Lilja Tómasdóttir (Raufarfelli)

From Heimaslóð
Jump to navigation Jump to search

Guðfinna Lilja Tómasdóttir frá Raufarfelli u. Eyjafjöllum, húsfreyja fæddist þar 30. mars 1943.
Foreldrar hennar voru Tómas Guðjónsson bóndi, f. 9. mars 1899 á Raufarfelli, d. 11. maí 1970, og kona hans Jónína Guðný Þorgrímsdóttir húsfreyja, f. 9. mars 1913 í Ysta-Bæli u. Eyjafjöllum, d. 24. nóvember 2002 á Hrafnistu í Hafnarfirði.

Lilja var með foreldrum sínum í æsku.
Hún fluttist til Eyja 1961, starfaði við fiskiðnað.
Þau Óskar giftu sig 1966, eignuðust þrjú börn. Þau bjuggu í fyrstu á Hólagötu 35, síðan á Illugagötu 23. Þau skildu 1981.
Lilja flutti úr Eyjum 1999. Hún býr í Hafnarfirði.

I. Maður Lilju, (21. maí 1966, skildu 1981), var Óskar Sigurjón Einarsson hagræðingarstjóri, framleiðslustjóri, verkstjóri, f. 7. febrúar 1945 á Vestmannabraut 74.
Börn þeirra:
1. Inga Óskarsdóttir húsfreyja, hjúkrunarfræðingur á Landspítalanum, f. 30. september 1966. Maður hennar er Pétur Lúisson frá Selfossi.
2. Hrefna Óskarsdóttir húsfreyja, kennari í Hafnarfirði, síðar starfsmaður Landsbanka Íslands, f. 5. febrúar 1971. Maður hennar er Páll Arnar Erlingsson.
3. Ásta Jóna Óskarsdóttir húsfreyja, sölumaður hjá Iceland Air í Sevilla á Spáni, f. 11. maí 1977. Maður hennar er Manzo Nunes, spænskrar ættar.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.