíu manns á fundinum. Farið var yfir reikninga síðasta árs auk þess sem nokkrar tillögur lágu fyrir fundinum. I umræðu um reikninga aðalstjórnar og deilda ÍBV-íþróttafélag kom fram að nokkurrar óreiðu gætir hjá sumum deildum. Skoðunarmenn félagsins treystu sér ekki til að skrifa undir reikninga félagsins en fundurinn samþykkti þá engu að síður með þeim formerkjum að senda ársreikninga aftur til skoðunarmanna tíl samþykktar. Þá voru menn sammála um að færa þurfi bókhald deilda félagsins til betri vegar og jafnvel yrði það hlutverk skrifstofu ÍBV að sjá um bókhald deildanna. Ekkert var ákveðið í þeim efnum. Af tillögum sem lágu fyrir má nefna að allar fjáraflanir á vegum ÍBV fara nú í gegnum aðalstjórn en áður voru deildinnar hver í sínu horni og rákust fjáraflanir jafnvel á. Þá var samþykkt að félagið fjárfesti í nýju bókhaldsforriti í þeirri viðleitni að koma bókhaldi deilda í réttan farveg. Þá benti Viðar Elíasson, formaður knattspyrnudeildar á að þó að margt mætti betur fara í starfinu þá væri unnið mjög gott starf hjá ÍBV sem ekki mætti falla í skuggann á umræðunni um það sem þarf að bæta og tóku menn undir það. Ný stjórn var kosin, Óskar Freyr Brynjarsson var endurkjörinn sem formaður félagsins en auk hans eru þau Björgvin Eyjólfsson, Tryggvi Már Sæmundsson, Guðný Einarsdóttir og Olga Bjarnadóttir í stjórn en varamenn eru þeir Tryggvi Kr. Ólafsson og Magnús Bragason. Skoðunarmenn reikninga félagsins fyrir árið 2004 eru þeir Gísli Valtýsson og Hörður Óskarsson.

ÍBV afhenti fjórum leikmönnum viðurkenningu samkvæmt nýjum reglum um slíkt. Nú verður miðað við leiki í deild, bikar, deildarbikar og Evrópukeppni með ÍBV og einstaklingum afhentar viðurkenningar fyrir 100 leiki, 150 leiki, 200 leiki og svo framvegis. Í ár fengu þeir Birkir Kristinsson (116), Bjarnólfur Lárusson (134), Hjalti Jóhannesson (139) og Ingi Sigurðsson (320) viðurkenningar fyrir leikjafjölda.

=== '''Í úrslit fjórða árið í röð''' ===
ÍBV komst í bikarúrslitaleikinn fjórða árið í röð eftir að hafa unnið FH nokkuð sannfærandi í undanúrslitunum, 34 - 24. Í úrslitaleiknum mætir ÍBV hins vegar hinu Hafnarfjarðarliðinu, Haukum en þessi lið mættust einmitt í úrslitaleiknum í fyrra þar sem Haukar höfðu betur. Leikurinn var nánast eftir bókinni og í samræmi við það sem ÍBV hefur verið að gera í síðustu leikjum. Hraðinn var mikill og FH-ingar virtust ráða ágætlega við hann framan af. Varnarleikur ÍBV var reyndar afar slakur í fyrri hálfleik og þannig áttu gestirnir auðveldara með að fá góð færi. Þó að ÍBV hafi ávallt verið skrefinu á undan þá náðu þær aldrei að hrista Hafnfirðinga af sér og í hálfleik munaði aðeins tveimur mörkum, 16-14. Það var augljóst að ræða Aðalsteins Eyjólfssonar, þjálfara ÍBV hitti beint í mark í leikhléi því Eyjastúlkur voru mun grimmari í síðari hálfleik. Strax frá fyrstu mínútu tóku þær völdin á vellinum, skoruðu fjögur mörk úr fyrstu fimm sóknum sínum á meðan gestirnir náðu aðeins einu sinni að koma boltanum í netið. Reyndar var varnarleikur og markvarsla hjá IBV í upphafi síðari hálfleiks í hæsta gæðaflokki og Hafnfirðingar náðu aðeins að skora tvívegis úr fyrstu sautján sóknum sínum. Um miðjan hálfleikinn voru Eyjastúlkur komnar tíu mörkum yfir, 29-19 og úrslitin ráðin. Undir lokin virtust gestirnir ætla að minnka muninn en Guðbjörg Guðmannsdóttir tók þá loksins við sér, skoraði síðustu fjögur mörk leiksins og tryggði ÍBV farseðil í úrslitaleik bikarkeppninnar og lokatölur leiksins urðu 34-24. Mörk ÍBV: Anna Yakova 8, Alla Gokorian 8, Sylvia Strass 7, Guðbjörg Guðmannsdóttir 4, Anja Nielsen 4, Birgit Engl 2, Þórsteina Sigurbjörnsdóttir 1. Varin skot: Julia Gantimorova 23/1 GUÐBJÖRG Guðmannsdóttir gerði vonir FH að engu á lokasprettinum þar sem hún skoraði fjögur síðustu mörkin.

=== '''Tryggvi til Orgryte''' ===
Tryggvi Guðmundsson gekk í febrúar í raðir sænska úrvalsdeildarliðsins Örgryte en fyrir eru tveir Íslendingar hjá liðinu, Jóhann Birnir Guðmundsson og Atli Sveinn Þórarinsson. Tryggvi hafði sett stefnuna suður á bóginn, helst á meginland Evrópu eða til Englands en erfið meiðsli settu strik í reikninginn hjá þessum snjalla sóknarmanni þannig að engin spennandi tilboð bárust.

=== '''Tvö stór töp fyrir Íslandsmeisturunum''' ===
Kvennalið ÍBV lék sína fyrstu leiki í Reykjavíkurmótinu en þá lék liðið tvívegis gegn KR. Leikirnir fóru báðir fram í Egilshöll. IBV tapaði báðum leikjunum stórt, annars vegar 5-1 og hins vegar 5-3 en Eyjastúlkur höfðu unnið KR fyrr í vetur í Hitaveitumótinu og því komu þessi töp nokkuð á óvart. Mörk ÍBV: Olga Færseth (2), Íris Sæmundsdóttir og Fanndís Friðriksdóttir eitt hvor.

=== '''Hanna Gudný hætt''' ===
Markvörðurinn efnilegi í kvennaliði ÍBV í knattspyrnu, Hanna Guðný Guðmundsdóttir, hefur ákveðið að leggja skóna á hilluna. Hanna flutti til Reykjavíkur í vetur og hefur lítið getað æft vegna vinnu og í kjölfarið ákvað hún að taka sér frí frá knattspyrnunni. Þetta setur liðið í vandræði þar sem enginn varamarkvörður er til staðar en Heimir Hallgrímsson fékk lánaðan markvörð úr Haukum, sem að öllum líkindum mun leika nokkra leiki með liðinu.

=== '''Skrifar undir þriggja ára samning''' ===
Andri Eyvindsson skrifaði undir 3ja ára leikmannasamning við knattspyrnudeild IBV. Andri er fæddur 1986 og er á öðru ári í 2.flokki. Andri er einn af þeim fljótu og kappsömu leikmönnum sem eru að koma upp í meistaraflokk á næstu árum ef hann heldur áfram á þeirri braut sem knattspyrnudeildin skapar honum.

=== '''Tap í léttum æfingaleik''' ===
Karlalið IBV í knattspyrnu undirbýr sig nú af krafti fyrir sumarið en um helgina var áætlaður æfingaleikur Grindavíkinga og Eyjamanna. Leiknum var hins vegar frestað þar sem Grindvíkingar fengu ekki tíma í Reykjaneshöllinni og því fóru engir leikmenn frá Eyjum upp á land. En síðar um daginn losnaði tími og því fór Magnús Gylfason, þjálfari IBV að smala í lið. Í liði ÍBV mátti m.a. finna fyrrverandi leikmann liðsins, lánsmann úr öðrum liðum, í það minnsta tvo leikmenn sem eru í skoðun og í síðari hálfleik skellti Birkir Kristinsson sér í framlínuna en náði ekki að skora. Magnús Gylfason sagði að tilgangur leiksins hafi fyrst og fremst verið að komast inn úr kuldanum. „''Ég tók enga leikmenn úr Eyjum þannig að þetta var frekar fámennur hópur. Þá fór ég í það að smala og fékk t.d. leikmenn úr Völsungi sem ekki komust í 16 manna hóp þeirra um helgina og svo spilaði Hjalti Jóhannesson með okkur. En þetta var fyrst og fremst hugsað sem góð æfing og gott að komast inn úr frostinu."''

=== '''Von um sæti í átta liða úrslitum''' ===
ÍBV lék gegn franska úrvalsdeildarliðinu Le Havre í 16 liða úrslitum Áskorendakeppninnar á heimavelli þeirra síðarnefndu. Það var ljóst strax í byrjun að einbeitning leikmanna ÍBV var í hámarki. Leikmenn ætluðu að sanna sig gegn einu af toppliðum frönsku deildarinnar og þegar sjö mínútur voru búnar var staðan orðin 2-6 fyrir IBV. Lengst af í fyrri hálfleik munaði þremur til fjórum mörkum á liðunum en undir lok fyrri hálfleiks minnkuðu Frakkarnir muninn niður í eitt mark, 12-13. En þá tóku Eyjastúlkur við sér, skoruðu síðustu tvö mörk hálfleiksins og voru þar með þremur mörkum yfir í hálfleik, 12-15. Síðari hálfleikur byrjaði ekki vel fyrir ÍBV því það tók Frakkana aðeins sjö mínútur að jafna leikinn, 16-16 og svo aftur 17-17. En með Öllu Gorkorian fremsta í flokki í sóknarleik ÍBV náðu Eyjastúlkur að snúa leiknum sér í hag. Á lokakaflanum gekk ÍBV allt í haginn, liðið skoraði sex mörk gegn aðeins einu marki Frakkanna og sigruðu með átta mörkum, 22-30. Mörk ÍBV: Alla Gorkorian 9, Guðbjörg Guðmannsdóttir 6, Anna Yakova 5/1, Sylvia Strass 4, Birgit Engl 4, Anja Nielsen 2. Varin skot: Julia Gantimorova 23.

=== '''ÍBV-stelpurnar deildarmeistarar C-liða''' ===
Um miðjan febrúar var haldið eitt af fimm deildarmótum vetrarins í fimmta flokki kvenna og fór mótið fram í Eyjum. ÍBV sendi þrjú lið til keppni og sagði Unnur Sigmarsdóttir, þjálfari stelpnanna, að hún hefði mjög stóran og góðan hóp úr að velja. Árangurinn var mjög góður og miklar framfarir hjá stelpunum. A lið félagsins lenti í 4. sæti í 1. deild og B liðið í 2. sæti 1. deildar. Báðir flokkamir sýndu miklar framfarir. Unnur sagði að áður hafi liðin verið að tapa stórt gegn sumum af liðunum en þau voru mörg hver lögð að velli um helgina eða að leikirnir töpuðust naumt. Það var aftur á móti C liðið sem náði bestum árangrinum þegar þær urðu deildarmeistarar.

=== '''Jafntefli í fyrsta leik''' ===
Karlalið ÍBV í handbolta byrjaði loks keppni í 1. deild Íslandsmótsins þegar Víkingar voru sóttir heim. Leikurinn var jafn og spennandi í fyrri hálfleik, Víkingar leiddu þó leikinn með einu til tveimur mörkum mest allan hálfleikinn en Eyjamönnum tókst að jafna fyrir leikhlé, 10 -10. Í upphafi síðari hálfleiks náði ÍBV svo forystu í leiknum og þegar fimm mínútur voru eftir leiddi liðið 18 - 20. Víkingum tókst þó að jafna metin, 22 - 22 þegar 40 sekúndur voru eftir. Eyjamenn fengu boltann en brenndu af og Víkingar fengu aukakast þegar fimm sekúndur voru eftir og Eyjamenn tveimur leikmönnum færri. Þeim tókst ekki að nýta sér það og niðurstaðan varð jafntefli. Erlingur Richardsson, þjálfari, var mjög ánægður með varnarleikinn og markvörsluna í liðinu. „''Það stendur upp úr og það að menn börðust vel. Það var mikill vilji í liðinu en það sem betur mátti fara var sóknarleikurinn. Hann var ekki nógu góður og skotnýtingin léleg, aðeins 37%."'' Mörk ÍBV: Guðfinnur Kristmannsson 7, Michael Lauritzen 4, Sigurður Ari Stefánsson 3, Joseph Böze 2, Robert Bognar 2, Zoltan Belanyi 2, Sigurður Bragason 2. Varin skot: Jóhann Ingi Guðmundsson 23.

=== '''Á úrtaksæfingar''' ===
Þrír leikmenn ÍBV hafa verið kallaðir á úrtaksæfingar hjá U-19 ára landsliðs Íslands í knattspyrnu. Það eru þær Karitas Þórarinsdóttir, Margrét Lára Viðarsdóttir og Sara Sigurlásdóttir. U-19 ára liðið tekur þátt í milliriðli fyrir Evrópumótið en riðillinn fer fram í Póllandi dagana 18. til 25. apríl.

=== '''Unglingaráð ÍBV-íþróttafélags skrifar''' ===
Í lok síðasta árs var skipað nýtt unglingaráð IBV-íþróttafélags sem hefur sett sér það markmið að efla allt unglingastarf félagsins og gera iðkendum kleift að stunda bæði knattspyrnu og handknattleik hjá félaginu. Einnig er það eitt af markmiðum ráðsins að efla allt innra starf félagsins og m.a. að félagslífið verði eins öflugt og mögulegt er. Til þess að þessi markmið geti ræst þá hefur unglingaráðið hrint af stað átaki í samstarfi við aðalstjórn félagsins, og aðalmarkmið þess er „aukin þátttaka barna og unglinga í starfi félagsins". ÍBV- íþróttafélag þarf að fjölga iðkendum hjá félaginu í knattspyrnu og handknattleik og um leið að stuðla að hollri hreyfingu barna og unglinga. ÍBV-íþróttafélag vill vera sem áður öflugt félag á landsvísu bæði félags og afrekslega, og til þess að svo verði þá þurfa að vera til staðar iðkendur í hverjum aldursflokki til að gera það mögulegt. Takmarkið er því að kynna starf félagsins fyrir sem flestum börnum og unglingum, ásamt því að hvetja sem flesta til að stunda íþróttir. ÍBV-íþróttafélag vill stuðla að því að sem flestir geti æft knattspyrnu og handknattleik án þess að það komi niður á annarri hvorri greininni. Þannig teljum við hjá félaginu að náist að byggja upp sterka einstaklinga sem njóta alhliða þjálfunar, en hitt er einnig ljóst að félagslegi þátturinn er ekki síður mikilvægur. Einnig öðlast börn og unglingar aukinn sjálfsaga og styrk og hafa íþróttir mikið forvarnargildi gegn neyslu vímuefna eins og nýleg könnun Rannsóknar og greiningar ehf. staðfestir enn og aftur. Niðurstaðan í þeirri könnun var sú að börn og unglingar sem stunda íþróttir eru síður líkleg til að neyta vímuefna en þau sem ekki stunda einhverja íþrótt. Á síðustu misserum hefur ÍBV- íþróttafélag þurft að búa við minni þátttöku yngri iðkenda og meira brottfall eldri iðkenda. Þeirri þróun vill félagið snúa við og í samvinnu við þjálfara félagsins, foreldra barna og unglinga og skólakerfið er mögulegt að snúa þeirri þróun við. Því viljum við beina því til foreldra að hvetja börn sín til að stunda íþróttir sínar vel og hvetja þau til þátttöku sem ekki eru þátttakendur nú í dag. Það er í höndum foreldra að aðstoða börnin við að taka fyrstu skrefin og leggja stund á íþróttir. Í lok þessarar viku verða bekkir í báðum grunnskólum bæjarins heimsóttir og öllum börnum og unglingum afhent veggspjald þar sem kemur fram hvatning til þeirra frá unglingaráði og frá nokkrum afreksmönnum félagsins í knattspyrnu og handknattleik. Einnig eru á veggspjaldinu æfingatöflur allra flokka félagsins þannig settar upp að auðvelt á að vera fyrir foreldra að fylgjast með hvenær æfingar barna þeirra fara fram. Það er mikilvægt að þessu átaki sé fylgt vel eftir og því höfðum við til foreldra að hvetja börn sín til aukinnar þátttöku og um leið að styrkja ÍBV-íþróttafélag til frekari dáða. IBV-íþróttafélag hefur metnað til að eflast og standa áfram í fararbroddi innan íþróttahreyfingarinnar, og í þeim tilgangi mun félagið setja aukinn kraft í að hlúa að þjálfun og innra starfi félagsins. Liður í því er að fjölga þjálfurum hjá félaginu og hvetja yngra fólkið til að taka að sér þjálfun í meiri mæli. Núverandi ráði hefur tekist að koma því vel af stað því nú þegar eru fjórir nýir og upprennandi þjálfarar að taka sín fyrstu spor í knattspyrnuþjálfun. Í desember sl. var haldið þjálfaranámskeið í knattspyrnu hér í Eyjum og alls voru þar 15 þátttakendur sem luku A-stigi í þjálfunarstiga KSÍ. Stefnt er að áframhaldandi námskeiðshaldi og næst er það námskeið á vegum HSÍ sem vonandi verður sett á mjög fljótlega. Það er mjög mikilvægur þáttur í starfi félagsins að hafa vel menntaða þjálfara sem skilar sér um leið í betri þjálfun og í kjölfarið öflugri árangri einstakra iðkenda sem og flokka. Á næstu vikum munu þjálfarar og aðrir tengdir hreyfingunni rita greinar í þeim tilgangi að halda þessu málefni á lofti og leggja þessu átaki lið. ÍÞRÓTTIR stuðla að heilbrigðri sál í hraustum líkama og eru besta forvörnin gegn neyslu vímuefna. Tökum því höndum saman og stöndum vel við bakið á bömum okkar og eflum félagsstarf ÍBV okkur öllum til hagsbóta.

''Unglingaráð ÍBV, Ingi Sigurðsson, Hafdís Hannesdóttir, Eva Káradóttir, Magnús Sigurðsson, Guðbjörg Lilja Þórarinsdóttir og Kristján''

=== '''Komnar í átta liða úrslit''' ===
ÍBV komst í átta liða úrslit Áskorendakeppni Evrópu þegar þær gerðu jafntefli við franska úrvalsdeildarliðið Le Havre, 27-27. Þessi úrslit dugðu ÍBV til að komast áfram þar sem liðið sigraði Frakkana með átta marka mun í fyrri leiknum. Samanlagt sigruðu stelpumar því 57- 49, nokkuð sannfærandi þrátt fyrir að þarna væri um að ræða lið sem var í þriðja sæti frönsku deildarinnar. Frakkarnir byrjuðu betur og vora komnir með þriggja marka forystu eftir aðeins tíu mínútna leik, 2-5. En Alla Gorkorian var allt í öllu í sóknarleik ÍBV og hún dreif stelpurnar með sér. Eyjastúlkur náðu aftur yfirhöndinni og staðan í hálfleikvar 11-10. Í upphafi síðari hálfleiks var forskotið komið upp í fjögur mörk, 16-12 en þá hrökk allt í baklás, Frakkarnir komust aftur inn í leikinn og liðin skiptust á að skora. Þegar tíu mínútur voru til leiksloka náðu Frakkarnir hins vegar góðum leikkafla og komust tveimur mörkum yfir, 23-25. En eins og í fyrri hálfleik náðu Eyjastúlkur að vinna sig aftur inn í leikinn og þegar mínúta var eftir var staðan 27-26 og IBV í sókn. Eyjastúlkur náðu hins vegar ekki að nýta færið, Frakkarnir brunuðu í sókn og jöfnuðu leikinn. Lokatölur urðu því 27-27 sem þýðir að IBV er í pottinum í átta liða úrslitum keppninnar. Árangur IBV er án efa sá glæsilegasti sem náðst hefur í kvennahandboltanum á Íslandi.. Mörk IBV: Alla Gorkorian 8/3, Birgit Engl 6, Guðbjörg Guðmannsdóttir 4, Sylvia Strass 4, Þórsteina Sigurbjörnsdóttir 2, Anna Yakova 2, Anja Nielsen 1. Varin skot: 11

=== '''Sigur í fyrsta deildarbikarleik''' ===
Karlalið ÍBV lék fyrsta leik sinn deildarbikarkeppninni gegn Stjörnunni og fór leikurinn fram í knattspyrnuhöllinni Fífunni. Eyjamenn sigruðu í leiknum 5-2 en staðan í hálfleik var 3-1. Magnús Már Lúðvíksson, knattspyrnumaðurinn sem nú er í skoðun hjá ÍBV, skoraði fyrsta mark leiksins um miðjan fyrri hálfleikinn og bætti svo öðru við fljótlega eftir það en bæði mörkin skoraði hann með höfðinu. Garðbæingar minnkuðu hins vegar muninn en skömmu fyrir leikslok var það Bjarnólfur Lárusson sem skoraði þriðja mark ÍBV með skalla. Stjörnumenn minnkuðu muninn í eitt mark, 3-2 fljótlega í síðari hálfleik. Bjarnólfur skoraði annað skallamark sitt í leiknum um stundarfjórðungi fyrir leikslok og bætti svo við þriðja markinu sínu og fimmta marki ÍBV eftir að Eyjamenn höfðu fengið óbeina aukaspyrnu í teig Garðbæinga. Reyndar hafði Bjarnólfur fengið tækifæri til að ná þrennu fyrr í leiknum en þá lét hann verja frá sér vítaspyrnu.

=== '''Strákarnir stefna ótrauðir á toppinn''' ===
Karlalið ÍBV sótti lið Breiðabliks heim en Eyjamenn mættu mjög ákveðnir til leiks en strax á upphafsmínútunum komust þeir þremur mörkum yfir. Mikael Lauritzen fór fremstur í flokki en hann byrjaði leikinn í vinstra horninu en hefur til þessa yfirleitt leikið í því hægra þrátt fyrir að vera rétthentur. Eyjamenn héldu þriggja marka forystu lengst af í fyrri hálfleik en voru svo fjórum mörkum yfir í hálfleik, 13- 17. Síðari hálfleikur fór vel af stað hjá Eyjamönnum og fljótlega var munurinn kominn í átta mörk 13-21. Heimamenn náðu aðeins að laga stöðuna en Eyjamenn settu aftur í gír og komust aftur átta mörkum yfir, 22- 30. Eftir það slökuðu leikmenn IBV á klónni og heimamenn náðu aðeins að laga stöðuna fyrir leikslok. Lokatölur urðu 28-34 en ÍBV er sem stendur í fjórða sæti 1. deildar með þrjú stig. Eyjamenn hafa reyndar aðeins leikið tvo leiki á meðan önnur hafa leikið þrjá til fimm. Erlingur Richardsson, þjálfari liðsins sagði í samtali við Fréttir að hann væri ánægður með sigurinn. „''Við vorum komnir með átta marka forystu í seinni hálfleik en svo fengu varamennirnir að spreyta sig. Þeir stóðu sig vel en Blikarnir náðu að minnka muninn þó að sigurinn hafi aldrei verið í hættu. Við erum búnir að ná í þrjú stig á útivelli af fjórum mögulegum en maður veit eiginlega ekkert um hin liðin. Selfyssingar hafa komið verulega á óvart en FH-ingar hafa verið í basli í sínum leikjum en þeim var spáð góðu gengi."'' Mörk ÍBV: Mikhael Lauritsen 7, Sigurður Ari Stefánsson 6,Josef Böse 4/2, Zoltan Belányi 4, Guðfinnur Kristmannsson 3, Björgvin Rúnarsson 3, Robert Bognar 3, Erlingur Richardsson 1, Kári Kristjánsson 1, Sigurður Bragason 1, Sindri Haraldsson 1/1. Varin skot: Jóhann Guðmundsson 21/2, Eyjólfur Hannesson 3.

=== '''2. flokkur karla''' ===
Annar flokkur karla lék ásunnudaginn gegn Haukum í Íslandsmótinu og fór leikurinn fram á Ásvöllum. Eyjamönnum hefur gengið illa að komast í leiki í vetur og eiga talsverðan fjölda leikja inni á önnur lið. Engu að síður eru strákarnir um miðjan riðil. Haukar eru hins vegar í öðru sæti og höfðu þeir betur gegn ÍBV, lokatölur urðu 30- 29.

=== '''Fjórir á úrtaksæfingar''' ===
Margrét Lára Viðarsdóttir og Sara Sigurlásdóttir hafa verið boðaðar á úrtaksæfingar hjá U-19 ára landsliðið Íslands. Um er að ræða einn æfingaleik og æfingu daginn eftir. Ólafur Þór Berry, knattspyrnumaðurinn efnilegi, hefur verið valinn á úrtaksæfingar hjá U-19 ára landsliði Íslands. 31 leikmenn voru valdir til æfinganna. Þá hefur Birkir Hlynsson verið valinn til að taka þátt í úrtaksæfingum með Undir 17 ára liðinu.

=== '''Sætur sigur í frábærum leik''' ===
Leik ÍBV og Hauka í bikarúrslitum kvenna verður minnst sem eins skemmtilegasta bikarúrslitaleiks kvenna fyrr og síðar. Leikurinn bauð upp á allt sem prýðir góðan úrslitaleik, hraða, spennu, dramatík og góð tilþrif. Eyjastúlkur hafa leikið mjög hraðan handbolta síðari hluta vetrar og áttu margir von á því að Hafnfirðingar næðu ekki að fylgja þeim eftir en annað kom á daginn. Það var í raun aðeins í blálokin sem stuðningsmenn gátu fagnað sigri en lokatölur leiksins urðu 35-32. Leikurinn fór ekki vel af stað hjá IBV, varnarleikurinn var slakur og sóknarleikurinn hægur. Liðið hefur oft leikið betur en og í raun náðu stelpurnar sér aldrei á flug. Það sýnir hins vegar styrk IBV að sigra Hauka, sem líklega voru að leika sinn besta leik í vetur. Það var mikill sálfræðisigur hjá stelpunum að jafna og komast svo yfir á síðustu andartökum fyrri hálfleiks en staðan í hálfleik var 17:16 fyrir ÍBV. IBV byrjaði vel í síðari hálfleik og fljótlega var munurinn orðinn fjögur mörk. Sá munur hélst lengst af en þegar tæpar fimm mínútur voru til leiksloka minnkuðu Haukar muninn niður í eitt mark, 31 -30. En þá tóku leikmenn ÍBV aftur við sér, skoruðu fjögur mörk gegn einu marki Hafnfirðinga og tryggðu sér bikarmeistaratitilinn árið 2004. Mörk ÍBV: Alla Gorkorian 9/3, Sylvia Strass 9, Anna Yakova 8, Guðbjörg Guðmannsdóttir 4, Birgit Engl 4, Þórsteina Sigurbjörnsdóttir 1. Varin skot: Julia Gantimorova 19.

'''Bikarmeisturunum fagnað við heimkomuna'''

Það var mikið um dýrðir á Básaskersbryggju þegar Herjólfur lagðist að bryggju rétt um klukkan 20.00 með nýkrýnda bikarmeistara ÍBV í kvennahandboltanum. Fjöldi manns var á bryggjunni og fagnaði stelpunum. Bæjarstjóri og forráðamenn íþróttahreyfingarinnar færðu þeim blóm og heillaóskir og að lokum var mikil flugeldasýning stelpunum til heiðurs. Þær fengu meðal annars blóm og heillaóskir frá Haukastelpum, andstæðingum þeirra í úrslitunum, og KA-sem vann karlabikarinn.

'''Að sigra í slökum leik er hefð góð'''

Aðalsteinn Eyjólfsson, þjálfari, var að stýra liði í fyrsta skipti í bikarúrslitum en virkaði þrátt fyrir það sallarólegur á hliðarlínunni. ''„Ég á kannski eftir að fá smá spennufall en ég var ferlega rólegur á meðan á leiknum stóð,"'' sagði Aðalsteinn í leikslok í samtali við Fréttir. Hann sagði undirbúning liðsins hafa verið góðan en vandamálið væri spennustig leikmanna. ''„Það var það eina sem ég hafði áhyggjur af og við hittum kannski ekki alveg á rétt spennustig í byrjun leiks. Leikmenn unnu sem einstaklingar og það boðar ekki gott en um leið og við fórum að vinna sem liðsheild og fórum að spila okkar bolta þá fór þetta að rúlla hjá okkur,"'' sagði Aðalsteinn og bætti við að Haukarnir ættu hrós skilið fyrir góðan leik. '',,Þær voru margar Haukastúlkurnar sem blómstruðu í dag og báru uppi liðið. Stelpur, sem ekki hafa sýnt mikið í vetur. Leikurinn þróaðist þannig að við hefðum getað klárað leikinn svona tíu sinnum í síðari hálfleik en það datt ekki alveg okkar megin."'' Aðalsteinn var ekki alls kostar sáttur við dómgæsluna í leiknum. ''„Hún var okkur alls ekki í hag og virkilegt ósamræmi í henni. Mér fannst leikurinn ekki fljóta nógu vel og margt óhagstætt Eyjaliðinu í þeim efnum."'' Aðalsteinn sagði að varnarleikurinn hafi ekki verið góður hjá ÍBV stóran hluta leiksins. „''Samt sem áður getur maður ekki verið annað en sáttur við að klára þetta og þá kemur gamla klisjan upp í hugann að sigra í slökum leik hlýtur að vera hefð góðra liða."''

'''Gat dottið báðum megin'''

Guðbjörg Guðmannsdóttir var kampakát í leikslok enda búin að sigra í sínum fyrsta bikarúrslitaleik. ''„Þetta var alveg rosalega gaman og með því skemmtilegra sem ég hef upplifað. Þetta var sigur þó þetta hafi ekki verið fallegasti leikur okkar í vetur. Þetta var spennuleikur eins og þeir gerast bestir og svona eiga bikarúrslitaleikir að vera. Þetta hefði í sjálfu sér getað dottið báðum megin en við tókum þetta í dag og það var frábært."''

'''Gáfu okkur aukastyrk á lokasprettinum'''

Alla Gorkorian var markahæst í Eyjaliðinu ásamt Sylviu Strass með níu mörk en hún var samt sem áður ekki sátt við sinn leik. „''Nei, ég er ekki ánægð með minn hlut í leiknum. Þetta gekk ekki nógu vel en okkur tókst að vinna og það skipti öllu. Við byrjuðum leikinn illa og það var mikið af mistökum, sendingar rötuðu ekki rétta leið og svo var dómgæslan alls ekki nógu góð."'' Alla sagði aftur á móti að liðið hafi sýnt mikinn karakter með því að klára leikinn. ''„Það var ekki síst frábærum stuðningi áhorfenda að þakka, þau voru frábær á pöllunum og gáfu okkur aukastyrk á lokasprettinum.''"

'''Skipti öllu að ná forystunni á lokakafla fyrri hálfleiks'''

Elísa Sigurðardóttir, fyrirliði IBV, tók við sínum fyrsta bikar og vonandi ekki þeim síðasta og var að sjálfsögðu himinlifandi með afrakstur dagsins. „''Við byrjuðum alveg rosalega illa en sýndum mikinn karakter með að komast yfir á lokakafla fyrri hálfleiks. Ég held að það hafi skipt rosalega miklu máli að vera með forystuna í hálfleik enda höfðum við verið undir allan leikinn fram að því. Ég er ekki viss um að okkur hefði tekist að vinna ef við hefðum ekki náð því."'' Elísa sagði leikinn hafa verið alveg dæmigerðan bikarúrslitaleik, spennustig leikmanna hátt og mikið af mistökum. „''Svo hélt vörnin ekki en þetta hafðist og það skiptir öllu. Leikurinn sjálfur skiptir ekki öllu, takmarkið var að vinna og hvernig við fórum að því skiptir ekki máli því við erum á leiðinni heim með bikarinn."''

=== '''Tveir mikilvægir heimasigrar''' ===
Karlalið ÍBV lék tvo leiki á heimavelli í lok febrúar, fyrst gegn Þór frá Akureyri en svo gegn Selfossi. Leikurinn gegn Þór var jafn til að byrja með en eftir tíu mínútna leik fór að draga í sundur með liðunum. Jafnt og þétt juku Eyjamenn við forskotið og staðan í hálfleik var 19-10. Eins og sjá má á markaskorun ÍBV í fyrri hálfleik var mikill hraði í leiknum, nokkuð sem heimamenn réðu vel við en gestirnir ekki. Í hálfleik var nánast skipt um lið, þeir sem byrjuðu á bekknum hjá ÍBV fengu tækifæri en það var ekki að sjá á leik liðsins þar sem enn dró í sundur með liðunum. Lokatölur urðu svo 43-21, 22 marka stórsigur Eyjamanna og skoruðu allir útileikmenn ÍBV nema einn. Mörk IBV: Robert Bognar 7, Josef Böse 7/1, Björgvin Rúnarsson 5, Sigurður Ari Stefánsson 5, Zoltan Belany 5/1, Guðfinnur Kristmannsson 4, Kári Kristjánsson 3, Michael Lauritsen 2, Erlingur Richardsson 2, Sindri Haraldsson 2, Sigurður Bragason 1. Varin skot: Jóhann Guðmundsson 16/1, Eyjólfur Hannesson 6.

Fyrir leikinn gegn Selfossi voru bæði lið ósigruð í 1.deild. Fyrstu mínúturnar voru gestirnir sterkari og komust m.a. tveimur mörkum yfir en smám saman náðu Eyjamenn að komast inn í leikinn. Undir lok fyrri hálfleiks fundu leikmenn ÍBV svo taktinn og skoruðu hvert markið á fætur öðru en sterkur varnarleikur og góð markvarsla skilaði liðinu mörgum hröðum sóknum. Staðan í hálfleik var 16-10. En Selfyssingar voru ekki af baki dottnir og með Eyjamanninn og þjálfara sinn, Sebastian Alexandersson í miklu stuði milli stanganna, tókst gestunum að minnka muninn niður í þrjú mörk strax í upphafi síðari hálfleiks og leikurinn galopinn að nýju. Liðin skiptust á að skora en undir lokin gáfust Selfyssingar hreinlega upp og Eyjamenn sigruðu með átta marka mun, 35-27. Mörk ÍBV: Rober Bognar 11, Sigurður Ari Stefánsson 7, Zoltan Belany 6, Josef Böse 3, Guðfinnur Kristmannsson 3, Björgvin Rúnarsson 3, Erlingur Richardsson 1, Sigurður Bragason 1. Varin skot: Jóhann Guðmundsson 20/1.

=== '''Jafntefli í deildarbikarnum''' ===
Karlalið ÍBV lék gegn Fram í deildarbikarnum en þetta var annar leikur Eyjamanna, áður hafði liðið sigrað Stjörnuna. Leikurinn gegn Fram fór fram í Egilshöll og það voru Eyjamenn sem skoruðu fyrsta markið. Það gerði Bjarnólfur Lárusson úr víti eftir að brotið hafði verið á Gunnari Heiðari Þorvaldssyni í vítateig Framara. En Framarar náðu að jafna fyrir leikhlé, úr vítaspyrnu og urðu það lokatölur leiksins, 1-1.

=== '''Basar í Týsheimilinu''' ===
Stelpurnar í fótboltanum hafa undanfarið efnt til basars í Týsheimilinu í anda Kolaportsins. Þar hafa þær boðið upp á ýmislegt sem þeim hefur verið gefið og líka hafa aðrir mætt með sitt dót og selt. Úrvalið er alveg ótrúlega mikið og margir hafa litið við og gert góð kaup.

=== '''Sigur og tap''' ===
Annar flokkur karla lék gegn jafnöldrum sínum úr Aftureldingu en Mosfellingar eru í efsta sæti B - riðils en flest liðin í riðlinum hafa leikið fleiri leiki en ÍBV. Eyjamenn fóru hins vegar illa að ráði sínu því það voru Mosfellingar sem voru sterkari og sigruðu með fjórum mörkum, 25- 29 en staðan í hálfleik var 10-15 gestunum í vil. Mörk ÍBV: Grétar Eyþórsson 9, Sindri Haraldsson 5, Leifur Jóhannesson 4, Magnús Sigurðsson 4, Jens Elíasson 2, Guðni Ingvarsson 1. Þriðji flokkur karla lék í lok febrúar gegn Þór frá Akureyri. Eyjamenn byrjuðu vel í leiknum og voru yfir í hálfleik 15-10. Þeir misstu hins vegar flugið í síðari hálfleik og gestirnir komust inn í leikinn en á lokakaflanum náðu Eyjamenn aftur taki á leiknum og lokatölur urðu 24-20. Mörk ÍBV: Baldvin Sigurbjörnsson 8, Guðni Ingvarsson 6, Grétar Eyþórsson 4, Hilmar Björnsson 3, Sævald Páll Hallgrímsson 3.

=== '''Tvö töp í Reykjavíkurmótinu''' ===
Kvennalið IBV í knattspyrnu lék tvo leiki gegn Val í Reykjavíkurmótinu síðustu helgina í febrúar og báðir leikirnir fóru fram í Egilshöll. Fyrri leikurinn, sem leikinn var á laugardag endaði með tveggja marka sigri Vals, 2-4 en mörk IBV skoruðu þær Olga Færseth og Margrét Lára Viðarsdóttir. Síðari leikurinn var hins vegar afleitur hjá Eyjastúlkum og lokatölur urðu 8-2 en Valur komst í 8-0. Aftur voru það Olga og Margrét Lára sem skoruðu fyrir ÍBV en ÍBV er neðst í efri deild Reykjavíkurmótsins eftir fjóra leiki og markatalan er fjórtán mörk í mínus.

== '''MARS:''' ==

=== '''4. flokkur karla''' ===
4. flokkur karla lék í síðasta fjölliðamóti sínu fyrstu helgina í mars í Framheimilinu. Strákarnir hafa verið að bæta sig jafnt og þétt í vetur undir stjórn Sigurðar Bragasonar, þjálfara síns sem hefur náð að skapa góða stemmningu á meðal strákanna. Nú er aðeins úrslitakeppnin eftir og verður hún leikin helgina 26.-28. mars. Úrslit helgarinnar voru annars þessi: ÍBV-Fram 25-28, ÍBV-Höttur 17- 16, ÍBV-Völsungur 17-17.

=== '''Stelpurnar virðast óstöðvandi''' ===
Kvennalið ÍBV heldur áfram sigurgöngu sinni í handboltanum en í byrjun mars lék liðið tvo leiki, á útivelli gegn Haukum og heima gegn KA/Þór, og sigruðu stelpurnar í báðum leikjunum. Í leiknum gegn Haukum var gríðarlegur hraði en að sama skapi var varnarleikur beggja ekki merkilegur. ÍBV byrjaði betur og voru stelpurnar einu til tveimur mörkum yfir framan af. Um miðjan fyrri hálfleik komust Haukar hins vegar yfir, 9-8 en þá tóku leikmenn ÍBV aftur við sér og náðu þægilegu forskoti fyrir hálfleik, 14-18. Í upphafi síðari hálfleiks var jafnræði með liðunum en um leið og varnarleikurinn hjá IBV lagaðist, dró aftur í sundur með liðunum. Lokatölur leiksins urðu 39-34. Mörk ÍBV: Anna Yakova 10, Birgit Engl 7, Sylvia Strass 6/2, Alla Gokorian 5, Guðbjörg Guðmannsdóttir 4, Anja Nielsen 3, Þórsteina Sigurbjörnsdóttir 2, Edda Eggertsdóttir 1, Nína K. Björnsdóttir 1. Varin skot: Julia Gantimorova 17/1.

Nokkrum dögum síðar léku Eyjastúlkur svo gegn sameiginlegu liðið KA og Þórs frá Akureyri en staða liðanna í deildinni varð til þess að flestir áttu von á mjög auðveldum sigri ÍBV. Sú varð raunin en varamenn IBV léku lengst af í leiknum og skiluðu sínu hlutverki mjög vel. Þeir leikmenn sem spila mest fyrir ÍBV byrjuðu leikinn og náðu góðu forskoti á fyrstu tíu mínútum leiksins. Eftir það var komið að varamönnum IBV að spila en þrátt fyrir það voru Eyjastúlkur mun betri. Þórsteina Sigurbjörnsdóttir fór hamförum í vinstra horninu og sýndi það og sannaði að þar er á ferðinni ein efnilegasta handknattleikskona landsins. Þá kom Edda Eggertsdóttir einnig sterk inn í lið IBV, lék flestar stöður og leysti það vel. Ester Óskarsdóttir átti einnig góða spretti og athyglisvert að fylgjast með henni í framtíðinni. Allir leikmenn liðsins nema einn skoruðu í leiknum, meira segja Julia Gantimorova, markvörður ÍBV skoraði yfir allan völlinn. Lokatölur leiksins urðu 38-25 en staðan í hálfleik var 21 -9. Eftir þessa leiki er ÍBV komið með aðra höndina á deildarmeistaratitilinn. Mörk IBV: Þórsteina Sigurbjörnsdóttir 8, Edda Eggertsdóttir 6/1, Birgit Engl 6, Ester Óskarsdóttir 4/1, Anna Yakova 3, Guðbjörg Guðmannsdóttir 2, Sylvia Strass 2, Aníta Ýr Eyþórsdóttir 2, Nína K. Björnsdóttir 2/1, Alla Gokorian 1, Hildur G. Jónsdóttir 1, Julia Gantimorova 1.

=== '''Í efsta sæti í deildinni''' ===
Karlalið ÍBV hefur verið á mikilli siglingu eftir áramót og hefur ekki enn tapað leik. Eyjamenn léku tvo leiki fyrstu vikuna í mars, fyrst var tekið á móti FH-ingum og svo léku strákarnir á útivelli gegn Aftureldingu. Leikurinn gegn FH var harður, mikið barist en oft á tíðum fór minna fyrir handboltanum. Eyjamenn voru sterkari þegar leið á fyrri hálfleik og í leikhléi var staðan 18-13 fyrir ÍBV. En Hafnfirðingar börðust mjög vel í síðari hálfleik og náðu smám saman að minnka muninn. Kaflaskipti urðu í leiknum um miðjan síðari hálfleik þegar Amar Pétursson, fékk sína þriðju brottvísun en við það efldust gestirnir frekar en hitt. Eyjamenn sigruðu hins vegar eftir spennandi lokamínútur, lokatölur 33-29. Mörk ÍBV: Josef Böse 8/1, Robert Bognar 8, Sigurður Bragason 5, Sigurður Ari Stefánsson 4, Erlingur Richardsson 3, Zoltán Belany 2/1, Guðfinnur Kristmannsson 2, Michael Lauritsen 1. Varin skot: Jóhann Guðmundsson 21.

ÍBV spilaði gegn Aftureldingu þremur dögum síðar. Leikurinn var jafn til að byrja með en síðustu tíu mínútur í fyrri hálfleik náðu Eyjamenn upp góðum varnarleik og í kjölfarið komu nokkur hraðaupphlaup sem nýttust vel. Staðan í hálfleik var 8-14. Síðari hálfleikur var á allt öðrum nótum en sá fyrri og augljóst að Eyjamenn voru komnir á bragðið. Þeir skoruðu hvert markið á fætur öðru, mörg hver úr hraðaupphlaupum eftir að hafa unnið boltann í vörn og þá var Jóhann Guðmundsson í banastuði í markinu. Mestur varð munurinn tólf mörk, 13-25 en leikurinn endaði með ellefu marka sigri ÍBV, 20-31. Eins og áður sagði var Jóhann Guðmundsson að verja mjög vel í marki ÍBV en alls varði hann 28 skot, þar af tvö víti. Mörk IBV: Guðfinnur Kristmannsson 6, Robert Bognar 5, Michael Lauritsen 5, Sigurður Ari Stefánsson 5, Björgvin Þór Rúnarsson 3, Zoltan Belany 3, Ríkharð Guðmundsson 2, Sindri Haraldsson 1, Sigurður Bragason 1. Varin skot: Jóhann Guðmundsson 28/2, Eyjólfur Hannesson 2.

=== '''Endar ná ekki saman''' ===
Kostnaðurinn sem fylgir þátttöku í Áskorendakeppninni í handboltanum gríðarlegur og hleypur hann á annarri milljón fyrir hverja umferð. Eyjastúlkur hafa nú farið í gegnum þrjár umferðir og ef dæmið er einfaldað þá ætti kostnaðurinn að vera í kringum fimm milljónir. Hlynur Sigmarsson, formaður handknattleiksráðs kvenna segir að innkoma á leikina hafi ekki verið eins góð og menn höfðu vonast til, þó að stemmningin hefði verið óaðfinnanleg. ''„Maður er kannski alltaf að vonast eftir að fleiri mæti, sama hversu margir koma. Við finnum fyrir miklum stuðningi við liðið en fólk verður að átta sig á því að þetta gerist ekki af sjálfu sér. Við Eyjamenn verðum að leggjast á eitt ef við viljum ná árangri. Núna eru góðir menn að vinna með okkur í að afla fjár og við bindum miklar vonir við þá. En það vantar enn töluvert upp á að endar nái saman"'' segir Hlynur. ''„En með þessu er ég ekki að gera lítið úr þeim sem að vora á leiknum og ég er viss um að án þeirra hefði liðið aldrei komist áfram. En til að við getum spilað heimaleikinn okkar í Eyjum í næstu umferð verðum við að fá 1.000 manns og það verður takmarkið. Með samstilltu átaki tekst okkur Eyjamönnum það."''

=== '''Glæsilegasti árangur íslensks handboltaliðs''' ===
Eyjastúlkur mættu króatíska liðinu Brodosplit Vranjic í byrjun mars og unnu samanlagt 60-58. Leikið var á laugardag og sunnudag. Það var fyrst og fremst frábær frammistaða liðsins í fyrri leiknum sem varð þess valdandi að ÍBV er nú í pottinum í undanúrslitum. Þá sigruðu Eyjastúlkur með ellefu marka mun og var sigurinn síst of stór. Fyrri leikur liðanna var mjög góður af hálfu Eyjastúlkna en eftir jafnar upphafsmínútur tóku þær öll völd á vellinum og hreinlega yfirspiluðu gestina. Króatarnir voru ekki sáttir við sinn leik, kenndu ferðaþreytu um enda hafði liðið ferðast í tæpan sólarhring fyrir leikinn. Það verður hins vegar ekki tekið af leikmönnum ÍBV að þær léku mjög vel og fremstar í flokki voru þær Julia Gantimorova í markinu sem varði 26 skot og Birgit Engl sem skoraði níu mörk og var sterk í hjarta varnarinnar. Lokatölur leiksins urðu 37-26 en staðan í hálfleik var 18-12. Mörk ÍBV: Birgit Engl 9, Guðbjörg Guðmannsdóttir 7, Sylvia Strass 6, Anna Yakova 6, Alla Gokorian 5/1, Anja Nielsen 3, Þórsteina Sigurbjörnsdóttir 1. Varin skot: Julia Gantimorova 26.

Leikirnir tveir voru hins vegar eins og svart og hvítt því í síðari leiknum voru það gestirnir sem voru mun sterkari. Flestir voru á því að ÍBV væri komið áfram í undanúrslit eftir fyrri leikinn enda ekki á hverjum degi sem ÍBV tapar á heimavelli. En annað kom á daginn. Leikurinn var afar erfiður fyrir ÍBV, króatíska liðið náði mest tíu marka forystu en komst ekki lengra. Lokatölur urðu 32-23, níu marka sigur Brodosplit Vranjic sem þýddi að IBV var komið áfram. Leikmenn IBV virtust ekki mæta með réttu hugarfari í leikinn, höfðu ekki stórar áhyggjur í upphafi leiks þegar skotin rötuðu ekki rétta leið. Þegar þær lentu 6 til 7 mörkum undir fór ÍBV að leika varfærnislega, í stað þess að leika sinn leik. Það var ekki fyrr en undir lokin að stuðningsmenn könnuðust við leik liðsins. Þá keyrðu Eyjastúlkur upp hraðann og í raun skiptir ekki máli hvernig Eyjastúlkur léku í leiknum, IBV er komið áfram í undanúrslit. Mörk ÍBV: Anna Yakova 9/3, Sylvia Strass 6/1, Guðbjörg Guðmannsdóttir 5, Alla Gorkorian 2, Anja Nielsen 1.

'''Langar til Þýskalands''' Aðalsteinn Eyjólfsson var uppgefinn og raddlaus eftir síðari leik. ''„Það fóru margar hugsanir í gegnum hausinn á mér í síðari hálfleik, ekki síst þegar þær náðu muninum í tíu mörk. Það mátti ekki miklu muna,"'' sagði Aðalsteinn. ''„Við vorum ekki nógu einbeitt, Það vantaði græðgina og viljann til að skora í dag og liðið small einfaldlega ekki saman í dag. Taugarnar voru á köflum þandar til hins ýtrasta en við náðum að snúa spennunni upp í gleði seint í leiknum, skoruðum mikilvæg mörk og komum okkur áfram í þessari keppni. Ég er í raun jafn óánægður með leikinn og ég var ánægður með leikinn í gær en þar vorum við að spila virkilega vel,"'' sagði Aðalsteinn en á hann sér einhverja óskamótherja? ''„Ég hef lengi sagt að mig langar til Þýskalands. Það eru þrjú þýsk lið ennþá í keppninni og það væri gaman að komast í vöggu handboltans í Evrópu."''

'''Áttum von á minni mótspyrnu''' Eftir leikina var haldið hóf í Týsheimilinu þar sem formaður bæjarráðs, Andrés Sigmundsson, afhenti forráðamönnum Brodosplit Vranjic og dómurum leiksins bækur með ljósmyndum af Vestmannaeyjum. Þá tók til máls einn af forráðamönnum króatíska liðsins og í máli hans kom m.a. fram að þeir hafi átt von á mun minni mótspyrnu frá IBV. „''Við töldum okkur heppna þegar við drógumst gegn ÍBV, litlu liði frá lítilli eyju við suðurströnd Íslands. En svo sjáum við núna að hér er vel staðið að málum, öflugt lið og áhorfendur sem styðja vel við bakið á sínu liði. Við erum jafnframt þakklát fyrir þær móttökur og velvilja sem okkur var sýndur hér og vonum að ÍBV vegni vel í keppninni."'' Rogny Nenad aðstoðarþjálfari króatíska liðsins sagði í leikslok að sínar stúlkur hafi tapað fyrri viðureigninni vegna ferðaþreytu. „''Það verður aftur á móti ekki tekið af Vestmannaeyjaliðinu að þar fer gott og reynslumikið lið sem spilar vörnina mjög stíft og ákveðið. Úrslitin hefðu orðið önnur ef við hefðum komið degi fyrr. Við óskum ykkur góðs gengis í undanúrslitum."''

=== '''Mikilvægir sigrar''' ===
ÍBV tók á móti Víkingum í toppslag 1. deildar. Leikurinn var kaflaskiptur, Víkingar voru mun sterkari í 45 mínútur en þá hrökk allt í baklás hjá þeim, Eyjamenn gengu á lagið og sigruðu 35-31 en í leikhléi var staðan 21 – l6 fyrir gestina. Það var ekki fyrr en um miðjan síðari hálfleikinn að Robert Bognar jafnaði fyrir ÍBV, 25-25. Við það var eins og allar flóðgáttir hafi opnast, Eyjamenn bættu við sex mörkum í viðbót án þess að Víkingar næðu að svara fyrir sig og staðan allt í einu orðin 31-25 fyrir ÍBV. Eyjamenn spiluðu svo skynsamlega á lokakaflanum, hægðu á leiknum, héldu Víkingum í öruggri fjarlægð og sigruðu 35-31. Mörk ÍBV: Robert Bognar 9, Sigurður Ari Stefánsson 7, Sigurður Bragason 6, Zoltan Belany 5/2, Josef Böse 2/1, Erlingur Richardsson 2, Björgvin Rúnarsson 2, Michael Lauritsen 1 og Guðfinnur Kristmannsson 1. Varin skot: Jóhann Guðmundson 19.

Eyjamenn léku svo gegn Þór frá Akureyri fyrir norðan. Leikurinn fór vel af stað fyrir ÍBV og fljótlega náðu Eyjamenn undirtökunum en staðan í hálfleik var 10-17 fyrir Eyjamenn. Í upphafi síðari hálfleiks kom upp kæruleysi í leik Eyjamanna, heimamenn náðu að minnka muninn en náðu aldrei að jafna og Eyjamenn sigu aftur fram úr, lokatölur urðu 26-30. Mörk IBV: Zoltan Belany 10, Sigurður Ari Stefánsson 5, Erlingur Richardsson 5, Björgvin Þór Rúnarsson 3, Robert Bognar 3, Sigurður Bragason 2, Guðfinnur Kristmannsson 2. Varin skot: Jóhann Guðmundson 23.

=== '''Margrét Lára með þrennu í annað sinn''' ===
Þær Margrét Lára Viðarsdóttir og Olga Færseth léku með íslenska kvennalandsliðinu gegn Skotlandi. Leikurinn fór fram í Egilshöll og er um leið fyrsti A-landsleikurinn sem fram fer innandyra hér á landi. Báðar voru í byrjunarliðinu og óhætt er að segja að Margrét Lára hafi minnt hressilega á sig. Þessi 18 ára gamla knattspyrnukona skoraði þrennu í leiknum og það sem meira er, þetta er önnur þrennan sem hún skorar með landsliðinu. Nú hefur Margrét leikið sex leiki með A-landsliðinu og hefur skorað átta mörk. Þar með er hún orðin næst markahæsti leikmaður liðsins frá upphafi en aðeins þær Ásthildur Helgadóttir og Olga Færseth hafa skorað fleiri mörk. Og það sem meira er, enginn annar Íslendingur hefur áður skorað tvær þrennur með íslenska A-landsliðinu, hvorki í karla né kvennaknattspyrnunni. Þá má geta þess að aðeins er tæpt ár síðan að Margrét lék sinn fyrsta A-landsleik.

=== '''Fyrsta tap stelpnanna á heimavelli''' ===
ÍBV tapaði sínum fyrsta heimaleik í deildarkeppninni þegar Stjarnan kom í heimsókn. Það mátti merkja það á leik ÍBV strax frá upphafsmínútunni að stelpurnar hafa leikið tvo erfiða Evrópuleiki enda virkuðu leikmenn þungir og jafnvel áhugalausir. Stjörnustúlkur nýttu sér þetta og voru allan tímann yfir ef frá er talið upphaf leiksins en mestur varð munurinn fjögur mörk, 12-16. Eyjólfur Aðalsteinsson hefur greinilega haft sitthvað að segja við lærisveina sína því Eyjastúlkur mættu með allt öðru hugarfari í síðari hálfleik og úr varð spennandi viðureign. Um miðjan hálfleikinn jafnaði Guðbjörg Guðmannsdóttir 26-26 og eftir það skiptust liðin á að skora. Undir lok leiksins komust gestirnir hins vegar aftur tveimur mörkum yfir, 33-35 og það bil náðu heimastúlkur ekki að brúa nema hálfa leið og niðurstaðan því eins marks tap IBV á heimavelli, 34-35. Mörk ÍBV: Anna Yakova 10/3, Sylvia Strass 6, Guðbjörg Guð- mannsdóttir 6, Birgit Engl 4, Nína K. Björnsdóttir 3, Edda Eggertsdóttir 2, Anja Nielsen 2, Þórsteina Sigurbjörnsdóttir 1. Varin skot: Julia Gantimorova 12/1

=== '''Sigur og tap gegn Breiðabliki''' ===
Stelpurnar í fótboltanum léku tvo síðustu leiki sína í Reykjavíkurmótinu gegn Breiðabliki. Fyrri leikur liðanna fór fram sama dag og landsleikur Íslands og Skotlands og vantaði því leikmenn í bæði lið. Aðeins eitt mark skildi liðin að, það skoruðu Eyjastúlkur og unnu þar með sinn fyrsta leik í mótinu. Daginn eftir léku liðin svo aftur og í þetta sinn höfðu Blikastúlkur betur, lokatölur urðu 4-2.

=== '''Naumt tap fyrir FH''' ===
ÍBV lék í deildarbikarnum gegn FH og fór leikurinn fram Egilshöll. Liðin leika í efri deild, B-riðli. Atli Jóhannsson byrjaði á því að koma ÍBV yfir á átjándu mínútu en FH-ingar jöfnuðu fimmtán mínútum síðar og var staðan í leikhléi 1-1. Í síðari hálfleik skoruðu Hafnfirðingar tvívegis áður en Andri Ólafsson minnkaði muninn þremur mínútum fyrir leikslok og þar við sat. Lokatölur urðu því 3-2 fyrir FH en Eyjamenn eru í fimmta sæti en átta lið eru í riðlinum.

=== '''Shell og ÍBV gera nýjan samning''' ===
Um miðjan mars undirrituðu Gunnar Karl Guðmundsson, forstjóri Skeljungs og Óskar Freyr Brynjarsson formaður ÍBV íþróttafélags, nýjan þriggja ára samning um áframhaldandi samstarf Skeljungs og ÍBV íþróttafélags um Shellmót í Eyjum. Shellmótið hefur unnið sér sess sem hápunktur knattspyrnunnar hjá 6. flokki drengja um allt land. Shellmótið hefur verið haldið síðan 1991 og því er mótið í ár hið fjórtánda í röðinni en áður var mótið kennt við Tomma. Um eitt hundrað knattspyrnulið alls staðar að af landinu koma til Vestmannaeyja í lok júní ár hvert til að taka þátt í Shellmótinu og lætur nærri að með aðstandendum og öðru fylgdarliði komi hátt í þrjú þúsund manns til Eyja á ári hverju í tengslum við mótið. Óskar Freyr sagði að samstarfið við Skeljung hefði verið mjög gott í gegnum árin. Gunnar Karl upplýsti að hann hefði í fyrsta skipti í fyrra komið á mótið sem gestur og þegar hann sá hversu glæsilega var staðið að þessu var ekki spurning í hans huga að hann vildi að Skeljungur héldi áfram að vera samstarfsaðili ÍBV í þessu móti.

=== '''Deildarmeistaratitillinn í höfn''' ===
Á sjö dögum í mars lék lið ÍBV fjóra leiki en til að tryggja sér sigur í deildarkeppninni vantaði fjögur stig upp á. Vikan fór ekki vel af stað, eftir tap gegn Stjörnunni á heimavelli kom annar tapleikurinn í röð gegn Gróttu/KR og tækifærunum til að tryggja sér deildarmeistaratitilinn fækkaði. En tveir sigurleikir gegn Fram gerðu það að verkum að ÍBV er deildarmeistari 2004. Leikurinn gegn Gróttu/KR olli vonbrigðum þar sem Eyjastúlkur stilltu upp sterku liði, aðeins Alla Gorkorian var hvíld. Það var hins vegar augljóst að leikmenn liðsins voru þreyttir og áhuginn fyrir deildarkeppninni í lágmarki. Álagið á lið ÍBV hefur verið vægast sagt mjög mikið, sjö leikir á tíu dögum og þar af tveir erfiðir leikir í Evrópukeppninni er líklega meira en flest lið myndu ráða við. En lokatölur í leik ÍBV og Gróttu/KR urðu 27-28 eftir að staðan í hálfleik hafði verið 13-16. Eins og við var að búast voru leikirnir gegn Fram aðeins formsatriði enda Safamýrarliðið neðst í deildinni með aðeins eitt stig. Eyjastúlkur sýndu engan glansleik, fóru rólega af stað og unnu svo leikina í síðari hálfleik. Lokatölur í fyrri leiknum urðu 27- 39 en í síðari leiknum varð niðurstaðan tíu marka sigur ÍBV, 19-29. Ástæðan fyrir því að liðin léku tvívegis er að síðari leikurinn var hluti af þriðju umferð Íslandsmótsins. Liðið lék svo gegn FH, efsta sætið í deildinni var tryggt og því notaði Aðalsteinn Eyjólfsson, þjálfari ÍBV tækifærið og gaf varamönnum liðsins enn meira tækifæri en í undanförnum leikjum. Byrjunarlið ÍBV var frábrugðið því sem sést hefur í liðinu mátti m.a. finna fjóra hornamenn og var Anja Nielsen t.d. í skyttuhlutverki og Þórsteina Sigurbjörnsdóttir var í hlutverki leikstjórnanda. Sóknarleikur ÍBV var ekki burðugur framan af og gestirnir náðu strax góðu forskoti en staðan í hálfleik var 9-22. Í síðari hálfleik var svo komið að varamönnum FH að fá tækifæri og við það snerist leikurinn ÍBV í hag, það er Eyjastúlkur unnu seinni hálfleikinn 17-11 en það dugði ekki til og lokatölur leiksins urðu 26-33. Þrír bestu leikmenn ÍBV í vetur, þær Anna Yakova, Alla Gokorian og Sylvia Strass léku ekkert í leiknum og Birgit Engl og Julia Gantimorova léku ekki mikið. Tölfræði vikunnar ÍBV-Grótta/KR; Sylvia Strass 9/5, Alla Gokorian 7/1, Birgit Engl 4, Guðbjörg Guð- mannsdóttir 4, Nína K. Björnsdóttir 2, Edda Eggertsdóttir 1. Varin skot: Julia Gantimorova 17 Fram-ÍBV Birgit Engl 11, Anna Yakova 11, Alla Gokorian 4, Nína K. Björnsdóttir 3, Anja Nielsen 2, Þórsteina Sigurbjörnsdóttir 2, Guðbjörg Guð- mannsdóttir 2, Ester Óskarsdóttir 1, Sylvia Strass 1, Aníta Ýr Eyþórsdóttir 1, Edda Eggertsdóttir 1.

Fram-ÍBV Anna Yakova 12, Nína K. Björnsdóttir 6, Guðbjörg Guðmannsdóttir 3, Birgit Engl 3, Sylvia Strass 2, Aníta Ýr Eyþórsdóttir 2, Birna Þórsdóttir 1.

ÍBV-FH; Nína K. Björnsdóttir 7/3, Þórsteina Sigurbjörnsdóttir 5, Aníta Ýr Eyþórsdóttir 4, Guðbjörg Guðmannsdóttir 3, Ester Óskarsdóttir 2, Anja Nielsen 2, Edda Eggertsdóttir 2. Varin skot: Birna Þórsdóttir 6, Julia Gantimorova 5.

=== '''Tvö töp''' ===
Karlalið ÍBV Í knattspyrnu lék tvo leiki í deildarbikarnum, fyrst gegn Þrótti og svo gegn Keflavík. Fyrri leikurinn fór vel af stað hjá Eyjamönnum og var staðan orðin 0-2 fyrir þá strax í upphafi leiks. En Þróttarar voru ekki af baki dottnir, minnkuðu muninn fljótlega eftir það en Einar Hlöðver Sigurðsson skoraði síðasta mark fyrri hálfleiks og staðan því 1-3 fyrir ÍBV þegar liðin gengu til búningsherbergja. Síðari hálfleikur var hins vegar afar illa leikinn af hálfu ÍBV, Þróttarar börðust hins vegar eins og ljón og uppskáru sigur, 4-3. Mörk ÍBV: Bjarni Rúnar Einarsson, Pétur Runólfsson og Einar Hlöðver Sigurðsson. Leikurinn gegn Keflavík var á öðrum nótum en Keflvíkingar komust yfir strax í upphafi leiks og bættu við öðru fyrir leikhlé. Seinni hálfleikur var mun betri hjá IBV og fljótlega náðu þeir að minnka muninn í eitt mark. En lengra komust þeir ekki og lokatölur urðu því 2-l fyrir Keflavík.

=== '''Fyrsti leikur Halldórs''' ===
Halldór Sævar Grímsson, ungur og efnilegur markvörður, lék sína fyrstu leiki fyrir meistaraflokki IBV í handknattleik um miðjan mars. Hann var í leikmannahópi ÍBV gegn Selfyssingum og kom inn á þar. Hann spilaði svo síðasta stundarfjórðunginn gegn Breiðablik og stóð sig vel, varði fjögur skot en Halldór er nítján ára gamall.

=== '''Vænleg staða í deildinni''' ===
Eyjamenn færðust nær sigri í 1. deild með tveimur sigrum, annars vegar voru Selfyssingar lagðir á Selfossi og hins vegar unnu Eyjamenn auðveldan sigur á Breiðabliki á heimavelli. Nú er staðan þannig að ÍBV dugir sigur í öðrum af tveimur lokaleikjum deildarinnar. Leikurinn gegn Selfyssingum var vel leikinn af hálfu ÍBV og fljótlega náðu Eyjamenn yfirhöndinni. Staðan í hálfleik var 15-21 fyrir ÍBV og ljóst hvoru megin sigurinn endaði. Síðari hálfleikur var svo í rólegri kantinum hjá Eyjamönnum og endaði leikurinn með átta marka sigri ÍBV, 26-34.

Strákarnir tóku svo á móti Breiðabliki en gestirnir hafa ekki náð að landa sigri eftir áramót. Leikurinn fór frekar rólega af stað, Eyjamenn léku ekki nema á hálfum hraða til að byrja með og því var jafnræði í byrjun. Það duldist hins vegar engum hvort liðið var sterkara og auk þess mættu gestirnir með aðeins níu leikmenn, tvo varamenn og var annar þeirra markmaður. Smám saman fór hins vegar að draga í sundur með liðunum og í hálfleik var staðan 21-13. Lokatölur urðu svo 42-27 og breytti engu að varamenn IBV luku leiknum. Mörk ÍBV: Davíð Óskarsson 8/2, Sigurður Ari Stefánsson 8, Robert Bognar 5, Erlingur Richardsson 4, Zoltan Belany 4, Michael Lauritsen 3, Sindri Haraldsson 3, Kári Kristjánsson 3, Guðfinnur Kristmannsson 2, Ríkharður Guðmundsson 1, Björgvin Þór Rúnarsson 1.

=== '''Leikmannamál að skýrast''' ===
Seinni hluta marsmánaðar var gengið frá samningum við tvo erlenda leikmenn sem munu spila með karlaliði ÍBV í knattspyrnu næsta sumar. Annars vegar Bandaríkjamanninn Mark Schulte og hins vegar við enska leikmanninn Ian Jeffs. Jeffs lék með IBV síðasta sumar, var þá á lánssamningi frá Crewe en mun ekki fá nýjan samning hjá félaginu og ákvað því að ganga í raðir IBV. Síðasta sumar lék hann sextán leiki með ÍBV í Landsbankadeildinni, skoraði fjögur mörk með liðinu en eitt af þeim var reyndar sjálfsmark. Mark Schulte var hins vegar til reynslu hjá ÍBV fyrr í mánuðinum og lék þá æfingaleik gegn Val. Hann er hávaxinn varnarmaður sem lék áður með bandaríska liðinu Minnesota Thunder.

=== '''Enduðu á sigri''' ===
Kvennalið ÍBV í handbolta lék tvo leiki síðustu vikuna í mars, fyrsti andstæðingur stelpnanna var Víkingur í Reykjavík, þar sem Aðalsteinn Eyjólfsson hvíldi lykilmenn. Anna Yakova og Alla Gorkorian voru ekki einu sinni í leikmannahópnum og fyrir vikið voru Eyjastúlkur dálítið lengi að ná áttum á vellinum og lokatölur urðu 28-23 Víkingum í vil Fyrri hálfleikur var afar slakur af hálfu ÍBV á meðan Víkingar léku mjög vel. Þær spiluðu mjög grimman varnarleik sem leikmenn IBV áttu ekkert svar við. Víkingar náðu strax forystunni í leiknum og jafnt og þétt jókst bilið á milli liðanna. Þegar leikmenn gengu svo til leikhlés var munurinn orðinn tíu mörk, 18-8 fyrir Víkinga. Leikmenn ÍBV mættu hins vegar mun ákveðnari í síðari hálfleik og eftir tíu mínútna leik var munurinn kominn niður í sex mörk. Julia Gantimorova var í miklu stuði og hélt áfram að verja vel í síðari hálfleik. Þegar um tíu mínútur voru eftir var munurinn kominn niður í tvö mörk. En þá var eins og orkan væri búin, Víkingar gengu á lagið og juku muninn í fimm mörk áður en yfir lauk. Mörk ÍBV: Sylvia Strass 8, Birgit Engl 6, Guðbjörg Guðmannsdóttir 2, Edda Eggertsdóttir 2, Ester Oskarsdóttir 1, Anja Nielsen 1, Nína K. Björnsdóttir 1. Varin skot: Julia Gantimorova 23/3

Í síðasta leik í deildarkeppninni gegn Haukum var öllu tjaldað til og engin hvíldur en niðurstaðan varð líka öruggur, ellefu marka sigur ÍBV, 33- 22. Haukar komust strax tveimur mörkum yfir en þá tóku Eyjastúlkur öll völd á vellinum, breyttu stöðunni úr 1-3 í 14- 4, þrettán mörk gegn aðeins einu marki gestanna. Það var því ljóst þegar fyrri hálfleikur var rétt hálfnaður hvoru megin sigurinn endaði. Eftir þetta slökuðu leikmenn ÍBV á og staðan í hálfleik var 17-8 fyrir ÍBV. Í síðari hálfleik fengu svo varamenn IBV að spreyta sig en það kom ekki að sök. Aðalsteinn Eyjólfsson sagði í samtali við Fréttir eftir leikinn að nú væri komið að kaflaskiptum hjá ÍBV. ''„Þetta hefur verið langur mánuður, mikið álag og fyrir vikið hef ég hvílt lykilmenn í undanförnum leikjum. Það var nauðsynlegt fyrir okkur því næsti mánuður verður ekki síður strembinn, úrslit í Íslandsmótinu og svo undanúrslit í Evrópukeppninni. En engu að síður var mjög ljúft að vinna leikinn í dag, ég var ánægður með margt í leik liðsins og óánægður með annað sem sýnir að við getum enn bætt okkar leik. Núna fáum við smá pásu, fjóra daga og það verður gott fyrir okkur að fá loksins almennilega æfingu þar sem við getum fínpússað okkar leik fyrir átökin við KA/Þór í átta liða úrslitum,"'' sagði Aðalsteinn. Mörk ÍBV: Anna Yakova 11/5, Alla Gokorian 7, Birgit Engl 5, Elísa Sigurðardóttir 3, Þórsteina Sigurbjörnsdóttir 3, Anja Nielsen 2, Ester Óskarsdóttir 1, Sylvia Strass 1. Varin skot: Julia Gantimorova 27.

=== '''Spilað heima og heiman gegn Nurnberg''' ===
Áætlanir voru uppi um að hjá forráðamönnum ÍBV að selja heimaleikjaréttinn í Áskorendakeppninni enda höfðu forráðamenn þýska liðsins Nurnberg gert ÍBV tilboð þess efnis. Í lok mars var hins vegar tekin ákvörðun um að leika heima og heiman en útileikurinn verður 17. apríl og heimaleikurinn verður svo laugardaginn 24. apríl. Hlynur Sigmarsson, formaður handknattleiksráðs kvenna, segir að þetta hafi tekist með hjálp góðra manna og Vestmanneyjabæjar. ,,Ég vil sérstaklega nefna alþingismennina Guðjón Hjörleifsson og Lúðvík Bergvinsson sem reyndust okkur vel í að landa þessu. Það hefði verið neyðarbrauð að selja heimaleikinn og gert möguleika okkar á að komast í úrslitaleikinn litla. Með því að leika heima og heiman tel ég að allt sé opið því við erum að tefla fram einu sterkasta kvennaliði sem Ísland hefur átt í kvennahandboltanum og stelpurnar hafa aldrei verið betri en þegar mest ríður á," sagði Hlynur.

=== '''Markasúpa í toppbaráttunni''' ===
Eyjamenn sóttu FH-inga heim í lok mars en um var að ræða toppslag í 1. deild þar sem liðin eru í fyrsta og öðru sæti deildarinnar. FH-ingar þurftu nauðsynlega á sigri að halda til að halda í vonina um efsta sætið en með sigri gátu Eyjamenn tryggt sér sigur í deildinni. Það kom þó ekki til þess, Hafnfirðingar sigruðu nokkuð sannfærandi, 43 - 37 og halda því enn í vonina. FH mættu mun ákveðnari til leiks á meðan leikmenn ÍBV virtust vera full afslappaðir. Varnarleikur og markvarsla var eitthvað sem virtist ekki ætla flækjast fyrir Eyjamönnum þetta kvöld því FH-ingar áttu yfirleitt greiða leið að marki ÍBV og skoruðu hvorki fleiri né færri en 24 mörk í fyrri hálfleik. Það var Eyjamönnum til happs að FH-ingar vora ekki heldur að spila vel í vörn, ekki í fyrri hálfleik í það minnsta þannig að munurinn í hálfleik var aðeins fjögur mörk, 24-20. Markaregnið hélt áfram í síðari hálfleik en Eyjamenn náðu að hanga fjórum til fimm mörkum á eftir heimaliðinu. Í lokin leit út fyrir að FH-ingar ætluðu að stinga af þegar þeir komust sjö mörkum yfir en Eyjamenn náðu að minnka muninn aftur niður í fimm mörk áður en yfir lauk. IBV dugir enn að sigra aðeins einu sinni enn til að tryggja sér efsta sætið í 1. deild. ÍB V. Mörk ÍBV: Josep Böse 6, Robert Bognar 6, Zoltan Belanyi 6, Sigurður Ari Stefánsson 4, Davíð Þór Óskarsson 4, Erlingur Richardsson 4, Sigurður Bragason 4, Michael Lauritsen 2, Guðfinnur Kristmannsson 1.

=== '''Markmaður til ÍBV''' ===
Forráðamenn ÍBV samið við Hrafn Davíðsson. Hrafn hefur spilað 4 leiki með U-19 landsliði Íslands. Hann er tvítugur að aldri og kemur í stað Igors Bjama Kostic, sem hélt til Færeyja, þar sem hann mun spila í sumar.

== '''APRÍL:''' ==

=== '''Sara kölluð í U-19 ára landsliðið''' ===
Íslenska kvennalandsliðið skipað leikmönnum 19 ára og yngri leikur í milliriðli Evrópumótsins um miðjan mánuðinn en riðillinn verður leikinn í Póllandi. Margrét Lára Viðarsdóttir var eini leikmaður ÍBV sem komst í átján manna lokahópinn en nú hefur Sara Sigurlásdóttir verið kölluð inn í hópinn. Kolbrún Steinþórsdóttir, leikmaður Breiðabliks meiddist og kemst ekki með liðinu og var því kallað á Söru sem að sjálfsögðu á heima í U-19 ára landsliði Íslands.

=== '''Góð æfingaferð - segir Magnús Gylfason þjálfari meistaraflokks karla í knattspyrnu''' ===
Karlalið IBV var í síðustu viku í æfingaferð í Portúgal og dvöldu þar í viku. Auk þess að æfa við góðar aðstæður, tvisvar á dag, léku Eyjamenn þrjá æfingaleiki. Fyrst var leikið gegn Leiftri/Dalvík þar sem IBV hafði sigur, svo var leikur gegn portúgölsku liði sem endaði með jafntefli og síðasti leikurinn var gegn norska liðinu Fjóra sem Eyjamenn unnu. Magnús Gylfason, þjálfari ÍBV sagði í samtali við Fréttir að hann væri mjög ánægður með ferðina. „Satt best að segja held ég að þetta sé ein besta æfingaferð sem ég hef farið. Við vorum á Spáni í fyrra og það var mjög gott en þetta var enn betra. Við æfðum tvisvar á dag við frábærar aðstæður og spiluðum svo þessa þrjá leiki, sem voru ágætir af okkar hálfu. Ég hefði reyndar vilja sjá menn nýta færin betur því við vorum að skapa okkur aragrúa marktækifæra. En það er nægur tími til að laga það," sagði Magnús. ÍBV gekk fyrir stuttu frá samningum við tvo erlenda leikmenn, breska leikmanninn Ian Jeffs og hinn bandaríska Mark Schulte og voru þeir báðir með liðinu ytra. „Þeir spiluðu alla leikina og ég var mjög ánægður með það sem ég sá til þeirra. Við þekkjum auðvitað Jeffs en Schulte spilaði mjög vel í stöðu vinstri bakvarðar og virðist koma til okkar í toppformi." En af hverju að fara í æfingaferð þegar tveir mánuðir eru enn í Íslandsmótið? „Það var nú þannig að það var stílað inn á þennan tíma til að skólastrákarnir kæmust með enda er komið páskafrí á þessum tíma. Eftir páska taka svo við próf og eftir prófin er einfaldlega orðið of seint að fara erlendis í æfingaferðir. Svo byrja sum liðin á grasi fljótlega eftir páska þannig að þetta er kannski hugsað til þess að stytta tímann á gervigrasinu aðeins." Magnús bætti því svo við að það væri mjög mikilvægt fyrir IBV að komast í þessar ferðir. „Ég hef áður sagt það að ef eitthvað lið eigi að fara í svona æfingaferð þá er það ÍBV. Við erum með tvískiptan leikmannahóp og svona ferðir eru ekki síður mikilvægar fyrir liðsandann," sagði Magnús að lokum.

=== '''Eyjamenn sigurvegarar í 1. deildinni í handbolta''' ===
Eyjamenn tóku á móti Aftureldingu í síðustu umferð 1. deildar en með sigri gátu strákarnir tryggt sér sigurinn í 1. deild. Tap myndi hins vegar þýða að FH-ingar, með þá Arnar Pétursson og Svavar Vignisson í fararbroddi, stælu efsta sætinu á síðustu stundu. Það vantaði ekkert upp á einbeitningu leikmanna ÍBV. Þeir mættu í leikinn til þess að vinna og gerðu það nokkuð sannfærandi þó það munaði aðeins fjórum mörkum í lokin, 26-22. Upphafsmínúturnar voru jafnar en smá saman náðu Eyjamenn tökum á leiknum. Hægt en örugglega dró í sundur með liðunum, allt þar til um tíu mínútur voru eftir af fyrri hálfleik, að leikmenn IB V gáfu í og skoruðu hvert markið á fætur öðru. Þegar liðin gengu tíl búningsherbergja var staðan 16-8 fyrir ÍBV og staðan orðin vonlítil fyrir Mosfellinga. Síðari hálfleikur var á rólegri nótunum, leikmenn ÍBV leyfðu sér að slaka fullmikið á en til allrar lukku var mótstaðan lítil. Mosfellingum tókst þó að minnka muninn niður í fjögur mörk þegar sjö mínútur voru eftir. Þá settu Eyjamenn í reynslugírinn, Tveir sigrar hjá öðrum flokki Annar flokkur karla lék tvo leiki um helgina en þá tóku strákarnir á móti Fjölni. Eyjamenn eru í þriðja sæti B-riðils en Fjölnismenn í næst neðsta sætinu. Strákamir voru ekki í teljandi vandræðum með Reykjavíkurliðið. Fyrri leiknum lyktaði með tíu marka sigri ÍBV, 36-26 eftir að staðan í hálfleik hafði verið 18-8.

Mörk ÍBV: Jens Elíasson 12, Grétar Eyþórsson 6, Sindri Haraldsson 4, Leifur Jóhannesson 4, Karl Haraldsson 3, Magnús Sigurðsson 2, Baldvin Sigurbjörnsson 1, Kári Kristjánsson 1, Sævald Hallgrímsson 1, Guðni Ingvarsson 1, Benedikt Steingrímsson 1. Síðari leikurinn endaði hins vegar með þriggja marka sigri heimamanna, 36-33 en staðan í hálfleik var 18-17. Mörk IBV: Jens Elíasson 9, Grétar Eyþórsson 8, Kári Kristjánsson 6, Sindri Haraldsson 5, Magnús Sigurðsson 4, Leifur Jóhannesson 3, Karl Haraldsson 1.

=== '''Knattspyrnuleikur í Eyjum''' ===
Nú hefur verið tekin ákvörðun um að fyrsti opinberi knattspyrnuleikurinn í Eyjum verður 24. apríl næstkomandi en þá leikur kvennalið ÍBV gegn KR. Leikurinn er í deildarbikarnum og verður eini leikurinn í efri deild kvennakeppninnar sem ekki fer fram á höfuðborgarsvæðinu eða í Reykjaneshöll.

=== '''Leikmenn þakka stuðning alltof fárra áhorfenda''' ===
Sigurður Bragason, fyrirliði ÍBV, var ánægður með að markmiðinu um sigur í 1. deild væri náð. „Upphaflega markmiðið var að tryggja sér sæti í úrvalsdeild en þegar það gekk ekki upp þá settum við okkur nýtt markmið, að sigra 1. deildina. Mér fannst ég finna það strax eftir áramót að við værum með sterkasta liðið í deildinni enda kom það í ljós í æfingaleikjum þar sem við unnum m.a. ÍR auðveldlega. Það var líka mjög gott fyrir okkur að fá Guffa til liðs við okkur. Jóhann og Björgvin fluttu líka tíl Eyja og það hefur mikið að segja fyrir liðsheildina."

En þetta var dálítið erfiður leikur: "Já og nei. Mér fannst við alltaf hafa þetta í hendi okkar en þeir sóttu aðeins á okkur í síðari hálfleik. Við héldum sjálfsagt að þetta væri komið en svo var ekki. En við kláruðum þetta og náðum þar með markmiði okkar." - Svo kemur í ljós á morgun hvaða liði þið mætið í átta liða úrslitum, einhverjir óska mótherjar? „Mér er í raun alveg sama, það skiptir okkur engu máli. Við getum alveg slegið öll liðin út ef við viljum en helst myndi ég vilja sleppa við Hauka. Okkur hefur alltaf gengið illa með þá og mér sýnist þeir vera á uppleið núna. Annars skiptir það ekki öllu." sagði fyrirliðinn að lokum.

Mörk ÍBV: Guðfinnur Kristmannsson 7, Zoltan Belany 5, Sigurður Ari Stefánsson 4, Josep Böse 3, Robert Bognar 2, Erlingur Richardsson 2, Michael Lauritsen 1, Ríkharð B. Guðmundsson 1, Björgvin Rúnars. 1. Varin skot: Jóhann G. 25/1 mæta haukum í 8 liða úrslitum

=== '''Auðveld leið í undanúrslitin''' ===
Eyjastúlkur tryggðu sér sæti í undanúrslitum Íslandsmótsins í handbolta; léku þær gegn KA/Þór í átta liða úrslitum. Fyrirfram var vitað að möguleikar norðanstúlkna væru litlir sem engir, þær gerðu sér grein fyrir því og gáfu heimaleikinn, til að spara ferðakostnaðinn. ÍBV vann því báðar viðureignirnar sannfærandi og komust þar með í undanúrslit þar sem þær leika gegn FH. Fyrri leikur liðanna var bragðdaufur og Eyjastúlkur léku illa. Þrátt fyrir það voru þær mun sterkari aðilinn sem segir nokkuð um styrkleikamuninn á ÍBV og KA/Þór. ÍBV náði aldrei að sýna sitt besta þar sem þær keyra upp hraðann. Leikur liðsins var tilviljanakenndur og byggðist á einstaklingsframtaki. Sylvia Strass meiddist í upphitun og lék ekki með í leikjunum gegn KA/Þór, hafði það að sjálfsögðu nokkur áhrif á leik liðsins. Lokatölur urðu 32-23. Mörk ÍBV: Guðbjörg Guðmannsdóttir 8, Birgit Engl 6, Anja Nielsen 5, Anna Yakova 4/2, Nína K. Björnsdóttir 4/1, Alla Gokorian 2, Þórsteina Sigurbjörnsdóttir 1, Hildur D. Jónsdóttir 1, Edda Eggertsdóttir 1. Varin skot: Julia Gantimorova 19. Síðari leikurinn var lengst af mun betur leikinn af hálfu ÍBV. Þrátt fyrir öruggan sigur daginn áður vantaði ekkert upp á einbeitningu leikmanna, Eyjastúlkur höfðu leikinn í hendi sér allan tímann. Þær byrjuðu leikinn af miklum krafti og náðu strax ágætri forystu. Munurinn hélt áfram að aukast út hálfleikinn og í raun aldrei spurning um það hvar sigurinn endaði. Lokatölur urðu 39-28 eftir að staðan í hálfleikvar 22-13. Stelpurnar sýndu oft góða takta og fremst meðal jafningja fór austurríski leikmaðurinn Birgit Engl, sem skoraði ellefu mörk úr tólf tilraunum, auk þess að fiska þrjú vítaköst. Mörk IBV: Birgit Engl 11, Anna Yakova 8/6, Alla Gorkorian 6/2, Anja Nielsen 4, Aníta Eyþórsdóttir 3/1, Edda Eggertsdóttir 3, Þórsteina Sigurbjörnsdóttir 2, Nína K. Björnsdóttir 1, Hildur Jónsdóttir 1. Varin skot: Julia Gantimorova 14, Á

=== '''Skoskur landsliðsmarkmaður gengur til liðs við ÍBV''' ===
Forráðamönnum kvennaliðs ÍBV í knattspyrnu hefur tekist að leysa markmannsvandræðin sem sköpuðust fyrr í vetur en í undanförnum leikjum hefur lánsmarkvörður spilað með liðinu. Claire Johnstone heitir nýi markvörðurinn og kemur frá Skotlandi en hún spilar reglulega með skoska landsliðinu. Claire er 22 ára og kemur að öllum líkindum til landsins 20 apríl. Þá er annar markvörður undir smá- sjánni, þar er á ferðinni ensk stúlka sem leikið hefur með U-17 ára landsliðinu. Hún yrði þá hugsuð sem varamarkvörður meistaraflokks auk þess sem hún myndi spila með 2. flokki félagsins.

=== '''Andri og Atli til Crewe''' ===
Tveir leikmanna ÍBV æfa með enska 1. deildarliðinu Crewe. Eyjamenn komust í samstarf við enska liðið sem hófst með komu Ian Jeffs og Tom Betts síðastliðið sumar. Samstarfið er gagnkvæmt þannig að enska liðið hefur tækifæri til að skoða leikmenn ÍBV og á móti geta Eyjamenn fengið leikmenn frá enska liðinu. „Báðir hafa þeir Andri og Atli gert langa samninga við ÍBV. Andri til 2007 og Atli til 2006. Báðir eru þeir mjög efnilegir og hafa skuldbundið sig uppeldisfélagi sínu, ÍBV, með afgerandi hætti og eiga tækifærið svo sannarlega skilið," segir á heimasíðu félagsins.

=== '''Gott samstarf við HSÍ''' ===
Þegar leikjaplan fyrir úrslitakeppni kvennahandboltans barst í hús urðu forráðamenn ÍBV ansi hissa þar sem undanúrslitin eiga að hefjast 20. apríl, leikur tvö þann 22. apríl og ef til þriðja leikjarins kæmi þá yrði hann 24. apríl. ÍBV leikur í undanúrslitum Evrópukeppninnar gegn þýska liðinu Nurnberg og er fyrri leikurinn á útivelli 17. apríl og síðari leikurinn viku síðar. Þannig myndu undan úrslit Íslandsmótsins lenda á milli leikja Evrópukeppninnar, sem er að sjálfsögðu vonlaust mál. En forráðamenn HSÍ hafa gefið vilyrði fyrir því að leikir ÍBV verði færðir til og rekist ekki á Evrópukeppnina.

=== '''Sylvia meidd''' ===
Austuríski leikstjórnandinn hjá ÍBV, Sylvia Strass meiddist í upphitun fyrir fyrri leik ÍBV og KA/Þórs. Sylvia kenndi sér meins í hné og lék ekki. Hún var svo send til Reykjavíkur í rannsókn strax á sunnudag og þá kom í ljós að um liðamús væri að ræða. Það lýsir sér þannig að það kvarnaðist upp úr beini í hné, brotið nuddast við liðþófann, sem veldur meiðslunum. Meiðsli Sylviu hefðu getað komið á verri tíma þar sem ÍBV spilar ekki næsta leik fyrr en 17. apríl og þarf hún að hvíla sig í tíu daga eða svo.

== Annáll síðari hluta þessa árs í vinnslu ==
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2004 -

2019-07-21T14:42:05Z

Gisli: /* JANÚAR: */

== '''2004 -''' ==

 

== '''JANÚAR:''' ==

=== '''Íþróttamenn heiðraðir''' ===
Í byrjun árs fór fram afhending viðurkenninga Frétta til einstaklinga sem að mati blaðsins hafa markað spor á nýliðnu ári. Fyrst voru viðurkenningartil einstaklinga, sem Fréttir telja að hafi lagt sitt af mörkum til að bæta mannlíf og stöðu Vestmannaeyja á árinu 2003 og svo var tilnefnd bjartasta vonin í íþróttum, framtak ársins og svo Eyjamaður ársins 2003. Sérstakar viðurkenningar fengu Unnur Sigmarsdóttir, Vigdís Sigurðardóttir og Ingibjörg Jónsdóttir fyrir framlag sitt til kvennahandboltans, Ingi Sigurðsson fyrirframlag til knattspyrnunnar, Heimir Hallgrímsson, þjálfari, fyrir framlag til kvennaknattspyrnunnar. Bjartasta vonin er Margrét Lára Viðarsdóttir knattspyrnukona.

=== '''Þrettándagleðin í blíðskaparveðri''' ===
Veðrið lék við gesti þrettándagleði ÍBV. Algjört logn var á malarvellinum við Löngulág og nutu kynjaverur þrettándans sín vel við þær aðstæður. Góð mæting var og fengu krakkarnir tækifæri til að kveðja jólasveinana og kannski ekki síður Grýlu og Leppalúða sem héldu aftur til fjalla. Glæsileg flugeldasýning var uppi við Höll líkt og síðustu ár á vegum Björgunarfélagsins.

=== '''Ingibjörg íþróttamaður Vestmannaeyja''' ===
Þann 12. janúar var tilkynnt um val á Íþróttamanni Vestmannaeyja 2003 í Oddfellowhúsinu. Um leið var tilkynnt um val einstakra félaga innan IBV-hérðassambands á íþróttamönnum sínum. Íþróttamaður ársins var valin Ingibjörg Jónsdóttir, handknattleikskona. Þá var Margrét Lára Viðarsdóttir, knattspyrnukona, kosin íþróttamaður æskunnar fyrir árið 2003. íþróttamenn félaga héraðssambandsins eru eftirfarandi: Knattspymumaður ársins var valinn Birkir Kristinsson, knattspymukona var Karen Burke, handknattleiksmaður ársins var Robert Bognar, handknattleikskona ársins var Ingibjörg Jónsdóttir.

=== '''Gott hjá stelpunum''' ===
2. flokkur kvenna í knattspyrnnu tók þátt í Íslandsmótinu í riðli ÍBV sem leikinn var í Kópavogi. Eyjastúlkur unnu þrjá leiki af fjórum en töpuðu fyrir Breiðabliki og enduðu í öðru sæti riðilsins. Fyrir vikið komst IBV ekki í úrslit en aðeins eitt lið komst áfram úr riðlinum. Úrslit leikja ÍBV: ÍBV-Selfoss 16-0, ÍBV-Breiðablik 2-9, ÍBV-Grindavfk 6-1 og ÍBVKeflavík 6-0.

=== '''Sannfærandi sigur eftir langt hlé''' ===
Eftir rúmlega sjö vikna hlé lék kvennalið ÍBV gegn Gróttu/KR. Heimastúlkur byrjuðu betur og skoruðu fyrstu þrjú mörkin en smám saman náðu Eyjastúlkur að snúa leiknum sér í hag. Komust þær yfir eftir rúmlega tíu mínútna leik, 5-4 og náðu mest fimm marka forystu 8-13 en það var staðan í hálfleik. Í síðari hálfleik minnkuðu heimastúlkur muninn niður í þrjú mörk, 12-15 og var munurinn það sem eftir lifði leiks tvö til þrjú mörk. Leikmenn ÍBV náðu hins vegar góðum spretti í lokin, skoruðu fimm mörk gegn aðeins tveimur mörkum heimaliðsins og lokatölur urðu 23-29 fyrir ÍBV. Mörk ÍBV: Alla Gokorian 8, Anna Yakova 7/2, Sylvia Strass 5, Anja Nielsen 4, Birgit Engl 3, Guðbjörg Guðmannsdóttir 2. Varin skot: Julia Gantimorova 24/2.

=== '''Vel heppnað mót en árangur ÍBV ekki góður''' ===
Í byrjun janúar fór fram Íslandsmót í knattspyrnu innanhúss í 3. flokki karla en einn riðill var leikinn hér í Eyjum. Var það Suðurlandsriðill þar sem liðin af Suðurlandi léku öll í einum riðli. Eyjamenn áttu fyrirfram að vera með eitt af sterkustu liðunum en þrátt fyrir að vera oft á tíðum sterkari aðilinn í leikjum sínum þá náðu leikmenn IBV ekki að nýta yfirburði sína og töpuðu jafnvel fyrir talsvert slakari liðum. Það er ljóst að ef ekki á illa að fara í sumar þurfa strákamir að líta í eigin barm og skoða hvað fór úrskeiðis. Annars var framkvæmd mótsins ágæt, aðstaðan er glæsileg fyrir knattspyrnumót sem þetta, stór völlur og aðstaða fyrir áhorfendur er góð þannig að nú þurfa Eyjamenn að sækja um að halda Islandsmót meistaraflokkanna. Úrslitleikja; ÍBV: ÍBV-KFR 2-3 ÍBV-UMFH 4-2 ÍBV-Ægir 1-2 ÍBV-Hamar 2-1 ÍBV-Selfoss 3-1

=== '''5. flokkur kvenna Íslandsmeistari í C-flokki''' ===
Í janúar héldu stelpurnar í 5. flokki kvenna upp á land til að leika í Íslandsmótinu í handknattleik. IBV fór með þrjú lið til leiks, A-, B- og C-lið en C liðið stóð sig best. Stelpurnar í C liðinu gerðu sér lítið fyrir og unnu þrjá af fjórum leikjum sínum í riðlinum og í milliriðli vann ÍBV alla þrjá leiki sína. Þar með var ÍBV komið í úrslitaleikinn þar sem liðið mætti KA og sigraði ÍBV í leiknum með einu marki, 10-9 og urðu þar með Íslandsmeistarar eftir þetta fjölliðamóL A- og B-liðum ÍBV gekk líka ágætlega. Bæði liðin enduðu í sjöunda sæti sem er þokkalegur árangur.

=== Huginn Helgason nýr aðstoðarþjálfari ===
Í byrjun janúar var gengið frá ráðningu á nýjum aðstoðarþjálfara hjá knattspyrnuliði ÍBV en Sveinn Sveinsson, aðstoðarþjálfari liðsins síðasta sumar, ákvað að gefa ekki kost á sér á ný. Huginn Helgason, fyrrverandi leikmaður liðsins, var ráðinn í starfið en auk þess mun hann sjá um annan flokk karla. Huginn mun sjá um æfingahóp ÍBV hér í Eyjum í vetur, í samstarfi við Magnús Gylfason þjálfara ÍBV.

=== Gunnar Berg áfram ===
Íslenska karlalandsliðið í handknattleik undirbýr sig nú af krafti fyrir Evrópumótið sem fram fer í Slóveníu í lok janúar en liðið spilaði m.a. þrjá leiki gegn Sviss um helgina. Eyjamennirnir í liðinu, Gunnar Berg Viktorsson og Birkir Ívar Guðmundsson fengu aðeins að spreyta sig í leikjunum en eftir leikina var fækkað um fjóra í íslenska liðinu. Þrátt fyrir að verja tíu skot á þrjátíu mínútum, var Birkir Ívar einn þeirra sem duttu út úr hópnum en Gunnar Berg er enn á meðal þeirra átján sem skipa hópinn.

=== Endurtaka Kolaportið ===
Á síðasta ári hélt kvennalið ÍBV í knattspyrnu lítið Kolaport þar sem gamlir munir voru til sölu á hlægilegu verði. Nú hafa stelpurnar ákveðið að endurtaka leikinn, ekki síst vegna góðra undirtekta bæjarbúa en áætlað er að setja upp lítið Kolaport í Týsheimilinu í lok febrúar. Íris Sæmundsdóttir, leikmaður ÍBV, segir að stemmningin síðast hafi verið góð en nú eigi að bæta um betur. ''„Við ætlum ekki bara að selja sjálf, heldur bjóðum við fólki að selja hluti fyrir það og svo ætlum við líka að bjóða einstaklingum og fyrirtækjum að taka bás á leigu til að selja sínar vörar. Við ætlum að búa til alvöru Kolaport og nú verður fólk bara að taka þátt í þessu með okkur.''" sagði Íris

=== Þrír sigrar í æfingaleikjum ===
Karlalið ÍBV hélt til Danmerkur um miðjan janúar og lék þar tvo æfingaleiki. Reyndar byrjaði æfingaferðin með leik gegn Fram sem verður í efri deild þegar Íslandsmótið hefst að nýju. Eyjamenn sigruðu í leiknum með 6 mörkum, 31 -37 og fengu þar með gott veganesti með sér til Danmerkur. Þar hélt velgengni Eyjamanna áfram því í Danaveldi mætti IBV einu úrvalsdeildarliði og toppliðinu í 1. deild. Fyrst var leikið gegn úrvalsdeildarliði Alaborg og sigruðu Eyjamenn í leiknum 26-32. Leikmenn ÍIBV voru svo ekki í teljandi vandræðum með topplið 1. deildarinnar dönsku, Viborg en þann leik vann ÍBV með níu mörkum, 23- 32. Til stóð að Guðfinnur Kristmannsson myndi koma til móts við ÍBV og leika með liðinu í Danmörku en þegar á reyndi fékk hann sig ekki lausan úr vinnu. Sigurður Bragason, fyrirliði ÍBV var sáttur við ferðalagið. „''Þetta gekk alveg ljómandi vel. Þrír sigurleikir sem verður að teljast gott hjá karlaliði ÍBV, sérstaklega miðað við gengi okkar fram að þessu í vetur, þannig að ég er bara mjög sáttur. Svona ferð er líka mjög góð fyrir liðsheildina, hópurinn þjappar sér saman þannig að við eigum að vera nokkuð klárir fyrir átökin í 1. deild í næsta mánuði."''

=== Stóðu uppi sem sigurvegarar ===
Knattspyrnulið ÍBV kvenna lék sína fyrstu leiki fyrir komandi tímabil en þá tók liðið þátt í Hitaveitumótinu sem fram fór í Reykjaneshöll. Um var að ræða tvo leiki, fyrst var leikið gegn Íslandsmeisturum KR og svo gegn Stjörnunni. Leikurinn gegn KR var hörkuviðureign en Olga Færseth skoraði tvö af mörkum ÍBV og Margrét Lára eitt. Þar með var IBV komið í úrslitaleik mótsins þar sem liðið mætti Stjörnunni. Eyjastúlkur vora undir 1-3 þegar rúmlega 20 mínútur vora eftir en gerðu sér lítið fyrir og jöfnuðu áður en leiktíminn var úti. Úrslit leiksins fengust svo í vítaspyrnukeppni þar sem ÍBV skoraði úr fimm vítaspyrnum en Stjarnan fjórum.

=== Sprækar stelpur í 5. flokki ===
Stelpurnar í 5. flokki C í handbolta hafa verið að gera það gott í vetur. Þær standa vel að vígi í Íslandsmótinu og á dögunum unnu þær fjölliðamót. Þetta er frábær árangur þar sem 25 lið taka þátt hverju sinni og tvisvar hafa þær orðið í öðru sæti og einu sinni í fyrsta. Einnig lspiluðu þær sjö leiki, unnu sex og gerðu eitt jafntefli og markatalan var 106-53 A og B liðin voru einnig að standa sig vel þar sem margar af þeim stúlkum eru á yngra ári.

=== Veðrið setti strik í ferðir yngri flokkanna ===
Um miðjan janúar átti unga fólkið í Eyjum að leika bæði í handbolta og fótbolta uppi á landi. Veðrið var mjög vont og ákvað ÍBV í samráði við foreldra að senda ekki börnin út í óvissuna. Enda var bæði slæmt sjóveður og slæm færð á vegum um allt land. Fyrir vikið fær fimmti flokkur karla ekki tækifæri á að leika í Íslandsmótinu innanhúss þar sem leikið hefur verið í öllum riðlum Íslandsmótsins. KSÍ gat hins vegar komið 4. flokki fyrir í öðrum riðli. Þá átti sjötti flokkur karla og kvenna að leika í handknattleik en hætt var við þá ferð. Eini flokkurinn sem fór upp á land var 3. flokkur kvenna í knattspyrnu en liðið lék fimm leiki. Úrslit leikjanna urðu þessi: IBV-Stjarnan 0-1, ÍBV-Keflavík5-3, ÍBV-Víkingur 4-0, ÍBV-FH 2-2, ÍBV-Fylkir 7-1. ÍBV endaði í öðru sæti riðilsins og kemst þar með ekki í úrslit.

=== Stelpurnar áfram ===
Eyjastúlkur mættu búlgarska liðinu Etar Veliko 64 tvívegis um miðjan janúar í Áskorendakeppni Evrópu og fóru báðir leikirnir fram í Eyjum. Eyjastúlkur renndu nokkuð blint í sjóinn en þegar á reyndi voru gestirnir mun slakari en ÍBV og áttu Eyjastúlkur ekki í vandræðum með að tryggja sig áfram með stórsigri í fyrri leiknum. Síðari leikurinn var hins vegar tilraunastarfsemi frá upphafi til enda, sem er í sjálfu sér góðra gjalda vert en ólíkt skemmtilegra hefði verið að vinna báða leikina. Það var ljóst strax á fyrstu mínútu að Eyjaliðið var mun sterkara. ÍBV byrjaði af miklum krafti, skoraði fyrstu þrjú mörkin áður en gestirnir svöruðu úr vítakasti. Eyjastúlkur bættu svo við átta mörkum í viðbót og þegar hálfleikurinn var hálfnaður var staðan 11-1 fyrir ÍBV. Eftir þetta færðist ró yfir leikinn, liðin skiptust á að skora en það duldist engum hvort liðið var betra og staðan í hálfleik var 19-8. Seinni hálfleikur var svo eins ójafn og sá fyrri, Eyjastúlkur juku muninn út leikinn og mestur varð munurinn 23 mörk, 38-15 en það voru gestirnir sem áttu síðasta orðið í leiknum og minnkuðu muninn niður í 22 mörk. Mörk ÍBV: Anna Yakova 12/4, Guðbjörg Guðmannsdóttir 6, Birgit Engl 4, Sylvia Strass 4, Alla Gokorian 4, Anja Nielsen 3, Eh'sa Sigurðardóttir 2, Edda Eggertsdóttir 2, Sæunn Magnúsdóttir 1, Hildur Jónsdóttir 1. Varin skot: Julia Gantimorova 16.

Síðari leikurinn var hins vegar á allt öðrum nótum enda ljóst að erfitt var fyrir Aðalstein Eyjólfsson að fá leikmenn til að halda einbeitningu. Í stað þess að keyra á byrjunarliðinu, lét hann varamenn liðsins sjá um leikinn að mestu leyti og fyrir vikið var leikurinn jafn lengst af. Eyjastúlkur voru reyndar ávallt með örugga forystu, allt þar til fimm mínútur voru eftir að búlgarska liðið jafnaði og komst svo yfir í næstu sókn, 18-17. Eyjastúlkur náðu ekki að skora mark síðustu mínúturnar og því urðu þetta lokatölur leiksins. ÍBV komst áfram í 16 liða úrslit og sigraði búlgarska liðið samanlagt 55- 34. Óneitanlega glæsilegur árangur en óneitanlega hefði verið skemmtilegra að vinna seinni leikinn. Mörk ÍBV: Anna Yakova 5/1, Birgit Engl 4, Ester Óskarsdóttir 3, Edda Eggertsdóttir 2, Þórsteina Sigurbjörnsdóttir 2, Guðbjörg Guðmannsdóttir 1. Varin skot: Julia Ganfimorova 17.

=== Eyjapeyjar á úrtaksæfingar ===
Þrír leikmenn ÍBV í knattspyrnu, Andri Ólafsson, Tryggvi Bjarnason og Jón Skaftason hafa verið boðaðir til æfinga hjá U-21 árs liði Íslands. Munu það vera fyrstu æfingar nýs þjálfara, Eyjólfs Sverrissonar. Þá hefur Ólafur Þór Berry verið boðaður á úrtaksæfingar hjá U-19 ára liðinu. Auk þess verða æfingar hjá U-17 ára landsliðinu og þar eiga Eyjamenn einn fulltrúa, Ellert Scheving Pálsson en nokkra athygli vekur að af 55 leikmönnum sem valdir voru á æfingar U-17 ára liðsins, eiga Eyjamenn aðeins einn fulltrúa

=== Auðveldur sigur ===
Eyjastúlkur léku gegn botnliði Fram í Eyjum. Leikurinn var jafnari en flestir áttu von á en sigur IBV var hins vegar aldrei í hættu og lokatölur urðu 35-26. Aðalsteinn Eyjólfsson, þjálfari ÍBV, gaf varamönnum liðsins tækifæri í leiknum í gær, Edda Eggertsdóttir kom inn á línuna og Ester Óskarsdóttir stýrði sóknarleiknum. Hún sýndi hversu efnileg hún er en þess má geta að hún er enn aðeins í fjórða flokki. Leikurinn var jafn fyrstu mínúturnar en einkenndist fyrst og fremst af furðulega harðri dómgæslu. Þegar fyrri hálfleikur var hálfnaður voru komnar sex brottvísanir í leiknum, sem urðu alls fimmtán og auk þess tvö rauð spjöld. Þetta er ekki síst furðulegt í ljósi þess að leikurinn var mjög prúðmannlega leikinn. Þá hafa vítin sjaldan verið fleiri, alls nítján í leiknum öllum og þurfti stundum ekki annað en að ryðjast á varnarmann til að fá víti. Staðan í hálfleik var hins vegar 19-14. Í upphafi síðari hálfleiks gerðu Eyjastúlkur svo út um leikinn, náðu mest átta marka forystu sem gestirnir náðu aldrei að brúa. Lokatölur leiksins urðu svo 35-26 en með sigrinum komst ÍBV aftur í efsta sæti deildarinnar. Mörk ÍBV: Anna Yakova 7/2, Birgit Engl 6, Guðbjörg Guðmannsdóttir 6, Anja Nielsen 4, Sylvia Strass 3/2, Ester Óskarsdóttir 3, Edda Eggertsdóttir 3, Sæunn Magnúsdóttir 2/1, Þórsteina Sigurbjörnsdóttir 1. Varin skot: Julia Gantimorova 19/1.

=== ÍBV með yfírburði ===
ÍBV tók á móti Víkingum seinni hluta janúar mánaðar. Fyrri hálfleikur fór rólega af stað, gestirnir skoruðu fyrsta markið og fyrstu tíu mínúturnar skiptust liðin á að skora. En eftir það áttu Eyjastúlkur góðan leikkafla og náðu þriggja marka forystu. Leikmenn Víkings voru hins vegar ekkert á því að gefast upp og náðu að minnka muninn niður í eitt mark, 13-12 en á lokakaflanum skoruðu leikmenn ÍBV fimm mörk gegn einu marki gestanna og staðan í hálfleik var 18-13. Síðari hálfleikur var svo lengst af í jafnvægi, það er að segja, liðin skiptust á að skora og munurinn var fimm til sjö mörk. Sigur ÍBV var því aldrei í hættu, varamenn ÍBV fengu tækifæri undir lokin og skiluðu sínu hlutverki, lokatölur 35-27. Mörk ÍBV: Alla Gokorian 7/3, Sylvia Strass 6, Birgit Engl 6, Anna Yakova 5, Anja Nielsen 4, Guðbjörg Guð- mannsdóttir 3, Elísa Sigurðardóttir 2, Þórsteina Sigurbjömsdóttir 1, Ester Óskarsdóttir 1. Varin skot: Julia Gantimorova 17/1.

=== Sigur á Breiðabliki ===
Karlalið ÍBV í knattspyrnu lék æfingaleik gegn 1. deildarliði Breiðabliks og fór leikurinn fram í Fífunni. Í liði Eyjamanna mátti sjá nokkra nýliða í hópnum, m.a. Daníel Hafliðason sem hefur æft með liðinu að undanförnu. Eyjamenn unnu leikinn, 3-1 og var Daníel einmitt einn af markaskorurum liðsins en Gunnar Heiðar og Bjarni Geir skoruðu hin mörkin. Magnús Gylfason, þjálfari liðsins var ánægður með leik sinna manna. „''Þetta var bara nokkuð öruggt hjá okkur, auðvitað enginn sambafótbolti en mér fannst Blikarnir ekki eiga séns gegn okkur. Það vantaði nokkra í okkar lið en í staðinn fékk ég tækifæri til að prófa nýja leikmenn sem stóðu sig vel. Í liðinu hjá okkur voru þrír leikmenn sem við erum að skoða, Daníel Hafliðason, Baldur Sigurðsson sem kemur frá Húsavík og svo Magnús Már Lúðvíksson. Þetta eru allt færir knattspyrnumenn og spurning hvort við semjum við þá,"'' sagði Magnús.

=== Bikararnir raðast til Eyja ===
Kvennalið IBV í knattspyrnu hefur nú tekið þátt í tveimur æfingamótum í janúar og árangurinn hefur heldur betur verið góður. Þannig unnu stelpumar Hitaveitumótið og tóku svo þátt í Sparisjóðsmótinu á Akureyri. Eyjastelpur léku þrjá leiki í mótinu og unnu þá alla og markatala ÍBV í mótslok var glæsileg, 21 mark skorað en sex fengin á sig. Heimir Hallgrímsson, þjálfari ÍBV sagði í samtali við Fréttir að hann væri ánægður með mótið. ''„Já, núna komum við heim með bikar eftir hverja helgi. Þetta var samt strembið ferðalag, við lögðum af stað með Herjólfi á föstudagsmorgun og spiluðum svo fyrsta leikinn síðar um kvöldið á Akureyri. En stelpumar stóðu sig vel og ég var mjög ánægður með þær í þessari ferð,"'' sagði Heimir. Úrslit ÍBV um helgina: ÍBV-Þór/KA/KS 7-5 (Olga 3, Margrét 2, Ema Dögg og Elena) ÍBV-Norðurlandslið 7-0 (Olga 3, Thelma Sigurðard. Pálína, Margrét, Elena) ÍBV-Stjarnan 7-1 (Bryndís 3, Karítas, Margrét, Olga)

=== Góð ferð hjá 2. flokki ===
2. flokkur karla í handknattleik nýtir hlé Remaxdeildarinnar vel. Liðið hafði aðeins leikið einn leik fyrir áramót og á því fullt af leikjum inni. Strákarnir léku þrjá leiki eina helgi í janúar en þeir unnu tvo leiki og töpuðu einum. Úrslitin voru þessi: Afturelding - ÍBV 27-25, Stjarnan - ÍBV 26-37, Fjölnir-ÍBV 30-38.

4. flokkur karla lék í fjölliðamóti en með ÍBV í riðli voru ÍR, Selfoss og Afturelding. Eyjapeyjar töpuðu öllum leikjunum og enduðu í neðsta sæti riðilsins.

Fjórði flokkur kvenna í knattspyrnu lék í sínum riðli í innanhússknattspyrnu og var leikið á Hvolsvelli. Með ÍBV í riðli voru Afturelding, Fylkir, KFR, KR og Ungmf. Bessastaðahrepps en ÍBV endaði í öðru sæti riðilsins og komst ekki í úrslit. Úrslit voru þessi: IBV 6 -UMF-Bessastaðahr. 2, ÍBV 5-KR 0, ÍBV 2- KFR 3, ÍBV 2- Fylkir 2 og ÍB V 5 -Afturelding 0.

=== Fjögur í úrtaki ===
Þær Margrét Lára Viðarsdóttir, Sara Sigurlásdóttir og Karítas Þórarinsdóttir hafa verið kallaðar á úrtaksæfingar hjá U-19 ára landsliði Íslands í knattspyrnu. Æfingarnar í Reykjaneshöll og Egilshöll síðustu helgina í janúar. Þá er Ólafur Berry í úrtaki í U-19.

=== Verða með fiskidag einu sinni í mánuði ===
Kvennaráð IBV í handknattleik hélt fiskidag þar sem í boði voru alls kyns kræsingar úr sjávardjúpunum. Bryggjudagur hefur ávallt verið haldin af handknattleiksráði kvenna yfir sumartímann þar sem slegið er upp heljarmikilli veislu á bryggjunni en fiskidagurinn hefur minni umgjörð og áherslan lögð á góðan fisk á góðu verði. Hlynur Sigmarsson, formaður handknattleiksráðs kvenna, sagði í samtali við Fréttir að viðtökurnar hefðu verið ágætar. ''„Við reyndar heyrðum það svo eftir helgi að það voru einhverjir sem voru bara búnir að gleyma þessu eða vissu ekki af þessu. En við ætlum að laga það, auglýsa þetta betur næst þannig að þetta ætti ekki að fara framhjá neinum."'' Næst segirðu, stefnið þið á að halda svona fiskidag aftur? ''„Já, hugmyndin er að hafa fiskidag einu sinni í mánuði. Fólk þekkir þessa þjónustu hjá okkur frá Bryggju-deginum og þó við bjóðum upp á mikið úrval af fiski á fiskidegi þá er umgjörðin ekkert í líkingu við Bryggjudaginn. Við hins vegar bjóðum þetta á góðu verði og njótum góðs af velvilja fiskvinnslufyrirtækja í bænum. Mörg eru að gefa okkur þessar afurðir og þannig höfum við möguleika á að halda þetta."'' Hlynur og félagar voru ekki aðeins að bjóða upp á ferska ýsu um helgina því þar mátti finna saltfisk, kleinur og kjúklinga.

=== Garðbæingar léttur biti ===
ÍBV lék gegn Stjörnunni í Garðabænum en Stjarnan hefur verið á mikilli siglingu í undanförnum leikjum. En Eyjastúlkur voru greinilega of stór biti fyrir Garðbæinga því lokatölur leiksins urðu 29-38. Leikurinn var í jafnvægi fyrstu tuttugu mínúturnar og liðin skiptust á að hafa forystu í leiknum. En síðustu tíu mínútur fyrri hálfleiks blómstraði lið ÍBV og skoruðu stelpurnar níu mörk gegn fimm mörkum heimastúlkna og breyttu stöðunni úr 10-12 í 15-21, sem voru hálfleikstölur. Það tók Eyjastúlkur svo ekki langan tíma í síðari hálfleik að gera út um leikinn því í stað þess að heimastúlkur minnkuðu muninn þá juku Eyjastúlkur hann og mestur varð munurinn tíu mörk, 24-34. Í lok leiksins sýndi leikklukkan í Garðabæ 29-37 en eftir að hafa horft á myndbandsupptöku af leiknum þá er ekki annað að sjá en að leikurinn hafi endað 29-38. Aðalsteinn Eyjólfsson, þjálfari ÍBV staðfesti þetta og sagðist hafa grunað að það vantaði eitt mark upp á en vildi ekki gera mál úr því þar sem sigurinn skipti öllu máli. Mörk ÍBV: Anna Yakova 10, Alla Gokorian 8/3, Anja Nielsen 6, Sylvia Strass 4, Birgit Engl 4, Guðbjörg Guðmannsdóttir 3, Edda Eggertsdóttir 1, Þórsteina Sigurbjörnsdóttir 1. Varin skot: Julia Gantimorova 15/1.

=== 2. flokkur karla á siglingu ===
2. flokkur karla lék tvo leiki gegn HK síðustu helgina í janúar. Leikirnir fóru þannig að í fyrri leiknum sigraði ÍBV með tíu marka mun en í þeim síðari með átta, 32- 24. Staðan í riðlinum er þannig að ÍBV er í þriðja sæti með tíu stig eftir sex leiki, Stjarnan er í öðru sæti með tólf stig eftir sjö leiki og Haukar eru efstir með tólf stig eftir átta leiki. Fjórði flokkur kvenna lék í þriðju umferð Íslandsmótsins en í sama riðli og ÍBV voru Fylkir, Valur og Stjarnan. ÍBV tapaði gegn Fylki, 12-11 og gegn Val 14-18 en unnu svo Stjörnuna 17-11.

=== Nýr starfsmaður hjá ÍBV ===
ÍBV-íþróttafélag hefur ráðið nýjan starfsmann en þar er á ferðinni Eyjamaðurinn Kristján Georgsson, betur þekktur sem Kiddi Gogga. Starf hans verður að þjálfa þrjá flokka félagsins í knattspyrnu en auk þess mun Kiddi skipuleggja ferðir allra flokka félagsins og í sumar mun hann aðstoðar við skipulagningu mótanna tveggja, Shellmótsins og Vöruvalsmótsins. Páll Scheving, framkvæmdastjóri ÍBV sagði það væri mikill fengur fyrir félagið að fá Kidda til starfa.

=== Tillaga ÍBV um undanúrslit í bikarnum ekki samþykkt ===
Ársþing KSÍ fór fram síðustu helgina í janúar á Selfossi en IBV lagði fram eina tillögu, um að færa undanúrslitaleiki bikarkeppninnar aftur heim í hérað í stað þess að spila þá á Laugardalsvellinum. Tillagan var felld. Menn virðast ekki vera sammála hvernig atkvæðagreiðslan fór, forráðamenn ÍBV segja að tillagan hafi verið naumlega felld en aðrir segja að tillagan hafi verið kolfelld. Það sem kannski svíður mest er andstaða landsbyggðaliða en sem dæmi má nefna að bæði ÍA og KA greiddu gegn tillögunni sem kom veralega á óvart. Birgir Stefánsson, framkvæmdastjóri ÍBV, sagði það vera mikil vonbrigði að tillagan hafi ekki náð í gegn.

== '''FEBRÚAR:''' ==

=== '''Finnbogi semur''' ===
Ungur og efnilegur Eyjapeyi skrifaði undir hjá félaginu á upphafsdögum febrúar en það er Finnbogi Friðfinnsson, sonur Friðfinns Finnbogasonar í Eyjabúð og fyrrverandi leikmanns ÍBV. Finnbogi hefur leikið með yngri flokkum félagsins og er án efa einn efnilegasti markvörðurinn sem komið hefur upp í Eyjum í áraraðir.

=== '''ÍBV afhenda áritaðan búning''' ===
Í byrjun febrúar fóru leikmenn ÍBV í heimsókn til Gunnars Karls Haraldssonar og afhentu honum ÍBV-búning áritaðan af leikmönnum liðsins. Gunnar er mikill keppnismaður og gefur ekki tommu eftir í baráttu sinni við veikindin. Gunnar myndi sóma sér vel í búningi ÍBV sem fulltrúi metnaðar og keppnishörku. Einnig afhentu leikmenn meistaraflokks Gunnari íþróttagalla sem er gjöf frá ÍBV aðalstjóm. Hvöttu leikmenn Gunnar til dáða um leið og Gunnar vildi fara sjá leikmenn vinna titil næsta sumar. Var þetta til að kitla hláturstaugar leikmanna sem sáu að þeir gátu engu svarað skemmtilegu skoti Gunnars.

=== '''Petra í raðir KR''' ===
Fyrrum markvörður ÍBV í knattspyrnu, Petra Fanney Bragadóttir gekk í raðir Íslandsmeistara KR en Petra lék síðast með ÍBV síðastliðið sumar. Petra þekkir ágætlega til í herbúðum KR en hún hefur æft með liðinu meðan hún dvelur í Reykjavík. Markvörður KR-inga, landsliðsmarkvörðurinn Þóra Helgadóttir, er í námi í Bandaríkjunum og hefur ávallt misst úr nokkra leiki á hverju sumri og er Petru ætlað að fylla í skarðið á meðan. Petra hefur leikið með ÍBV alla tíð og lék sex leiki með liðinu í efstu deild sumarið 2003. Koma enska landsliðsmarkvarðarins Rachel Brown varð hins vegar til þess að Petra lagði skóna á hilluna tímabundið.

=== '''Stórsigur á ÍR-ingum''' ===
Karlalið ÍBV lék tvo æfingaleiki fyrstu helgina í febrúar en liðið undirbýr sig nú af krafti fyrir komandi átök í 1. deild Íslandsmótsins. Leikið var gegn úrvalsdeildarliðunum Haukum og ÍR og var leikið gegn Haukum á föstudag. Guðfinnur Kristmannsson var að leika sína fyrstu leiki með liðinu og ljóst að leikmenn þurftu tíma til að kynnast honum og hann liðinu. Haukarnir voru mun sterkari í leiknum og lokatölur urðu 31-21 fyrir Haukana. Daginn eftir léku strákarnir svo gegn ÍR-ingum en þeir enduðu í efsta sæti suðurriðils á meðan ÍBV endaði í því sjötta. En Eyjamenn báru litla virðingu fyrir silfurliði síðustu leiktíðar og sigruðu mjög örugglega, 17-30.

=== '''Tveir nýir leikmenn í bætast í hópinn''' ===
Knattspyrnuliði ÍBV í kvennaflokki hefur borist góður liðsauki fyrir komandi sumar því um helgina skrifuðu þær Elín Anna Steinarsdóttir og Bryndís Jóhannesdóttir undir tveggja ára samning við félagið. Bryndís lék upp alla yngri flokka með Tý og IBV og svo í meistaraflokki IBV en ákvað að söðla um fyrir síðasta tímabil og lék í 1. deildinni með ÍR. Þeir sem þekkja til kvennaknattspyrnunnar vita að Bryndís er allt of góður leikmaður til að vera í 1. deild og ákvað hún á dögunum að snúa aftur heim til ÍBV. Félagsskipti Elínar Önnu hafa legið nokkuð lengi í loftinu en Elín Anna var samningsbundin Breiðabliki. Félagið braut hins vegar á samningi við hana sem gerði henni kleift að rifta samningnum og ganga í raðir ÍBV.

=== '''Handboltinn óskar eftir styrk''' ===
Þrjú erindi frá handknattleiksdeild kvenna ÍBV voru tekin fyrir á fundi bæjarráðs mánudaginn 10.febrúar. Fyrst var það vegna greiðslu fyrir matarboð í tengslum við Evrópukeppnina en það gleymdist að ræða það fyrir leikinn að vaninn sé að bærinn borgi fyrir veisluna. Kostnaðurinn var um 200 þúsund krónur. Annað bréf var um sama mál og óskaði Hlynur Sigmarsson formaður handknattleiksráðs að í stað greiðslu fyrir veisluna var óskað eftir því að bæjaryfirvöld komi að ferðakostnaði vegna ferðar stelpnanna til Frakklands. Þriðja bréfið var svo tekið fyrir en þar er formlega óskað eftir styrk vegna ferðarinnar til Frakklands og kemur fram að kostnaður sé allt að ein og hálf milljón króna. Engin styrkur kemur frá Evrópusambandinu líkt og gerist í knattspyrnunni og fellur því allur kostnaður á handknattleiksdeildina. Bæjarráð samþykkti að eiga fund með forráðamönnum ÍBV - íþróttafélags til að ræða fjárhagsleg samskipti þessara aðila.

=== '''Aðalfundur ÍBV íþróttafélags''' ===
Aðalfundur ÍBV-íþróttafélags var haldinn um miðjan febrúar og voru um fimmtíu manns á fundinum. Farið var yfir reikninga síðasta árs auk þess sem nokkrar tillögur lágu fyrir fundinum. I umræðu um reikninga aðalstjórnar og deilda ÍBV-íþróttafélag kom fram að nokkurrar óreiðu gætir hjá sumum deildum. Skoðunarmenn félagsins treystu sér ekki til að skrifa undir reikninga félagsins en fundurinn samþykkti þá engu að síður með þeim formerkjum að senda ársreikninga aftur til skoðunarmanna tíl samþykktar. Þá voru menn sammála um að færa þurfi bókhald deilda félagsins til betri vegar og jafnvel yrði það hlutverk skrifstofu ÍBV að sjá um bókhald deildanna. Ekkert var ákveðið í þeim efnum. Af tillögum sem lágu fyrir má nefna að allar fjáraflanir á vegum ÍBV fara nú í gegnum aðalstjórn en áður voru deildinnar hver í sínu horni og rákust fjáraflanir jafnvel á. Þá var samþykkt að félagið fjárfesti í nýju bókhaldsforriti í þeirri viðleitni að koma bókhaldi deilda í réttan farveg. Þá benti Viðar Elíasson, formaður knattspyrnudeildar á að þó að margt mætti betur fara í starfinu þá væri unnið mjög gott starf hjá ÍBV sem ekki mætti falla í skuggann á umræðunni um það sem þarf að bæta og tóku menn undir það. Ný stjórn var kosin, Óskar Freyr Brynjarsson var endurkjörinn sem formaður félagsins en auk hans eru þau Björgvin Eyjólfsson, Tryggvi Már Sæmundsson, Guðný Einarsdóttir og Olga Bjarnadóttir í stjórn en varamenn eru þeir Tryggvi Kr. Ólafsson og Magnús Bragason. Skoðunarmenn reikninga félagsins fyrir árið 2004 eru þeir Gísli Valtýsson og Hörður Óskarsson.

ÍBV afhenti fjórum leikmönnum viðurkenningu samkvæmt nýjum reglum um slíkt. Nú verður miðað við leiki í deild, bikar, deildarbikar og Evrópukeppni með ÍBV og einstaklingum afhentar viðurkenningar fyrir 100 leiki, 150 leiki, 200 leiki og svo framvegis. Í ár fengu þeir Birkir Kristinsson (116), Bjarnólfur Lárusson (134), Hjalti Jóhannesson (139) og Ingi Sigurðsson (320) viðurkenningar fyrir leikjafjölda.

=== '''Í úrslit fjórða árið í röð''' ===
ÍBV komst í bikarúrslitaleikinn fjórða árið í röð eftir að hafa unnið FH nokkuð sannfærandi í undanúrslitunum, 34 - 24. Í úrslitaleiknum mætir ÍBV hins vegar hinu Hafnarfjarðarliðinu, Haukum en þessi lið mættust einmitt í úrslitaleiknum í fyrra þar sem Haukar höfðu betur. Leikurinn var nánast eftir bókinni og í samræmi við það sem ÍBV hefur verið að gera í síðustu leikjum. Hraðinn var mikill og FH-ingar virtust ráða ágætlega við hann framan af. Varnarleikur ÍBV var reyndar afar slakur í fyrri hálfleik og þannig áttu gestirnir auðveldara með að fá góð færi. Þó að ÍBV hafi ávallt verið skrefinu á undan þá náðu þær aldrei að hrista Hafnfirðinga af sér og í hálfleik munaði aðeins tveimur mörkum, 16-14. Það var augljóst að ræða Aðalsteins Eyjólfssonar, þjálfara ÍBV hitti beint í mark í leikhléi því Eyjastúlkur voru mun grimmari í síðari hálfleik. Strax frá fyrstu mínútu tóku þær völdin á vellinum, skoruðu fjögur mörk úr fyrstu fimm sóknum sínum á meðan gestirnir náðu aðeins einu sinni að koma boltanum í netið. Reyndar var varnarleikur og markvarsla hjá IBV í upphafi síðari hálfleiks í hæsta gæðaflokki og Hafnfirðingar náðu aðeins að skora tvívegis úr fyrstu sautján sóknum sínum. Um miðjan hálfleikinn voru Eyjastúlkur komnar tíu mörkum yfir, 29-19 og úrslitin ráðin. Undir lokin virtust gestirnir ætla að minnka muninn en Guðbjörg Guðmannsdóttir tók þá loksins við sér, skoraði síðustu fjögur mörk leiksins og tryggði ÍBV farseðil í úrslitaleik bikarkeppninnar og lokatölur leiksins urðu 34-24. Mörk ÍBV: Anna Yakova 8, Alla Gokorian 8, Sylvia Strass 7, Guðbjörg Guðmannsdóttir 4, Anja Nielsen 4, Birgit Engl 2, Þórsteina Sigurbjörnsdóttir 1. Varin skot: Julia Gantimorova 23/1 GUÐBJÖRG Guðmannsdóttir gerði vonir FH að engu á lokasprettinum þar sem hún skoraði fjögur síðustu mörkin.

=== '''Tryggvi til Orgryte''' ===
Tryggvi Guðmundsson gekk í febrúar í raðir sænska úrvalsdeildarliðsins Örgryte en fyrir eru tveir Íslendingar hjá liðinu, Jóhann Birnir Guðmundsson og Atli Sveinn Þórarinsson. Tryggvi hafði sett stefnuna suður á bóginn, helst á meginland Evrópu eða til Englands en erfið meiðsli settu strik í reikninginn hjá þessum snjalla sóknarmanni þannig að engin spennandi tilboð bárust.

=== '''Tvö stór töp fyrir Íslandsmeisturunum''' ===
Kvennalið ÍBV lék sína fyrstu leiki í Reykjavíkurmótinu en þá lék liðið tvívegis gegn KR. Leikirnir fóru báðir fram í Egilshöll. IBV tapaði báðum leikjunum stórt, annars vegar 5-1 og hins vegar 5-3 en Eyjastúlkur höfðu unnið KR fyrr í vetur í Hitaveitumótinu og því komu þessi töp nokkuð á óvart. Mörk ÍBV: Olga Færseth (2), Íris Sæmundsdóttir og Fanndís Friðriksdóttir eitt hvor.

=== '''Hanna Gudný hætt''' ===
Markvörðurinn efnilegi í kvennaliði ÍBV í knattspyrnu, Hanna Guðný Guðmundsdóttir, hefur ákveðið að leggja skóna á hilluna. Hanna flutti til Reykjavíkur í vetur og hefur lítið getað æft vegna vinnu og í kjölfarið ákvað hún að taka sér frí frá knattspyrnunni. Þetta setur liðið í vandræði þar sem enginn varamarkvörður er til staðar en Heimir Hallgrímsson fékk lánaðan markvörð úr Haukum, sem að öllum líkindum mun leika nokkra leiki með liðinu.

=== '''Skrifar undir þriggja ára samning''' ===
Andri Eyvindsson skrifaði undir 3ja ára leikmannasamning við knattspyrnudeild IBV. Andri er fæddur 1986 og er á öðru ári í 2.flokki. Andri er einn af þeim fljótu og kappsömu leikmönnum sem eru að koma upp í meistaraflokk á næstu árum ef hann heldur áfram á þeirri braut sem knattspyrnudeildin skapar honum.

=== '''Tap í léttum æfingaleik''' ===
Karlalið IBV í knattspyrnu undirbýr sig nú af krafti fyrir sumarið en um helgina var áætlaður æfingaleikur Grindavíkinga og Eyjamanna. Leiknum var hins vegar frestað þar sem Grindvíkingar fengu ekki tíma í Reykjaneshöllinni og því fóru engir leikmenn frá Eyjum upp á land. En síðar um daginn losnaði tími og því fór Magnús Gylfason, þjálfari IBV að smala í lið. Í liði ÍBV mátti m.a. finna fyrrverandi leikmann liðsins, lánsmann úr öðrum liðum, í það minnsta tvo leikmenn sem eru í skoðun og í síðari hálfleik skellti Birkir Kristinsson sér í framlínuna en náði ekki að skora. Magnús Gylfason sagði að tilgangur leiksins hafi fyrst og fremst verið að komast inn úr kuldanum. „''Ég tók enga leikmenn úr Eyjum þannig að þetta var frekar fámennur hópur. Þá fór ég í það að smala og fékk t.d. leikmenn úr Völsungi sem ekki komust í 16 manna hóp þeirra um helgina og svo spilaði Hjalti Jóhannesson með okkur. En þetta var fyrst og fremst hugsað sem góð æfing og gott að komast inn úr frostinu."''

=== '''Von um sæti í átta liða úrslitum''' ===
ÍBV lék gegn franska úrvalsdeildarliðinu Le Havre í 16 liða úrslitum Áskorendakeppninnar á heimavelli þeirra síðarnefndu. Það var ljóst strax í byrjun að einbeitning leikmanna ÍBV var í hámarki. Leikmenn ætluðu að sanna sig gegn einu af toppliðum frönsku deildarinnar og þegar sjö mínútur voru búnar var staðan orðin 2-6 fyrir IBV. Lengst af í fyrri hálfleik munaði þremur til fjórum mörkum á liðunum en undir lok fyrri hálfleiks minnkuðu Frakkarnir muninn niður í eitt mark, 12-13. En þá tóku Eyjastúlkur við sér, skoruðu síðustu tvö mörk hálfleiksins og voru þar með þremur mörkum yfir í hálfleik, 12-15. Síðari hálfleikur byrjaði ekki vel fyrir ÍBV því það tók Frakkana aðeins sjö mínútur að jafna leikinn, 16-16 og svo aftur 17-17. En með Öllu Gorkorian fremsta í flokki í sóknarleik ÍBV náðu Eyjastúlkur að snúa leiknum sér í hag. Á lokakaflanum gekk ÍBV allt í haginn, liðið skoraði sex mörk gegn aðeins einu marki Frakkanna og sigruðu með átta mörkum, 22-30. Mörk ÍBV: Alla Gorkorian 9, Guðbjörg Guðmannsdóttir 6, Anna Yakova 5/1, Sylvia Strass 4, Birgit Engl 4, Anja Nielsen 2. Varin skot: Julia Gantimorova 23.

=== '''ÍBV-stelpurnar deildarmeistarar C-liða''' ===
Um miðjan febrúar var haldið eitt af fimm deildarmótum vetrarins í fimmta flokki kvenna og fór mótið fram í Eyjum. ÍBV sendi þrjú lið til keppni og sagði Unnur Sigmarsdóttir, þjálfari stelpnanna, að hún hefði mjög stóran og góðan hóp úr að velja. Árangurinn var mjög góður og miklar framfarir hjá stelpunum. A lið félagsins lenti í 4. sæti í 1. deild og B liðið í 2. sæti 1. deildar. Báðir flokkamir sýndu miklar framfarir. Unnur sagði að áður hafi liðin verið að tapa stórt gegn sumum af liðunum en þau voru mörg hver lögð að velli um helgina eða að leikirnir töpuðust naumt. Það var aftur á móti C liðið sem náði bestum árangrinum þegar þær urðu deildarmeistarar.

=== '''Jafntefli í fyrsta leik''' ===
Karlalið ÍBV í handbolta byrjaði loks keppni í 1. deild Íslandsmótsins þegar Víkingar voru sóttir heim. Leikurinn var jafn og spennandi í fyrri hálfleik, Víkingar leiddu þó leikinn með einu til tveimur mörkum mest allan hálfleikinn en Eyjamönnum tókst að jafna fyrir leikhlé, 10 -10. Í upphafi síðari hálfleiks náði ÍBV svo forystu í leiknum og þegar fimm mínútur voru eftir leiddi liðið 18 - 20. Víkingum tókst þó að jafna metin, 22 - 22 þegar 40 sekúndur voru eftir. Eyjamenn fengu boltann en brenndu af og Víkingar fengu aukakast þegar fimm sekúndur voru eftir og Eyjamenn tveimur leikmönnum færri. Þeim tókst ekki að nýta sér það og niðurstaðan varð jafntefli. Erlingur Richardsson, þjálfari, var mjög ánægður með varnarleikinn og markvörsluna í liðinu. „''Það stendur upp úr og það að menn börðust vel. Það var mikill vilji í liðinu en það sem betur mátti fara var sóknarleikurinn. Hann var ekki nógu góður og skotnýtingin léleg, aðeins 37%."'' Mörk ÍBV: Guðfinnur Kristmannsson 7, Michael Lauritzen 4, Sigurður Ari Stefánsson 3, Joseph Böze 2, Robert Bognar 2, Zoltan Belanyi 2, Sigurður Bragason 2. Varin skot: Jóhann Ingi Guðmundsson 23.

=== '''Á úrtaksæfingar''' ===
Þrír leikmenn ÍBV hafa verið kallaðir á úrtaksæfingar hjá U-19 ára landsliðs Íslands í knattspyrnu. Það eru þær Karitas Þórarinsdóttir, Margrét Lára Viðarsdóttir og Sara Sigurlásdóttir. U-19 ára liðið tekur þátt í milliriðli fyrir Evrópumótið en riðillinn fer fram í Póllandi dagana 18. til 25. apríl.

=== '''Unglingaráð ÍBV-íþróttafélags skrifar''' ===
Í lok síðasta árs var skipað nýtt unglingaráð IBV-íþróttafélags sem hefur sett sér það markmið að efla allt unglingastarf félagsins og gera iðkendum kleift að stunda bæði knattspyrnu og handknattleik hjá félaginu. Einnig er það eitt af markmiðum ráðsins að efla allt innra starf félagsins og m.a. að félagslífið verði eins öflugt og mögulegt er. Til þess að þessi markmið geti ræst þá hefur unglingaráðið hrint af stað átaki í samstarfi við aðalstjórn félagsins, og aðalmarkmið þess er „aukin þátttaka barna og unglinga í starfi félagsins". ÍBV- íþróttafélag þarf að fjölga iðkendum hjá félaginu í knattspyrnu og handknattleik og um leið að stuðla að hollri hreyfingu barna og unglinga. ÍBV-íþróttafélag vill vera sem áður öflugt félag á landsvísu bæði félags og afrekslega, og til þess að svo verði þá þurfa að vera til staðar iðkendur í hverjum aldursflokki til að gera það mögulegt. Takmarkið er því að kynna starf félagsins fyrir sem flestum börnum og unglingum, ásamt því að hvetja sem flesta til að stunda íþróttir. ÍBV-íþróttafélag vill stuðla að því að sem flestir geti æft knattspyrnu og handknattleik án þess að það komi niður á annarri hvorri greininni. Þannig teljum við hjá félaginu að náist að byggja upp sterka einstaklinga sem njóta alhliða þjálfunar, en hitt er einnig ljóst að félagslegi þátturinn er ekki síður mikilvægur. Einnig öðlast börn og unglingar aukinn sjálfsaga og styrk og hafa íþróttir mikið forvarnargildi gegn neyslu vímuefna eins og nýleg könnun Rannsóknar og greiningar ehf. staðfestir enn og aftur. Niðurstaðan í þeirri könnun var sú að börn og unglingar sem stunda íþróttir eru síður líkleg til að neyta vímuefna en þau sem ekki stunda einhverja íþrótt. Á síðustu misserum hefur ÍBV- íþróttafélag þurft að búa við minni þátttöku yngri iðkenda og meira brottfall eldri iðkenda. Þeirri þróun vill félagið snúa við og í samvinnu við þjálfara félagsins, foreldra barna og unglinga og skólakerfið er mögulegt að snúa þeirri þróun við. Því viljum við beina því til foreldra að hvetja börn sín til að stunda íþróttir sínar vel og hvetja þau til þátttöku sem ekki eru þátttakendur nú í dag. Það er í höndum foreldra að aðstoða börnin við að taka fyrstu skrefin og leggja stund á íþróttir. Í lok þessarar viku verða bekkir í báðum grunnskólum bæjarins heimsóttir og öllum börnum og unglingum afhent veggspjald þar sem kemur fram hvatning til þeirra frá unglingaráði og frá nokkrum afreksmönnum félagsins í knattspyrnu og handknattleik. Einnig eru á veggspjaldinu æfingatöflur allra flokka félagsins þannig settar upp að auðvelt á að vera fyrir foreldra að fylgjast með hvenær æfingar barna þeirra fara fram. Það er mikilvægt að þessu átaki sé fylgt vel eftir og því höfðum við til foreldra að hvetja börn sín til aukinnar þátttöku og um leið að styrkja ÍBV-íþróttafélag til frekari dáða. IBV-íþróttafélag hefur metnað til að eflast og standa áfram í fararbroddi innan íþróttahreyfingarinnar, og í þeim tilgangi mun félagið setja aukinn kraft í að hlúa að þjálfun og innra starfi félagsins. Liður í því er að fjölga þjálfurum hjá félaginu og hvetja yngra fólkið til að taka að sér þjálfun í meiri mæli. Núverandi ráði hefur tekist að koma því vel af stað því nú þegar eru fjórir nýir og upprennandi þjálfarar að taka sín fyrstu spor í knattspyrnuþjálfun. Í desember sl. var haldið þjálfaranámskeið í knattspyrnu hér í Eyjum og alls voru þar 15 þátttakendur sem luku A-stigi í þjálfunarstiga KSÍ. Stefnt er að áframhaldandi námskeiðshaldi og næst er það námskeið á vegum HSÍ sem vonandi verður sett á mjög fljótlega. Það er mjög mikilvægur þáttur í starfi félagsins að hafa vel menntaða þjálfara sem skilar sér um leið í betri þjálfun og í kjölfarið öflugri árangri einstakra iðkenda sem og flokka. Á næstu vikum munu þjálfarar og aðrir tengdir hreyfingunni rita greinar í þeim tilgangi að halda þessu málefni á lofti og leggja þessu átaki lið. ÍÞRÓTTIR stuðla að heilbrigðri sál í hraustum líkama og eru besta forvörnin gegn neyslu vímuefna. Tökum því höndum saman og stöndum vel við bakið á bömum okkar og eflum félagsstarf ÍBV okkur öllum til hagsbóta.

''Unglingaráð ÍBV, Ingi Sigurðsson, Hafdís Hannesdóttir, Eva Káradóttir, Magnús Sigurðsson, Guðbjörg Lilja Þórarinsdóttir og Kristján''

=== '''Komnar í átta liða úrslit''' ===
ÍBV komst í átta liða úrslit Áskorendakeppni Evrópu þegar þær gerðu jafntefli við franska úrvalsdeildarliðið Le Havre, 27-27. Þessi úrslit dugðu ÍBV til að komast áfram þar sem liðið sigraði Frakkana með átta marka mun í fyrri leiknum. Samanlagt sigruðu stelpumar því 57- 49, nokkuð sannfærandi þrátt fyrir að þarna væri um að ræða lið sem var í þriðja sæti frönsku deildarinnar. Frakkarnir byrjuðu betur og vora komnir með þriggja marka forystu eftir aðeins tíu mínútna leik, 2-5. En Alla Gorkorian var allt í öllu í sóknarleik ÍBV og hún dreif stelpurnar með sér. Eyjastúlkur náðu aftur yfirhöndinni og staðan í hálfleikvar 11-10. Í upphafi síðari hálfleiks var forskotið komið upp í fjögur mörk, 16-12 en þá hrökk allt í baklás, Frakkarnir komust aftur inn í leikinn og liðin skiptust á að skora. Þegar tíu mínútur voru til leiksloka náðu Frakkarnir hins vegar góðum leikkafla og komust tveimur mörkum yfir, 23-25. En eins og í fyrri hálfleik náðu Eyjastúlkur að vinna sig aftur inn í leikinn og þegar mínúta var eftir var staðan 27-26 og IBV í sókn. Eyjastúlkur náðu hins vegar ekki að nýta færið, Frakkarnir brunuðu í sókn og jöfnuðu leikinn. Lokatölur urðu því 27-27 sem þýðir að IBV er í pottinum í átta liða úrslitum keppninnar. Árangur IBV er án efa sá glæsilegasti sem náðst hefur í kvennahandboltanum á Íslandi.. Mörk IBV: Alla Gorkorian 8/3, Birgit Engl 6, Guðbjörg Guðmannsdóttir 4, Sylvia Strass 4, Þórsteina Sigurbjörnsdóttir 2, Anna Yakova 2, Anja Nielsen 1. Varin skot: 11

=== '''Sigur í fyrsta deildarbikarleik''' ===
Karlalið ÍBV lék fyrsta leik sinn deildarbikarkeppninni gegn Stjörnunni og fór leikurinn fram í knattspyrnuhöllinni Fífunni. Eyjamenn sigruðu í leiknum 5-2 en staðan í hálfleik var 3-1. Magnús Már Lúðvíksson, knattspyrnumaðurinn sem nú er í skoðun hjá ÍBV, skoraði fyrsta mark leiksins um miðjan fyrri hálfleikinn og bætti svo öðru við fljótlega eftir það en bæði mörkin skoraði hann með höfðinu. Garðbæingar minnkuðu hins vegar muninn en skömmu fyrir leikslok var það Bjarnólfur Lárusson sem skoraði þriðja mark ÍBV með skalla. Stjörnumenn minnkuðu muninn í eitt mark, 3-2 fljótlega í síðari hálfleik. Bjarnólfur skoraði annað skallamark sitt í leiknum um stundarfjórðungi fyrir leikslok og bætti svo við þriðja markinu sínu og fimmta marki ÍBV eftir að Eyjamenn höfðu fengið óbeina aukaspyrnu í teig Garðbæinga. Reyndar hafði Bjarnólfur fengið tækifæri til að ná þrennu fyrr í leiknum en þá lét hann verja frá sér vítaspyrnu.

=== '''Strákarnir stefna ótrauðir á toppinn''' ===
Karlalið ÍBV sótti lið Breiðabliks heim en Eyjamenn mættu mjög ákveðnir til leiks en strax á upphafsmínútunum komust þeir þremur mörkum yfir. Mikael Lauritzen fór fremstur í flokki en hann byrjaði leikinn í vinstra horninu en hefur til þessa yfirleitt leikið í því hægra þrátt fyrir að vera rétthentur. Eyjamenn héldu þriggja marka forystu lengst af í fyrri hálfleik en voru svo fjórum mörkum yfir í hálfleik, 13- 17. Síðari hálfleikur fór vel af stað hjá Eyjamönnum og fljótlega var munurinn kominn í átta mörk 13-21. Heimamenn náðu aðeins að laga stöðuna en Eyjamenn settu aftur í gír og komust aftur átta mörkum yfir, 22- 30. Eftir það slökuðu leikmenn IBV á klónni og heimamenn náðu aðeins að laga stöðuna fyrir leikslok. Lokatölur urðu 28-34 en ÍBV er sem stendur í fjórða sæti 1. deildar með þrjú stig. Eyjamenn hafa reyndar aðeins leikið tvo leiki á meðan önnur hafa leikið þrjá til fimm. Erlingur Richardsson, þjálfari liðsins sagði í samtali við Fréttir að hann væri ánægður með sigurinn. „''Við vorum komnir með átta marka forystu í seinni hálfleik en svo fengu varamennirnir að spreyta sig. Þeir stóðu sig vel en Blikarnir náðu að minnka muninn þó að sigurinn hafi aldrei verið í hættu. Við erum búnir að ná í þrjú stig á útivelli af fjórum mögulegum en maður veit eiginlega ekkert um hin liðin. Selfyssingar hafa komið verulega á óvart en FH-ingar hafa verið í basli í sínum leikjum en þeim var spáð góðu gengi."'' Mörk ÍBV: Mikhael Lauritsen 7, Sigurður Ari Stefánsson 6,Josef Böse 4/2, Zoltan Belányi 4, Guðfinnur Kristmannsson 3, Björgvin Rúnarsson 3, Robert Bognar 3, Erlingur Richardsson 1, Kári Kristjánsson 1, Sigurður Bragason 1, Sindri Haraldsson 1/1. Varin skot: Jóhann Guðmundsson 21/2, Eyjólfur Hannesson 3.

=== '''2. flokkur karla''' ===
Annar flokkur karla lék ásunnudaginn gegn Haukum í Íslandsmótinu og fór leikurinn fram á Ásvöllum. Eyjamönnum hefur gengið illa að komast í leiki í vetur og eiga talsverðan fjölda leikja inni á önnur lið. Engu að síður eru strákarnir um miðjan riðil. Haukar eru hins vegar í öðru sæti og höfðu þeir betur gegn ÍBV, lokatölur urðu 30- 29.

=== '''Fjórir á úrtaksæfingar''' ===
Margrét Lára Viðarsdóttir og Sara Sigurlásdóttir hafa verið boðaðar á úrtaksæfingar hjá U-19 ára landsliðið Íslands. Um er að ræða einn æfingaleik og æfingu daginn eftir. Ólafur Þór Berry, knattspyrnumaðurinn efnilegi, hefur verið valinn á úrtaksæfingar hjá U-19 ára landsliði Íslands. 31 leikmenn voru valdir til æfinganna. Þá hefur Birkir Hlynsson verið valinn til að taka þátt í úrtaksæfingum með Undir 17 ára liðinu.

=== '''Sætur sigur í frábærum leik''' ===
Leik ÍBV og Hauka í bikarúrslitum kvenna verður minnst sem eins skemmtilegasta bikarúrslitaleiks kvenna fyrr og síðar. Leikurinn bauð upp á allt sem prýðir góðan úrslitaleik, hraða, spennu, dramatík og góð tilþrif. Eyjastúlkur hafa leikið mjög hraðan handbolta síðari hluta vetrar og áttu margir von á því að Hafnfirðingar næðu ekki að fylgja þeim eftir en annað kom á daginn. Það var í raun aðeins í blálokin sem stuðningsmenn gátu fagnað sigri en lokatölur leiksins urðu 35-32. Leikurinn fór ekki vel af stað hjá IBV, varnarleikurinn var slakur og sóknarleikurinn hægur. Liðið hefur oft leikið betur en og í raun náðu stelpurnar sér aldrei á flug. Það sýnir hins vegar styrk IBV að sigra Hauka, sem líklega voru að leika sinn besta leik í vetur. Það var mikill sálfræðisigur hjá stelpunum að jafna og komast svo yfir á síðustu andartökum fyrri hálfleiks en staðan í hálfleik var 17:16 fyrir ÍBV. IBV byrjaði vel í síðari hálfleik og fljótlega var munurinn orðinn fjögur mörk. Sá munur hélst lengst af en þegar tæpar fimm mínútur voru til leiksloka minnkuðu Haukar muninn niður í eitt mark, 31 -30. En þá tóku leikmenn ÍBV aftur við sér, skoruðu fjögur mörk gegn einu marki Hafnfirðinga og tryggðu sér bikarmeistaratitilinn árið 2004. Mörk ÍBV: Alla Gorkorian 9/3, Sylvia Strass 9, Anna Yakova 8, Guðbjörg Guðmannsdóttir 4, Birgit Engl 4, Þórsteina Sigurbjörnsdóttir 1. Varin skot: Julia Gantimorova 19.

'''Bikarmeisturunum fagnað við heimkomuna'''

Það var mikið um dýrðir á Básaskersbryggju þegar Herjólfur lagðist að bryggju rétt um klukkan 20.00 með nýkrýnda bikarmeistara ÍBV í kvennahandboltanum. Fjöldi manns var á bryggjunni og fagnaði stelpunum. Bæjarstjóri og forráðamenn íþróttahreyfingarinnar færðu þeim blóm og heillaóskir og að lokum var mikil flugeldasýning stelpunum til heiðurs. Þær fengu meðal annars blóm og heillaóskir frá Haukastelpum, andstæðingum þeirra í úrslitunum, og KA-sem vann karlabikarinn.

'''Að sigra í slökum leik er hefð góð'''

Aðalsteinn Eyjólfsson, þjálfari, var að stýra liði í fyrsta skipti í bikarúrslitum en virkaði þrátt fyrir það sallarólegur á hliðarlínunni. ''„Ég á kannski eftir að fá smá spennufall en ég var ferlega rólegur á meðan á leiknum stóð,"'' sagði Aðalsteinn í leikslok í samtali við Fréttir. Hann sagði undirbúning liðsins hafa verið góðan en vandamálið væri spennustig leikmanna. ''„Það var það eina sem ég hafði áhyggjur af og við hittum kannski ekki alveg á rétt spennustig í byrjun leiks. Leikmenn unnu sem einstaklingar og það boðar ekki gott en um leið og við fórum að vinna sem liðsheild og fórum að spila okkar bolta þá fór þetta að rúlla hjá okkur,"'' sagði Aðalsteinn og bætti við að Haukarnir ættu hrós skilið fyrir góðan leik. '',,Þær voru margar Haukastúlkurnar sem blómstruðu í dag og báru uppi liðið. Stelpur, sem ekki hafa sýnt mikið í vetur. Leikurinn þróaðist þannig að við hefðum getað klárað leikinn svona tíu sinnum í síðari hálfleik en það datt ekki alveg okkar megin."'' Aðalsteinn var ekki alls kostar sáttur við dómgæsluna í leiknum. ''„Hún var okkur alls ekki í hag og virkilegt ósamræmi í henni. Mér fannst leikurinn ekki fljóta nógu vel og margt óhagstætt Eyjaliðinu í þeim efnum."'' Aðalsteinn sagði að varnarleikurinn hafi ekki verið góður hjá ÍBV stóran hluta leiksins. „''Samt sem áður getur maður ekki verið annað en sáttur við að klára þetta og þá kemur gamla klisjan upp í hugann að sigra í slökum leik hlýtur að vera hefð góðra liða."''

'''Gat dottið báðum megin'''

Guðbjörg Guðmannsdóttir var kampakát í leikslok enda búin að sigra í sínum fyrsta bikarúrslitaleik. ''„Þetta var alveg rosalega gaman og með því skemmtilegra sem ég hef upplifað. Þetta var sigur þó þetta hafi ekki verið fallegasti leikur okkar í vetur. Þetta var spennuleikur eins og þeir gerast bestir og svona eiga bikarúrslitaleikir að vera. Þetta hefði í sjálfu sér getað dottið báðum megin en við tókum þetta í dag og það var frábært."''

'''Gáfu okkur aukastyrk á lokasprettinum'''

Alla Gorkorian var markahæst í Eyjaliðinu ásamt Sylviu Strass með níu mörk en hún var samt sem áður ekki sátt við sinn leik. „''Nei, ég er ekki ánægð með minn hlut í leiknum. Þetta gekk ekki nógu vel en okkur tókst að vinna og það skipti öllu. Við byrjuðum leikinn illa og það var mikið af mistökum, sendingar rötuðu ekki rétta leið og svo var dómgæslan alls ekki nógu góð."'' Alla sagði aftur á móti að liðið hafi sýnt mikinn karakter með því að klára leikinn. ''„Það var ekki síst frábærum stuðningi áhorfenda að þakka, þau voru frábær á pöllunum og gáfu okkur aukastyrk á lokasprettinum.''"

'''Skipti öllu að ná forystunni á lokakafla fyrri hálfleiks'''

Elísa Sigurðardóttir, fyrirliði IBV, tók við sínum fyrsta bikar og vonandi ekki þeim síðasta og var að sjálfsögðu himinlifandi með afrakstur dagsins. „''Við byrjuðum alveg rosalega illa en sýndum mikinn karakter með að komast yfir á lokakafla fyrri hálfleiks. Ég held að það hafi skipt rosalega miklu máli að vera með forystuna í hálfleik enda höfðum við verið undir allan leikinn fram að því. Ég er ekki viss um að okkur hefði tekist að vinna ef við hefðum ekki náð því."'' Elísa sagði leikinn hafa verið alveg dæmigerðan bikarúrslitaleik, spennustig leikmanna hátt og mikið af mistökum. „''Svo hélt vörnin ekki en þetta hafðist og það skiptir öllu. Leikurinn sjálfur skiptir ekki öllu, takmarkið var að vinna og hvernig við fórum að því skiptir ekki máli því við erum á leiðinni heim með bikarinn."''

=== '''Tveir mikilvægir heimasigrar''' ===
Karlalið ÍBV lék tvo leiki á heimavelli í lok febrúar, fyrst gegn Þór frá Akureyri en svo gegn Selfossi. Leikurinn gegn Þór var jafn til að byrja með en eftir tíu mínútna leik fór að draga í sundur með liðunum. Jafnt og þétt juku Eyjamenn við forskotið og staðan í hálfleik var 19-10. Eins og sjá má á markaskorun ÍBV í fyrri hálfleik var mikill hraði í leiknum, nokkuð sem heimamenn réðu vel við en gestirnir ekki. Í hálfleik var nánast skipt um lið, þeir sem byrjuðu á bekknum hjá ÍBV fengu tækifæri en það var ekki að sjá á leik liðsins þar sem enn dró í sundur með liðunum. Lokatölur urðu svo 43-21, 22 marka stórsigur Eyjamanna og skoruðu allir útileikmenn ÍBV nema einn. Mörk IBV: Robert Bognar 7, Josef Böse 7/1, Björgvin Rúnarsson 5, Sigurður Ari Stefánsson 5, Zoltan Belany 5/1, Guðfinnur Kristmannsson 4, Kári Kristjánsson 3, Michael Lauritsen 2, Erlingur Richardsson 2, Sindri Haraldsson 2, Sigurður Bragason 1. Varin skot: Jóhann Guðmundsson 16/1, Eyjólfur Hannesson 6.

Fyrir leikinn gegn Selfossi voru bæði lið ósigruð í 1.deild. Fyrstu mínúturnar voru gestirnir sterkari og komust m.a. tveimur mörkum yfir en smám saman náðu Eyjamenn að komast inn í leikinn. Undir lok fyrri hálfleiks fundu leikmenn ÍBV svo taktinn og skoruðu hvert markið á fætur öðru en sterkur varnarleikur og góð markvarsla skilaði liðinu mörgum hröðum sóknum. Staðan í hálfleik var 16-10. En Selfyssingar voru ekki af baki dottnir og með Eyjamanninn og þjálfara sinn, Sebastian Alexandersson í miklu stuði milli stanganna, tókst gestunum að minnka muninn niður í þrjú mörk strax í upphafi síðari hálfleiks og leikurinn galopinn að nýju. Liðin skiptust á að skora en undir lokin gáfust Selfyssingar hreinlega upp og Eyjamenn sigruðu með átta marka mun, 35-27. Mörk ÍBV: Rober Bognar 11, Sigurður Ari Stefánsson 7, Zoltan Belany 6, Josef Böse 3, Guðfinnur Kristmannsson 3, Björgvin Rúnarsson 3, Erlingur Richardsson 1, Sigurður Bragason 1. Varin skot: Jóhann Guðmundsson 20/1.

=== '''Jafntefli í deildarbikarnum''' ===
Karlalið ÍBV lék gegn Fram í deildarbikarnum en þetta var annar leikur Eyjamanna, áður hafði liðið sigrað Stjörnuna. Leikurinn gegn Fram fór fram í Egilshöll og það voru Eyjamenn sem skoruðu fyrsta markið. Það gerði Bjarnólfur Lárusson úr víti eftir að brotið hafði verið á Gunnari Heiðari Þorvaldssyni í vítateig Framara. En Framarar náðu að jafna fyrir leikhlé, úr vítaspyrnu og urðu það lokatölur leiksins, 1-1.

=== '''Basar í Týsheimilinu''' ===
Stelpurnar í fótboltanum hafa undanfarið efnt til basars í Týsheimilinu í anda Kolaportsins. Þar hafa þær boðið upp á ýmislegt sem þeim hefur verið gefið og líka hafa aðrir mætt með sitt dót og selt. Úrvalið er alveg ótrúlega mikið og margir hafa litið við og gert góð kaup.

=== '''Sigur og tap''' ===
Annar flokkur karla lék gegn jafnöldrum sínum úr Aftureldingu en Mosfellingar eru í efsta sæti B - riðils en flest liðin í riðlinum hafa leikið fleiri leiki en ÍBV. Eyjamenn fóru hins vegar illa að ráði sínu því það voru Mosfellingar sem voru sterkari og sigruðu með fjórum mörkum, 25- 29 en staðan í hálfleik var 10-15 gestunum í vil. Mörk ÍBV: Grétar Eyþórsson 9, Sindri Haraldsson 5, Leifur Jóhannesson 4, Magnús Sigurðsson 4, Jens Elíasson 2, Guðni Ingvarsson 1. Þriðji flokkur karla lék í lok febrúar gegn Þór frá Akureyri. Eyjamenn byrjuðu vel í leiknum og voru yfir í hálfleik 15-10. Þeir misstu hins vegar flugið í síðari hálfleik og gestirnir komust inn í leikinn en á lokakaflanum náðu Eyjamenn aftur taki á leiknum og lokatölur urðu 24-20. Mörk ÍBV: Baldvin Sigurbjörnsson 8, Guðni Ingvarsson 6, Grétar Eyþórsson 4, Hilmar Björnsson 3, Sævald Páll Hallgrímsson 3.

=== '''Tvö töp í Reykjavíkurmótinu''' ===
Kvennalið IBV í knattspyrnu lék tvo leiki gegn Val í Reykjavíkurmótinu síðustu helgina í febrúar og báðir leikirnir fóru fram í Egilshöll. Fyrri leikurinn, sem leikinn var á laugardag endaði með tveggja marka sigri Vals, 2-4 en mörk IBV skoruðu þær Olga Færseth og Margrét Lára Viðarsdóttir. Síðari leikurinn var hins vegar afleitur hjá Eyjastúlkum og lokatölur urðu 8-2 en Valur komst í 8-0. Aftur voru það Olga og Margrét Lára sem skoruðu fyrir ÍBV en ÍBV er neðst í efri deild Reykjavíkurmótsins eftir fjóra leiki og markatalan er fjórtán mörk í mínus.

== '''MARS:''' ==

=== '''4. flokkur karla''' ===
4. flokkur karla lék í síðasta fjölliðamóti sínu fyrstu helgina í mars í Framheimilinu. Strákarnir hafa verið að bæta sig jafnt og þétt í vetur undir stjórn Sigurðar Bragasonar, þjálfara síns sem hefur náð að skapa góða stemmningu á meðal strákanna. Nú er aðeins úrslitakeppnin eftir og verður hún leikin helgina 26.-28. mars. Úrslit helgarinnar voru annars þessi: ÍBV-Fram 25-28, ÍBV-Höttur 17- 16, ÍBV-Völsungur 17-17.

=== '''Stelpurnar virðast óstöðvandi''' ===
Kvennalið ÍBV heldur áfram sigurgöngu sinni í handboltanum en í byrjun mars lék liðið tvo leiki, á útivelli gegn Haukum og heima gegn KA/Þór, og sigruðu stelpurnar í báðum leikjunum. Í leiknum gegn Haukum var gríðarlegur hraði en að sama skapi var varnarleikur beggja ekki merkilegur. ÍBV byrjaði betur og voru stelpurnar einu til tveimur mörkum yfir framan af. Um miðjan fyrri hálfleik komust Haukar hins vegar yfir, 9-8 en þá tóku leikmenn ÍBV aftur við sér og náðu þægilegu forskoti fyrir hálfleik, 14-18. Í upphafi síðari hálfleiks var jafnræði með liðunum en um leið og varnarleikurinn hjá IBV lagaðist, dró aftur í sundur með liðunum. Lokatölur leiksins urðu 39-34. Mörk ÍBV: Anna Yakova 10, Birgit Engl 7, Sylvia Strass 6/2, Alla Gokorian 5, Guðbjörg Guðmannsdóttir 4, Anja Nielsen 3, Þórsteina Sigurbjörnsdóttir 2, Edda Eggertsdóttir 1, Nína K. Björnsdóttir 1. Varin skot: Julia Gantimorova 17/1.

Nokkrum dögum síðar léku Eyjastúlkur svo gegn sameiginlegu liðið KA og Þórs frá Akureyri en staða liðanna í deildinni varð til þess að flestir áttu von á mjög auðveldum sigri ÍBV. Sú varð raunin en varamenn IBV léku lengst af í leiknum og skiluðu sínu hlutverki mjög vel. Þeir leikmenn sem spila mest fyrir ÍBV byrjuðu leikinn og náðu góðu forskoti á fyrstu tíu mínútum leiksins. Eftir það var komið að varamönnum IBV að spila en þrátt fyrir það voru Eyjastúlkur mun betri. Þórsteina Sigurbjörnsdóttir fór hamförum í vinstra horninu og sýndi það og sannaði að þar er á ferðinni ein efnilegasta handknattleikskona landsins. Þá kom Edda Eggertsdóttir einnig sterk inn í lið IBV, lék flestar stöður og leysti það vel. Ester Óskarsdóttir átti einnig góða spretti og athyglisvert að fylgjast með henni í framtíðinni. Allir leikmenn liðsins nema einn skoruðu í leiknum, meira segja Julia Gantimorova, markvörður ÍBV skoraði yfir allan völlinn. Lokatölur leiksins urðu 38-25 en staðan í hálfleik var 21 -9. Eftir þessa leiki er ÍBV komið með aðra höndina á deildarmeistaratitilinn. Mörk IBV: Þórsteina Sigurbjörnsdóttir 8, Edda Eggertsdóttir 6/1, Birgit Engl 6, Ester Óskarsdóttir 4/1, Anna Yakova 3, Guðbjörg Guðmannsdóttir 2, Sylvia Strass 2, Aníta Ýr Eyþórsdóttir 2, Nína K. Björnsdóttir 2/1, Alla Gokorian 1, Hildur G. Jónsdóttir 1, Julia Gantimorova 1.

=== '''Í efsta sæti í deildinni''' ===
Karlalið ÍBV hefur verið á mikilli siglingu eftir áramót og hefur ekki enn tapað leik. Eyjamenn léku tvo leiki fyrstu vikuna í mars, fyrst var tekið á móti FH-ingum og svo léku strákarnir á útivelli gegn Aftureldingu. Leikurinn gegn FH var harður, mikið barist en oft á tíðum fór minna fyrir handboltanum. Eyjamenn voru sterkari þegar leið á fyrri hálfleik og í leikhléi var staðan 18-13 fyrir ÍBV. En Hafnfirðingar börðust mjög vel í síðari hálfleik og náðu smám saman að minnka muninn. Kaflaskipti urðu í leiknum um miðjan síðari hálfleik þegar Amar Pétursson, fékk sína þriðju brottvísun en við það efldust gestirnir frekar en hitt. Eyjamenn sigruðu hins vegar eftir spennandi lokamínútur, lokatölur 33-29. Mörk ÍBV: Josef Böse 8/1, Robert Bognar 8, Sigurður Bragason 5, Sigurður Ari Stefánsson 4, Erlingur Richardsson 3, Zoltán Belany 2/1, Guðfinnur Kristmannsson 2, Michael Lauritsen 1. Varin skot: Jóhann Guðmundsson 21.

ÍBV spilaði gegn Aftureldingu þremur dögum síðar. Leikurinn var jafn til að byrja með en síðustu tíu mínútur í fyrri hálfleik náðu Eyjamenn upp góðum varnarleik og í kjölfarið komu nokkur hraðaupphlaup sem nýttust vel. Staðan í hálfleik var 8-14. Síðari hálfleikur var á allt öðrum nótum en sá fyrri og augljóst að Eyjamenn voru komnir á bragðið. Þeir skoruðu hvert markið á fætur öðru, mörg hver úr hraðaupphlaupum eftir að hafa unnið boltann í vörn og þá var Jóhann Guðmundsson í banastuði í markinu. Mestur varð munurinn tólf mörk, 13-25 en leikurinn endaði með ellefu marka sigri ÍBV, 20-31. Eins og áður sagði var Jóhann Guðmundsson að verja mjög vel í marki ÍBV en alls varði hann 28 skot, þar af tvö víti. Mörk IBV: Guðfinnur Kristmannsson 6, Robert Bognar 5, Michael Lauritsen 5, Sigurður Ari Stefánsson 5, Björgvin Þór Rúnarsson 3, Zoltan Belany 3, Ríkharð Guðmundsson 2, Sindri Haraldsson 1, Sigurður Bragason 1. Varin skot: Jóhann Guðmundsson 28/2, Eyjólfur Hannesson 2.

=== '''Endar ná ekki saman''' ===
Kostnaðurinn sem fylgir þátttöku í Áskorendakeppninni í handboltanum gríðarlegur og hleypur hann á annarri milljón fyrir hverja umferð. Eyjastúlkur hafa nú farið í gegnum þrjár umferðir og ef dæmið er einfaldað þá ætti kostnaðurinn að vera í kringum fimm milljónir. Hlynur Sigmarsson, formaður handknattleiksráðs kvenna segir að innkoma á leikina hafi ekki verið eins góð og menn höfðu vonast til, þó að stemmningin hefði verið óaðfinnanleg. ''„Maður er kannski alltaf að vonast eftir að fleiri mæti, sama hversu margir koma. Við finnum fyrir miklum stuðningi við liðið en fólk verður að átta sig á því að þetta gerist ekki af sjálfu sér. Við Eyjamenn verðum að leggjast á eitt ef við viljum ná árangri. Núna eru góðir menn að vinna með okkur í að afla fjár og við bindum miklar vonir við þá. En það vantar enn töluvert upp á að endar nái saman"'' segir Hlynur. ''„En með þessu er ég ekki að gera lítið úr þeim sem að vora á leiknum og ég er viss um að án þeirra hefði liðið aldrei komist áfram. En til að við getum spilað heimaleikinn okkar í Eyjum í næstu umferð verðum við að fá 1.000 manns og það verður takmarkið. Með samstilltu átaki tekst okkur Eyjamönnum það."''

=== '''Glæsilegasti árangur íslensks handboltaliðs''' ===
Eyjastúlkur mættu króatíska liðinu Brodosplit Vranjic í byrjun mars og unnu samanlagt 60-58. Leikið var á laugardag og sunnudag. Það var fyrst og fremst frábær frammistaða liðsins í fyrri leiknum sem varð þess valdandi að ÍBV er nú í pottinum í undanúrslitum. Þá sigruðu Eyjastúlkur með ellefu marka mun og var sigurinn síst of stór. Fyrri leikur liðanna var mjög góður af hálfu Eyjastúlkna en eftir jafnar upphafsmínútur tóku þær öll völd á vellinum og hreinlega yfirspiluðu gestina. Króatarnir voru ekki sáttir við sinn leik, kenndu ferðaþreytu um enda hafði liðið ferðast í tæpan sólarhring fyrir leikinn. Það verður hins vegar ekki tekið af leikmönnum ÍBV að þær léku mjög vel og fremstar í flokki voru þær Julia Gantimorova í markinu sem varði 26 skot og Birgit Engl sem skoraði níu mörk og var sterk í hjarta varnarinnar. Lokatölur leiksins urðu 37-26 en staðan í hálfleik var 18-12. Mörk ÍBV: Birgit Engl 9, Guðbjörg Guðmannsdóttir 7, Sylvia Strass 6, Anna Yakova 6, Alla Gokorian 5/1, Anja Nielsen 3, Þórsteina Sigurbjörnsdóttir 1. Varin skot: Julia Gantimorova 26.

Leikirnir tveir voru hins vegar eins og svart og hvítt því í síðari leiknum voru það gestirnir sem voru mun sterkari. Flestir voru á því að ÍBV væri komið áfram í undanúrslit eftir fyrri leikinn enda ekki á hverjum degi sem ÍBV tapar á heimavelli. En annað kom á daginn. Leikurinn var afar erfiður fyrir ÍBV, króatíska liðið náði mest tíu marka forystu en komst ekki lengra. Lokatölur urðu 32-23, níu marka sigur Brodosplit Vranjic sem þýddi að IBV var komið áfram. Leikmenn IBV virtust ekki mæta með réttu hugarfari í leikinn, höfðu ekki stórar áhyggjur í upphafi leiks þegar skotin rötuðu ekki rétta leið. Þegar þær lentu 6 til 7 mörkum undir fór ÍBV að leika varfærnislega, í stað þess að leika sinn leik. Það var ekki fyrr en undir lokin að stuðningsmenn könnuðust við leik liðsins. Þá keyrðu Eyjastúlkur upp hraðann og í raun skiptir ekki máli hvernig Eyjastúlkur léku í leiknum, IBV er komið áfram í undanúrslit. Mörk ÍBV: Anna Yakova 9/3, Sylvia Strass 6/1, Guðbjörg Guðmannsdóttir 5, Alla Gorkorian 2, Anja Nielsen 1.

'''Langar til Þýskalands''' Aðalsteinn Eyjólfsson var uppgefinn og raddlaus eftir síðari leik. ''„Það fóru margar hugsanir í gegnum hausinn á mér í síðari hálfleik, ekki síst þegar þær náðu muninum í tíu mörk. Það mátti ekki miklu muna,"'' sagði Aðalsteinn. ''„Við vorum ekki nógu einbeitt, Það vantaði græðgina og viljann til að skora í dag og liðið small einfaldlega ekki saman í dag. Taugarnar voru á köflum þandar til hins ýtrasta en við náðum að snúa spennunni upp í gleði seint í leiknum, skoruðum mikilvæg mörk og komum okkur áfram í þessari keppni. Ég er í raun jafn óánægður með leikinn og ég var ánægður með leikinn í gær en þar vorum við að spila virkilega vel,"'' sagði Aðalsteinn en á hann sér einhverja óskamótherja? ''„Ég hef lengi sagt að mig langar til Þýskalands. Það eru þrjú þýsk lið ennþá í keppninni og það væri gaman að komast í vöggu handboltans í Evrópu."''

'''Áttum von á minni mótspyrnu''' Eftir leikina var haldið hóf í Týsheimilinu þar sem formaður bæjarráðs, Andrés Sigmundsson, afhenti forráðamönnum Brodosplit Vranjic og dómurum leiksins bækur með ljósmyndum af Vestmannaeyjum. Þá tók til máls einn af forráðamönnum króatíska liðsins og í máli hans kom m.a. fram að þeir hafi átt von á mun minni mótspyrnu frá IBV. „''Við töldum okkur heppna þegar við drógumst gegn ÍBV, litlu liði frá lítilli eyju við suðurströnd Íslands. En svo sjáum við núna að hér er vel staðið að málum, öflugt lið og áhorfendur sem styðja vel við bakið á sínu liði. Við erum jafnframt þakklát fyrir þær móttökur og velvilja sem okkur var sýndur hér og vonum að ÍBV vegni vel í keppninni."'' Rogny Nenad aðstoðarþjálfari króatíska liðsins sagði í leikslok að sínar stúlkur hafi tapað fyrri viðureigninni vegna ferðaþreytu. „''Það verður aftur á móti ekki tekið af Vestmannaeyjaliðinu að þar fer gott og reynslumikið lið sem spilar vörnina mjög stíft og ákveðið. Úrslitin hefðu orðið önnur ef við hefðum komið degi fyrr. Við óskum ykkur góðs gengis í undanúrslitum."''

=== '''Mikilvægir sigrar''' ===
ÍBV tók á móti Víkingum í toppslag 1. deildar. Leikurinn var kaflaskiptur, Víkingar voru mun sterkari í 45 mínútur en þá hrökk allt í baklás hjá þeim, Eyjamenn gengu á lagið og sigruðu 35-31 en í leikhléi var staðan 21 – l6 fyrir gestina. Það var ekki fyrr en um miðjan síðari hálfleikinn að Robert Bognar jafnaði fyrir ÍBV, 25-25. Við það var eins og allar flóðgáttir hafi opnast, Eyjamenn bættu við sex mörkum í viðbót án þess að Víkingar næðu að svara fyrir sig og staðan allt í einu orðin 31-25 fyrir ÍBV. Eyjamenn spiluðu svo skynsamlega á lokakaflanum, hægðu á leiknum, héldu Víkingum í öruggri fjarlægð og sigruðu 35-31. Mörk ÍBV: Robert Bognar 9, Sigurður Ari Stefánsson 7, Sigurður Bragason 6, Zoltan Belany 5/2, Josef Böse 2/1, Erlingur Richardsson 2, Björgvin Rúnarsson 2, Michael Lauritsen 1 og Guðfinnur Kristmannsson 1. Varin skot: Jóhann Guðmundson 19.

Eyjamenn léku svo gegn Þór frá Akureyri fyrir norðan. Leikurinn fór vel af stað fyrir ÍBV og fljótlega náðu Eyjamenn undirtökunum en staðan í hálfleik var 10-17 fyrir Eyjamenn. Í upphafi síðari hálfleiks kom upp kæruleysi í leik Eyjamanna, heimamenn náðu að minnka muninn en náðu aldrei að jafna og Eyjamenn sigu aftur fram úr, lokatölur urðu 26-30. Mörk IBV: Zoltan Belany 10, Sigurður Ari Stefánsson 5, Erlingur Richardsson 5, Björgvin Þór Rúnarsson 3, Robert Bognar 3, Sigurður Bragason 2, Guðfinnur Kristmannsson 2. Varin skot: Jóhann Guðmundson 23.

=== '''Margrét Lára með þrennu í annað sinn''' ===
Þær Margrét Lára Viðarsdóttir og Olga Færseth léku með íslenska kvennalandsliðinu gegn Skotlandi. Leikurinn fór fram í Egilshöll og er um leið fyrsti A-landsleikurinn sem fram fer innandyra hér á landi. Báðar voru í byrjunarliðinu og óhætt er að segja að Margrét Lára hafi minnt hressilega á sig. Þessi 18 ára gamla knattspyrnukona skoraði þrennu í leiknum og það sem meira er, þetta er önnur þrennan sem hún skorar með landsliðinu. Nú hefur Margrét leikið sex leiki með A-landsliðinu og hefur skorað átta mörk. Þar með er hún orðin næst markahæsti leikmaður liðsins frá upphafi en aðeins þær Ásthildur Helgadóttir og Olga Færseth hafa skorað fleiri mörk. Og það sem meira er, enginn annar Íslendingur hefur áður skorað tvær þrennur með íslenska A-landsliðinu, hvorki í karla né kvennaknattspyrnunni. Þá má geta þess að aðeins er tæpt ár síðan að Margrét lék sinn fyrsta A-landsleik.

=== '''Fyrsta tap stelpnanna á heimavelli''' ===
ÍBV tapaði sínum fyrsta heimaleik í deildarkeppninni þegar Stjarnan kom í heimsókn. Það mátti merkja það á leik ÍBV strax frá upphafsmínútunni að stelpurnar hafa leikið tvo erfiða Evrópuleiki enda virkuðu leikmenn þungir og jafnvel áhugalausir. Stjörnustúlkur nýttu sér þetta og voru allan tímann yfir ef frá er talið upphaf leiksins en mestur varð munurinn fjögur mörk, 12-16. Eyjólfur Aðalsteinsson hefur greinilega haft sitthvað að segja við lærisveina sína því Eyjastúlkur mættu með allt öðru hugarfari í síðari hálfleik og úr varð spennandi viðureign. Um miðjan hálfleikinn jafnaði Guðbjörg Guðmannsdóttir 26-26 og eftir það skiptust liðin á að skora. Undir lok leiksins komust gestirnir hins vegar aftur tveimur mörkum yfir, 33-35 og það bil náðu heimastúlkur ekki að brúa nema hálfa leið og niðurstaðan því eins marks tap IBV á heimavelli, 34-35. Mörk ÍBV: Anna Yakova 10/3, Sylvia Strass 6, Guðbjörg Guð- mannsdóttir 6, Birgit Engl 4, Nína K. Björnsdóttir 3, Edda Eggertsdóttir 2, Anja Nielsen 2, Þórsteina Sigurbjörnsdóttir 1. Varin skot: Julia Gantimorova 12/1

=== '''Sigur og tap gegn Breiðabliki''' ===
Stelpurnar í fótboltanum léku tvo síðustu leiki sína í Reykjavíkurmótinu gegn Breiðabliki. Fyrri leikur liðanna fór fram sama dag og landsleikur Íslands og Skotlands og vantaði því leikmenn í bæði lið. Aðeins eitt mark skildi liðin að, það skoruðu Eyjastúlkur og unnu þar með sinn fyrsta leik í mótinu. Daginn eftir léku liðin svo aftur og í þetta sinn höfðu Blikastúlkur betur, lokatölur urðu 4-2.

=== '''Naumt tap fyrir FH''' ===
ÍBV lék í deildarbikarnum gegn FH og fór leikurinn fram Egilshöll. Liðin leika í efri deild, B-riðli. Atli Jóhannsson byrjaði á því að koma ÍBV yfir á átjándu mínútu en FH-ingar jöfnuðu fimmtán mínútum síðar og var staðan í leikhléi 1-1. Í síðari hálfleik skoruðu Hafnfirðingar tvívegis áður en Andri Ólafsson minnkaði muninn þremur mínútum fyrir leikslok og þar við sat. Lokatölur urðu því 3-2 fyrir FH en Eyjamenn eru í fimmta sæti en átta lið eru í riðlinum.

=== '''Shell og ÍBV gera nýjan samning''' ===
Um miðjan mars undirrituðu Gunnar Karl Guðmundsson, forstjóri Skeljungs og Óskar Freyr Brynjarsson formaður ÍBV íþróttafélags, nýjan þriggja ára samning um áframhaldandi samstarf Skeljungs og ÍBV íþróttafélags um Shellmót í Eyjum. Shellmótið hefur unnið sér sess sem hápunktur knattspyrnunnar hjá 6. flokki drengja um allt land. Shellmótið hefur verið haldið síðan 1991 og því er mótið í ár hið fjórtánda í röðinni en áður var mótið kennt við Tomma. Um eitt hundrað knattspyrnulið alls staðar að af landinu koma til Vestmannaeyja í lok júní ár hvert til að taka þátt í Shellmótinu og lætur nærri að með aðstandendum og öðru fylgdarliði komi hátt í þrjú þúsund manns til Eyja á ári hverju í tengslum við mótið. Óskar Freyr sagði að samstarfið við Skeljung hefði verið mjög gott í gegnum árin. Gunnar Karl upplýsti að hann hefði í fyrsta skipti í fyrra komið á mótið sem gestur og þegar hann sá hversu glæsilega var staðið að þessu var ekki spurning í hans huga að hann vildi að Skeljungur héldi áfram að vera samstarfsaðili ÍBV í þessu móti.

=== '''Deildarmeistaratitillinn í höfn''' ===
Á sjö dögum í mars lék lið ÍBV fjóra leiki en til að tryggja sér sigur í deildarkeppninni vantaði fjögur stig upp á. Vikan fór ekki vel af stað, eftir tap gegn Stjörnunni á heimavelli kom annar tapleikurinn í röð gegn Gróttu/KR og tækifærunum til að tryggja sér deildarmeistaratitilinn fækkaði. En tveir sigurleikir gegn Fram gerðu það að verkum að ÍBV er deildarmeistari 2004. Leikurinn gegn Gróttu/KR olli vonbrigðum þar sem Eyjastúlkur stilltu upp sterku liði, aðeins Alla Gorkorian var hvíld. Það var hins vegar augljóst að leikmenn liðsins voru þreyttir og áhuginn fyrir deildarkeppninni í lágmarki. Álagið á lið ÍBV hefur verið vægast sagt mjög mikið, sjö leikir á tíu dögum og þar af tveir erfiðir leikir í Evrópukeppninni er líklega meira en flest lið myndu ráða við. En lokatölur í leik ÍBV og Gróttu/KR urðu 27-28 eftir að staðan í hálfleik hafði verið 13-16. Eins og við var að búast voru leikirnir gegn Fram aðeins formsatriði enda Safamýrarliðið neðst í deildinni með aðeins eitt stig. Eyjastúlkur sýndu engan glansleik, fóru rólega af stað og unnu svo leikina í síðari hálfleik. Lokatölur í fyrri leiknum urðu 27- 39 en í síðari leiknum varð niðurstaðan tíu marka sigur ÍBV, 19-29. Ástæðan fyrir því að liðin léku tvívegis er að síðari leikurinn var hluti af þriðju umferð Íslandsmótsins. Liðið lék svo gegn FH, efsta sætið í deildinni var tryggt og því notaði Aðalsteinn Eyjólfsson, þjálfari ÍBV tækifærið og gaf varamönnum liðsins enn meira tækifæri en í undanförnum leikjum. Byrjunarlið ÍBV var frábrugðið því sem sést hefur í liðinu mátti m.a. finna fjóra hornamenn og var Anja Nielsen t.d. í skyttuhlutverki og Þórsteina Sigurbjörnsdóttir var í hlutverki leikstjórnanda. Sóknarleikur ÍBV var ekki burðugur framan af og gestirnir náðu strax góðu forskoti en staðan í hálfleik var 9-22. Í síðari hálfleik var svo komið að varamönnum FH að fá tækifæri og við það snerist leikurinn ÍBV í hag, það er Eyjastúlkur unnu seinni hálfleikinn 17-11 en það dugði ekki til og lokatölur leiksins urðu 26-33. Þrír bestu leikmenn ÍBV í vetur, þær Anna Yakova, Alla Gokorian og Sylvia Strass léku ekkert í leiknum og Birgit Engl og Julia Gantimorova léku ekki mikið. Tölfræði vikunnar ÍBV-Grótta/KR; Sylvia Strass 9/5, Alla Gokorian 7/1, Birgit Engl 4, Guðbjörg Guð- mannsdóttir 4, Nína K. Björnsdóttir 2, Edda Eggertsdóttir 1. Varin skot: Julia Gantimorova 17 Fram-ÍBV Birgit Engl 11, Anna Yakova 11, Alla Gokorian 4, Nína K. Björnsdóttir 3, Anja Nielsen 2, Þórsteina Sigurbjörnsdóttir 2, Guðbjörg Guð- mannsdóttir 2, Ester Óskarsdóttir 1, Sylvia Strass 1, Aníta Ýr Eyþórsdóttir 1, Edda Eggertsdóttir 1.

Fram-ÍBV Anna Yakova 12, Nína K. Björnsdóttir 6, Guðbjörg Guðmannsdóttir 3, Birgit Engl 3, Sylvia Strass 2, Aníta Ýr Eyþórsdóttir 2, Birna Þórsdóttir 1.

ÍBV-FH; Nína K. Björnsdóttir 7/3, Þórsteina Sigurbjörnsdóttir 5, Aníta Ýr Eyþórsdóttir 4, Guðbjörg Guðmannsdóttir 3, Ester Óskarsdóttir 2, Anja Nielsen 2, Edda Eggertsdóttir 2. Varin skot: Birna Þórsdóttir 6, Julia Gantimorova 5.

=== '''Tvö töp''' ===
Karlalið ÍBV Í knattspyrnu lék tvo leiki í deildarbikarnum, fyrst gegn Þrótti og svo gegn Keflavík. Fyrri leikurinn fór vel af stað hjá Eyjamönnum og var staðan orðin 0-2 fyrir þá strax í upphafi leiks. En Þróttarar voru ekki af baki dottnir, minnkuðu muninn fljótlega eftir það en Einar Hlöðver Sigurðsson skoraði síðasta mark fyrri hálfleiks og staðan því 1-3 fyrir ÍBV þegar liðin gengu til búningsherbergja. Síðari hálfleikur var hins vegar afar illa leikinn af hálfu ÍBV, Þróttarar börðust hins vegar eins og ljón og uppskáru sigur, 4-3. Mörk ÍBV: Bjarni Rúnar Einarsson, Pétur Runólfsson og Einar Hlöðver Sigurðsson. Leikurinn gegn Keflavík var á öðrum nótum en Keflvíkingar komust yfir strax í upphafi leiks og bættu við öðru fyrir leikhlé. Seinni hálfleikur var mun betri hjá IBV og fljótlega náðu þeir að minnka muninn í eitt mark. En lengra komust þeir ekki og lokatölur urðu því 2-l fyrir Keflavík.

=== '''Fyrsti leikur Halldórs''' ===
Halldór Sævar Grímsson, ungur og efnilegur markvörður, lék sína fyrstu leiki fyrir meistaraflokki IBV í handknattleik um miðjan mars. Hann var í leikmannahópi ÍBV gegn Selfyssingum og kom inn á þar. Hann spilaði svo síðasta stundarfjórðunginn gegn Breiðablik og stóð sig vel, varði fjögur skot en Halldór er nítján ára gamall.

=== '''Vænleg staða í deildinni''' ===
Eyjamenn færðust nær sigri í 1. deild með tveimur sigrum, annars vegar voru Selfyssingar lagðir á Selfossi og hins vegar unnu Eyjamenn auðveldan sigur á Breiðabliki á heimavelli. Nú er staðan þannig að ÍBV dugir sigur í öðrum af tveimur lokaleikjum deildarinnar. Leikurinn gegn Selfyssingum var vel leikinn af hálfu ÍBV og fljótlega náðu Eyjamenn yfirhöndinni. Staðan í hálfleik var 15-21 fyrir ÍBV og ljóst hvoru megin sigurinn endaði. Síðari hálfleikur var svo í rólegri kantinum hjá Eyjamönnum og endaði leikurinn með átta marka sigri ÍBV, 26-34.

Strákarnir tóku svo á móti Breiðabliki en gestirnir hafa ekki náð að landa sigri eftir áramót. Leikurinn fór frekar rólega af stað, Eyjamenn léku ekki nema á hálfum hraða til að byrja með og því var jafnræði í byrjun. Það duldist hins vegar engum hvort liðið var sterkara og auk þess mættu gestirnir með aðeins níu leikmenn, tvo varamenn og var annar þeirra markmaður. Smám saman fór hins vegar að draga í sundur með liðunum og í hálfleik var staðan 21-13. Lokatölur urðu svo 42-27 og breytti engu að varamenn IBV luku leiknum. Mörk ÍBV: Davíð Óskarsson 8/2, Sigurður Ari Stefánsson 8, Robert Bognar 5, Erlingur Richardsson 4, Zoltan Belany 4, Michael Lauritsen 3, Sindri Haraldsson 3, Kári Kristjánsson 3, Guðfinnur Kristmannsson 2, Ríkharður Guðmundsson 1, Björgvin Þór Rúnarsson 1.

=== '''Leikmannamál að skýrast''' ===
Seinni hluta marsmánaðar var gengið frá samningum við tvo erlenda leikmenn sem munu spila með karlaliði ÍBV í knattspyrnu næsta sumar. Annars vegar Bandaríkjamanninn Mark Schulte og hins vegar við enska leikmanninn Ian Jeffs. Jeffs lék með IBV síðasta sumar, var þá á lánssamningi frá Crewe en mun ekki fá nýjan samning hjá félaginu og ákvað því að ganga í raðir IBV. Síðasta sumar lék hann sextán leiki með ÍBV í Landsbankadeildinni, skoraði fjögur mörk með liðinu en eitt af þeim var reyndar sjálfsmark. Mark Schulte var hins vegar til reynslu hjá ÍBV fyrr í mánuðinum og lék þá æfingaleik gegn Val. Hann er hávaxinn varnarmaður sem lék áður með bandaríska liðinu Minnesota Thunder.

=== '''Enduðu á sigri''' ===
Kvennalið ÍBV í handbolta lék tvo leiki síðustu vikuna í mars, fyrsti andstæðingur stelpnanna var Víkingur í Reykjavík, þar sem Aðalsteinn Eyjólfsson hvíldi lykilmenn. Anna Yakova og Alla Gorkorian voru ekki einu sinni í leikmannahópnum og fyrir vikið voru Eyjastúlkur dálítið lengi að ná áttum á vellinum og lokatölur urðu 28-23 Víkingum í vil Fyrri hálfleikur var afar slakur af hálfu ÍBV á meðan Víkingar léku mjög vel. Þær spiluðu mjög grimman varnarleik sem leikmenn IBV áttu ekkert svar við. Víkingar náðu strax forystunni í leiknum og jafnt og þétt jókst bilið á milli liðanna. Þegar leikmenn gengu svo til leikhlés var munurinn orðinn tíu mörk, 18-8 fyrir Víkinga. Leikmenn ÍBV mættu hins vegar mun ákveðnari í síðari hálfleik og eftir tíu mínútna leik var munurinn kominn niður í sex mörk. Julia Gantimorova var í miklu stuði og hélt áfram að verja vel í síðari hálfleik. Þegar um tíu mínútur voru eftir var munurinn kominn niður í tvö mörk. En þá var eins og orkan væri búin, Víkingar gengu á lagið og juku muninn í fimm mörk áður en yfir lauk. Mörk ÍBV: Sylvia Strass 8, Birgit Engl 6, Guðbjörg Guðmannsdóttir 2, Edda Eggertsdóttir 2, Ester Oskarsdóttir 1, Anja Nielsen 1, Nína K. Björnsdóttir 1. Varin skot: Julia Gantimorova 23/3

Í síðasta leik í deildarkeppninni gegn Haukum var öllu tjaldað til og engin hvíldur en niðurstaðan varð líka öruggur, ellefu marka sigur ÍBV, 33- 22. Haukar komust strax tveimur mörkum yfir en þá tóku Eyjastúlkur öll völd á vellinum, breyttu stöðunni úr 1-3 í 14- 4, þrettán mörk gegn aðeins einu marki gestanna. Það var því ljóst þegar fyrri hálfleikur var rétt hálfnaður hvoru megin sigurinn endaði. Eftir þetta slökuðu leikmenn ÍBV á og staðan í hálfleik var 17-8 fyrir ÍBV. Í síðari hálfleik fengu svo varamenn IBV að spreyta sig en það kom ekki að sök. Aðalsteinn Eyjólfsson sagði í samtali við Fréttir eftir leikinn að nú væri komið að kaflaskiptum hjá ÍBV. ''„Þetta hefur verið langur mánuður, mikið álag og fyrir vikið hef ég hvílt lykilmenn í undanförnum leikjum. Það var nauðsynlegt fyrir okkur því næsti mánuður verður ekki síður strembinn, úrslit í Íslandsmótinu og svo undanúrslit í Evrópukeppninni. En engu að síður var mjög ljúft að vinna leikinn í dag, ég var ánægður með margt í leik liðsins og óánægður með annað sem sýnir að við getum enn bætt okkar leik. Núna fáum við smá pásu, fjóra daga og það verður gott fyrir okkur að fá loksins almennilega æfingu þar sem við getum fínpússað okkar leik fyrir átökin við KA/Þór í átta liða úrslitum,"'' sagði Aðalsteinn. Mörk ÍBV: Anna Yakova 11/5, Alla Gokorian 7, Birgit Engl 5, Elísa Sigurðardóttir 3, Þórsteina Sigurbjörnsdóttir 3, Anja Nielsen 2, Ester Óskarsdóttir 1, Sylvia Strass 1. Varin skot: Julia Gantimorova 27.

=== '''Spilað heima og heiman gegn Nurnberg''' ===
Áætlanir voru uppi um að hjá forráðamönnum ÍBV að selja heimaleikjaréttinn í Áskorendakeppninni enda höfðu forráðamenn þýska liðsins Nurnberg gert ÍBV tilboð þess efnis. Í lok mars var hins vegar tekin ákvörðun um að leika heima og heiman en útileikurinn verður 17. apríl og heimaleikurinn verður svo laugardaginn 24. apríl. Hlynur Sigmarsson, formaður handknattleiksráðs kvenna, segir að þetta hafi tekist með hjálp góðra manna og Vestmanneyjabæjar. ,,Ég vil sérstaklega nefna alþingismennina Guðjón Hjörleifsson og Lúðvík Bergvinsson sem reyndust okkur vel í að landa þessu. Það hefði verið neyðarbrauð að selja heimaleikinn og gert möguleika okkar á að komast í úrslitaleikinn litla. Með því að leika heima og heiman tel ég að allt sé opið því við erum að tefla fram einu sterkasta kvennaliði sem Ísland hefur átt í kvennahandboltanum og stelpurnar hafa aldrei verið betri en þegar mest ríður á," sagði Hlynur.

=== '''Markasúpa í toppbaráttunni''' ===
Eyjamenn sóttu FH-inga heim í lok mars en um var að ræða toppslag í 1. deild þar sem liðin eru í fyrsta og öðru sæti deildarinnar. FH-ingar þurftu nauðsynlega á sigri að halda til að halda í vonina um efsta sætið en með sigri gátu Eyjamenn tryggt sér sigur í deildinni. Það kom þó ekki til þess, Hafnfirðingar sigruðu nokkuð sannfærandi, 43 - 37 og halda því enn í vonina. FH mættu mun ákveðnari til leiks á meðan leikmenn ÍBV virtust vera full afslappaðir. Varnarleikur og markvarsla var eitthvað sem virtist ekki ætla flækjast fyrir Eyjamönnum þetta kvöld því FH-ingar áttu yfirleitt greiða leið að marki ÍBV og skoruðu hvorki fleiri né færri en 24 mörk í fyrri hálfleik. Það var Eyjamönnum til happs að FH-ingar vora ekki heldur að spila vel í vörn, ekki í fyrri hálfleik í það minnsta þannig að munurinn í hálfleik var aðeins fjögur mörk, 24-20. Markaregnið hélt áfram í síðari hálfleik en Eyjamenn náðu að hanga fjórum til fimm mörkum á eftir heimaliðinu. Í lokin leit út fyrir að FH-ingar ætluðu að stinga af þegar þeir komust sjö mörkum yfir en Eyjamenn náðu að minnka muninn aftur niður í fimm mörk áður en yfir lauk. IBV dugir enn að sigra aðeins einu sinni enn til að tryggja sér efsta sætið í 1. deild. ÍB V. Mörk ÍBV: Josep Böse 6, Robert Bognar 6, Zoltan Belanyi 6, Sigurður Ari Stefánsson 4, Davíð Þór Óskarsson 4, Erlingur Richardsson 4, Sigurður Bragason 4, Michael Lauritsen 2, Guðfinnur Kristmannsson 1.

=== '''Markmaður til ÍBV''' ===
Forráðamenn ÍBV samið við Hrafn Davíðsson. Hrafn hefur spilað 4 leiki með U-19 landsliði Íslands. Hann er tvítugur að aldri og kemur í stað Igors Bjama Kostic, sem hélt til Færeyja, þar sem hann mun spila í sumar.

== '''APRÍL:''' ==

=== '''Sara kölluð í U-19 ára landsliðið''' ===
Íslenska kvennalandsliðið skipað leikmönnum 19 ára og yngri leikur í milliriðli Evrópumótsins um miðjan mánuðinn en riðillinn verður leikinn í Póllandi. Margrét Lára Viðarsdóttir var eini leikmaður ÍBV sem komst í átján manna lokahópinn en nú hefur Sara Sigurlásdóttir verið kölluð inn í hópinn. Kolbrún Steinþórsdóttir, leikmaður Breiðabliks meiddist og kemst ekki með liðinu og var því kallað á Söru sem að sjálfsögðu á heima í U-19 ára landsliði Íslands.

=== '''Góð æfingaferð - segir Magnús Gylfason þjálfari meistaraflokks karla í knattspyrnu''' ===
Karlalið IBV var í síðustu viku í æfingaferð í Portúgal og dvöldu þar í viku. Auk þess að æfa við góðar aðstæður, tvisvar á dag, léku Eyjamenn þrjá æfingaleiki. Fyrst var leikið gegn Leiftri/Dalvík þar sem IBV hafði sigur, svo var leikur gegn portúgölsku liði sem endaði með jafntefli og síðasti leikurinn var gegn norska liðinu Fjóra sem Eyjamenn unnu. Magnús Gylfason, þjálfari ÍBV sagði í samtali við Fréttir að hann væri mjög ánægður með ferðina. „Satt best að segja held ég að þetta sé ein besta æfingaferð sem ég hef farið. Við vorum á Spáni í fyrra og það var mjög gott en þetta var enn betra. Við æfðum tvisvar á dag við frábærar aðstæður og spiluðum svo þessa þrjá leiki, sem voru ágætir af okkar hálfu. Ég hefði reyndar vilja sjá menn nýta færin betur því við vorum að skapa okkur aragrúa marktækifæra. En það er nægur tími til að laga það," sagði Magnús. ÍBV gekk fyrir stuttu frá samningum við tvo erlenda leikmenn, breska leikmanninn Ian Jeffs og hinn bandaríska Mark Schulte og voru þeir báðir með liðinu ytra. „Þeir spiluðu alla leikina og ég var mjög ánægður með það sem ég sá til þeirra. Við þekkjum auðvitað Jeffs en Schulte spilaði mjög vel í stöðu vinstri bakvarðar og virðist koma til okkar í toppformi." En af hverju að fara í æfingaferð þegar tveir mánuðir eru enn í Íslandsmótið? „Það var nú þannig að það var stílað inn á þennan tíma til að skólastrákarnir kæmust með enda er komið páskafrí á þessum tíma. Eftir páska taka svo við próf og eftir prófin er einfaldlega orðið of seint að fara erlendis í æfingaferðir. Svo byrja sum liðin á grasi fljótlega eftir páska þannig að þetta er kannski hugsað til þess að stytta tímann á gervigrasinu aðeins." Magnús bætti því svo við að það væri mjög mikilvægt fyrir IBV að komast í þessar ferðir. „Ég hef áður sagt það að ef eitthvað lið eigi að fara í svona æfingaferð þá er það ÍBV. Við erum með tvískiptan leikmannahóp og svona ferðir eru ekki síður mikilvægar fyrir liðsandann," sagði Magnús að lokum.

=== '''Eyjamenn sigurvegarar í 1. deildinni í handbolta''' ===
Eyjamenn tóku á móti Aftureldingu í síðustu umferð 1. deildar en með sigri gátu strákarnir tryggt sér sigurinn í 1. deild. Tap myndi hins vegar þýða að FH-ingar, með þá Arnar Pétursson og Svavar Vignisson í fararbroddi, stælu efsta sætinu á síðustu stundu. Það vantaði ekkert upp á einbeitningu leikmanna ÍBV. Þeir mættu í leikinn til þess að vinna og gerðu það nokkuð sannfærandi þó það munaði aðeins fjórum mörkum í lokin, 26-22. Upphafsmínúturnar voru jafnar en smá saman náðu Eyjamenn tökum á leiknum. Hægt en örugglega dró í sundur með liðunum, allt þar til um tíu mínútur voru eftir af fyrri hálfleik, að leikmenn IB V gáfu í og skoruðu hvert markið á fætur öðru. Þegar liðin gengu tíl búningsherbergja var staðan 16-8 fyrir ÍBV og staðan orðin vonlítil fyrir Mosfellinga. Síðari hálfleikur var á rólegri nótunum, leikmenn ÍBV leyfðu sér að slaka fullmikið á en til allrar lukku var mótstaðan lítil. Mosfellingum tókst þó að minnka muninn niður í fjögur mörk þegar sjö mínútur voru eftir. Þá settu Eyjamenn í reynslugírinn, Tveir sigrar hjá öðrum flokki Annar flokkur karla lék tvo leiki um helgina en þá tóku strákarnir á móti Fjölni. Eyjamenn eru í þriðja sæti B-riðils en Fjölnismenn í næst neðsta sætinu. Strákamir voru ekki í teljandi vandræðum með Reykjavíkurliðið. Fyrri leiknum lyktaði með tíu marka sigri ÍBV, 36-26 eftir að staðan í hálfleik hafði verið 18-8.

Mörk ÍBV: Jens Elíasson 12, Grétar Eyþórsson 6, Sindri Haraldsson 4, Leifur Jóhannesson 4, Karl Haraldsson 3, Magnús Sigurðsson 2, Baldvin Sigurbjörnsson 1, Kári Kristjánsson 1, Sævald Hallgrímsson 1, Guðni Ingvarsson 1, Benedikt Steingrímsson 1. Síðari leikurinn endaði hins vegar með þriggja marka sigri heimamanna, 36-33 en staðan í hálfleik var 18-17. Mörk IBV: Jens Elíasson 9, Grétar Eyþórsson 8, Kári Kristjánsson 6, Sindri Haraldsson 5, Magnús Sigurðsson 4, Leifur Jóhannesson 3, Karl Haraldsson 1.

=== '''Knattspyrnuleikur í Eyjum''' ===
Nú hefur verið tekin ákvörðun um að fyrsti opinberi knattspyrnuleikurinn í Eyjum verður 24. apríl næstkomandi en þá leikur kvennalið ÍBV gegn KR. Leikurinn er í deildarbikarnum og verður eini leikurinn í efri deild kvennakeppninnar sem ekki fer fram á höfuðborgarsvæðinu eða í Reykjaneshöll.

=== '''Leikmenn þakka stuðning alltof fárra áhorfenda''' ===
Sigurður Bragason, fyrirliði ÍBV, var ánægður með að markmiðinu um sigur í 1. deild væri náð. „Upphaflega markmiðið var að tryggja sér sæti í úrvalsdeild en þegar það gekk ekki upp þá settum við okkur nýtt markmið, að sigra 1. deildina. Mér fannst ég finna það strax eftir áramót að við værum með sterkasta liðið í deildinni enda kom það í ljós í æfingaleikjum þar sem við unnum m.a. ÍR auðveldlega. Það var líka mjög gott fyrir okkur að fá Guffa til liðs við okkur. Jóhann og Björgvin fluttu líka tíl Eyja og það hefur mikið að segja fyrir liðsheildina."

En þetta var dálítið erfiður leikur: "Já og nei. Mér fannst við alltaf hafa þetta í hendi okkar en þeir sóttu aðeins á okkur í síðari hálfleik. Við héldum sjálfsagt að þetta væri komið en svo var ekki. En við kláruðum þetta og náðum þar með markmiði okkar." - Svo kemur í ljós á morgun hvaða liði þið mætið í átta liða úrslitum, einhverjir óska mótherjar? „Mér er í raun alveg sama, það skiptir okkur engu máli. Við getum alveg slegið öll liðin út ef við viljum en helst myndi ég vilja sleppa við Hauka. Okkur hefur alltaf gengið illa með þá og mér sýnist þeir vera á uppleið núna. Annars skiptir það ekki öllu." sagði fyrirliðinn að lokum.

Mörk ÍBV: Guðfinnur Kristmannsson 7, Zoltan Belany 5, Sigurður Ari Stefánsson 4, Josep Böse 3, Robert Bognar 2, Erlingur Richardsson 2, Michael Lauritsen 1, Ríkharð B. Guðmundsson 1, Björgvin Rúnars. 1. Varin skot: Jóhann G. 25/1 mæta haukum í 8 liða úrslitum

=== '''Auðveld leið í undanúrslitin''' ===
Eyjastúlkur tryggðu sér sæti í undanúrslitum Íslandsmótsins í handbolta; léku þær gegn KA/Þór í átta liða úrslitum. Fyrirfram var vitað að möguleikar norðanstúlkna væru litlir sem engir, þær gerðu sér grein fyrir því og gáfu heimaleikinn, til að spara ferðakostnaðinn. ÍBV vann því báðar viðureignirnar sannfærandi og komust þar með í undanúrslit þar sem þær leika gegn FH. Fyrri leikur liðanna var bragðdaufur og Eyjastúlkur léku illa. Þrátt fyrir það voru þær mun sterkari aðilinn sem segir nokkuð um styrkleikamuninn á ÍBV og KA/Þór. ÍBV náði aldrei að sýna sitt besta þar sem þær keyra upp hraðann. Leikur liðsins var tilviljanakenndur og byggðist á einstaklingsframtaki. Sylvia Strass meiddist í upphitun og lék ekki með í leikjunum gegn KA/Þór, hafði það að sjálfsögðu nokkur áhrif á leik liðsins. Lokatölur urðu 32-23. Mörk ÍBV: Guðbjörg Guðmannsdóttir 8, Birgit Engl 6, Anja Nielsen 5, Anna Yakova 4/2, Nína K. Björnsdóttir 4/1, Alla Gokorian 2, Þórsteina Sigurbjörnsdóttir 1, Hildur D. Jónsdóttir 1, Edda Eggertsdóttir 1. Varin skot: Julia Gantimorova 19. Síðari leikurinn var lengst af mun betur leikinn af hálfu ÍBV. Þrátt fyrir öruggan sigur daginn áður vantaði ekkert upp á einbeitningu leikmanna, Eyjastúlkur höfðu leikinn í hendi sér allan tímann. Þær byrjuðu leikinn af miklum krafti og náðu strax ágætri forystu. Munurinn hélt áfram að aukast út hálfleikinn og í raun aldrei spurning um það hvar sigurinn endaði. Lokatölur urðu 39-28 eftir að staðan í hálfleikvar 22-13. Stelpurnar sýndu oft góða takta og fremst meðal jafningja fór austurríski leikmaðurinn Birgit Engl, sem skoraði ellefu mörk úr tólf tilraunum, auk þess að fiska þrjú vítaköst. Mörk IBV: Birgit Engl 11, Anna Yakova 8/6, Alla Gorkorian 6/2, Anja Nielsen 4, Aníta Eyþórsdóttir 3/1, Edda Eggertsdóttir 3, Þórsteina Sigurbjörnsdóttir 2, Nína K. Björnsdóttir 1, Hildur Jónsdóttir 1. Varin skot: Julia Gantimorova 14, Á

=== '''Skoskur landsliðsmarkmaður gengur til liðs við ÍBV''' ===
Forráðamönnum kvennaliðs ÍBV í knattspyrnu hefur tekist að leysa markmannsvandræðin sem sköpuðust fyrr í vetur en í undanförnum leikjum hefur lánsmarkvörður spilað með liðinu. Claire Johnstone heitir nýi markvörðurinn og kemur frá Skotlandi en hún spilar reglulega með skoska landsliðinu. Claire er 22 ára og kemur að öllum líkindum til landsins 20 apríl. Þá er annar markvörður undir smá- sjánni, þar er á ferðinni ensk stúlka sem leikið hefur með U-17 ára landsliðinu. Hún yrði þá hugsuð sem varamarkvörður meistaraflokks auk þess sem hún myndi spila með 2. flokki félagsins.

=== '''Andri og Atli til Crewe''' ===
Tveir leikmanna ÍBV æfa með enska 1. deildarliðinu Crewe. Eyjamenn komust í samstarf við enska liðið sem hófst með komu Ian Jeffs og Tom Betts síðastliðið sumar. Samstarfið er gagnkvæmt þannig að enska liðið hefur tækifæri til að skoða leikmenn ÍBV og á móti geta Eyjamenn fengið leikmenn frá enska liðinu. „Báðir hafa þeir Andri og Atli gert langa samninga við ÍBV. Andri til 2007 og Atli til 2006. Báðir eru þeir mjög efnilegir og hafa skuldbundið sig uppeldisfélagi sínu, ÍBV, með afgerandi hætti og eiga tækifærið svo sannarlega skilið," segir á heimasíðu félagsins.

=== '''Gott samstarf við HSÍ''' ===
Þegar leikjaplan fyrir úrslitakeppni kvennahandboltans barst í hús urðu forráðamenn ÍBV ansi hissa þar sem undanúrslitin eiga að hefjast 20. apríl, leikur tvö þann 22. apríl og ef til þriðja leikjarins kæmi þá yrði hann 24. apríl. ÍBV leikur í undanúrslitum Evrópukeppninnar gegn þýska liðinu Nurnberg og er fyrri leikurinn á útivelli 17. apríl og síðari leikurinn viku síðar. Þannig myndu undan úrslit Íslandsmótsins lenda á milli leikja Evrópukeppninnar, sem er að sjálfsögðu vonlaust mál. En forráðamenn HSÍ hafa gefið vilyrði fyrir því að leikir ÍBV verði færðir til og rekist ekki á Evrópukeppnina.

=== '''Sylvia meidd''' ===
Austuríski leikstjórnandinn hjá ÍBV, Sylvia Strass meiddist í upphitun fyrir fyrri leik ÍBV og KA/Þórs. Sylvia kenndi sér meins í hné og lék ekki. Hún var svo send til Reykjavíkur í rannsókn strax á sunnudag og þá kom í ljós að um liðamús væri að ræða. Það lýsir sér þannig að það kvarnaðist upp úr beini í hné, brotið nuddast við liðþófann, sem veldur meiðslunum. Meiðsli Sylviu hefðu getað komið á verri tíma þar sem ÍBV spilar ekki næsta leik fyrr en 17. apríl og þarf hún að hvíla sig í tíu daga eða svo.

== Annáll síðari hluta þessa árs í vinnslu ==
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2004 -

2019-07-21T14:39:18Z

Gisli: /* JANÚAR: */

== '''2004 -''' ==

 

== '''JANÚAR:''' ==

=== Íþróttamenn heiðraðir ===
Í byrjun árs fór fram afhending viðurkenninga Frétta til einstaklinga sem að mati blaðsins hafa markað spor á nýliðnu ári. Fyrst voru viðurkenningartil einstaklinga, sem Fréttir telja að hafi lagt sitt af mörkum til að bæta mannlíf og stöðu Vestmannaeyja á árinu 2003 og svo var tilnefnd bjartasta vonin í íþróttum, framtak ársins og svo Eyjamaður ársins 2003. Sérstakar viðurkenningar fengu Unnur Sigmarsdóttir, Vigdís Sigurðardóttir og Ingibjörg Jónsdóttir fyrir framlag sitt til kvennahandboltans, Ingi Sigurðsson fyrirframlag til knattspyrnunnar, Heimir Hallgrímsson, þjálfari, fyrir framlag til kvennaknattspyrnunnar. Bjartasta vonin er Margrét Lára Viðarsdóttir knattspyrnukona.

=== Þrettándagleðin í blíðskaparveðri ===
Veðrið lék við gesti þrettándagleði IBV. Algjört logn var á malarvellinum við Löngulág og nutu kynjaverur þrettándans sín vel við þær aðstæður. Góð mæting var og fengu krakkarnir tækifæri til að kveðja jólasveinana og kannski ekki síður Grýlu og Leppalúða sem héldu aftur til fjalla. Glæsileg flugeldasýning var uppi við Höll líkt og síðustu ár á vegum Björgunarfélagsins.

=== Ingibjörg íþróttamaður Vestmannaeyja ===
Þann 12. janúar var tilkynnt um val á Íþróttamanni Vestmannaeyja 2003 í Oddfellowhúsinu. Um leið var tilkynnt um val einstakra félaga innan IBV-hérðassambands á íþróttamönnum sínum. Íþróttamaður ársins var valin Ingibjörg Jónsdóttir, handknattleikskona. Þá var Margrét Lára Viðarsdóttir, knattspyrnukona, kosin íþróttamaður æskunnar fyrir árið 2003. íþróttamenn félaga héraðssambandsins eru eftirfarandi: Knattspymumaður ársins var valinn Birkir Kristinsson, knattspymukona var Karen Burke, handknattleiksmaður ársins var Robert Bognar, handknattleikskona ársins var Ingibjörg Jónsdóttir.

=== Gott hjá stelpunum ===
2. flokkur kvenna í knattspyrnnu tók þátt í Íslandsmótinu í riðli ÍBV sem leikinn var í Kópavogi. Eyjastúlkur unnu þrjá leiki af fjórum en töpuðu fyrir Breiðabliki og enduðu í öðru sæti riðilsins. Fyrir vikið komst IBV ekki í úrslit en aðeins eitt lið komst áfram úr riðlinum. Úrslit leikja ÍBV: ÍBV-Selfoss 16-0, ÍBV-Breiðablik 2-9, ÍBV-Grindavfk 6-1 og ÍBVKeflavík 6-0.

=== Sannfærandi sigur eftir langt hlé ===
Eftir rúmlega sjö vikna hlé lék kvennalið ÍBV gegn Gróttu/KR. Heimastúlkur byrjuðu betur og skoruðu fyrstu þrjú mörkin en smám saman náðu Eyjastúlkur að snúa leiknum sér í hag. Komust þær yfir eftir rúmlega tíu mínútna leik, 5-4 og náðu mest fimm marka forystu 8-13 en það var staðan í hálfleik. Í síðari hálfleik minnkuðu heimastúlkur muninn niður í þrjú mörk, 12-15 og var munurinn það sem eftir lifði leiks tvö til þrjú mörk. Leikmenn ÍBV náðu hins vegar góðum spretti í lokin, skoruðu fimm mörk gegn aðeins tveimur mörkum heimaliðsins og lokatölur urðu 23-29 fyrir ÍBV. Mörk ÍBV: Alla Gokorian 8, Anna Yakova 7/2, Sylvia Strass 5, Anja Nielsen 4, Birgit Engl 3, Guðbjörg Guðmannsdóttir 2. Varin skot: Julia Gantimorova 24/2.

=== Vel heppnað mót en árangur ÍBV ekki góður ===
Í byrjun janúar fór fram Íslandsmót í knattspyrnu innanhúss í 3. flokki karla en einn riðill var leikinn hér í Eyjum. Var það Suðurlandsriðill þar sem liðin af Suðurlandi léku öll í einum riðli. Eyjamenn áttu fyrirfram að vera með eitt af sterkustu liðunum en þrátt fyrir að vera oft á tíðum sterkari aðilinn í leikjum sínum þá náðu leikmenn IBV ekki að nýta yfirburði sína og töpuðu jafnvel fyrir talsvert slakari liðum. Það er ljóst að ef ekki á illa að fara í sumar þurfa strákamir að líta í eigin barm og skoða hvað fór úrskeiðis. Annars var framkvæmd mótsins ágæt, aðstaðan er glæsileg fyrir knattspyrnumót sem þetta, stór völlur og aðstaða fyrir áhorfendur er góð þannig að nú þurfa Eyjamenn að sækja um að halda Islandsmót meistaraflokkanna. Úrslitleikja; ÍBV: ÍBV-KFR 2-3 ÍBV-UMFH 4-2 ÍBV-Ægir 1-2 ÍBV-Hamar 2-1 ÍBV-Selfoss 3-1

=== 5. flokkur kvenna Íslandsmeistari í C-flokki ===
Í janúar héldu stelpurnar í 5. flokki kvenna upp á land til að leika í Íslandsmótinu í handknattleik. IBV fór með þrjú lið til leiks, A-, B- og C-lið en C liðið stóð sig best. Stelpurnar í C liðinu gerðu sér lítið fyrir og unnu þrjá af fjórum leikjum sínum í riðlinum og í milliriðli vann ÍBV alla þrjá leiki sína. Þar með var ÍBV komið í úrslitaleikinn þar sem liðið mætti KA og sigraði ÍBV í leiknum með einu marki, 10-9 og urðu þar með Íslandsmeistarar eftir þetta fjölliðamóL A- og B-liðum ÍBV gekk líka ágætlega. Bæði liðin enduðu í sjöunda sæti sem er þokkalegur árangur.

=== Huginn Helgason nýr aðstoðarþjálfari ===
Í byrjun janúar var gengið frá ráðningu á nýjum aðstoðarþjálfara hjá knattspyrnuliði ÍBV en Sveinn Sveinsson, aðstoðarþjálfari liðsins síðasta sumar, ákvað að gefa ekki kost á sér á ný. Huginn Helgason, fyrrverandi leikmaður liðsins, var ráðinn í starfið en auk þess mun hann sjá um annan flokk karla. Huginn mun sjá um æfingahóp ÍBV hér í Eyjum í vetur, í samstarfi við Magnús Gylfason þjálfara ÍBV.

=== Gunnar Berg áfram ===
Íslenska karlalandsliðið í handknattleik undirbýr sig nú af krafti fyrir Evrópumótið sem fram fer í Slóveníu í lok janúar en liðið spilaði m.a. þrjá leiki gegn Sviss um helgina. Eyjamennirnir í liðinu, Gunnar Berg Viktorsson og Birkir Ívar Guðmundsson fengu aðeins að spreyta sig í leikjunum en eftir leikina var fækkað um fjóra í íslenska liðinu. Þrátt fyrir að verja tíu skot á þrjátíu mínútum, var Birkir Ívar einn þeirra sem duttu út úr hópnum en Gunnar Berg er enn á meðal þeirra átján sem skipa hópinn.

=== Endurtaka Kolaportið ===
Á síðasta ári hélt kvennalið ÍBV í knattspyrnu lítið Kolaport þar sem gamlir munir voru til sölu á hlægilegu verði. Nú hafa stelpurnar ákveðið að endurtaka leikinn, ekki síst vegna góðra undirtekta bæjarbúa en áætlað er að setja upp lítið Kolaport í Týsheimilinu í lok febrúar. Íris Sæmundsdóttir, leikmaður ÍBV, segir að stemmningin síðast hafi verið góð en nú eigi að bæta um betur. ''„Við ætlum ekki bara að selja sjálf, heldur bjóðum við fólki að selja hluti fyrir það og svo ætlum við líka að bjóða einstaklingum og fyrirtækjum að taka bás á leigu til að selja sínar vörar. Við ætlum að búa til alvöru Kolaport og nú verður fólk bara að taka þátt í þessu með okkur.''" sagði Íris

=== Þrír sigrar í æfingaleikjum ===
Karlalið ÍBV hélt til Danmerkur um miðjan janúar og lék þar tvo æfingaleiki. Reyndar byrjaði æfingaferðin með leik gegn Fram sem verður í efri deild þegar Íslandsmótið hefst að nýju. Eyjamenn sigruðu í leiknum með 6 mörkum, 31 -37 og fengu þar með gott veganesti með sér til Danmerkur. Þar hélt velgengni Eyjamanna áfram því í Danaveldi mætti IBV einu úrvalsdeildarliði og toppliðinu í 1. deild. Fyrst var leikið gegn úrvalsdeildarliði Alaborg og sigruðu Eyjamenn í leiknum 26-32. Leikmenn ÍIBV voru svo ekki í teljandi vandræðum með topplið 1. deildarinnar dönsku, Viborg en þann leik vann ÍBV með níu mörkum, 23- 32. Til stóð að Guðfinnur Kristmannsson myndi koma til móts við ÍBV og leika með liðinu í Danmörku en þegar á reyndi fékk hann sig ekki lausan úr vinnu. Sigurður Bragason, fyrirliði ÍBV var sáttur við ferðalagið. „''Þetta gekk alveg ljómandi vel. Þrír sigurleikir sem verður að teljast gott hjá karlaliði ÍBV, sérstaklega miðað við gengi okkar fram að þessu í vetur, þannig að ég er bara mjög sáttur. Svona ferð er líka mjög góð fyrir liðsheildina, hópurinn þjappar sér saman þannig að við eigum að vera nokkuð klárir fyrir átökin í 1. deild í næsta mánuði."''

=== Stóðu uppi sem sigurvegarar ===
Knattspyrnulið ÍBV kvenna lék sína fyrstu leiki fyrir komandi tímabil en þá tók liðið þátt í Hitaveitumótinu sem fram fór í Reykjaneshöll. Um var að ræða tvo leiki, fyrst var leikið gegn Íslandsmeisturum KR og svo gegn Stjörnunni. Leikurinn gegn KR var hörkuviðureign en Olga Færseth skoraði tvö af mörkum ÍBV og Margrét Lára eitt. Þar með var IBV komið í úrslitaleik mótsins þar sem liðið mætti Stjörnunni. Eyjastúlkur vora undir 1-3 þegar rúmlega 20 mínútur vora eftir en gerðu sér lítið fyrir og jöfnuðu áður en leiktíminn var úti. Úrslit leiksins fengust svo í vítaspyrnukeppni þar sem ÍBV skoraði úr fimm vítaspyrnum en Stjarnan fjórum.

=== Sprækar stelpur í 5. flokki ===
Stelpurnar í 5. flokki C í handbolta hafa verið að gera það gott í vetur. Þær standa vel að vígi í Íslandsmótinu og á dögunum unnu þær fjölliðamót. Þetta er frábær árangur þar sem 25 lið taka þátt hverju sinni og tvisvar hafa þær orðið í öðru sæti og einu sinni í fyrsta. Einnig lspiluðu þær sjö leiki, unnu sex og gerðu eitt jafntefli og markatalan var 106-53 A og B liðin voru einnig að standa sig vel þar sem margar af þeim stúlkum eru á yngra ári.

=== Veðrið setti strik í ferðir yngri flokkanna ===
Um miðjan janúar átti unga fólkið í Eyjum að leika bæði í handbolta og fótbolta uppi á landi. Veðrið var mjög vont og ákvað ÍBV í samráði við foreldra að senda ekki börnin út í óvissuna. Enda var bæði slæmt sjóveður og slæm færð á vegum um allt land. Fyrir vikið fær fimmti flokkur karla ekki tækifæri á að leika í Íslandsmótinu innanhúss þar sem leikið hefur verið í öllum riðlum Íslandsmótsins. KSÍ gat hins vegar komið 4. flokki fyrir í öðrum riðli. Þá átti sjötti flokkur karla og kvenna að leika í handknattleik en hætt var við þá ferð. Eini flokkurinn sem fór upp á land var 3. flokkur kvenna í knattspyrnu en liðið lék fimm leiki. Úrslit leikjanna urðu þessi: IBV-Stjarnan 0-1, ÍBV-Keflavík5-3, ÍBV-Víkingur 4-0, ÍBV-FH 2-2, ÍBV-Fylkir 7-1. ÍBV endaði í öðru sæti riðilsins og kemst þar með ekki í úrslit.

=== Stelpurnar áfram ===
Eyjastúlkur mættu búlgarska liðinu Etar Veliko 64 tvívegis um miðjan janúar í Áskorendakeppni Evrópu og fóru báðir leikirnir fram í Eyjum. Eyjastúlkur renndu nokkuð blint í sjóinn en þegar á reyndi voru gestirnir mun slakari en ÍBV og áttu Eyjastúlkur ekki í vandræðum með að tryggja sig áfram með stórsigri í fyrri leiknum. Síðari leikurinn var hins vegar tilraunastarfsemi frá upphafi til enda, sem er í sjálfu sér góðra gjalda vert en ólíkt skemmtilegra hefði verið að vinna báða leikina. Það var ljóst strax á fyrstu mínútu að Eyjaliðið var mun sterkara. ÍBV byrjaði af miklum krafti, skoraði fyrstu þrjú mörkin áður en gestirnir svöruðu úr vítakasti. Eyjastúlkur bættu svo við átta mörkum í viðbót og þegar hálfleikurinn var hálfnaður var staðan 11-1 fyrir ÍBV. Eftir þetta færðist ró yfir leikinn, liðin skiptust á að skora en það duldist engum hvort liðið var betra og staðan í hálfleik var 19-8. Seinni hálfleikur var svo eins ójafn og sá fyrri, Eyjastúlkur juku muninn út leikinn og mestur varð munurinn 23 mörk, 38-15 en það voru gestirnir sem áttu síðasta orðið í leiknum og minnkuðu muninn niður í 22 mörk. Mörk ÍBV: Anna Yakova 12/4, Guðbjörg Guðmannsdóttir 6, Birgit Engl 4, Sylvia Strass 4, Alla Gokorian 4, Anja Nielsen 3, Eh'sa Sigurðardóttir 2, Edda Eggertsdóttir 2, Sæunn Magnúsdóttir 1, Hildur Jónsdóttir 1. Varin skot: Julia Gantimorova 16.

Síðari leikurinn var hins vegar á allt öðrum nótum enda ljóst að erfitt var fyrir Aðalstein Eyjólfsson að fá leikmenn til að halda einbeitningu. Í stað þess að keyra á byrjunarliðinu, lét hann varamenn liðsins sjá um leikinn að mestu leyti og fyrir vikið var leikurinn jafn lengst af. Eyjastúlkur voru reyndar ávallt með örugga forystu, allt þar til fimm mínútur voru eftir að búlgarska liðið jafnaði og komst svo yfir í næstu sókn, 18-17. Eyjastúlkur náðu ekki að skora mark síðustu mínúturnar og því urðu þetta lokatölur leiksins. ÍBV komst áfram í 16 liða úrslit og sigraði búlgarska liðið samanlagt 55- 34. Óneitanlega glæsilegur árangur en óneitanlega hefði verið skemmtilegra að vinna seinni leikinn. Mörk ÍBV: Anna Yakova 5/1, Birgit Engl 4, Ester Óskarsdóttir 3, Edda Eggertsdóttir 2, Þórsteina Sigurbjörnsdóttir 2, Guðbjörg Guðmannsdóttir 1. Varin skot: Julia Ganfimorova 17.

=== Eyjapeyjar á úrtaksæfingar ===
Þrír leikmenn ÍBV í knattspyrnu, Andri Ólafsson, Tryggvi Bjarnason og Jón Skaftason hafa verið boðaðir til æfinga hjá U-21 árs liði Íslands. Munu það vera fyrstu æfingar nýs þjálfara, Eyjólfs Sverrissonar. Þá hefur Ólafur Þór Berry verið boðaður á úrtaksæfingar hjá U-19 ára liðinu. Auk þess verða æfingar hjá U-17 ára landsliðinu og þar eiga Eyjamenn einn fulltrúa, Ellert Scheving Pálsson en nokkra athygli vekur að af 55 leikmönnum sem valdir voru á æfingar U-17 ára liðsins, eiga Eyjamenn aðeins einn fulltrúa

=== Auðveldur sigur ===
Eyjastúlkur léku gegn botnliði Fram í Eyjum. Leikurinn var jafnari en flestir áttu von á en sigur IBV var hins vegar aldrei í hættu og lokatölur urðu 35-26. Aðalsteinn Eyjólfsson, þjálfari ÍBV, gaf varamönnum liðsins tækifæri í leiknum í gær, Edda Eggertsdóttir kom inn á línuna og Ester Óskarsdóttir stýrði sóknarleiknum. Hún sýndi hversu efnileg hún er en þess má geta að hún er enn aðeins í fjórða flokki. Leikurinn var jafn fyrstu mínúturnar en einkenndist fyrst og fremst af furðulega harðri dómgæslu. Þegar fyrri hálfleikur var hálfnaður voru komnar sex brottvísanir í leiknum, sem urðu alls fimmtán og auk þess tvö rauð spjöld. Þetta er ekki síst furðulegt í ljósi þess að leikurinn var mjög prúðmannlega leikinn. Þá hafa vítin sjaldan verið fleiri, alls nítján í leiknum öllum og þurfti stundum ekki annað en að ryðjast á varnarmann til að fá víti. Staðan í hálfleik var hins vegar 19-14. Í upphafi síðari hálfleiks gerðu Eyjastúlkur svo út um leikinn, náðu mest átta marka forystu sem gestirnir náðu aldrei að brúa. Lokatölur leiksins urðu svo 35-26 en með sigrinum komst ÍBV aftur í efsta sæti deildarinnar. Mörk ÍBV: Anna Yakova 7/2, Birgit Engl 6, Guðbjörg Guðmannsdóttir 6, Anja Nielsen 4, Sylvia Strass 3/2, Ester Óskarsdóttir 3, Edda Eggertsdóttir 3, Sæunn Magnúsdóttir 2/1, Þórsteina Sigurbjörnsdóttir 1. Varin skot: Julia Gantimorova 19/1.

=== ÍBV með yfírburði ===
ÍBV tók á móti Víkingum seinni hluta janúar mánaðar. Fyrri hálfleikur fór rólega af stað, gestirnir skoruðu fyrsta markið og fyrstu tíu mínúturnar skiptust liðin á að skora. En eftir það áttu Eyjastúlkur góðan leikkafla og náðu þriggja marka forystu. Leikmenn Víkings voru hins vegar ekkert á því að gefast upp og náðu að minnka muninn niður í eitt mark, 13-12 en á lokakaflanum skoruðu leikmenn ÍBV fimm mörk gegn einu marki gestanna og staðan í hálfleik var 18-13. Síðari hálfleikur var svo lengst af í jafnvægi, það er að segja, liðin skiptust á að skora og munurinn var fimm til sjö mörk. Sigur ÍBV var því aldrei í hættu, varamenn ÍBV fengu tækifæri undir lokin og skiluðu sínu hlutverki, lokatölur 35-27. Mörk ÍBV: Alla Gokorian 7/3, Sylvia Strass 6, Birgit Engl 6, Anna Yakova 5, Anja Nielsen 4, Guðbjörg Guð- mannsdóttir 3, Elísa Sigurðardóttir 2, Þórsteina Sigurbjömsdóttir 1, Ester Óskarsdóttir 1. Varin skot: Julia Gantimorova 17/1.

=== Sigur á Breiðabliki ===
Karlalið ÍBV í knattspyrnu lék æfingaleik gegn 1. deildarliði Breiðabliks og fór leikurinn fram í Fífunni. Í liði Eyjamanna mátti sjá nokkra nýliða í hópnum, m.a. Daníel Hafliðason sem hefur æft með liðinu að undanförnu. Eyjamenn unnu leikinn, 3-1 og var Daníel einmitt einn af markaskorurum liðsins en Gunnar Heiðar og Bjarni Geir skoruðu hin mörkin. Magnús Gylfason, þjálfari liðsins var ánægður með leik sinna manna. „''Þetta var bara nokkuð öruggt hjá okkur, auðvitað enginn sambafótbolti en mér fannst Blikarnir ekki eiga séns gegn okkur. Það vantaði nokkra í okkar lið en í staðinn fékk ég tækifæri til að prófa nýja leikmenn sem stóðu sig vel. Í liðinu hjá okkur voru þrír leikmenn sem við erum að skoða, Daníel Hafliðason, Baldur Sigurðsson sem kemur frá Húsavík og svo Magnús Már Lúðvíksson. Þetta eru allt færir knattspyrnumenn og spurning hvort við semjum við þá,"'' sagði Magnús.

=== Bikararnir raðast til Eyja ===
Kvennalið IBV í knattspyrnu hefur nú tekið þátt í tveimur æfingamótum í janúar og árangurinn hefur heldur betur verið góður. Þannig unnu stelpumar Hitaveitumótið og tóku svo þátt í Sparisjóðsmótinu á Akureyri. Eyjastelpur léku þrjá leiki í mótinu og unnu þá alla og markatala ÍBV í mótslok var glæsileg, 21 mark skorað en sex fengin á sig. Heimir Hallgrímsson, þjálfari ÍBV sagði í samtali við Fréttir að hann væri ánægður með mótið. ''„Já, núna komum við heim með bikar eftir hverja helgi. Þetta var samt strembið ferðalag, við lögðum af stað með Herjólfi á föstudagsmorgun og spiluðum svo fyrsta leikinn síðar um kvöldið á Akureyri. En stelpumar stóðu sig vel og ég var mjög ánægður með þær í þessari ferð,"'' sagði Heimir. Úrslit ÍBV um helgina: ÍBV-Þór/KA/KS 7-5 (Olga 3, Margrét 2, Ema Dögg og Elena) ÍBV-Norðurlandslið 7-0 (Olga 3, Thelma Sigurðard. Pálína, Margrét, Elena) ÍBV-Stjarnan 7-1 (Bryndís 3, Karítas, Margrét, Olga)

=== Góð ferð hjá 2. flokki ===
2. flokkur karla í handknattleik nýtir hlé Remaxdeildarinnar vel. Liðið hafði aðeins leikið einn leik fyrir áramót og á því fullt af leikjum inni. Strákarnir léku þrjá leiki eina helgi í janúar en þeir unnu tvo leiki og töpuðu einum. Úrslitin voru þessi: Afturelding - ÍBV 27-25, Stjarnan - ÍBV 26-37, Fjölnir-ÍBV 30-38.

4. flokkur karla lék í fjölliðamóti en með ÍBV í riðli voru ÍR, Selfoss og Afturelding. Eyjapeyjar töpuðu öllum leikjunum og enduðu í neðsta sæti riðilsins.

Fjórði flokkur kvenna í knattspyrnu lék í sínum riðli í innanhússknattspyrnu og var leikið á Hvolsvelli. Með ÍBV í riðli voru Afturelding, Fylkir, KFR, KR og Ungmf. Bessastaðahrepps en ÍBV endaði í öðru sæti riðilsins og komst ekki í úrslit. Úrslit voru þessi: IBV 6 -UMF-Bessastaðahr. 2, ÍBV 5-KR 0, ÍBV 2- KFR 3, ÍBV 2- Fylkir 2 og ÍB V 5 -Afturelding 0.

=== Fjögur í úrtaki ===
Þær Margrét Lára Viðarsdóttir, Sara Sigurlásdóttir og Karítas Þórarinsdóttir hafa verið kallaðar á úrtaksæfingar hjá U-19 ára landsliði Íslands í knattspyrnu. Æfingarnar í Reykjaneshöll og Egilshöll síðustu helgina í janúar. Þá er Ólafur Berry í úrtaki í U-19.

=== Verða með fiskidag einu sinni í mánuði ===
Kvennaráð IBV í handknattleik hélt fiskidag þar sem í boði voru alls kyns kræsingar úr sjávardjúpunum. Bryggjudagur hefur ávallt verið haldin af handknattleiksráði kvenna yfir sumartímann þar sem slegið er upp heljarmikilli veislu á bryggjunni en fiskidagurinn hefur minni umgjörð og áherslan lögð á góðan fisk á góðu verði. Hlynur Sigmarsson, formaður handknattleiksráðs kvenna, sagði í samtali við Fréttir að viðtökurnar hefðu verið ágætar. ''„Við reyndar heyrðum það svo eftir helgi að það voru einhverjir sem voru bara búnir að gleyma þessu eða vissu ekki af þessu. En við ætlum að laga það, auglýsa þetta betur næst þannig að þetta ætti ekki að fara framhjá neinum."'' Næst segirðu, stefnið þið á að halda svona fiskidag aftur? ''„Já, hugmyndin er að hafa fiskidag einu sinni í mánuði. Fólk þekkir þessa þjónustu hjá okkur frá Bryggju-deginum og þó við bjóðum upp á mikið úrval af fiski á fiskidegi þá er umgjörðin ekkert í líkingu við Bryggjudaginn. Við hins vegar bjóðum þetta á góðu verði og njótum góðs af velvilja fiskvinnslufyrirtækja í bænum. Mörg eru að gefa okkur þessar afurðir og þannig höfum við möguleika á að halda þetta."'' Hlynur og félagar voru ekki aðeins að bjóða upp á ferska ýsu um helgina því þar mátti finna saltfisk, kleinur og kjúklinga.

=== Garðbæingar léttur biti ===
ÍBV lék gegn Stjörnunni í Garðabænum en Stjarnan hefur verið á mikilli siglingu í undanförnum leikjum. En Eyjastúlkur voru greinilega of stór biti fyrir Garðbæinga því lokatölur leiksins urðu 29-38. Leikurinn var í jafnvægi fyrstu tuttugu mínúturnar og liðin skiptust á að hafa forystu í leiknum. En síðustu tíu mínútur fyrri hálfleiks blómstraði lið ÍBV og skoruðu stelpurnar níu mörk gegn fimm mörkum heimastúlkna og breyttu stöðunni úr 10-12 í 15-21, sem voru hálfleikstölur. Það tók Eyjastúlkur svo ekki langan tíma í síðari hálfleik að gera út um leikinn því í stað þess að heimastúlkur minnkuðu muninn þá juku Eyjastúlkur hann og mestur varð munurinn tíu mörk, 24-34. Í lok leiksins sýndi leikklukkan í Garðabæ 29-37 en eftir að hafa horft á myndbandsupptöku af leiknum þá er ekki annað að sjá en að leikurinn hafi endað 29-38. Aðalsteinn Eyjólfsson, þjálfari ÍBV staðfesti þetta og sagðist hafa grunað að það vantaði eitt mark upp á en vildi ekki gera mál úr því þar sem sigurinn skipti öllu máli. Mörk ÍBV: Anna Yakova 10, Alla Gokorian 8/3, Anja Nielsen 6, Sylvia Strass 4, Birgit Engl 4, Guðbjörg Guðmannsdóttir 3, Edda Eggertsdóttir 1, Þórsteina Sigurbjörnsdóttir 1. Varin skot: Julia Gantimorova 15/1.

=== 2. flokkur karla á siglingu ===
2. flokkur karla lék tvo leiki gegn HK síðustu helgina í janúar. Leikirnir fóru þannig að í fyrri leiknum sigraði ÍBV með tíu marka mun en í þeim síðari með átta, 32- 24. Staðan í riðlinum er þannig að ÍBV er í þriðja sæti með tíu stig eftir sex leiki, Stjarnan er í öðru sæti með tólf stig eftir sjö leiki og Haukar eru efstir með tólf stig eftir átta leiki. Fjórði flokkur kvenna lék í þriðju umferð Íslandsmótsins en í sama riðli og ÍBV voru Fylkir, Valur og Stjarnan. ÍBV tapaði gegn Fylki, 12-11 og gegn Val 14-18 en unnu svo Stjörnuna 17-11.

=== Nýr starfsmaður hjá ÍBV ===
ÍBV-íþróttafélag hefur ráðið nýjan starfsmann en þar er á ferðinni Eyjamaðurinn Kristján Georgsson, betur þekktur sem Kiddi Gogga. Starf hans verður að þjálfa þrjá flokka félagsins í knattspyrnu en auk þess mun Kiddi skipuleggja ferðir allra flokka félagsins og í sumar mun hann aðstoðar við skipulagningu mótanna tveggja, Shellmótsins og Vöruvalsmótsins. Páll Scheving, framkvæmdastjóri ÍBV sagði það væri mikill fengur fyrir félagið að fá Kidda til starfa.

=== Tillaga ÍBV um undanúrslit í bikarnum ekki samþykkt ===
Ársþing KSÍ fór fram síðustu helgina í janúar á Selfossi en IBV lagði fram eina tillögu, um að færa undanúrslitaleiki bikarkeppninnar aftur heim í hérað í stað þess að spila þá á Laugardalsvellinum. Tillagan var felld. Menn virðast ekki vera sammála hvernig atkvæðagreiðslan fór, forráðamenn ÍBV segja að tillagan hafi verið naumlega felld en aðrir segja að tillagan hafi verið kolfelld. Það sem kannski svíður mest er andstaða landsbyggðaliða en sem dæmi má nefna að bæði ÍA og KA greiddu gegn tillögunni sem kom veralega á óvart. Birgir Stefánsson, framkvæmdastjóri ÍBV, sagði það vera mikil vonbrigði að tillagan hafi ekki náð í gegn.

== '''FEBRÚAR:''' ==

=== '''Finnbogi semur''' ===
Ungur og efnilegur Eyjapeyi skrifaði undir hjá félaginu á upphafsdögum febrúar en það er Finnbogi Friðfinnsson, sonur Friðfinns Finnbogasonar í Eyjabúð og fyrrverandi leikmanns ÍBV. Finnbogi hefur leikið með yngri flokkum félagsins og er án efa einn efnilegasti markvörðurinn sem komið hefur upp í Eyjum í áraraðir.

=== '''ÍBV afhenda áritaðan búning''' ===
Í byrjun febrúar fóru leikmenn ÍBV í heimsókn til Gunnars Karls Haraldssonar og afhentu honum ÍBV-búning áritaðan af leikmönnum liðsins. Gunnar er mikill keppnismaður og gefur ekki tommu eftir í baráttu sinni við veikindin. Gunnar myndi sóma sér vel í búningi ÍBV sem fulltrúi metnaðar og keppnishörku. Einnig afhentu leikmenn meistaraflokks Gunnari íþróttagalla sem er gjöf frá ÍBV aðalstjóm. Hvöttu leikmenn Gunnar til dáða um leið og Gunnar vildi fara sjá leikmenn vinna titil næsta sumar. Var þetta til að kitla hláturstaugar leikmanna sem sáu að þeir gátu engu svarað skemmtilegu skoti Gunnars.

=== '''Petra í raðir KR''' ===
Fyrrum markvörður ÍBV í knattspyrnu, Petra Fanney Bragadóttir gekk í raðir Íslandsmeistara KR en Petra lék síðast með ÍBV síðastliðið sumar. Petra þekkir ágætlega til í herbúðum KR en hún hefur æft með liðinu meðan hún dvelur í Reykjavík. Markvörður KR-inga, landsliðsmarkvörðurinn Þóra Helgadóttir, er í námi í Bandaríkjunum og hefur ávallt misst úr nokkra leiki á hverju sumri og er Petru ætlað að fylla í skarðið á meðan. Petra hefur leikið með ÍBV alla tíð og lék sex leiki með liðinu í efstu deild sumarið 2003. Koma enska landsliðsmarkvarðarins Rachel Brown varð hins vegar til þess að Petra lagði skóna á hilluna tímabundið.

=== '''Stórsigur á ÍR-ingum''' ===
Karlalið ÍBV lék tvo æfingaleiki fyrstu helgina í febrúar en liðið undirbýr sig nú af krafti fyrir komandi átök í 1. deild Íslandsmótsins. Leikið var gegn úrvalsdeildarliðunum Haukum og ÍR og var leikið gegn Haukum á föstudag. Guðfinnur Kristmannsson var að leika sína fyrstu leiki með liðinu og ljóst að leikmenn þurftu tíma til að kynnast honum og hann liðinu. Haukarnir voru mun sterkari í leiknum og lokatölur urðu 31-21 fyrir Haukana. Daginn eftir léku strákarnir svo gegn ÍR-ingum en þeir enduðu í efsta sæti suðurriðils á meðan ÍBV endaði í því sjötta. En Eyjamenn báru litla virðingu fyrir silfurliði síðustu leiktíðar og sigruðu mjög örugglega, 17-30.

=== '''Tveir nýir leikmenn í bætast í hópinn''' ===
Knattspyrnuliði ÍBV í kvennaflokki hefur borist góður liðsauki fyrir komandi sumar því um helgina skrifuðu þær Elín Anna Steinarsdóttir og Bryndís Jóhannesdóttir undir tveggja ára samning við félagið. Bryndís lék upp alla yngri flokka með Tý og IBV og svo í meistaraflokki IBV en ákvað að söðla um fyrir síðasta tímabil og lék í 1. deildinni með ÍR. Þeir sem þekkja til kvennaknattspyrnunnar vita að Bryndís er allt of góður leikmaður til að vera í 1. deild og ákvað hún á dögunum að snúa aftur heim til ÍBV. Félagsskipti Elínar Önnu hafa legið nokkuð lengi í loftinu en Elín Anna var samningsbundin Breiðabliki. Félagið braut hins vegar á samningi við hana sem gerði henni kleift að rifta samningnum og ganga í raðir ÍBV.

=== '''Handboltinn óskar eftir styrk''' ===
Þrjú erindi frá handknattleiksdeild kvenna ÍBV voru tekin fyrir á fundi bæjarráðs mánudaginn 10.febrúar. Fyrst var það vegna greiðslu fyrir matarboð í tengslum við Evrópukeppnina en það gleymdist að ræða það fyrir leikinn að vaninn sé að bærinn borgi fyrir veisluna. Kostnaðurinn var um 200 þúsund krónur. Annað bréf var um sama mál og óskaði Hlynur Sigmarsson formaður handknattleiksráðs að í stað greiðslu fyrir veisluna var óskað eftir því að bæjaryfirvöld komi að ferðakostnaði vegna ferðar stelpnanna til Frakklands. Þriðja bréfið var svo tekið fyrir en þar er formlega óskað eftir styrk vegna ferðarinnar til Frakklands og kemur fram að kostnaður sé allt að ein og hálf milljón króna. Engin styrkur kemur frá Evrópusambandinu líkt og gerist í knattspyrnunni og fellur því allur kostnaður á handknattleiksdeildina. Bæjarráð samþykkti að eiga fund með forráðamönnum ÍBV - íþróttafélags til að ræða fjárhagsleg samskipti þessara aðila.

=== '''Aðalfundur ÍBV íþróttafélags''' ===
Aðalfundur ÍBV-íþróttafélags var haldinn um miðjan febrúar og voru um fimmtíu manns á fundinum. Farið var yfir reikninga síðasta árs auk þess sem nokkrar tillögur lágu fyrir fundinum. I umræðu um reikninga aðalstjórnar og deilda ÍBV-íþróttafélag kom fram að nokkurrar óreiðu gætir hjá sumum deildum. Skoðunarmenn félagsins treystu sér ekki til að skrifa undir reikninga félagsins en fundurinn samþykkti þá engu að síður með þeim formerkjum að senda ársreikninga aftur til skoðunarmanna tíl samþykktar. Þá voru menn sammála um að færa þurfi bókhald deilda félagsins til betri vegar og jafnvel yrði það hlutverk skrifstofu ÍBV að sjá um bókhald deildanna. Ekkert var ákveðið í þeim efnum. Af tillögum sem lágu fyrir má nefna að allar fjáraflanir á vegum ÍBV fara nú í gegnum aðalstjórn en áður voru deildinnar hver í sínu horni og rákust fjáraflanir jafnvel á. Þá var samþykkt að félagið fjárfesti í nýju bókhaldsforriti í þeirri viðleitni að koma bókhaldi deilda í réttan farveg. Þá benti Viðar Elíasson, formaður knattspyrnudeildar á að þó að margt mætti betur fara í starfinu þá væri unnið mjög gott starf hjá ÍBV sem ekki mætti falla í skuggann á umræðunni um það sem þarf að bæta og tóku menn undir það. Ný stjórn var kosin, Óskar Freyr Brynjarsson var endurkjörinn sem formaður félagsins en auk hans eru þau Björgvin Eyjólfsson, Tryggvi Már Sæmundsson, Guðný Einarsdóttir og Olga Bjarnadóttir í stjórn en varamenn eru þeir Tryggvi Kr. Ólafsson og Magnús Bragason. Skoðunarmenn reikninga félagsins fyrir árið 2004 eru þeir Gísli Valtýsson og Hörður Óskarsson.

ÍBV afhenti fjórum leikmönnum viðurkenningu samkvæmt nýjum reglum um slíkt. Nú verður miðað við leiki í deild, bikar, deildarbikar og Evrópukeppni með ÍBV og einstaklingum afhentar viðurkenningar fyrir 100 leiki, 150 leiki, 200 leiki og svo framvegis. Í ár fengu þeir Birkir Kristinsson (116), Bjarnólfur Lárusson (134), Hjalti Jóhannesson (139) og Ingi Sigurðsson (320) viðurkenningar fyrir leikjafjölda.

=== '''Í úrslit fjórða árið í röð''' ===
ÍBV komst í bikarúrslitaleikinn fjórða árið í röð eftir að hafa unnið FH nokkuð sannfærandi í undanúrslitunum, 34 - 24. Í úrslitaleiknum mætir ÍBV hins vegar hinu Hafnarfjarðarliðinu, Haukum en þessi lið mættust einmitt í úrslitaleiknum í fyrra þar sem Haukar höfðu betur. Leikurinn var nánast eftir bókinni og í samræmi við það sem ÍBV hefur verið að gera í síðustu leikjum. Hraðinn var mikill og FH-ingar virtust ráða ágætlega við hann framan af. Varnarleikur ÍBV var reyndar afar slakur í fyrri hálfleik og þannig áttu gestirnir auðveldara með að fá góð færi. Þó að ÍBV hafi ávallt verið skrefinu á undan þá náðu þær aldrei að hrista Hafnfirðinga af sér og í hálfleik munaði aðeins tveimur mörkum, 16-14. Það var augljóst að ræða Aðalsteins Eyjólfssonar, þjálfara ÍBV hitti beint í mark í leikhléi því Eyjastúlkur voru mun grimmari í síðari hálfleik. Strax frá fyrstu mínútu tóku þær völdin á vellinum, skoruðu fjögur mörk úr fyrstu fimm sóknum sínum á meðan gestirnir náðu aðeins einu sinni að koma boltanum í netið. Reyndar var varnarleikur og markvarsla hjá IBV í upphafi síðari hálfleiks í hæsta gæðaflokki og Hafnfirðingar náðu aðeins að skora tvívegis úr fyrstu sautján sóknum sínum. Um miðjan hálfleikinn voru Eyjastúlkur komnar tíu mörkum yfir, 29-19 og úrslitin ráðin. Undir lokin virtust gestirnir ætla að minnka muninn en Guðbjörg Guðmannsdóttir tók þá loksins við sér, skoraði síðustu fjögur mörk leiksins og tryggði ÍBV farseðil í úrslitaleik bikarkeppninnar og lokatölur leiksins urðu 34-24. Mörk ÍBV: Anna Yakova 8, Alla Gokorian 8, Sylvia Strass 7, Guðbjörg Guðmannsdóttir 4, Anja Nielsen 4, Birgit Engl 2, Þórsteina Sigurbjörnsdóttir 1. Varin skot: Julia Gantimorova 23/1 GUÐBJÖRG Guðmannsdóttir gerði vonir FH að engu á lokasprettinum þar sem hún skoraði fjögur síðustu mörkin.

=== '''Tryggvi til Orgryte''' ===
Tryggvi Guðmundsson gekk í febrúar í raðir sænska úrvalsdeildarliðsins Örgryte en fyrir eru tveir Íslendingar hjá liðinu, Jóhann Birnir Guðmundsson og Atli Sveinn Þórarinsson. Tryggvi hafði sett stefnuna suður á bóginn, helst á meginland Evrópu eða til Englands en erfið meiðsli settu strik í reikninginn hjá þessum snjalla sóknarmanni þannig að engin spennandi tilboð bárust.

=== '''Tvö stór töp fyrir Íslandsmeisturunum''' ===
Kvennalið ÍBV lék sína fyrstu leiki í Reykjavíkurmótinu en þá lék liðið tvívegis gegn KR. Leikirnir fóru báðir fram í Egilshöll. IBV tapaði báðum leikjunum stórt, annars vegar 5-1 og hins vegar 5-3 en Eyjastúlkur höfðu unnið KR fyrr í vetur í Hitaveitumótinu og því komu þessi töp nokkuð á óvart. Mörk ÍBV: Olga Færseth (2), Íris Sæmundsdóttir og Fanndís Friðriksdóttir eitt hvor.

=== '''Hanna Gudný hætt''' ===
Markvörðurinn efnilegi í kvennaliði ÍBV í knattspyrnu, Hanna Guðný Guðmundsdóttir, hefur ákveðið að leggja skóna á hilluna. Hanna flutti til Reykjavíkur í vetur og hefur lítið getað æft vegna vinnu og í kjölfarið ákvað hún að taka sér frí frá knattspyrnunni. Þetta setur liðið í vandræði þar sem enginn varamarkvörður er til staðar en Heimir Hallgrímsson fékk lánaðan markvörð úr Haukum, sem að öllum líkindum mun leika nokkra leiki með liðinu.

=== '''Skrifar undir þriggja ára samning''' ===
Andri Eyvindsson skrifaði undir 3ja ára leikmannasamning við knattspyrnudeild IBV. Andri er fæddur 1986 og er á öðru ári í 2.flokki. Andri er einn af þeim fljótu og kappsömu leikmönnum sem eru að koma upp í meistaraflokk á næstu árum ef hann heldur áfram á þeirri braut sem knattspyrnudeildin skapar honum.

=== '''Tap í léttum æfingaleik''' ===
Karlalið IBV í knattspyrnu undirbýr sig nú af krafti fyrir sumarið en um helgina var áætlaður æfingaleikur Grindavíkinga og Eyjamanna. Leiknum var hins vegar frestað þar sem Grindvíkingar fengu ekki tíma í Reykjaneshöllinni og því fóru engir leikmenn frá Eyjum upp á land. En síðar um daginn losnaði tími og því fór Magnús Gylfason, þjálfari IBV að smala í lið. Í liði ÍBV mátti m.a. finna fyrrverandi leikmann liðsins, lánsmann úr öðrum liðum, í það minnsta tvo leikmenn sem eru í skoðun og í síðari hálfleik skellti Birkir Kristinsson sér í framlínuna en náði ekki að skora. Magnús Gylfason sagði að tilgangur leiksins hafi fyrst og fremst verið að komast inn úr kuldanum. „''Ég tók enga leikmenn úr Eyjum þannig að þetta var frekar fámennur hópur. Þá fór ég í það að smala og fékk t.d. leikmenn úr Völsungi sem ekki komust í 16 manna hóp þeirra um helgina og svo spilaði Hjalti Jóhannesson með okkur. En þetta var fyrst og fremst hugsað sem góð æfing og gott að komast inn úr frostinu."''

=== '''Von um sæti í átta liða úrslitum''' ===
ÍBV lék gegn franska úrvalsdeildarliðinu Le Havre í 16 liða úrslitum Áskorendakeppninnar á heimavelli þeirra síðarnefndu. Það var ljóst strax í byrjun að einbeitning leikmanna ÍBV var í hámarki. Leikmenn ætluðu að sanna sig gegn einu af toppliðum frönsku deildarinnar og þegar sjö mínútur voru búnar var staðan orðin 2-6 fyrir IBV. Lengst af í fyrri hálfleik munaði þremur til fjórum mörkum á liðunum en undir lok fyrri hálfleiks minnkuðu Frakkarnir muninn niður í eitt mark, 12-13. En þá tóku Eyjastúlkur við sér, skoruðu síðustu tvö mörk hálfleiksins og voru þar með þremur mörkum yfir í hálfleik, 12-15. Síðari hálfleikur byrjaði ekki vel fyrir ÍBV því það tók Frakkana aðeins sjö mínútur að jafna leikinn, 16-16 og svo aftur 17-17. En með Öllu Gorkorian fremsta í flokki í sóknarleik ÍBV náðu Eyjastúlkur að snúa leiknum sér í hag. Á lokakaflanum gekk ÍBV allt í haginn, liðið skoraði sex mörk gegn aðeins einu marki Frakkanna og sigruðu með átta mörkum, 22-30. Mörk ÍBV: Alla Gorkorian 9, Guðbjörg Guðmannsdóttir 6, Anna Yakova 5/1, Sylvia Strass 4, Birgit Engl 4, Anja Nielsen 2. Varin skot: Julia Gantimorova 23.

=== '''ÍBV-stelpurnar deildarmeistarar C-liða''' ===
Um miðjan febrúar var haldið eitt af fimm deildarmótum vetrarins í fimmta flokki kvenna og fór mótið fram í Eyjum. ÍBV sendi þrjú lið til keppni og sagði Unnur Sigmarsdóttir, þjálfari stelpnanna, að hún hefði mjög stóran og góðan hóp úr að velja. Árangurinn var mjög góður og miklar framfarir hjá stelpunum. A lið félagsins lenti í 4. sæti í 1. deild og B liðið í 2. sæti 1. deildar. Báðir flokkamir sýndu miklar framfarir. Unnur sagði að áður hafi liðin verið að tapa stórt gegn sumum af liðunum en þau voru mörg hver lögð að velli um helgina eða að leikirnir töpuðust naumt. Það var aftur á móti C liðið sem náði bestum árangrinum þegar þær urðu deildarmeistarar.

=== '''Jafntefli í fyrsta leik''' ===
Karlalið ÍBV í handbolta byrjaði loks keppni í 1. deild Íslandsmótsins þegar Víkingar voru sóttir heim. Leikurinn var jafn og spennandi í fyrri hálfleik, Víkingar leiddu þó leikinn með einu til tveimur mörkum mest allan hálfleikinn en Eyjamönnum tókst að jafna fyrir leikhlé, 10 -10. Í upphafi síðari hálfleiks náði ÍBV svo forystu í leiknum og þegar fimm mínútur voru eftir leiddi liðið 18 - 20. Víkingum tókst þó að jafna metin, 22 - 22 þegar 40 sekúndur voru eftir. Eyjamenn fengu boltann en brenndu af og Víkingar fengu aukakast þegar fimm sekúndur voru eftir og Eyjamenn tveimur leikmönnum færri. Þeim tókst ekki að nýta sér það og niðurstaðan varð jafntefli. Erlingur Richardsson, þjálfari, var mjög ánægður með varnarleikinn og markvörsluna í liðinu. „''Það stendur upp úr og það að menn börðust vel. Það var mikill vilji í liðinu en það sem betur mátti fara var sóknarleikurinn. Hann var ekki nógu góður og skotnýtingin léleg, aðeins 37%."'' Mörk ÍBV: Guðfinnur Kristmannsson 7, Michael Lauritzen 4, Sigurður Ari Stefánsson 3, Joseph Böze 2, Robert Bognar 2, Zoltan Belanyi 2, Sigurður Bragason 2. Varin skot: Jóhann Ingi Guðmundsson 23.

=== '''Á úrtaksæfingar''' ===
Þrír leikmenn ÍBV hafa verið kallaðir á úrtaksæfingar hjá U-19 ára landsliðs Íslands í knattspyrnu. Það eru þær Karitas Þórarinsdóttir, Margrét Lára Viðarsdóttir og Sara Sigurlásdóttir. U-19 ára liðið tekur þátt í milliriðli fyrir Evrópumótið en riðillinn fer fram í Póllandi dagana 18. til 25. apríl.

=== '''Unglingaráð ÍBV-íþróttafélags skrifar''' ===
Í lok síðasta árs var skipað nýtt unglingaráð IBV-íþróttafélags sem hefur sett sér það markmið að efla allt unglingastarf félagsins og gera iðkendum kleift að stunda bæði knattspyrnu og handknattleik hjá félaginu. Einnig er það eitt af markmiðum ráðsins að efla allt innra starf félagsins og m.a. að félagslífið verði eins öflugt og mögulegt er. Til þess að þessi markmið geti ræst þá hefur unglingaráðið hrint af stað átaki í samstarfi við aðalstjórn félagsins, og aðalmarkmið þess er „aukin þátttaka barna og unglinga í starfi félagsins". ÍBV- íþróttafélag þarf að fjölga iðkendum hjá félaginu í knattspyrnu og handknattleik og um leið að stuðla að hollri hreyfingu barna og unglinga. ÍBV-íþróttafélag vill vera sem áður öflugt félag á landsvísu bæði félags og afrekslega, og til þess að svo verði þá þurfa að vera til staðar iðkendur í hverjum aldursflokki til að gera það mögulegt. Takmarkið er því að kynna starf félagsins fyrir sem flestum börnum og unglingum, ásamt því að hvetja sem flesta til að stunda íþróttir. ÍBV-íþróttafélag vill stuðla að því að sem flestir geti æft knattspyrnu og handknattleik án þess að það komi niður á annarri hvorri greininni. Þannig teljum við hjá félaginu að náist að byggja upp sterka einstaklinga sem njóta alhliða þjálfunar, en hitt er einnig ljóst að félagslegi þátturinn er ekki síður mikilvægur. Einnig öðlast börn og unglingar aukinn sjálfsaga og styrk og hafa íþróttir mikið forvarnargildi gegn neyslu vímuefna eins og nýleg könnun Rannsóknar og greiningar ehf. staðfestir enn og aftur. Niðurstaðan í þeirri könnun var sú að börn og unglingar sem stunda íþróttir eru síður líkleg til að neyta vímuefna en þau sem ekki stunda einhverja íþrótt. Á síðustu misserum hefur ÍBV- íþróttafélag þurft að búa við minni þátttöku yngri iðkenda og meira brottfall eldri iðkenda. Þeirri þróun vill félagið snúa við og í samvinnu við þjálfara félagsins, foreldra barna og unglinga og skólakerfið er mögulegt að snúa þeirri þróun við. Því viljum við beina því til foreldra að hvetja börn sín til að stunda íþróttir sínar vel og hvetja þau til þátttöku sem ekki eru þátttakendur nú í dag. Það er í höndum foreldra að aðstoða börnin við að taka fyrstu skrefin og leggja stund á íþróttir. Í lok þessarar viku verða bekkir í báðum grunnskólum bæjarins heimsóttir og öllum börnum og unglingum afhent veggspjald þar sem kemur fram hvatning til þeirra frá unglingaráði og frá nokkrum afreksmönnum félagsins í knattspyrnu og handknattleik. Einnig eru á veggspjaldinu æfingatöflur allra flokka félagsins þannig settar upp að auðvelt á að vera fyrir foreldra að fylgjast með hvenær æfingar barna þeirra fara fram. Það er mikilvægt að þessu átaki sé fylgt vel eftir og því höfðum við til foreldra að hvetja börn sín til aukinnar þátttöku og um leið að styrkja ÍBV-íþróttafélag til frekari dáða. IBV-íþróttafélag hefur metnað til að eflast og standa áfram í fararbroddi innan íþróttahreyfingarinnar, og í þeim tilgangi mun félagið setja aukinn kraft í að hlúa að þjálfun og innra starfi félagsins. Liður í því er að fjölga þjálfurum hjá félaginu og hvetja yngra fólkið til að taka að sér þjálfun í meiri mæli. Núverandi ráði hefur tekist að koma því vel af stað því nú þegar eru fjórir nýir og upprennandi þjálfarar að taka sín fyrstu spor í knattspyrnuþjálfun. Í desember sl. var haldið þjálfaranámskeið í knattspyrnu hér í Eyjum og alls voru þar 15 þátttakendur sem luku A-stigi í þjálfunarstiga KSÍ. Stefnt er að áframhaldandi námskeiðshaldi og næst er það námskeið á vegum HSÍ sem vonandi verður sett á mjög fljótlega. Það er mjög mikilvægur þáttur í starfi félagsins að hafa vel menntaða þjálfara sem skilar sér um leið í betri þjálfun og í kjölfarið öflugri árangri einstakra iðkenda sem og flokka. Á næstu vikum munu þjálfarar og aðrir tengdir hreyfingunni rita greinar í þeim tilgangi að halda þessu málefni á lofti og leggja þessu átaki lið. ÍÞRÓTTIR stuðla að heilbrigðri sál í hraustum líkama og eru besta forvörnin gegn neyslu vímuefna. Tökum því höndum saman og stöndum vel við bakið á bömum okkar og eflum félagsstarf ÍBV okkur öllum til hagsbóta.

''Unglingaráð ÍBV, Ingi Sigurðsson, Hafdís Hannesdóttir, Eva Káradóttir, Magnús Sigurðsson, Guðbjörg Lilja Þórarinsdóttir og Kristján''

=== '''Komnar í átta liða úrslit''' ===
ÍBV komst í átta liða úrslit Áskorendakeppni Evrópu þegar þær gerðu jafntefli við franska úrvalsdeildarliðið Le Havre, 27-27. Þessi úrslit dugðu ÍBV til að komast áfram þar sem liðið sigraði Frakkana með átta marka mun í fyrri leiknum. Samanlagt sigruðu stelpumar því 57- 49, nokkuð sannfærandi þrátt fyrir að þarna væri um að ræða lið sem var í þriðja sæti frönsku deildarinnar. Frakkarnir byrjuðu betur og vora komnir með þriggja marka forystu eftir aðeins tíu mínútna leik, 2-5. En Alla Gorkorian var allt í öllu í sóknarleik ÍBV og hún dreif stelpurnar með sér. Eyjastúlkur náðu aftur yfirhöndinni og staðan í hálfleikvar 11-10. Í upphafi síðari hálfleiks var forskotið komið upp í fjögur mörk, 16-12 en þá hrökk allt í baklás, Frakkarnir komust aftur inn í leikinn og liðin skiptust á að skora. Þegar tíu mínútur voru til leiksloka náðu Frakkarnir hins vegar góðum leikkafla og komust tveimur mörkum yfir, 23-25. En eins og í fyrri hálfleik náðu Eyjastúlkur að vinna sig aftur inn í leikinn og þegar mínúta var eftir var staðan 27-26 og IBV í sókn. Eyjastúlkur náðu hins vegar ekki að nýta færið, Frakkarnir brunuðu í sókn og jöfnuðu leikinn. Lokatölur urðu því 27-27 sem þýðir að IBV er í pottinum í átta liða úrslitum keppninnar. Árangur IBV er án efa sá glæsilegasti sem náðst hefur í kvennahandboltanum á Íslandi.. Mörk IBV: Alla Gorkorian 8/3, Birgit Engl 6, Guðbjörg Guðmannsdóttir 4, Sylvia Strass 4, Þórsteina Sigurbjörnsdóttir 2, Anna Yakova 2, Anja Nielsen 1. Varin skot: 11

=== '''Sigur í fyrsta deildarbikarleik''' ===
Karlalið ÍBV lék fyrsta leik sinn deildarbikarkeppninni gegn Stjörnunni og fór leikurinn fram í knattspyrnuhöllinni Fífunni. Eyjamenn sigruðu í leiknum 5-2 en staðan í hálfleik var 3-1. Magnús Már Lúðvíksson, knattspyrnumaðurinn sem nú er í skoðun hjá ÍBV, skoraði fyrsta mark leiksins um miðjan fyrri hálfleikinn og bætti svo öðru við fljótlega eftir það en bæði mörkin skoraði hann með höfðinu. Garðbæingar minnkuðu hins vegar muninn en skömmu fyrir leikslok var það Bjarnólfur Lárusson sem skoraði þriðja mark ÍBV með skalla. Stjörnumenn minnkuðu muninn í eitt mark, 3-2 fljótlega í síðari hálfleik. Bjarnólfur skoraði annað skallamark sitt í leiknum um stundarfjórðungi fyrir leikslok og bætti svo við þriðja markinu sínu og fimmta marki ÍBV eftir að Eyjamenn höfðu fengið óbeina aukaspyrnu í teig Garðbæinga. Reyndar hafði Bjarnólfur fengið tækifæri til að ná þrennu fyrr í leiknum en þá lét hann verja frá sér vítaspyrnu.

=== '''Strákarnir stefna ótrauðir á toppinn''' ===
Karlalið ÍBV sótti lið Breiðabliks heim en Eyjamenn mættu mjög ákveðnir til leiks en strax á upphafsmínútunum komust þeir þremur mörkum yfir. Mikael Lauritzen fór fremstur í flokki en hann byrjaði leikinn í vinstra horninu en hefur til þessa yfirleitt leikið í því hægra þrátt fyrir að vera rétthentur. Eyjamenn héldu þriggja marka forystu lengst af í fyrri hálfleik en voru svo fjórum mörkum yfir í hálfleik, 13- 17. Síðari hálfleikur fór vel af stað hjá Eyjamönnum og fljótlega var munurinn kominn í átta mörk 13-21. Heimamenn náðu aðeins að laga stöðuna en Eyjamenn settu aftur í gír og komust aftur átta mörkum yfir, 22- 30. Eftir það slökuðu leikmenn IBV á klónni og heimamenn náðu aðeins að laga stöðuna fyrir leikslok. Lokatölur urðu 28-34 en ÍBV er sem stendur í fjórða sæti 1. deildar með þrjú stig. Eyjamenn hafa reyndar aðeins leikið tvo leiki á meðan önnur hafa leikið þrjá til fimm. Erlingur Richardsson, þjálfari liðsins sagði í samtali við Fréttir að hann væri ánægður með sigurinn. „''Við vorum komnir með átta marka forystu í seinni hálfleik en svo fengu varamennirnir að spreyta sig. Þeir stóðu sig vel en Blikarnir náðu að minnka muninn þó að sigurinn hafi aldrei verið í hættu. Við erum búnir að ná í þrjú stig á útivelli af fjórum mögulegum en maður veit eiginlega ekkert um hin liðin. Selfyssingar hafa komið verulega á óvart en FH-ingar hafa verið í basli í sínum leikjum en þeim var spáð góðu gengi."'' Mörk ÍBV: Mikhael Lauritsen 7, Sigurður Ari Stefánsson 6,Josef Böse 4/2, Zoltan Belányi 4, Guðfinnur Kristmannsson 3, Björgvin Rúnarsson 3, Robert Bognar 3, Erlingur Richardsson 1, Kári Kristjánsson 1, Sigurður Bragason 1, Sindri Haraldsson 1/1. Varin skot: Jóhann Guðmundsson 21/2, Eyjólfur Hannesson 3.

=== '''2. flokkur karla''' ===
Annar flokkur karla lék ásunnudaginn gegn Haukum í Íslandsmótinu og fór leikurinn fram á Ásvöllum. Eyjamönnum hefur gengið illa að komast í leiki í vetur og eiga talsverðan fjölda leikja inni á önnur lið. Engu að síður eru strákarnir um miðjan riðil. Haukar eru hins vegar í öðru sæti og höfðu þeir betur gegn ÍBV, lokatölur urðu 30- 29.

=== '''Fjórir á úrtaksæfingar''' ===
Margrét Lára Viðarsdóttir og Sara Sigurlásdóttir hafa verið boðaðar á úrtaksæfingar hjá U-19 ára landsliðið Íslands. Um er að ræða einn æfingaleik og æfingu daginn eftir. Ólafur Þór Berry, knattspyrnumaðurinn efnilegi, hefur verið valinn á úrtaksæfingar hjá U-19 ára landsliði Íslands. 31 leikmenn voru valdir til æfinganna. Þá hefur Birkir Hlynsson verið valinn til að taka þátt í úrtaksæfingum með Undir 17 ára liðinu.

=== '''Sætur sigur í frábærum leik''' ===
Leik ÍBV og Hauka í bikarúrslitum kvenna verður minnst sem eins skemmtilegasta bikarúrslitaleiks kvenna fyrr og síðar. Leikurinn bauð upp á allt sem prýðir góðan úrslitaleik, hraða, spennu, dramatík og góð tilþrif. Eyjastúlkur hafa leikið mjög hraðan handbolta síðari hluta vetrar og áttu margir von á því að Hafnfirðingar næðu ekki að fylgja þeim eftir en annað kom á daginn. Það var í raun aðeins í blálokin sem stuðningsmenn gátu fagnað sigri en lokatölur leiksins urðu 35-32. Leikurinn fór ekki vel af stað hjá IBV, varnarleikurinn var slakur og sóknarleikurinn hægur. Liðið hefur oft leikið betur en og í raun náðu stelpurnar sér aldrei á flug. Það sýnir hins vegar styrk IBV að sigra Hauka, sem líklega voru að leika sinn besta leik í vetur. Það var mikill sálfræðisigur hjá stelpunum að jafna og komast svo yfir á síðustu andartökum fyrri hálfleiks en staðan í hálfleik var 17:16 fyrir ÍBV. IBV byrjaði vel í síðari hálfleik og fljótlega var munurinn orðinn fjögur mörk. Sá munur hélst lengst af en þegar tæpar fimm mínútur voru til leiksloka minnkuðu Haukar muninn niður í eitt mark, 31 -30. En þá tóku leikmenn ÍBV aftur við sér, skoruðu fjögur mörk gegn einu marki Hafnfirðinga og tryggðu sér bikarmeistaratitilinn árið 2004. Mörk ÍBV: Alla Gorkorian 9/3, Sylvia Strass 9, Anna Yakova 8, Guðbjörg Guðmannsdóttir 4, Birgit Engl 4, Þórsteina Sigurbjörnsdóttir 1. Varin skot: Julia Gantimorova 19.

'''Bikarmeisturunum fagnað við heimkomuna'''

Það var mikið um dýrðir á Básaskersbryggju þegar Herjólfur lagðist að bryggju rétt um klukkan 20.00 með nýkrýnda bikarmeistara ÍBV í kvennahandboltanum. Fjöldi manns var á bryggjunni og fagnaði stelpunum. Bæjarstjóri og forráðamenn íþróttahreyfingarinnar færðu þeim blóm og heillaóskir og að lokum var mikil flugeldasýning stelpunum til heiðurs. Þær fengu meðal annars blóm og heillaóskir frá Haukastelpum, andstæðingum þeirra í úrslitunum, og KA-sem vann karlabikarinn.

'''Að sigra í slökum leik er hefð góð'''

Aðalsteinn Eyjólfsson, þjálfari, var að stýra liði í fyrsta skipti í bikarúrslitum en virkaði þrátt fyrir það sallarólegur á hliðarlínunni. ''„Ég á kannski eftir að fá smá spennufall en ég var ferlega rólegur á meðan á leiknum stóð,"'' sagði Aðalsteinn í leikslok í samtali við Fréttir. Hann sagði undirbúning liðsins hafa verið góðan en vandamálið væri spennustig leikmanna. ''„Það var það eina sem ég hafði áhyggjur af og við hittum kannski ekki alveg á rétt spennustig í byrjun leiks. Leikmenn unnu sem einstaklingar og það boðar ekki gott en um leið og við fórum að vinna sem liðsheild og fórum að spila okkar bolta þá fór þetta að rúlla hjá okkur,"'' sagði Aðalsteinn og bætti við að Haukarnir ættu hrós skilið fyrir góðan leik. '',,Þær voru margar Haukastúlkurnar sem blómstruðu í dag og báru uppi liðið. Stelpur, sem ekki hafa sýnt mikið í vetur. Leikurinn þróaðist þannig að við hefðum getað klárað leikinn svona tíu sinnum í síðari hálfleik en það datt ekki alveg okkar megin."'' Aðalsteinn var ekki alls kostar sáttur við dómgæsluna í leiknum. ''„Hún var okkur alls ekki í hag og virkilegt ósamræmi í henni. Mér fannst leikurinn ekki fljóta nógu vel og margt óhagstætt Eyjaliðinu í þeim efnum."'' Aðalsteinn sagði að varnarleikurinn hafi ekki verið góður hjá ÍBV stóran hluta leiksins. „''Samt sem áður getur maður ekki verið annað en sáttur við að klára þetta og þá kemur gamla klisjan upp í hugann að sigra í slökum leik hlýtur að vera hefð góðra liða."''

'''Gat dottið báðum megin'''

Guðbjörg Guðmannsdóttir var kampakát í leikslok enda búin að sigra í sínum fyrsta bikarúrslitaleik. ''„Þetta var alveg rosalega gaman og með því skemmtilegra sem ég hef upplifað. Þetta var sigur þó þetta hafi ekki verið fallegasti leikur okkar í vetur. Þetta var spennuleikur eins og þeir gerast bestir og svona eiga bikarúrslitaleikir að vera. Þetta hefði í sjálfu sér getað dottið báðum megin en við tókum þetta í dag og það var frábært."''

'''Gáfu okkur aukastyrk á lokasprettinum'''

Alla Gorkorian var markahæst í Eyjaliðinu ásamt Sylviu Strass með níu mörk en hún var samt sem áður ekki sátt við sinn leik. „''Nei, ég er ekki ánægð með minn hlut í leiknum. Þetta gekk ekki nógu vel en okkur tókst að vinna og það skipti öllu. Við byrjuðum leikinn illa og það var mikið af mistökum, sendingar rötuðu ekki rétta leið og svo var dómgæslan alls ekki nógu góð."'' Alla sagði aftur á móti að liðið hafi sýnt mikinn karakter með því að klára leikinn. ''„Það var ekki síst frábærum stuðningi áhorfenda að þakka, þau voru frábær á pöllunum og gáfu okkur aukastyrk á lokasprettinum.''"

'''Skipti öllu að ná forystunni á lokakafla fyrri hálfleiks'''

Elísa Sigurðardóttir, fyrirliði IBV, tók við sínum fyrsta bikar og vonandi ekki þeim síðasta og var að sjálfsögðu himinlifandi með afrakstur dagsins. „''Við byrjuðum alveg rosalega illa en sýndum mikinn karakter með að komast yfir á lokakafla fyrri hálfleiks. Ég held að það hafi skipt rosalega miklu máli að vera með forystuna í hálfleik enda höfðum við verið undir allan leikinn fram að því. Ég er ekki viss um að okkur hefði tekist að vinna ef við hefðum ekki náð því."'' Elísa sagði leikinn hafa verið alveg dæmigerðan bikarúrslitaleik, spennustig leikmanna hátt og mikið af mistökum. „''Svo hélt vörnin ekki en þetta hafðist og það skiptir öllu. Leikurinn sjálfur skiptir ekki öllu, takmarkið var að vinna og hvernig við fórum að því skiptir ekki máli því við erum á leiðinni heim með bikarinn."''

=== '''Tveir mikilvægir heimasigrar''' ===
Karlalið ÍBV lék tvo leiki á heimavelli í lok febrúar, fyrst gegn Þór frá Akureyri en svo gegn Selfossi. Leikurinn gegn Þór var jafn til að byrja með en eftir tíu mínútna leik fór að draga í sundur með liðunum. Jafnt og þétt juku Eyjamenn við forskotið og staðan í hálfleik var 19-10. Eins og sjá má á markaskorun ÍBV í fyrri hálfleik var mikill hraði í leiknum, nokkuð sem heimamenn réðu vel við en gestirnir ekki. Í hálfleik var nánast skipt um lið, þeir sem byrjuðu á bekknum hjá ÍBV fengu tækifæri en það var ekki að sjá á leik liðsins þar sem enn dró í sundur með liðunum. Lokatölur urðu svo 43-21, 22 marka stórsigur Eyjamanna og skoruðu allir útileikmenn ÍBV nema einn. Mörk IBV: Robert Bognar 7, Josef Böse 7/1, Björgvin Rúnarsson 5, Sigurður Ari Stefánsson 5, Zoltan Belany 5/1, Guðfinnur Kristmannsson 4, Kári Kristjánsson 3, Michael Lauritsen 2, Erlingur Richardsson 2, Sindri Haraldsson 2, Sigurður Bragason 1. Varin skot: Jóhann Guðmundsson 16/1, Eyjólfur Hannesson 6.

Fyrir leikinn gegn Selfossi voru bæði lið ósigruð í 1.deild. Fyrstu mínúturnar voru gestirnir sterkari og komust m.a. tveimur mörkum yfir en smám saman náðu Eyjamenn að komast inn í leikinn. Undir lok fyrri hálfleiks fundu leikmenn ÍBV svo taktinn og skoruðu hvert markið á fætur öðru en sterkur varnarleikur og góð markvarsla skilaði liðinu mörgum hröðum sóknum. Staðan í hálfleik var 16-10. En Selfyssingar voru ekki af baki dottnir og með Eyjamanninn og þjálfara sinn, Sebastian Alexandersson í miklu stuði milli stanganna, tókst gestunum að minnka muninn niður í þrjú mörk strax í upphafi síðari hálfleiks og leikurinn galopinn að nýju. Liðin skiptust á að skora en undir lokin gáfust Selfyssingar hreinlega upp og Eyjamenn sigruðu með átta marka mun, 35-27. Mörk ÍBV: Rober Bognar 11, Sigurður Ari Stefánsson 7, Zoltan Belany 6, Josef Böse 3, Guðfinnur Kristmannsson 3, Björgvin Rúnarsson 3, Erlingur Richardsson 1, Sigurður Bragason 1. Varin skot: Jóhann Guðmundsson 20/1.

=== '''Jafntefli í deildarbikarnum''' ===
Karlalið ÍBV lék gegn Fram í deildarbikarnum en þetta var annar leikur Eyjamanna, áður hafði liðið sigrað Stjörnuna. Leikurinn gegn Fram fór fram í Egilshöll og það voru Eyjamenn sem skoruðu fyrsta markið. Það gerði Bjarnólfur Lárusson úr víti eftir að brotið hafði verið á Gunnari Heiðari Þorvaldssyni í vítateig Framara. En Framarar náðu að jafna fyrir leikhlé, úr vítaspyrnu og urðu það lokatölur leiksins, 1-1.

=== '''Basar í Týsheimilinu''' ===
Stelpurnar í fótboltanum hafa undanfarið efnt til basars í Týsheimilinu í anda Kolaportsins. Þar hafa þær boðið upp á ýmislegt sem þeim hefur verið gefið og líka hafa aðrir mætt með sitt dót og selt. Úrvalið er alveg ótrúlega mikið og margir hafa litið við og gert góð kaup.

=== '''Sigur og tap''' ===
Annar flokkur karla lék gegn jafnöldrum sínum úr Aftureldingu en Mosfellingar eru í efsta sæti B - riðils en flest liðin í riðlinum hafa leikið fleiri leiki en ÍBV. Eyjamenn fóru hins vegar illa að ráði sínu því það voru Mosfellingar sem voru sterkari og sigruðu með fjórum mörkum, 25- 29 en staðan í hálfleik var 10-15 gestunum í vil. Mörk ÍBV: Grétar Eyþórsson 9, Sindri Haraldsson 5, Leifur Jóhannesson 4, Magnús Sigurðsson 4, Jens Elíasson 2, Guðni Ingvarsson 1. Þriðji flokkur karla lék í lok febrúar gegn Þór frá Akureyri. Eyjamenn byrjuðu vel í leiknum og voru yfir í hálfleik 15-10. Þeir misstu hins vegar flugið í síðari hálfleik og gestirnir komust inn í leikinn en á lokakaflanum náðu Eyjamenn aftur taki á leiknum og lokatölur urðu 24-20. Mörk ÍBV: Baldvin Sigurbjörnsson 8, Guðni Ingvarsson 6, Grétar Eyþórsson 4, Hilmar Björnsson 3, Sævald Páll Hallgrímsson 3.

=== '''Tvö töp í Reykjavíkurmótinu''' ===
Kvennalið IBV í knattspyrnu lék tvo leiki gegn Val í Reykjavíkurmótinu síðustu helgina í febrúar og báðir leikirnir fóru fram í Egilshöll. Fyrri leikurinn, sem leikinn var á laugardag endaði með tveggja marka sigri Vals, 2-4 en mörk IBV skoruðu þær Olga Færseth og Margrét Lára Viðarsdóttir. Síðari leikurinn var hins vegar afleitur hjá Eyjastúlkum og lokatölur urðu 8-2 en Valur komst í 8-0. Aftur voru það Olga og Margrét Lára sem skoruðu fyrir ÍBV en ÍBV er neðst í efri deild Reykjavíkurmótsins eftir fjóra leiki og markatalan er fjórtán mörk í mínus.

== '''MARS:''' ==

=== '''4. flokkur karla''' ===
4. flokkur karla lék í síðasta fjölliðamóti sínu fyrstu helgina í mars í Framheimilinu. Strákarnir hafa verið að bæta sig jafnt og þétt í vetur undir stjórn Sigurðar Bragasonar, þjálfara síns sem hefur náð að skapa góða stemmningu á meðal strákanna. Nú er aðeins úrslitakeppnin eftir og verður hún leikin helgina 26.-28. mars. Úrslit helgarinnar voru annars þessi: ÍBV-Fram 25-28, ÍBV-Höttur 17- 16, ÍBV-Völsungur 17-17.

=== '''Stelpurnar virðast óstöðvandi''' ===
Kvennalið ÍBV heldur áfram sigurgöngu sinni í handboltanum en í byrjun mars lék liðið tvo leiki, á útivelli gegn Haukum og heima gegn KA/Þór, og sigruðu stelpurnar í báðum leikjunum. Í leiknum gegn Haukum var gríðarlegur hraði en að sama skapi var varnarleikur beggja ekki merkilegur. ÍBV byrjaði betur og voru stelpurnar einu til tveimur mörkum yfir framan af. Um miðjan fyrri hálfleik komust Haukar hins vegar yfir, 9-8 en þá tóku leikmenn ÍBV aftur við sér og náðu þægilegu forskoti fyrir hálfleik, 14-18. Í upphafi síðari hálfleiks var jafnræði með liðunum en um leið og varnarleikurinn hjá IBV lagaðist, dró aftur í sundur með liðunum. Lokatölur leiksins urðu 39-34. Mörk ÍBV: Anna Yakova 10, Birgit Engl 7, Sylvia Strass 6/2, Alla Gokorian 5, Guðbjörg Guðmannsdóttir 4, Anja Nielsen 3, Þórsteina Sigurbjörnsdóttir 2, Edda Eggertsdóttir 1, Nína K. Björnsdóttir 1. Varin skot: Julia Gantimorova 17/1.

Nokkrum dögum síðar léku Eyjastúlkur svo gegn sameiginlegu liðið KA og Þórs frá Akureyri en staða liðanna í deildinni varð til þess að flestir áttu von á mjög auðveldum sigri ÍBV. Sú varð raunin en varamenn IBV léku lengst af í leiknum og skiluðu sínu hlutverki mjög vel. Þeir leikmenn sem spila mest fyrir ÍBV byrjuðu leikinn og náðu góðu forskoti á fyrstu tíu mínútum leiksins. Eftir það var komið að varamönnum IBV að spila en þrátt fyrir það voru Eyjastúlkur mun betri. Þórsteina Sigurbjörnsdóttir fór hamförum í vinstra horninu og sýndi það og sannaði að þar er á ferðinni ein efnilegasta handknattleikskona landsins. Þá kom Edda Eggertsdóttir einnig sterk inn í lið IBV, lék flestar stöður og leysti það vel. Ester Óskarsdóttir átti einnig góða spretti og athyglisvert að fylgjast með henni í framtíðinni. Allir leikmenn liðsins nema einn skoruðu í leiknum, meira segja Julia Gantimorova, markvörður ÍBV skoraði yfir allan völlinn. Lokatölur leiksins urðu 38-25 en staðan í hálfleik var 21 -9. Eftir þessa leiki er ÍBV komið með aðra höndina á deildarmeistaratitilinn. Mörk IBV: Þórsteina Sigurbjörnsdóttir 8, Edda Eggertsdóttir 6/1, Birgit Engl 6, Ester Óskarsdóttir 4/1, Anna Yakova 3, Guðbjörg Guðmannsdóttir 2, Sylvia Strass 2, Aníta Ýr Eyþórsdóttir 2, Nína K. Björnsdóttir 2/1, Alla Gokorian 1, Hildur G. Jónsdóttir 1, Julia Gantimorova 1.

=== '''Í efsta sæti í deildinni''' ===
Karlalið ÍBV hefur verið á mikilli siglingu eftir áramót og hefur ekki enn tapað leik. Eyjamenn léku tvo leiki fyrstu vikuna í mars, fyrst var tekið á móti FH-ingum og svo léku strákarnir á útivelli gegn Aftureldingu. Leikurinn gegn FH var harður, mikið barist en oft á tíðum fór minna fyrir handboltanum. Eyjamenn voru sterkari þegar leið á fyrri hálfleik og í leikhléi var staðan 18-13 fyrir ÍBV. En Hafnfirðingar börðust mjög vel í síðari hálfleik og náðu smám saman að minnka muninn. Kaflaskipti urðu í leiknum um miðjan síðari hálfleik þegar Amar Pétursson, fékk sína þriðju brottvísun en við það efldust gestirnir frekar en hitt. Eyjamenn sigruðu hins vegar eftir spennandi lokamínútur, lokatölur 33-29. Mörk ÍBV: Josef Böse 8/1, Robert Bognar 8, Sigurður Bragason 5, Sigurður Ari Stefánsson 4, Erlingur Richardsson 3, Zoltán Belany 2/1, Guðfinnur Kristmannsson 2, Michael Lauritsen 1. Varin skot: Jóhann Guðmundsson 21.

ÍBV spilaði gegn Aftureldingu þremur dögum síðar. Leikurinn var jafn til að byrja með en síðustu tíu mínútur í fyrri hálfleik náðu Eyjamenn upp góðum varnarleik og í kjölfarið komu nokkur hraðaupphlaup sem nýttust vel. Staðan í hálfleik var 8-14. Síðari hálfleikur var á allt öðrum nótum en sá fyrri og augljóst að Eyjamenn voru komnir á bragðið. Þeir skoruðu hvert markið á fætur öðru, mörg hver úr hraðaupphlaupum eftir að hafa unnið boltann í vörn og þá var Jóhann Guðmundsson í banastuði í markinu. Mestur varð munurinn tólf mörk, 13-25 en leikurinn endaði með ellefu marka sigri ÍBV, 20-31. Eins og áður sagði var Jóhann Guðmundsson að verja mjög vel í marki ÍBV en alls varði hann 28 skot, þar af tvö víti. Mörk IBV: Guðfinnur Kristmannsson 6, Robert Bognar 5, Michael Lauritsen 5, Sigurður Ari Stefánsson 5, Björgvin Þór Rúnarsson 3, Zoltan Belany 3, Ríkharð Guðmundsson 2, Sindri Haraldsson 1, Sigurður Bragason 1. Varin skot: Jóhann Guðmundsson 28/2, Eyjólfur Hannesson 2.

=== '''Endar ná ekki saman''' ===
Kostnaðurinn sem fylgir þátttöku í Áskorendakeppninni í handboltanum gríðarlegur og hleypur hann á annarri milljón fyrir hverja umferð. Eyjastúlkur hafa nú farið í gegnum þrjár umferðir og ef dæmið er einfaldað þá ætti kostnaðurinn að vera í kringum fimm milljónir. Hlynur Sigmarsson, formaður handknattleiksráðs kvenna segir að innkoma á leikina hafi ekki verið eins góð og menn höfðu vonast til, þó að stemmningin hefði verið óaðfinnanleg. ''„Maður er kannski alltaf að vonast eftir að fleiri mæti, sama hversu margir koma. Við finnum fyrir miklum stuðningi við liðið en fólk verður að átta sig á því að þetta gerist ekki af sjálfu sér. Við Eyjamenn verðum að leggjast á eitt ef við viljum ná árangri. Núna eru góðir menn að vinna með okkur í að afla fjár og við bindum miklar vonir við þá. En það vantar enn töluvert upp á að endar nái saman"'' segir Hlynur. ''„En með þessu er ég ekki að gera lítið úr þeim sem að vora á leiknum og ég er viss um að án þeirra hefði liðið aldrei komist áfram. En til að við getum spilað heimaleikinn okkar í Eyjum í næstu umferð verðum við að fá 1.000 manns og það verður takmarkið. Með samstilltu átaki tekst okkur Eyjamönnum það."''

=== '''Glæsilegasti árangur íslensks handboltaliðs''' ===
Eyjastúlkur mættu króatíska liðinu Brodosplit Vranjic í byrjun mars og unnu samanlagt 60-58. Leikið var á laugardag og sunnudag. Það var fyrst og fremst frábær frammistaða liðsins í fyrri leiknum sem varð þess valdandi að ÍBV er nú í pottinum í undanúrslitum. Þá sigruðu Eyjastúlkur með ellefu marka mun og var sigurinn síst of stór. Fyrri leikur liðanna var mjög góður af hálfu Eyjastúlkna en eftir jafnar upphafsmínútur tóku þær öll völd á vellinum og hreinlega yfirspiluðu gestina. Króatarnir voru ekki sáttir við sinn leik, kenndu ferðaþreytu um enda hafði liðið ferðast í tæpan sólarhring fyrir leikinn. Það verður hins vegar ekki tekið af leikmönnum ÍBV að þær léku mjög vel og fremstar í flokki voru þær Julia Gantimorova í markinu sem varði 26 skot og Birgit Engl sem skoraði níu mörk og var sterk í hjarta varnarinnar. Lokatölur leiksins urðu 37-26 en staðan í hálfleik var 18-12. Mörk ÍBV: Birgit Engl 9, Guðbjörg Guðmannsdóttir 7, Sylvia Strass 6, Anna Yakova 6, Alla Gokorian 5/1, Anja Nielsen 3, Þórsteina Sigurbjörnsdóttir 1. Varin skot: Julia Gantimorova 26.

Leikirnir tveir voru hins vegar eins og svart og hvítt því í síðari leiknum voru það gestirnir sem voru mun sterkari. Flestir voru á því að ÍBV væri komið áfram í undanúrslit eftir fyrri leikinn enda ekki á hverjum degi sem ÍBV tapar á heimavelli. En annað kom á daginn. Leikurinn var afar erfiður fyrir ÍBV, króatíska liðið náði mest tíu marka forystu en komst ekki lengra. Lokatölur urðu 32-23, níu marka sigur Brodosplit Vranjic sem þýddi að IBV var komið áfram. Leikmenn IBV virtust ekki mæta með réttu hugarfari í leikinn, höfðu ekki stórar áhyggjur í upphafi leiks þegar skotin rötuðu ekki rétta leið. Þegar þær lentu 6 til 7 mörkum undir fór ÍBV að leika varfærnislega, í stað þess að leika sinn leik. Það var ekki fyrr en undir lokin að stuðningsmenn könnuðust við leik liðsins. Þá keyrðu Eyjastúlkur upp hraðann og í raun skiptir ekki máli hvernig Eyjastúlkur léku í leiknum, IBV er komið áfram í undanúrslit. Mörk ÍBV: Anna Yakova 9/3, Sylvia Strass 6/1, Guðbjörg Guðmannsdóttir 5, Alla Gorkorian 2, Anja Nielsen 1.

'''Langar til Þýskalands''' Aðalsteinn Eyjólfsson var uppgefinn og raddlaus eftir síðari leik. ''„Það fóru margar hugsanir í gegnum hausinn á mér í síðari hálfleik, ekki síst þegar þær náðu muninum í tíu mörk. Það mátti ekki miklu muna,"'' sagði Aðalsteinn. ''„Við vorum ekki nógu einbeitt, Það vantaði græðgina og viljann til að skora í dag og liðið small einfaldlega ekki saman í dag. Taugarnar voru á köflum þandar til hins ýtrasta en við náðum að snúa spennunni upp í gleði seint í leiknum, skoruðum mikilvæg mörk og komum okkur áfram í þessari keppni. Ég er í raun jafn óánægður með leikinn og ég var ánægður með leikinn í gær en þar vorum við að spila virkilega vel,"'' sagði Aðalsteinn en á hann sér einhverja óskamótherja? ''„Ég hef lengi sagt að mig langar til Þýskalands. Það eru þrjú þýsk lið ennþá í keppninni og það væri gaman að komast í vöggu handboltans í Evrópu."''

'''Áttum von á minni mótspyrnu''' Eftir leikina var haldið hóf í Týsheimilinu þar sem formaður bæjarráðs, Andrés Sigmundsson, afhenti forráðamönnum Brodosplit Vranjic og dómurum leiksins bækur með ljósmyndum af Vestmannaeyjum. Þá tók til máls einn af forráðamönnum króatíska liðsins og í máli hans kom m.a. fram að þeir hafi átt von á mun minni mótspyrnu frá IBV. „''Við töldum okkur heppna þegar við drógumst gegn ÍBV, litlu liði frá lítilli eyju við suðurströnd Íslands. En svo sjáum við núna að hér er vel staðið að málum, öflugt lið og áhorfendur sem styðja vel við bakið á sínu liði. Við erum jafnframt þakklát fyrir þær móttökur og velvilja sem okkur var sýndur hér og vonum að ÍBV vegni vel í keppninni."'' Rogny Nenad aðstoðarþjálfari króatíska liðsins sagði í leikslok að sínar stúlkur hafi tapað fyrri viðureigninni vegna ferðaþreytu. „''Það verður aftur á móti ekki tekið af Vestmannaeyjaliðinu að þar fer gott og reynslumikið lið sem spilar vörnina mjög stíft og ákveðið. Úrslitin hefðu orðið önnur ef við hefðum komið degi fyrr. Við óskum ykkur góðs gengis í undanúrslitum."''

=== '''Mikilvægir sigrar''' ===
ÍBV tók á móti Víkingum í toppslag 1. deildar. Leikurinn var kaflaskiptur, Víkingar voru mun sterkari í 45 mínútur en þá hrökk allt í baklás hjá þeim, Eyjamenn gengu á lagið og sigruðu 35-31 en í leikhléi var staðan 21 – l6 fyrir gestina. Það var ekki fyrr en um miðjan síðari hálfleikinn að Robert Bognar jafnaði fyrir ÍBV, 25-25. Við það var eins og allar flóðgáttir hafi opnast, Eyjamenn bættu við sex mörkum í viðbót án þess að Víkingar næðu að svara fyrir sig og staðan allt í einu orðin 31-25 fyrir ÍBV. Eyjamenn spiluðu svo skynsamlega á lokakaflanum, hægðu á leiknum, héldu Víkingum í öruggri fjarlægð og sigruðu 35-31. Mörk ÍBV: Robert Bognar 9, Sigurður Ari Stefánsson 7, Sigurður Bragason 6, Zoltan Belany 5/2, Josef Böse 2/1, Erlingur Richardsson 2, Björgvin Rúnarsson 2, Michael Lauritsen 1 og Guðfinnur Kristmannsson 1. Varin skot: Jóhann Guðmundson 19.

Eyjamenn léku svo gegn Þór frá Akureyri fyrir norðan. Leikurinn fór vel af stað fyrir ÍBV og fljótlega náðu Eyjamenn undirtökunum en staðan í hálfleik var 10-17 fyrir Eyjamenn. Í upphafi síðari hálfleiks kom upp kæruleysi í leik Eyjamanna, heimamenn náðu að minnka muninn en náðu aldrei að jafna og Eyjamenn sigu aftur fram úr, lokatölur urðu 26-30. Mörk IBV: Zoltan Belany 10, Sigurður Ari Stefánsson 5, Erlingur Richardsson 5, Björgvin Þór Rúnarsson 3, Robert Bognar 3, Sigurður Bragason 2, Guðfinnur Kristmannsson 2. Varin skot: Jóhann Guðmundson 23.

=== '''Margrét Lára með þrennu í annað sinn''' ===
Þær Margrét Lára Viðarsdóttir og Olga Færseth léku með íslenska kvennalandsliðinu gegn Skotlandi. Leikurinn fór fram í Egilshöll og er um leið fyrsti A-landsleikurinn sem fram fer innandyra hér á landi. Báðar voru í byrjunarliðinu og óhætt er að segja að Margrét Lára hafi minnt hressilega á sig. Þessi 18 ára gamla knattspyrnukona skoraði þrennu í leiknum og það sem meira er, þetta er önnur þrennan sem hún skorar með landsliðinu. Nú hefur Margrét leikið sex leiki með A-landsliðinu og hefur skorað átta mörk. Þar með er hún orðin næst markahæsti leikmaður liðsins frá upphafi en aðeins þær Ásthildur Helgadóttir og Olga Færseth hafa skorað fleiri mörk. Og það sem meira er, enginn annar Íslendingur hefur áður skorað tvær þrennur með íslenska A-landsliðinu, hvorki í karla né kvennaknattspyrnunni. Þá má geta þess að aðeins er tæpt ár síðan að Margrét lék sinn fyrsta A-landsleik.

=== '''Fyrsta tap stelpnanna á heimavelli''' ===
ÍBV tapaði sínum fyrsta heimaleik í deildarkeppninni þegar Stjarnan kom í heimsókn. Það mátti merkja það á leik ÍBV strax frá upphafsmínútunni að stelpurnar hafa leikið tvo erfiða Evrópuleiki enda virkuðu leikmenn þungir og jafnvel áhugalausir. Stjörnustúlkur nýttu sér þetta og voru allan tímann yfir ef frá er talið upphaf leiksins en mestur varð munurinn fjögur mörk, 12-16. Eyjólfur Aðalsteinsson hefur greinilega haft sitthvað að segja við lærisveina sína því Eyjastúlkur mættu með allt öðru hugarfari í síðari hálfleik og úr varð spennandi viðureign. Um miðjan hálfleikinn jafnaði Guðbjörg Guðmannsdóttir 26-26 og eftir það skiptust liðin á að skora. Undir lok leiksins komust gestirnir hins vegar aftur tveimur mörkum yfir, 33-35 og það bil náðu heimastúlkur ekki að brúa nema hálfa leið og niðurstaðan því eins marks tap IBV á heimavelli, 34-35. Mörk ÍBV: Anna Yakova 10/3, Sylvia Strass 6, Guðbjörg Guð- mannsdóttir 6, Birgit Engl 4, Nína K. Björnsdóttir 3, Edda Eggertsdóttir 2, Anja Nielsen 2, Þórsteina Sigurbjörnsdóttir 1. Varin skot: Julia Gantimorova 12/1

=== '''Sigur og tap gegn Breiðabliki''' ===
Stelpurnar í fótboltanum léku tvo síðustu leiki sína í Reykjavíkurmótinu gegn Breiðabliki. Fyrri leikur liðanna fór fram sama dag og landsleikur Íslands og Skotlands og vantaði því leikmenn í bæði lið. Aðeins eitt mark skildi liðin að, það skoruðu Eyjastúlkur og unnu þar með sinn fyrsta leik í mótinu. Daginn eftir léku liðin svo aftur og í þetta sinn höfðu Blikastúlkur betur, lokatölur urðu 4-2.

=== '''Naumt tap fyrir FH''' ===
ÍBV lék í deildarbikarnum gegn FH og fór leikurinn fram Egilshöll. Liðin leika í efri deild, B-riðli. Atli Jóhannsson byrjaði á því að koma ÍBV yfir á átjándu mínútu en FH-ingar jöfnuðu fimmtán mínútum síðar og var staðan í leikhléi 1-1. Í síðari hálfleik skoruðu Hafnfirðingar tvívegis áður en Andri Ólafsson minnkaði muninn þremur mínútum fyrir leikslok og þar við sat. Lokatölur urðu því 3-2 fyrir FH en Eyjamenn eru í fimmta sæti en átta lið eru í riðlinum.

=== '''Shell og ÍBV gera nýjan samning''' ===
Um miðjan mars undirrituðu Gunnar Karl Guðmundsson, forstjóri Skeljungs og Óskar Freyr Brynjarsson formaður ÍBV íþróttafélags, nýjan þriggja ára samning um áframhaldandi samstarf Skeljungs og ÍBV íþróttafélags um Shellmót í Eyjum. Shellmótið hefur unnið sér sess sem hápunktur knattspyrnunnar hjá 6. flokki drengja um allt land. Shellmótið hefur verið haldið síðan 1991 og því er mótið í ár hið fjórtánda í röðinni en áður var mótið kennt við Tomma. Um eitt hundrað knattspyrnulið alls staðar að af landinu koma til Vestmannaeyja í lok júní ár hvert til að taka þátt í Shellmótinu og lætur nærri að með aðstandendum og öðru fylgdarliði komi hátt í þrjú þúsund manns til Eyja á ári hverju í tengslum við mótið. Óskar Freyr sagði að samstarfið við Skeljung hefði verið mjög gott í gegnum árin. Gunnar Karl upplýsti að hann hefði í fyrsta skipti í fyrra komið á mótið sem gestur og þegar hann sá hversu glæsilega var staðið að þessu var ekki spurning í hans huga að hann vildi að Skeljungur héldi áfram að vera samstarfsaðili ÍBV í þessu móti.

=== '''Deildarmeistaratitillinn í höfn''' ===
Á sjö dögum í mars lék lið ÍBV fjóra leiki en til að tryggja sér sigur í deildarkeppninni vantaði fjögur stig upp á. Vikan fór ekki vel af stað, eftir tap gegn Stjörnunni á heimavelli kom annar tapleikurinn í röð gegn Gróttu/KR og tækifærunum til að tryggja sér deildarmeistaratitilinn fækkaði. En tveir sigurleikir gegn Fram gerðu það að verkum að ÍBV er deildarmeistari 2004. Leikurinn gegn Gróttu/KR olli vonbrigðum þar sem Eyjastúlkur stilltu upp sterku liði, aðeins Alla Gorkorian var hvíld. Það var hins vegar augljóst að leikmenn liðsins voru þreyttir og áhuginn fyrir deildarkeppninni í lágmarki. Álagið á lið ÍBV hefur verið vægast sagt mjög mikið, sjö leikir á tíu dögum og þar af tveir erfiðir leikir í Evrópukeppninni er líklega meira en flest lið myndu ráða við. En lokatölur í leik ÍBV og Gróttu/KR urðu 27-28 eftir að staðan í hálfleik hafði verið 13-16. Eins og við var að búast voru leikirnir gegn Fram aðeins formsatriði enda Safamýrarliðið neðst í deildinni með aðeins eitt stig. Eyjastúlkur sýndu engan glansleik, fóru rólega af stað og unnu svo leikina í síðari hálfleik. Lokatölur í fyrri leiknum urðu 27- 39 en í síðari leiknum varð niðurstaðan tíu marka sigur ÍBV, 19-29. Ástæðan fyrir því að liðin léku tvívegis er að síðari leikurinn var hluti af þriðju umferð Íslandsmótsins. Liðið lék svo gegn FH, efsta sætið í deildinni var tryggt og því notaði Aðalsteinn Eyjólfsson, þjálfari ÍBV tækifærið og gaf varamönnum liðsins enn meira tækifæri en í undanförnum leikjum. Byrjunarlið ÍBV var frábrugðið því sem sést hefur í liðinu mátti m.a. finna fjóra hornamenn og var Anja Nielsen t.d. í skyttuhlutverki og Þórsteina Sigurbjörnsdóttir var í hlutverki leikstjórnanda. Sóknarleikur ÍBV var ekki burðugur framan af og gestirnir náðu strax góðu forskoti en staðan í hálfleik var 9-22. Í síðari hálfleik var svo komið að varamönnum FH að fá tækifæri og við það snerist leikurinn ÍBV í hag, það er Eyjastúlkur unnu seinni hálfleikinn 17-11 en það dugði ekki til og lokatölur leiksins urðu 26-33. Þrír bestu leikmenn ÍBV í vetur, þær Anna Yakova, Alla Gokorian og Sylvia Strass léku ekkert í leiknum og Birgit Engl og Julia Gantimorova léku ekki mikið. Tölfræði vikunnar ÍBV-Grótta/KR; Sylvia Strass 9/5, Alla Gokorian 7/1, Birgit Engl 4, Guðbjörg Guð- mannsdóttir 4, Nína K. Björnsdóttir 2, Edda Eggertsdóttir 1. Varin skot: Julia Gantimorova 17 Fram-ÍBV Birgit Engl 11, Anna Yakova 11, Alla Gokorian 4, Nína K. Björnsdóttir 3, Anja Nielsen 2, Þórsteina Sigurbjörnsdóttir 2, Guðbjörg Guð- mannsdóttir 2, Ester Óskarsdóttir 1, Sylvia Strass 1, Aníta Ýr Eyþórsdóttir 1, Edda Eggertsdóttir 1.

Fram-ÍBV Anna Yakova 12, Nína K. Björnsdóttir 6, Guðbjörg Guðmannsdóttir 3, Birgit Engl 3, Sylvia Strass 2, Aníta Ýr Eyþórsdóttir 2, Birna Þórsdóttir 1.

ÍBV-FH; Nína K. Björnsdóttir 7/3, Þórsteina Sigurbjörnsdóttir 5, Aníta Ýr Eyþórsdóttir 4, Guðbjörg Guðmannsdóttir 3, Ester Óskarsdóttir 2, Anja Nielsen 2, Edda Eggertsdóttir 2. Varin skot: Birna Þórsdóttir 6, Julia Gantimorova 5.

=== '''Tvö töp''' ===
Karlalið ÍBV Í knattspyrnu lék tvo leiki í deildarbikarnum, fyrst gegn Þrótti og svo gegn Keflavík. Fyrri leikurinn fór vel af stað hjá Eyjamönnum og var staðan orðin 0-2 fyrir þá strax í upphafi leiks. En Þróttarar voru ekki af baki dottnir, minnkuðu muninn fljótlega eftir það en Einar Hlöðver Sigurðsson skoraði síðasta mark fyrri hálfleiks og staðan því 1-3 fyrir ÍBV þegar liðin gengu til búningsherbergja. Síðari hálfleikur var hins vegar afar illa leikinn af hálfu ÍBV, Þróttarar börðust hins vegar eins og ljón og uppskáru sigur, 4-3. Mörk ÍBV: Bjarni Rúnar Einarsson, Pétur Runólfsson og Einar Hlöðver Sigurðsson. Leikurinn gegn Keflavík var á öðrum nótum en Keflvíkingar komust yfir strax í upphafi leiks og bættu við öðru fyrir leikhlé. Seinni hálfleikur var mun betri hjá IBV og fljótlega náðu þeir að minnka muninn í eitt mark. En lengra komust þeir ekki og lokatölur urðu því 2-l fyrir Keflavík.

=== '''Fyrsti leikur Halldórs''' ===
Halldór Sævar Grímsson, ungur og efnilegur markvörður, lék sína fyrstu leiki fyrir meistaraflokki IBV í handknattleik um miðjan mars. Hann var í leikmannahópi ÍBV gegn Selfyssingum og kom inn á þar. Hann spilaði svo síðasta stundarfjórðunginn gegn Breiðablik og stóð sig vel, varði fjögur skot en Halldór er nítján ára gamall.

=== '''Vænleg staða í deildinni''' ===
Eyjamenn færðust nær sigri í 1. deild með tveimur sigrum, annars vegar voru Selfyssingar lagðir á Selfossi og hins vegar unnu Eyjamenn auðveldan sigur á Breiðabliki á heimavelli. Nú er staðan þannig að ÍBV dugir sigur í öðrum af tveimur lokaleikjum deildarinnar. Leikurinn gegn Selfyssingum var vel leikinn af hálfu ÍBV og fljótlega náðu Eyjamenn yfirhöndinni. Staðan í hálfleik var 15-21 fyrir ÍBV og ljóst hvoru megin sigurinn endaði. Síðari hálfleikur var svo í rólegri kantinum hjá Eyjamönnum og endaði leikurinn með átta marka sigri ÍBV, 26-34.

Strákarnir tóku svo á móti Breiðabliki en gestirnir hafa ekki náð að landa sigri eftir áramót. Leikurinn fór frekar rólega af stað, Eyjamenn léku ekki nema á hálfum hraða til að byrja með og því var jafnræði í byrjun. Það duldist hins vegar engum hvort liðið var sterkara og auk þess mættu gestirnir með aðeins níu leikmenn, tvo varamenn og var annar þeirra markmaður. Smám saman fór hins vegar að draga í sundur með liðunum og í hálfleik var staðan 21-13. Lokatölur urðu svo 42-27 og breytti engu að varamenn IBV luku leiknum. Mörk ÍBV: Davíð Óskarsson 8/2, Sigurður Ari Stefánsson 8, Robert Bognar 5, Erlingur Richardsson 4, Zoltan Belany 4, Michael Lauritsen 3, Sindri Haraldsson 3, Kári Kristjánsson 3, Guðfinnur Kristmannsson 2, Ríkharður Guðmundsson 1, Björgvin Þór Rúnarsson 1.

=== '''Leikmannamál að skýrast''' ===
Seinni hluta marsmánaðar var gengið frá samningum við tvo erlenda leikmenn sem munu spila með karlaliði ÍBV í knattspyrnu næsta sumar. Annars vegar Bandaríkjamanninn Mark Schulte og hins vegar við enska leikmanninn Ian Jeffs. Jeffs lék með IBV síðasta sumar, var þá á lánssamningi frá Crewe en mun ekki fá nýjan samning hjá félaginu og ákvað því að ganga í raðir IBV. Síðasta sumar lék hann sextán leiki með ÍBV í Landsbankadeildinni, skoraði fjögur mörk með liðinu en eitt af þeim var reyndar sjálfsmark. Mark Schulte var hins vegar til reynslu hjá ÍBV fyrr í mánuðinum og lék þá æfingaleik gegn Val. Hann er hávaxinn varnarmaður sem lék áður með bandaríska liðinu Minnesota Thunder.

=== '''Enduðu á sigri''' ===
Kvennalið ÍBV í handbolta lék tvo leiki síðustu vikuna í mars, fyrsti andstæðingur stelpnanna var Víkingur í Reykjavík, þar sem Aðalsteinn Eyjólfsson hvíldi lykilmenn. Anna Yakova og Alla Gorkorian voru ekki einu sinni í leikmannahópnum og fyrir vikið voru Eyjastúlkur dálítið lengi að ná áttum á vellinum og lokatölur urðu 28-23 Víkingum í vil Fyrri hálfleikur var afar slakur af hálfu ÍBV á meðan Víkingar léku mjög vel. Þær spiluðu mjög grimman varnarleik sem leikmenn IBV áttu ekkert svar við. Víkingar náðu strax forystunni í leiknum og jafnt og þétt jókst bilið á milli liðanna. Þegar leikmenn gengu svo til leikhlés var munurinn orðinn tíu mörk, 18-8 fyrir Víkinga. Leikmenn ÍBV mættu hins vegar mun ákveðnari í síðari hálfleik og eftir tíu mínútna leik var munurinn kominn niður í sex mörk. Julia Gantimorova var í miklu stuði og hélt áfram að verja vel í síðari hálfleik. Þegar um tíu mínútur voru eftir var munurinn kominn niður í tvö mörk. En þá var eins og orkan væri búin, Víkingar gengu á lagið og juku muninn í fimm mörk áður en yfir lauk. Mörk ÍBV: Sylvia Strass 8, Birgit Engl 6, Guðbjörg Guðmannsdóttir 2, Edda Eggertsdóttir 2, Ester Oskarsdóttir 1, Anja Nielsen 1, Nína K. Björnsdóttir 1. Varin skot: Julia Gantimorova 23/3

Í síðasta leik í deildarkeppninni gegn Haukum var öllu tjaldað til og engin hvíldur en niðurstaðan varð líka öruggur, ellefu marka sigur ÍBV, 33- 22. Haukar komust strax tveimur mörkum yfir en þá tóku Eyjastúlkur öll völd á vellinum, breyttu stöðunni úr 1-3 í 14- 4, þrettán mörk gegn aðeins einu marki gestanna. Það var því ljóst þegar fyrri hálfleikur var rétt hálfnaður hvoru megin sigurinn endaði. Eftir þetta slökuðu leikmenn ÍBV á og staðan í hálfleik var 17-8 fyrir ÍBV. Í síðari hálfleik fengu svo varamenn IBV að spreyta sig en það kom ekki að sök. Aðalsteinn Eyjólfsson sagði í samtali við Fréttir eftir leikinn að nú væri komið að kaflaskiptum hjá ÍBV. ''„Þetta hefur verið langur mánuður, mikið álag og fyrir vikið hef ég hvílt lykilmenn í undanförnum leikjum. Það var nauðsynlegt fyrir okkur því næsti mánuður verður ekki síður strembinn, úrslit í Íslandsmótinu og svo undanúrslit í Evrópukeppninni. En engu að síður var mjög ljúft að vinna leikinn í dag, ég var ánægður með margt í leik liðsins og óánægður með annað sem sýnir að við getum enn bætt okkar leik. Núna fáum við smá pásu, fjóra daga og það verður gott fyrir okkur að fá loksins almennilega æfingu þar sem við getum fínpússað okkar leik fyrir átökin við KA/Þór í átta liða úrslitum,"'' sagði Aðalsteinn. Mörk ÍBV: Anna Yakova 11/5, Alla Gokorian 7, Birgit Engl 5, Elísa Sigurðardóttir 3, Þórsteina Sigurbjörnsdóttir 3, Anja Nielsen 2, Ester Óskarsdóttir 1, Sylvia Strass 1. Varin skot: Julia Gantimorova 27.

=== '''Spilað heima og heiman gegn Nurnberg''' ===
Áætlanir voru uppi um að hjá forráðamönnum ÍBV að selja heimaleikjaréttinn í Áskorendakeppninni enda höfðu forráðamenn þýska liðsins Nurnberg gert ÍBV tilboð þess efnis. Í lok mars var hins vegar tekin ákvörðun um að leika heima og heiman en útileikurinn verður 17. apríl og heimaleikurinn verður svo laugardaginn 24. apríl. Hlynur Sigmarsson, formaður handknattleiksráðs kvenna, segir að þetta hafi tekist með hjálp góðra manna og Vestmanneyjabæjar. ,,Ég vil sérstaklega nefna alþingismennina Guðjón Hjörleifsson og Lúðvík Bergvinsson sem reyndust okkur vel í að landa þessu. Það hefði verið neyðarbrauð að selja heimaleikinn og gert möguleika okkar á að komast í úrslitaleikinn litla. Með því að leika heima og heiman tel ég að allt sé opið því við erum að tefla fram einu sterkasta kvennaliði sem Ísland hefur átt í kvennahandboltanum og stelpurnar hafa aldrei verið betri en þegar mest ríður á," sagði Hlynur.

=== '''Markasúpa í toppbaráttunni''' ===
Eyjamenn sóttu FH-inga heim í lok mars en um var að ræða toppslag í 1. deild þar sem liðin eru í fyrsta og öðru sæti deildarinnar. FH-ingar þurftu nauðsynlega á sigri að halda til að halda í vonina um efsta sætið en með sigri gátu Eyjamenn tryggt sér sigur í deildinni. Það kom þó ekki til þess, Hafnfirðingar sigruðu nokkuð sannfærandi, 43 - 37 og halda því enn í vonina. FH mættu mun ákveðnari til leiks á meðan leikmenn ÍBV virtust vera full afslappaðir. Varnarleikur og markvarsla var eitthvað sem virtist ekki ætla flækjast fyrir Eyjamönnum þetta kvöld því FH-ingar áttu yfirleitt greiða leið að marki ÍBV og skoruðu hvorki fleiri né færri en 24 mörk í fyrri hálfleik. Það var Eyjamönnum til happs að FH-ingar vora ekki heldur að spila vel í vörn, ekki í fyrri hálfleik í það minnsta þannig að munurinn í hálfleik var aðeins fjögur mörk, 24-20. Markaregnið hélt áfram í síðari hálfleik en Eyjamenn náðu að hanga fjórum til fimm mörkum á eftir heimaliðinu. Í lokin leit út fyrir að FH-ingar ætluðu að stinga af þegar þeir komust sjö mörkum yfir en Eyjamenn náðu að minnka muninn aftur niður í fimm mörk áður en yfir lauk. IBV dugir enn að sigra aðeins einu sinni enn til að tryggja sér efsta sætið í 1. deild. ÍB V. Mörk ÍBV: Josep Böse 6, Robert Bognar 6, Zoltan Belanyi 6, Sigurður Ari Stefánsson 4, Davíð Þór Óskarsson 4, Erlingur Richardsson 4, Sigurður Bragason 4, Michael Lauritsen 2, Guðfinnur Kristmannsson 1.

=== '''Markmaður til ÍBV''' ===
Forráðamenn ÍBV samið við Hrafn Davíðsson. Hrafn hefur spilað 4 leiki með U-19 landsliði Íslands. Hann er tvítugur að aldri og kemur í stað Igors Bjama Kostic, sem hélt til Færeyja, þar sem hann mun spila í sumar.

== '''APRÍL:''' ==

=== '''Sara kölluð í U-19 ára landsliðið''' ===
Íslenska kvennalandsliðið skipað leikmönnum 19 ára og yngri leikur í milliriðli Evrópumótsins um miðjan mánuðinn en riðillinn verður leikinn í Póllandi. Margrét Lára Viðarsdóttir var eini leikmaður ÍBV sem komst í átján manna lokahópinn en nú hefur Sara Sigurlásdóttir verið kölluð inn í hópinn. Kolbrún Steinþórsdóttir, leikmaður Breiðabliks meiddist og kemst ekki með liðinu og var því kallað á Söru sem að sjálfsögðu á heima í U-19 ára landsliði Íslands.

=== '''Góð æfingaferð - segir Magnús Gylfason þjálfari meistaraflokks karla í knattspyrnu''' ===
Karlalið IBV var í síðustu viku í æfingaferð í Portúgal og dvöldu þar í viku. Auk þess að æfa við góðar aðstæður, tvisvar á dag, léku Eyjamenn þrjá æfingaleiki. Fyrst var leikið gegn Leiftri/Dalvík þar sem IBV hafði sigur, svo var leikur gegn portúgölsku liði sem endaði með jafntefli og síðasti leikurinn var gegn norska liðinu Fjóra sem Eyjamenn unnu. Magnús Gylfason, þjálfari ÍBV sagði í samtali við Fréttir að hann væri mjög ánægður með ferðina. „Satt best að segja held ég að þetta sé ein besta æfingaferð sem ég hef farið. Við vorum á Spáni í fyrra og það var mjög gott en þetta var enn betra. Við æfðum tvisvar á dag við frábærar aðstæður og spiluðum svo þessa þrjá leiki, sem voru ágætir af okkar hálfu. Ég hefði reyndar vilja sjá menn nýta færin betur því við vorum að skapa okkur aragrúa marktækifæra. En það er nægur tími til að laga það," sagði Magnús. ÍBV gekk fyrir stuttu frá samningum við tvo erlenda leikmenn, breska leikmanninn Ian Jeffs og hinn bandaríska Mark Schulte og voru þeir báðir með liðinu ytra. „Þeir spiluðu alla leikina og ég var mjög ánægður með það sem ég sá til þeirra. Við þekkjum auðvitað Jeffs en Schulte spilaði mjög vel í stöðu vinstri bakvarðar og virðist koma til okkar í toppformi." En af hverju að fara í æfingaferð þegar tveir mánuðir eru enn í Íslandsmótið? „Það var nú þannig að það var stílað inn á þennan tíma til að skólastrákarnir kæmust með enda er komið páskafrí á þessum tíma. Eftir páska taka svo við próf og eftir prófin er einfaldlega orðið of seint að fara erlendis í æfingaferðir. Svo byrja sum liðin á grasi fljótlega eftir páska þannig að þetta er kannski hugsað til þess að stytta tímann á gervigrasinu aðeins." Magnús bætti því svo við að það væri mjög mikilvægt fyrir IBV að komast í þessar ferðir. „Ég hef áður sagt það að ef eitthvað lið eigi að fara í svona æfingaferð þá er það ÍBV. Við erum með tvískiptan leikmannahóp og svona ferðir eru ekki síður mikilvægar fyrir liðsandann," sagði Magnús að lokum.

=== '''Eyjamenn sigurvegarar í 1. deildinni í handbolta''' ===
Eyjamenn tóku á móti Aftureldingu í síðustu umferð 1. deildar en með sigri gátu strákarnir tryggt sér sigurinn í 1. deild. Tap myndi hins vegar þýða að FH-ingar, með þá Arnar Pétursson og Svavar Vignisson í fararbroddi, stælu efsta sætinu á síðustu stundu. Það vantaði ekkert upp á einbeitningu leikmanna ÍBV. Þeir mættu í leikinn til þess að vinna og gerðu það nokkuð sannfærandi þó það munaði aðeins fjórum mörkum í lokin, 26-22. Upphafsmínúturnar voru jafnar en smá saman náðu Eyjamenn tökum á leiknum. Hægt en örugglega dró í sundur með liðunum, allt þar til um tíu mínútur voru eftir af fyrri hálfleik, að leikmenn IB V gáfu í og skoruðu hvert markið á fætur öðru. Þegar liðin gengu tíl búningsherbergja var staðan 16-8 fyrir ÍBV og staðan orðin vonlítil fyrir Mosfellinga. Síðari hálfleikur var á rólegri nótunum, leikmenn ÍBV leyfðu sér að slaka fullmikið á en til allrar lukku var mótstaðan lítil. Mosfellingum tókst þó að minnka muninn niður í fjögur mörk þegar sjö mínútur voru eftir. Þá settu Eyjamenn í reynslugírinn, Tveir sigrar hjá öðrum flokki Annar flokkur karla lék tvo leiki um helgina en þá tóku strákarnir á móti Fjölni. Eyjamenn eru í þriðja sæti B-riðils en Fjölnismenn í næst neðsta sætinu. Strákamir voru ekki í teljandi vandræðum með Reykjavíkurliðið. Fyrri leiknum lyktaði með tíu marka sigri ÍBV, 36-26 eftir að staðan í hálfleik hafði verið 18-8.

Mörk ÍBV: Jens Elíasson 12, Grétar Eyþórsson 6, Sindri Haraldsson 4, Leifur Jóhannesson 4, Karl Haraldsson 3, Magnús Sigurðsson 2, Baldvin Sigurbjörnsson 1, Kári Kristjánsson 1, Sævald Hallgrímsson 1, Guðni Ingvarsson 1, Benedikt Steingrímsson 1. Síðari leikurinn endaði hins vegar með þriggja marka sigri heimamanna, 36-33 en staðan í hálfleik var 18-17. Mörk IBV: Jens Elíasson 9, Grétar Eyþórsson 8, Kári Kristjánsson 6, Sindri Haraldsson 5, Magnús Sigurðsson 4, Leifur Jóhannesson 3, Karl Haraldsson 1.

=== '''Knattspyrnuleikur í Eyjum''' ===
Nú hefur verið tekin ákvörðun um að fyrsti opinberi knattspyrnuleikurinn í Eyjum verður 24. apríl næstkomandi en þá leikur kvennalið ÍBV gegn KR. Leikurinn er í deildarbikarnum og verður eini leikurinn í efri deild kvennakeppninnar sem ekki fer fram á höfuðborgarsvæðinu eða í Reykjaneshöll.

=== '''Leikmenn þakka stuðning alltof fárra áhorfenda''' ===
Sigurður Bragason, fyrirliði ÍBV, var ánægður með að markmiðinu um sigur í 1. deild væri náð. „Upphaflega markmiðið var að tryggja sér sæti í úrvalsdeild en þegar það gekk ekki upp þá settum við okkur nýtt markmið, að sigra 1. deildina. Mér fannst ég finna það strax eftir áramót að við værum með sterkasta liðið í deildinni enda kom það í ljós í æfingaleikjum þar sem við unnum m.a. ÍR auðveldlega. Það var líka mjög gott fyrir okkur að fá Guffa til liðs við okkur. Jóhann og Björgvin fluttu líka tíl Eyja og það hefur mikið að segja fyrir liðsheildina."

En þetta var dálítið erfiður leikur: "Já og nei. Mér fannst við alltaf hafa þetta í hendi okkar en þeir sóttu aðeins á okkur í síðari hálfleik. Við héldum sjálfsagt að þetta væri komið en svo var ekki. En við kláruðum þetta og náðum þar með markmiði okkar." - Svo kemur í ljós á morgun hvaða liði þið mætið í átta liða úrslitum, einhverjir óska mótherjar? „Mér er í raun alveg sama, það skiptir okkur engu máli. Við getum alveg slegið öll liðin út ef við viljum en helst myndi ég vilja sleppa við Hauka. Okkur hefur alltaf gengið illa með þá og mér sýnist þeir vera á uppleið núna. Annars skiptir það ekki öllu." sagði fyrirliðinn að lokum.

Mörk ÍBV: Guðfinnur Kristmannsson 7, Zoltan Belany 5, Sigurður Ari Stefánsson 4, Josep Böse 3, Robert Bognar 2, Erlingur Richardsson 2, Michael Lauritsen 1, Ríkharð B. Guðmundsson 1, Björgvin Rúnars. 1. Varin skot: Jóhann G. 25/1 mæta haukum í 8 liða úrslitum

=== '''Auðveld leið í undanúrslitin''' ===
Eyjastúlkur tryggðu sér sæti í undanúrslitum Íslandsmótsins í handbolta; léku þær gegn KA/Þór í átta liða úrslitum. Fyrirfram var vitað að möguleikar norðanstúlkna væru litlir sem engir, þær gerðu sér grein fyrir því og gáfu heimaleikinn, til að spara ferðakostnaðinn. ÍBV vann því báðar viðureignirnar sannfærandi og komust þar með í undanúrslit þar sem þær leika gegn FH. Fyrri leikur liðanna var bragðdaufur og Eyjastúlkur léku illa. Þrátt fyrir það voru þær mun sterkari aðilinn sem segir nokkuð um styrkleikamuninn á ÍBV og KA/Þór. ÍBV náði aldrei að sýna sitt besta þar sem þær keyra upp hraðann. Leikur liðsins var tilviljanakenndur og byggðist á einstaklingsframtaki. Sylvia Strass meiddist í upphitun og lék ekki með í leikjunum gegn KA/Þór, hafði það að sjálfsögðu nokkur áhrif á leik liðsins. Lokatölur urðu 32-23. Mörk ÍBV: Guðbjörg Guðmannsdóttir 8, Birgit Engl 6, Anja Nielsen 5, Anna Yakova 4/2, Nína K. Björnsdóttir 4/1, Alla Gokorian 2, Þórsteina Sigurbjörnsdóttir 1, Hildur D. Jónsdóttir 1, Edda Eggertsdóttir 1. Varin skot: Julia Gantimorova 19. Síðari leikurinn var lengst af mun betur leikinn af hálfu ÍBV. Þrátt fyrir öruggan sigur daginn áður vantaði ekkert upp á einbeitningu leikmanna, Eyjastúlkur höfðu leikinn í hendi sér allan tímann. Þær byrjuðu leikinn af miklum krafti og náðu strax ágætri forystu. Munurinn hélt áfram að aukast út hálfleikinn og í raun aldrei spurning um það hvar sigurinn endaði. Lokatölur urðu 39-28 eftir að staðan í hálfleikvar 22-13. Stelpurnar sýndu oft góða takta og fremst meðal jafningja fór austurríski leikmaðurinn Birgit Engl, sem skoraði ellefu mörk úr tólf tilraunum, auk þess að fiska þrjú vítaköst. Mörk IBV: Birgit Engl 11, Anna Yakova 8/6, Alla Gorkorian 6/2, Anja Nielsen 4, Aníta Eyþórsdóttir 3/1, Edda Eggertsdóttir 3, Þórsteina Sigurbjörnsdóttir 2, Nína K. Björnsdóttir 1, Hildur Jónsdóttir 1. Varin skot: Julia Gantimorova 14, Á

=== '''Skoskur landsliðsmarkmaður gengur til liðs við ÍBV''' ===
Forráðamönnum kvennaliðs ÍBV í knattspyrnu hefur tekist að leysa markmannsvandræðin sem sköpuðust fyrr í vetur en í undanförnum leikjum hefur lánsmarkvörður spilað með liðinu. Claire Johnstone heitir nýi markvörðurinn og kemur frá Skotlandi en hún spilar reglulega með skoska landsliðinu. Claire er 22 ára og kemur að öllum líkindum til landsins 20 apríl. Þá er annar markvörður undir smá- sjánni, þar er á ferðinni ensk stúlka sem leikið hefur með U-17 ára landsliðinu. Hún yrði þá hugsuð sem varamarkvörður meistaraflokks auk þess sem hún myndi spila með 2. flokki félagsins.

=== '''Andri og Atli til Crewe''' ===
Tveir leikmanna ÍBV æfa með enska 1. deildarliðinu Crewe. Eyjamenn komust í samstarf við enska liðið sem hófst með komu Ian Jeffs og Tom Betts síðastliðið sumar. Samstarfið er gagnkvæmt þannig að enska liðið hefur tækifæri til að skoða leikmenn ÍBV og á móti geta Eyjamenn fengið leikmenn frá enska liðinu. „Báðir hafa þeir Andri og Atli gert langa samninga við ÍBV. Andri til 2007 og Atli til 2006. Báðir eru þeir mjög efnilegir og hafa skuldbundið sig uppeldisfélagi sínu, ÍBV, með afgerandi hætti og eiga tækifærið svo sannarlega skilið," segir á heimasíðu félagsins.

=== '''Gott samstarf við HSÍ''' ===
Þegar leikjaplan fyrir úrslitakeppni kvennahandboltans barst í hús urðu forráðamenn ÍBV ansi hissa þar sem undanúrslitin eiga að hefjast 20. apríl, leikur tvö þann 22. apríl og ef til þriðja leikjarins kæmi þá yrði hann 24. apríl. ÍBV leikur í undanúrslitum Evrópukeppninnar gegn þýska liðinu Nurnberg og er fyrri leikurinn á útivelli 17. apríl og síðari leikurinn viku síðar. Þannig myndu undan úrslit Íslandsmótsins lenda á milli leikja Evrópukeppninnar, sem er að sjálfsögðu vonlaust mál. En forráðamenn HSÍ hafa gefið vilyrði fyrir því að leikir ÍBV verði færðir til og rekist ekki á Evrópukeppnina.

=== '''Sylvia meidd''' ===
Austuríski leikstjórnandinn hjá ÍBV, Sylvia Strass meiddist í upphitun fyrir fyrri leik ÍBV og KA/Þórs. Sylvia kenndi sér meins í hné og lék ekki. Hún var svo send til Reykjavíkur í rannsókn strax á sunnudag og þá kom í ljós að um liðamús væri að ræða. Það lýsir sér þannig að það kvarnaðist upp úr beini í hné, brotið nuddast við liðþófann, sem veldur meiðslunum. Meiðsli Sylviu hefðu getað komið á verri tíma þar sem ÍBV spilar ekki næsta leik fyrr en 17. apríl og þarf hún að hvíla sig í tíu daga eða svo.

== Annáll síðari hluta þessa árs í vinnslu ==
<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]

Annáll ÍBV íþróttafélags í 20 ár/2005 -

2019-07-21T14:37:04Z

Gisli: /* JANÚAR: */

== '''2005 -''' ==

== '''JANÚAR:''' ==

=== '''Viðurkenning til ÍBV frá Eyjasýn''' ===
ÍBV íþróttafélag fékk viðrukenningu á árlegri verðlaunaafhendingu Eyjasýnar þar sem valin er Eyjamaður ársins sem og aðrar viðurkenningar. ÍBV íþróttafélag fékk viðurkenningu fyrir framlag sitt til íþróttamála. Í umsögn Eyjasýnar segir: ,,Það er ekki sjálfgefið að bæjarfélag sem telur rúmlega fjögur þúsund íbúa tefli fram liðum í efstu deild bæði karla og kvenna í handbolta og fótbolta eins og staðreyndin er með Vestmannaeyjar. Það er IBV-íþróttafélag sem sér um bæði handbolta og fótbolta í Vestmannaeyjum og þar á bæ er mikill metnaður. Láta forráðamennirnir sér ekki nægja að tefla fram liðum meðal þeirra bestu heldur vilja þeir vera bestir. Gott dæmi um þetta er árangur félagsins á síðasta ári þar sem stelpumar í handboltanum urðu deildarmeistarar, bikar- og Islandsmeistarar, knattspyrnukonurnar urðu deildarmeistarar og bikarmeistarar. Ekki náðu strákarnir jafn góðum árangri en hann var þó ekkert til að skammast sín fyrir. Í fótboltanum urðu þeir í öðru sæti í Islandsmótinu og í handboltanum var árangurinn mjög viðunandi, deildarmeistaratitill og úrslitakeppnin í fyrsta skipti í nokkur."

=== '''Vel sóttur þrettándi í frábæru veðri''' ===
Þeir skipt á einhverjum þúsundum sem fylgdust með þrettándagleðinn i í Vestmannaeyjum sem að venju var haldin þann 6. janúar . Þeir voru því ekki margir sem heima sátu því íbúatalan losar rétt fjögur þúsund og aldrei eru þeir fleiri en þegar veður er gott eins og var núna þegar reykurinn af álfabrennunni steig lóðrétt til himins. Allt byrjar þetta með því að jólasveinar ganga fylktu liði með stóra kyndla ofan af Hánni . Þegar niður er komið bíður þeirra mikil hersing þar sem í fararbroddi eru Grýla og Leppalúði og allt þeirra hyski . Það er gengið um bæinn og endað á malarvellinum þar sem álfadansinn er stiginn af miklum móð.

=== '''Eyjavörnin hélt á örlagastundu''' ===
Kvennalið ÍBV vann nauman en jafnframt mikilvægan sigur í toppbaráttu DHL-deildar þegar þær tóku á móti Val. Eyjastúlkur unnu leikinn 27 - 26 eftir æsispennandi lokamínútur og hafa því sex stiga forskot á Val. Leikurinn fór ekki vel af stað fyrir IBV enda náðu Valsstúlkur þriggja marka forystu í upphafi leiks og voru með yfirhöndina framan af fyrri hálfleik. Leikmenn ÍBV höfðu ekki farið varhluta af flensufaraldri sem hefur verið í bænum og voru margir leikmanna liðsins að ná sér eftir veikindi. Markvörðurinn Florentina Grecu spilaði reyndar veik en það kom ekki að sök því hún varði oft á tíðum glæsilega. Vegna veikinda hennar sat Vigdís Sigurðardóttir, fyrrverandi markvörður IBV á bekknum en ekki kom til þess að hún kæmi inn á, það bíður betri tíma. En ÍBV náði að jafna áður en flautað var til leikhlés og staðan í hálfleik var 12:12. Í síðari hálfleik snerist dæmið hins vegar við, nú voru það Eyjastúlkur sem náðu góðu forskoti og komust þær m.a. fimm mörkum yfir, 25:20. En þá skoruðu Valsstúlkur fimm mörk í röð og allt í einu var komin spenna í leikinn enda lítið eftir af honum. ÍBV skoraði hins vegar tvö næstu mörk og aðeins mínúta eftir af leiknum og flestir áttu von á því sigurinn væri í höfn. Valur skoraði hins vegar strax í næstu sókn og vann svo aftur boltann þegar átta sekúndur voru eftir. En Eyjavörnin hélt á lokakaflanum og dýrmæjur sigur því í höfn. Mörk ÍBV: Alla Gokorian 9, Darinka Stefanovich 6, Guðbjörg Guðmannsdóttir 3, Tatjana Zukovska 3, Zsofía Pasztor 3, Anastasia Patsiou 2, Eva Björk Hlöðversdóttir 1. Varin skot: Florentina Grecu 19/2.

=== '''Fyrsti sigur hjá 2. flokki''' ===
Annar flokkur karla vann sinn fyrsta sigur þegar liðið lék tvívegis gegn HK. Báðir leikirnir fóru fram í Eyjum og voru hin ágætasta skemmtun. Fyrri leikur liðanna var afar vel leikinn af hálfu IBV, strákamir mættu vel stemmdir til leiks og voru sterkari lengst af. Í síðari hálfleik var munurinn kominn upp í sex mörk en þá kom afleitur leikkafli hjá ÍBV og HK náði að minnka muninn í eitt mark, 34-33. En strákarnir náðu að stýra skútunni að landi og sigruðu að lokum með fimm mörkum, 39:34. Mörk IBV: Leifur Jóhannesson 9, Benedikt Steingrímsson 7, Grétar Eyþórsson 7, Hilmar Björnsson 5, Baldvin Sigurbjörnsson 5, Magnús Sigurðsson 3, Kárí Kristjánsson 3. En strákarnir náðu ekki að fylgja eftir fyrsta sigri í síðari leik liðanna. Reyndar var leikurinn jafn lengst af en í síðari hálfleik kom, eins og í fyrri Ieiknum, afleitur leikkafli þar sem Eyjamenn fengu reyndar mikið af brottvísunum. Lokatölur leiksinsurðu 26:34. Mörk IBV: Magnús Sigurðsson 10, Kári Kristjánsson 5, Baldvin Sigurbjömsson 4, Leifur Jóhannesson 2, Hilmar Björnsson 2, Grétar Eyþórsson 2, Daði Magnússon 1.

=== '''Tveir frá ÍBV á úrtaksæfingar''' ===
Tveir leikmenn ÍBV hafa verið valdir til úrtaksæfinga hjá íslenska landsliðinu í knattspyrnu skipað leikmönnum 19 ára og yngri. Það eru þeir Anton Bjamason og Einar Kristinn Kárason en alls voru 28 leikmenn valdir á æfingar sem fram fara í Reykjaneshöllinni.

=== '''Vigdís hefur engu gleymt''' ===
ÍBV lék gegn FH í DHL deild kvenna og fór leikurinn fram í Hafnarfirði. Flensufaraldur hefur verið að hrjá Eyjastúlkur að undanförnu og því voru nokkrar stelpur slappar fyrir leikinn. Markvörðurinn sterki, Florentina Grecu, sem spilaði veik gegn Val, var fjarri góðu gamni því hún hefur verið rúmliggjandi síðan. Bima Þórsdóttir, varamarkvörður liðsins er einnig meidd, því voru góð ráð dýr en fyrrum markvörður liðsins, Vigdís Sigurðardóttir, var á varamannabekknum gegn Val og leysti svo Florentinu af í leiknum. Vigdís sýndi að hún hefur engu gleymt og varði sautján skot í leiknum. ÍBV vann leikinn 37:29 eftir að staðan í hálfleik hafði verið 20:11. Jónas Már Fjeldsted, aðstoðarþjálfari IBV, sagði í samtali við Fréttir að Ieikurinn hefði ekki verið mikið fyrir augað. „Það má segja að við höfum klárað þetta á fyrstu fimmtán mínútunum. Eftir það átti FH aldrei möguleika. Við vomm með hálfvængbrotið lið, Flora ekki með og ekki Alla Gokorian sem er meidd. En það er ekki slæmt að eiga leikmenn eins og Vigdísi til taks þegar á þarf að halda en hún hefur aðeins verið að æfa með okkur í vetur." Þetta var fyrsti opinberi leikur Vigdísar með ÍBV síðan 1. maí 2003 þegar IBV tapaði fyrir Haukum í úrslitum Islandsmótsins. Auk þess tók annar fyrrum markvörður IBV fram skóna gegn FH en Íris Sigurðardóttir var varamarkvörður og leysti Vigdísi af síðustu mínútumar. Mörk ÍBV: Zsofia Pasztor 12, Guðbjörg Guðmannsdóttir 8, Darinka Stefanovich 6, Tatjana Zukovska 4, Eva Björk Hlöðversdóttir 4, Ester Óskarsdóttir 4. Varin skot: Vigdís Sigurðardóttir 17

=== '''Hörkuleikur''' ===
Stelpurnar í unglingaflokki léku gegn HK2 í Eyjum. Stelpurnar byrjuðu illa í leiknum og gestirnir náðu m.a. fimm marka forystu en með mikilli baráttu náðu leikmenn ÍB V að jafna fyrir leikhlé og staðan þegar leikurinn var hálfnaður var 15:15. Í síðari hálfleik reyndust Eyjastelpur svo sterkari og niðurstaðan varð þriggja marka heimasigur ÍBV, 34:31. Mörk ÍBV: Ester 12, Hekla 6, Sæunn 4, Hildur 4, Sonata 3, Nína 2, Sædís 2, Anna María 1.

=== '''Þjálfar U-17ára''' ===
Erna Þorleifsdóttir hefur verið ráðin þjálfari U-17 ára landsliðs kvenna og mun hún stýra liðinu næstu tvö árin. Erna var lengi þjálfari yngri flokka í Vestmannaeyjum, hóf þjálfun hjá ÍBV árið 1992 og náði frábærum árangri, m.a. nokkra íslandsmeistaratitla og ennfremur fjölmarga titla í öðrum mótum. Erna flutti til höfuðborgarinnar fyrir tveimur árum og hefur verið að þjálfa hjá Breiðabliki síðan. Hún var t.d. með annan flokk kvenna í sumar en Breiðablik varð í öðru sæti Íslandsmótsins síðasta sumar og varð bikarmeistari undir hennar stjórn.

=== '''Margrét Lára Íþróttamaður Vestmannaeyja''' ===
Í byrjun janúar fór fram uppskeruhátíð ÍBV-héraðssambands en þar er tilkynnt hverjir eru Íþróttamenn hinna ýmsu félaga innan ÍBV og hver er íþróttamaður æskunnar og Íþróttamaður Vestmannaeyja. Það kom fáum á óvart að Íþróttamaður Vestmannaeyja 2004 er knattspyrnukonan snjalla, Margrét Lára Viðarsdóttir. Það var Þór Vilhjálmsson, formaður ÍBV-héraðssambands, sem stýrði athöfninni en fulltrúi hvers félags kom upp og afhenti sínum íþróttamanni verðlaunagrip um leið og hann gerði grein fyrir forsendum. Óskar Freyr Brynjarsson, formaður ÍBV-íþróttafélags, tilkynnti um knattspymumann ársins hjá ÍBV. „Hann spilaði mjög vel með ÍBV liðinu í sumar, setti leikjamet í efstu deild á Íslandi og hann hefur ekki misst úr deildarleik síðustu 17 tímabil. Hann hefur verið fastamaður í landsliðinu þar til í sumar er hann spilaði sinn síðasta leik og það sigurleik gegn Ítalíu og árangur landsliðsins hefur ekki verið upp á marga fiska síðan. Eins og á þessari upptalningu má heyra er hér verið að ræða um markmanninn knáa, Birki Kristinsson, sem hlýtur sæmdarheitið Knattspymumaður ársinns 2004." Handknattleiksmaður ársinns 2004 er Róbert Bognar. „Róbert var og er lykilmaður í meistaraflokksliði Eyjamanna, er mikill baráttumaður sem smitar út frá sér og smellpassar móralskt í liðið. Hann er sterkur vamarmaður sem og sóknarmaður og hann var markhæstur Eyjamanna á síðasta tímabili," sagði Óskar Freyr. Knattspyrnukona ársins 2004 er Margrét Lára Viðarsdóttir. „Árið var mjög gott hjá Margréti Láru. Hún lék alla leiki meistaraflokks ÍBV í Landsbankadeíldinni og náði ásamt félögum sínu í liðinu frábærum árangri. 2. sæti í Islandsmóti og deildarbikar og bikarmeistaratitill. Margrét Lára varð markahæst í deildinni með 23 mörk auk þess 5 mörk í bikarkeppni. Landsliðsferill hennar er glæsilegur þó að ekki sé hár aldur hjá henni, hún var í A-landsliði, U-21 og U-19 ára liðum og stóð hún sig vel í þeim leikjum. Margrét Lára vann það glæsilega afrek að komast í efsta sæti yfir markahæstu landsliðsmenn Íslands frá upphafi en hún hefur skorað 31 mark Í 49 landsleikjum," sagði Óskar Freyr. Þá var komið að stelpunum í handboltanum. „Hinn frábæri árangur handknattleiksdeildar kvenna var einstakur, þær unnu allt sem þeim var mögulegt að vinna hér á landi, Meistarar meistaranna, Deildarmeistarar, Bikarmeistarar og síðast en ekki síst Íslandsmeistaratitill sem þær komu heim með Herjólfi. Liðið allt vann sem ein heild og allir lögðu sitt af mörkum til að ná þessum glæsilega árangri. Því er það niðurstaðan að velja liðið allt sem handknattleikskonu ársins 2004," sagði Óskar Freyr

=== '''Tveir sigrar gegn Fylki''' ===
Unglingaflokkur ÍBV tók á móti Fylki í tveimur leikjum í Eyjum. Eyjastúlkur voru ekki í teljandi vandræðum með Árbæinga, fyrri leikurinn endaði með tíu marka sigri ÍBV, 38:28 eftir að staðan hafði verið 17:12 í hálfleik. Síðari leikurinn var jafnari en Eyjastúlkur unnu samt sem áður með sex mörkum, 35:29 en staðan í hálfleik hafði verið 17:16. Mörk IBV í leikjunum tveimur: Ester Óskarsdóttir 25, Hekla Hannesdóttír 13, Sæunn Magnúsdóttir 13, Sonata Majauskaite 12, Hildur Dögg Jónsdóttir 7, Nína Björk Gísladóttir 1, Þóra Sif Kristinsdóttir 1 og Hanna Carla Jóhannsdóttir 1.

=== '''Sanngjarnt en óvænt tap''' ===
Eyjastúlkur töpuðu óvænt gegn Stjörnunni á heimavelli þegar liðin mættust í Iþróttamiðstöðinni hér í Eyjum. Aðeins munaði einu marki, 24:25, en það nægði Stjörnustúlkum til að fara héðan með tvö dýrmæt stig. Stjarnan gat með sigri haldið í vonina um annað sætið í deildinni enda munar nú aðeins fímm stigum á liðunum en Stjarnan á tvo leiki inni. Annars verður ekki annað sagt en að sigur þeirra gegn ÍBV hafi verið fyllilega verðskuldaður enda voru þær nánast allan tímann yfir. Jafnræði var með liðinum til að byrja með en þegar rúmar tíu mínútur voru búnar af leiknum komust Stjörnustúlkur yfir og létu forystuna ekki af hendi eftir það. Staðan í hálfleik var 11:14, þriggja marka munur sem í raun var alls ekki óyfirstíganleg hindrun. Byrjunin í síðari hálfleik lofaði góðu, Eyjastúlkur áttu möguleika að minnka muninn niður í eitt mark en það gekk ekki upp og gestirnir komust aftur þremur mörkum yfir. Við þetta var eins og Eyjaliðið brotnaði niður og Garðbæingar náðu sex marka forystu. Þegar rétt rúmar fimm mínútur voru til leiksloka munaði fjórum mörkum á liðunum. Þá kom ótrúlegur leikkafli hjá ÍBV þar sem þær skoruðu fjögur mörk gegn einu marki gestanna og enn voru rúmar tvær mínútur til leiksloka. ÍBV fékk svo þrjú tækifæri til að jafna leikinn en leikmenn liðsins réðu ekki við pressuna og því fögnuðu

Stjörnustúlkur óvæntum en sanngjömum eins marks sigri í lokin. Mörk ÍBV: Anastasia Patsiou 10/1, Zsofia Pazstor 5/4, Eva B. Hlöðversdóttir 4, Tatjana Zukovits 2, Darinka Stefanovic 2, Guðbjörg Guðmannsdóttir 1. Varin skot: Florentina Grecu 18.

=== '''Yngri flokkarnir''' ===
2. flokkur karla lék eina þrjá leiki á þremur dögum um miðjan janúar en allir fóru þeir fram á fastalandinu. Fyrst léku strákamir gegn Gróttu og tapaðist sá leikur, 29:24. Daginn eftir var svo leikið gegn Selfyssingum og voru Eyjamenn ekki í vandræðum með nágranna sína, lokatölur urðu 26-34. Síðasti leikurinn var gegn toppliði Aftureldingar. Leikmenn IBV áttu aldrei möguleika gegn Mosfellingum og töpuðu 39-25. Unglingaflokkur kvenna lék tvo leiki. Fyrst var farið norður til Akureyrar og leikið gegn heimasætunum þar. Leikurinn var í járnum allan tímann og í hálfleik var staðan 13-12 fyrir KA/Þór. Liðin skoruðu svo hvort sín tíu mörkin í síðari hálfleik og þar með sigruðu Akureyringar 23-22. Mörk ÍBV: Ester 7, Hekla 7, Hildur 4, Sæunn 3, Sonata 1. Bima Þórsdóttir varði 16 skot í leiknum. Daginn eftir var svo leikið gegn ÍR. IBV var sterkari aðilinn framan af og var tveimur mörkum yfir í hálfleik 12-14. En úthaldið skorti eftir langt ferðalag til Akureyrar og lokatölururðu 25:25. Mörk ÍBV: Sæunn 8, Hildur 6, Sonata 5, Ester 4, Hekla 2. Birna varði 10 skot.

=== '''Tvö töp og einn sigur''' ===
Síðustu helgina í janúar fór fram í Eyjum fjölliðamót í handbolta hjá fjórða flokki karla. Um var að ræða 3. umferð Íslandsmótsins en riðillinn var í 2. deild. Með ÍBV í riðli voru HK, Afturelding og Stjarnan og léku liðin því þrjá leiki hvert. IBV byrjaði á að leika gegn Stjörnunni á laugardag og þrátt fyrir að vera um tíma yfir þá endaði leikurinn með þriggja marka sigri Stjörnunnar, 13:16. Á sunnudaginn var svo byrjað á því að spila gegn HK og sigruðu gestirnir með fimm marka mun, 14:19. Síðasti leikurinn var svo gegn Aftureldingu og þar náðu Eyjapeyjarnir loksins að sýna sitt rétta andlit, lokatölur urðu 24:21 eftir að staðan í hálfleik hafði verið 14:9. Mörk IBV um helgina: Kristinn Arnason 11, Bragi Magnússon 10, Þórhallur Friðriksson 9, Gauti Þorvarðarson 9, Þórarinn Valdimarsson 4, Elías Fannar Stefnisson 3, Hjalti Pálsson 2, Vignir Stefánsson 1, Sindri Valtýsson 1. Friðrik Þór Sigmarsson stóð í markinu og varði vel.

=== '''Fyrsta tap Hauka í vetur''' ===
ÍBV varð fyrst liða til þess að vinna Hauka í DHL deild kvenna en það gerðist þegar liðin mættust í Eyjum. Það leit ekki út fyrir að leikurinn yrði spennandi í fyrri hálfleik því þegar fyrri hálfleikur var rétt tæplega hálfnaður var staðan orðin 10:3 fyrir IBV en þá höfðu Eyjastúlkur skorað sjö mörk í röð. Haukar náðu þó aðeins að laga stöðuna fyrir leikhlé en þá var staðan 15:10. Gestirnir voru svo mjög ákveðnir í upphafi síðari hálfleiks, náðu að minnka muninn niður í eitt mark, 19:18 en þá var eins og Eyjaliðið hafi einfaldlega gefið aðeins í og aftur jókst munurinn á milli liðanna. Þegar þrjár mínútur voru til leiksloka var munurinn kominn í sjö mörk, 30:23 en Haukar skoraðu síðustu fjögur mörk leiksins og náðu aðeins að laga stöðuna, lokatölur 30-27. Alfreð Finnsson, þjálfari IBV, var ánægður með sigurinn í samtali við Fréttir eftir leikinn. „Ég hefði reyndar viljað hafa þetta öruggara, þær náðu okkur í seinni hálfleik en ég hefði það samt á tilfinningunni að við myndum vinna leikinn. Það fór ekkert um mig þó að munurinn væri kominn niður í eitt mark, við spiluðum það vel í vörn og sóknarleikurinn gekk vel þannig að þetta var svona svipað og í bikarleiknum gegn þeim. En Haukar em með gott lið, fimm marka forysta er fljót að fara, 2 til 3 mörk í röð hjá þeim og þá er leikurinn galopinn en eins og ég segi þá fannst mér við hafa leikinn í hendi okkar." Mörk ÍBV: Anastasia Patsiou 8, Darinka Stefanovic 6, Zsofia Pasztor 6/2, Eva Björk Hlöðversdóttir 4/1, Alla Gokorian 3/1, Guðbjörg Guð- mannsdóttir 2, Tatjana Zukovska 1. Varin skot: Florentina Grecu 20/3.

=== '''Tvö töp hjá stelpunum í Faxaflóamótinu''' ===
Kvennalið ÍBV í knattspyrnu hefur nú hafið undirbúning fyrir komandi sumar en í lok janúar lék liðið tvo leiki í Faxaflóamótinu. Alls taka sjö lið þátt í mótinu, öll af Faxaflóasvæðinu auk ÍBV. Leikið var gegn Breiðabliki og Stjörnunni og töpuðust báðir leikirnir, fyrst 6:1 fyrir Breiðablik og svo 6:4 fyrir Stjörnunni. Olga Færseth skoraði eina mark IBV gegn Breiðabliki en gegn Stjörnunni skoraði Bryndís Jóhannesdóttir tvö og þær Olga og Hólmfríður Magnúsdóttir sitt markið hvort. Þær Hólmfríður og Guðrún Soffía Viðarsdóttir léku þama sína þrjá mánuði fyrstu leiki fyrir IBV. Sara Sigurlásdóttir meiddist hins vegar illa í leiknum gegn Breiðablik og er óttast að hún hafi jafnvel slitið liðbönd í hné. Það þýðir að hún verður frá í tvo til þrjá mánuði og missir þar af leiðandi nánast af öllu undirbúningstímabilinu.

=== '''Tveir auðveldir sigrar''' ===
Unglingaflokkur kvenna lék tvívegis gegn Fram 2 síðustu helgina í janúar. Fyrri leikurinn fór fram á föstudagskvöld og voru Eyjastelpur ekki í vandræðum með gestina, unnu með ellefu mörkum en lokatölur urðu 34:23 eftir að staðan í hálfleik hafðiverið 13:12. Mörk ÍBV: Ester 9, Hekla 6, Anna María 5, Sæunn 4, Sonata 4, Hildur 2, Hanna Carla 2, Sædís I og Þóra Sif l. Varin skot: Bima 18/3. Síðari leikurinn, sem fór fram daginn eftir, var jafn auðveldur og sá fyrri en nú unnu Eyjastúlkur með tíu marka mun, 31:21 en staðan í hálfleik var 16:11. Mörk ÍBV: Ester 10, Sonata 5, Sæunn 4, Hekla 3, Hanna Carla 3, Hildur Dögg 3, Sædís 2 og Anna María 1. Varin skot: Birna 11.

=== '''Tap í æfingaleik''' ===
Karlalið ÍBV í handbolta undirbýr sig nú fyrir átökin í efri deild Íslandsmótsins en keppni þar hefst í bryjun febrúar. Strákarnir léku æfingaleik gegn Víkingi en leikurinn fór fram í Reykjavík. Sigurður Bragason, fyrirliði IBV, sagði að leikurinn hefði verið slakur. „Þetta var líklega lélegasti leikur okkar í langan tíma en helgina á undan spiluðum við á móti Val og FH. Þeir leikir voru mun betri, við unnum Val með fjórum mörkum og FH með þremur en töpuðum svo um helgina fyrir Víkingum með tveimur mörkum, 34:32. Maður er bara hálfhissa þegar við töpum en þetta sýnir okkur bara að við verðum að vera á tánum í öllum þeim leikjum sem em framundan."

== '''FEBRÚAR:''' ==

=== '''Sigur þrátt fyrir óhagstæða dómara''' ===
Kvennalið ÍBV lék gegn Gróttu/KR á Seltjarnanesi þann 5. febrúar. Flestir áttu von á frekar fyrirhafnarlitlum sigri ÍBV enda Grótta/KR í botnbaráttunni en gestgjafarnir bitu hressilega frá sér. Þó voru Eyjastúlkur yfir nánast allan tímann og í hálfleik var staðan 12:14 fyrir ÍBV. Dómgæslan hallaði eitthvað aðeins á ÍBV en í leiknum voru Eyjastúlkur samtals átján mínútur utan vallar á meðan heimastúlkur voru aðeins átta mínútur utan vallar. Auk þess fékk ÍBV dæmd á sig alls fimmtán vítaköst, sem er með því mesta sem sést hefur. Á móti fékk IBV aðeins fimm vítaskot. Þrátt fyrir þetta jókst munurinn í síðari hálfleik, mestur varð hann fimm mörk en þegar níu mínútur voru til leiksloka náðu heimastúlkur að minnka muninn niður í eitt mark, 21:22. En nær komust þær ekki ÍBV og lokatölur urðu 27:24. Mörk ÍBV: Anastasia Patsiou 6, Zsofia Pasztor 6, Tatjana Zukovska 5, Darinka Stefanovic 4, Alla Gokorian 3, Guðbjörg Guðmannsdóttir 2, Eva Björk Hlöðversd. 1. Varinskot: Florentina Grecu 19/3. Mörk

=== '''Klaufaskapur gegn neðsta liðinu''' ===
Eyjastúlkur fóru heldur betur illa að ráði sínu í undanúrslitaleik bikarkeppninnar þegar þær tóku á móti Gróttu/KR, sem er í neðsta sæti DHL deildarinnar og stelpurnar höfðu sigrað nokkrum dögum áður. Grótta/KR hefur til að mynda ekki unnið nema þrjá leiki í deildarkeppninni en þeim tókst það sem fæstir áttu von á, að slá Íslands- og bikarmeistara IBV út á þeirra eigin heimavelli. Lokatölur leiksins urðu 30:32 sem eru mikil vonbrigði fyrir stuðningsmenn ÍBV. Það verður hins vegar ekki tekið af leikmönnum Gróttu/KR að þær voru komnar til Eyja til að vinna leikinn. Þær börðust um hvern einasta bolta, höfðu gaman af því sem þær voru að gera og í raun áttu þær sigurinn fyllilega skilið. Það sama verður varla sagt um ÍBV liðið. Andleysi og afleitur varnarleikur varð liðinu að falli og vissulega áhyggjuefni hvernig leikur IBV hefur verið á niðurleið að undanförnu. ÍBV: Zsofia Pazstor 8/2, Anastasia Patsiou 8, Darinka Stefanovic 5, Alla Gorkorian 4/3, Guðbjörg Guðmannsdóttir 4, Tatjana Zukovsita 1. Varin skot: Florentina Grecu 21/3.

=== '''Undirbúningurinn hafinn''' ===
Knattspyrnulið IBV hefur undanfarnar vikur verið að hefja undirbúning sinn fyrir komandi sumar og hafa verið leiknir nokkrir æfingaleikir. Í flestum leikjanna hafa einungis leikmenn búsettir í Reykjavík spilað leikina og hefur verið fyllt upp í stöður með leikmönnum frá Völsungi en liðin æfa saman á höfuðborgarsvæðinu. M.a. var leikið gegn Breiðabliki á dögunum og endaði sá leikur 1-1 og svo var leikið gegn Haukum og endaði sá leikur 4-4.

=== '''Draumurinn úti''' ===
Það verður ekki sagt annað en að leikur ÍR og ÍBV í undanúrslitum bikarkeppninnar sé einn eftirminnilegasti undanúrslitaleikur keppninnar frá upphafi. Reyndar hefði verið gaman að geta litið um öxl og sagt að það hafi verið vegna þess að leikurinn hefði verið jafn og spennandi, liðin hefðu leikið góðan handbolta og dómgæslan hefði verið í lagi. Ekkert af þessu gekk eftir nema ef vera skyldi að leikurinn var í jafnvægi fyrstu mínúturnar. Að lokum voru það hins vegar ÍR-ingar sem stóðu uppi sem sigurvegarar og lokatölur urðu 34:27. Eins og áður sagði var leikurinn í jafnvægi fyrstu mínúturnar, liðin skiptust á að skora og augljóst að spennustigið var hátt enda var þráðurinn stuttur í leikmönnum og handboltalega séð var leikurinn slakur. Varnarleikur IBV hefur t.d. yfirleitt verið betri en á meðan var markvarslan í góðu lagi og vörðu þeir Roland Eradze og Jóhann Guðmundsson t.d. samtals 28 skot, sem kannski undirstrikar slakan varnarleik enn frekar. Eftir jafnan fyrri hálfleik skoruðu heimamenn hins vegar þrjú síðustu mörk hálfleiksins, breyttu stöðunni úr 15:15 í 18:15 og lögðu þar með grunninn að sigrinum. ÍR-ingar voru svo mun ákveðnari í upphafi síðari hálfleiks, náðu fljótlega afgerandi forystu en lokatölur urðu 34:27. Það var margt í þessum handboltaleik sem fór úrskeiðis, dómgæslan var þannig að leikmenn ÍBV, sem áttu reyndar erfitt uppdráttar fyrir, fengu refsingu í gríð og erg fyrir brot sem þóttu léttvæg hinu megin á vellinum. Það er samdóma álit flestra sem horfðu á leikinn að í dómgæslunni hafi hallað á ÍBV, virtust Gísli Hlynur Jóhannsson og Hafsteinn Ingibergsson missa öll tök á leiknum. En því verður ekki neitað að Eyjamenn léku illa í leiknum gegn IR. Framkoma landsliðsmarkvarðarins, Roland Eradze um miðjan síðari hálfleik var langt frá því að vera í lagi og maður í hans stöðu verður að átta sig á að hann gegnir ábyrgð gagnvart ungum iðkendum íþróttarinnar sem voru að horfa á leikinn. Þá var framganga nokkurra áhorfenda ÍBV ekki til eftirbreytni, að grýta dómarana er eitthvað sem ekki á að þekkjast, sama hversu slakan dag menn eiga. Það vakti hins vegar mikla athygli þegar stuðningsmenn ÍBV gengu úr salnum til að mótmæla lélegri dómgæslu, eitthvað sem ekki hefur verið gert áður enda eru Eyjamenn ekki þekktir fyrir að fara hefðbundnar leiðir. Mörk IBV: Svavar Vignisson 5, Sigurður Ari Stefánsson 5, Robert Bognar 4, Tite Kalandadze 4, Samúel Ivar Árnason 4/2, Sigurður Bragason 3, Kári Kristján Kristjánsson 1, Zoltán Belánýi 1. Varin skot: Roland Eradze 22/2, Jóhann Ingi Guðmundsson 6.

=== '''Roland missir af þremur leikjum''' ===
Roland Eradze, markvörður IBV og íslenska landsliðsins, fékk rauða spjaldið fyrir óíþróttamannslega hegðun í leik ÍR og IBV í bikarkeppninni. Í kjölfarið sýndi hann mjög svo óábyrga og óafsakanlega hegðun þegar hann sló til annars dómarans og hrækti svo á gólfið á leiðinni út af vellinum. Einhverjir vildu meina að Roland hefði reynt að hrækja á dómara leiksins en erfitt er að sjá það á sjónvarpsmyndum. Á fundi aganefndar HSÍ var ákveðið að Roland fari í leikbann frá og með 17. febrúar til 7. mars, eða í 19 daga. Roland mun þannig missa af þremur leikjum, útileik gegn KA 19. febrúar og svo heimaleikjum gegn HK 2. mars og Haukum 5. mars. Eyjamenn búa hins vegar það vel að á bekknum er Jóhann Guðmundsson, einn af betri markvörðum deildarinnar og grípur hann vafalust tækifræirð

=== '''Unglingaflokki gengur vel''' ===
Unglingaflokkur lék tvo leiki aðra helgina í febrúar sem báðir unnust. Fyrst var leikið gegn Fram 2 en báðir leikirnir fóru fram í Reykjavík. IBV vann nokkuð öruggan sigur, 28:22 en mörk IBV skoruðu þær Ester Óskarsdóttir 8 mörk, Sonata Majauskaite 6, Sæunn Magnúsdóttir 5, Hildur Dögg Jónsdóttir og Hanna Carla Jóhannsdóttir 3, Hekla Hannesdóttir 2 og Sara Sigurðardóttir 1. Birna Þórsdóttir stóð í markinu og varði 15 skot Daginn eftir var syo leikið gegn Fylki og voru Árbæingar engin fyrirstaða fyrir ágætt lið IBV. Leikurinn vannst með ellefu marka mun, 40:29 og ekki á hverju degi sem skoruð eru svo mörg mörk í yngri flokkunum. Mörk ÍBV skoruðu þær Ester Óskarsdóttir 12 mörk, Sonata Majauskaite 8, Hildur Dögg Jónsdóttir 6, Sæunn Magnúsdóttir og Hekla Hannesdóttir 5, Hanna Carla Jóhannsdóttir 3 og Sara Sigurðardóttir 1. Birna Þórsdóttir varði mjög vel, 14 skot þar af' 2 víti. IBV er þar með í efsta sæti 2. deildar en tvö efstu sætin gefa sæti í úrslitakeppninni.

=== '''Möguleiki á deildarmeistaratitli''' ===
Kvennalið ÍBV sótti Stjörnuna heim en leikurinn fór fram um leið og undanúrslitaleikur IBV og IR í bikarkeppni karla og því voru ekki margir stuðningsmenn IBV á leiknum. Engu að síður þá vann IBV 24-22 og heldur enn í vonina um deildarmeistaratitilinn. Stjörnustúlkur virðast hafa haft eitthvert tak á IBV fram til þessa en liðin höfðu fyrir leikinn mæst tvívegis og í bæði skiptin hafði Stjarnan unnið. Eyjastúlkur voru ekkí tilbúnar að tapa í þriðja sinn fyrir Stjömunni, sérstaklega ekki í kjölfarið á vægast sagt niðurdrepandi úrslitum gegn Gróttu/KR í bikarnum og því mættu leikmenn liðsins með hugarfarið í lagi. Það var líka augljóst að áherslan var lögð á liðsheild, leikmenn fögnuðu mörkunum og þegar sigurinn var í höfn fagnaði hópurinn vel og innilega í leikslok, nokkuð sem hefur ekki sést mikið af í vetur. Sigur IBV var sanngjarn, þó aðeins hafi munað einu marki í hálfleik, 8:9, var aldrei spurning hvort liðið væri sterkara. Mörk ÍBV: Zsofia Pasztor 6, Alla Gokorian 5, Guðbjörg Guðmannsdóttir 3, Tatjana Zukovska 3, Darinka Stefanovic 2, Anastasia Patsiou 2, Eva B. Hlóðversdóttir 1, Elísa Sigurðardóttir 1.

=== '''Frábær sigur á Íslandsmeisturunum''' ===
Karlalið ÍBV fór illa með Íslandsmeistara Hauka þegar liðin mættust á Ásvöllum. Þetta var fyrsti leikur liðanna í efri deild Íslandsmótsins og óhætt að segja að byrjunin hafi lofað góðu því strákarnir voru ekki í vandræðum með Hafnfirðinga og unnu að lokum fjögurra marka sigur, 32:36. Haukar byrjuðu leikinn reyndar betur, skoruðu fyrsta markið en það var í eina skiptið sem Íslandsmeistararnir komust yfir í leiknum því Eyjamenn svöruðu með tveimur mörkum og létu ekki forystuna af hendi það sem eftir lifði leiks. Staðan í hálfleik var 15:18 en í upphafi síðari hálfleiks byrjuðu Eyjamenn af miklum krafti, skoruðu fyrstu þrjú mörkin og komust þar með sex mörkum yfir, 15:21 en mestur varð munurinn átta mörk, 22:30. Undir lokin fengu varamennirnir hins vegar að spreyta sig og við það riðlaðist leikur IBV aðeins og Haukar náðu aðeins að laga stöðuna en sigur ÍBV var þó aldrei í hættu. IBV er sem stendur í sjötta sæti deildarinnar, aðeins þremur stigum frá toppliði KA, sem reyndar hefur leikið einum leik meira. Hins vegar eru aðeins tvö stig í botnbaráttuna þannig að það má búast við spennandi leikjum í karlaboltanum það sem eftir lifir deildarkeppninnar. Mörk ÍBV: Samúel Ámason 8/5, Svavar Vignisson 6, Tite Kalandadze 6, Robert Bognar 5, Kári Kristjánsson 3, Davíð Óskarsson 3/1, Sigurður Bragason 2, Sigurður A. Stefánsson 2, Grétar Eyþórsson 1. Varin skot: Roland Eradze 20/1, Jóhann Ingi Guðmundsson 3/1.

=== '''Skoraði í fjórða leiknum í röð''' ===
Gunnar Heiðar Þorvaldsson hefur heldur betur fundið sig í framlínu sænska úrvalsdeildarliðsins Halmstad undanfarið. Sænska liðið undirbýr sig nú fyrir sænsku deildina sem hefst í byrjun apríl. Gunnar og félagar leika m.a. í meistaradeild og tóku á móti OB frá Danmörku. Reyndar varð að færa leikinn af heimavelli Halmstad og til Örebrö vegna snjókomu en Gunnar kom Halmstad yfir á 33. mínútu og skoraði þar með í sínum fjórða leik í röð á undirbúningstímabilinu.

=== '''Fjögur dýrmæt stig''' ===
Kvennalið ÍBV lék tvo leiki á stuttum tíma, fyrst var tekið á móti Víkingum og svo var leikið gegn Val á útivelli. Stelpurnar voru ekki í vandræðum með Reykjavíkurfélögin og nældu sér fjögur dýrmæt stig. Leikurinn gegn Víkingum var ágætlega leikinn af hálfu IBV en í liðið vantaði tvo sterka leikmenn, þær Darinku Stefanovic og Zsofiu Pasztor sem báðar voru meiddar. En ungu stelpumar fengu tækifæri og nýttu það ágætlega. Víkingar komust reyndar þremur mörkum yfir í byrjun en Eyjastúlkur breyttu stöðunni úr 3:5 í 11:5 og lögðu þar með grunninn að sigri sínum. Lokatölur urðu 29:23 eftir að staðan í hálfleik hafði verið 16:11. Mörk ÍBV: Alla Gorkorian 7/1, Anastasia Patsiou 6, Ester Oskarsdóttir 5/2, Tatjana Zukowska 3, Ana Perez 2, Guðbjörg Guðmannsdóttir 2, Eva B. Hlöðversdóttir 2, Hildur D. Jónsdóttir 2. Varin skot: Florentina Grecu 23 þar af 1 aftur til mótherja.

Eyjastúlkur léku svo gegn Val á útivelli, fyrri hálfleikur jafn og voru heimastúlkur einu marki yfir í hálfleik, 9:8. En síðari hálfleikur var mjög vel leikinn hjá IBV, Valsstúlkur áttu mjög erfitt með að finna leiðina í gegnum vamarleikinn á upphafsmínútum hálfleiksins en á meðan gekk IBV mjög vel í sóknarleiknum. Lokatölur urðu 18:26 og eru Eyjastúlkur enn aðeins tveimur stigum á eftir Haukum í deildinni. Alfreð Finnsson, þjálfari IBV var ánægður með sigurinn gegn Val í samtali við Fréttir. „Við vorum miklu sterkari í leiknum, sérstaklega í seinni hálfleik. Eva fékk reyndar rauða spjaldið í upphafi síðari hálfleiks en það virtist þjappa leikmönnum saman. Valsliðið skoraði t.d. ekki mark fyrstu tíu mínúturnar og varnarleikurinn var mjög góður á þeim leikkafla. Sóknarlega vorum við líka að spila mjög vel, þær tóku Öllu úr umferð en við leystum það mjög vel. Ungu stelpurnar hafa líka verið að koma sterkar inn í síðustu leikjum. Ég er að þróa mig áfram í því að gefa þeim fleiri tækifæri og þær virðast höndla það mjög vel sem er ánægjulegt." Mörk IBV: Darinka Stefanovic 7, Anastasia Patsion 6, Zsofia Pasztor 6, Alla Gokorian 4, Guðbjörg Guðmannsdóttir 1, Hildur Dögg Jónsdóttir 1.

=== '''Ágætis árangur''' ===
Sjötti flokkur karla í handbolta ÍBV sendi tvö lið, í keppni A-liða og keppni C-liða. A-liðið lék í 2. deild og strákarnir gerðu eitt jafntefli en töpuðu þremur leikjum og féllu niður í 3. deild. C-liðið vann hins vegar alla leiki sína í 4. deildinni og fór því upp um deild. Mótið var í umsjá Fram og var leikið í Fram-húsinu.

=== '''Með gott tak á norðanmönnum''' ===
Eyjamenn mættu KA í annað sinn í vetur á Akureyri en liðin mættust fyrr í vetur í bikarkeppninni þar sem Eyjamenn slógu út núverandi bikarmeistara með þriggja marka sigri. Eyjamenn byrjuðu betur í leiknum og virtust ætla að endurtaka leikinn frá því fyrr í vetur. En slæmur leikkafli um miðjan hálfleikinn varð til þess að ÍBV skoraði ekki mark í rúmar tíu mínútur og KA menn náðu tökum á leiknum og staðan í hálfleik var 14:11 fyrir heimamenn. Framan afsíðari hálfleik voru KA menn yfir en þrátt fyrir að vera mikið einum leikmanni fleiri, náðu Eyjamenn ekki að jafna. Það tókst ekki fyrr en þegar um tíu mínútur voru til leiksloka að Eyjamenn skoruðu fjögur mörk í röð og jöfnuðu 23:23. KA menn komust hins vegar aftur þremur mörkum yfir, 28:25 en IBV skoraði síðustu þrjú mörk leiksins, þar af síðasta markið þegar þrjár sekúndur vom eftir af leiknum og lokatölur því 28:28. Sigurður Bragason, fyrirliði ÍBV sagði að það væru ekki mörg lið á landinu sem færu með stig úr KAheimilinu. „Þetta var bara ljómandi gott hjá okkur að ná í stig þarna. Sérstaklega miðað við þá stöðu sem við vorum komnir í undir lokin, þremur mörkum undir og lítið eftir. En undrabarnið Þorgils Orri Jónsson kom í markið og varði víti á mikilvægu augnabliki, við keyrðum upp í hraðaupphlaup, fengum víti og tveggja mínútna brottvísun á þá. Það er líka mikilvægt fyrir okkur að eiga svona stráka á bekknum sem leggja á sig mikið ferðalag til að koma inn á til að verja eitt víti. En ég fann það samt í upphitun að menn voru þreyttir á líkama og sál, bæði eftir bikarleikinn og svo var Bognar að verða pabbi nóttina áður og hafði ekkert sofið í meira en sólarhring. Svo vom þeir Svavar og Davíð á vakt um nóttina þannig að menn vom frekar þreyttir og við spiluðum kannski ekki okkar besta leik en náðum samt í mikilvægt stig og mér sýnist við hafa ágætis tak á KA," sagði Sigurður að lokum. Mörk IBV: Samúel ívar Árnason 7/2, Zoltan Belany 6/1, Tite Kalandadze 6, Robert Bognar 3, Sigurður Bragason 3, Svavar Vignisson 2, Kári Kristján Kristjánsson 1. Varin skot: Jóhann Ingi Guð- mundsson 12, Þorgils Orri Jónsson 1/1.

=== '''Sæþór skoraði í sínum fyrsta leik''' ===
Eyjamenn léku fyrsta leik sinn í deildarbikarkeppninni í knattspymu þegar liðið lék gegn Fylki. Leikurinn fór fram í Reykjaneshöllinni og var hin ágætasta skemmtun fyrir þá sem á horfðu. Eyjamenn léku leikkerfið 4-4-2, Hrafn Davíðsson var í markinu, Adólf Sigurjónsson, Einar Hlöðver Sigurðsson, Bjarni Hólm Aðalsteinsson og Bjarni Geir Viðarsson vora í vöm. Á miðjunni byrjuðu þeir Ian Jeffs, Andri Ólafsson, Atli Jóhannsson og Pétur Runólfsson en frammi vora þeir Magnús Már Lúðvíksson og Steingrímur Jóhannesson. Eins og sjá má á þessari upptalningu tefldu Eyjamenn fram mjög ungu liði og á bekknum voru ungir strákar sem áttu eftir að koma við sögu í leiknum. Fyrri hálfleikur var jafn en Fylkismenn voru meira með boltann án þess þó að skapa sér færi. í síðari hálfleik jafnaðist leikurinn en undir lokin skoraði Sæþór Jóhannesson fyrsta mark leiksins og kom ÍBV yfir. Sæþór hafði einmitt leyst stóra bróður sinn, Steingrím, af í framlínunni. En Eyjamenn náðu ekki að halda forystunni og á lokasekúndunni jöfnuðu Fylkismenn og niðurstaðan því 1-1 jafntefli.

=== '''Eyjamenn í neðsta sæti''' ===
Leikmenn karlaliðs ÍBV í handbolta fóru illa að ráði sínu í leiknum gegn Þór frá Akureyri. Með sigri hefðu Eyjamenn þokast upp töfluna en sú varð ekki raunin. Þórsarar voru í raun ekki í miklum vandræðum með IBV, nema ef vera skyldi fyrir algjöran klaufaskap undir lokin þegar þeir voru nánast búnir að kasta frá sér sigrinum. En norðanmenn héldu út og sigruðu með einu marki, 29:30. Eyjamenn byrjuðu reyndar betur í leiknum og voru einu til tveimur mörkum yfir fyrstu tuttugu mínúturnar. Þórsarar náðu reyndar tvívegis að jafna en komust aldrei yfir. Þeir náðu loksins að brjóta ísinn undir lok fyrri hálfleiks og þegar liðin gengu til búningsherbergja voru þeir tveimur mörkumyfir 14:16. Síðari hálfleikur var svo arfaslakur hjá Eyjamönnum. Varnarleikurinn skánaði lítið en á meðan varð sóknarleikurinn enn vandræðalegri. Markvörður gestanna var reyndar í banastuði í síðari hálfleik og varði alls 28 skot í leiknum en oft á tíðum mátti skrifa markvörslu hans á einbeitingarleysi leikmanna enda eiga leikmenn í meistaraflokki að skora, komnir hálfa leið inn í markið sjálfir. Allt benti til þess að Þórsarar myndu niðurlægja IBV enda voru þeir komnir með sex marka forystu þegar tíu mínútur voru eftir og í raun voru leikmenn IBV búnir að gefast upp. En Þórsarar köstuðu til þeirra líflínu undir lokin og síðustu tíu mínútur leiksins voru hreint út sagt farsakenndar. Eyjamenn byrjuðu á að minnka muninn niður í fjögur mörk og þá fékk aðstoðarþjálfari gestanna rautt spjald Þórsarar héldu áfram að fjúka út af, eitt rautt spjald til viðbótar leit dagsins ljós og um tíma vom útileikmenn gestanna aðeins tveir gegn sex Eyjamönnum. Þetta nýttu leikmenn IBV sér vel og Sigurður Bragason, fyrirliði IBV jafnaði metin 29:29 þegar rétt rúm mínúta var eftir. Þórsarar fundu hins vegar sem fyrr leið í gegnum vörn ÍBV, fengu vítakast sem þeir nýttu þegar hálf mínúta var eftir. Síðasta sókn ÍBV var svo einkennandi fyrir leik liðsins, í stað þess að klára sóknina með skoti, misstu Eyjamenn boltann klaufalega frá sér og Þórsarar fögnuðu vel í lokin. Mörk IBV: Samúel Ivar Ámason 6/1, Kári Kristján Kristjánsson 5, Davíð Þór Óskarsson 4, Robert Bognar 4, Zoltan Belany 3/1, Sigurður Ari Stefánsson 2, Svavar Vignisson 2, Sigurður Bragason 1, Grétar Eyþórsson 1, Tite Kalandadze 1. Varin skot: Jóhann Ingi Guðmundsson 24.

=== '''Zsofía Pasztor farin frá ÍBV''' ===
Zsofia Pasztor og forráðamenn ÍBV hafa komist að samkomulagi um að rifta samningi við hana og mun hún ekki leika meira með ÍB V í vetur. Pasztor ku ekki hafa verið alls kostar sátt í herbúðum ÍBV, segist ekki hafa fundið sig í liðinu og telur sig eiga meira inni sem handknattleikskona. Hún vildi því losna frá ÍBV og leita á önnur mið en hún er komin með samningstilboð frá einu af stærsta félagsliðinu á Spáni, Cementos La Union Ribarroja og mun væntanlega spila með þeim í vetur. Pasztor hefur leikið ágætlega með ÍBV í vetur en í 18 leikjum í deildarkeppninni hefur hún skorað 120 mörk sem gerir að meðaltali 6,7 mörk í leik. Á heimasíðu ÍBV kemur fram að brotthvarf leikmannsins komi á slæmum tímapunkti. „Það að missa Szofiu kemur á slæmum tímapunkti þar sem lítið er eftir af móti. Aftur á móti verðum við að líta á það að stelpurnar hafa verið að spila vel sem lið í undanfömum leikjum þótt hennar nyti ekki við nema að litlu leyti. Við teljum því að liðið okkar sé vel undir það búið að vera án hennar og þá munu bara aðrar stúlkur fá tækífæri til að láta ljós sitt skína. Við trúum því að þær standi undir því og gott betur."

=== '''Jóhann nýr formaður''' ===
Aðalfundur ÍBV fór fram í lok febrúar og bar það helst til tíðinda að nýr formaður tekur við en Óskar Freyr Brynjarsson lét af störfum eftír þriggja ára starf. Við lyklavöldunum tekur Jóhann Pétursson, sem lengi hefur unnið með íþróttahreyfingunni, bæði sem leikmaður og stjómarmaður. Auk hefðbundinna aðalfundarstarfa, var borin upp ályktun varðandi æfingaaðstöðu knattspymufólks yfir vetrarmánuðina og var ályktunin samþykkt einróma. Ályktunin er eftirfarandi: „ÍBV-fþróttafélag fer þess á leit við bæjarstjóm Vestmannaeyja að hún hefji tafarlaust undirbúning og framkvæmdir með það að markmið í huga að bæta úr bráðnauðsynlegri aðstöðu knattspymunnar til æfinga að vetrarlagi. Aðstaða sú er boðið er upp á í dag er fyrir neðan allar hellur. Verði ekkert aðhafst, verður þess ekki langt að bíða að við drögumst langt aftur úr á knattspyrnusviðinu, miðað við þau félög sem við emm að keppa við í dag. Knattspyrnunni eru í dag mjög þröngar skorður settar. Hver flokkur fær þrjá tíma í viku í íþróttahúsinu, í annan tíma er henni ætlað að æfa á malarvellinum sem er fyrir löngu orðinn ónýtur og kannski ekki síst, jafnvel hættulegur. ÍBV-íþróttafélag skilur vel að áhugi barna á knattspyrnuiðkun verði minni við þessar aðstæður og iðkendur snúi sér að óðrum hugarefnum. Sýnist okkur að sú þróun aukist hröðum skrefum. IBV-íþróttafélag telur að eina raunhæfa leiðin sé að bæta vetraraðstöðuna til mikilla muna eins og svo mörg bæjarfélög sem við erum að keppa við í dag eru að gera og mörg hver hafa lokið við.“

=== '''Sé fyrir mér skuldlaust félag''' ===
Jóhann Pétursson, nýkjörinn formaður ÍBV-íþróttafélags var í ítarlegu viðtali við Fréttir um nýja starfið þar sem hann meðal annars kemur inn á hverjar sínar skyldur séu sem formaður ÍBV og hvernig framtíðarsýn hann hefur varðandi félagið.

„Vissulega er það hlutverk formannsins að vera í forsvari fyrir félagið en aðalstarfið er að fylgjast með starfinu og gæta hagsmuna þess í hvívetna." „Undanfarið hefur verið unnið að því að efla starf hjá yngri flokkum félagsins. Það er mín skoðun að brottfall ungmenna úr íþróttum sé allt of mikið og mikilvægt að spyrna við fótum. Þetta er eitt af alvarlegustu málum sem snúa að félaginu í dag og það þarf að taka það föstum tökum sem fyrst í félagi við bæjaryfirvöld og jafnvel fyrirtæki bæjarins. Það er mikilvægt fyrir bæjarfélagið að sem flestir iðki íþróttir enda er það viðurkennd staðreynd að ástundun íþrótta styður böm og unglinga á ýmsa vegu."

Á aðalfundinum í síðustu viku kom fram að staða ÍBV er á margan hátt nokkuð góð. ÍBV er skuldugt félag en skuldimar hafa verið að minnka og er það vel. Jóhann tekur undir það. ,,Skuldir ÍBV- íþróttafélags í heild hafa verið að minnka en félagið er talsvert skuldugt, bæði aðalstjórn og deildirnar en mismunandi þó. Það þarf virkilega að fylgjast vel með þessu og huga vel að stærstu fjáröflunarleiðum félagsins, Shellmótinu og Þjóðhátíðinni. Shellmótið er nokkuð öruggt í framkvæmd en Þjóðhátíðin er meira happadrætti varðandi innkomu. Aukin áhersla á forsölu gefur meira öryggi og það er bara hið besta mál." Hver er framtíðarsýn formannsins fyrir félagið? „Hún er skuldlaust félag og að ÍBV geti sett allt sitt fjármagn beint í íþróttastarfið. Það er engin ástæða til annars en að vera bjartsýnn fyrir hönd ÍBV en þetta er barátta sem við megum ekki gleyma okkur í. Við viljum vera á toppnum og halda áfram því góða starfi sem hefur verið unnið til þessa," sagði Jóhann að lokum.

=== '''Sigur í æfingaleik''' ===
Karlalið ÍBV í knattspymu lék æfingaleik gegn ÍH á gervigrasvelli Fylkis. Leiknum lauk með 3-l sigri Eyjamanna en mörk ÍBV skoruðu þeir Bjarni Rúnar Einarsson og Magnús Már Lúðviksson en eitt marka ÍBV var sjálfsmark Hafnfirðinga.

== '''MARS:''' ==

=== '''Í''' '''öðru sæti eftir sigur á Þór''' ===
Eyjamenn stigu stórt skref í átt að úrslitum Islandsmótsins þegar þeir lögðu Þór frá Akureyri. Leikmenn ÍBV áttu harma að hefna eftir að Þórsarar, með Eyjapeyjann Sindra Haraldsson í broddi fylkingar, unnu ÍBV í Eyjum fyrir skömmu. Leikurinn var ekki mikið fyrir augað en jafnræði var með liðunum í fyrri hálfleik. Eyjamenn voru þó ávallt á undan að skora en Þórsarar jöfnuðu jafnharðan og í hálfleik var staðanjöfn, 15-15. I síðari hálfleik náðu Eyjamenn svo fljótlega þriggja marka forystu sem þeir héldu nánast út leikinn en unnu leikinn að lokum með fjögurra marka mun, 27-31. Kristinn Guðmundsson, aðstoðarþjálfari IBV, var ánægður með stigin tvö. „Það mátti búast við því að þetta yrði erfiður leikur, bæði erfitt að koma hingað norður og svo er þetta þriðji leikur okkar á sex dögum. Munurinn nú og frá því í heimaleiknum gegn þeim lá hins vegar fyrst og fremst í því að nú vissum við hvað við vorum að fara út í, standa lengi í vörn og að Þórsarar myndu reyna að hanga á boltanum. Þeir klipptu Tite út frá byrjun og við vorum smá tíma að finna lausn á því en þegar leið á leikinn kom það. Varnarleikurinn var ekki góður ef frá eru skildar síðustu tíu mínúturnar. En takmarkið fyrir leikinn var að vinna hann og það tókst. Nú er það bara KA hér heima á Iaugardaginn og ef við klárum þá gætum við séð fram á ansi spennandi og skemmtilega lokaumferð í deildinni," sagði Kristinn að lokum. Mörk IBV: Samúel ívar Árnason 6, Svavar Vignisson 5, Sigurður Ari Stefánsson 4, Davíð Þór Óskarsson 4, Robert Bognar 3, Tite Kalandadze 3, Grétar Eyþórsson 2, Zoltan Belany 2, Andreja Adzidz I, Kári Kristjánsson 1. Varin skot: Jóhann Ingi Guðmundsson 7, Roland Eradze 8.

=== '''Bæði lið deildarmeistarar''' ===
IBV varð í byrjun mars deildarmeistari bæði í A- og B-liðum. Stelpumar hafa verið að spila einstaklega vel í vetur en þjálfari þeirra er Unnur Sigmarsdóttir. Það hefur einmitt vakið athygli hversu breiður hópurinn er en Unnur fullyrðir það m.a. að B-liðið gæti vel keppt í keppni A-liða og náð góðum árangri. Keppni í yngri flokkum í handbolta er nokkuð flókin, þannig er t.d. keppt í fjölliðamótum og skiptast mótin niður í íslandsmót og deildarkeppni. Tvö mótanna eru deildarkeppnir og gildir samanlagður árangur úr mótunum tveimur þegar komið er að því að skera úr um deildarmeistarana. ÍBV var með nokkuð góða stöðu fyrir seinna mótið sem fór fram núna um helgina en bæði A- og B-lið höfðu unnið fyrra mótið. B-lið IBV gerði sér lítið fyrir og vann mótið aftur núna en A-liðið var aðeins hársbreidd frá því að vinna mótið, tapaði einum leik og endaði í öðru sæti vegna innbyrðis viðureigna gegn Haukum, sem unnu seinna mótið. En bæði A- og B-lið voru stigahæst til deildarmeistara og komu stelpurnar því heim með tvo bikara. 1 A-liðum varð IBV deildarmeistari með 18 stig og urðu Haukar í 2. sæti með 15 stig. í B liðum varð lið IBV deildarmeistari með fullt hús stiga eða 20 stig og varð HK í 2. sæti með 16 stig. Unnur Sigmarsdóttir, þjálfari stelpnanna sagði í samtali við Fréttir að hún væri afar stolt af þeim. „Þær hafa verið að æfa virkilega vel í vetur og eru einfaldlega að uppskera árangur erfiðisins. Hópurinn er líka breiður og ég fullyrði það að B-liðið hjá mér gæti vel keppt í keppni A-liða og náð góðum árangri. Við erum með mjög góðan eldri árgang, stelpur sem eru fæddar 1991 en yngri árgangurinn er fámennari. Annars er andinn í hópnum mjög góður enda höfum við lagt áherslu á að gera meira en bara að æfa handbolta. Þannig höfðum við t.d. óvissuferð þar sem við buðum foreldrum með og svo höfum við verið að bralla ýmislegt í vetur. Það er nefnilega svo mikilvægt í dag að halda krökkunum við efnið í íþróttunum því í dag er svo margt í boði að það dugir þeim ekki lengur að mæta á æfingar. Þetta þarf að vera félagslíf líka og ég held að það hafi tekist ágætlega hjá okkur í vetur," sagði Unnur að lokum.

=== '''Vel heppnað en fámennt herrakvöld''' ===
Herrakvöld knattspyrnuliðs ÍBV fór fram á höfuðborgarsvæðinu en veislan var haldin í Kópavogi. Um sextíu manns mættu sem er frekar slakt en stemmningin var þeim mun betri. Ræðumenn kvöldsins voru Magnús Þór Hafsteinsson, Bergur E. Agústsson og Gísli Hjartarson. Kom m.a. Bergur inn á það að Eyjamenn ættu að vera stoltir af liðinu sínu því félagið er í baráttu í efstu deild í handbolta og fótbolta og hjá báðum kynjum, en slíkt er ekki sjálfgefið í ekki stærra bæjarfélagi. „Sannleikur hjá Bergi og því var nokkuð grátlegt að við fengum ekki fleirí á herrakvöldið í ár en ekki nema um 60 manns sóttu samkomuna sem er fjáröflun sem leikmenn IBV standa sjálfir fyrir. Mættu þeir fjölmörgu Eyjamenn sem búa á höfuðborgarsvæðinu taka þessa gallhörðu kappa sér til fyrirmyndar í stað þess að hafa hátt úti í horni," sagði Jón Viðar Stefánsson, einn þeirra sem stóðu að herrakvöldinu. „Er það von okkar að fleiri láti sjá sig að ári á herrakvöldinu og upplifi þessa einstöku skemmtun þar sem Eyjakarlar koma saman, rífa kjaft, skemmta sér og öðrum og styrkja leikmenn ÍBV í leiðinni í fjáröflun sinni fyrir æfingaferð til útlanda sem er nauðsynlegur hluti af undirbúningi leikmanna." Svo var endað með happadrætti og uppboði á glæsilegum málverkum frá listamönnum í Eyjum sem gáfu myndir sína. Þá voru einnig boðnir upp búningar frá Ívari Ingimars og Gunnari Heiðari en sá síðarnefndi lét sig ekki vanta á herrakvöldíð.

=== '''Eiga fullt erindi í toppslaginn''' ===
Í byrjun mars tóku strákamir á móti HK, sem þá sat í efsta sæti DHL deildarinnar. Eftir frekan jafnan fyrri hálfleik sem endaði 12:10 fyrir ÍBV, tóku Eyjamenn öll völd á vellinum í þeim síðari. Gestirnir byrjuðu reyndar á að skora fyrsta markið og minnka muninn í eitt mark en Eyjamenn skoruðu næstu þrjú mörk leiksins og náðu þar með aftur þægilegu forskoti. Leikmenn ÍBV sýndu gestunum enga miskunn, Tite Kalandaze raðaði inn mörkunum og í markinu var Jóhann Ingi Guðmundsson í miklu stuði. Mestur varð munurinn níu mörk, 29:20 en lokatölur urðu 31:26. Mörk ÍBV: Tite Kalandaze 10, Robert Bognar 7, Svavar Vignisson 6, Samúel í. Arnason 4/1, Sigurður A. Stefánsson 3, Grétar Eyþórsson 1. Varin skot: Jóhann I. Guðmundsson 21/2. Þorgils Orri Jónsson 2.

Nokkrum dögum síðar var svo tekið á móti Haukum, núverandi Íslandsmeisturum sem voru ekki alls kostar sáttir við það þegar Eyjamenn unnu þá á Ásvöllum í byrjun febrúar. Eyjamenn vom hins vegar ákveðnir í að taka öll stigin og það gerðu þeir, unnu leikinn með fimm mörkum, 30:25 eftir að hafa náð mest átta marka forystu. Það stefndi allt í hreina niðurlægingu Íslandsmeistaranna því þegar fimmtán mínútur voru búnar af leiknum var staðan orðin 10:3 fyrir IBV, sjö marka forysta og Eyjamenn á góðri leið með að gera út um leikinn. En í' Haukaliðinu er að finna leikmenn sem ganga um hoknir af reynslu og þeir náðu að minnka muninn niður í þrjú mörk fyrir leikhlé, 14:11. Framan af sfðari hálfleik héldu Eyjamenn svo þriggja til fjögurra marka forystu en um miðjan hálfleikinn kom góður leikkafli hjá IBV þar sem þeir náðu muninum upp í átta mörk. Haukar náðu reyndar aðeins að laga stöðuna fyrir leikslok en öruggur og sannfærandi sigur hjá ÍBV. Annan leikinn í röð voru það þeir Jóhann Ingi Guðmundsson og Tite Kalandze sem stóðu

upp úr í annars jöfnu og góðu liði ÍBV. Mörk ÍBV: Tite Kalandadze 8, Samúel I. Arnason 6/5, Robert Bognar 5, Sigurður A. Stefánsson 4, Kári K. Kristjánsson 3, Björgvin Rúnarsson 2, Zoltán Belányi 2. Varin skot: Jóhann I. Guðmundsson 19/2. Þorgils Orri Jónsson 1.

=== '''Sigur og tap í deildarbikarnum''' ===
Karlalið ÍBV í knattspymu lék tvo leiki í deildarbikamum, báða gegn 1. deildarliðum. Fyrst var leikið gegn Víkingum og fór leikurinn fram í Egilshöll. Víkingar fóru vel af stað í leiknum og fljótlega var staðan orðin 2:0. Steingrímur Jóhannesson minnkaði svo muninn fyrir ÍBV en lengra komust Eyjamenn ekki og lokatölur því 2:1 fyrir Víking. Tveimur dögum síðar var svo leikið gegn Þór frá Akureyri í Reykjaneshöllinni. Þar voru Eyjamenn mun betri en á móti Víkingi og unnu Eyjamenn 3:1. Mörk ÍBV skoruðu þeir Steingrímur, lan Jeffs og Bjarni Rúnar Einarsson.

Unnu FH en gáfu leikinn gegn ÍA

Kvennalið ÍBV átti að leika tvo leiki í Faxaflóamótinu. Fyrst var leikið gegn FH og fór leikurinn fram á gervigrasvelli KR-inga. Eyjastúlkur unnu leikinn 2:1 en mörk ÍBV skoraðu þær Olga Færseth og Hólmfríður Magnúsdóttir. Á sunnudaginn áttu stelpurnar svo að spila gegn ÍA og átti Ieikurinn að fara fram á malarvellinum á Akranesi. Vegna meiðsla í leikmannahópi ÍBV og lélegra vallarskilyrða á Skaganum vildi Sigurlás Þorleifsson, þjálfari IBV ekki tefla á tvær hættur og ákvað því að gefa leikinn.

=== '''Eiður og Þórarinn á úrtaksæfingu''' ===
Í mars fóru fram úrtaksæfingar hjá U-16 ára landsliði íslands í knattspymu og voru tveir Eyjamenn valdir til að taka þátt í æfingunum en það eru þeir Eiður Aron Sigurbjömsson og Þórarinn Ingi Valdimarsson. Alls tóku 36 leikmenn þátt í æfingunum sem fóru fram í Reykjaneshöllinni en um var að ræða leikmenn fædda 1990. Þjálfari liðsins er Freyr Sverrisson.

=== '''Fjölmennt herrakvöld í Eyjum''' ===
Karlar bæjarins fjölmenntu á Herrakvöld ÍBV en metþáttaka var og skráðu um 190 manns sig inn. Það vakti óneitanlega athygli að í fyrsta skipti var kona ein af gestum kvöldsihs en hún var ein af nemendum Stýrimannaskólans í Reykjavík. Góð stemmning var og sló sterkasti prestur í heimi, sr. Gunnar Sigurjónsson í gegn sem ræðumaður kvöldsins.

=== '''Eyiamenn í þriðja sætinu''' ===
IBV tók á móti KA en leikurinn var hin besta skemmtun og stuðningsmenn IBV nýttu sér kostaboð Sjóvá sem bauð frítt á leikinn og voru rúmlega fjögur hundruð manns á leiknum sem telst vera nokkuð gott. Eyjamenn voru lengst af með leikinn í hendi sér, náðu fljótlega tveggja marka forystu en staðan í hálfleik var 17:13 fyrir ÍBV. Framan af síðari hálfleik leit allt út fyrir að leikmenn ÍBV ætluðu að niðurlægja gestina en þegar hálfleikurinn var rétt tæplega hálfnaður var munurinn kominn í sjö mörk, 23:16. En þá breyttu KA-menn um varnartaktfk, færðu sig framar á völlinn og við það riðlaðist sóknarleikur ÍBV talsvert. Gestirnir nýttu sér það, skoruðu sex mörk í röð og allt í einu var komin spenna í leikinn. En strákarnir fundu að lokum réttu leiðina framhjá varnarmúr KA og unnu að lokum með átta mörkum, 36:28. Svavar Vignisson leysti Sigurð Bragason af sem fyrirliða og virtist fínna sig vel í því hlutverki, skoraði tíu mörk og var markahæstur Eyjaliðsins. Svavar sagði í samtali við Fréttir að ÍBV væri með eitt sterkasta lið deildarinnar í dag. „Við vorum enn og aftur að senda skilaboð til annarra liða í deildinni hversu sterkir við erum. Eg efast ekkert um það að með svona stuðningi eins og við fengum í dag þá getum við klárað flest liðin í deildinni." Mörk ÍBV: Svavar Vignisson 10, Tite Kalanaze 7, Robert Bognar 6, Sigurður A. Stefánsson 4, Grétar Eyþórsson 3, Davíð Óskarsson 3/1, Zoltan Belanyi 2, Samúel í. Árnason 1/1. Varin: Roland Eradze 19/2, Jóhann Ingi Guðmundsson 2/1.

=== '''Hermann í landsliðshópnum''' ===
Hermann Hreiðarsson er á sínum stað í íslenska landsliðshópnum sem mætir Króötum og Ítölum í enda mánaðarins. Hermann er leikjahæsti leikmaður liðsins og jafnframt eini Eyjamaðurinn að þessu sinni.

=== '''Einar Þór aftur í KR''' ===
Einar Þór Daníelsson hefur ákveðið að ganga aftur í raðir KR og taka við sem aðstoðarþjálfari 2. flokks hjá félaginu. Einar Þór lék á síðasta tímabili með IBV. Hann skoraði fjögur mörk í 17 leikjum.

=== '''Góðir sigrar''' ===
Stelpurnar í handboltanum léku tvo leiki á fjórum dögum í byrjun mars. Fyrst var leikið gegn FH en í herbúðum Hafnarfjarðarliðsins má m.a. finna Eyjastúlkuna Bjarnýju Þorvarðardóttir. Eyjastúlkur byrjuðu af miklum krafti, komust í 7:1 en í hálfleik var staðan 13:8. Í síðari hálfleik slökuðu leikmenn IBV aðeins á og gestirnir komust aftur inn í leikinn. Þær náðu hins vegar aldrei að jafna og fyrirhafnarlítill sigur IBV því staðreynd. Lokatölur urðu 25:21. Mörk ÍBV: Mörk ÍBV: Alla Gorkorian 10/4, Anastasia Patsiou 5, Eva B. Hlöðversdóttir 4, Darinka Stefanovic 2, Elísa Sigurðardóttir 1, Tatjana Zukovska 1, Hildur B. Jónsdóttir 1, Edda Eggertsdóttir 1.

ÍBV tók svo á móti neðsta liði deildarinnar, Fram, í leik sem hefði fyrirfram átt að vera mjög auðveldur fyrir ÍBV. En leikmenn liðsins virtust ekki mæta með rétt hugarfar og í stað þess að keyra yfir Framliðið í byrjun, þá tókst IBV aldrei að hrista gestina af sér. Í fyrri hálfleik munaði lengst af þremur mörkum en staðan í hálfleik var 12:9. Framstúlkur byrjuðu svo á því að skora fyrstu tvö mörk síðari hálfleiks og munurinn kominn niður í eitt mark en lengra komust þær ekki. Eyjastúlkur sýndu svo styrk sinn í síðari hálfleik. Ingibjörg Jónsdóttir kom inn í vörn liðsins og stýrði varnarleiknum eins og herforingi auk þess að sýna gamla takta í sóknarleiknum. Lokatölur urðu svo 27:17, tíu marka sigur og því munu Haukar og IBV leika úrslitaleik um deildarmeistaratitilinn. Reyndar dugir Haukum jafntefli til að vinna titilinn. Mörk ÍBV: Darinka Stefanovic 9, Ingibjörg Jónsdóttir 5, Guðbjörg Guðmannsdóttir 4, Anastasia Patsiou 4, Alla Gorkorian 2, Sæunn Magnúsdóttir 1, Eva Hlóðversdóttir 1, Ester Óskarsdóttir 1. Varin skot: Florentina Grecu 22/2.

=== '''Áttu aldrei möguleika gegn Haukum''' ===
Úrslitaleikur um deildarbikartitil kvenna milli IBV og Hauka varð aldrei spennandi en leikurinn fór fram á Ásvöllum þann 19.mars. Óhætt er að segja að leikur IBV liðsins hafí valdið miklum vonbrigðum og í raun áttu stelpurnar aldrei möguleika gegn Haukum, sem virðast vera með sterkasta liðið í ár. Þegar upp var staðið munaði fjórtán mörkum á liðunum, lokatölur urðu 35:21. Það var ljóst strax á upphafsmínútunum í hvað stefndi. Haukar náðu strax þægilegu forskoti og juku við það hægt og rólega en í hálfleik var staðan 16:8. Smá lífsmark var með IBV í upphafi síðari hálfleiks þegar þær náðu að minnka muninn í sex mörk en þá komu þrjú mörk í röð frá Haukum sem gerðu endanlega út um leikinn. Það var fátt sem stóð upp úr í leik IBV, varnarleikurinn var ekki nógu góður en reyndar komu mörg marka Hauka úr hraðaupphlaupum. Það var nefnilega sóknarleikurinn sem brást algjörlega. Haukar lögðu alla áherslu á að stöðva Öllu Gokorian og þar með var allt bit úr sóknarleiknum farið en Alla skoraði aðeins eitt mark úr víti í leiknum. En vafalaust mun hópurinn leggjast á eitt að laga það sem úrskeiðis fyrir úrslitakeppnina en hún hefst 31. mars og leikur IBV gegn Víkingi í átta liða úrslitum. Mörk ÍBV: Anastasia Patsiou 7/1, Ana Perez 4, Tanja Zukovska 3, Ester Óskarsdóttir 2, Guðbjörg Guðmannsdóttir 2, Elísa Sigurðardóttir I, Darinka Stefanovic 1, Alla Gorkorian 1/1. Varin skot: Florentina Grecu 15.

=== '''Formanni handboltadeildar vísað út úr húsi á leik Hauka og ÍBV''' ===
Hún vakti athygli sú ákvörðun dómaranefndar HSÍ að setja þá félaga Gísla Hlyn Jóhannsson og Hafstein Ingibergsson á leik IBV og Hauka í DHL deild kvenna en þeir félagar fóru svo eftirminnilega á kostum í leik ÍB V og ÍR í bikarkeppni karla. Og taugastríðið hafði ekki staðið lengi yfir þegar Hlynur Sigmarsson, formaður handknattleiksdeildar ÍBV sem er vanur að láta vel í sér heyra á handboltaleikjum, var beðinn um að standa ekki upp við auglýsingaskiltin, heldur vera á pöllunum. Hlynur gegndi, stóð á pöllunum en lét áfram heyra í sér. Stuttu síðar var Hlyn svo vísað út úr húsinu og það í beinni útsendingu í Sjónvarpinu. „Það var auðvitað bara ögrun hjá dómaranefndinni að setja þetta dómarapar á þennan leik, úrslitaleik í deildarkeppninni. Það vom tíu önnur dómarapör að dæma þennan dag og heldurðu að það sé ekki hægt að hliðra til og færa dómarapör á milli leikja? Dómaranefndin vildi einfaldlega sýna okkur hverjir ráða," sagði Hlynur í samtali við Fréttir. „Auðvitað ætla ég ekkert að gera lítið úr mínum þætti, ég lét heyra í mér og skammaði dómarana. En þannig hef ég hagað mér undanfarin ár og allt í einu núna er það bannað. Það sýnir ágætlega hvar hugurinn var hjá þeim Gísla og Hafsteini, þeir létu mig hafa áhrif á dómgæsluna í leiknum." Áttu von á því að þeir eigi eftir að dæma aftur hjá ÍBV, jafnvel í Eyjum? „Fyrst eftir leikinn vonaði ég að svo yrði ekki. En eftir að lengra líður frá þessu þá átta ég mig á því að það gæti orðið virkilega gaman að taka á móti þeim hérna í Eyjum, gæti verið svona aukaspenna í handboltaleiknum. Við myndum að sjálfsögðu bjóða þá velkomna ef þeir kæmu en treysta þeir sér?" spurði Hlynur að lokum.

=== '''Níu milljónir til ÍBV''' ===
Um miðjan mars undirrituðu forráðamenn ÍBV - íþróttafélags og Íslandsbanka samstarfssamning til næstu þriggja ára. Er um framlengingu að ræða en síðustu ár hefur samstarf þessara aðila verið nokkuð. Í fjárhæðum talið mun Íslandsbanki leggja félaginu til níu milljónir á næstu þremur árum og verður þar með einn af stærri styrktaraðilum félagsins. Í sameiginlegri fréttatilkynningu frá þessum aðilum kemur fram að Íslandsbanki leggi mikið upp úr að viðhalda og efla unglingastarfið innan félagsins og er samningurinn einn liður í því.

=== '''Besti árangur karlanna''' ===
Karlalið ÍBV náði sínum besta árangri frá upphafi þegar þeir unnu HK á útivelli og tryggðu sér um leið annað sætið í DHL deildinni. Leikurinn var í járnum framan af og einnig nokkuð harður án þess þó að leikmenn gerðu sig seka um að vera beinlínis grófir. Slík leikaðferð hefur hentað IBV liðinu ágætlega í vetur enda hafa Eyjamenn sterka leikmenn í sínum röðum. Staðan í hálfleik var 15:15 en í síðari hálfleik voru Eyjamenn sterkari. komust fljótlega þremur mörkum yfír og héldu forystunni lengst af. Segja má að kaflaskipti hafi orðið þegar ÍBV var tveimur leikmönnum færri en í stað þess að forystan minnkaði, jókst hún og eftirleikurinn var Eyjamönnum auðveldur. Lokatölur urðu 26:31. Þar með endaði IBV í öðru sæti í deildinni sem tryggir liðinu heimaleikjaréttinn bæði í átta liða úrslitum og í undanúrslitum. Sú staðreynd eykur möguleika IBV á að komast langt um helming enda heimavöllurinn hér einn sá sterkasti á landinu á góðum degi. Mörk ÍBV: Tite Kalandaze 8, Samúel Ivar Arnarson 5, Svavar Vignisson 5, Sigurður Ari Stefánsson 4, Robert Bognar 3, Zoltan Belany 3, Kári Kristján Kristjánsson 1, Grétar Eyþórsson 1, Davíð Þór Óskarsson 1/1. Varin skot: Roland Valur Eradze 24/4 (Þar af 2 skot til mótherja).

=== '''Tap gegn ÍA''' ===
Karlalið IBV í knattspyrnu lék í deildarbikarnum gegn IA í Fífunni. Eyjamenn höfðu leikið þrjá leiki í keppninni, gert jafntelli gegn Fylki, tapað fyrir Víkingi og unnið Þór frá Akureyri. En þrátt fyrir góða byrjun í leiknum gegn ÍA þá tókst strákunum ekki að bæta stigum í sarpinn, lokatölur urðu 2:3 fyrir ÍA eftir að ÍBV hafði verið 2:1 yfir í hálfleik. Mörk ÍBV skoruðu þeir Steingrímur Jóhannesson og Magnús Már Lúðvíksson. ÍBV er nú í fímmta sæti riðilsins af átta liðum, með fjögur stig úr fjórum leikjum en efst er Breiðablik með tólf stig og Valur næstefst með tíu.

=== '''Góður árangur''' ===
Meistaraflokkur kvenna í knattspyrnu lék tvo leiki síðustu helgina í mars. Fyrst var leikið gegn Stjörnunni í deildarbikarkeppninni og urðu lokatölur þar 2:5 fyrir ÍBV. Daginn eftir var svo leikið gegn Haukum í Faxaflóamótinu en það var jafnframt síðasti leikur liðsins í mótinu. Óhætt er að segja að Eyjastúlkur hafi endað með stæl, unnu níu marka sigur 10:1 og liðið endaði í þriðja sæti mótsins.

=== '''Leikir yngri flokka á Faxaflóamótinu''' ===
Þriðji flokkur kvenna lék tvo leiki í Faxaflóamótinu fyrst léku stelpurnar gegn Stjörnunni og unnu þann leik 2:5. Daginn eftir var svo leikið gegn Breiðablik og tapaðist sá leikur 8:0. Þriðji flokkur karla lék einnig gegn HK. Strákarnir stóðu uppi sem sigurvegarar. Lokatölur urðu 1:2 fyrir ÍBV og skoraði Gauti Þorvarðarson bæði mörkin.

=== '''Ester með U-88 landsliðinu''' ===
Ester Óskarsdóttir hefur verið valin til að taka þátt í landsliðsæfingum með landsliði íslands skipað leikmönnum fæddum 1988 og síðar. Ester hefur verið viðloðandi liðið undanfarið ár.

=== '''Mark Schulte ekki með ÍBV í sumar''' ===
Nú er ljóst að Mark Schulte, bandaríski varnarmaðurinn sterki mun ekki spila með ÍBV næsta sumar. Schulte hefur verið til reynslu hjá bandaríska liðinu Columbus Crew sem spilar í bandarísku MLS-deildinni og hefur komist að samkomulagi við félagið um að spila með þeim í sumar. Schulte var samningsbundinn IBV en með klásúlu í samningnum að ÍBV stæði ekki í vegi fyrir því ef honum yrði boðinn samningur í heimalandinu. Samið hefur verið við breskan leikmann í gegnum vinatengsl ÍBV og Crewe. Sá heitir Matthew Platt og er 21 árs framherji. Hann hefur verið allan sinn feril hjá Crewe og hefur þannig leikið með þeim lan Jeffs, Tom Betts og Matt Garner sem allir eiga það sameiginlegt að hafa spilað bæði með ÍBV og Crewe.

=== '''Orðinn lykilmaður í sterku liði''' ===
Kári Kristján Kristjánsson, leikmaður IBV, var í fremstu víglínu um páskahelgina með íslenska U-21 árs liðinu í handbolta en liðið lék á heimavelli í undanriðli Heimsmeistarakeppninnar. Kári lék stórt hlutverk í hjarta varnarinnar, á línunni og sókn. Og Eyjapeyinn stóð sig vel, vakti verðskuldaða athygli fyrir frammistöðu sína og var að lokum valinn í úrvalslið mótsins. Íslenska liðið lék þrjá leiki, gegn Hollandi, Austurríki og Úkraínu og vann þá alla, enda tefldi Ísland fram geysilega sterku liði í riðlinum. Þar með vann liðið sér inn sæti á úrslitakeppni Heimsmeistaramótsins sem fer fram í Ungverjalandi í ágúst í sumar.

=== '''Hermann og Gunnar Heiðar í eldlínunni''' ===
Hermann Hreiðarsson var fyrirliði íslenska landsliðsins sem lék gegn Króötum í lok mars. Hermann lék vel í vörn íslenska liðsins en kom ekki í veg fyrir að Króatarnir skoruðu fjögur mörk. Annars var Heimakletturinn ansi vígalegur í leiknum, með höfuðið vafið eftir samstuð. Þá var Gunnar Heiðar Þorvaldsson kallaður óvænt inn í hópinn en hann sat á bekknum allan leikinn.

== '''Apríl:''' ==

=== '''Í undanúrslit''' ===
Kvennalið IBV í handbolta tryggði sér sæti í undanúrslitum Íslandsmótsins með því að leggja Víking að velli í tveimur leikjum. Tvo sigra þurfti til að komast í undanúrslit en vegna meiðsla leikmanna IBV var mikilvægt að klára viðureignina í tveimur leikjum og vinna sér inn nokkurra daga frí fyrir komandi átök. Florentina Grecu, markvörðurinn sterki, lék ekki með IBV gegn Víkingi vegna meiðsla og tók Vigdís Sigurðardóttir stöðu hennar á milli stanganna og stóð fyrir sínu.

ÍBV lenti í talsverðum vandræðum á heimavelli í fyrsta leiknum en handboltaspekúlantar höfðu spáð því að möguleikar Víkingsstúlkna fælust í að að vinna fyrsta leikinn. Framan af var leikurinn jafn en heimastúlkur virtust vera með undirtökin. Um miðjan hálfleikinn kom afleitur kafli hjá IBV, gestirnir breyttu stöðunni úr 10:8 í 10:16, átta marka sveifla og áhorfendum hætt að lítast á blikuna. En leikmenn IBV spýttu í lófana, náðu að minnka muninn í þrjú mörk fyrir leikhlé og héldu sér þar með inni í leiknum. Í síðari hálfleik mætti hins vegar allt annað lið til leiks hjá IBV, Alla Gokorian tók við sér og byrjaði að raða inn mörkunum og dró vagninn. Auk þess kom Guðbjörg Guðmannsdóttir sterk inn í síðari hálfleik en hún og Ana Pdrte mættu seint til leiks og notuðu því fyrri hálfleikinn að mestu til að hita upp. Lokatölur urðu 30:27, mikilvægur sigur hjá IBV. Mörk ÍBV: Alla Gokorian 12/5, Anastasia Patsiou 6, Guðbjörg Guðmannsdóttir 4, Ingibjörg Jónsdóttir 3, Elísa Sigurðardóttir 2, Tatjana Zukovska 1, Eva B. Hlöðversdóttir 1, Edda Eggertsdóttir 1. Varin skot: Vigdís Sigurðardóttir 16.

Síðari leikurinn fór fram í Víkinni. Heimastúlkur voru ákveðnar í að selja sig dýrt og framan af var leikurinn jafn. En þegar um tíu mínútur voru eftir kom góður leikkafli hjá IBV sem nýtti sér brottvísun Víkinga og náði undirtökunum í leiknum. Staðan í hálfleik var 7:14 en Eyjastelpur héldu áfram á sömu braut í síðari hálfleik og mestur varð munurinn ellefu mörk, 11:22. Eftir það má segja að leikmenn ÍBV hafi slakað á og varamenn fengu tækifæri til að spreyta sig. Lokatölur urðu 22:28 og þar með komust Eyjastúlkur í undanúrslit keppninnar. Alfreð Finnsson, þjálfari IBV var ánægður með að klára viðureignina í tveimur leikjum. „''Það var mjög mikilvægt að fá nokkurra daga frí til þess að anda. Fimm leikmenn glíma við meiðsli og það hefði jafnvel verið betra að hvíla einhverjar þeirra í seinni leiknum. En við ákváðum að keyra á þetta á fullu og hvíla svo. Það er líka nokkuð þungu fargi af mér létt, sem og leikmönnum og gott að geta farið að einbeita sér að næsta verkefni strax."'' Mörk ÍBV: Guðbjörg Guðmannsdóttir 6, Alla Gorkorian 6, Eva Björk Hlöðversdóttir 5/2, Darinca Stefanovic 4, Elísa Sigurðardóttir 2, Ana Peres 2, Tatjana Zukovska 2, Anastasija Patsion 1. Varin skot: Vigdís Sigurðardóttir 15/1.

=== '''Frestað vegna ófærðar''' ===
Á þriðjudagskvöldi í apríl átti fyrsti leikur ÍBV og Fram að fara fram í Eyjum en liðin eigast við í átta liða úrslitum íslandsmótsins. Eins og gefur að skilja var mikil eftirvænting í Eyjum eftir leiknum enda hefur ÍBV ekki oft komist í úrslitakeppnina undanfarin ár og aldrei verið spáð eins góðu gengi og í ár. Það kom því eins og ísköld vatnsgusa þegar HSI tilkynnti að leiknum væri frestað vegna ófærðar. Tilkynningin kom frá HSI um fjögurleytið en þá var ekki enn búið að fresta áætlunarflugi Landsflugs og samkvæmt upplýsingum sem forráðamenn handboltans fengu þá var flugfært til Eyja. Hins vegar var veðurspáin slæm og ljóst að spáin hefur ráðið því hvort af leiknum yrði eða ekki. Þessu eiga Eyjamenn erfitt með að kyngja, ekki síst í ljósi þess að liðið hefur nokkrum sinnum farið af stað með hádegisflugi á leikdegi vegna þess að veðurspáin var slæm. Þá hefur Eyjaliðið oft setið veðurteppt á fastalandinu og einnig þurft að ferðast með Herjólfi. Þá var ekki frestað. Róbert Geir Gíslason, starfsmaður hjá HSI, hefur með mótastjórn að gera og hann sagði í samtali við Fréttir að HSÍ hafi aðeins haft einn valmöguleika, að fresta leiknum. ''„Við vorum í sambandi við bæði flugfélögin, Landsflug og Flugfélag Vestmannaeyja og um hálf fimm fengum við þau skilaboð frá báðum flugfélögunum að ófært væri til Eyja og ekkert útlit til þess að flogið yrði. Þá var ekkert annað að gera en að snúa dómurunum við, sem voru á leiðinni út á Bakka, og fresta leiknum. Við reyndum að hringja í önnur flugfélög og athuga stöðuna hjá þeim, hvort þau gætu flogið til Eyja en alls staðar fengum við sömu svör, það var ófært til Eyja."'' Páll Marvin Jónsson í handknattleiksráði sagði í samtali við Fréttir að það hefði komið illa við Eyjamenn að fresta leiknum. ''„Það er alltaf slæmt þegar þarf að fresta leikjum og þess vegna eru reglur hjá HSÍ að fresta ekki nema í algjörri neyð. Það má auðvitað deila um það hvort þarna hafi verið um algjöra neyð að ræða, Framarar og dómararnir hefðu getað komið fyrr um daginn en þá hefðu þeir orðið veðurtepptir hérna. Mig grunar að HSI hafi verið undir pressu frá Frömurum að fresta leiknum út af veðurspánni og því miður hefur forystan látið það eftir þeim. Okkar skilaboð til HSÍ eru núna þau að ef ekki á að reyna flug fram á síðustu stundu, þá skal það gilda um alla, líka ÍBV. Við höfum þurft að bíða eftir flugi langt fram undir kvöld, áður en leik hefur verið frestað."'' Nú segja forráðamenn HSÍ að þeir hafi fengið skilaboð um að ófært hafí verið til Eyja og þess vegna hafi leiknum verið frestað? ''„Það er skrítið því ég var uppi í flugturni um sexleytið og þá fyrst var flugi aflýst hjá Landsflugi. Leiknum var hins vegar frestað um klukkan fjögur. Þetta mál er allt hið leiðinlegasta en við ætlum ekki að standa í neinu stappi vegna þess. Þetta er nú að baki og vonandi tekur við skemmtileg rimma gegn Fram,"'' sagði Páll að lokum. Samkvæmt upplýsingum sem fengust á afgreiðslu Landsflugs í Vestmannaeyjum var flugvél félagsins biluð. Þegar viðgerð var lokið um kl. sex síðdegis var orðið ófært. Hjá Flugfélagi Vestmannaeyja fengust þær upplýsingar að síðdegis hafi verið ófært en um fimmleytið hafi opnast fyrir flug og var hægt að fljúga eina ferð á Bakka áður en orðið var ófært að nýju.

=== '''Sigur gegn Breiðabliki''' ===
Karlalið IBV í knattspyrnu spilaði gegn Breiðabliki en leikurinn fór fram í Fífunni. Steingrímur Jóhannesson skoraði eina mark IBV í leiknum, á 31. mínútu en nokkra af sterkustu leikmönnum IBV vantaði í leiknum. Breiðablik hafði fyrir leikinn unnið alla fjóra leiki sína í Deildarbikarnum og verða að teljast nokkuð líklegir til afreka í sumar undir stjórn Bjarna Jóhannssonar. Páll Hjarðar fékk rauða spjaldið undir lok leiksins.

=== '''Þriggja marka tap gegn Val''' ===
Kvennalið ÍBV í knattspyrnu lék gegn Val í deildarbikarnum. Valsliðið þykir gríðarlega sterkt, ekki síst eftir að Margrét Lára Viðarsdóttir gekk í raðir þeirra en þessi lið léku einmitt til úrslita í deildarbikarnum á síðasta ári og vann IBV þann leik. Leikurinn var nokkuð fjörugur en Valsstúlkur voru sterkari. Olga Færseth kom IBV hins vegar í 1:0 eftir hornspyrnu, nokkuð gegn gangi leiksins. Bryndís Jóhannesdóttir bætti svo öðru marki við og var IBV tveimur mörkum yfir í hálfleik sem þótti nokkuð gegn gangi leiksins. Valsstúlkur sýndu svo sparihliðarnar í síðari hálfleik, skoruðu þá fimm mörk gegn engu marki IBV og lokatölur leiksins urðu 5:2.

=== '''Unglingaflokkur meistari í 2. deild''' ===
Stelpurnar í unglingaflokki tryggðu sér sigurinn í 2. deild í handbolta í byrjun apríl og um leið sæti í úrslitum Íslandsmótsins með tveimur sigrum á ÍR og HK2. ÍBV hefur verið á toppi 2. deildar í allan vetur og hægt og sígandi bætt sinn leik en nokkrir leikmenn flokksins hafa verið í leikmannahópi meistaraflokks í vetur og spilað lítillega á meðal þeirra bestu. Í úrslitum mæta stelpurnar Stjörnunni sem endaði í öðru sæti í 1. deild og þykja nokkuð sterkar.

=== '''Magnús Már skrifar undir''' ===
Magnús Már Lúðvíksson hefur gengið frá samningi við IBV og verður hann með í sumar. Á heimasíðu ÍBV er greint frá því að helst var það vinna Magnúsar sem kom í veg fyrir að samið væri við hann fyrr. Magnús þarf að fá frí yfir sumartímann til að spila með IBV og gekk það eftir. Hann lék 23 leiki með ÍBV síðasta sumar og skoraði sjö mörk, þar af fjögur mörk í deildinni. Þá hefur hann verið að spila vel með IBV í vorleikjum ÍBV.

=== '''Ester í u-17ára landsliðið''' ===
Hin stórefnilega handknattleikskona, Ester Óskarsdóttir, hefur verið valin í U-17 ára landslið Íslands sem tekur þátt í undanriðli EM yfir hvítasunnuhelgina. Ester var með landsliðinu um páskahelgina en þá fór fram æfingamót hér á landi. Íslenska hópnum var skipt í tvö lið og lék Ester með öðru þeirra. Lið Esterar vann mótið en auk íslensku liðanna lék meistaraflokkur Fram og danska liðið Gladsaxe.

=== '''Jafnasta viðureign frá upphafí úrslitakeppninnar''' ===
Eyjamenn mega teljast stálheppnir að vera komnir áfram í undanúrslit Íslandsmótsins í handbolta eftir rimmu sína gegn Fram. Safamýrarpiltarnir komu flestum nema sjálfum sér á óvart með góðum leik sem varð til þess að þrjá leiki þurfti til að skera úr um það hvort liðið færi í undanúrslit. Auk þess þurfti þrjár framlengingar og tvær vítakeppnir en fyrsti leikur liðanna fer líklega í sögubækurnar fyrir spennu og þrautseigju leikmanna beggja liða. Framarar komu Eyjamönnum í opna skjöldu í fyrsta leik liðanna þann 6.apríl en þegar uppi var staðið var jafnt í leikslok, 27:27 og því þurfti að framlengja. Í lok framlengingarinnar voru Eyjamenn með leikinn í hendi sér, voru einu marki yfir og með boltann. Þeir töpuðu hins vegar boltanum klaufalega frá sér, Framarar brunuðu upp og jöfnuðu. Því þurfti að framlengja aftur og aftur var jafnt að henni lokinni, 37:37. Þá var komið að vítakeppni en búið er að fella út bráðabana og taka upp vítakeppni til að útkljá jafna leiki. Eftir fimm vítaskot á lið var enn jafnt, 40:40 og flestir komnir á þá skoðun að leiknum myndi aldrei ljúka. Vítakeppnin var endurtekin, fimm skot á lið og til að gera langa sögu stutta höfðu Eyjamenn betur og unnu 42:41 í einum magnaðasta handboltaleik sem fram hefur farið. Mörk ÍBV: Tite Kalandaze 9, Davíð Óskarsson, 7/1, Björgvin Þ. Rúnarsson 7/2, Kári Kristjánsson 6, Samúel ívar Arnason 3, Sigurður Bragason 3, Grétar Eyþórsson 1, Zoltán Belányi 1. Varin skot: Roland Eradze 33/2.

Annar leikur liðanna í Safamýrinni var á svipuðum nótum og fyrsti leikurinn. Reyndar var jafnræði með liðunum til að byrja með og varnarleikur IBV var mun betri en í fyrsta leiknum. Þrátt fyrir það náðu Framarar yfirhöndinni, komust m.a. fímm mörkum yfir 11:6 en Eyjamenn náðu að laga stöðuna og í hálfleik var staðan 14:13. Framarar héldu áfram að halda forystunni í síðari hálfleik eða allt þar til undir lok leiksins að ÍBV náði að jafna í fyrsta sinn í leiknum, 27:27. Í framlengingu byrjuðu Framarar betur, náðu tveggja marka forystu en IBV náði að jafna 30:30. Framarar komust aftur yfír en þrátt fyrir harða hríð Eyjamanna að marki Fram undir lokin, þá náðu þeir ekki að jafna. Meðal annars var Sigurður Bragason hreinlega rifinn niður í gólfið á lokasekúndunum þegar hann var að komast í gott skotfæri en á einhvern óskiljanlegan hátt sáu dómarar leiksins ekki ástæðu til að dæma á brotið. Sigurður fékk svo í kjölfarið rautt spjald og þriggja leikja bann. Lokatölur urðu 31:30 og því urðu liðin að mætast á nýjan leik í Eyjum. Mörk ÍBV: Samúel Ivar Arnason 12/6, Tite Kalandadze 7, Sigurður Ari Stefánsson 5, Zoltán Belányi 2, Kári Kristján Kristjánsson 2, Svavar Vignisson 1, Sigurður Bragason 1. Varin skot: Roland Valur Eradze 24/1.

Þriðji leikurinn var ekki síður jafn og spennandi en Eyjamenn voru lengst af yfir. Framarar voru aldrei langt undan og í hálfleik munaði aðeins tveimur mörkum, 11:9. Framarar hófu svo síðari hálfleikinn af miklum krafti og komust tveimur mörkum yfir. Með mikilli baráttu tókst Eyjamönnum að jafna og komast yfir 24:23. Framarar jöfnuðu úr víti í næstu sókn og aðeins tæp mínúta eftir af leiknum. Framarar léku varnarleikinn skynsamlega undir lokin, brutu á leikmönnum IBV og allt leit út fyrir að framlengja þyrfti enn á ný. En þegar leiktíminn var að renna út, stilltu Eyjamenn upp varnarmúr fyrir Tite Kalandaze, sem lyfti sér upp og negldi boltanum í netið og tryggði ÍBV þar með sæti í undanúrslitum þar sem liðið mætir ÍR. Mörk ÍBV: Svavar Vignisson 7, Samúel I. Ámason 6/2, Tite Kalandadze 5, Robert Bognar 3, Sigurður A. Stefánsson 2, Zoltán Belányi 2. Varin skot: Roland Eradze 24/2.

=== '''Átti ÍBV að tapa?''' ===
Það vakti talsverða athygli þegar tveimur framlengingum var lokið í fyrsta leik ÍBV og Fram að gripið var til vítakastkeppni en til þessa hefur bráðabani ráðið úrslitum í leikjum sem þessum. Eyjamenn höfðu svo loksins betur eftir tvöfalda vítakastkeppni þar sem liðin tóku fimm vítaskot hvort í hvorri keppni fyrir sig. En nú hefur komið upp úr krafsinu að misræmi er í alþjóðareglum og reglum HSÍ. Þannig segir í alþjóða reglum um vítakastkeppni, regla 5.3.1.4 e-liður að í annarri umferð vítakastkeppni, fáist úrslit þegar markamunur verður á liðunum eftir að liðin hafi tekið eitt víti hvort. Í seinni vítakeppninni byrjuðu Framarar á því að skora en fyrsta vítaskot ÍBV var varið. Þar með hefðu Framarar átt að vinna leikinn ef farið væri eftir alþjóða reglum handboltans. Hins vegar segir í íslensku reglugerðinni um vítakeppni m.a: úrslit eru fengin ef markamunur er eftir að bæði lið hafa lokið annarri umferðinni. Samkvæmt heimildum er þarna um lélega þýðingu á alþjóðareglunum að ræða og því geta Eyjamenn þakkað lélegri enskukunnáttu fyrir sæti sitt í undanúrslitum.

=== '''HSÍ leggur ÍBV ekki í einelti''' ===
Forráðamenn ÍBV afar ósáttir við vinnubrögð HSÍ þegar fyrsta leik ÍBV og Fram var frestað. Í kjölfarið var fjallað um málið í Fréttum og spurning vikunnar á eyjafrettir.is var: Níðist HSÍ á ÍBV? Alls höfðu 292 greitt atkvæði í könnuninni, 153 höfðu svarað spurningunni játandi, 90 neitandi og 49 höfðu ekki skoðun. Einar Þorvarðarson, framkvæmdastjóri HSÍ, hafði samband við Fréttir og sagðist ekki sáttur við könnunina. ''„Það er ekki rétt að yið séum að níðast á einhvern hátt á ÍBV og í raun er langur vegur frá því. Málið varðandi þennan tiltekna leik er það að Fram ætlaði að fljúga með Landsflugi til Eyja. Við fengum tilkynningu þess efnis að ófært sé til Eyja. Því var ekkert annað að gera en að fresta leiknum,"'' sagði Einar. ''„Í kjölfarið óskuðum við eftir greinargerð frá Landsflugi vegna málsins sem þeir sendu okkur og þar kom fram að ófært var til Eyja síðdegis á þriðjudaginn og máli sínu til stuðnings létu þeir fylgja með veðuryfirlit frá þeim tfma. Það er alveg ljóst að þegar við höfum hvorki flugvél né flugfélag sem getur flogið til Eyja er erfitt að gera annað en að fresta leik. Við gerum okkur grein fyrir því að aðdragandinn á frestuninni var snarpur og ákvörðunin var tekin snemma dags en samkvæmt þeim upplýsingum sem við fengum frá Landsflugi þá var ákvörðunin rétt."'' Nú segjast forráðamenn IBV hafa verið í flugturninum á flugvelli Vestmannaeyja og þar hafi flugi ekki verið frestað fyrr en sex. Þá höfðu þeir heyrt að vél Landsflugs hafi verið biluð og það sé ástæðan fyrir því að ekki var flogið til Eyja? '',,Já, ég hef heyrt af því að vélin hjá þeim hafi verið biluð en það breytir því ekki að á meðan við höfum hvorki vél né flugfélag þá er ekki hægt að fljúga til Eyja. Málið er einfaldlega það að það er ekki hægt að kenna HSÍ um eitthvað sem við ráðum ekki við,"'' sagði Einar. Nú hefur ÍBV liðið stundum lagt fyrr af stað í leiki ef veðurspá er slæm. Er hægt að gera sömu kröfu til annarra liða í deildinni? ''„Það hefur vissulega gerst að lið hafi komið fyrr til Eyja og jafnvel komið með Herjólfi vegna slæmrar veðurspár. Við höfum það í reglugerð að í síðustu umferðum deildarkeppninnar eigi lið að mæta í leiki þar sem úrslit í einum leik geti haft áhrif á aðra leiki. Þessi regla gildir ekki í sjálfri úrslitakeppninni. Við höfum hins vegar lagt mikið upp úr því að félög hafi fyrirvara á ferðum til Eyja, panti með góðum fyrirvara og fylgist vel með veðurspá því eins og þið Eyjamenn þekkið manna best hefur samgöngum við Eyjar farið aftur síðustu 10 til 15 ár,"'' sagði Einar að lokum.

=== '''Tæplega 500 peyjar á fjölliðamóti''' ===
Í byrjun apríl fór fram fjölmennt handboltamót í Eyjum en þá var síðasta umferðin í Íslandsmóti sjötta flokks karla. Tæplega 500 þátttakendur voru í mótinu og komu frá sextán félögum en umgjörð mótsins var afar glæsileg. Leikið var á þremur völlum í einu og úrslitaleikirnir fóru fram á aðalvellinum í Íþróttamiðstóðinni og skapaðist afar skemmtileg stemmning. Leikið var frá föstudagi og fram á sunnudag en alls voru leiknir 126 leikir. Keppt var í A-, B- og C-liðum og voru alls 46 lið skráð til keppni frá félögunum sextán. Í lok mótsins fór fram verðlaunaafhending þar sem bæði voru veitt verðlaun fyrir sigur í mótinu og svo vom veitt verðlaun í Íslandsmótinu sem fór þannig fram að þrjú mót voru haldin í vetur, sem töldu til stiga, og varð stigahæsta liðið Íslandsmeistari. ÍBV liðinum gekk þokkanlega á mótinu en aðeins var spilað um efstu átta sætin því lentu eyjaliðin í 9-16 sæti.

=== '''ÍBV endaði í þriðja sæti á Þórismótinu''' ===
Eyjamenn enduðu í þriðja sæti á Þórismótinu sem fram fór í Portúgal um miðjan apríl. Auk ÍBV léku Valur, FH og Grindavík í mótinu en liðin léku tvo leiki. Dregið var um hvaða lið ÍBV mætti í fyrsta leik og lentu Eyjamenn á móti Val. Þau lið sem unnu fyrstu leikina léku um sigurinn í mótinu en tapliðin léku um bronsið. Þrátt fyrir að eiga í fullu tré við Valsmenn, vom það Hlíðarendapiltar sem báru sigur úr býtum, unnu 2:1 og léku til úrslita gegn FH. ÍBV lék hins vegar við Grindavík um bronsið. Grindvíkingar komust yfir en Eyjamenn svöruðu með tveimur mörkum þeirra Ian Jeffs og Steingríms Jóhannessonar og urðu lokatölur leiksins því 2:1 fyrir ÍBV. Auk leikjanna tveggja fór fram hraðmót þar sem ÍBV, FH og Valur léku 45 mínútna leiki sín á milli og léku því samtals í 90 mínútur. ÍBV tapaði gegn Val 1:0 en gerði jafntefli gegn FH 1:1 og skoraði Pétur Runólfsson eina mark ÍBV.

=== '''Gunnar Berg áfram hjá Kronau/Ostrmgen''' ===
Eyjapeyinn Gunnar Berg Viktorsson, sem leikur með þýska 2. deildarliðinu Kronau/Ostringen hefur komist að samkomulagi um að spila áfram með liðinu næsta vetur. Reyndar gerði Gunnar tveggja ára samning fyrir núverandi tímabil sem var uppsegjanlegur eftir veturinn.

=== '''HSÍ njósnar í Eyjum''' ===
Myndatökumaður á vegum HSÍ myndaði áhorfendur á ÍR-leiknum Það vakti athygli blaðamanns á Fréttum að á leik IBV og IR í undanúrslitum Islandsmóts karla í handknattleik, var ung kona með myndbandsupptökuvél í norðvesturhluta salarins og beindi hún myndavélinni aðallega upp í áhorfendastúku. Eftirlitsdómari í leik IBV og Stjörnunnar í kvennaboltanum stöðvaði leik liðanna á dögunum vegna lúðrasveitar sem spilaði á pöllunum og auk þess hefur áhorfendum í undanfömum leikjum verið vísað til sætis norðan megin í salnum. Samkvæmt öruggum heimildum Frétta var þarna á ferðinni dóttir Einars Þorvarðarsonar, framkvæmdastjóra HSÍ og því leit allt út fyrir að sambandið væri að njósna í Eyjum. Fréttir leituðu eftir svörum hjá Einari um málið. „Við erum einfaldlega að skoða umgjörð leikja á vegum HSÍ. Hjá sambandinu eru einungis tveir starfsmenn að mér meðtöldum og við höfum einfaldlega ekki tök á því að fara á alla leiki. En við erum að skoða umgjörð leikja vegna fækkunar áhorfenda og eftir því sem ég heyrði þá var vel mætt og góð stemmning í Eyjum. Hlynur Sigmarsson spurði okkur hvort ekki væri í lagi að vera með litla lúðrasveit á pöllunum og það var kannski fyrst og fremst þess vegna sem ég vildi fá myndir af umgjörðinni. Þetta byrjaði allt fyrir nokkrum árum þegar Stalla Hú var á pöllunum en þeir voru farnir að spila jarðarfararstef þegar hitt liðið átti leik. Það var reyndar fyrir minn tíma sem framkvæmdastjóra HSÍ en þetta var bannað í framhaldinu. Ef þetta er hins vegar smekklega gert þá er ekkert að því að reyna búa til skemmtilegri umgjörð en nú er. Í framhaldinu af þessari vinnu ætlum við svo að funda með formönnum deildanna og þá munum við væntanlega finna einhverjar vinnureglur í þessum efnum," sagði Einar að lokum.

=== '''Tite bestur''' ===
Blað, sem HSÍ gefur út, hefur valið Tite Kalandaze besta leikmann ársins. Þrír aðrir leikmenn frá ÍBV í liði ársins, þar af tvær hjá konunum. HSÍ gaf út blað í tilefni úrslitakeppni karla- og kvenna í handknattleik sem nú stendur sem hæst. Í blaðinu voru forráðamenn liðanna sem komust í úrslit fengnir til að velja lið ársins, bæði í karla- og kvennaflokki. Eyjamenn eiga tvo fulltrúa í hvorum flokki fyrir sig. Tite Kalandaze er í liði ársins sem leikmaður ársins og sóknarmaður ársins. Roland Eradze er markvörður ársins og fékk Florentina Grecu sömu tilnefningu. Einnig var vinstri hornamaður IBV, Guðbjörg Guðmannsdóttir, í liði ársins .

=== '''Með slitin krossbönd og liðband''' ===
Knattspyrnukonan efnilega, Sara Sigurlásdóttir mun að öllum líkindum ekkert spila með ÍBV í sumar. Greint var frá því í Fréttum fyrir nokkrum vikum að hún hefði meiðst illa á hné í leik gegn Breiðabliki í Faxaflóamótinu en í fyrstu var talið að Sara gæti hugsanlega náð síðari hluta tímabilsins. Nú er hins vegar komið í ljós að hún er með slitin krossbönd, slitið liðband, annað liðband skaddað og sömuleiðis liðþófinn. Þetta eru slæm tíðindi, bæði fyrir Söru og sömuleiðis lið ÍBV enda er Sara einn efnilegasta leikmaður liðsins.

=== '''Töpuðu en unnu samt''' ===
Karlalið ÍBV í knattspyrnu lék gegn Val í deildarbikarnum en leikurinn fór fram við afar erfiðar aðstæður á Leiknisvellinum en veðurfarið var varla boðlegt fyrir knattspyrnu. Valsmenn unnu eftir nokkuð jafnan leik, 1:0 en við nánari eftirgrennslan reyndust Valsmenn tefla fram ólöglegum leikmanni. Bjarni Ólafur Eiríksson, leikmaður Vals átti að taka út leikbann í leiknum en hann var meðal leikmanna Hlíðarendaliðsins og því var ÍBV dæmdur sigur, 3:0. Þar með komst IBV upp í fjórða sæti riðilsins en fjögur efstu liðin fara í átta liða úrslit keppninnar. Ein umferð er eftir og getur Fylkir náð ÍBV að stigum en IBV hefur hagstæðara markahlutfall eins og er og dugir jafntefli í síðasta leik gegn Grindavík.

=== '''Stelpurnar í úrslit''' ===
Stelpurnar mættu Stjörnunni í undanúrslitum um Íslandsmeistaratitilinn í apríl. Eins og við var að búast var fyrsti leikur liðanna jafn og spennandi. Aldrei munaði meira en tveimur mörkum á liðunum en yfirleitt var jafnt og liðin skiptust á að skora. Þegar rétt um hálf mínúta var eftir var staðan jöfn, 19:19 og Eyjastúlkur í sókn. Eva Björk Hlöðversdóttir braust þá í gegn, fiskaði víti sem hún tók sjálf og tryggði ÍBV um leið sigurinn, 20:19. Mörk ÍBV: Alla Gokorian 6/3, Eva Björk Hlöðversdóttir 5/4, Guðbjórg Guðmannsdóttir 4, Darinka Stefanovic 2, Tatjana Zukovska 2, Anastasia Patsiou 1. Varin skot: Florentina Grecu 20/1.

Leikurinn í Garðabænum þróaðist til að byrja með á svipaðan hátt, liðin skiptust á að skora og var jafnt framan af fyrri hálfleik. En í síðari hálfleik tóku Eyjastúlkur öll völd á vellinum og fljótlega fór að draga í sundur með liðunum. Mestur varð munurinn sex mörk en þegar fjórar mínútur voru eftir af leiknum var hann kominn niður í fjögur mörk. Þá tók við ótrúlegur leikkafli þar sem Eyjastúlkur voru um tíma aðeins þrjár á móti sex. Auk þess fóru leikmenn hreinlega á taugum, tóku rangar ákvarðanir og vissulega mátti deila um nokkra vafasama dóma á lokakaflanum. Þannig var boltinn t.d. dæmdur af ÍBV þegar tíu sekúndur voru eftir en þá átti IBV að fá aukakast í stað þess að missa boltann. Stjörnustúlkur þökkuðu svo pent fyrir sig, skoruðu sigurmarkið þegar aðeins tvær sekúndur voru eftir og lokatölur urðu 24:23. Mörk ÍBV: Alla Gokorian 8/1, Anastasia Patsiou 6, Eva Björk Hlöðversdóttir 4/1, Darinka Stefanovic 3, Guðbjörg Guðmannsdóttir 2. Varin skot: Florentina Grecu 26/3.

En með tapið í Garðabænum á bakinu, mættu leikmenn ÍBV til leiks í oddaleikinn staðráðnar í að sanna sig fyrir alþjóð. Reyndar byrjaði Stjarnan betur í leiknum en um miðjan fyrri hálfleikinn tóku Eyjastúlkur við sér, komust í fyrsta sinn yfir og litu ekki um öxl eftir það. Mestur varð munurinn átta mörk og lokatölur 32:24.

Mörk ÍBV: Anastasia Patsiou 10, Eva Björk Hlöðversdóttir 8/5, Tatjana Zukovska 4, Alla Gokorian 3, Ingibjörg Jónsdóttir 1, Guðbjörg Guðmannsdóttir 1. Varin skot: Florentina Grecu 29/1.

=== '''Í 8 liða úrslit''' ===
Eyjamenn voru áttunda og síðasta liðið til að tryggja sér sæti í átta liða úrslitum deildabikars karla í knattspyrnu. Þeir gerðu þá jafntefli, 1:1, við Grindvíkinga í Fífunni í lokaumferð 1. riðils. Sæþór Jóhannesson skoraði mark ÍBV en Alfreð Jóhannsson skoraði fyrir Grindvíkinga sem kræktu í sitt fyrsta og eina stig í mótinu. Eyjamenn mæta KR-ingum sem unnu 2. Riðil.

=== '''Brutu blað í sögu félagsins''' ===
Eyjamenn unnu fyrsta leikinn í viðureign sinni gegn ÍR í undanúrslitum Islandsmótsins í Eyjum. ÍBV fór mjög vel af stað, tók landsliðsmanninn Ingimund Ingimundarson nánast úr umferð og fyrir vikið náði hann sér engan veginn á strik í sóknarleiknum. Heimamenn skoruðu fyrstu tvö mörkin og náðu strax góðu forskoti. Mestur varð munurinn í fyrri hálfleik sex mörk en undir lok hálfleiksins náðu IR-ingar aðeins að laga stöðuna enda voru leikmenn IBV um tíma aðeins þrír inni á vellinum, þar af tveir útileikmenn. Munurinn var kominn niður í þrjú mörk en góður lokakafli hjá IBV varð til þess að í hálfleik munaði fimm mörkum. Framan af síðari hálfleik skiptust liðin á að skora, ÍR-ingar minnkuðu muninn en Eyjamenn juku hann aftur. Þannig gekk þar til um tíu mínútur voru eftir. Þá brugðu ÍR-ingar á það ráð að taka þá Sigurð Ara Stefánsson og Tite Kalandaze úr umferð en reyndar höfðu þeir tekið Tite úr umferð frá fyrstu mínútu. Við það riðlaðist sóknarleikur IBV, ÍR-ingar nýttu sér það og jöfnuðu 29:29 þegar aðeins tæpar tvær mínútur voru eftir. Eyjamenn fengu svo vfti þegar um 50 sekúndur voru eftir og úr því skoraði Zoltan Belanyi. Síðasta orðið átti hins vegar Roland Eradze sem toppaði stórleik sinn með því að verja síðasta skot ÍR-inga, lokatölur 30-29. Mörk ÍBV: Sigurður Ari Stefánsson 8, Tite Kalandaze 7, Samúel ívar Árnason 5, Zoltan Belanyi 4, Robert Bognar 3, Grétar Eyþórsson 2, Svavar Vignisson 1. Varin skot: Roland Eradze 23.

ÍR-ingar jöfnuðu metin í einvíginu við ÍBV í undanúrslitum DHL-deildarinnar í handknattleik í Austurbergi. ÍR-ingar sigruðu, 33:29, og tryggðu sér oddaleik í Eyjum þar sem reikna má með miklum hasarleik. ÍR-ingar hófu leikinn með látum og sneru algjörlega við blaðinu frá fyrsta leiknum þar sem ÍBV byrjaði miklu betur. ÍR skoraði fjögur fyrstu mörkin og það var ekki fyrr en hálf áttunda mínúta var liðin af leiknum sem Eyjamenn komust á blað. Breiðhyltingar brugðu á það ráð að taka stórskyttuna Tite Kalandadze ásamt leikstjórnandann Robert Bognar úr umferð allt frá fyrstu mínútu til hinnar síðustu og tók það leikmenn ÍBV þó nokkuð langan tíma að finna svör við þessu varnarafbrigði ÍR-inga. ÍR-ingar virtust hreinlega ætla að kafsigla Eyjamennina. Þeir komust í 4:0 og 11:5 en þá vöknuðu Eyjapeyjar loks til lífsins. Roland Eradze gaf þeim tóninn með góðri markvörslu og ÍBV náði góðum leikkafla, minnkaði muninn niður í tvö mörk og fékk nokkur gullin færi að minnka muninn enn frekar. Ólafur H. Gíslason, markvörður ÍR, sá hins vegar til þess að ÍBV kæmist ekki nær með góðri markvörslu ásamt því dómararnir Anton og Hlynur voru iðnir við að dæma sóknarbrot á Eyjamennina þar sem sumir dómar þeirra orkuðu mjög tvímælis. ÍR-ingar héldu Eyjamönnum í hæfilegri fjarlægð í seinni hálfleik og leikurinn náði aldrei að vera spennandi eða góð skemmtun fyrir áhorfendur, ekki síst vegna þess að hvað eftir annað stöðvuðu dómararnir leikinn, ýmist til þess að láta þurrka gólfið eða til að skilja leikmenn í sundur þegar þeim hljóp kapp í kinn. ÍR-ingar juku muninn jafnt og þétt. Þeir náðu mest sjö marka forskoti og eftir það var aldrei spurning hvorum megin sigurinn lenti. Eyjamenn játuðu sig sigraða en þeir voru allt annað en ánægðir með frammistöðu dómaranna og fannst dómgæsla þeirra halla mjög á sig.

Í oddaleiknum voru það Eyjamenn sem voru mun betri og unnu sannfærandi sigur á bikarmeistrunum. Það var ljóst frá fyrstu mínútu hvoru megin stemmningin var og Eyjamenn léku á alls oddi fyrstu tuttugu mínútur leiksins og náðu góðu forskoti sem þeir héldu til leiksloka. Mestur var munurinn um miðbik síðari hálfleiks, tíu mörk og í raun var sigurinn aldrei í hættu. Allt liðið spilaði frábærlega í leiknum, hvort sem um varnarleik eða sóknarleik var að ræða. ÍR beitti minnst fjórum varnarafbrigðum í leiknum en alltaf virtist IBV eiga svör við þeim. Það var helst þegar ÍR bakkaði niður og spilaði sex-núll vörn að smá hik kom á sóknarleik ÍBV en þeir voru fljótir að leysa úr því og kom stórskyttan Tite Kalandaze sterkur inn og naut sín vel þegar hann var ekki tekinn úr umferð. Líklega hafa Eyjamenn aldrei haft á eins sterku liði að skipa og er valinn maður í hverju rúmi og sterkir leikmenn bíða eftir tækifærinu á bekknum. Möguleikinn á íslandsmeistaratitli er virkilega til staðar enda hafa Eyjamenn sýnt það í vetur að þeir geta unnið hvern sem er. Einnig verður að minnast á þátt áhorfenda sem hafa svo sannarlega staðið sig sem áttundi maður liðsins. Erlingur þjálfari bað um stemmningu frá fyrstu mínútu fyrir fyrsta leik liðsins gegn ÍR og það fékk hann og var bætt um betur í oddaleiknum með enn betri stemmningu og fullu húsi, líklega um 700 manns. Strákarnir hafa nú brotið blað í sögu félagsins. Mörk ÍBV: Tite Kalandaze 9, Samúel Ivar Ámason 8/5, Sigurður A. Stefánsson 6, Robert Bognar 5, Svavar Vignisson 4, Zoltan Belanyi 4/1, Davíð Óskarsson 1, Björgvin Rúnarsson 1, Sigurður Bragason 1, Kári Kristjánsson 1.

=== '''Tap í fyrsta leiknum''' ===
Eyjastúlkur töpuðu fyrstu viðureign sinni um Íslandsmeistaratitilinn í Hafnarfirði. Haukar leiddu nánast allan leikinn og svo fór að lokum að þær sigruðu með þriggja marka mun, 22:19. Leikurinn var ekki mikið fyrir augað, mikið af mistökum á báða bóga. Eyjaliðið hresstist þó nokkuð í síðari hálfleik og náði í tvígang að minnka muninn niður í eitt mark en lengra komust þær ekki. Eins og svo oft áður í vetur var Florentina Grecu í míklum ham í markinu, varði 17 skot og var besti leikmaður liðsins. Alla Gorkorian var markahæst með sjö mörk, þar af tvö af vítalínunni. Það er ljóst að róðurinn verður þungur hjá IBV í þessu einvígi enda Haukaliðið gríðarlega sterkt. Þær hafa þó verið að bæta sinn leik til muna í úrslitakeppninni og aldrei að vita hvað geriset. Mörk ÍBV: Alla Gorkorian 7/2, Eva B. Hlöðversdóttir 5, Anastasia Patsiou 5, Tatjana Zukovska 1, Darinka Stefanovic 1. Varin skot: Florentina Grecu 17.

=== '''ÍBV úr leik í Deildarbikarnum''' ===
Karlalið IBV lék gegn KR í átta liða úrslitum Deildarbikarsins en leikurinn fór fram á KR-vellinum. Eyjamaðurinn Bjarnólfur Lárusson kom KR yfir á 42. mínútu og var staðan í hálfleik 1:0. Fyrrum leikmanni IBV, Tryggva Bjarnasyni var svo vísað af velli í síðari hálfleik en þrátt fyrir það bættu KR-ingar við marki en það gerði Grindvíkingurinn Grétar Ólafur Hjartarson og urðu það lokatölur leiksins.

=== '''Töpum ekki þrjú núll''' ===
Eyjastúlkur eru komnar með bakið upp að vegg eftir tvo leiki í úrslitum íslandsmótsins gegn Haukum. Hafnfirðingum dugir sigur í þriðja leik liðanna til að tryggja sér íslandsmeistaratitilinn. Haukar sigruðu annan leik liðanna 24:25, eftir að staðan í hálfleik hafði verið 13:14. Lokamínútan var dramatísk. Haukar voru tveimur mörkum yfir og með boltann en Alla Gokorian minnkaði muninn þegar tólf sekúndur voru eftir. Hún stal svo boltanum og skaut frá miðjum vellinum og boltinn lá í netinu. Því miður var leiktíminn úti rétt áður en boltinn komst í markið og því voru það Haukar sem fögnuðu í leikslok. „Það var fín barátta allan tímann og góð barátta í varnarleiknum síðustu 45 mínúturnar. En það þurfti ansi lítið upp á að við ynnum leikinn," sagði Alfreð Finnsson, þjálfari ÍBV eftir leikinn í samtali við Fréttir. ''„Við erum að spila skemmtilegan handbolta en mér fannst leikmenn virkilega berjast fyrir sigri. Hugsanlega var spennustigið of hátt en við ætlum að laga það fyrir næsta leik."'' Hvað með næsta leik ? ''„Við töpum þessu einvígi ekki 3:0, það er alveg á hreinu. Ég er foxillur núna og ég á von á því að leikmenn komi brjálaðir til leiks á fimmtudaginn. Það er að sjálfsögðu ekkert annað en sigur sem kemur til greina hjá okkur enda er titillinn í húfi. Við ætlum að berjast inn í þessa úrslitakeppni aftur. Það þarf ekki nema einn sigurleik til að opna hana aftur. Þær vinna ekki aftur hérna í Eyjum þannig að ef við vinnum á fimmtudaginn er allt opið."''

Mörk ÍBV: Alla Gokorian 9/4, Anastasia Patsiou 6, Tatjana Zukovska 4, Guðbjörg Guðmannsdóttir 2, Darinka Stefanovic 2, Eva Hlöðversdóttir 1/1. Varin skot: Florentina Grecu 24/2.

=== '''Olga frá í minnst mánuð''' ===
Eyjakonur urðu fyrir miklu áfalli í síðasta leik gegn KR í deildarbikarnum þegar markaskorarinn Olga Færseth meiddist illa á hægra hné. Óvíst er hversu lengi hún verður frá en það verður að minnsta kosti mánuður og því ljóst að hún missir af fyrstu leikjum Íslandsmótsins. Liðbönd í innanverðu hægra hnénu sködduðust þegar Olga lenti í tæklingu við einn leikmann KR. Olga segir sjálf að þetta hafí ekki verið tækling sem hún er vön að fara í, hún var ekki í jafnvægi og teygði sig í boltann og á sama augnabliki sparkaði leikmaður KR í hann. Sagði Olga þetta hafa verið algjöra óheppni. Hún bíður nú eftir tíma hjá lækni og mun koma í ljós öðru hvoru megin við helgi hversu lengi hún verður frá. Ef liðböndin eru slitin er ljóst að Eyjaliðið verður án Olgu mestan part sumars.

=== '''Janft í æfingarleik''' ===
Karlalið IBV undirbýr sig nú af krafti fyrir komandi átök í sumar en sem fyrr æfír hópurinn í tvennu lagi, stærsti hluti hans er í Reykjavík en svo er hinn hópurinn hér í Eyjum. Strákamir léku æfíngaleik gegn Keflavík í lok apríl og fór leikurinn fram á grasvellinum í Garði. Keflvikingar komust yfír í fyrri hálfleik en Andri Ólafsson jafnaði. Fleiri urðu mörkin ekki.

=== '''ÍBV án titils í fyrsta skipti í sex ár''' ===
Kvennalið ÍBV stóð uppi eftir tímabilið með engan titil í fyrsta sinn í sex ár, eða frá því að liðið vann í fyrsta sinn íslandsmeistaratitilinn árið 2000. Árangurinn er samt sem áður ekkert slakur og líklega myndu flest lið sætta sig við hann, annað sætið í Íslandsmótinu og undanúrslit í bikarkeppninni en miðað við gengi undanfarinna ára telst þetta lélegur árangur. IBV átti í raun aldrei möguleika gegn Haukum, Hafnfirðingar höfðu sterka liðsheild fram yfir IBV og unnu á henni þrjá sigra sem dugðu til að tryggja sér titilinn. Þriðji og síðasti leikur liðanna fór fram í lok apríl og ljóst að um erfiðan róður væri að ræða fyrir ÍBV þar sem leikið var á Ásvöllum. Leikmenn IBV fóru reyndar vel af stað í leiknum og náðu þriggja marka forystu en heimastúlkur náðu að snúa dæminu við fyrir leikhlé og ná þriggja marka forystu, 15:12. Eyjastúlkur reyndu svo hvað þær gátu í síðari hálfleik til að jafna en allt kom fyrir ekki og lokatölur urðu 26:23. Einvígi liðanna endaði því 3:0 fyrir Hauka sem fögnuðu vel í leikslok. Alfreð Finnsson, þjálfari IBV, sagði í samtali við Fréttir að hann væri svekktur eftir veturinn. ''„Þetta var ekki það sem maður hefði óskað sér, 3:0 tap í svona úrslitaeinvígi en við vorum alla leikina að reyna að koma okkur inn í baráttuna. Við náðum aldrei forystunni í þessum leikjum nema í þriðja leik og þá hefðum við átt að ná 5 til 6 marka forystu í fyrri hálfleik. Í staðinn lendum við í því að Haukar skora sjö mörk gegn einu marki okkar og það var bara of mikið. Við gerðum of mikið af mistökum í þessu einvígi og höfðum satt best að segja aðeins minni vilja til sigurs en Haukar."'' Ef þú lítur yfir tímabilið, ertu sáttur við það? ''„Nei, ég er engan veginn sáttur við veturinn. Fyrirfram vissum við að þetta yrði erfitt þar sem við stilltum upp nýju liði og ég er með litla reynslu. Það tók gríðarlega langan tíma að sauma þetta saman og auk þess gekk okkur ýmislegt á móti. Steininn tók svo úr þegar við tópuðum fyrir Gróttu/KR í undanúrslitum bikarsins, það eru mestu vonbrigðin eftir tímabilið. Við náðum engum af þeim markmiðum sem við settum okkur og það var mjög erfitt að ná upp liðsanda innan hópsins. Við náðum á köflum að spila ágætlega saman en í heildina voru það ekki nema 5 til 6 leikir sem voru góðir hjá okkur þannig að ég get engan veginn verið ánægður. Mér fannst liðið hins vegar vera vaxandi í úrslitakeppninni. Svo dettum við aftur niður fyrir Haukaleikina sem ég skil hreinlega ekki hvemig gat gerst, hvernig sjálfstraustið gat fokið svona út í vindinn fyrir úrslitaleikina."'' Mörk ÍBV: Alla Gokorian 9/2, Anastasia Patsion 5, Guðbjörg Guð- mannsdóttir 4, Tatjana Zukovska 2, Eva Björk Hlöðversdóttir 2, Darinka Stefanovic 1. Varinskot: Florentina Grecu 19/2.

=== '''Náðu ekki að verja titilinn''' ===
Fyrir um ári síðan voru það kvennalið ÍBV í handbolta og fótbolta sem skiluðu tveimur titlum sömu helgina, deildamieistaratitill í fótbolta og Íslandsmeistaratitill í handbolta. En um ári síðar töpuðu bæði lið titlunum, handboltaliðið tapaði fyrir Haukum í úrslitum og knattspymuliðið tapaði um helgina fyrir Val í undanúrslitum deildarbikarsins. Ekki vantaði mörkin í leik liðanna en því miður vom þau nánast öll í mark IBV, lokatölur urðu 8:1 og skoraði Elín Anna Steinarsdóttir eina mark ÍBV. Staðan í hálfleik var 1:0 fyrir Val.

=== '''Haukar unnu fyrsta leik''' ===
Haukar unnu fyrsta leik liðanna í úrslitum íslandsmóts karla en leikurinn fór fram á Ásvöllum, heimavelli Hauka. Lokatölur urðu 30:31, Síðasta skot leiksins átti Tite Kalandaze en markvörður Haukar varði. Reyndar var augljóslega brotið á Kalandaze þegar hann skaut en ekkert var dæmt. Eyjamenn byrjuðu reyndar betur í leiknum, komust m.a. þremur mörkum yfir en Haukar náðu að snúa leiknum sér í hag áður en hálfleikurinn var úti og staðan í hálfleik var 15:14 fyrir Hauka. Heimamenn byrjuðu svo mun betur í síðari hálfleik, náðu þriggja marka forystu en með mikilli baráttu náðu Eyjamenn að minnka muninn í eitt mark en lengra komust þeir ekki. Mörk ÍBV: Tite Kalandaze 10, Svavar Vignisson 7, Robert Bognar 5, Zoltan Belanyi 3/1, Samúel Ivar Árnason 3/1, Sigurður Ari Stefánsson 2. Varin skot: Roland Eradze 12/1, Jóhann Ingi Guðmundsson 5.

== '''MAÍ:''' ==

=== '''Komnir með bakið upp við vegg''' ===
ÍBV og Haukar mættust í annað sinn í Eyjum en Haukar komu flestum á óvart með því að vinna með fjórum mörkum, 35:39 eftir framlengdan leik. Eyjamenn geta svo sannarlega nagað sig í handarbökin enda voru þeir mun betri í um 50 mínútur í venjulegum leiktíma. Lokakaflinn var hins vegar arfaslakur, Tite Kalandaze var tekinn úr umferð og ÍBV virðist hreinlega ekki ráða við það, þrátt fyrir fyrirheit um annað. Haukar náðu aðjafna á lokasekúndunum með því að bæta aukamanni inn í sóknina og tryggja sér framlengingu. Þar áttu Eyjamenn fá svör gegn ágætum Ieik Hauka sem voru ekki í miklum vandræðum með að tryggja sér sigurinn þegar í framlenginguna var komið. Mörk ÍBV: Tite Kalandaze 9, Svavar Vignisson 6, Samúel I. Arnason 5/2, Robert Bognar 5, Zoltan Belanyi 4/2, Sigurður A. Stefánsson 3, Kári Kristjánsson 2, Sigurður Bragason 1. Varin skot: Roland Eradze 21/1, Jóhann Guðmundsson 1.

=== '''Karlaliði IBV spáð falli en stelpunum 4. sæti''' ===
Árleg spá fyrirliða, forráðarmanna og þjálfara liðanna í efstu deild fór fram í byrjun maí. Það var greinilegt á niðurstöðunni að önnur lið hafa litla trú á Eyjamönnum en samkvæmt spánni fellur lið ÍBV ásamt Grindavík en þessi tvö lið eiga lengstu samfelldu söguna í efstu deild. Spáin: l.FH 2.KR 3. Valur 4.ÍA 5. Fylkir 6. Keflavík 7. Fram 8. Þróttur 9. ÍBV l0.Grindavík

Valsstúlkur með Margréti Láru Viðarsdóttur í fararbroddi ættu að verja íslandsmeistaratitil sinn ef marka má spá fyrirliða, forráðamannaog þjálfara liðanna í efstu deild. ÍBV, sem endaði í öðru sæti á síðasta tímabili, er nú spáð fjórða sæti deildarinnar. Spáin: l.Valur 2.KR 3. Breiðablik 4. ÍBV 5. Keflavík 6. Sfjarnan 7.ÍA 8.FH

=== '''Eyjastúlkur kjöldregnar af Val''' ===
Fyrsti alvöruleikur ársins í kvennaknattspyrnunni fór fram þriðjudagskvöldið 10.maí þegar keppt var um titilinn meistarar meistaranna. Þar áttust við Íslandsmeistarar Vals og bikarmeistarar ÍBV. Það er skemmst frá því að segja að Valur burstaði lið IBV með tíu mörkum gegn engu og virðast stúlkurnar á Hlíðarenda vera með yfirburðalið á mótinu í ár. Margrét Lára Viðarsdóttir skoraði tvö mörk gegn sínum gömlu félögum en markahæst var Nína Ósk Kristinsdóttir með fjögur mörk.

=== '''Andrew Sam í ÍBV''' ===
Eyjamenn gerðu í byrjun maí munnlegt samkomulag við enska knattspyrnumanninn Andrew Sam um að leika með þeim í sumar. Sam hefur stundað háskólanám í Bandaríkjunum undanfarin ár. Hann er 22 ára sóknarmaður og skoraði eitt mark í sigri ÍBV, 3:1, á Fylki á gervigrasvellinum í Árbæ í gær en Matthew Platt og Steingrímur Jóhannesson gerðu hin mörkin. ''„Sam hefur staðið sig mjög vel hjá okkur. Við teljum okkur vera einstaklega heppna með alla okkar erlendu leikmenn, Ian Jeffs er að spila sitt þriðja ár og þeir Platt og James Robinson falla mjög vel inn í okkar hóp,“'' sagði Gísli Hjartarson hjá ÍBV í samtali við Morgunblaðið

=== '''Haukar Íslandsmeistarar''' ===
Karlalið Hauka tryggði sér Íslandsmeistaratitilinn þegar þeir lögðu ÍBV, 28:24, í þriðja úrslitaleik liðanna á Ásvöllum. Haukar unnu einvígið, 3:0, og unnu þar með alla leiki sína í úrslitakeppninni líkt og Haukakonur sem einnig báru sigurorð af ÍBV í úrslitarimmu. Haukarnir höfðu yfirhöndina gegn Eyjamönnum allan tímann í gær, staðan var 13:9 í hálfleik, og ef undan er skilinn smá kafli um miðbik síðari hálfleiks var eiginlega aldrei spurning hvorum megin sigurinn lenti. Leikurinn í gær var sá slakasti af leikjunum þremur en bæði lið gerðu sig sek um mörg mistök í sókninni. Sóknarleikur Eyjamanna í fyrri hálfleik var afar slakur. Haukarnir höfðu góðar gætur á stórskyttunni Tite Kalandadze og þar fyrir utan náði leikstjórnandinn Robert Bognar eða vinstri handarskyttan Sigurður Ari Stefánsson sér aldrei á strik en hvorugur þeirra komst á blað í leiknum.

=== '''Agalegt að vinna ekki leik''' ===
''„Já, nú er partíið búið og talsvert fyrr en við ætluðum. Það er alveg agalegt að vinna ekki leik í þessari úrslitaviðureign. Ég vil óska Haukum til hamingju með sigurinn. Þetta er óhemjugott lið og góðir og skynsamir strákar,“'' sagði baráttumaðurinn á línunni hjá ÍBV, Svavar Vignisson í samtali við Morgunblaðið. ''„Við vorum alls ekki eins ákveðnir í þessum leik og hinum tveimur og í rauninni finnst okkur að nú ætti staðan að vera 2:1 fyrir okkur. Okkur fannst við vera betri í fyrri tveimur leikjunum en í kvöld voru Haukar sterkari og áttu sigurinn skilinn. En þetta fer í reynslubankann hjá okkur og við komum tvíefldir til leiks á næsta ári. Nú fer maður að hvíla lúin bein og í rauninni er þetta kærkomið frí þó svo það komi nokkrum dögum fyrr en við ætluðum. Venjulega á þessum árstíma erum við byrjaðir að búa okkur undir næsta tímabil en nú verður það eitthvað aðeins styttra en venjulega hjá okkur. Ég held samt að við getum vel við unað með árangurinn í vetur. Sóknin hjá okkur í dag var einhæf enda léku Haukarnir grimma vörn og hleyptu okkur ekkert inn í leikinn. Ég veit ekki hvað það var – kanski vorum við eitthvað hræddir,“'' sagði Svavar.

„''Já, það má óska mér til hamingju með silfrið. Við stóðum okkur vel í vetur og þetta fer allt í reynslubankann hjá okkur,“'' sagði Erlingur Richardsson, þjálfari ÍBV í samtali við Morgunblaðið. ''„Auðvitað hefðum við viljað gera okkur meiri mat úr þessari úrslitarimmu en eftir klúðrið hjá okkur í öðrum leiknum var rosalega erfitt að koma vel stemmdur til þessa leiks. Ég er samt ánægður hvernig strákarnir komust aftur inn í leikinn og maður fann að það var smá neisti eftir. En það tók á að vinna upp sex marka forskot Hauka og ég vil nota tækifærið og óska þeim til hamingju.“'' Erlingur sagði að þótt fríið væri kannski kærkomið þá hefðu menn alveg verið til í að vera fimm dögum lengur að.

=== '''Skellur í fyrsta leik''' ===
ÍBV og Fram mættust í fyrsta leik Landsbankadeildar karla þar sem Fram hafði betur 3-0. Leikmenn IBV byrjuðu reyndar af miklum krafti fyrsta stundarfjórðunginn og fengu m.a. eitt ágætis færi þegar Steingrímur Jóhannesson komst í gegnum vöm Fram en Eyjamaðurinn Gunnar Sigurðsson, í marki Fram, sá við honum. Eftir það höfðu Framarar öll völd á vellinum og það var ekki fyrr en undir lokin að Eyjamenn náðu að ógna marki Fram. Guðlaugur Baldursson, hinn nýi þjálfari ÍBV, þurfti að glíma við ýmis vandamál í þessum fyrsta leik liðanna. Ekki aðeins að hann er nýr í starfi heldur hafa einnig orðið talsverðar breytingar á liði IBV, máttarstólpar horfið á braut, auk þess voru talsverð meiðsli í herbúðum ÍBV. Varnarleikur liðsins var ágætur í leiknum þrátt fyrir mörkin þrjú en fyrst og fremst gekk illa að halda boltanum innan liðsins og þar af leiðandi var lítill sóknarleikur lengst af í leiknum.

=== '''Fimm mörk eftir sjö mínútna leik''' ===
Það er ekki hægt að segja annað en að Íslandsmótið hafi farið vel af stað hjá kvennaliði IBV sem tók á móti ÍA í fyrsta leik. Þeir áhorfendur sem mættu tímanlega á leikinn klóruðu margir sér í hausnum og spurðu sig að því hvort handboltavertíðin væri ekki örugglega búin því eftir aðeins um sjö mínútna leik var staðan orðin 4-1, tölur sem minna mjög á byrjun í handbolta. Nánast um einstefnu var að ræða í fyrri hálfleik en þegar upp var staðið höfðu leikmenn IBV skorað tólf mörk en gestirnir tvö. Hólmfríður Magnúsdóttir, nýjasti liðsmaður ÍBV, var í algjörum sérflokki í fyrri hálfleik, hreinlega óð framhjá vamarmönnum IA eins og ekkert væri og var mjög ógnandi en í seinni hálfleik var aðeins farið að draga af henni. Elín Anna Steinarsdóttir var einnig mjög sterk og sömuleiðis þær Bryndís Jóhannesdóttir og Ema Dögg Sigurjónsdóttir. Reyndar var mótstaðan í leiknum ekki mikil en þó náðu Skagastúlkur aðeins að laga leik sinn í síðari hállfeik sem var mun jafnari en sá fyrri. Sigurlás Þorleifsson, þjálfari ÍBV, var að vonum ánægður með sigurinn. „Það var auðvitað engin mótstaða héma í kvöld en stelpurnar lögðu sig allar fram, þetta var í raun ótrúleg frammistaða að skora fjögur mörk á fimm mínútum. Þær komu mjög vel stemmdar til leiks og ákveðnar í að hafa gaman af þessu. Það er ekki lítill hluti að hafa gaman af fótboltanum. Við erum auðvitað nánast á byrjunarreit, leikmenn em enn að tínast inn og ég er svona að koma leikmönnum í stand. En þessi sigur er góð byrjun á íslandsmótinu, það er ekki hægt að segja annað." Mörk ÍBV: Elíh Anna Steinarsdóttir 4, Bryndís Jóhannesdóttir 4, Hólmfríður Magnúsdóttir 3, Thelma Sigurðardóttir 1.

=== '''Tite valinn bestur''' ===
Á lokahófi HSÍ sem fram fór um síðustu helgi var Tite Kalandaze, fyrum leikmaður ÍBV, valinn besti leikmaður Íslandsmótsins. Valið kom svo sem ekki mjög á óvart enda var Tite í algjörum sérflokki í vetur en sem kunnugt er gekk hann í raðir Stjörnunnar fyrir skömmu. Þá var annar fyrum leikmaður ÍBV og núverandi leikmaður Stjömunnar, Roland Eradze, valinn besti markvörður íslandsmótsins. Markvörður kvennaliðs ÍBV, Florentina Grecu var einnig valin besti markvörður íslandsmóts kvenna enda einn öflugasti markvörður sem hefur leikið hér á landi. Florentina hefur þegar skrifað undir samning hjá ÍBV og mun leika með liðinu næsta vetur.

=== '''Ester og félagar úr leik''' ===
Ester Óskarsdóttir, handknattleikskonan efnilega lék með U-17 ára liði íslands í undankeppni Evrópumótsins. Íslenska liðið lék í riðli með Rússlandi, Litháen og Búlgaríu en riðlakeppninn fór fram í Kópavogi. Tvö efstu sætin í riðlinum gáfu þátttökurétt á lokamóti EM en íslenska liðið endaði í þriðja sæti riðilsins. Ester skoraði fjögur mörk í leikjunum þremur.

=== '''Hringnum lokað?''' ===
Sigurlás Þorleifsson, þjálfari ÍBV tók við liðinu á ný eftir sjö ára fjarveru. Sigurlás þjálfaði liðið árið 1996 til 1998 og hafa margir talað um að í kjölfarið hafí færst meiri alvara í kvennaboltann í Eyjum, en fram að því hafði kvennalið ÍBV nánast farið á milli 1. og 2. deildar árlega. Það má því kannski segja að nú sé verið að loka hringnum sem Sigurlás byrjaði en á þessum sex tímabilum sem hann þjálfaði ekki liðið hafa aðeins tveir aðrir stýrt ÍBV, Heimir Hallgrímsson og Elísabet Gunnarsdóttir.

=== '''Florentine og Títe eru bestu leikmennirnir''' ===
Það var mikið um dýrðir í Höllinni á lokahófi handboltans hjá IBV-íþróttafélagi. Þar voru mættir um 250 gestir sem þáðu mat, skemmtun og dansleik í boði ÍBV-íþróttafélags. Ekki fögnuðu menn titlum þetta árið en að hampa silfri hjá körlum og konum í meistaraflokki er ekki slæmur árangur. Veittar voru viðurkenningar fyrir árangur tímabilsins og ÍBV-héraðssambands heiðraði þrjá menn fyrir frábært starf fyrir íþróttahreyfinguna. Hlynur Sigmarsson, formaður handknattleiksdeildar, ávarpaði samkomuna og þakkaði öllum þeim sem lagt hafa handboltanum lið á nýliðnu tímabili. Þó skörð hafi verið höggvin í leikmannahópinn var ekkert uppgjafarhljóð í honum og er takmarkið að ÍBV verði áfram í fremstu röð í handboltanum og titlar eru takmarkið. Þór Vilhjálmsson, formaður ÍBV- íþróttafélags, veitti Hlyni og Páli Marvin Jónssyni silfurmerki ÍBV fyrir frábært starf í þágu handboltans. Þá fékk Bragi Steingrímsson gullkross ÍBV fyrir áratuga starf í þágu íþróttahreyfingarinnar í Vestmannaeyjum. Fréttabikarana fengu að þessu sinni Hildur Dögg Jónsdóttir og Grétar Eyþórsson. Ester Óskarsdóttir og Þorgils Orri Jónsson þóttu sýna mestu framfarir. Markahæstu leikmenn yoru Alla Gokorian og Samúel ívar Árnason og efnilegust voru Hekla Hannesdóttir og Grétar Eyþórsson. Bestu leikmenn voru Florentina Grecu og Tite Kalandaze.

=== '''Ærið verkefni framundan''' ===
Flestir eru sammála um að Eyjamenn hafi verið stálheppnir að vera aðeins einu marki undir í hálfleik þegar ÍBV tók á móti Keflvíkingum á Hásteinsvelli. Gestirnir hreinlega óðu í færum í fyrri hálfleik, áttu m.a. tvö stangarskot og eitt skot í slá og í raun aðeins þeirra eigin klaufaskapur og glæsileg markvarsla Birkis Kristinssonar sem kom í veg fyrir fleiri mörk. Reyndar fengu Eyjamenn líka sín færi, framherjarnir Steingrimur og Andrew Sam fóm afar illa að ráði sínu þegar þeir sluppu inn fyrir vöm gestanna. En staðan í hálfleik var 1:2 fyrir Keflavík og flestir á því að staðan hefði átt að vera eitthvað í líkingu við 2:6. En Keflvíkingar héldu fengnum hlut, liðin skoruðu sitthvort markið í síðari hálfleik og Keflvíkingar fóru frá Eyjum með þrjú stig í farteskinu eftir 2:3 sigur. Lið IBV var algjörlega á hælunum í leiknum. Varnarleikur liðsins, sem í upphafí móts var talinn sterkasti hluti þess, var í algjörum molum, sérstaklega i fyrri hálfleik þar sem sóknar- og miðjumenn Keflvíkinga hreinlega löbbuðu í gegnum vömina. Reyndar gerði það varnarmönnum erfitt fyrir hversu illa leikmönnum ÍBV gekk að senda einfaldar sendingar sín á milli og fyrir vikið fengu Keflvíkingar tækifæri til að sækja hratt á flata vöm ÍBV. Keflvíkingar eru hins vegar vel að sigrinum komnir. Þeir voru mun ákveðnari í öllum sínum aðgerðum og á köflum mjög beittir fram á við. Mörk IBV: Steingrímur Jóhannesson (25) og Andri Ólafsson (93).

=== '''Þar fóru þrjú stig fyrir lítið''' ===
ÍBV sótti FH heim í Landsbankadeild kvenna en FH var fyrir tímabilið spáð áttunda og neðsta sæti deildarinnar í spá fyrirliða, þjálfara og forráðamanna fyrir tímabilið. En Eyjamenn ættu að vita manna best að ekkert er að treysta á spár þegar út í alvöruna er komið. Eyjastúlkur lentu í vandræðum með baráttuglatt FH-lið sem hafði að lokum betur 1:0. Það var í raun grátlegt að ÍBV náði ekki að fylgja eftir góðum sigri á ÍA í fyrstu umferð Íslandsmótsins. Úrslit í Íslandsmótinu höfðu verið hagstæð, Valur tapaði þremur stigum og ólíklegt að liðið tapi mikið fleiri stigum í sumar. ÍBV hefði því verið í mjög góðri stöðu í toppbaráttunni með sigri en sú varð ekki raunin. Leikur ÍBV olli miklum vonbrigðum því þrátt fyrir að vera mun meira með boltann, vantaði færin. Það var eins og síðasta sending inn í vítateig gestanna hefði aldrei heppnast og fyrir vikið fékk ÍBV í mesta lagi nokkur hálffæri. Sóknarþungi ÍBV var talsverður og það nýttu heimastúlkur sér með ágætlega útfærðum skyndisóknum en ein slík gaf mark, sem dugði til sigurs. Í liði FH var fyrrum leikmaður IBV, Lind Hrafnsdóttir sem átti góðan leik.

=== '''Gunnar Heidar að springa út''' ===
Gunnar Heiðar Þorvaldsson, Eyjapeyinn í liði Halmstad, hefur þurft að sætta sig við það í upphafi leiktíðar í sænska boltanum að verma tréverkið. Hann hefur þó alltaf fengið að koma eitthvað inná. En í síðustu tveimur leikjum hefur hann verið í byrjunarliðinu og í vikunni fór hann á kostum. Halmstad tók á móti Landskrona í sænsku úrvalsdeildinni og eftir að hafa verið marki undir í hálfleik, opnuðust allar flóðgáttir í þeim síðari og Halmstad vann 5:1. Gunnar Heiðar gerði sér lítið fyrir og skoraði þrennu. Gunnar minnti reyndar á sig fyrr í mánuðinum þegar hann lék með Halmstad í bikarkeppninni. Leikið var gegn 1. deildarliðinu Boden og lentu Gunnar og félagar í miklum vandræðum og vora undir 2:0. En Eyjapeyinn kom þá sínu liði til bjargar, skoraði rvö mörk og jafhaði metin og lagði svo upp sigurmarkið í framlengingu.

=== '''Batamerki en engin stig''' ===
Eyjamenn töpuðu sínum fjórða leik í röð en stíft hefur verið leikið, en á tveimur vikum voru fjórir leikir. ÍBV lauk þessari leikjahrinu með því að sækja Grindvíkinga heim sem voru í svipuðum málum. Leikurinn fór fjörlega af stað og eftir þrettán mínútna leik voru komin tvö mörk, Grindvíkingar byrjuðu á að skora og aðeins rnínútu síðar kom glæsilegt mark hjá IBV. Magnús Már Lúðvíksson braust upp vinstri kantinn, lék á vamarmann gaf fyrir þar sem Matthew Platt stýrði boltanum í netið. Þrátt fyrir að Gríndavík hefði verið sterkarai aðilinn það sem eftir lifði hálfleiksins fengu Eyjamenn bærilegri færi, Jan Jeffs fékk tvö þeirra og hefði átt að gera betur í það minnsta í öðru þeirra. Svo fengu Grindvíkingar umdeilda vítaspyrnu sem þeir skoruðu úr. Síðari hálfleikur var svo betri hjá ÍBV. Leikmenn liðsins mættu mjög ákveðnir til leiks og náðu undirtökunum. Andri Ólafsson átti m.a. skalla í markstöngina en inn vildi boltinn ekki. Birkir Kristinsson greip svo vel inn í á lokakaflanum þegar heimamenn fengu ágætis færi en undir lokin sóttu Eyjamenn stíft en náðu ekki að bæta við mörkum. Birkir Krislinsson, fyrirliði IBV, var sammála því að leikurinn í gær hefði verið betri en fyrstu þrír leikirnir. „Við erum á réttri leið og við erum að ná að laga það sem þarf að laga en á móti má segja að víð vorum svo sem ekkert að spila á móti sérstaklega sterku liði. Við náðum að skapa okkur færi og skora mark sem er gott fyrir sjálfstraustið en mér finnst samt vanta meiri slagkraft í sóknarleikinn. Við erum hins vegar líka í vandræðum varnarlega og þurfum að þjappa okkur meira saman sem lið þegar við erum ekki með boltann. En það er líka ákveðið vandamál að ná aldrei að stilla upp sömu varnarlínunni í leikjunum. En við ætium að nota pásuna vel núna og koma tvíefldir til leiks."

=== '''Nýttu ekki færin''' ===
ÍBV og Breiðablik áttust við í Landsbankadeild kvenna í lok maí þar sem Breiðablik hafði betur 1-2 þrátt fyrir að ÍBV hafi verið manni flerri í 65 mínútur. Mörg dauðafæri fóru forgörðum, t.d. fengu þær Hólmfríður Magnúsdóttir og Bryndís Jóhannesdóttir upplögð færi til að jafna aðeins mínútu eftir að Breiðablik hafði skorað fyrsta markið en ekkert annað en klaufaskapur kom í veg fyrir jöfnunannarkið. Á 25. mínútu áttust þær við Hólmfríður og markaskorari gestanna, Guðlaug Jónsdóttir sem lauk með því að Hólmfríður braut á Guðlaugu sem bætti um betur og sló á eftir Hólmfríði. Guðlaug fékk umsvifalaust rautt spjald. En eftir það gerðist fátt markvert í fyrri hálfleik. Blikastúlkur náðu að þjappa sér vel saman og leikmenn IBV komust lítið áleiðis gegn þeim. En það var ekki langt liðið af síðari hálfleik þegar Breiðablik komst yfir en sóknarmaður geslanna var algjörlega óvaldaður í vítateig IBV og átti ekki í vandræðum með að skalla í netið. Bryndís Jóhannesdóttir minnkaði svo muninn á 56. mínútu en lengra komust þær ekki og lokatölur urðu því 1:2.

=== '''Liðsauki í fótboltann''' ===
Karlaliði ÍBV hefur borist liðsauki því búið er að semja við enska leikmanninn Jack Wanless. Wanless er 19 ára sóknarmaður sem hefur síðustu þrjú ár verið í herbúðum Sunderland en þar áður var hann á mála hjá Newcastle. Wanless hefur verið iðinn við markaskorun með unglingaliði Sunderland en samið var við hann í einn mánuð til að byrja með en möguleiki er á framlengingu ef leikmaðurinn stendur sig. Þá barst kvennaliði ÍBV liðsstyrkur þegar tvær skoskar stúlkur komu til Eyja. Suzanne Malone heitir önnur þeirra en hún er 21 árs sóknarmaður sem hefur spilað reglulega með skoska landsliðinu. Hin heitir Suzanne Robertsson, 30 ára varnar- og miðjumaður. Hún kemur til liðsins til reynslu á meðan búið er að semja við Malone út tímabilið.

=== '''Skrautfjaðrirnar reytast of handboltanum''' ===
Það er óhætt að segja að bæði karla og kvennalið ÍBV muni tefla fram mikið breyttum liðum næsta vetur. Frá karlaliðinu eru farnir Tite Kalandaze, Roland Eradze, Samúel Ívar Ámason og Kári Kristján Kristjánsson. Óvíst er með fleiri leikmenn, s.s. Sigurð Ara Stefánsson sem hefur fengið tilboð erlendis frá. Og breytingamar eru ekki síðri á kvennaliðinu, Guðbjörg Guðmannsdóttir hefur gefið það út að hún muni ekki spila með IBV næsta tímabil og ein helsta stoð ÍBV, Alla Gokorian, er á leið til Reykjavíkur og mun ekki spila með ÍBV næsta vetur.

== '''JÚNÍ:''' ==

=== '''ÍBV fékk 400 svefnpoka''' ===
Tæknivörur ehf, sem eru umboðsaðilar fyrir Sony Ericsson á Íslandi komu færandi hendi til Eyja þegar þeir gáfu ÍBV 400 svefnpoka. Það var Ásgeir Sverrisson starfsmaður Tæknivara sem afhenti Páli Scheving Ingvarssyni framkvæmdastjóra ÍBV gjöfina. ásgeir sagði við þetta tilefni að þeir gerðu sér grein fyrir þeim mikla kostnaði sem ÍBV þarf að greiða vegna ferðakostnaðar og stefna Tæknivara ehf væri að stuðla að öflugu unglingastarfi og það ætla þeir sér að gera í sumar.

=== '''Keppt verður í einum flokki''' ===
Vöruvalsmótið hefur átt í varnarbaráttu undanfarið en þó hefur mótið staðið í stað allra síðustu ár. Fyrst þegar mótið hóf göngu sína voru aðeins tvö mót í knattspyrnu fyrir stúlkur, Gull- og Silfurmót Breiðabliks og svo Vöruvalsmótið, sem hét áður Pæjumót. Þá var keppt í öllum flokkum en í ár verður aðeins keppt í einum flokki, fimmta flokki, Páll Scheving Ingvarsson, framkvæmdastjóri IBV, segir að ekki hafí gengið að halda áfram með mótið á þeim forsendum sem hafa verið. „Við erum í harðri baráttu við önnur mót og verðum að breyta okkar áherslum til að ná að halda úti öflugu stúlknamóti í Vestmannaeyjum. Stjarnan setti t.d. á mót sömu helgi og við höfum notað í mörg ár en flutti sitt mót á síðustu stundu fram um eina helgi, sem er eingöngu plástur á sárið." Hefði ekki verið rökrétt að fjölga flokkum til að fjölga þátttakendum? „Nei, það sem mælir gegn því er sú staðreynd að félög eru því miður ekki reiðubúin að heimsækja okkur árlega. Við höfum bestu aðstöðuna, gott skipulag, leggjum okkur fram í afþreyingu og erum því rómaðir sem framkvæmdaaðilar”. Hvað getur verið fráhrindandi? ,,Ég tel að samgöngur við Vestmannaeyjar séu ekki í takt við kröfur nútímans, þar töpum við." Hvaða viðbrögð fáið þið frá liðum sem eru að hugsa um að koma til Eyja á Vöruvalsmótið, hvað er það helst sem er að stoppa þau af að koma hingað? „Fólk er tregara til að ferðast með skipi, fararstjórn er mun meira verkefni þegar ferðast er til Vestmannaeyja heldur en annarra staða, þjálfarar þurfa að vera meiri þátttakendur í fararstjórn sem er kannski eitthvað sem þeir eiga ekki að venjast. Þetta er það helsta."

=== '''2. flokkur úr leik í bikarnum''' ===
2. flokkur karla tók á móti Fjölni í bikarnum í byrjun Júní. Fjölnismenn leika í B-riðli Íslandsmótsins á meðan IBV er í C-riðli og því ljóst að um verðugan andstæðing var að ræða. En þrátt fyrir að vera sterkari aðilinn vom það gestirnir sem skoruðu mörkin og í hálfleik var staðan 0-2 þeim í hag. Þeir bættu svo við þriðja markinu í upphafi síðari hálfleiks en Eyjamenn hættu ekki. Þeir urðu þó að játa sig sigraða í lokin, lokatölur 2:4 og því er IBV úr leik í bikarnum.

3. flokkur karla lék fyrsta leik sinn í B-riðli Islandsmótsins þegar strákamir sóttu ÍR heim. ÍR-ingar komust í 3:0 áður en Eyjamenn náðu að svara fyrir sig en strákarnir skoruðu tvö mörk á lokamínútunum. En lengra komust þeir ekki og lokatólur 3:2 tap hjá ÍBV. Mörk IBV gerðu þeir Kristinn E. Árnason og Þórarinn Ingi Valdimarsson. Fjórði flokkur karla lék gegn Leikni og léku bæði A og B-lið félaganna. Hjá A-liðunum höfðu Eyjamenn nauman sigur, 1 -0 en í B-liðunum var sigurinn mun auðveldari, lokatölurb5:0. Fimmti flokkur karla lék gegn Val og fóru leikirnir fram á Hlíðarenda. A-liðið tapaði stórt, 12:1, B-liðið vann 2:6 og C-liðið vann sinn leik sömuleiðis 1:2. D-Iiðið lék svo gegn Þrótti sama dag og tapaði 6:0. Fimmti flokkur kvenna lék gegn Alftanesi á heimavelli þeira síðarnefndu. Hjá A-liðum hafði ÍBV betur, unnu 1:5 en B-lið félaganna gerðu jafntefli, 1:1.

=== '''Heimir Snær í ÍBV''' ===
Karlaliði ÍBV hefur enn á ný borist liðsauki en Heimir Snær Guðmundsson mun leika með liðinu út leiktíðina. Heimir er tvítugur vamar- og miðjumaður og hefur leikið fimm leiki með FH í efstu deild. Þar sem leikmannahópur FH er ansi vel skipaður í ár hefur hann hins vegar ekki fengið mörg tækifæri hjá íslandsmeisturunum og vildi því söðla um. Heimir skipaði m.a. hið öfluga lið FH í 2. flokki sem vann Íslandsmótið undir stjóm Guðlaugs Baldurssonar, þjálfara ÍBV.

=== '''Fyrsti sigur 2. flokks kvenna í langan tíma''' ===
Gengi annars flokks kvenna í knattspyrnu hefur síðasta ár ekki verið gott og í fyrra unnu þær engan leik. Síðasti sigurleikur liðsins var í enda ágúst 2003 þegar stelpurnar lögðu Stjörnuna að velli en í byrjun júní rættist loksins úr þegar ÍBV sótti ÍR heim. Þetta var fyrsti leikur liðanna og ekki hægt að segja annað en að byrjunin hafi verið fjörug. Lokatölur urðu 4:6, tíu mörk í einum fótboltaleik. ÍR-ingar byrjuðu betur og komust yfir en Chantelle Parry minnkaði skömmu síðar muninn en ÍR var yfír í hálfleik, 2:1. Þjálfarar 2. flokks, þeir Óðinn Sæbjömsson og Kristján Georgsson hafa svo náð til sinna leikmanna því IBV hafði að lokum sigur, 4-6. Mörk ÍBV: Chantelle Parry 3, Tanja Tómasdóttir, Birgitta Rúnarsdóttir og Thelma Sigurðardóttir.

=== '''Ágætur árangur ÍBV-stúlkna''' ===
Vöruvalsmótið, sem haldið var með breyttu sniði í fyrsta sinn í ár gekk vel því mikil ánægja var með alla framkvæmd hjá bæði keppendum, fararstjórum og aðstandendum stúlknanna. Fyrir vikið var þátttakan minni en stundum áður en forráðamenn ÍBVíþróttafélags eru bjartsýnir á að með skemmtilegri umgjörð og metnaði megi byggja upp mót af sama styrkleika og t.d. Shell-mótið. Alls tóku átta félög þátt í mótinu og voru keppendur um 300. Keppnin hófst á föstudeginum og voru stúlkumar að spila fótbolta fram á sunnudag í frábæru veðri og við bestu skilyrði. Auk fótboltans var boðið upp á útsýnisferðir, bátsferðir, kvöldvóku, grillveislu, sundpartý og lokahóf þar sem viðurkenningar fyrir unnin afrek vom afhentar. IBV varð Vöruvalsmeistari í flokki C-liða, Breiðablik varð meistari í flokki B-liða og ÍA sigraði Breiðablik í flokki A-liða. En það þurfti vítaspyrnukeppni til að ná fram úrslit. ÍA sigraði líka í keppni A-liða á innanhússmótinu. Í keppni B-liða sigraði FH, Breiðablik varð í 2. sæti og ÍBV í því þriðja. Í keppni C-liða yar það Afturelding sem sigraði en ÍBV varð í 2. sæti og ÍA Í því þriðja.

=== '''Fóru allir brosandi heim frá okkur''' ===
Agnes Einarsdóttir fór fyrir vaskri nefnd sem vann að undirbúningi Vöruvalsmótsins og stýrði framkvæmdinni á mótinu sjálfu. Hún er mjög ánægð með hvernig til tókst og segir stelpurnar, fararstjóra og aðstandendur hafa gefið mótinu fyrstu einkunn. ''„Það fóru allir brosandi heim frá okkur,"'' sagði Adda þegar hún var spurð um viðbrögð gestanna og þá breytingu að hafa aðeins einn flokk í mótinu. ''„Ég fylgdist mjög vel með og ræddi við marga og það voru allir mjög sáttir. Ég fékk heldur enga kvörtun og þá segir það sig sjálft að hlutimir ganga vel,"'' bætti hún við. Adda segir mikla vinnu liggja að baki áður en flautað er til fyrsta leiks í móti eins og Vöruvalsmótinu. ''„Þetta er margra mánaða ferli sem hófst af fullum krafti hjá okkur í febrúar. Mesta vinnan fer þó fram á lokasprettinum þegar keppendafjöldinn er kominn á hreint. Málið er að krakkarnir og þjálfararnir vilja koma hingað en það virðist sem foreldrunum finnist ferðalagið of erfitt. Við sem förum með börnin okkar í svona ferðalög margoft á ári vitum betur, þetta er ekkert mál. Mótið tókst vel hjá okkur í ár og ég veit að félögin sem núna mættu koma aftur."'' Adda stefnir hærra og segir að markaðssetja eigi Vömvalsmótið sem ævintýri en ekki bara fótboltamót. „''Ég stefni á að fá hundrað fleiri stelpur á næsta árí og Vöruvalsmótið í Vestmannaeyjum á að vinna sér þann sess að vera knattspyrnumót sem engin stelpa á Íslandi á aldrinum 11 til 12 ára má missa af."'' Hún kom að lokum að þeim fjölda fólks sem tilbúið er að leggja á sig ómælda vinnu þegar kemur að Vöruvalsmótinu. ''„Í allt eru þetta um 150 manns sem komu að undirbúningi og framkvæmd og eiga þau öll mikið hrós skilið. Aðkomufólk átti ekki orð yfir það þegar konurnar í morgunmatnum sögðust hvorki fá laun fyrir vinnu sína eða eiga stelpur í mótinu. En svona er þetta í Vestmannaeyjum og þess vegna getum við haldið íþróttamót sem standa upp úr. Þá má ekki gleyma Ingimar í Vöruvali sem á að sjálfsögðu heiður skilinn fyrir að hafa stutt við mótið öll þessi ár,"'' sagði Adda að lokum.

=== '''Loksins small liðið''' ===
Það var allt annað að sjá til karlaliðs ÍBV þegar liðið mætti KR. Eyjamenn börðust eins og ljón í leiknum og uppskáru laun erfiðisins með 2:1 sigri og innbyrtu þar með sín fyrstu stig í sumar. Tveir nýir leikmenn voru í byrjunarliði ÍBV, hinn ungi og efnilegi Adolf Sigurjónsson fékk loksins tækifæri í bakverðinum og ljóst að þar er framtíðarleikmaður á ferð. Guðmundur Snær Árnason var einnig í fyrsta sinn í byrjunarliði IBV en hann kom ásamt Pétri Óskari Sigurðssyni frá FH. Annars var mjög gaman að horfa á leik ÍBV liðsins. Turnarnir tveir, Andri Ólafsson og Páll Hjarðar, hirtu alla skallabolta og það gegn Bjarnólfi Lárussyni sem var m.a. í því hlutverki hjá ÍBV fyrir ári síðan að hirða skallaboltana. Þá var Atli Jóhannsson afar drjúgur á miðjunni en augljóslega orðinn mjög þreyttur undir lokin. Munurinn á liðunum var fyrst og fremst sá að leikmenn IBV börðust af lífi og sál en leikmenn KR-inga ekki. Mörk ÍBV: Matthew Platt, Ian Jeffs.

=== '''Magnaður viðsnúningur''' ===
2. flokkur karla tók á móti jafnöldrum sínum úr Gróttu í Eyjum. Liðin sátu í neðstu sætum C-riðils eftir einn leik sem bæði lið töpuðu. Útlitið var ekki gott í hálfleik fyrir Eyjamenn því staðan var 1:3 Gróttu í vil og til að bæta gráu ofan á svart skoruðu gestirnir fjórða markið fljótlega í síðari hálfleik. En þá tók við einn magnaðasti viðsnúningur sem sést hefur, Eyjamenn spýttu í lófana, skoruðu fjögur mörk og unnu leikinn 5:4. Birkir Hlynsson gerði þrennu en þeir Gauti Þorvarðarson og Hilmar Björnsson eitt mark hvor.

2. flokkur kvenna lék tvo leiki. Fyrsta var leikið gegn Fjölni á heimavelli í Íslandsmótinu og tapaðist sá leikur 1:4. Síðar spiluðu stelpurnar svo gegn FH á útivelli í bikarkeppninni. Stelpurnar unnu leikinn 3:5 og eru því komnar áfram í keppninni. Þriðji flokkur kvenna sótti Keflvíkinga heim en um miðjan fyrri hálfleik var staðan orðin 3:0 heimastúlkum í vil og því á brattann að sækja fyrir IBV. Eyjastelpur náðu þó að minnka muninn fyrir leikhlé en þá var staðan 3-1. Keflvíkingar bættu svo við tveimur mörkum í viðbót áður en ÍBV skoraði síðasta mark leiksins og lokatölur urðu 5:2 fyrir Keflavík. Mörk ÍBV skoruðu þær Erna Valtýsdóttir og Hafdís Guðnadóttir. Fjórða flokki karla gekk vægast sagt illa þegar strákarnir mættu Víkingi í Víkinni. A-liðið tapaði 8:0 og B-liðið bætti um betur og tapaði 14:0. Fjórði flokkur kvenna spilaði svo gegn Breiðabliki og tapaði 4:1.

=== '''Tvær farnar''' ===
Ensku leikmennirnir Danielle Hill og Chantelle Parry hafa yfirgefið herbúðir liðsins og hafa að öllum líkindum spilað sinn síðasta leik fyrir félagið. Báðar eru þær í U-19 ára landsliði Englands sem tekur þátt í Evrópumótinu seinna í sumar. Undirbúningur fyrir mótið er að hefjast og vilja þær taka þátt í því en Hill er markvörður og Parry miðjumaður og höfðu báðar spilað mjög vel með ÍBV. Þar með voru aftur komin upp markvarðarvandræði hjá IBV en þau voru leyst í snarheitum því bandarískur markvörður spilaði með liðinu gegn KR. Hún heitir Anne E Marberger og er 23 ára.

=== '''Niðurlæging í botnslagnum''' ===
Eyjamenn léku líklega einn sinn allra lélegasta leik í mörg ár þegar liðið mætti Þrótti í Laugardalnum. Baráttulausir voru Eyjamenn keyrðir í kaf af slöku liði Þróttara en lokatölur urðu 4:0. Leikmenn IBV áttu varla færi í leiknum og baráttuleysið var algjört. Fyrrum leikmaður ÍBV, Kristinn Hafliðason kom heimamönnum yfir strax á 5. mínútu með glæsilegu skoti beint úr aukaspyrnu. Birkir Kristinsson var einn af fáum leikmönnum IBV sem sýndi lit, hann varði nokkrum sinnum ágætlega áður en Þróttarar bættu við öðru marki sínu á 25. mínútu og svo því þriðja mínútu fyrir leikhlé og staðan 3:0 þegar liðin gengu til búningsherbergja. Síðari hálfleikur var tíðindalítill, Steingrímur Jóhannesson átti laust skot að marki gestanna sem markvörður Þróttar varði auðveldlega en þar með má segja að færi ÍBV í leiknum séu upptalin. Heimamenn bættu svo við fjórða markinu tíu mínútum fyrir leikslok og tryggðu sér sanngjarnan sigur, 4:0.

=== '''Í landsliðsbúningum''' ===
Eyjamenn lentu í því þegar leika átti gegn Þrótti að hvorki aðalbúningar né varabúningar félagsins voru löglegir að mati dómara leiksins, Kristins Jakobssonar. Þróttur leikur í rauðum og hvítum, röndóttum búningum en varabúningur IBV er alrauður og var hann með í för. Skömmu fyrir leik var hins vegar bragðið á það ráð að láta ÍBV spila í gömlum landsliðsbúningum og rættist væntanlega draumur margra um að klæðast landsliðstreyjunni á þjóðarleikvanginum.

=== '''Wanless og Dodds til Selfoss''' ===
Þeir Jack Wanless og Lewis Dodds, sem komu til ÍBV frá Sunderland, verða í sumar lánaðir til Selfoss sem spilar í 2. deildinni. Þeir félagar höfðu ekki náð sér á strik hjá IBV, Dodds tekið þátt í þremur leikjum og fengið eitt rautt spjald en Wanless hefur ekki enn komist í leikmannahóp IBV. Eyjamenn eiga möguleika á að kalla þá til baka ef þörf verður á því. Þeir félagar em báðir tvítugir, Dodds er varnarmaður en Wanless sóknarmaður.

=== '''Hólmfríður skoraði fjögur mörk''' ===
Kvennalið IBV og Keflavíkur mættust í Keflavík í síðustu viku. ÍBV hafði yfirburði í leiknum og sigraði 1:5. Fyrir leikinn voru liðin jöfn að stigum, höfðu bæði unnið einn leik en tapað þremur. Þrátt fyrir þetta þótti ÍBV vera líklegra til að vinna enda verið í toppbaráttu deildarinnar undanfarin ár á meðan Keflavík er nýliði í deildinni. Hólmfríður Magnúsdóttir og Chantelle Parry voru potturinn og pannan í sóknarleik liðsins en Hólmfríður gerði sér lítið fyrir og skoraði þrennu í fyrri hálfleik. Eyjastúlkur léku mjög vel í fyrri hálfleik og hægt að telja marktækifæri Keflvíkinga á fingrum annarrar handar. Í síðari hálfleik náðu Keflvíkingar að ógna marki ÍBV meira en í fyrri hálfleik og á 52. mínútu hefðu þær átt að skora en glæsileg markvarsla Danielle Hill kom í veg fyrir það. En Hill náði ekki að koma í veg fyrir að heimastúlkur skoraðu á 78. míhútu. Við það hresstust Eyjastúlkur sem gerðu harða hríð að marki heimastúlkna. Fjórða mark IBV lá í loftinu og það gerði Rachel Kruze eftir ágætlega útfærða sókn. Fimmta og síðasta mark IBV gerði Hólmfríður Magnúsdóttir sem skoraði þar með sitt fjórða mark í leiknum en þá fékk hún stungusendingu inn fyrir vörn Keflvíkinga og kláraði færið með því að leika á markvörðinn og skora. Með sigrinum lyftu Eyjastúlkur sér úr sjötta sæti deildarinnar og upp í það fjórða.

=== '''Sætur og sanngjarn sigur''' ===
ÍBV hafði betur gegn KR þegar liðin mættust á Hásteinsvellinum. Það voru gestirnir sem skoruðu fyrsta og eina mark fyrri hálfleiks á 30. mínútu og voru því yfir í hálfleik, 0:1. Og þrátt fyrir að vera sterkari aðilinn í síðari hálfleik áttu Eyjastúlkur í erfiðleikum með að skapa sér færi. Jöfnunarmarkið kom hins vegar tuttugu mínútum fyrir leikslok þegar Elín Anna Steinarsdóttir skoraði úr vítaspymu. Við það var eins og allar flóðgáttir hafi opnast. Eyjastúlkur hreinlega óðu í færum síðasta stundarfjórðunginn og tvö mörk litu dagsins ljós, fyrst skoraði Suzanne Malone sitt fyrsta mark fyrir IBV og kom heimastúlkum yfir og skömmu síðar gulltryggði Hólmfríður Magnúsdóttir sigurinn með ágætu marki. KR átti hins vegar síðasta orðið, þær skoruðu eftir klaufagang í vöm IBV þegar komnar vora tvær mínútur fram yfir venjulegan leiktíma en það kom ekki að sök og skömmu síðar var flautað til leiksloka. Elín Anna Steinarsdóttir var drjúg fyrir ÍBV á miðjunni í leiknum og hún sagði í samtali við Fréttir að það væri alltaf sérstaklega ljúft að vinna KR. „Við sýndum karakter eftir fyrri hálfleikinn þar sem við vorum ekkert að spila sérstaklega vel, en komum til baka og snérum leiknum okkur í hag. Við vissum að við gætum gert betur, töluðum um það í hálfleik að við hefðum fengið fullt af færam og þyrftum bara að nýta þau betur. Það er alltaf gaman að vinna KR og maður leggur sig alltaf fram í þessum leikjum. Við hefðum jafnvel getað unnið stærra, en við unnum og þá er eitt mark alveg nóg."

=== '''Í vandræðum gegn 2. deildarliði í bikarnum''' ===
Eyjamenn léku gegn Leiftri/Dalvík í 32ja liða úrslitum Visa bikarsins á Ólafsfirði en heimamenn eru við botn 2. deildar. Eyjamenn lentu í talsverðu basli með fríska leikmenn Leifturs/Dalvíkur en í hálfleik var staðan 0:1 fyrir ÍBV. Allt leit út fyrir að það yrðu lokatölur leiksins en þegar ein mínúta var komin fram yfir venjulegan leiktíma, jöfnuðu heimamenn metin og því varð að framlengja. Þar voru Eyjamenn sterkari og unnu að lokum 1:2. Aðstæður á Ólafsfirði vom nokkuð erfiðar, strekkingsvindur var á annað markið sem setti strik í reikninginn hjá leikmönnum beggja liða. Mörk ÍBV skomðu þeir Matthew Platt og Bjarni Hólm Aðalsteinsson.

=== '''Shellmótið tókst vel''' ===
Shelhnótinu, sem var það 22. í röðinni, lauk með sinni einstöku lokahátíð þar sem veitt voru verðlaun fyrir afrek á mótinu. Bestum árangri náðu Fylkismenn sem urðu Shellmótsineistarar í flokki A- og B-liða. Þeir urðu einnig innanhúsmeistarar ásamt KA í flokki A-liða og í flokki B-liða ásamt Fjölni. Næstbestum árangri náði Breiðablik sem varð meistari í flokki D-liða en varð að sætta sig við silfur í öðrum flokkum. Gestgjafarnir, ÍBV, náðu ekki að landa titlum að þessu sinni en Jón Ingason, fyrirliði ÍBV í A-liðinu var valinn í landslið Shellmótsins og lið mótsins. Mótið setur l svip á bæjarlífið því það munar um minna þegar um 1200 peyjar á aldrinum níu og tíu ára gera innrás í bæinn ásamt öðrum eins fjölda af fararstjórum, aðstoðarfólki og aðstandendum. Í stærsta hlutverkinu eru þó peyjarnir sem þramma um bæinn í félagsbúningum sínum, í skipulögðum röðum sem sýnir að fararstjórar og þjálfarar hafa góða stjórn á mannskapnum. Fótboltinn er að sjálfsögðu númer eitt, peyjum gefst líka tækifæri á að skoða Vestmannaeyjar á sjó og landi, boðið er upp á kvöldvöku með skemmtiatriðum og grillveislu þar sem farið er í hina ýmsu leiki. Þar er líka valið landslið og pressulið og þykir mikill heiður að komast í þann hóp. Þegar kemur að úrslitaleikjunum á sunnudeginum er hugurinn ekki minni en á stóru mótunum hjá þeim eldri. Já, strákarnir eru að upplifa sitt fyrsta stórmót á ævinni og þó þeir eigi eftir að ná langt í knattspyrnu verður Shell-mótið örugglega ofarlega í huga þeirra. Stemmningin er frábær og það er alvöru knattspyrna sem boðið er upp á. Þegar úrslitin liggja fyrir er gleði þeirra eldri ekkert minni en hjá þeim ungu sem eru að uppskera árangur af fimm daga keppni. Um kvöldið er svo lokahófið þar sem sigurliðin og þeir peyjar sem unnið höfðu til verðlauna á mótinu voru kallaðir upp. Það þarf ekki mikið hugmyndaflug til að gera sér í hugarlund það stolt og þá gleði sem fylgir því að vera kallaður upp til að taka á móti verðlaunum, hylltur af um 1100 jafnöldrum. Þarna rofna félagsmörkin og allir taka þátt með því að samfagna hver öðrum. Og kannski kemur andi Shellmótsins hvergi betur fram en þarna sem ævintýri sem skilur eftir sig góðar minningar þegar fram í sækir. Það er ekki bara hjá peyjunum heldur öllum sem hingað koma til að fylgjast með mótinu. Og hverjir gera þetta betur en Eyjamenn? Engir.

=== '''Sáttur við árangur sinna manna''' ===
Heimir Hallgrímsson og Íris Sæmundsdóttir hafa séð um þjálfun sjötta flokks ÍBV á tímabilinu og stýrðu þau fjórum liðum heimamanna í Shell-mótinu, A, B, C og D-liðum og í allt voru Eyjapeyjarnir 38. B-liðið náði bestum árangri Eyjaliðanna, var í 7. til 8. sæti, A-liðið endaði í 12. sæti, D-liðið í 13. sæti og C-liðið var mun neðar. ''„Þetta var mun betri árangur en ég þorði að vona. Það er erfitt fyrir okkur að keppa við félög sem mæta með alla strákana á efra árinu sem eru búnir að spila 50 til 60 leiki áður en þeir koma hingað. En auðvitað erum við líka í þessu til að hafa gaman af og ég held að það hafi tekist ágætlega,"'' sagði Heimir. Hann vill þakka foreldrum og aðstandendum mótsins fyrir frábæra vinnu. ''„Þetta var frábært mót og skemmtilegt í alla staði. Þar var þáttur foreldranna stór sem sáu um liðin allan tímann."''

=== '''Uppskeran er ánægðir peyjar''' ===
Einar Friðþjófsson fór fyrir vaskri sveit stjórnar Shellmótsins sem framkvæmdastjóri og hefur hann haft í mörg horn að líta síðustu vikur og mánuði og hámarki náði erillinn á sjálfu mótinu. En uppskeran er ánægðir keppendur og aðstandendur og þeir voru eins og alltaf í miklum meirihluta. „''Auðvitað er ekki hægt að gera alveg öllum til hæfis en 99 prósent þeirra sem héðan fara eru ánægðir og flestir þeirra mjög ánægðir. Það segir okkur að við emm að gera rétt enda ekki að ástæðulausu sem Shellmótið hefur unnið sér sess sem besta knattspyrnumót hér á landi. Og sú reynsla sem hér hefur orðið til í að halda mót af þessari stærðargráðu er ómetanleg,"'' sagði Einar. Talandi um reynslu þá em leiknir í allt 450 leikir frá því flautað er til fyrsta leiks á fimmtudagsmorgni þangað flautan gellur við í leikslok í úrslitaleik A-liða og er þá innanhúsmótið meðtalið. Það segir sig því sjálft að skipulag þarf að vera í lagi til að allar tímasetningar standist. ''„Þarna eigum við marga góða að sem kunna vel til verka og mikið er þetta sama fólkið sem vinnur sem ein heild. Og það sem stendur upp úr er að þetta skuli yfirleitt vera hægt, að halda svona glæsilegt mót en þarna eigum við að stórkostlegt starfsfólk sem alltaf stendur sig frábærlega."''

=== '''Strákarnir í fimmta flokki á sigurbraut''' ===
Annar flokkur karla lék gegn Aftureldingu á útivelli í lok júní. Mosfellingar komust yfir í fyrri hálfleik og var staðan í leikhléi 1:0 þeim í vil. En Eyjamenn náðu að jafna, þar var að verki Einar Kristinn Kárason og urðu lokatölur leiksin 1:1. Bæði lið eru nú um miðjan 1. riðil C deildar með fjögur stig eftir fjóra leiki. Annar flokkur kvenna lék á útivelli gegn Stjörnunni. Eftir jafnan fyrri hálfleik þar sem staðan var jöfn 1:1, hrundi leikur ÍBV nánast og lokatölur urðu 6:2 fyrir Stjörnuna. Mörk ÍBV skoruðu þær Hafdís Guðnadóttir og Nína Björk Gísladóttir. Þriðji flokkur karla lék gegn Stjörnunni á heimavelli. Það var eins og heimamenn væru ekki með fyrstu mínúturnar því á ellefu mínútum tókst gestunum að komast í 0:3 en staðan í hálfleik var 1:4. Eyjamenn náðu að skora eitt mark í síðari hálfleik og lokatölur 2:4 fyrir Stjörnuna. Mörk ÍBV gerðu þeir Sigurður Stefán Kristjánsson og Gauti Þorvarðarson. Fimmti flokkur karla tók á móti Víkingum þar sem A liðið vann sinn leik 2:1, B-liðið vann 2:0 og C-liðið vann stórsigur, 6:1.

=== '''Hefst með baráttu og sigurvilja''' ===
Eyjamenn unnu gríðarlega mikilvægan sigur í Landsbankadeild karla á fimmtudagskvöld þegar spútniklið Vals kom í heimsókn. Lokatölur voru 1:0 en sigurinn hefði getað orðið stærri. Strekkingsvindur af vestri setti mark sitt á leikinn og spiluðu Eyjamenn á móti vindinum í fyrri hálfleik. Voru Valsmenn sterkari aðilinn megnið af fyrri hálfleik án þess þó að brjóta niður sterka vörn Eyjaliðsins. Það var markalaust í leikhléi og fátt um opin marktækifæri. Það færðist heldur betur líf í leikinn í upphafi síðari hálfleiks og áttu Eyjamenn leikinn skuldlaust. Eftir þrjár mínútur lá boltinn í netinu hjá Val og var það markahrókurinn Steingrímur Jóhannesson sem skoraði markið eftir góðan undirbúning Englendinganna Matthew Platt og Ian Jeffs. Steingrímur komst þar í hóp ekki ómerkari manns en Ríkharðs Jónssonar, markahrellis Skagamanna á árum áður. Hafa báðir skorað 78 mörk í efstu deild. Í kjölfarið fylgdi skothríð að marki gestanna sem vissu ekki hvaðan á sig stóð veðrið. Í raun voru Eyjamenn óheppnir að skora ekki eitt til tvö mörk í viðbót. Baráttan hélt áfram og var alveg ljóst hvort liðið var hungraðra í sigur í leiknum, leikmenn IBV börðust um hvern bolta og héldu Valsmönnum í skefjum. Gestirnir reyndu hvað þeir gátu að jafna metin og næst komust þeir mínútu fyrir leikslok en skot Matthíasar Guðmundssonar fór rétt framhjá. Eyjamenn fögnuðu mikilvægum og sanngjörnum sigri og sýndu það að með réttu hugarfari og góðri baráttu næst árangur á vellinum.

=== '''Sigurmark á lokamínútunni''' ===
ÍBV og Stjarnan mættust í Garðabænum en leikurinn byrjaði ekki vel fyrir ÍBV þar sem stelpurnar voru komnar tveimur mörkum undir eftir aðeins nítján mínútna leik.

Hólmfríður Magnúsdóttir náði að svara fyrir ÍBV fimm mínútum síðar og staðan í hálfleik var 2:1. Jöfnunarmarkið lét bíða eftir sér en ellefu mínútum fyrir leikslok jafnaði Bryndís Jóhannesdóttir loks metin. Varamaðurinn Ema Dögg Sigurjónsdóttir skoraði sigurmarkið þegar tvær mínútur voru komnar fram yfir venjulegan leiktíma og tryggði IBV dýrmætan útisigur en Ema hafði þá aðeins verið inni á vellinum í fímm mínútur.

=== '''Sigurður Ari til Elverum í Noregi''' ===
Nú er komið í ljós að enn einn leikmaðurinn mun yfirgefa karlalið ÍBV í handbolta og hafa þá sex af þeim leikmönnum sem spiluðu hvað mest í byrjunarliðinu horfið á braut. Síðustu helgina í júní skrifaði Sigurður Ari Stefánsson, örvhenta skyttan, undir hjá norska úrvalsdeildarliðinu Elverum. Um er að ræða tveggja ára samning með uppsagnarákvæði eftir eitt ár. Auk þess getur Sigurður yfirgefíð herbúðir liðsins ef honum líkar ekki aðstæður og ef liðið fellur.

=== '''Magnús Már hættur''' ===
Í lok júní fór Magnús Már Lúðvíksson frá Eyjum eftir að hafa tilkynnt forráðamönnum ÍBV að hann myndi ekki spila meira með liðinu. Atvinnumál Magnúsar em ástæðan fyrir sambandsslitunum en Magnús var ekki sáttur við þau störf sem ÍBV útvegaði honum. Skömmu síðar var Magnús svo búinn að ganga frá samningum við botnlið Þróttar en það gat hann þar sem hann var enn samningslaus hjá ÍBV. Magnús lék 13 leiki með félaginu og skoraði í þeim fjögur mörk.

== '''JÚLÍ:''' ==

=== '''Sjálfstraustið er ekkert''' ===
Þegar Íslandsmótið er hálfnað er staða karlaliðs ÍBV orðin mjög alvarleg, liðið hefur aðeins sex stig eftir níu leiki og fátt í spilunum sem bendir til annars en að liðið falli í haust. Fyrstu helgina í júlí tóku strákarnir á móti Fylki og þrátt fyrir að Fylkismenn hafi spilað illa, þá unnu þeir 0:3 sem segir talsvert um gengi ÍBV þessa dagana. Það var í raun grátlegt að horfa upp á Eyjaliðið. Ráðleysið var oft á tíðum vandræðalegt þegar leikmenn voru með boltann, sérstaklega þegar komið var inn á vallarhelming andstæðingsins. Þá virtist aðeins vera tvennt í stöðunni, reyna langan bolta fram á Steingrím Jóhannesson sem var einn í framlínunni, eða spila boltanum til baka á varnarmennina. Sendingar virðast vera talsvert vandamál, stuttar sendingar sem ættu ekki að vefjast fyrir mönnum sem æfa knattspymu tíu mánuði ársins vom að klikka og fyrir vikið var ekkert sjálfstraust í spili innan liðsins. Þá nýttust kantmenn IBV nánast ekki neitt, Matthew Platt stóð oft á tíðum eins og illa gerður hlutur á hægri kantinum og beið eftir sendingunni sem aldrei kom. Atli Jóhannsson var duglegri að koma inn á miðjuna og sækja boltann en komst lítið áleiðis. Þrátt fyrir slakan sóknarleik fengu Eyjamenn ágætis marktækifæri. Steingrímur hefði átt að skora í það minnsta eitt mark, ef ekki tvö miðað við færin en markvörður Fylkismanna átti stórleik og varði oft á tíðum meistaralega. Bæði lið léku illa í blíðunni en eini munurinn var að Fylkismenn nýttu færin. Það var mikill munur á leik ÍBV gegn Fylki og í leiknum gegn Val þar sem leikmenn virkilega börðust fyrir liðsheildina. Gegn Fylki vantaði reyndar ekki skapið í leikmenn en það verður að nýtast á réttan hátt og ekki gegn dómaranum, sama hversu slakur hann er. Páll Hjarðar fékk t.d. tvö gul spjöld sem hann átti engan veginn skilið en undir lok fyrri hálfleiks gekk hann fulllangt í mótmælum sínum, nánast skallaði dómarann og hefði þá átt að fjúka út af. En þó voru ljósir punktar í leik IBV. Varnarleikurinn var góður fram að brottvísun Páls en eftir það var fækkað úr fjórum vamarmönnum í þrjá. Eyjaliðinu gengur vel að koma boltanum frá vörn og út að miðju, Bjarni Hólm er með góðar sendingar fram völlinn en sjálfstraust leikmanna er í lágmarki og úr því þarf að bæta.

=== '''Sigurinn var aldrei í hættu''' ===
ÍBV vann öruggan sigur á ÍA þegar liðin mættust á Skipaskaga. Lokatölur leiksins urðu 0:3. IBV er í fjórða sæti með jafn mörg stig og KR. Leikurinn gegn ÍA þróaðist á þann veg sem búast mátti við, Eyjastúlkur voru mun meira með boltann og leikurinn fór að mestu fram á vallarhelmingi Skagastúlkna. En þar tók við þéttur varnarmúr og ljóst að leikmenn ÍA voru enn minnugir fyrri leik liðanna þar sem IBV skoraði tólf mörk. Eyjastúlkum gekk frekar illa að skapa sér opin færi en fyrsta mark ÍBV skoraði Rachel Kmze eftir hornspymu Hólmfríðar Magnúsdóttur og var það eina mark fyrri hálfleiks. Síðari hálfleikurinn var á svipuðum nótum og sá fyrri, Eyjastúlkur sóttu mun meira og marktækifæri ÍA voru fá. Bryndís Jóhannesdóttir nýtti sér mistök markvarðar ÍA á 57. mínútu þegar hún vann boltann af henni og skoraði af stuttu færi. Elín Anna Steinarsdóttir skoraði svo þriðja og síðasta mark leiksins tveimur mínútum fyrir leikslok þegar hún skallaði boltann í netið eftir homspymu Hólmfríðar.

=== '''Stuð á 3. flokki''' ===
Þriðji flokkur kvenna lék gegn HK í Eyjum. Flokkurinn þykir efnilegur enda fjölmennur og eru flestir leikmanna liðsins enn á yngra árí. Stelpurnar unnu HK 2:1 eftir að hafa verið yfír 1:0 í hálfleik. Mörk liðsins skomðu þær Hafdís Guðnadóttir og Rakel Ívarsdóttir en þetta var annar sigurleikur liðsins í röð. Þriðji flokkur karla náði líka hagstæðum úrslitum þegar strákamir sóttu Fylki heim í Arbæinn. Fylkismenn eru á toppi B-deildar Íslandsmótsins á meðan Eyjamenn eru í neðri hluta deildarinnar. Leikurinn fór ekki vel af stað fyrir Eyjamenn því strax á þriðju mínútu lentu þeir undir. En Eyjapeyjar voru ekkert á því að gefast upp og Guðjón Ólafsson jafnaði metin í síðari hálfleik úr vítaspyrnu. Lokatölur urðu 1:1, ágætis jafntefli hjá ÍBV.

=== '''Hólmfríður í úrvalinu''' ===
Hólmfríður Magnúsdóttir, leikmaður ÍBV var valin í úrvalslið KSÍ fyrir fyrstu sjö umferðimar í Íslandsmótinu. Hólmfríður hefur leikið afar vel með liði ÍBV en hún leikur annað hvort á miðjunni eða í þriggja manna sóknarlínu og er markahæst ásamt Margréti Láru Viðarsdóttur.

=== '''Adolf úr leik í mánuð''' ===
Adolf Sigurjónsson, bakvörðurinn ungi og efnilegi meiddist illa í leik ÍBV og Fylkis. Atvikið var þannig að Adolf branaði upp kantinn en lenti í harkalegri tæklingu með þeim afleiðingum að hann lenti illa á vellinum og hrökk vinstri öxlin úr liði. Adolf var fluttur brott með sjúkrabfl en búist er við því að hann verði fjórar til sex vikur frá.

=== '''Hreimur og Vignir semja þjóhátíðarlagið''' ===
Það kom í hlut Hreims Heimissonar, úr Landi og sonum og Vignis Vigfússonar, úr Irafári að semja þjóðhátíðarlagið 2005. Alls bárust Þjóðhátíðarnefnd 23 tillögur að þjóðhátíðarlagi en að mati nefndarinnar heillaði ekkert þeirra. „Við auglýstum eftir tillögum að Þjóðhátíðarlagi og okkur bárust rúmar tuttugu tillögur. Því miður gekk illa að ná samkomulagi um einhverja af þessum tillögum, því var gripið til þess ráðs að fá Hreim og Vigni til þess að setja fram tillögu sem var í framhaldinu samþykkt. Þjóðhátíðarlag er mikilvægur hlekkur í markaðssetningu Þjóðhátíðar og þar af leiðandi Vestmannaeyja. Hún er því rík ábyrgðin sem sett er á þá sem lagið velja og það er fráleitt að halda því fram að einhver önnur sjónarmið ráði við val á laginu en þau að reyna eftir fremsta megni að tryggja góðan árangur. Ég ætla ekki að leyna minni skoðun á því hvernig ég tel best að framkvæma þetta, það er að velja hæfan höfund og gefa honum góðan tíma til að klára verkefnið. Eg tel að í því fælist áskorun á höfund og ávinningurinn getur verið umtalsverður takist vel til, þá bæði fyrir höfundinn og Vestmannaeyjar. Þetta er ekkert nýtt, Oddgeir og Ási gerðu þetta f mörg ár með ágætum árangri. En ég vil nota þetta tækfæri og þakka öllu því ágæta fólki sem sendi til okkar tillögur, í þeim voru margir skemmtilegir textar og nokkur góð lög, því miður fannst okkur þessir þættir ekki alltaf falla saman," sagði Páll.

=== '''Úr fallsæti í fyrsta skipti''' ===
Það var gaman að sjá til karlaliðs ÍBV í leiknum gegn Fram því þrátt fyrir austan rok og rigningu virtust strákarnir hafa gaman af því sem þeir voru að gera. Allir sem einn börðust um hvern einasta bolta og uppskáru að lokum laun erfiðisins með góðum og lífsnauðsynlegum sigri, 2:0. Með sigrinum lyftu strákarnir sér upp úr fallsæti, höfðu sætaskipti við Fram og er ÍBV sem stendur í áttunda sæti með níu stig. Í fyrri hálfleik spiluðu Eyjamenn undan vindinum og var nánast einstefna að marki Framara, sem þó áttu þrjú markskot í hálfleiknum en ekkert þeirra skapaði verulega hættu. ÍBV fékk nokkur ágætis færi til að skora en eina mark IBV kom úr vítaspyrnu frá Ian Jeffs sem Pétur Óskar Sigurðsson hafði fískað snilldarlega. Jeffsy hefði svo átt að bæta við öðru markinu undir lokin þegar hann komst í gott skotfæri en skot hans fór langt yfir. Eins og við var að búast var komið að Fram að sækja í síðari hálfleik en Eyjamenn stóðu allar sóknaraðgerðir gestanna af sér, þó svo að staðið hafi tæpt á köflum. Birkir Kristinsson var öryggið uppmálað og greip vel inn í þegar mesta hættan skapaðist. Þá var gaman að fylgjast með varnarlínu ÍBV sem steig ekki mörg feilspor og þeir Páll Hjarðar og Bjarni Hólm pökkuðu fyrirliða gestanna, Ríkharði Daðasyni snyrtilega saman og sendu með fyrsta flugi heim. Snilldarlega var staðið að öðru marki ÍBV, Bjarni Rúnar Einarsson átti þá frábæra fyrirgjöf fyrir mark Framara og þar henti Steingrímur Jóhannesson sér fram og stangaði boltann í netið, framhjá Gunnari Sigurðssyni, markverði Framara. Stórglæsilegt mark. Og þrátt fyrir að leika með vindinn í fangið þá voru Eyjamenn hættulegri síðari hluta seinni hálfleiks og hefðu getað bætt við mörkum en Eyjamaðurinn í marki gestanna sá til að svo fór ekki. Lokatölur 2:0, mikilvægur sigur hjá ÍBV

=== '''Áttu aldrei möguleika''' ===
Bikarmeistarar ÍBV eru úr leik í Visabikarkeppni kvenna en Eyjastúlkur mættu Val í 8 liða úrslitum keppninnar. Valur niðurlægði IBV síðast þegar liðin mættust á Hásteinsvelli með 1:7 sigri og fóru langt með að endurtaka leikinn, unnu nú 1:6 og komust verðskuldað í undanúrslit keppninnar. Leikurinn var þó jafnari framan af en lokatölurnar gefa til kynna. Stelpurnar sköpuðu sér nokkur ágætis færi en nýtingin var herfileg. Þá var dómari leiksins ekki starfi sínu vaxinn, gaf varnarmanni Vals einungis gula spjaldið þegar hún felldi Suzanne Malone og hafði af henni augljóst marktækifæri. Olga Færseth spilaði sinn fyrsta leik í sumar og gott að sjá markahrókinn fara af stað aftur en ljóst að hún á talsvert í land ennþá með að komast í gott leikform. Leikmenn IBV verða að líta í eigin barm, nýting færa var ekki boðleg hjá toppliði og það var eins og stelpurnar hefðu ekki trú á því að hægt væri að vinna Val. Gestirnir kláruðu svo leikinn á tveggja mínútna kafla í síðari hálfleik þegar þær skoruðu tvö mörk í röð en lokatölur urðu 1:6. „Þegar maður er að spila á móti jafn góðu liði og Valur er, verður maður að hafa ákveðna hluti með sér," sagði Sigurlás Þorleifsson þjálfari IBV eftir leikinn í samtali við Fréttir. „Við hefðum getað komist yfir í upphafi og dómarinn hefði átt að veifa rauða spjaldinu stuttu síðar. Línuvörðurinn fór afar illa með okkur í ein þrjú skipti, bara í fyrri hálfleik og þegar þú hefur ekki þessa hluti með þér þá verður leikurinn auðvitað mjög erfiður. Valur er með dúndurgott lið og það er alltaf mjög erfitt að lenda undir gegn þeim. En við vorum að skapa okkur tækifæri og hefðum jafnvel getað skorað 4-5 mörk en sigur Valsmanna var að mínu mati sanngjarn." . Mark ÍBV: Bryndís Jóhannesdóttir.

=== '''Sjötíu Eyjapeyjar á ferð''' ===
Síðustu vikur hafa ungir Eyjapeyjar tekið þátt í stórum knattspyrnumótum á fastalandinu og samtals voru þetta um sjötíu strákar. Fimmti flokkur karla tók þátt í Essomótinu á Akureyri en þeir Kristján Georgsson og Smári Jökull Jónsson eru þjálfarar flokksins. Kristján sagði að þó árangurinn hafi kannski ekki verið sem bestur þá hafi verið mikið fjör á Akureyri. ''„Það skiptir ekki minna máli að strákarnir skemmti sér og að þetta sé gaman. Veðrið var líka fínt á meðan mótinu stóð og þetta var stór hópur sem var þarna, um 40 strákar."'' A-liðið endaði í 22. sæti í mótinu, B-liðið i 24., C-liðið í 31., D-liðið í 28. og E-liðið endaði í 26. sæti mótsins. Þá var u Lottomótið á Akranesi en það mót er fyrir sjötta flokk drengja. Um þrjátíu strákar frá Eyjum fóru á mótið og skemmtu sér vel. Kristján og Smári Jökull eru sömuleiðis þjálfarar sjötta flokks og Kristján sagði að eins og á Akureyri hefði verið mjög gaman hjá Eyjastrákunum. ''„Þetta gekk bara þokkalega hjá okkur enda eru þetta skemmtilegir strákar eins og í fimmta flokki. Það var reyndar leiðindaveður fyrsta daginn en það fór batnandi þegar leið á mótið. Þetta eru strákar á aldrinum sjö til átta ára og leikgleðin í fyrirrúmi. Við fengum líka einn bikar fyrir að vera prúðasta liðið en annars var árangurinn ágætur og strákarnir sýndu miklar framfarir."''

=== '''Þrír frá ÍBV í ÍR''' ===
Þrír ungir leikmenn ÍBV í handbolta, hafa ákveðið að yfirgefa félagið og leika með ÍR næsta vetur. Þetta eru þeir Benedikt Steingrímsson, Halldór Sævar Grímsson og Leifur Jóhannesson en allir gengu þeir upp úr öðrum flokki síðasta vetur. Benedikt er á leið í nám en þeir Halldór og Leifur sjá fram á fleiri tækifæri hjá ÍR.

=== '''Nýr leikmaður''' ===
ÍBV hefur samið við Danann Rune Lind, tvítugan alhliða leikmaður sem hefur leikið 24 landsleiki með U-17 og U-18 ára landsliðum Danmerkur og skorað fjögur mörk. Rune þykir tæknilega góður.

=== '''Veraldarvinir á Þjóðhátíð''' ===
Hópur ungs fólks víðsvegar úr heiminum hefur boðað komu sína annað árið í röð á Þjóðhátíð í Vestmannaeyjum. Þetta þætti varla fréttaefni nema fyrir þær sakir að um er að ræða Veraldavini, sem er alþjóðlegt verkefni þar sem ungt fólk fer um heiminn og sinnir samfélagslegri vinnu að kostnaðarlausu. Hópurinn kom til Eyja á síðasta ári í fyrsta sinn og var þá til aðstoðar yfir Þjóðhátíðina. Mikil ánægja var bæði innan hópsins og hjá forráðamönnum ÍBV með aðstoðina og var því afráðið að koma fyrr í ár, taka þátt undirbúningnum auk þess að vera ÍBV innan handar yfir Sjálf þjóðhátiðna. Um er að ræða 17 manna hóp og eina sem félagð þarf að gera er að finna gestingu handa þeim, annars eru þau á eigin vegum.

=== '''Eiga ÍBV og Sýn samleið?''' ===
Jón Óskar Þórhallsson hefur tekið saman tekjur félaga í efstu deild í knattspyrnu karla af beinum sjónvarpsútsendingum Sýnar, sem hefur einkarétt á Landsbankadeildinni. Á tölunum sést að ÍBV hefur aldrei átt upp á pallborðið hjá forráðamönnum stöðvarinnar en af þeim sjö liðum sem hafa verið síðustu þrjú ár í deildinni er ÍBV með fæsta leiki og minnstu tekjurnar. Af þeim sjö liðum sem hafa verið í efstu deild öll þrjú síðust ár er IBV í neðsta sæti með fjölda leikja sem ratað hafa í útsendingar Sýnar, aðeins fimm leikir. Næstir koma Framarar með sex leiki en Safamýrarliðið hefur verið í fallbaráttunni síðustu ár og því væntanlega ekki eins spennandi sjónvarpsefni. Eyjamenn voru hins vegar í harðri toppbaráttu í fyrra og þá voru sýndir 3 leikir með ÍBV. Þótt ótrúlegt megi virðast þá er KR með flesta leiki sem eru sýndir á Sýn, samtals nítján leikir á síðustu þremur árum eða 18% allra leikja. Næst koma FH með 14% leikja, eða 15 leiki og svo Fylkir og IA með 13% eða 13 leiki.

=== '''Alltaf gaman á Bryggjudegi ÍBV''' ===
Bryggjudagur ÍBV er skemmtilegt fyrirbrigði og góð tilbreyting í bæjarlífinu, ekki síst vegna þess að þarna gefst tækifæri á að fá nýjan fisk í soðið. Það er því alltaf tilhlökkunarefni þegar bryggjudagur nálgast. Íþróttahreyfingin í Vestmannaeyjum er öflugt fyrirbrigði, dregur til sín fleiri ferðamenn til Eyja en nokkur annar og engir staldra lengur við en einmitt þeir sem koma fyrir hennar tilstilli. Þetta er reyndar útúrdúr en það er ekki í annan tíma en á Bryggjudeginum að Eyjamönnum gefst tækifæri á að fá nýjan físk í soðið. Það var því handagangur í öskjunni þar sem fólk fjölmennti í tjaldið á Binnabryggjunni framan við Eimskip. Þar stóð Valtýr, slorugur upp fyrir olnboga, og flakaði fyrir þá sem sem það vildu. En það var fleira en nýmeti á boðstólnum, þarna var líka reyktur lundi, saltfiskur, vestfirskur harðfiskur og fleira góðgæti sem margir keyptu í kílóatali. Fyrir þá sem vildu slappa af eftir innkaupin var boðið upp á vöfflur með rjóma og svo mætti Helga Björk í tjaldið og tók nokkur lög.

=== '''Glæsilegur árangur Eyjastúlkna''' ===
Stelpurnar í ÍBV urðu sigursælar í Símamótinu sem fór fram í Kópavogi en mótið er gamla Gull og Silfurmótið og er eitt stærsta knattspyrnumót landsins fyrir stelpur. Um 1500 stúlkur víðs vegar af landinu komu saman í Kópavogi og öttu þar kappi en leikið var frá sjöunda og upp í þriðja flokk. Um 120 manna hópur stelpna, þjálfara og fararstjóra var á mótinu frá IBV, þar af rúmlega 100 stelpur í fjórða, fimmta, sjötta og sjöunda flokki. Stelpunum gekk mjög vel og komu þær heim með þrenn verðlaun. C-lið fimmta flokks lenti í öðru sæti eftir jafntefli, 1:1 á móti KR sem endaði í fyrsta sæti eftir hlutkesti en þess má til gamans geta að flokkurinn tapaði ekki leik á mótinu en tapaði hins vegar á hlutkesti. Stelpurnar í A-liði fjórða flokks gerðu sér svo lítið fyrir og sigruðu og það sama gerðu stelpurnar í IBV Bl í fjórða flokki. Kristján Georgsson þjálfar fimmta flokkinn og Smári Jökull Jónsson er með fjórða flokkinn. „Mótið tókst bara mjög vel og allir voru ánægðir með þetta," sagði Kristján þegar Fréttir slógu á þráðinn til hans. „Reyndar hefðum við kannski vilja fá fleiri leiki úti en mótið er orðið mjög stórt og kannski erfiðara í skipulagningu. Annars voru stelpurnar til fyrirmyndar, bæði innan vallar sem utan. Og það má auðvitað ekki gleyma þætti foreldrana. Þeir hafa staðið sig frábærlega fyrir ÍBV undanfarnar vikur enda hefur verið í nógu að snúast og við hér hjá ÍBV þökkum þeim kærlega fyrir veitta aðstoð," sagði Kristján að lokum.

=== '''Fyrsta stigið á útivelli''' ===
Eyjamenn sóttu Keflavík heim en fyrir leikinn höfðu strákarnir ekki fengið stig á útivelli. Talsvert rok setti mark sitt á leikinn og léku Eyjamenn undan vindinum í fyrri hálfleik. Eyjamenn urðu fyrir áfalli strax á nítjándu mínútu þegar Steingrímur Jóhannesson þurfti að fara af velli vegna meiðsla í hné. Hann hafði stuttu áður þurft að fá aðhlynningu vegna sömu meiðsla en hnéð virtist eitthvað gefa sig fjórum mínútum síðar. Andri Ólafsson komst næst því að skora fyrir ÍBV þegar hann átti skalla í stöng og út á 21. mínútu en eina mark fyrri hálfleiks gerðu heimamenn út vítaspyrnu, sem var reyndar af ódýrari tegundinni. Sóknarmaður Keflvfkinga komst í skotfæri og Bjarni Hólm renndi sér fyrir hann þannig að sóknarmaðurinn sparkaði í boltann og svo Bjarna sem var dæmdur brotlegur og vítaspyrna dæmd. Keflvíkingar skoruðu úr spyrnunni og voru yfir í hálfleik 1:0. Það tók ÍBV ekki nema tvær mínútur að jafna. Reyndar fór boltinn inn af varnarmanni Keflvíkinga eftir að markvörður þeirra hafði varið fast skot Atla Jóhannssonar. Eftir það sóttu Keflvíkingar meira og uppskáru mark á 67. mínútu. En Pétur Óskar var mjög hættulegur í framlínu ÍBV og loks gekk allt upp hjá honum níu mínútum fyrir leikslok þegar hann jafnaði metin með ágætu marki og lokatölur 2:2.

=== '''Náðu fram hefndum''' ===
ÍBV vann skyldusigur gegn FH í Landsbankadeild kvenna þegar liðin mættust í Eyjum. IBV lék ekki sinn besta leik í sumar, fékk talsvert af færum í fyrri hálfleik sem ekki nýttust og mörg hver algjör dauðafæri. Það voru aðallega Hólmfríður Magnúsdóttir og Bryndís Jóhannesdóttir sem áttu í erfiðleikum með að stýra boltanum. Þær gerðu yfirleitt allt rétt nema þegar kom að því að setja boltann í netið, þá hrökk allt í baklás. ÍBV var mun sterkari aðilinn í fyrri hálfleik en uppskar ekki mark og því jafnt í hálfleik, 0:0. Síðari hálfleikur var svipaður og sá fyrri, ÍBV sótti nánast látlaust en uppskar ekki samkvæmt því. Þó litu tvö mörk dagsins ljós, fyrst skoraði markahrókurinn Olga Færseth sitt fyrsta mark í sumar og er gaman að sjá þennan sterka leikmann komast á ferðina aftur. Þá skoraði Bryndís skondið mark, sendi fyrir markið og boltinn sveif yfír markvörð gestanna og inn í markið. Dálítið í stíl Bryndísar, klikkar á dauðafærum en skorar svo lengst utan af kanti. Stelpurnar náðu því að hefna fyrir óvænt tap gegn FH fyrr um sumarið.

=== '''Andlausir í Evrópukeppninni''' ===
Eyjamenn léku ekki vel gegn færeyska liðinu B-36 þegar liðin mættust í Eyjum. Aðstæður voru frábærar, sól og blíða og hægur vindur þó svo að þoka hafi sest yfir Eyjarnar í síðari hálfleik þá var vel hægt að leika góða knattspyrnu. En það var eins og leikmenn ÍBV hefðu verið áhugalausir eða þreyttir gegn Færeyingunum sem voru mun sterkari fyrstu mínúturnar. Þeir komust yfir strax á sjöttu mínútu með slysalegu marki en Pétur Óskar jafnaði fimmtán mínútum síðar. Síðari hálfleikur var svo með því daufara sem sést hefur á Hásteinsvellinum í sumar liði og hvorugu liðinu tókst að skora og lokatölur því 1:1.

=== '''Tíu marka tap hjá stelpunum''' ===
Annar flokkur karla lék gegn Grindavík en leikur liðanna fór fram í Grindavík. Lokatölur leiksins urðu 5:1 fyrír Grindavík en staðan í hálfleik var 2:1. ÍBV er í næst neðsta sæti C-deildar en á inni tvo leiki og gæti farið upp í miðja deild með sigri í þeim. Annar flokkur kvenna tapaði stórt í bikarkeppninni þegar liðið lék gegn Fylki en leikurinn fór fram í Árbænum. Lokatölur urðu 10:0 eftir að staðan í hálfleik hafði verið 5:0 og þarf varla að taka það fram að ÍBV féll þar með úr leik í keppninni. Þriðji flokkur karla lék þrjá leiki á einni viku. Fyrst gerðu strákarnir 3:3 jafntefli gegn HK á útivelli og skoraði Gauti Þorvarðarson tvö mörk fyrir ÍBV og Guðjón Ólafsson eitt. Strákarnir léku svo tvisvar gegn Þór frá Akureyri en leikirnir fóru fram á hlutlausum velli á höfuðborgarsvæðinu. Þór hafði betur í báðum leikjunum, vann fyrst 3:2 og svo 3:1. Þriðji flokkur kvenna gerði 3:3 jafntefli á útivelli gegn Fjölni en liðin eru bæði um miðja A-deild. Fjórði flokkur karla var líka á ferðinni. A-liðið vann Álftanes 0:8 og B-liðið tapaði fyrir ÍR 3:1 en leikirnir fóru fram á útivelli. Strákarnir tóku svo á móti Njarðvík í Eyjum. A-liðið tapaði 2:14 og B-liðið 1:8. Fjórði flokkur kvenna vann HK 1:3 á útivelli en mörk IBV skoruðu þær Eva María Káradóttir, Andrea Káradóttir, Kristín Erna Sigurlásdóttir. Fimmti flokkur karla tók á móti HK. A-Iiðið vann 4:1, B-liðið tapaði 2:5, C-liðið vann 8:3 en D-liðið tapaði 1:6.

=== '''Ósanngjarnt tap''' ===
Íslandsmeistarar FH komu í heimsókn til Eyja en fyrir leikinn höfðu meistararnir ekki tapað stigi í Islandsmótinu. Í leikslok máttu þeir þakka sínum sæla að hafa unnið leikinn eftir að hafa verið manni færri allan síðari hálfleikinn. Lokatölur urðu 0-1 fyrir FH. FH-ingar voru sterkari fyrstu mín- úturnar en svo jafnaðist leikurinn. Það var í raun ótrúlegt að horfa og heyra til leikmanna og forráðamanna FH, þjálfararnir tveir stöðugt að tuða í dómurum leiksins og leikmenn virtust hafa allt á hornum sér. Ef Iið eins og ÍBV leyfði sér slíka háttsemi, þá væri þunnskipaður hópur Eyjamanna enn fámennari og í raun ótrúlegt hvað Islandsmeistararnir komust upp með. Stuðningsmenn FH-liðsins eiga þó hrós skilið fyrir frábæran stuðning og stöðugan á meðan leik stóð. Það var ánægjulegt að sjá ungu leikmennina í liði IBV í leiknum. Anton Bjarnason spilaði eins og hann hefði ekki gert annað en þetta var fyrsti leikur hans í efstu deild. Eyjamenn urðu fyrir mikli áfalli þegar Birkir Kristinsson, fyrirliði IBV þurfti að fara af leikvelli eftir aðeins 22 mínútna leik eftir glórulausa tæklingu Davíðs Þórs Viðarssonar sem mátti teljast ljónheppinn að fá aðeins gula spjaldið fyrir vikið. En Hrafn Davíðsson leysti Birki af hólmi og stóð sig feikivel, greip vel inn í og verður ekki sakaður um markið sem FH-ingar skoruðu. En þrátt fyrir hetjulega baráttu þá var niðurstaðan tap, FH-ingar höfðu meistaraheppnina með í farteskinu en aftasti varnarmaður þeirra, Ásgeir Ásgeirsson brá sér í sóknina, skaut í Bjarna Hólm Aðalsteinsson, varnarmann IBV og af honum sveif boltinn yfir Hrafn og í netið. Ekkert minna en meistaraheppni. Leikmenn IBV mega vera vonsviknir með leikinn enda áttu þeir í það minnstaskiliðjafntefli. En þeir náðu ekki að nýta sér það að vera manni fleiri í síðari hálfleik, skorti stundum þolinmæði til að láta boltann ganga innan liðsins og reyndu of oft að stinga boltanum fram á Andrew Sam, sem á talsvert í land í að verða framherji í úrvalsdeildarklassa.

=== '''Hólmfríður og Elín Anna í landsliðum''' ===
Elín Anna Steinarsdóttir var eini leikmaður ÍBV sem var í leikmannahópi íslenska kvennalandsliðsins í knattspyrnu sem lék gegn þvf bandaríska. Íslenska liðið tapaði 3-0 en margir af sterkustu leikmönnum íslands voru fjarverandi enda aðeins um vináttulandsleik að ræða. Hólmfríður Magnúsdóttir og Margrét Lára Viðarsdóttir eru um þessar mundir með íslenska U-21 árs landsliðinu á opna Norðurlandamótinu sem fram fer í Svíþjóð. Íslenska liðið endaði í þriðja sæti í sínum riðli og leikur um fimmta sætið. Hólmfríður og Margrét skoruðu tvö mörk hvor í 4:2 sigri á Dönum í síðasta leik íslenska liðsins í riðlakeppninni.

=== '''3. flokkur féll úr bikarnum''' ===
3. flokkur karla lék gegn Fylki í Eyjum í bikarkeppninni í lok júlí. Leiknum lyktaði með sigri gestanna, 0:2 en bæði mörkin komu í fyrri hálfleik. Fjórði flokkur karla sótti Gróttu heim, A-liðið tapaði 6:1 og B-liðið tapaði 4:0. Fimmti flokkur karla lék gegn Haukum í Hafnarfirði. A-liðið tapaði 3:1, B-liðið 8:1, C-Iiðið 3:2 og D-liðið tapaði 10:1. Fimmti flokkur kvenna tók á móti Keflavík þar sem A-liðið vann sinn leik 3:1 og B-liðið vann 2:0 en C-liðið tapaði 0:2.

=== '''Voru níu inná í lokin''' ===
Það var vitað mál að ÍBV ætti erfitt verkefni fyrir höndum í Evrópukeppninni eftir að hafa aðeins náð jafntefli á heimavelli en Eyjamenn sóttu B-36 heim í lok ágúst. Lokatölur urðu 2:1 fyrir Færeyingana sem unnu samtals 3:2 og eru komnir áfram í Evrópukeppninni, fyrst liða í færeyskri knattspyrnusögu. Færeyingarnir byrjuðu leikinn af krafti og skoruðu eftir aðeins 40 sekúndur eftir varnarmistök ÍBV. Heimamenn héldu áfram að pressa á leikmenn ÍBV og spiluðu mjög fast sem virtist fara í taugarnar á leikmönnum IBV Atli Jóhannsson, sem byrjaði leikinn í framlínunni, átti góða rispu undir lok fyrri hálfleiks við vítateig B-36 sem endaði með því að þeir brutu á honum og Eyjamenn fengu aukaspyrnu. Ian Jeffs skoraði beint úr aukaspyrnunni en þetta var eitt af fáu markskotum ÍBV í fyrri hálfleik en jafnt var í hálfleik 1:1. Síðari hálfleikur fór ekki vel af stað, heimamenn skoruðu fljótlega og stuttu síðar fékk Ian Jeffs rauða spjaldið. Pétur Óskar Sigurðsson hlaut sömu örlög undir lok leiksins og ljóst að IBV var á leið úr keppninni. Guðlaugur Baldursson, þjálfari IBV, sagði það vera mikil vonbrigði að komast ekki áfram í samtali við Fréttir. „Það var mikið áfall að fá á sig mark strax á fyrstu mínútunni en það verður að segjast eins og er að þeir náðu mun meiri pressu á okkur en við á þá, þeir voru grimmari og við náðum aldrei að losa okkur út úr því. Þó við værum orðnir einum færri og marki undir í seinni hálfleik fannst mér við alveg eiga möguleika. Aðstoðardómarinn kláraði þetta svo fyrir okkur. Pétur Óskar og varnarmaður B-36 áttust eitthvað við, Pétur togaði eitthvað í löppina á honum sem var mjög saklaust. Þeir voru hættir og búnir að takast í hendur en þá flaggaði aðstoðardómarinn og vildi fá Pétur útaf, sem var auðvitað algjört rugl. Eftir það áttum við ekki möguleik en reyndum samt, fækkuðum í vörninni en það gekk ekki."

== '''ÁGÚST:''' ==

=== '''Vel heppnuð þjóðhátíð''' ===
Þjóðhátíðin er sterk upplifun með brennunni á Fjósakletti, flugeldasýningunni, Brekkusöngnum og líka hvítu tjöldunum og vinalegu viðmóti heimamanna sem bjóða alla velkomna. Þá má ekki gleyma því sem fram fer í tjöldunum, á daginn er kaffi og með því í hverju tjaldi og um nóttina er söngur og gleði fram á morgun. Og það er sama hvernig viðrar, ekkert stöðvar hinn sanna þjóðhátíðarmann. Þjóðhátíðarnefnd leggur áherslu á að skemmta öllum aldurshópum og er með myndarlega barnadagskrá alla dagana. Hún var vönduð eins og ávallt og í nokkuð föstum skorðum. Það er helst að þáttur Leikfélags Vestmannaeyja stækki á milli ára og er það vel enda skemmtilegt krydd í Þjóðhátíðarstemmninguna að fá stutt leikrit við litla pallinn. Leikritin voru skemmtileg og eins og góðum bamaleikritum ber, með boðskap og um allt það sem má og ekki má. Félagar úr Leikfélaginu stóðu sig vel, voru á öllum aldri og tókst vel að ná til barnanna. Brúðubíllinn hefur alltaf mikið aðdráttarafl og á föstudeginum, þegar veðrið lék við þjóðhátíðargesti, voru áhorfendur rúmlega þrjú hundruð talsins. Ekki þarf að fjölyrða um sýningu Brúðubílsins enda ávallt boðið upp á skemmtilegar og líflegar sýningar, sérsniðnar fyrir yngstu þjóðhátíðargestina. Fimleikafélagið Rán sýndi svo listir sínar og stóðu krakkarnir sig mjög vel þrátt fyrir oft á tíðum erfiðar aðstæður. Einnig stóð Ungmennafélagið Óðinn fyrir boðhlaupi. Hljómsveitin Dans á rósum sá svo um barnaskemmtunina en það hefur verið hlutverk sveitarinnar undanfarin ár og eru Dansmennimir orðnir vel sjóaðir í að skemmta börnunum. Auk þess var söngkeppni Þjóðhátíðarinnar á þeirra vegum og gaman að sjá hversu vel tekst til að fá börnin til að syngja fyrir fjölmenni. Flestir af þeim sem eldri eru myndu ekki þora fyrir sitt litla líf að hefja upp raustina á stóra sviðinu en þessar hetjur fóru létt með það og voru atriðin öll afar lífleg og skemmtileg. Sigurvegararnir voru þær Arna Hlín Ástþórsdóttir, 11 ára en hún sigraði í eldri hópnum. Hulda Kristín Kolbrúnardóttir, 8 ára bar svo sigur úr býtum í yngri hópnum en alls voru keppendur 32 talsins. Í hugum margra er sunnudagskvöldið hápunktur Þjóðhátíðar og það brást ekki að þessu sinni. Dagskráin hófst um níu leytið með stelpuhljómsveitinni Vagínas sem stóð vel fyrir sínu. Þá tóku við þekktari nöfn eins og Dans á rósum, Í svörtum fötum, Skímó og loks Bubbi sem átti hvert bein í þeim 8000 til 9000 manns sem voru samankomin í brekkunni. Varðeldurinn og brekkusöngur Áma Johnsen tók við og hápunkturinn þar var Ó, Guðs vors land sem hljómaði um Dalinn í þúsund radda kór. Loks voru það nokkrir söngvarar sem stigu á svið og sungu þjóðhátíðarlagið, Lífið er yndislegt og þeir voru ekki margir í brekkunni sem ekki sungu með. Það var fyrir nokkrum árum að sá skemmtilegi siður var tekinn upp að tendra blys í brekkunni um miðnætti á sunnudagskvöldinu. Þau eru jafn mörg og aldur þjóðhátíðar segir til um hverju sinni og þess vegna voru þau 131 í ár. Þau varpa skemmtilegri birtu á Dalinn, ekki síst í góðu og stilltu veðri eins og var á sunnudagskvöldið og aðfaranótt mánudagsins. Á eftir var kveikt á jafnmörgum friðarkertum sem í stillilogni loguðu fram á morgun. Var það vel við hæfi því örugglega eru flestir mættir til að skemmta sjálfum sér og öðrum.

=== '''8400 manns á Þjóðhátíð''' ===
Samkvæmt þeim tölum þeirra sem annast fólksflutninga til og frá Eyjum má gera ráð fyrir að gestir Þjóðhátíðarinnar hafi verið um 8400. Alls voru fluttir 1766 farþegar með flugi, 921 með Landsflugi og 845 með Flugfélagi Vestmannaeyja. Með Herjólfi voru fluttir 3200 manns og gera má ráð fyrir hátt í 3000 Eyjamönnum á Þjóðhátíð. Samtals eru þetta 8366 manns. Dornier-vél Landsflugs bilaði fyrir Þjóðhátíð en þá var gripið til þess að leigja þotu Atlantic Airways, sem tekur 92 farþega og lenti hún í Eyjum á föstudag.

=== '''Biður Hreim afsökunar''' ===
Árni Johnsen hefur sent frá sér yfirlýsingu vegna atviks á stóra sviðinu á sunnudagskvöldið þegar slá í brýnu milli hans og Hreims Heimissonar. Hreimur segist taka afsökunarbeiðnina til greina en segir að þeim beri á milli um hvað raunverulega gerðist. Yfirlýsing Arna: -Vegna fréttaflutnings af atviki á Brekkusviði á Þjóðhátíð í Herjólfsdal í Eyjum í lok vel heppnaðrar Þjóðhátíðar og brekkusöngs s 1. sunnudagskvöld, vill undirritaður gefa eftirfarandi yfirlýsingu: Vegna misskilnings á milli fulltrúa í Þjóðhátíðarnefnd og kynnis sem jafnframt er dagskrárstjóri ásamt Þjóðhátíðarnefnd og stjórnandi Brekkusöngs, var kynni ekki kunnugt um að hópur söngvara úr dagskrá Þjóðhátíðarinnar, ætti að syngja kveðjulag að loknum brekkusöng, en venjan er að þegar brekkusöng lýkur með íslenska þjóðsöngnum, standi allir þjóðhátíðargestir upp í brekkunni eins og vera ber og síðan er kveikt á blysum um hálfan Herjólfsdal og flugeldum skotið upp að því loknu. Lagið sem hópurinn söng kom hins vegar strax á eftir brekkublysunum eða um tveimur mínútum eftir að brekkusöng lauk. Þá var enn verið að slökkva í varðeldinum og hreinsa leyfar varðeldsins af danspalli Brekkusviðsins og fullbúinn slökkviliðsbíll var á danspallinum beint fyrir framan sviðið og skyggði á það. Þá snaraði kynnir sér upp á svið og ætlaði að hliðra til þessu atriði sem var ekki á dagskrá hans sem kynnis, en þetta taldi hann nauðsynlegt af öryggisástæðum, því venjan er sú að um leið og dagskrá byrjar aftur á upplýstu Brekkusviðinu eftir brekkusöng með sviðið myrkvað, þá flykkist unga fólkið á danspallinn og ef slíkt hefði hent með pallinn óhreinsaðan og slökkviliðsbíllinn við sviðið hefði mikil hætta getað skapast. Þegar kynnir þreif síðan í hita leiksins í þröng á sviðinu til hljóðnema af þessum sökum að loknum flutningi kveðjulags rakst hann slysalega á Hreim söngvara sem kom að hljóðnemanum í sömu mund. Það var því síður en svo ásetningur að bregða Hreimi söngvara. Þjóðhátíðarkynni er ljúft að biðja Hreim afsökunar á þessum óvænta árekstri og reyndar gerði hann það einnig á Brekkusviðinu þegar atvikið átti sér stað. Dagskrá Þjóðhátíðar Vestmannaeyja er metnaðarfull og margslungin og stundum þarf að grípa skjótt í taumana á 10 þúsund manna hátíð, en þá er hætta á hnökrum sem alltaf hefur verið hægt að leiðrétta sem betur fer. Undirritaður harmar að þetta atvik skyldi koma upp eins og skrattinn úr sauðaleggnum, en við félagar Hreimur Örn Heimisson söngvari erum sammála um að þetta mál sér úr heiminum í fullri sátt. Það hefur Hreimur staðfest eftir samtal mitt við hann um þetta bréf. Hittumst í Herjólfsdal að ári. Árni Johnsen kynnir og dagskrárstjóri á Þjóðhátið Vestmannaeyja.

=== '''Sáttur en ósammála''' ===
Hreimur sagði í samtali við Fréttir að hann taki afsökunarbeiðni Árna góða og gilda en hann segist ekki sammála honum um málsatvik. „Ef einhver hefur náð þessu á myndbandi þætti mér vænt um að fá að sjá það," sagði Hreimur.

'''Þjóðhátíðarnefnd fundaði um málið'''Vegna Árna Johnsen og Hreims Vestmannaeyjum 5. ágúst 2005. Þjóðhátíð Vestmannaeyja var fyrst haldin fyrir 131 ári. Hátíðin er stór menningarviðburður sem dregur að sér fjölda gesta og skiptir miklu máli í íþrótta-, menningar- og viðskiptalífi Vestmannaeyinga. Þjóðhátíð byggir á miklu og óeigingjörnu framlagi félaga í ÍBV við undirbúning og framkvæmd hátíðarinnar og góðu og traustu samstarfi við starfsmenn, lögreglu og þjónustuaðila. Hún er því rík ábyrgð þjóðhátíðarnefndar sem hefur með höndum undirbúning, skipulag og stjórn hátíðarinnar í umboði aðalstjórnar félagsins. Þjóðhátíðarnefnd ræður alla starfsmenn á hátíðina, launaða sem ólaunaða, en í ár voru þeir ríflega 740 talsins. Listamenn sem fram koma eru mikilvægir starfsmenn Þjóðhátíðarnefndar. Á Þjóðhátíð 2005 komu fram liðlega 150 listamenn. Þjóðhátíðarnefnd færir þeim þakkir fyrir gott og ánægjulegt samstarf. Þjóðhátíðarnefnd harmar þá uppákomu sem varð á Brekkusviðinu á sunnudagskvöldinu og biður Hreim Örn Heimisson afsökunar á framferði annars starfsmanns gagnvart honum umrætt kvöld. Hreimur Örn Heimisson hefur reynst öflugur starfsmaður Þjóðhátíðarnefndar um árabil. Störf hans verðskulda eingöngu virðingu og þakklæti.

''Þjóðhátíðarnefnd, Magnús Birgir Guðjónsson Páll Scheving Ingvarsson Tryggvi Már Sœmundsson''

=== '''Þrír Eyjamenn í landsliðshópnum''' ===
Ísland mætir Kólombíu 17. ágúst næstkomandi á Laugardalsvelli en Ásgeir Sigurvinsson og Logi Ólafsson, landsliðsþjálfarar hafa tilkynnt landsliðshóp sinn. Þar má finna Eyjapeyjana Hermann Hreiðarsson, Gunnar Heiðar Þorvaldsson og Tryggvi Guðmundsson.

=== '''Réðu ekki við toppliðið''' ===
ÍBV sótti heim topplið Landsbankadeildarinnar, Breiðablik. Þetta var fyrsti leikur IBV í um þrjár vikur en hlé var gert á deildarkeppninni vegna opna Norðurlandamóts U-21 árs landsliðsins og landsleikja A-liðsins gegn Bandaríkjunum. Þrátt fyrir ágætis baráttu hjá IBV endaði leikurinn með tveggja marka sigri Breiðabliks, 3:1. Leikurinn fór reyndar ekkert sérstaklega vel af stað fyrir IBV, Guðlaug Jónsdóttir kom heimaliðinu yfir strax á þriðju mínútu en markamaskínan Olga Færseth jafnaði fyrir ÍBV aðeins fjórum mínútum síðar og allt útlit fyrir fjörugan leik. Fleiri urðu mörkin þó ekki í fyrri hálfleik þó að leikmenn IBV hafi fengið nokkur ágætis færi til að skora og staðan því 1:1 í hálfleik. Í síðari hálfleik tóku heimastúlkur svo völdin á vellinum og Guðlaug bætti við tveimur mörkum fyrir sitt lið og tryggði Breiðabliki 3:1 sigur. Staða IBV hefur ekki verið jafn slæm lengi og er þá ekki aðeins átt við deildarkeppnina því leikmannahópur liðsins er orðinn ansi þunnskipaður. Þannig voru aðeins tveir varamenn hjá IBV, þar af var Sara Sigurlásdóttir önnur þeirra en hún kemur ekki til með að spila í sumar vegna meiðsla.

=== '''Ingibjörg Jónsdóttir spilar með ÍBV í vetur''' ===
Handboltalið IBV eru nú byrjuð á fullu í undirbúningi sínum fyrir komandi tímabil. Bæði karla- og kvennalið misstu marga af leikmönnum síðasta tímabils. Karlaliðið hefur misst eina tíu leikmenn og flestir þeirra voru í og við byrjunarliðið. Kvennaliðið hefur einnig misst sterka leikmenn, alls sex sem voru í og við byrjunarliðið. En nýir leikmenn eru Ólafur Víðir Ólafsson og Björgvin Páll Gústavsson sem komu frá HK en Ólafur er leikstjórnandi og Björgvin Páll, framtíðar landsliðsmarkvörður. Auk þess hafa þeir Mladen Cacic, frá Bosníu og Goran Kuzmanoski, 23 ára Makedóni gengið í raðir ÍBV. Cacicer örvhent skytta en Kuzmanoski er rétthent skytta. Þá eru á leiðinni til Eyja tveir tékkneskir leikmenn, línumaður og hornamaður. Þeir leikmenn sem voru með á síðasta tímabili en ekki spila með núna eru m.a. Tite Kalandaze Sigurður Ari Stefánsson, Kári Kristján Kristjánsson, Samúel Ívar Árnason, Roland Eradze. Í kvennaboltanum er það helst að frétta að Ingibjörg Jónsdóttir hefur ákveðið að vera með á fullu í vetur og er það gríðarlegur styrkur fyrir ÍBV Þá hafa tveir erlendir leikmenn gengið í raðir ÍBV, þær Simona Vintela, 25 ára rúmenskur leikmaður sem getur spilað allar stöður fyrir utan og Pavla Plaminkova, 26 ára rétthent skytta.

=== '''3. flokkur lagði Keflavík''' ===
3. flokkur kvenna vann góðan sigur á Keflavík þegar liðin mættust í Eyjum. Gestirnir úr Keflavfk komust tvívegis yfir, 0:1 og svo 1:2 en að lokum tókst Eyjastúlkum að komast yfir og héldu forystunni til leiksloka. Mörk ÍBV skoruðu þær Eva María Káradóttir, Íris Huld Gunnarsdóttir og Svava Kristín Grétarsdóttir. Fimmti flokkur kvenna lék gegn Haukum á útivelli. A-liðið tapaði 2:1 og sömuleiðis B-liðið en C-liðið vann sinn leik 0:3. Fimmti flokkur karla lék gegn Grindavík en leikið var í Grindavík. A-liðið vann sinn leik 0:1, B-liðið tapaði 9:0 og C-liðið tapaði 3:1. D-liðið lék svo síðar um daginn gegn Fylki 2 og tapaði 3:1.

=== '''Eyjamenn áttu meira skilið''' ===
Eyjamenn mættu KR á heimavelli þeirra svarthvítu, bæði lið voru í bullandi fallbaráttu fyrir leikinn, ÍBV í næstneðsta sæti deildarinnar með tíu stig og KR tveimur sætum ofar með þrettán. Stigin þrjú sem voru í boði voru því afar mikilvæg en því miður komu þau öll í hlut KR-inga eftir ósanngjarnan sigur þeirra, 1:0. Annan leikinn í röð fær IBV á sig heppnismark andstæðingsins og bæði mörkin voru keimlík, langskot með viðkomu í varnarmanni og svífur yfir ágætan markvörð IBV, Hrafn Davíðsson. ÍBV fékk svoleiðis mark á sig gegn FH og svo aftur gegn KR en markið kom á 38. mínútu leiksins. Fyrstu mínúturnar höfðu KR-ingar sótt stíft en eftir það jafnaðist leikurinn og voru Éyjamenn síst lakari aðilinn. Í síðari hálfleik fengu Eyjamenn svo mun betra færi en besta færið fékk Daninn Rune Lind þegar hann fékk boltann einn og óvaldaður rétt fyrir utan markteig KR-inga. Á einhvern óskiljanlegan hátt tókst honum að þruma boltanum yfir sem í raun var erfiðara en að hitta markið. Pétur Óskar Sigurðsson komst líka í þokkalegt færi fimm mínútum fyrir leikslok en var aðþrengdur og Kristján Finnbogason varði ágætlega frá honum. Það var augljóst á leik ÍBV að þetta var fyrsti leikur Eyjamanna í langan tíma. Leikmenn virtust vera nokkuð ryðgaðir, sérstaklega til að byrja með og einfaldar sendingar virtust vefjast fyrir mönnum.

=== '''Þrettán marka tap á heimavelli''' ===
Annar flokkur kvenna tapaði illa á heimavelli þegar IBV tók á móti Ernu Þorleifsdóttur og lærimeyjum hennar í Breiðabliki. Blikastúlkur voru mun sterkari og unnu þrettán marka sigur, 0:13. Annar flokkur karla lék gegn Víkingi í Víkinni. Heimamenn höfðu betur, 2:1. Þriðji flokkur kvenna gerði góða ferð á Hlíðarenda þegar þær léku gegn Val. Lokatölur urðu 0:0 en stelpurnar fylgdu svo jafnteflinu eftir með sigri á Haukum á heimavelli, 1:0. Þriðji flokkur karla tapaði á heimavelli fyrir Keflavík, 1:2. Gauti Þorvarðarson kom IBV yfir í seinni hálfleik en gestirnir svöruðu með tveimur mörkum. IBV er í sjötta og þriðja neðsta sæti B-deildar en þrjú neðstu liðin eru í harðri botnbaráttu. Fjórði flokkur karla lék gegn Haukum í Hafnarfirði og höfðu Haukar betur, 4:0. Fimmti flokkur karla lék gegn Gróttu. A-liðið vann sinn leik 3:1, B-liðið gerði jafntefli 1:1 og C-liðið gerði sömuleiðis jafntefli 2:2 en D-liðið tapaði sínum leik 1:5.

=== '''Vill sjá 1000 manns á vellinum''' ===
Karlalið ÍBV tvo mikilvæga leiki á næstu fjórum dögum þegar bæði Grindavík og Þróttur koma í heimsókn . Mikilvægi leikjanna tveggja er gríðarlegt enda öll þrjú liðin á botni deildarinnar og sigur því nauðsynlegur. Það má því segja að örlög ÍBV ráðist í þessum tveimur leikjum . Magnús Kristinsson , útgerðarmaður , gerir sér grein fyrir mikilvægi leikjanna og hefur hann ákveðið að bjóða Eyjamönnum á leikinn gegn Grindavík . „Ég hef haft nokkrar áhyggjur af ÍBV-liðinu í sumar og ákvað því að slá til," sagði Magnús í samtali við Fréttir . ''„Ég var sérstaklega ánægður þegar Viðar Elíasson tók að sér formennsku í knattspyrnuráði , enda duglegur og skynsamur drengur þar á ferð . Hann sló á þráðinn til mín um daginn og við vorum að velta því fyrir okkur hvernig við gætum fengið fólk á völlinn og þá ákvað ég bara að slá til og bjóða Eyjamönnum á völlinn. Við höfum verið að fá rúmlega fimm hundruð manns til þessa en ég vil ekkert minna en þúsund manns á völlinn. Ef það gengur eftir verðum við tólfti og þrettándi maðurinn á vellinum og ef Binni Gísla skutlar fólkinu af elliheimilinu á völlinn þá verðum við fjórtándi maðurinn. Binni sendir mér svo bara reikninginn. "''

=== '''Eyjakonur á lygnum sjó''' ===
Eyjastúlkur tóku á móti Keflvíkingum þar sem ÍBV sigraði þrátt fyrir að hafa tvívegis lent undir í leiknum en lokatölur urðu 4:3. ÍBV vann fyrri leik liðanna örugglega og því kom það flestum í opna skjöldu þegar gestirnir komust yfir strax á fjórðu mínútu. Suzanne Malone jafnaði hins vegar fimm mínútum síðar og var í sama hlutverki undir lok fyrri hálfleiks þegar hún skoraði annað mark IBV en skömmu áður höfðu gestirnir komist yfir með því að skora úr heldur ódýrri vítaspyrnu. Í seinni hálfleik var allt annað að sjá til ÍBV liðsins og fljótlega komst IBV yfir fyrsta sinn í leiknum. En Keflavíkurstúlkur neituðu að gefast upp og jöfnuðu. Elín Anna Steinarsdóttir skoraði svo sigurmarkið tólf mínútum fyrir leikslok og þar við sat. Mörk ÍBV: Suzanne Malone 2, Olga Færseth, Elín Anna Steinarsdóttir.

=== '''Liðsauki í handboltanum''' ===
Til liðs við karlalið ÍBV í handbolta hafa gengið tveir leikmenn frá Tékklandi. Þeir heita Michael Dostalík, 26 ára línumaður og Jan Vtípil, 23 ára hægri hornamaður. Þeir koma báðir frá tékkneska liðinu Házená Brno en þetta þykja þokkalega sterkir leikmenn sem styrkja leikmannahóp IBV talsvert. Þá hefur Renata Kári Horvath, hægri hornamaður, gengið í raðir kvennaliðs IBV en hún kemur frá Ungverjalandi og er 23 ára. Renata lék síðast í Grikklandi og á að baki leiki með yngri landsliðum Ungverjalands og nokkra leiki með A-landsliðinu

=== '''Fleiri áhorfendur''' ===
Samkvæmt talningu forráðamanna ÍBV hafa 718 mætt að meðaltali á þá átta heimaleiki ÍBV í sumar sem er talsverð fjölgun miðað við síðustu ár. Leita þarf aftur til ársins 2001 til að finna álíka mætingu á Hásteinsvöllinn en þá mættu að meðaltali 685 á leikina níu. Þá léku Eyjamenn hreinan úrslitaleik gegn ÍA á Hásteinsvelli og þá mættu 1708 þannig að meðaltalið yfir tímabilið var mun lægra þannig að um verulega fjölgun er um að ræða í ár. Reyndar í neðsta sæti í aðsókn af liðunum tíu en er ekki svo slakt miðað við þær forsendur að færri áhorfendur koma til Eyja á leiki. Flestir mættu á leik ÍBV og Vals eða 1142 og Grindavík, 1016 en fæstir mættu á leik ÍBV gegn Keflavfk, 460 áhorfendur en ennþá er einn heimaleikur eftir.

=== '''Sex stelpur frá ÍBV á úrtaksæfingu''' ===
Úrtaksæfingar hjá landsliði Íslands í handbolta skipað leikmönnum fæddum 1990 og yngri fóru fram í lok ágúst. Sex Eyjastúlkur tók þátt í æfingunum en sjaldan hafa jafn margir frá ÍBV verið á einni landsliðsæfingu í handbolta. Stelpurnar eru þær Andrea Káradóttir, Dröfn Haraldsdóttir, Elísa Viðarsdóttir, Eva Káradóttir, Kristrún Ó. Hlynsdóttir og Nína Björk Gísladóttir.

=== '''Gott gengi yngri flokka''' ===
4. flokkur kvenna hefur staðið sig vel í sumar undir stjórn þjálfara síns Smára Jökuls Jónssonar. Stelpurnar unnu Keflavík á útivelli, 0:6 og enduðu í öðru sæti A-riðils, aðeins þremur stigum á eftir Breiðabliki sem varð í efsta sæti. Mörk ÍBV í leiknum skoruðu þær Eva María Káradóttir 4, Andrea Káradóttir og Kristín Erna Sigurlásdóttir. Þrjú efstu lið riðilsins komust áfram en sem dæmi um yfirburði ÍBV og Breiðabliks í sumar, þá vann ÍBV FH 11:0 en FH endaði í þriðja sæti. Úrslitakeppnin fer fram á Akureyri en þar verður keppt í tveimur riðlum og er IBV í riðli með Þór frá Akureyri og Þrótti úr Reykjavík. Annar flokkur karla sigraði Aftureldingu 2:1 en staðan í hálfleik var 0:0. Eyjamenn voru mun sterkari í fyrri hálfleik en tókst ekki að skora en í þeim síðari voru það gestirnir sem fóru betur af stað og komust yfir. Finnbogi Friðfinnsson, markvörður ÍBV, varði hins vegar víti áður en Egill Jóhannsson jafnaði. Egill skoraði svo sigurmarkið á lokamínútu leiksins. Annar flokkur kvenna tók við sér eftir stórt tap og valtaði yfir FH í sannkölluðum markaleik, 8:4 en staðan í hálfleik var 3:3. Mörk ÍBV skoruðu þær Tanja Björg Sigurjónsdóttir 3, Tanja Tómasdóttir, Aníta Elíasdóttir, Hafdís Guðnadóttir, Eva María Káradóttir, Thelma Sigurðardóttir. Þriðji flokkur karla vann Grindavík á heimavelli í síðustu viku, 6:2 en staðan í hálfleik var 4:0. Mörk ÍBV skoruðu þeir Guðjón Olafsson 3, Gauti Þorvarðarson, Arnór Eyvar Ólafsson og Ingólfur Einisson. Flokkurinn er í sjötta og þriðja neðsta sæti B-deiIdar en mun að öllum líkindum ekki falla um deild. Þriðji flokkur kvenna tapaði á útivelli fyrir HK 3:1 en staðan í hálfleik var 1:1. Þórhildur Ólafsdóttir kom ÍBV yfir í upphafi leiks en stúlkurnar úr Kópavogi svöruðu með þremur mörkum. Fjórði flokkur karla tapaði fyrir Breiðabliki 2 í síðustu viku 1:2 í Eyjum. Blikar komust yfir en Kjartan Guðjónsson jafnaði. Gestirnir komust hins vegar aftur yfir fyrir leikhlé og þar við sat, ekki voru fleiri mörk skoruð í leiknum.

=== '''Mikilvægir sigrar í botnslagnum''' ===
Leikur ÍBV hefur snúist við að undanförnu, sérstaklega í síðustu tveimur leikjum þar sem ÍBV skoraði sjö mörk gegn aðeins einu og vann sér inn sex dýrmæt stig í botnbaráttunni. Fórnarlömbin voru Grindvíkingar og Þróttur sem eru sem stendur í tveimur neðstu sætum deildarinnar. Leikurinn gegn Grindavík var afar vel leikinn af hálfu ÍBV. Leikmenn mættu mjög ákveðnir til leiks og í raun aldrei spurning hvorum megin sigurinn lenti. Allir leikmenn liðsins virtust vera með sitt hlutverk á hreinu, búið var að skipuleggja ákveðin hlaup manna undir ákveðnum aðstæðum og hvernig átti að pressa andstæðinginn. Allt þetta varð til þess að Grindvíkingar áttu fá svör við leik ÍBV og í raun hefði sigur ÍBV átt að vera mun stærri því leikmenn fóru oft á tíðum afar illa með færin. Reyndar náðu Grindvíkingar að sækja nokkuð undir lok leiksins, áttu m.a. skot í slá auk þessað skora eina mark sitt en sigur ÍBV var aldrei í hættu. Lokatölur urðu 5:1 eftir að staðan í hálfleik hafði verið 2:0.

ÍBV lagði svo Þrótt af velli 2-0 þar sem Eyjamenn léku mjög vel. Leikmenn ÍBV byrjuðu af sama krafti og gegn Grindavík og hefðu í raun átt að skora á upphafsmínútunum. Hrafn Davíðsson skaut Eyjamönnum skelk í bringu þegar hann lá óvígur eftir glórulausa tæklingu sóknarmanns gestanna, ekki ósvipað og þegar Birkir Kristinsson meiddist. Sem betur fer reyndust meiðslin ekki eins alvarleg og leit út fyrir í fyrstu. En tvö mörk í fyrri hálfleik dugðu til sigurs og síðari hálfleikur var líklega daufasti hálfleikurinn í leikjunum tveimur enda sjálfsagt farið að draga af Eyjamönnum.

=== '''Eiga möguleika á 3. sætinu''' ===
Eyjastúlkur mættu Val í lok mánaðrins, stelpurnar höfðu verið kjöldregnar af Val fyrr í sumar og búast mátti við erfiðum leik. Fyrirliði ÍBV, Olga Færseth kom ÍBV yfir á 24. mínútu eftir laglegan undirbúning Suzanne Malone. Fleiri urðu mörkin ekki í fyrri hálfleik. En í síðari hálfleik náðu Valsstúlkur að svara með þremur mörkum en Eyjakonan Margrét Lára Viðarsdóttir átti eitt þeirra. ÍBV er enn sem fyrr í fjórða sæti deildarinnar, einu stigi á eftir KR sem er í þriðja sæti en stelpurnar eiga möguleika að hafa sætaskipti við KR en liðin mætast í næsta leik

=== '''Mikilvægt stig í hörkuleik''' ===
Karlalið ÍBV nældi sér í mikilvægt stig í fallbaráttu Landsbankadeildarinnar þegar þeir sóttu Valsmenn heim. Lokatölur urðu 1:1 en leikurinn þótti nokkuð kaflaskiptur. Stigið er Eyjamönnum afar mikilvægt en sem stendur munar aðeins tveimur stigum á ÍBV og Grindavík sem er í fallsæti. Guðlaugur Baldursson, þjálfari ÍBV, varð að gera þrjár breytingar á Eyjaliðinu frá því í síðasta leik og tvær þeirra voru í öftustu varnarlínu. Páll Hjarðar og Andri Ólafsson tóku út leikbann og Pétur Runólfsson, bakvörðurinn knái var veikur. Í stað þeirra komu inn í byrjunarliðið þeir Bjarni Hólm Aðalsteinsson og Adolf Sigurjónsson, sem báðir hafa átt í meiðslum og svo Matthew Platt. Eyjamenn virkuðu hálf taugatrekktir fyrstu mínúturnar og það nýttu Valsmenn sér og komust yfir. En eftir erfiðar upphafsmínútur tóku Eyjamenn við sér og skoruðu ágætt mark undir lok fyrri hálfleiksins en þar var að verki Bjarni Geir Viðarsson. Í síðari hálfleik fengu bæði lið nokkur tækifæri til að skora en gekk ekki og niðurstaðan því jafntefli, nokkuð sanngjörn úrslit. Atli Jóhannsson bar fyrirliðabandið í fyrsta sinn fyrir ÍBV og hann var ánægður með byrjunina á fyrirliðaferlinum. ''„Það var gott að tapa ekki fyrsta leiknum sem fyrirliði og spurning hvort maður haldi ekki bara fyrirliðabandinu. Maður þarf að skjóta því á þjálfarann,"'' sagði Atli í léttum tón. ''„En þetta var hörkuleikur og ég held að jafntefli hafí bara verið sanngjörn úrslit."''

=== '''Misjafnt gengi Karla- og kvennaliða''' ===
ÍBV tók þátt í Reykjavíkurmótinu í handbolta. Karlarnir léku alla leiki sína í Austurbergi en leikir kvennaliðsins fóru flestir fram í Grafarvoginum. Eyjastúlkur tefla fram talsvert breyttu liði í ár en það var samdóma álit þeirra sem fylgdust með keppninni að IBV tefli fram sterkara liði í ár en á sama tíma í fyrra. ÍBV lék í B-riðli ásamt Stjörnunni, HK og Víkingi en stelpurnar unnu alla þrjá leikina nokkuð sannfærandi, Stjörnuna unnu þær 21:13, HK 21:15 og Víking 22:12 og voru þar með komnar í undanúrslit mótsins. Þar léku þær gegn Val og töpuðu þar með fimm mörkum, 14-19. Því léku stelpurnar gegn Haukum um þriðja sætið. Sá leikur endaði með sigri Hauka, 26-27 eftir æsispennandi leik og enduðu Eyjastúlkur því í fjórða sæti. Karlalið ÍBV lék í riðli með Gróttu og Fram. ÍBV tapaði báðum leikjunum, fyrst gegn Gróttu 20:17 og svo gegn Fram 21:15. Það var því hlutskipti Eyjamanna að leika um ellefta og næstneðsta sæti og það gegn Stjórnunni, sem flestir hafa spáð góðu gengi í vetur. Lokatölur leiksins urðu 18:18 og deildu liðin því neðsta sæti mótsins.

=== '''Andri Ólafs í U-21 árs landsliðinu''' ===
Andri Ólafsson hefur vakið verðskuldaða athygli fyrir framistöðu sína í leikjum ÍBV í sumar en í síðustu tveimur leikjum sínum með ÍBV skoraði hann tvö mörk. Hann var hins vegar ekki með gegn Val þar sem hann tók út leikbann en Eyjólfur Sverrisson, þjálfari U-21 árs landsliði Íslands hefur valið hann í leikmannahóp sinn en liðið leikur gegn Króatíu og Búlgörum.

=== '''Rune Rasmussen Lind farinn heim''' ===
Danski miðvallaleikmaðurinn Rune Rasmussen Lind sem leikið hefur með ÍBV í undanförnum leikjum, leikur ekki meira með liðinu í sumar. Lind hefur komið sterkur inn í lið ÍBV en stefnan hjá honum var alltaf að spila í Danmörku í vetur. Félagsskiptaglugginn lokar þar um mánaðamótin og því getur hann ekki leikið meira með ÍBV.

=== '''4. flokkur í úrslitaleikinn''' ===
4. flokkur kvenna lék í úrslitum Islandsmótsins en stelpurnar hafa náð frábærum árangri í sumar undir stjórn Smára Jökuls Jónssonar. Úrslitakeppni Íslandsmótsins fer þannig fram að liðunum sex var skipt í tvo riðla og léku Eyjastúlkur í riðli með Þór Akureyri og Þrótt Reykjavík. Sigurvegarar riðlanna komast svo í sjálfan úrslitaleikinn sem fer fram á ÍR vellinum í september. Eyjastelpur voru ekki í vandræðum með andstæðinga sína, unnu Þrótt 6:0 og Þór 6:1 og eru þar með komnar í úrslitaleikinn. Þar leika þær gegn Breiðabliki sem er eina liðið sem hefur unnið ÍBV í íslandsmótinu til þessa en sjálfsagt ætla stelpurnar að koma fram hefndum. Þá lék C-lið fimmta flokks kvenna einnig í úrslitum íslandsmótsins. IBV tapaði fyrir Breiðabliki 6:1 og á móti Fjölni 2:1 en gerði 2:2 jafntefli gegn KR og komst ekki áfram.

=== '''Frábær leikur íslenska kvennalandsliðsins''' ===
Íslenska kvennalandsliðið í knattspyrnu gerði jafntefli á útivelli gegn Svíum en lokatölur leiksins urðu 2:2. Sænska liðið er eitt sterkasta kvennalið heims um þessar mundir og því glæsileg frammistaða hjá íslensku stelpunum. Margrét Lára Viðarsdóttir var að sjálfsögðu á sínum stað í byrjunarliði íslenska liðsins en þær Elín Anna Steinarsdóttir og Hólmfríður Magnúsdóttir vermdu tréverkið allan leikinn. Margrét skoraði hins vegar síðasta mark leiksins og jafnaði þar með metin.

== '''SEPTEMBER:''' ==

=== '''Þriðja sæti ásættanlegt''' ===
Kvennalið IBV endaði í þriðja sæti Landsbankadeildarinnar en liðið lék tvo síðustu leiki sína gegn KR og Stjörnunni. Leikurinn gegn KR í raun úrslitaleikur um þriðja sætið en leikurinn fór fram í Vesturbænum en þessi lið höfðu barist hart um það í sumar. Eyjastúlkur byrjuðu af miklum krafti og markamaskínan Olga Færseth var búin að skora tvö mörk áður en fyrri hálfleikur var hálfnaður og var IBV yfir í leikhléi 0:2. Heimastúlkur minnkuðu svo muninn fimmtán mínútum fyrir leikslok en Hólmfríður Magnúsdóttir innsiglaði sigur IBV með ágætu marki átta mínútum fyrir leikslok. Þar með var IBV komið upp fyrir KR í deildinni, var í þriðja sæti fyrir lokaumferðina, tveimur stigum á undan KR og síðasti leikurinn var gegn Stjörnunni á heimavelli.

Eyjastúlkur þurftu í raun að vinna síðasta leikinn til að gulltryggja sér þriðja sætið. KR átti reyndar erfiðan leik fyrir höndum því þær sóttu Val heim í síðasta leik. Leikmenn IBV virtust hins vegar ekki hafa mikinn áhuga fyrir því að tryggja sér þriðja sætið því það voru Stjörnustúlkur sem höfðu betur, 2:3 eftir að hafa verið 2:0 yfir í hálfleik. IBV jafnaði þegar átta mínútur voru eftir en einum leikmanni færri tókst gestunum að sigra þegar markmaður IBV braut klaufalega á sóknarmanni þeirra og úr vítinu kom sigurmarkið. „''Ég er auðvitað ekkert mjög ánægður með þennan leik, lokaleikinn á Islandsmótinu og að tapa honum hérna á heimavelli er leiðinlegur endir,"'' sagði Sigurlás Þorleifsson, þjálfari IBV í samtali við Fréttir. „''En í heildina get ég ekki verið annað en ánægður með þriðja sætið í deildinni, það er ásættanlegt. Við lentum í erfíðum meiðslum, Olga meiðist og fleiri stelpur en fyrir vorum við með mjög þunnskipaðan hóp. En ég hef nokkrar áhyggjur af stöðu kvennaknattspyrnunnar í Eyjum eins og er því mér fínnst of langt í næsta árgang sem við gætum séð fyrir okkur taka við kyndlinum í meistaraflokki. Félagið sem slíkt verður virkilega að taka á þessu máli ef ekki á illa að fara."''

=== '''Í neðsta sæti''' ===
Eyjamenn tóku þátt í hinu árlega Ragnarsmóti í handbolta sem fram fór á Selfossi. ÍBV vann mótið í fyrra en í ár var annað uppi á teningnum því Eyjamenn töpuðu öllum leikjum sínum. Sex lið tóku þátt, heimamenn á Selfossi, ÍBV, Fram, Víkingur/Fjölnir, Fylkir og Stjarnan. Keppt var í tveimur þriggja liða riðlum og voru Eyjamenn með Stjörnunni og Víkingi í riðli. Eftir að hafa tapað fyrir báðum liðum í riðlakeppninni mættu Eyjamenn Fram í leik um fimmta sætið, töpuðu honum og enduðu því í sjötta og neðsta sæti og hafa því endað í neðsta sæti í tveimur mótum í röð, Reykjavíkurmótinu og Ragnarsmótinu

=== '''Stelpurnar í 4. flokki silfurhafar''' ===
Tvö bestu lið landsins í 4. flokki kvenna í knattspyrnu,ÍBV og Breiðablik léku hreinan úrslitaleik um Íslandsmeistaratitilinn en leikurinn fór fram á ÍR-vellinum í Reykjavík. Liðin enduðu í fyrsta og öðru sæti deildarkeppninnar og unnu svo sitt hvorn riðilinn í úrslitakeppninni. Blikastúlkur höfðu hins vegar betur, unnu 4:0 og enduðu Eyjastelpur því í öðru sæti Íslandsmótsins sem er frábær árangur. Ljóst er að þar er á ferðinni afar sterkur árgangur hjá IBV því flest önnur félög hafa mun fleiri iðkendur í hverjum flokki fyrir sig.

=== '''3. flokkur karla áfram í B-deild''' ===
3. flokkur karla lék síðasta leik sinn í sumar þegar strákarnir sóttu Stjörnuna heim. Leikurinn skipti litlu máli fyrir liðin, Stjarnan hafði tryggt sér annað sæti B-deildar og ÍBV hafði tekist að forðast fall. Stjarnan hafði betur, 4:0 en ÍBV endaði í sjötta sæti deildarinnar, af átta liðum en ÍBV vann tvo leiki, gerði fjögur jafntefli en tapaði átta leikjum.

=== '''Ræðst í síðasta leik''' ===
ÍBV fór illa að ráði sínu þegar þeir fengu kjörið tækifæri til að tryggja sér áframhaldandi sæti í deildinni þegar þeir tóku á móti ÍA en eitt stig hefði dugað til verksins. Hins vegar áttu Eyjamenn afleitan dag og þurftu Skagamenn ekki að sýna neinn glansleik til að vinna tveggja marka sigur. Leikurinn fór fjörlega af stað og bæði lið fengu nokkur hálffæri en nokkuð sterkur vindur hafði áhrif á leikinn. Hins vegar voru Eyjamönnum afar mislagðir fætur í sóknarleik sínum, áttu ekki skot í öllum leiknum sem hitti á markramma gestanna og ekki batnaði ástandið þegar tveir af sókndjörfustu leikmönnum liðsins fóru af leikvelli í síðari hálfleik, meiddir. Hins vegar voru bæði mörk Skagamanna klaufamörk. Hið fyrra kom eftir útspark þar sem sóknarmaður þeirra elti boltann óáreittur inn í teig og lagði boltann í netið. Hið síðara kom eftir hornspyrnu þar sem boltinn sveif inn í markteig en þar eiga Eyjamenn að vera með óvinnandi vígi þar sem liðið er skipað sterkum skallamönnum og hávöxnum markmanni. Hins vegar tókst einum af lágvöxnustu leikmönnum vallarins að stanga boltann í netið og tryggja sínu liði 0:2 sigur á IBV. Ræðst það í síðasta leik hvort að liðið haldi áfram veru sinni á meðal þeirra bestu.

=== '''Misjafnt gengi kynjanna''' ===
Æfingamót í handbolta fór fram í Eyjum þar sem leikið var á tveimur dögum. Í kvennaflokki tóku fjögur lið þátt, ÍBV, Fram, Víkingur og Grótta en í karlaflokki voru aðeins þrjú lið, ÍBV, ÍR og Afturelding en þar var leikin tvöföld umferð. IBV gekk vel í kvennaflokki, vann alla sína leiki og virðist vera nokkuð sterkt á haustmánuðum en þó ber að geta þess að andstæðingar liðsins í mótinu koma varla til með að blanda sér í toppbaráttuna í vetur. Leikirnir í kvennaflokki enduðu sem hér segir: Fram-Víkingur 24-21, ÍBV-Grótta 28-24, Víkingur-ÍBV 18-27, ÍBV-Fram 29-10, 3. sæti Fram-Vfkingur 25-26, l.sæti ÍBV-Grótta 33-19. Karlaliði ÍBV gekk ekki eins vel enda eiga lykilmenn í liðinu í meiðslum, Svavar Vignisson rifbeinsbrotnaði í mótinu, Sigurður Bragason lék ekkert með vegna meiðsla og leikstjórnandinn, Ólafur Víðir Ólafsson er meiddur. Með ÍR léku þrír fyrrum leikmenn ÍBV, þeir Benedikt Steingrímsson, Leifur Jóhannesson og Halldór Sævar Grímsson og fengu þeir allir tækifæri með liðinu. Leikir í karlamótinu enduðu sem hér segir: ÍBV-Afturelding 27-27, ÍBV-ÍR 27- 31, ÍBV-ÍR 36-28, ÍBV-Afturelding 21-26. Í mótslok voru svo veittar einstaklingsviðurkenningar en best voru þau Karen Schmidt, Gróttu og Michal Dostalík, ÍBV. Bestu varnarmennirnir voru Simona Vintila, ÍBV og Ísleifur Sigurðsson, ÍR. Bestu sóknarmennirnir voru valin Ásta Birna Gunnarsdóttir, Fram og Alex Gíslason, Aftureldingu. Bestu markverðirnir voru svo valin Florentina Grecu, IBV og Gísli Guðmundsson, ÍR

=== '''Olga aftur í landsliðið''' ===
Olga Færseth hefur verið valin á ný í landsliðshóp Íslands. Olga hefur ekki verið í landsliðshópnum síðan hún meiddist síðasta vetur en síðast lék Olga með landsliðinu gegn Noregi í nóvember fyrir ári síðan. Olga byrjaði aftur að spila um mitt sumar og hefur óðum verið að komast í sitt gamla form og skoraði m.a. sex mörk í jafn mörgum leikjum. Auk Olgu er Elín Anna Steinarsdóttir í leikmannahópi íslenska liðsins en leikið verður gegn tékkneska liðinu í Kravare í Tékklandi 24. september.

=== '''2. flokkur kvenna í næstneðsta sæti''' ===
2. flokkur kvenna lék síðasta leik sinn í sumar um helgina þegar þær léku gegn Þór/KA/KS. Leiknum lyktaði með sigri norðanstúlkna, 3:2 en mörk ÍBV skoruðu þær Tanja Björg Sigurjónsdóttir og Thelma Sigurðardóttir. ÍBV endaði tímabilið í tíunda og næstneðsta sæti í Íslandsmóti 2. flokks kvenna en ellefu lið skipuðu einu deild flokksins.

=== '''Tvær og hálf milljón í styrk''' ===
Rekstrar- og afreksstyrkjum til íþróttafélaganna var um miðjan september úthlutað í fyrsta skipti eftir nýjum viðmiðunarreglum menningar- og tómstundaráðs. Eru þetta annars vegar viðmiðunarreglur rekstrarstyrkja vegna barna- og unglingastarfs félaga innan íþróttabandalags Vestmannaeyja sem vísa í samstarfssamning á milli Vestmannaeyjabæjar og bandalagsins og hins vegar reglur vegna afreksstyrkja og viðurkenninga til afreksfólks. Þetta kom fram hjá Birni Elíassyni, formanni menningar- og tómstundaráðs þegar styrkirnir voru afhentir. Hann sagði þetta í seinna lagi. „Framvegis mun afreksstyrkjum og viðurkenningum verða úthlutað í janúar í tengslum við kjör íþróttamanns eða konu ársins hjá félögum bandalagsins. En rekstrarstyrkir verða afnentir í maí til júní," sagði Björn. ÍBV-íþróttafélag fékk samtals styrk upp á 2.537.000 en það skiptist í Afreksstyrkir og viðurkenningar; 1.600.000, Rekstrarstyrkir; 937.000 krónur,

=== '''Dramatískar lokasekúndur''' ===
Það voru ekki margir sem reiknuðu með ÍBV á meðal þeirra bestu að ári þegar fimm mínútur voru eftir af leikjum síðustu umferðar í Landsbankadeild karla. ÍBV var í fallsæti og einum leikmanni færri gegn Fylki í Árbænum. Hins vegar kom það í hlut Tryggva Guðmundssonar, Eyjapeyjans í liði íslandsmeistara FH, að bjarga ÍBV. Hann skoraði þriðja mark sitt og fímmta mark FH gegn Fram sem varð til þess að ÍBV og Fram höfðu sætaskipti og Safamýrarliðið féll í 1. deild. Önnur eins dramatík hefur ekki sést í fallbaráttunni í langan tíma en Eyjamenn eru öllum hnútum kunnugir í þessari baráttu. ÍBV var vel stutt af fjölmörgum Eyjamönnum á Fylkisvellinum sem margir voru farnir að sætta sig við sæti í 1. deild að ári þegar fréttin um mark Tryggva var tilkynnt í hátalarakerfinu. Um leið má segja að leikurinn á Fylkisvellinum hafi lognast út af, bæði lið sættu sig við úrslitin og Fylkismenn gerðu litla tilraun til að bæta við mörkum. Fagnaðarlætin í leikslok voru innileg, ekki síst hjá þjálfara IBV, Guðlaugi Baldurssyni sem hreinlega sleppti sér, enda mikill léttir. Það var í raun mikið afrek hjá Guðlaugi að halda ÍBV í efstu deild þar sem leikmannahópurinn var ekki ýkja breiður og í ofanálag hefur ÍBV misst leikmenn í meiðsli og var Atli Jóhannsson t.d. ekki með í síðasta leiknum.

=== '''Ég hef aldrei upplifað annað eins''' ===
Það mæddi mikið á þjálfara karlaliðs ÍBV í knattspyrnu í sumar en Guðlaugur Baldursson hefur lent í erfiðum meiðslum með leikmenn sína og sjaldnast getað stillt upp sínu sterkasta liði. Það sást líka greinilega í leiknum gegn Fylki að taugarnar voru þandar til hins ýtrasta hjá hinum unga þjálfara IBV og spennufallið í leikslok duldist engum. Guðlaugur sagði í samtali við Fréttir eftir leikinn að hann hefði aldrei lent í öðru eins. „''Við ætluðum að lágmarki að taka eitt stig en því miður tókst það ekki. En sem betur fer þá slapp þetta fyrir horn og önnur úrslit voru hagstæð fyrir okkur. Þetta er einhver ótrúlegasta lífsreynsla sem ég hef lent í."'' Voruð þið með úrslit annarra leikja á hreinu á varamannabekknum? ''„Huginn var með útvarpið í eyrunum og sat og hlustaði á þetta. Við fylgdumst vel með hvernig þetta gekk í síðari hálfleik en við breyttum ekkert okkar leik þrátt fyrir stöðuna í öðrum leikjum. Það var í raun ekki fyrr en undir lokin að við breyttum einhverju enda höfðum við ekki áhuga á öðru en að halda stöðunni sem dugði okkur."'' Og þitt gamla félag kom ykkur til hjálpar. ''„Já, þeir gerðu það og það er glæsilegt. Ég veit svo sem ekkert hvort þeir hafa lagt upp með það að hjálpa okkur, þeir vildu bara enda tímabilið með stæl og við tökum allri hjálp fegins hendi. Þessi barátta í sumar fer inn á reynslubankann hjá okkar unga liði og nýtist okkur í framtíðinni."''

=== '''Steingrímur og Birkir hætta''' ===
Eftir að knattspyrnusumrinu lauk var ljóst að Steingrímur Jóhannesson og Birkir Kristinsson hafa báðir leikið sinn síðasta leik fyrir ÍBV en báðir höfðu þeir gefið það út að þeir hygðust leggja skóna á hilluna.

=== '''Anton, Nína og Þórhildur á landsliðsæfingar''' ===
Knattspyrnumaðurinn efnilegi, Anton Bjarnason var kallaður á landsliðsæfingar hjá U-19 ára landsliði íslands. Guðni Kjartansson er þjálfari liðsins en íslenska liðið tekur þátt í Evrópukeppni landsliða í haust og er Anton eini Eyjamaðurinn í 34 manna hópi íslenska liðsins. Þá hafa þær Nína Björk Gísladóttir og Þórhildur Ólafsdóttir verið valdar til að taka þátt á æfingum U-17 ára landsliðs Íslands. Alls taka 46 stúlkur þátt í æfingunum en þjálfarinn er Erna Þorleifsdóttir, frá Vestmannaeyjum.

=== '''Góður árangur hjá unglingaflokki''' ===
Unglingaflokkur ÍBV kvenna tók þátt í forkeppni fyrir Íslandsmót unglingaflokks í handbolta. ÍBV keppti fjóra leiki og endaði í öðru sæti riðilsins en tvö efstu liðin komust upp í 1. deild. Leikir ÍBV enduðu þannig: ÍBV- Grótta 20:25, ÍBV-Fram2 23:17, ÍBV- FH 14:12, ÍBV-ÍR 23-16. Markahæstar um helgina voru þær Ester Óskarsdóttir með 24, Sæunn Magnúsdóttir með 23 og Hekla Hannesdóttir 13.

=== '''Verður kvennaknattspyrna næsta sumar?''' ===
Undanfarið hafa þær raddir gerst háværari að kvennaknattspyrna í Eyjum eigi í vök að verjast og í versta falli yrði ekkert lið hjá ÍBV næsta sumar. Flestir leikmenn liðsins eru með lausa samninga, ekki hefur verið ráðinn þjálfari og knattspyrnuráð ekki tekið ákvörðun um hvort það muni starfa á næsta ári. Páll Scheving, framkvæmdastjóri IBV, segir hins vegar að útlitið sé ekki alveg svona dökkt. ''„Við erum að vinna í þessu, knattspyrnuráð kvenna hefur ekki sagt af sér og aðilar innan þess hafa sagt mögulegt að þeir muni starfa áfram. Það hefur verið rætt við þjálfara varðandi næsta sumar. Viðræður eru í gangi við leikmenn með það í huga að styrkja liðið. Grundvöllur kvennaknattspyrnunnar í Eyjum er hins vegar sá að okkar stelpur taki þátt í þessu starfi, enda er þetta liðið þeirra."'' Nú hefur verið uppi orðrómur um að liðið verði sent í 1. deildina eða jafnvel lagt niður? „''Já og ég hef persónulega verið sakaður um að vilja leggja kvennaknattspyrnuna niður. Það er alrangt, það verður barist fyrir öllum deildum félagsins. Ég vil benda á að það er ekkert nýmæli að við hjá IBV séum án þjálfara og skarð sé höggið í leikmannahóp við lok leiktíðar, það er veruleiki sem reglulega blasir við öllum deildum félagsins. Og það er fyrir kraftinn í stjórnendum og stuðningsmönnum deildanna að við erum enn meðal þeirra bestu. Því biðla ég til allra þeirra sem áhuga hafa á íþróttum og telja ÍBV jákvætt vörumerki fyrir Vestmannaeyjar að gefa sig fram og leggja hönd plóginn. Þó í því felist mun meiri vinna en í því að standa á hliðarlínunni og gagnrýna, þá er sú vinna mun meira gefandi,"'' sagði Páll að lokum.

=== '''Rachel Kruze og lan Jeffs best''' ===
ÍBV hélt glæsilegt lokahóf en þá var sumarvertíðinni fagnað. Aldrei áður hafa fleiri verið í mat á lokahófi hjá IBV, sem er mikilvægt, ekki síst í ljósi þess að sumarið var nokkuð erfitt hjá knattspyrnuliðum félagsins. Eins og ávallt eru veittar fjölmargar viðurkenningar á lokahófinu og auk þess eru á hverju lokahófi dregnir út tveir félagsmenn sem fá ferð á Old Trafford í vetur. Í þetta sinn voru það þau Guðmunda Bjarnadóttir og Óskar Freyr Brynjarsson sem komu upp úr hattinum og munu þau ásamt þeim Hlyn Sigmarssyni og Grétari Þórarinssyni fylgjast með Manchester United síðar í vetur. Sigursteinn Marinósson og hjónin Maríanna Stefánsdóttir og Varnik Nikulásson fengu þakklætisvott fyrir stuðning við félagið um árabil. Steingrímur Jóhannesson var einnig leystur út með gjöfum en Steingrímur hefur gefíð það út að hann hyggist leggja skóna á hilluna. Þá kom kvennadeild IBV færandi hendi og gaf kvennaliðum IBV í handbolta og fótbolta 300 þúsund króna ávísun hvoru liði. En ávallt er talsverð eftirvænting eftir verðlaunaafhendingu meðal knattspyrnufólks. Þau Þórhildur Ólafsdóttir og Anton Bjarnason fengu Fréttabikara sumarsins 2005 en bæði voru þau á landsliðsæfingum og tóku foreldrar þeirra við bikurunum. Hjá kvennaliðinu var Tanja Tómasdóttir valin efnilegust í öðrum flokki en best var valin Thelma Sigurðardóttir en hún var jafnframt valin efnilegust í meistaraflokki. Pálína Bragadóttir fékk Martinsbikarinn og Hólmfríður Magnúsdóttir varð markahæst en best var valin Rachel Kruze. Hjá körlunum fékk Anton Bjarnason Stefánsbikarinn fyrir að vera bestur í öðrum flokki. Andri Ólafsson og Hrafn Davíðsson urðu hnífjafnir í kosningunni á efnilegasta og skiptu með sér viðurkenningunni. Ian Jeffs var svo að lokum valin bestur hjá karlaliði ÍBV árið 2005.

=== '''Hörmuleg byrjun hjá ÍBV''' ===
Það er ekki hægt að segja annað en að byrjun IBV á Íslandsmótinu sé afar slök en eftir tvær umferðir er ÍBV í neðsta sæti deildarinnar með ekkert stig og markatalan er 27 mörk í mínus. ÍBV tapaði fyrsta leiknum gegn ÍR á heimavelli, 27:41 og svo gegn HK á útivelli, 35:22. Það voru ekki margir ljósir punktar eftir leik liðsins gegn ÍR í síðustu viku, nánast allt var úr skorðum nema þá helst markvarsla Björgvins Páls Gústafssonar, sem varði þrátt fyrir allt 21 skot í leiknum. Það eitt þýðir að IBV fékk á sig 62 skot á markið, fyrir utan öll skot ÍR-inga sem fóru í vörn eða framhjá sem þýðir að ÍRingar hafi náð allt að 80 skotum í leiknum, sem stendur í aðeins 60 mínútur. Varnarleikur IBV var afar slakur en þess verður þó að geta að á undirbúningstímabilinu var lögð áhersla á framliggjandi vörn en vegna meiðsla hjá IBV var lengst af notast við 6-0 vörn. Þá var sóknarleikurinn afar hægur og þunglamalegur, menn reyndu mikið upp á eigin spýtur en þó lagaðist leikur ÍBV nokkuð í síðari hálfleik. ÍR-ingar voru hins vegar nánast búnir að tryggja sér sigurinn í hálfleik enda staðan 10:21. Eigum að vera betri Sigurður Bragason fyrirliði ÍBV var heldur ómyrkur í máli í leikslok. ''„Þetta er til háborinnar skammar, það er orðið yfir þetta. Við eigum að skammast okkar,"'' sagði Eyjapeyinn Sigurður Bragason, niðurlútur í leikslok í samtali við Fréttir.

Þjálfurum ÍBV gafst ekki mikill tími til að laga leik IBV því aðeins þremur dögum síðar léku Eyjamenn fyrsta útileikinn þegar farið var í Kópavoginn til að leika gegn HK. ÍBV átti aldrei möguleika gegn HK en sem dæmi má nefna að Eyjamenn skoruðu ekki mark fyrstu ellefu mínúturnar. Staðan í hálfleik var 16:8 HK í vil en lokatölur urðu 35:22. Það bendir hins vegar allt til þess að veturinn verði ÍBV liðinu erfður. Reyndar vantar ennþá Svavar Vignisson í liðið en það verður hins vegar að segjast eins og er að erlendu leikmennirnir í liðinu áttu erfitt uppdráttar gegn ÍR og eru langt frá því að vera nægjanlega góðir.

=== '''Stelpurnar byrja vel''' ===
IBV byrjaði Íslandsmótið með góðum útisigri í DHL-deild kvenna en í fyrsta leik léku stelpurnar gegn Fram. Lokatölur urðu 18:35 fyrir ÍBV eftir að staðan í hálfleik hafði verið 8:17. Eftir jafnar upphafsmíhútur þar sem bæði lið gerðu talsvert af mistökum, náðu Eyjastúlkur að hrista af sér slenið og breyttu stöðunni úr 4:5 í 5:12. Eftir það var aldrei spurning hvorum megin sigurinn endaði. Eyjaliðinu var spáð fjórða sæti í árlegri spá fyrirliða og þjálfara í upphafi leiktíðar en menn hafa haft það á orði að hugsanlega sé IBV með sterkara lið en það.

=== '''Einar Hlöðver í árs frí''' ===
Knattspyrnukappinn Einar Hlöðver Sigurðsson hefur ákveðið að taka sér ársfrí frá knattspyrnuiðkun. Þetta kemur fram á vefsíðunni fotbolti.net en Einar hefur átt í erfiðum meiðslum um nokkurt skeið

=== '''3. flokkur í 2. deild''' ===
3. flokkur karla í handbolta lék í undanriðli Íslandsmótsins síðustu helgina í september en eftir undanriðlana er liðum raðað í deildir. ÍBV endaði í fjórða og næstneðsta sæti í sínum undanriðli sem þýðir að strákarnir spila í 2. deild í vetur. Reyndar komast tvö lið úr 2. deild í úrslit íslandsmótsins þannig að ekki er öll nótt úti enn. Úrslit leikjanna urðu þessi: FH- ÍBV 20:11, Höttur-ÍBV 18:28, Valur-ÍBV 26-19, KA-ÍBV 31-14. Markahæstir eftir helgina voru þeir Óttar Steingrímsson með 23 mörk, Daði Magnússon með 17 og Björn Kristmannsson með 11.

=== '''Guðlaugur áfram með ÍBV''' ===
Búið er að ganga frá samningi við Guðlaug Baldursson þess efnis að hann þjálfi meistaraflokk karla í knattspyrnu áfram út næsta tímabil. Guðlaugur var reyndar með tveggja ára samning og var að ljúka fyrra árinu sínu hjá ÍBV en var með uppsagnarákvæði í samningnum.

== '''OKTÓBER:''' ==

=== '''Glæsilegt lokahóf yngri flokka hjá ÍBV''' ===
ÍBV-íþróttafélag hélt glæsilegt lokahóf yngri flokka en þar var sumartímabilið gert upp. Margt var gert til gamans og krakkarnir skemmtu sér og gestum með frumlegum skemmtiatriðum. Á hverju ári eru veittar viðurkenningar í hverjum flokki fyrir sig og þau voru eftirfarandi:

3. flokkur kvenna: Efnilegust Nína Björk Gísladóttir, mestu framfarir Kolbrún Inga Stefánsdóttir og ÍBV-ari Hafdís Guðnadóttir.

3. flokkur karla: Mestu framfarir Þorsteinn Ingi Arnarsson og ÍBV-ari Arnór Ólafsson.

4. flokkur kvenna: Efnilegust Aníta Elíasdóttir, mestu framfarir Herdís Gunnarsdóttir og ÍBV-ari: Elísa Viðarsdóttir.

4. flokkur karla: Efnilegastur Njáll Aron Hafsteinsson, mestu framfarir Einar Kristinn Helgason og ÍBV-ari Aron Hugi Helgason.

5. flokkur kvenna, eldra ár: Efnilegust Sara Rós Einarsdóttir, mestu framfarir Rakel Jónsdóttir og ÍBV-ari Silvía Dögg Sigurðardóttir. Yngra ár: Efnilegust Sigríður Lára Garðarsdóttir, mestu framfarir Sara Rún Markúsardóttir og ÍBV-ari Klara Ingólfsdóttir.

5. flokkur karla, eldra ár: Efnilegastur Björn Sigursteinsson, mestu framfarir Gunnlaugur Örn Guðjónsson og IBV-ari Bjartur Týr Ólafsson.

Yngra ár: Efnilegastur: Jóhann Ingi Norðfjörð, mestu framfarir Sæþór Birgir Sigmarsson og IBVari Gunnar Rafn Ágústsson.

6. flokkur kvenna, eldra ár: Efnilegust Alexandra Sumarliðadóttir

Yngra ár: Efnilegust Guðrún Bára Magnúsdóttir,

6. flokkur karla, eldra ár: Efnilegastur Jón Ingason, mestu framfarir Árni Þorleifsson og ÍBV-ari Óskar Elías Óskarsson.

Yngra ár: Efnilegastur Hafsteinn Gísli Valdimarsson, mestu framfarir Sigurður Grétar Benónýsson og ÍBV-ari: Sindri Jóhannsson.

=== '''Eitt stig á elleftu stundu''' ===
ÍBV lék gegn Stjörnunni og fór leikurinn fram í Garðabæ. Eyjastúlkur tryggðu sér stigið dýrmæta undir lok leiksins og lokatölur urðu 24:24 en í hálfleik hafði Stjarnan fimm marka forystu, 17:12. Leikurinn var í járnum framan af og liðin skiptust á að skora. ÍBV komst nokkrum sinnum yfir í leiknum en í stöðunni 11:11 fór allt úrskeiðis. Stjarnan skoraði fimm mörk í röð, ekki síst vegna þess hversu vandræðalegur sóknarleikur ÍBV var á þeim leikkafla og í hálfleik munaði því fimm mörkum, 17:12. Hálfleiksræða Alfreðs Finnssonar hafði greinilega góð áhrif því fljótlega í seinni hálfleik var munurinn kominn niður í tvö mörk, 20:18 og leikurinn galopinn. Eyjastúlkum tókst svo að jafna 23:23 þegar tæpar fimm mínútur voru til leiksloka, liðin skoruðu sitt hvort markið á lokakaflanum og fengu bæði tækifæri til að skora sigurmarkið en það gekk ekki. Markahæstar hjá IBV voru þær Simona Vintilá með níu mörk og Pavla Dlamwokia með sex. Þá varði Florentina Grecu 20 skot í marki ÍBV.

=== '''Fyrstu stigin í hús hjá ÍBV''' ===
Karlalið IBV landaði fyrstu stigum sínum þegar sameiginlegt lið Víkings og Fjölnis kom í heimsókn. Félögin sátu í tveimur neðstu sætum deildarinnar með ekkert stig eftir tvær umferðir en leikur ÍBV hafði valdið nokkrum vonbrigðum það sem af er tímabilinu. Hins vegar sáust batamerki þegar Eyjamenn unnu sinn fyrsta leik 33:31 en sigurinn var öruggari en lokatölurnar gefa til kynna. Varnarleikur liðsins var ekki góður í leiknum en þó betri en oft áður sem bendir til þess að liðið sé á réttri leið. Auk þess tóku erlendu leikmennirnir sig á, skytturnar Mladen Cacic og Goran Kuzmanovski skoruðu nítján mörk samtals og voru markahæstir hjá ÍBV Björgvin Páll Gústafsson varði líka vel í markinu, sérstaklega í síðari hálfleik þegar hann varði 14 skot og 21 í leiknum öllum. Eyjamenn hoppuðuðu upp um tvö sæti við sigurinn, eru nú í tólfta sæti en eiga inni einn leik á flest önnur lið í deildinni

=== '''Hrafn í U-21''' ===
Annar tveggja efnilegustu leikmanna ÍBV í knattspyrnu, Hrafn Davíðsson markvörður, hefur yerið valinn í U-21 árs landslið íslands. íslenska liðið leikur gegn því sænska eins og A-liðið. Andri Ólafsson, sem deildi viðurkenningunni efnilegasti leikmaður ÍBV með Hrafni, hefur verið í leikmannahópi liðsins í undanförnum leikjum en tekur út leikbann vegna tveggja gulra spjalda. Þá eru þeir Gunnar Heiðar Þorvaldsson og Tryggvi Guðmundsson í A-landsliðshópnum en liðið leikur gegn Svíum og Pólverjum. Hermann Hreiðarsson er hins vegar fjarri góðu gamni en hann tekur út leikbann og er auk þess meiddur.

=== '''Eyjamenn áfram í bikarnum''' ===
Karlalið ÍBV var ekki í teljandi vandræðum með Leikni 2 í 32ja liða úrslitum bikarkeppninnar en liðin léku í Eyjum. Upphaflega áttu liðin að mætast á heimavelli Leiknismanna en Leiknismenn óskuðu eftir því að leikurinn yrði leikinn í Eyjum. Leikurinn var í raun aðeins formsatriði fyrir ÍBV, reyndar náðu gestirnir aðeins að stríða Eyjamönnum í fyrri hálfleik en í síðari hálfleik völtuðu Eyjamenn yfir andstæðinginn og lokatölur urðu 45:28 eftir að staðan í hálfleik hafði verið 20:14.

=== '''Þjálfaraskipti í handboltanum''' ===
Erlingur Richardsson er hættur sem þjálfari meistaraflokks karla. Við hans hlutverki tekur Kristinn Guðmundsson sem hefur verið Erlingi innan handar sem aðstoðarþjálfari en tekur nú við sem aðalþjálfari. Erlingur hyggst einbeita sér að því að spila með liðinu og þá leggja aðaláherslu á varnarleikinn sem hefur verið bágborinn í upphafi leiktíðar. Var þetta gert í hinu mesta bróðerni milli allra aðila og mun Erlingur meðal annars aðstoða Kristinn.

=== '''Magnaður lokasprettur''' ===
Lokamínúturnar í leik ÍBV og FH voru hreint magnaðar en eftir að hafa verið undir nánast allan leikinn tókst Eyjamönnum að snúa við spilinu og sigurmarkið kom aðeins tæpum þremur sekúndum fyrir leikslok og lokatölur voru 30:29. Það var tékkneski Iínumaðurinn Michal Dostalik sem skoraði sigurmarkið af miklu harðfylgi, með tvo varnarmenn FH-inga fyrir framan sig. Eyjamenn hreinlega ærðust svo af fögnuði í leikslok. Leikur Eyjamanna var hins vegar lengst af ekki mikið meira en þokkalegur. Varnarleikurinn er enn hausverkur og virðist helsta vandamálið vera samskiptaleysi því oft virka leikmenn hreinlega ekki í réttri stöðu í varnarleiknum. Sóknarleikurinn er hins vegar á uppleið, örvhenta skyttan Mladen Cacic hefur heldur betur tekið við sér og var markahæstur í liði ÍBV með tíu mörk. Þá átti Davíð Þór Oskarsson góða innkomu en það er hins vegar Ijóst að Kristinn Guðmundsson, þjálfari liðsins verður að kreista meira úr rétthentu skyttunni Goran Kuzmanoski, sem átti ekki góðan dag. Annars virtist að því lengra sem leið á leikinn, þeim mun betri varð leikur IBV. Um miðjan síðari hálfleik komust Eyjamenn tveimur mörkum yfir og virtust hreinlega vera að gera út um leikinn en þá tók Atli Hilmarsson, þjálfari FH-inga leikhlé. Og það virtist heppnast svona rosalega vel, bæði drógu FHingar niður stemmninguna sem var að myndast og réðu ráðum sínum. Það varð til þess að Hafnfirðingar komust aftur yfir. Cacic sá hins vegar um að jafna þegar rúmar tvær mínútur eftir og í næstu sókn FH-inga, lokaði Björgvin Páll Gústavsson hreinlega markinu, varði í tvígang og vakti von um sigur í brjósti áhorfenda. Allt leit svo út fyrir að síðasta sókn IBV væri að renna út í sandinn þar til Cacic sendi inn á Dostalik sem var í vonlausu færi en tókst á einhvern ótrúlegan hátt að koma boltanum í netið og stuttu síðar rann leiktíminn út. Fögnuðurinn í leikslok, bæði hjá leikmönnum og áhorfendum var mikill og engu líkara en ÍBV hefði verið að vinna titil. Markahæstir hjá ÍBV voru þeir Mladen Cacic með tíu mörk og Davíð Þór Óskarsson með átta, þar af fimm úr vítum. Björgvin Páll Gústavsson varði 22 skot í marki ÍBV.

=== '''B-liðið brotnaði gegn FH''' ===
B-lið ÍBV í handbolta, sem í dag gengur undir nafninu The Golden Team lék gegn FH í bikarkeppninni. Leikur B-liðsins vekur ávallt mikla athygli enda sannkallaðir þungavigtarmenn í íþróttinni sem skipa liðið, reyndar sumir svo þungir að það hreinlega háir þeim inni á vellinum. Lokatölur leiksins urðun 28:43 en FH-ingar brutu Eyjamenn niður, bæði andlega og líkamlega því tveir leikmanna IBV beinbrotnuðu. Leikurinn var í járnum lengst af og virtust FH-ingar eiga í nokkrum vandræðum með spræka Eyjamenn. En þegar um tíu mínútur voru liðnar af leiknum gerði þjálfari ÍBV sig sekan um glórulausa skiptingu, staðan breyttist úr 6:8 í 6:16 og úrslit leiksins ráðin. En Eyjamenn gyrtu sig í brók í síðari hálfleik, Eyþór Harðarson stýrði sínum mönnum í sóknarleiknum og kom FH-ingum hreinlega í opna skjöldu með óvenju liprum leik sínum og útsjónarsemi. Þá var Gylfi Birgisson drjúgur í markaskorun og sömuleiðis Elliði Vignisson, sem reyndar á erfitt með að sætta sig við að hafa bara skorað fimm mörk í leiknum. Þá fór það ekki framhjá neinum að Sigbjörn Óskarsson var markahæstur hjá IBV í seinni hálfleik, enda sá hann um það sjálfur að segja öllum sem á leikinn mættu frá því, og örugglega einhverju fleirum. Seinni hálfleikur endaði svo með eins marks sigri gestanna, 16:17 en lokatölur leiksins urðu 28:43.

=== '''Ósáttur þrátt fyrir öruggan sigur''' ===
Stelpurnar tóku á móti Víking í fyrsta heimaleik vetrarsins. Eyjastúlkur fóru vel af stað í leiknum og náðu strax þægilegu forskoti. En gestirnir sýndu að þær kunna ýmislegt fyrir sér í handboltafræðunum og náðu að minnka muninn niður í eitt mark, 8:7. En þá tóku leikmenn ÍBV aftur við sér og í hálfleik var staðan 16:9. Stelpurnar héldu svo áfram á sömu braut í síðari hálfleik og aldrei spurning hvorum megin sigurinn endaði. Alfreð Finnsson, þjálfari ÍBV var hins vegar frekar ósáttur við leik ÍBV enda var augljóst að á köflum spilaði liðið ekki nægjanlega vel. Varnarleikurinn var nokkuð traustur og fyrir aftan varnarmúrinn er Florentina Grecu sem varla spilar leik án þess að verja um tuttugu skot. Sóknarleikur liðsins var hins vegar á köflum dálítið vandræðalegur þrátt fyrir mörkin 29. Lið IBV virkar hins vegar mun heilsteyptara nú en á sama tíma á síðustu leiktíð og er það góðs viti. Markahæstar hjá IBV voru þær Simona Vintila með sjö mörk og þær Ragna Karen Sigurðardóttir og Pavla Plaminkova skoruðu báðar fimm mörk. Þá varði Florentina Grecu 22 skot.

=== '''Sigurmark á lokasekúndu''' ===
ÍBV og Fram mættust í Reykjavík. Framarar hafa ekki tapað stigi og þeir geta þó talist stálheppnir að hafa fengið bæði stigin úr leik sínum gegn ÍBV því sigurmark Framara kom á lokasekúndunum og lokatölur 28:27. Eyjamenn mættu mjög ákveðnir til leiks gegn Fram en lengst af skiptust liðin á að skora. Leikmenn ÍBV náðu þó góðum endaspretti í síðari hálfleik og voru yfir 12:14 þegar gengið var til búningsherbergja. Í síðari hálfleik voru það svo Framarar sem komust yfir og náðu mest fjögurra marka forystu, 25:21. En Eyjamenn náðu hreint mögnuðum endaspretti og jöfnuðu metin 27:27 þegar aðeins rétt rúm mínúta var eftir. Framarar nýttu hins vegar síðustu sóknina vel og skoruðu sigurmarkið þegar aðeins örfáar sekúndur voru eftir. Þrátt fyrir tapið er ljóst að Eyjamenn eru á uppleið eftir afleita byrjun á íslandsmótinu. Markahæstir voru þeir MladenCacic 8, Goran Kuzmanoski 7 og Ólafur Víðir Ólafsson 5.

=== '''Stelpurnar unnu allt''' ===
Eina helgi í október fór fram fjölliðamót hjá fjórða flokki kvenna og var leikið hér í Eyjum. Þetta voru fyrstu leikir stelpnanna á Íslandsmótinu en leikið var gegn Gróttu, Víking og FH. Til að gera langa sögu stutta þá unnu stelpurnar alla leiki sína en úrslitin urðu þessi: ÍBV-Grótta 15:10, ÍBV-Víkingur 18-7, ÍBVFH 9:8. Markahæstar um helgina voru þær Elísa Viðarsdóttir með 15 mörk og Andrea Káradóttir og Sædís Magnúsdóttir með 7 mörk hvor. Þá stóð Heiða Ingólfsdóttir í markinu og varði samtals 37 skot.

=== '''Kærir löggæslukostnað''' ===
ÍBV íþróttafélag hefur sent inn stjórnsýslukæru vegna löggæslukostnaðar á Þjóðhátíð. Jóhann Pétursson, formaður ÍBV, staðfesti það og sagði kæruna hafa verið senda inn nítjánda þessa mánaðar. ''„Málið er nú í ráðuneytinu og við bíðum nú gagna frá sýslumannsembættinu en ég gæti trúað að svona mál taki einhverja mánuði í vinnslu innan ráðuneytisins."'' Jóhann sagði að ÍBV íþróttafélag telji þann kostnað, sem þeim er gert að greiða, allt of háan en lengi hefur staðið deila um þessi mál á milli IBV og sýslumannsembættisins í Vestmannaeyjum. „''Við höfum verið hvattir til þess að fara kæruleiðina, meðal annars af ráðherra en við erum tilbúnir til samninga hvenær sem er, það liggur alveg fyrir. Við erum fullir sáttarvilja,"'' sagði Jóhann að lokum. Karl Gauti Hjaltason sýslumaður vildi lítið tjá sig um þetta mál. ''„Ég taldi mig hafa lagt mig fram til að leysa þetta mál, ég bauð þeim ríflegan afslátt sem þeir höfnuðu en meira hef ég ekki að segja um málið."''

=== '''Heimavöllurinn dýrmætur''' ===
Eyjamenn tóku á móti nýliðum Fylkis í DHL deild karla en Fylkismenn hafa komið nokkuð á óvart í upphafi leiktíðar með góðri spilamennsku. Eyjamenn byrjuðu ágætlega í leiknum en eftir um það bil tíu mínútna leik fór að síga á ógæfuhliðina. Varnarleikur liðsins var reyndar þokkalegur en um tíma var sóknarleikur liðsins afar tilviljunarkenndur. Ólafur Víðir Ólafsson hélt hins vegar lífinu í Eyjamönnum, þegar verst gekk, með góðum mörkum en hann skoraði sjö mörk í leiknum, þar af sex í fyrri hálfleik. Fylkismenn voru svo einu marki yfir, 17:18 í hálfleik. Goran Kuzmanovski sýndi loks hvað í honum býr í síðari hálfleik þegar hann nánast sneri leiknum IBV í vil upp á sitt einsdæmi. Goran skoraði ellefu af átján mörkum liðsins í síðari hálfleik en alls skoraði Goran þrettán mörk í leiknum. Þá varði Björgvin Páll Gústafsson eins og berserkur í síðari hálfleik, 16 skot og 25 í leiknum öllum, þar af tvö víti og var að öðrum ólöstuðum maður leiksins. Undir lokin var munurinn á liðunum kominn í fjögur mörk ÍBV í vil en gestirnir neituðu að gefast upp og gerðu harða hríð að Eyjamönnum sem tókst að landa sigrinum að lokum, 35-32.

=== '''Florentina með enn einn stórleikinn''' ===
Eyjastúlkur sigruðu Val nokkuð auðveldlega í DHL-deild kvenna en leikurinn fór fram á heimavelli Vals. Eyjastúlkur byrjuðu mjög vel í leiknum og komust fljótlega þremur mörkum yfir. Varnarleikur og markvarsla var til fyrirmyndar fyrstu mínúturnar, sérstaklega markvarslan en Florentina Grecu varði tólf skot á fyrstu fimmtán mínútunum. Hins vegar var sóknarleikur ÍBV dálítið stirður en engu að síður nægilega góður til að ná forystunni. Staðan í hálfleik var 8:11 en fljótlega var munurinn kominn í sex mörk, 11:17. Eftirleikurinn var auðveldur og þrátt fyrir að Valsstúlkur hafi náð að laga stöðuna undir lokin, áttu þær ekki möguleika á að stela sigrinum, lokatölur 19:24. Markahæstar hjá IBV voru þær Pavla Plaminkova 10, Simona Vintila 4 og Renata Horvath 3. Florentina Grecu varði eins og áður sagði 26 skot, þar af eitt vítaskot

=== '''Þrír leikmenn á braut''' ===
Þær Olga Færseth, Elín Anna Steinarsdóttir og Hólmfríður Magnúsdóttir, sem spiluðu með IBV hafa ákveðið að fara frá félaginu. Olga staðfesti þetta fyrir sitt leyti í samtali við Fréttir. „''Ég er búin að segja upp samningi mínum við félagið og er að flytja upp á land þannig að það liggur beinast við að ég muni ekki spila með ÍBV næsta sumar."'' Aðspurð sagðist hún ekki vera búin að finna sér annað lið fyrir næsta sumar. Þá hefur Elín Anna Steinarsdóttir gengið í raðir Breiðabliks en Elín hefur leikið með IBV síðustu tvö ár. Elín Anna kom einmitt frá Breiðabliki þegar hún gekk í raðir IBV og snýr nú aftur á heimaslóðir. ''„Mér fannst bara vera rétti tíminn fyrir mig að breyta til og skipta um lið,"'' sagði Elín en hún gerði tveggja ára samning við Breiðablik. Þetta er mikið áfall fyrir kvennalið IBV og eykur enn á þann orðróm að jafnvel verði ekkert lið frá IBV í Islandsmóti kvenna í knattspyrnu næsta sumar.

=== '''Kaflaskiptir leikir hjá Unglingaflokki''' ===
Unglingaflokkur lék tvo leiki gegn Stjörnunni og og Fram 2. Fyrst var leikið gegn Stjörnunni, sem eru ríkjandi Íslandsmeistarar í flokknum. Eyjastelpur mættu mjög ákveðnar til leiks og voru yfir í hálfleik, 20:11. Síðari hálfleikurinn var því nánast formsatriði og unnu Eyjastúlkur með átta marka mun, 32:24. Mörk ÍBV gerðu þær Ester 8, Sæunn 7, Hekla 7, Sara 5 og Nína 5. Síðari leikurinn var svo gegn Fram2 þar sem IBV tapaði nokkuð óvænt, 27:21 og kom ósigurinn verulega á óvart, ekki síst eftir góðan sigur á Stjörnunni. Mörk IBV skoruðu þær Ester 9, Sæunn 5, Nína 4, Sara 2 og Sædís 1. Fjórði flokkur karla lék gegn B liði Selfoss í bikarkeppninni en leikið var á Selfossi. Selfyssingar eru með mjög öflugt starf í yngri flokkum handboltans og er b-lið þeirra því nokkuð öflugt. Það kom líka á daginn, Selfyssingar voru yfir í hálfleik 9:7. En í síðari hálfleik tóku strákarnir við sér og unnu að lokum sjö marka sigur, 21:14 og eru því komnir áfram í bikarnum.

=== '''Ungverji til ÍBV''' ===
Kvennaliði ÍBV hefur borist liðsstyrkur en ungverska skyttan Nikolett Varga spilaði sinn fyrsta leik með liðinu í lok október. Reyndar hafði hún ekki æft með liðinu þegar kom að leiknum því hún kom til landsins daginn áður. Nikolett er 26 ára, rétthent skytta sem hefur þó leikið meira í stöðu hægri skyttu. Fram kemur á heimasíðu ÍBV að hún hafi undanfarin ár leikið í efstu deild í Ungverjalandi, með liðinu Tam Bau Tamási KC.

=== '''Á toppnum eftir tvo sigra''' ===
Kvennalið ÍBV skaust í toppsæti DHL-deildarinnar með tveimur góðum heimasigrum. Fyrst voru það Íslandsmeistarar Hauka sem voru lagðir af velli á og svo voru það norðanstúlkur í KA/Þór sem fóru frá Eyjum án stiga. Leikurinn gegn Haukum þróaðist á annan hátt en flestir bjuggust við því eftir jafnar upphafsmínútur tóku Eyjastúlkur öll völd á vellinum og náðu mest fimm marka forystu í fyrri hálfleik, 13:8. ÍBV lék á köflum afar vel gegn sterku liði Hauka og var varnarleikur og markvarsla sérstaklega til fyrirmyndar. Þá mættu leikmenn liðsins mjög ákveðnir til leiks sem þýðir að undirbúningurinn hefur verið góður en sumir leikmanna liðsins voru að spila gegn Haukum í fyrsta sinn. Alfreð Finnsson, þjálfari ÍBV hefur hins vegar gert þeim ljóst að leikurinn væri einn af úrslitaleikjum íslandsmótsins. Í hálfleik munaði tveimur mörkum, 14:12. ÍBV fór mjög vel af stað í síðari hálfleik og munurinn jókst jafnt og þétt og varð mestur sex mörk, 22:18. Hins vegar náðu Haukar að sýna hvað í þeim býr þegar þær minnkuðu muninn niður í eitt mark þegar aðeins tvær mínútur voru eftir en leikmenn IBV náðu að landa sigrinum á sterkum varnarleik auk þess að bæta við þremur mörkum. Lokatölur urðu 30:27 en markahæstar urðu þær Paula Plaminkova með átta mörk, Ingibjörg Jónsdóttir með sjö og Simona Vintila með sex. Florentina Grecu varði 23 skot.

Eftir góðan sigur á Haukum áttu flestir von á auðveldum sigri á KA/Þór. Gestirnir komu flestum á óvart með því að hafa yfirhöndina lengst af í fyrri hálfleik en reyndar þurfti ekki mikið til því leikur ÍBV var arfaslakur og leikmenn virtust hreinlega ekkert vita hvað þær voru að gera. KA/Þór náði mest tveggja marka forystu en staðan í hálfleik var 11:11. Hálfleiksræða Alfreðs þjálfara hitti greinilega í mark því allt annað var að sjá til IBV-liðsins í seinni hálfleik. Reyndar léku Eyjastúlkur alls ekki vel í síðari hálfleik en þó nógu vel til að ná öruggri forystu og lokatölur urðu 27:21 og hélt ÍBV því toppsætinu. Varnarleikur liðsins var slakur og markvarslan eftir því. Florentina Grecu varði aðeins 13 skot en að óllu jöfn ver hún yfir 20 skot í leik. Sóknarlega á ÍBV enn mikið inni, það háir liðinu svolítið að vera ekki með örvhenta skyttu og nýi leikmaðurinn, Nikolett Varga, sem ætlað er að fylla það skarð að einhverju leyti, virðist ekki í formi þó svo að hún hafi átt ágæta spretti gegn KA/Þór.

=== '''Arilíus til ÍBV''' ===
Eyjamenn hafa fengið til liðs við sig Arilíus Marteinsson, 21 árs miðjumann frá Selfoss. Arilíus hefur leikið með Selfyssingum upp alla yngri flokkana en hefur auk þess leikið með U-17 ára landsliði Íslands og sömuleiðis U- 19 ára liðinu. Gerður var þriggja ára samningur við Arilíus. Þá skrifaði Hrafn Davíðsson undir tveggja ára samning við IBV í lok október. Hrafn hefur verið í herbúðum ÍBV síðustu tvö tímabil og kom inn í byrjunarliðið í sumar þegar Birkir Kristinsson meiddist. Hrafn stóð sig vel, reyndar svo vel að hann var valinn í U-21 árs landslið íslands sem lék gegn Svíþjóð en Hrafn var varamarkvörður liðsins.

=== '''Davíð Þór í Fylki''' ===
Eyjapeyinn Davíð Þór Óskarsson hefur ákveðið að semja til tveggja ára við Fylki í úrvalsdeildinni í handknattleik. Davíð, sem hyggur á nám í Lögregluskólanum eftir áramót, hætti nýverið að leika með ÍBV. Valið stóð á milli þriggja liða. Ásamt Fylki vildu Fram og Stjarnan semja við Davíð. Þegar á hólminn var komið valdi hann Árbæjarliðið en þeir heimsóttu ÍBV fyrir skömmu og þar hafði IBV betur í hörkuleik. Birna Þórsdóttir, varamarkvörður ÍBV, fylgir Davíð til Reykjavíkur og er kvennalið IBV því með aðeins einn markvörð.

== '''NÓVEMBER:''' ==

=== '''Þokkalegur árangur Eyjapeyja''' ===
Fyrstu helgina i nóvember fór fram fjölmennt handboltamót þegar ein umferð hjá 5. fl. karla fór fram. Reyndar átti mótið, sem kallað var Pepsímótið, að fara fram helgina áður en þá var því frestað. IBV tefldi fram tveimur liðum á mótinu, A- og B-liði og náðu þau ágætum árangri en tæplega 400 peyjar tóku þátt í mótinu. Umgjörð mótsins var afar glæsileg, keppt á þremur völlum í sama húsinu sem hlýtur að vera einsdæmi hér á landi. Þá var framkvæmdin líka mjög góð og sérstaka athygli vakti umgjörð úrslitaleikjanna þar sem liðin voru kynnt til leiks og leikið á aðalvellinum. A-lið ÍBV endaði í fjórða sæti í sínum riðli og lék gegn Val um sjöunda sætið en tapaði þar naumlega, 11:13. Alls tóku þrettán lið þátt í mótinu í keppni A-liða. í keppni B-liða tóku tíu lið þátt í mótinu og lék B-lið ÍBV um sjöunda sætið en tapaði gegn HK, 11:12. Sigurvegari í A-liðum varð KA en norðanstrákar unnu FH í æsispennandi úrslitaleik 14:13. Hjá B-liðunum var skemmtilegur úrslitaleikur þvf Hafnarfjarðarliðin Haukar og FH áttust þar við og höfðu Haukar betur 16:12. Í Cliðum var það Grótta2 sem varð sigurvegari en ÍBV tefldi ekki fram liði í keppni C-liða. Urslit leikja ÍBV voru þessi A-lið: ÍBV-Fram 15:13, ÍBV-KA 9:12, ÍBV-Afturelding 10:10, ÍBV- ÍR 12:17, ÍBV-KR 21:3, ÍBVFjölnir 24:6, ÍBV-Valur 11:13. B-lið: ÍBV-Selfoss 9:9, ÍBV-FH 10:12, ÍBV-Fram 7:9, ÍBV-ÍR 8:15, ÍBV-HK 11:12

=== '''Afleit frammistaða''' ===
Það ætlar að reynast ÍBV erfið þolraun að komast upp úr neðri hluta DHL deildarinnar og í raun fátt sem bendir til annars en að Eyjamenn muni verða þar áfram. Leikur liðsins gegn Aftureldingu var ekki til þess fallinn að auka trú stuðningsmanna liðsins á því að ÍBV eigi eftir að fara upp töfluna því nánast allt gekk á afturfótunum hjá heimamönnum. Lokatölur leiksins urðu 20:27 eftir að staðan í hálfleik hafði verið 9:14 gestunum í vil. Mestur varð munurinn átta mörk í fyrri hálfleik, 6:12 en staðan í hálfleik var 9:14. Í síðari hálfleik leit allt út fyrir að Eyjamenn væru að ná sér á strik því fljótlega var munurinn kominn niður í tvö mörk, 13:15. En þegar mest á reyndi náðu leikmenn liðsins ekki að nýta dauðafæri til að minnka muninn enn frekar.

=== '''Búið að manna knattspyrnuráð kvenna''' ===
Búið er að mynda knattspyrnuráð kvenna en ekkert ráð hefur verið starfandi frá lokum tímabilsins í sumar. Fyrsta verk hins nýja knattspyrnuráðs verður væntanlega að finna þjálfara fyrir liðið en Sigurlás Þorleifsson, þjálfari liðsins síðasta sumar, hefur gefíð það út að hann hafi ekki áhuga á því að halda áfram með liðið. Þau sem skipa nýja ráðið eru Arndís Sigurðardóttir, Júlía Tryggvadóttir, Karen Tryggvadóttir, Magnea Bergvinsdóttir, Óðinn Sæbjörnsson, Styrkár Jóhannesson og Þóra Ólafsdóttir en ráðið hefur ekki skipt með sér verkum. Ljóst er að mikil vinna bíður hins nýja ráðs enda hafa sterkir leikmenn horfið á braut og óljóst hverjir halda áfram. Í byrjun nóvember kallaði aðalstjórn ÍBV-Íþróttafélags saman fund um málefni kvennaknattspyrnunnar í Eyjum. Ágætis mæting var á fundinn en um þrjátíu manns létu sjá sig. Meðal þeirra hugmynda sem fram komu var að fá eldri leikmenn til að halda áfram hjá liðinu til stuðnings þeim sem yngri eru og auk þess að fá 4-5 erlenda leikmenn. Kom fram að rekstri slíks liðs væri hægt að halda í lágmarki og spurning hvort nýja ráðið fari þessa leið enda eru fáar íslenskar knattspymukonur á lausu þessa dagana.

=== '''Stelpurnar misstu af fyrsta sætinu''' ===
Eyjastúlkur náðu ekki að halda efsta sæti DHL deildarinnar en stelpurnar töpuðu fyrir FH á útivelli. Nú tekur hins vegar við tveggja mánaða vetrarfrí sem er gert vegna Heimsmeistarakeppni landsliðs og er næsti leikur ekki fyrr en í byrjun janúar. Eyjastúlkur voru í miklum vandræðum gegn FH en lokatölur urðu 21:20 eftir að ÍBV hafði skorað síðustu þrjú mörk leiksins. Fyrri hálfleikur var mun betri af hálfu ÍBV en eftir frekar rólega byrjun tókst Eyjastúlkum að vinna sig aftur inn í leikinn og jafna áður en flautað var til leikhlés. Síðari hálfleikurinn var hins vegar mun verri og FH-ingar náðu öruggri forystu. Þannig var staðan 21:17 þegar um sjö mínútur yoru eftir af Íeiknum en leikmenn IBV neituðu að gefast upp. Þá loks kom góður kafli hjá IBV, stelpurnar skoruðu þrjú mörk í röð og fengu nokkur tækifæri til að jafna en grátlegt að horfa á hverja sóknina á eftir annarri mistakast. Sérstaklega var erfitt að horfa á Renötu Horvath, hornamanninn knáa misnota víti þegar örfáar sekúndur voru eftir en þar hefði hún getað jafnað metin. En stigið tapaðist ekki á þessu eina vítakasti heldur leiknum öllum og ljóst að Alfreð Finnsson, þjálfari IBV tekur vetrarfríinu fegins hendi til að slípa leik liðsins. „Við virtumst ekki vera tilbúnar í leikinn, vorum lengi í gang en komumst svo í gang loksins og þá fór rafmagnið af húsinu. Það var eins og um leið hafí verið slökkt á okkur en við náðum að jafna fyrir hálfleik," sagði Alfreð í samtalið við Fréttir. „Þær leiða svo allan seinni hálfleikinn en þá ákváðum við að taka tíma, taka danska leikmanninn þeirra úr umferð og vorum næstum því búin að ná í stig en klúðruðum víti á lokakaflanum." " Markahæstar hjá ÍBV voru þær Renata Horvath með fimm mörk og þær Simona Vintila og Eva Björk Hlöðversdóttir með fjögur mörk hvor.

=== '''Eva Björk og Guðbjörg í landsliðshópnum''' ===
Eva Björk Hlöðversdóttir, leikmaður kvennaliðs ÍBV í handbolta, hefur verið valin í landsliðshópinn sem tekur þátt í undankeppni EM í enda mánaðarins. Ísland spilar í riðli með fimm liðum og komast fjogur af þeim áfram í næstu umferð keppninnar. Guðbjörg Guðmannsdóttir, Eyjastelpan í liði Hauka, er einnig á sínum stað í hópnum.

=== '''Sigurlás verður áfram''' ===
Sigurlás Þorleifsson hefur ákveðið að vera áfram þjálfari kvennaliðs ÍBV en Sigurlás hafði gefið það út eftir síðasta leik í sumar að hann myndi ekki halda áfram með liðið en honum snerist hugur enda er mikill kraftur í hinu nýja ráði. Þar hafa ráðsmenn skipt með sér verkum, Styrkár Jóhannesson er formaður ráðsins, Óðinn Sæbjörnsson varaformaður, Magnea Bergvinsdóttir er gjaldkeri, Karen Tryggvadóttir ritari og meðstjómendur eru Arndís Sigurðardóttir, Júlía Tryggvadóttir og Þóra Ólafsdóttir en þau Styrkár og Magnea voru einnig í knattspyrnuráði á síðasta tímabili. Sigurlás sagði í samtali við Fréttir að hann hefði viljað halda kvennaknattspyrnunni gangandi og taki þess vegna við liðinu. „Eg er ekki að segja að það hefði ekki einhver annar tekið þetta að sér en ég vil að kvennaknattspyrnan haldi áfram hér í Eyjum og því fannst mér ekkert annað vera í stöðunni en að taka þetta að mér. Við þurfum að koma okkur yfir þennan þröskuld sem er núna, það er að segja varðandi leikmannamál en það eru efnilegar stelpur í yngri flokkunum sem munu spila með meistaraflokki eftir eitt til þrjú ár. Á meðan verðum við að halda þessu gangandi." Leikmannahópur IBV var nokkuð þunnskipaður síðasta sumar en Sigurlás segist vera með hugmynd um hvernig hægt sé að stækka hópinn. „Við vorum til dæmis ekki með fullan útlendingakvóta síðasta sumar og gætum bætt við okkur þar. En hugmyndin er að þriðjungur leikmanna verði erlendis frá, þriðjungur eldri leikmenn sem hafa spilað með liðinu og svo þriðjungur ungar og efnilegar stelpur." En hvenær byrja æfingar? „Það er nú ekki komin ákveðin dagsetning á það en ég fer núna í það að hringja í stelpurnar. Við höfum misst mikið, þrjár landsliðskonur og þeirra skarð verður ekki auðfyllt. Ég gæti líka alveg séð fyrir mér að vetrartímabilið verði erfitt og fámennt þannig að hugsanlega mun ÍBV ekki taka þátt í þeim æfingamótum sem eru í gangi yfir vetrartímann," sagði Sigurlás

=== '''Anton skrifar undir þriggja ára samning''' ===
Hinn ungi og efnilegi knattspyrnumaður, Anton Bjarnason, skrifaði undir þriggja ára samning hjá ÍBV. Anton er 18 ára gamall og því enn gjaldgengur í 2. flokki en hann fékk engu að síður að spila lítillega með meistaraflokki í sumar. Þá er Anton handhafi Fréttabikarsins og mikill styrkur fyrir ÍBV að tryggja sér starfskrafta hans næstu þrjú árin. Þá er greint frá því á vef ÍBV að félagið eigi í viðræðum við tvo íslenska leikmenn og hugsanlega skýrast þau mál á komandi dögum. Þá er einnig verið að skoða gaumgæfilega mál erlendra leikmanna sem hafa óskað eftir því að komast að hjá ÍBV

=== '''Gunnar Heiðar einn af þremur heitustu''' ===
Samkvæmt knattspyrnublaðinu World Soccer, sem er eitt það virtasta í þessum geira í heiminum, þá er Eyjapeyinn Gunnar Heiðar Þorvaldsson einn þriggja heitustu knattspyrnumanna Evrópu um þessar mundir. Hálf blaðsíða er lögð undir umfjöllun um Gunnar Heiðar í blaðinu undir dálkinum Stjörnur framtíðarinnar. Greint er frá bakgrunni Gunnars, hvernig hann leiddi sóknarlínu ÍBV ungur að árum og vann um leið sem sendill á eldfjallaeyjunni Heimaey. Þá er annar Eyjamaður, Asgeir Sigurvinsson fyrrum landsliðsþjálfari, fenginn til að meta Gunnar og segir hann að í átta af hverjum tíu skiptum sé Gunnar á réttum stað á réttum tíma.

=== '''Shellmótið fékk viðurkenningu''' ===
Shellmót ÍBV fékk viðurkenningu á dögunum fyrir besta grasrótarviðburð ársins 2005.Fulltruar KSÍ, sem voru staddir í Eyjum á formannafundi félaga í efstu deild í síðustu viku, afhentu fulltrúum ÍBV viðurkenningarskjal og fimmtíu Adidas fótbolta af bestu gerð. Er þetta í annað sinn sem sérstök viðurkenning eins og þessi fyrir grasrótarviðburð en í fyrra hlaut Skallagrímur viðurkenningu fyrir Borgarnesmótið. Það þótti vel við hæfi að hluti Shellmótsnefndar, sem starfað hefur nánast frá upphafi mótsins, tæki við viðurkenningunni fyrir hönd IBV en það voru þeir; Björgvin Eyjólfsson, Einar Friðþjófsson, Björn Elíasson, Hörður Óskarsson og Jóhann Jónsson.

=== '''4. flokkur áfram í bikarnum''' ===
4. flokkur karla komst í átta liða úrslit bikarkeppninnar með því að leggja Valsmenn að velli í skemmtilegum leik sem fram fór í Eyjum. Jafnræði var með liðunum til að byrja með en undir lok fyrri hálfleiks sigu Eyjamenn fram úr og voru yfir 9:6 í hálfleik. Í síðari hálfleik jókst munurinn og var mestur sex mörk en leiknum lauk með tveggja marka sigri Eyjapeyja. Mörk ÍBV skoruðu þeir Þórarinn Ingi Valdimarsson 8, Brynjar Karl Oskarsson 5, Bragi Magnússon 5 og Vignir Stefánsson 2. Þess má svo geta að þjálfari liðsins er bikarmeistarinn Jóhann Pétursson, líklega lögfróðasti þjálfari landsins.

=== '''Botnbaráttan blasir við í vetur''' ===
Karlalið ÍBV virðist ekki ætla að rífa sig upp úr botnbaráttunni í DHL-deild karla í handbolta. Eyjamenn léku tvo leiki á einni viku, fyrst tóku þeir á móti KA mönnum og léku svo gegn Stjörnunni í Garðabæ. ÍBV uppskar eitt stig af fjórum mögulegum og situr nú í þriðja neðsta sæti deildarinnar. Leikurinn gegn KA var ágætis skemmtun fyrir áhorfendur, mikið skorað og mikill hraði. Jafnt var á öllum tölum þar til um tíu mínútur voru eftir af fyrri hálfleik að gestirnir náðu fimm marka forystu en staðan í hálfleik var 15:12. Eyjamenn voru hins vegar fljótir að jafna í síðari hálfleik og voru í lokin tveimur mörkum yfir, 32:30 en norðanmenn náðu að jafna af miklu harðfylgi. Heimamenn fengu svo hálfa mínútu til þess að skora sigurmarkið en það gekk ekki. Reyndar tókst að koma boltanum inn á línuna en þar virtist Svavar Vignisson vera rifinn niður. Ekkert var hins vegar dæmt og má segja að afar slakt dómarapar hafi þar með toppað frammistöðu sína.

Leikurinn gegn Stjörnunni var ekki síður spennandi en í liði Stjörnunnar má finna tvo fyrrum leikmenn IBV, Tite Kalandaze og Roland Eradze. Reyndar var Roland ekki með gegn ÍBV en Tite lék og lét finna fyrir sér. Jafnræði var með liðunum í fyrri hálfleik og voru hálfleikstölur 19:19. ÍBV byrjaði síðari hálfleikinn með því að ná þriggja marka forystu, 21:24 en eftir það tóku heimamenn, með landsliðsmanninn Patrek Jóhannesson fremstan í flokki, öll völd á vellinum og náðu góðri forystu. En þrátt fyrir mikla baráttu Eyjamanna undir lokin tókst þeim ekki að brúa bilið og lokatölur urðu 39:36. Mörk ÍBV: Ólafur Víðir Ólafsson 10/4, Goran Kuzmanovski 8/2, Svavar Vignisson 4, Jan Vtipil 4, Sigurður Bragason 4, Grétar Eyþórsson 2, Erlingur Richardsson 1. Varin skot: Björgvin P. Gústafsson 23/2.

=== '''Sigur og tap hjá stelpunum''' ===
Unglingaflokkur kvenna lék tvívegis gegn Fylki á heimavelli. Fyrri leikurinn var mjög vel leikinn hjá stelpunum enda voru stelpurnar með sjö marka forystu í hálfleik, 14:7. Í síðari hálfleik tókst Fylkisstúlkum að laga aðeins stöðuna en sigurinn var í raun aldrei í hættu og lokatölur urðu 27:24. Markahæstar hjá ÍBV voru þær Ester Óskarsdóttir með sex mörk og þær Hekla Hannesdóttir og Sæunn Magnúsdóttir skoruðu fimm en Heiða Ingólfsdóttir varði 15 skot í marki ÍBV. Síðari leikurinn var hins vegar ekki nærri eins góður hjá ÍBV því leikmenn liðsins mættu með hangandi hendi í leikinn og virtust varla hafa áhuga fyrir honum. Gestirnir gerðu út um leikinn á upphafsmínútunum, voru sjö mörkum yfir í hálfeik 7:14 og unnu að lokum með átta mörkum, 15:23. Markahæstar hjá ÍBV voru þær Hekla með fimm mörk, Sædís Magnúsdóttir og Ester með þrjú en Heiða varði 10 skot í markinu.

=== '''ÍBV vill tvö skip á þjóðhátíð''' ===
Á fundi bæjarráðs í lok nóvember var tekið fyrir bréf frá Páli Scheving, framkvæmdastjóra ÍBV, varðandi viðhaldsdaga Herjólfs næsta haust. Páll vill að bæjaryfírvöld kanni þann möguleika að viðhald verði í ágúst að lokinni þjóðhátíð og það skip sem tekið er á leigu til flutninga í stað Herjólfs meðan á viðhaldi stendur, væri tekið í notkun frá miðvikudeginum 2. ágúst og starfaði samhliða Herjólfí þar til Herjólfur færi til viðhalds. Segir Páll það reynslu félagsins að eftirspurn af fastalandinu sé mun meiri eftir ferðum til Eyja frá síðdegi miðvikudags til föstudags og til baka á mánudegi en framboðið. Að auka flutningsgetu sjóleiðina til og frá Vestmannaeyjum þessa daga myndi efla gríðarlega tekjumöguleika félagsins, verslana og þjónustuaðila. „Vert er að hafa það í huga að sjóleiðin er eina örugga leiðin til Vestmannaeyja." Bæjarráð samþykkti að fela bæjarstjóra að koma erindinu á framfæri við fulltrúa Vegagerðarinnar.

=== '''3. flokkur lék þrjá leiki á tveimur dögum''' ===
3. flokkur karla lék þrjá leiki á tveimur dögum. Fyrst var leikið gegn Gróttu og tapaðist leikurinn 28:18 eftir að staðan í hálfleik hafði verið 16:8. Daginn eftir léku strákarnir tvívegis, gegn Fjölni og Víking. Strákarnir unnu Fjölni 22:24 en töpuðu fyrir Vfkingum 38:25. Unglingaflokkur kvenna lék tvo leiki í Reykjavfk. Fyrst var leikið gegn efsta liði Islandsmótsins, Fram og endaði sá leikur 36:22 eftir að staðan í hálfleik hafði verið 20:11. Daginn eftir var leikið gegn Gróttu og endaði sá leikur einnig með tapi IBV, 24:17 en staðan í hálfleik var 7:6. Fjórði flokkur kvenna lék í 16 liða úrslitum bikarkeppninnar en IBV sendi inn tvö lið. B-liðið tók á móti Víkingum í Eyjum og var ekki í vandræðum með slakt lið Víkinga. Lokatölur urðu 21:8 eftir að staðan í hálfleik hafði verið 7:2. Mörk IBV skoruðu þær Bylgja Haraldsdóttir 7, Arna Björk Guðjónsdóttir 6, Kristrún Hlynsdóttir 4, Svava Kristín Grétarsdóttir 2, Margrét Jónsdóttir 1 og Aníta Elíasdóttir 1. A-liðið sótti Gróttu heim daginn eftir og úr varð hörkuleikur. Liðin skiptust á að skora en Grótta var tveimur mörkum yfír í hálfleik, 10:8. í síðari hálfleik var enn jafnt á öllum tölum og undir lokin voru það heimastúlkur í Gróttu sem höfðu betur, 16:15. ÍBV lék einum leikmanni færri á lokakaflanum og réði það úrslitum í leiknum. Mörk IBV skoruðu þær Nína Björk Gísladóttir 6, Elísa Viðarsdóttir 5, Andrea Káradóttir 3 og Eva Káradóttir 1. Heiða Ingólfsdóttir varði vel í markinu.

== '''DESEMBER:''' ==

=== '''Mikilvægur sigur í Suðurlandsslagnum''' ===
Eyjamenn tóku á móti Selfyssingum í Suðurlandsslag DHL-deildarinnar en þetta var fyrri leikur liðanna í vetur og því orrustan aðeins hálfnuð. Eyjamenn höfðu betur og unnu á nokkuð sannfærandi hátt gegn frekar ósamhentu Selfossliði. Eyjamenn voru nokkurn tíma að komast í gang en Selfyssingar voru yfir framan af. Leikmenn IBV náðu þó góðum leikkafla undir lok hálfleiksins og voru yfir í hálfleik, 15:13. Heimamenn voru svo mun sterkari í síðari hálfleik, náðu mest fimm marka forystu, 25:20. Hins vegar er það áhyggjuefni hvernig liðið kláraði leikinn því síðustu fimm mínúturnar voru leikmenn afar kærulausir og með smá heppni hefðu Selfyssingar getað stolið stigi, jafnvel unnið. En Björgvin Páll Gústafsson toppaði frammistöðu sína í leiknum með því að hreinlega loka markinu á lokakaflanum. Reyndar átti kollegi hans í Selfossmarkinu, Sebastian Alexandersson einnig góðan leik og samtals vörðu þeir hátt í sextíu skot í leiknum sem hlýtur að vera einhver mesta markvarsla sem sést hefur í einum handboltaleik. En lokatölur urðu 28:24 og færðust Eyjamenn aðeins upp töfluna. Mörk ÍBV: Mladen Cacic 12/6, Michal Dostalik 5, Ólafur Víðir Ólafsson 4, Jan Vtipil 3, Sigurður Bragason 2/1, Erlingur Richardsson 1, Grétar Þór Eyþórsson 1. Varin skot: Björgvin Páll Gústavsson 29/2.

=== '''2. flokkur vann Selfoss''' ===
2. flokkur karla lék gegn Selfoss sama dag og meistaraflokkur. Strákarnir voru ekki í teljandi vandræðum með nágranna sína og unnu 23:20 eftir að staðan í hálfleik hafði verið 14:12 fyrirÍBV. Það vekur athygli að þetta er fyrsti leikur flokksins í íslandsmótinu en strákarnir höfðu leikið einn leik í bikarkeppninni, einmitt gegn Selfyssingum þar sem þeir töpuðu og féllu úr leik. Þá var gaman að sjá Björgvin Pál Gústavsson spila fyrir utan með flokknum en Þorgils Jónsson stendur í markinu. Markahæstir voru þeir Jens Kristinn Elíasson og Grétar Þór Eyþórsson með sex mörk

=== '''Prýðisgóður árangur í innanhússmótinu''' ===
Karlalið ÍBV í knattspyrnu tók þátt í innanhúsmótinu í knattspyrnu fyrstu helgina í desember. IBV lék í riðli með Fram og gerðu jafntefli bæði gegn Fram og Breiðablik en strákarnir unnu Víking 2:1 sem dugði til að komast í átta liða úrslit. Þar mættu þeir FH og unnu þá 4:3 en í undanúrslitum töpuðu fyrir KR 4:2. Það voru svo Keflvíkingar sem urðu íslandsmeistarar eftir sigur á KR í úrslitaleiknum. Ekki var leikið um þriðja sætið og enduðu Eyjamenn því í þriðja til fjórða sæti ásamt Breiðablik en þetta er líklega besti árangur IBV í innanhúsmótinu í langan tíma.

=== '''Nýir leikmenn til IBV og fleiri á leiðinni''' ===
Einhverjar þreifingar eru og hafa yerið í leikmannamálum karlaliðs ÍBV í knattspyrnu að undanförnu. Fyrr í vetur skrifaði Arilíus Marteinsson undir hjá ÍBV en Arilíus er 21 árs gamall miðjumaður og skrifaði undir þriggja ára samning hjá IBV. Í desember skrifaði annar leikmaður undir hjá IBV, sá heitir Brynjar Þór Gestsson. Brynjar Þór lék með ÍBV gegn Leikni en ÍBV vann leikinn 3:2 með mörkum Páls Hjarðar, Bjarna Rúnars Einarssonar og Arilíusar. Brynjar er 31 árs gamall og hefur verið spilandi þjálfari Hugins frá Seyðisfirði undanfarin ár en þar lék m.a. Bjarni Hólm Aðalsteinsson undir hans stjórn. Brynjar hætti eftir sumarið hjá Huginn og ætlaði að gerast aðstoðarþjálfari Hauka en hætti við það og hefur nú gengið til liðs við ÍBV. Brynjar spilaði í framlínunni gegn Leikni en getur einnig leikið á miðjunni. Þá skrifaði Ian Jeffs undir framlengingu á samningi sínum um eitt ár en gamli samningurinn var að renna út. Þetta þýðir að Jeffs er samningsbundinn ÍBV út næsta tímabil og eina sem gæti komið í veg fyrir að hann myndi leika með Eyjamönnum er að ef erlent lið kaupi hann. Næsta tímabil mun verða fjórða tímabilið hans með ÍBV og er þessi skemmtilegi miðjumaður orðinn lykilmaður í liði ÍBV en til marks um mikilvægi hans fyrir félagið þá var hann valinn leikmaður ársins af stuðningsmönnum félagsins. Auk þessa er orðrómur uppi um að Eyjamenn séu áhugasamir um að fá Valsmanninn unga Birki Má Sævarsson til ÍBV Birkir er 21 árs og getur leikið bæði frammi og á kantinum. Hann er hins vegar samningsbundinn Val næstu tvö tímabil en hefur lítið fengið að spreyta sig hjá Hlíðarendafélaginu. Gísli Hjartarsson staðfesti að Eyjamenn hefðu lag fram fyrirspurn en bætti því við að enn hafi engin svör borist frá Valsmönnum. Þá væru forráðamenn IBV með mörg járn í eldinum en of snemmt að greina frá gangi mála.

=== '''Goran farinn''' ===
Makedóníská skyttan Goran Kuzmanoski er hættur að leika með ÍBV og er farinn af landi brott. Goran, sem er rétthent skytta, virtist ekki líka lífíð í Eyjum og óskaði hann í byrjun desmeber að verða leystur undan samningi hjá ÍBV. Forráðamenn gerðu hvað þeir gátu til að telja honum hughvarf en honum varð ekki snúið og því er hann hættur að leika með liðinu. Goran er önnur rétthenta skyttan sem yfirgefur skútuna því fyrr í vetur fór Davíð Þór Óskarsson frá liðinu þar sem hann er á leið í Lögregluskólann eftir áramót.

=== '''Samkomulag um löggæslu á þjóðhátíð''' ===
Þriðjudaginn 13. desember var undirritaður samningur milli Sýslumannsembættisins í Vestmannaeyjum og ÍBV-íþróttafélags um lóggæslukostnað á þjóðhátíð. Þar með er endi bundinn á áralanga deilu um löggæslukostnaðinn sem undanfarin ár hefur verið um 3,5 milljónir sem ÍBV hefur þurft að greiða. Samkvæmt samkomulaginu á IBV að greiða 2,2 milljónir í ár og 1,4 milljónir á næsta og þar næsta ári. Það voru Karl Gauti Hjaltason, sýslumaður og Jóhann Pétursson, formaður ÍBV sem skrifuðu undir samkomulagið og í sameiginlegri yfirlýsingu þeirra segir að með því sé settur niður ágreiningur milli embættisins og ÍBV vegna málsins. „Mikil og góð samvinna hefur alltaf verið milli Sýslumannsembættisins og ÍBV, m.a. vegna Þjóðhátíðar Vestmannaeyja sem tryggt getur góða og örugga framkvæmd þjóðhátíðarinnar. Báðir aðilar samkomulags þessa eru sáttir við niðurstöðuna," sögðu þeir. Gildir samkomulagið til 1. október 2007 og er uppsegjanlegt af beggja hálfu frá þeim tíma árlega til 1. janúar ár hvert. Ef samkomulaginu er ekki sagt upp, framlengist það sjálfkrafa um eitt ár í senn. Með undirritun samkomulagsins verður stjórnsýslukæra ÍBV afturkölluð og öllum ágreiningi um löggæslukostnað fyrri ára lýkur með undirritun samkomulagsins. Karl Gauti Hjaltason, sýslumaður, var mjög ánægður með að samningar væru í höfn varðandi þetta mál. „Ég vil þakka IBV fyrir drengskap í þessu máli og fagna því sérstaklega að þetta sé komið í höfn. Ég vil líka þakka Guðjóni Hjörleifssyni, alþingismanni, sérstaklega fyrir að koma að þessu máli og stuðla að því að hægt var að ljúka þessum samningi. Hann er góður fyrir báða aðila og sérstaklega hagstæður fyrir ÍBV því þarna er um að ræða umtalsverða lækkun á löggæslukostnaði." Karl Gauti vildi lítið segja um hvernig embættið hygðist brúa það bil sem myndaðist, sagði að það yrði leyst innan embættisins.

=== '''Eyjamenn komnir á beinu brautina?''' ===
Eyjamenn virðast vera komnir á beinu brautina en liðið hefur nú leikið þrjá sigurleiki í röð, þar af eru tveir á útivelli. Síðasti leikur Eyjamanna var gegn Þór og fór hann fram norður á Akureyri. Sagan hermir að ÍBV hafi ávallt gengið vel með KA en illa með Þór en Eyjamenn sneru þeirri hefð einnig við og unnu sannfærandi sigur, 21:27. Fyrri hálfleikur var í járnum. Eyjamenn byrjuðu reyndar betur en norðanmenn náðu að vinna sig inn í leikinn fljótlega að nýju en staðan í leikhléi var 10:11 ÍBV í vil. Fljótlega í síðari hálfleik náðu Eyjamenn svo sex marka forystu og héldu henni út leikinn. Þórsarar reyndu hvað þeir gátu til að leysa leikinn upp, tóku leikmenn IBV úr umferð en allt kom fyrir ekki.

=== '''ÍBV komið í undanúrslit''' ===
Eyjamenn eru komnir í undanúrslit bikarkeppninnar eftir góðan sigur á FH. Eyjamenn unnu með þremur mörkum, 25:28 en staðan í hálfleik var 13:14 ÍBV í vil. Það gekk þó ekki þrautalaust fyrir sig að koma leiknum á því tvívegis varð að fresta honum en allt er þegar þrennt er. Eyjamenn voru ívið sterkari í fyrri hálfleik án þess þó að FH-ingar væru langt undan og í leikhléi var ÍBV einu marki yfir. Leikmenn IBV byrjuðu svo betur í síðari hálfleik en á skömmum tíma skoruðu FH-ingar átta mörk gegn tveimur mörkum IBV og komust yfir. En Eyjamenn tóku leikhlé, náðu aftur tökum á leiknum og unnu að lokum með þremur mörkum. Þar með eru Eyjamenn komnir í undanúrslit bikarkeppninnar annað árið í röð en ÍBV hefur ekki komist í úrslitaleikinn síðan 1991 þegar Eyjamenn urðu bikarmeistarar.

=== '''Þrír Eyjamenn á meðal þeirra bestu''' ===
Þann 12.desember var gert kunnugt um hver hefðu verið valin knattspyrnumaður og -kona ársins 2005. Eyjamenn áttu þrjá fulltrúa meðal þeirra tíu sem voru í efstu fimm sætunum. Eiður Smári Guðjohnsen og Ásthildur Helgadóttir urðu efst í kjörinu en óhætt er að segja að árangur Eyjamannanna í kjörinu hafi varla getað verið betri, Hermann Hreiðarsson varð annar og Gunnar Heiðar Þorvaldsson þriðji. Hjá kvenfólkinu varð Margrét Lára Viðarsdóttir önnur í kjörinu en hún var knattspyrnukona ársins 2004.

=== '''Góður árangur í æfingaferð kvennaliðsins''' ===
Nú er komið á fimmtu viku frá því að kvennalið ÍBV í handbolta lék síðast en þær hafa þó ekki lagst í dvala stelpurnar, heldur æft stíft að undanförnu. Þær fóru til höfuðborgarinnar og léku æfingaleiki gegn Stjörnunni og Fram. Fyrst var leikið gegn Stjörnunni og unnu Eyjastelpur leikinn með átta mörkum, 21:29. Daginn eftir var svo hraðmót þar sem ÍBV vann Stjörnuna 19:22 og svo Fram 21:32. Alfreð Finnsson, þjálfari ÍBV var ánægður með leikina. „Það voru þarna leikmenn sem eru að taka framförum. Við spiluðum góða vörn og fengum hraðaupphlaup sem nýttust vel.Við förum í frí yfir jólin og einhverjar fara út en svo byrjum við aftur á fullu á annan í jólum."

=== '''Þrír Eyjamenn í U-21''' ===
Lúkas Kostic, nýráðinn þjálfari U-2l árs landsliðs Íslands í knattspyrnu, hefur kallað saman 36 leikmenn á úrtaksæfingar. Æfingarnar fara fram í Fífunni en þrír leikmenn ÍBV eru í hópnum, þeir Hrafn Davíðsson, Andri Ólafsson og Bjarni Hólm Aðalsteinsson en í hópnum má einnig finna Heimi Snæ Guðmundssqn, leikmann FH sem lék með ÍBV síðasta

=== '''Úrtaksæfingar hjá yngri landsliðum''' ===
Yngri leikmenn ÍBV í knattspyrnu hafa verið boðaðir á úrtaksæfingar að undanförnu. Þær Nína Björk Gísladóttir og Þórhildur Ólafsdóttir voru fulltrúar IBV á úrtaksæfingum fyrir U-17 ára landslið stúlkna. Þeir Elías Fannar Stefnisson og Þórarinn Ingi Vilhjálmsson fóru einnig á úrtaksæfingu fyrir U-17 ára landslið drengja og Njáll Aron Hafsteinsson fór á úrtaksæfingar hjá U-16 ára landslið drengja.

=== '''Eyjamenn áfram á sigurbraut''' ===
Sigurganga Eyjamanna hélt áfram þegar strákarnir léku gegn ÍR á útivelli þar sem liðið vann sinn fjórða sigur í röð. Með sigrinum lyftu Eyjamenn sér upp í sjöunda sæti og hafa ekki verið ofar í vetur. Lokatölur leiksins urðu 28:32 en staðan í hálfleik var 14:15 ÍBV í vil. Kristinn Guðmundsson, þjálfari ÍBV, var ánægður með leikinn þegar blaðamaður Frétta ræddi við hann. „Þetta var sannkallaður baráttusigur hjá okkur. Við lentum í vandræðum undir lokin þegar ÍR-ingarnir komust í 28:25 og tíu mínútur eftir. En í stað þess að brotna niður, héldum við áfram að berjast og uppskárum eftir því. Rikharð Bjarki kom inn í vörnina á þessum leikkafla og stóð sig feikilega vel og setti aukakraft í liðið. Mladen var auðvitað alveg ótrúlegur í þessum leik og Björgvin líka í markinu en hann sýndi það endanlega í kvöld að þar er á ferðinni markmaður sem á fyllilega heima í landsliðshópnum." Mörk ÍBV: Mladen Casic 17/3, Ólafur Víðir 8/1, Michal Dostalik 4, Grétar Þór Eyþórsson 3. Varin skot: Bjórgvin Páll Gústafsson 19.

=== '''Drögumst aftur úr ef ekkert verður gert''' ===
Páll Scheving Ingvarsson, framkvæmdastjóri ÍBV-íþróttafélags hefur viðrað þá hugmynd opinberlega að Vestmannaeyjabær taki þátt í því að reisa knattspyrnuhús með félaginu. Um er að ræða svokallað dúkahús þar sem veggir og gólf eru úr steypu en efri hluti veggja og þak eru úr dúk og er húsinu haldið uppi með stálgrindum. Samkvæmt hugmyndum Páls er um að ræða æfingahúsnæði sem væri um það bil hálfur knattspyrnuvöllur að stærð eða svipað því sem reist var á félagssvæði FH. Páll staðfesti þetta í samtali við Fréttir og bætti því við að hugmyndin væri að slíkt hús myndi rísa við vesturenda Týsheimilisins. „Vissulega er áhugi fyrir því hjá okkur að bæta vetraraðstöðu knattspyrnunnar og ég tel að það sé nauðsynlegt ætlum við okkur að vera áfram á meðal þeirra bestu. Hvort félagið sjálft hafi burði til að reisa svona hús, hreinlega efa ég. Ég hugsa að við þurfum að biðla til bæjaryfirvalda í þessu verkefni." Hversu mikið telurðu að þetta kosti? „Ég gæti vel trúað að ef þetta hús yrði reist með sömu formerkjum og bærinn gerir nú í samstarfi við Fasteign, þá sé kostnaðurinn á ári um sex milljónir. En svona hús, sem væri hálfur knattspyrnuvöllur myndi fullnægja alfarið þörfum félagsins á æfingaaðstöðu. Ef við ætlum okkur að vera meðal þeirra bestu í framtíðinni þá tel ég að það sé mjög mikilvægt að félagið eignist svona aðstöðu eða hafí afnot af henni. Ef ekki þá tel ég að við verðum fljót að dragast aftur úr," sagði Páll að lokum.

=== '''Bo Henriksen til ÍBV''' ===
Danski leikmaðurinn Bo Henriksen mun að öllum líkindum leika með ÍBV næsta sumar en forráðamenn ÍBV hafa komist að munnlegu samkomulagi við leikmanninn og verður væntanlega gengið endanlega frá samningi við hann áður en desember er á enda. Henriksen gekk í raðir Valsmanna fyrir síðasta tímabil en fékk fá tækifæri og var lánaður til Fram í júlí. Þar skoraði hann fjögur mörk í sjö leikjum og þótti standa sig vel. Annars hefur Henriksen komið víða við á ferli sínum en hann hefur m.a. leikið með dönsku liðunum Odense, Herfolge og ensku liðunum Kidderminster Harriers og Bristol Rovers.

=== '''Birkir með landsliðinu''' ===
Fyrrum markvörður ÍBV, Birkir Kristinsson hefur tekið að sér að aðstoða Eyjólf Sverrisson landsliðsþjálfara Íslands í knattspyrnu. Birkir, sem er landsleikjahæsti markmaður fslands, með 74 landsleiki, mun þjálfa markmenn íslenska liðsins. Þá mun fyrrum þjálfari ÍBV, Bjarni Jóhannsson, einnig aðstoða Eyjólf en Bjarni þjálfar nú Breiðablik.

=== '''ÍBV vill viðræður við Fasteign hf. og bæinn''' ===
Á fundi menningar- og tómstundaráðs bæjarins í síðustu viku var tekið fyrir bréf frá Páli Scheving framkvæmdastjóra ÍBV um nauðsyn þess að í Eyjum rísi knattspyrnuhús. Vill Páll að ráðið samþykki að vísa því til bæjarstjórnar að nú þegar verði hafinn undirbúningur að því að Vestmannaeyjabær og ÍBV -íþróttafélag semji við Fasteign hf. um byggingu knattspyrnuhúss og að það yrði tilbúið til notkunar næsta vetur. Til þess að svo geti orðið þarf að hefja viðræður við Fasteign hf. strax eftir áramót og athuga hvort félagið treystir sér til að fara í þessa framkvæmd og enn fremur hvað slík framkvæmd muni kosta. ÍBV hefur þegar spurst fyrir um það hjá Fasteign hf. hvort það sé tilbúið í slíka framkvæmd og hafa forráðamenn félagsins tekið vel í erindi ÍBV Á fundi aðalstjórnar ÍBV-íþróttafélags 19. desember sl. var samþykkt að félagið lýsti því yfir að fyrir sitt leyti væri félagið tilbúið í viðræður um rekstur hússins og fjármögnun verkefnisins. Lítur félagið svo á að með bréfinu sem tekið var fyrir á fundi MTV sé verið að óska eftir samstarfi við Vestmannaeyjabæ um byggingu knattspyrnuhúss. Ekki liggur fyrir hver kostnaður yrði við slíkt hús en samkvæmt upplýsingum sem fengust úr Hafnarfírði, en þar reis sambærilegt hús nýverið, þá kostaði það rétt undir 100 milljónum króna. Eru forráðamenn Fasteignar hf. bjartsýnir á að hægt væri að ná þeirri tölu eitthvað niður. Í bréfinu segir ennfremur: „Það þarf ekki að fara mörgum orðum um það hversu mikilvægt svona mannvirki er fyrir íþróttalíf í Vestmannaeyjum, einkum þó knattspyrnuna en ekki eingöngu. Aðstaða til knattspyrnuiðkunar er til fyrirmyndar í Vestmannaeyjum fjóra til fimm mánuði á ári, en því miður höfum við dregist verulega aftur úr hvað varðar vetraraðstöðu. Vetraraðstaða hefur þróast hratt á undanförnum árum og flest sveitarfélög hafa brugðist skjótt við og tekið í notkun gervigrasvelli eða knattspyrnuhús. IBV hefur í áratugi verið öflugt vörumerki á knattspyrnusviðinu, til þess að viðhalda því er nauðsynlegt að bæta aðstöðu félagsins til æfinga, sú aðstaða sem félagið býr við í dag mun leiða til þess að Vestmannaeyingar verða ekki lengur meðal þeirra bestu og viðmið færast neðar. Í dag eru í íþróttahúsinu um 190 skipulagðar knattspyrnuæfingar á mánuði. Að taka í notkun knattspyrnuhús myndi breyta miklu fyrir aðrar íþróttagreinar. Knattspyrnan mun færast úr íþróttahúsinu, það myndi skapa meira rými fyrir aðrar íþróttagreinar í húsinu sem ætti að tryggja betri árangur. Hugsanlegt er að hægt sé að spara í rekstri íþróttahússins, launakostnaður gæti lækkað ef mögulegt er að loka húsinu fyrr á virkum dögum og jafnvel að loka á laugardögum fyrir æfingar. Það myndi hlífa grasvöllum verulega ef hægt væri að flytja æfíngar inn í knattspymuhús í votviðri og þegar nauðsynlegt er hvíla grasvellina eftir mikið álag. Knattspyrna er vinsælasta íþróttagreinin sem stunduð er í Vestmannaeyjum um 500 einstaklingar æfa knattspymu. Það skýtur því skökku við að þessi grein búi verr en flestar aðrar íþróttagreinar sem stundaðar eru í Vestmannaeyjum." Menningar- og tómstundaráð taldi ekki tímabært að vísa málinu til bæjarstjórnar. Ekki liggi fyrir nákvæmir útreikningar á kostnaði né heldur hvort sú leið að semja við Fasteign hf. sé hagkvæm. Svo segir; „Hins vegar tekur MTV undir það sjónarmið að aðstæður til vetrariðkunar knattspyrnu þarf að bæta og því mikilvægt að bærinn leiti leiða til að bæta þá aðstöðu í samráði við ÍBV - íþróttafélag. Því óskar MTV eftir því við bæjarstjóm að skipaður verði starfshópur til að fara yfir þær forsendur sem fram koma í bréfinu og vinna að lausn málsins í samstarfi við ÍBV - íþróttafélag. Andrés Sigmundsson bókaði að hann tæki heils hugar undir sjónarmið ÍBV að stórbæta þurfi aðstöðu félagsins til vetrariðkunar. Því sé eðlilegt að skipaður verði starfshópur nú þegar til að vinna að framgangi málsins.

=== '''Tveir Eyjamenn á meðal tíu efstu''' ===
Búið er að greina frá því hvaða tíu íþróttamenn eru efstir í kjörinu á íþróttamanni ársins 2005. Tveir Eyjamenn eru í hópi tíu efstu en það eru knattspyrnumennirnir Gunnar Heiðar Þorvaldsson og Hermann Hreiðarsson. Þetta mun verða í 50. sinn sem Samtök íþróttafréttamanna tilnefna íþróttamann ársins en Eiður Smári Guðjohnsen varð fyrir valinu fyrir árið 2004. Hermann er þarna á kunnuglegum slóðum, var í hópi tíu efstu í fyrra en þetta er í fyrsta sinn sem Gunnar Heiðar kemst svo ofarlega á listann. Hófið, þar sem tilkynnt verður um íþróttamann ársins, fer fram 3. janúar á Grand Hótel í Reykjavík.

=== '''Knattspyrnuhús?''' ===
Á fundi bæjarstjórnar þann 29. desember sl. var tekin fyrir fundargerð menningar- og tómstundaráðs en ráðinu barst erindi frá ÍBV - íþróttafélagi varðandi byggingu knattspyrnuhúss í Vestmannaeyjum. Ráðinu fannst ekki tímabært að vísa því til bæjarstjórnar að ganga til samninga við Fasteign hf. um byggingu slíks húss þar sem ekki liggja fyrir nákvæmir útreikningar á kostnaði né heldur hvort sú leið að semja við Fasteign hf. sé hagkvæm. Áhugamenn um byggingu hússins fjölmenntu á fund bæjarstjórnar en þar var afgreiðslutillaga samþykkt sem fól í sér að fela bæjarstjóra að kanna möguleika á aðkomu Vestmannaeyjabæjar að fjármögnun, byggingu og rekstri knattspyrnuhúss. ''„Rætt skal við ÍBV - íþróttafélag um hugmyndir félagsins og hvernig það sér aðkomu sína að fjármögnun, byggingu og rekstri slíks húss. Bæjarstjóri skal leggja fram greinargerð um málið fyrir 26. janúar nk."'' Afgreiðslutillagan var samþykkt samhljóða.

<big><big><center>'''''[[Annáll ÍBV íþróttafélags í 20 ár - Þar sem hjartað slær|Til baka á forsíðu]]'''''</center><big><big> 

[[Flokkur:Annáll ÍBV íþróttafélags í 20 ár]]