Róbert Marshall

Róbert Marshall.

Róbert Marshall er fæddur 31. maí 1971. Móðir hans er Fríða Eiríksdóttir og fósturfaðir hans er Jóhann F. Friðriksson, búsett á Hásteinsvegi. Bróðir Róbers er Tómas Marshall. Kona Róberts er Brynhildur Ólafsdóttir fréttamaður og eiga þau tvö börn saman. Áður eignaðist Róbert þrjú börn með fyrrverandi konu sinni, Sigrúnu Elsu Smáradóttur.

Róbert var ungur að árum þegar hann hóf störf við fjölmiðlun. Róbert vann lengi sem fréttamaður á Stöð 2 en sagði af sér þegar í ljós kom að frétt sem hann hafði unnið um Íraksstríðið innihélt rangfærslur. Róbert var einnig formaður blaðamannafélags Íslands. Róbert starfar í dag sem forstöðumaður 365 ljósvakamiðla.

Árið 2003 leiddi Róbert brekkusönginn á Þjóðhátíð í fjarveru Árna Johnsen og fórst honum það vel úr hendi.

Haustið 2006 tók Róbert þátt í prófkjöri Samfylkingarinnar í suðurkjördæmi, þar sem hann tryggði sér þriðja sætið nokkuð örugglega. Það sæti dugði honum þó ekki til að ná á Alþingi í alþingiskosningunum 2007, en hann er varaþingmaður.

Í júní 2007 var Róbert ráðinn aðstoðarmaður samgönguráðherra, Kristjáns Möller.

Frekari umfjöllun

Róbert Marshall fæddist 31. maí 1971.
Foreldrar hans Fríða Eiríksdóttir húsfreyja, starfsmaður Hraunbúða, f. 14. október 1947, og maður hennar Anthony Marshall, f. 28. apríl 1943. Stjúpfaðir hans Jóhann F. Friðriksson f. 29. september 1939.
Börn Fríðu:
1. Anna Lilja Antonsdóttir Marshall, f. 24. apríl 1968.
2. Róbert Marshall fjölmiðlamaður, m.m., f. 31. maí 1971. Kona hans Brynhildur Ólafsdóttir.
3. Tómas Marshall sjómaður, kvikmyndatökumaður, 16. maí 1974. Kona hans Bryndís Hrönn Gunnarsdóttir.

Róbert var fiskvinnslumaður, netagerðarmaður, sjómaður, blaðamaður á Vikublaðinu mannlífi og Degi-Tímanum 1994–1998, fréttamaður á Stöð 2 1998–2005, forstöðumaður fréttasviðs 365 miðla 2005–2006, aðstoðarmaður samgönguráðherra 2007–2009.
Hann var formaður Verðandi, landssamtaka ungra alþýðubandalagsmanna, 1995–1997, sat í stjórn Grósku, samtaka félagshyggjufólks um sameiningu jafnaðarmanna, 1997–1998, var formaður Blaðamannafélags Íslands 2003–2005, í Þingvallanefnd 2013–2017.
Hann var alþingismaður Suðurkjördæmis 2009–2013 (Samfylkingin, utan flokka), alþingismaður Reykjavíkurkjördæmis suður 2013–2016 (Björt framtíð), varaþingmaður Suðurkjördæmis október–nóvember 2007, október–nóvember 2008 (Samfylkingin).
Hann var formaður þingflokks Bjartrar framtíðar 2013–2015.
Róbert sat í allsherjarnefnd 2009–2011,formaður 2010–2011, samgöngunefnd 2009–2011, sjávarútvegs- og landbúnaðarnefnd 2009–2011, umhverfisnefnd 2010, þingskapanefnd 2011, stjórnskipunar- og eftirlitsnefnd 2011–2013, umhverfis- og samgöngunefnd 2011–2013 og 2013–2016, var í Íslandsdeild þings Öryggis- og samvinnustofnunar Evrópu 2009–2013 (formaður), Íslandsdeild Norðurlandaráðs 2013–2016.

Þau Sigrún Elsa giftu sig, eignuðust tvö börn. Þau skildu.
Þau Brynhildur giftu sig, eignuðust tvö börn og hún eignaðist barn áður.

I. Fyrrum kona Róberts er Sigrún Elsa Smáradóttir matvæla- og viðskiptafræðingur, borgarfulltrúi, f. 27. nóvember 1972.
Foreldrar hennar Smári Eyfjörð Grímsson og Ragnheiður Brynjúlfsdóttir, f. 22. febrúar 1952, d. 4. júlí 2011.
Börn þeirra:
1. Smári Rúnar Róbertsson, f. 6. janúar 1992.
2. Ragnheiður Anna Róbertsdóttir, f. 9. desember 1994.

II. Kona Róberts er Brynhildur Kristín Ólafsdóttir húsfreyja, forstöðumaður kynningarsviðs Saga Capital, fjárfestingarbanka., f. 18. júní 1967. Foreldrar hennar Ólafur Kristján Guðmundsson, f. 12. júlí 1946, og Guðlaug Erla Pétursdóttir, f. 8. júlí 1947, d. 18. júlí 2019.
Börn þeirra:
3. Lára Róbertsdóttir, f. 25. desember 2003.
4. Ólafur Róbertsson, f. 4. júní 2006.
Barn Brynhildar:
5. Þorgerður Þórólfsdóttir, f.16. apríl 2000.

---

Heimildir

• Samantekt: Víglundur Þór Þorsteinsson.
• Heimaslóð.
• Íslendingabók.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---