Svanbjörg Oddsdóttir (kennari)

From Heimaslóð
(Redirected from Svanbjörg Oddsdóttir)
Jump to navigation Jump to search
Svanbjörg Oddsdóttir.

Svanbjörg Oddsdóttir kennari, húsfreyja fæddist 5. október 1951 í Neskaupstað.
Foreldrar hennar voru Oddur Alfreð skólastjóri Gagnfræðaskólans og Iðnskólans í Neskaupstað, síðar Víghólaskóla í Kópavogi, en síðast bókasafnsvörður í Eyjum, f. 23. júlí 1911 á Grund í Svínadal í A-Húnavatnssýslu, d. 26. marz 1983 í Eyjum, Sigurjóns bónda á Rútsstöðum í Svínavatnshreppi þar, f. 7. júní 1891 í Brautarholti í Reykjavík, d. 10. september 1989 á Blönduósi, Oddssonar og barnsmóður Sigurjóns, Ingibjargar verkakonu í Þórðarhúsi í Blönduóshreppi og húsfreyju á Vesturá, f. 31. desember 1882 á Blönduósi, d. 10. október 1955, Jósefs bónda á Hamri í Svínavatnshreppi, Jósefssonar bónda í Hlíð í Norðurárdal, Helgasonar.
Móðir Svanbjargar og kona (13. ágúst 1938) Odds skólastjóra var Magnea Sigríður húsfreyja, matráðskona við barnaskóla í Kópavogi, síðar við Barnaskóla Vestmannaeyja, f. 26. febrúar 1917, d. 1. okt. 2001, Bergvins kennara og verkamanns á Svalbarðseyri við Eyjafjörð, f. 21. júní 1882, d. 11. janúar 1965, Jóhannssonar og konu Bergvins, Sumarrósar húsfreyju, Magnúsar bónda á Efri-Vindheimum á Þelamörk í Eyjafirði, Oddssonar.

Börn Magneu og Odds:
1. Rósa Ingibjörg Oddsdóttir stöðvarstjóri Póstsins í Kópavogi, f. 10. febrúar 1940. Barnsfaðir Guðmundur Bjarnason. Sambúðarmaður hennar Sigurður Sigvaldason.
2. Jóhann Bergvin Oddsson skipstjóri í Eyjum, f. 22. apríl 1943, d. 22. september 2018. Kona hans María Friðriksdóttir.
3. Guðmundur Magnús Oddsson skólastjóri í Kópavogi. Kona hans Sóley Stefánsdóttir, f. 22. apríl 1943.
4. Hrafn Óskar Oddsson stýrimaður í Eyjum, f. 2. nóvember 1945. Sambúðarkona hans Friðrikka Svavarsdóttir.
5. Svanbjörg Oddsdóttir kennari, f. 5. október 1951. Maður hennar Sævaldur Elíasson.
6. Lea Oddsdóttir hjúkrunarfræðingur, hjúkrunarforstjóri, ljósmóðir, f. 27. september 1955. Barnsfaðir hennar Ingi Rúnar Eðvaldsson.

Svanbjörg lauk landsprófi í gagnfræðaskólanum í Kópavogi 1967, kennaraprófi 1972.
Hún kenndi í forföllum í Gagnfræðaskólanum í Eyjum haustið 1972, kennari í Grunnskólunum í Eyjum 1973-1976 og frá 1978-2008, í Smáraskóla í Kópavogi 2008-2014.
Hún vann sumarstörf, m.a. verkakvennavinnu og framreiðslustörf.
Þau Sævaldur giftu sig 1972, eignuðust þrjú börn. Þau bjuggu við Bröttugötu 7 1972, búa við Kleifahraun 12a.

I. Maður Svanbjargar, (30. desember 1972), er Sævaldur Elíasson frá Varmadal, sjómaður, stýrimaður, f. 25. maí 1948.
Börn þeirra:
1. Hörður Sævaldsson kennari, f. 2. október 1972.
2. Hildur Sævaldsdóttir matsveinn, f. 13. apríl 1976.
3. Hrafn Sævaldsson fjármálastjóri, f. 3. maí 1977. Kona hans Helga Björg Garðarsdóttir Björnssonar.


Heimildir

  • Samantekt: Víglundur Þór Þorsteinsson.
  • Íslendingabók.
  • Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
  • Svanbjörg.


Þessi grein tilheyrir Æviskrám Eyjafólks eftir Víglund Þór Þorsteinsson.