Ögmundur Björnsson

From Heimaslóð
Jump to: navigation, search

Ögmundur Björnsson fæddist um 1751 og lézt 16. febrúar 1793.
Líklega er hann sá, sem er bóndi á Hvoli í Mýrdal 1777. Hann mun vera af sömu ætt og Ögmundur Árnason frá Kerlingardal í Mýrdal, faðir Jóns í Stakkagerði og síðar í Dalbæ, og faðir Ögmundar í Landakoti og Arnbjarnar í Presthúsum.

Ögmundur fékk legorðssekt vegna barneigna utan hjónabands í Sólheimaþingum í Mýrdal 1787 og 1789. Börnin munu hafa verið Oddur og Kristín.
Hann fluttist til Eyja frá Landeyjum og drukknaði 16. febrúar 1793 ásamt 6 öðrum.
Úr Djáknaannálum 1793: „10 manna skiptapi í Vestmannaeyjum, en 6 náðust lífs.“

Maki, barnsmóðir: Ingigerður Árnadóttir ljósmóðir, f. um 1764.
Börn þeirra hér:
1. Oddur, f. 1787.
2. Kristín, f. 1789.


Heimildir

  • Upphaflega grein skrifaði Víglundur Þór Þorsteinsson
  • Djáknaannáll.
  • Íslendingabók.is.
  • Ljósmæður á Íslandi. Björg Einarsdóttir og fleiri. Ljósmæðrafélag Íslands. Reykjavík 1984.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.