Kristinn Magnús Óskarsson

Kristinn Magnús Óskarsson, kennari í Kanada fæddist 23. september 1954 í Eyjum.
Foreldrar hans voru Óskar Magnús Gíslason frá Arnarhóli, skipstjóri, útgerðarmaður, verkstjóri, f. 7. maí 1915, d. 28. febrúar 1991, og kona hans Kristín Jónína Þorsteinsdóttir frá Fagradal, húsfreyja, f. 7. maí 1908, d. 7. febrúar 1999.

Börn Kristínar Jónínu og Óskars.
1. Þorsteinn Óskarsson, f. 10. ágúst 1947 í Fagradal, d. 16. ágúst 1947.
2. Dr. Þorsteinn Kristinn Óskarsson eðlisfræðingur, sérfræðingur, f. 2. janúar 1949 á Faxastíg 2. Kona hans Margrét Brynjólfsdóttir.
3. Gísli Jóhannes Óskarsson kennari, fréttamaður, f. 18. desember 1949 á Faxastíg 2. Kona hans Gíslína Magnúsdóttir.
4. Anna Solveig Óskarsdóttir húsfreyja, hjúkrunarfræðingur, f. 21. desember 1950 á Faxastíg 2. Maður hennar Halldór G. Axelsson.
5. Snorri Óskarsson forstöðumaður, kennari, f. 26. febrúar 1952 á Faxastíg 2. Kona hans Hrefna Brynja Gísladóttir.
6. Kristinn Magnús Óskarsson kennari í Kanada, f. 23. september 1954 á Sjúkrahúsinu. Kona hans Laura Withers.

Kristinn ólst upp hjá foreldrum sínum að Faxastíg 2B.
Hann lauk landsprófi í Gagnfræðaskólanum 1970, stúdentsprófi í Menntaskólanum við Hamrahlíð 1974, BS prófi í líffræði í Háskóla Íslands 1978, kennaraprófi í Simon Fraser University Bresku Kólumbíu Kanada 1988, og meistaraprófi í kennslufræðum í sama skóla 2000.
Kristinn var kennari í Barnaskóla Vestmannaeyja 1974-1975, 1978-79, kennari í Gagnfræðaskólanum í Vestmannaeyjum 1979-1987. Hann var framhaldskólakennari í líffræði og efnafræði í Bresku Kólumbíu Kanada 1989 allt til ársins 2019, er hann fór á eftirlaun.
Kristinn var deildarstjóri raunvísindadeildar Langley Fine Arts School í Fort Langley 1997 -2006.
Á unglingsárunum vann Kristinn hjá Vestmannaeyjabæ við afleysingar sem götusópari, öskukarl, og við vatnsveitu bæjarins. Sumarið 1973 vann Kristinn við að hreinsa kynditæki og skorsteina heimilanna á Heimaey, áður en fólk fluttist aftur til Eyja og við uppgræðslu Vestmannaeyja eftir Gosið.
Kristinn var afleysingarlögreglumaður 1984-1887 og árið 1992.

Þau Laura giftu sig 1981, eignuðust fjögur börn. Þau bjuggu í Lukku á Strembu og í Kanada.

I. Kona Kristins Magnúsar, 1982, er Laura Withers húsfreyja, kennari, f. 10. janúar 1956 í Ocean Falls í Bresku Kólumbíu Kanada.
Börn þeirra:
1. Sigurlína Kr. Kristinsdóttir nú Wiebe, kennari, f. 8. mars 1983. Maður hennar Kris Wiebe bráðamóttökulæknir.
2. Karítas Beverly Kristinsdóttir nú Townsend, hjartahjúkrunarfræðingur, f. 12. maí 1984. Maður hennar Nathan Townsend iðnaðarrafvirki.
3. Berglind Ásta Kristinsdóttir nú Hendrickson, bókaútgáfusérfræðingur, f. 5. nóvember 1985. Maður hennar Benjamin Hendrickson flugumferðarstjóri
4. Deanna Sólveig Kristinsdóttir, grafískur hönnuður, listmálari, f. 3. maí 1988 í Kanada. Sambúðarmaður hennar Aaron Gibson garðyrkjumaður.

---

Heimildir

• Samantekt: Víglundur Þór Þorsteinsson.
• Kristinn.
• Heimaslóð.
• Íslendingabók.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---