Viglundur á 21. júní 2010 kl. 15:26

2010-06-21T15:26:45Z

←Fyrri útgáfa		Útgáfa síðunnar 21. júní 2010 kl. 15:26
Lína 5:		Lína 5:


	[[Árni Guðmundsson\|ÁRNI ÚR EYJUM]]:		<big>[[Árni Guðmundsson\|ÁRNI ÚR EYJUM]]:

	=GULT — GRÆNT OG BLÁTT=
	<br>		::::::::<big><big>GULT — GRÆNT OG BLÁTT</big></big>
	<br>		<br>
	Þú verður aldrei svo gamall, að þú gleymir Heimakletti: gulu bergi		Þú verður aldrei svo gamall, að þú gleymir Heimakletti: gulu bergi

Viglundur: Verndaði „Blik 1955/Gult, grænt og blátt“ [edit=sysop:move=sysop]

2010-02-19T22:44:55Z

Verndaði „Blik 1955/Gult, grænt og blátt“ [edit=sysop:move=sysop]

←Fyrri útgáfa

Útgáfa síðunnar 19. febrúar 2010 kl. 22:44

Viglundur: Ný síða: Efnisyfirlit 1955 ÁRNI ÚR EYJUM: =GULT — GRÆNT OG BLÁTT=

Þú verður aldrei svo gamall, að þú gleymir Heimakletti: gulu ber...

2010-02-18T22:26:53Z

Ný síða: Efnisyfirlit 1955 ÁRNI ÚR EYJUM: =GULT — GRÆNT OG BLÁTT= Þú verður aldrei svo gamall, að þú gleymir Heimakletti: gulu ber...

Ný síða

[[Blik 1955|Efnisyfirlit 1955]]

[[Árni Guðmundsson|ÁRNI ÚR EYJUM]]:

=GULT — GRÆNT OG BLÁTT=
 
 
Þú verður aldrei svo gamall, að þú gleymir Heimakletti: gulu bergi
móti sól, brimsorfnu, hreggbörðu í bláum sjó, grænum brekkum ofar; efst á myndinni dimmblá himinfirrð. Sama þótt þú farir um fjarlæg lönd: enginn er sú Kalifornía, enginn sá Krímskagi, að slíkt megi gerast; — ekkert mun stoða: Heimaklettur verður þar — í hugskoti þínu gulur og grænn við bláan flöt, bláan bakgrunn. Þú verður aftur lítill drengur austur á Skansi horfandi á menn uppi í [[Hettuberg]]i eins og flugur að bora inní fjallið. Og látið dýnamit í holurnar, og mennirnir forða sér í skúta á [[Neðri-Kleifar|Neðri-Kleifum]]. Sólin er brennheit á gulu berginu og bergið í Hettu rofnar með ægigný — fuglinn tvístrast úr grænum brekkunum og stærðarbjörg steypast framaf hengiflugi niður í sandinn undir Löngu. — Eða maður situr með háf undir [[Siggasteinn|Siggasteini]] og sveiflar eftir lunda með mörg síli í nefinu. 
Og þú sjálfur bara að horfa á Heimaklett: allt þetta flóð gulra lita undir grænni hettu við bláan sjó og blátt loft. Bara að horfa, horfa lengi: mínútur eða eilífð; bátar í forgrunninum, stórir bátar, litlar fleytur og niðri í sjónum koli og smáupsi og marhnútur. 

Og síðan nótt og allt þetta gula brúnt, æ dekkra, loks svart (það græna líka): skuggamynd — útlínurnar eina við dimmbláan himin með stellu pólaris þarna og stórabirni hérna. 
Sama þótt þú sért staddur á öðru landshorni með útsýn til annars fjalls undir merki oríons: lokirðu augunum er það Heimaklettur, bergið gult með lóðréttum línum utan Danskató þversum og kollurinn grænn fyrir ofan og svo blátt víðernið.

Það er mikill gagnfræðaskóli að horfa á Heimaklett, þennan gula risa með græna kollinn við bláan himin; öllum gagnfræðaskólum meiri — Hver sem skynjar þessa litríku tign og verður af allri sál sinni og öllu hjarta sínu snortinn töfrum hennar — hefur tekið mesta gagnfræðapróf í heimi. Hann hefur staðizt próf sjálfrar náttúrunnar, próf mannlífsins og komizt feti nær því að ráða lífsgátuna: öðlazt ástina til landsins og þjóðarinnar — þá sönnu ást, sem felur í sér ástina til allra landa móður jarðar og til allra þjóða hennar. Hann hefur öðlazt náðargáfuna að njóta æðstu fegurðar, jafnt í því stóra og hinu smáa: tignar fjallsins, dásemdar blóms og daggar, bliks í barnsauga, tónaflóðs hljómvöggulags. 
Þessvegna er Heimaklettur þér samnefnari allrar þessarar tignar, allrar þessarar fegurðar. Og einmitt þessvegna hefur þú víðsýni til að sjá fegurðina til beggja handa: til vinstri röð fjalla margra gerða — til hægri bláan sjó, brattar úteyjar, duggu á miði, hvítt segl ef vel lætur — og bak við Jökulinn í upphafinni fegurð. 
En eigi að síður festist auga þitt aftur við Heimaklett. Og hvað sem þú verður gamall, hvert sem leið þín liggur: aldrei muntu gleyma þessari gulu og grænu dýrð á mörkum dýpsta bláma, sem sögur fara af.

{{Blik}}

Blik 1955/Gult, grænt og blátt - Breytingaskrá

Viglundur á 21. júní 2010 kl. 15:26

Viglundur: Verndaði „Blik 1955/Gult, grænt og blátt“ [edit=sysop:move=sysop]

Viglundur: Ný síða: Efnisyfirlit 1955 ÁRNI ÚR EYJUM: =GULT — GRÆNT OG BLÁTT= Þú verður aldrei svo gamall, að þú gleymir Heimakletti: gulu ber...

Viglundur: Ný síða: Efnisyfirlit 1955 ÁRNI ÚR EYJUM: =GULT — GRÆNT OG BLÁTT=

Þú verður aldrei svo gamall, að þú gleymir Heimakletti: gulu ber...