Örn Óskarsson (Boðaslóð)

Örn Óskarsson frá Hólnum við Landagötu 18, pípulagningameistari í Rvk, landliðsmaður í knattspyrnu, fæddist 18. febrúar 1953 að Boðaslóð 27og lést 25. nóvember 2025.
Foreldrar hans voru Óskar Ólafsson frá Vestari-Torfastöðum í Fljótshlíð, pípulagningameistari, f. 15. ágúst 1905, d. 23. janúar 1986, og kona hans Kristín Jónsdóttir frá Hafnarnesi í Fáskrúðsfirði, húsfreyja, f. þar 9. nóvember 1911, d. 1. nóvember 1992.

Börn Kristínar og Óskars:
1. Adolf Óskarsson pípulagningameistari, afreksmaður í íþróttum, f. 30. nóvember 1928 á Hólnum við Landagötu 18, síðast í Hafnarfirði, d. 15. desember 2008. Kona hans Ásta Vigfúsdóttir.
2. Jóna Guðlaug Óskarsdóttir húsfreyja í Eyjum, f. 16. febrúar 1930 á Hólnum við Landagötu 18, d. 15. ágúst 2006. Maður hennar Kristleifur Magnússon.
3. Aðalheiður Óskarsdóttir húsfreyja, f. 8. nóvember 1934 á Grímsstöðum, d. 7. júlí 2025. Maður hennar Þorleifur Sigurlásson.
4. Guðmunda Eygló Óskarsdóttir húsfreyja, f. 1. desember 1937 á Hólnum við Landagötu 18. Maður hennar Svavar Steingrímsson.
5. Kristín Ósk Óskarsdóttir húsfreyja, f. 14. október 1940 á Hólnum. Maður hennar Friðbjörn Kristjánsson.
6. Ólafur Óskarsson pípulagningamaður, f. 27. maí 1944 á Hólnum, d. 9. ágúst 1986. Kona hans Harpa Njálsdóttir Andersen.
7. Albína Elísa Óskarsdóttir húsfreyja, fiskverkakona, glerlistarkona, f. 25. júní 1945 á Hólnum, d. 29. júní 2008. Maður Huginn Sveinbjörnsson.
8. Hrefna Óskarsdóttir húsfreyja, f. 30. apríl 1951 á Sj.h. Maður hennar Kristján Ingólfsson.
9. Örn Óskarsson pípulagningameistari í Reykjavík, f. 18. febrúar 1953 að Boðaslóð 27. Kona Hulda Kjærnested.
10. Guðrún Óskarsdóttir húsfreyja, f. 12. nóvember 1957 að Boðaslóð 27. Maður hennar Almar Benedikt Hjarðar.

Örn var með foreldrum sínum í æsku.
Hann lærði pípulagnir og öðlaðist meistararéttindi.
Þau Hulda giftu sig 1976, eignuðust tvö börn. Þau bjuggu í Reykjavík.

I. Kona Arnar, (14. ágúst 1976), er Hulda Guðmunda Kjærnested, húsfreyja, þjónustufulltrúi, deildarstjóri í Landsbankanum, f. 1. janúar 1955. Foreldrar hennar Sverrir Völundur Halldórsson Kjærnested, prentari, f. 1. ágúst 1930, d. 6. janúar 2021, og kona hans Margrét Bjarney Stefánsdóttir, húsfreyja, f. 15. júní 1931 á Fagrafelli við Hvítingaveg 5.
Börn þeirra:
1. Margrét Arnardóttir, f. 2. október 1974.
2. Sara Kristín Arnardóttir, f. 12. september 1984.

---

Heimildir

• Samantekt: Víglundur Þór Þorsteinsson.
• Íslendingabók.
• Valdaætt. Niðjatal Valda Ketilssonar bónda á Sauðhúsvöllum undir Eyjafjöllum og k.h. Katrínar Þórðardóttur. Magnea Árnadóttir. Handrit 1992.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---