Páll Helgason (ferðamálafrömuður)

Páll Helgason, ferðamálafrömuður fæddist 14. júní 1933. Hann var í Bændaskólanum á Hólum, sá um kúabúið í Hábæ um árabil, síðan vann hann við fyrirtæki föður síns, sá um verslunarrekstur og fleira, var frumkvöðull í ferðaþjónustumálum í Eyjum. Hann, ásamt Sigtryggi bróður sínum, unnu að því að bjarga bátnum Blátindi.
Foreldrar hans voru Helgi Benediktsson athafnamaður, kaupmaður, útgerðarmaður, hótelrekandi, f. 3. desember 1899, d. 8. apríl 1971, og kona hans Guðrún Stefánsdóttir frá Skuld, húsfreyja, f. 30. júní 1908, d. 13. ágúst 2009.

Börn Guðrúnar og Helga:
1. Stefán Helgason útgerðarstjóri, f. 16. maí 1929, d. 30. apríl 2000.
2. Sigtryggur Helgason viðskiptafræðingur, framkvæmdastjóri, forstjóri í Reykjavík, f. 5. september 1930, d. 14. september 2012.
3. Guðmundur Helgason útvarpsvirki, f. 12. maí 1932, d. 15. maí 1953.
4. Páll Helgason ferðamálafrömuður, f. 14. júní 1933.
5. Helgi Helgason, f. 31. október 1938, d. 28. ágúst 1960.
6. Guðrún Helgadóttir húsfreyja, f. 16. febrúar 1943, d. 9. júlí 2022.
7. Arnþór Helgason framkvæmdastjóri, tónlistarmaður, rithöfundur, vináttusendiherra, f. 5. apríl 1952.
8. Gísli Helgason tónlistarmaður, hljóðmeistari, þáttagerðarmaður, f. 5. apríl 1952.

Þau Bryndís giftu sig, eignuðust fjögur börn. Hún lést 1987.
Þau Wandee giftu sig, hafa ekki eignast börn saman. Þau búa í Thailandi.

I. Kona Páls var Eva Bryndís Karlsdóttir húsfreyja, hótelstjóri, f. 12. maí 1935, d. 28. apríl 1987. Foreldrar hennar Karl Kristjánsson, f. 28. júlí 1900, d. 21. ágúst 1958, og Stefanía María Jónsdóttir, f. 16. nóvember 1901, d. 17. apríl 1987.
Börn þeirra:
1. Guðmundur Muggur Pálsson, f. 20. júní 1954.
2. Ástþór Rafn Pálsson, f. 26. október 1957.
3. Páll Pálsson, f. 25. febrúar 1966.
4. Karl Pálsson, f. 29. mars 1968.

II. Kona Páls er Wandee Kudpo, f. 31. desember 1960.

---

Heimildir

• Samantekt: Víglundur Þór Þorsteinsson.
• Gísli.
• Heimaslóð.
• Íslendingabók.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---