Gunnar Berg Viktorsson
Gunnar Berg Viktorsson er fæddur 27. júlí 1976. Hann er sonur Viktors Helgasonar og Stefaníu Þorsteinsdóttur, dóttur Þorsteins Sigurðssonar á Blátindi. Kona Gunnars er Dagný Skúladóttir og eiga þau einn son, Viktor Berg.
Gunnar Berg spilaði handbolta með ÍBV í öllum yngri flokkum og síðan með meistaraflokki ÍBV og einnig spilaði hann með meistaraflokki Fram. Hefur Gunnar Berg spilað með landsliði Íslands í handbolta en þó ekki náð að vinna sér fast sæti í landsliðinu.
Undanfarin ár hefur Gunnar Berg leikið með Kronau/Östringen í þýsku 1. deildinni en var þar áður hjá Wetzlar í Þýskalandi og Paris í Frakklandi. Í júní 2006 gerðu hann, og Dagný kona hans, sem einnig leikur handbolta, samning við danska handknattleiksfélagið Team Tvis Holstebro um að leika með því á næsta keppnistímabili.
Frekari umfjöllun
Gunnar Berg Viktorsson fjárfestir, framkvæmdastjóri Reykjavík Spirits, fæddist 27. júlí 1976.
Foreldrar hans Viktor Berg Helgason útgerðarmaður, verksmiðjustjóri, knattspyrnuþjálfari, f. 21. júulí 1942, og kona hans Stefanía Þorsteinsdóttir húsfreyja, f. 26. janúar 1944.
Börn Stefaníu og Viktors:
1. Þorsteinn Viktorsson, f. 31. mars 1963.
2. Helgi Berg Viktorsson, f. 16. mars 1967, d. 18. október 2012.
3. Gunnar Berg Viktorsson, f. 27. júlí 1976.
Þau Dagný giftu sig, eignuðust fjögur börn. Þau búa í Garðabæ.
I. Kona Gunnars Bergs er Dagný Skúladóttir úr Rvk, húsfreyja, flugfreyja, f.10. maí 1980. Foreldrar hennar Skúli Guðmundsson, f. 13. mars 1957, og Þórdís Jóna Rúnarsdóttir, f. 18. júlí 1958.
Börn þeirra:
1. Viktor Berg Gunnarsson, f. 17. október 2005.
2. Þórdís Gunnarsdóttir, f. 25. desember 2009.
3. Sylvía Gunnarsdótir, f. 28. júní 2015.
4. Eydís Gunnarsdóttir, f. 4. desember 2018.
Heimildir
- Samantekt: Víglundur Þór Þorsteinsson.
- Gunnar Berg.
- Heimaslóð.
- Íslendingabók.
Þessi grein tilheyrir Æviskrám Eyjafólks eftir Víglund Þór Þorsteinsson.