Viglundur: Verndaði „Ritverk Árna Árnasonar/Huldukona vitjar nafns“ (‎[edit=sysop] (ótiltekinn))

2013-10-08T17:08:19Z

Verndaði „Ritverk Árna Árnasonar/Huldukona vitjar nafns“ (‎[edit=sysop] (ótiltekinn))

←Fyrri útgáfa

Útgáfa síðunnar 8. október 2013 kl. 17:08

Viglundur: Ný síða:

Úr fórum Árna Árnasonar Huldukona vitjar nafns Stefán, sonur síra [[Jón Austm...

2013-10-07T20:13:09Z

Ný síða: <center> Úr fórum Árna Árnasonar</center> <big><big><center> Huldukona vitjar nafns </center></big></big> Stefán, sonur síra [[Jón Austm...

Ný síða

<center> Úr fórum Árna Árnasonar</center>

<big><big><center> Huldukona vitjar nafns </center></big></big>

[[Stefán Austmann|Stefán]], sonur síra [[Jón Austmann|Jóns Austmanns]] prests að [[Ofanleiti]], bjó um tíma að [[Draumbær|Draumbæ]] hér í bæ. Kona hans var [[Anna Benediktsdóttir]] ljósmóðir, er síðar giftist [[Pétur Pétursson (Vanangri)|Pétri Péturssyni]] í [[Vanangur|Vanangri]], sem drukknaði 1910. 
Stefán var vel gefinn og listaskrifari, en allmjög drykkfelldur. Drukknaði hann á [[Gaukur, áraskip|Gauki]] 13. marz 1874, skammt eitt undan [[Beinakelda|Beinakeldu]] fyrir ofhleðslu. Formaður á Gauki var [[Sighvatur Sigurðsson (Vilborgarstöðum)|Sighvatur]] faðir [[Björg Sighvatsdóttir (Gilsbakka)|Bjargar]], sem nú, 1938, býr í [[Gilsbakki|Gilsbakka]]. Voru þeir á Gauki á sjó austarlega í [[Flóinn|Flóanum]], í skjóli af [[Bjarnarey]], í kappnógum fiski og hafði Stefán varað við því að ofhlaða ekki, en engu fengið áorkað. Drukknaði Stefán og sex aðrir, en formaðurinn og tveir aðrir komust af. 
Meðan þau Anna og Stefán bjuggu í Draumbæ, eignuðust þau dóttur, efnilegasta barn. Skömmu áður en skíra átti barnið, kom kona til Önnu í draumi og bað hana um að láta barnið heita Ágústu. Engu þóttist Anna lofa um það í draumnum. Nóttina áður en skíra átti dreymdi Önnu enn hina sömu konu og bað hún hana að nýju að skíra barnið Ágústu. Þóttist þá Anna spyrja konuna, hver hún væri og kvaðst hún vera huldukona. Neitaði Anna þá þverlega að skíra barnið að bón hennar, því að hún var þá þegar ákveðin í að láta barnið heita öðru nafni. 
Um morguninn, þegar fólk vaknaði í Draumbæ, sá það, að skrifað hafði verið á baðstofuhurðina: „Láttu barnið heita Ágústu‟. Svo var letrið fast á hurðinni, að það varð ekki þurrkað af. Lét Stefán bóndi höggva það burtu, og bar hurðin þess alla tíð merki síðan, meðan hún entist. Sá [[Sæmundur Ingimundarson (Draumbæ)|Sæmundur Ingimundarson]], nú bóndi í Draumbæ, hurðina í æsku sinni og eru honum axarhöggin í henni enn minnisstæð. 
Daginn eftir var síra Jón Austmann, faðir Stefáns, sóttur til að skíra barnið og fór skírnin fram eins og ákveðið hafði verið og var barnið ekki látið heita Ágústa. Þegar síra Jóni var sagt frá draumum Önnu og letrinu á hurðinni, varð honum að orði, að hann mundi hafa skírt barnið Ágústu, hvað sem Anna hefði sagt, ef hann hefði vitað um þetta. 
Árið eftir eignaðist Anna barn að nýju og var sagt, að engin mannsmynd hefði á því verið og var það sögn mjög orðvarra manna, sem sáu það barn. Dó það strax eftir fæðinguna. [[Jóhann Stefánsson Austmann (eldri)|Jóhann]], sonur þeirra hjóna, hrapaði til dauðs, 11 ára gamall í [[Ofanleitishamar|Hamrinum]] 23. júní 1865. Annar sonur þeirra Stefáns og Önnu hét einnig [[Jóhann Stefánsson Austmann (yngri)|Jóhann]]. Komst hann til aldurs og átti heima í [[Jóhannshús]]i. Var hann mjög fatlaður og ekki eins og fólk er flest. Hann dó 1918. Talið var að barnaólán þeirra hjóna hefði stafað af því, að Anna varð ekki við tilmælum draumkonu sinnar, huldukonunnar. 
Þau Stefán og Anna flosnuðu upp frá Draumbæ árið 1869, en áður hafði [[J.P.T. Bryde]] kaupmaður tekið af honum allar eigur hans upp í verslunarskuldir. Fluttu þau hjón þá að Vanangri. 
Ofangreindan atburð frá draumum sínum sagði Anna sjálf [[Ragnheiður Gísladóttir (Svaðkoti)|Ragnheiði]] í [[Svaðkot]]i, en vinnufólkið í Draumbæ sagði henni frá letrinu á hurðinni. [[Guðríður Bjarnadóttir (Brautarholti)|Guðríður Bjarnadóttir]], dóttir Ragnheiðar í Svaðkoti, er heimildarkona mín að mestu, en Sæmundur Ingimundarson núverandi bóndi í Draumbæ að nokkru leyti.
{{Árni Árnason}}

Ritverk Árna Árnasonar/Huldukona vitjar nafns - Breytingaskrá

Viglundur: Verndaði „Ritverk Árna Árnasonar/Huldukona vitjar nafns“ (‎[edit=sysop] (ótiltekinn))

Viglundur: Ný síða: Úr fórum Árna Árnasonar Huldukona vitjar nafns Stefán, sonur síra [[Jón Austm...

Viglundur: Ný síða:

Úr fórum Árna Árnasonar Huldukona vitjar nafns Stefán, sonur síra [[Jón Austm...