View source for Árni Stefánsson (Ási)

'''Árni Stefánsson''', póstmaður fæddist í Vestmannaeyjum 11. október 1919 og lést 8. mars 1994.  Hann var sonur hjónanna [[Stefán Gíslason (Ási)|Stefáns Gíslasonar]], útvegsbónda og konu hans Sigríðar Jónsdóttur.  Kona Árna var [[Guðrún Sigurðardóttir (Birkihlíð)|Guðrún Sigurðardóttir]].  Þau voru barnlaus, en Guðrún átti barnið Ellen. 

Árni var félagsmaður í [[Taflfélag Vestmannaeyja|Taflfélagi Vestmannaeyja]] upp úr seinna stríði og tefldi m.a. með sveit félagsins á móti sveit Reykjavíkur 1945.  Hann tók þátt nokkrum Íslandsmótum á árunum 1944-1950.  Hann var hörkusterkur skákmaður og sigraði eitt sinn m.a. Max Euwe, fyrrum heimsmeistara í fjöltefli 1948.

Árni varð fyrsti Skákmeistari Vestmannaeyja 1958 og hélt titlinum einnig 1959.  Hann fluttist seinna til Reykjavíkur og varð m.a. kunnur af því að semja skákdæmi sem birtust bæði í blöðum hér og í tímaritum erlendis.  Árni var um tíma meðal fremstu skákmanna Reykjavíkur og stundaði talsvert bréfskák og var í bréfskáklandsliði Íslands í meira en 20 ár.  Hann var einn af stofnendum tímaritsins Skák 1947 og stóð að útgáfu þess í tvö ár.  Árni varð Bréfskákmeistari Íslands 1975, 1982 og 1983.

Ættingjar Árna færðu Taflfélagi Vestmannaeyja taflbókasafn hans að gjöf vorið 1998, en bókasafnið er merkilegt og mikið að vöxtum og var gjöfin afhent félaginu vorið 1998. <br>

[[Ritverk Árna Árnasonar/Árni Stefánsson (Ási)]]
{{Heimildir|
*''Samantekt skrifaði [[Karl Gauti Hjaltason]]''
*''Mest efnið er úr grein e. Björn Ívar Karlsson eldri í Dagskrá 17. apríl 1998''}}

[[Flokkur: Skákmenn]]
[[Flokkur: Bifreiðastjórar]]
[[Flokkur: Fólk fætt á 20. öld]]
[[Flokkur: Fólk dáið á 20. öld]]
[[Flokkur: Íbúar í Ási]]
[[Flokkur: Íbúar við Birkihlíð]]


== Myndir  ==
<Gallery>
Mynd:KG-mannamyndir480.jpg
Mynd:KG-mannamyndir804.jpg

</gallery>