Nokkrir úr starfsliði Hraunbúða árið 2001. Guðni Pálsson matreiðslumaður frá Þingholti, Fríða Eiríksdóttir, Óþekkt, Sigríður Guðbrandsdóttir, Sigrún Ágústdóttir og Hafdís Daníelsdóttir.

Skemmtikvöld á Hraunbúðum í kringum 1993. Steingerður frá Þingholti, Inda frá Valhöll og Magga frá Hvanneyri.

Harpa Kolbeinsdóttir starfsmaður Hraunbúða í kringum árið 1993 í léttum leik með heimilisfólkinu.

Hraunbúðir, dvalarheimili aldraðra, er staðsett suður af Brimhólum, vestan Illugagötu, í Dalhrauni og var það byggt fyrir gjafafé í kjölfar gossins og var það opnað 22. september 1974. Árið 1994 var ráðist í stækkun á húsinu. Flatarmál hússins er nú 2.491,2 m2. Þar er einnig skrifstofa heimilishjálpar. Stöðugildi eru alls 28 en í húsinu starfa á milli 40 og 50 manns í fullu starfi eða hlutastarfi.

Húsið skiptist í:

• Hjúkrunardeild með 25 rýmum
• Þjónusturými með 14 rýmum
• Dagvistarrými með 10 rýmum

Í húsinu er starfrækt:

• Hjúkrunardeild
• Þjónustudeild (ellideild)
• Dagvistun, eldri borgara utan úr bæ í 10 rýmum, en þá þjónustu nota á bilinu 20 –40 manns mánaðarlega.
• Eldhús. Þar er eldað fyrir alla vistmenn og starfsfólk Hraunbúða, auk dagvistunarfólks. Þá er seldur matur til eldri borgara í bænum sem þess óska svo og stofnana bæjarins.
• Hársnyrting og fótsnyrting fyrir alla vistmenn. Auk þess eldri borgara utan úr bæ sem það vilja.

Forstöðufólk

• Unnur Pálsdóttir 1974-1979
• Sólveig Guðnadóttir

Heimildir