Viglundur: Til aðgreiningar alnafna.

2016-03-30T17:55:42Z

Til aðgreiningar alnafna.

Ný síða

'''Stefán Gíslason''' (eða Stebbi Gilla eins og hann er jafnan kallaður) er fæddur 6. janúar á því herrans ári 1950 kl. 06.
Það var ekki að sökum að spyrja að um leið og styttist í fæðingu Stefáns og þrátt fyrir eða vegna þess þá skall á ofsaveður sem lengi verður í minnum haft. Þetta var eitt af verri veðrum sem skollið hafa á Eyjunum og er þá af nægu að taka og brann til að mynda [[Hraðfrystistöðin|Hraðfrystistöðin]] til grunna og Vélbáturinn [[Helgi VE-333|Helgi VE]] fórst, þar sem 2 menn komust upp á [[Faxasker|Faxasker]] en lifðu ekki af og horfði fólk aflvana á.
Móðir Stefáns bjó út í [[Stórhöfði|Stórhöfða]] um þetta leyti og varð að senda sjúkrabíl eftir henni en veðrið var svo vitlaust að bílinn næstum fauk svo að ekki komust þau á sjúkrahúsið, heldur var ákveðið að fara heim til ljósmóðurinnar sem bjó á Faxastig 7 [[Uppsalir|Uppsölum]], þar sem sveinninn fæddist.
Sveinninn kom steinþegjandi í heiminn, en var fljótt flengdur og rak þá upp gól mikið, en svo brá við að hann hefur látið öll gól eiga sig síðan.

Stefán fór í Barnaskóla Vestmannaeyja og Gagnfræðaskólann og gekk allan þann tíma utan úr [[Stórhöfði|Höfða]] í skólann um 3 km. leið í hvort skipti. Stefán hefur unnið flest störf á landi og á sjó. Hann vann sem verkamaður hjá Vestmanneyjabæ og um tíma við netagerð. Þá vann hann við stíflugerð við Þórisvatn og réri á netabát frá Þorlákshöfn, en einnig á humri.
Stefán fór utan um tíma og vann sem þjónn í Danmörk og hélt síðan til Færeyja og vann þar við smíðar, útvapsvirkjun og sem húsamálari. Frá Færeyjum hélt Stefán til Bretlands og fór í listaskóla að læra Calligraphylettering og grafik. Eftir stutt stopp heima hélt kappinn til Grænlands og stofnaði listaskóla í Nuuk og hélt þar sína fyrstu málverkasýningu. Í Nuuk stofnaði hann skákfélag á staðnum og var það í annað skipti sem hann stofnaði skákfélag, í fyrra skiptið var það í Reykjavík "Skákfélag Vesturbæjarins", en það félag varð ekki langlíft.

Stefán bjó um tíma með konu sem átti 2 börn frá fyrra hjónabandi. Löngu síðar bjó hann um tíma með annarri konu sem lést eftir stutta sambúð. Í dag býr Stefán að [[Baldur|Baldri að Brekastíg 22]] ásamt kettinum Góði dátinn Sveik og una þeir hag sínum hið besta. Stefáni finnst verst að kötturinn kann ekki að tefla.

Stefán hefur lengi verið virkur félagsmaður í [[Taflfélag Vestmannaeyja|Taflfélagi Vestmannaeyja]] og teflt með félaginu á flestum mótum. Um langt skeið á níunda og tíunda áratugnum skrifaði hann fjölda skemmtilegra skákpisla í bæjarblöðin. Hann var '''formaður''' [[Taflfélag Vestmannaeyja|Taflfélags Vestmannaeyja]] á árunum 1989-90 og aftur 1995-97. Hann var Skákmeistari Vestmannaeyja 2015. Hann hefur teflt allt frá upphafi vega og er enn að.

{{Heimildir|
* Tekið hefur saman [[Karl Gauti Hjaltason|Karl Gauti Hjaltason]] 2013.
}}

[[Flokkur:Skákmenn]]
[[Flokkur:Formenn Taflfélags Vestmannaeyja]]
[[Flokkur:Fólk fætt á 20. öld]]

Stefán Gíslason (Sigríðarstöðum) - Breytingaskrá

Viglundur: Til aðgreiningar alnafna.